" စွမ်းအားရှင် ဝါယော "

Cloud Cuckoo Land shared Popular Myanmar News Journal's photo.

 တစ်မနက်..မပျက်မကွက် ဆက် လက်အားပေးဖတ်ရှုဖြစ်နေသည့် 'ပြည် သူ့ဝန်ဆောင်မှု' အမည်တပ် အစိုးရ ပေါ်လစီသတင်းစာကို ဘရိတ်ဖတ်စ်သုံး ဆောင်ရင်းကြည့်ဖြစ်ပါလေရာ ကျွန်ုပ် တို့ မြန်မာနိုင် ငံတော်တွင် 'လေအား လျှပ်စစ်ထုတ်လုပ်မည်'ဟူသည့် သတင်း ကို ထူးထူးခြားခြားတွေ့ရပါပေ၏။
ကျွန်ုပ်တို့မြေကမ္ဘာပေါ်မှာ လူဦးရေ အဆမတန်တိုးပွားပေါက်ကွဲလာမှု၊ စက် မှုနည်းပညာလုပ်ငန်းရပ်များ ဆထက် ထမ်းပိုး ထွန်းကားတွင်ကျယ်လာမှု အစု စုတို့အရ ယခုအခါ ကမ္ဘာပေါ်ရှိ နိုင်ငံ တိုင်းတို့မှာ 'စွမ်းအင်ပြဿနာ'ဆိုတာ ခေါင်းကိုက်ဖို့ရာရှိလာခဲ့ပြီဖြစ်ပါ၏။ သမိုင်းဦးဘုံမြေ ကျောက်ခေတ် ကာလတစ်လွှား မီးမဖော်ထုတ်တတ် သေးသည့်အခါကာလက လူသားမျိုး နွယ်တွေဟာ အမှောင်ထဲမှာသာ စမ်း တဝါးဝါးဖြင့် စခန်းသွားနေထိုင်တတ်ခဲ့ လေသော်ငြားလည်း 'မီး'ကိုတွေ့ရှိပြီး နောက်တောက်လျှောက် 'အလင်း ရောင်' အောက်မှာ နေရသည့် ဘဝထို ထိုကို အချစ်ပိုလာခဲ့ကြပါပေ၏။ 'အစိမ်း'လိုက် ဝါးခဲ့ကြသည့် ဘဝ များမှ မီးကိုအသုံးပြုကာ 'ဖုတ်ကင်' ၍ စားတတ်ခဲ့ကြကာ လူ့သမိုင်း ယဉ်ကျေး မှု ကာလရှည်ကြီးထဲမှာ 'မီး'ကို ပြုလုပ် သုံးစွဲနိုင်ခဲ့ခြင်းမှာ လူသားသမိုင်းကို တစ်ခေတ်ပြောင်းစေခဲ့ပါပေတော့၏။ သမိုင်းဦးဘုံမြေ ရှေးနှစ်သန်းပေါင်း အတီတေကာလများက 'အမှောင်ထဲမှာ နေ၊ အမှောင်ထဲမှာ ဘဝ တွေကုန်ဆုံးခဲ့ ကြရာမှ 'အလင်းရောင်' ဖြင့် ဆက်လက် ကြီးထွားရှင်သန်ခွင့်ရခဲ့သည့် မျိုးဆက် ..မျိုးဆက်တို့မှာ 'အပူနှင့် အလင်း ရောင်'ကို ဘဝတို့မှာ မရှိမဖြစ်စွာကို လို အပ်ခဲ့ပါပေတော့၏။ သမိုင်းခေတ်များ ကာလလျားခဲ့ ရာမှာ တစ်စတစ်စဖြင့် ရှေ့သို့ တိုးတက် ဖြစ်ထွန်းလာခဲ့ရာ အနှီအပူနှင့် အလင်း သည် ဤလောက လူ့ဘောင်ကို တိုး တက်အောင် ကြံဆောင်ခဲ့သည့် နေရာ မှာ 'ပထမစွဲခဲ့ပါပေ၏။ နောက်ပိုင်းမှာ 'နတ်သိကြားများ'ဟု ယူဆဖွယ်ရာဖြစ် သည့် ပီဘိတီထွင်သူ ကျေးဇူးရှင် လူ စွမ်းကောင်း ပညာရှင်အပေါင်းတို့၏ ကျေးဇူးအဆက်ဆက်ဖြင့် 'လျှပ်စစ် စွမ်း အင်'ကို ထုတ်ယူအသုံးပြုနိုင်ခဲ့ပြီး ကမ္ဘာ ကြီးမှာ အဆမတန် မြန်ဆန်တိုးတက်ခဲ့ ကာ ထွန်းကားမှုအပေါင်းမှာ အံ့မခန်း ..အံ့မခန်းသာ ဖြစ်ခဲ့ပါပေတော့၏။ ခေတ်မီလောက ဓာတ်စက်မှု သိပ္ပံ နည်းပညာရပ်များအတွက် မရှိမဖြစ် လျှပ်စစ်စွမ်းအင် လိုအပ်ချက်မှာ တစ် နှစ်ထက်တစ်နှစ် အဆပေါင်းများစွာ တိုးတက်လာခဲ့ပေရာ ကမ္ဘာပေါ်ရှိ နိုင်ငံ တွေမှာ အနှီ 'လျှပ်စစ်'လိုအပ်ချက် အတွက် ကိုယ့်နိုင်ငံနှင့်သင့်လျော်ရာရာ စွမ်းအင်ထုတ်လုပ်မှုနည်း အဖြာဖြာကို ကြိုးပမ်းဖော်ဆောင်နေကြရပါပေတော့၏။ ကမ္ဘာပေါ်မှာ ရှေးယခင်ကတည်း က အသုံးအများဆုံးသော လျှပ်စစ်ထုတ် လုပ်မှုမှာ'ရေအား'မှ ဖြစ်ပါ၏။ ရေတံ ခွန်များ၊ မြစ်များ၊ ချောင်းများမှနေ၍ လျှပ်စစ်ကိုထုတ်ယူပါ၏။ မြစ်ချောင်း များကို ပိတ်၍ လူလုပ်ဆည်များမှ တစ် ဆင့်လျှပ်စစ်ကို ထုတ်ယူပါ၏။ ပင်လယ် ဒီရေအတက်အကျမှနေ၍ လျှပ်စစ်ကို ထုတ်ယူပါ၏။ အချို့က ကျောက်မီးသွေးမှနေ၍ လျှပ်စစ်ဓာတ်ကို ထုတ်ယူပါ၏။ အချို့ မှာ ရေနံနှင့် သဘာဝဓာတ်ငွေ့မှနေ၍ လျှပ်စစ်ဓာတ်ကို ထုတ်ယူပါ၏။ အချို့ သောသူတို့မှာ လူနှင့် တိရစ္ဆာန်တို့၏ စွန့်ပစ်ပစ္စည်းများမှနေ၍ လျှပ်စစ်စွမ်း အင်ကို ထုတ်ယူသုံးစွဲပါ၏။ အချို့နိုင်ငံ များမှာ နျူကလီးယားဓာတ်ပေါင်းဖိုများ ဖြင့် အနှီလျှပ်စစ်ဓာတ်အား ကို ထုတ်ယူသုံးစွဲပါ၏။ အ ချို့တို့ကား နေရောင်ခြည် ကိုအသုံးချကာ ဆိုလာပြား များမှနေ၍ လျှပ်စစ်ဓာတ်ကို ထိထိမိမိ ထုတ်ယူကြကာ နိုင်ငံနေ ပြည်သူလူထု အတွက် လျှပ်စစ်စွမ်းအင်ကို ရယူပေး နေကြတာ တွေ့ရပါပေ၏။ ယခုအခါ အချို့သော တိုင်းပြည် များမှာ လူသားတို့၏ နေ့စဉ် မီးဖိုချောင် ထွက် စွန့်ပစ်အမှိုက်အစို၊ အခြောက် များကို ပြန်လည်အသုံးချကာ အပူစွမ်း အင်မှ လျှပ်စစ်ထုတ်ယူသုံးစွဲနေတာ တွေ့ကြရပါ၏။ မည်သို့ပင် ဆိုစေကာမူ ယနေ့ ကမ္ဘာရွာပြားကြီးအတွက် လျှပ် စစ်ဓာတ်အားလိုအပ်ချက်မှာ နှစ်စဉ် တိုး ၍ နှစ်စဉ်တက်လာနေပေရာ မည် သည့် နေရာက ရရ၊ မည်သည့် ပစ္စည်း ဖြင့် ပင်ထုတ်ထုတ် အဓိက လိုရင်းမှာ 'လျှပ်စစ်စွမ်းအား' ရရှိဖို့သာ ဖြစ်ပါပေ တော့၏။ ဒီကနေ့ထုတ် အစိုးရမင်းများ၏ ပေါ်လစီ သတင်းစာမှာ မြင်တွေ့လိုက်ရ သည်ကား အခြားနိုင်ငံများနည်းတူ ဇမ္ဗူ ဒီပါ လက်ယာတောင်ကျွန်း သြဘာ နိမိတ်ထွန်းခဲ့ရာ ကျွန်ုပ်တို့၏ ဟောဒီ ရွှေမြန်မာပြည်မှာလည်း 'လေအားလျှပ် စစ်' ထုတ်လုပ်တော့မည်ဟု သိရပေရာ လျှပ်စစ်ဓာတ်အား မီဂါဝပ်'ထောင်ချီ'၍ ထုတ်ယူရရှိမည်ဟု ဝမ်းမြောက်ဖွယ်ရာ ကြားသိရပါပေ၏။ 'လေ'စွမ်းအင်မှ 'လျှပ်စစ်'ထုတ်လုပ် ခြင်းကိစ္စမှာ ဓာတ်အားပမာဏ အ မြောက်အမြားကို ထွက်ရှိမှာဖြစ်သော် ငြားလည်း လက်ဦးမဆွ အစပထမ ရင်း နှီးမြှုပ်နှံရမည့်ပမာဏမှာ များပြားလှ ကြောင်းကိုလည်း သိရှိရပါပေ၏။ ဘာပဲ ဖြစ်ဖြစ်ပါ။ မြန်မာနိုင်ငံ၏ ရှိရှိသမျှ လွင် ပြင်ချိုင့်ဝှမ်းတောင်တန်း ပင်လယ်ကမ်း ခြေနေရာ ဒေသအနှံ့အပြား အထွေထွေ တို့မှာ အစဉ်အမြဲ ထာဝရ တိုက်ခတ် ဆော့ကစားနေမြဲ 'လေစွမ်းအား' တွေ ရှိနေမှာကား သေချာလှပါပေ၏။ ဤနေ ရာဌာနပေါင်းမှ မီဂါဝပ်ထောင်သောင်း သိန်းသန်းမကထွက်ချလာမည့် 'လျှပ်စစ် စွမ်းအား' အတိုးအမြတ်ကို မျှော်ကိုးကာ ရှေးဦးစွာ စက်ရုံအဆောက်အအုံ ဘာ ညာသာရကာတွေတော့ တိုင်းကို တိုင်း ရမည်မှာ အမှန်ဖြစ်ပါ၏။ ထာဝစဉ် ရာသက်ပန်အခမဲ့ အ လကားရသည့် 'လေ'မှ အလကားဖြစ် နေသည့် 'လေ'မှ ပြည်သူတွေအတွက် 'လျှပ်စစ်' အမြောက်အမြားအစဉ်အမြဲ ရရှိနေမှာ လုံးဝကို သေချာနေသည့် အ တွက် ရှေးဦးမဖြစ်မနေ ရင်းနှီးမြှုပ်နှံ မည့် လက်တို့ကို မတွန့်စေလိုပါ။ အကယ်၍... အကယ်၍ပါ.. အကယ်၍များပေါ့ခင်ဗျာ.. ဆိုခဲ့ပါ လေအားလျှပ်စစ်စက်ရုံတွေ ဘာတွေ အမြောက်အမြားတည်ဆောက် မြှုပ်နှံ ပြီးသွားကာမှ နိုင်ငံဒေသအနှံ့အပြားမှာ 'လေစွမ်းအား'တွေ ကျဆင်းသွားခဲ့လေ သည်ရှိလေသော် ဘာမှ ပူတော်မမူကြ ပါနဲ့ခင်ဗျာ...'လေကြီး' သည့် ဝန်ကြီး များ၊ 'လေပေါ'သည့် ဝန်ကြီးများ 'လေ များ'သည့်ဝန်ကြီးများကို စုရုံးပေါင်းစည်း စေ ကာ လေအားလျှပ်စစ်ဓာတ်ရုံကြီး တွေအနီးမှာ တန်းစီစေ၍ ဟိုဟိုသည် သည် လေလုံးကြီးကြီးထွားထွား ဧရာမ စကားလုံးများစွာ များစွာကို စိတ်ကြိုက် မနားမရပ် တရစပ် ရှေ့မကြည့် နောက် မကြည့် ထင်တိုင်းကြဲ ပြောဆိုစေခိုင်းခဲ့ သည်ရှိသော် ကျွန်ုပ်တို့၏ လေအားလျှပ် စစ်စက်ရုံကြီးများမှာ အစဉ်ထာဝရ ကုန် ကြမ်းမပြတ် ပုံမှန်လည်ပတ်သွားပါလိမ့် မည်ဖြစ်ပြီး သကာလ 'လေအားလျှပ်စစ်' မီဂါဝပ် သိန်းသန်းမီလျံဘီလျံမက ရရှိ မှာ မလွဲပါဟူလိုပေါ့ခင်ဗျာ။

ဆာသော်ဒိုး