19.10.2012 နေ့ဖတ်ရန်သတင်းများ

by Myanmar Journal on Thursday, October 18, 2012 at 3:23pm ·

ရောင်စုံ သတင်းစာ စတင်ထုတ်ဝေ

လူတွေ ကို ဆွဲဆောင် နိုင်ဖို့ အသွင်သစ်နဲ့ ရောင်စုံ မြန်မာ သတင်းစာ စတင်ထုတ်

မြန်မာ ဘာသာနဲ့ ထုတ်ဝေတဲ့ အစိုးရ နေ့စဉ်ထုတ် သတင်းစာ နှစ်စောင်ကို အောက်တိုဘာလ ၁၈ ရက် ကြာသပတေးနေ့က စတင်ပြီး ဆေးရောင်စုံ နဲ့ ပုံနှိပ် ဖြန့်ချိ လိုက်ပါတယ်။

သတင်းစာတွေ ကို ခေတ်နဲ့ အညီ အသွင် အပြင် ပြောင်းလဲတာ ဖြစ်သလို ပြည်သူတွေ ကိုလည်း ခေတ်မီတဲ့ အဆင် အပြင်တွေ ပြချင်တဲ့ အတွက် အခုလို ဆေးရောင်စုံနဲ့ ပုံနှိပ် ထုတ်ဝေတာ ဖြစ်တယ်လို့ မြန်မာ့ အလင်း သတင်းစာ ယာယီ အယ်ဒီတာချုပ် ဦးအောင်နိုင်ဦးက ဘီဘီစီကို ပြောပါတယ်။

အခုလို သတင်းစာ အသွင် အပြင် ပြောင်းလဲဖို့ ကြိုတင် အချိန်ယူ ကြိုးပမ်းခဲ့တာ ဖြစ်ပြီး သတင်းစာမှာ ရေးသားတဲ့ သတင်း တွေရဲ့ အရည် အသွေး မြင့်တက်လာ အောင်လည်း ဆက်လက် ကြိုးပမ်း နေပါတယ်လို့ သူက ပြော ပါတယ်။

ဒါပေမဲ့ လောလောဆယ်မှာ အရေးအသားပိုင်း၊ ဓါတ်ပုံတွေ ဖော်ပြမှု စတာတွေက မျှော်မှန်း သလောက် အရည် အသွေး မပြည့်မီသေးဘဲ လိုအပ် ချက်တွေ ရှိနေသေး တယ်လို့ သူက ပြောပါတယ်။

ပြည်သူ့ အကျိုးပြု သတင်း မီဒီယာ အဆင့် ရောက်ရမယ်လို့ ရည်မှန်း ထားတဲ့ အတိုင်း ဆက်လက် လုပ်ဆောင် နေရာမှာ လိုအပ် ချက်တွေရှိတာ မှန်ပေမဲ့ အရင်က ထက်တော့ တိုးတက် လာတယ်လို့ ဦးအောင်နိုင်ဦးက ပြော ပါတယ်။

လောလောဆယ်မှာ နေပြည်တော် ပုံနှိပ်တိုက်က သတင်းစာ နှစ်မျိုးစလုံးကို ဆေးရောင်စုံ ရိုက်နှိပ် ထုတ်ဝေနိုင်ပေမဲ့ ရန်ကုန် ပုံနှိပ်တိုက်က ထုတ်ဝေတဲ့ ကြေးမုံနဲ့ မြန်မာ့ အလင်း သတင်းစာ တွေကိုတော့ ပုံနှိပ်စက် အခက် အခဲကြောင့် ကို တစ်ပတ် တစ်လှည့်စီ ပုံနှိပ် သွားမယ်လို့ သူက ပြောပါတယ်။

သတင်းသမား တစ်ယောက်လည်းဖြစ် သတင်းစာဖတ် ပရိတ်သတ် တစ်ယောက်လည်း ဖြစ်တဲ့ The Voice Weekly ဂျာနယ် အယ်ဒီတာချုပ် ဦးကျော်မင်းဆွေ ကတော့ အစိုးရ သတင်းစာ တွေမှာ အရင်ကထက်ပိုပြိး ပွင့်ပွင့်လင်းလင်း ရေးသား လာတာတွေ တွေ့ရပေမဲ့ ခုချိန်ထိ သတင်း သမား ရင်ခုန်စရာ သတင်းမျိုးတော့ မတွေ့ရ သေးဘူးလို့ ပြောပါတယ်။

အဖြူ အမဲ သတင်းစာတွေ အဖြစ်က ရောင်စုံ သတင်းစာတွေ အဖြစ် ပြောင်းလဲ သွားရုံကလွဲပြီး အတွင်းမှာ ဖော်ပြတဲ့ သတင်း တွေက အရင်အတိုင်း အနှစ်သာရ မပြောင်းလဲဘူး ဆိုရင်တော့ ပြည်သူတွေ အားကိုးတကြီး ဖတ်ရှုမယ့် အဆင့်မျိုး ရောက်လာမှာ မဟုတ်ဘူး လို့ သူက သုံးသပ်ပါတယ်။

ဖမ်းဆီးခံ ဆီးရီးယား အများအပြား ပျောက်ဆုံးနေ

ပျောက်ဆုံးနေတဲ့ လူပေါင်း ၁ သောင်း ၈ ထောင်လောက် ရဲ့ အမည်စာရင်းတွေ ရှိတယ်လို့ Avaaz အဖွဲ့က ပြော

ဆီးရီးယား နိုင်ငံမှာ လူပေါင်း အနည်းဆုံး ၂၈၀၀၀ လောက် ကို အစိုးရ ကနေ ဖမ်းဆီး ထိန်းသိမ်း ထားပြီးနောက် အခုတော့ အဲဒီ လူတွေ ပျောက်ဆုံး နေတယ်လို့ အတိုက် အခံ တွေနဲ့ နီးစပ်တဲ့ ဆီးရီးယား လူ့အခွင့်အရေး အဖွဲ့တွေက ပြောပါတယ်။

ဆီးရီးယား အစိုးရဟာ အကြမ်းဖက် သမားတွေကို တိုက်ခိုက် နေတယ် ဆိုပြီး အတိုက် အခံတွေ အပေါ် ရည်ရွယ်ချက် ရှိရှိနဲ့ ချေမှုန်း နေတာ ဖြစ်တယ်လို့ ဆီးရီးယား လူ့အခွင့်အရေး တက်ကြွလှုပ်ရှားသူများ အွန်လိုင်း အဖွဲ့ ဖြစ်တဲ့ Avaaz ကနေ သတင်း ထုတ်ပြန် ထားပါတယ်။

အဲဒီ အဖွဲ့က သူတို့မှာ ပျောက်ဆုံးနေတဲ့ လူပေါင်း ၁ သောင်း ၈ ထောင်လောက် ရဲ့ အမည်စာရင်းတွေ ရှိတယ်လို့ ပြောပါတယ်။ နောက်ပြီး တခြား လူပေါင်း ၁ သောင်း လောက် ပျောက်ဆုံး နေတာကိုလည်း သိတယ်လို့ ဆိုပါတယ်။

ဒီကိစ္စရပ်တွေကို သက်သေ အထာက် အထားတွေနဲ့ တကွ ကုလသမဂ္ဂ လူ့အခွင့် အရေး ကောင်စီကို စုံစမ်း စစ်ဆေးမှုတွေ ပြုလုပ် နိုင်ဖို့ တင်ပြမှာ ဖြစ်တယ်လို့ Avaaz အဖွဲ့က ပြောပါ တယ်။

ဒီကိစ္စတွေနဲ့ ပတ်သက်လို့ ဆီးရီးယား အစိုးရဘက် ကတော့ ခုချိန်ထိ ဘာမှ တစုံ တရာ ပြောကြားခြင်း မရှိသေး ပါဘူး။ ဒါပေမယ့် အရင် ကတော့ လူ့အခွင့် အရေး ချိုးဖောက်မှုတွေ လုပ်ခဲ့တယ် ဆိုတဲ့ စွပ်စွဲချက်တွေ ထွက်လာတိုင်း ဆီးရီးယား အစိုးရဟာ ငြင်းဆန်လေ့ ရှိခဲ့ပါတယ်။

လက်ပံတောင်းတောင် ကြေးနီ စီမံကိန်း လုံးဝရပ်တန့်ဖို့ ပြည်သူ့ညီလာခံက တောင်းဆို

လက်ပံတန်းတောင် ကြေးနီစီမံကိန်းရပ်ဖို့ တောင်းဆိုဆန္ဒပြခဲ့ကြစဉ်

မုံရွာခရိုင် ဆားလင်းကြီး မြို့နယ်က လက်ပံတောင်းတောင် ကြေးနီ စီမံကိန်း လုပ်ခွင့်ရ ကုမ္ပဏီနဲ့ ဒေသခံတွေကြား စီမံကိန်း ရပ်တန့်ဖို့ ကိစ္စ အငြင်းပွား နေချိန်မှာ ဒေသခံတွေ ဘက်က လက်ပံတောင်း ပြည်သူ့ ညီလာခံ ဆိုပြီး လက်ပံတောင်း ဒေသခံတွေ ဦးဆောင်တဲ့ တွေ့ဆုံပွဲ တခုကို ကြာသပတေး နေ့က စပြီး မနက်ဖြန် အောက်တိုဘာ ၁၉ ရက်နေ့ထိ လက်ပံတောင်း တောင်ခြေက ဆည်းတည်း ရွာမှာ ကျင်းပနေပါတယ်။

ဒီပြည်သူ့ ညီလာခံမှာ ယူအန်အေ တိုင်းရင်းသား လူမျိုးများ မဟာမိတ် အဖွဲ့ဝင် ကချင်၊ ရခိုင် ကယား၊ ဇိုမီး၊ ရှမ်း၊ ကိုးကန့် စတဲ့ တိုင်းရင်းသား အဖွဲ့တွေ ကျောင်းသား အရေးနဲ့ အလုပ် သမား လယ်သမား အရေး လုပ်ဆောင်တဲ့ အဖွဲ့ ၃၈ ဖွဲ့က ကိုယ်စားလှယ်တွေနဲ့ ဒေသခံ အင်အား စုစုပေါင်း ၁ သောင်းကျော် တက်ရောက် ခဲ့တယ်လို့ သိရပါတယ်။

ဒီကနေ့ ညီလာခံမှာ လက်ပံတောင်း တောင် ကြေးနီ စီမံကိန်းကို လုံးဝ ဖျက်သိမ်းဖို့ ၊ ရခိုင်ပြည်နယ်မှာ ၁၈၂၄ ခုနှစ် မတိုင်ခင် ရောက်ရှိခဲ့တဲ့ ဘင်္ဂလီ လူမျိုးများကို နိုင်ငံသား အဖြစ် သတ်မှတ် အခွင့်အရေး ပေးဖို့၊ ဒီနောက် ရောက်လာ သူတွေနဲ့ ခိုးဝင် သူတွေကို ဘင်္ဂလားဒေ့ရှ် သို့မဟုတ် တတိယ နိုင်ငံ တခုခုကို ပြန်ပို့ဖို့ ၊ ကချင် ပြည်နယ်မှာ တိုက်ပွဲတွေ ရပ်ဖို့ စတဲ့ ဆုံးဖြတ်ချက် ၃ ခုကို ချမှတ် ခဲ့တယ်လို့ ညီလာခံကို တက်ရောက် ခဲ့တဲ့ မုံရွာမြို့က ကဗျာ ဆရာကြီး ဦးအံ့မောင်က ပြောပါတယ်။

ဒီညီလာခံကို ယူအန်အေ တိုင်းရင်းသား လူမျိုးများ မဟာမိတ်အဖွဲ့ သဘာပတိ အဖွဲ့ဝင် အဖြစ် ရခိုင် ဒီမိုကရေစီ အဖွဲ့ချုပ် ဥက္ကဌ ဦးသာဘန်းလည်း တက်ရောက်ခဲ့ ပါတယ်။

မနက်ဖြန် အောက်တိုဘာ ၁၉ ရက်နေ့မှာ နယ်မြေ ဒေသတွေ အလိုက် ဖြစ်ပေါ်နေတဲ့ ပြဿနာတွေကို ကိုယ်စားလှယ်တွေက ဆွေးနွေးကြမယ်လို့ လက်ပံတောင်းတောင် အရေး လုပ်ဆောင်နေတဲ့ ပြည်သူ့ အကျိုးဆောင် ကွန်ယက်က ကိုဟန်ဝင်းအောင်က ပြောပြပါတယ်။

ဒီကနေ့လုပ်ခဲ့တဲ့ ညီလာခံကို ဆားလင်းကြီး အုပ်ချုပ်ရေးမှူး ကတော့ ဒီညီလာခံ ဖြစ်အောင် ဦးဆောင်သူ တွေကို ဥပဒေ အရ အရေးယူမယ် ဆိုတဲ့ အကြောင်းကြားစာ ၂ စောင် ပို့တာက လွဲပြီး လက်ရောက် ဟန့်တားတာမျိုး မရှိခဲ့ဘူးလို့ သိရပါတယ်။

Spitfire တိုက်လေယာဉ်တွေဖေါ်ဖို့ သဘောတူ

ဒုတိယကမ္ဘာစစ်အပြီးမှာ ဗြိတိသျှတွေက Spitfire တိုက်လေယာဉ်တွေကို မြန်မာပြည်မှာ ဖွက်ချန်ထားခဲ့

ဒုတိယ ကမ္ဘာစစ် အပြီး ကာလက မြန်မာနိုင်ငံမှာ ချန်ရစ် ဖွက်ထား ခဲ့တဲ့ Spitfire တိုက်လေယာဉ် ၆၀ ပြန်တူးဖေါ် ရေးနဲ့ ပတ်သက်လို့ ဗြိတိသျှ လူမျိုး တိုက်လေယာဉ် ဝါသနာအိုး တဦးနဲ့ မြန်မာ အစိုးရကြား သဘောတူချက် တရပ် လက်မှတ် ရေးထိုး လိုက်ပြီ ဖြစ်ပါတယ်။

အဲဒီ တိုက်လေယာဉ်တွေဟာ လုံးဝ အသုံးမပြုရ သေးတဲ့ အသစ် စက်စက် လေယာဉ်တွေ ဖြစ်ပြီး ပို့တဲ့ ကုန်သေတ္တာကြီးတွေ ထဲမှာပဲ အဲဒီအတိုင်း ၁၀ မီတာ အနက် တွင်းကြီးတွေ ထဲမှာ မြှုပ်နှံထားတာ ဖြစ်တဲ့ အတွက် ပျက်စီး ယိုယွင်းမှု ရှိမှာ မဟုတ်ဘူးလို့ မျှော်လင့်ရ ပါတယ်။

မြစ်ကြီးနား၊ ရန်ကုန် နဲ့ မိတ္ထီလာ မြို့တွေရဲ့ လေယာဉ်ကွင်းနဲ့ သက်ဆိုင်တဲ့ နေရာတွေမှာ မြှုပ်ထားခဲ့ တာ ဖြစ်ပြီး၊ တူးဖေါ်ရရှိတဲ့ လေယာဉ်တွေ ထဲက တစင်းကို မြန်မာနိုင်ငံကို လှူမှာ ဖြစ်တယ်လို့ နှစ်ဘက် သဘောတူ ထားကြောင်း ဗြိတိန် ကုမ္ပဏီနဲ့ ပူးတွဲ တူးဖေါ်မယ့် ရွှေတောင်ပေါ် ကုမ္ပဏီရဲ့ မန်နေးဂျင်း ဒါရိုက်တာ ဦးထူးထူးဇော်က ပြောပါတယ်။

၁၉၄၀ ပြည့်လွန် ကာလတွေ အတွင်း ဗြိတိန်နိုင်ငံ ကာကွယ်ရေး စနစ် အောင်မြင်မှု ရခဲ့တာဟာ ဒီSpitfire တိုက်လေယာဉ်တွေကြောင့် ဖြစ်ပြီး Spitfire တိုက်လေယာဉ် ကို အမှတ် တရ လက်ဝယ်ထား စုဆောင်း လိုသူတွေ အတော် များများ ရှိနေပါတယ်။

လူ့အခွင့်အရေးကိစ္စ အမေရိကန် မြန်မာ ပွင့်ပွင့်လင်းလင်း ဆွေးနွေး

အမေရိကန် လက်ထောက်နိုင်ငံခြားရေး ဝန်ကြီး မစ္စတာ Posnerနဲ့ မြန်မာအစိုးရ အဖွဲ့ဝင်တွေ တွေ့ဆုံဆွေးနွေးခဲ့

အမေရိကန် အစိုးရနဲ့ မြန်မာအစိုးရအကြား လူ့အခွင့်အရေး ကိစ္စအကြောင်း ပထမ အကျော့ ဆွေးနွေး ပြောဆိုမှုတွေ ပြုလုပ်ခဲ့ကြောင်းနဲ့ နှစ်နိုင်ငံကြား ဆက်ဆံရေး တိုးတက် ကောင်းမွန် လာတာနဲ့အမျှ နိုင်ငံရေး အကျဉ်းသားတွေ ကိစ္စနဲ့ တခြား အတိမ်း အစောင်း မခံတဲ့ ကိစ္စရပ်မျိုးတွေကို ဆွေးနွေး ပြောဆိုဖို့ ပွင့်လင်းတဲ့ ဆက်ဆံရေး လမ်းကြောင်း တခု အခုအခါ ထားရှိနိုင်ပြီလို့ အမေရိကန် အစိုးရအနေနဲ့ ယုံကြည်ကြောင်း အမေရိကန် နိုင်ငံခြားရေး ဌာနက ဗုဒ္ဒဟူးနေ့က ပြောပါတယ်။

ဒီမိုကရေစီရေး၊ လူ့အခွင့်အရေးနဲ့ အလုပ်သမားရေးရာ အမေရိကန် လက်ထောက် နိုင်ငံခြားရေး ဝန်ကြီး Michael Posner ခေါင်းဆောင်တဲ့ အမေရိကန် ကိုယ်စားလှယ်အဖွဲ့ဟာ နေပြည်တော်မှာ မြန်မာအစိုးရ တာဝန်ရှိသူတွေနဲ့ တွေ့ဆုံဆွေးနွေးခဲ့ကြောင်းနဲ့ ဆွေးနွေးပွဲ ရလဒ်ကို ကြည့်ခြင်းအားဖြင့် အလွန် အပြုသဘော ဆောင်တာ တွေ့ရကြောင်း၊ မြန်မာအာဏာပိုင်တွေနဲ့ ဒီလို တွေ့ဆုံဆွေးနွေးမှုမျိုးတွေ ဆက်လုပ်ဖို့ မျှော်လင့်ထားပါကြောင်း အမေရိကန် နိုင်ငံခြားရေး ဌာန ပြောခွင့်ရ အမျိုးသမီး Victoria Nuland က ဗုဒ္ဓဟူးနေ့က ကျင်းပတဲ့ သတင်းစာ ရှင်းလင်းပွဲမှာ ပြောသွားပါတယ်။

မြန်မာနိုင်ငံမှာ နိုင်ငံရေး အကျဉ်းသားဆိုတာ လုံးဝ မရှိတော့တဲ့အထိ ရောက်အောင် ဆောင်ရွက်ဖို့ လိုနေသေးတယ်ဆိုတာကို အတိအလင်း ထုတ်ဖေါ် ပြောခဲ့ပြီး ဖြစ်ကြောင်းနဲ့ ဒီကိစ္စနဲ့ ပတ်သက်လို့ အမေရိကန် အစိုးရအနေနဲ့ မြန်မာ အစိုးရနဲ့ ဆက်လက် ပူးပေါင်း ဆောင်ရွက်သွားမှာ ဖြစ်ကြောင်း Ms nuland က ပြောပါတယ်။

မစ္စတာ Posner နဲ့ အဖွဲ့ဟာ ဗုဒ္ဓဟူးနေ့က NLD အဖွဲ့ချုပ် ဥက္ကဌ ဒေါ်အောင်ဆန်း စုကြည်နဲ့ တွေ့ဆုံခဲ့သလို ပြီးခဲ့တဲ့ ရက်ပိုင်းကလည်း ၈၈ မျိုးဆက် ကျောင်းသားများ အဖွဲ့နဲ့ပါ တွေ့ဆုံခဲ့ပါတယ်။

ဥပဒေအချို့ ပြည်သူ့ လွှတ်တော် ပယ်ဖျက်

ပထမအကြိမ် လွှတ်တော် ပဉ္စမပုံမှန်အစည်းအဝေးတွေ ပြန်လည်စတင်တဲ့ နေ့မှာပဲ အမျိုးသားလွှတ်တော်ကနေအတည်ပြုထားတဲ့ ဥပဒေ ၄ ခု ဖျက်သိမ်းရေး ဥပဒေကြမ်းတွေကို ပြည်သူ့လွှတ်တော်ကလဲ ဖျက်သိမ်းကြောင်း အတည်ပြုခဲ့ပါတယ်။ဘယ်ဥပဒေတွေကို ဖျက်သိမ်းလိုက်သလဲဆိုတာနဲ့ ပထမနေ့ လွှတ်တော် စည်းဝေးတွေမှာ ဘာတွေထူးခြားမှုရှိလဲ ဆိုတာကို ဘန်ကောက်ရုံးက မစုမြတ်မွန်က တင်ပြပေးထားပါတယ်။

အောက်တိုဘာ ၁၈ ရက် ဒီနေ့မှာ ပြန်လည် စတင်ခဲ့တဲ့ ပြည်သူ့လွှတ်တော်မှာ မလိုအပ်တော့တဲ့ ဥပဒေ ၄ ခုကို အမျိုးသားလွှတ်တော် အတည်ပြုချက်အတိုင်း အတည်ပြု ဖျက်သိမ်းလိုက်တယ်လို့ ရခိုင် တိုင်းရင်းသားများ တိုးတက်ရေးပါတီရဲ့ မြေပုံမြို့နယ် ပြည်သူ့လွှတ်တော် ကိုယ်စားလှယ် ဦးဖေသန်းက ခုလို ရှင်းပြပါတယ်၊

“ ၁၉၆၄ခု မြန်မာနိုင်ငံ ကြယ်ငါးပွင့် သဘောင်္လုပ်ငန်းကော်ပရေးရှင်းဥပဒေကို ရုပ်သိမ်းသည့် ဥပဒေကြမ်း အဲ့ဒီ့ဥပဒေကို ရုပ်သိမ်းပစ်လိုက်ပြီး အဲ့တာကို အမျိုးသားလွှတ်တော်ကနေ ဆွေးနွေးပြီးတော့ ပို့တာ။ အဲ့ဒီ့ထဲက ပြန်ပြီး ကျနော်တို့က ပြန်ပြီးတော့ ဆွေးနွေးတာ မရှိတဲ့အတွက် အဲ့ဒီ့အတိုင်းပဲ အတည်ပြုတယ်။ နောက်တခုက Agenda ၁၃မှာ နိုင်ငံတော် တာဝန်ကိုတည်ငြိမ်အေးချမ်းအောင် စနစ်တကျ လွှဲပြောင်းပေးရန်၊ အမျိုးသားညီလာခံ လုပ်ငန်းများ အောင်မြင်စွာ ဆောင်ရွက်နိုင်ရေးတို့ကို နှောင့်ယှက်ဆန့်ကျင်ခြင်း ကာကွယ်သည့်ဥပဒေ ရုပ်သိမ်းသည့်ဥပဒေ၊ ဒါလည်း အမျိုးသားညီလာခံပြီးတော့ ဒီဥပဒေက မလိုတော့ဘူးလေ။ ဒါကိုလည်း အမျိုးသားလွှတ်တော်ရဲ့ အတည်ပြုချက်အတိုင်းပဲ ကျနော်တို့က ပြန်ပြီး အတည်ပြုလိုက်တာပေါ့။

Agenda  ၁၄လည်း အဲ့ဒီ့အတိုင်းပဲ ပြည်သူ့အကျိုးပြုဝန်ဆောင်မှုကာကွယ်ရေး အက်ဥပဒေကို ရုပ်သိမ်းသည့် ဥပဒေကြမ်း အဲ့တာကိုလည်း အမျိုးသားလွှတ်တော်က အတည်ပြုချက်အတိုင်းပဲ ကျနော်တို့ ပြည်သူ့လွှတ်တော်က အတည်ပြုပြီး ရုပ်သိမ်းလိုက်တာ။

နောက်တခု Agenda ၁၅မှာက မြေသိမ်း သတ္တုတွင်းများ ဥပဒေကို ရုပ်သိမ်းသည့် ဥပဒေကြမ်း၊ အဲ့တာကိုလည်းပဲ အမျိုးသားလွှတ်တော်က ရုပ်သိမ်းပြီးပြီလို့ အတည်ပြုထားတဲ့အတိုင်း ပြည်သူ့လွှတ်တော်က ထပ်ပြီး အတည်ပြုပြီး ရုပ်သိမ်းလိုက်တာပေါ့။

အဲ့တော့ ဥပဒေကြမ်း ၄ခုပေါ့ ဆိုလိုတာကတော့ ပြည်ထောင်စုလွှတ်တော်က အဲ့ဒီ့ဥပဒေကြမ်းတွေ ဖျက်ပစ်လိုက်ပြီပေါ့နော်၊ အမျိုးသားလွှတ်တော်ရော ပြည်ထောင်စုလွှတ်တော်ရော ဒါကို အတည်ပြုပြီးပြီဆိုတော့ ပြည်ထောင်စုက လွှတ်တော်က ဖျက်ပြီးသားဖြစ်သွားတာပေါ့။ ခေတ်နဲ့ မညီတော့ဘူးဗျာ။ အလုပ်မဖြစ်တော့တဲ့ ဥပဒေကို အဲ့တာကို ကျနော်တို့က ဥပဒေဖောင်းပွနေလို့ များနေလို့ အကုန်လုံး ကျနော်တို့က မလိုတော့တဲ့ ဥပဒေတွေကို ဖျက်သိမ်းပစ်လိုက်တဲ့သဘောပါ။”

ပြည်သူ့လွှတ်တော်ပြန်စတဲ့ ပထမနေ့မှာ ခုလို အစည်းအဝေးအစီအစဉ်တွေအတိုင်း မဆောင်ရွက်ခင်က ဥက္ကဌ သူရဦးရွှေမန်းက မိန့်ခွန်းပြောခဲ့ပါတယ်။ တရားဥပဒေစိုးမိုးရေး အတွက် တည်ဆဲဥပဒေတွေအတိုင်း မလိုက်နာသူတွေကို အရေးယူဖို့ ပျက်ကွက်တဲ့ လူ၊ အဖွဲ့အစည်းတွေကို ပြည်သူ့ကိုယ်စားလှယ်တွေက အပြစ်ပေးအရေးယူနိုင်ဖို့ လုပ်ရမယ်လို့ မိန့်ခွန်းထဲမှာ ပြောသွားပါတယ်။

“ဥပဒေအရ အရေးယူဆောင်ရွက်ရန်၊ ပျက်ကွက်သူ သို့မဟုတ် အဖွဲ့အစည်းကိုလည်း ပြည်သူများ သို့မဟုတ် ပြည်သူ့ကိုယ်စားလှယ်များက ဥပဒေနဲ့အညီ အပြစ်ပေး အရေးယူနိုင်ရေးအတွက် ဆောင်ရွက်ခွင့်ရှိနေရမည်။ အရေးယူဆောင်ရွက်ကြရမည် ဖြစ်၍ ထိုကိစ္စ ထိုဖြစ်စဉ်များကို လက်တွေ့နယ်ပယ်တွင် အရေးယူဆောင်ရွက်နေမှုများ ရှင်သန်နေရန် မိမိတို့ လွှတ်တော်ကိုယ်စားလှယ်များတွင် တာဝန်ရှိနေသည်ဟု ခံယူပြီး မိမိလွှတ်တော်နယ်မြေရှိ ပြည်သူလူထုအားလုံးပါဝင်ရေးအတွက် ဆောင်ရွက်ကြပြီး မိမိတို့ မြန်မာနိုင်ငံရဲ့ ဒီမိုကရေစီ ပြုပြင်ပြောင်းလဲရေး အောင်မြင်အောင် ကြိုးပမ်းဆောင်ရွက်သွားကြရန် လိုပါတယ်။”

ဒီမိုကရေစီစနစ်ရှင်သန်ဖို့ အရေးကြီးတဲ့ တည်ငြိမ်အေးချမ်းမှုအတွက် တရားဥပဒေစိုးမိုးမှုရှိနေဖို့ လိုတယ်လို့လဲ ပြည်သူ့လွှတ်တော်အဖွင့်မိန့်ခွန်းမှာ ဥက္ကဌ သူရဦးရွှေမန်းက ဆိုပါတယ်။

“ငြိမ်းချမ်းမှု၊ တည်ငြိမ်အေးချမ်းမှု ရှိမှသာ ဒီမိုကရေစီစနစ် ရှင်သန်နိုင်မှာဖြစ်ပါတယ်။ ထို့အတူ တည်ငြိမ်အေးချမ်းမှုရှိမှလည်း တရားဥပဒေစိုးမိုးရေး Rule of Law ရှိမှာဖြစ်ပါတယ်။ ငြိမ်းချမ်းရေး၊ တည်ငြိမ်အေးချမ်းရေးနဲ့ တရားဥပဒေစိုးမိုးရေးတို့သည် အပြန်အလှန် အမှီသဟဲပြုပြီး အကျိုးသက်ရောက်မှုများလည်း ရှိနေကြတာဖြစ်ပါတယ်။”

ဒီကနေ့ ပြန်လည်စတင်တဲ့ ပြည်သူ့လွှတ်တော်မှာရော အမျိုးသားလွှတ်တော်မှာပါ၊ အသစ်ခန့်အပ်ခံရတဲ့ တပ်မတော်သားကိုယ်စားလှယ်တွေ ကတိသစ္စာပြုခဲ့ကြပါတယ်၊ ပြည်ထောင်စုလွှတ်တော်ကိုတော့ တနင်္လာနေ့မှာ ပြန်လည်စတင်မှာဖြစ်ပါတယ်။

အမေရိကန် ဒု နိုင်ငံခြားရေးဝန်ကြီး မြန်မာသမ္မတနဲ့တွေ့ဆုံ

 

မြန်မာနိုင်ငံကို ရောက်နေတဲ့ အမေရိကန် ဒုတိယ နိုင်ငံခြားရေးဝန်ကြီး William J. Burns ဟာ ဒီကနေ့ နေပြည်တော်မှာရှိတဲ့ မြန်မာ သမ္မတဦးသိန်းစိန်အပါအ၀င်မြန်မာအစိုးရပိုင်းက တာဝန်ရှိသူတွေနဲ့ရော၊ဒေါ်အောင်ဆန်းစုကြည်နဲ့ပါ တွေ့ဆုံခဲ့ပါတယ်။ တွေ့ဆုံမှုဟာ ရလဒ်ကောင်းတွေရှိပါတယ် လို့ အမေရိကန် နိုင်ငံခြားရေးဌာနက ထုတ်ပြန်ပါတယ်။ ဒီအကြောင်း စုံစမ်း မေးမြန်းထားတဲ့ မခင်ဖြူထွေးက တင်ပြထားပါတယ်။

အမေရိကန် ဒုတိယ နိုင်ငံခြားရေးဝန်ကြီး William J. Burns ဟာ သမ္မတဦးသိန်းစိန် အပါအ၀င် မြန်မာအစိုးရ ထိပ်တန်း အရာရှိတွေ နဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်း စုကြည် နဲ့ တိုင်းရင်းသားခေါင်းဆောင်တွေနဲ့ ဒီကနေ့ နေပြည်တော်မှာ တွေ့ဆုံခဲ့တာပါ။ဒီကနေ့ တွေ့ဆုံမှုနဲ့ ပတ်သက်လို့ အမေရိကန် နိုင်ငံခြားရေးဌာနက ခုလို ပြောပါတယ်။

“ဒီနေ့ အောက်တိုဘာလ ၁၈ ရက်နေ့မှာ ဒုတိယ နိုင်ငံခြားရေးဝန်ကြီး William J. Burns ဟာ နေပြည်တော်ကို သွားရောက်ပြီး မြန်မာအစိုးရ ထိပ်ပိုင်းအရာရှိတွေနဲ့ လွှတ်တော်အမတ်တွေကို တွေ့ဆုံခဲ့ပါတယ်။ သမ္မတ ဦးသိန်းစိန်နဲ့ ကောင်းမွန်ပြီး အကျိုးအမြတ်ရှိတဲ့ ဆွေးနွေးမှုတွေ လုပ်နိုင်ခဲ့သလိုပဲ ဒေါ်အောင်ဆန်းစုကြည် အပါအ၀င် တခြား အရေးပါတဲ့ ခေါင်းဆောင်တွေနဲ့လည်း တွေ့ဆုံခဲ့ပါတယ်။ တွေ့ဆုံမှုတွေ အတွင်း နှစ်နိုင်ငံ အကျိုးစီးပွားဆိုင်ရာ ကိစ္စတွေနဲ့ မြန်မာနိုင်ငံရဲ့ လက်ရှိ နိုင်ငံရေးနဲ့ စီးပွားရေး ပြုပြင်ပြောင်းလဲမှု  ရှေ့တိုး ဆောင်ရွက်ရင်း နှစ်နိုင်ငံအကြား ပိုမိုကောင်းမွန်လာတဲ့ မိတ်ဖက် ဆက်ဆံရေး ဆိုင်ရာ ကိစ္စတွေကို ဆွေးနွေးခဲ့ကြတာပါ။ မြန်မာနိုင်ငံမှာ သမ္မတ ဦးသိန်းစိန် အစိုးရ တက်လာပြီးချိန်ကစလို့ သိသာထင်ရှားတဲ့ ပြုပြင် ပြောင်းလဲမှုတွေရဲ့ ထင်ဟပ်မှုပါပဲ။”

မစ္စတာ ဘန်းစ် ဟာ သမ္မတ ဦးသိန်းစိန်အပြင် ပြည်သူ့လွှတ်တော်ဥက္ကဋ္ဌ သူရ ဦးရွှေမန်း၊ နိုင်ငံခြားရေးဝန်ကြီး ဦးဝဏ္ဏမောင်လွင်၊ ကာကွယ်ရေးဝန်ကြီးဒုတိယ ဗိုလ်ချုပ်ကြီး ဝေလွင် စတဲ့ အစိုးရပိုင်းက ထိပ်တန်း အရာရှိတွေအပြင် တိုင်းရင်းသား လွှတ်တော်ကိုယ်စားလှယ်တွေနဲ့ပါ ဒီကနေ့ နေပြည်တော်မှာ တွေ့ဆုံခဲ့တာ ဖြစ်ပါတယ်။ 

မစ္စတာ ဘန်းရဲ့ မြန်မာနိုင်ငံ ခရီးစဉ်နဲ့ ပတ်သက်ပြီး ရန်ကုန် အမေရိကန် သံရုံးကလည်း ဒီကနေ့ပဲ ကြေညာချက် တရပ် ထုတ်ပြန်ထားပါတယ်။ အမေရိကန် ပြည်ထောင်စု အနေနဲ့ မြန်မာနိုင်ငံရဲ့ ပြုပြင် ပြောင်းလဲရေး လုပ်ငန်းတွေကို အားပေး ထောက်ခံတဲ့အကြောင်းနဲ့ မြန်မာနိုင်ငံသားတွေရဲ့ သမိုင်းဝင် အသွင်ကူးပြောင်းမှု လုပ်ငန်းတွေ အောင်မြင်ရေး ကူညီ ပေးသွားဖို့ စိတ်ပိုင်းဖြတ်ထားတဲ့ အကြောင်းလည်း ဒီကနေ့ ကြေညာချက်မှာ ဖော်ပြထားပါတယ်။

မြန်မာနိုင်ငံရဲ့ လက်ရှိ တိုးတက်ပြောင်းလဲမှုတွေ နဲ့ ပတ်သက်လို့ အားတက်စရာ ဖြစ်ပေမဲ့ ရှေ့ဆက် ပြုပြင် ပြောင်းလဲစရာတွေ အများကြီး ရှိနေသေးတဲ့အကြောင်းနဲ့ အမေရိကန် အစိုးရဘက်ကတော့ မြန်မာအစိုးရရဲ့ လုပ်ဆောင်ချက် တခုတိုင်းကို အဲဒီလုပ်ဆောင်ချက်နဲ့ အညီ ပြန်လည် တုံ့ပြန်သွားမယ် ဆိုတဲ့အကြောင်းလည်း အမေရိကန်ပြည်ထောင်စုက အစောပိုင်းကတည်းက ပြောဆိုထားပါတယ်။

တရားဥပဒေ စိုးမိုးရေး၊ လူ့အခွင့်အရေး ဆိုင်ရာ ကိစ္စတွေမှာ ပွင့်လင်းမြင်သာမှု ရှိဖို့၊ တိုင်းရင်းသားလူမျိုးတွေနဲ့ စစ်မှန်တဲ့ အမျိုးသား ရင်ကြားစေ့ရေး ဆောင်ရွက်ဖို့ နဲ့ အကျဉ်းထောင်တွေထဲမှာ ကျန်နေသေးတဲ့ နိုင်ငံရေးအကျဉ်းသား အားလုံး ပြန်လွှတ်ပေးဖို့ ကိစ္စတွေကို ရှေ့ဆက် ဆောင်ရွက်ဖို့ အမေရိကန် ပြည်ထောင်စုက မြန်မာအစိုးရကို တိုက်တွန်း ပြောဆိုနေတာ ဖြစ်ပါတယ်။

တရုတ်စီးပွားရေး ၇.၄ ရာခိုင်နှုန်း ကျဆင်း

 

တရုတ်နိုင်ငံရဲ့ စီးပွားရေး ဖွံ့ဖြိုးမှုနှုန်းဟာ ဒီနှစ် တတိယမြောက် သုံးလပတ်ကာလမှာ ၇.၄ ရာခိုင်နှုန်းအထိ ကျဆင်းသွားပါတယ်။ ဒါဟာ အစိုးရ ရည်မှန်းချက်ကနေ လွဲခဲ့ရတာဖြစ်သလို ကမ္ဘာ့ ဘဏ္ဍာရေး အကျပ်အတည်း စခဲ့ချိန်ကတည်းကစလို့ ဖွံ့ဖြိုးမှုနှုန်း အနိမ့်ဆုံးကို ကျသွားခဲ့တာလည်း ဖြစ်ပါတယ်။

အမျိုးသား စာရင်းစစ်ဌာနက ဒီကနေ့ ထုတ်ပြန်တဲ့ စာရင်းမှာ ကမ္ဘာ့ဒုတိယ စီးပွားရေး အင်အားကြီး နိုင်ငံဖြစ်တဲ့ တရုတ်နိုင်ငံအတွက် သုံးလပတ် (၇) ကြိမ်ဆက်တိုက် ကျဆင်းလာခဲ့တာလည်း ဖြစ်ပါတယ်။ စီးပွားရေး ဖွံ့ဖြိုးမှုနှုန်း ၇.၄ ရာခိုင်နှုန်းရှိတာဟာ တခြား စီးပွားရေး ကျပ်တည်းမှုဒဏ် ခံရတဲ့ နိုင်ငံတွေ ကြားမှာ များတယ်လို့ ယူဆရပေမဲ့ နှစ်စဉ် စီးပွားရေး ဖွံ့ဖြိုးမှုနှုန်း ၁၀ ရာခိုင်နှုန်းနဲ့ ဆယ်စုနှစ်များစွာ ရှိခဲ့တဲ့ တရုတ်နိုင်ငံအတွက်တော့ ဒီနှုန်းက နည်းနေတာပါ။

ခုလို တရုတ် စီးပွားရေး ကျဆင်းရတာဟာ ကမ္ဘာ့ စီးပွားရေး အကျပ်အတည်းကြောင့် တစိတ်တပိုင်း ဖြစ်ရတာလို့ အမျိုးသား စာရင်းစစ်ဌာန ပြောခွင့်ရသူ Shen Laiyun က ပြောပါတယ်။ တရုတ်နိုင်ငံရဲ့ ပြည်ပ ၀ယ်လိုအားတွေ သိသိသာသာ နည်းပါးသွားခဲ့တာက တရုတ်ရဲ့ စီးပွားရေး ဖွံ့ဖြိုးမှုကို အကြီးအကျယ် ထိခိုက်စေခဲ့တာလို့ သူက ပြောပါတယ်။ တရုတ်ဝန်ကြီးချုပ် ၀မ်ကျားပေါင်ကတော့ တရုတ်အစိုးရ ရည်မှန်းထားတဲ့ စီးပွားရေး ဖွံ့ဖြိုးမှုနှုန်း ၇.၅ ရာခိုင်နှုန်းကို ဒီနှစ် ပြည့်မီဖို့ အကောင်းမြင်နေတုန်း ဖြစ်ပါတယ်။ တရုတ်စီးပွားရေးဟာ တည်ငြိမ်နေပြီး ပြီးခဲ့တဲ့ သုံးလအတွင်း ကောင်းနေတုန်းပဲလို့ မစ္စတာ ၀မ်ကျားပေါင်က မနေ့က ဗုဒ္ဓဟူးနေ့ကပဲ ပြောခဲ့တာပါ

ရင်းနှီးမြှုပ်နှံမှုဥပဒေကြမ်း လွှတ်တော်မှာဆွးနွေးမည်

ပထမအကြိမ် အမျိုးသားလွှတ်တော်နဲ့ ပြည်သူ့လွှတ်တော် ပဉ္စမပုံမှန် အစည်းအဝေးတွေကို မနက်ဖြန် အောက်တိုဘာလ ၁၈ ရက်နေ့မှာ ပြန်လည် စတင်တော့မှာဖြစ်ပါတယ်။ ဒီတခါ လွှတ်တော် စည်းဝေးပွဲတွေကျရင် နိုင်ငံသားရင်းနှီးမြှုပ်နှံမှုဥပဒေကြမ်းကို အတည်ပြုနိုင်ဖို့ ဆွေးနွေးကြမှာ ဖြစ် သလို အတည်ပြုထားတဲ့ နိုင်ငံခြားရင်းနှီးမြှုပ်နှံမှု ဥပဒေပြင်ဆင်ချက်တွေကို ဆွေးနွေးကြမှာဖြစ်တယ် လို့ ပြည်ထောင်စု လွှတ်တော် ဥပဒေကြမ်းပူးပေါင်းကော်မတီဝင် ဒေါက်တာမြတ်ဉာဏစိုးက VOA ကိုပြောပါတယ်။ အခုလို လွှတ်တော်တွေပြန်မစခင် တရက် အလိုမှာပဲ NLD အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ကလည်း NLD ပါတီဝင် လွှတ်တော် ကိုယ်စားလှယ်တွေ ကို တွေ့ဆုံပြီး ထုတ်ပြန်ပြီးသား ဥပဒေ၊ နည်းဥဒေတွေမှာ ဥပဒေကို ကျော်လွန် ပြဌာန်းထားတဲ့ အချက်တွေကို ဖော်ထုတ်ကြဖို့ မှာကြားခဲ့ပါတယ်။ အပြည့်အစုံကို ဘန်ကောက်ရုံးက မစုမြတ်မွန်က တင်ပြပေးထားပါတယ်။

စက်တင်ဘာလဆန်းမှာ ပထမအကြိမ်လွှတ်တော် စတုတ္ထအစည်းအဝေးတွေ ပြီးဆုံး ခဲ့ပြီးနောက် အောက်တိုဘာလ ၁၈ ရက်၊ ကြာသပတေးနေ့ ကျရင် ပဉ္စမပုံမှန် အစည်းအဝေးတွေ ကို ပြန်လည် စတင်တော့မှာဖြစ်ပါတယ်။ ဒီတခါ လွှတ်တော်မှာ ဆွေးနွေးကြဖို့ရှိတဲ့ ကိစ္စတွေနဲ့ ပတ်သက်လို့ အမျိုးသားလွှတ်တော်ရဲ့ ဥပဒေကြမ်းကော်မတီဝင်လည်းဖြစ်၊ ပြည်ထောင်စု လွှတ်တော် ဥပဒေကြမ်း ပူးပေါင်းကော်မတီဝင်လည်းဖြစ်တဲ့ NLD ပါတီကိုယ်စားလှယ် ဒေါက်တာမြတ်ဉာဏစိုးက ခုလိုပြောပါတယ်။

“ပြည်ထောင်စုလွှတ်တော်က အတည်ပြုထားပြီးဖြစ်တဲ့ နိုင်ငံခြား ရင်းနှီးမြှုပ်နှံမှု ဥပဒေမှာ နိုင်ငံတော် သမ္မတကြီးကနေပြီးတော့ သဘောထား မှတ်ချက် ၁၁ ချက် ပြင်ဆင်ဖို့ ပေးပို့ထားတာ ရှိပါတယ်။ အဲဒီိ သဘောထား မှတ်ချက်တွေနဲ့ပတ်သက်ပြီိးတော့ ဆွေးနွေးဖို့ ရှိပါတယ်။ အခု ပဉ္စမအကြိမ် အစည်း အဝေးမှာတော့ နိုင်ငံခြားရင်းနှီးမြှုပ်နှံမှု ဥပဒေကို အတည်ပြုနိုင်မှာ ဖြစ်ပါတယ်။ တဆက်တည်း မှာပဲ နိုင်ငံသား ရင်းနှီးမြှုပ်နှံမှု ဥပဒေကြမ်းကိုလည်း လွှတ်တော်တွေ ကို ပေးပို့ထားပြီး ဖြစ်ပါတယ်။ ဒါကိုလည်း ဒီတကြိမ်မှာတော့ ဆွေးနွေးရမှာ ဖြစ်ပါတယ်။ ကျန်တဲ့ ဥပဒေကြမ်းတွေကို လွှတ်တော်ကို တင်သွင်းအုံးမလဲဆိုတာကတော့ မနက်ဖြန်နဲ့သဘက်ခါမှာကျင်းပတဲ့ လွှတ်တော် အစည်းအဝေးတွေ ကျမှပဲ သိရမှာပါ။”

၁၉၉၅ ခုနှစ်က ပြဌာန်းထားတဲ့ နိုင်ငံသားရင်းနှီးမြှုပ်ဥပဒေနေရာမှာ အစားထိုးမဲ့ ဥပဒေသစ်ထဲမှာ ရင်းနှီးမြှုပ်နှံမဲ့ နိုင်ငံသားတွေကို အကာအကွယ်ပေးတဲ့ အချက်တွေ ပါဝင်တယ်လို့ ဆိုပါတယ်။

“တိုင်းရင်းသားလုပ်ငန်းရှင်တွေကို အကာအကွယ်ပြုပေးတဲ့ ကိစ္စရပ်တွေ ပါပါတယ်။ ဥပမာ နိုင်ငံခြားက ဘဏ်တွေနဲ့ ချိတ်ဆက်ပြီး တော့ ငွေချေးဖို့ ကို ကော်မရှင်ကနေ ထောက်ခံ မှုပေးနိုင်တယ်ဆိုတဲ့ဟာမျိုးတွေ ထည့်ထားတာ ရှိပါတယ်။ နိုင်ငံခြားသား ရင်းနှီးမြှုပ်နှံသူတွေ ကို အခွင့်အရေးတွေ ပေးသလိုပဲ နိုင်ငံသား ရင်းနှီးမြှုပ်နှံသူတွေ အတွက် အကာအကွယ်ပြုမယ့် အခြေအနေတွေ ဒီ ဥပဒေထဲမှာ ပါပါတယ်ခင်ဗျ။”

ပထမအကြိမ်လွှတ်တော် စတုတ္ထ ပုံမှန်အစည်းအဝေးတွေ အဆုံးမသတ်ခင်က လွှတ်တော် ကော်မတီတွေကို ပြည်ထောင်စုအဆင့် သတ်မှတ်သင့်၊ မသင့်ဆိုတာနဲ့ ပတ်သက်လို့ လွှတ်တော်နဲ့ အခြေခံ ဥပဒေခုံရုံးကြားမှာ အခြေအတင်ဖြစ်ပြီး အခြေခံဥပဒေခုံရုံး အဖွဲ့ဝင်တွေ အားလုံး နုတ်ထွက်သွားခဲ့ကြပါတယ်။ အခုတကြိမ် လွှတ်တော်ပဉ္စမပုံမှန်အစည်းအဝေးပြန်စရင် ခုံရုံးအဖွဲ့ဝင်တွေကို ရွေးချယ် ခန့်အပ်ဖို့ ရှိတယ်လို့လည်း အမျိုးသားလွှတ်တော် ကိုယ်စားလှယ် ဒေါက်တာမြတ်ဉာဏစိုးက ပြောပါတယ်။

“အခြေခံဥပဒေခုံရုံးမှာ အဖွဲ့ဝင် ကိုးဦးရှိပါတယ်။ အဲဒီ ကိုးဦးအနက်မှာ ပြည်သူ့လွှတ်တော် ဥက္ကဋ္ဌက သုံးဦး အဆိုပြုရပါတယ်။ အမျိုးသား လွှတ်တော်ဥက္ကဋ္ဌက သုံးဦး အဆိုပြုရပါတယ်။ နိုင်ငံတော် သမ္မတ က သုံးဦး အဆိုပြုရပါတယ်။ ဒီ အဆိုပြုတဲ့ သုံးဦးစီ စုစုပေါင်းကိုးဦးကိုမှ ပြည်ထောင်စု လွှတ်တော်က အတည်ပြုရတာဖြစ်ပါတယ်။ အဲဒီ အဖွဲ့ဝင်ကိုးဦးထဲကမှ တစ်ဦးက ဥက္ကဋ္ဌအဖြစ် တာဝန် ယူပြီးတော့ ဆောင်ရွက်ရမှာ ဖြစ်ပါတယ်။”

ခုလို လွှတ်တော်ပုံမှန်အစည်းအဝေးတွေ ပြန်မစခင် အမျိုးသားဒီမိုကရေစီအဖွဲ့ချုပ် NLD ပါတီ ဥက္ကဋ္ဌ ဒေါ်အောင်ဆန်းစုကြည်က NLD လွှတ်တော်ကိုယ်စားလှယ်တွေကို ဒီနေ့ ဗုဒ္ဓဟူးနေ့မှာ တွေ့ဆုံခဲ့ ပါတယ်။ လွှတ်တော်ကိုယ်စားလှယ်တွေအနေနဲ့ ဥပဒေကို ကျော်လွန် ပြဌာန်းထားတဲ့ နည်းဥပဒေတွေ ကို ဖော်ထုတ်ကြဖို့ ဒေါ်အောင်ဆန်းစုကြည်က မှာတယ်လို့ ပြောပါတယ်။

“ထုတ်ပြန်ပြီးတဲ့ ဥပဒေတွေနဲ့၊ နောက်တခါ ထုတ်ပြန်ပြီးတဲ့ နည်းဥပဒေတွေထဲမှာ ကွဲလွဲနေတာတွေ ရှိပါတယ်။ အဲဒီနည်းဥပဒေတွေဟာ ဥပဒေတွေကို ကျော်လွန်ပြီးတော့ ပြဌာန်းထားတာတွေ ရှိပါ တယ်။ ပြည်သူတွေအပေါ်မှာ ဖိစီးနေနိုင်တဲ့ နည်းဥပဒေမျိုးတွေကို ပြန်လည် ဖော်ထုတ်ပြီးတော့ စိစစ်ဖို့ဆိုတာကို လမ်းညွှန်ခဲ့ပါတယ်။ နောက်တခုကတော့ ကျနော်တို့ မြန်မာနိုင်ငံဟာ ပြုပြင်ပြောင်း လဲရေး လမ်းကြောင်းကို သွားနေတဲ့အချိန်မှာ အမျိုးသားဒီမိုကရေစီအဖွဲ့ချုပ် ကိုယ်စားပြု လွှတ်တော် ကိုယ်စားလှယ်တွေအနေနဲ့ ဒီမိုကရေစီကျတဲ့၊ ဒီမိုကရေစီကျင့်စဉ်နဲ့ ညီညွတ်တဲ့ အချက်တွေကို သာ ထောက်ခံသွားဖို့ ဘယ်အဖွဲ့အစည်း၊ ဘယ်ဘက်ကပဲကြည့်ကြည့် ဒီမိုကရေစီ ကျနတဲ့ နည်းလမ်းတွေ ဘက်ကသာ ရပ်တည်သွားဖို့ လမ်းညွှန်သွားပါတယ်ခင်ဗျ။”

ပထမအကြိမ် အမျိုးသားလွှတ်တော်နဲ့ ပြည်သူ့လွှတ်တောတို့ရဲ့  ပဉ္စမပုံမှန် အစည်းအဝေးတွေ ကို အောက်တိုဘာ ၁၈ ရက် ကြာသပတေးနေ့မှာ ပြန်စမှာ ဖြစ်ပြီး ပြည်ထောင်စု လွှတ်တော် စည်းဝေးပွဲတွေကို အောက်တိုဘာလ ၂၂ ရက် တနင်္လာနေ့မှာ ပြန်လည်စတင်မှာဖြစ်ပါတယ်ရှင်။