08.11.2012 နေ့ဖတ်ရန်သတင်းများ

by Myanmar Journal on Thursday, November 8, 2012 at 12:00am ·

တရုတ်အုပ်စိုးမှု တိဗက်လေးဦး မီးရှို့ဆန္ဒပြ

တိဗက်ဒေသအပေါ် တရုတ်တို့ရဲ့မူဝါဒကို ဆန့်ကျင်ပြီး ကိုယ့်ကိုကိုယ် မီးရှို့ဆန္ဒပြတဲ့ တိဗက် မျိုးတွေထဲမှာ အခု နောက်ဆုံး ဆန္ဒပြတဲ့သူတွေကတော့ ငယ်ရွယ်တဲ့ကလေးအမေတဦးနဲ့ ဘုန်းတော်ကြီး သုံးပါးတို့ ဖြစ်ပါတယ်။

သူတို့ထဲက ကလေးမိခင်နဲ့ ဘုန်းတော်ကြီးတစ်ပါးတို့ သေဆုံး ပျံလွန်တော်မူသွားကြတယ်လို့ ဗွီအိုအေ တိဗက်ဌာနက ပြောပါတယ်။

အသက် ၂၃ နှစ်အရွယ် ကလေးမိခင်ဟာ တိဗက်ဒေသအရှေ့ပိုင်းဒေသမှာ မီးရှို့ဆန္ဒပြရင်း ဒလိုင်းလားမား သူ့နိုင်ငံကို ပြန်လာဖို့အတွက် တောင်းဆိုသွားခဲ့ပါတယ်။ သူ့မှာ အသက်ငါးနှစ်အရွယ် သားလေးတစ်ဦးကျန်ခဲ့ပြီး ဒီလို မီးရှို့ဆန္ဒပြဖို့အတွက် လပေါင်းများစွာ ကြိုတင်ကြံစည်ခဲ့တယ်လို့ သူ့မိသားစုနဲ့နီးစပ်သူတွေက ပြောပါတယ်။

မီးရှို့ဆန္ဒပြတဲ့ ဘုန်းတော်ကြီးသုံးပါးတို့ဟာ ဂိုမဲန်မြို့နယ်ထဲက ၁၅ နှစ်၊ ၁၆ နှစ်အရွယ် ကိုရင် ကလေးတွေ ဖြစ်တယ်လို့ ဆိုပါတယ်။ သူတို့တတွေဟာ ရဲစခန်းတခုရှေ့မှာ ဆန္ဒပြကြတာဖြစ်ပြီး ၁၅ နှစ်အရွယ် ကိုရင်ကတော့ ပျံလွန်တော်မူသွားပြီး ကျန်နှစ်ပါးကို တရုတ်လုံခြုံရေးအရာရှိတွေက ဆေးရုံကို ခေါ်ဆောင်သွားကြပါတယ်။

၂၀၀၉ ခုနှစ်ကစပြီး အခုလို မီးရှို့ဆန္ဒပြမှု ၆၇ ကြိမ် ဖြစ်ခဲ့တဲ့အနက် ၅၃ ဦးသေဆုံးခဲ့တာဖြစ်ပါတယ်။

ဒု-သမ္မတဦးဉာဏ်ထွန်း ထားဝယ်စီမံကိန်းကိစ္စ ထိုင်းနဲ့ဆွေးနွေး

 

တနင်္သာရီတိုင်း၊ ထားဝယ် အထူးစီးပွားရေးစီမံကိန်းကို အုပ်ချုပ်ခန့်ခွဲဖို့ ထိုင်း-မြန်မာပူးတွဲကော်မတီကို ဒီကနေ့ ထိုင်းနိုင်ငံမှာ ဖွဲ့စည်းလိုက်ပါတယ်။

မြန်မာနိုင်ငံ၊ တနင်္သာရီတိုင်းထဲမှာရှိတဲ့ ထားဝယ် အထူးစီးပွားရေးစီမံကိန်းကို အုပ်ချုပ်စီမံ ခန့်ခွဲ သွားမယ့် ထိုင်း-မြန်မာပူးတွဲကော်မတီကို ဒီကနေ့ ထိုင်းနိုင်ငံမှာ ဖွဲ့စည်းလိုက်ပါတယ်။ မြန်မာနဲ့ ထိုင်း နှစ်နိုင်ငံ ပူးတွဲဆောင်ရွက်သွားမဲ့ ထားဝယ်အထူးစီးပွားရေးဇုန် စီမံကိန်းတွေ ကိစ္စကို မြန်မာ ဒုတိယသမ္မတ ဦးဉာဏ်ထွန်းနဲ့ ထိုင်းဝန်ကြီးချုပ် Yinluck Shinawatra တို့ဆွေးနွေးခဲ့ကြပြီးနောက်မှာ ပူးတွဲကော်မတီကို တရားဝင် ဖွဲ့စည်းခဲ့တာ ဖြစ်ပါတယ်။ အကြောင်းစုံကို ဘန်ကောက်ရုံးက မစုမြတ်မွန်က တင်ပြပေးထားပါတယ်။

မြန်မာအစိုးရနဲ့ ထိုင်းအစိုးရတို့ ပူးတွဲ အကောင်အထည်ဆက်ဖော်သွားမယ့် ထားဝယ်ရေနက်ဆိပ်ကမ်း ပါဝင်တဲ့ ထားဝယ် အထူးစီးပွားရေး စီမံကိန်းတွေကိစ္စကို ထိုင်းအစိုးရ တာဝန်ရှိသူတွေနဲ့ ဆွေးနွေး ဖို့ မြန်မာ ဒုတိယသမ္မတ ဦးဉာဏ်ထွန်းဟာ အင်္ဂါနေ့ ညနေပိုင်းကတည်းက ထိုင်းနိုင်ငံမှာ ရောက်ရှိနေ တာ ဖြစ်ပါတယ်။ ဒီကနေ့ ဗုဒ္ဓဟူးနေ့မှာတော့ ထိုင်းဝန်ကြီးချုပ် ယင်းလပ် ရှင်နာဝပ်နဲ့ တွေ့ ဆုံ ဆွေးနွေးခဲ့ပါတယ်။ မနေ့ညကလည်း  ထိုင်းဒုတိယဝန်ကြီးချုပ် ကီတီရတ် နာ ရနောင်း (Kittiratt Na Ranong) နဲ့ တွေ့ဆုံဆွေးခဲ့တဲ့အကြောင်း ထားဝယ် စီမံကိန်းတွေအတွက် ဆောက်လုပ်ရေး လုပ်ငန်း ကံထရိုက်ရထားတဲ့ Italian Thai အများပိုင် လုပ်ငန်းကြီးရဲ့ တာဝန်ရှိသူတယောက်က VOA မြန်မာပိုင်းကို ခုလိုပြောပါတယ်။

“အဓိက ကတော့ ထားဝယ်ရေနက်ဆိပ်ကမ်း စီမံကိန်းကြီးကို အကောင်အထည်ဖော်ဖို့ရာကိစ္စပါပဲ။ အဲဒီမှာ နှစ်ဦးနှစ်ဖက် သဘောတူညီမှု ရပြီးတော့ မနေ့ကတော့ ကော်မတီလေးတွေ ဖွဲ့ပြီးတော့ နှစ်နိုင်ငံဆောင်ရွက်ကြဖို့ အစီအစဉ်လုပ်ကြပါတယ်။ ကနေ့ မနက်ပိုင်းတော့ ဒု-သမ္မတနဲ့အဖွဲ့ဟာ ယိုးဒယားနိုင်ငံ၊ Government House ကိုသွားပြီးတော့ ဝန်ကြီးချုပ် မစ္စ် ယင်းလပ်၊ ရှင်နာဝပ်နဲ့ သွားတွေ့ပါတယ်။ သွားတွေ့ပြီးတော့ ဒီကိစ္စကိုပဲ ထပ်မံရှင်းလင်းပြခဲ့ပါတယ်။ ဒု-သမ္မတနဲ့အဖွဲ့ဟာ ဒီနေ့ ညနေပဲ ပြန်လည် ထွက်ခွာပါလိမ့်မယ်ခင်ဗျာ။”

ဒု-သမ္မတဦးဉာဏ်ထွန်းနဲ့ ထိုင်းဝန်ကြီးချုပ် Yinluck Shinawatra တို့ရှေ့မှာပဲ ထားဝယ် အထူး စီးပွားရေး စီမံကိန်းကို အုပ်ချုပ်စီမံခန့်ခွဲ သွားမယ့် ပူးတွဲကော်မတီ ဖွဲ့စည်းမှု သဘောတူစာချုပ်ကို နှစ် ဖက် သက်ဆိုင်သူတွေ လက်မှတ်ထိုးခဲ့ကြတာဖြစ်ပါတယ်။ ထားဝယ် အထူး စီးပွားရေးဇုန် တည်ဆောက်ရေးအတွက် ထိုင်းနိုင်ငံက အကြီးဆုံး ဆောက်လုပ်ရေး လုပ်ငန်းကြီးဖြစ်တဲ့ Italian Thai လုပ်ငန်းကြီးက တာဝန်ယူထားပေမယ့် ထားဝယ်စီမံကိန်း ဆောက်လုပ်ရေးလုပ်ငန်းတွေ အတွက် ငွေကြေး အခက်အခဲရှိနေပါတယ်။ ဒါပေမဲ့ ထိုင်းအစိုးရက Italian Thai ကုမ္ပဏီကို ထောက်ခံ မှု ပေးထားပြီး လောလောဆယ် ထားဝယ်စီမံကိန်းတွေအတွက် ထိုင်းနဲ့မြန်မာအစိုးရနှစ်ရပ် ပူးပေါင်း ဆောင်ရွက်သွားမှာဖြစ်တယ်လို့ Italian Thai ကုမ္ပဏီတာဝန်ရှိသူက ပြောပါတယ်။

“နှစ်ဦးနှစ်ဖက် ဒီစီမံကိန်းကြီးကို အကောင်အထည်ဖော်ကြမယ်။ တခြားနိုင်ငံတွေက ငွေကြေး အကူ အညီယူပြီးတော့ နှစ်နိုင်ငံ benefit ပထမစပါမယ်။ Mechanism ပေါ့လေ။ အဲဒါနဲ့ အပေါ်ကနေ အုပ်ချုပ်သွားပြီးတော့ အီတာလီယံ-ထိုင်းကို ကံထရိုက်တာအဖြစ်ထားပြီး ဆက်လက် ဆောင်ရွက်ကြပါ လိမ့်မယ်။ အကယ်၍များ တခြားတနိုင်ငံက ငွေအရင်းအနှီးထုတ်ပြီး လာမယ်ဆိုရင်တော့ Tri-lateral mechanism နဲ့ ကျနော်တို့ ဆက်လုပ်ကြပါမယ်။”

အရှေ့တောင်အာရှမှာ အဓိက ကုန်သွယ်ရေးပေါင်းကူးနေရာတခုဖြစ်လာနိုင်တယ်လို့ ဆိုနေတဲ့ ထားဝယ်ရေနက်ဆိပ်ကမ်း စီမံကိန်း ဆောက်လုပ်မှု အခြေအနေကရော လက်ရှိမှာ ဘယ်လောက် ခရီးရောက်နေပြီလို့ ပြောနိုင်ပါသလဲ။

“လမ်းတွေကတော့ အကြမ်းအားဖြင့် ဖောက်လို့ ပြီးသွားပါပြီ။ Port တွေကလည်း စပြီး တူးဖော်နေ ပါပြီ။ အဲဒီအရင် ပစ္စည်းတွေ တင်ဖို့ ချဖို့အတွက် small port တွေက ဒီလကုန်လောက်၊ နောက် လဆန်းဆို ပြီးပါပြီခင်ဗျ။ ဇန်နဝါရီကို ကျနော်တို့က စတင် ဆောင်ရွက်နိုင်ပါပြီ။ အဲဒီ small port လေး ကလည်း တန်ချိန် တသောင်းနှစ်ထောင်လောက်ထိအောင် ကုန်တင်ကုန်ချ လုပ်နိုင်ပါတယ်။”

ထားဝယ်အထူးစီးပွားရေးစီမံကိန်းတွေအတွက် စုစုပေါင်း အမေရိကန်ဒေါ်လာ ဘီလျံ ၅၀ လောက် ကုန်ကျမယ်လို့ ခန့်မှန်းထားပြီး ရေနက် ဆိပ်ကမ်းအပါအဝင် သံမဏိစက်ရုံ၊ ရေနံချက်စက်ရုံ၊ လျှပ်စစ် ဓာတ်အားပေး စက်ရုံတွေလည်း တည်ဆောက်ဖို့ အစီအစဉ်တွေရှိပါတယ်။ဒီလိုဆောက်လုပ်မှုတွေကြောင့် ဒေသခံပြည်သူတွေ နေအိမ်တွေကနေ ဖယ်ရှားပေးခဲ့ရတာ ရှိတယ် လို့ ဒေသခံတွေရဲ့ ပြောဆိုမှုတွေ ထွက်ပေါ်ခဲ့သလို သဘာဝပတ်ဝန်းကျင်ဆိုင်ရာ ထိခိုက်မှုတွေ ရှိနိုင်တဲ့အတွက် ကန့်ကွက်မှုတွေလည်း ရှိနေပါတယ်ရှင်။

အသုံးစရိတ်ဖြတ်တောက်ရေး ဂရိပါလီမန်အတည်ပြု

ဂရိအစိုးရက ဥရောပသမဂ္ဂဆီက နောက်ထပ် အထောက်အပံ့တွေ ယူမယ်ဆိုရင် အသုံးစရိတ်တွေ ဖြတ်တောက်ရလိမ့်မယ်ဆိုတဲ့ အယူအဆကို ဂရိပြည်သူတွေက ဒေါသထွက်နေကြပါတယ်။

ဂရိလွှတ်တော်ရှေ့မှ ၄၈ နာရီကြာ ဆန္ဒပြမှု မြင်ကွင်း (နိုဝင်ဘာ ၆ ရက်၊ ၂၀၁၂။)

ဂရိနိုင်ငံမှာ အသုံးစရိတ် အကြီးအကျယ်လျှော့ပေါ့ရေးနဲ့ အကောက်ခွန် တိုးမြှင့်ရေးကိစ္စကို လွှတ်တော်က အတည်ပြုလိုက်ပါပြီ။ အခုလို အသုံးစရိတ် လျှော့ချတဲ့အစီအစဉ်ကို ကန့်ကွက်တဲ့အနေနဲ့ ထောင်သောင်း ချီတဲ့ ဂရိနိုင်ငံသားတွေ မြို့တော် အေသင်ရဲ့ လမ်းမတွေမှာ ချီတက် ဆန္ဒပြခဲ့ကြပါတယ်။

ဒီအသုံးစရိတ် လျှော့ချရေးအစီအစဉ်ကို လွှတ်တော်အမတ်တွေက ဗုဒ္ဓဟူးနေ့ ညသန်းခေါင်ကျော်၊ ကြာသပတေးနေ့ မနက်အစောကြီးမှာ အတည်ပြုလိုက်ကြတာပါ။ ဒီ အစီအစဉ်သစ်မှာ အခွန်တချို့ တိုးမြှင့် ကောက်ခံရေး၊ ပင်စင်လစာနဲ့ အစိုးရထောက်ပံ့ကြေးတွေ အပါအ၀င် အသုံးစရိတ် ကို နောက် ထပ် ဒေါ်လာသန်းပေါင်း ၁၇,၀၀၀ ဖြတ်ရေးတို့ ပါဝင်ပါတယ်။

ဂရိအစိုးရအနေနဲ့ ဥရောပသမဂ္ဂထံက ဒေါ်လာ သန်းထောင်ပေါင်းများစွာ နောက်ထပ် အကူအညီ အထောက်အပံ့ရရှိဖို့နဲ့ အစိုးရအနေနဲ့ ငွေပြတ်တောက်သွားမယ့် အခြေအနေတွေက ရှောင်လွှဲနိုင်ဖို့ ဒီအသုံးစရိတ်လျှော့ချရေးအစီအစဉ်ဟာ မလုပ်မဖြစ် လုပ်ဆောင်ရမယ့် ကိစ္စဖြစ်တယ်လို့ ဥရောပသမဂ္ဂက ပြောပါတယ်။

ဒီအစီအစဉ်အတွက် လွှတ်တော်အတွင်း ဆွေးနွေးနေကြတဲ့အချိန်မှာပဲ ဂရိလူမျိုး ၈၀,၀၀၀ ကျော်က လွှတ်တော်အပြင်မှာ လုံထိန်းရဲတပ်ဖွဲ့တွေနဲ့ ပဋိပက္ခ ဖြစ်ပွားခဲ့ပါတယ်။ ဆန္ဒပြသမားတွေက မီးလောင် ဗုံးတွေနဲ့ ပစ်ခတ်ပြီး ရဲတွေကလည်း မျက်ရည်ယိုဗုံးတွေနဲ့ ပြန်လည် ပစ်ခတ်ခဲ့ပါတယ်။ အစိုးရအနေနဲ့ ဥရောပသမဂ္ဂထံကနေ နောက်ထပ် အထောက်အပံ့တွေ ရယူမယ်ဆိုရင် အသုံးစရိတ်တွေ ဖြတ်တောက် ရလိမ့်မယ်ဆိုတဲ့ အယူအဆကို ဂရိပြည်သူတွေက ဒေါသထွက်နေကြတာပါ။

 မောင်တောမှာ လက်နက်ကိုင်တွေ ဝင်တိုက်

မောင်တောမြို့ မြောက်ပိုင်းကို လက်နက်ကိုင် တွေ ဝင်တိုက်ခဲ့

မြန်မာ နိုင်ငံနဲ့ ဘင်္ဂလားဒေ့ရှ် နိုင်ငံ နယ်စပ် မောင်တော မြို့နယ် မြောက်ပိုင်းကို အမည် မသိတဲ့ လက်နက်ကိုင်တွေ ၀င်ရောက် တိုက်ခိုက် ခဲ့တဲ့ အတွက် မြန်မာ စစ်တပ် ဘက်က လူသေဆုံးမှု ရှိခဲ့ ပါတယ်။

အောက်တိုဘာလ ၆ ရက် အင်္ဂါနေ့ ညနေ ပိုင်းက မောင်တော မြို့နယ် မြောက်ပိုင်း နယ်စပ် လုံခြုံရေးနဲ့ ကွပ်ကဲရေး နယ်မြေ အမှတ် ၁ ရှိရာ ရခိုင်ရွာ ဖြစ်တဲ့ ဗန္ဓုလရွာ အနီးမှာ တိုက်ခိုက်မှု ဖြစ်ခဲ့ တာပါ။

အဲဒီ ဒေသမှာ ဒီလို တိုက်ခိုက်မှုမျိုး ဖြစ်တာ အခု ပထမဆုံး အကြိမ် ဖြစ်ပါတယ်။

နယ်စပ်မှာ လမ်း ဖောက်လုပ် နေတဲ့ စစ်အင်ဂျင် နီယာ တပ်ဖွဲ့က တပ်သား တွေကို အမည် မသိတဲ့ လက်နက်ကိုင် အုပ်စုက ဝင်ရောက် တိုက်ခိုက် ခဲ့စဉ် စက်ပြင် ဆရာ ကိုကျော်ကျော် ပွဲချင်းပြီး သေဆုံးခဲ့ရ တယ်လို့ ဒေသခံ တစ်ယောက်က ဘီဘီစီကို ပြော ပါတယ်။

ဒါ့အပြင် တပ်ကြပ်ကြီး ခင်မိုးအောင်နဲ့ နောက်ထပ် နှစ်ဦး ကိုလည်း သူတို့က ဖမ်းဆီး ခေါ်ဆောင် သွားတယ်လို့ သိရ ပါတယ်။

တိုက်ခိုက် မှုကို ဘင်္ဂလားဒေ့ရှ် နိုင်ငံ ဘက်က ဝင်ရောက်လာတဲ့ RSO အာရ်အက်စ်အို အဖွဲ့က ပြုလုပ်တာလို့ ဒေသခံ တွေက ပြောဆို ပါတယ်။ ဒါပေမဲ့ ဘယ်အဖွဲ့က ပြုလုပ်တယ် ဆိုတာ နောက်ထပ် သီးခြား အတည် ပြုချက်တော့ ခုချိန်ထိ မရသေး ပါဘူး။

အဲဒီ တိုက်ခိုက်မှု ဖြစ်ပြီးတဲ့နောက် ညပိုင်း ၉ နာရီ လောက်က စစ်တပ် ဘက်က လိုက်လံ ရှင်းလင်းမှု ပြုလုပ်ခဲ့ပြီး တိုက်ပွဲ ဖြစ်ပွား ခဲ့သေးတယ်လို့ စောစောက ပြောတဲ့ ဒေသခံကပဲ ဆက်ပြော ပါတယ်။

လောလောဆယ် ဖမ်းဆီး ခေါ်ဆောင် သွားခံ ရတဲ့ လူ ၃ ယောက်ကို မြန်မာ စစ်တပ်က အပူတပြင်း လိုက်လံ ရှာဖွေ နေတယ်လို့ သိရ ပါတယ်။

အခုလို ဝင်ရောက် တိုက်ခိုက်သူ တွေဟာ ဘင်္ဂလားဒေ့ရှ် နိုင်ငံ ဘက်က ဝင်ရောက် လာတာ ဖြစ်တဲ့ အတွက် ဘင်္ဂလား ဒေ့ရှ် အာဏာပိုင်တွေ ဆီကို မြန်မာ ဘက်က အကြောင်းကြား ထားတယ် လို့လည်း ဆိုပါတယ်။

အခုတော့ နယ်စပ်မှာ မြန်မာဘက် တပ်အင်အားတွေ ဖြည့်တင်း ချထား တယ်လို့ သိရ ပါတယ်။

သမ္မတအိုဘားမားကို ဘာကြောင့်ပြန်ရွေးကြလဲ

အောင်ပွဲခံနေတဲ့ သမ္မတ အိုဘားမား မိသားစု

အမေရိကန် သမ္မတ ရွေးကောက်ပွဲမှာ သမ္မတ အိုဘားမား ပြန်လည် ရွေးချယ် ခံရလို့ ဒုတိယ ၄ နှစ် သက်တမ်း တာဝန် ထမ်းဆောင် တော့မှာ ဖြစ်ပါတယ်။

အခု ရွေးကောက်ပွဲမှာ သမ္မတ အိုဘားမား အနေနဲ့ မဲယိုင်တတ်တဲ့ ပြည်နယ်တွေရဲ့ မဲတွေနဲ့ နိုင်ခဲ့လို့ ကြည့်ရင် သိသိသာသာ ပြတ်နေတယ် ထင်ရပေမယ့် တကယ်တမ်းမှာ အဲဒီ ပြည်နယ်တွေမှာ သူဟာ ပြိုင်ဘက် မစ်ရွမ်မနီကို ပြတ်ပြတ် သားသား နိုင်ခဲ့တာမျိုး မဟုတ်ဘဲ ပွတ်ကာသီကာ နိုင်ခဲ့ရတာ ဖြစ်ပါတယ်။

သူ့ကို မဲမပေး ခဲ့သူတွေက အပြောင်းအလဲကို မြင်ချင်တဲ့ သူတွေ ဆိုတော့ ဒီလူတွေ အတွက် သမ္မတ အိုဘားမား ဘာတွေ လုပ်ပေး သွားရ မလဲ။

တခါ သူ့ကို မဲပေးခဲ့တဲ့ ပြည်သူတွေ ကရော ဘာကြောင့် ပြန်လည် ရွေးချယ် ခဲ့ကြသလဲ ဆိုတာ အမေရိကန် ပြည်ထောင်စု မေရီလန်း ပြည်နယ်က အမေရိကန် နိုင်ငံရေး လေ့လာသူ ဒေါက်တာ ကျော်စိန်ကို ဆက်သွယ်ပြီး သူ့ရဲ့ အမြင်ကို မေးမြန်း ကြည့်တော့ ပထမဆုံး သမ္မတ အိုဘားမားကို ရှေ့ လာမယ့် ၄ နှစ်မှာ ဘာတွေ ဆက်လုပ် ပေးသွား မလဲ ဆိုတာကို ကြည့်ပြီး ရွေးချယ် ခဲ့ကြတာ ဖြစ်တယ်လို့ ဖြေပါတယ်။

ဆက်လက်ပြီး သမ္မတ အိုဘားမားရဲ့ ပထမ သက်တမ်း ကုန်ခါနီးမှာ အလုပ်လက်မဲ့ ဦးရေ လျော့ကျ လာတာနဲ့ သမ္မတ ကိုယ်တိုင်က အပြောအဟော ကောင်း၊ မဲဆွယ်ကောင်း တာတွေလည်း ရှိလို့ အခုလို ပြန်လည် ရွေးချယ် ခဲ့ကြတာ လို့ ဆိုပါတယ်။

ဆက်လက်ပြီး အမေရိကန်မှာ ရီပတ်ပလစ်ကန် တွေနဲ့ ဒီမိုကရက် တွေအကြားမှာ နိုင်ငံရေး အယူအဆနဲ့ မူဝါဒတွေ ကွဲလွဲ နေကြတာ ကို တွေ့ရတဲ့ အကြောင်းနဲ့ ကွန်ဂရက် လွှတ်တော်မှာလည်း ရီပတ်ပလစ်ကန် တွေအင်အား ကောင်းနေတဲ့ အတွက်ကြောင့် ကွန်ဂရက်နဲ့လည်း ပူးပေါင်း ဆောင်ရွက်မှု တွေကို လုပ်သွားဖို့ လိုမယ် လို့လည်း ပြောပါတယ်။

တခါ အခွန် နှုန်းထားတွေ ကောက်ခံရာ မှာလည်း ဆင်းရဲ ချမ်းသာ လူတန်းစား မခွဲခြားဘဲ မျှတစွာနဲ့ ကောက်ခံ၊ အသုံးစရိတ် တွေကို ထိန်းထိန်း သိမ်းသိမ်းနဲ့ လျှော့မယ် ဆိုရင် တိုင်းပြည်အတွက် ကောင်းမယ်လို့ ယူဆတဲ့ အကြောင်းတွေကို ပြောကြား သွားခဲ့ပါတယ်။

ကွန်ဂရက် လွှတ်တော်မှာ ကြီးစိုးနေတဲ့ ရီပတ်ပလစ်ကန် အမတ် တွေကို ကျော်ဖြတ် နိုင်ဖို့ အတွက် ဆိုရင်တော့ ပြဿနာ တွေကြုံတိုင်း နှစ်ဘက် သဘောတူညီ နိုင်တဲ့ အချက်တွေကို အခြေခံပြီး သမ္မတ ဘက်က အတိုးအလျှော့ တွေလုပ်သွား ပေးဖို့ လိုမယ့် အကြောင်းနဲ့ နိုင်ငံရေး သဘောကွဲလွဲ နေကြတာတွေကို ရင်ကြားစေ့ သွားဖို့လည်း ဖြစ်နိုင်ကြောင်း တွေကို ပြောကြား သွားပါတယ်။

၁၉၈၂ ဥပဒေ ဖြင့်ဆောင်ရွက်ရာတွင် ပြတ်သားမှုရှိစေရန်လိုအပ်

by Myanma Age on Thursday, 8 November 2012 at 05:51 · 

စစ်တွေ၊ နိုဝင်ဘာလ ၇။

၁၉၈၂ ခုနှစ် နိုင်ငံသားဥပဒေဖြင့် ရခိုင်ပြည်နယ်အတွင်း ဖြစ်ပွားနေသော ပဋိပက္ခအား ထိန်းချုပ်ပါက

ပြတ်သားမှု ရှိပြီး ပြည်ထောင်စု၏ အကျိုးကိုရည်ရွယ်ကာ လဘ်စားမှုကင်းမဲ့စွာဖြင့် လုပ်ဆောင်သည့်

အဖွဲ့စည်းများဖြစ်ရန် လိုအပ် ကြောင်း ရခိုင်ပြည်နယ်လွှတ်တော်ကိုယ်စားလှယ် အမှတ်(၂) မဲဆန္ဒနယ်မှ

ဦးအောင်မြကျော်က ပြောကြားသည်။

ရခိုင်ပြည်နယ်သည် ၂၀၁၂ ခုနှစ် ဇွန်လအတွင်း ပထမအကြိမ် ပဋိပက္ခဖြစ်ပွားခဲ့ပြီးနောက် ယခုအောက်တိုဘာလ

အတွင်း ဒုတိယအကြိမ် ထပ်မံဖြစ်ပွားမှုသည် လုံခြုံရေးအခန်းကဏ္ဍ အားနည်းသည့်အပြင် တရားဥပဒေစိုးမိုးမှု

လျော့ပါးနေ ခြင်းကြောင့်  မထင်မှတ်သောဒေသများတွင် ဖြစ်ပွားခဲ့ခြင်းဖြစ်ကြောင်း သိရသည်။

 “၈၂ ဥပဒေအတိုင်းသုံးမယ်ဆိုရင် အဲဒီအတိုင်း ပြတ်ပြတ်သားသားနဲ့ ဆောင်ရွက်ရမယ်။ပြီးရင် နိုင်ငံ

တကာမှာcampတွေ ဖွင့်ပါတယ်။ အဲဒီအတိုင်း အချိန်နဲ့တပြေးညီ ကန့်တွေဖွင့်ပြီး တတိယနိုင်ငံကို

ပို့ဖို့စီစဉ်ရမယ်။ အရင်ဖြစ်ခဲ့တဲ့ ကိစ္စတွေမှာလည်း အထက်အဆင့်ဆင့်ကို ပြန်တင်ပြနေရတဲ့

အားနည်းချက်တွေရှိသေးတဲ့အတွက်ဖြစ်ခဲ့တာလို့ ယူဆတယ်” ဟု ဦးအောင်မြကျော်က ဆိုသည်။

အဆိုပါ နယ်စပ်မှ ၀င်ရောက်လာသော ဘင်္ဂါလီများနှင့် ပက်သက်၍ ကျောက်ဖြူ မြို့နယ်နှင့် ပေါက်တော

မြို့နယ်များတွင် နိုဝင်ဘာလ ၈ ရက်နေ့မှ စတင်၍ လူဝင်မှုကြီးကြပ်ရေးအဖွဲ့မှ အဖွဲ့သားအချို့၊ နယ်မြေခံ

တပ်မတော်မှတာဝန်ရှိ သူအချို့၊ နယ်မြေခံ ရဲတပ်ဖွဲ့ဝင်အချို့၊ နကစတပ်ဖွဲ့ဝင်အချို့၊ ကျေးရွားအုပ်ချုပ်ရေး

မှူး၊ မြို့နယ်အုပ်ချုပ်ရေးမှူး ၊ရခိုင်တိုင်း ရင်းသားများမှ ကိုယ်စားလှယ်အချို့နှင့် အစ္စလမ်ဘာသာဝင်အချို့

ပါဝင်သည့် ၁၈ ဦးပါအဖွဲ့၁၅ ဖွဲ့မှ ဆောင်ရွက်မည်ဖြစ် ကြောင်း ရခိုင်ပြည်နယ် ပြန်ကြားရေးနှင့် ပြည်သူ့

ဆက်ဆံရေးတာဝန်ခံ လက်ထောက်ညွှန်ကြားရေးမှူး ဦးဝင်းမြိုင် ထံမှ သိရသည်။

 “စတင်ဆောင်ရွက်တဲ့ဒေသမှာ ရွာထဲကလူတွေလည်း အပြင်မထွက်ရအောင်၊ အပြင်ကလူတွေလည်း ရွာထဲ

မ၀င်နိုင်အောင် ဆောင်ရွက်နေတဲ့ အတောအတွင်း တပ်က ရွာကိုဝိုင်းထားပြီး လုံခြုံရေးပေးမယ်။ ကျောက်ဖြူ၊

ပေါက်တောပြီးရင် စစ်တွေလာမယ်။ အဲဒီကျရင် ပြည်နယ်အစိုးရက လုံခြုံရေးနဲ့အဖွဲ့သား အင်အားတိုးမြှင့်ပေး

မယ်။ စီစစ်ပြီးတဲ့သူအများစုက တော့ ဧည့်နိုင်ငံသားဖြစ် သွားမယ်” ဦးဝင်းမြိုင်က ပြောကြားသည်။

အထက်ပါ ၈၂ ဥပဒေကျင့်သုံးခြင်းနှင့်ပက်သက်၍ ကြံခိုင်ရေးနှင့် ဖွံဖြိုးရေးပါတီမှ စစ်တွေမြို့ အမှတ်(၂) မဲ ဆန္ဒနယ်

လွှတ်တော်ကိုယ်စားလှယ်လောင်း ဦးစန်းရွှေက “တည်ငြိမ်အေးချမ်းမှုဟာ တရားမ၀င်နေထိုင်သူတွေကြောင့် အဓိက

ပြဿနာ တစ်ရပ်ကို ဖြစ်နေတယ်။၈၂ ဥပေဒေကိုသာ ပွင့်လင်းမြင်သာစွာ သုံးနိုင်မယ်ဆိုရင် ပြဿနာ မရှိဘူး။ လူထု

ဆိုတာ သည်းခံတဲ့ဘောင်ကျော်သွားရင် ဖြစ်လေ့ဖြစ်ထ ရှိတယ်။ ဒါပေမယ့် လူထုအနေနဲ့ကလည်း အတွေ့အကြုံ

ရယ်၊ဆင်ခြင်နုံတရားရယ်၊ ထိန်းကွတ်ပြီး လုပ်ဖို့ လိုအပ်တယ်။ ဒီဖွဲ့စည်းထားတဲ့ အဖွဲ့နဲ့ပတ်သက်ပြီးတော့ ဖွဲ့စည်းပုံ

ရယ် သတင်းထုတ်ပြန်တဲ့အပေါ်မှာပဲ မူတည်ပြီး စောင့်ကြည့်ရမှာပေါ့” ဟု ဆိုသည်။ 

ရခိုင်ပြည်နယ်အတွင်း ၁၉၈၂ နိုင်ငံသားဥပဒေဖြင့်ဆောင်ရွက်ပါကလည်း ၎င်းနှင့်အပြိုင် အချိန်နှင့်တစ်ပြေးညီ

သက်ဆိုင်ရာစခန်းများ ဖွင့်လှစ်၍ ထိန်းကျောင်းရန်လိုအပ်သကဲ့သို့ နယ်စပ်စည်းမျဉ်းတွင်လည်း ကုန်းတွင်းပိုင်း၌

အခက်အခဲ များစွာမရှိသော်လည်း ပင်လယ်ပြင်လုံခြုံရေးနှင့် ပက်သက်၍ အားနည်းလျက်ရှိနေကြောင်းနှင့် နိုင်ငံ

တကာနည်းတူ ပေါ်လစီအတိုင်း ခိုး၍၀င်ရောက်လာသူများကို ထိရောက်သော ဒဏ်ခတ်မှုပြုလုပ်သင့်ကြောင့်

ဦးအောင်မြကျော်က ၎င်း၏အမြင်အား ပြောကြားသည်။

“သမ္မတကြီး ထုတ်ပြန်တဲ့ ဥပဒေအရလည်း ဖြေရှင်းရမယ်။ သူတို့ရဲ့ လူဦးရေတိုးပွားနှုန်းကလည်း အဆမတန်

များတဲ့ အတွက်ထိန်းချုပ်ရမယ်။ ကုန်းတွင်းပိုင်းစိမ့်ဝင်မှုက ထင်သာမြင်သာရှိတော့ အရမ်းကြီး ပြဿနာ မရှိပင်မယ့်

ပင်လယ်ပြင်ကျတော့ သူတို့က အချိန်မရွေး သွားလာနိုင်တယ်။ အချိန်နဲ့အမျှ ၀င်လာနိုင်တဲ့အတွက် နယ်စပ်

ပင်လယ်ပြင်လုံခြုံရးကို ဒီထက်တိုးမြှင့်ပေးဖို့ လိုအပ်တယ်” ဟု ကြံခိုင်ဖွံဖြိုးရေးပါတီမှ ဦးစန်းရွှေက ပြောကြားသည်။

၎င်းက “လူအခွင့်အရေးဆိုတာနဲ့ ကြည့်မယ်ဆိုရင် သူတို့ကိုယ်နှိုက်က လူအခွင့်အရေးဆုံး ရှုံးခံရအောင်လုပ်တယ်။

ဘာသာရေးလွှမ်းမိုးမှု အရမ်းရှိတယ်။ ပညာသင်ကြားမှုလည်း အားနည်းတယ်။ စာသင်ကြားမှုကလည်း ဘာသာရေး

ကျောင်းတွေမှာပဲ သင်ခဲ့ရတဲ့အတွက် အတွေးအခေါ် အားနည်းတယ်။ လွှမ်းမိုးမှုများတယ်။ ဒီအချက်ကိုကြည့်မယ်

ဆိုရင် သူတို့ကိုယ်နှိက်က လူ့အခွင့်အရေးချိုးဖောက်ခံရအောင် ဖန်တီးနေသူတွေဖြစ်တယ်” ဟု ထပ်မံပြောကြားသည်။