ဗုဒ္ဓဘာသာ ဇစ်မြစ် ( ၂၇ ) မေတ္တာပါရမီ

Ven Pannasami

မိမိတို့မြန်မာလူမျိူးများ၏နားတွင် မေတ္တာဟူသော ဝေါဟာရသည် သမိုင်းနှင့်ချီ၍ နားရည်ဝလှလေပြီ။ သမိုင်းနှင့်ချီ၍ နားရည်ဝလှသော်လည်း မေတ္တာသည် လက်တွေ့လှုမှုနယ်ပယ်တွင်တော့ အသားမကျ အဝါးမဝ သေးဟုဆုိုလျှင်မှားအံ့မထင်ပေ။ အကြောင်းမှာ မြတ်ဗုဒ္ဓ၏ သွန်သင်ချက်အတိုင်း မြတ်ဗုဒ္ဓ ကျင့်တော်မူခဲ့သည့်အတိုင်း မိမိတို့ဗုဒ္ဓဘာသာဝင် နိုင်ငံသားအများစုတို့ လက်တွေ့ကျင့်ကြံမှုအပိုင်းတွင် အားနည်းသောကြောင့်ပင်ဖြစ်သည်။
အမှန်စင်စစ် မေတ္တာဟူသောဗြာဟ္မစိုရ်တရားသည် ဗုဒ္ဓဓမ္မ သွန်သင်ချက်အရ လူသားတုိုင်းကျင့်သုံးသင့်သည့် အခြေခံအဆင့်ပင်ဖြစ်သည်။ ထုိုမေတ္တာအခြေခံမှပင်စတင်ကာ အဆင့်မြင့်ဥာဏ်ပညာများရရှိရေးကုို အားထုတ်ကြရမည်ပင်ဖြစ်သည်။ သုို့သော် သမုိုင်းကုိုမညှာတန်းသုံးသပ်ကြည့်လျှင် မိမိတုို့နုိုင်ငံသည် အချင်းချင်း မေတ္တာထား၍ စည်းလုံးညီညွတ်သောအင်ပါယာကြီးတစ်ခုတည်းအဖြစ် ခန်းညားစွာ နေထုိုင်နုိုင်ခဲ့သည့် နှစ်အရေအတွက်သည် အလွန်နဲပါးသည်ကုိုတွေ့ရမည်ဖြစ်သည်။ သူတလူငါတမင်း ပဒေသရာဇ်မင်းမူခြင်းဖြင့်ဖြတ်သန်းခဲ့သောသမုိုင်းကြောင်းသည်သာ ရှာလျားသည်ကုိုတွေ့ရမည်ဖြစ်သည်။ ဤသုို့တစ်ခုတည်းသောအင်ပါယာအဖြစ်ဖြင့် တစ်တုိုင်းပြည်လုံးရေရှည်စည်းလုံးညီညွတ်မှုမရှိခဲ့ဘဲနောက်ကျကျန်နေခဲ့ရခြင်း၏ အကြောင်းများစွာထဲတွင် အချင်းချင်းမေတ္တာအားနဲကာ ဒေါသနှင့်အတ္တမာနများလွှမ်းမိုးခဲ့ကြ၊ လွမ်းမိုးနေကြသောအကြောင်းတစ်ရပ်သည်လည်း အစိတ်အပုိုင်းတစ်ခုအဖြစ်ပါဝင်နေသည်ကုိုတွေ့မြင်နုိုင်သည်။

ထုို့ပြင် ထုိုဒေါသ အာဃာတနှင့်အတ္တမာနစိတ်များကြောင့်ပင် ခေတ်အဆက်ဆက် အချင်းချင်း စစ်မက်များဖြစ်ပွါးကြလျှက် သမုိုင်းခရီးကုိုလျှောက်လှမ်းခဲ့ကြသည်။ ဤအတုိုင်းလျှောက်လှမ်းနေကြဆဲလည်းဖြစ်သည်။ ယနေ့ခေတ်တိုင်အောင် စည်းလုံးခိုင်မာသော အနှစ်သာရပြည့်ဝသော အားကိုးယုံကြည်ထိုက်သော ပြည်ထောင်စုနိုင်ငံတော်ကြီးမဖြစ်သေးသည်မှာ အလွန်ဝမ်းနဲဘွယ်ကောင်းလှသည်။ ရှက်ဖွယ်လည်းကောင်းလှသည်။ ဤအချက်က မည်သည့်အရာကုိုညွှန်ပြသနည်းဆုိုလျှင် မြန်မာနုိုင်ငံသည် ဗုဒ္ဓဘာသာနာမည်ခံယူထားသော်လည်း ဗုဒ္ဓလမ်းစဉ်နှင့်ညီညွတ်အောင်မကျင့်ကြသောကြောင့် ဆင်းရဲမွဲတွေပြီး သိက္ခာမဲ့စွာ နောက်ကျကျန်နေသည်ဆုိုသည့်အချက်ကုိုညွှန်ပြနေပေသည်။ ယနေ့ခေတ်တွင် Super power လည်းဖြစ်၍ ပြည်နယ် ( ၅၀ ) ထိပါဝင်သော အမေရိကန်ပြည်ထောင်စုကိုကြည့်လျှင် ပြည်တွင်းငြိမ်းချမ်းရေး စည်းလုံးညီညွတ်ရေး ပြန်လည်သင့်မြတ်ရေးဟူသောစကားလုံးများ အသုံးအနှုန်းများကုို (အမှတ်မမှားလျှင်) မိမိမဖတ်ဘူး မကြားဘူးပေ။ အကြောင်းမှာ ပြည်တွင်းငြိမ်းချမ်းရေ စည်းလုံးညီညွတ်ရေး ပြန်လည်သင့်မြတ်ရေးဟူသောလုပ်ငန်းစဉ်များ ပြီးဆုံးခဲ့ပြီဖြစ်၍ ဖွံ့ဖြိူးတိုးတက်မှုလမ်းစဉ်ကိုသာ တစုိုက်မတ်မတ် လျှောက်လှမ်းနိုင်ခဲ့ပြီဖြစ်သောကြောင့်ပင်ဖြစ်သည်။ ထုိုသုို့လျှောက်လှမ်းနုိုင်ခဲ့သောကြောင့် ဖွံ့ဖြိူးတိုးတက်ပြီးဖြစ်ရုံမျှမက ကမ္ဘာ့ရှေ့ဆောင်အခြေအနေသို့ပင် ဆုိုက်ရောက်ခဲ့သည်မှာ ကြာမြင့်လေပြီ။

အကြောင်းကိုရှာဖွေသော် မေတ္တာ၏ဆန့်ကျင်ဘက်လည်းဖြစ်၍ အများပြည်သူအတွက်ကျဉ်းမြောင်းကျပ်တည်းဆင်းရဲမှုကုိုသာဖြစ်စေသော အတ္တမာနများ ဒေါသအာဃာတတရားများကုို ထိန်းချုပ်နုိုင်ကြပြီးလျှင် လူသားအချင်းချင်းတန်ဘုိုးထားသော မေတ္တာဓာတ်လည်းသက်ဝင်သော ဥပဒေများကုိုပြဋ္ဌာန်းလျှက် နုိုင်ငံနှင့်လူမှုအဖွဲ့အစည်းကုို တည်ဆောက်နုိုင်ခဲ့ကြခြင်းသည်လည်း ဖွံ့ဖြိူးခြင်း၏အကြောင်းရင်းထဲတွင်ပါဝင်သည်သာဖြစ်သည်။ အမေရိကား၏ ဖွံ့ဖြိူးတိုးတက်ခြင်းအကြောင်းများ များစွာရှိသည်မှန်သော်လည်း အချင်းချင်းတန်ဘုိုးထားလေးစားနုိုင်သော မေတ္တာဓာတ်သက်ဝင်သည့်ဥပဒေများကုို ပြဋ္ဌာန်းနုိုင်ခြင်းသည်လည်း အရေးကြီးသောအကြောင်းတစ်ခုအနေဖြင့်ပါဝင်သည်ဟုမိမိယုံကြည်မိသည်။ တရားမျှတသောဥပဒေဟူသည် မေတ္တာဓာတ်သက်ဝင်သော ဥပဒေဟုပင်ဆုိုချင်သည်။ တရားမျှတမှုမရှိသော ဥပဒေဟူသည် ဒေါသများ အတ္တမာနများဖုံးလွှမ်းနေသောဥပဒေဟုဆုိုချင်သည်။ ဤသို့ မေတ္တာဓာတ်သက်ဝင်သည့်တရားမျှတသောဥပဒေများချမှတ်ကျင့်သုံးနုိုင်ခြင်းသည် ဗုဒ္ဓလမ်းစဉ်နှင့်အခြေခံအားဖြင့်ညီညွတ်လှသည်။ ဤသုို့ ဗုဒ္ဓဘာသာနာမည်ကုိုမခံယူသော်လည်း ဗုဒ္ဓလမ်းစဉ်နှင့်ညီညွတ်သဖြင့် ဖွံ့ ဖြိူးတုိုးတက်ကြခြင်းဖြစ်သည်။ ဖွံ့ဖြိူးပြီးနုိုင်ငံများကုိုကြည့်လျှင် သူတုို့၏ဘာသာရေးကျင့်သုံးမှုထုံးကုိုအပထား၍ လောကအေးချမ်းရေး ဖွံ့ဖြိူးရေး တရာမျှတရေး လူ့အခွင့်အရေးစသော လူမှုဘဝ၏အခြေခံလုိုအပ်ချက်များပြည့်စုံနေအောင် ဆောင်ရွက်ခြင်းသည် ဗုဒ္ဓ၏လမ်းစဉ်နှင့်အလွန်ညီညွတ်နေသည်ကုိုတွေ့နုိုင်သည်။ ထုို့ကြောင့်လည်း ဖွံ့ဖြိူးတုိုးတက်ကြခြင်းလည်းဖြစ်သည်။

မှန်၏။ နိုင်ငံသားတို့အချင်းချင်း ထိုမေတ္တာ ကရုဏာဓာတ်များပါဝင်သော ဥပဒေအောက်တွင် တပြေးညီလျှောက်လှမ်းခိုလှုံခွင့်ရပါမှသာ တရားမျှတသော၊ လုံခြုံသော၊ အာမခံချက်ရှိသော၊ လူသားအချင်းချင်းတန်ဘိုးထားလေးစားသော လူမှုအဖွဲ့အစည်းအဖြစ်သို့ တက်လှမ်းနိုင်ပေမည်။ သို့မှသာ နိုင်ငံသားအချင်းချင်း တူညီသောအခွင့်အရေးများလည်းရရှိ၍ ဖွံ့ဖြိူးတုိုးတက်သော ခေတ်မီနုိုင်ငံတော်ကြီးလည်းဖြစ်လာပေမည်။ ထုို့ပြင် မေတ္တာဓာတ်ကင်းမဲ့သည့်စာရွက်ပေါ်မှဥပဒေဟူသည် လူမှုလောကအတွက် အသုံးလည်းမတည့် ကောင်းကျိူးလည်းမပြုဘဲ အန္တရာယ်သက်သက်သာလျှင်ဖြစ်ကြောင်းကုို ယနေ့မိမိတုို့ပြည်သူအများလက်တွေ့သိပြီးဖြစ်သည်။ လူမှုအဖွဲ့အစည်းကုို ဇောက်ထုိုးမိုးမျှော်ဖြစ်စေသော အဓမ္မပုံနှိပ်အက္ခရာစာလုံးသက်သက်မျှသာဖြစ်ကြောင်းကုိုလည်း သိပြီးပင်ဖြစ်သည်။ ထို့ပြင် ကမ္ဘာ့ရွာစံနစ်ကြီးတွင် အချို့ သောနုိုင်ငံများသည် ဒေသဆိုင်ရာနိုင်ငံများဖွဲ့စည်းကာ စည်းလုံးမှုကို အရယူ၍ ဖွံ့ဖြိူးတိုးတက်မှုပန်းတိုင်ဟူသော ဘုံဗိမာန်ဝယ် အဆင့်တန်းမီမီ သိက္ခာရှိစွာ နေထုိုင်နေကြစဉ်တွင် မိမိတို့နိုင်ငံသည် ပြည်တွင်းရေးပဋိပက္ခမျိူးစုံဖြင့် အရှိန်အဟုန်ကောင်းစွာဖြစ်ပွါးနေခဲ့ကြသော ရောင်စုံပြဿနာများနှင့်ရန်ပွဲများသည် ယနေ့ထိ မပြီးဆုံးသေးပေ။ သို့သော် ငြိမ်းချမ်းရေး ဆောင်ပုဒ်များ တိုးတက်ရေးဆောင်ပုဒ်များသည်ကား ကမ္ဘာတွင် အတွင်ကျယ်ဆုံး အများဆုံးအသုံးပြုသောနုိုင်ငံဖြစ်သည်ဟုဆုိုချင်သည်။ ဤသည်မှာလည်း အသံသာသလောက်အဆံမပါသော သင်္ကြန်အမြောက်ကဲ့သုို့ ကောက်ကျစ်စဉ်းလဲမာယာများသော ဆောင်ပုဒ်များဖြင့် ဝါဒဖြန့်မှုသဘောသက်သက်ကုိုဆောင်နေသည်ကုိုသာအတွေ့များသည်။

ထို့ကြောင့်မေတ္တာဟူသည် ပုဂ္ဂိုလ်တစ်ဦးချင်းစီ၏ သံသရာအရေး ဈန်တရားရရေးမျှအတွက်သာမက တိုင်းပြည်တည်ဆောက်ရေးတွင်လည်း မဖြစ်မနေအသုံးပြုသင့်သော လူသားအရင်းအမြစ်ဖြစ်ကြောင်း နားလည်ဘို့ အထူးလိုအပ်လှသည်။ ထို့ပြင် မိမိတို့နိုင်ငံတော်မှချမှတ်သော မေတ္တာဆောင်ပုဒ်များကိုမတွေ့ဘူးသလို အုပ်ချုပ်သူနှင့် အုပ်ချုပ်ခံပြည်သူများအကြား ချစ်ကြည်စွာမေတ္တာတရားဖြင့် နေထိုင်ခဲ့ကြသည့်သတင်းကို ၁၉ ၆၂ ခုနှစ်နောက်ပုိုင်းမှစ၍ ယနေ့အချိန်အထိ မိမိမကြားဘူး မဖတ်ဘူးပေ။ ဤဖြစ်စဉ်မှာ အုပ်ချုပ်သူလူတန်းစားတုို့၏ ကိုယ်ကျိူးရှာမှုအားကြီးခြင်းနှင့်မေတ္တာအားနဲခြင်း၏ပြယုဂ်စစ်စစ်ဖြစ်လေသည်။ ထုို့ပြင် ၁၉ ၆၂ ခုနှစ်မှသည် ယနေ့အထိ အဆက်ဆက်အုပ်ချုပ်ခဲ့သောအစုိုးရများသည် မြန်မာ့သမုိုင်းတွင် လုံးဝချေဖျက်၍မရသော ပြည်သူအပေါ်မေတ္တာဓာတ်နည်းပါးလှသည့် သမုိုင်းအမဲစက်ကြီးသည် ကမ္ဘာတည်သရွေ့  တည်ရှိနေပေတာ့မည်။

အချင်းချင်းအပြန်အလှန်လေးစား၍ မေတ္တာဓာတ်သက်ဝင်သောဥပဒေများကုိုပြဋ္ဌာန်းကျင့်သုံးကာ စည်းလုံးခုိုင်မာညီညွတ်သောအဖွဲ့အစည်းတစ်ခုကုိုပြရလျှင် ယခုလက်ရှိ အီးယူဟု အများသိကြသည့် ဥရောပသမဂ္ဂပင်ဖြစ်သည်။ ထုိုဥရောပသမဂ္ဂသည် အဖွဲ့ဝင် ၂၈ နိုင်ငံရှိပြီးလျှင် အင်အားတောင့်တင်းပြီး ကမ္ဘာတွင်အရေးပါသော အဖွဲ့အစည်းတစ်ခုပင်ဖြစ်သည်။ အဖွဲ့ဝင်နိုင်ငံတစ်ခု အခက်အခဲ အကြပ်အတည်းကြုံလျှင် ဥပဒေနှင့်အညီစုပေါင်း၍ ဖြေရှင်းနုိုင်ကြသည်မှာ အလွန်အတုယူဖွယ်ကောင်းလှသည်။ အထူးသဖြင့် မကြာသေးမီက၂၀၁၂ ခုနှစ်တွင် ဖြစ်ပျက်ခဲ့သော ဂရိနိုင်ငံ၏ အလွန်ဆိုးဝါး ခက်ခဲကြမ်းတမ်းသော ငွေကြေးနှင့် စီးပွါးရေး အကြပ်အတည်းကိုလည်း အဖွဲ့ဝင်အချင်းချင်းစုပေါင်း၍ အဖြေရှာနိုင်ခဲ့ကြသည်။ ဤသည်တို့မှာ အတ္တမာန လျော့နည်းခြင်းနှင့် အဖွဲ့ဝင်အချင်းချင်း အကျိူးတူပူးပေါင်းဆောင်ရွက်နုိုင်သော မေတ္တာဓာတ်သက်ဝင်သည့်လုပ်ဆောင်မှုပြယုဂ်ပင်ဖြစ်သည်။ မှန်၏။ မေတ္တာတရားလုံးဝကင်းမဲ့လျှင် ဤကဲ့သို့ ကောင်းသောအဖြေကိုစုပေါင်း၍ရှာနိုင်မည်မဟုတ်ပေ။ ဤသည်မှာ မိမိခံစားနားလည်သလို တင်ပြခြင်းဖြစ်၍ စာဖတ်သူ သဘောတူချင်မှတူပေမည်။ အထက်ပါအမြင်တို့မှာ နိုင်ငံနှင့်ယှဉ်၍ အနည်းငယ်သုံးသပ်ကြည့်ခြင်းမျှသာဖြစ်သည်။ အမှန်စင်စစ် မေတ္တာသည် တစ်ဦးချင်းစီ၏ဘဝအတွက်လည်း လိုအပ်၏။ အရေးပါ၏။ မိသားစုအသီးသီး၏ ဘဝအတွက်လည်း မရှိမဖြစ်လိုအပ်သလို နုိုင်ငံတစ်နုိုင်ငံလုံးအတွက်လည်းလုိုအပ်သည်ပင်ဖြစ်သည်။ လူ့လောကကြီးတစ်ခုလုံးအတွက်လည်း အဓိကသော့ချက်နေရာတွင်လုိုအပ်သည်ပင်ဖြစ်သည်။ အကြောင်းမှာ မေတ္တာကင်းလျှင် ကောင်းကျိူးမှန်သမျှ လွင့်စင်ကင်းဝေးသွားနိုင်သောကြောင့်ပင်ဖြစ်သည်။

ဤမေတ္တာနှင့်ပတ်သက်၍ (၅၂၈)သွယ်ဟူသောမိသားစုမေတ္တာနှင့် (၁၅၀၀) ဟူသော တဏှာ ကိလေသာမေတ္တာတို့ကို ဗုဒ္ဓဘာသာမြန်မာလူမျိူးများ ကြားဖူးကြသည်။ သို့သော် (၅၂၈)သွယ်နှင့် (၁၅၀၀) တဏှာမေတ္တာတွက်ပုံကိုတော့ သိသူအလွန်နဲပါးမည်ဟုထင်သည်။ အမှန်စင်စစ် ( ၅၂၈ ) သွယ်မေတ္တာဟူသည် မေတ္တာစုစုပေါင်းအရေအတွက် ( ၅၂၈ ) ရှိသည်ဟုမဆုိုလုို။ မေတ္တာပွါးနည်း ( ၅၂၈ ) ရှိသည်ကုိုသာဆုိုလုိုရင်းဖြစ်သည်။ (မိမိသည်လည်း ဤပို့စ်တွင် ထိုတွက်ကိန်းများကို ရည်ရွယ်ရင်းမဟုတ်သောကြောင့် ရှင်းပြမည်မဟုတ်တော့ပါ ) မေတ္တာနှင့်ပတ်သက်၍ မိမိဤသို့ လေးဆင့်လေးလွှာခွဲခြားကြည့်ချင်သည်။
၁။ ချစ်သူနှစ်ဦးတို့၏ မေတ္တာ ( တဏှာပေမ)
၂။ မိသားစုမေတ္တာ ( ဂေဟဿိတပေမ)
၃။ လူမှုရေးမေတ္တာ (သဟဇာတပေမ)
၎။ မြင့်မြတ်သူတို့၏ လောကကိုချစ်သည့် ဖြူစင်ကျယ်ပြန့်သော မေတ္တာ (ပါရမီမေတ္တာ) ဟူ၍လေးမျိူးခွဲခြားချင်သည်။ ထိုတွင် နံပါတ်တစ်ဖြစ်သည့် ချစ်သူမောင်နှံနှစ်ဖော်တို့၏ မေတ္တာသည် သူတို့နှစ်ဦး၏ဘဝအတွက် ကောင်း၏။ သူတုို့နှစ်ဦးအတွက်သာလျှင်ပဓာနထား၏။ သူတို့နှစ်ဦးမှလွဲ၍ တစ်ခြားသူများအတွက် ချစ်မေတ္တာမျှဝေစရာ နေရာမရှိပေ။ အခြားသူကို ချစ်မေတ္တာမျှဝေကာ နေရာပေးလျှင်လည်း တစ်ဦးကုိုတစ်ဦး မလိုလား မနှစ်သက်နိုင်ဖြစ်ကြလေသည်။ အကြောင်းမှာ ထိုမေတ္တာသည် ငါ့ချစ်သူ သို့မဟုတ် ငါ ဟူသောအတ္တအပေါ်တွင်သာ အခြေပြုတည်ဆောက်ထားသောကြောင့်ပင်ဖြစ်သည်။ ငါသာလျှင်ချစ်မည်။ ငါ့ကုိုသာလျှင်ချစ်ရမည်၊ အခြားမည်သူ့ကုိုမျှချစ်ခွင့်မပေးနုိုင်ဟု ငါ အပေါ်တည်ဆောက်ထားသော မေတ္တာဖြစ်သည်။ ဤမေတ္တာမျိူးသည် လောကကောင်းကျိူးအတွက် အားမကိုးထိုက်ပေ။ သို့သော် လူသားအများစုသည် အတ္တဗဟိုပြုစိတ်၏ စေ့ဆော်မှုကြောင့် ထိုမေတ္တာမျိူးကို တမ်းတကြသည်။ စုံမက်ကြသည်။

နံပါတ်နှစ်ဖြစ်သည့် မိသားစုမေတ္တာသည် သူ၏သက်ဆိုင်ရာမိသားစုအတွက်လိုအပ်သည်။ ကောင်းလည်းကောင်းသည်။ ကျင့်သုံးသင့် ပွါးများသင့် ထားသင့်သောမေတ္တာပင်ဖြစ်သည်။ သို့သော် ဤမေတ္တာမျိူးသည် သူ့မိသားစုမှတစ်ပါး အခြားမိသားစုများကိုမူ သူဂရုမစိုက်၊ အလေးမထားသောကြောင့် လူထုအများအတွက် အားမကိုးလောက်ပေ။ အကြောင်းမှာ သူ၏မေတ္တာသည် ငါ့မိသားစု ဟူသော အတ္တနယ်ပယ်
ကျဉ်းကျဉ်းလေးပေါ်တွင်သာ အခြေပြုရပ်တည်နေသောကြောင့်ပင်ဖြစ်သည်။ ဤမေတ္တာမျိူးသည် သူ၏ချစ်သူကုိုလည်းချစ်သည်။ သူ၏မိသားစုကုိုလည်းချစ်သည်။ သုို့သော် အများစုပါဝင်သောကျယ်ပြန့်သည့်လူမှုနယ်ပယ်ကုိုမလွှမ်းခြုံနုိုင်ပေ။ နံပါတ်သုံးဖြစ်သည့် လူမှုရေးမေတ္တာသည် သူနှင့်ခင်သူ ရင်းနှီးသူ အကျွမ်းဝင်သူ မိတ်ဆွေသင်္ဂဟတို့အတွက် ကောင်း၏။ သူနှင့်ဆက်စပ်ရာလူမှုအသုိုင်းအဝုိုင်းအတွက်လည်းကောင်း၏။ လိုအပ်၏။ သုို့သော် သူနှင့်လက်လှမ်းမီရာ ဆက်စပ်ရာလူမှုအဝန်းအဝိုင်းကိုသာ အာရုံပြု၏။ အလေးထား၏။ သူနှင့်မနီးစပ် မရင်းနှီး မကျွမ်းဝင်သော လူမှုအဝန်းအဝိုင်းကိုကား သူစဉ်းစားလိမ့်မည်မဟုတ်ချေ။ အကြောင်းမှာ သူ၏မေတ္တာသည် သူ၏လူမှုအဝန်းအဝိုင်းဟူသော အတ္တနယ်ပယ်တွင်သာ ကျင်လည်ကာ အသက်ဝင်သောကြောင့်ပင်ဖြစ်သည်။ ဤမေတ္တာမျိူးသည် အထက်ပါ မေတ္တာနှစ်မျိူးထက် ပို၍ကျယ်ပြန့်ပါသည်။ ပို၍လည်း အများ၏အားကိုးမှု ယုံကြည်မှုကို ခံထိုက်သည်။ လူမှုအဝန်းအဝိုင်းတစ်ခုအတွက်လိုအပ်ပါသည်။ လောကတွင် ဆိုခဲ့ပြီးသောဤမေတ္တာသုံးမျိူးကိုသာ များသောအားဖြင့်တွေ့ရမည်ဖြစ်သည်။ တနည်းဆိုသော် ဤမေတ္တာသုံးမျိူးဖြင့် လောကသားအများစုတို့ခရီးဆက်နေကြခြင်းဖြစ်သည်။

အမှန်စင်စစ် မေတ္တာ၏သဘောသည် ဝေးဝေးနီးနီးသောသူမှန်သမျှကို နီးကပ်ထိစပ်စေပြီးလျှင် ကောင်းကျိူးကိုဖြစ်ထွန်းစေသော အေးမြသည့်စိတ်၏ ဓာတ်သတ္တိစွမ်းအင်ပင်ဖြစ်သည်။ မှန်၏။ မေတ္တာမရှိပါက လူအချင်းချင်းလည်း နီးနီးကပ်ကပ် ပူးပူးတွဲတွဲနေ၍မရ၊ မတတ်သာ၍ အတူနေရသော်လည်း စိတ်ချင်းကားဝေးနေသည်သာဖြစ်သည်။ အပြန်အလှန် အေးမြသည့်စိတ်စွမ်းအင်ကို ထုတ်လုပ်ပေးနုိုင်ကြမည်မဟုတ်ပေ။ ဒေါသ မာနစသော ပူလောင်သည့်စိတ်စွမ်းအင်များသာ ထုတ်လုပ်ပေးကြတော့သည်။ ထိုအခါ ကွဲကြ ပြဲကြ၏။ တိုက်ကြ ခိုက်ကြတော့၏။ လောကအတွက် မည်သည့်ကောင်းကျိူးမျှ မဖြစ်ထွန်းနိုင်တော့။ အချင်းချင်းမေတ္တာကင်းမဲ့လျှင် အနေနီးလျှင် နီးသလောက် အန္တရယ်ကြီးတတ်ပါသည်။ လူသားအတွက်သာမက တိရစ္ဆာန်တို့အပေါ်တွင်လည်း ရက်စက်ကြမ်းကြုတ်တတ်သည်ပင်ဖြစ်သည်။ ထို့ပြင် မေတ္တာသာရှိမည်ဆိုလျှင် အထက်ပါဆိုခဲ့သည့် မေတ္တာသုံးမျိူးတွင် မည်သည့်မေတ္တာပင်ဖြစ်စေ တနည်းနည်းဖြင့် သက်ဆိုင်သည့်သူများနှင့် သက်ဆုိုင်သောဝန်းကျင်ကို ကောင်းကျိူးဖြစ်စေမည်မှာ အမှန်ပင်ဖြစ်သည်။ နေရာဒေသမည်မျှပင်ဝေးကွာနေသည်ဖြစ်စေ အပြန်အလှန်ကောင်းကျိူးကိုဖြစ်စေနိုင်လေသည်။ နီးလျှင်ကား ပို၍ကောင်းကျိူးပြုနိုင်သည်မှာ အထူးပြောဖွယ်ရာမရှိချေ။

အဆိုပါ မေတ္တာသုံးမျိူးထက် ပို၍မြင့်မြတ်သော လောကတစ်ခုလုံးအတွက် အမှန်လိုအပ်သော တစ်လောကလုံး၏ အားကိုးထိုက်သော မေတ္တာကား ပါရမီမေတ္တာပင်ဖြစ်သည်။ ဤပါရမီမေတ္တာသည် ဆိုခဲ့ပြီးမေတ္တာသုံးမျိူးထက် ကျယ်ပြန့်၏။ အနှိုင်းအဆမဲ့၏။ အကန့်အသတ်မဲ့၏။ ချစ်သူနှစ်ဦးတို့၏ချစ်မေတ္တာအဝန်းအဝိုင်းကုိုလည်းကျော်၏။ မိသားစုနယ်ပယ်မှ ချစ်မေတ္တာကုိုလည်းကျော်လွန်၏။ သက်ဆိုင်ရာလူမှုဝန်းကျင်နယ်ပယ် အသွယ်သွယ်နှင့် အခြားသော အဝန်းအဝိုင်းကန့်သတ်မှုနယ်ပယ်မှန်သမျှအားလုံးကို ကျော်လွန်ကာ တစ်လောကလုံးအပေါ်လွှမ်းခြုံသက်ရောက်နုိုင်လေသည်။ ထုို့ကြောင့် ပါရမီမေတ္တာဟူသည် မဟာကရုဏာနှင့်ကြောင်းကျိူးသိဥာဏ်ပညာကုိုအခြေခံ၍ ရာထူး ဂုဏ်သိရ် စည်းစိမ်ဥစ္စာ အသားအရောင် လူမျိူး ဘာသာတရား နေရာဒေသ စသည်တို့ကို လုံးဝမခွဲခြားဘဲ လောကကောင်းကျိူးအတွက် ဖြည့်ဆည်းရသော မြင့်မြတ်အေးမြသည့် ချစ်စိတ်စွမ်းအား (အဒေါသစေတသိက်) ပင်ဖြစ်သည်။

အမှန်စင်စစ် ဤပါရမီမေတ္တာသည် စကြာဝဠာမေတ္တာပင်ဖြစ်သည်။ မိမိ၏နိုင်ငံကိုလည်းလွှမ်းခြုံနုိုင်သည်။ မိမိတို့ကမ္ဘာကိုလည်းလွှမ်းခြုံနုိုင်သည်။ စကြာဝဠာ၌သက်ရှိအားလုံးအပေါ် လွှမ်းခြုံကာ လုိုလုိုလားလားဖြင့် ကောင်းကျိူးကုိုစွမ်းဆောင်နုိုင်လေသည်။ ထိုသို့ပါရမီမေတ္တာရှိသောသူသည် အကြောက်တရားမရှိတော့သလို အကြောက်တရားဆီသို့လည်း မည်သည့်နည်းနှင့်မျှ ဦးတည်မည်မဟုတ်ချေ။ မှန်၏။ အကြောက်တရားဟူသည် အားနဲသောဒေါသ၏အမည်သာဖြစ်သည်။ မေတ္တာဟူသောမူလသဘောတွင် အကြောက်တရားမှန်သမျှလုံးဝမရှိတော့ဘဲ အေးမြသည့်သတ္တိသာရှိသောကြောင့် အကြောက်တရားဟူသည် လုံးဝမဖြစ်နုိုင်တော့ချေ။ ထုို့ပြင် မေတ္တာရှိသူသည် သူ၏ရင်တွင်း၌ရှိသော အကန့်သတ်မဲ့မေတ္တာဖြင့် အရိုင်းဆိုင်းဆုံးသော တိရစ္ဆာန်ကုိုပင် သူ၏ မိတ်ဆွေဖြစ်လာအောင်စွမ်းဆောင်နိုင်လေသည်။ တနည်းဆိုသော် မေတ္တာစစ်ဟူသည် အေးမြသည့်စိတ်စွမ်းအားသတ္တိပင်ဖြစ်သည်။ ထိုအေးမြသော စိတ်စွမ်းအားသတ္တိသည်သာ လောကအတွက် မွန်မြတ်ကြီးကျယ်သော ကောင်းကျိူးကိုပြုနိုင်ပါသည်။ ပူလောင်သောကိလေသာမေတ္တာတို့ဖြင့်သော်မှ သက်ဆုိုင်ရာဝန်းကျင်နှင့်လောကအတွက် ကောင်းကျိူးပြုနိုင်သည်ဆိုလျှင် အေးမြသည့်စိတ်စွမ်းအားသတ္တိဖြစ်သော
မေတ္တာစစ်ဖြင့်အဘယ်သို့လျှင် လောကအတွက် ကောင်းကျိူးမပြုဘဲရှိပါမည်နည်း။

အထက်ပါ မေတ္တာများအနက် မေတ္တာပါရမီသည် လောက၏ကောင်းကျိူးစီးပွါးကုိုလုိုလားခြင်းသဘောလက္ခဏာရှိသည်။ မေတ္တာပါရမီ၏အလုပ်ကိစ္စသည် လောက၏ကောင်းကျိူးစီးပွါးကိုဆောင်ရွက်ခြင်းဖြစ်သည်။ တနည်းအားဖြင့် မေတ္တာ၏ဆန့်ကျင်ဘက်တရားဖြစ်သော ဒေါသ အာဃာတတရားတုို့ကုို ပယ်ရှားခြင်းသည် မေတ္တာ၏အလုပ်ကိစ္စဖြစ်သည်။ မေတ္တာကုိုဆင်ခြင်ကြည့်သောအခါ မေတ္တာဟူသည် အေးမြသောသဘောသတ္တိပါတကားဟု ဆင်ခြင်သူ၏ဥာဏ်၌သိမြင်လာရသည်။ မေတ္တာဖြစ်ပွါးခြင်း၏အနီးကပ်ဆုံးသောအကြောင်းမှာ သတ္တဝါတုို့ကုို ချစ်ခင်နှစ်သက်ဖွယ်အနေဖြင့် ကြည့်မြင်တတ်ခြင်းပင်ဖြစ်သည်။
သို့ဖြစ်၍ မိမိတို့အပါအဝင်လောကသားများအတွက် ကောင်းကျိူးဖြစ်ထွန်းစေနုိုင်သော မေတ္တာတရားများကုိုပွါးများနုိုင်ကြပါစေဟုတောင်းဆုပြုလိုက်ပါသည်။ ( ဆက်လက်ဖေါ်ပြပါမည် ) ။ —