Sunday, April 19, 2015

လူစကားခွေးစကား


ဖါ....ဖါ....ဖါ...ဆို....လာ
လာ....လာ.....ဒို့ဆီလာ
ဒို့ဆီလာ....ဖါဆိုဒို့ဆီလာထား
ဖါဆိုဒို့လာတီးမာ  ...................
ဘာတွေလျောက်ရေးနေသလဲလို့ အပြစ်တင်မစောလိုက်နဲ့ သီချင်းရေးနေတာဗျ.....
ဒိုင်ယာတောနစ်ခေါ်တဲ့ ဒိုရေမီဖါဆိုလာတီ ခုနစ်သံရဲ့ကြားမှာ
ဒီ...မာ...ဖီ...ဆီ...ထာ ဆိုတဲ့ ကြားသံတွေရှိတယ်.....အဲဒါတွေပါပေါင်းရင်
ခရိုမက်တစ်လို့ခေါ်တယ်.....ဒါကဂီတနဲ့မနီးစပ်သူတွေကိုရှင်းပြတာပါ.....
အဲလိုနုတ်စ်လေးကို တီးလိုက်ချရေးလိုက်....ရွတ်လိုက်.....စကားလုံးရှာလိုက်နဲ့
ကျွန်တော့်အိမ်ရှေ့ကွက်လပ်မှာ ပက်လက်ကုလားထိုင်တလုံး ဂစ်တာတလုံးနဲ့
အလုပ်ရှုပ်နေတာပေါ့ဗျာ....
ငါ....ငါ....ဘယ်...ဆီ...မှာ
ငါ...ငါ......မသိတော့ပါ
.......
တောက်....စကားလုံးကရှားလိုက်တဲ့ဖြစ်ခြင်း
ဘာရေးလိုက်ရပါ့.....ဦးနှောက်ခြောက်နေတုန်း
"ဟေ့လူ....ဘာလုပ်နေတာတုန်း...."
"သီချင်းရေးနေတာ.....အာ.....သောက်ပလုပ်တုတ်....လန့်လိုက်တာ....."
မလန့်ခံနိုင်မလားဗျာ.....ဘယ့်နှယ်.....ကျုပ်ကိုမထီတရီကြည့်ပြီး
ပြုံးပြုံးကြီးလာပြောနေတာ....ဘယ်သူထင်တုန်း......
လူမဟုတ်ဘူးဗျ.....ခွေး.....ခွေးမှမည်းမည်းတုတ်တုတ်နဲ့ ခွေးထီးကြီး....
"မင်း....လူစကားပြောတတ်တယ်...ဟုတ်လား..."
"ဟုတ်တယ်လေ...ဒါဘာဆန်းလဲ....ကျုပ်တို့ခွေးတွေက
ဂျီးနီးယပ်စ်တွေဗျ....အော့ဗဆာဗေးရှင်းကော...လန်းနင်းအက်တီဗတီပါ
သိပ်ကောင်းတယ်....ခင်ဗျားတို့လူတွေပဲ....ခွေးနားနေပြီး ခွေးစကားမတတ်တာ"
"အောင်မယ်...မင်းက ဘိုလိုပါမှုတ်လိုက်သေးတယ်....တကယ့်ကောင်ကွာ
လူကျနေတာပဲ ပြောပုံဆိုပေါက်က....."
"ဟေ့လူ.....ကျုပ်ကိုလူနဲ့နှိုင်းတာအနာဆုံးပဲ....ကျုပ်နဲ့ဆက်စကားပြောချင်ရင်
အပြောအဆိုဆင်ခြင်ဗျာ....ဘယ့်နှယ် ခွေးတကောင်လုံးကို နှိုင်းစရာရှားလို့
လူနဲ့မှနှိုင်းရတယ်လို့....ထွီ.....ကျုပ်က ခင်ဗျားနားမလည်မှာစိုးလို့
လူလိုပြောရတာ....ခွေးပါးစပ်က လူစကားထွက်ရတာ ဘယ်လောက်သနတယ်မှတ်လဲ..."
"အေးပါကွာ....ဆောရီး....ပြောမှားဆိုမှားရှိရင်လဲ ခွင့်လွှတ်ပါ...မောင်ခွေး....အဲ
မင်းနာမည်...ဘယ်သူ...."
"ခွေးအမည်းတွေ့မှတော့ အောင်နက်ပေါ့ဗျာ....ဒါမှမဟုတ်ဘလက်ကီပေါ့ဗျာ...
ခင်ဗျားတို့လူတွေဒီလောက်ပဲခေါ်တတ်တာမဟုတ်လား....ကျုပ်ဘွဲ့မည်ပြောရင်
ခင်ဗျားခေါ်တတ်မယ်မထင်ပါဘူး....ဒါပေသိ....သိအောင်တော့မိန့်ရပေမပေါ့
မသေမချင်းမှတ်ထား.....အဂ္ဂမဟာသီရိသုဓမ္မအလင်္ကာကျော်စွာဒေါက်တာ
ဆာအောင်နက်တဲ့...."
"အောင်မယ်....ကြီးကျယ်လိုက်တာကွာ....မင့်ဟာမင်းလျောက်ပေးထားတဲ့ဘွဲ့တွေ
လာမရွတ်ပြနဲ့..."
"အောင်မာ...ကျုပ်ကိုများ ခင်ဗျားတို့လူတွေလိုအရူးထပြီး ကိုယ့်ဟာကို အရူးချီးပန်းဘွဲ့တွေ
လျောက်ပေးတတ်တဲ့သတ္တ၀ါ ထင်နေသလား....ဒါဟာခွေးထုတရပ်လုံးရဲ့အားပေးထောက်ခံမှုနဲ့
ခွေးယူနီဗာစီတီက ချီးမြှင့်ထားတဲ့ဘွဲ့တွေဗျ....နားလည်လား..."
"ဟုတ်ကဲ့ပါ...ဒေါက်တာဆာအောင်နက်ရယ်....ဆက်မိန့်ပါဦး..."
"...အိမ်း....ဘာရယ်မဟုတ်ပါဘူး.....မောင်ရင်သီချင်းရေးရင်း
ဦးနှောက်ခြောက်နေတာတွေ့တော့...နည်းနည်းပါးပါးပညာပေးဆွေးနွေး
သင်ကြားပေးရမလားလို့ စေတနာဖြစ်လာတာနဲ့....လာခဲ့တာပဲ....
တော်ရုံတန်ရုံကောင်ဆို ကျုပ်က အရေးလုပ်တာမဟုတ်ဘူးနော်....
မောင်ရင်သာ စိတ်နေသဘောထားမှန်ကန်ပုံက ကျုပ်တို့ခွေးတွေနဲ့
ဆဲဗင်တီဖိုက်ပါစင့်လောက်နီးစပ်လို့ ခွေးလောက်နီးနီးအသိတရားရှိမယ့်ပုံပဲ
လို့ခန့်မှန်းပြီး သင်ကြားပေးလိုစိတ်ဖြစ်လာတာ....မောင်ရင်က
ခွေးနဲ့အတော်တူတာပဲ...ဂုဏ်ယူလိုက်စမ်းပါ..."
"..ဘာကွ....မင်းလဲငါနဲ့ဆက်ပြောချင်ရင် အပြောအဆိုဆင်ခြင်လိုက်စမ်းပါ...
ငါ့ကိုခွေးနဲ့မနှိုင်းနဲ့...."
"ရော်....မောင်ရင့်နှယ်...ခက်ပြီ....ခွေးနဲ့နှိုင်းတာနာရတယ်လို့
အဲသလိုဒေါသထွက်ပုံကိုက ခွေးနဲ့အတော်နီးစပ်တာကွ....
ထားပါတော့ မောင်ရင်မကြိုက်ရင် မပြောတော့ဘူးလေ..."
"ကဲ....ထားပါတော့ ငါ့ကို သီချင်းရေးတာသင်ပေးရအောင်
မင်းက ဂီတအကြောင်းဘာနားလည်သလဲ..."
"ခက်ပါ့မောင်ရင်ရာ....မသေမချင်းမှတ်ထား....ဂီတအစခွေးတို့ကတဲ့
ငါတို့အသံဟာ ငါတို့ရဲ့ဂီတပဲ..."
"ထားပါတော့လေ....မင်းကငါ့ကိုဘာများသင်နိုင်လို့လဲ..."
"ဒီမယ်မောင်ရင်ရဲ့ မောင်ရင့်သံစဉ်ယူပုံက သိပ်မဆိုးလှပါဘူး
မယ်လိုးဒစ်ဖြစ်ပါရဲ့....အနည်းငယ်တော့ ချွတ်ချော်သပေါ့ကွာ...
ဒါကလဲကျုပ်မသင်ရသေးလို့ပါ....အဓိကကတော့
မောင်ရင့် စကားလုံးတွေက ပိန်းလွန်းတာပဲ...ငါဆိုရင်
ခွေးလောကမှာ မသိသူမရှိ တော်သီလင်းရှိုးပွဲတိုင်း
ခွေးဖြူတို့ စိုင်းစိုင်းခွေးလှိုင်တို့ သီချင်းလာရေးခိုင်းရတာ
ငါ့သီချင်းကြားလိုက်ရင် ခွေးမတိုင်းကျတာပဲ...."
"အမယ်....တယ်ဟုတ်ပါလား.....မင်းသီချင်းတစ်ပုဒ်လောက်
ဆိုပြစမ်းပါ..."
"မဆိုပြခင် ဘယ်လိုကွာတယ်ဆိုတာ မောင်ရင်သိရအောင် ခုတလောခေတ်စားနေတဲ့
ဟိုကုလားလေး....ဘယ်သူကွာ.....ဆိုတေး.....အေးအေး...သူ့သီချင်းလကွာ
ငါ့ဘ၀ရဲ့မီးအိမ်ရှင်ပါ...ငါ့ဘ၀ရဲ့ပဲ့ကိုင်ရှင်လေးပါ ဆိုတဲ့သီချင်း....
သိပ်ပိန်းလွန်းသကွာ...လိုရင်းမရောက်ဘူး....ငါ့ခွေးအဆိုတော်တက်သစ်စ
ဆိုခွေး ဆိုတဲ့ကောင်ကလေးကိုရေးပေးတဲ့သီချင်းလောက်မှ အဆင်မပြေဘူး..."
"ဆိုခွေး....တယ်ဟုတ်ပါလား.....ဘာတဲ့တုန်းဒီကောင့်သီချင်းက...."
"ဟေ့...ခွေးမလေး....နင်လမ်းထိပ်ဆီထွက်ခဲ့ကွယ်
ငါတို့မိတ်လိုက်ကြမယ်....လမ်းဘေးတလျောက်
ငါပန်းခဲ့တဲ့သေးတွေကိုအနံ့ခံကာလာခဲ့ကွယ်
ကလေးတွေမွေးကြမယ်....ကဲဘယ်လောက်အနှစ်သာရ
ပြည့်ဝလိုက်တဲ့စာသားတွေလဲ....မင်းတို့လူတွေပဲ
လိုရင်းမရောက် ဟိုဟာနဲ့နှိုင်းဒီဟာနဲ့နှိုင်း
ဒါမျိုးခွေးမတွေသိပ်မုန်းတာကွ..."
"ဟ....မင်းတို့ခွေးတွေကတော့ဟုတ်တာပေါ့
ငါတို့လူတွေအဲလိုဆိုရင် ပါးရိုက်ခံရမပေါ့ကွ
ခွေးကောင်ရ...."
"မင်းတို့အဲဒါတွေခက်တာပဲ....မင်းတို့လူတွေရဲ့
ဖီလော်ဆော်ဖီ သီယိုလော်ဂျီတွေက အတော်ပိန်းတယ်
ဒါကြောင့် မင်းတို့လူတွေသေရင် ငရဲရောက်တာ...."
"ဟ....ငရဲတောင်ပါလာပြန်ပြီ...မင်းကဘာသာရေးသိလို့လား...."
"သိသမှ...သိပ်သိပေါ့မောင်ရာ....ဘာသာရေးနိုင်ငံရေးစီးပွားရေး
အနုပညာ ဘက်စုံသိသပေါ့....အဲဒါကြောင့်မောင်ရင်တို့လူတွေပိန်းတယ်ပြောတာ
မှတ်ထား...ခွေးတွေသေရင်ငရဲမရောက်ဘူး....ငါတို့ကကံငါးပါးလုံတယ်...
ဘယ်ခွေးအုပ်စုနဲ့ဘယ်ခွေးအုပ်စု ဘာသာရေးအငြင်းပွားမှုဖြစ်တယ်....
အုပ်စုဖွဲ့ကိုက်ပွဲဖြစ်တယ်ကြားဘူးသလဲ...."
"ဟင်...မကြားဘူးပါငါ့ကောင်ရာ....ဆက်ပြောပါဦး.........
"'ဒီမယ်လူကောင်ရ...ငါတို့ခွေးတွေဟာ...တကောင်ကိုတကောင်မလိမ်ညာဘူး
မစ္ဆရိယကင်းတယ်...ဥပမာ ငါ့ဆော် ခွေးမနဲ့ ငါဒီနေ့ မိတ်လိုက်တယ်....
နောက်နေ့တခြားကောင်နဲ့လိုက် ငါသ၀န်မတိုဘူး...ဒါကိုသစ္စာဖေါက်တယ်မယူဆဘူး..
ငါလဲတခြားခွေးမနဲ့ လိုက်တာပဲလေ...သူ့ကျမှ ဘာဖြစ်သလေးညာဖြစ်သလေးတားရင်
ငါဘာဖြစ်မလဲ...မင်းတို့လူကောင်တွေသာ ကိုယ်ကျအပြင်မှာ ပွေးချင်တိုင်းပွေး
အိမ်ကမယားကျ စာချုပ်စာတမ်းနဲ့ ချုပ်ထားချင်တယ်...အဲဒါကောင်းသလား"
"မကောင်းဘူး...အဲ....ကောင်းတယ်...အာ....မဟုတ်သေးပါဘူး...
ငါတို့လူတွေက လက်ထပ်ရတယ်ကွ....သားမှတ်မှတ်မယားမှတ်မှတ်
ပေါင်း၇တယ်ကွ...ကိုယ့်မိန်းမတခြားကောင်နဲ့ မိတ်လိုက်...အဲ...
ဖေါက်ပြန်တာကို ခွင့်လွှတ်ရင် ငါနွားဖြစ်သွားမှာပေါ့ကွ....ခွေးမသားရ..."
"နွားဖြစ်တော့ ကောင်းတာပေါ့ကွ...နွားလဲမင်းတို့လူထက်မြတ်သေးတယ်...
နောက်ပြီး မင်းတို့လူတွေ လိမ်တာကျတော့ မင်းဘာပြောချင်သလဲ..."
"မလိမ်တဲ့လူလဲ ရှိမှာပါ ခွေးကောင်ရာ....မင်းကလဲ သိမ်းကြုံးပြီး
ဝါးလုံးရှည်ချီးသုတ်ရမ်းပြောနေတာပဲ...."
"အောင်မာ ငါကသဘာဝကျကျ သိမ်းကျုံးပြောတာ...မင်းတို့လူတွေကမှ
သဘာဝကျကျမကျကျ သိမ်းကျုံးပြောတာ မယုံရင်မင်းဖေ့စ်ဘုတ်ခ်မှာ
ကြည့်ပါလား....ဘာကာကွယ်စောင့်ရှောက်ရေးအသင်းတို့....
ဘယ်ကောင်မျိုးဖြုတ်ရေးတို့ မုန်းတီးဝါဒဖြန့် တာတွေမတွေ့ဘူးလား...
ငါတို့ခွေးတွေဘယ်တော့မှ အဲသလိုမလုပ်ဘူးကွ....မလိမ်ဘူးမင်းပြောရင်
မင်းကောင်မလေးကို မင်းလိုက်တော့ ဘာတွေပြောလဲ..."
"...အဲ.....ချစ်တယ်ပြောတာပေါ့ကွာ....သူကျလာအောင် နင့်မျက်လုံးလေးက
ဘာဖြစ်တယ် နှုတ်ခမ်းလေးကနှင်းဆီဖူးလို ဘာညာတင်စားရသပေါ့ကွာ..."
"အေး....အဲဒါကိုကလိမ်နေတာ....ငါတို့အဲသလိုမလိမ်ဘူး....
ဒီခွေးမကိုကြိုက်ရင် နင့်ကိုငါမိတ်လိုက်မယ်ပြောတယ်...
သူလက်မခံရင် နောက်ခွေးမတကောင်ကိုပြောတယ်..."
"အာ....ငါတို့က အဲလိုလုပ်မရပါဘူးဆိုခွေးကောင်ရာ..."
"ဒါဆို မင်းက အဲဒီလူမကို မိတ်မလိုက်တော့ဘူးလား..."
"လိုက်....အာ....မင်းကလဲကွာ...ငါညစ်လာပြီ...တခြားဟာပြော..."
"ကဲ...ဒါဆိုလဲကလေးတွေမွေးလာပြီ...လင်ကောင်မဖေါ်ရဲတဲ့ခွေးတို့
မွေးကင်းစကလေးကို လမ်းဘေးပစ်ထားတဲ့ခွေးမတို့ မင်းတွေ့ဘူးလား..."
"ဟင့်အင်း....တွေ့ဘူးဘူး"
"အေး...အဲဒါမင်းတို့လူတွေ ငါတို့ခွေးထက် စိတ်ဓါတ်ယုတ်ညံ့တာကိုပြတာပဲ...
နောက်ရှိသေးတယ်...ငါကခွေးအမည်း...ခွေးဖြူတို့ ခွေးဝါတို့နဲ့ အရောင်မတူလို့
မပေါင်းဘူးရယ်လို့မရှိပေါင်ကွာ....ငါ့ဘော်ဒါတွေထဲမှာရော...ငါ့မယားတွေထဲရော
ကာလာအစုံရှိတယ်...အသားအရောင်ခွဲခြားဆက်ဆံတဲ့ခွေး...ခွေးမျိုးချင်း
မတူမတန်ရာကောလို့ နှိမ့်ချဆက်ဆံတဲ့ခွေးမရှိဘူး...ကိုင်း...မင်းကအသားဖြူတယ်ကွာ
အသားနက်မှောင်နေတဲ့ လူမကိုမင်းယူမလား..."
"ဟာ...ယူချင်ပါဘူးကွာ...."
"ရုပ်ဆိုးတဲ့လူမရော...."
"ဟင့်အင်း....ယူဘူး..."
"အေးအဲဒါကိုက လူချင်းမျိုးနွယ်တူရက်နဲ့ မင်းခွဲခြားနေတာ....
ဘာလဲကွ လူလူချင်းဘာမယူရဲစရာရှိလဲ....အဲဒါကြောင့်မင်းတို့လူတွေ
ယုတ်ညံ့တယ်ပြောတာပေါ့...."
"အင်း.....ဒါလဲဟုတ်တာပဲ..."
"နောက်ပြီး ငါတို့ခွေးတွေမှာ ဆိုရှယ်လစ်ခွေး...ကွန်မြူနစ်ခွေး...
ဒီမိုကရေစီခွေးရယ်လို့မရှိပေါင်ကွာ....ခွေးဥပဒေအရ
ခွေးမှန်ရင် လွတ်လပ်စွာအူပိုင်ခွင့် စီတန်းလှည့်လည်ခွင့်
ဓါတ်တိုင်သေးပန်းခွင့်...အကုန်ရှိတယ်...အခွင့်အရေးမရလို့
လမ်းပေါ်ထွက်ဆန္ဒပြတဲ့ခွေးမင်းတွေ့ဘူးလား..."
"အေးပါခွေးကောင်ရာ....ငါ့သီချင်းလေးမင်းရေးပေးမယ်ဆို....
မင်းကတခြားပဲလျောက်ပြောနေတာပဲ..."
"အေးအခုပဲ..ရေးပေးလိုက်မယ်....မင်းဆိုကြည့်ပေတော့....
မင်းတို့လူလောကမှာ ကောင်းကောင်းသမိုင်းဝင်စေရမယ်..."
"ဘာတဲ့တုန်း...."
"အူး....၀ူ....၀ူ...ရေး....အေး....
ဟေ့လူမ....ဟေ့လူမ
ငါ့ဆီအမြန်လာဟ
နင်အသားမဲတာ ရုပ်ဆိုးတာဂရုမစိုက်ဘူးဟ
လာဟ...လာဟ...
မိတ်လိုက်မယ်ကွ....
အူးဝူ.....ရေး......အေ..."
"အာ.....ဒီခွေးမသား.....အဟုတ်မှတ်လို့နားထောင်နေတာ....
ကိုင်းကွာ......"
"ဂလွမ်"
လက်ထဲမှဂစ်တာလွတ်ကျသဖြင့် ကျွန်တော်လန့်နိုးသွားရသည်....
အော်......ငါအိပ်မက် မက်နေတာကိုး....။
..................................ပြီး၏.....................................
ချစ်သော
လဂွန်းအိမ်

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့ စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အက်ဒမင်

အခြားကဏ္ဍများကို လေ့လာရန်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...