မျက်မမြင်ပုဏ္ဏား -ဖေ့စ်ဘုတ် သုံးခြင်းအကြောင်း
|
10:22 PM |
No မှတ်ချက် |
ကျွန်တော်ရန်ကုန်မှာ တလ-ရှိနေတုန်း ကျောင်းသားများ ပညာရေးဥပဒေပြင်ဆင်ရေးသပိတ်နဲ့ တိုက်ဆိုင်နေတာမို့ မိတ်ဆွေတွေအသိချင်ဆုံးအများဆုံးအမေးခံရတဲ့မေးခွန်းတခုကတော့ သပိတ်မှောက်ကျောင်းသားတွေ ရန်ကုန်ဝင်ရင်ဘာဖြစ်မလဲ ဆိုတဲ့မေးခွန်းဖြစ်ပါတယ်။ ၇၄-၅-၆ က ကျန်သေးသော ရွယ်တူမိတ်ဆွေတွေက ငယ်ပေါင်းလို။ ၈၈တုန်းကလုပ်ဖေါ်ကိုင်ဖက်တွေက-အကိုကြီးတယောက်လို။
၉၈ မျိုးဆက်တွေကဦးကြီး ဘကြီး တယောက်လို။ရေစက်ဆုံတဲ့အကြောင်းတွေကို အရင်းခံပြီးရင်းနှီးကျွမ်းဝင်မေးမြန်းကြပုံရပါတယ်။ ကိုယ်ကလည်းဝန်ခံရရင်သူတို့ကလွဲလို့ တခြားကိုယ့်ကိုစကားပြောချင်သူသိတ်ရှိမယ် မထင်တဲ့ခံစားချက်မျိုး။နောက်ထပ်တက်လာနေတဲ့မျိုးဆက်တွေနဲ့တော့ ကိုယ်က-အလှမ်းဝေးသွားပါပြီ။ ဖေ့ဘုတ်မှာ တချို့ချိတ်ထားတယ်ဆိုပေမယ့် ဖ-ဘ-သဘာဝ-ထဲထဲဝင်ဝင် မဖြစ်နိုင်ပါ။ မြန်မာပြည်ကလူတွေကကွင်းထဲကလူတွေ။ အနီးကပ်သမား အနီးမြင်တွေ။ အနီးမြင်သမားတွေဆိုတော့ အဝေးကလာသူရဲ့ အဝေးမြင်ကွင်းကို သိချင်ပုံရပါတယ်။
တကယ်တန်းကျကျွန်တော်ကအဝေးမြင်မဟုတ်ပဲ အဝေးမှုန်အနီးကန်းသမားဖြစ်နေနိုင်ပါတယ်။ ဒါပေမယ့် ရင်းသူချင်းတီးခေါက်ချင်၊အမြင်ချင်းဖလှယ်ချင်ပုံရတာလူ့သဘာဝပဲလေ။
ဝင်ရင်ဖမ်းမှာပေါ့။ ရိုက်မယ်နှက်မယ်။ ဖြိုမယ်။ အခြေအနေဆိုးရင်ပစ်ခတ်မှုတွေပါဖြစ်နိုင်တယ်၊ဒီလမ်းပဲရှိတယ်။ဒီရာဇ၀င်ဟောင်းပဲရှိတယ်လို့ ကျွန်တော်ကဖြေပါတယ်။ ဘာကြောင့် ခုလိုလုပ်တာလဲ ဆိုတဲ့ မေးခွန်းကိုကျွန်တော်ပြန်ဖြေသည့်အကြောင်းက စာမေးပွဲရာသီဖြစ်နေလို့ခုလိုဖမ်းလျှင်အစိုးရအကြောင်းပြလို့ကောင်းတယ် သူတို့လုပ်မပေးချင်တာကိုလမ်းလွှဲလို့ရတယ်။
အကိုကြီးက ရန်ကုန်ဝင်စေချင်သလား ဟုဆက်မေးတဲ့မေးခွန်းများကိုတော့ ကျွန်တော်က မ၀င်စေချင်ဘူးလို့ဖြေပါတယ်။ ၀င်ရင်မရဘူးလား လို့ စကားတောက်တဲ့အခါ ၀င်ရင် အရင့်အရင်ဇာတ်လမ်းတွေလိုပဲဖြိုခွဲဖမ်းဆီးထောင်ချ ဒါနဲ့ အချိန်ဆွဲဇာတ်မျောမယ်။ အပေးအယူနဲ့ စကားပြောတာကိုဆက်စေချင်တယ်။ အထူးသဖြင့် စာမေးပွဲရာသီကို ကျော်အောင် အချိန်ယူဗျူဟာဆွဲစေချင်တယ်လို့ပြောပါတယ်။
ကျွန်တော်အမြင်သူတို့နဲ့ တိုက်ဆိုင်မယ်။ မဆိုင်ဘူးကျွန်တော်မသိပါ။ မိတ်ဆွေတချို့က သပိတ်တပ်နဲ့ ရန်ကုန်ကြားကူးချည်သန်းချည်လုပ်နေတာကြောင့်ကိုယ်ပိုင်အမြင်တွေရှိပါလိမ့်မယ်။ ကိုယ်က ကိုယ်မြင်တာကိုယ်ပြောတာဖြစ်ပြီး ကျန်တာတွေ မသိ။ ရေရှည်သပိတ်စစ်ကြောင်းတွေ လမ်းမှာ အချိန်ဆွဲရပ်တန့်နေရတဲ့ အခက်အခဲတွေပြသနာတွေ ပယောဂတွေကို ကျွန်တော်ခန့်မှန်းစိုးရိမ်နေမိ။ တည်းခိုရေးနေထိုင်စားသောက်ရေး သပိတ်ရေချိန်နဲ့လူထုထောက်ခံမှု လုံခြုံရေး အချိန်တိုင်းပြသနာရှိပါတယ်။
ယိုးဒယားမြို့လယ်ခေါင်ကရေရှည်ထိုင်သပိတ်၊ ဟောင်ကောင်မြို့လယ်ခေါင်ကရေရှည်သပိတ်။အားလုံးအခြေမလှခဲ့ကြပေ။ဒါက…..ကိုယ်အဝေးမြင်သမားအတွေး။
ကျွန်တော်ပြန်လာပြီးမကြာခင် ကျောင်းသားများ က ဆယ်တန်းစာမေးပွဲ မစခင်တရက်မှာ အတားအဆီးများကိုဖြတ်ကျော်လိုက်ကြပါတယ်။ သူတို့က ရန်ကုန်ဝင်ပြီးမှပညာရေးသပိတ်ကို အောင်မြင်စွာ ယာယီအဆုံးသတ်ချင်ပုံလို့-ုနားလည်လိုက်တယ်။ ဒီနေရာမှာ အစိုးရအမြင်ကတမျိုးဖြစ်မယ်။
ကျွန်တော်ရန်ကုန်မှာရှိနေစဉ်မှာပဲ လောက်ကိုင်မှာ အကြီးအကျယ်စစ်တိုက်ကြပြန်ပါသည်။ ငြိမ်းချမ်းရေးအတွက် အပစ်ရပ်ဆွေးနွေးပွဲတွေ အရှိန်ကောင်းနေတုန်း ရုတ်တရက်ထဖြစ်သောအခါ ကျွန်တော် အလွန်နားလည်ရခက်သွားပါတယ်။ ဖြစ်ပုံကလည်း စစ် အင်အားကြီးတိုင်းရင်းသားအဖွဲ့မျိုးမဟုတ်ပဲ အင်အားမရှိတော့ဘူးဟုပြောသော ကိုးကန့်အဖွဲ့ဖြစ်နေရကား ဘာကြောင့် ထချမှန်းတကယ်မသိတော့ပါ။ မိုင်းလားမှာ နှစ် ၂၀လောက်အခြေချနေလာသော သူငယ်ချင်းတောပြန် ရန်ကုန်ခဏရောက်နေခိုက်ဆုံဖြစ်သောကြောင့် သူ့ကိုအားကိုးတကြီးမေးတဲ့အခါ သူတောင် သေချာ မရှင်းပြတတ်ပါ။ တက်လာတဲ့ သတင်းတွေက အမျိုးမျိုး။ တရုတ်ပါတယ်လို့ စွပ်စွဲလိုက်တဲ့အခါ ပိုရှုပ်ကုန်ပါတယ်။ ဘာတွေကဘယ်လိုဆက်စပ်။ ကျွန်တော်ဘာမှ မသိ။ အာမချောင်တတ်တော့။
နောက်တခါ အမျိူးသားဒီမိုကရေစီအဖွဲ့ချုပ်မှာ ယုံယုံကြည်ကြည်မြှုပ်နှံလုပ်ကိုင်နေတဲ့ ညီညီမငယ်တွေနဲ့ တွေ့ပြန်တဲ့အခါ ကိုယ်က အစာမကြေလေခံနေတဲ့အချက်လေးတချက်ကို အန်ထုတ်မိပါတယ်။ တိုင်းရင်းသားနယ်မြေတွေမှာ ဒီချုပ်က လက်မရှောင်ပဲ ၀င်ပြိုင်မယ်ဆိုတာ တကယ်လား။ အကိုကတော့ ရှောင်ပေးတာကြိုက်တယ်။ တိုင်းရင်းသားနယ်မြေတွေက တိုင်းရင်းသားပါတီတွေအကုန်နိုင်စေချင်တယ်။ သူတို့အမတ်တွေလွှတ်တော်တက်။ လွှတ်တော်ရောက်၊ ဒီချုပ်နဲ့ မဟာမိတ်ဖွဲ့ မဖြစ်ဘူးလားလို့မေးပါတယ်။ အကို ဘာသိလဲ။ လွှတ်တော်မှာ ဒီချုပ်ကို ကန်လန့်တိုက်၊ ကြံ့ခိုင်ဖွံ့ဖြိုးရေးဘက်ကရပ်တဲ့ တိုင်းရင်းသားနံမည်ခံပါတီတွေလည်း ရှိသေးတာကို။ သူတို့တွေကိုတော့ အနိုင်မခံနိုင်ပါဘူးဗျာ ညီငယ်က ပြန်ပက်ပါတယ်။ကျွန်တော်ကသူတို့ဖြတ်သန်းမှုကာလမှတ်ကျောက်၊ဆက်မြုပ်နှံနိုင်မှု၊.သူတို့ရင်ခုန်သံ၊သူတို့စိတ်စေတနာစသည်စသည်များအပေါ်ဘာတခုမှစောဒကတက်စရာမမြင်။နေရာလိုချင်တာနေလားဆိုသောခပ်ချာချာပေါပေါအတွေးမျိုးလုံးဝမရှိ၊ ငေါင်ပြီး ပါးစပ်ပိတ်နေပါတယ်။ ငါရောက်နေတဲ့အရပ်ဆီမှာ စကော့တွေဆိုတာအခွင့်အရေးအတော်ရတာကွ၊အပီအပြင်ငြိမ်းချမ်းအတူတကွနေလာကြတာကွ၊ဒါတောင်ခွဲထွက်ဖို့ဆန္ဒခံသေးတယ်။ငါကငါတို့ဆီကတိုင်းရင်းသားတွေလွှတ်တော်တက်တာမြင်ချင်လို့ ဆိုတဲ့စကားကို မဆက်ဖြစ်တော့။ ကိုယ်တွေတွေးနေတာတွေက ခပ်တုန်းတုန်းခပ်စင်းစင်းမျှသာဖြစ်ပုံရပြီး နိုင်ငံပါတီနိုင်ငံရေးက ထင်သလိုမစင်း၊သပွတ်အူအတော်လိုက်ဗွက်ပေါက်နေပုံရတယ် ။ ဘယ်အဝေးရောက်ပုဏ္ဏားမှ လောက်ကိုင်စစ်။ ရခိုင်စစ်ပွဲတွေလာမယ်လို့ ဟောနိုင်တာမတွေ့။
ကျွန်တော်ဥရောပပြန်ရောက်ပြီးမကြာခင် ဒေါ်အောင်ဆန်းစုကြည်ထံမှ ၅၉စ ကိုမပြင်ရင် ရွေးကောက်ပွဲကို ၀င်သင့်မသင့်စဉ်းစားရလိမ့်မယ်ဆိုသောပြောစကားစကြားရပါတယ်။ အတိုက်အခံအတော်များများလည်း ကြိုက်။ မှိုချိုးမျှစ်ချိုးသမားများလည်း အသာငြိမ်သွား ။ ၆ပွင့်ဆိုင်တွေ့ကြတော့မယ်ဆိုသောအခါ သတင်းတွေမှာရေးကြီးခွင့်ကျယ်ရေး။ မသိမသာမျှော်လင့်။ခပ်ချဲချဲထိုင်ကြတာတွေ့လိုက်ကြသောအခါ အားပျက်ကြပြန် ။ ဘာထုတ်ပြန်ချက်မှလည်းမထုတ်။ အသံတွေတိတ်။ ထပ်တွေ့ရန်လည်း အာဂျင်တာတင်လို့ရပုံမပေါ်။အခြေအနေ မကောင်း။ အားလုံးဝါးတားတား။
အစိုးရပထမ-၅နှစ်သက်တမ်းတခုလုံး…လုပ်လာတဲ့ငြိမ်းချမ်းရေးဆွေးနွေးပွဲများဆီက…..တပြည်လုံးအပစ်အခတ်ရပ်ကြဖို့ မူအားဖြင့်သဘောတူညီလို့ရသွားပြီဆိုသောရလာဒ်ဓါတ်ပုံတွေဝေေ၀ဆာဆာတက်လာတာကို ကျွန်တော်ကြည့်ပြီး ဟုတ်ပါ့မလားမောင်ကာဌုရယ်လို့ပြောမဆုံးခင်လောက်ကိုင်စစ်ရှိန်တွေက တဟုန်းဟုန်းအရှိန်တက်။ကိုယ်တွေကအင်အားတထောင်လောက်ရှိတယ်ဆိုသောကိုးကန့်တပ်များနဲ့ကြာရှည်ကြာမျောစစ်ဖြစ်နေမယ်မထင်ထားခဲ့တာ။ အထူးသဖြင့် အဖွဲ့အတော်များများနဲ့ အပစ်ရပ်စကားပြောနေချိန် ခုလောက်တိုက်ပွဲပြင်းထန်နေတော့ ဘယ်လိုစစ်ရေးနိုင်ငံရေးနဲ့ ၂ဖက်ကစားနေသလဲမတွက်တတ်တော့။ မိုင်းလားကသူငယ်ချင်းပြောသလို လူတွေက အမျိုးတွေတော်နေကြတာဗျ။ နယ်မြေတွေက ဒိုးယိုပေါက်တွေလိုကူးလူးသွားလာနေကြတာ။ လက်နက်တွေကလည်း လိုသလိုရနေကြတာဆိုသောစကားတွေကိုပြန်ကြားရင်းခေါင်းမူးလာပါတယ်။အော်..စစ်မှာ-မဟာမိတ်ဆိုတာက အင်အားတသောင်းလည်းဖြစ်နိုင် တသိန်းလည်းဖြစ်နိုင်သေးတာပဲ။
တခါ ရခိုင် AA တပ်တွေနဲ့ တိုက်နေကြပြန်ပြီဆိုသောသတင်းတွေကြောင့် အဝေးရောက်ပုဏ္ဏားပိုဦးနှောက်စားလာပါတယ်။ ကိုယ်က ယူကရိန်းစစ်ပွဲတွေနဲ့ ပိုနီးစပ်နေ ယူကရိန်းကလူတွေနဲ့ ပိုစကားပြောနေ။သူတို့သတင်းတွေပိုရသူတို့အကြောင်း ပြောရတာ ပိုကျိုးကြောင်းဆီလျော်နေသလိုဖြစ်နေတယ်။ မြန်မာပြည်က လောက်ကိုင်စစ် ရခိုင်စစ်ပွဲတွေကို လိုက်မမှီတော့။ဘယ်စစ်မြေပြင်သတင်းထောက်ကသတင်းတင်တာမှလည်းမတွေ့ ။
လက်ပံတန်းက ပညာရေးသပိတ်မှာအကြမ်းဖက်အဖမ်းဆီးခံနေရသောကျောင်းသားများအတွက် နယ်အနှံကန့်ကွက်ဆန္ဒပြတာတွေကြိုကြားကြိုကြားတွေ့ရပြန်ပြီးသပိတ်မှောက်ကျောင်းသား-ကျောင်းသူ-၀န်းရံသူတရာခန့်ကိုရုံးထုတ်နေတာတွေကိုမြင်ရတဲ့အခါမြန်မာပြည်နိုင်ငံရေးကအတော် မှုန်မှိုင်းအုံဆိုင်းနေပါလား။
အဝေးမှုန်အနီးကန်း ပုဏ္ဏားအတွက် ဘာဟောစာတမ်းမှ မတင်ရဲလောက်အောင် ကြည့်စရာနက္ခတ် တွေပျောက်နေခဲ့။
ကျောင်းသားတွေတကယ်ထောင်ကျမှာလား။တွက်ပေးစမ်းပါ ဗျာလို့တယောက်ယောက်ကမေးလျှင် ……..အသင်ပုဏ္ဏားအသို့ဟောလိုပါသလဲ။ ဟုတ်မှန်-အကျိုးရှိ-အများနာလိုတာကို--ဟောပါပုဏ္ဏားကြီး….
(လူအများစုဝေးနေကြသည်။ မီးရထားကားမလားသေး။ ခရီးဝေးသွားမည့်သူလည်းပါသည်။ )
(ရွေးကောက်ပွဲအကြောင်းပြောနေသည်။ရွေးကောက်ပွဲကမလာသေး။
ရွေးကောက်ပွဲမသွားမယ့်သူလည်းပါသည်။ )
ခွန်ဆိုင်း ( ၂၈-၄-၂၀၁၅ )
0 comments:
Post a Comment