Friday, January 29, 2016

တယ်လီပသီ ( ဝါ ) အီးအက်စ်ပီ

မှတ်စုကြမ်း

တမလွန်ဘဝအကြောင်းကို စူးစမ်းလေ့လာတဲ့ အခါမှာ သုတေသီဆရာတွေရဲ့ အချက်အလက်တွေကို မဖေါ်ပြမီ တယ်လီပသီအကြောင်းကိုတော့ ရေးသားရပါလိမ့်မယ် ။ ဘာကြောင့်လဲဆိုတော့ တွေ့ရှိချက်တွေကို စဉ်းစားတဲ့အခါမှာ မျက်ကွယ်ပြုထားလို့ မရတဲ့ အချက်ဖြစ်နေလို့ပါပဲ ။ တယ်လီပသီဆိုတာ လူတစ်ဦးကနေ တစ်ဦးကို စိတ်ကူးဆက်ခြင်း သို့မဟုတ် လူတစ်ဦး သိနေတာကို အခြားသူတစ်ဦးက နား မျက်စိ စတာတွေကိုမသုံးပဲ အလိုလို သိနေခြင်းဖြစ်တယ် ။ အဲ့ဒီ့ စိတ်စွမ်းအင်ကို အခုခေတ်မှာ စိတ်ဝိညာဉ် သုတေသီတွေက အီးအက်စ်ပီ လို့ ခေါ်တယ် ။ ပရဝိညာဉ်လို့ ဆိုဟန်တူပါတယ် ။ ဒါပေမယ့် ပရဝိညာဉ်ဆိုပေမယ့် အတ္တဝိညာဉ်လိုမဟုတ်ပဲ စိတ်စွမ်းအင်တစ်မျိုးတာ ဖြစ်တယ်လို့ ဒီလိုဆိုပါတယ် ။
အနောက်တိုင်း စိတ်ဝိညာဉ် သုတေသီတွေကတော့ သိပ္ပံနည်းကျ စူးစမ်းလေ့လာခဲ့တာမှာ နှစ်ပေါင်း များစွာ ကြာပြီဖြစ်တယ် ။
အဲ့ဒီ့ စိတ်စွမ်းအင်နဲ့ ပတ်သတ်ပြီး တိကျခိုင်မာတဲ့ ကိုယ်တွေ့ သာဓကတွေ အထောက်အထားတွေ ကို အမေရိကန်ပြည် ဂျူ့တက္ကသိုလ်က ပါမောက္ခရိုင်းရဲ့ ဖဲချပ်များကိုအသုံးပြု စမ်းသပ်လေ့လာခဲ့တာမှာ သိပ္ပံပညာရှင်တွေရဲ့ ထင်မြင်ချက်တွေ များစွာ ထွက်ပေါ်လာခဲ့တယ် ။ ဘာကြောင့်လဲဆိုတော့ အင်မတန် ထူးခြားတဲ့ စွမ်းအင်တစ်မျိုးဖြစ်နေတာကို တွေ့ရှိကြလို့ပါပဲ ။ အနောက်တိုင်းမှာတော့ ဒါတွေကို အထူးအဆန်းဖြစ်နေပေမယ့် အရှေ့တိုင်းက မြန်မာ အစရှိတဲ့ အိန္ဒိယတွေမှာတော့ စိတ်စွမ်းအင်ဆိုတာ ပြောစရာမလိုအောင်ကို ရင်းနှီးနေကြပါတယ် ။ ပုဂ္ဂိုလ်တစ်ဦးရဲ့ စိတ်စွမ်းအင်သတ္တိလှုပ်ရှားရန်အတွက် စိတ်ကြည်လင်ပေါ့ပါးနေဖို့ အရေးကြီးပါတယ် ။ သူ့ရဲ့ အစွမ်းသတ္တိကို ယုံကြည်ရန်လဲ လိုတယ် ။ စိတ်ညစ်ညူးထိုင်းမှိုင်းပြီး သံသယ ဝင်နေတဲ့အခါ အီးအက်စ်ပီဟာ အားနည်းနေတက်တယ်လို့ ဆိုတယ် ။ အီးအက်စ်ပီနဲ့ စိတ်ခြင်း ဆက်သွယ်သူများမှာ အများအားဖြင့် စိတ်ဓါတ်စရိုက် နီးစပ်တဲ့ လင်နဲ့မယား မိဘနဲ့ သားသမီး ညီအကို မောင်နှမ မိတ်ဆွေ သူငယ်ချင်းတွေ ဖြစ်နေတက်တာကို ထူးခြားစွာ တွေ့ရပါတယ် ။
အဲ့ဒီ့ စိတ်စွမ်းအင်သတ္တိဟာ အချိန်ကာလ နေရာဒေသနဲ့ သတ်ဆိုင်မှု မရှိဘူးလို့ ဆိုပါတယ် ။ သူက ဘယ်နေရာပဲ ရောက်ရောက် ဘယ်လောက်ပဲ ဝေးဝေး အဆက်အသွယ်ပြုလုပ်နိုင်တယ်လို့ ဒီလိုဆိုခြင်းဖြစ်တယ် ။ အချို့ ပုဂ္ဂိုလ်တွေဟာ အခြားတစ်ဦးရဲ့ အတိတ်ကာလက အဖြစ်အပျက်တွေကို အလိုလို သိနေပြီး အနာဂတ်မှာ ဖြစ်မဲ့ အရာတွေကို မှန်ကန်အောင် မှန်းဆနိုင်တဲ့ အထိ ရှိလာပါတယ် ။ အတိအကျတွေက ပိုများတယ်လို့ ဒီလိုဆိုတယ် ။ အီးအက်စ်ပီရဲ့ ဆက်သွယ်မှုမှာ လူ တစ်ဦးနဲ့ တစ်ဦး ကွာဝေးမှုဟာ အခက်အခဲမဟုတ်ပါဘူး ။ ဆိုဗီယက်ပညာရှင်တို့ရဲ့ စမ်းသပ်မှု တစ်ခုမှာ မော်စကိုမြို့က လူက ၁၈၇၅ မိုင် ကွာဝေးတဲ့ နိုဗိုဆီဗစ်မြို့မှာရှိတဲ့ အခြားသူတစ်ယောက်ထံကို မိမိအား စမ်းသပ်သူတို့ကပြတဲ့ အရာဝတ္ထုကို စိတ်နဲ့ သတင်းပေးပို့တဲ့ စမ်းသပ်မှုကို ပြုလုပ်ခဲ့တယ်။ အဲ့ဒီ့ စမ်းသပ်မှုမှာ မိုင်ပေါင်းများစွာ ဝေးကွာနေတဲ့ လူတစ်ဦးရဲ့အမြင်ဟာ တစ်ဖက်က တိကျစွာ ပြောနိုင်တာကို ထူးဆန်းစွာ တွေ့ရှိအတည်ပြုခဲ့ကြပါတယ် ။ စိတ်ဝိညာဉ် သုတေသနနယ်ပယ်မှာတော့ အဲ့ဒီ့ စိတ်စွမ်းအင်ကို လက်ခံထားကြပါတယ်။ သိပ္ပံပညာရှင်အများစုကတော့ ဖြေရှင်းလို့ မရတဲ့ ပုဒ်စ္ဆာအနေနဲ့ မှတ်ချက်ပေးကြတယ် ။
စိတ်ဝိညာဉ် သုတေသနကို စေ့ငှစွာ လေ့လာခဲ့တဲ့ ဗြိတိသျှစိတ်ပညာရှင်တစ်ဦး ရေးသားထားတာမှာတော့ ((( ကမ္ဘာအရပ်ရပ်ရှိ တက္ကသိုလ်ပေါင်း ၃၀ မှ သုသေတန ဌာနများသည်လည်းကောင်း ကျွန်ပ်တို့ အထူးယုံကြည်လေးစားအပ်သော ပညာရှင်ပေါင်း မြောက်များစွာတို့သည်လည်းကောင်း တယ်လီပတီခေါ် အီးအက်စ်ပီအကြောင်း လေ့လာခဲ့ကြသည် ။ ထို သုသေတနပညာရှင်တို့အနက် ပုဂ္ဂိုလ် အတော်များများသည် လက်ဦးပထမက အီးပီအက်စ်ကို လက်မခံခဲ့ကြပေ ။ ထိုပညာရှင်တို့ စူးစမ်းလေ့လာရာမှ တွေ့ရှိချက်များသည်အကယ်၍ အားလုံး ပူးပေါင်းကြံစည်၍ လိမ်လည်လုပ်ဆောင်မှုများမဟုတ်ပါက ဆန္ဒစွဲ / ဝါဒကင်းသော ပုဂ္ဂိုလ်အဖို့ လက်ခံရန် အချက်တစ်ခုသာလျှင် ရှိ၏ ။ ယင်းမှာ အချို့သူများသည် အခြားသူများ၏ စိတ်၌သော်လည်းကောင်း ပြင်ပ လောက၌သော်လည်းကောင်း ရှိနေသော အကြောင်းအရာကို သိပ္ပံပညာက ယခုအထိ နာမလည်သေးသော နည်းဖြင့် သိရှိနိုင်သည်ဆိုသော အချက်ဖြစ်၏ )))
‪#‎htoohtoolay‬
http://myothetzaw23.blogspot.com/
တယ်လီပသီ ( ဝါ ) အီးအက်စ်ပီ
မျိုးသက်ဇော် / 21 hours ago

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့ စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အက်ဒမင်

အခြားကဏ္ဍများကို လေ့လာရန်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...