03.11.2012 နေ့ဖတ်ရန်သတင်းများ

by Myanmar Journal on Saturday, November 3, 2012 at 1:55am ·

ဥရောပ ကော်မရှင်ဥက္ကဌ နေပြည်တော်ရောက်

ဥရောပ ကော်မရှင် ဥက္ကဌ မစ္စတာ ဘာရူဆို

ဥရောပ ကော်မရှင် ဥက္ကဌ ဟိုဆေး မင်ဝဲ ဘာရိုဆိုဟာ နေပြည်တော်ကို နိုဝင်ဘာ ၂ ရက်နေ့ နှောင်းပိုင်းမှာ ရောက်ရှိမယ်လို့ သိရပါတယ်။

မြန်မာနိုင်ငံအပေါ်ချမှတ်ထားခဲ့တဲ့ ဒဏ်ခတ်ပိတ်ဆို့မှု အများစုကို ရုတ်သိမ်းခဲ့ပြီးတဲ့နောက် မြန်မာနိုင်ငံနဲ့ ကုန်သွယ်ရေးနဲ့ ရင်းနှီးမြှတ်နှံဖို့ အခွင့်အလမ်းတွေကို ရရှိနိုင်အောင် ဥရောပသမဂ္ဂဟာ အမေရိကန် တရုတ်နဲ့ တခြားအာရှနိုင်ငံတွေနဲ့ အခု ပြိုင်ဆိုင်လာနေတာလို့ နေပြည်တော်ကို ရောက်နေတဲ့ ဘီဘီစီအရှေ့အာရှဆိုင်ရာ သတင်းထောက် ဂျိုနသန်ဟက်က သုံးသပ်ပါတယ်။

ပြီးခဲ့တဲ့ ၁၀စုနှစ်အတွင်း ဥရောပသမဂ္ဂရဲ့ မြန်မနိုင်ငံနဲ့ ကုန်သွယ်မှု၊ မြန်မာနိုင်ငံကို ထောက်ပံ့မှု စတာတွေဟာ တခြားအာရှနိုင်ငံတွေနဲ့ ကုန်သွယ်မှု ထောက်ပံမှု စတာတွေနဲ့ ယှဉ်ရင် မဖြစ်စလောက်ဘဲ ဖြစ်ပါတယ်။

မြန်မာနိုင်ငံမှာ စစ်အစိုးရအုပ်စိုးစဉ်ကာလ ဖိနှိပ်မှုတွေကြောင့် အမေရိကန်ပြည်ထောင်စုလိုဘဲ ဥရောပသမဂ္ဂဝင်နိုင်ငံတွေက မြန်မာနိုင်ငံအပေါ် တင်းကြပ်တဲ့ ဒဏ်ခတ်ပိတ်ဆိုအရေးယူမှုတွေ လုပ်ထားခဲ့တာပါ။

ဒါတွေဟာ အခုတော့ ပြောင်းလဲသွားတော့မှာ ဖြစ်ပါတယ်။

အီးယူက လာနှစ်အတွင်း ဖွံ့ဖြိုးရေးအထောက်အကူအဖြစ် ဒေါ်လာ သန်း ၂၀၀ လောက် ထောက်ပံ့ကူညီမယ်လို့ ကမ်းလှမ်းနေပါတယ်။ ဒါဟာ လွန်ခဲ့တဲ့ ၁၅ နှစ်အတွင်း ထောက်ပံခဲ့တဲ့ ငွေပမာဏ နီးပါးလောက်ဖြစ်ပါတယ်။

နောက်ပြီး မြန်မာနိုင်ငံနဲ့ကုန်သွယ်ရာမှာ တခြား ဝင်ငွေနည်းတဲ့ နိုင်ငံတွေ ရရှိခံစားနေသလို ကုန်သွယ်ရေး အထူးအခွင့်အရေးတွေ ပေးမယ်လို့လည်း အီးယူက ကမ်းလှမ်းနေပါတယ်။

မြန်မာနိုင်ငံမှာ ကာလကြာရှည်ဖြစ်နေတဲ့ အစိုးရနဲ့ တိုင်းရင်းသား လူနည်းစုတွေကြား ဖြစ်နေတဲ့ ပဋိပက္ခတွေကို ဖြေရှင်းရေးမှာ အထောက်အကူဖြစ်စေဖို့ ငြိမ်းချမ်းရေးဌာန Peace Centre အသစ်တခုအတွက်လည်း အီးယူက ရံပုံငွေ ပံ့ပိုးထောက်ပံခဲ့ပါတယ်။

ဒါပေမယ့် ပြုပြင်ပြောင်းလဲမှုတွေ လုပ်ဆောင်နေတာအတွက် မြန်မာသမ္မတ ဦးသိန်းစိန်အပေါ် အီးယူရဲ့ ချီးကျူးပြောဆိုနေမှုတွေဟာ လောလောဆယ် ရခိုင်ပြည်နယ်မှာ ပြန်ဖြစ်လာနေတဲ့ အကြမ်းဖက်မှုတွေကြောင့် စိုးရိမ်မှုတွေက ထိခိုက်စေနိုင်ပါတယ်။

မစ္စတာ ဘာရူဆိုဟာ ဒီလို ခွဲခြားဆက်ဆံ ခံရမှုတွေနဲ့ပတ်သက်လို့ အာဏာပိုင်တွေကို ပြောဆိုကန့်ကွက်မယ့် ပုံရှိတယ်လို့ ဆိုပါတယ်။

သူဟာ ရခိုင်ပြည်နယ်ကိစ္စနဲ့ပတ်သက်လို့ အဲဒီလို သူ့ရဲ့ သဘောထားအမြင်တွေကို ဦးသိန်းစိန်နဲ့ တွေ့စဉ်တင်မက ဒေါ်အောင်ဆန်းစုကြည်နဲ့ တွေ့ရာမှာလည်း ပြောဆိုလိမ့်မယ်လို့ ယူဆကြောင်း ဘီဘီစီ သတင်းထောက် ဂျိုနသန်ဟက်က သတင်းလွှာ ရေးသားထားပါတယ်။

နယူးယော့ မာရသွန် ပွဲပျက်

မုန်တိုင်းဒဏ် ခံရချိန်မှာ ပွဲ မလုပ်သင့်

အမေရိကန် အားကစား လောကမှာ ထင်ရှားတဲ့ နယူးယော့ မာရသွန် ပြိုင်ပွဲကို မုန်တိုင်းဒဏ် အလူးအလဲ ခံလိုက်ရတဲ့ အချိန်မျိုးမှာ မလုပ်သင့်ဘူး ဆိုတဲ့ ဝေဖန်မှု တွေကြောင့် ဖျက်သိမ်း လိုက်ရ ပါတယ်။

မုန်တိုင်း အပြီး ပြန်လည် ထူထောင်ရေး အတွက် သုံးမယ့် အထဲက ဒီပြိုင်ပွဲ အတွက် ယူမှာ မဟုတ်ပါဘူးလို့ နယူးယော့ မြို့တော်ဝန် မိုက်ကယ် ဘလွန်းဘတ်က စောဒက တက်ခဲ့ပါတယ်။

ဒါပေမယ့် ထူထောင်ရေး ကြိုးပမ်းမှု တွေ နှောင့်နှေးမှာ စိုးလို့ ဒီပြိုင်ပွဲ မလုပ်သင့်ဘူး ဆိုတဲ့ စဉ်းစား စရာတွေ ပေါ်လာတယ်လို့ သူက ဆက်ပြောပါတယ်။

ကမ္ဘာ တလွှားက အပြေးသမား လေးသောင်းကျော် တငနင်္ဂနွေ နေ့မှာ လုပ်မယ့် မာရသွန်မှာ ပြေးဖို့ အားခဲ ထားကြတာပါ။

မုန်တိုင်း အပြီး ၅ ရက် ကြာတဲ့ အထိ လျှပ်စစ်မီးနဲ့ လောင်စာ ပြတ်နေတဲ့ လေဘေး ဒုက္ခသည် တွေ အကြား မကျေနပ်မှုတွေ ကလဲ ကြီးမား နေတာမို့ ဘေးဒဏ်ခံ ဒေသ တွေအတွက် လောင်စာဆီ ဂါလန် သန်းနဲ့ချီ ဝယ်ဖို့ သမ္မတ အိုဘားမားက ညွှန်ကြား ခဲ့ပါတယ်။

ရခိုင် ဆရာတော်တွေကို မဟန သတိပေး

ဆူပူမှု မဖြစ်ခင် သံဃာ ဆန္ဒပြပွဲတွေ ဖြစ်ပွား

ရခိုင် အရေးမှာ ဘုန်းတော်ကြီးတွေ ဝိနည်း ရိုသေဖို့ ၊ လူလူချင်း ပြဿနာတွေမှာ ဝင်မပါဖို့ သံဃာ့ မဟာနာယကက ရခိုင်ပြည်နယ်က ဆရာတော် တွေကို ရန်ကုန်မှာ သြဝါဒ ခေါ်ပေးပါတယ်။

ဆူပူမှု တွေ အတွင်း သံဃာတွေ ပတ်သက် နေတာကို သံဃာ့ နာယကက သိလို့ ဝိနည်း သိက္ခာနဲ့ နေဖို့ ခေါ်သတိပေးတာ လို့ ဆိုပါတယ်။

သတိပေး ခံရတဲ့ စစ်တွေက ဆရာတော်တွေက သူတို့မှာ ဒီဆူပူမှုတွေထဲ ရဟန်းငယ် တွေနဲ့ ဒကာတွေ မပါအောင် ထိန်းဖို့ စည်းကမ်း ထိန်းအဖွဲ့ပဲ ဖွဲ့စည်း ဆောင်ရွက်ခဲ့ကာ အားပေး လှုံ့ဆော်တာ တွေ မလုပ်ဘူးလို့ ပြန်လည် လျှောက်ထားခဲ့တယ်လို့ ဆိုပါတယ်။

တကယ့် ဖြစ်ရပ်မှန်က ရန်ကုန် နာယက ဆရာတော်တွေ ကြားသိသလို မဟုတ်ဘူးလို့လဲ ရခိုင် ဆရာတော် တွေက ပြန်လည် ချေပခဲ့ပါတယ်။

တနင်္ဂနွေ နေ့မှာ သာသနာရေး ဝန်ကြီးနဲ့ ရခိုင် ဆရာတော်တွေ တွေ့ဖို့ ရှိပါတယ်။

စန္ဒီမုန်တိုင်းဒဏ်ခံပြည်နယ်တွေမှာ အိုဘားမားနိုင်ပြီးဖြစ်

လောလောဆယ် လူထုထောက်ခံမှုစစ်တမ်းတွေအရ ညီတူညီမျှထောက်ခံမှုရထားသူ သမ္မတလောင်းနှစ်ဦး

နိုဝင်ဘာ ၆ မှာ ကျင်းပမယ့် သမ္မတရွေးကောက်ပွဲဟာ သုံးရက်သာ လိုပါတော့တယ်။ စန္ဒီမုန်တိုင်း အမေရိကကို တိုက်ခတ်အပြီးအမှာ အကြီးအကျယ် အမှတ်ရသွားတဲ့ လက်ရှိသမ္မတ အိုဘားမားက ဒုတိယသက်တမ်း သမ္မတ ဆက်လုပ်နိုင်ဖို့ မဲဆွယ်စည်းရုံးမှုတွေ ပြန်စတင်နေသလို ပြိုင်ဘက် သမ္မတလောင်း ရီပတ်ဘလေကန် မစ် ရွမ်နေကလည်း တတ်နိုင်သလောက် စည်းရုံးမှုတွေ လုပ်နေပါတယ်။

အကြိုစစ်တမ်းတွေအရတော့ နစ်ယောက်စလုံးက ၄၉ ရာခိုင်နှုန်းစီနဲ့ လူထုထောက်ခံမှု တူညီနေပါတယ်။ ရွေးကောက်ပွဲတို့ ထုံးစံအတိုင်း နီးလာလေ စိတ်လှုပ်ရှားမှုတွေ ပိုလာလေ ဖြစ်ပါတယ်။ အခုပဲထုတ်ပြန်လိုက်တဲ့ အမေရိကန် အလုပ်လက်မဲ့နှုန်းက ခုနစ် ဒသမ ကိုး ရာခိုင်နှုန်း ရှိနေတာမို့ ကြိုတင်ခန့်မှန်းထားတဲ့ ၈ ရာခိုင်နှုန်းအောက် ရောက်သွားတာမို့ သမ္မတအိုဘားမား အတွက်တော့ ခံသာသွားပါတယ်။

သမ္မတအိုဘားမားကတော့ စန္ဒီမုန်တိုင်းအပြီး ရွေးကောက်ပွဲ မတိုင်တင် လက်ကျန်ရက်တိုတိုမှာပဲ အကြီးအကျယ် မီးကုန်ယမ်းကုန် စည်းရုံးရေး ဆင်းနေပါပြီ။ ကော်လိုရာဒိုပြည်နယ်မှာ လူထုတွေ့ဆုံပွဲမှာ သမ္မတအိုဘားမားက ပြီးခဲ့တဲ့ လေးနှစ်အတွင်းမှာ အတတ်နိုင်ဆုံး အကောင်းဆုံး လုပ်ကိုင်ခဲ့ပြီးပြီ၊ ဒါပေမဲ့ အလုပ်တွေက မပြီးသေးဘူး၊ ရည်မှန်းချက်တွေ ထိအောင်မိအောင် ဆက်လုပ်ရမယ်၊ ဒါဟာ အမေရိကန်စိတ်ဓာတ်ပဲ၊ လူတိုင်းဟာ ညီမျှတဲ့ အခွင့်အရေးရရမယ်လို့ စကားကြွယ်ကြွယ်နဲ့ လူထုရင်ထဲထိအောင် ပစ်ခွင်းပါတယ်။

သမ္မတအိုဘားမားက ပြည်နယ်သုံးခုမှာ လှည့်ပတ်ပြီး မဲဆွယ်နေသလို ပြိုင်ဘက် သမ္မတလောင်း ရီပတ်ဘလေကန် မစ် ရွမ်နေက ဗာဂျီးနီးယားပြည်နယ်မှာ မဲဆွယ်စည်းရုံး နေပါတယ်။ မစ် ရွမ်နေက လက်ရှိသမ္မတရဲ့ မဲဆွယ်စည်းရုံးရေး ဆောင်ပုဒ် ရှေ့သို့ဆိုတဲ့ စကားလုံးကို ရိပါတယ်။ သမ္မတက ဖောဝပ် ရှေ့သို့ဆိုတဲ့ စကားလုံးသုံးလို့ မဲဆွယ်ပါတယ်၊ ဒါပေမဲ့ ဖောဝမ်းက သူ့အတွက် ပိုကောင်းမယ်လို့ ထင်တာပဲ၊ တိုင်းပြည်ကို ကြိုသတိပေးနေတာပေါ့လေလို့ ပြောလိုက်တော့ လူထုပရိသတ်က ပွဲကျသွားပါတယ်။

သမ္မတအိုဘားမားကလည်း သဘောကောင်းတဲ့ပုံစံမျိုး မဟုတ်တော့ဘဲ မစ် ရွမ်နေကို ပြောင်ပြောင်တင်းတင်း ပြောဆိုတိုက်ခိုက်တာတွေ ရှိလာပါပြီ။ စီးပွားရေးကို ကျွမ်းကျင်တဲ့ မစ် ရွမ်နေဟာ ချမ်းသာတဲ့ အမေရိကန်တွေကို အခွန်လျှော့ကောက်ဖို့နဲ့ ဘဏ်လုပ်ငန်းတွေကို စည်းမျဉ်းတွေ လျှော့ချဖို့ ကြိုးပမ်းလိမ့်မယ်လို့ လူထုကို ထောက်ပြပြီး ခြောက်လှန့်ပါတယ်။

သမ္မတအိုဘားမားက ဝစ္စကွန်ဆင်ပြည်နယ်မှာ လူထုကို သူ့ကိုပဲ မဲပေးဖို့ အခုလို ပြောင်တရား ဟောခဲ့ပါတယ်။ သူ့ဦးဆောင်မှုနဲ့ အမေရိကန်ပြည်သူတွေ နောက်လေးနှစ် ထပ်သွားကြမယ်ဆို သူ့ကို ထောက်ခံပါ၊ သူ့ကို မဲထည့်ဖို့ တခြားမဲဆန္ဒရှင်တွေကိုလည်း ဖုန်းတွေခေါ်ဆိုလို့ စည်းရုံးပေးပါ၊ နိုဝင်ဘာ ၆ မဲပေးရမယ့် နေ့မှာလည်း မဲရုံသွားလို့ မဲပေးဖို့ ပြောပေးကြပါ၊ ဒီရွေးကောက်ပွဲမှာ တကြိမ်ထပ်နိုင်ရမယ်၊ အောင်ပွဲခံရမယ်လို့ သမ္မတအိုဘားမားက ပြောပါတယ်။

သမ္မတအိုဘားမားဟာ ပြီးခဲ့တဲ့ ရက်ပိုင်းက အမေရိကန် အရှေ့ဘက်ကမ်းကို ဝင်ရောက်တိုက်ခတ်သွားပြီး ပျက်စီးမှုကြီးမားခဲ့တဲ့ လူပေါင်း ၉၀ ကျော်လည်း သေဆုံးခဲ့တဲ့ စန္ဒီမုန်တိုင်းမှာ ခေါင်းဆောင်မှုစွမ်းရည်ကို ပြသနိုင်ခဲ့ပါတယ်။

အရင်က ရီပတ်ဘလေကန် ဖြစ်ခဲ့ပြီး၊ အခုတော့ ဘယ်ပါတီဝင်မှမဟုတ်တဲ့ နယူးယောက်မြို့တော်ဝန် မိုက်ကယ် ဘလွန်းဘာ့ဂ်ကတောင် သမ္မတအိုဘားမားကို ထောက်ခံတဲ့အကြောင်း သဘောထား ထုတ်ပြန်ပေးခဲ့ပါတယ်။ စန္ဒီမုန်တိုင်းမှာ သမ္မတရဲ့ ဦးဆောင်မှုစွမ်းရည်ကို သဘောကျပြီး အမှတ်ပေးခဲ့တာလည်း ဖြစ်ပါတယ်။

စန္ဒီမုန်တိုင်းကြောင့် သမ္မတရွေးကောက်ပွဲ အဖြေထွက်ပြီး ဖြစ်တယ်လို့ မပြောနိုင်ပေမယ့်လို့ မုန်တိုင်းဒဏ်ကို အကြီးအကျယ်ခံလိုက်ရတဲ့ ပြည်နယ်တွေမှာတော့ သမ္မတအိုဘားမားနိုင်ပြီး ဖြစ်တယ်လို့ ပြောနိုင်ပေမယ့် ဘယ်သူ လာမယ့် နှစ်ဆန်းသမ္မတဖြစ်မလဲ ဆိုတာကော့ နိုဝင်ဘာ ၆ ကျမှပဲ အဖြေထွက်ပါလိမ့်မယ်။

ရခိုင်ပြည်နယ်အတွင်း လုံခြုံရေး အတွက်စိုးရိမ်နေကြ

ရခိုင်ပြည်နယ်မှာ လုံခြုံရေး အတွက်စိုးရိမ် နေကြဆဲ

ရခိုင်ပြည်နယ် အတွင်းမှာ တုတ်၊ ဓား လက်နက် တွေကို အပ်နှံဖို့ အာဏာပိုင်တွေ ဘက်က အမိန့် ထုတ်ပြီး လိုက်လံ သိမ်းဆည်း နေတဲ့ အချိန်မှာ နယ်ဒေသတွေ ဘက်မှာလည်း လူသတ်မှုတွေ ဖြစ်နေလို့ လုံခြုံရေး နဲ့ ပတ်သက်ပြီး စိုးရိမ်ပူပန် မှုတွေလည်း တိုးပွား လာနေပါတယ်။

အာဏာပိုင်တွေ ဘက်က လူကို သေစေ နိုင်တဲ့ လက်နက်တွေ ကို သက်ဆိုင်ရာကို အပ်နှံဖို့ အတွက် အမိန့် ထုတ်ပြန် ထားတဲ့ အချိန်မှာပဲ ရမ်းဗြဲ မြို့နယ်မှာ တောင်သူ တဦးဟာ ရွာ အနီးမှာပဲ မသမာသူ တစုက သတ်ဖြတ်တာ ခံခဲ့ရပါတယ်။ အသက် ၅၄ နှစ် အရွယ်ရှိတဲ့ ဦးထွန်းမြကို လည်မျိုကို လှီးဖြတ်လို့ သတ်ဖြတ် သွားခဲ့တာ ဖြစ်တယ်လို့ ဒေသခံ တဦးက ပြောပါတယ်။

ဒီနေ့မှာတော့ အသတ် ခံလိုက်ရတဲ့ လူရဲ့ အလောင်းကို ရမ်းဗြဲမြို့နယ် ဆေးရုံကို ယူလာတယ်လို့ သိရပါတယ်။

ရမ်းဗြဲမြို့နယ် မှာလည်း လုံခြုံရေးက ရမ်းဗြဲမြို့ပေါ် မှာသာ ရှိပြီး နယ်တွေ မှာတော့ မရှိတဲ့ အတွက် အခုလို သတ်ဖြတ် ခံရတဲ့ အပေါ်မှာ ပြည်သူ လူထုတွေ ဘက်က လည်း စိုးရိမ်မှုတွေ တိုးပွား နေတယ်လို့ သိရပါတယ်။

အခုလို အာဏာပိုင် တွေက လုံခြုံရေးကို အပြည့်အဝ တာဝန်မယူ နိုင်တဲ့ အချိန်မှာ တုတ်၊ ဓား လက်နက် တွေကို သိမ်းယူဖို့ စီစဉ် နေတဲ့ အပေါ်မှာလည်း လူတွေက မကျေမလည် ဖြစ်နေတယ်လို့ သိရပါတယ်။

လူတွေ သေတဲ့ အထိ အဓိကရုဏ်း ပြင်းပြင်း ထန်ထန် ဖြစ်ခဲ့တဲ့ ကျောက်တော် မြို့နယ်မှာ လက်နက်တွေ အပ်နှံဖို့ အတွက်ကိုလည်း သက်ဆိုင်ရာ တွေက စာတွေ ကပ်နေတယ်လို့ ဒေသခံ တဦးက ပြောပါတယ်။

အခုလို စာကပ် ပေမယ့် ဒေသခံ အများစု ကတော့ သူတို့ရဲ့ လုံခြုံရေး အတွက် ဒီလို လက်နက်တွေကို အပ်နှံဖို့ မလိုလား ကြဘူး လို့ သိရပါတယ်။

အဓိက ကတော့ နယ်ဒေသတွေ အထိ လုံခြုံရေးကို ဖြန့်ကျက် ချထား နိုင်ခြင်း မရှိသေးတဲ့ အတွက် ရခိုင်ပြည်နယ်ရဲ့ လုံခြုံရေး အပေါ် ပြည်သူ အများစုကတော့ အခု အချိန်အထိ စိတ်မချဘဲ ဖြစ်နေကြတယ်လို့ လည်း သိရပါတယ်။

သမ္မတရဲ့ ငြိမ်းချမ်းရေး အစီအစဉ် တပ်အတွက် ခက်ခဲ

ကချင် တပ်သားတွေ ဘက်က တိုက်ခိုက်တာကို အစိုးရ စစ်တပ်ကလည်း ပြန်တိုက်ချင်

ကေအိုင်အေ ကချင် တပ်ဖွဲ့နဲ့ အစိုးရ တပ်တွေအကြား တိုက်ပွဲ တွေမှာ အစိုးရ စစ်တပ်က ပိုပြီး ခံနေရတယ်လို့ တပ်မတော် အရာရှိတွေက ရင်ဖွင့် ပြောဆိုမှုတွေ ရှိနေပါတယ်။

သမ္မတရဲ့ ငြိမ်းချမ်းရေး အမိန့်အရ စစ်တပ် ဘက်က တဖက်သတ် အပစ် အခတ် ရပ်ထား ရတာကြောင့် တပ်မတော်က ဘာမှ မလုပ်သာဘဲ ဖြစ်နေတယ်လို့ တပ်မတော် အရာရှိတွေက ပြန်ပြောတယ်လို့ လွှတ်တော် အမတ် ဖြစ်သူ ဦးဖုန်းမြင့်အောင်က ပြောပါတယ်။

သား ကိုယ်စားလှယ်တွေက ရင်ဖွင့် ပြောဆိုကြ တယ်လို့ သူတို့နဲ့ စကား ပြောဖြစ်တဲ့ အမျိုးသား လွှတ်တော်အမတ် ဦးဖုန်းမြင့်အောင်က ပြောပါတယ်။

လွှတ်တော် တက်နေတဲ့ တပ်မတော်သား ကိုယ်စားလှယ် တွေနဲ့ ရွေးကောက်ပွဲက တက်လာတဲ့ လွှတ်တော် အမတ်တွေဟာ အခု နောက်ပိုင်းမှာ ပိုမို ရင်းနှီးမှုတွေ ရလာပြီး တပ်မတော်သား တွေက သူတို့ရဲ့ ခံစားချက် တွေကို ပြောလာ တာတွေ ရှိခဲ့ပါတယ်။

အခု လတ်တလော ဖြစ်နေတဲ့ ကချင်နဲ့ ငြိမ်းချမ်းရေး ကြိုးပမ်းစဉ် ကာလ အတွင်း သမ္မတက အပစ် အခတ် ရပ်စဲ ဖို့ အမိန့်ပေး ထားတာကြောင့် နှစ်ဘက် တိုက်ပွဲတွေ ဖြစ်လာရင် ကချင်ဘက်က တိုက်တာကို ခံနေရပြီး ပြန်လည် တိုက်ခိုက်ခြင်း မပြုလုပ်နိုင်ဘူးလို့ တပ်မတော်သား ကိုယ်စားလှယ် တွေက ပြောဆိုကြတယ်လို့ ဦးဖုန်းမြင့်အောင်က ပြောပါတယ်။

ပြီးခဲ့တဲ့ ဖားကန့် တိုက်ပွဲမှာ ကချင်ဘက်က အနီးကပ် တိုက်ခဲ့တဲ့ အတွက် စစ်သား ၄၀ သို့မဟုတ် ၅၀ လောက် ကျဆုံး ခဲ့တယ်လို့ ပြန်ပြောကြောင်းလည်း သူက ပြောပါတယ်။

သမ္မက ငြိမ်းချမ်းရေး တည်ဆောက်လိုတဲ့ အတွက် အပစ်အခတ် ရပ်ထားရပေမဲ့ တကယ်တန်း ငြိမ်းချမ်းရေး မရဘဲ အခြေ အနေ ဆိုးသထက် ဆိုးလာတယ်လို့ ပြောကြောင်းလည်း ဦးဖုန်းမြင့်အောင်က ပြောပါတယ်။

ကချင်နဲ့ ဖြစ်နေတဲ့ တိုက်ပွဲ တွေမှာ တပ်မတော် ဘက်က အကျအရှုံး များနေတာကို စစ်တပ်ဘက်က စိတ် ကသိ ကအောက် ဖြစ်နေပြီး ငြိမ်းချမ်းရေး မရနိုင်ရင် စစ်သားတွေ ပီပီ စစ်ဆင်ရေး တွေနဲ့ ပြန်တိုက် ချင်တဲ့ ဆန္ဒ ရှိနေ ကြတယ် လို့လည်း ဦးဖုန်းမြင့်အောင်က ပြော ပါတယ်။

ဆီးရီးယားက သူပုန်တွေရဲ့ သတ်ဖြတ်မှု စစ်ရာဇဝတ်မှု မြောက်နိုင်

Syria Execution

ဆီးရီးယား သူပုန် တွေက သူတို့ ဖမ်းဆီး ထားတဲ့ အစိုးရ စစ်သား တွေကို စစ်ဆေး မေးမြန်းခြင်း မရှိဘဲ ကွပ်မျက် ပစ်ခဲ့တဲ့ အင်တာနက် ပေါ်က ဗီဒီယိုကို ကြည့်ရတာ စစ်ရာဇဝတ်မှု ကျူးလွန်တဲ့ အထောက် အထား ပုံစံမျိုး ဖြစ်နေတယ်လို့ ကုလသမဂ္ဂ လူ့အခွင့် အရေး ဆိုင်ရာ မဟာမင်းကြီးက ပြောပါတယ်။

သူ့ရဲ့ ပြောရေးဆိုခွင့် ရှိသူ ရူးပတ် ကော်လ်ဗေးလ် Rupert Colville က အဲဒီ ဗီဒီယိုကို အစစ်အမှန် ဟုတ်မဟုတ် အသေ အချာ ဆန်းစစ်ဖို့ လိုအပ်တယ်လို့ ပြောပါတယ်။

အသေ အချာလည်း စစ်ဆေးမှာ ဖြစ်တယ်လို့ ပြောပါတယ်။

ဒါပေမဲ့ စွပ်စွဲချက်တွေ အရတော့ အဲဒီ စစ်သားတွေဟာ တိုက်ခိုက်ရေး လုပ်တဲ့ အထဲ မပါ တော့ဘူး၊ ဒီအချက်ကြောင့် ဒါဟာ စစ်ရာဇဝတ်မှု ပုံစံမျိုး ဖြစ်နေတယ်လို့ ကုလသမဂ္ဂ လူ့အခွင့်အရေးဆိုင်ရာ မဟာမင်းကြီးရဲ့ ပြောရေး ဆိုခွင့် ရှိသူ ရူးပတ် ကော်လ်ဗေးလ်က ပြောပါတယ်။

ဒါဟာ နောက်နောင်မှာ တရား စွဲဆိုမှု ဖြစ်လာမယဈ် ဆိုရင် အထောက်အထား ဖြစ်နိုင်တဲ့ အစိတ် အပိုင်းတစ်ခု ဖြစ်ဖို့ ကတော့ သေချာ သလောက်ပဲ လို့ လည်း သူက ပြောပါတယ်။

ဗီဒီယိုထဲမှာ သွေးဆူ နေကြတဲ့ သေနတ် သမားတွေက ဖမ်းဆီး ခံထားရသူ တွေကို မြေပြင်ပေါ် အတင်း ဆွဲလှဲပြီး စက်သေနတ်တွေနဲ့ ပစ်သတ်ခဲ့တာ တွေ့မြင်ရ ပါတယ်။

ဒမတ်စ်ကပ်စ် မြို့တော်နဲ့ အယ်လ်လက်ပို မြို့ကြား လမ်းမကြီး ပေါ်က အစိုးရ စစ်ဆေးရေး ဂိတ်တွေကို အယ်လ် နူစ်ရာ ဖရန့် al-Nusra Frontj အစ္စလာမ်မစ် တိုက်ခိုက်ရေးသမားတွေ က ဝင်ရောက် တိုက်ခိုက် ခဲ့ပြီး သတ်ဖြတ် မှုတွေ လုပ်ခဲ့တာ ဆိုတဲ့ စွပ်စွဲ ပြောဆိုမှု တွေလည်း ထွက်ပေါ် နေပါတယ်။

ကမ္ဘာ့ဘဏ်အကူအညီိထိရောက်ဖို့ ပွင့်လင်းမြင်သာမှုအရေးကြီး

အခြေခံလူတန်းစား မြန်မာပြည်သူများ

ကမ္ဘာ့ဘဏ်အနေနဲ့ မြန်မာနိုင်ငံကို အကူအညီပေးရမှာမို့ နှစ်ပေါင်း ၂၀ကျော်အတွင်း မြန်မာနိုင်ငံကို ဖွံ့ဖြိုးရေးအကူအညီပြန်ပေးတော့မှာမို့ စီစဉ်ထားတဲ့အတိုင်း ထင်သာမြင်သာရှိဖို့နဲ့ အဆင်းရဲဆုံးသူတွေဆီ ရောက်ဖို့ အရေးကြီးတယ်လို့ ကုလသမဂ္ဂ အဆင့်မြင့် အရာရှိဟောင်း လည်းဖြစ် မြန်မာအစိုးရဝန်ကြီးဟောင်း လည်းဖြစ်ခဲ့တဲ့ ဒေါက်တာညီညီက ဗွီအိုအေမြန်မာပိုင်း ကို ပြောကြားလိုက်ပါတယ်။ ဒေါ်လာသန်းနဲ့ချီတဲ့ ဒီအကူအညီတွေကို သုံးရာမှာ အဆင်းရဲဆုံးသူတွေ အလုပ်ရရှိရေးအတွက် ဘယ်လိုပစ္စည်းတွေ ထုတ်လုပ်ရောင်းချဖို့ အပြင် သူတို့ရဲ့ ကျမ်းမာရေး၊ ပညာရေးတွေ စောင့်ရှောက်မှုအတွက်ပါ ကျယ်ကျယ်ပြန့်ပြန့်ကြည့်ပြီးတော့ ပံ့ပိုးပေးသင့်တယ် လို့လည်း ဆိုပါတယ်။ ဒီအကြောင်းအပြည့်အစုံကို ဆက်သွယ်မေးမြန်းထားတဲ့ ကိုဝင်းမင်းက တင်ပြပေးထားပါတယ်။

မြန်မာနိုင်ငံထဲမှာ ပြုပြင်ပြောင်းလဲရေးလုပ်လာတာကို ဝိုင်းကူတဲ့အနေနဲ့ ကမ္ဘာ့ဘဏ်ဘက်လည်း မြန်မာနိုင်ငံကို ဆင်းရဲမှု လျော့ချရေး နဲ့ ကျေးလက်ဒေသ ဖွံ့ဖြိုးရေးတွေအတွက် အမေရိကန်ဒေါ်လာ သန်းပေါင်း ၈၀ အကူအညီတွေ ပေးသွားမယ်လို့ ကြာသပတေးနေ့က ဆုံးဖြတ်ချက် ချလိုက်ပါတယ်။ အခုလိုပြန်ဆပ်စရာ မလိုတဲ့ အကူအညီတွေကို တိုင်းနဲ့ပြည်နယ်ပေါင်း ၁၅ခုက မြို့တခုစီမှာ အသုံးပြုနိုင်ဖို့ ရှိရာမှာ ဒေသခံတွေက ရွေးချယ်တဲ့ ကိုယ်စားလှယ်တွေအနေနဲ့ ဘယ်လိုအလိုအပ်ဆုံး ကိစ္စတွေမှာ အသုံးပြုမယ်ဆိုတာကို ထင်သာမြင်သာမှု ရှိရှိနဲ့ စီစဉ်ဆောင်ရွက်ပြီး အစီရင်ခံစာပြန်တင်ဖို့ လိုတယ်၊ ဥပမာ စလုပ်မယ့် လုပ်ငန်းတွေထဲမှာ လမ်းတံတား တူးမြောင်းဖောက်တာတွေနဲ့  ကျေးလက်ဈေးကွက် ဖန်တီးတာတွေအပြင် ကျောင်းနဲ့ဆေးခန်းဆောက်တာတွေလည်း ပါနိုင်တယ်လို့ ဒီကမ္ဘာ့ဘဏ်ရဲ့ ကြေညာချက်ထဲမှာ ဖော်ပြထားပါတယ်။

အခုလိုပြန်ဆပ်စရာမလိုတဲ့ နိုင်ငံတကာ အကူအညီတွေကို ထိထိရောက်ရောက် သုံးနိုင်ဖို့ ကိစ္စမှာ ဘယ်နေရာမှာ သုံးမယ်ဆိုတာကို သိဖို့အပြင် ဘယ်လိုအောင်မြင်အောင်လုပ်မလည်းဆိုတာကို သိဖို့လည်း ထင်သာမြင်သာရှိဖို့က အရေးကြီးဆုံးဖြစ်တယ်လို့ တချိန်က မြန်မာ့ထိပ်တန်းခေါင်းဆောင်ဖြစ်လာဖို့ တစ်ပြေးခဲ့တဲ့ ဒေါက်တာညီညီက ဆိုလိုက်ပါတယ်။

“အဲ့တာတော့ မြန်မာပြည်မှာ တော်တော်လိုတယ်လို့ထင်တယ်။ လိုတာကတော့ လောကမှာအောင်မြင်တဲ့ လုပ်ငန်းဆိုလို့ရှိရင် ငါလုပ်တာ၊ ငါလုပ်တာဆိုပြီးတော့ ပြောချင်တဲ့သူက သိပ်များတယ်။ မအောင်မြင်လို့ရှိရင် ကျနော် သိပ်မသိလိုက်ဘူးဆိုတာမျိုးတွေ ဖြစ်လာတယ်။ အရေးကြီးတာ ထင်သာမြင်သာပေါ့လေ။ ဘာကြောင့်လုပ်တယ်။ ဘယ်လိုလုပ်တယ်။ ပိုက်ဆံက ဘယ်နေရာမှာ ဘာကုန်တယ်ဆိုတာ တိတိကျကျ သိရင် တနေ့ကျတော့ မအောင်မြင်ရင် ကျနော်တို့က ပြန်လေ့လာဖို့လိုတယ်။ ဘာကြောင့်မအောင်မြင်သလဲ။ အဲ့ဒီ့အခါမှာ ဒါတွေက အကုန်လုံးပေါ်လာမှာ၊ အဲ့လိုမျိုး ထင်သာမြင်သာရှိတာ ကျနော်ကတော့ တော်တော်သဘောကျတယ်။”

ဒေါက်တာညီညီကပဲ ဒုတိယအရေးအကြီးဆုံးကတော့ အခုရည်မှန်းထားတဲ့အထဲကအတိုင်း အဆင်းရဲဆုံးသူတွေဆီကို တကယ်ပဲရောက်ဖို့ပဲ ဖြစ်တယ်လို့ ဆက်ပြောပါတယ်။

“ဆင်းရဲတဲ့သူတွေဆီ မရောက်ပဲနဲ့ ပိုချမ်းသာတဲ့သူတွေဆီ ရောက်သွားတာမျိုး၊ ဒီလောက်မကျပ်တည်းတဲ့သူတွေဆီ ရောက်သွားတာမျိုးဖြစ်ရင် သူတို့က ပြောမှာက ကျနော်တို့ ပေးတာက ဒီ့အတွက်ပေးတာ ခင်ဗျားတို့က ဒီ့ပြင်ဟာ သုံးထားတယ်ဆိုပြီးတော့ ပြောရင် နောက်တကျော့ရဖို့က ခက်လာတာပေါ့လေ။”

ဒါ့အပြင် လက်ရှိ နယူးယောက်မြို့မှာ နေထိုင်နေတဲ့ ဒေါက်တာညီညီကဆက်ပြီး လက်တွေ့အသေးစိတ် လုပ်ငန်းတွေ လုပ်ရာမှာတော့ အဆင်းရဲဆုံးသူတွေ အလုပ်အကိုင်ရရှိရေးအတွက် ဘယ်လိုကုန်ထုတ်လုပ်ငန်းတွေ လုပ်မယ်ဆိုတာကို စဉ်းစားဖို့ဖြစ်တယ်လို့ ဆက်ပြောပါတယ်။

“ဖွံ့ဖြိုးလာအောင်လုပ်ဖို့က အရေးကြီးတာတော့ ဝင်ငွေရှိဖို့ပဲ။ ဝင်ငွေပိုတိုးလာဖို့ ဒီတော့ အလုပ်ရှိဖို့ပေါ့လေ။ အဲ့တော့ တတ်နိုင်သရွေ့ သူတို့ပစ္စည်း ပိုထုတ်ဖို့လိုတယ်။ ပစ္စည်းထုတ်ဖို့လိုရင် ကျနော်တို့ စဉ်းစားထားဖို့က ပထမတချက်က ငွေရင်းပေါ့။ ငွေရင်းက ဒါနဲ့စလို့ရတာပေါ့။ ပြီးလို့ရှိရင် ဒီငွေရင်း ဘယ်လိုဆပ်မလဲဆိုတာ စဉ်းစားပေါ့။ ဒုတိယတခုက ကိုယ် လုပ်တဲ့ပစ္စည်းက ဈေးကွက်ရှိရဲ့လားဆိုတာ စဉ်းစားဖို့လိုတယ်။ ထုတ်ပြီးတော့ ဝယ်သူမရှိတဲ့ဟာဆို အလကားပဲ။ ပြီးတော့ အဲ့သလို ရောင်းလို့ရတဲ့ပစ္စည်း ထုတ်ပြီးရင် ဈေးကွက်က ဘယ်မှာ ရှိသလဲဆိုတာ သိထားရင် အဲ့ဒီ့ဈေးကွက် ဘယ်လိုပို့မလည်းဆိုတာ စဉ်းစားရမယ်။ အဲ့တော့ပို့တယ်ဆိုရင် ဘာပါလာလည်းဆိုတော့ ဘယ်လိုပစ္စည်းထုတ်မလည်း။ မပျက်စီးအောင် နောက်တခုက လှေနဲ့ပို့မှာလား၊ မော်တော်ကားနဲ့ပို့မှာလား၊ ထရပ်ကားနဲ့ပို့မှာလား။”

အခုလိုကုန်ပစ္စည်းထုတ်လုပ်တဲ့ကိစ္စအပြင် ထုတ်ထားပြီးသားပစ္စည်းကို ရောင်းချဖို့ကိစ္စကို စဉ်းစားဖို့လည်းလိုတယ်လို့ ဒေါက်တာညီညီက ဆက် ထောက်ပြပါတယ်။

“တချို့က သမဝါယမလို စုပေါင်းတင်တာမျိုး၊ အဲ့တာက နည်းနည်းပိုရတယ်။ ဒါပေမယ့် သူက ကုန်သည်လောက် ရောင်းတက်ချင်မှ ရောင်းတက်မယ်။ ကုန်သည်ကတော့ သူ့အတွက် စားရိတ်က နည်းနည်းပိုပေးရမှာပေါ့လေ။”

ဒါ့အပြင် ဒီအဆင်းရဲဆုံးသူတွေအနေနဲ့ ငွေမရှိ၊ အလုပ်မရှိတာအပြင် သူတို့မှာ ဖျားနာလာရင်းလည်း ကူညီပေးဖို့နဲ့ သူတို့ရဲ့ ဘဝတွေ တိုးတက်စေဖို့  ပညာရေးကိစ္စတွေ အတွက်လည်း ထည့်သုံးဖို့ စဉ်းစားသင့်တယ်လို့ ဒေါက်တာညီညီက ဆက်ပြောပါတယ်။

“သူတို့ကျမ်းမာရေးအတွက် ဒီထဲက သုံးရင်သုံး၊ မသုံးရင် အစိုးရက လုပ်ရမှာပေါ့။ နောက်တခုက တသက်လုံး ဒီအလုပ်ပဲလုပ်နေမလား။ ဒီ့ထက်ပိုပြီး တက်လာအောင် လုပ်ဖို့မလိုဘူးလား။ ပညာ၊ ပညာလိုလာတယ်။”

တချိန်တည်းမှာ ဒေါက်တာညီညီကပဲ ကမ္ဘာ့ဘဏ်အစီအစဉ်ထဲမှာ ပါလာတဲ့ အစိုးရရဲ့ ဘက်ဂျက်ကို အပြင်ကနေ စောင့်ကြည့်စစ်ဆေးပေးတာကလည်း အထူးကောင်းမွန်တဲ့ အစီအစဉ်ဖြစ်တယ်။ ဒါမှသာ တဖက်စောင်းနင်း အသုံးမပြုမိအောင် ထိန်းချုပ်ပေးနိုင်မှာဖြစ်တယ်လို့ ထောက်ပြလိုက်ပါတယ်။

တကယ်တော့ ကမ္ဘာ့ဘဏ်အနေနဲ့ အခုလို သန်း၈၀ အကူအညီပေးတာအပြင် ဂျပန်အစိုးရနဲ့ ADB ခေါ် အာရှဖွံ့ဖြိုးရေးဘဏ်တွေနဲ့ ပူးပေါင်းပြီး မြန်မာနိုင်ငံအပေါ် နိုင်ငံတကာက အရင်တင်နေတဲ့ အကြွေးသန်းလေးဆယ်ကျော် ပတ်ဝန်းကျင်ပြန်ဆပ်နိုင်အပြီးမှာ ကမ္ဘာ့အနေနဲ့ နောက်ထပ်ချေးငွေ အမေရိကန်ဒေါ်လာ ၁၆၅သန်း မကြာခင်လပိုင်းအတွင်း ထပ်ပေးနိုင်ဖို့ကိုလည်း စီစဉ်နေတယ်လို့ဆိုပါတယ်။

မြန်မာ့စီးပွားရေးဖွံဖြိုးဖို့ ကမ္ဘာ့ဘဏ် ကူညီ

World Bank တာဝန်ရှိသူတွေက ရန်ကုန်မြို့မှာ သတင်းစာရှင်းလင်းပွဲ ပြုလုပ်စဉ် (နိုဝင်ဘာ၂၊ ၂၀၁၂။)

မြန်မာနိုင်ငံရဲ့နိုင်ငံရေး၊ စီပွားရေးပြုပြင်ပြောင်းလဲမှုတွေကို ပံ့ပိုးပေးဖို့အတွက်  ကမာ့္ဘဘဏ်က မြန်မာနိုင်ငံ ကို ၁၈လအတွင်း အမေရိကန်ဒေါ်လာ ၂၄၅သန်းပေးအပ် မယ်လို့ ကမ္ဘာ့ဘဏ် တာဝန်ရှိသူတွေက ဒီကနေ့မှာ အသိပေးလိုက်ပါတယ်။ အခုလိုပံ့ပိုးပေးတဲ့ အစီအစဉ်မှာကမ္ဘာ့ဘဏ်က မြန်မာနိုင်ငံကိုထောက်ပံ့ငွေအဖြစ် အမေရိကန်ဒေါ်လာ သန်း၈၀ အရင်ဆုံးပေးမှာဖြစ်ပြီးကျန်တဲ့ ၁၆၅သန်းကို ကြွေးကျန်တွေ ဆပ်ပြီးတဲ့အခါ ချေးငွေ အဖြစ် ပေးအပ်မှာဖြစ်ပါတယ်။ ဒီအကြောင်းကို ကမ္ဘာ့ဘဏ်တာဝန်ရှိသူတွေ ရှင်းလင်းပြောကြားတဲ့ သတင်းစာရှင်းလင်းပွဲကို ကိုယ်တိုင် သတင်းသွားယူခဲ့တဲ့ ရန်ကုန် VOA သတင်းထောက် ကိုအောင်ရဲမောင်မောင်က တင်ပြပေးထားပါတယ်။

နိုင်ငံတော်အဆင့်  လူမှုအသိုင်းအဝိုင်း  ဖွံဖြိုးရေးလုပ်ငန်းတွေ ဆောင်ရွက်နိုင်ဖို့အတွက် လိုအပ်တဲ့ ထောက်ပံ့ငွေ အမေရိကန် သန်း၈၀ကို ကမ္ဘာ့ဘဏ် အုပ်ချုပ်ရေးအဖွဲ့က  မြန်မာနိုင်ငံ ဒီကနေ့မှာ  ပေးအပ်လိုက်တာပါ။ မြန်မာနိုင်ငံကို ကမ္ဘာ့ဘဏ်က ထောက်ပံ့ပေးတဲ့ အခုအစီအစဉ် ကို “ကြားဖြတ် မဟာဗျူဟာအစီအစဉ်” လို့  သတ်မှတ်ထားပါတယ်။  မြန်မာအစိုးရက စီးပွားရေးကဏ္ဍ၊ စီမံခန့်ခွဲမှုတွေမှာ တိုးတက် ကောင်းမွန်လာဖို့၊ စီးပွားရေး တိုးတက်ဖွံ့ဖြိုးဖို့အလုပ်အကိုင် အခွင့်အလမ်းတွေ ပေါ်ထွက်လာဖို့ စတဲ့ လုပ်ငန်းတွေ အကူအညီပေးသွားဖို့ဖြစ်ပါတယ်။

ဒီလိုအကူအညီပေးတဲ့အခါမှာ မူဝါဒတွေ၊အကြံဥာဏ်တွေ နည်းပညာတွေနဲ့ ပေးသွားမှာဖြစ်တယ်လို့ မြန်မာနိုင်ငံဆိုင်ရာ ကမ္ဘာ့ဘဏ် ကိုယ်စားလှယ်  မစ္စတာKanthanShankerက ပြောပါတယ်။

“ကမ္ဘာ့ဘဏ်ရဲ့ သေနင်္ဂဗျူဟာအရ ကျနော်တို့ ဟာ ငွေကြေးဆိုင်ရာ ကိစ္စတွေ၊ နောက် လေ့လာစုံစမ်းမှုတွေ၊ နောက်တခု နည်းပညာဆိုင်ရာ အထောက်အကူတွေကို ဖြည့်ဆည်းပေးသွားမှာဖြစ်တယ်။ နောက်အစိုးရရဲ့ အုပ်ချုပ်မှုတွေနဲ့ ကောင်းမွန်တဲ့ လုပ်ငန်းခွင်နဲ့ အလုပ်အကိုင်ဖွံ့ဖြိုးမှု အခြေအနေတွေပေါ်မှာ အထောက်အကူပေးသွားမှာဖြစ်ပါတယ်။”

မြန်မာနိုင်ငံက ကမာ့္ဘဘဏ်အပေါ် တင်ရှိနေတဲ့ အကြွေးတွေပြန်မဆပ်နိုင်သေးပေမဲ့ အခုလို ထောက်ပံ့ကြေးငွေ ပေးအပ်လိုက်တာဟာ လူထုအခြေပြုဖွံ့ဖြိုးတိုးတက်ရေး ပရောဂျက်တွေ ဆောင်ရွက်ဖို့နဲ့ ဆင်းရဲနွမ်းပါးတဲ့ပြည်သူတွေအမြန်ဆုံးအကျိုးရလာဒ်များကို ခံစားစေနိုင်ဖို့ ရည်ရွယ်တယ်လို့မစ္စတာShankerကပြောပါတယ်။

“မြန်မာနိုင်ငံမှာ ရှိတဲ့ လူထုတွေအတွက် အထူးသဖြင့် ဆင်းရဲသားတွေအတွက် အစိုးရရဲ့ ပြုပြင်ပြောင်းလဲရေးတွေဟာ တကယ့်အစစ်အမှန် အကျိုးဖြစ်ထွန်းဖို့ကို ဖြစ်စေချင်ပါတယ်။ အဲ့တာကြောင့်လည်း ကျနော်တို့က လူထုအခြေပြု ဖွံ့ဖြိုးတိုးတက်မှုအစီအစဉ်ကို စတင်နေတာဖြစ်ပါတယ်။ အဲ့ဒီ့အစီအစဉ်ကလည်း အစိုးရရဲ့ ဦးစားပေးသတ်မှတ်ထားတဲ့ ကျေးလက်ဒေသရဲ့ လူထုအခြေပြုဖွံ့ဖြိုးတိုးတက်မှုနဲ့ ကိုက်ညီမှုရှိပါတယ်။”

အခုလိုမြန်မာနိုင်ငံကိုပေးလိုက်တဲ့ ထောက်ပံ့ငွေ အမေရိကန် ဒေါ်လာသန်း၈၀ကိုမြို့နယ်တစ်ခု ဖွံ့ဖြိုးရေးအတွက်  စံပြအရင်ဆုံးလုပ်ဆောင်သွားမယ်လို့လည်း မစ္စတာShankerကပြောခဲ့ပါတယ်။ကျေးလက်အခြေပြု  ထောက်ပံ့ရေးအစီအစဉ်တွေကို ပေးတဲ့နေရာမှာ  ကမ္ဘ့ာဘဏ်က ၀င်ရောက်ပြီး စီမံခန့်ခွဲတာမျိုး လုပ်မှာမဟုတ်ပဲ ဒေသခံတွေကပဲ အဓိကလုပ်ဆောင်ခွင့်ရမှာ ဖြစ်တယ်လို့လဲ ဆိုပါတယ်။

“ဒီ CDD ပရော့ဂျက်နဲ့ ပတ်သက်တဲ့ ကဏ္ဍတွေမှာ လူထုကပဲ ဦးဆောင်ပြီးတော့ လည်ပတ်မှာပါ။ အဲ့ဒီ့တော့ ဒီထောက်ပံ့ကြေးပိုက်ဆံတွေကို ဘယ်နေရာမှာသုံးမယ်ဆိုတာ အဲ့ဒီ့ဒေသခံပြည်သူလူထုကပဲ ဆုံးဖြတ်ရမှာဖြစ်ပါတယ်။ ဥပမာ လမ်းတွေ တံတားတွေ  ဆောက်ဖို့အတွက် သုံးမလား၊ ဆေးပေးခန်းတွေ ဆောက်ဖို့ နေရာမှာ သုံးမလား၊ ကျောင်းစာသင်ခန်းတွေ ပြုပြင်ဖို့ သုံးမလား။ သောက်ရေသန့်ရေ ဖြည့်ဆည်းတဲ့နေရာမှာ သုံးမလားဆိုတာကို ဒေသခံပြည်သူလူထုကပဲ ဆုံးဖြတ်မှာဖြစ်ပါတယ်။”

မြန်မာနိုင်ငံက တင်နေတဲ့ အကြွေးတွေကိုပြန်မဆပ်တဲ့အတွက် ကမ္ဘာ့ဘဏ်က မြန်မာနိုင်ငံပေါ် ထောက်ပံ့ကူညီမှုတွေ မပေးခဲ့တာ  ၂၆နှစ်ရှိခဲ့ရာကနေ အခုဆိုရင်ပြည်တွင်းမှာ ကမ္ဘ့ာဘဏ် ရုံးခွဲဖွင့်ပြီး မြန်မာနိုင်ငံက ဖွံဖြိုးတိုးတက်ရေး လုပ်ငန်းစဉ်တွေအတွက် ပြန်လည် ကူညီ ထောက်ပံ့ပေး တာလည်းဖြစ်ပါတယ်။မြန်မာနိုင်ငံက ကမ္ဘာ့ဘဏ်အပေါ် လက်ရှိတင်ရှိနေတဲ့အကြွေးတွေကို ပြန်လည်ဆပ်နိုင်ဖို့ အတွက်မြန်မာပြည်ရဲ့ အကြွေးတွေကို ကူညီ ဆပ်ပေးမဲ့  ဂျပန်အစိုးရနဲ့  စကားပြောဆိုနေတယ်လို့ မစ္စတာKanthanShankerကပြောပါသေးတယ်။

မြန်မာနိုင်ငံဟာကမ္ဘာ့ဘဏ်နဲ့ အာရှဖွံဖြိုးမှုဘဏ်နှစ်ခုအပေါ်မှာအမေရိကန် ဒေါ်လာသန်း၉၀၀ အကြွေးပြန်ဆပ်ဖို့ ရှိနေပြီးအာရှဖွံဖြိုးမှုဘဏ်မှာ ဒေါ်လာသန်း၅၀၀နဲ့ ကမ္ဘာ့ဘဏ်မှာသန်း၄၀၀အကြွေးရှိနေတယ်လို့ မစ္စတာKanthanShankerက ဗွီအိုအေရဲ့ သီးခြားမေးမြန်းမှုအပေါ်ပြန်လည်ဖြေကြားခဲ့ပါသေးတယ်။