16.11.2012 နေ့ဖတ်ရန်သတင်းများ

by Myanmar Journal on Thursday, November 15, 2012 at 10:45pm ·

တရုတ်ကွန်မြူနစ်ပါတီ ပေါလစ်ဗြူရို ကော်မီတီဝင်အမည် ကြေညာ

ရှီကျင်ပင်းကို တရုတ်ကွန်မြူနစ် ပါတီရဲ့ ပေါလစ်ဗြူရို အမြဲတမ်း ကော်မီတီ အထွေထွေ အတွင်းရေးမှူးခန့်

တရုတ်နိုင်ငံမှာ အရေးပါတဲ့ ဆုံးဖြတ်ချက်တွေ ချနိုင်စွမ်းရှိတဲ့ ကွန်မြူနစ်ပါတီ ပေါလစ်ဗြူရို အမြဲတမ်းကော်မီတီ အဖွဲ့ဝင်ရဲ့ အမည်စာရင်းကို ဒီကနေ့ ကြာသပတေးနေ့မှာ တရားဝင် ထုတ်ဖေါ် ကြေညာလိုက်ပါပြီ။

ပေါလစ်ဗြူရို အမြဲတမ်းကော်မီတီ အဖွဲ့ရဲ့ အမြင့်ဆုံး ခေါင်းဆောင် ဖြစ်တဲ့ အထွေထွေ အတွင်းရေးမှူး ရာထူးကိုတော့ အစောကတည်းက တစ်ပြေးနေတဲ့ ရှီကျင်ပင်း ကို ရွေးချယ် အတည်ပြုလိုက်ပါတယ်။

သူ့ရဲ့ ပထမဆုံး နိုင်ငံတော် မိန့်ခွန်းထဲမှာ ရှီကျင်းပင်းက တရုတ်ပြည်သူတွေအနေနဲ့ ပညာရေး၊လူမှုရေး၊ ကျန်းမာရေး စနစ်တွေ ပိုကောင်းလာတာကို လိုလားနေပြီး စိတ်ချရတဲ့ အလုပ်အကိုင် ၊ ပိုကောင်းတဲ့ ဝင်ငွေတွေ ရဖို့ နဲ့ အခုထက်ပို သက်တောင့် သက်သာ ရှိတဲ့ နေထိုင်မှု ဘဝ ပတ်ဝန်းကျင်ကို တောင့်တ မျှော်လင့်နေကြကြောင်း၊ တရုတ် ကွန်မြူနစ် ပါတီအနေနဲ့ အဂတိ လိုက်စားမှု ၊ အောက်ခြေလူထုနဲ့ ကင်းကွာနေမှု စတဲ့ ပြဿနာ အခက်အခဲတွေကို ဖြေရှင်း ဆောင်ရွက်ဖို့ လိုကြောင်း ပြောသွားပါတယ်။

ဒီလို လုပ်ဖို့အတွက် ပိုကောင်းမွန်တဲ့ ပါတီစည်းမျဉ်း ဥပဒေတွေ ချမှတ်ဖို့ လိုပြီး ပါတီ တခုလုံးအနေနဲ့ နိုးနိုးကြားကြား ရှိရမှာ ဖြစ်တယ်လို့လည်း ရှီကျင်ပင်းက ပြောသွား ပါတယ်။

အခုထုတ်ဖေါ်ကြေညာလိုက်တဲ့ ကော်မီတီအဖွဲ့ဝင် တွေအားလုံးဟာ မီဒီယာတွေမှာ ထင်ကြေးပေး မှန်းထားသူတွေ ဖြစ်တာမို့ သိပ်မအံ့သြခဲ့ကြပါဘူး။

ကော်မီတီဝင် အရေအတွက်ကိုတော့ အရင်ကလို ၉ဦးမထားတော့ပဲ ၇ဦးနဲ့ပဲ လျှော့ချ ဖွဲ့စည်းခဲ့ပါတယ်။

အဲဒီ ကော်မီဝင်သစ် ၇ဦးထဲက အနည်းဆုံး ၄ဦးလောက်ဟာ အသက် ၈၆နှစ်အရွယ်ရှိနေပြီ ဖြစ်တဲ့ ခေါင်းဆောင်ဟောင်း ဂျန်ဇီမင်းနဲ့ နီးကပ်သူတွေ ဖြစ်တာမို့ သူ့ရဲ့ လွှမ်းမိုး အရေးပါမှုက ရှိနေဆဲ ဆိုတာ မှန်းလို့ ရပါတယ်။

ဒါပေမယ့် မကြာခင် ရာထူးသက်တမ်း ကုန်ဆုံးတော့မယ့် သမ္မတ ဟူဂျင်တောင်း နဲ့ နီးစပ်သူ ၃ဦးဖြစ်တဲ့ လီယွန်ချောင်၊ လီယူ ယွန်ဒေါင်းနဲ့ ဝဲန်ယန်းတို့ကတော့ အခု ကော်မီတီသစ်ထဲမှာ ပါမလာတော့တာ တွေ့ရပါတယ်။

ဟူဂျင်တောင်းဟာ သမ္မတ သက်တမ်း အပြီးမှာ ဗဟို စစ်ရေး ကော်မရှင် အဖွဲ့ ဥက္ကဌ အဖြစ်လည်း ဆက်တာဝန်ယူတော့မှာ မဟုတ်လို့ သူ့အနေနဲ့ နိုင်ငံရေး လောကကနေ လုံးဝ အနားယူသွားမယ့် ပုံမျိုး ရှိနေပါတယ်။

အခု အသစ်ဖွဲ့စည်းလိုက်တဲ့ ခေါင်းဆောင်ပိုင်းသစ်ဟာ နိုင်ငံရေးအရ ရှေးရိုးစွဲ ဝါဒီတွေ ပဲ ဖြစ်နေတာကို ကြည့်ခြင်းအားဖြင့် တရုတ်နိုင်ငံမှာ နိုင်ငံရေးအရ ပြုပြင်ပြောင်းလဲမှုတွေ ရှိလာမယ့် ပုံမျိုး မတွေ့ရဘူးလို့ အများက သုံးသပ်နေကြပါတယ်။

ဝေးခဲ့ပြီ ပန်းခရမ်းပြာ ရေ...

အခုတော့ ဝေးခဲ့ပြီဆိုတဲ့ ပန်းခရမ်းပြာ တေးသံ လေးကို သူ့ကိုချစ်သူတိုင်း တမ်းတ ကြားယောင်နေမိမယ်

ကဗျာဆန်ဆန် သီချင်းလေး တွေနဲ့ လူငယ်တွေ ရဲ့ ရင်ခုန်သံကို ဖမ်းစားနိုင် ခဲ့တဲ့ မဇ္ဈိမလှိုင်း ဂီတ အဖွဲ့ ပင်တိုင် အဆိုတော် ခင်မောင်တိုး ဟာ နိုဝင်ဘာ ၁၅ ရက်နေ့ မနက် ပိုင်းက စင်ကာပူ နိုင်ငံမှာ ကွယ်လွန်သွားပြီ ဖြစ်ပါတယ်။

ခင်မင်သူတွေက ကိုတိုးကြီးလို့ ခေါ်ဆိုတဲ့ နိုင်ငံကျော် တေးသံရှင် ခင်မောင်တိုးဟာ အသည်း ကင်ဆာ ခံစားနေခဲ့ရတဲ့ အတွက် စင်ကာပူမှာ ဆေးရုံ တက်ရောက် ဆေးကုသမှု ခံနေရင်း ကွယ်လွန်သွားတာ ဖြစ်ပါတယ်။

သီချင်းစီးရီးပေါင်း ၃၀ ကျော် ထုတ်ဝေခဲ့ပြီး ၁၉၇၃ ခုနှစ် ဝန်းကျင်လောက်မှာ ပထမဆုံး ထုတ်ဝေခဲ့တဲ့ စီးရီးကတော့ ကျေးဇူးတင်ပါတယ် ကမ္ဘာကြီးရယ် ခွေ ဖြစ်ပါတယ်။

အင်ယား ကန်ရေပြင်ပေါ်က ပန်းလေးတွေကို တင်စား စပ်ဆိုခဲ့တဲ့ ဝေးခဲ့ပြီး ပန်းခရမ်းပြာ ဆိုတဲ့ သီချင်းလေး ကတော့ တက္ကသိုလ် ကျောင်းသား ဘဝ ရင်ခုန် သံတွေကို ဖမ်းစားနိုင်ခဲ့တဲ့ သီချင်းတပုဒ်ဖြစ် ကျန်ရစ်ခဲ့မှာ ဖြစ်ပါတယ်။

နောက်ဆုံး စီးရီး ကတော့ သည်းဦးသစ္စာ ဖြစ်ပြီး၊ သူ ထွက်ခဲ့ သမျှ စီးရီးတွေထဲမှာ ၁၉၈၅ ခုနှစ်က ထွက်ရှိခဲ့တဲ့ မဟာဆန်သူ စီရီးကတော့ အကျော်ကြားဆုံး ဖြစ်ခဲ့ပါတယ်။

စက်မှုတက္ကသိုလ် ကျောင်းသားလည်း ဖြစ်ခဲ့တဲ့ ကိုတိုးကြီး၊ အနုပညာလောက ကနေ အခုလို စောစော စီးစီး ထွက်ခွာသွားတာဟာ၊ လမ်းပြကြယ်ကြီး တပွင့် ကြွေလွင့် ဆုံးရှုံး သွားခဲ့ရတာ ဖြစ်တယ်လို့ သူ့ရဲ့ သီချင်းဆိုဘက် သားထွေးက ပြောပါတယ်။

ကြွင်းကျန်ရစ်တဲ့ သူရဲ့ ရုပ်အလောင်းကို အဲဒီနေ့ ညနေပိုင်းမှာပဲ စင်ကာပူနိုင်ငံ မွန်ဒိုင်း သုသာန်မှာ သင်္ဂြိဟ် လိုက်ပြီ ဖြစ်ပါတယ်။

သူကွယ်လွန် ချိန်မှာ အသက် ၆၃ နှစ်ရှိပြီ ဖြစ်ပြီး၊ ဇနီးဖြစ်သူနဲ့ သားသမီး သုံးယောက် ကျန်ရစ်ခဲ့ ပါတယ်။

လွတ်မြောက် အကျဉ်းသားတွေထဲ နိုင်ငံရေး အကျဉ်းသား မပါ

လွတ်မြောက် အကျဉ်းသား တွေကို အင်းစိန် ထောင် ရှေ့မှာ မိသားစုတွေ စောင့်ကြို

နိုင်ငံတော် သမ္မတရဲ့ လွတ်ငြိမ်း ချမ်းသာခွင့် အမိန့် အရ မြန်မာ နိုင်ငံ အကျဉ်းထောင် အသီး သီးကနေ အကျဉ်းသား ၄၅၂ ယောက်ကို ကြာသပတေးနေ့က ပြန်လွှတ် ပေးလိုက် ပါတယ်။

ပြန်လွှတ် ပေးလိုက်သူတွေ ထဲမှာ နိုင်ငံရေး အကျဉ်းသား တစ်ယောက်မှ မပါ သေးဘူးလို့ အကျဉ်းသားတွေ လွတ်မြောက်ရေး လှုပ်ရှားသူ တွေက ပြောကြ ပါတယ်။

လွှတ်ပေးသူတွေထဲမှာ ယုံကြည်ချက်ကြောင့် အကျဉ်းကျခံ နေရသူတွေ နိုင်ငံရေး အကျဉ်းသားတွေ ပါ မပါ ဆိုတာနဲ့ ပတ်သက်ပြီး အကျဉ်းဦးစီးဌာန ညွှန်ကြားရေးမှူးချုပ် ဦးဇော်ဝင်းကို မေးကြည့်တော့ ဒီလို အသုံး အနှုန်းမျိုး သူတို့မှာ မရှိဘူး လို့ ပြောပြီး အကျဉ်းသားတွေကို သူတို့ ကျူးလွန်တဲ့ ပြစ်မှု၊ စွပ်စွဲခံရတဲ့ ပုဒ်မ တို့နဲ့သာ ခွဲခြားတယ်လို့ ပြောပါတယ်။

HRDP လူ့အခွင့် အရေး ကာကွယ် မြှင့်တင်ရေး ကွန်ယက်က ဦးမြင့်အေး လည်း ပြန်လွတ်လာသူတွေထဲ မပါ သေးဘူးလို့ သူက ပြောပါတယ်။

နိုဝင်ဘာလ ၁၅ ရက် တစ်ရက်ထဲ အကျဉ်းသား လေးရာကျော် စလုံးကို ပြန်လွှတ်ပေးတာ လို့ အကျဉ်း ဦးစီးဌာနက ပြောပါတယ်။

အကျဉ်းသား တွေကို အခု ချိန်မှာ လွှတ်ပေးတာနဲ့ ပတ်သက်လို့ ဝေဖန်သုံးသပ်မှုတွေ အမျိုးမျိုး ပေါ်ထွက် နေရာမှာ တချို့က အမေရိကန် သမ္မတ တစ်ယောက်ရဲ့ သမိုင်းဝင် ခရီးစဉ် အဖြစ် သမ္မတ အိုဘားမား မြန်မာ နိုင်ငံကို မလာခင် ရက်ပိုင်း အလိုမှာ လွှတ်ပေး တာလို့ ပြောနေကြ သလို တချို့ ကတော့ အာဆီယံ ထိပ်သီး ဆွေးနွေးပွဲ နီးလာရင် လွှတ်နေကျ အတိုင်း မကြာခင် ကျင်းပဖို့ ရှိတဲ့ အာဆီယံ ထိပ်သီး ဆွေးနွေးပွဲ မတိုင်ခင် လွှတ်တာ လို့လည်း ပြောနေကြပါတယ်။

သမ္မတရုံး ညွှန်ကြားရေးမှူး ဦးဇော်ဌေး ကတော့ သမ္မတ ဦးသိန်းစိန်ဟာ သူ့ရဲ့ အခွင့် အာဏာ အရ လုပ်ပိုင်ခွင့် ကို အသုံးချပြီး လွှတ်ပေး သင့်တဲ့ အချိန်မှာ လွှတ်ပေးတာ ဖြစ်တယ်လို့ ပြော ပါတယ်။

ပြန်လွတ် လာမယ့်သူတွေကို မျှော်လင့်ပြီး အကျဉ်းထောင်တွေ ရှေ့မှာ အကျဉ်းသား မိသားစုတွေကို စောင့်ကြို ခဲ့ကြတာ တွေလည်း ရှိပါတယ်။

မျှော်လင့် နေကြပေမဲ့ ပြန်လွတ် မလာတော့လည်း စိတ်ပျက်ရုံကလွဲပြီး ဘာမှ မတတ်နိုင်ဘူးလို့ နိုင်ငံရေး အကျဉ်းသား မိသားစုတွေ ကပြောကြ ပါတယ်။

နိုင်ငံရေး အကျဉ်းသားတွေ လွတ်မြောက်ရေး တောင်းဆို နေတဲ့ ထိုင်း နိုင်ငံ အခြေစိုက် နိုင်ငံရေး အကျဉ်းသားများ ကူညီ စောင့်ရှောက်ရေး အဖွဲ့ အတွင်းရေးမှူးကိုဘို ကြည်ကတော့ သမ္မတ အနေနဲ့ သဘောထား ပြောင်လဲဖို့ လိုအပ် တယ်လို့ ပြော ပါတယ်။

အခု ပြန်လွှတ် ပေးလိုက်သူတွေ ထဲမှာ နိုင်ငံခြားသားတွေ၊ သက်ကြီး ရွယ်အိုတွေ နဲ့ ကျန်မာရေး ချို့တဲ့ သူတွေ ပါဝင် ပါတယ်။

ခုလွတ်လာသူတွေအများစုဟာတပ်မတော်ဝန်ထမ်းတွေ နိုင်ငံခြာသာတွေနဲ့ ဒုစရိုက်သမား တွေ ပါဝင်တယ်လို့သိရပါတယ်ခင်ဗျာ                      

အစ္စရေးဘက်က အရံတပ်သားတွေကို ဆင့်ခေါ်

ဂါဇာကနေ ဒုံးလက်နက်နဲ့တိုက်ခိုက်

ဂါဇာဒေသနေ ပါလက်စတိုင်းတွေပစ်တဲ့ ရော့ကက်တွေဟာ နယ်စပ်ကနေ အတွင်းကို မိုင်ပေါင်း ၄၀ကျော် ၅၀နီးပါး ရောက်ပါတယ်။

ဒါဟာ ပါလက်စတိုင်းတို့ ပစ်တဲ့ဒုံးလက်နက် အဝေးဆုံး ရောက်တဲ့ အကွာအဝေး ဖြစ်ပါတယ်။

၁၉၉၁ ခုနှစ် ပင်လယ်ကွေ့စစ်ပွဲ နောက်ပိုင်း အစ္စရေးရဲ့ လူဦးရေ ထူထပ်တဲ့ နေရာကို ရော့ကက်နဲ့ ခြိမ်းခြောက် အပစ်ခံရတာ အခုအချိန်ဟာ ပထမဆုံးအကြိမ် ဖြစ်ပါတယ်။

တဲလ်အဗစ်မြို့ကို သူတို့ Fajr 5 ဆိုတဲ့ ဒုံးလက်နက် ပစ်တာလို့ ပါလက်စတိုင်း အစွန်းရောက် အစ္စလာမ်မစ် ဂျီဟတ်အဖွဲ့ကပြောပါတယ်။

အခု အီရန်ကရတဲ့ ဒီဒုံးလက်နက် တွေဟာ မိုင်၅၀လောက် အကွာအဝေးထိ အများဆုံး ပစ်နိုင်တဲ့ လက်နက် ဖြစ်ပါတယ်။

အစ္စရေးကတော့ဒီFajr 5 ဒုံလက်နက်တွေ ဖွက်ထားတဲ့ နေရာ အများအပြား ဖျက်ဆီးနိုင်တယ်လို့ ပြောနေပါတယ်။

အခုလို တယ်လ်အဗစ်ကို ပစ်မှတ်ထား တိုက်ခိုက် တာဟာ အစ္စရေး ဘက်က မြေပြင်မှာ ပိုပြီး အပြင်းအထန် တိုက်လာဖို့ လမ်းဖွင့်လိုက် သလို ဖြစ်ပြီး အစ္စရေးက အရန်တပ်ဖွဲ့ သုံးသောင်းကို ဆင့်ခေါ်လိုက်ပါပြီ။

အစ္စရေးအရာရှိတွေကတော့ ဘာဆက်လုပ်မလဲဆိုတာပြောဖို့ငြင်းဆန်လိုက်ပြီး ရွေးစရာလမ်းတွေ အားလုံး ဖြစ်နိုင်ချေ ရှိတယ်လို့ပြောနေကြပါတယ်။း

အိုဘားမားနဲ့ မြန်မာ့ ဒီမိုခရီး

အိုဘားမားကို ဒီမိုကရေစီ အတွက် မျှော်လင့်ကြ

သမ္မတ အိုဘားမားရဲ့ အလည်ခရီးက စိန်ခေါ်မှု တွေကြားက မြန်မာ့ ဒီမိုကရေစီ ရေးကို အရှိန် မြှင့်ပေးနိုင်မယ်လို့ အိမ်ဖြူတော်က ထုတ်ပြန် ခဲ့ပါတယ်။

ပြုပြင်ရေး လမ်းကြောင်းပေါ်က မြန်မာ အစိုးရကို အမေရိကန် သမ္မတက အားပေး တုံ့ပြန်ဖို့ အရေးကြီး တယ်လို့ အမေရိကန် အမျိုးသား လုံခြုံရေး အကြံပေး တွမ် Donilon က ပြောပါတယ်။

အိုဘားမား ခရီးစဉ်မှာ ရိုဟင်ဂျာ အရေး ကိုင်တွယ်ပုံ တိုးတက်အောင် မြန်မာ အစိုးရကို ဖိအားပေး တိုက်တွန်း လိမ့်မယ်လို့လဲ သူက ဆိုပါတယ်။

မြန်မာပြည် တံခါးဖွင့် ပြောင်းလဲမှု အကျိုး ရလဒ် တွေကို မြောက်ကိုရီးယား အနေနဲ့ အတုယူ သင့်ကြောင်းလဲ မစ္စတာ Donilon က ပြောကြား ပါတယ်။

ဒါပေမဲ့ အိုဘားမား မလာခင် ရက်ပိုင်း အတွင်း အကျဉ်းသား ၄၅ဝ ကျော် မြန်မာ အစိုးရ ပြန်လွှတ် ပေးရာမှာ နိုင်ငံရေး အကျဉ်းသား တွေ ပါမလာဘူးလို့ စောင့်ကြည့် နေတဲ့ အုပ်စု တွေနဲ့ မိသားစု တွေက ပြောပါတယ်။

အကျဉ်းသား လွတ်မြောက်ရေး လှုံ့ဆော် နေသူ များ ကလဲ မြန်မာ အစိုးရ က နိုင်ငံရေး ကစား နေတာလို့ စွပ်စွဲ နေကြပါတယ်။

တရုတ်ခေါင်းဆောင်သစ် ရာထူး Xi Jinping ကို ပေးအပ်

 New Communist Party General Secretary Xi Jinping

ဗဟိုစစ်ကော်မရှင်ရဲ့ ဥက္ကဌလည်းဖြစ်၊ တရုတ်ကွန်မြူနစ်ပါတီရဲ့ အထွေအထွေအတွင်းရေးမှူးအဖြစ် တရုတ်ခေါင်းဆောင်သစ် နေရာရာထူးကို Xi Jinping ကို ပေးအပ်လိုက်ပါပြီ။ ဒုသမ္မတ မစ္စတာ Xi ဟာ ရာထူးကနေ အနားယူတော့မယ့် သမ္မတ Hu Jintao ပြီးရင် ပါတီရဲ့ခေါင်းဆောင် ရာထူးကို ဆက်ခံမဲ့သူဖြစ်တယ်ဆိုတာကိုတော့  အချိန်အတော်ကြာကြာ ကတည်းက မျှော်လင့်ထားပြီးဖြစ်ပါတယ်။ ပြီးခဲ့တဲ့ ဗုဒ္ဓဟူးနေ့ကတော့ ဘေဂျင်းမြို့တော်ရဲ့ ပြည်သူ့ ခန်းမထက်က ကော်ဇော်နီပေါ်မှာ မစ္စတာ Xi ဟာ တရုတ်ခေါင်းဆောင်သစ် ခြောက်ယောက်နဲ့အတူ လျောက်လှမ်းခဲ့ပါတယ်။

လာမယ့်မတ်လမှာ သမ္မတရာထူးကို လက်ခံယူမှာဖြစ်တဲ့ မစ္စတာ Xi ဟာ နိုင်ငံပိုင်ရုပ်မြင်သံကြားကနေ တိုင်းပြည်ကိုပြောတဲ့မိန့်ခွန်းမှာတော့ တရုတ်ခေါင်းဆောင်သစ်အနေနဲ့ အလွန်ကြီးမားတဲ့ တာဝန်ယူမှုတွေနဲ့ရင်ဆိုင်ရမှာဖြစ်ပေမယ့် ၁.၃ ဘီလျံသော တရုတ်ပြည်သူလူထုအတွက် ကောင်းမွန်တဲ့ လူနေမှုဘဝတွေအတွက်  တိုက်ပွဲဝင်သွားမှာဖြစ်တယ်လို့ မိန့်ခွန်းပြောခဲ့ပါတယ်။

တော်လှန်ရေးခေါင်းဆောင်တဦးရဲ့သားဖြစ်သူ အသက်၅၉နှစ်အရွယ် ခေါင်းဆောင်သစ်ဟာ စိးပွားရေးဖွံ့ဖြိုးမှုနှေးကွေးနေတာတွေ နောက် ပြည်သူတွေ အမျက်ထွက်နေတဲ့ အစိုးရပိုင်းက အကျင့်ပျက်လာဘ်စားမှုတွေစတဲ့ စိန်ခေါ်မှုတွေနဲ့ရင်ဆိုင်နေရတဲ့ ကမ္ဘာ့ဒုတိယအကြီးမားဆုံး စီးပွားရေးလုပ်ငန်းတွေလုပ်ကိုင်ရာ တရုတ်နိုင်ငံကို ဦးဆောင်မှုပေးရတော့မှာဖြစ်ပါတယ်။

လွှတ်တဲ့အထဲ နိုင်ငံရေး အကျဉ်းသားတွေ မတွေ့ရသေး

 အင်းစိန်အကျဉ်းထောင်မှ လွတ်ငြိမ်းချမ်းသာခွင့်နဲ့ အကျဉ်းသားများ လွတ်မြောက်လာစဉ်။ ( နိုဝင်ဘာ ၁၅၊ ၂၀၁၂)။

ဒီကနေ့ မနက်ပိုင်းမှာ အစိုးရရဲ့ လွတ်ငြိမ်းချမ်းသာခွင့်နဲ့ မြန်မာနိုင်ငံမှာ အကျဉ်းသား ၄၅၂ ဦး ပြန်လွတ်ပေးလိုက်တဲ့အထဲမှာ နိုင်ငံရေးအကျဉ်းသားတဦးတလေမှ ပါဝင်ခြင်းမရှိဘူးလို့ ဆိုပါတယ်။ ထိုင်းနိုင်ငံအခြေစိုက် VOA သတင်းထောက် မအေးအေးမာက သတင်းပေးပို့ထားပါတယ် ။

မြန်မာနိုင်ငံ အကျဉ်းထောင် အသီးသီးကပြန်လွတ်လာတဲ့အထဲမှာ ညနေပိုင်း အထိ နိုင်ငံတကာက တောင်းဆိုနေတဲ့ နိုင်ငံရေးအကျဉ်းသားတွေပါဝင်ခြင်းမရှိသေးဘူး လို့ ရန်ကုန်မြို့မှာ အခြေစိုက်ထားတဲ့ နိုင်ငံရေးအကျဉ်းသားဟောင်းများအဖွဲ့က တာဝန်ရှိသူတဦးဖြစ်တဲ့ ကိုဘမျိုးသိန်းကပြောပါတယ်။

"သူတို့ပြောတာကတော့ ၄၅၂ယောက် လွှတ်ပေးမယ်ပြောတယ်။ လောလောဆယ် ကျနော် စာရင်းရထားတာက ၁၅၀တောင် မရောက်သေးဘူးပေါ့။ ကျနော်တို့စာရင်းရထားတာ ၁၁ထောင် ၁၂ထောင်လောက်ရှိပါပြီ။ နိုင်ငံရေးအကျဉ်းသားမပါသေးပါဘူး။

သရက် ၇ယောက်၊ သာယာဝတီ ၄ယောက်၊ မြင်းခြံ ၁ယောက်၊ တောင်ငူ ၉ယောက်၊ လွိုင်ကော် ၅ယောက်၊ မော်လမြိုင် ၁၀ယောက်၊ သာယာဝတီ ၄ယောက်၊ အင်းစိန်က လက်ရှိ ကျနော် နောက်ဆုံးကြားတာက ၄၃ယောက်၊ မန္တလေးက နည်းနည်းမငြိမ်သေးဘူး။ ၃၅ယောက်ကြားတယ်။ ၂၆ယောက်ကြားတယ်။ သူတို့လွှတ်တာတွေက လွတ်ခါနီး ခြောက်လအတွင်း လူတွေကို လွှတ်ပေးတယ်။ အဲ့ဒီ့အထဲမှာ များသောအားဖြင့် ပါတာက ပုဒ်မ ၆၅၊ ၆၅ဆိုတာက စစ်စည်းကမ်းဖောက်ဖျက်ပေါ့။ စစ်တပ်က စစ်စည်းကမ်းဖောက်ဖျက်တဲ့သူတွေပါတယ်။ မူးယစ်ရမ်းကားတို့ကအစပေါ့လေ။ မူးယစ်ဆေးဝါး၊ ရာဇဝတ်မှုတွေပေါ့၊ အများအားဖြင့် သူတို့ပါကြပါတယ်။ နိုင်ငံခြားသား ၁၀ယောက်လို့ပြောတယ်။ ကျနော်တို့သိရသလောက်တော့ ၅ယောက်တော့ ပါပြီပေါ့လေ။"

နိုင်ငံရေးအကျဉ်းသားတွေရဲ့ကိစ္စတွေကို လုပ်ဆောင်နေတဲ့ အမျိုးသားဒီမိုကရေစီအဖွဲ့ချုပ်၊ ရန်ကုန်တိုင်းဥက္ကဌ ဦးနိုင်းနိုင်း ကတော့ ရာဇ၀တ်သမားတွေနဲ့ စစ်ပြေးတွေကိုသာ အဓိကလွှတ်ပေးတာတွေရပြီး ဒီအချိန်ထိ  နိုင်ငံရေးအကျဉ်းသားတွေမ ပါဝင်တော့ ဘူးလို့ ယူဆကြာင်း ပြောပါတယ်။

"တောင်ကြီးထောင်၊ အင်းစိန်ထောင်၊ သာယာဝတီထောင်၊ တောင်ငူထောင်၊ မော်လမြိုင်ထောင်၊ နိုင်ငံရေးအကျဉ်းသား တယောက်မှ မလွတ်သေးဘူး။ လွတ်တဲ့သူတွေက မူးယစ်တွေရယ်၊ စစ်တပ်က စစ်ဥပဒေဖောက်ဖျက်တဲ့ သူတွေရယ်၊ ၆၁ရယ် ဒါပဲ လွတ်တယ်။ နိုင်ငံရေးအကျဉ်းသားတယောက်မှမပါဘူး။ ဒါကတော့ သူတို့က ထောင်ကနေ လွှတ်တယ်ဆိုတာက အရင်တုန်းဆိုရင် မနှစ်ကစပြီး ဖြစ်တာပဲ။ နိုင်ငံရေးအကျဉ်းသားနဲ့ တခြားအကျဉ်းသား ရောပြီး လွှတ်တာပဲ။ အခုကတော့ နိုင်ငံရေးအကျဉ်းသားမပါဘူးလို့ ယူဆတယ်။ အခုက လွတ်ငြိမ်းချမ်းသာခွင့်ပေးတယ်ဆိုတာ နိုင်ငံရေးအကျဉ်းသားမဟုတ်တဲ့သူတွေကို လွတ်ငြိမ်းချမ်းသာခွင့်ပေးတာ။ "

အမေရိကန်သမ္မတ အိုဘားမား မြန်မာနိုင်ငံကို လာရောက်လည်ပတ်ဖို့ ရှိနေတဲ့အတွက် နိုင်ငံရေးအကျဉ်းသားတွေ ပြန်လွတ်ပေးဖို့ဟာ အခွင့်အလမ်းကောင်းတခုဖြစ်တယ်လို့ လူအခွင့်အရေး အဖွဲ့တွေက ထောက်ပြပြောဆိုနေစဉ်မှာပဲ ပြန်လွတ်တဲ့ အကျဉ်းသားတွေထဲမှာ နိုင်ငံရေးအကျဉ်းသားတွေ မပါဝင်ဘူးလို့ဆိုပါတယ်။ ကိုဘမျိုးသိန်းဆက်ပြောတာက-

"သူတို့ပြောတာက နှစ်နိုင်ငံဆက်ဆံရေးတို့၊ နှစ်နိုင်ငံဆက်ဆံရေးတို့ ကောင်းမွန်ဖို့အတွက်ဆိုပြီး အကြောင်းပြချက်ထဲမှာ တခုပါတယ်ပေါ့လေ။ အထူးသဖြင့် မစ္စတာ အိုဘားမား လာခါနီးလေးမှာ ကပ်ပြီးလွှတ်ပေးတယ်။ လွှတ်ပေးတဲ့အထဲမှာလည်း နိုင်ငံရေးအကျဉ်းသား မပါသလောက်ဖြစ်နေပြီပေါ့။ သူတို့အပြောနဲ့ အလုပ်က မေးခွန်းထုတ်စရာဖြစ်နေပြီပေါ့။"

ဦးနိုင်းနိုင်းကတော့ မြန်မာအစိုးရရဲ့ လွတ်ငြိမ်းသက်သာခွင့်ဆိုတဲ့ အသုံးအနှုံးကို မပြောလိုပေမဲ့ နိုင်ငံရေးအကျဉ်းသား မပါဝင်ဘူး ဆိုတာကိုတော့ အထင်ကရပြောဖို့လိုတယ်လို့ ပြောလိုက်ပါတယ်။

" နိုင်ငံရေးအကျဉ်းသားတွေ လွှတ်တာမဟုတ်ဘူး။ နိုင်ငံရေးအကျဉ်းသားတွေ လွှတ်တယ်လို့ပြောရင် လူလိမ်ပဲ။ သူတို့ဘာသာသူတို့ လွတ်ငြိမ်းချမ်းသာခွင့်ပေးတာ ဘာမှ မပြောလိုဘူး။ ဒါပေမယ့် နိုင်ငံရေးအကျဉ်းသားတွေ လွတ်တာ တယောက်မှ မပါပါဘူးလို့ ထင်ထင်ရှားရှား အဲ့တာကို ပြောဖို့ လိုလိမ့်မယ်။"

မြန်မာနိုင်ငံမှာ ရာဂဏန်းနဲ့ကျန်နေသေးတဲ့  နို်င်ငံရေးအကျဉ်းသားတွေ ပြန်လွတ်ပေးဖို့အတွက် ထင်ရှားတဲ့ တက်ကြွလှုပ်ရှားသူတွေနဲ့ နိုင်ငံတကာအစိုးရတွေ လူအခွင့်အရေးအဖွဲ့တွေက တောင်းဆိုနေတာပါ။

အခုပြန်လွတ်တဲ့အထဲမှာ နိုင်ငံရေးအကျဉ်းသားတွေ၊ ပြန်လွတ်ဖို့ မျှော်လင့်နေသူတွေအဖို့ကတော့ မြန်မာအစိုးရရဲ့ လွတ်ငြိမ်းသက်သာခွင့် အပေါ် စိတ်ပျက်မိတယ်လို့ ပြောဆိုနေကြပါတယ်။

BPရေနံကုမ္ပဏီ ဒေါ်လာ သန်း ၄ ထောင်ကျော် ဒဏ်ဆောင်ရမည်

 

မက္ကဆီကိုပယ်လယ်ကွေ့ကမ်းလွန် ရေနက်ဒေသတွင် BP ရေနံတွင်း ပေါက်ကွဲမှုဖြစ်နေစဉ်။ (ဧပြီ ၂၁ ၂၀၁၀)

မက္ကဆီကို ပင်လယ်ကွေ့မှာ ရေနံယိုဖိတ်မှုတွေ နဲ့ လူကိုပါသေဆုံးစေတဲ့ ပေါက်ကွဲမှုဖြစ်ပွါးစေမှုနဲ့ ပါတ်သက်ပြီး ဗြိတိသျှ ရေနံကုမ္မဏီ  BP မှာ အပြစ်ရှိကြောင်းနဲ့ ဒဏ်ကြေးငွေအဖြစ် ဒေါ်လာ သန်းပေါင်းလေးထောင်ငါးရာ (သန်း ၄၅၀၀) ပေးဆပ်ဖို့ ကိစ္စကို  BP  ရေနံကုမ္မဏီ က သဘောတူညီခဲ့ပါတယ်။

ဒီသဘောတူညီချက်အရ ရေနက်ဒေသ ပေါက်ကွဲမှုမှာ လုပ်သား ၁၁ဦးသေဆုံးစေခဲ့တာမို့ ဒီသေဆုံးမှု ၁၁မှုအတွက် အပြစ်ရှိကြောင်း BP ကုမ္မဏီ က ကြာသာပတေးနေ့မှာ ဝန်ခံခဲ့ပါတယ်။ ဒါ့အပြင် လွှတ်တော်ရဲ့ လုပ်ပိုင်ခွင့် အာဏာကို နှောက်ယှက်မှု အတွက် အပြစ်ရှိကြောင်းလည်း ဝန်ခံခဲ့ပြီး ဒဏ်ကြေးငွေအဖြစ်နဲ့ လုံခြုံရေးနဲ့  ငွေကြေးကော်မရှင်ကို ဒေါ်လာသန်းပေါင်း ၅၂၅သန်း ပေးဆောင်ဖို့ သဘောတူခဲ့ပါတယ်။

၂၀၁၁ ခုနှစ် ဧပြီလ ၂၀ ရက်နေ့မှာ မက္ကဆီကို ပင်လယ်ကွေ့မှာရှိတဲ့  BP  ရေနံတွင်း ပေါက်ကွဲမှုကြီးအပြီး ရေနံယိုစိမ့်မှုတွေ ဖြစ်ပွါးခဲ့တာဟာ ရေနံလုပ်ငန်းသမိုင်း တစ်လျှောက်မှာ အကြီးမားဆုံး ရေနံယိုစိမ့်မှု ဖြစ်ပါတယ်။

သုံးလတာ ကာလအတွင်း ရေနံစိမ်းစည်ပေါင်း ငါးသန်းလောက် ပင်လယ်ကွေ့ဒေသထဲကို ယိုစိမ့်ခဲ့တာပါ။ ဒီမတော်တဆဖြစ်ပွါးမှုကနေ အသက်တွေပါ ဆုံးရှုံးခဲ့ရပြီး ရေနံယိုစိမ့်မှုတွေ ဖြစ်ပွါးခဲ့ရတဲ့ အတွက်   BP  ရေနံကုမ္မဏီ အနေနဲ့ ဝမ်းနည်းကြေကွဲမှု ဖြစ်ရကြောင်း ကုမ္မဏီရဲ့ အမှုဆောင် ဥက္ကဌ Bob Dudley ကပြောကြားခဲ့ပါတယ်။

အဆိုတော်ခင်မောင်တိုး ကွယ်လွန်

အဆိုတော်ခင်မောင်တိုး မကွယ်လွန်ခင် အမေရိကန်ပြည်ထောင်စုကို ရောက်ရှိခဲ့စဉ်။

 ကိုယ်ပိုင်သံစဉ်တွေကိုသာ အဓိကသီဆိုခဲ့တဲ့ နိုင်ငံကျော်အဆိုတော် ခင်မောင်တိုး ဒီနေ့မနက်ပိုင်း စင်္ကာပူနိုင်ငံမှာ ကွယ်လွန်သွားခဲ့ပါတယ်။ ဒီအကြောင်းနဲ့ ပတ်သက်ပြီး ကိုသားညွန့်ဦးက တင်ဆက်ပေးထားပါတယ်။

အသက် ၆၂နှစ်အရွယ် အဆိုတော် ခင်မောင်တိုးဟာ ဒီကနေ့မနက်ပိုင်း ဒေသစံချိန် ၈နာရီကျော်မှာ စင်ကာပူနိုင်ငံမှာ အသည်းရောဂါနဲ့ကွယ်လွန်သွားတာဖြစ်ပါတယ်။ အသည်းရောဂါကြောင့် ပြီးခဲ့တဲ့ စက်တင်ဘာလဆန်းကတည်းက စင်ကာပူနိုင်ငံမှာ ဆေးဝါးကုသမှုခံယူနေတာဖြစ်ပါတယ်။ ကိုခင်မောင်တိုးရဲ့ မိသားစုဝင်တွေလည်း အခု စင်ကာပူနိုင်ငံကို ရောက်ရှိနေပြီး၊ ကျန်နေတဲ့ သူ့ရဲ့ရုပ်ကြွင်းကို စင်ကာပူနိုင်ငံမှာပဲ သဂြိုလ်မှာဖြစ်ပါတယ်။ ကိုယ်ပိုင်သံစဉ်တွေကို အဓိကထား သီဆိုခဲ့တဲ့ အဆိုတော်ခင်မောင်တိုး ကွယ်လွန်မှုဟာ မြန်မာ့ဂီတလောကအတွက် ကွက်လပ်တစ်ခုဖြစ်သွားစေတယ်လို့ အဆိုတော် မမီမီဝင်းဖေက ပြောပါတယ်။

"မမီတို့ ဂီတလောကမှာ ကိုထီး ကိုတိုးဆိုပြီးတော့ တကယ့်လူကြီးပေါ့ မမီတို့ဂီတလောက အတွက် တကယ့်ကိုအရေးပါတဲ့ မပါမဖြစ် လူကြီးနှစ်ယောက်ရှိပါတယ်။ ကိုထီးဆုံးတုန်းကတော့ မမီတို့ မြန်မာ့ဂီတလောကရဲ့ကွက်လပ်ကြီးဖြစ်သွားပြီအပေါက်ကြီးတစ်ခုဖြစ်သွားတယ်လို့ ပြောခဲ့တယ်။ အခုတော့ အပေါက်ကြီးက နှစ်ခုဖြစ်သွားတာ ပေါ့နော်။ နောက်ပြီးတော့ ဂီတလောက အတွက်လည်း ကိုယ်ပိုင်ဖန်တီးမှု တွေနဲ့ခိုင်ခိုင်မာမာရှိတဲ့ရိုသေလေးစားရတဲ့လူကြီးတစ်ယောက်ဆုံးရှုံးသွားတာပေါ့နော်။ မနှစ်ကနှစ်ဆုံးပိုင်း နိုဝင်ဘာလ ကနေပြီးတော့ ၂၀၁၂ နှစ်ဆန်းပိုင်း ဇန်နဝါရီ အလယ်လောက်အထိ သူက အမေရိကားကို ဖျော်ဖြေရေးခရီးလာခဲ့တယ်။ မမီက ကိုထီးဆုံးပြီးတဲ့ နောက်ပိုင်းမှာ မမီရဲ့ လေးစားတဲ့ အကိုကြီးနှစ်ယောက်ထဲက တစ်ယောက်ပဲရှိခဲ့တယ်ဆိုပြီး မမီအရမ်း အလေးထားပြီးတော့ ရပ်ဝေးတိုင်းပြည်နဲ့ အဝေးကြီးမှာ ရောက်နေတဲ့အချိန်မှာမမီ ဝမ်းသာအားရနဲ့  ကိုတိုးလာတဲ့အချိန်မှာ ဂရုစိုက်ခွင့်ရခဲ့တယ်ပေါ့လေ။ ဒါလေးကိုပဲ ပြန်ပြီးတော့ တွေးတွေးပြီးတော့ ဖြေသိမ့်ပါတယ်"  

စစ်ကိုင်းတိုင်း မော်လိုက်ဇာတိဖြစ်တဲ့ ကိုခင်မောင်တိုးဟာ ၁၉၆၆ ခုနှစ်မှာ ရန်ကုန် စက်မှုတက္ကသိုလ်မှာ ပညာသင်ရင်း ဂီတအနုပညာဖက်ကို ပိုပြီး အလေးပေး လုပ်လာတာကြောင့် ကျောင်းမပြီးခဲ့ပါဘူး။

စက်မှုတက္ကသိုလ်ကျောင်းတက်စဉ်ကတည်းက တေးရေးကိုမောင်မောင် ကိုရဲလွင်တို့နဲ့အတူ ကိုယ်ပိုင်သံစဉ် တေးသီချင်းတွေကို စတင် ရေးသားခဲ့သူပါ။ ဒီနောက် ကိုရဲလွင်တို့နဲ့အတူပဲ  'လိစ္ဆ၀ီ' တေးဂီတ အဖွဲ့ ဖွဲ့စည်းရာမှာ ပါဝင်ပြီး တေးသီချင်းတွေ စတင်ထုတ်ဝေခဲ့ပါတယ်။ မဇ္ဈိမလှိုင်း တေးဂီတအဖွဲ့ဆိုပြိး နောက်မည်ပြောင်းပြီးနောက် မဟာဆန်သူဆိုတဲ့ တေးစီးရီးကလည်း လူငယ်တွေအကြား အထူးရေပန်းစားပြီး ခင်မောင်တိုးဆိုတဲ့ အမည် တွင်ခဲ့တာပါ။

အဆိုတော်ခင်မောင်တိုး ကွယ်လွန်ချိန်တွင် ဇနီး ဒေါ်ဝေဝေခိုင်နှင့် သားသမီး ၃ ဦး ကျန်ရစ်ခဲ့ပါတယ်။

ကိုခင်မောင်တိုးရဲ့နောက်ဆုံး စင်မြင့်ဂီတပွဲကတော့ သြဂုတ်လအတွင်းက ၈၈ မျိုးဆက်ကျောင်းသားများ ပြုလုပ်သည့် ဂီတဝဿန်ရံပုံငွေရှာဖွေတဲ့ပွဲ ဖြစ်ပါတယ်။ ကိုခင်မောင်တိုးဟာ မကွယ်လွန်ချိန်မှာ အမေရိကန်ပြည်ထောင်စုကို လာရောက်စဉ် ဗွီအိုအေကနေ သူ့ကိုဆက်သွယ်မေးမြန်းခွင့်ရခဲ့ပါတယ်။ အဲဒီအချိန်တုန်းက သူ့ရဲ့အနုပညာနဲ့ ပါတ်သက်လို့ ယူဆချက်နဲ့ပါတ်သက်လို့ ပြောပြခဲ့တာကို အမှတ်တရ ထုတ်လွှင့်လိုက်ပါတယ်။

"သီချင်းတွေအကုန်လုံးက သူ့ဖာသာသူ ဆိုင်ရာဆိုင်ရာတွေကတော့ရှိပါတယ်။ ကျနော်သန်တာကတော့ စိတ်ပိုင်းဆိုင်ရာ မြင့်မြတ်မှုကို ဖြစ်စေတဲ့သီချင်းတွေကို ဆိုရတာပိုပြီးတော့ အဆင်ပြေတယ်။ ပိုပြီးတော့လည်း လိုက်ဖက်မယ်လို့ထင်ပါတယ်။ နောက်ပြီးတော့ ဘဝသီချင်းတွေဆိုရတာလည်း သဘောကျပါတယ်။ သီချင်းတွေကြောင့် လူတွေစိတ်ပိုင်းဆိုင်ရာကို ပြောင်းလဲသလို လူတွေကို မူတည်ပြီးတော့လည်း သီချင်းတွေကပြောင်းရတယ်။ လူ့ရဲ့ ဖြစ်စဉ်တွေ မူတည်ပြီးတော့လည်း သီချင်းတွေဟာ မွေးဖွားလာတယ်။ ဒီလိုပဲအပြန်အလှန်ပါပဲ။ ဆိုချင်ပြီးတော့မဆိုရတာတွေလည်းရှိတယ်။ မဆိုချင်ဘဲနဲ့ ဆိုရတာတွေလည်းရှိပါတယ်။ အဲဒါတော့ တစ်ချို့ကိစ္စတွေမှာ မလွဲမရှောင်သာ အကျဉ်းအကျပ်အနေအထားတွေမှာ ဆိုရတာတွေ ကြုံဖူးပါတယ်။ ဒါပေမယ့် စိတ်ပါတယ် မပါဘူးကတော့ ကိုယ်နဲ့ပဲဆိုင်ပါတယ်။ စိတ်ဝင်စားမှုရှိတယ် မရှိဘူးပေါ့။ အချို့ကိစ္စတွေကျတော့ ဆိုချင်ပေမယ့်လည်း မဆိုရတာတွေရှိတယ်။ အဲလိုသီချင်းမျိုးတွေ မဆိုခဲ့ရတာတွေ ရှိပါတယ်"

ကိုယ်ပိုင်သံစဉ်တွေကိုသာ အဓိက သီဆိုတဲ့  နိုင်ငံတော်အဆိုတော် ခင်မောင်တိုး အမေရိကန်ပြည်ထောင်စုကို ပြီးခဲ့တဲ့ နှစ်တုန်းကလာရောက်ခဲ့တုန်းက  ဗွီအိုအေ နဲ့ တွေ့ဆုံမေးမြန်းခမ်းမှာ ဦးခင်မောင်တိုးပြောသွားခဲ့တဲ့ သူ့ရဲ့အနုပညာ အပေါ်ယူဆချက်တစ်ချို့ကို အခုအမှတ်တရအနေနဲ့ ပြန်လည်ထုတ်လွှင့်ပေးလိုက်တာပါ။