“နိုင်ငံရေးမှာ စောတာ နှေးတာ မရှိဘူး” ABSDF ဒုဥက္ကဋ္ဌ ဦးမျိုးဝင်းနှင့် တွေ့ဆုံခြင်း
|
10:23 AM |
No မှတ်ချက် |
ABSDF အနေနဲ့ လက်ရှိ ငြိမ်းချမ်းရေး ဖော်ဆောင်မှု အဖွဲ့တွေက တွေ့ဆုံဆွေးနွေးဖို့ ကမ်းလှမ်းထား တာရှိလား။
ဒီကမ်းလှမ်းထားတာတော့ ရှိတာပေါ့။ အားလုံးသိတဲ့အတိုင်းငြိမ်း ချမ်းရေး ဖော်ဆောင်ရေးအဖွဲ့က နှစ်ဖွဲ့ဖြစ်တာကိုး၊ ပြီးခဲ့တဲ့ကာလမှာ ဆို ဦးအောင်သောင်းဦးဆောင်တဲ့ အဖွဲ့က ငြိမ်းချမ်းရေးပြဿနာကို တန်းတူညီတူ ဖြေရှင်းဖို့ကမ်းလှမ်း လာခဲ့တယ်။ ABSDF က နိုင်ငံရေး ပြဿနာကို နိုင်ငံရေးနည်းအရ အဖြေရှာဖို့ ပြောတော့ ညှိနှိုင်း ဆောင်ရွက်မှုတွေပြုဖို့ သဘော တူခဲ့တယ်။ အလွတ်သဘောပေါ့။
ဟုတ်ကဲ့၊ ဝန်ကြီးဦးအောင်မင်း တို့နဲ့တွေ့တဲ့အခါ ဘာတွေဆွေးနွေး ဖြစ်ပါသလဲ။
ပြီးခဲ့တဲ့ကာလဆောင်ရွက်ခဲ့ တာကို ပြန်လည်သုံးသပ်ပြီးအမြင် ဖလှယ်တာပဲ ရှိပါသေးတယ်။ အလွတ်သဘောလို့ပဲပြောလို့ရမယ်။ ဒါပေမဲ့ ဦးအောင်မင်းကိုယ်တိုင် ဦး ဆောင်ပြီးတော့မှ ဒီကိုယ်စားလှယ် တွေက လာတွေ့တဲ့အပေါ်မှာ ဒီ ပဏာမတွေ့ဆုံဆွေးနွေးမှုလို့ ပြော လို့ရတာပေါ့။ သူတို့ရဲ့ ဆောင်ရွက် နေတဲ့ ငြိမ်းချမ်းရေး ဖော် ဆောင်ရေး လုပ်ငန်းစဉ်တွေကို ရှင်းလင်းပြီး သူတို့သွားချင်တဲ့ပုံစံကို ကျွန်တော် တို့ကို မိတ်ဆက်ပေးတယ်။ အဲဒီ အပေါ်မှာ ကျွန်တော်တို့ အမြင်တွေ၊ သဘောထားတွေ တောင်းခံတယ်။ နှစ်ဖက် အမြင်တွေ ဖလှယ်ကြတယ်။ပြည်တွင်းငြိမ်းချမ်းရေးအတွက် အမြင် မတူပေမယ့် နည်းလမ်းရှာပြီး ဆောင်ရွက်သွားနိုင်လိမ့်မယ်လို့ ကျွန်တော် တို့မျှော်လင့်ထားတယ်။
နောက်ထပ်တွေ့ဆုံဆွေးနွေးဖို့ ရှိပါသလား။
ဒုတိယအကြိမ်တွေ့ဖို့ သဘော တူထားတာရှိတယ်။ ဒါပေမဲ့ အချိန် နဲ့နေရာကတော့ ညှိနှိုင်းနေဆဲ အဆင့်မှာပဲရှိသေးတယ်။
ABSDF ရဲ့ လက်ရှိအခြေအ နေ၊ ရပ်တည်ချက်ကို ပြောပြပေးပါဦး။
ဒီနေ့အချိန်အထိ AB ဟာရှိ နေသေးတယ်။ စတင်ဖွဲ့စည်း က တည်းက နေရာအနှံ့အပြားမှာဖွဲ့ စည်းခဲ့တာကိုး။ အများစုကတော့ ဒီထိုင်းနယ်စပ်မှာပေါ့။ KNU မှာ တပ်ဖွဲ့ တွေ ရှိတယ်။ KNPP မွန်ပြည်သစ်ပါတီ။ အိန္ဒိယနယ်စပ် မြောက် ပိုင်းကချင် (KIA) အဲဒီမှာ ကျွန်တော် တို့တပ်ဖွဲ့တွေကရှိတယ်။ အမှန် အတိုင်း ဒီနေ့ကာလ အခြေအနေ ကို ပြောနေမယ်ဆိုရင်တော့ တစ်စုံတစ်ရာ ကျွန်တော်တို့တည်ရှိတဲ့ မဟာ မိတ်တွေရဲ့ အပစ်အခတ်ရပ်စဲရေး သဘောတူညီချက်အရ တချို့ဒေသ တွေမှာတော့ စစ်ရေး အရ အကောင် အထည်ဖော်ဖို့ အကန့်အသတ်ရှိတာ တွေရှိတယ်။ တစ်ပြိုင်နက်တည်းမှာ ပဲ ကချင်မှာဆို အားလုံးသိတဲ့အတိုင်း ပဲ၊ အဲဒီစစ်ပွဲမှာဆို ကျွန်တော်တို့အင်နဲ့ အားနဲ့မျှတဲ့ စစ်ရေးဖော်ဆောင်မှု တွေကို မဟာမိတ် KIA နဲ့တွဲပြီးတော့ တိုက်ပွဲဝင်နေတာရှိတယ်။ လက်ရှိ လုပ်ငန်းလိုအပ်ချက်အရကျွန်တော် တို့ အဲဒီဘက်မှာ ခိုင်ခိုင်မာ မာပြန် လည်စုဖွဲ့ပြီးလှုပ်ရှားနေတာရှိတယ်။
ဒါဆိုရင် ABSDF ရဲ့ လက်ရှိ စုဖွဲ့မှု၊ တပ်ဖွဲ့ဝင်အင်အား အနေ အထားကရော။
ကျွန်တော်တုိ့မှာ အချိန်ပြည့် တပ်ဖွဲ့ဝင်ရှိတယ်။ နောက်ကျွန်တော် တို့ ချမှတ်ထားတဲ့မူတွေ၊ လမ်းစဉ် တွေကို သက်ဝင်ယုံကြည်တဲ့အဖွဲ့ဝင် ဆိုတာရှိတယ်။ နိုင်ငံတကာမှာ ကျွန်တော်တို့အဖွဲ့ဝင်တွေ အများကြီးရှိ တယ်ပေါ့။ အဖွဲ့ဝင်အရေအတွက် ကတော့ တစ်ထောင်လောက်ရှိ တယ်ပေါ့။ တပ်ဖွဲ့ဝင်အင်အားက တော့ ၅ဝဝ လောက်ပေါ့။ အခု ကချင်မှာတော့ တပ်ဖွဲ့ဝင်အင်အား တိုးပြီးတော့ ချထားရပါတယ်။
ABSDF ဟာ လက်နက် ကိုင်အဖွဲ့အစည်းပေါ့နော်၊ ဒါပေမဲ့ အစိုးရက အခြားလက်နက်ကိုင် အဖွဲ့တွေနဲ့ တွေ့ဆုံဆွေးနွေးနေ တာက နည်းနည်းအရှိန်ကောင်းနေ ပြီး AB နဲ့ကျတော့ နည်းနည်း တွန့်ဆုတ် တွန့်ဆုတ်များ ဖြစ်နေလား၊ ဘယ်လိုမြင်သလဲ။
အခြေခံချင်းတော့ မတူဘူးပေါ့ ဗျာ။ ပကတိအခြေအနေမှန်ကိုပြော ရင် ကျွန်တော်တို့မှာ ကိုယ်ပိုင်နယ် မြေမရှိဘူး။ ဒါအမှန်အတိုင်းပြော တာ။ လက်နက်ကိုင်အဖွဲ့အစည်း မရှိတဲ့ နိုင်ငံရေးပါတီလည်း မဟုတ် ဘူး။ ဦးအောင်မင်းနဲ့ပဲဖြစ်ဖြစ်၊ ဦးအောင်သောင်းနဲ့ပဲဖြစ်ဖြစ်တွေ့တဲ့ အခါ ကျွန်တော်တို့အပေါ် ဘယ်လို ရှုမြင်လဲ ကျွန်တော်တို့ ပွင့်ပွင့် လင်းလင်းမေးတယ်။ ကျွန်တော်တို့အပေါ် ရှုမြင်တဲ့အပေါ်မှာ မူတည်ပြီးတော့ ချဉ်းကပ်တဲ့နည်းလမ်းကလည်းမတူ ဘူးပေါ့။ အဲဒီတော့ သူတုိ့ကလည်း သူတို့အမြင်ကို ပြောတယ်။ AB ဟာ ထူးခြားတဲ့လက္ခဏာရှိတဲ့ အဖွဲ့အ စည်းပေါ့။ တိုင်းရင်းသားလက်နက် ကိုင်အဖွဲ့အစည်းတွေလို ကိုယ်ပိုင် နယ်မြေရှိတဲ့ အဖွဲ့အစည်းလည်း မဟုတ် ဘူး။ နယ်မြေမရှိဘဲနဲ့ လက် နက်ကိုင်တိုက်ပွဲဆင်နွှဲနေတဲ့ အဖွဲ့ အစည်းတစ်ရပ်ဖြစ်တဲ့အတွက် အဲဒီ အပေါ်မူတည်ပြီးတော့ ဆွေးနွေး အဖြေရှာရမယ်လို့ပြောခဲ့တယ်။အဲဒါ ကြောင့်မို့လို့ပါ။
အဲဒီလို နှောင့်နှေးတဲ့အပေါ် ရော ဘယ်လိုသဘောထားလဲ။
နှောင့်နှေးတာ သိပ်ပြဿနာ မရှိပါဘူး။ နိုင်ငံရေးမှာ စောတာနှေး တာမရှိပါဘူး။ ဒီဖြစ်စဉ်တစ်ခုလုံး အနေနဲ့ ကြည့်မယ်ဆိုရင် ရေရှည် သွားရမယ့်ကိစ္စပဲ။ အပစ်အခတ်ရပ် စဲရုံသက်သက်နဲ့တော့ ဒီငြိမ်းချမ်း ရေးပြဿနာကို အဖြေရှာနိုင်မှာ မဟုတ်ဘူး။ အပစ်အခတ်ရပ်စဲရေး ဆိုတာ ငြိမ်းချမ်းရေးတည်ဆောက် ရေးကို နိုင်ငံရေးနည်းအရ အဖြေ ရှာဖုိ့ အင်မတန့်အင်မတန်မှ ကနဦး ကျတဲ့အဆင့်လေးတစ်ခုပါ။ အခု လည်း ကြားနေရတာပဲ။အပစ် အခတ်ရပ်စဲရေး လုပ်ထားပေမယ့် တချို့နေရာတွေမှာ ပဋိပက္ခတွေဖြစ် နေသေးတာပဲ။ အဲဒီအပစ်အခတ် ရပ်စဲရေးက နေမှတစ်ဆင့်တည်မြဲ အောင်လုပ်ရမယ့် ကိစ္စတွေ၊တပ်နေ ရာချထားရေး ကိစ္စတွေ၊ အများကြီး ရှိသေးတယ်။ အဲဒါကျတော့ နှေး တယ်စောတယ်လို့ မခံစားမိပါဘူး။ သွားရမှာကအဝေး ကြီးရှိသေးတာ ပဲ။
အကယ်လို့ အစ်ကိုတို့ရဲ့ မဟာမိတ်တွေက အစိုးရနဲ့ တစ် စုံတစ်ရာ ငြိမ်းချမ်းရေးတည်ဆောက် နိုင်ခဲ့ရင် အစ်ကိုတို့ BSDF အနေ နဲ့ ဘယ်လိုရပ်တည်သွားမလဲ။
လက်ရှိအခြေအနေက မဟာ မိတ်အဖွဲ့အစည်း အချို့အနေနဲ့ အပစ်အခတ်ရပ်စဲထားတဲ့ အဆင့်မှာ ပဲရှိပါသေးတယ်။ ဒီအဆင့်မှာပဲ အချို့ဒေသတွေမှာ စစ်ရေးပဋိပက္ခ တွေကို ပြန်တွေ့နေရသေးတယ်။ ခိုင်မာတဲ့ အပစ်အခတ်ရပ်စဲရေး အဆင့်တောင် မဟုတ်သေးဘူး။ အပစ်အခတ်ရပ်စဲရုံ သက်သက်နဲ့ တော့ ပြည်တွင်းစစ်ရပ်စဲရေးနဲ့ ပြည်တွင်း ငြိမ်းချမ်းရေးပြဿနာကို ဖြေရှင်းနိုင်မှာ မဟုတ်ဘူး။ ဒါ့အပြင် လက်ရှိ အစိုးရကချမှတ်ထားတဲ့ ပြည်ထောင်စုငြိမ်းချမ်းရေး ဖော်ဆောင်ရေး လုပ်ငန်းကော်မတီရဲ့ တာဝန်များထဲက ပြည်ထောင်စု အဆင့် ငြိမ်းချမ်းရေးဆွေးနွေးခြင်း လုပ်ငန်းစဉ် ၈ ချက်မှာ ပါဝင်တဲ့ ပါတီထူထောင်၍ ရွေးကောက်ပွဲဝင် ရေး၊ ၂ဝဝ၈ ဖွဲ့စည်းပုံ အခြေခံ ဥပဒေ အား လက်ခံရေး၊ ဥပဒေဘောင် အတွင်းသို့အပြီးအပိုင်ဝင်ရေး၊တစ်ခုတည်းသော လက်နက်ကိုင်အဖွဲ့ အစည်းအဖြစ် အသွင်ပြောင်းရေး စတဲ့ အချက်များကို ဆွေးနွေးလာပါ က တိုင်းရင်းသားလက်နက်ကိုင် အဖွဲ့အစည်းများအနေဖြင့် လက်ခံ သဘောတူရန် ခက်ခဲတဲ့ကိစ္စဖြစ်လာ ပါလိမ့်မယ်။ ဒီအချက်တွေကို ဆွေး နွေးကြ တဲ့အခါ အခက်အခဲများ မုချဖြစ်ပေါ်လာမှာဖြစ်တယ်။ ဒီ အချက်တွေကို မပြင်ဆင်ဘဲနဲ့တော့ စစ်မှန်တဲ့ပြည်တွင်းငြိမ်းချမ်းရေးကို ဖော်ဆောင်နိုင်လိမ့်မယ်လို့ မယုံ ကြည်ဘူး။ တစ်ပြည်လုံးအတိုင်း အတာဆောင်တဲ့ အပစ်အခတ်ရပ်စဲ ရေးဖြစ်မယ်၊ အားလုံးပါဝင်တဲ့နိုင်ငံ ရေးဆွေးနွေးပွဲကနေ ချမှတ်ထားတဲ့ ဘုံသဘောတူညီချက်တွေ၊ ဒီမို ကရေစီအသွင်ကူးပြောင်းရေး၊ နိုင်ငံ ရေးလုပ်ငန်းစဉ်တွေ ရရှိလာမယ်။ ၂ဝဝ၈ ဖွဲ့စည်း ပုံအခြေခံဥပဒေကို ပြင်ဆင်မယ် ဆိုရင်တော့ ABSDF အနေနဲ့ ဘယ်လို ရပ်တည်သွားမလဲ ဆိုတာ အဖွဲ့အစည်းရဲ့ ညီလာခံ ခေါ်ယူပြီး ဆုံးဖြတ်သွားမှာပါ။ အခု အချိန်မှာတော့ မသေချာသေးတဲ့ အခြေအနေအတွက် တိတိကျကျ ပြောဖို့စောပါသေးတယ်။
ABSDF(မြောက်ပိုင်း)မှာ ဖြစ်ပျက်ခဲ့တာတွေကရော။
မြောက်ပိုင်းကိစ္စနဲ့ ပတ်သက် လို့ မီဒီယာတွေက လူထုကို ပေးတဲ့ message က ဘယ်လို ဖြစ်သွားလဲ ဆိုတော့ ABSDF ဟာ စည်းမရှိ၊ ကမ်းမရှိ နိုင်ငံရေး ပြဿနာ လည်းရှိ၊ အဖွဲ့အစည်းအတွင်း ပြဿနာလည်းရှိ။ လူ့အခွင့်အရေးတွေ ချိုးဖောက် တဲ့ အဖွဲ့အစည်းဆိုတာမျိုး အဲ့ဒီ message ပဲရှိတယ်။ အမှန်ဆိုတော်လှန်ရေး အဖွဲ့ အစည်းတစ်ခုမှာ အားသာချက်၊ အားနည်းချက်တွေလည်း ရှိတယ်။ ၂၄ နှစ်တာဖြတ်သန်းခဲ့ရ တဲ့ အတွေ့အကြုံမှာ ရုန်းကန်ခဲ့ရ တာ အများကြီးရှိတယ်။ ကိုယ်ပိုင် နယ်မြေမရှိဘူးဆိုပေမယ့် မဟာမိတ် တွေနဲ့ လက်တွဲပြီးတိုက်လာခဲ့တာပဲ၊ ဒီနေ့အထိ ကျွန်တော်ယုံကြည်ထား တဲ့ လက်နက်ကိုင်တော်လှန်ရေးကို တိုက်ပွဲဝင်နေတာပဲ။ ဖြစ်စေချင်တာ ကတော့ ABSDF ရဲ့ ၂၄ နှစ်တာ ကာလမှာ နိုင်ငံရေးအရ ဘာတွေ ဆောင်ရွက်နိုင်သလဲ။ စစ်ရေးအရ ဘာတွေ ဆောင်ရွက်နိုင်ခဲ့သလဲ။ ထည့်သွင်းပြီး တော့မှ စဉ်းစားပေး စေချင်တယ်။ ခုနက ကျွန်တော် ဝန်ခံထားသလိုပေါ့။ အားနည်းချက် တွေ ရှိခဲ့ပါတယ်။ တစ်ပြိုင်နက် တည်းမှာ အားသာချက်တွေနဲ့ ဒီ လူထုကို ကျွန်တော်တို့ တင်ပြချင် တာက ၈ လေးလုံး အရေးတော် ပုံ ဖြစ်ခဲ့တယ်။ အဲ့ဒါရဲ့ နိုင်ငံရေးလမ်း စဉ်တွေကို ရွေးတာ၊ ကျွန်တော်တို့ အမှန်အတိုင်း ပြောရင် ထွက်ပြေး လာတာ မဟုတ်ဘူး။ ဒီစစ်အစိုးရကို နိုင်ငံရေး သက်သက်အရ တိုက်လို့ မရဘူး။ လက်နက်ကိုင်တော်လှန် ရေးနဲ့ပေါင်းစပ်မှရမယ်လို့ ယုံကြည်တယ်။ တပ်မတော်တစ်ရပ်ကို ဖွဲ့ တယ်ဆိုတာ စိတ်ကူးယဉ်လို့ မရ ဘူး။ အမှန်အတိုင်းဆို ကျွန်တော် တို့ စိတ်ကူးယဉ်ခဲ့ကြတယ်။ ကျွန် တော်တို့က စစ်တပ်တစ်ခုကို အမြု တေကနေစတင်တည် ဆောက်ခဲ့ရတာ မဟုတ်ဘူး။ ဒေသပေါင်းစုံ၊ အလွှာပေါင်းစုံ၊ အတွေးအခေါ် ပေါင်းစုံလူအုပ်ကြီး၊ လူအုပ်ကြီးကို အတွေးအခေါ်ပေါ်မှာ စုစည်းထားတဲ့ ပါတီလည်း မဟုတ် ဘူး။ အဲဒီလူအုပ် ကြီးကိုကျောင်း သားတပ်မတော် အဖြစ်ဖွဲ့စည်းတာ၊ လက်နက်တပ် ဆင်ရတာ ဘယ်လောက်အထိခက်ခဲ မယ်ဆိုတာ စဉ်းစားကြည့်။ ဒါပေမဲ့ မဖြစ်ဖြစ် အောင် ကျွန်တော်တို့တည် ဆောက်ခဲ့တယ်။ အဲဒီမှာ ဘာတွေ အားသာသလဲဆိုတော့ အဲဒီကာလ နောက်ခံနိုင်ငံရေး အခြေအနေဟာ ဗမာပြည်မှာရှိနေတဲ့ ဗမာနဲ့ဗမာ မဟုတ်တဲ့ တိုင်းရင်းသားတွေ အကြားမှာရှိတဲ့ မယုံကြည်မှုက အင်မတန်မှ နက်ရှိုင်းတယ်။ ၈၈ မရောက်ခင် တိုင်းရင်းသား လက် နက်ကိုင် အများစုပြောနေတာက ဗမာပဲ။ ကျွန်တော်တို့ ရောက်လာ တော့ အားလုံးတိုင်းရင်းသားပေါင်းစုံ ပါတယ်။ အဲဒီမှာ သူတို့စိတ်ထဲရှင်း အောင် ကျွန်တော်တို့လုပ်နိုင်ခဲ့တာ က ဗမာနဲ့စစ်အာဏာရှင်စနစ်၊ပြဿ နာကဗမာမဟုတ်ဘူး။ ပြဿနာက စနစ်။ စစ်အာဏာရှင်စနစ်။ အဲဒါကို ရှင်းအောင် ကျွန်တော်တို့လုပ်နိုင်ခဲ့ တယ်။ ဗမာနဲ့ တိုင်းရင်းသား တွေကြား၊ ဒီမိုကရေစီအင်အားစုနဲ့ တိုင်းရင်းသားတွေကြား စုစည်းမှု ပထမဆုံးနိုင်ငံရေး တပ်ပေါင်းစုံ ဖွဲ့စည်းနိုင်ခဲ့တယ်။ ဒါကျွန်တော် တို့ရဲ့ အောင်မြင်မှု၊ ပြီးတော့ နိုင်ငံ တကာရဲ့ စာနာထောက်ခံအားပေးမှု ၈၈ နောက်ပိုင်း ကျွန်တော်တို့ရောက် ပြီး နောက်ပိုင်းမှဗမာပြည်ရဲ့ တော်လှန်ရေး ပြဿနာကိုနိုင်ငံတကာမှာ ကျယ်ကျယ် လောင် လောင် ပြောဆို နိုင်ခဲ့တယ်။ အရေးကြီး ဆုံးကတော့ ဒီနေ့ကာလ ပြောပြောနေတဲ့ အမျိုး သား ပြန်လည်သင့်မြတ်ရေး အဲဒီ အတွက်ကို ကျွန်တော်တို့ ပေးဆပ် ခဲ့ရတာ အများကြီး တော်လှန်ရေး ကာလအတွင်းမှာ ကျဆုံးခဲ့ရတဲ့ ရဲ ဘော်တွေက ၆ဝဝ လောက်ရှိတယ်။ အဲဒီမှာ ထိခိုက်ဒဏ်ရာ ရခဲ့တာက ၄ဝဝ လောက်ရှိတယ်။ ဒီလိုမျိုး အသက်တွေ စတေးပြီးတော့မှ ဗမာနဲ့ တိုင်းရင်း သားတွေကြားမှာယုံ ကြည်မှု တစ်စုံတစ်ရာ ရှိလာခဲ့တာ။
ဒါဆိုရင် ဒီမြောက်ပိုင်းကိစ္စမှာ နစ်နာခဲ့ရတဲ့လူတွေအတွက် ABSDFအနေနဲ့ဘယ်လိုစီစဉ်ထားလဲ။
ကျွန်တော်တို့က သူများတွေ ပြောမှ ဆောင်ရွက်တာမဟုတ်ဘူး နော်။ ကျွန်တော်ဝန်ခံထားခဲ့ပါ တယ်။ ကျွန်တော်တို့မှာ အားနည်း ချက်တွေ ရှိတယ်။ အဲဒီအားနည်းချက် တွေကို တစ်စုံတစ်ရာ အချက် အလက်တွေ ပြည့်စုံလာတဲ့အခါမှာ အဖွဲ့အစည်းအနေနဲ့ တာဝန်ယူပြီး ဖြေရှင်းဆောင်ရွက် သွားဖို့လိုတယ် လို့ လက်ခံထားပြီးသားပါ။ ဒါပေမဲ့ အခြေအနေ အချက်အလက်တွေဆို တာကလည်း ကျွန်တော်တို့တာဝန်ရှိ သူတွေဘက်နဲ့ တကယ့်ကာယကံ ရှင် လက်ခံထားတာက တူချင်မှတူမယ်။ ကျွန်တော် တို့က တော့ နိုင်ငံ ရေးအရလည်း ကြည့်ရသေးတယ်။ ကျွန်တော်တို့ ဖြေရှင်းတဲ့ကိစ္စဟာ လက်ရှိ နိုင်ငံရေးဖြစ်စဉ်ကို တွန်း အားပေးမှ မှန်ကန်မယ်လို့ ယုံကြည် ထားတယ်။ ခုလို ပေါ့ဗျာ။ တွန်း အားမဖြစ်ခဲ့ဘူးဆိုရင် မသင့်ဘူးပေါ့။ ဒါပေမဲ့ နစ်နာခဲ့ရတဲ့သူတွေကျ တော့ ဒီလိုမြင်မှာမဟုတ်ဘူးလေ။ ခုလို အခြေအနေမှာ ဗဟိုကော်မတီမှာ ကော်မရှင် တစ်ရပ် ဖွဲ့စည်းထား တယ်။ အဲဒီကော်မရှင်ရဲ့ အဓိက တာဝန်ကတော့ တရားမျှတမှုရှိစေဖို့၊ အမှန်တရား ဖြစ်စေဖို့၊ ပြီးတော့ပြန် လည်သင့် မြတ်ဖို့၊ ကျွန်တော်တို့ နစ်နာ ခဲ့ရတဲ့ သူတွေအတွက်မျှတ အောင် စီစဉ်ပေးမယ်။ ဒါပေမဲ့ကျွန် တော်တို့ ပြန်လည်သင့်မြတ်ချင် တယ်။ ABSDF ရဲဘော်တွေ အားလုံးပြန်လည်သင့်မြတ်စေချင်တယ်။
ဟုတ်ကဲ့၊ အဲ့ဒီကော်မရှင်ကို ဘယ်သူတွေနဲ့ ဖွဲ့စည်းထားလဲ။
အဲဒီကာလမှာ နိုင်ငံရေးအရ လည်း တာဝန်မရှိတဲ့ အဲဒီဖြစ်စဉ်နဲ့ လည်း လုံးဝပတ်သက်မှု မရှိတဲ့ ABSDF ဗဟိုကော်မတီဝင် တာဝန် ရှိတဲ့သူတွေနဲ့ ဖွဲ့စည်းထားတာ။ အခု အဲဒီကော်မရှင်ရဲ့ လုပ်ငန်းတွေ စနေပြီ။
ကော်မရှင်အဖွဲ့ဝင်များ
၁။ ရဲဘော်မြင့်ဦး (တွဲဖက်အထွေ ထွေအတွင်းရေးမှူး ၁)
၂။ ရဲဘော်ကျော်လင်း (ဗဟိုကော် မတီဝင်)
၃။ ရဲဘော်အေးလွင် (ဗဟိုကော် မတီဝင်)
၎။ ရဲဘော်သန့်ချိန်မြင့် (ဗဟိုကော် မတီဝင်)
၅။ ရဲဘော်နန်းယဉ် (အမျိုးသမီး ကိုယ်စားလှယ်)
ကျော်ရဲလင်းတွေ့ဆုံမေးမြန်းသည်
0 comments:
Post a Comment