28.10.2012 နေ့ဖတ်ရန်သတင်းများ

by Myanmar Journal on Saturday, October 27, 2012 at 5:29pm ·

ဆီးရီးယားမှာ အပစ်ရပ်ပေမယ့် တိုက်ခိုက်မှုတွေဆက်

အစ္စလာမ် ဘာသာဝင်တို့ရဲ့ အစ်ပွဲတော် အတွင်း ဆီးရီးယား အစိုးရ တပ်ဖွဲ့ တွေနဲ့ သူပုန် တိုက်ခိုက်ရေး သမားတွေ အကြား အပစ်အခတ် ရပ်စဲ မယ်လို့ သဘောတူ ခဲ့ပြီး၊ ဒုတိယမြောက် နေ့မှာ တော့ ဆီးရီးယားနဲ့ တူရကီ နယ်စပ် တလျှောက်မှာ သေနတ် သံတွေ ထွက်ပေါ်နေ ပါတယ်။

ဒမားစကပ်စ်မြို့မှာလည်း အစိုးရ ကနေ အမြောက်တွေနဲ့ ပစ်ခတ် တိုက်ခိုက် နေတယ် ဆိုတဲ့ သတင်းတွေ ရရှိတယ်လို့ အဲဒီ နယ်စပ်မှာ ရှိတဲ့ ဘီဘီစီ သတင်းထောက် ပြောပါတယ်။

ဆီးရီးယား လွတ်မြောက်ရေး တပ်ဖွဲ့ ပြောခွင့်ရ အမျိုးသမီး ဆူဆန် အာမတ် ကတော့၊ အပစ် အခတ် ရပ်စဲ ထားတဲ့ အတွက် အေးအေး ဆေးဆေး စိတ်ချ ရပြီ အထင်နဲ့ လူတွေ လမ်းပေါ်ထွက် ကြွေးကြော် အော်ဟစ် ခဲ့ရာမှာ အစိုးရ တပ်ဖွဲ့တွေက ပစ်လို့ သူတို့ အားလုံး တုန်လှုပ် ချောက်ချား ခဲ့ရတယ်လို့ ဆိုပါတယ်။

တချိန်တည်း မှာပဲ နိုင်ငံ အရှေ့ပိုင်း ဒဲ အဲဇာ မြို့မှာ ကားဗုံး တလုံး ပေါက်ကွဲ ခဲ့တယ်လို့ အစိုးရ ရုပ်သံ ကနေ ကြေညာ သွားပြီး၊ ဒါဟာ သူပုန် တွေရဲ့ လက်ချက်လို့ အစိုးရက ပြောပါတယ်။

အတိုက်အခံ တက်ကြွ လှုပ်ရှားသူတွေ ပြောတာ ကတော့ အပစ် အခတ် ရပ်မယ်လို့ ပြောတဲ့ နေ့မှာပဲ လူပေါင်း ၁၅၀ လောက် သေဆုံး ခဲ့တယ်လို့ ဆိုပါတယ်။

ဆီးရီးယား ငြိမ်းချမ်းရေး အတွက် နိုင်ငံ တကာ အထူး ကိုယ်စားလှယ် မစ္စတာ ဘရာဟီမီက အစ်ပွဲတော် ကာလ အတွင်း အပစ် အခတ် ရပ်စဲ ကြဖို့ ကို ကြား ဝင် ဆောင်ရွက် ပေးခဲ့တာ ဖြစ်ပေမယ့် လည်း ခိုင်မာမှု မရှိတဲ့ အပစ် အခတ် ရပ်စဲရေး အဖြစ်သာ တွေ့မြင် နေရပါတယ်။

တောင်အာဖရိက မိုင်းလုပ်သားတွေ အလုပ်ပြန်ရမယ်

အလုပ်သမားတွေဟာ ခွင့်ပြုချက် မရှိဘဲ ကုမ္ပဏီ ကို သပိတ်မှောက် ခဲ့တာ ကြောင့် အလုပ်ထုတ် ခံခဲ့ရ

ကမ္ဘာ့ အကြီးဆုံး ပလက်တီနမ် ထုတ်လုပ်တဲ့ အန်ဂိုလာ အမေရိကန် ပလက်တီနမ် ကုမ္ပဏီ ကနေ အလုပ်ထုတ် ခံခဲ့ရတဲ့ တောင်အာဖရိက မိုင်းလုပ်သား ၁ သောင်း ၂ ထောင်ကို အလုပ် ပြန်ပေးဖို့ အဲဒီ ကုမ္ပဏီက သဘောတူလိုက်ပြီ ဖြစ်ပါတယ်။

အဲဒီ အလုပ်သမားတွေဟာ ခွင့်ပြုချက် မရှိဘဲ ကုမ္ပဏီကို သပိတ်မှောက် ဆန္ဒပြ ခဲ့တာ ကြောင့် အလုပ်ထုတ်ခံ ခဲ့ရတာ ဖြစ်ပါတယ်။

အလုပ်သမားတွေ အနေနဲ့ လာမယ့် အင်္ဂါနေ့ လောက်မှာ အလုပ် ပြန်ဝင် ကြမယ် ဆိုရင် ကုမ္ပဏီ ကနေ ပြန် လက်ခံ သွားမှာ ဖြစ်တယ်လို့ တောင်အာဖရိက မိုင်းအလုပ်သမား သမဂ္ဂ က ပြောပါတယ်။

သပိတ်မှောက် ဆန္ဒပြ မှုတွေနဲ့ ဆက်စပ်ပြီး လုပ်ငန်းခွင် ထဲမှာ ဖြစ်ပွား ခဲ့တဲ့ အကြမ်းဖက် မှုတွေ အတွင်း လူပေါင်း ဒါဇင်နဲ့ ချီ သေဆုံး သွားခဲ့ ရပါတယ်။

အခု ဆိုရင် တောင်အာဖရိကရဲ့ စက်မှု လုပ်ငန်းတွေဟာ အရှိန် ကျလာ နေခဲ့ပြီး၊ အခုလို သပိတ် ဆင်နွှဲမှုတွေ ကြောင့်လည်း နိုင်ငံ တကာ ရင်းနှီး မြုပ်နှံမှုတွေ ရှိနေတဲ့ တောင်အာဖရိကရဲ့ ဂုဏ်သိက္ခာ ကိုပါ ဆိုးဆိုး ဝါးဝါး ထိခိုက် စေခဲ့ တယ်လို့ တောင်အာဖရိက ဘီဘီစီ သတင်းထောက်က ပြောပါတယ်။

ရခိုင်ပြည်နယ် ပဋိပက္ခတွေ အတွင်း လူ ၈၂ ဦးသေဆုံး

ရခိုင်မှာ လုံခြုံရေး တိုးမြှင့် ဆောင်ရွက် နေတယ် လို့ သမ္မတရုံး ညွှန်ကြားရေးမှူး ဦးဇော်ဌေး ပြော

ရခိုင်ပြည်နယ်မှာ ပြီးခဲ့တဲ့ တနင်္ဂနွေ နေ့က စလို့ ရခိုင် တိုင်းရင်းသားတွေနဲ့ မွတ်စလင်တွေ အကြား တကျော့ ပြန်ဖြစ် လာတဲ့ အကြမ်းဖက် မီးရှို့ တိုက်ခိုက်မှုတွေ အတွင်း သေဆုံးသူ ၈၂ ယောက် ရှိပြီး၊ ဒဏ်ရာ ရရှိသူ ၁၂၉ ယောက် ရှိခဲ့တယ်လို့ မြန်မာ အစိုးရ ရုပ်သံ ကနေ ကြေညာ သွားပါတယ်။

အိမ်ခြေ ၂၉၅၀ လည်း မီးလောင် ပျက်ဆီး သွား ခဲ့တယ်လို့ ရုပ်သံက ဆိုပါတယ်။

အခု အချိန်မှာတော့ လိုအပ်တဲ့ လုံခြုံရေး အပြည့်အဝ ချပြီး တည်ငြိမ်အောင် လုပ်ဖို့ ဆိုတဲ့ သမ္မတရဲ့ ညွှန်ကြားချက် အတိုင်း လုပ်ဆောင် နေကြောင်း မြန်မာ သမ္မတရုံး ညွှန်ကြားရေးမှူး ဦးဇော်ဌေးက ဘီဘီစီကို ပြောပါတယ်။

လုံခြုံရေးတွေကို ပဋိပက္ခ ဖြစ်ပွား နိုင်ချေရှိတဲ့ နေရာ တွေမှာ ချထားတာ ဖြစ်ပြီး၊ အခု ဖြစ်ခဲ့တဲ့ နေရာတွေကို ကြည့်မယ် ဆိုရင် တချို့ နေရာ တွေဟာ လုံခြုံရေး အပြည့်မချထားနိုင်တဲ့ နေရာတွေလည်း ပါဝင်ကြောင်း ဦးဇော်ဌေးက ပြောပါတယ်။

ရွာလုံးကျွတ် မီးလောင် သွားခဲ့တာ နေရာတွေဟာ ဆိုရင် ပထဝီ အနေ အထား အရ လုံခြုံရေး ဝင်ရောက်ဖို့ ခက်တဲ့ နေရာတွေ ဖြစ်ပြီး၊ တချို့ နေရာ တွေမှာ ကိုယ့်အိမ်ကို ပြန်ပြီး မီးရှို့ တာတွေ၊ နောက်ပြီး မီးကွင်းနဲ့ ပစ်တာတွေ ရှိခဲ့တယ် လို့လည်း သူက ပြောပါတယ်။

အရင် ဇွန်လက ဖြည့်ထား ခဲ့တဲ့ ရဲ လုံခြုံရေးတွေ အပြင် နစကနဲ့ တပ်အင်အား ကိုလည်း အခု ထပ်မံ ဖြည့် တင်းနေတယ်လို့ သိရပါတယ်။

သောကြာနေ့ ပြည်သူ့ လွှတ်တော် အစည်းအဝေး မှာတော့ ရခိုင် ပြည်နယ်မှာ လုံခြုံရေး တိုးချဲ့ ဖို့နဲ့ တရား ဥပဒေ စိုးမိုးရေး အလျင် အမြန် ဆောင်ရွက်ဖို့ အတွက် ပြည်သူ့ လွှတ်တော် တရား ဥပေဒ စိုးမိုးရေး ကော်မတီ ဥက္ကဌ ဒေါ်အောင်ဆန်းစုကြည်က အရေးပေါ် အဆို တခု တင်သွင်းခဲ့ ပါတယ်။

ရခိုင်မှာ ရပ်ကွက်လုံးကျွတ်တွေ မီးလောင်ခဲ့

ဂြိုဟ်တုက ရိုက်ယူထားတဲ့ ကျောက်ဖြူက မီးလောင်ပြင် ရပ်ကွက်ပုံ

ကျောက်ဖြူ မြို့နယ် အတွင်း အိမ်တွေ အများအပြား မီးလောင် နေစဉ် ဂြိုဟ်တု ကနေ ရိုက်ထားတဲ့ ဓာတ်ပုံတွေ ကို Human Right Watch လူ့အခွင့်အရေး စောင့်ကြည့်လေ့လာ ရေးအဖွဲ့ က ထုတ်ပြန်ခဲ့ပါတယ်။

ကျောက်ဖြူမြို့ရဲ့ အရှေ့ဘက် ကမ်းရိုးတန်းမှာ ရှိတဲ့ အိမ် နေရာလို နေရာ ၈၁၁ ခု မှာ မီးလောင်ပြာကျခဲ့တဲ့ နေရာတွေကို ဂြိုဟ်တုကနေ မြင်ရတဲ့ ဓာတ်ပုံတွေ ဖြစ်ပါတယ်။

အောက်တိုဘာလ ၂၅ ရက်နေ့က မြင်ရတဲ့ ပုံတွေ ဖြစ်ပြီး အောက်တိုဘာ လဆန်းပိုင်းက ရိုက်ယူထားတဲ့ ပုံတွေမှာတော့ အိမ်တွေနဲ့ လှေအိမ်တွေ ရှိနေသေးတာကို တွေ့ရပါတယ်။

မြန်မာ အစိုးရ အနေနဲ့ ရိုဟင်ဂျာ မွတ်ဆလင်တွေ ကိုရော ဒေသခံ ရခိုင် တိုင်းရင်းသားတွေကိုပါ လုံခြုံရေး အကာအကွယ် ပေးဖို့ နဲ့ အကူအညီတွေ ပေးအပ်ဖို့ လိုအပ်နေတယ်လို့ Human Rights Watch အဖွဲ့က ပြောပါတယ်။

အခုဖြစ်ခဲ့တဲ့ ဒေသဟာ အရင် ဇွန်လတုန်း ကဖြစ်ခဲ့တဲ့ ဒေသတွေ ထဲမှာ မပါတဲ့ ဒေသတခု ဖြစ်တဲ့အတွက် အကြမ်းဘက်ပြီး လူအုပ်စုလိုက် တိုက်ခိုက်မှုတွေက တခြား ဒေသတွေ ကို ကူးလာနေပြီလို့ Human Right Watch လူ့အခွင့် အရေး အဖွဲ့ အာရှ ဌာနခွဲ က လက်ထောက် ဒါရိုက်တာ Phil Robertson က ပြောပါတယ်။

လူ ဘယ်လောက် သေဆုံးခဲ့တယ်ဆိုတာနဲ့ပတ်သက်ပြီး အစိုးရရဲ့ ကိန်းဂဏန်းတွေက တကယ်ဖြစ်တာထက် လျော့နည်းလေ့ ရှိတယ်လို့လည်း သူက ဆိုပါတယ်။

အစိုးရဘက်က စနေနေ့က ထုတ်ပြန်တဲ့ ကိန်းဂဏန်းတွေမှာ လူ ၈၂ ဦး သေဆုံးပြီး ၁၀၀ ကျော် ဒဏ်ရာရတယ်၊ အိမ် ၃၀၀၀ နီးပါး မီးလောင် ခဲ့တယ်လို့ သိရပါတယ်။

ရခိုင်အကြမ်းဖက်မှု တပတ်အတွင်း ၆၀ ကျော် သေဆုံး

ပြီးခဲ့တဲ့ ရက်ပိုင်းအတွင်း ရခိုင်ပြည်နယ်မှာဖြစ်ထားတဲ့ ပဋိပက္ခတွေကြောင့် သေဆုံးသူပေါင်း ၆၀ ကျော် ရှိနေပြီး၊ ဒုက္ခရောက်နေသူတွေ အတွက် အစားအသောက် အကူအညီတွေကို ပေးနေပါတယ်လို့ ပြည်နယ်အစိုးရ တာဝန်ရှိသူကပြောပါတယ်။ နေရေးထိုင်ရေး အတွက် စီစဉ်ပေးနိုင်ဖို့ကိုလဲ စပြီးဆောင်ရွက်နေတယ်လို့ ပြောပါတယ်။ တချိန်ထဲမှာပဲ ရခိုင်ပြည်ထဲက ပရဟိတအဖွဲ့တခုကလဲ ဆေးရုံတက်နေရသူတွေ၊ တခြားဒုက္ခရောက်နေသူတွေ အတွက် အကူအညီတွေပေးနေပါတယ်။ ခုလို အခြေအနေနဲ့ ပါတ်သက်လို့ စုံစမ်းထားတဲ့ ဘန်ကောက်ရုံးက မစုမြတ်မွန်က တင်ပြပါမယ်။

ဒီကနေ့ သောကြာနေ့မှာတော့ ရခိုင်ပြည်နယ်ဖက်မှာ အခြေအနေတွေ ငြိမ်သက်နေပါတယ်။ ဒါပေမဲ့ အောက်တိုဘာ ၂၁ ရက်နေ့ ညပိုင်းကစပြီးတော့ ဖြစ်ပွားခဲ့တဲ့ ပဋိပက္ခတွေကြောင့် မင်းပြား၊ မြောက်ဦး၊ မြေပုံ၊ ကျောက်ဖြူ၊ ကျောက်တော်၊ ရသေ့တောင် မြို့နယ်တွေမှာ သေဆုံး ဒဏ်ရာရသူပေါင်း ၆၀ ကျော် ရှိသွားပြီလို့ ရခိုင်ပြည်နယ် သတင်းထုတ်ပြန်ရေးအဖွဲ့ အတွင်းရေးမှူး ဦးဝင်းမြိုင်က VOA မြန်မာပိုင်းကို အခုလိုပြောပါတယ်။

“ဖြစ်စဉ် စဖြစ်တဲ့နေ့ကနေ စပြီးတော့ ၆ မြို့နယ်ပေါ့၊ ရသေ့တောင်နဲ့ ကျောက်တော်ပါ အပါ၊ သေဆုံးတာ ကျား ၃၃ ဦး၊ အမျိုးသမီးက ၃၁ ဦး၊ ဒဏ်ရာရတာက အမျိုးသားက ၆၄ ဦး၊ နှစ်ဖက်စလုံးပါ။ အမျိုးသမီးလေးက ၄ ဦး၊ ဖြစ်စဉ်တခုလုံးရဲ့ သေဆုံးတဲ့ လူဦးရေပေါ့ခင်ဗျ။”

ပဋိပက္ခတွေ ပြန်လည် ဖြစ်ပွားခဲ့တဲ့ မြို့နယ်တွေ အားလုံးမှာ ဒုက္ခရောက်နေသူတွေအတွက် အစားအသောက် အကူအညီတွေကို ပြည်နယ်အစိုးရက စတင်ပေးနေပြီ ဆိုတာကိုလဲ ဦးဝင်းမြိုင်က ခုလို ပြောပါတယ်။

“အခုလောလောဆယ်ကတော့ ခရိုင်အုပ်ချုပ်ရေးမှူးက မြေပုံမှာ ထိုင်ပြီးတော့ လိုအပ်တာတွေ ကူညီဆောင်ရွက်ပေးနေပါတယ်။ ကျန်တာကတော့ မြို့နယ်တိုင်းမှာတော့ သူ့အုပ်ချုပ်ရေးမှူးတွေမှာ အရင်ဖြစ်စဉ်ကတည်းက ကြိုတင်ပို့ထားတာတွေရှိတယ်။ အဲ့ဒီ့မှာ သူတို့မှာ အကုန်လုံး စားစရာ၊ သောက်စရာတွေ အကုန်လုပ်ထားပေးပြီးသား၊ အဲ့ဒီ့မှာ သူတို့ကူညီနေ ပါတယ်။ နေရေးထိုင်ရေး ကတော့ အခုမှ ဖြစ်တယ်ဆိုတော့ အဲ့ဒီ့မှာ သူတို့မြို့နယ်အုပ်ချုပ်ရေးမှူးက စီစဉ်ပေးဖို့ ရှိပါတယ်။ အဲ့ဒီ့မှာ တာဝန်ကျတဲ့သူတွေရော၊ မြို့နယ်အုပ်ချုပ်ရေးမှူးတွေရော၊ သူတို့ ဆောင်ရွက်ပေးဖို့ ရှိပါတယ်ခင်ဗျ။ ကျနော်တို့က အစိုးရအဖွဲ့ ဆိုတော့ ဘက်လိုက်တာတွေ၊ ဘာတွေ မရှိပါဘူး။ နှစ်ဖက်စလုံးကိုပဲ ပေးပါတယ်။”

လက်ရှိမှာတော့ ကူညီကယ်ဆယ်ရေးအတွက် အစိုးရအဖွဲ့တွေနဲ့ တခြား နိုင်ငံတကာ အကူအညီပေးရေး အဖွဲ့တွေ ပူးပေါင်းပြီးတော့ ဆောင်ရွက်တာ မရှိသေးဘူးလို့လည်း ဆိုပါတယ်။

“ အခုလောလောဆယ်တော့ ဘာမှ မသိရသေးဘူး။ သူတို့လည်း အဲ့ဒီ့ဘက်တွေက မမျှော်လင့်ပဲ ပြန်ဖြစ်လာတဲ့အခါကျတော့ ကျနော်တို့က ဒီဘက်ဖြစ်နေတဲ့ဟာတွေပဲ ပြီးပြီဆိုပြီးတော့ နောက်ထပ်ဖြစ်တာတွေက မမျှော်လင့်ပဲ ဖြစ်သွားတဲ့ အခါကျတော့ လောလောဆယ် ဒီမှာပဲ ပုံနေတာပေါ့။ အဲ့ဖက်တွေ အခုသွားဖို့ပြင်ဆင်နေပါပြီ။ ကြက်ခြေနီအဖွဲ့တွေ၊ ဘာတွေရောပဲ အခုပဲ ကျနော်တို့ပြည်နယ်ရုံးမှာ သူတို့ဆောင်ရွက်နေပါတယ်။ ကယ်ဆယ်ရေးပစ္စည်းတွေ လုပ်ဖို့။”

ပြည်နယ်အစိုးရရဲ့ စာရင်းအရ အခုတခေါက် ထပ်ဖြစ်တဲ့ ပဋိပက္ခတွေကြောင့် ဒုက္ခရောက်နေသူပေါင်း ၄ ထောင်ဝန်းကျင် လောက်ရှိတယ်လို့ ပြောပါတယ်။ အခုလို ဒုက္ခရောက်နေကြသူတွေအတွက် ရခိုင်ပြည်နယ်ထဲက ဝံလက် ကျေးလက်ဒေသ ဖွံ့ဖြိုးရေးဖောင်ဒေးရှင်းကလဲ အကူအညီတွေ ပေးနေပါတယ်။ ဝံလက် အဖွဲ့ပြောခွင့်ရသူ ကိုခိုင်ကောင်းစံက သူတို့ ဘယ်လိုကူညီနေသလဲဆိုတာကို ခုလိုပြောပြပါတယ်။

“ဝံလက်ဖောင်ဒေးရှင်းကနေ လူငယ် ၂၀ကနေ ၃၀လောက်အထိ ကွင်းဆင်းပြီးတော့ အလှူခံပါတယ်။ ရတဲ့အလှူငွေတွေကို ကျနော်တိ်ု့ စစ်တွေမြို့ ပြည်သူ့ဆေးရုံမှာ ရောက်ရှိနေတဲ့ ရသေ့တောင်မြို့နယ်၊ ကျောက်တော်မြို့နယ်၊ မြောက်ဦးမြို့နယ်၊ နောက်ပြီးတော့ မင်းပြားမြို့နယ်တွေက လာတဲ့ လူနာတွေ လာပြီးဆေးကုသမှုခံနေတဲ့ လူနာတွေ၊ နောက် ရန်ကုန်ကို ပို့နေရတဲ့ လူနာတွေ၊ အဲ့တာတွေကို ကျနော်တို့က ငွေကြေးသွား လှူဒါန်းပါတယ်။

ဒီနေ့မှာဆိုရင် ကျနော်တို့ ကျောက်ဖြူမြို့ကို  ဝံလက်ဖောင်ဒေးရှင်းက ဒါရိုက်တာ ဦးဆောင်ပြီးတော့မှ သွားနေပါတယ်။ ဘာကြောင့်ဆိုတော့ ကျောက်ဖြူမှာ မီးလောင်ခံထားရတဲ့ မိသားစုတွေရှိပါတယ်။ နောက် ဆေးရုံတက်နေရတဲ့ လူနာတွေ ရှိတယ်။ နောက် ကျောက်တော်၊ မြောက်ဦးကိုလည်း ကျနော်တို့ ဆေးရုံတက်နေရတဲ့ လူနာတွေအတွက်ရော၊ မီးရှို့ခံရတဲ့သူတွေအတွက်ရော ကျနော်တို့ စစ်တွေမှာ အလှူခံကောက်ပြီးမှ အဲ့ဒီ့ကို သွားလှူဒါန်းနေပါတယ်ခင်ဗျ။”

ဒီရက်ပိုင်းပြန်ဖြစ်တဲ့ ပဋိပက္ခတွေကြောင့် ဆေးရုံတွေမှာ ကုသမှုခံယူနေရသူပေါင်း ၅၀ လောက်ရှိတယ် လို့လဲ ဝံလက်အဖွဲ့က ဆိုပါတယ်။

“ကျောက်ဖြူမြို့နယ်၊ မြေပုံမြို့နယ် နောက်ပြီးတော့ စစ်တွေ၊ မြောက်ဦး၊ နောက်ပြီးတော့ ရသေ့တောင်၊ မင်းပြားပါခင်ဗျ။  ကျောက်တော်ရော ပါ ပါတယ်ခင်ဗျ။ လူနာ ၅၀လောက်ရှိပါတယ်ခင်ဗျ။”

မေး။   ။ အဲ့တော့ သူတို့ကရော ဘယ်လိုဒဏ်ရာတွေ ရတာများပါလဲရှင့်။

“အဲ့ဒီ့မှာ ဓားဒဏ်ရာ တချို့ပါတယ်။ နောက်ပြီးတော့ ဂျင်ကလိလို့ခေါ်တဲ့ မြှားနဲ့ပစ်တဲ့ ဒဏ်ရာ၊ နောက် မီးနဲ့ အပစ်ခံရတဲ့ ဒဏ်ရာပါ ပါတယ်။ နောက် ကျည်ဆံထိတဲ့ လူနာတွေလည်း ပါပါတယ်ခင်ဗျ။”

မေး။  ။ ကျည်ထိတယ်ဆိုတော့ ကျည်က ဘယ်သူပစ်တာပါလဲရှင့်။

“ လူနာနဲ့ပါလာတဲ့သူတွေက သူတို့က ပြောရခက်တယ်လို့ ပြောပါတယ်ခင်ဗျ။ ဒါပေမယ့် မနေ့က ကျောက်တော်မှာ ဖြစ်တဲ့ဟာဆိုရင် စစ်တပ်က ပစ်တယ်ဆိုတဲ့သတင်းက ခိုင်ခိုင်လုံလုံ ပြောနေကြပါတယ်ခင်ဗျ။

ရခိုင်ပြည်နယ်မှာဖြစ်ပွားတဲ့ အကြမ်းဖက်မှုတွေကို သက်ဆိုင်ရာက ထိထိရောက်ရောက် အရေးယူသွားမယ်လို့ သမ္မတရုံးက ကြာသပတေးနေ့တုန်းက ကြေညာချက်ထုတ်ပြန်ခဲ့ပါတယ်။ ဒါ့အပြင် ပဋိပက္ခရဲ့ နောက်ကွယ်ကနေ ကြိုးကိုင်လှုပ်ရှားနေတဲ့ လူပုဂ္ဂိုလ်နဲ့ အဖွဲ့အစည်းတွေ ရှိနေတာကိုလဲ ဖော်ထုတ်ပြီးတော့ ဥပဒေအရ အရေးယူသွားမယ် လို့ ကြေညာချက် ထဲမှာ ဖော်ပြထားပါတယ်။

ဥပဒေ အကောင်အထည်ဖော်မှု အားနည်း၍ ပြဿနာကြုံရဟု ALP ဆို

နယူးဒေလီ (မဇ္ဈိမ) ။        ။ လူဝင်မှုကြီးကြပ်ရေး ဥပဒေကို တာဝန်ရှိသူများ အကောင်အထည် ဖော်ရာတွင် အားနည်းခဲ့၍ ယနေ့ပြဿနာများ ကြုံတွေ့နေရခြင်း ဖြစ်သည်ဟု ရခိုင်ပြည် လွတ်မြောက်ရေး ပါတီ (ALP)က ပြောဆို လိုက်သည်။

ထို့ကြောင့် စက်တင်ဘာလအတွင်းက ရသေ့တောင်မြို့တွင် ကျင်းပခဲ့သည့် ရခိုင် လူထု အစည်းအဝေး ဆုံးဖြတ်ချက် အတိုင်း ၁၉၈၂ ခုနှစ် လူဝင်မှုကြီးကြပ်ရေး ဥပဒေကို တိကျစွာ အကောင်အထည်ဖော်ရန် ALP အထွေထွေ အတွင်းရေးမှူး ခိုင်သုခ က ပြောသည်။

“ဥပဒေကတော့ ရှိနေတယ်။ ဒါပေမယ့်လို့ နယ်စပ်မှာရှိတဲ့ အရာရှိတွေ လာဘ်စားတာတို့၊ တခြားနည်းမျိုးစုံနဲ့ ခိုးဝင်တဲ့ သူတွေဆီက လာဘ်စားတာတို့၊ ကိုယ့်တိုင်းပြည်ထဲမှာ တဘက်နိုင်ငံက လူတွေ ပြည့်သွားတာပေါ့။ အဲဒါကြောင့်မို့လို့ ကိုယ့်တိုင်းပြည်ထဲမှာ ရှိတဲ့ ဥပဒေကို ဥပဒေအတိုင်းပဲ တင်းတင်းကြပ်ကြပ် ကိုင်တွယ်သွားရေး၊ ဥပဒေအတိုင်း အကောင်အထည်ဖော်သွားရေး ကျနော်တို့က ပြောတာပါ။ အစိုးရက သူ့အလုပ်သူ မလုပ်လို့ ပြည်သူက မခံမရပ်နိုင် လို့ ထလုပ်ရတာ” ဟု မဇ္ဈိမကို ပြောသည်။

ဧပြီလအတွင်းက အစိုးရနှင့် အပစ်အခတ်ရပ်စဲရေး ရရှိထားသည့် ALP အနေနှင့် ရခိုင်လူမျိုးတို့အား မြန်မာစစ်တပ်မှ ပစ်ခတ်နေခြင်းကိုလည်း ကန့်ကွက်ကြောင်းလည်း ကြာသပတေးနေ့ ကြေညာချက်တွင် ပါရှိသည်။

“အကုန်လုံးကို ခြုံပြီးကြည့်ရင် အစိုးရကနေပြီးတော့ နိုင်နိုင်နင်းနင်း မကိုင်တွယ်နိုင်ဘူး ဆိုတဲ့ဥစ္စာကို ပြနေတာပဲ။ ဦးသိန်းစိန် အစိုးရက ပြောထားတာ ရှိပါတယ်။ သူ့အနေနဲ့ ရခိုင်ဘက်ကလည်း မပါဘူး။ ဘင်္ဂလီဘက်ကလည်း မပါဘူး။ ကြားက ရပ်တည်မယ်ဆိုတဲ့ ဥစ္စာမျိုး။ တကယ်ပြောမယ်ဆိုရင်တော့ ဘင်္ဂါလီ က တဘက်နိုင်ငံက ခိုးဝင်လာ တာ။ ရခိုင်က ညီအကို တိုင်းရင်းသားဗျ” ဟု ခိုင်သုခ က ဆိုသည်။

ALP ကို ၁၉၆၇ ခုနှစ်တွင် ရန်ကုန်မြို့၌ စတင်တည်ထောင်ခဲ့ပြီး ၁၉၇၄ မှစ၍ လက်နက်ကိုင်လမ်းစဉ်ဖြင့် လှုပ်ရှားဆောင်ရွက်ခဲ့သည်။

တနင်္ဂနွေနေ့မှ ပြန်လည်စတင်လာသည့် အကြမ်းဖက်မှုများကြောင့် ယခုအခါ ကျောက်ဖြူ၊ မင်းပြား၊ မြေပုံ၊ မြောက်ဦး မြို့နယ်များ၌ အောက်တိုဘာလ ၂၄ ရက်နေ့အထိ သေဆုံး သူပေါင်း ၁၂ ဦး၊ ဒဏ်ရာရသူ ၅ဝ ဦးနှင့် လူနေအိမ် ၁၉၄၈ ဆောင်၊ ဘာသာရေး အဆောက်အဦ ၈ ခု မီးလောင်၍ ပျက်စီးဆုံးရှုံး ခဲ့ရသည်ဟု သမ္မတ ရုံးမှ ကြာသပတေးနေ့က ထုတ်ပြန်ကြေညာခဲ့သော်လည်း အတည်မပြုနိုင်သေးသည့် သတင်းရပ်ကွက်များကမူ သေဆုံးသူဦးရေ ၁ဝဝ ကျော်ရှိနေသည်ဟု ဆိုကြသည်။

ပထမ စတင်ခဲ့သော အကြမ်းဖက်မှုများအတွင်း ဇွန်လ ၁၄ ရက်အထိ သေဆုံးသူ ၅ဝ ဦး၊ ဒဏ်ရာရရှိသူ ၅၄ ဦးရှိခဲ့ပြီး လူနေအိမ် ၂,၂၃ဝ လုံးနှင့် ဘာသာရေး အဆောက်အဦ ၁၄ ခု မီးလောင်ဆုံးရှုံးခဲ့ကာ ၆၁,၄၆၂ ဦး အိုးမဲ့အိမ်မဲ့ ဖြစ်ကာ ဒုက္ခသည်စခန်းများသို့ ရောက်ခဲ့ရကြောင်း ကြာသပတေးနေ့ထုတ် သမ္မတရုံး သတင်းထုတ်ပြန်ချက်တွင် ဖော်ပြထား သည်။

တရားလွှတ်တော်ချုပ် အဆောက်အဦး ထိန်းသိမ်းရေး ညှိနှိုင်းဆောင်ရွက်မည်

သမ္မတရုံး ပြည်ထောင်စုဝန်ကြီး ဦးစိုးသိန်းဟာ ရှေ့နေကွန်ယက် ဦးဆောင်သူတွေနဲ့ တွေ့ဆုံ ခဲ့ပြီးတော့ ရှေးဟောင်း အဆောက်အဦးတွေ ဖြစ်တဲ့ ရန်ကုန်တိုင်း ဒေသကြီး တရားလွှတ်တော်နဲ့ ရန်ကုန်တိုင်း တရားရုံးတွေကို ပြတိုက်နဲ့ ဟိုတယ်လုပ်မယ့် စီမံကိန်း ကိစ္စကိုပါ ပြောဆို ဆွေးနွေး ခဲ့ကြပါတယ်။ ရှေ့နေတွေက ဒီစီမံကိန်းကို ရပ်ဆိုင်းဖို့ လိုလားတာကြောင့် အများသဘောမတူရင် မလုပ်တော့ဘူးလို့ ပြည်ထောင်စု ၀န်ကြီး ဦးစိုးသိန်းက တုံ့ပြန်ခဲ့ပါတယ်။ ဒီလို ရှေးဟောင်း အဆောက်အဦးတွေ ထိန်းသိမ်းရေးအတွက်လည်း ပညာရှင်တွေနဲ့ တိုင်ပင်မှုတွေ ရှိနေတယ်လို့ ဒီကနေ့ ရန်ကုန်တိုင်း ဒေသကြီး လွှတ်တော်မှာ လုပ်ခဲ့တဲ့ အဲဒီဆွေးနွေးပွဲမှာ ပြောပါတယ်။ ဒီအကြောင်းကို သွားရောက် သတင်းယူခဲ့တဲ့ သတင်းထောက် ကိုအောင်ရဲမောင်မောင်က တင်ပြထားပါတယ်။

နိုင်ငံတော် သမ္မတရုံး ၀န်ကြီး ဦးစိုးသိန်းနဲ့ ရှေ့နေများကွန်ယက် က ဦးဆောင်သူပိုင်း အချို့ဟာ ဒီကနေ့ ရန်ကုန်တိုင်း ဒေသကြီး လွှတ်တော်တွင်းမှာ တွေ့ဆုံခဲ့ကြတာပါ။ နိုင်ငံတော် သမ္မတရုံး ၀န်ကြီး ဦးစိုးသိန်းက ရှေ့နေတွေနဲ့ ပြည်သူတွေ သဘောမတူဘူး ဆိုရင် တရားရုံးတွေကို ဟိုတယ်နဲ့ ပြတိုက် ပြုလုပ်ဆောင်ရွက် သွားမှာမဟုတ်ဘူးလို့ ပြောဆိုသွားပါတယ်။

“သို့သော်လည်းပဲ သမ္မတကြီးက မှာလိုက်ပါတယ်။ အကယ်၍ ဒီလို လုပ်တာကိုမှ မနှစ်သက်ဘူးဆိုရင် ကျနော်တို့က မလုပ်ဖို့ပဲ ရှိပါတယ်။ ရှေ့နေကွန်ယက် ကသော်လည်းကောင်း၊ အခြား အဖွဲ့အစည်းကသော်လည်းကောင်း၊ ထိန်းသိမ်းသင့်တယ်၊ ကျနော်တို့ fund ရှာမယ် ဆိုရင် ခေါ်ခဲ့ပါ။ ကျနော်တို့က လုပ်မယ့်သူတွေကို မလုပ်နဲ့တော့။ ဒီမှာ လုပ်မယ့် ရှေ့နေအဖွဲ့ရှိတယ်။ ဒါက တနည်းပါ။ သူတို့က လုပ်မယ်ဆိုရင်လည်း ကျနော်တို့က မလုပ်ခိုင်းပါဘူး။ အဲဒီမှာရှိတဲ့ ရှေ့နေချုပ်၊ ရန်ကုန်တိုင်း ရှေ့နေချုပ်ရယ်၊ ရန်ကုန်တိုင်း မြို့တော်ဝန်ရယ်၊ ကျနော်တို့ရယ် ကြပ်မတ်ပြီးတော့မှ ဘာလုပ်ပါ၊ ဘာလုပ်ပါ ပြောမှပါ။”

သမ္မတရုံးဝန်ကြီး ဦးစိုးသိန်းက ပြည်တွင်းမှာရှိတဲ့ ရှေးဟောင်း အဆောက်အဦးတွေ အပါအ၀င် ကိုလိုနီခေတ်က ရှိခဲ့တဲ့ ရှေးဟောင်း အဆောက်အဦးတွေ ကိုပါ ရှေးမူမပျက် ထိန်းသိမ်းဖို့ UNESCO အပါအ၀င် သမိုင်း ပညာရှင် အဖွဲ့တွေနဲ့လည်း တိုင်ပင် ဆောင်ရွက် သွားမယ်လို့ သူက ပြောခဲ့ပါသေးတယ်။

ပုဂ္ဂလိကပိုင် ပေးစဉ်က ပါဝင်သွားခဲ့တဲ့ နိုင်ငံ့ဂုဏ်ဆောင် အထင်ကရ High Court လို့ သိကြတဲ့ တရားလွှတ်တော်ချုပ်ရုံး နဲ့ ရန်ကုန်တိုင်းဒေသကြီး တရားရုံး လို့ခေါ်တဲ့ စုပေါင်းရုံးတွေကို မူလအတိုင်း ရှေးမူမပျက် ထိန်းသိမ်းပေးဖို့ အာဏာပိုင်တွေကို တောင်းဆိုတဲ့ အပေါ်မှာ တစုံတရာ လိုက်လျောပေးတာတွေ မရှိတာကြောင့် မြန်မာနိုင်ငံ ရှေ့နေများကွန်ယက် က ရှေ့နေအင်အား ၁၀၀ ကျော်နဲ့ အောက်တိုဘာ လ ၁၇ ရက်နေ့မှာ ဆန္ဒ ထုတ်ဖော်ခဲ့ကြပါတယ်။

ဒီကနေ့ ဆွေးနွေးပွဲမှာ အဲဒီနေ့က ဆန္ဒပြခဲ့ကြတဲ့ ရှေ့နေကွန်ယက်က ရှေ့နေတချို့ ပါဝင်ခဲ့ကြပြီး တရားရုံးတွေ အပေါ်မှာ ၀န်ကြီး ရှုမြင်ချက်ဟာ အလွန်ပဲ သင့်တော်တယ် လို့ တရားလွှတ်တော် ရှေ့နေ ဦးကိုနီက ပြောပါတယ်။

“တရားရုံး အဆောက်အဦးတွေကို လုပ်ငန်းရှင်တွေကို ပေးတဲ့ကိစ္စနဲ့ ပတ်သက်ပြီး ကျနော်တို့ ရှေ့နေကွန်ယက် ကနေပြီးတော့ သမ္မတကြီးဆီလည်း စာပို့ပေးပါတယ်။ သို့သော်လည်းပဲ အခုမှ ဒီနေ့မှာ ဒီစာဟာ ရောက်ချင်မှလည်း ရောက်မယ်ဆိုတာတောင် အခုမှ ကျနော်တို့ သိရတယ်ပေါ့လေ။ သို့သော်လည်းပဲ ဘာပဲဖြစ်ဖြစ် ဒီကနေ့ ကျနော်တို့ ဆန္ဒပြလိုက်တဲ့ ၁၇ ရက်နေ့က ဆန္ဒပြပွဲဟာ ဘာပဲဖြစ်ဖြစ် လူကြီးတွေ သတိထားမိသွားတယ် ဆိုတဲ့အချက်ကို ကျနော်တို့ ရလိုက်တယ်။ နောက် ပိုပြီးတော့ ၀မ်းသာစရာ ကောင်းတာက လူကြီးတွေက သတိထားမိရုံတင် မကဘူး။ ကျနော်တို့ကို ခေါ်ပြီးတော့ ဆွေးနွေးတဲ့အပြင် တော်တော်လေးကို လေးလေးစားစား တန်ဖိုးထားပြီးတော့ ဆွေးနွေးတဲ့အတွက်လည်း ကျနော်တို့ တော်တော်လေး ၀မ်းသာပါတယ်။ နောက်ပြီးတော့ ကျနော် မျှော်လင့်ပါတယ်၊ ကျနော်တို့ရဲ့ ဒီတင်ပြချက်တွေကို ၀န်ကြီး ဦးစိုးသိန်းက သမ္မတကြီးဆီကို ပြန်ပြီး သယ်ဆောင်သွားပေးမယ်။ ပြီးတော့ သမ္မတကြီးလည်းပဲ စဉ်းစားမယ်လို့ ကျနော်တို့ ထင်တယ်။ ဘာကြောင့်လဲ ဆိုတော့ သေချာတာက အခု ကျနော် ပြောသမျှသည် ကျနော်တို့ ကိုယ်ရေးကိုယ်တာ လုံးဝ မပါဘဲနဲ့ အမျိုးသား အကျိုးစီးပွား၊ နိုင်ငံ့ အကျိုးစီးပွား၊ နိုင်ငံ့ ဂုဏ်သိက္ခာနဲ့ ပတ်သက်တဲ့ အကြောင်းအရာတွေ ဖြစ်တဲ့အတွက် ကျနော်တို့က ဒီအကြောင်းအရာတွေ ဖြစ်တဲ့အတွက် ကျနော်တို့က ဒီ တရားရုံးကိစ္စတွေဟာ အဆင်ပြေသွားလိမ့်မယ်။ သမ္မတကြီးကတော့ အကောင်းဆုံးဖြစ်အောင် တခုခု စီစဉ်ပေးမယ်လို့တော့ ကျနော် ယုံကြည်ပါတယ်။”

အရှေ့တောင်အာရှ ဒေသတွင်းမှာ နောက်ဆုံး ရှေးဟောင်း အဆောက်အဦး အများဆုံး ကျန်ရှိနေတဲ့ ရန်ကုန်မြို့က အဆောက်အဦးတွေကို ထိန်းသိမ်းဖို့ နိုင်ငံတော် သမ္မတကြီးနဲ့ တင်ပြ ဆွေးနွေးဖို့ ရှိတယ်လို့လည်း သမိုင်းပညာရှင် ဦးသန်းမြင့်ဦးက ဗွီအိုအေ ကို ပြောပါသေးတယ်။

“ဒါကတော့ နှစ်မျိုး ကြည့်လို့ရတယ်။ တမျိုးကတော့ ဟုတ်ပါတယ်။ ဒါကတော့ သေချာ မထိန်းသိမ်းတာ ကြာပြီ။ နောက်တခုက ဒါက တမျိုးကြည့်မယ် ဆိုရင်တော့ ရန်ကုန်မြို့ တမြို့ပဲ အာရှမှာ ကျန်တော့တယ်။ ဒီလိုမြို့မျိုး။ ဘာဖြစ်လို့လဲ ဆိုတော့ ကျနော်တို့က နှစ် ၅၀ လုံးလုံး သေချာ တခြားနိုင်ငံတွေလို ဖွံ့ဖြိုးမှု မရှိတဲ့အတွက် ကျနော်တို့က အဆောက်အဦးတွေ အဟောင်းတွေ အများကြီး ရှိနေတယ်။ ဒါက တန်ဖိုးကလည်း အများကြီးရှိတယ်၊ ဒီအချိန်မှာ။ ဘာဖြစ်လို့လဲ ဆိုတော့ အရှေ့တောင်အာရှမှာ ဒီလိုမြို့ မျိုး မရှိတော့ဘူး။ အဲဒီတော့ ကျနော်တို့က သေချာ  စဉ်းစားရမှာက။ အဲဒီရှိတဲ့ legacy နဲ့ ကျန်ခဲ့တဲ့ heritage နဲ့ ဘယ်လို သုံးမလဲ၊ ပြည်သူလူထုအတွက် ဘယ်လို သုံးနိုင်မလဲ။ အစီအစဉ်တခု ရှိရမယ်။ ရန်ပုံငွေကြေး သေချာ ရှာရမယ်။ အကုန်လုံး စနစ်တကျနဲ့ လုပ်ရမယ်လို့ ကျနော် ထင်တယ်။ ကျနော်တို့က အစိုးရနဲ့တော့ ဆွေးနွေးတာ ၆ လ၊ ၉ လလောက် ရှိပါပြီ။ ၀န်ကြီး ဦးစိုးသိန်းနဲ့ တခြား ၀န်ကြီးတွေနဲ့ တွေ့တာ သုံးလေးခါလောက် ရှိပါပြီ ဒီကိစ္စနဲ့။ ကျနော်တို့က နောက် တလအတွင်း basic plan ပေါ့၊ basic idea တွေ၊ recommendation တွေကို ၀န်ကြီးတွေနဲ့ ဖြစ်နိုင်ရင် သမ္မတကြီး ကိုယ်တိုင်ကို တင်ပြဖို့ အစီအစဉ် ရှိပါတယ်။”

ရန်ကုန်တိုင်း ဒေသကြီး အတွင်း ဒီကနေ့ အောက်တိုဘာလ ၂၇ ရက်နေ့မှာ ပြုလုပ်ခဲ့တဲ့ သတင်းစာရှင်းလင်း ပွဲမှာ သမ္မတရုံး ၀န်ကြီး ဦးစိုးသိန်း၊ ရန်ကုန်တိုင်းဒေသကြီး ၀န်ကြီးချုပ် ဦးမြင့်ဆွေ၊ ရန်ကုန်မြို့တော်ဝန် တို့ တက်ရောက် ခဲ့ပြီး ရှေ့နေ ကွန်ယက်က ရှေ့နေများနဲ့ ညှိနှိုင်း ဆွေးနွေးခဲ့တာ ဖြစ်ပါတယ်။

Sandy မုန်တိုင်း ဟာရီကိန်းအဖြစ် ပြန်အားကောင်း

စန္ဒီ (Sandy) ဟာရီကိန်း မုန်တိုင်းကို အပူပိုင်း မုန်တိုင်းအဖြစ် အဆင့်လျှော့ချခဲ့ပြီးတဲ့နောက် မကြာခင်မှာပဲ အန္တလန္တိတ် သမုဒ္ဒရာဘက်ခြမ်း အမေရိကန် ပြည်ထောင်စု အရှေ့ဘက် ကမ်းခြေတကြောမှာ စနေနေ့ ဒီကနေ့မှာတော့ ဟာရီကိန်း မုန်တိုင်းအဖြစ် ပြန်လည် အသွင်ကူးပြောင်းသွားပါပြီ။ မုန်တိုင်းဟာ ဗဟိုချက်ကနေ မိုင် ၁၀၀ အ၀န်းအ၀ိုင်း အထိ ကျယ်ပြန့်ပြီး ကြီးမားတဲ့ ဆိုင်ကလုန်း မုန်တိုင်းအသွင် ပြောင်းနေတယ်လို့ အမေရိကန် အမျိုးသား ဟာရီကိန်း စောင့်ကြည့်ရေးဌာနက ပြောပါတယ်။

စန္ဒီ မုန်တိုင်းဟာ အမေရိကန် ပြည်ထောင်စု အရှေ့ဘက် ကမ်းခြေတကြော တောင်ပိုင်း ဖလော်ရီဒါပြည်နယ် ကနေ မြောက်ပိုင်း မန်ဆာချူးဆက် ပြည်နယ် နယူးအင်္ဂလန် အထိ အင်အားပြင်းထန်စွာ ၀င်ရောက် တိုက်ခိုက်ဖို့ ရှိတာကြောင့် သန်းနဲ့ချီတဲ့ ပြည်သူတွေ ဒုက္ခရောက်နိုင်ပါတယ်။ ကာရေဘီယံ ဒေသမှာ ဆန်ဒီ ဟာရီကိန်း မုန်တိုင်း ဖြတ်သန်း တိုက်ခိုက်ခဲ့တာကြောင့် အနည်းဆုံး ၄၃ ယောက် သေဆုံးခဲ့ရပါတယ်။ တနင်္ဂနွေနေ့ညမှာ အင်အား ပိုပြင်းလာဖို့ အလားအလာ ရှိတယ်လို့ ခန့်မှန်းထားပေမဲ့ အခုလောလောဆယ် စန္ဒီ မုန်တိုင်းဟာ တနာရီ ၇၅ မိုင်နှုန်းနဲ့ တိုက်ခိုက်နေပါတယ်။

မုန်တိုင်းရဲ့ အရှည်ကြောင့် လေက မြောက်ဘက်နဲ့ အနောက်ဘက်ကနေ တိုက်ခိုက်မှာ ဖြစ်တဲ့ အကြောင်း လေတိုက်နှုန်း ပြင်းမှာဖြစ်သလို မိုးကြီးနိုင်ကြောင်း ကုန်းမြင့်ပိုင်း တောင်ပေါ်ဒေသတွေမှာ လည်း ဆီးနှင်းကျမယ့် အလားအလာ ရှိတယ်လို့ မိုးလေ၀သနဲ့ ဇလဗေဒ ဌာနက ခန့်မှန်းထားပါတယ်။

စန္ဒီ မုန်တိုင်းဟာ ဘဟားမားစ်၊ ကျူးဘား၊ ဟေတီ နဲ့ ဂျမေကာ နိုင်ငံတွေ ကို ဖြတ်သန်းခဲ့ပြီး မြောက်ဘက်ကို ဦးတည် ရွေ့လျားနေပါတယ်။ ၀ါရှင်တန်ဒီစီ၊ မယ်ရီလန်း၊ ဗာဂျီးနီးယားနဲ့ မြောက် ကာရိုလိုင်းနား ပြည်နယ်တွေမှာတော့ အရေးပေါ် ကြေညာချက် ထုတ်ပြန်ထားပြီး ဖြစ်ပါတယ်။ တနင်္လာနေ့ညပိုင်းနဲ့ အင်္ဂါနေ့မှာ ဒယ်လက်ဝဲ နဲ့ နယူးဂျာစီ ပြည်နယ် ကုန်းတွင်းပိုင်းကို စန္ဒီမုန်တိုင်း ၀င်ရောက် တိုက်ခိုက်နိုင်တယ်လို့ ခန့်မှန်းထားပါတယ်။

ကမ္ဘာ့ဘဏ် သန်း ၈၀ အကူအညီ အပစ်ရပ်ဒေသများ အတွက် ဖြစ်

ကမ္ဘာ့ဘဏ်မှ ဆောင်ရွက်မည့် ရပ်ရွာအခြေပြု ဖွံ့ဖြိုးရေးလုပ်ငန်းများ (Community Driven Development – CDD) သည် အပစ်အခတ် ရပ်စဲထားသည့် ဒေသများ အတွက်သာ ပါဝင်ကြောင်း  ကမ္ဘာ့ဘဏ် မြန်မာနိုင်ငံ ကိုယ်စားလှယ် မစ္စတာ ခန်သန်ရှန်ကာ (Kanthan Shankar) က ပြောသည်။

တိုက်ပွဲများကြောင့် အိုးအိမ်ပစ်ခွာ တိမ်းရှောင်ရသူတချို့ကို ကရင်ပြည်နယ်တနေရာတွင် ယမန်နှစ်က တွေ့ရစဉ် (ဓာတ်ပုံ – FBR)

“ကျနော်တို့ဟာ စီးပွားရေး အဖွဲ့အစည်း ဖြစ်တဲ့အတွက် နိုင်ငံရေးမှာ ပါမှာမဟုတ်ပါဘူး။ ဘာလုပ်မလဲဆိုတော့ CDD လိုမျိုး အစီအစဉ်တွေကို အပစ်ရပ်ထားတဲ့နေရာတွေမှာ လုပ်ပါမယ်။ အဲဒီဒေသက ပြည်သူတွေက ရွေးချယ်ရပါလိမ့်မယ်။ CDD နဲ့တော့တူမယ်။ ဒါပေမယ့် အဲဒီအစီအစဉ်လုပ်ဖို့ အပစ်အခတ် ရပ်စဲထားတဲ့နေရာ ဖြစ်ရပါမယ်” ဟု မစ္စတာ ခန်သန်ရှန်ကာက မြန်မာနိုင်ငံမှ အရပ်ဘက် လူ့အဖွဲ့အစည်းများနှင့် တွေ့ဆုံစဉ်ပြောခဲ့သည်။

မြန်မာနိုင်ငံအတွက် ရပ်ရွာအခြေပြု ဖွံ့ဖြိုးရေးလုပ်ငန်းများအတွက် ရန်ပုံငွေ ဒေါ်လာ သန်း ၈၀ သတ်မှတ်ထားပြီး ယင်းလုပ်ငန်းများကို ၂၀၁၃ တွင် စတင်နိုင်ရန်မျှော်လင့်ထားသည်။ စီမံကိန်းများကို မည်သည့် ပုံစံဖြင့် ဖော်ဆောင်မည်ဟူသော စီမံကိန်းအစီအစဉ်ကို နိုဝင်ဘာလတွင် ကမ္ဘာ့ဘဏ်ဘုတ်အဖွဲ့က ဆုံးဖြတ်ချက် ချတော့မည် ဖြစ်သည်။

ကမ္ဘာ့ဘဏ်က ရပ်ရွာအခြေပြု ဖွံ့ဖြိုးရေးလုပ်ငန်းများကို ကိုင်တွယ် အကောင် အထည်ဖော်ရန် မြန်မာအစိုးရ၏ ကျေးလက်ဖွံ့ဖြိုးရေးဌာနကို ရွေးချယ်ထားပြီး ရန်ပုံငွေများသည် ယင်းဌာနမှတဆင့် စီးဆင်းမည်ဖြစ်သည်။

အစိုးရ စီမံမည်ဖြစ်သောကြောင့် အရပ်ဖက်လူ့အဖွဲ့အစည်းများက ပွင့်လင်းမြင်သာမှုရှိရေးနှင့် ခြစားမူ ကင်းစင်ရေးအတွက် သံသယရှိသော်လည်း ကမ္ဘာ့ဘဏ်၏ လမ်းညွန်ချက်နှင့်အညီ လုပ်ကိုင်ရမည်ဖြစ်ပြီး ယင်းနည်းလမ်းသည် အာဖဂန်နစ္စတန်၊ အရှေ့တီမော၊ အင်ဒို ကဲ့သို့သော နိုင်ငံများတွင် အလုပ်ဖြစ်ခဲ့သဖြင့် မြန်မာပြည်တွင်လည်း အသုံးတည့်မည်ဖြစ်ကြောင်း မစ္စတာ ခန်သန်ရှန်ကာက ပြောသည်။

ကမ္ဘာ့ဘဏ်၏ CDD အစီအစဉ်သည် ပဋိပက္ခဖြစ်ပွားသည့် နိုင်ငံများတွင် အလျင်အမြန် နာလန်ထနိုင်ရန်အတွက် ဆောင်ရွက်သည့် အစီအစဉ်ဖြစ်ပြီး လမ်းဖောက်၊ တံတားဆောက်၊ ရေကန်တူးခြင်းကဲ့သို့သော ဒေါ်လာ ၂ သောင်း ပတ်ဝန်းကျင် ကုန်ကျမည့် အသေးစား စီမံကိန်းများဖြစ်ကြောင်း၊ တိုင်းနှင့်ပြည်နယ် ၁၄ ခုမှ ဆင်းရဲမွဲတေပြီး အစိုးရအထောက်အပံ့ ပြတ်လပ်နေသည့် မြို့နယ် ၁၅ ခုတွင် အကောင်အထည် ဖော်သွားရန် ရည်ရွယ်ထားကြောင်း သိရသည်။

မြန်မာနိုင်ငံအနေနှင့် ကမ္ဘာ့ဘဏ်၊ အာရှဖွံ့ဖြိုးရေးဘဏ်တို့အပေါ် တင်နေသည့် အကြွေးများကို  ၂၀၁၃ အမီ ပေးဆပ်ရမည် ဖြစ်ပြီး ကြွေးဟောင်းများကင်းပါက ကြွေးသစ်များ ချေးယူနိုင်မည်ဖြစ်သည်။

ကမ္ဘာ့ဘဏ်ကလည်း မြန်မာနိုင်ငံ အကြွေးများ ဆပ်ပြီးပါက စွမ်းအင်ကဏ္ဍ၊ လျှပ်စစ်မီးကဏ္ဍနှင့် အများပြည်သူအတွက် ကြီးမားစွာအကျိုးရှိမည့် ကဏ္ဍများတွင် ၀င်ရောက်မြှုပ်နှံလိုသည်ဟု မစ္စတာ ခန်သန်ရှန်ကာက ပြောသည်။