Gallstones (1) သည်းခြေကျောက် (၁)

Dr. Tint Swe

ကျွန်တော့် အဖေမှာ သည်းခြေကျောက်တည်နေတာ သုံးလေးနှစ်လောက်ရှိပါပြီ။ ဘာနာကျင်မှုမှတော့ မရှိဘူးလို့ သူက ပြောပါတယ်။ တကယ်လို့ အဲဒီရောဂါက ကြာလာရင် ဘယ်လို ဆိုးကျိုးတွေ ဖြစ်လာနိုင်သလဲဆိုတာ ရှင်းပြပေးပါဦး ဆရာ။


သည်းခြေကျောက် ရှိနေပမဲ့ ဘာမှ မဖြစ်သလို နေသူတွေ ရှိတယ်။ အရွယ်အစား ၈ မီလီမီတာ ကျော်လာမှ နာလာတယ်။ ဆီးကျောက် နာသလိုဘဲ။ နေရာသာ ကွာတယ်။ ဗိုက်ညာဘက် အပေါ်ပိုင်းမှာ ၁၅ မိနစ် ကနေ နာရီတော်ကြာထိ တိုးတိုး နာနိုင်တယ်။ နောက်ကျော၊ ညာလက်ပြင်ကလည်း နာနိုင်တယ်။ ပျို့တာ၊ အန်တာလည်း ဖြစ်တတ်တယ်။ “သည်းခြေအိတ် နေရာ တည့်တည့်မှာ စမ်းတဲ့သူ့ လက်ကိုထား၊ လူနာကို အသက် ပြင်းပြင်း ရှူခိုင်းရင် အသက် ဆက်မရှူနိုင် ဖြစ်တာ” ကို Murphy's sign လို့ခေါ်တယ်။

သည်းခြေအိတ်မှာ ဖြစ်နိုင်တဲ့ရောဂါတွေ အမျိုးမျိုးရှိတယ်။ Biliary colic သည်းခြေအိတ်က နာတာ၊ Common bile duct stones (choledocholithiasis) သည်းခြေကျောက်က ပြွန်မှာပိတ်နေတာ၊ Gallstones သည်းခြေအိတ်ထဲ ကျောက် ရှိနေတာ၊ Gallbladder cancer သည်းခြေအိတ် ကင်ဆာ၊ Gallbladder inflammation (cholecystitis) သည်းခြေအိတ် ရောင်တာ၊ Gallbladder polyp သည်းခြေအိတ် အသားပိုဖြစ်တာ၊ Strawberry gallbladder သည်းခြေအိတ် စထောဘယ်ရီရောင် ဖြစ်နေတာ။

ရောဂါ သေခြာအောင် လုပ်နည်းတွေ အမျိုးမျိုးရှိတယ်။ Abdominal ultrasound ဗိုက်ကို (အာလ်ထွာဆောင်း) ရိုက်ခြင်း၊ CT scan (စကင်) လုပ်ခြင်း၊ Endoscopic ultrasound or EUS ကရိယာထည့် စစ်ဆေးခြင်း၊ Endoscopic retrograde cholangiopancreatography or ERCP စစ်ဆေးခြင်း၊ Magnetic resonance imaging (MRI) (အမ်-အာရ်-အိုင်) ရိုက်ခြင်း။

သည်းခြေအိတ်မှာ တည်တဲ့ ကျောက်မှာ Calcium, Phospholipids, Lecithin, Bilirubin, Bacteria နဲ့ Cholesterol ဓါတ်ဆားတွေ ပါနိုင်တယ်။

အဆီများတဲ့အစာ စားပြီးရင် နာတာဖြစ်လာတတ်တယ်။ ဗိုက်က လေပွသလို၊ အစာမကြေသလို ခံစားရတယ်။ နဲနဲ ဖျားနိုင်တယ်။ အသားဝါဖြစ်သလို မျက်စိ-ဆီးဝါလာမယ်။ အသားအရေ ယားယံမယ်။ ဝမ်းက ရွံ့ရောင်ဖြစ်လာမယ်။ အစားပျက်မယ်။ ကျောက်က ထွက်လမ်း (ပြွန်) ကို လာပိတ်ရင် ဗိုက် အပေါ်ညာဘက်ကနေ နောက်ပိုင်းအထိ ရုတ်တရက်၊ စူးစူးရှရှ နာမယ်။ အစာမကျေ-ရင်ပြည့်သလို ခံစားရမယ်။

ရောဂါလက္ခဏာတွေ ခံစာရသူတွေကို ခွဲစိတ်နည်းက ၉ဝ% ကောင်းစေပါတယ်။ ခွဲနည်းက ၂ မျိုး ရှိတယ်။ သမားရိုးကျ ဗိုက်ကိုခွဲပြီး Cholecystectomy သည်းခြေအိတ်ကို ထုတ်ပြစ်တာနဲ့ Laparoecope ကရိယာသုံးပြီး ဗိုက်ကို ၂-၃ နေရာ ကနေ သေးသေးလေး ဖေါက်ပြီး၊ အပြင်ကနေ ထုတ်နည်းပါ။

သည်းခြေအိတ် မရှိတော့ပေမဲ့ လူကောင်းနီးနီး နေနိုင်ပါတယ်။ အဲလိုလူ ၅-၄ဝ% မှာ Postcholeccystectomy syndrome သည်းခြေအိတ်ခွဲပြီး လက္ခဏာစု ဆိုတာ ခံစားရတတ်တယ်။ အစာမကျေသလိုနေတာနဲ့ ဗိုက် အပေါ်ညာဘက်မှာ နာနေတာတွေ ဖြစ်တယ်။ ၂ဝ% လောက်ကတော့ ဝမ်းပျက်နေတာ ခံစားရတယ်။

တခြားကုနည်းတွေ ရှိသေးတယ်။ Cholesterol gallstones အမျိုးအစားကို Ursodeoxycholic acid ဆေးနဲ့ ကျောက်ကို ပျော်သွားစေနိုင်တယ်။ ဆေးအကြာကြီး (၂ နှစ်) ပေးရတယ်။ ဆေးရပ်ရင် ပြန်ဖြစ်တာတွေရှိတယ်။ သည်းခြေကျောက်က ပြွန်မှာ ပိတ်နေတယ်ဆိုရင် (ERS) နဲ့ (ERCP) နည်း သုံးကုတာ တချို့ကို ကောင်းစေတယ်။ Lithotripsy နည်းနဲ့ ချေဖျက် နိုင်တယ်။

နောက်တနည်းကတော့ သည်းခြေ ကျောက်မှန်သမျှကို Apple cider vinegar ကို တခါသောက် ဇွန်းသေး ၃ ဇွန်း၊ တနေ့ ၃ ကြိမ်သောက်ပါ။ ခါးအောက်ပိုင်းကို ရေအေးနဲ့ ချိုးပါ။ နောက် ရေအေးနဲ့ ရေနွေး တလှည့်စီချိုးပါ။ ရေအများကြီး သောက်ပါ။ Cranberry juice နဲ့ Aloe vera juice တွေသောက်ပါ။ အဆီနဲ့ (ကိုလက်စတော) လျှော့စားပါ။ ဖိုင်ဘာများတဲ့ အသီးအနှံတွေ စားပါ။ ပဲပုတ်ကထုတ်တဲ့ Lecithin ခေါ်တဲ့ အဆီတမျိုး စားသုံးပါ။

နောက်တနည်း။ အစာမစားဘဲ ၄ ရက်နေပါ။ မုံလာဥနီဖျော်ရည်၊ နာနတ်ဖျော်ရည်၊ စပျစ်သီးဖျော်ရည်တွေသာ သောက်ပါ။ ၄ ရက်မြောက်နေ့မှာ သံလွင်ဆီနဲ့ သံပုရာရည်သောက်ပါ။ ၅ ရက်မြောက်နေ့မှာ ကြက်ဆူဆီ ဇွန်းသေး ၄ ဇွန်းသောက်ပါ။ နောက် အသီအနှံတွေ များများ တိုးစားပေးပါ။

သည်းခြေက အသဲနဲ့ ကပ်နေလို့ အသဲကိုလည်း ဒုက္ခပေးမှ သိရသူတွေလည်း ရှိတယ်။ သံသယရှိရင် စောစောစီးစီး Ultrasound ရိုက်သင့်တယ်။ အစားထဲမှာ အရက်၊ အဆီ၊ လုံးဝရှောင်တာ ကောင်းပါတယ်။

Dr. တင့်ဆွေ