မျောက်နေကိုင်း

by မင်းလူ၏ ၀တ္တုတိုများ on Saturday, October 20, 2012 at 10:33pm ·

MORE PICTURES ON IMAGE FORUM A 'Bare-Eared Squirrel Monkey', one of an endangered native species of Amazonian fauna, lies at a natural reserve certified by the Brazilian Institute for the Environment and Natural Resources (IBAMA), located on the shores of the Rio Negro, the Amazon Rivers largest affluents, in Manaus, northern Brazil, on October 2, 2008. AFP PHOTO/Mauricio LIMA (Photo credit should read MAURICIO LIMA/AFP/Getty Images)

    ဆရာမကလျာကြီးအနေဖြင့် မဂ္ဂဇင်းအတွက်စာမူအမြန်ရဖို့ အကြံအဖန်လုပ်ရာမှာ နည်းလမ်းအသစ်တွေထပ်ထွင်ရန် လိုအပ်နေပြီဟု အကြံပြုလိုပါသည်။ အခုသူကျင့်သုံးနေသော ထဲက်ခဏိတ် (တက်ကနစ်ကို အတ္တကျော်မူနဲ့ရေးတာ ) ကြီးက ရိုးစင်းလွန်းအားကြီးနေပြီ။

    နှလုံးအားနည်းတယ်၊ ညညအိပ်မပျော်ဘူး၊ လူကမောမောနေတယ်၊ ခြေတွေလက်တွေတောင်မသယ်ချင်ဘူး၊ စာမူတွေအချိန်မီမရမှာစိုးရိန်ပူပန်နေရတော့ ပိုဆိုးတယ် စသည်ဖြင့် လူတွေ့လျှင် ငိုပြတတ်သည်။ သနားပြီးတော့ စာမူပေးအောင် ကြံတာလေ။ လွန်ခဲ့တဲ့တစ်နှစ်လောက်ကတောင် ဆေးရုံတက်ချင်ယောင်ဆောင်ပြီး စာမူချူခဲ့သေးသည်။

    ဟိုတစ်လောကလည်း အလှူပွဲတစ်ခုမှာ ဆုံတော့ ကျွန်တော်က...

    " ဆရာမနေကောင်းလား "

    ဟုမေးရိုးမေးစဉ်အတိုင်း နှုတ်ဆက်သည်။ သူကအကွက်တော့ဝင်လာပြီဆိုပြီး...

    " မကောင်းလှပါဘူး၊ခြေထောက်တွေလေးပြီး လမ်းလျှောက်ရတာ အဆင်မပြေဘူး၊ ခြေသည်းကျီးပေါင်းတက်တာလို့ အမရာ(ဆေး တစ်)ကတော့ပြောတာပဲ။ အဲဒါခြေသည်းကို စီတီစကင်ရိုက်ရမည် ပြောတယ်၊ ဗိုက်ပူသူတော်ကလည်း သူနဲ့တူတူ ဘန်ကောက်မှာ ဆေးစစ်ဖို့ခေါ်နေတယ် "

    ဟုတစ်ခါမှမကြားဖူးတဲ့ ရောဂါကိုအကြောင်းပြပြီး

    " အဲဒါစာမူတစ်ပုဒ်လိုချင်တယ် "

    ဘာမှလည်းမဆိုင်ဘူး။ ကျွန်တော်ကလည်း ထိုကာလမှာ စိတ်ကိုစုစည်းလို့မရဘဲ အာရုံတွေ ပျံ့လွင့်နေသည်။ စာမကုံးချင်ဘူး ဆိုသောအခြေအနေမျိုးဖြစ်နေ၏။ သူ့မဂ္ဂဇီးန်(မဂ္ဂဇင်း)အတွက် ရေးမပေးနိုင်သေး။ ထို့ကြောင့် စာမူတော့ မပေးနိုင်သေးဘူး ဆရာမနေမကောင်းတဲ့အတွက် ဆေးတွေတော့ ပေးနိုင်တယ်ဟု ပြောလိုက်၏။

    ကျွန်တော်ပေးတဲ့ဆေးတွေက နိုင်ငံခြားဖြစ်တွေတော့မဟုတ်။ တိုင်းရင်းဆေးများသာဖြစ်၏။ သူကမသောက်ဘဲနေသည်။ တိုင်းရင်းဆေးတွေကို မယုံသောကြောင့်တော့မဟုတ်။ ကျွန်တော့်ကိုမယုံခြင်းသာဖြစ်၏။ ကျွန်တော်ကလည်း ကျွန်တော်ပါပဲ။ ပေါက်ကရတွေ လျှောက်ရေးတာကိုး။ ဒီတော့ ကျွန်တော်ပေးတဲ့ဆေးကလည်း ပေါက်ကရတွေဖြစ်နေမှာကို လန့်နေသလားမသိ။ ကျွန်တော်က တွေ့တဲ့အခါတိုင်း ဆေးတွေမသောက်ဘူးလား မေးမေးနေတော့ ပိုပြီး သင်္ကာမကင်းဖြစ်ဟန်တူသည်။ သောက်ဖြစ်အောင်သောက်ပါဆရာမရယ်ဟု အတင်းတိုက်တွန်းတော့မှ...

    " အင်း... အခုလောလောဆယ်မှာတော့ အိမ်က ကိုစိန်ကြီး နှုတ်ခမ်းမွေး အတက်ပေါက်နေလို့ သူ့ကို အဲဒီဆေးတွေ စမ်းသောက်ခိုင်းထားတယ်။ သူဘာပြဿနာမှမဖြစ်ဘူးဆိုမှ တို့များလည်းသောက်ကြည့်မယ် "

    ကျွန်တော်က အခုလို နောက်တီးနောက်တောက်တွေလျှောက်ရေးတော့ စာရေးခံရတဲ့ စာရေးဆရာတချို့က လက်စားချေတုံ့ပြန်ဖို့ ကြိုးစာကြည့်ကြသေးသည်။ ကျွန်တော်ကလည်း အားပေးသည်။ စာပေဝေဖန်ရေးလုပ်ရာမှာတောင် တစ်ယောက်နဲ့တစ်ယောက် အသေအကြေဆော်ကြသေးတာပဲ။ ခုဟာက စာပေသမားချင်း ချစ်လို့ခင်လို့ ကလူကျီစယ်ကြတာ။ ပျော်စရာတောင်ကောင်းသေး။

    ပြန်ရေးမယ်။ ပြန်ရေးမယ်နဲ့ ကြုံးဝါးကြသော်လည်း တကယ်တမ်းကျတော့ လက်တွန့်နေကြသည်။ ကိုယ်ကပဲ ဘယ်လိုလဲမရေးသေးဘူးလား၊ မြန်မြန်ပြန်ရေးကြလေဗျာ၊ တော်ကြာသွေးအေးသွားဦးမယ်ဟု လောဆော်ရသည်။

    ကိုကြီးညို(ဆရာချစ်ဦးညို)ကတော့ ပြန်ရေးမည်ဟု ဆိုလာသည်။

    " ကိုယ်ကရေးချင်လှလို့တော့မဟုတ်ပါဘူး၊ အိမ်ကမိန်းမကရေးခိုင်းလို့ "

    " ဘာလဲ၊ သူ့ကိုရွှေအတုတွေ ဝတ်တယ်ပြောတာကိုမကျေနပ်လို့လား "

    " မဟုတ်ဘူး၊ မောင်ရင်ရေးတဲ့ ဝတ္ထုမျိုးတွေရေးရင် ကလျာမဂ္ဂဇင်းက စာမူခနှစ်ဆပေးတယ်ကြားလို့...တဲ့ "

    " သူ့ကို ဘယ်သူကပြောတာလဲ "

    " အောင်ကျော်တိုးပြောတာတဲ့ "

    ကျွန်တော့်ကိုလည်း လက်စားချေပြီးသားဖြစ်၊ ချစ်ဦးညိုကိုလည်း ဒုက္ခပေးပြီးသားဖြစ်အောင်ချွန်လိုက်ခြင်းဖြစ်၏။

    " အင်း... ဟုတ်တော့လည်း ဟုတ်တာပဲ၊ အောင်ကျော်တိုးစကားကိုယုံမိတယ်ဆိုတာကိုက စပြီးတော့ မှားတာပဲ၊ တော်ပါပြီလေ၊ အခုအခန်းဆက်ရေးနေတဲ့ ပန်းစကြာမှန်ပြောင်းကိုပဲ စာအုပ်တစ်အုပ်စာရအောင် တတ်နိုင်သလောက် ဆွဲဆန့်ပြီး ရေးတာကမှကိုက်ဦးမယ် "

    " ဟာ၊ ဟုတ်တယ်၊ ဟုတ်တယ်၊ နိုင်ငံခြားတစ်ပတ်လောက်သွားတဲ့အကြောင်းကို မဂ္ဂဇင်းမှာ တစ်နှစ်စာလောက်ချဲ့ရေးတာ ခုချိန်မှာခေတ်စားနေတာပဲ။ စာမျက်နှာနည်းနေရင်လည်း အိမ်သာတက်တဲ့အကြောင်းတွေ ဘာတွေ ဖြည့်ထည့်လိုက်ပေါ့ "

    ခုတစ်လောမှာ ကိုကြီးညိုသည် ဟောပြောပွဲတွေ ဆွေးနွေးပွဲတွေတက်၊ လူမှုရေးကိစ္စတွေလျှောက်လုပ်နေသဖြင့် စာသိပ်မရေးနိုင်ဘဲဖြစ်နေသည်။ စာမူခဝင်ငွေလျော့လာသဖြင့် သူ့လေဒီကသိပ်မကြည်ချင်။ ဒီကြားထဲမှာ သူတို့သားက ' လင်္ကာညို 'ဆိုသောကလောင်အမည်ဖြင့် ဝတ္ထု၊ဇာတ်ညွှန်းတွေ ရေးနေတာ အတော်အောင်မြင်စပြုလာပြီ။

    ထိုအခါ ကိုကြီးညိုရဲ့လေဒီကြီးကလည်းအားကျမခံ အပိုဝင်ငွေရအောင် စာရေးမည်ဟုဆိုလာသည်။ ဒီကိစ္စ ကျွန်တော့်ဆီဖုန်းဆက်ပြီးတိုင်ပင်တော့ ကျွန်တော်ကလည်း သူများကို ချောက်တွန်းရမယ်ဆိုရင်တမင်တကာတောင် အကွက်ဆင်ပြီးလုပ်တတ်တဲ့ကောင်ဆိုတော့

    " ဟာ...သိပ်ကောင်းတာပေါ့၊ အန်တီမေသာစာရေးမယ်ဆိုလို့ ကတော့ ဂျူးတို့၊ နုနုရည် (အင်းဝ)တို့ဘယ်လိုက်လို့မီမလဲ၊ အခုတောင်ဒီသတင်းကြားလို့ ဆရာမကြီးကလျာတောင်ကြောက်လန့်ပြီး လုံးချင်းဝတ္ထုတွေဆက်မရေးတော့ပါဘူးလို့ပြောလာရပြီမဟုတ်လား "

    ဟုချွန်ပေးလိုက်သည်။ သူအားတက်သွားပြီး

    " အေး၊ ဟုတ်တယ်၊ အဲဒါကလောင်နာမည် ဘယ်လိုပေးရင်ကောင်းမလဲ "

    " ဒီလိုရှိတယ်လေ၊ အန်တီမေတို့သားက ' လင်္ကာညို 'လို့ကလောင်နာမည်ယူထားတာက ကိုကြီးညိုရဲ့' လင်္ကာဒီပချစ်သူ'ကိုဂုဏ်ပြုတဲ့သဘောမဟုတ်လား၊ အန်တီမေလည်း ကိုကြီးညိုရဲ့ နာမည်ကြီးဝတ္ထဖြစ်တဲ့ ' ဥပေက္ခာဒေဝီ 'ကိုဂုဏ်ပြုတဲံအနေနဲ့ကလောင်နာမည်ကို ' ဥပေက္ခာညို 'လို့ပေးလိုက်ပေါ့ "

    " မျောက်စုတ်မျောက်နာ "

    ဟုပြောပြီးဖုန်းချသွားလေ၏။

    ခင်မြဇင်ကတော့ ကျွန်တော့်ကို တုံ့ပြန်နှိပ်ကွပ်ဖို့ကြိုးစားခဲ့ဖူးသည်။ သူကတက္ကသိုလ်မှာတုန်းက ကဗျာရေးဖက်သူငယ်ချင်းဆိုတော့ ကျွန်တော့ငယ်ကျိုးငယ်နာတွေကို သိနေသည်။ သို့ရာတွင် သူသည်မျက်စောင်းကိုတောင် ဌာန်ကရိုဏ်းကျအောင်ထိုးတတ်ရှာသူမဟုတ်။ ကျွန်တော့်အကြောင်း ရေးရင်းရေးရင်းနဲ့ အားနာလာသည်။ ထို့ကြောင့် သူ့လူကြီးကိုသန်းအုံးကို တိုင်ပင်ကြည့်သည်။ ဒီတော့မှပိုဆိုးလေသည်။

    ဆရာသန်းအုံးမှာ ဝါရင့်အယ်ဒီတာတစ်ဦးဖြစ်ခဲ့သည်။ ထို့ကြောင့် ခင်မြဇင်ရဲ့စာမူကြမ်းကို ဖတ်ကြည့်ပြီးနောက် ' ဟိုစကားလုံးကြမ်းလွန်းတယ်၊ ဒီစကားက တစ်ဘက်လူရဲ့ ဂုဏ်သိက္ခာကိုထိခိုက်စေတယ်၊ ဟိုက ပုဂ္ဂိုလ်ရေးထိခိုက်မှုဖြစ်စေတယ်။ ဒီဟာက စာနယ်ဇင်းကျင့်ဝတ်နဲ့မညီဘူး 'ဆိုပြီး တည်းဖြတ်သုတ်သင်လိုက်တာ နောက်ဆုံးတော့ ခင်မြဇင်၏ တုံ့ပြန်တိုက်ခိုက်မှုမှာ သီလရှင်လူထွက် ကျိန်ဆဲသလို

    " သေနာကောင်များရှင် "

    ဆိုသောလေသံမျိုးဖြစ်သွားရကြောင်း ကျွန်တော်ရေးခဲ့ဖူးသည်။

    အစ်မကြီးသန်းမြင့်အောင်ကတော့ သူတစ်ယောက်တည်းနဲ့ မနိုင်ဘူးဆိုတာ သဘောပေါက်သည်။ ထို့ကြောင့် မဟာမိတ်ဖွဲ့ပြီး တိုက်ခိုက်ဖို့ကြံစည်သည်။ ကျွန်တော့်စနစ်ကြောင့် အထိနာခဲ့ဖူးသူတွေကို စည်းရုံးသည်။ ပန်းချီမမွှေး၊ ဇွန်ပွင့်၊ ရာသက်ပန်(တောင်ငူဆောင်)၊ ဝိုင်းဝိုင်း(ကံ့ကော်ဝတ်ရည်စာပေ)၊ ဂျူးစသည်တို့ကိုအင်တာဗျူးတဲ့ပုံစံမျိုးရေးဖို့ တစ်ယောက်ချင်းစီက ကျွန်တော့်ကို ငယ်ကျိုးငယ်နာတွေ ဖော်ပြီး ပယ်ပယ်နယ်နယ် ဝိုင်းသမကြဖို့။

    သူတို့ကလည်း ထုံးစံအတိုင်း စစချင်းတော့ ဆင်ဖမ်းမယ်၊ ကျားဖမ်းမယ်၊ တကယ်တမ်းလည်းကျရော...

    " ဒီလိုလူမျိုးကို သွားပြောနေလို့ နာမှာမဟုတ်ပါဘူး၊ ဝဲစွဲနေတဲ့ လူကိုခြင်ကိုက်သလို ဖြစ်နေမှာပေါ့၊ မထူးပါဘူး "

    " သွားမစမ်းနဲ့နော်၊ ဟိုက ဒီကိစ္စမျိုးမှာလက်ယဉ်နေတာ၊ တော်ကြာ ပြန်ပက်ထည့်လိုက်ရင် စားသာမှာ မဟုတ်ဘူး "

    " သူနဲ့သွားယှဉ်ရင်ကိုယ်ပါသိက္ခာကျပါတယ်၊ မျောက်တုလို့ ဝက်ခုန်ရင် ရွှံ့စင်ရုံရှိတော့မပေါ့ "

    စသည်ဖြင့် ရှောင်ဖယ်ဖယ် ဖြစ်ကုန်ကြလေတော့သည်။

    သူတို့ထဲမှာ ကံ့ကော်ဝတ်ရည်စာပေမှ ဝိုင်းဝိုင်းတစ်ယောက်သာ ရန်စွယ်နှင့်ငေါငေါရှိသည်။ ဒါကလည်းအကြောင်းရှိသည်။ သူ့ခင်ပွန်းကိုကျော်ဇင်(ဆရာဘုန်းတင့်ကျော်) သည် ဆရာကြီးတက္ကသိုလ်ဘုန်းနိုင်၏သားဖြစ်၏။ ထိုအချက်ကို ကျွန်တော်က ဝတ္ထုထဲထည့်ရေးပြီးနောက်သည်။ ဝိုင်းဝိုင်းသည် ကိုကျော်ဇင်ကို တကယ်ချစ်လို့ လက်ထပ်ခဲ့ခြင်းမဟုတ်၊ ဆရာကြီးတက္ကသိုလ်ဘုန်းနိုင်၏စာအုပ်တွေကို သူတစ်ယောက်တည်း လက်ဝါးကြီးအုပ်ပြီး ထုတ်ဝေချင်လို့ လက်ထပ်ခဲ့ခြင်းဖြစ်သည်' ဟု ရေးလိုက်သည်။

    ဒါကိုသူက အတော်မခံမရပ်နိုင်ဖြစ်သွားပြီး ကျွန်တော့်ကို တုံ့ပြန်ရာမှာ-

    " ဟုတ်ပါတယ် ဟုတ်ပါတယ် အစတုန်းကတော့ ဆရာသာဓုရဲ့ စာအုပ်တွေ ထုတ်ရကောင်းမလားလို့ စဉ်းစားခဲ့သေးတယ်၊ ဒါပေမယ့် ဆရာသာဓုရဲ့ သားတွေကိုမြင်ပြီးတဲ့နောက်မှာတော့ အဲဒီစိတ်ကူးကို ပယ်ဖျက်ပြီး တက္ကသိုလ်ဘုန်းနိုင်စာအုပ်တွေပဲ ထုတ်တော့မယ်လို့ ဆုံးဖြတ်လိုက်ရတာပဲ "

    ကျည်ဆန်တစ်တောင့်တည်းနဲ့ မျောက်လေးကောင်မှန်အောင်ပစ်ထည့်လိုက်လေသည်။

    သူကတော့ ကိုယ့်ဟာကိုယ် ဟုတ်လှပြီထင်ပြီး ကျေနပ်နေသည်။ ' ဝိုင်းဝိုင်းကို ဒီလိုစမ်းလို့ ဘယ်ရမလဲ ' ဆိုပြီးတော့လည်း လူတကာကို လျှောက်ပြောသည်။ ကျွန်တော်က အသာလေးငြိမ်ပြီးချက်ကောင်းကိုစောင့်နေလိုက်၏။ မေ့သလောက်ရှိတော့မှ တစ်ရက်မှာ-

    " ဝိုင်းဝိုင်း အခု ဘာစာအုပ်ထုတ်ဖို့ စီစဉ်နေသလဲ "ဟု အလစ်မှာမေးလိုက်၏။ သူအငိုက်မိသွားပြီး-

    " ဆရာကြီး ကာတွန်းဦးဖေသိန်းရဲ့ စာအုပ်တစ်အုပ်ဖြန့်မလို့ စီစဉ်နေတယ် "

    (ကဲ... ဘယ်လိုများ နားလည်ရမှာလဲ ရေကျော်က သူငယ်ချင်းမိဝိုင်းရေဟု ဆရာမောင်ဝံသလေသံဖြင့် မေးလိုက်ဖို့သာရှိတော့သည်။)

    အစ်မကြီးမစန္ဒာကျတော့ တစ်မျိုး။ ကျွန်တော့်ကိုတွေ့လျှင်

    " နင် ငါ့ကို ရေးတာ အားမရနိုင်သေးဘူးလား "

    ဟုမေးတတ်သည်။

    ကျွန်တော်ကစေတနာနဲ့ပါ။ ဟိုတစ်ချိန်က စာပေနယ်မှာ ' သူရဲကောင်းသုံးယောက် 'ဆိုပြီး နာမည်ကြီးခဲ့ဖူးတာရှိသည်။ မိုးမိုး(အင်းလျား)၊ မစန္ဒာ၊ စမ်းစမ်းနွဲ့(သာယာဝတီ)။ တစ်ယောက်တစ်မျိုးစီ ကလောင်စွမ်းထက်ကြသည်။ ခုတော့ အစ်မကြီးမိုးမိုး(အင်းလျား)ကဆုံးရှာပြီ။ ကျန်နှစ်ယောက်ကလည်းစာတွေသိပ်မရေးဖြစ်တော့။ သူတို့ဝတ္ထုတွေ ထွက်မလာတာ စာပေလောကအတွက်ရော စာဖတ်ပရိတ်သတ်တွေအတွက်ပါနစ်နာသည်။

    (အစ်မကြီးမိုးမိုးအင်းလျားကတော့ ခုချိန်ထိ စာပေလောကကို အကျိုးပြုနေတုန်းပဲ။ ဟုတ်တယ်လေ။ စာပေလောကစာအုပ်တိုက်က သူ့စာအုပ်တွေ ပြန်ပြန်ရိုက်နေတာကိုး။)

    ဘာပဲဖြစ်ဖြစ် ကျန်နှစ်ယောက်ကိုတော့ စာများများရေးစေချင်သည်။ ဒီတော့ သူတို့အကြောင်းတွေရေးပြီးဆွပေးလိုက်လျှင် မခံချင်စိတ်နဲ့ရေးလာကြမှာပဲဆိုပြီး မျှော်လင့်ခဲ့တာ။ ဒါနဲ့တောင် သူတို့က မတုန်မလှုပ်။ အစ်မကြီးစမ်းစမ်းနွဲ့ဆိုလျှင် မသိသလို လုပ်နေသည်။ ထို့ကြောင့်ကိုယ်က မနေနိုင်တော့ပဲ စကားစမိသည်။

    " အစ်မအကြောင်းကို ကျွန်တော် ဝတ္ထုထဲထည့်ရေးတာဖတ်ပြီးပြီလား "

    " ဟုတ်လား၊ အေးဟယ်၊ ငါလည်းပေါက်ကရ စာတွေမဖတ်ဖြစ်တာကြာတော့မသိလိုက်ဘူး "

    ဟုပြန်ပြောသည်။

    အစ်မကြီးမစန္ဒာကတော့ စာထဲကနေ ပြန်မသိပ်သော်လည်း ကျွန်တော့်ကို သူရေးသော စာအုပ်တစ်အုပ်လက်ဆောင်ပေးရာမှာ ' သေနာကောင်လေးအတွက် 'ဟု ရေးပေးလိုက်သည်။ ဘယ်ရမလဲ ' သေနာ ' ရဲ့နောက်မှာ ' ပတိ 'ဆိုတဲ့စကားလုံးကိုဖြည့်လိုက်တာပေါ့။

    စာနဲ့မနိုင် လူကိုမဲတော့မယ်ဆိုတာ ကြိုတင်ခန့်မှန်းမိသည်။ ဒီနေရာမှာ လူကောင်းနှင့် လူဆိုး ကွာခြားမှုရှိ၏။ လူကောင်းကသူ့မှာ ရန်သူမရှိမှန်းသိသဖြင့် အမှတ်တမဲ့ ပေါ့ပေါ့ဆဆပဲ နေတတ်သည်။ လူဆိုးကတော့ ဥပဒေဘက်တော်သားကိုလည်း ကြောက်ရ၊ အချင်းချင်းကိုလည်း စိတ်မချရသဖြင့် အမြဲ သတိဝီရယနဲ့နေရသည်။ ကျွန်တော်လည်း ဒီအတိုင်းပဲ။

    တစ်ရက်ကျတော့ ကလျာမဂ္ဂဇင်းတိုက်မှာ အလှူရှိသဖြင့် ရောက်သွားသည်။ ခြံဝရောက်လို့ ကားပေါ်ကအဆင်းမှာ အိမ်ရှေ့နားကစောင့်ကြည့်နေသူတစ်ယောက်သည် အတွင်းသို့လှစ်ခနဲပြေးဝင်သွားတာ လှမ်းမြင်လိုက်ရ၏။ ကျွန်တော်ရောက်လာလျှင် သတင်းပို့ဖို့ အတွက် ကင်းချထားခြင်းဖြစ်လိမ့်မည်။ အင်း...သတိတော့ထားမှ

    ကျွန်တော်သည် အိမ်ထဲသို့ ဟန်မပျက်ဝင်လာခဲ့၏။ ဧည့်ခန်းထဲကို တစ်ချက်ဝေ့ကြည့်လိုက်သည်။ အစ်မကြီးသန်းမြင့်အောင်ဦးဆောင်သောမိန်းမကြမ်းအဖွဲ့ဝင်များမှာ ဣနြေ္ဒပျက်နေကြသည်။ တစ်ခုခုကို အရေးတကြီးတိုင်ပင်စီစဉ်နေရာမှ ကိုယ်ရှိန်သတ်လိုက်ရသလို အိုးတိုးအမ်းတမ်းဖြစ်နေကြောင်း သတိပြုမိ၏။ ထို့ကြောင့် သူတို့ထဲက စိတ်ထားအနူးညံ့ဆုံးဟု ယူဆရသောဇွန်ပွင့်ကို တစ်ချက်စိုက်ကြည့်လိုက်သည်။ ပုံမှန်အားဖြင့် ကျွန်တော့်ကိုမြင်တဲ့အခါပြုံးရယ်ပြီး နှုတ်ဆက်ရမည်။ ခုတော့ ဒီလိုမဟုတ် အကြည့်ကို ရင်မဆိုင်ဘဲမျက်နှာလွှဲသွားသည်။ ဒါကသံသယဖြစ်စရာအချက်တစ်ချက်။

    ကျွန်တော်သည် ဒေါက်တာခင်မောင်ညိုဘေးမှာ ဝင်ထိုင်လိုက်သည်။ ဒီအခိုက်အတန့်လေးမှာပဲ မျက်နှာရိပ်မျက်နှာကဲနဲ့အချက်ပြလိုက်တဲ့ဝိုင်းဝိုင်းကို မျက်လုံးထောင့်စွန်းမှမြင်ဖြစ်အောင်မြင်လိုက်သေးသည်။

    ထိုအချိန်တွင် ရာသက်ပန် (တောင်ငူဆောင်)သည် အုန့်နို့ခေါက်ဆွဲပန်းကန်ကိုလာချပေးပြီး ' ဝအောင်စားနော် 'ဟု လောကဝတ်ပြုသည်။ တကယ်တော့ စားပွဲပေါ်မှာ ပြင်ထားသော ခေါက်ဆွဲပန်းကန်တွေရှိပြီးသား။ ဟင်းရည်ဆမ်းပေးလိုက်ရုံသာရှိ၏။ ခုတော့ ဟင်းရည်အဆင်သင့်ထည့်ပြီးသားပန်းကန်ကိုမှ တကူးတကန့်လာချပေးတယ်ဆိုတာစဉ်းစားစရာပဲ။ ကျွန်တော့်မို့လို့သီးသန့် စပယ်ရှယ် လုပ်ပေးတာဟု ပြောလို့မရ။ သူတို့ကျွန်တော့်အပေါ် ဒီလောက်သဒ္ဓါထက်သန်စရာအကြောင်းမရှိ၊ ပြီးတော့ ပန်းကန်လာချပေးသော ရာသက်ပန်၏ လက်များမှာ အတန်ငယ်တုန်ယင်နေတာကလည်း မသင်္ကာစရာပဲ။ ထို့ကြောင့်...

    " ကျွန်တော်ဗိုက်မကောင်းလို့ အုန်းနို့ခေါက်ဆွဲစားလို့မဖြစ်ဘူး၊ အချိုပွဲပဲ စားတော့မယ် "

    ဟုပြောလိုက်သည်။ (အုန်းနို့ခေါက်ဆွဲထဲမှာ ' ဗဲဂျီလက် 'ခေါ်ဝမ်းနှုတ်ဆေးပြားတွေကြိတ်ထည့်ထားကြောင်း ကျွန်တော်၏ အတွင်းသူလျှိုဖြစ်သော အောင်နိုင်နိုင်က နောက်ပိုင်းမှာပြန်သတင်းပေးသည်။)

    " နည်းနည်းဖြစ်ဖြစ်စားလိုက်ပါလား "

    ဘုမသိဘမသိ ဝင်ပြောသော ဆရာမကြီးခင်စောတင့်၏ စကားကိုလျစ်လျူရှုလိုက်ပြီး ကျောက်ကျောပန်းကန်ကိုသာ ဆွဲယူလိုက်သည်။ ဒါလည်းသိပ်တော့ စိတ်မချရ။ ဒါနဲ့ပန်းကန်ကို ဘေးမှာထိုင်နေသော ဒေါက်တာ ခင်မောင်ညိုဘက်တိုးပေးပြီး-

    " စားပါဦးဆရာ "ဟုသေဖော်ညှိလိုက်၏။

    ဆရာဒေါက်တာခင်မောင်ညိုသည် ဓာတုဗေဒ ပါရဂူဘွဲ့ကို နိုင်ငံခြားမှ ရရှိလာခြင်းဖြစ်၏။ ထို့ကြောင့် ဓာတ်သဘာဝတွေအကြောင်းလောက်ကတော့ ပျင်းတောင်ပျင်းသေးတယ်ဟု ဆိုရမည်။ ထို့ကြောင့် ဥပါယ်တံမျဉ်ဖြင့် သူ့ကိုအရင်စမ်းခိုင်းလိုက်ခြင်းဖြစ်၏။

    ဆရာညိုက ကျောက်ကျောတစ်တုံးကို ခက်ရင်းနှင့်ထိုးယူပြီးအနံ့ခံကြည့်သည်။ လျှာနှင့် တို့ကြည့်သည်။ ခေါင်းတစ်ချက်ဆတ်သည်။ အနည်းငယ်ကိုက်ဖဲ့ပြီး မြုံ့ကြည့်သည်။ ထို့နောက် ' အင်း... စတာ့ခ်ျရယ်၊ ဒက်ထရို့စ်ရယ်၊ ကော်လက်စထရောရယ် နည်းနည်းများနေတယ်၊ ဒါပေမယ့် စားလို့ကောင်းတယ် 'ဆိုပြီး ပါးစပ်ထဲသို့ တစ်တုံးလုံး သွတ်ထည့်လိုက်လေ၏။

    ဒီလောက်ဆို အတော်စိတ်ချသွားရပြီ။ သို့ရာတွင် သတိဆိုတာက ပိုတယ်လို့မရှိ။ ထို့ကြောင့် ဆရာညိုတစ်ယောက် ပါးစပ်မှ အမြုပ်တစီစီ ရုတ်တရက် ထွက်လာခြင်းရှိ မရှိ။ မျက်နှာပြာနှမ်းလာခြင်းရှိ မရှိ၊ ခဏကြာအောင် စောင့်ကြည့်နေလိုက်သည်။ ပြီးမှ ပိုက်ဆံအိတ်ထဲက ငွေအပ်တစ်ချောင်းကိုထုတ်ပြီး ကျောက်ကျောတုံးထဲ စိုက်ထည့်သည်။ ပြန်ဆွဲထုတ်ကြည့်သည်။ ငွေအပ်က အရောင်ပြောင်းမသွား။ မည်းသွားလျှင် အဆိပ်ရှိသည်။ ထိုအခါကျမှ ကျောက်ကျောတုံးကို ယူစားလိုက်သည်။ ( ထိုငွေအပ်မှာ ဆရာကြီး ဒေဝစင်္ကြာက အကာအကွယ်အဖြစ်ပေးထားခြင်းဖြစ်၏။)

    ထို့နောက် သူတို့ဘက်ကို တစ်ချက် အကဲခတ်ရင်း ခပ်မိန့်မိန့်ပြုံးလိုက်သည်။ သူတို့အုပ်စုမှာ စိတ်ဓာတ်ကျသွားပြီး သက်ပြင်းချသူချ၊ မသိမသာခေါင်းရမ်းသူရမ်း၊ တစ်ယောက်ကိုတစ်ယောက်လှမ်းကြည့်သူကြည့်ဖြစ်ကုန်ကြ၏။

    ဒီလိုစမ်းလို့ ဘယ်ရမလဲ။ ကျွန်တော်က ဘကြီးမိုး (ဆရာမောင်မိုးသူ)ရေးတဲ့ ဘာသာပြန်စပိုင်ဝတ္ထုတွေကို ကျေညက်အောင်ဖတ်ထားခဲ့တာပဲလေ။

    (ပြောသာပြောရတယ်။ ဘကြီးမိုးသည် သူကိုယ်တိုင်ကတော့ တစ်ခါမှ လွတ်အောင် ရှောင်တိမ်းနိုင်ခဲ့ဖူးခြင်းမရှိပါ။)

    မိန်းမကြမ်းအုပ်စုသည် အကြံအစည်မအောင်မြင်သဖြင့် အခဲမကြေဖြစ်နေကြသည်။ ထို့ကြောင့် ခပ်ပြောင်ပြောင်ပင် ဒုက္ခပေးဖို့စီစဉ်ကြပြန်လေသည်။

    သူတို့အကြောင်းတွေ ဝတ္ထုထဲထည့်ရေးတဲ့အတွက် သရုပ်ဆောင်ခအဖြစ် ကျွေးမွေးပြုစုရမည်ဟု တောင်းဆိုလာသည်။ တစ်ရက်မှာ သူတို့လူစုပြီးကျွန်တော့်အိမ်ရောက်လာသည်။ ကျွန်တော့်မှာ ရှောင်တိမ်းချိန်မရတော့သောကြောင့် အိမ်နှင့်မနီးမဝေးမှာ ရှိသော ' မီဂါစတား 'စားသောက်ဆိုင်သို့ ခေါ်သွားရလေတော့သည်။

    ဟိုရောက်တော့ ဝိုင်းဝိုင်းက ဖက်ထုပ်ဆီချက်၊ ပုဇွန်ကော်ပြန့်ကြော်၊ ထောပတ်သီးဖျော်ရည် စသည်ဖြင့် တမင်ပိုက်ဆံကုန်အောင် မှာစားသည်။ အစ်မကြီး သန်းမြင့်အောင်ကိုမေးတော့-

    " ငါဗိုက်မကောင်းလုိ့ ဆန်ပြုတ်ပဲသောက်မယ် "

    ဟုပြောသည်။ ဝိုင်းဝိုင်းက အ,ရန်ကောဆိုသော သဘောဖြင့် မျက်လုံးပြူးကြည့်သည်။ ရာသက်ပန်နှင့် ဇွန်ပွင့်တို့သည် ခေါင်းချင်းဆိုင်ပြီး တီးတိုးတိုင်ပင်နေကြသည်။ ' အားနာစရာကြီး 'ဆိုသော အသံကိုလည်း နားစွန်နားဖျားကြားရသည်။

    " ကဲ...မှာကြလေ၊ ကြိုက်တာမှာကြ "

    ဟု ဝိုင်းဝိုင်းက လောဆော်သောအခါ ရာသက်ပန်က

    " ဒင်ဆမ်းတစ်ပွဲကို တို့နှစ်ယောက်မျှစားလိုက်မယ် "

    ဇွန်ပွင့်ကလည်း ခေါင်းညိတ်ထောက်ခံသည်။ ဝိုင်းဝိုင်းလည်း

    " ဒါဆိုမမွှေးကော "

    ဟု အောင့်သက်သက်လေသံဖြင့်မေးတော့ မမွှေးက ကျွန်တော့်မျက်နှာတစ်ချက်ကြည့်ပြီး-

    " အဲ... သိပ်တော့မဆာလှပါဘူး၊ လက်ဖက်ရည်ပဲ သောက်တော့မယ် "

    ဒီလိုနဲ့ ကျွန်တော့်မှာ ထင်သလောက်အကုန်အကျမများဘဲအတော်သက်သာရာရသွားပြန်သည်။ တကယ်တမ်းကျတော့သူတို့အတွက်သာ တွက်ခြေမကိုက်ဘဲ ဖြစ်သွားတာ။ ကမာရွတ်၊ ဒဂုံမြို့သစ် စသော်နေရာများမှ မြို့လယ်စုရပ်သို့ တကူးတကန့်လာရသည်။ ကျွန်တော်ရှိရာ သင်္ဃန်းကျွန်းသို့ တက္ကစီငှားလာရသည်။ အပြန်ကျတော့လည်း တစ်ယောက်တစ်နေရာစီ  လှည့်ပတ်ပို့ရသဖြင့် ဦးဆောင်သူ ဝိုင်းဝိုင်းခမျာ တက္ကစီခတော်တော် ကုန်သွားရှာလေသည်။ စားရတာနဲ့မကာမိ။

    ဝိုင်းဝိုင်းသည် ဆွေ့ဆွေ့ခုန်နေလေ၏။ သူကထုတ်ဝေသူပီပီစာရေးဆရာဆိုလျှင် အချဉ်ချည်းအောင့်မေ့နေတာ။ ဆောင်းဝင်းလတ်တို့ မောင်ညိုပြာတို့လို ရိုးရိုးအအ မှတ်နေသလားမသိ။

    ပြီးတော့ သူမစဉ်းစားမိသော အချက်တစ်ချက်ရှိသေးသည်။ သူတို့အုပ်စုထဲမှာ အများစုက အနုပညာသမားတွေ။ ဒီတော့ အချင်းချင်း ဘယ်မှာဒုက္ခပေးချင်ပါ့မလဲ။

    ကြည့်လေ၊ အစ်မကြီးသန်းမြင့်အောင်ဆိုတာ ' ဗြဟ္မစိုရ် နှလုံးသားနဲ့ ခရီးသွားနေတဲ့လူ '၊ ပန်းချီမမွှေးက ကံ့ကော်ရွာအုပ်စုဝင် တက္ကသိုလ်မှာကတည်းက ပန်းချီခန်းမှာ မောင်နှမတွေလိုနေလာခဲ့တာ။ ရာသက်ပန် (တောင်ငူဆောင်) သည် တက္ကသိုလ်ကျောင်းဆရာမလည်းဖြစ်၊ စာရေးဆရာလည်းဖြစ်သောကြောင့် စိတ်ထားဖြူစင်သူဖြစ်၏။ ဇွန်ပွင့်ကျတော့လည်း ကာတွန်းဆရာကြီး ဦးဖေသိန်းရဲ့ သမီးပီပီ နူးညံ့သိမ်မွေ့တဲ့သူတော်ကောင်းမလေးပါ။

    (တွေ့လား၊ အဲဒါပညာပဲ။ သူတို့ချင်းစိတ်ဝမ်းကွဲအောင်သပ်တစ်ချောင်း လျှိုထည့်လိုက်တာလေ။ ဒါကို ' ဝဿကာရဗျူဟာ 'လို့ခေါ်တယ်၊ မှတ်ထား။)

     ကျွန်တော်သည် အထက်ပါအတိုင်း ဟုတ်တာရော မဟုတ်တာရော နည်းနည်းကို များများချဲ့ကားတာရော၊ ကိုယ့်ဘာသာလုပ်ကြံဇာတ်လမ်းဆင်ထားတာရော ပေါက်တတ်ကရတွေ လျှောက်ရေးခဲ့သည်။ ဒါကိုပဲ စတိုင်တစ်မျိုးထူးခြားတယ်ဆိုပြီး ဆရာဇန်မြင့်တို့ ဆရာကိုခါး(ကွမ်းခြံကုန်း)တို့က မြှောက်ပေးသည်။ ဆရာကိုခါးဆိုလျှင် ကဗျာဆရာပီပီ ' စာပေကယ်ရီကေးချားတွေပဲ 'ဟုနာမည်တောင်တပ်ပေးလိုက်သေးသည်။ တချို့ကလည်း အချင်းချင်း ချောက်တွန်းချင်တဲ့အခါ ' ဟိုလူ့အကြောင်းကြားပြီးပြီလား ' ' ဟိုဟာလေးထည့်ရေးလိုက်စမ်းပါ 'ဟု သတင်းပေးတတ်ကြ၏။

    ကျွန်တော်ကလည်း အဟုတ်မှတ်ပြီး အားတက်လာသည်။ အေးအေးဆေးဆေးနေတဲ့ လူကြီးတွေလည်း ချမ်းသာမပေး။ ကွယ်လွန်ပြီးတဲ့ လူတွေတောင် ' ဒေဝတာမြို့တော် 'ဆိုတာကို ဖန်တီးပြီး ထည့်ရေးသည်။ အတင့်ရဲလာပုံကတော့ ကိုရီးယားဇာတ်လမ်းတွဲ ' နန်းတွင်းရတနာ 'ကို သရော်ထားသော ' ဓာတ်စာမူ 'အမည်ရှိဝတ္ထုထဲတွင် ဆရာမကြီး ခင်ဆွေဦးကို စားတော်ကဲကြီးမယ်မယ်ဦးအဖြစ် ထည့်ရေးလိုက်ပြန်သည်။

    ဒေါ်လေးခင်ဆွေဦးကတော့ စိတ်မဆိုးပါ။ စာပေအသိုင်းအဝိုင်းကြားမှာ ပျော်စရာလေးတောင်ဖြစ်သွားခဲ့သေးသည်။

    " ဒီကောင်တရားလွန်လာပြီ၊ လူကြီးကို မလေးမစားနဲ့ နတ်နေကိုင်းတောင်မချန်တော့ဘူး "

    မြန်မာ့ရိုးရာ အစဉ်အလာမှာ နတ်နေကိုင်းဆိုသော ဝေါဟာရ တစ်ခုရှိ၏။ သစ်ပင်တိုင်းမှာ ရုက္ခစိုးရှိသည်ဟု ယုံကြည်ကြသည်။ အကြောင်းတစ်ခုခုကြောင့် သစ်ကိုင်းတွေခုတ်၊ ချိုင်တဲ့အခါရုက္ခစိုး ဘုံမပျောက်စေရန် သစ်ကိုင်းကြီးကြီးတစ်ကိုင်းကို ချန်ထားပေးရသည်။ ဒါကို ' နတ်နေကိုင်း 'ဟုခေါ်သည်။

    တကယ်တော့ ကျွန်တော်သည် ဒေါ်လေးခင်ဆွေဦးကို နတ်နေကိုင်းလောက်မက နန်းတော်ကြီးနဲ့တောင် ထားချင်တာပေါ့။ ခက်နေတာကတော့ ဒေါ်လေးတစ်ယောက်ဟာ နတ်ဘုံနတ်နန်းပေါ်မှာ ခံ့ခံ့ညားညား မစံမြန်းချင်ဘဲ နတ်ဂျလေဘီဖြစ်ကြသော ရွှေနပေဝိုင်းဝိုင်း၊ ဖျာလိပ်နတ် မမွှေး၊ နတ်သူငယ် မဂျူးလေးတို့နဲ့တွဲပြီး ကိုးကျင်းကိုးကျင်း လျှောက်သွားနေတာကိုး။

    ကျွန်တော်တို့စာပေလောကမှာ အတတ်ပညာကြောင့် လူလေးစားခံရသူ အများအပြားရှိသည်။ အကျင့်သိက္ခာကြောင့် အကြည်ညိုခံရသူတွေလည်း အတော်အသင့် ရှိသည်။ လူချစ်လူခင်ပေါတဲ့သူကတော့ သိပ်များများစားစားမရှိလှ။ အထက်ပါအချက်သုံးချက်လုံးနဲ့ကိုက်ညီသူကတော့ ခပ်ရှားရှားပဲ။ ဒီထဲမှာ ဒေါ်လေးခင်ဆွေဦးလည်းပါသည်။

    ကျွန်တော့်စိတ်ကလည်းတစ်မျိုး။ ပညာတော်ပေမယ့် ဟိတ်ကြီးဟန်ကြီးနိုင်လျှင် ရှောင်ဖယ်ဖယ်လုပ်ချင်သည်။ ဣနြေ္ဒကြီးလွန်သူမျိုးကျတော့လည်း ရှိန်ပြီးလန့်နေသည်။ လူတကာကသည်းသည်းလှုပ်အကဲပိုလွန်းပြန်လျှင်လည်း တစ်မျိုးအထင်ခံရမှာစိုးလို့ အနားမကပ်ချင်။ အဝေးကသာကြည်ညိုမိ၏။ ကိုယ်ကလည်း ဟေးလားဝါးလားသမားကိုး။ ထို့ကြောင့်လူငယ်တွေနဲ့ ရောရောနှောနှောနောက်လားပြောင်လား နေတတ်သော ဆရာကြီး၊ ဆရာမကြီးတွေနဲ့သာ ရင်းရင်းနှီးနှီးရှိတတ်သည်။ (ဘကြီးမိုးတို့လိုပေါ့)

    ဒေါ်လေးခင်ဆွေဦး လူချစ်လူခင်ပေါရခြင်း၏အကြောင်းရင်းတွေထဲမှာ သူ၏ ' ရိုးဂုဏ် 'ကြောင့်လည်းပါသည်။ ကျွန်တော်ကဖြင့် ' အ-ဂုဏ် 'ဆိုတာကိုပါ ထပ်ဖြည့်လိုက်ချင်သေးသည်။ သူကိုယ်တိုင်ကလည်း ' ဒေါ်လေးကသိပ်အ,တာကွဲ့ ' ဟုဝန်ခံတတ်ပါသည်။    

    ဒေါ်လေးခင်ဆွေဦးသည် နိုင်ငံကျော်စာရေးဆရာမကြီးဆိုပြီး ဝင့်ဝင့်ဝါဝါမရှိ။ နှိမ်နှိမ်ချချ၊ ရိုးရိုးကုပ်ကုပ်သာ နေတတ်သည်။ အေးအေးဆေးဆေးနေတတ်သော်လည်း တစ်ချက်တစ်ချက် မဟာဆွေသွေးထုတ်ပြတတ်တာမျိုးတော့ရှိ၏။ ကျွန်တော်တို့ကလည်းဒါကြောင့်ပဲ ပိုချစ်ရတာ။

    ကျွန်တော်သည် ဒေါ်လေးနှင့် တရင်းတနှီးနေရင်းက တစ်ခါတစ်ခါ စာပေထိပ်သီးဆရာမကြီးဆိုတာကိုမေ့လျော့ပြီး အရိုသေတန်ချင်သလို ဖြစ်မိတာကို ဝန်ခံပါသည်။ အိမ်ကအမေလိုပေါ့။ ချစ်တော့ချစ်သည်။ လေးစားရကောင်းမှန်းမသိ။ အမေ့ကို ပြဿနာရှာတာ၊ လိမ်လည်လှည့်စားတာ၊ အကြောင်ရိုက်တာမျိုးကို ပျော်စရာလို့ထင်သည်။ အမေမရှိတော့မှာပဲ တန်ဖိုးကို သိတော့သည်။ ကျွန်တော်သည်လည်း ဒေါ်လေးခင်ဆွေဦး၏ တန်ဖိုးကို လျစ်လျူရှုပြီး နှစ်ပေါင်းများစွာ နေချင်ပါသေးသည်။

    မနှစ်က ဒေါ်လေး၏ အသက်ခုနှစ်ဆယ့်ငါးနှစ်ပြည့် စိန်ရတုမွေးနေ့ပွဲကျင်းပသည်။ ဖိတ်ကြားခံရသူတွေ အားလုံးလိုလို မပျက်မကွက် တက်ရောက်ကြသည်။ သတင်းအကြားနဲ့ ရောက်လာသူတွေလည်း အများကြီးမို့ စည်ကားလှသည်။ လူချစ်လူခင်ပေါများခြင်း၏ သက်သေခံပြယုဂ်ပဲ။

    ဒေါ်လေးသည် အသက်ခုနှစ်ဆယ့်ငါးနှစ်ပြည့်သည့်တိုင် ကျန်းမာရေးက ဒေါင်ဒေါင်မြည်နေသည်။ သွားနိုင်လာနိုင်တုန်း။ စားနိုင်သောက်နိုင်တုန်း။ ကြေးအိုးတစ်ပွဲကို အသာလေးဖြိုနိုင်သေးသည်။ ဒါနဲ့တောင် မတင်းတိမ်နိုင်ဘဲ ' ဟယ် ဒီကော်ပြန့်ကြော်လေးတွေက ဘာလေးတွေပါလိမ့်၊ မြည်းကြည့်ဦးမှပဲ 'ဆိုတာမျိုး လုပ်ချင်သေးသည်။

    ဒီအတိုင်းဆိုလျှင်တော့ မိန်းစပွန်ဆာများဖြစ်ကြသော အလင်္ကာဝတ်ရည် ဆရာမောင်ဟေမာ၊ ဆရာမကလျာ၊ ပြုံးစာပေဒေါ်ပြုံး စသည်တို့မှာ ' ဘွားခင်ဦးရာပြည့်ပွဲ 'အတွက် ပိုက်ဆံထပ်ကုန်ကြရပေလိမ့်ဦးမည်။ ဇာတာထဲက 'အသက်တစ်ရာ့နှစ်ဆယ်ရှည်စေသောဝ် 'ဆိုတာကိုလည်း ပြင်ဆင်သတ်မှတ်ရဖွယ်ရှိနေလေသည်။

    မယ်မယ်ဦး သက်တော် ' ဝမ်းဂစ် ' ရှည်ပါစေသတည်း။

                                                                          မင်းလူ

                                             (ကလျာမဂ္ဂဇင်း၊ အမှတ် ၂၈၅၊ အောက်တိုဘာ၊ ၂၀၀၈)