((((( ဘုန်းကြီးကျောင်းက ခွေး )))))

ကွန်ဆူး မား

တောခွေး၊ ခွေးလေ/ ခွေးလွင့်၊ လေ့ကျင့်ထားသောခွေး...၊ အိမ်မွေးခွေးနှင့် တန်ဘိုးမြင့် အလှမွေးခွေး စသည်ဖြင့်.... ခွေးအမျိုးအစားပေါင်းများစွာရှိပါသည်။

လူနှင့် နီးကပ်သော တိရိစ္ဆာန်များတွင် ခွေးသည် အသိဥာဏ်မြင့်မားရုံမျှမက အရှင်သခင်အပေါ်တွင် သစ္စာရှိခြင်း၊ အစောင့်ထားခြင်း၊ အမဲလိုက်ခြင်းနှင့် အနံ့ခံခြင်းတို့ဖြင့် ရာဇ၀တ်မှုနှိမ်နင်းခြင်းနှင့် မိုင်းရှာခြင်းများအတွက်လည်း အသုံးချနိုင်ကြပါသည်။

သို့သော် မည်သည့်ခွေးမဆို ခွေးရူးရောဂါအတွက်တော့ အန္တရာယ်ရှိကြပါသည်။

မွေးမြူထားသောခွေးနှင့် သဘာဝအရ ရှင်သန်ကျင်လည်ကြသော ခွေးများသည် အသိဥာဏ်အားဖြင့် မတူညီကြပါ...၊ ကျင်လည်ရာ အတွေ့အကြုံများကြောင့် ကွဲပြား ခြားနားနေခြင်းလည်း ဖြစ်ဟန်တူပါသည်။


ကောင်းမှုအားဖြင့် ဘုန်းကြီးကျောင်းသို့ သွားရာမှ ဘုန်းကြီးကျောင်းရှိ ခွေးများအကြောင်းကို စဉ်းစားဖြစ်ပါသည်။

ဘုန်းကြီးကျောင်းဟူသည် ဗုဒ္ဓဘာသာဝင် သံဃာတော်များ သီတင်းသုံးရာ အရပ်ဖြစ်ပါသည်။

ထိုနေရာသို့ ဗုဒ္ဓဘာသာဝင်များ ကောင်းမှုအကျိုးငှာ သွားရောက်လေ့ရှိကြပါသည်။ ထိုနေရာသည် အေးချမ်းရာ အရပ်ဖြစ်ပါသည်။ မေတ္တာရိပ်ကလေးဟုလည်း တင်စားနိုင်ပါသည်။

ဘုန်းတော်ကြီးကျောင်းများတွင် ရတနာသုံးပါတွင် တစ်ပါးအပါအ၀င်ဖြစ်သော သံဃာတော်များရှိပါသည်။

ထိုသံဃာတော်များထံမှ ကုသိုလ်ကောင်းမှုတို့အတွက် အကြောင်းပြုနိုင်ပါသည်။ တရားတော်များကို နာကြားနိုင်ပါသည်။
သီလဆောက်တည်နိုင်ပါသည်။
ဘာဝနာတရား ပွါးများအားထုတ်နိုင်ပါသည်။
ကောင်းမှုကုသိုလ်တို့အား တဆင့် ပြန်လည်မျှဝေနိုင်ပါသည်။
မရှင်းလင်းသော တရားတော်များကိုလည်း ဆွေးနွေး လျှောက်ထားနိုင်ပါသည်။
မဂ်၊ ဖိုလ်သို့ သွားရာ တံခါးဝအဖြစ် တင်စားလိုပါသည်။
ထိုနေရာလေးသည် ဗုဒ္ဓဘာသာဝင်များ၏ သြဇာပြည့်သော မြေဆီမြေနှစ် သို့မဟုတ် အထွဋ်အမြတ်ထားရာ နေရာလေး ဖြစ်ပါသည်။

ထိုနေရာတွင် အိမ်ကြိုအိမ်ကြားမှ ခွေးများထက် တစ်ဆင့်မြင့်သော ကျောင်းခွေးများ ရှိပါသည်။

ထိုခွေးများသည် သာမန်ခွေးလေ၊ ခွေးလွင့်များထက် သာလွန်သော အချက်များမှာ ပိုင်နက် နယ်နိမိတ်သတ်မှတ်ချက်ရှိပါသည်။
အိပ်ရန်နေရာ အသင့်ရှိပါသည်။
သံဃာတော်များ၏ မေတ္တာဖြင့် အချိန်မှန် စားရန် အသင့်ရှိပါသည်။
ပြင်ပ ပယောဂနှင့် အန္တရာယ်များလည်း ကင်းရှင်းပါသည်။

ထိုခွေးများသည် သံဃာတော်များအား ၄င်းတို့အား အစာကျွေးသောသူများအဖြစ်သာ သိရှိပါမည်။

ထို့်ကြောင့် ခွေးတို့၏ သဘာဝအတိုင်း အစာကျွေးသူကို အမြီးနှံ့၍ ကြိုဆိုတတ်ပါသည်။

တစ်နည်းအားဖြင့် ခွေးတို့၏ သဘာဝအတိုင်း ကျောင်းရှိ သံဃာတော်များ၊ ကိုရင်လေးများနှင့် ကျောင်းသားလေးများအား မိမိ၏ သခင်အဖြစ် သဘောထားမည် ထင်ပါသည်။

မိမိပိုင်နက်သဖွယ်ဖြစ်နေသော ကျောင်းဝင်းနှင့် အနီးဝန်းကျင်တွင် ညအချိန် မသင်္ကာဘွယ်ရာ အရိပ်များ တွေ့ပါက စူးစူးဝါးဝါး အသံပေး ထိုးဟောင်တတ်ပါသည်။ ထိုသို့ ဟောင်ခြင်းသည်လည်း သခင့် စည်းစိမ်ကို ကာကွယ်ပေးခြင်းဖြစ်ဟန်တူပါသည်။

ထို့အပြင် ကျောင်းဝင်းအနီးသို့ ချဉ်းကပ်လာသော ခွေးများနှင့် ကျောင်းဝင်းအတွင်းသို့ ကျူးကျော်ဝင်ရောက်လာသည့် အခြား ခွေးများကိုလည်း အုပ်စုဖြင့် အသေအကြေ ၀ိုင်းဝန်းတိုက်ခိုက်တတ်ကြပါသည်။

မိတ်ဆွေဖွဲ့ခွင့်နှင့် အတူနေထိုင်ခွင့်မပေးပါ။

ထိုခွေးများသည် ကျောင်းအတွင်း အလှူအတန်းများရှိလျှင် အစားအသောက်ကောင်းများကို ခွေးဘုရားပွဲတွေ့သည်ဟူသော စကားအတိုင်း ဗိုက်အင့်အောင် စားကြရပါသည်။

ကျောင်းဝင်းအတွင်း ဘုရားရှိခိုး၊ ဆုတောင်းမေတ္တာပို့သခြင်းနှင့် အမျှဝေခြင်းတို့ကို အကြောင်းပြု၍ ကြေးစည် တီးခတ်လျှင် တစ်ကောင်မကျန် ဆွဲဆွဲငင်ငင် လိုက်ပါ၍ အူ ပါမည်။

ထိုသို့ အူခြင်းသည်ကို အချို့ကလည်း ခွေးများ သာဓုခေါ်သည်ဟု အတင်းအဓမ္မ ထင်ရာပြောဆိုကြသူများလည်း ရှိတတ်ပါသေးသည်။

ထိုခွေးများသည် ကျောင်းဝင်းအတွင်းမှာပင် ရာသီချိန်များတွင် အေးအေးလူလူ မိတ်လိုက်နိုင်ကြပါသည်။

မိတ်လိုက်ရာမှ အချင်းချင်း ဗိုလ်လုပွဲများကိုလည်း လွတ်လပ်စွာ အကျိတ်အနယ် ယှဉ်ပြိုင်နိုင်ကြပါသည်။

ကုသိုလ်အဖို့ငှာ နေထိုင်ကြသူများသာ ရှိခြင်းကြောင့် အန္တရာယ်ဖြစ်စေလောက်သော တုတ်များ၊ ခဲများဖြင့် ရိုက်နှက် ပစ်ပေါက်သူများ မရှိပါ။

ထို့နောက် ထိုကျောင်းဝင်းအတွင်းမှာပင် အေးချမ်းစွာ သားပေါက်နိုင်ကြပါသေးသည်။

သံဃာတော်များ၊ ကိုရင်လေးများနှင့် ကျောင်းသားလေးများသည်လည်း ထိုသို့ သားပေါက်လာသော ခွေးလေးများကိုလည်း ယခင်အတိုင်းပင် ဆွမ်းကျန်လေးများ ကျွေးမွေး၍ ဆက်လက်စောင့်ရှောက်ထားကြပါသည်။

ကျွန်တော် စဉ်းစားဖြစ်ပါသည်...။
အိမ်မွေး တန်ဘိုးမြင့် အလှခွေးများ မဟုတ်သော်လည်း ဘုန်းကြီးကျောင်းများတွင် ရှင်သန်ကြီးပြင်းရသော ခွေးများသည် ကုသိုလ်ကောင်းလွန်းလေသည်ဟု.....။

သို့သော် ထိုကျောင်းခွေးများသည် ကျောင်းဝတွင် လည်းကောင်....၊
လျှောက်လမ်းများတွင်လည်းကောင်း....၊
စင်္ကြန်များတွင်လည်းကောင်း....၊
ကျောင်းဆောင်များ၏ အနီးဝန်းကျင်တွင်လည်းကောင်း....
မည်သည့်နေရာတွင်မဆို မစင်စွန့်တတ်ကြပါသည်။

အမှန်စင်စစ်အားဖြင့် ကျောင်းခွေးများသည် ဘုန်းတော်ကြီးကျောင်းတွင် မွေးဖွားရှင်သန်ကြီးပြင်းကြသည် မှန်သော်လည်း ရတနာသုံးပါး၏ ဂုဏ်ကျေးဇူးကိုလည်းကောင်း၊
ကျောင်းဝင်းအတွင်း ဆောင်ရွက်နိုင်မှုများကိုလည်းကောင်း၊
ကျောင်းပရ၀ုဏ်၏ တန်ဘိုးကို လည်းကောင်း၊
လူသားတို့၏ အထွဋ်အမြတ်ထားရာ... ကောင်းမှုပြုရာအရပ် ဖြစ်သည်ကိုလည်းကောင်း အလျဉ်း မသိကြပါ....။

အဘယ်ကြောင့်ဆိုသော် ထိုကျောင်းခွေးများသည် ``အ ဟိသ်´´ တိရိစ္ဆာန်ဖြစ်သော အသိဥာဏ်မဲ့သော ခွေးများ ဖြစ်နေကြခြင်းကြောင့် ဖြစ်ပါသည်။

(ကွန်ဆူးမား)(၁၀-၁၀-၂၀၁၃)