ထင်ရှားသူတို့ ဘ၀ပုံပြင်

Nine Nine Sanay @ နိုင်းနိုင်းစနေ

စာတွေရေးနေပြီး စာအုပ်ပါထုတ်ဝေထားသူတစ်ယောက်မို့ စာအုပ်နဲ့ပတ်သက်တဲ့ အတွေ့အကြုံလေးတချို့ကို မျှဝေချင်ပါတယ်။ ကျွန်မရဲ့စာအုပ်တွေကို "Synergy" စာအုပ်တိုက်ကနေ ထုတ်ဝေပါတယ်။ ကျွန်မရဲ့ပထမဆုံးစာအုပ်"အမေ့လက်ရေးများ"ကို ထုတ်တုန်းက Synergy က ဖွင့်တာသိပ်မကြာသေးတဲ့ စာအုပ်တိုက်အသစ်ပါ။
ထုတ်ဝေသူအသစ်၊ ရေးသားသူအသစ်(ကလောင်အသစ်)လို့ ဆိုရပါမယ်။ ထုတ်ဝေသူအသစ်တစ်ယောက်က ကလောင်သစ်တစ်ယောက်ကို လက်တွဲခေါ်ဖို့ဆိုတာ နည်းတဲ့စေတနာ၊ သတ္တိမဟုတ်ပါဘူး။ အားလုံးသိတဲ့အတိုင်း စာဖတ်အားနည်းတဲ့တိုင်းပြည်မှာ လူထုကြားထဲ ကလောင်သစ်တစ်ယောက် ထိုးဖောက်ဖို့၊ လက်ခံဖို့ဆိုတာ မလွယ်တဲ့ကိစ္စပါ။ အဲဒီအတွက် "Synergy" စာအုပ်တိုက်ကထုတ်ဝေသူကို အထူးကျေးဇူးတင်ကြောင်း ဒီနေရာကနေပြောချင်ပါတယ်။

ကျွန်မက စာအုပ်မထုတ်ခင် အင်တာနက်ပေါ်မှာစာရေးသူမို့ "နိုင်းနိုင်းစနေ"ကို အင်တာနက်သုံးသူတချို့လောက်သာ သိထားပါတယ်။ တကယ်တမ်း စာအုပ်ထုတ်လိုက်တော့ လူထုကြားထဲထိုးဖောက်ဖို့ မဆိုထားနဲ့ စာအုပ်ဆိုင်တချို့ကတောင် ကလောင်သစ်မို့ စာအုပ်ကိုစင်ပေါ်တင်ဖို့ လက်မခံရဲခဲ့ပါဘူး။ ရောင်းမထွက်တဲ့အပြင် နေရာပုပ်မှာလည်းကြောက်တဲ့အတွက်ပါ။ တချို့စာအုပ်ဆိုင်က အစမ်းတင်ကြည့်မယ်ဆိုပြီး ၄,၅အုပ်လောက်သာ ယူပါတယ်။ တစ်ဆိုင်ဝင်တစ်ဆိုင်ထွက် ဒီလိုပဲ "နိုင်းနိုင်းစနေ"ကို ထုတ်ဝေသူ မိတ်ဆက်ခဲ့ပါတယ်။ ဒီအတွက်လည်း ကျေးဇူးတင်ပါတယ်။

အခုဆိုရင် စာအုပ်ဆိုင်တော်တော်များများမှာ နိုင်းနိုင်းစနေရဲ့စာအုပ်တွေ ရှိနေပါပြီ။ ဒါကလည်း စာဖတ်သူတွေရဲ့အားပေးမှုကြောင့်ပါပဲ။ စာဖတ်သူသာမရှိခဲ့ရင် စာအုပ်တွေစင်ပေါ်ရောက်ဖို့ အကြောင်းမရှိပါဘူး။ ထုတ်ဝေသူလည်း ထုတ်လုပ်ရဲမှာမဟုတ်သလို ကျွန်မလည်း ကိုယ်တိုင်ထုတ်ဖို့ မတတ်နိုင်ပါဘူး။ ဒီအတွက် စာဖတ်သူအားလုံးကို ကျေးဇူးအထူးတင်ပါတယ်လို့ ပြောချင်ပါတယ်။

ထုတ်ဝေသူအသစ်၊ ကလောင်အသစ်နဲ့ စစပိုင်းမှာ ကျွန်မတို့ဘက်က အမှားအယွင်းတွေ၊ ချွတ်ယွင်းချက်တွေ ရှိကောင်းရှိခဲ့ပါတယ်။ အမှားတွေကို ပြင်ဆင်ရင်း အကောင်းဆုံးအဖြစ်နဲ့ ကျွန်မတို့ရှေ့ဆက်သွားနေပါတယ်။ အကောင်းဆုံးဖြစ်အောင်လည်း ကြိုးစားနေတဲ့အကြောင်း ပြောချင်ပါတယ်။

စာအုပ်တစ်အုပ်ဖြစ်ဖို့ ထုတ်ဝေသူ၊ စာရေးသူရှိရုံနဲ့တင်မကပါဘူး။ မျက်နှာဖုံးပြင်ဆင်သူလည်း အရေးပါပါတယ်။ ကျွန်မရဲ့ပထမဆုံးစာအုပ်ကနေ အခုချိန်ထိ မျက်နှာဖုံးရေးဆွဲပေးသူက "ဇေယျာဝင်းထက်" ဖြစ်ပါတယ်။ အသက်(၃ဝ)တောင်မပြည့်သေးတဲ့ ကောင်လေးတစ်ယောက်ပါ။ အရမ်းကြိုးစားသူတစ်ယောက်ပါ။ ကျွန်မလိုချင်တဲ့ပုံစံမျိုးရအောင် စိတ်ရှည်ရှည်ထားရေးဆွဲပေးတဲ့ ဇေယျာကိုလည်း ဒီကနေ ကျေးဇူးအထူးတင်ကြောင်းပြောချင်ပါတယ်။

မျက်နှာဖုံးနဲ့ပတ်သက်လို့ ဇေယျာကို ကျွန်မအမြဲပူဆာတတ်တဲ့အရာတစ်ခုက မျက်နှာဖုံးရေးဆွဲချိန်မှာ "နိုင်းနိုင်းစနေ"ဆိုတဲ့နာမည်ကို သေးပေးပါဆိုတာပါပဲ။ ကလောင်ကိုကြိုက်လို့ စာကိုကြိုက်တယ်ဆိုတဲ့ပုဂ္ဂိုလ်စွဲထက် စာကိုကြိုက်လို့ ကလောင်ကိုသတိထားမိတာမျိုးပဲ ဖြစ်ချင်လို့ပါ။ စစချင်းမှာ သူဆွဲတဲ့ ကျွန်မစာအုပ်ရဲ့မျက်နှာဖုံးတွေမှာ နိုင်းနိုင်းစနေဆိုတဲ့နာမည်က အကြီးကြီးပဲ။ "နိုင်းနိုင်းစနေနာမည်မကြီးချင်ဘူး.. ကောင်းတဲ့စာတွေကိုပဲ လူတွေကို မျှဝေချင်တယ်။ နာမည်ကို သေးသေးရေးပေးပါ။ စာအုပ်ခေါင်းစဉ်ကိုသာ ကြီးကြီးရေးပေးပါ"လို့ သူ့ကို ကျွန်မအမြဲပြောဖြစ်ပါတယ်။ နောက်ပိုင်းက စာအုပ်တွေမှာ နာမည်သေးသွားပါတယ်။ ကျွန်မနာမည်ထက် စာအုပ်ထဲကစာတွေကိုပဲ ပိုမှတ်မိနေရင် ကျေနပ်ပါပြီ။ "စကားလုံးတိုင်းမှာ အင်အားရှိပါတယ်"တဲ့... ကျွန်မရေးခဲ့တဲ့၊ ဘာသာပြန်ခဲ့တဲ့ စကားလုံးတိုင်း စာဖတ်သူကို အင်အားဖြစ်စေခဲ့ရင်၊ ခွန်အားဖြစ်စေခဲ့ရင်၊ စိတ်ကျေနပ်မှုတစ်ခုခုဖြစ်စေခဲ့ရင် ကျွန်မကျေနပ်ပါပြီ။ အကောင်းဆုံးအဖြစ်နဲ့ ကျွန်မရှေ့ဆက်လှမ်းနေပါတယ်... စိတ်ခွန်အားပေးစာတွေ ကျွန်မရေးဖြစ်နေပေမယ့် ကျွန်မမှာလည်း စိတ်ဓာတ်ကျချိန်တွေ ရှိတတ်ပါတယ်။ ကျွန်မကိုလည်း ဖေးမပါ.. လက်တွဲခေါ်ပါ၊ အားပေးပါ၊ လမ်းညွှန်ပါလို့...

စကားမစပ် အခုပုံမှာပါတဲ့မျက်နှာဖုံးကို ဇေယျာက လိုင်းတစ်လိုင်းတည်းနဲ့ ရေးဆွဲထားပါတယ်။ အောင်မြင်ခြင်း ဆိုတဲ့အပင်လေးကို လက်နှစ်ဘက်နဲ့ ကိုယ်တိုင်စိုက်နေတဲ့ ကောင်မလေးတစ်ယောက်ရဲ့ပုံပါ။ ဒီစာအုပ်ထဲမှာပါတဲ့ အကြောင်းအရာတွေကလည်း အောင်မြင်မှုကို ကိုယ်တိုင်စိုက်ပျိုးခဲ့သူတွေရဲ့ အကြောင်းပါပဲ... နှစ်သက်ကြမယ်လို့ မျှော်လင့်ပါတယ်.. အားလုံး ကျေးဇူးးးး)

ခင်မင်လေးစားစွာဖြင့်
နိုင်းနိုင်းစနေ