"ဘုရား" "တရား" "သံဃာ" ဆိုတာ မရွှေ့လျား မပြောင်းလဲတဲ့ အနှစ်အခဲတွေ မဟုတ်ပါ

အဘိဓမ္မာ ကိုတည်ဆောက်တဲ့ အခါ သုတ္တန် ထဲ က ဓမ္မ ဝေါဟာရ တွေ ကို စာရင်းစု ကက်တလောက်လုပ် အနက်ဖွင့် အုပ်စုခွဲ အကြောင်း အကျိုး ဆက်စပ် စတာတွေ လုပ်ရတယ်။
လုပ်တဲ့ အခါမှာလည်း အားလုံး ကို စီတန်းချကြည့်တဲ့ နည်း Objective method နဲ့ လုပ်တာဖြစ်တယ်။


ရလာဒ် ကတော့ အဘိဓမ္မာ ရဲ့ ပရမတ္ထ၀ါဒ မွေးဖွား လာတာပဲ ဖြစ်တယ်။ မူရင်း သုတ္တန်တွေ မှာ သက်ဆိုင်ရာ context အလိုက် ထွေပြားချိန်ဆ ဟောတာတွေဟာ တရားသေသတ်မှတ်ထားတဲ့ အနက်တွေဖြစ်လာတာကို တွေ့ရတယ်။

ဘာသာစကားကို ပကတိသဘော လုပ်တာကြောင့် မူလလမ်းကြောင်းနဲ့ အံချော်သွားတာကို တွေ့ရပါတယ်။

ဓမ္မ " ဝေါဟာရ" တွေတင် မဟုတ်ပါဘူး။ "ရဟန်း သံဃာ" ဆိုတဲ့ ဝေါဟာရသည်ပင် Fluid အရည်ကဲ့သို့ ရွှေ့လျားနေတဲ့ ဝေါဟာရ ဖြစ်ပါတယ်။

ဥာဏ်စမ်း ပုစ္ဆာ တစ်ခု ဖြေကြည့်ကြရအောင်။ အနာဂဝံသ ကျမ်းအလိုအရ လူတွေ အဆုံးစွန်ရောက် တရားပျက်တဲ့ အခါကာလမျိုးမှာ လက်မှာ သင်္ကန်းစ ကလေးပတ်ထားတဲ့ သီလကြောင့် အကောင်တစ်ကောင်ကိုလှူရင်တောင် ရဟန္တာကို လှူတဲ့ အကျိုးနဲ့ အတူပဲတဲ့။နောက် ဘုရားဟော အဘိဓမ္မာ နိဒါန်းမှာလည်း ဖော်ပြထားတာက တစ်ဆယ့်နှစ်နှစ်ပတ်လုံး ဇမ္မူဒိပ်ကျွန်း တစ်ကျွန်းလုံးက လူတွေကို အဝကျွေးတာဟာ လှူတာ မင်္ဂဖိုလ် ကျေးဇူးရှိတဲ့ သံဃာတစ်ပါးကို တစ်ဇွန်းမျှသော အစာအာဟာရ လှူတာကို ခြေဖျားတောင် မမီပါဘူးတဲ့။

ဒီဥပမာ နှစ်ခုကို နက်နက်နဲနဲ မစဉ်းစား မဝေဖန်ခဲ့ပါရင် သီလကြောင်ဝီရသူနဲ့ သူ့တပည့် သင်္ကန်းရုံ ဒေဝဒတ် နောက်လိုက် သံဃာတစ်ပါးကို ပိုက်ဆံ တစ်ကျပ်လောက်လေး ထောက်ပံ့ပံ့ပိုးတာသည်ပင် မြန်မာပြည်မှာ ခုအင်မတန် အာဟာရချို့တဲ့နေတဲ့ လူဝတ်ကြောင် အဆင့် ဖြစ်ဖို့ ဆိုတာတောင် (အသက်မပြည့်သေးတဲ့) ကလေး သူငယ် အားလုံးကို အငတ်ဘေးက ကယ်ဖို့ ဝါဒမထုတ်သူ သူတော်ကောင်းတစ်ဦးဟာ အဲသည် ဝီရသူနောက်လိုက် ဒါယကာ၏ ခြေဖျားမှပင် မမှီဘူးလို့ ထင်မြင်ကောက်ချက် ဆွဲစရာပဲ။ ဒါဘယ်လိုမှ မှန်စရာ မရှိပါဘူး။ ဒါဆို ခုနက ဥပမာနှစ်ခုကို ပေးခဲ့တဲ့ သဗ္ဗေညုတ ဥာဏ်တော်ရှင် ဗုဒ္ဓဟာ အကြီးအကျယ် မှားနေသလို ဖြစ်နေပါတယ်။ ဒီပြဿနာကို ဖြေကြည့်ရအောင်။

ဗုဒ္ဓဟာ သင်္ကန်းစ ကလေး ပတ်ထားတဲ့ လူကြောင်လူပျက်ကို လှူတာတောင် ရဟန္တာကို လှူသော အကျိုးနဲ့ တူတယ်လို့ ရဲရဲကြီး ပြောနိုင်တဲ့ အကြောင်းရင်းက အသေအချာ ရှိပါတယ်။ ဘာလို့လဲဆိုတော့ သည်လူကြောင်လူပျက်ဟာ လူသားအားလုံး သစ္စာတရားဆိုတာကို လုံးလုံး မသိတတ်တော့ဘဲ စားဖုို့ ၊ Fuck ဖို့ နဲ့ မတည့်သူကို နှိပ်ကွပ်ဖို့ဆိုတဲ့ အောက်ကျတဲ့ ကျင့်သုံးမှုတွေကို အကြီးအကျယ် တရားဝင် တန်ဖိုးတွေအဖြစ် ကျင့်သုံးလာချိန်မှာ ဒါနဲ့ ဆန့်ကျင်ဘက် "ခြိုးခြံရောင့်ရဲ သည်းခံတဲ့" တန်ဖိုးတစ်ခုဟာလည်း မွန်မြတ်သော တန်ဖိုးတွေရှိကောင်း ရှိနေပါလိမ့်မယ်လို့ လူအားလုံးထဲက ဖောက်ထွက်ပြီး ခြားနားတဲ့ တန်ဖိုးတစ်ခုကို သူဘာမှန်းမသိ (အမှန်တကယ်လည်း မကျင့်သုံးပေမယ့်) သူ့စိတ် ဝိဥာဉ်က ဦးတည်လိုက်လို့ပါပဲ။

သို့မို့ကြောင့် အဲဒီ့ အချိန်ကာလ လောက အဝှမ်း တိရစ္ဆာန် သားရဲစိတ်တွေ ပထမတန်ဖိုးတွေ အဖြစ် လွှမ်းမိုးလာတဲ့ အခါမှာ လောကမှာသည် တိရစ္ဆာန်စိတ်တွေနဲ့ ဆန့်ကျင်ဘက် မွန်မြတ်သော သဘောတစ်ခုသည်လည်း ရှိတန်ရာပါ၏လို့ ဖောက်ထွက်တဲ့ သည်လူကြောင်၊ လူပျက်ဟာ ဘုရားခေတ်က ရဟန္တာ (ရဟန်းအစစ်နဲ့) နိုင်းယှဉ်မှုအားဖြင့်ဆို တန်ဖိုး တစ်ထပ်တည်း သွားကျတဲ့ သဘောပါပဲ။

သည်မှာ အရမ်းထင်ရှားသိသာတဲ့ အချက်က ရဟန္တာ (ဝါ) ပရမတ္တ သံဃာရဲ့ တန်ဖိုးနဲ့ သွားညီဖို့ အတွက် ပရိက္ခရာ ရှစ်ပါး ဆောင်ယူဆင်မြန်းဖို့တောင် မလိုသလို၊ ဘုရား တရား ဂုဏ်တော်တွေကို သိရှိနားလည်ဖို့တောင် မလိုပါ။

ဒါဆို သည် ယုတ္တိချိတ်ဆက်မှုကို ကျွန်တော်တို့ သေသေချာ ချာ နားလည် နိုင်လောက်ပါပြီ။ ဒါဟာ ဗုဒ္ဓအထင်အရှား ဘာကို တိတိကျကျ ညွှန်ပြ အသိပေးခဲ့တာလဲဆိုသည် ဇာတ်သွားနှစ်ခုကို ခုခါမှာ (အစဉ်တစိုက် ဆိုသလို လည်းပဲ) ပေါ့ပေါ့တန်တန် နားလည်နေကြသလို သင်္ကန်းရဲ့ တန်ဖိုးဟာ အနှိုင်းမသိ ဘာမဆိုထက် မြတ်တယ်လို့ ဗုဒ္ဓက ပြောတာ လုံးဝ လုံးဝ မဟုတ်ပါဘူး။

ရဟန္တာတန်ဖိုး (ရဟန်းတန်ဖိုး) နဲ့ ညီဖို့ ဘာသင်္ကန်းမှတောင် မလိုပါဘူးလို့ ပြောနေတာပါ။ မွန်မြတ်သော သစ္စာတရားရဲ့ တန်ဖိုးကို တစ်ခဏမျှ သတိရပါလျှင် ကြီးနိုင်ငယ်ညှင်း တိရစ္ဆာန် တန်ဖိုးတွေ ကြီးစိုးနေတဲ့ခေတ်ကြီးမှာ ထိုသူသည် အဲသည် တိရစ္ဆာန် တန်ဖိုးကို ကိုးကွယ်နေသူတွေနဲ့ ယှဉ်တဲ့ အခါမှာ ရဟန္တာ စစ်စစ်ဖြစ်နေလို့ပါပဲ။ ဒါဟာ ပြောရတာ ရှည်ဝေးပါတယ်။

စိန်သုတ္တမှာလည်း ဗုဒ္ဓက ဒါကို ရှင်းပြပြီးပါပြီ။ " သုဗုဒ္ဓိ နင်မြင်နေတဲ့ ဘုရားဆိုတာ နင့်စိတ်က ဘုရားလို့ မြင်နေတာပါ၊ ဒါဟာ (ဘုရားဗုဒ္ဓဟာ) ရေပွက်ပါ။ အိပ်မက်ပါ၊ လျှပ်စီးပါ။ နှင်းရည်စက်ပါ" တစ်ခဏတွေကိုပဲ နားလည်မှတ်ယူနိုင်တဲ့ သုဗုဒ္ဓိအတွက် ဗုဒ္ဓဟာ ဘုရား စစ်စစ်ပါပဲ။ ဒါပေမယ့် "ဘုရား" အတွက်တော့ ဗုဒ္ဓဟာ အတု စစ်စစ်ပါပဲ။

ဒုတိယဇာတ်လမ်း အဘိဓမ္မာ နိဒါန်းကိုလည်း သည်သဘောသွားအတိုင်း နားလည်နိုင်ပါတယ်။

သို့ဆိုလျှင် မွန်မြတ်သော သစ္စာတရားကို ရှေးရူမှု (ဝါ) သမ္ဗာပဓာန် တရား (ဝါ) infinite goodness ကို without any stop ကျင့်ကြံဖို့ စိတ်ဝိဥာဉ်က ဦးစိုက်မြတ်နိုးမှု ဆိုတာကို ပဲ "ရဟန်း" တန်ဖိုးအဖြစ် ကျွန်တော်တို့ သိမှတ်လာနိုင်ပါပြီး။

ရဟန်းတန်ဖိုးဆိုတာ ဆရာတော်ကြီး ဖြစ်တာ၊ ဘုရားဂုဏ်တော် တရားဂုဏ်တော်တွေကို ရွတ်ဖတ်တာမှ မဟုတ်ပါ။ ၉၆၉ ဘုန်းကြီးတွေလည်း ဘုရားဂုဏ်တော်ကို ဟောပြောတာပဲ၊ ရဟန္တာ အရှင်မြတ်ကြီး ရှင်ဝက္ကလိဟာလည်း ဘုရားဂုဏ်တော်တွေကို ချီးမွမ်းမှာပါပဲ။
သည် ဒေဝဒတ် သီလကြောင်တွေနဲ့ ရဟန္တာကြီး ရှင် ဝက္ကလိ ဘာကွာနေပါသလဲ ?

ဟုတ်ကဲ့၊ ရှင် ဝက္ကလိက ချီးမွမ်းသော ဗုဒ္ဓဟာ သူကိုယ်တိုင်လည်း ထို အပြည့်စုံဆုံး ဗုဒ္ဓကဲ့သို့ infinite goodness ကို ဦးတည်ထားတဲ့ ခုနက ဆိုခဲ့တဲ့ ရဟန်းတန်ဖိုး (ဝါ) သမ္ဗပဓာန်တရားကို ဦးတည်ထားမှု ရှိပါတယ်။ ၉၆၉ ဘုန်းကြီးတွေက ချီးမွမ်းတဲ့ ဘုရားဂုဏ်တော်ဆိုတာကတော့ သူတစ်ဖက်သား အားနည်းသူကို ညှင်းပန်းလိုတဲ့ တိရစ္ဆာန်စိတ်ကို တရားဂုဏ်တော်က အတည်ပြုပေးနေသယောင် ဦးတည်တဲ့ မိစ္ဆာစိတ် ဖြစ်ပါတယ်။

စိတ်သာရှင်ဇော ဘုရားဟောတဲ့။ ရဟန်းသံဃာတန်ဖိုးဟာ အသွင်သဏ္ဍန်မှာ မတည်နိုင်တာ ကလေးတောင် စဉ်းစားနိုင်ပါတယ်။ မေတ္တာ ခန္တီ ဆိုတဲ့ မင်္ဂလတရားတွေ အမြတ်ဆုံး တန်ဖိုးတွေ အဖြစ် လူတွေ သိနားလည်နေတဲ့ အချိန်မှာ ကြီးနိုင်ငယ်ညှင်း တိရစ္ဆာန်စိတ်ကို အမြတ်ဆုံး ဘုရားဂုဏ်တော်နဲ့ ထပ်တူလုပ်နေတဲ့ သင်္ကန်းဝတ်တွေကို လှူတာဟာ တိရစ္ဆာန်ကို ကျွေးမွေးတာထက် နည်းနည်းလေးပဲ သာတဲ့ ကုသိုလ် ကိုသာ ရနိုင်ပါတယ်။

ဒါတောင် ကိုယ်က ကျွေးချင် မွေးချင်တဲ့ စေတနာသက်သက်နဲ့ ကျွေးမွေးပါမှ အဲသည် ကုသိုလ်ပိစိကို ရနိုင်တာပါ။ အဲသည် စေတနာ သက်သက်မဟုတ်ပဲ သူတို့ရဲ့ ကြီးနိုင်ငယ်ညှင်း တိရစ္တာန်စိတ်ကို (အမျိုး ဘာသာ သာသာနာ) လို့ အားရဝမ်းသာ ချီးမြှောက်လိုတဲ့ စိတ်မျိုးနဲ့ လှူပါရင် မိမ်ိမှာလည်း ထပ်တူမိုက်မဲတဲ့ မိစ္တာအဓမ္မစိတ်ဖြစ်တဲ့အတွက် ဤအလှူဟာ အကုသိုလ် စိတ်သာ ပဓာနဇောကျပြီး ငရဲကျနိုင်ပါတယ်။

အသိအမှတ်ပြုချက် ။ ။ နိဒါန်း အိုင်ဒီယာကို ကိုဆွေ၏ Facebook မှ တိုက်ရိုက် ကူးယူပါသည်။ ကျန် စာကိုယ်လာ စဉ်းစားပုံများမှာ ယောဂစာရ ဗုဒ္ဓဘာသာ ကျမ်းပြု ဆရာတော် ရှင် ဗီသျှုဗန္̕̕ဓူ Ven. Vasubandhu၊ ထေရဝါဒ ဗုဒ္ဓဘာသာ ကျမ်းပြုဆရာတော် ရှင် ဗုဒ္ဓဃောသ Ven.Buddhaghosa နှင့် နောက် (ဂျာမန်ဘာသာ အားဖြင့်) ကမ္ဘာ့ ထိပ်သီး နံပါတ်တစ် တွေးခေါ်ပညာရှင် အီမန်နွိုင့် ကန့် Immanuel Kant တို့မှ ဆင့်ပွားယူထား ပါသည်။

ခင်မင်စွာဖြင့်

ညိုထွန်း