05.11.2012 နေ့ဖတ်ရန်သတင်းများ

by Myanmar Journal on Sunday, November 4, 2012 at 4:48pm ·

အမေရိကန် သမ္မတ ရွေးပွဲ အကြိတ်အနယ် ရှိမယ်

စစ်တမ်းတွေ အရ ၂ ယောက် စလုံးဟာ ၄၈ ရာနှုန်းစီ ရနိုင်တဲ့ အတွက် အခု အချိန်ထိ သရေလို ဖြစ်နေ

အမေရိကန် သမ္မတရွေးပွဲ ၂ ရက်ပဲ လိုတော့တဲ့ အတွက် ပြိုင်ဘက် သမ္မတလောင်း နှစ်ယောက် စလုံးဟာ ဆက်လက် မဲဆွယ်နေကြပြီး တယောက်နဲ့ တယောက် အကြိတ် အနယ် ယှဉ်ပြိုင် ရမယ်ဆိုတာ သေချာနေပြီ ဖြစ်ပါပြီ။

ရီပါဘလစ်ကန် သမ္မတလောင်း မစ်တ် ရွမ်နီက Iowa, Ohio, Pen Viginia တို့မှာ နောက်ဆုံး အဆင့် မဲဆွယ် နေပါတယ်။ လက်ရှိ သမ္မတ အိုဘားမား ကတော့ New Hampshire, Florida Ohio Colorado ပြည်နယ် တွေမှာ မဲဆွယ်မှာပါ။

အရေတကြီး အကြိတ်အနယ် ပြိုင်ရမယ့် Swing States ဘက်တဘက်ကို ယိမ်းလာ နိုင်တဲ့ ပြည်နယ်တွေမှာ သမ္မတလောင်း တွေ မနေ့က လူထု ဟောပြောပွဲတွေ လုပ်ကြပါတယ်။

အေဘီစီ သတင်းနဲ့ ဝါရှင်တန်ပို့စ် တို့ရဲ့ စစ်တမ်းတွေ အရ ၂ ယောက် စလုံးဟာ ၄၈ ရာနှုန်းစီ ရနိုင်တဲ့ အတွက် အခု အချိန်ထိ သရေလို ဖြစ်နေပါတယ်။

ဒါကြောင့် အိုဘာမားကော ရွမ်မနီပါ အတော် ပင်ပန်း နေပေမယ့် နေ့စဉ် ပြည်နယ် တခုပြီး တခု ကူးပြီးတော့ အနိုင်ရဖို့ အဆုံးအဖြတ် ပေးမယ့် မဲဆန္ဒနယ်တွေမှာ ဘယ်သူ့ကို မဲပေးရမလဲ ဆိုတာ မဆုံးဖြတ် နိုင်သူတွေကို နောက်ဆုံး မဲဆွယ် နေကြပါတယ်။

ဗာဂျီးနီးယား ပြည်နယ် ဘရစ်တိုက လူအုပ်ကြီးကို အိုဘားမားက ပြောရာမှာ သူ့ဘက် ကတော့ ပြီးသွားပြီ၊ လူထုမှာ အဆုံးအဖြတ် ပေးဖို့ အာဏာရှိတယ် ဒါဟာ ဒီမိုကရေစီပဲလို့ ဟောပြော သွားပါတယ်။

New Hampshire မှာ မနေ့က မဲဆွယ်တဲ့ ရွမ်နီ ကတော့၊ မဲပေးပြီး ရီပါဘလစ်ကန်ကို လက်စားချေ ကြလို့ သမ္မတက ပြောသွားတာကို ဝေဖန်လိုက်ပါတယ်။ မဲပေးတာဟာ တိုင်းပြည် ချစ်စိတ်နဲ့ ဆုံးဖြတ် ရမယ်၊ လက်စားချေဖို့ မဟုတ်ဘူးလို့ သူက တုံ့ပြန်ပါတယ်။

ဒီတော့ ဒီလောက် တဘက်နဲ့ တဘက် အကြိတ်အနယ် ဖြစ်နေတဲ့ အတွက်၊ အဆုံး အဖြတ်ပေးမယ့် ပြည်သူတွေ၊ ဘယ်သူ့ ဘက်ကို ယိုင်သွားမယ် ဆိုတာ ၂ ရက် ကြာရင် သိရတော့မှာ ဖြစ်ကြောင်းပါ ခင်ဗျာ။

ဆီးရီးယား အတိုက်အခံတွေ အစိုးရဖွဲ့မယ်

ဆီးရီးယား အမျိုးသား ကောင်စီ ကတော့ ၄ ရက် ကြာ အဖွဲ့တွင်း ဆွေးနွေးမှု တွေကို ပြုလုပ်နေ

ဆီးရီးယား အတိုက်အခံ အဖွဲ့တွေ အားလုံး ပေါင်စည်းပြီး၊ နောက်ဆုံးမှာ အဝေးရောက် အစိုးရ ဖွဲ့နိုင်ရေး အတွက်၊ အတိုက်အခံ အဖွဲ့ တွေဟာ ကာတာ နိုင်ငံမှာ စုဝေး ခဲ့ကြပြီး ဆွေးနွေးပွဲ တွေကို ဆက်တိုက် ဆိုသလို စတင် ပြုလုပ် နေကြပြီ ဖြစ်ပါတယ်။

ပညာရှင်တွေနဲ့ အဝေးရောက် အတိုက် အခံ ခေါင်းဆောင်တွေ အများ အပြား ပါဝင်တဲ့ အင်အား အကြီးဆုံး အတိုက် အခံ အဖွဲ့ ဖြစ်တဲ့ ဆီးရီးယား အမျိုးသား ကောင်စီ ကတော့ ၄ ရက် ကြာ အဖွဲ့တွင်း ဆွေးနွေးမှု တွေကို ပြုလုပ်နေ ပါတယ်။

သူတို့ရဲ့ ရည်မှန်းချက်တွေ ကတော့ လူငယ် အဖွဲ့ဝင် သစ်တွေကို မွေးထုတ်ပြီး ရှေ့တန်းမှာ ချထားရေး အတွက် ဖြစ်ပါတယ်။

ဒီအပတ် နှောင်းပိုင်း မှာတော့ အတိုက်အခံ အဖွဲ့တွေဟာ အမေရိကန်က အဆိုပြုထားတဲ့ ဆီးရီးယား နိုင်ငံထဲက ကိုယ်စားလှယ်တွေ ပိုမို ပါဝင်တဲ့ ခေါင်းဆောင်သစ် အယောက် ၅၀ ပါ ဦးဆောင် အဖွဲ့ ဖွဲ့စည်းရေး အတွက် စဉ်းစားဆုံး ဖြစ်ကြမှာ ဖြစ်ပါတယ်။

အတိုက်အခံ တွေကြား အကွဲ အပြဲတွေ ကျယ်ကျယ် ပြန့်ပြန့် ဖြစ်နေပြီး အကျိုး သက်ရောက်မှု မရှိ ဖြစ်နေတယ် ဆိုတာကို ဆီးရီးယား အမျိုးသား ကောင်စီက ကောင်းကောင်း သိနေ တယ်လို့ ကာတာမှာ ရှိတဲ့ ဘီဘီစီ သတင်းထောက်က ပြောပါတယ်။

သမ္မတဦးသိန်းစိန် အာရှ-ဥရောပညီလာခံ တက်ရောက်

သမ္မတ ဦးသိန်းစိန် လာအိုနိုင်ငံကို ရောက်ရှိ

မြန်မာသမ္မတ ဦးသိန်းစိန်ဟာ နိုဝင်ဘာလ ၅ ရက်ကနေ နှစ်ရက်ကြာ ကျင်းပမယ့် အာရှ ဥရောပ ထိပ်သီးဆွေးနွေးပွဲကို တက်ဖို့ လာအိုနိုင်ငံ ဗီယန်ကျင်း မြို့တော်ကို တနင်္ဂနွေနေ့တုန်းက ရောက်ရှိနေပါတယ်။

ကမ္ဘာ့တိုက်ကြီး ၂ တိုက်က နိုင်ငံပေါင်း ၅၁ နိုင်ငံ ပါဝင်တက်ရောက်ကြတဲ့ ဒီဆွေးဆွေးပွဲမှာ မြန်မာဘက်ကလည်း စီးပွားရေး ရင်းနှီးမြှပ်နှံမှုနဲ့ အကူအညီပေးရေး ကိစ္စတွေ ဆွေးနွေးဖို့ ရှိတယ်လို့ သမ္မတရုံး ညွန်ကြားရေးမှူး ဦးဇော်ဌေးက ပြောပါတယ်။

သမ္မတအနေနဲ့ ဒီထိပ်သီးဆွေးနွေးပွဲ မတိုင်ခင်ကပဲ မြန်မာနိုင်ငံက နိုင်ငံခြား ရင်းနှီးမြှပ်နှံမှု ဥပဒေကို လက်မှတ်ထိုး အတည်ပြုခဲ့တဲ့အတွက် နိုင်ငံခြားရင်းနှီးမြှပ်နှံမှုတွေကို ဖိတ်ခေါ်နိုင်မှာ ဖြစ်ကြောင်း သူက ပြောပါတယ်။

သမ္မတ အနေနဲ့ နှစ်နိုင်ငံချင်း ဖြစ်စေ ဥရောပခေါင်းဆောင်တွေနဲ့ ပွင့်ပွင့်လင်းလင်း ဆွေးနွေးကြမယ်လို့ မျှော်လင့် ကြောင်းလည်း သူက ပြောပါတယ်။

ဒီအစည်းအဝေးမှာ ငြိမ်းချမ်းရေးအကြောင်း ဆွေးနွေးကြဖို့ ရှိပေမယ့် မြန်မာနိုင်ငံက ရခိုင်ပဋိပက္ခ အကြောင်းကိုတော့ အစည်းအဝေးကြီးမှာ ဆွေးနွေးဖို့ မရှိကြောင်း၊ ဘာဖြစ်လို့လဲဆိုတော့ ဒီကိစ္စဟာ ပြည်တွင်းရေး ကိစ္စသာဖြစ်တယ်လို့ မြန်မာဘက်က ပြောထားတဲ့အကြောင်း ဦးဇော်ဌေးက ပြောပါတယ်။

ရခိုင်ပြည်နယ်တွင်း ခေါ်ယူ စစ်ဆေးမှုတွေရှိ

မြောက်ဦး မြို့နယ် သံရွှင်ပြင် ကျေးရွာက လူ (၆) ဦးကို စစ်တပ် ကနေ ခေါ်ယူ စစ်ဆေးခဲ့

ရခိုင်ပြည်နယ် အတွင်း အဓိကရုဏ်း တွေမှာ ပါဝင် ပတ်သက် သူတွေလို့ သင်္ကာမကင်း သူတွေကို စစ်တပ် ကနေ ခေါ်ယူ စစ်ဆေး မေးမြန်း မှုတွေ ရှိနေ သလို တဘက် မှာလည်း အောက်တိုဘာလ ပဋိပက္ခ တွေမှာ သေဆုံး သွားခဲ့သူတွေ တချို့ရဲ့ အလောင်းတွေ ကိုလည်း ရှာဖွေ တွေ့ရှိ နေပါတယ်။

မြောက်ဦး မြို့နယ် သံရွှင်ပြင် ကျေးရွာက ဦးအောင်ထွန်းဖြူ၊ ဦးပြည်သိန်းအောင်၊ ဦးထွန်းလင်းကျော် အပါအဝင် လူ (၆) ဦးကို စစ်တပ် ကနေ တင်္ဂနွေနေ့က ခေါ်ယူ စစ်ဆေး ခဲ့ ပါတယ်။ခုလို ခေါ်ယူ စစ်ဆေးမှုတွေကို ပြုလုပ်နေရာမှာ ရွာတရွာတည်း မဟုတ်ဘဲ ရွာ အများကြီးမှာ ပြုလုပ်နေတာ ဖြစ်တယ်လို့ ဒေသခံ တစ်ဦးက ပြောပါတယ်။

ဒီအတွက် ဒေသခံတွေ အကြားမှာ စိုးရိမ်မူတွေလည်း တိုးပွား လာနေကာ၊ မင်းပြားမြို့မှာ ဆိုရင်လည်း ဒေသဆိုင်ရာ ရဲတပ်ဖွဲ့က ဖမ်းဆီးမယ် ဆိုတဲ့ အတွက် လူတွေ ထွက်ပြေး နေကြ တယ်လို့ မင်းပြား ဒေသခံ တစ်ဦးက ပြောပါတယ်။

ခုလို ဖြစ်နေတဲ့ အချိန်မှာ မြောက်ဦးမြို့နယ် ပုရိန် မွတ်ဆလင် ရွာအနီးမှာ အောက်တိုဘာလ ၂၃ နဲ့ ၂၄ ရက်နေ့တွေက တိုက်ခိုက်မူ အတွင်း သေဆုံးသွား ခဲ့တဲ့ ရခိုင် လူမျိုး (၃) ဦးရဲ့ အလောင်းကို မနေ့က ပြန်လည် ရရှိ ခဲ့တယ်လို့ သိရ ပါတယ်။

အလားတူပဲ ပေါက်တော် မြို့နယ် ဆင်အိုင် ကျေးရွာက တူမီး သေနတ်နဲ့ ပစ်ခံရတဲ့ ဦးစိန်လှအောင်(အသက် ၆၅)ဟာလည်း အောက်တိုဘာလ ၃၀ ရက်နေ့က စစ်တွေ မြို့ ပြည်သူ့ ဆေးရုံကြီးမှာ တက်ရောက် ကုသ နေစဉ်၊ နိုဝင်ဘာလ ၂ ရက် နေ့က ဆုံးပါး သွားတယ်လို့ သိရပါတယ်။

ဆီးရီးယားလေတပ်စခန်း တခုအနီး တိုက်ပွဲတွေဖြစ်

တိုက်ပွဲတွေကြားက ဆီးရီးယား

ဆီးရီးယား နိုင်ငံ မြောက်ပိုင်း မှာရှိတဲ့ မဟာဗျူဟာမြောက် အရေးပါတဲ့ လေတပ် စခန်း တခု အနားမှာ အစိုးရ တပ်တွေနဲ့ သူပုန်တွေ အကြား တနေ့လုံး တိုက်ပွဲတွေ ဖြစ်နေခဲ့ပါတယ်။

ဒီ တဖ်တန်နက်ဇ် လေတပ် စခန်းကို သူပုန် တွေက တိုက်ခိုက်နေကြတာဟာ အစိုးရ ဘက်က လေကြောင်း ကနေ တိုက်ခိုက် နေမှုတွေကို ထိန်းချုပ် နိုင်ဖို့ အတွက် ဖြစ်ပါတယ်။

သူပုန်တွေက အခု ထိုးစစ် တွေအတွင်း သူတို့ ဖမ်းဆီး ရရှိခဲ့တဲ့ တင့်ကား တွေကို အသုံးပြုပြီး တိုက်ခိုက် နေကြတယ်လို့ ဆိုပါတယ်။

ဒါပေမယ့် ဆီးရီးယား နိုင်ငံပိုင် မီဒီယာ တွေကတော့ အစိုးရ တပ်တွေဘက်က ထိုးစစ် ဆင်လာတဲ့ သူပုန်တွေကို အကြီးအကျယ် အထိနာ သွားအောင် ပြန်လည် တိုက်ခိုက် နိုင်ခဲ့တယ်လို့လည်း ပြောပါတယ်။

အဲဒီ တိုက်ပွဲတွေ ဖြစ်နေရာကို အစိုးရဘက်က စစ်ကူတွေ သွားနေကြပြီလို့လည်း သတင်းတွေရရှိ ပါတယ်။

မြန်မာနဲ့ နော်ဝေ ဒိန်းမတ် သံအဆက်အသွယ် တိုးမြှင့်

 ဒိန်းမတ် နောက်ဝေ ပူးတွဲ သံတမန် ဆက်ဆံရေးရုံးဖွင့်ပွဲ အခမ်းအနား မှာ နော်ဝေ နိုင်ငံခြားရေးဝန်ကြီး Jens Stoltenberg စကားပြောဆိုနေစဉ်။ (နိုဝင်ဘာလ ၄ ရက်၊ ၂၀၁၂)။

မြန်မာနိုင်ငံနဲ့ သံတမန် ဆက်ဆံရေး ပိုပြီးတော့ တိုးတက် ကောင်းမွန်အောင် ဆောင်ရွက်ဖို့ ဒိန်းမတ်နဲ့ နော်ဝေ နိုင်ငံ တို့က နှစ်နိုင်ငံ ပူးတွဲ သံတမန် ဆက်ဆံရေးရုံးတခုကို တနင်္ဂနွေနေ့က ရန်ကုန်မြို့မှာ ဖွင့်လှစ်လိုက်ပါတယ်။ ဒိန်းမတ်နဲ့ နော်ဝေ နိုင်ငံတွေက ၀န်ကြီးချုပ်တွေ မြန်မာနိုင်ငံ မှာ ရောက်ရှိနေချိန်မှာ ခုလို ဖွင့်လှစ်လိုက်တာလည်း ဖြစ်ပါတယ်။ ဒိန်းမတ် ၀န်ကြီးချုပ်ဟာ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် နဲ့လည်း တနင်္ဂနွေနေ့ အစောပိုင်း မှာ တွေ့ဆုံခဲ့ကြပါသေးတယ်။ ဒီအကြောင်း အပြည့်စုံကို မခင်ဖြူထွေးက တင်ပြထားပါတယ်။ မြန်မာနိုင်ငံမှာ တိုးတက်ပြောင်းလဲလာတဲ့ အခြေအနေတွေနဲ့ ပတ်သက်လို ဒိန်းမတ်နဲ့ နော်ဝေ ၀န်ကြီးချုပ်တွေက ချီးကျူး ပြောဆိုခဲ့ကြသလို မြန်မာနိုင်ငံနဲ့ သံတမန် ဆက်ဆံရေး လုပ်ငန်းတွေ တိုးတက် ကောင်းမွန်စေဖို့အတွက်လည်း နှစ်နိုင်ငံ ပူးတွဲပြီး ရုံးတရုံးကို ဒိန်းမတ်နဲ့ နော်ဝေ ၀န်ကြီးချုပ်တွေ ကိုယ်တိုင် မနေ့တုန်းက ရန်ကုန်မြို့မှာ ဖဲကြိုးဖြတ် ဖွင့်လှစ်ပေးခဲ့တာ ဖြစ်ပါ တယ်။ မြန်မာနိုင်ငံတွင်း ရင်းနှီးမြှုပ်နှံမှုတွေ လုပ်သွားဖို့ ဒိန်းမတ်နဲ့ နော်ဝေ နှစ်နိုင်ငံလုံးက စိတ်အား ထက်သန်နေကြတဲ့ အကြောင်း ဖွင့်ပွဲ အခမ်းအနားမှာ ဒိန်းမတ် ၀န်ကြီးချုပ် Helle Thorning-Schmidt က ပြောသွားပါတယ်။

“မြန်မာနိုင်ငံမှာ ရင်းနှီးမြှုပ်နှံမှုတွေ လုပ်သွားဖို့ ကျမတို့ စိတ်အား ထက်သန်နေပါတယ်။ ကျမတို့ နိုင်ငံတွေက ကုန်သွယ်ရေးနဲ့ ရင်းနှီးမြှုပ်နှံမှု ဆိုင်ရာ ၀န်ကြီးတွေလည်း စီးပွားရေး ကိုယ်စားလှယ် အဖွဲ့တွေကိုပါ ခေါ်လာပြီ ဒီကို မကြာခင် လာကြပါလိမ့်မယ်။ ကျမတို့ ဒိန်းမတ် ရော၊ နော်ဝေ နိုင်ငံ နှစ် နိုင်ငံစလုံးဟာ အပြန်အလှန် လေးစားမှု၊ တာဝန်ယူမှုတွေ နဲ့ ရေရှည်တည်တံ့တဲ့ နည်းတွေနဲ့ ရင်းနှီးမြှုပ်နှံချင်ကြတဲ့ အကောင်းဆုံး ကုမ္ပဏီတွေ ရှိတဲ့ နိုင်ငံတွေပါ။”

ဒိန်းမတ်နဲ့ နော်ဝေ နိုင်ငံတွေ အနေနဲ့ မြန်မာနိုင်ငံရဲ့ ဒီမိုကရေစီနဲ့ ငြိမ်းချမ်းရေး တည်ဆောက်ရေး လုပ်ငန်းတွေမှာ ဆက်လက် အားပေး ကူညီသွားမှာ ဖြစ်တဲ့အကြောင်းနဲ့ အစုအဖွဲ့အားလုံး ပါဝင်တဲ့ ငြိမ်းချမ်းရေးလုပ်ငန်းစဉ်တွေ မြန်မာနိုင်ငံမှာ အောင်အောင်မြင်မြင် ဖြစ်လာဖို့မှာတော့ မြန်မာနိုင်ငံသားတွေ ကိုယ်တိုင်က အဓိက ကြိုးပမ်း ဆောင်ရွက်ကြရမှာ ဖြစ်တယ်လို့ နော်ဝေ ၀န်ကြီးချုပ် Jens Stoltenberg ကလည်း ဒီအခမ်းအနားမှာ ပြောသွားပါတယ်။

“မြန်မာနိုင်ငံရဲ့ ငြိမ်းချမ်းရေး လုပ်ငန်းစဉ်တွေဟာ မြန်မာပြည်သူတွေ ကိုင်တိုင် တာဝန်ယူ ဆောင်ရွက်ရမယ့် ကိစ္စတခုပါ။ ကျနော်တို့ ဒိန်းမတ် တို့ နော်ဝေ နိုင်ငံတို့ဘက်က လုပ်ပေးနိုင်တာက ဒီလုပ်ငန်းစဉ် ဖြစ်မြောက်အောင်မြင်အောင် အားပေးတာ၊ ကူညီဆောင်ရွက်ပေး တာပါပဲ။ နိုင်ငံရေး လုပ်ငန်းစဉ်တွေအတွက် အဖြေရှာတာကတော့ ဒီ မြန်မာနိုင်ငံတွင်း က မြန်မာနိုင်ငံသားတွေ ကိုယ်တိုင် ဖြေရှင်း ဆောင်ရွက်ရမယ့် ကိစ္စ ဖြစ်ပါတယ်။”

မနေ့က သံရုံးဖွင့်ပွဲ မတိုင်ခင် မနက်ပိုင်းမှာတော့ ဒိန်းမတ်ဝန်ကြီးချုပ် Helle Thorning-Schmidt ဟာ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံခဲ့ပါတယ်။ တွေ့ဆုံမှုအပြီး ပြုလုပ်တဲ့ ပူးတွဲ သတင်းစာ ရှင်းလင်းပွဲမှာတော့ မြန်မာနိုင်ငံမှာ ဒီမိုကရေစီ အခွင့်အရေးတွေ ပိုပြီး ရှိလာဖို့အတွက် ရှေ့ဆက် လုပ်ဆောင်စရာတွေ အများကြီး ရှိနေသေးတယ်လို့ ဒိန်းမတ် ၀န်ကြီးချုပ်က ပြောသွားပါတယ်။

“လုပ်ဆောင်စရာတွေ အများကြီး ကျန်ပါသေးတယ်။ ဒါပေမဲ့ ဒီလုပ်ငန်းတွေ စဖို့အတွက် အခြေခံတွေကတော့ ရှိနေပါပြီ။ ဒီအလုပ်တွေ အောင်မြင်ဖို့ ကျမတို့ အတူတကွ လက်တွဲ ဆောင်ရွက်သွားကြရမှာပါ။”

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကလည်း လိုရာပန်းတိုင်ကို အပြည့် မရောက်သေးပေမဲ့လို့ ဖြစ်ချင်တဲ့ အပြောင်းအလဲတွေ ဖြစ်လာဖို့အတွက် အခွင့်အလမ်းတွေ ပိုပြီး ရှိလာနေပြီလို့ ပြောဆိုသွားပါတယ်။

“မြန်မာနိုင်ငံမှာ အပြောင်းအလဲတွေ ဖြစ်လာဖို့ ကျမတို့ အမြဲပဲ မျှော်လင့်ခဲ့ပါတယ်။ ဒါကြောင့်လဲ ကျမတို့ လှုပ်ရှား ဆောင်ရွက်ခဲ့ကြတာပါ။ တခုခုကို ဖြစ်လာလိမ့်မယ်လို့ မယုံကြည်ဘဲနဲ့တော့ ဒီအရာကို ဘယ်သူမှ လုပ်မှာမဟုတ်ပါဘူး။ လူတိုင်း ဒီလို မဟုတ်ဘူး ဆိုရင်တောင် အနည်းဆုံး ကျမ ဆိုရင်တော့ လုပ်မှာမဟုတ်ဘူး။ ကျမကတော့ လက်တွေ့ကျကျ ဖြစ်နိုင်တာကိုပဲ စဉ်းစားပြီး လုပ်တတ်လို့ပဲ။ မြန်မာနိုင်ငံအတွက် အပြောင်းအလဲတွေ တနေ့ ရှိလာမယ် ဆိုတာကို အရင်ကတည်းက ကျမ အမြဲ ယုံကြည်ခဲ့တယ်။ ခုဆိုရင် ကျမတို့ လိုချင်တဲ့ အပြောင်းအလဲမျိုးအတွက် ကြိုးစားဖို့ အခွင့်အလမ်းတွေ ပိုပြီး ရှိလာနေပါပြီ။ ဒီလိုပြောတာက လိုချင်တဲ့ အပြောင်းအလဲတွေ ရှိနေပြီလို့တော့ ဆိုလိုတာ မဟုတ်ပါဘူး။ အပြောင်းအလဲတွေ ဖြစ်လာအောင် ကြိုးစားရမယ့် အခွင့်အလမ်းတွေ ပေါ်လာပြီလို့ပဲ ပြောချင်တာပါ။” - လို့ ဒေါ်အောင်ဆန်းစုကြည်က ပြောသွားတာပါ။

မြန်မာနိုင်ငံမှာ နိုင်ငံရေး ပြုပြင် ပြောင်းလဲမှုတွေ ဖြစ်လာခဲ့ပြီးတဲ့နောက်ပိုင်း မြန်မာနဲ့ အနောက်နိုင်ငံ အတော်များများ အကြား သံတမန် ဆက်ဆံရေးတွေ ပြန်စလာခဲ့တာမှာ ခုလို ဥရောပနိုင်ငံတွေဖြစ်တဲ့ ဒိန်းမတ်နဲ့ နော်ဝေ နိုင်ငံတွေလည်း ရှေ့တန်းက ပါဝင်နေတာ ဖြစ်ပါတယ်။ နော်ဝေနိုင်ငံဟာ မြန်မာ အစိုးရရဲ့ ပြုပြင် ပြောင်းလဲမှုတွေကို အသိအမှတ်ပြုတဲ့ အနေနဲ့ မြန်မာနိုင်ငံအပေါ် ချမှတ်ထားတဲ့ ဒဏ်ခတ်ပိတ်ဆို့မှုတွေကို အစောဆုံး ပြန်ရုပ်သိမ်းပေးခဲ့တဲ့ နိုင်ငံ ဖြစ်ပါတယ်။ ဒိန်းမတ်နိုင်ငံ ဆိုရင်လည်း မြန်မာနိုင်ငံကို ဒီနှစ်အတွင်း ဒေါ်လာ ၁၈ သန်း ထောက်ပံ့ပေးခဲ့ သလို ရှေ့လာမယ့် နှစ်တွေမှာလည်း ဒေါ်လာ ၂၃ သန်းအထိ အကူအညီတွေ တိုးမြှင့်ပေးသွားမယ်လို့ ပြောဆိုထားတာပါ။

နော်ဝေ ၀န်ကြီးချုပ် Jens Stoltenberg ဟာ နိုဝင်ဘာလ ၃ ရက်နေ့က သမ္မတ ဦးသိန်းစိန်နဲ့ နေပြည်တော်မှာ သွားရောက် တွေ့ဆုံခဲ့သလို နှစ်နိုင်ငံ ဆက်ဆံရေး၊ ကုန်သွယ်ရေးနဲ့ ရင်းနှီးမြှုပ်နှံမှု ဆိုင်ရာ တိုးမြှင့် ဆောင်ရွက်ဖို့ ကိစ္စတွေကို ဆွေးနွေးခဲ့ ပါတယ်။ မြန်မာနိုင်ငံကို ရောက်နေတဲ့ ဒိန်းမတ်နဲ့ နော်ဝေ ၀န်ကြီးချုပ် တို့ဟာ မြန်မာနိုင်ငံတွင်း ငြိမ်ချမ်းရေး ဖော်ဆောင်ရေး လုပ်ငန်းတွေ ဆောင်ရွက်ဖို့ ဖွင့်လှစ်ထားတဲ့ ငြိမ်းချမ်းရေး စင်တာကိုလည်း သွားရောက်ခဲ့ကြသလို ပြည်တွင်းက နိုင်ငံရေး အင်အားစုတွေနဲ့ လည်း တွေ့ဆုံခဲ့ပါသေးတယ်ရှင်။

အာဆီယံ-ဥရောပ အစည်းအဝေးအတွက် ခေါင်းဆောင်တွေ ရောက်ရှိ

 

မြန်မာနိုင်ငံလည်း အသင်းဝင်ဖြစ်တဲ့ အရှေ့တောင်အာရှ နိုင်ငံများအသင်း (ASEAN) နဲ့ ဥရောပနိုင်ငံတွေရဲ့ ထိပ်သီး အစည်းအဝေးပွဲ တက်ရောက်ဖို့ သမ္မတ ဦးသိန်းစိန် အပါအ၀င် ဒေသတွင်းနဲ့ အနောက်နိုင်ငံ ခေါင်းဆောင်တွေ လာအိုနိုင်ငံ ဗီယမ်ကျန်း မြို့တော်ကို တနင်္ဂနွေနေ့က ရောက်ရှိလာကြပါတယ်။ ဒီကနေ့ စတင်ကျင်းပမယ့် (၉) ကြိမ်မြောက် ASEM အစည်းအဝေးပွဲ အတွင်းမှာတော့ စီးပွားရေး ကိစ္စတွေကို အလေးထား ဆွေးနွေးကြလိမ့်မယ် လို့ မျှော်လင့်ရပါတယ်။ အထူးသဖြင့်ကတော့ ဥရောပ နိုင်ငံတွေမှာ အစိုးရတွေ ကြွေးမြီပြဿနာတွေ နဲ့ ရင်ဆိုင်နေရချိန်မှာ ဖွံ့ဖြိုးမှုတွေ အားကောင်း လာနေတဲ့ အာရှဒေသနဲ့ ဆက်ဆံရေးဟာ အရေးပါ အရာရောက်နေတာပါ။

ထိပ်သီးအစည်းအဝေးပွဲ မတိုင်မီ ထိုင်းနိုင်ငံမှာ ရောက်ရှိနေတဲ့ ဥရောပ ကော်မရှင်ရဲ့ ဥက္ကဋ္ဌ Jose Manuel Barrosso ကတော့ တနေ့တခြား အရေးပါလာနေတဲ့ အာရှဒေသနဲ့ ဆက်ဆံရေးဟာ အရေးကြီးတဲ့အကြောင်း တနင်္ဂနွေနေ့က ဘန်ကောက်မြို့မှာ သတင်းထောက်တွေကို ပြောခဲ့ပါတယ်။ စီးပွားရေး ကိစ္စရပ်တွေအပြင် ဒေသတွင်း လုံခြုံရေးနဲ့ တည်ငြိမ်ရေး ကိစ္စရပ်တွေကို လည်း ဆွေးနွေးကြမှာပါ။

၁၉၉၆ ခုနှစ်က နိုင်ငံပေါင်း ၂၆ နိုင်ငံနဲ့ စတင်ကျင်းပခဲ့တဲ့ အာဆီယံနဲ့ ဥရောပ ထိပ်သီး ဆွေးနွေးပွဲတွေကိုတော့ မြန်မာနိုင်ငံက ၂၀၀၄ ခုနှစ်ကျမှ စတင်ပါဝင်ခဲ့တာ ဖြစ်ပါတယ်။ ဒီတကြိမ် အစည်းအဝေးကိုတော့ သမ္မတ ဦးသိန်းစိန် ဦးဆောင်ပြီး နိုင်ငံခြားရေးဝန်ကြီး ဦးဝဏ္ဏမောင်လွင်၊ သမ္မတရုံးဝန်ကြီး ဦးတင်နိုင်သိန်း၊ ဆောက်လုပ်ရေးဝန်ကြီး ဦးကျော်လွင်၊ ကျန်းမာရေးဝန်ကြီးဌာန ဒုတိယဝန်ကြီး ဒေါက်တာဝင်းမြင့် စတဲ့ အစိုးရ တာဝန်ရှိသူတွေလည်း လိုက်ပါခဲ့ ကြပါတယ်။

အိုဘားမား ရွေးကောက်ပွဲစည်းရုံးရေး ဘီလ်ကလင်တန် လိုက်ပါ

အမေရိကန် သမ္မတ ဘရက်အိုဘားမား (၀ဲ) ရဲ့ မဲဆွယ်စည်းရုံးမှုတွေမှာ သမ္မတဟောင်း ဘီလ်ကလင်တန် အတူလိုက်ပါ စည်းရုံး လှုပ်ရှားနေစဉ်။

အမေရိကန်နိုင်ငံမှာ လာမယ့်အင်္ဂါနေ့ သမ္မတ ရွေးချယ်ပွဲတွေ ကျင်းပတောမှာမို့ သမ္မတလောင်း ၂ ဦး မဲဆွယ်စည်းရုံးမှုတွေ အကြိတ်အနယ် ပြုလုပ်နေကြပါတယ်။ လက်ရှိသမ္မတ ဘရက်အိုဘားမား နဲ့ အတူ သမ္မတဟောင်း ဘီလ်ကလင်တန် လည်း စနေနေ့ည မဲဆွယ် စည်းရုံးပွဲတွေမှာ ပါဝင်ခဲ့ပါတယ်။  သမ္မတဟောင်း ဘီလ်ကလင်တန် က မဲဆွယ်စည်းရုံးမှုတွေ ဆက်တိုက် လုပ်ဆောင်ရင်းနဲ့ အသံဝင်လုနီးပါး ဖြစ်လာတာကို မဲဆွယ်ပွဲ မိန့်ခွန်းမှာ  ထည့်ပြီး ပြောဆိုသွားပါတယ်။

သမ္မတဟောင်း ဘီလ်ကလင်တန် နဲ့ သမ္မတ အိုဘားမား တို့ဟာ ဗာဂျီးနီးယား ပြည်နယ် ဘရစ်စတို (Bristow) မှာ ပြုလုပ်ခဲ့တဲ့ မဲဆွယ် စည်းရုံးဟောပြောပွဲ တွေကို မဲဆန္ဒရှင် ပရိသတ် ၂၄,၀၀၀ လောက် တက်ရောက်ခဲ့ပါတယ်။ သမ္မတ အိုဘားမား ရဲ့ ပြိုင်ဘက် ရီပက်ဘလစ်ကန် သမ္မတလောင်း မစ်ရွန်မနီ ဟာလည်း အမေရိကန်နိုင်ငံတလွှား သွားရောက်ပြီး မဲဆွယ်စည်းရုံးမှုတွေ လုပ်ဆောင်နေပါတယ်။

လူထုဆန္ဒ စစ်တမ်းတွေအရ ပြိုင်ဘက် ၂ ဦးဟာ အဓိကကျတဲ့ မဲဆန္ဒနယ်တွေ ဖြစ်တဲ့ ကော်လိုရာဒို၊ ဖလော်ရီဒါ၊ အိုဟိုင်းအိုး နဲ့ ဗာဂျီးနီးယား ပြည်နယ်တွေမှာ သူမသာ ကိုယ်မသာ ဖြစ်နေပါ တယ်။ အိုဟိုင်းအိုး နဲ့ ဗာဂျီးနီးယား ပြည်နယ်တွေမှာ သမ္မတ အိုဘားမားက အနည်းငယ် အသာစီးရနေပြီး ကော်လိုရာဒို မှာတော့ မစ္စတာ ရွန်မနီ က ရှေ့ကနည်းနည်း ပြေးနေ ပါတယ်။ ဖလော်ရီဒါ မှာတော့ ပြိုင်ဘက် ၂ ဦးစလုံးဟာ ဘယ်သူမှ အသာစီးမရဘဲ ယှဉ်လိုက်နေတာ ဖြစ်ပါတယ်။ 

သမ္မတရွေးချယ်ခံရဖို့အတွက် ကိုယ်စားလှယ်မဲ ၂၇၀ ရဖို့ အရေးမှာ ဆုံးဖြတ်ချက် မချနိုင်သေးတဲ့ ပြည်နယ် ၄ ခုက အဓိက ကျနေပါတယ်။ မဆုံးဖြတ်နိုင်သေးတဲ့ ပြည်နယ် ၄ ခုထဲက နယူးဟမ်ရှား ပြည်နယ်မှာတော့ သမ္မတ အိုဘားမား ဟာ သူပေးထားတဲ့ ဂတိတွေ မတည်ဘူး လို့ ဝေဖန်ပြောဆိုပြီး မဲဆန္ဒရှင်တွေကို မစ္စတာ ရွန်မနီက မဲဆွယ်စည်းရုံးနေတာ ဖြစ်ပါတယ်။

အာဆီယံထိပ်သီးတက်မယ့် သမ္မတဦးသိန်းစိန် လာအိုနိုင်ငံရောက်ရှိ

နိုင်ငံတော်သမ္မတဦးသိန်းစိန် ဟာ လာအိုနိုင်ငံ ဗီယင်ကျန်း မြို့မှာကျင်းပမယ့် အာရှ-ဥရောပ အစည်းအဝေးကို တက်ရောက်ဖို့ နိုဝင်ဘာလ ၄ ရက် မနက်ပိုင်းမှာ နေပြည်တော် လေဆိပ်ကနေ ထွက်ခွာသွားပါတယ်။ သမ္မတ ဦးသိန်းစိန်ဟာ လာအိုပြည်သူ့ ဒီမိုကရက်တစ်နိုင်ငံ၊ ဗီယင်ကျန်း မြို့တော် National Convention Centre မှာ ကျင်းပမယ့် (၉) ကြိမ်မြောက် အာရှ-ဥရောပ အစည်းအဝေးကို တက်ရောက်ဖို့ ထွက်ခွာသွားတာ ဖြစ်ပါတယ်။ 

နိုင်ငံတော်သမ္မတ ဟာ နိုဝင်ဘာလ ၅ ရက်နေ့ကနေ ၆ ရက်နေ့ထိ ကျင်းပမယ့် အာရှ-ဥရောပ အစည်းအဝေးကို တက်ရောက်မှာ ဖြစ်ပြီး ဒီအစည်းအဝေးကို တက်ရောက်လာကြတဲ့ နိုင်ငံတကာ အကြီးအကဲ အချို့နဲ့ တွေ့ဆုံဆွေးနွေးဖို့ ဒီနေ့ ထွက်ခွာခဲ့တာဖြစ်ပါတယ်။

မြန်မာသမ္မတဟာ  နိုဝင်ဘာ ၇ ရက်နေ့ မှာ မြန်မာနိုင်ငံကို ပြန်လည် ရောက်ရှိမှာဖြစ်ကြောင်း သိရှိရပါတယ်။ ခရီးစဉ်မှာ အဖွဲ့ဝင်အဖြစ် ပြည်ထောင်စုဝန်ကြီးများ ဖြစ်ကြတဲ့ နိုင်ငံခြားရေးဝန်ကြီး ဦးဝဏ္ဏမောင်လွင်၊ သမ္မတရုံးဝန်ကြီး ဦးတင်နိုင်သိန်း၊ ဆောက်လုပ်ရေးဝန်ကြီး ဦးကျော်လွင်၊ ကျန်းမာရေးဝန်ကြီးဌာန ဒုတိယဝန်ကြီး ဒေါက်တာဝင်းမြင့်နှင့် ဌာနဆိုင်ရာ တာဝန်ရှိပုဂ္ဂိုလ်တွေ လိုက်ပါသွားကြပါတယ်။

အာရှ-ဥရောပ ASEAN-EU အစည်းအဝေးကို ၁၉၉၆ ခုနှစ်မှာ တက်ရောက်တဲ့ နိုင်ငံပေါင်း ၂၆ နဲ့ စတင် ကျင်းပခဲ့ပြီး မြန်မာနိုင်ငံ အနေနဲ့ ၂၀၀၄ ခုနှစ်မှာ စတင် တက်ရောက်ခဲ့ပါတယ်။ လက်ရှိအကြိမ်မှာ တက်ရောက်တဲ့ နိုင်ငံပေါင်း ၄၈ နိုင်ငံရှိပြီး ဥရောပက ၂၇ နိုင်ငံ၊ အာဆီယံ အသင်းဝင် ၁၁ နိုင်ငံ၊ အာရှနဲ့ အခြားနိုင်ငံ ၉ နိုင်ငံက အကြီးအကဲတွေ တက်ရောက်ကြမှာ ဖြစ်ပါတယ်။