04.11.2012 နေ့ဖတ်ရန်သတင်းများ

by Myanmar Journal on Saturday, November 3, 2012 at 9:37pm ·

မြန်မာနိုင်ငံ ငြိမ်းချမ်းရေးအတွက် EU ငွေကြေး ထောက်ပံ့မည်

မြန်မာနိုင်ငံက ပြုပြင်ပြောင်းလဲရေး လုပ်ငန်းစဉ်ကို အားပေးတဲ့ အနေနဲ့ ထောက်ပံ့ ကူညီသွားဖို့ ဥရောပ သမဂ္ဂက ကတိပြုလိုက်တဲ့ တချိန်တည်းမှာပဲ တိုင်းပြည်တွင်းက ပဋိပက္ခတွေ အဆုံးသတ်ရေး ဆောင်ရွက်ဖို့လည်း တိုက်တွန်းလိုက်ပါတယ်။

လူပေါင်း ၉၀ နီးပါး သေဆုံးခဲ့ရတဲ့ တကျော့ပြန် တိုက်ခိုက်မှုတွေ ဖြစ်ပွားရာ ရခိုင်ပြည်နယ်တွင်းက ပြဿနာတွေ၊ တိုင်းရင်းသား လက်နက်ကိုင် အဖွဲ့အစည်းတွေနဲ့ ပြေလည်မှု မရသေးတာတွေလို ကိစ္စတွေဟာ ဒီမိုကရေစီ တည်ဆောက်တဲ့ လုပ်ငန်းစဉ်အတွက် စိန်ခေါ်မှုတွေ အဖြစ်နဲ့ ရှိနေဆဲ ဖြစ်တဲ့အကြောင်း မြန်မာနိုင်ငံ ကို ရောက်ရှိနေတဲ့ ဥရောပကော်မရှင် အကြီးအကဲ Jose Manuel Barrosso က စနေနေ့ က ပြောလိုက်တာပါ။

ရခိုင်ပြည်နယ်က ပဋိပက္ခတွေကြောင့် အတိဒုက္ခ ရောက်ကြရသူတွေအတွက် အကူအညီအဖြစ် ယူရိုငွေ ၄ သန်း စတင်ထောက်ပံ့ ကူညီဖို့ ပြင်ဆင်ထားတဲ့ အကြောင်းကိုလည်း ဥရောပကော်မရှင် အကြီးအကဲက ကတိပြုခဲ့ပါတယ်။ ဥရောပ သမဂ္ဂ (EU) အနေနဲ့ မြန်မာနိုင်ငံက တိုင်းရင်းသား အင်အားစုတွေနဲ့ ငြိမ်းချမ်းရေး ရရှိရေး လုပ်ငန်းစဉ်အတွက် ယူရိုငွေ သန်း ၃၀ ရှေ့နှစ်ကစ ပေးအပ်မှာ ဖြစ်တယ်လို့လည်း ကတိပြုခဲ့တာပါ။

သီတင်းတပတ်ကြာ အာရှ ခရီးစဉ် တစိတ်တပိုင်းအဖြစ် မြန်မာနိုင်ငံကို ရောက်ရှိလာတဲ့ ဥရောပ ကော်မရှင် အကြီးအကဲကတော့ သူ့ရဲ့မြန်မာနိုင်ငံ ခရီးစဉ်အတွင်း သမ္မတဦးသိန်းစိန် အပါအ၀င် မြန်မာအစိုးရ တာဝန်ရှိသူတွေနဲ့ သာမက အဓိက နိုင်ငံရေး ပါတီကြီးတခုဖြစ်တဲ့ အမျိုးသား ဒီမိုကရေစီ အဖွဲ့ချုပ် (NLD) ပါတီ ဥက္ကဋ္ဌ ဒေါ်အောင်ဆန်းစုကြည် လွှတ်တော် တာဝန်ရှိသူတွေနဲ့ပါ တွေ့ဆုံခဲ့ပါတယ်။

အင်္ဂါနေ့ အမေရိကန် သမ္မတရွေးပွဲအတွက် အကြိတ်အနယ် စည်းရုံး

အမေရိကန် ပြည်ထောင်စုမှာ အင်္ဂါနေ့ သမ္မတ ရွေးကောက်ပွဲ မတိုင်မီ နောက်ဆုံးနေ့တွေ အဖြစ်နဲ့ မဲဆွယ်စည်းရုံး နေကြတဲ့ လက်ရှိသမ္မတ ဘရက်ခ် အိုဘားမားနဲ့ ပြိုင်ဘက် ရီပက်ဘလစ်ကန် ပါတီ သမ္မတလောင်း မစ်ရွန်မနီ (Mitt Romney) တို့ဟာ ရွေးကောက်ပွဲ အတွက် အဓိက အဆုံးအဖြတ် ပေးလိမ့်မယ်လို့ ယူဆထားကြတဲ့ ပြည်နယ်တွေမှာ အပြန်အလှန် မဲဆွယ်စည်းရုံး လှုပ်ရှားနေကြပါတယ်။ လူထုစစ်တမ်းတွေမှာတော့ ထောက်ခံမှုရဖို့ အကြိတ်အနယ် ကြိုးစားနေရတဲ့ ပြည်နယ်တွေဖြစ်ကြတဲ့ ကော်လိုရာဒို (Colorado)၊ ဖလော်ရီဒါ (Florida)၊ အိုဟိုင်းအိုး (Ohio) နဲ့ ဗာဂျီးနီးယား (Virginia) ပြည်နယ်တွေမှာ သမ္မတလောင်း ၂ ဦးအပေါ် ထောက်ခံမှုတွေဟာ မတိမ်းမယိမ်းပဲ ရှိနေတယ်လို့ ဖော်ပြနေကြတာပါ။

အိုဟိုင်းအိုး နဲ့ ဗာဂျီးနီးယား ပြည်နယ်တွေမှာ သမ္မတ အိုဘားမားက အနည်းငယ် အသာစီး ရနေသလို၊ ကော်လိုရာဒို ပြည်နယ်မှာတော့ ပြိုင်ဘက် သမ္မတလောင်းက အသာရနေပြီး၊ ဖလော်ရီဒါ မှာတော့ သရေဖြစ်နေပါတယ်။ ဒီပြည်နယ် ၄ ခုဟာဆိုရင် သမ္မတလောင်းတွေ အတွက် အနိုင်ရဖို့ လိုအပ်တဲ့ မဲအရေအတွက် ၂၇၀ ရရှိရေး အကြိတ်အနယ် လုနေကြရတဲ့ ပြည်နယ်တွေထဲမှာ ပါဝင်နေကြတာပါ။

အလားတူ ထောက်ခံမဲရဖို့ လုနေရတဲ့ နယူးဟမ်ရှား (New Hampshire) ပြည်နယ်က စနေနေ့ မဲဆွယ်ပွဲမှာတော့ မက်ဆာချူးဆက်ပြည်နယ် အုပ်ချုပ်ရေးမှူးဟောင်း ရွန်မနီ က သမ္မတ အိုဘားမား အစိုးရလက်ထက် လွှတ်တော်တွင်း သဘောထား ကွဲလွဲမှုတွေ ကြုံခဲ့ရသူ၊ ဘဏ္ဍာရေး လိုငွေပြမှုတွေ ကြီးထွားအောင် လုပ်ခဲ့သူ၊ အောင်မြင်မှု မရှိတဲ့ ကျန်းမာရေး စောင့်ရှောက်မှု အစီအစဉ်သစ်ကို ဆောင်ရွက်ခဲ့သူ အဖြစ်နဲ့ ထိုးနှက် ဝေဖန်ခဲ့တာပါ။

သမ္မတ အိုဘားမား ကတော့ စနေနေ့ အိုဟိုင်းအိုး ပြည်နယ် စည်းရုံးရေး ခရီးစဉ်အတွင်း ပြိုင်ဘက်ကိုယ်စားလှယ် ရွန်မနီ ရဲ့ ဘဏ်တွေကို လုပ်ပိုင်ခွင့်တွေ ပိုပေးမယ့် မူဝါဒတွေ၊ ချမ်းသာသူတွေကို အခွန်သက်သာခွင့် ပေးမယ့် အစီအစဉ်တွေဟာ တိုင်းပြည်အတွက် အကျိုး မရှိဘူးဆိုပြီး ဝေဖန်သွားပါတယ်။ စနေနေ့မှာတော့ သမ္မတ အိုဘားမား ဟာ အိုဟိုင်းအိုး ပြည်နယ်အပြင် ၀စ်ကွန်ဆင် (Wisconsin), အိုင်အိုဝါ (Iowa) နဲ့ ဗာဂျီးနီးယား (Virginia) ပြည်နယ်တွေမှာ ဆက်လက် စည်းရုံးရေး ဆင်းခဲ့သလို၊ ပြိုင်ဘက်ဖြစ်တဲ့ ရွန်မနီ ကတော့ အိုင်အိုဝါ နဲ့ ကော်လိုရာဒို ပြည်နယ်တွေကို စည်းရုံးရေး ထွက်ခဲ့ပါတယ်။

အမေရိကန် သမ္မတ ရွေးကောက်ပွဲ မဲဆွယ်ပွဲတွေ အရှိန်တက်

အပြိုင်မဲဆွယ် နေကြတဲ့ သမ္မတလောင်း ၂ ဦး

အမေရိကန် သမ္မတ ရွေးကောက်ပွဲ ကျင်းပဖို့ အချိန် နီးကပ် လာနေတာ နဲ့ အမျှ ယှဉ်ပြိုင် အရွေးခံကြမယ့် လက်ရှိ သမ္မတ အိုဘားမားနဲ့ ပြိုင်ဘက် ရီပတ်ပလစ်ကန် သမ္မတလောင်း မစ်ရွန်မနီ တို့ဟာ လူအများအပြား တက်ရောက် ကြတဲ့ မဲဆွယ် စည်းရုံးပွဲတွေ အကြီးအကျယ် ပြုလုပ် နေကြပါတယ်။

ဒီရွေးကောက်ပွဲ အတွက် အနိုင်အရှုံးကို အဆုံး အဖြတ် ပေးမယ့် ပါတီ ၂ ခု အကြား ဘယ်ဘက်ကမှ အသာမရ ဖြစ်နေတဲ့ ပြည်နယ်တွေက မဲတွေ ရဖို့ အတွက်ကို သမ္မတလောင်း ၂ ဦးစလုံး ပစ်မှတ် ထားလို့ မဲဆွယ် နေကြတာ ဖြစ်ပါတယ်။

အိုဟိုင်းယိုး ပြည်နယ်မှာတော့ သမ္မတ အိုဘားမားက မဲဆွယ်ပွဲကို တက်ရောက် လာကြတဲ့ လူအုပ်ကြီးကို လွန်ခဲ့တဲ့ ၄ နှစ် အတွင်း တိုင်းပြည်အတွင်း တိုးတက် မှုတွေ ရရှိ ခဲ့တဲ့ အကြောင်း၊ ဒါပေမယ့် ဆက်လုပ်ရမယ့် အလုပ်တွေ ရှိနေသေးတဲ့ အကြောင်း ပြောကြား ခဲ့ပါတယ်။

သမ္မတ အိုဘားမားက အမေရိကန်ဟာ အားလုံး အတွက် အခွင့်အလမ်း တွေရှိနေတဲ့ အချိန်၊ အဲဒီ အခွင့်အလန်း တွေကို အားလုံး တန်းတူ ဝေမျှလို့ တန်းတူ ကြိုးစားကြတဲ့ အခါမျိုးမှာ အကောင်းဆုံး ဖြစ်တဲ့အကြောင်းနဲ့ ဒီလို ဖြစ်နိုင်ဖို့ သူ့ကို လွန်ခဲ့တဲ့ ၄ နှစ်က ရွေးချယ် ခဲ့ကြတာ ဖြစ်ကြောင်းနဲ့ အခုလည်း ဒါတွေ ဆက်လုပ်ဖို့ သူ ဒုတိယ သက်တမ်း အတွက် အရွေးခံမှာ ဖြစ်ကြောင်း တွေကို ပြောကြား ခဲ့ပါတယ်။

မစ္စတာ ရွန်မနီကတော့ နယူးဟမ်ရှိုင်းယားမှာ တက်ရောက်လာကြ သူတွေကို ဒီတကြိမ် ရွေးကောက်ပွဲ အတွက် နေ့နေ့ ညည ကြိုးစား ခဲ့ကြတဲ့ အကြောင်းနဲ့ အခုခရီး ရောက်လုနီးနေပြီ ဖြစ်ကြောင်း၊ အခွင့်အလမ်း တွေပွင့်နေပြီ ဖြစ်လို့ ဆက်လျှောက်ဖို့ပဲ လိုတော့ကြောင်း၊ အမေရိကန်ကို တချိန်ကလို ကြီးကျယ် ခမ်းနားအောင် ပြန်လုပ်နိုင်ကြမှာ ဖြစ်ကြောင်း တွေပြောကြား ခဲ့ပါတယ်။

ရွေးကောက်ပွဲ အကြို စစ်တမ်း ကောက်ယူချက်တွေ မှာတော့ ပြိုင်ဘက် ၂ ဦးစလုံးရဲ့ လူကြိုက်များမှု တွေဟာ မတိမ်းမယိမ်း ရှိနေပါတယ်။

ဒါပေမယ့် သမ္မတ အိုအားမားကတော့ အရေးကြီးတဲ့ ပြည်နယ် တွေဘက်မှာ 

ပြုပြင် ပြောင်းလဲရေး အတွက် အတွေးအခေါ် မပြောင်းသူတွေရှိ

မြန်မာနိုင်ငံမှာ ပြုပြင်ပြောင်းလဲမှုတွေကို ထိရောက်အောင်ဆောင်ရွက်ဖို့နဲ့ ဖွံ့ဖြိုးရေးအတွက် Peace Centre လို့ ခေါ်တဲ့ငြိမ်းချမ်းရေးနဲ့ ပတ်သက်ပြီး ဘက်ပေါင်းစုံက အမြင်တွေကို လွတ်လွတ်လပ်လပ် ဖလှယ်နိုင်မယ့် ငြိမ်းချမ်းရေးစင်တာတရပ်ကို စတင်ဖွဲ့စည်းနေပြီလို့ သမ္မတရုံး ၀န်ကြီးဦးအောင်မင်းက ပြောပါတယ်။

ဒါပေမယ့် တကယ်တမ်းမှာ ကချင်လွတ်လပ်ရေးအဖွဲ့နဲ့ အပစ်အခတ်မရပ်နိုင်သေးသလို ရခိုင်ပြည်နယ်မှာဖြစ်နေတဲ့ ပဋိပက္ခတွေလို မငြိမ်းချမ်းနိုင်သေးတဲ့ အခြေအနေတွေကလည်းရှိနေပါတယ်။

ဒီတော့ မြန်မာနိုင်ငံ ငြိမ်းချမ်းရေးနဲ့ ဒီမိုကရေစီ ပြုပြင်ပြောင်းလဲရေးကို အောင်မြင်အောင်ဘယ်လိုလုပ်မှာလဲ လို့ သမ္မတရုံးဝန်ကြီးဦးအောင်မင်းကို ဦးကိုကိုအောင်က မေးမြန်းရာမှာ ပြုပြင်ပြောင်းလဲရေး လုပ်ငန်းစဉ်ဟာ all inclusive ဖြစ်တဲ့အတွက် အားလုံးကို ပါအောင် ခေါ်ယူရမယ့်တာဝန်ဟာ သူရဲ့တာဝန်ဖြစ်ကြောင်း၊ တချို့က အတွေးအခေါ်မပြောင်းတဲ့အတွက် Hard Liner Soft Liner ဆိုတာရှိနေသေးကြောင်း၊ တချို့က မြန်မြန်ဆန်ဆန် မပြောင်းချင်ကြောင်း၊ ဒါပေမယ့် စိတ်ရှည်သည်းခံပြီး အားလုံးကို ပါအောင်ခေါ်မယ်လို့ ပြန်ဖြေခဲ့ပါတယ်။

ရခိုင်အရေးနဲ့ပတ်သက်လို့ တဘက်နဲ့တဘက် ဖြစ်နေတဲ့ ပြသနာကို အရင် ပြေလည်အောင် ဖြေရှင်းရမှာ ဖြစ်ကြောင်း၊ ဒိနောက်မှာ တရားဥပဒေ စိုးမိုးရေးဖြစ်ပြီး ကျူးလွန်သူတွေကို ဥပဒေအရ အရေးယူမှာ ဖြစ်ကြောင်း၊ တပ်နဲ့လုံခြုံရေး အပြည့်ချထားပြီးဖြစ်လို့ နောက်ထပ် အကြမ်းဖက်မှုတွေ ထပ်ပြီး ဖြစ်လာမှာကို မစိုးရိမ်ဘူးလို့ ပြောပါတယ်။

ဒီပြသနာကို နိုင်ငံတကာ အကူအညီမယူဘဲ ကိုယ့်ပြသနာဖြစ်နေတဲ့အလျောက် ကိုယ်ဘာသာကိုယ် ဖြေရှင်းသွားမယ်လို့ ဝန်ကြီးဦးအောင်မင်းက ဘီဘီစီကို ပြောကြားခဲ့ပါတယ်။

စန္ဒီ မုန်တိုင်းဒဏ်ခံ နယူးယောက် တချို့နေရာတွေ ဓာတ်အားမရသေး

လောင်စာဆီ အတွက် တန်းစီနေကြတဲ့ နယူးယောက် မြို့ခံများ

အမေရိကန်ပြည်ထောင်စုရဲ့ အရှေ့ဘက်ကမ်း ဒေသတွေကို ဟာရီကိန်း မုန်တိုင်း စန္ဒီ ဝင်ရောက် တိုက်ခတ် သွားခဲ့ပြီး ၅ ရက် ကြာလာတဲ့ အထိ လျှပ်စစ်ဓာတ်အားနဲ့ လောင်စာဆီ မလုံလောက်မှု တွေ ကြုံတွေ့ နေရပါတယ်။

ဒီလို ရင်ဆိုင် နေရတာ နဲ့ ပတ်သက်လို့ စိုးရိမ် ထိတ်လန့် စိတ်တွေ မထားကြဖို့ နယူးယောက် ပြည်နယ် အုပ်ချုပ် ရေးမှူးက ပြောလိုက်ပါတယ်။

ပြည်နယ် အုပ်ချုပ် ရေးမှူး အန်ဒရူး ကိုမိုက ကာကွယ် ရေး ဌာနက ဓာတ်ဆီဆိုင် အငယ်စား တွေကို ဆောက်လုပ်ပြီး လောင်စာဆီတွေ ဖြန့်ဖြူးပေး သွားမှာ ဖြစ်တယ်လို့ ဆိုပါတယ်။

တချိန်ထဲမှာပဲ နယူးယောက် မြို့တော်ဝန် မိုက်ကယ်လ် ဘလွမ်းဘတ်ခ်က မြို့စွန် ဒေသ တွေမှာ နေထိုင်ကြသူ ထောင်ပေါင်းများစွာကို လျှပ်စစ် ဓာတ်အားတွေ ပြန်လည် ရရှိဖို့ အတွက် ကုမ္ပဏီ တခုက ကြိုးပမ်းနေပေမယ့် သိပ်တော့ ခရီးမရောက် သေးတဲ့ အကြောင်း ပြောပါတယ်။

နယူးယောက် မြို့ထဲရဲ့ ထက်ဝက်ကျော် ကိုတော့ လျှပ်စစ်ဓာတ်အားတွေ ပြန်လည် ဖြန့်ဝေ ပေးနိုင်ခဲ့ပြီ ဖြစ်ပါတယ်။ ဒါပေမယ့် လူပေါင်း ၉ သိန်း ကျော်လောက်ဟာ ခုထက်ထိ လျှပ်စစ် ဓာတ်အားတွေ သုံးစွဲလို့ မရသေးဘဲ ပြတ်တောက်နေဆဲ ဖြစ်ပါတယ်။

ဆီးရီးယားလေတပ်စခန်း တခုအနီး တိုက်ပွဲတွေဖြစ်

ဆီးရီးယား နိုင်ငံ မြောက်ပိုင်း မှာရှိတဲ့ မဟာဗျူဟာမြောက် အရေးပါတဲ့ လေတပ် စခန်း တခု အနားမှာ အစိုးရ တပ်တွေနဲ့ သူပုန်တွေ အကြား တနေ့လုံး တိုက်ပွဲတွေ ဖြစ်နေခဲ့ပါတယ်။

ဒီ တဖ်တန်နက်ဇ် လေတပ် စခန်းကို သူပုန် တွေက တိုက်ခိုက်နေကြတာဟာ အစိုးရ ဘက်က လေကြောင်း ကနေ တိုက်ခိုက် နေမှုတွေကို ထိန်းချုပ် နိုင်ဖို့ အတွက် ဖြစ်ပါတယ်။

သူပုန်တွေက အခု ထိုးစစ် တွေအတွင်း သူတို့ ဖမ်းဆီး ရရှိခဲ့တဲ့ တင့်ကား တွေကို အသုံးပြုပြီး တိုက်ခိုက် နေကြတယ်လို့ ဆိုပါတယ်။

ဒါပေမယ့် ဆီးရီးယား နိုင်ငံပိုင် မီဒီယာ တွေကတော့ အစိုးရ တပ်တွေဘက်က ထိုးစစ် ဆင်လာတဲ့ သူပုန်တွေကို အကြီးအကျယ် အထိနာ သွားအောင် ပြန်လည် တိုက်ခိုက် နိုင်ခဲ့တယ်လို့လည်း ပြောပါတယ်။

အဲဒီ တိုက်ပွဲတွေ ဖြစ်နေရာကို အစိုးရဘက်က စစ်ကူတွေ သွားနေကြပြီလို့လည်း သတင်းတွေရရှိ ပါတယ်။

ဖက်ဒရယ်ပြည်ထောင်စုဖြစ်ဖို့ ဖွဲ့စည်းပုံပြင်ရေး လွှတ်တော်တွင်း အရေးကြီး

စစ်မှန်တဲ့ ပြည်ထောင်စု တရပ်ပေါ်ထွန်း လာပြီး အာဏာ ခွဲဝေကျင့်သုံးရေး စနစ်တွေ ပေါ်ထွန်းလာဖို့ ဆိုရင် လက်ရှိ ၂၀၀၈ ဖွဲ့စည်းပုံ အခြေခံ ဥပဒေ ကို အခြေခံထားပြီး လွှတ်တော်ကနေ ပြင်ဆင် သင့်တယ်လို့ ၀န်ကြီး ဦးအောင်မင်းက ပြောဆိုပါတယ်။ ဒီအကြောင်း အပြည့်အစုံ ကိုတော့ ပြည်ထောင်စုဝန်ကြီး ဦးအောင်မင်းနဲ့ ဒီမိုကရက်တစ်ပါတီ ၁၁ ပါတီ တို့ တွေ့ဆုံ ခဲ့တဲ့ ငြိမ်းချမ်းရေးစင်တာမှာ သွားရောက် သတင်း ယူခဲ့တဲ့ ဗွီအိုအေ သတင်းထောက် ကိုအောင်ရဲမောင်မောင် က ပြောပြပေးမှာ ဖြစ်ပါတယ်။

နိုင်ငံတော်သမ္မတ ရုံးဝန်ကြီး ဦးအောင်မင်းနဲ့ ဒီမိုကရက်တစ်မိတ်ဆွေ ၁၁ ပါတီတွေ့ဆုံပွဲမှာ ဒီမိုကရက်တစ် မိတ်ဆွေ ၁၁ ပါတီ ခေါင်းဆောင်ပိုင်းတွေက ၀န်ကြီး ဦးအောင်မင်းကို စစ်မှန်တဲ့ ပြည်ထောင်စု တရပ်မှာ  လိုအပ်တဲ့ အာဏာ ခွဲဝေကျင့်သုံး ရေးနဲ့ သယံဇာတ ခွဲဝေ ရယူရေး ကိစ္စတွေကို အဓိက ထားပြီး တင်ပြတောင်းဆို လာကြပါတယ်။

နိုင်ငံတော် သမ္မတရုံး ၀န်ကြီးက စစ်မှန်တဲ့ ဖက်ဒရယ်စနစ် တရပ် ပေါ်ထွန်းလာပြီး တိုင်းရင်သားလူမျိုးစု ခေါင်းဆောင်ပိုင်းတွေက သက်ဆိုင်ရာ ပြည်နယ်တွေကို အုပ်ချုပ်ဖို့ဆိုရင် ဖွဲ့စည်းပုံ အခြေခံဥပဒေ အတိုင်း ရွေးကောက်ပွဲ ၀င်ကြဖို့နဲ့ ဖွဲ့စည်းပုံ အခြေခံ ဥပဒေကို မကြိုက်ရင်လည်း ပြင်ဆင်ကြဖို့ ပြန်လည် တိုက်တွန်းလိုက်ပါတယ်။

“ပြည်နယ်တွေကို ဘာနဲ့အုပ်ချုပ်ရမလဲ။ ဖွဲ့စည်းပုံ အခြေခံဥပဒေနဲ့အညီ အုပ်ချုပ်ရမယ်။ အဲဒီတော့ ခင်ဗျားတို့က ကျနော့်ကို စောဒက တက်မယ်။ ဖွဲ့စည်းပုံ အခြေခံ ဥပဒေကို မကြိုက်ဘူး။ ဖွဲ့စည်းပုံ အခြေခံဥပဒေကို ဘယ်သူကရေးတာလဲ။ ဘယ်သူက ပြင်လို့ရလဲ။ ဖွဲ့စည်းပုံ အခြေခံဥပဒေကို ဦးအောင်မင်း ပြင်လို့မရဘူး။ ဦးအောင်မင်းမှာ ပြင်ပိုင်ခွင့် မရှိဘူး။ လွှတ်တော်ကသာ ပြင်နိုင်တယ်။”

လက်ရှိ အုပ်ချုပ်ရေး စနစ်အရ ပြည်ထောင်စု အစိုးရ အောက်မှာ သက်ဆိုင်ရာ တိုင်းနဲ့ ပြည်နယ် အစိုးရတွေကို အုပ်ချုပ်ခွင့် ပေးထားပေမဲ့ သက်ဆိုင်ရာ ပြည်နယ်တိုင်း ဒေသကြီး အစိုးရ အဖွဲ့တွေမှာ အုပ်ချုပ်ရေး အာဏာ ခွဲဝေကျင့်သုံးခွင့် ဆိုင်ရာ အခွင့်အရေးတွေ အင်မတန် နည်းနေတယ်လို့ ရှမ်းပြည်နယ် ဒေသကြီး အစိုးရ အဖွဲ့ဝင် ဦးစိုင်းအိုက်ပေါင်း က နိုင်ငံတော် သမ္မတရုံး ၀န်ကြီးကို တင်ပြခဲ့ပါတယ်။

ပြည်သူတွေဆီက အာဏာရဖို့အတွက် သက်ဆိုင်ရာ ပြည်နယ်အသီးသီးက တိုင်းရင်းသား ခေါင်းဆောင်ပိုင်းတွေက ပါတီ နိုင်ငံရေး လမ်းစဉ်ကို ကျင့်သုံးပြီး ရွေးကောက်ပွဲ ကနေတဆင့် ဖက်ဒရယ်စနစ် ပေါ်ထွန်းဖို့ ကြိုးစားသင့်တယ်လို့လည်း ဦးအောင်မင်းက တိုက်တွန်းလိုက်ပါတယ်။

အာဏာခွဲဝေ ကျင့်သုံးရေး ကိစ္စလိုပဲ သယံဇာတ ခွဲဝေရေးကိစ္စတွေကိုပါ ပြည်ထောင်စု အစိုးရက ရာခိုင်နှုန်း အလိုက် အချိုးကျ ပေးနိုင်အောင်လည်း စဉ်းစားပေးနေတယ်လို့  သမ္မတရုံး ၀န်ကြီးက ပြောပါသေးတယ်။

“national resources တွေမှာဆိုရင် ရခိုင်ပြည်နယ်မှာ ရေနံထွက်တယ်။ ကချင်ပြည်နယ်မှာ ကျောက်စိမ်းထွက်တယ်။ ဒါတွေ အားလုံးကိုလည်း ထိုက်သင့်တဲ့ ရာခိုင်နှုန်း သူတို့ပြည်နယ်ထဲမှာ ထားရတယ်။ ဒီပိုက်ဆံတွေ အားလုံးဟာ သူ့တိုင်းနဲ့ ပြည်နယ် တိုင်းဒေသတွေမှာ ဖွံ့ဖြိုး တိုးတက်ရေး လုပ်ငန်းတွေ လုပ်ဖို့အတွက် ဖြစ်တဲ့အတွက် သူတို့ကို ချပြီးတော့ ထားခဲ့တယ်။ ရာခိုင်နှုန်း တခုနဲ့တခု တူချင်မှတူမယ်။ ကျောက်စိမ်းမှာ ၂၀ ရာခိုင်နှုန်း ဖြစ်ရင်ဖြစ်မယ်၊ ရေနံမှာ ၁၀ ရာခိုင်နှုန်း ဖြစ်ရင်ဖြစ်မယ်။ ဒီအတိုင်းပဲ စဉ်းစားနေကြပါတယ်။ နောက်ပိုင်းကျရင် ဖြစ်လာမှာပါ။”

တိုင်းရင်းသား ပါတီတွေရဲ့ ကိစ္စကို ပြည်မက ပါတီတွေက ဂရုမစိုက်ဘူးလို့ ထင်တာကြောင့် ဒီမိုကရက်တစ် မိတ်ဆွေပါတီ ၁၁ ပါတီက တိုင်းရင်းသား ပါတီတွေနဲ့ ဆွေးနွေး လာတဲ့အခါ သူတို့ဟာ ပြည်ထောင်စုကနေ ဘယ်တော့မှ ခွဲမထွက်ဘူးလို့ ပြောလာသလို ၈ ပြည်ထောင် တည်ထောင်မယ့် ကိစ္စကိုလည်း လက်မခံဘူးလို့ ပြောလာတဲ့ အကြောင်း အမျိုးသားဒီမိုကရေစီ အင်အားစုပါတီ က ဒေါက်တာ သန်းငြိမ်းက ၀န်ကြီးဦးအောင်မင်းကို တင်ပြခဲ့ပါတယ်။

“စစ်မှန်တဲ့ပြည်ထောင်စု ဆိုရင်တော့ ဒါ ဘယ်သူမဆို ပြောကြတယ် ဆိုကြတယ်။ သို့သော်လည်း ဖက်ဒရယ်စနစ် ဆိုရင်တော့ နည်းနည်းလေး ခါသွားမယ်။ မပြောရဲကြဘူး။ နိုင်ငံရေးသမားတွေလည်း မပြောရဲဘူး။ အပြင်လူတွေလည်း မပြောရဲကြဘူး။ အဲဒီတော့ ဖက်ဒရယ်စနစ်နဲ့ ပတ်သက်ပြီးတော့ သူတုိ့ ခံယူထားတဲ့ အချက်တွေထဲက အရေးကြီးတဲ့ အချက်တွေကို ကျနော်တို့နဲ့ တင်ပြပြီးတော့ ဆွေးနွေးတဲ့ အခါမှာ ကျနော် အင်မတန် အံ့သြသွားတယ်။ ဘာလဲဆိုရင် တိုင်းရင်းသား ပါတီများက တင်ပြတာက၊ နံပတ် (၁) သူတို့သည် ပြည်ထောင်စုကြီးကနေ ဘယ်တော့မှ ခွဲမထွက်ဘူး ဆိုတာကို အာမခံတယ်။”

လက်ရှိအချိန်မှာ ပြည်နယ်နဲ့ တိုင်းဒေသကြီး အစိုးရတွေက အုပ်ချုပ်ရေးအာဏာ ရရှိမှုဟာ နည်းနေသေးပေမဲ့ ပြည်မက ပေးအပ်တဲ့ အာဏာ ခွဲဝေ ကျင့်သုံးတဲ့ စနစ် ရရှိလာတဲ့အထိ တဖြည်းဖြည်းချင်း စောင့်ဆိုင်းရဦးမယ်လို့ ရှမ်းပြည်နယ် အစိုးရ အဖွဲ့ဝင် တဦး ဖြစ်တဲ့ ကျားဖြူပါတီက ဦးစိုင်းအိုက်ပေါင်း က ဗွီအိုအေကို ပြောပါတယ်။

နိုဝင်ဘာလ ၃ ရက်နေ့ ရန်ကုန်က ငြိမ်းချမ်းရေး စင်တာမှာ ပြုလုပ်တဲ့ နိုင်ငံတော်သမ္မတရုံး ၀န်ကြီး ဦးအောင်မင်းနဲ့ ဒီမိုကရက်တစ် ၁၁ ပါတီ တွေ့ဆုံပွဲမှာ ၀န်ကြီးက ကချင်ပြည်နယ်က ငြိမ်းချမ်းရေး ကိစ္စကို နိုင်ငံရေးနည်းနဲ့ ဖြေရှင်းနေတယ် လို့ နိုင်ငံရေးပါတီတွေကို ပြောဆိုခဲ့ပါတယ်။နိုင်ငံရေးပါတီတွေ ဘက်ကလည်း ၀န်ကြီးကိုတင်ပြတဲ့အခါ မကြားသေးခင် ရက်ပိုင်းတုန်းက နိုင်ငံတော် သမ္မတရုံးက ထုတ်ပြန်တဲ့ ကြေညာချက်မှာ ရခိုင် ပဋိပက္ခ အရေးဖြစ်နေတဲ့ ကိစ္စရပ်တွေမှာ ဒေသတွင်း မငြိမ်သက်အောင် လုပ်နေတဲ့ ပါတီတွေ ရှိနေတယ်လို့ ဖော်ပြချက်ဟာ ရခိုင်တိုင်းရင်သားများ တိုးတက်ရေးပါတီ (RNDP) ကို ရည်ရွယ်ချက် ရှိရှိ ထည့်သွင်းပြောဆို ထားတယ်လို့ ယူဆရတဲ့အတွက် များစွာ ၀မ်းနည်းတဲ့ အကြောင်း RNDP က ဦးဦးလှစော က ၀န်ကြီး ဦးအောင်မင်းကို ပြောဆို ခဲ့ပါသေးတယ်။

ဒီမိုကရက်တစ် မိတ်ဆွေ ၁၁ ပါတီ ဟာ ပြီးခဲ့တဲ့ အောက်တိုဘာ ၂၀ ရတ်နေ့တုန်းက နိုင်ငံတော် သမ္မတ အကြံပေး ၂ ဦးနဲ့ တွေ့ဆုံခဲ့ပြီး အခုအခါမှာ နိုင်ငံတော် သမ္မတရုံး ၀န်ကြီး နဲ့ တွေ့ဆုံ ဆွေးနွေးတာလည်း ဖြစ်ပါတယ်။

လတ်တလောမှာတော့ ဒီမိုကရက်တစ် မိတ်ဆွေ ၁၁ ပါတီနဲ့ နိုင်ငံတော် သမ္မတ ဦးသိန်းစိန် တို့ဟာ သီးသန့် တွေ့ဆုံဖို့ မရှိသေးဘူးလို့ သမ္မတရုံး ညွှန်ကြားရေးမှူး ဦးဇော်ဌေး က ဗွီအိုအေ ကို ပြောပါတယ်။

ဆီးရီးယား ပဋိပက္ခ အစ္စရေးအထိ ရိုက်ခတ်

ပဋိပက္ခတွေ ဖြစ်ပွားနေတဲ့ ဆီးရီးယား နိုင်ငံက သံချပ်ကာကား ၃ စင်းဟာ စနေနေ့မှာတုန်းက ဂိုလန်ကုန်းမြင့်က စစ်မဲ့ဇုန်နယ်မြေကို ၀င်ရောက်လာတဲ့ အတွက် အစ္စရေးနိုင်ငံက ကုလသမဂ္ဂ လုံခြုံရေး ထိန်းသိမ်းရေးတပ်ကို တိုင်ကြားခဲ့ကြောင်း အစ္စရေး စစ်တပ်က ပြောပါတယ်။ နှစ်ပေါင်း ၄၀ အတွင်း ပထမဆုံးအကြိမ် ဖြစ်ပွားခဲ့တဲ့ ဒီဖြစ်ရပ်ကြောင့် ဆီးရီးယား ပြဿနာတွေ ဒေသတွင်း ပျံ့နှံ့လာမှာကို စိုးရိမ်မကင်းမှုတွေလည်း ပိုမိုကြီးထွားလာခဲ့တာပါ။ စစ်သည်တင်ယာဉ် ၂ စင်းအပါအ၀င် သံချပ်ကာကား ၃ စင်းဟာ ၁၉၆၇ ခုနှစ် အရှေ့အလယ်ပိုင်း စစ်ပွဲအတွင်း ဆီးရီးယားနိုင်ငံ ထံကနေ သိမ်းပိုက်ထားတဲ့ အစ္စရေးပိုင် ဂိုလန်ကုန်းမြင့်ထဲက စစ်စခန်းတွေနဲ့ မိုင်အနည်းငယ် အကွာလောက်အထိ ရောက်ရှိလာတာလို့လည်း သတင်းတွေက ဖော်ပြနေကြ ပါတယ်။

ဆီးရီးယားနိုင်ငံမှာ ပြီးခဲ့တဲ့လအတွင်း တနာရီကို လူ ၆ ဦးနှုန်း သေဆုံးနေတယ်လို့ ဆီးရီးယားအရေး လှုပ်ရှားသူတွေက ပြောဆိုပါတယ်။ အောက်တိုဘာလ အတွင်းက ပစ်ခတ်မှုတွေကြောင့် လူပေါင်း ၄,၅၃၂ ယောက် သေဆုံးခဲ့တယ်လို့ ဆီးရီးယားကွန်ယက် လူ့အခွင့်အရေး အဖွဲ့က ကြေညာချက် ထုတ်ပြန်ပါတယ်။ ဒါဟာ တရက်ကို ၁၄၇ ယောက်နှုန်းနဲ့  တနာရီကို ၆ ယောက်နှုန်း သေဆုံးနေ တာ ဖြစ်ပါတယ်။

ဒီအတောအတွင်း ဆီးရီးယား သူပုန်တွေဟာ နိုင်ငံမြောက်ပိုင်းမှာရှိတဲ့ တက်ဖ်တန်နက်ဇ် (Taftanaz) လေတပ်စခန်းကို သိမ်းယူဖို့အတွက် အစိုးရတပ်တွေနဲ့ ထိပ်တိုက် ရင်ဆိုင်မှုတွေ ဖြစ်ပွားနေပါတယ်။ ဒီလေတပ်စခန်းဟာ ဆီးရီးယားမြို့တော် ဒမတ်စကတ်နဲ့ မြောက်ပိုင်းက အလက်ပိုမြို့တွေကို ဆက်သွယ်ပေးထားတဲ့ အဝေးပြေးလမ်းမနားမှာ တည်ရှိပြီးတော့ လပေါင်းများစွာ ဒီနေရာမှာ တိုက်ပွဲတွေ ဖြစ်ပွားနေတာပါ။ သောကြာနေ့မှာတော့ ဆီးရီးယားသူပုန်တွေဟာ ဆုရောကစ်ဘ် မြို့ကို ထိန်းချုပ်ထားနိုင်ပြီလို့ အကဲခတ်တွေက ပြောပါတယယ်။ ဒီမြို့ဟာဆိုရင် ဆီးရီးယား မြောက်ပိုင်းမှာ ဗျူဟာကျတဲ့ မြို့တမြို့ ဖြစ်ပြီး အလက်ပိုမြို့ကို ကာကွယ်ဖို့အတွက် အစိုးရတပ်တွေက သူပုန်တွေကို အပြင်းအထန် ခုခံတိုက်ခိုက်ခဲ့တဲ့ နေရာလည်း ဖြစ်ပါတယ်။

အစိုးရတပ်တွေဟာ စီးပွားရေးအရ အချက်အချာကျတဲ့ နိုင်ငံရဲ့ အကြီးဆုံးမြို့ အလက်ပိုမြို့ကို ထိန်းချုပ်နိုင်ဖို့အတွက် လပေါင်းများစွာ သူပုန်တွေနဲ့ တိုက်ပွဲတွေ ဖြစ်နေပါတယ်။ ဆီးရီးယားနိုင်ငံတွင်း ဖြစ်ပွားနေတဲ့ ပဋိပက္ခတွေဟာ အခုအခါမှာ လပေါင်း ၂၀ ကြာမြင့်ခဲ့ပြီဖြစ်ပြီး ခန့်မှန်းခြေ လူ ၃၆,၀၀၀ လောက် သေဆုံးခဲ့ပါတယ်။ အစိုးရတပ်တွေဟာ သူပုန်တွေ ထိန်းချုပ်ထားတဲ့ ဒေသတွေအတွင်း လေကြောင်းကနေ အရှိန်မြှင့် တိုက်ခိုက်ခဲ့တာကြောင့် လူရာပေါင်းများစွာ ဟာလည်း ပြီးခဲ့တဲ့ သီတင်းပတ်တွေအတွင်း သေဆုံးခဲ့ရပါတယ်။