21.10.2012 နေ့ဖတ်ရန်သတင်းများ

by Myanmar Journal on Saturday, October 20, 2012 at 3:24pm ·

ရုရှား နျူကလီးယား ဒုံးကျည် စမ်းသပ်

ရုရှားနိုင်ငံမှာတော့ နျုကလီယား ထိပ်ဖူးတပ် Missile ဒုံးကျည် ၂ခုကို စမ်းသပ် လွှတ်တင်လိုက်ပါတယ်။ ရုရှားနဲ့ အမေရိကန် နိုင်ငံတွေအကြား NATO စစ်မဟာမိတ်အဖွဲ့ရဲ့ နျုကလီယားလက်နက် ဒဏ်ကာကွယ်ရေး ကွန်ယက် တည်ဆောက်ဖို့ အစီအစဉ်နဲ့ ပတ်သက်ပြီး တင်းမာမှုတွေ ဖြစ်နေချိန်မှာ သောကြာနေ့မှာပဲ ရုရှားက ခုလိုစမ်းသပ်မှုလုပ်ခဲ့တာပါ။

ရုရှားစစ်ဖက်အရာရှိတွေကလည်း ဒီနျုကလီယား ထိပ်ဖူးတပ် Missile ဒုံးကျည် စမ်းသပ်လွှတ်တင်မှု ကို တာဝေးမဟာဗျူဟာ  ပစ်ခတ်မှုကရိယာတွေနဲ့ ပစ်ထုတ်ခဲ့တာဖြစ်ပြီး၊ အောင်မြင်မှုရှိခဲ့တယ်လို့ ဆိုလိုက်ပါတယ်။ ရုရှားအနေနဲ့ အမေရိကန်နဲ့ သံတမန်ဆက်ဆံရေးတင်းမာလာတဲ့ အချိန်အခါမျိုးမှာ ခုလိုလုပ်ရပ်မျိုးကို လုပ်လေ့ရှိပါတယ်။ ဒီ NATO အဖွဲ့ရဲ့ နျုကလီယာလက်နက်ဒဏ်ကာကွယ်ရေး ကွန်ယက် တည်ဆောက်ဖို့ အစီအစဉ်ကို ရုရှားအနေနဲ့ လုံခြုံရေးခြိမ်းခြောက်မှုတခုအဖြစ် ခံယူလာခဲ့ပြီး၊ ဒီအစီအစဉ်ကို ဆက်လုပ်မယ်ဆိုရင် NATO နိုင်ငံတွေရဲ့နယ်စပ်ကို ဒုံးကျည်နဲ့ ပစ်ထဲ့မယ်လို့ ခြိမ်းခြောက်ခဲ့ပါတယ်။

ဒါပေမဲ့ အမေရိကန်နဲ့ NATO မဟာမိတ်တွေကတော့ ဒီနျုကလီယား လက်နက်ဒဏ်ကာကွယ်ရေး ကွန်ယက်အစီအစဉ်ဟာ ရုရှားကို ပစ်မှတ်ထား ခြိမ်းခြောက်တာမဟုတ်ဖူးလို့ ဆိုနေပါတယ်။အရင် အမေရိကန် သမ္မတ George W. Bush လက်ထက်တုံးက အီရန်နဲ့ အခြားရန်လိုတဲ့ အစိုးရတွေရဲ့ လုပ်လာနိုင်တဲ့ တိုက်ခိုက်မှုတွေကနေ NATO မဟာမိတ်နိုင်ငံတွေကို ကာကွယ်ပေးဖို့အတွက် မြေပြင်အခြေစိုက် Missile ဒုံးကျည်ကာကွယ်ရေးကွန်ယက်တခု လုပ်ဖို့ အဆိုပြုခဲ့ဖူးပါတယ်။

ဒါပေမဲ့ သမ္မတ Barack Obama ကတော့ နောက်ပိုင်းကာလမှာ ဒီအစီအစဉ်ကို ပြင်းပြင်းထန်ထန် မဖြစ်အောင် ပြောင်းလဲပေးခဲ့ပြီး၊ ဒီဒုံးပစ်တာ ကိုစစ်ဆေးဖမ်းယူမိနိုင်ဖို့ စစ်သဘောင်္ကြီးတွေပေါ်မှာ ရေဒါတပ်ဆင်မှုလုပ်ဖို့ပဲ စီစဉ်ပေးခဲ့ပါတယ်။

အကြမ်းဖက်မှုတွေကြောင့် လက်ဘနွမ်အစိုးရ အရေးပေါ်အစည်းအဝေး ခေါ်ယူ

လက်ဘနွမ် နိုင်ငံမှာ သောကြာနေ့က ရဲ ထောက်လှမ်းရေးမှူး သေဆုံးခဲ့ရတဲ့ ကားဗုံးဖောက်ခွဲမှုကို အကာအကွယ် မပေးနိုင်ခဲ့တဲ့အတွက် ၀န်ကြီးချုပ် Najib Mikati က သူ နှုတ်ထွက်မယ်လို့ ကမ်းလှမ်းလိုက်ပါတယ်။ ဒါပေမဲ့ သမ္မတက သူ့ရဲ့ နှုတ်ထွက်လွှာကို ခွင့်မပြုဘူးလို့ ဆိုပါတယ်။ သမ္မတ Michel Suleiman က ၀န်ကြီးချုပ် အနေနဲ့ အချိန် အတိုင်းအတာ တခုအထိတော့ တာဝန်ဆက်ပြီး ယူစေချင်တယ်လို့ ဒီကနေ့ ပြောဆိုသွားတာပါ။

နိုင်ငံရဲ့ အကျိုးစီးပွားကို ငဲ့ကွက်ပြီး ၀န်ကြီးချုပ်တာဝန်ကို ဆက်လက် ထမ်းဆောင်ဖို့ မစ္စတာ Mikati က သဘောတူလိုက်တယ်လို့ ဆိုပါတယ်။ ရဲထောက်လှမ်းရေးမှူးချုပ်နဲ့ တခြား လူ ၇ ယောက် သေဆုံးခဲ့ ရတဲ့ သောကြာနေ့ ကားဗုံးခွဲမှုအတွင်း ချက်ချင်း ဆိုသလိုမှာပဲ အတိုက်အခံ အနာဂတ် လှုပ်ရှားမှုအဖွဲ့ရဲ့ အတွင်းရေးမှူးချုပ် က Ahmad Hariri က ၀န်ကြီးချုပ် နှုတ်ထွက်ပေးဖို့ တောင်းဆိုလိုက်တာပါ။

အခု တိုက်ခိုက်ခံရတာဟာ ၀န်ကြီးချုပ်မှာ တာဝန်မကင်းဘူးလို့ မစ္စတာ Hariri က အပြစ်တင်နေတာပါ။ ၀န်ကြီးချုပ် Mikati ကတော့ ဒီတိုက်ခိုက်မှုဟာ ဆီးရီးယား ပြည်တွင်းစစ်နဲ့ ဆက်နွှယ်နေတယ်လို့ ဒီကနေ့ ကျင်းပတဲ့ အစိုးရ အရေးပေါ် အစည်းအဝေးမှာ ပြောဆိုလိုက်ပါတယ်။ နိုင်ငံတ၀ှမ်းလုံးမှာ ဒီ တိုက်ခိုက်မှုကို ကန့်ကွက်တဲ့အကြောင်း လူထုက ဆန္ဒပြနေကြပါတယ်။ သောကြာနေ့က ကားဗုံးခွဲ တိုက်ခိုက်မှုဟာ ရဲ ထောက်လှမ်းရေးမှူးချုပ် မစ္စတာ Wissam al-Hassan ကို ပစ်မှတ်ထားတာ ဖြစ်တယ်လို့ လက်ဘနွမ်က လာတဲ့သတင်းတွေမှာ ဖော်ပြထားပါတယ်။

နိုင်ငံပိုင်သတင်းစာတွေ အသွင်ပြောင်းဖို့ အုပ်ချုပ်ရေးအဖွဲ့ ဖွဲ့

နိုင်ငံတော်ပိုင် သတင်းမီဒီယာတွေဖြစ်တဲ့ မြန်မာ့အလင်း၊ ကြေးမုံနဲ့ အင်္ဂလိပ်လို ထုတ်ဝေတဲ့ The New Light Of Myanmar သတင်းစာ တွေကို အစိုးရနဲ့ကင်းတဲ့ လူထုဝန်ဆောင်မှု သတင်းမီဒီယာတွေ အဖြစ် သီးခြား လွတ်လပ်စွာ ရပ်တည်ဖို့အတွက် တဖြည်းဖြည်းနဲ့ ပြောင်းလဲ သွားနိုင်ရေး စီစဉ်နေတယ်လို့ သတင်းစာ အုပ်ချုပ်ရေးအဖွဲ့ အဖွဲ့ဝင်တဦးက ပြောဆိုလိုက်ပါတယ်။ ဒါပေမဲ့လည်း စိန်ခေါ်ချက်တွေ ကတော့ ရှိနေဆဲဖြစ်ပြီး၊ အဓိကကတော့ အဲဒီသတင်းမီဒီယာတွေက ၀န်ထမ်းတွေနဲ့ အစိုးရအကြီးအကဲတွေရဲ့ အတွေးအခေါ်တွေကို ပြောင်းလဲဖို့က အရေးကြီးတယ် လို့ ပြောဆိုခဲ့ ပါတယ်။ အပြည့်အစုံကိုတော့ မနန္ဒာချမ်း က တင်ပြထားပါတယ်။

အစိုးရပြန်ကြားရေး ၀န်ကြီးဌာနကနေ ထုတ်ဝေနေတဲ့ မြန်မာ့အလင်း၊ ကြေးမုံနဲ့ The New Light of Myanmar သတင်းစာ ၃ စောင်ကို အစိုးရနဲ့ကင်းပြီး သီးခြား လွတ်လပ်တဲ့ လူထုဝန်ဆောင်မှု သတင်းစာတွေအဖြစ် ပြောင်းလဲနိုင်ဖို့အတွက် သတင်းစာအုပ်ချုပ်ရေးအဖွဲ့ကို ဒီရက်ပိုင်းမှာပဲ ဖွဲ့စည်းခဲ့ပါတယ်။ ဒီအဖွဲ့အနေနဲ့ ဒီသတင်းစာတွေ လည်ပတ်နိုင်ရေး လက်ရှိ ပြန်ကြားရေး ၀န်ကြီးဌာနရဲ့ ငွေကြေး ထောက်ပံ့မှု အကူအညီတွေကိုလည်း နောက်ပိုင်းမှာ ရယူတော့မှာမဟုတ်ဘဲ သီးခြား ရပ်တည်သွားနိုင်အောင် ပြောင်းလဲသွားမှာ ဖြစ်တယ်လို့ သတင်းစာအုပ်ချုပ်ရေးအဖွဲ့ အဖွဲ့ဝင်တဦးဖြစ်တဲ့ ဦးရဲနိုင်မိုး က ပြောပါတယ်။

“သူတို့ ပြောင်းလဲမယ့် ပုံစံကတော့ ပြန်ကြားရေးဝန်ကြီးက နေပြီးတော့ မြန်မာ့အလင်း၊ ကြေးမုံနဲ့ New Light of Myanmar သတင်းစာတွေကို ငွေကြေးထောက်ပံ့ပြီး ချုပ်ကိုင်ထားတာကို ရှေ့မှာ ဆက်လုပ်တော့မှာ မဟုတ်ဘဲနဲ့ ဒီထက်ပိုပြီးတော့ လွတ်လွတ်လပ်လပ် ရှိပြီးတော့ Public Service Media ပုံစံကို လုပ်ပါမယ်လို့ ပြောလာပါတယ်။ သဘောကတော့ ပြန်ကြားရေး ၀န်ကြီးဌာနက တဖြည်းဖြည်းနဲ့ နောက်ဆုတ်သွားမယ်။ လောလောဆယ်မှာတော့ ငွေကြေးအရ အထောက်အပံ့ ဖြစ်နေသော်လည်းဘဲ Public Service Media ဖြစ်လာပြီဆိုတဲ့အခါမှာ အရှေ့မှာ ဥပမာအားဖြင့် ပြည်သူကို ကိုယ်စားပြုတဲ့ လွှတ်တော်က ငွေကြေး ထောက်ပံ့ မလား။ ရာခိုင်နှုန်း တစုံတရာကို ပြည်သူတွေကြားထဲမှာ ရှယ်ယာကို ထုတ်ရောင်းမလားလို့ သူတို့ စပြီးတော့ ပြင်ဆင်လာပါတယ်။ အဲ့ဒါတွေကို လုပ်ဖို့အတွက် အစိုးရပြန်တမ်းအရတော့ အမြင့်ဆုံးအာဏာပိုင် အဖွဲ့ဖြစ်တဲ့ ဒီ Governing Body အုပ်ချုပ်ရေးအဖွဲ့ကို ဖွဲ့တယ်လို့ ဖြစ်လာပါတယ်ခင်ဗျ။”

မြန်မာနိုင်ငံမှာ အစိုးရက ထုတ်ဝေတဲ့ သတင်းစာ ၃ စောင်ပဲရှိပြီး ဒီသတင်းစာတွေကို အစိုးရရဲ့ ၀ါဒဖြန့်ချိရေး၊ အစိုးရအာဘော် သတင်းစာတွေအဖြစ် ပြည်သူအများက လက်ခံထားပြီး ပြည်သူတွေရဲ့ ယုံကြည်မှုကို မရခဲ့တာ ဆယ်စုနှစ်ပေါင်းများစွာ ရှိခဲ့ပြီဖြစ်ပါတယ်။

ဒါကြောင့်လည်း နိုင်ငံတကာအဆင့်မှီ သတင်းလမ်းကြောင်းပေါ်ကနေ သွေဖီနေတာကြာပြီဖြစ်တဲ့ ဒီသတင်းစာတွေမှာ အစိုးရရဲ့ နေ့စဉ်လုပ်ဆောင်ချက်တွေကို ဖော်ပြမယ့်အစား ပြည်သူတွေ ဘ၀အတွက် အရေးပါတဲ့ သတင်းတွေကို ဖော်ပြဖို့ လိုအပ်ကြောင်း အစိုးရနဲ့ တွေ့ဆုံစဉ် ထောက်ပြ အကြံပြုခဲ့တယ်လို့ ဦးရဲနိုင်မိုး က ပြောပါတယ်။ ဒီလို အစိုးရနဲ့ကင်းပြီး သီးခြား လွတ်လပ်တဲ့ လူထုဝန်ဆောင်မှု သတင်းစာတွေအဖြစ် ပြောင်းလဲနိုင်ဖို့အတွက် ရှေ့မှာ ရင်ဆိုင်ရမယ့် စိန်ခေါ်ချက်တွေတော့ အများကြီး ရှိနေဆဲဖြစ်တယ်လို့ သူက အခုလို ဆက်ပြောခဲ့ပါတယ်။

“ကျနော့်အမြင် ပြောရရင် အခု ပုံစံက နှစ် ၄ - ၅ ဆယ်လောက် အရိုးစွဲလာနေတဲ့ ပုံစံ ဖြစ်နေပါတယ်။ ဒီ သတင်းစာ ၃ စောင်မှာ လုပ်နေတဲ့ အယ်ဒီတာတွေ သတင်းထောက်တွေ၊ ဒီသတင်းစာ ၃ စောင်ကို အမှီပြုပြီး အစိုးရ၀န်ကြီးဌာနတွေ၊ ခေါင်းဆောင်ပိုင်းတွေက ချက်ချင်း သူတို့ရဲ့ အတွေးအခေါ်တွေကို ပြောင်းလဲဖို့ဆိုတာ အတော်လေး ခက်ခဲမှာပါ။ ဒါက ကျနော်တို့ အဖွဲ့အနေနဲ့ အကြီးမားဆုံး ရင်ဆိုင်ရမယ့် စိန်ခေါ်မှု ဖြစ်ပါတယ်။ ကျနော်တို့မှာ ရှိနေတဲ့ စိန်ခေါ်မှုတွေနဲ့ အဓိက ပြောင်းလဲရမယ့် အရေးကြီးဆုံး အချက်ကတော့ ပြီးခဲ့တဲ့နှစ်တွေ တော်တော်များများ လုပ်နေတဲ့ ၀န်ထမ်းတွေရယ်၊ နောက်ပြီးတော့ သူတို့ကို လွှမ်းမိုးထား တဲ့ အတွေးအခေါ်တွေရယ်၊ နောက်ပြီးတော့ သူတို့ကို လေ့ကျင့်သင်ကြားထားတဲ့ ပုံစံတွေရယ်ဟာ နိုင်ငံတကာက နားလည်ထားတဲ့ သတင်းစာပုံစံနဲ့ အရမ်းကြီးကို အလှမ်းဝေးနေပါတယ်။ အဲ့ဒါကို ပြောင်းလဲဖို့က အဓိက အကျဆုံးပဲလို့ ကျနော် ထင်ပါတယ်။ စိန်ခေါ်မှုတွေ ရှိပေမဲ့လည်း ကျနော်တို့ ပြောင်းလဲလို့ရမှာပါ။ ဒါပေမဲ့ အဲ့လိုပြောပေမဲ့ ကျနော်တို့ လုပ်ပိုင်ခွင့် ချက်ချင်း ၁၀၀ ရာခိုင်နှုန်း ပြုပြင် ပြောင်းလဲ လို့ အဆင်ပြေမယ်လို့ ကျနော် မမျှော်လင့်ပါဘူး။ ဒါပေမဲ့ သိသိသာသာ ပြောင်းလဲခွင့် ရဖို့အတွက်တော့ ရာခိုင်နှုန်း တစုံတရာရှိတယ်လို့ ယုံကြည်ထားပါတယ်။”

သတင်းစာအုပ်ချုပ်ရေးအဖွဲ့ အဖွဲ့ဝင် ဦးရဲနိုင်မိုး ဖြစ်ပါတယ်။ ပြီးခဲ့တဲ့ ကြာသပတေးနေ့ ကတော့ နှစ်ပေါင်းများစွာ အဖြူ အမည်း ထုတ်ဝေလာခဲ့တဲ့ ဒီ သတင်းစာ ၃ စောင်စလုံးကို ရောင်စုံ သတင်းစာတွေအဖြစ်နဲ့ စတင်ထုတ်ဝေလာခဲ့ပါတယ်။ နေပြည်တော် နဲ့ မန္တလေးမြို့တွေ မှာ ရောင်စုံ နေ့တိုင်း ထုတ်ဝေသွားမှာ ဖြစ်ပြီးတော့ ရန်ကုန်မှာတော့ မြန်မာ့အလင်းနဲ့ ကြေးမုံ သတင်းစာတွေကို တပတ်စီ ရောင်စုံ ထုတ်ဝေသွားမှာပြီး ဒီဇင်ဘာလကျမှ အားလုံးကို ရောင်စုံ ထုတ်ဝေသွားမယ်လို့ သတင်းစာတွေရဲ့ အယ်ဒီတာ့ အာဘော်မှာ ရေးသားထားပါတယ်။မြန်မာနိုင်ငံမှာ အရင် စစ်အစိုးရလက်ထက်က သတင်းလွတ်လပ်ခွင့် မရှိဆုံး နိုင်ငံများစာရင်းမှာ ထည့်သွင်းခံခဲ့ရပြီး ပြင်သစ်အခြေစိုက် RSF နယ်ခြားမဲ့သတင်းထောက်များအဖွဲ့က ထုတ်ပြန်တဲ့ ၂၀၁၁ - ၂၀၁၂ ခုနှစ် သတင်းလွတ်လပ်မှု အညွှန်းကိန်းမှာတော့ နိုင်ငံပေါင်း ၁၇၉ နိုင်ငံစာရင်းမှာ မြန်မာနိုင်ငံက ၁၆၉ အဆင့်မှာ ရှိနေတာဖြစ်ပါတယ်။ ဒါဟာဆိုရင် သတင်းလွတ်လပ်ခွင့် မရှိဆုံး နိုင်ငံတွေ စာရင်းမှာ မြန်မာနိုင်ငံက ၁၁ နေရာမှာ ရှိနေတာလည်း ဖြစ်ပါတယ်။

ဂါဇာဘက်သွားတဲ့ သင်္ဘောတစီးကို အစ္စရေးဖမ်းဆီး

သင်္ဘောပေါ်မှာ ပညာရေးနဲ့ ကျန်းမာရေး ဆိုင်ရာ အထောက် အပံ့ ပစ္စည်းတွေကို တင်ဆောင် လာတာ ဖြစ်ပါတယ်

ပိတ်ဆို့မှုတွေ လုပ်ထားတဲ့ ဂါဇာ ဒေသ ဘက်ကို သွားဖို့ ကြိုးစားနေတဲ့ ဖင်လန် သင်္ဘောတစီး ကို အစ္စရေး မရိန်းတပ်ဖွဲ့ တွေက ကြားဖြတ် ဖမ်းဆီးလိုက်ပါတယ်။

မရိန်းတပ်ဖွဲ့တွေ ကနေ အက်စ်တယ်လ် လို့ အမည်ရတဲ့ အဲဒီ သင်္ဘောကို လမ်းကြောင်း ပြောင်းဖို့ ပြောကြားခဲ့ ပေမယ့်လည်း သင်္ဘောဟာ ဂရု မစိုက်ဘဲ ရှေ့တိုး ခဲ့တာ ကြောင့် မရိန်း တပ်ဖွဲ့တွေ ကနေ သင်္ဘောပေါ်ကို တက်ရောက် ထိန်းချုပ် လိုက်တာ ဖြစ်တယ်လို့ အစ္စရေး စစ်တပ် ပြောခွင့်ရသူက ပြောပါတယ်။

ဘာမှ အင်အား သုံးစရာ မလိုပဲ သင်္ဘောပေါ် တက်ရောက် ထိန်းချုပ် နိုင်ခဲ့တာ ဖြစ်ပြီး ခရီးသည်တွေ ကိုလည်း အစားအစာနဲ့ ရေပေးထား ခဲ့တယ် လို့လည်း သူက ပြောပါတယ်။

သင်္ဘောကို အခုတော့ အစ္စရေး နိုင်ငံ အက်ရ်ှဒေါ့ဒ် ဆိပ်ကမ်းကို ခေါ်ယူ လာခဲ့ပြီ ဖြစ်ပါတယ်။

အက်စ်တယ်လ် သင်္ဘောဟာ အခုလ အစောပိုင်းက အီတလီ နိုင်ငံ နီပယ်စ် မြို့ကနေ ခရီး စတင် ခဲ့တာ ဖြစ်ပြီး သင်္ဘော ပေါ်မှာ ပညာရေးနဲ့ ကျန်းမာရေး ဆိုင်ရာ အထောက် အပံ့ ပစ္စည်းတွေကို တင်ဆောင် လာတာ ဖြစ်ပါတယ်။

ဥရောပက နိုင်ငံရေး သမား ၅ ဦးလည်း အဲဒီ သင်္ဘောပေါ်မှာ လိုက်ပါ လာပါတယ်။

ဂါဇာ ဒေသကို အစ္စလာမ်မစ် ဟားမတ်စ် လှုပ်ရှားမှု အဖွဲ့ က ၂၀၀၇ ခုနှစ်မှာ ထိန်းချုပ်ခဲ့ပြီး နောက်ပိုင်း အစ္စရေး တို့ဟာ ဂါဇာ အပေါ် ပိတ်ဆို့မှု တွေကို ပိုမို တင်းကျပ်ထား ခဲ့တာ ဖြစ်ပါတယ်။

M23 တပ်ဖွဲ့ဝင်တွေ အပေါ် ပိတ်ဆို့ အရေးယူဖို့ စီစဉ်

ဒီမို ကရက်တစ် ကွန်ဂို သမ္မတ နိုင်ငံ အရှေ့ဖက်မှာ ပုန်ကန် ထကြွနေတဲ့ M23 တပ်ဖွဲ့ဝင်တွေ အပေါ် ပိတ်ဆို့ အရေးယူဖို့ စီစဉ် နေတယ်လို့ ကုလသမဂ္ဂ လုံခြုံရေး ကောင်စီက ပြောပါတယ်။

M23 အဖွဲ့ ခေါင်းဆောင်တွေနဲ့ အဲဒီ နိုင်ငံကို လက်နက် မရောင်းဝယ်ရဘူး ဆိုတဲ့ ပိတ်ပင်တားမြစ်ချက် ချိုးဖောက်သူတွေကို ပစ်မှတ်ထား အရေးယူ မှုတွေ လုပ်မယ်လို့ လုံခြုံရေး ကောင်စီ ကြေညာချက်မှာ ဖော်ပြထား ပါတယ်။

ကွန်ဂို အရှေ့ပိုင်းက တပ်ဖွဲ့တွေကို လက်နက်နဲ့ အင်အား ထောက်ပံ့တယ်လို့ မကြာခဏ စွပ်စွဲ ပြောဆို ခံနေရတဲ့ အိမ်နီးချင်း ရဝမ်ဒါ ဒါမှမဟုတ် ယူဂန်ဒါ တို့ကိုတော့ ဒီလုံခြုံရေး ကောင်စီရဲ့ အရေးယူမဲ့ စာရင်းထဲမှာ တိတိလင်းလင်း ဖော်ပြထားတာ မတွေ့ရပါဘူးလို့ ဆိုပါတယ်။

၂၅ ရာခိုင်နှုန်း သစ်လျှော့ထုတ်မယ့် အစီအစဉ် မလုပ်နိုင်သေး

တရုတ်မြန်မာ နယ်စပ်မှာ ဈေးကောင်းရတဲ့ မြန်မာသစ်တွေ

မြန်မာနိုင်ငံက သစ်ထုတ်လုပ်မှုကို ၁၉၉၃ ခုနှစ် မတ်လ ၃၁ ရက် နောက်ပိုင်းကနေ နှစ်စဉ် ၂၅ ရာခိုင်နှုန်း လျှော့ချ ထုတ်လုပ်မယ် ဒါ့အပြင် ၁၉၉ရ ခုနှစ်မှာ သစ်လုံးလိုက် မထုတ်တော့ဘူး ဆိုတဲ့ Master Plan သစ်တောဝန်ကြီး ဌာနမှာ ရှိခဲ့ပေမယ့် လက်တွေ့မှာ မလုပ်နိုင်ဘူးလို့ သစ်လုပ်ငန်းရှင် တစ်ယောက်က ပြောပါတယ်။

ဒါတွေက ပျက်ပြယ်သွားပြီး ပုဂ္ဂလိကပိုင် သစ်တွေကို မြန်မာ့ သစ်လုပ်ငန်းက အမည်ခံ ပြည်ပ ပို့ပေးခဲ့တာကြောင့် တိုင်းပြည် ဝင်ငွေလည်း မရ ၊ သစ်တွေလည်း ကုန် ဒါ့အပြင် သစ်ကုန်ကြမ်းလည်း မရှိတော့ဘဲ ရန်ကုန်မြို့အတွင်း သစ်စက် အလုံး ၁၅ဝ လောက်ဆို သစ်ကုန်ကြမ်းမရလို့ မလည်ပတ် နိုင်တော့ဘူးလို့ လုပ်ငန်းရှင်တွေ ဆီက သိရပါတယ်။

အခုဆိုရင် ပြည်တွင်း လုပ်ငန်းရှင်တွေ အနေနဲ့ နိုင်ငံခြားကို သစ်တင်ပို့ နိုင်တာ မရှိသလောက်ဘဲလို့ ဆိုပါတယ်။

အကြောင်းကတော့ အရည်အသွေး မမှီတဲ့ သစ်တွေဘဲ ဝယ်ယူ ရရှိနိုင်တာက တကြောင်း ၊ သစ်လုံးဝယ်ဖို့ ကြိုးပမ်းရတာ တကြောင်း ၊ ပြည်ပ တင်ပို့ရာမှာ လုပ်ငန်းဆောင်တာ အဆင့်ဆင့် ဖြတ်သန်း ရတာနဲ့ တရုတ် ၊ ထိုင်း ၊ မလေးနဲ့ စင်္ကာပူ တို့က မြန်မာသစ် အသုံးပြုထုတ်တဲ့ ပရိဘောဂတွေက မြန်မာ ပြည်တွင်း သစ်လုပ်ငန်းရှင်တွေ ထုတ်တဲ့ ပရိဘောဂထက် ဈေးချို နေတာတွေ စသဖြင့် လုပ်ငန်းရှင် တယောက်က ဈေးကွက် အခြေအနေကို ရှင်းပြခဲ့ပါတယ်။

မြန်မာ လုပ်ငန်းရှင်တွေ ပြည်ပမှာ ဝင်မတိုးနိုင်ရတာက နည်းပညာကြောင့် မဟုတ်ဘဲ ပြည်ပက လိုချင်သလောက် မပို့နိုင်တာရယ် လိုချင်တဲ့ အချိန် မပေးတာရယ် တွေကြောင့် ဖြစ်တယ်လို့ သူက ပြောပါတယ်။

ပြီးခဲ့တဲ့ အစိုးရလက်ထက်မှာ နိုင်ငံခြားကုမ္ပဏီကနေ ကျွန်းသစ်ဖိုး အရင်ယူထားပြီး သစ်အကြွေး ပေးရမှာကလည်း တန်ချိန် သိန်းချီရှိတယ်လို့ သစ်လုပ်ငန်းရှင်တွေက ပြောပြပါတယ်။

အိုအိုင်စီရုံး မဖွင့်ရေး ရခိုင်မှာ ဆန္ဒပြ

အောက်တိုဘာ ၁၅ ရက် နေ့ကလည်း နိုင်ငံတဝန်း မြို့ကြီး ၂၀ ကျော်မှာ အိုအိုင်စီ ရုံးမဖွင့်ရေး ဆန္ဒပြခဲ့ကြ

မြန်မာနိုင်ငံမှာ အစ္စလာမ် နိုင်ငံများ ပူးပေါင်း ဆောင်ရွက်ရေး အဖွဲ့ (အိုအိုင်စီ) ရုံးခွဲတွေ မဖွင့်ရေး အတွက် ရခိုင် ပြည်နယ်က မြို့ (၄) မြို့မှာ ဆန္ဒပြမူတွေ ပေါ်ပေါက်ခဲ့ ပါတယ်။

ကျောက်ဖြူ၊ မင်းပြား၊ မြေပုံနဲ့ ရမ်းဗြဲမြို့တို့မှာ ကန့်ကွက် ဆန္ဒပြခဲ့ကြတာ ဖြစ်ပြီး၊ ဆန္ဒပြတဲ့ သူတွေဟာ အိုအိုင်စီရုံးကို ရခိုင်ပြည်နယ် မှာရော တခြား နေရာတွေ မှာပါ အလို မရှိတဲ့ အကြောင်း တောင်းဆို ဆန္ဒပြခဲ့ ကြပါတယ်။

အိုအိုင်စီရုံး ဖွင့်လှစ်ခွင့် မပြုတော့ဘူး ဆိုပြီး အစိုးရက ကြေညာထား ပေမယ့်လည်း၊ ပြီးခဲ့တဲ့ ရက် ၂၀ လောက် ကတည်းက တင်ထားတဲ့ ဆန္ဒပြခွင့်ဟာ အခုမှ ကျလာတဲ့ အတွက် ဆန္ဒပြရတာ ဖြစ်ကြောင်း ဦးဆောင်သူ တစ်ဦး ဖြစ်တဲ့ ကိုရာကျော်က ဘီဘီစီကို ပြောပါတယ်။

ကျောက်ဖြူမြို့က ဆန္ဒပြပွဲမှာဆိုရင် ရဟန်းတော် အပါ အဝင် လူပေါင်း ၈၀ဝ၀ ခန့် ပါဝင် ခဲ့တယ်လို့ သိရပါတယ်။

လူတွေဟာ အိုအိုင်စီ အလိုမရှိ ကြောင်းနဲ့ သမ္မတကြီးရဲ့ ပြောစကား တွေကို ထောက်ခံတဲ့ အကြောင်းတွေကို ကြွေးကြော် ဆန္ဒပြခဲ့ကြ ပါတယ်။

ရမ်းဗြဲမြို့နဲ့ မြေပုံမြို့ တို့မှာလည်း လူပေါင်း ၃၀ဝ၀ ကျော်ခန့်စီ ပါဝင်ခဲ့ ကြပြီး မြို့ပေါ်က လမ်းတွေပေါ် ချီတက်ကာ ဆန္ဒ ထုတ်ဖေါ်ခဲ့ ကြပါတယ်။

အာဏာပိုင်တွေ ကတော့ ပြဿနာတွေ မပေါ်ပေါက် ရအောင် လုံခြုံရေးတွေ ယူပေးခဲ့တယ် လို့လည်း သိရပါတယ်။

လက်ဘနွန် ဝန်ကြီးချုပ် ရာထူး ဆက်ယူမယ်

ဗုံးပေါက်ကွဲမှုကြောင့် သေဆုံးခဲ့ ရသူတွေ အတွက် ဝမ်းနည်းခြင်း အဖြစ် တရက် သတ်မှတ် ပေးထားပါတယ်

လက်ဘနွန်နိုင်ငံ ဘေရွတ်မြို့မှာ သောကြာ နေ့က ကြီးမားတဲ့ ကားဗုံးပေါက်ကွဲမှု တခု ဖြစ်ပွားခဲ့ တာကြောင့် ပြည်တွင်း ထောက်လှမ်း ရေး အရာရှိချုပ် ဝီဆမ် ဟတ်ဆန် အပါအဝင် လူပေါင်း ၈ ဦး သေဆုံး သွားခဲ့ရတဲ့ ကိစ္စနဲ့ ပတ်သက်ပြီး လက်ဘနွန် ဝန်ကြီးချုပ် နာဂျစ် မီကာတီ၊ ရာထူးက နှုတ်ထွက်မယ်လို့ ပြောကြားခဲ့ ပါတယ်။

ဒါပေမယ့်လည်း သမ္မတ မီချဲလ် ဆူလီမန်းရဲ့ မေတ္တာ ရပ်ခံချက်နဲ့ မစ္စတာ မီတာတီဟာ ဝန်ကြီးချုပ် ရာထူး ဆက်ယူထား မယ်လို့ ပြောပါတယ်။

စနေနေ့က ပြုလုပ်တဲ့ လက်ဘနွန် အစိုးရ ဝန်ကြီးတွေရဲ့ အရေးပေါ် ကက်ဘိနက် အစည်း အဝေးမှာ မစ္စတာ မီကာတီက သူရာထူးက နှုတ်ထွက်မယ်ဆိုပြီး ပြောကြား သွားတာ ဖြစ်ပါ တယ်။

သမ္မတ ကတော့ အကောင်းဆုံး ဖြစ်အောင် ဆွေးနွေး အဖြေရှာ သွားမယ်လို့ တုံ့ပြန် ပြောကြားပြီး မစ္စတာ မီကာတီကို တိုင်းပြည် အကျိုးကို ကြည့်ပြီး ရာထူး ဆက်ယူထားဖို့ မေတ္တာ ရပ်ခံခဲ့တာ ဖြစ်ပါတယ်။

ဗုံးပေါက်ကွဲမှုကြောင့် သေဆုံးခဲ့ရသူတွေ အတွက် ဝမ်းနည်းခြင်း အဖြစ် တရက် တာ သတ်မှတ် ပေးထားပါတယ်။

ဗုံးဖေါက်ခွဲမှု ပြုလုပ် သူတွေကို အမေရိကန် ပြည်ထောင်စုနဲ့ ကုလသမဂ္ဂ လုံခြုံရေး ကောင်စီ အပါအဝင် နိုင်ငံတကာ အသိုင်းအဝန်း ကနေ ပြစ်တင် ရှုတ်ချမှုတွေ ပြုလုပ် ခဲ့ပါတယ်။

ဆီးရီးယားကို ဆန့်ကျင်သူတွေ ကတော့ ဒါဟာ ဆီးရီးယား ရဲ့ လက်ချက်ဆိုပြီး ပြစ်တင် ပြောဆိုကြပါတယ်။

ဆီးရီးယားကို ကန့်ကွက် ဆန့်ကျင်ရေး ဆန္ဒပြမှုတွေလည်း သောကြာနေ့ညက တညလုံး လိုလို လက်ဘနွန် နိုင်ငံ မြို့ အတော်များများမှာ ဖြစ်ပွားခဲ့ ပါတယ်။

ခေတ်အဆက်ဆက် ထင်ရှားတဲ့ မြန်မာ့အလှမယ်များ

ခင်မောင်ထွေး (ပျဉ်းမနား)မြန်မာအားကစားလောကတွင် တိုးတက်ပြောင်းလဲမှုကြီး တစ်ခု အံ့သြဖွယ်ကောင်းလောက်အောင်ပင် ထွက်ပေါ်လာသည်။မြန်မာအလှမယ်များ ပြည်ပထွက်၍ ပြိုင်ပွဲများ ဝင်ခွင့်ရခြင်းပင် ဖြစ်သည်။

လွန်ခဲ့သည့် နှစ်ပေါင်း (၅ဝ)တိတိ (၁၉၆၂)ခုနှစ်မှစကာ မြန်မာအမျိုးသမီးအလှမယ်များ ပြည်ပထွက်၍ ပြိုင်ပွဲဝင်ဖို့မဆိုထားနှင့် ပြည်တွင်းမှာပင် မယ်ရွေးပွဲ မလုပ်ရတော့ပါ။ခင်သန်းနု ပြည်ထောင်စုမယ်ဘွဲ့ရရှိသည့် (၆၁)ခုနှစ် ပြည်ထောင်စုမယ်ရွေးပွဲသည် မြန်မာနိုင်ငံ၌ မယ်ရွေးပွဲ နောက်ဆုံး အကြိမ် ကျင်းပခဲ့ခြင်းပင်ဖြစ်သည်။

ရှေးရှေးတုန်းက

ခင်သန်းနု မတိုင်မီခေတ်ကမူ မြန်မာနိုင်ငံတွင် မယ်ရွေးပွဲများ ခြိမ့်ခြိမ့်သဲမျှ ကျင်းပခဲ့သည်။

ပထမဆုံးပြိုင်ပွဲမှာ (၁၉၄၇)ခုနှစ်တွင် ရွှေတိဂုံဘုရား အနောက်ဘက် မုခ်၌ကျင်းပသည့် ရုပ်ရှင်နှင့် ပြဇာတ်ပြပွဲတွင် ထည့်သွင်းခဲ့သည့် အလှမယ်ပြိုင်ပွဲပင်ဖြစ်သည်။ ဒေါ်လီချို (Dolly Cho)က ပထမဆု ဆွတ်ခူးသည်ဟု မှတ်တမ်းများအရ သိရှိရသည်။တရားဝင်မောင်မယ်ရွေးပွဲကို (၁၉၄၈)ခုနှစ်တွင်စတင်ကျင်းပခဲ့သည်။ မြန်မာနိုင်ငံအိုလံပစ်အားကစားပြိုင်ပွဲတွင် ထည့်သွင်းကျင်းပခဲ့သည်။ အိုလံပစ်မယ်(ဝါ)မယ်ဗမာဆုကိုခင်စန်းကြွယ်က ဆွတ်ခူးခဲ့သည်။ ခင်စန်းကြွယ်သည် မြန်မာနိုင်ငံ၏ ပထမဆုံးမယ်ဖြစ်သလို(၁၉၆၂)ခုနှစ်တွင် ကျင်းပသည့် မယ်ရွေးပွဲတွင် ပထမရသူ (နာမည်မေ့နေပါသည်)က မြန်မာနိုင်ငံ၏နောက်ဆုံးမယ်ဖြစ်ပါသည်။ပြည်ထောင်စုမယ်ရွေးပွဲအပြီး တစ်ဆက်တည်းကျင်းပခဲ့ခြင်းဖြစ်ပါသည်။ ပြည်ထောင်စုမယ် ခင်သန်းနုက မယ်ဗမာရွေးပွဲတွင် တတိယသာ ရပါသည်။

မယ်ပေါင်းစုံလင်

(၁၉၄၈)ခုနှစ်မှ (၁၉၆၂)ခုနှစ်အထိ (၁၄)နှစ်အတွင်း မြန်မာနိုင်ငံတွင် မောင်မယ်ရွေးပွဲများ မြိုင်မြိုင်ဆိုင်ဆိုင် ကျင်းပခဲ့သည်။အလှမယ်များလည်း ဖူးပွင့်ဝေဆာခဲ့ကြသည်။ မှတ်မိသလောက်၊ ဖတ်မိသလောက်တင်ပြရမည်ဆိုလျှင် မစိန်အေး၊ နော်လွီဇာဘင်ဆင်၊ မီနီပု၊ခင်သန်းနု၊ နုနုရီ၊ ဖြူဖြူရှိန်၊ ဝါဝါရှိန်၊ မြမြသန်း၊ နန်းမြင့်မေ၊ ခင်မြင့်မြင့်၊ သန်းသန်းအေး၊ မြတ်မြတ်ထွေး၊ မေရီစိုးရင်၊ လီလီစိုးရင် နှင့် မေမြင့်ရီတို့မှာ တစ်ခေတ်တစ်ခါက ထင်ရှား ကျော်ကြား ကြသူများဖြစ်ပါသည်။ယင်းအလှမယ်များထဲမှာ မစိန်အေး၊ မီနီပုတို့ ကမ္ဘာ့အဆင့် အလှမယ်ပြိုင်ပွဲများဖြစ်သည့် မယ်စင်္ကြာဝဠာ(Miss Universe) နှင့် မယ်ကမ္ဘာ(Miss World) ပြိုင်ပွဲများ ဝင်ရောက် ယှဉ်ပြိုင်ခဲ့ ကြဖူးသည်။သို့သော် အောင်မြင်မှုလည်း မရရှိခဲ့ကြပါ။ ကျော်ကြားမှုလည်း မရှိခဲ့ပါ။ထိုစဉ်က မစိန်အေးတို့၊ မီနီပုတို့ ကမ္ဘာ့အဆင့်တွင် ပြိုင်ပွဲဝင်နေသည့်ပုံများ မြန်မာစာနယ်ဇင်းများတွင် ဖော်ပြခြင်းမရှိကြပါ။မယ်စင်္ကြာဝဠာရွေးပွဲ၊ ကမ္ဘာ့အလှမယ် ရွေးပွဲဝင်ရန်မှာ လှပပြေပြစ်ရုံ၊ ခန္ဓာကိုယ် အချိုးအစား ကျရုံဖြင့် မအောင်မြင်နိုင်ပါ။ အင်္ဂလိပ်ဘာသာစကားကို ကျွမ်းကျင်စွာ တက်မြောက်ဖို့လိုသည်။ပြိုင်ပွဲဝင် မယ်လောင်း အားလုံးကို ပြည်တွင်းပြည်ပ ဗဟုသုတများကို အင်္ဂလိပ်ဘာသာဖြင့် မေးမြန်းသည်ကို အင်္ဂလိပ်ဘာသာဖြင့် သွက်သွက် လက်လက် ဖြေကြရသည်။ မြန်မာအလှမယ်များ ကမ္ဘာ့အလယ်တွင် ထင်ရှား ကျော်ကြားရန် တာစူနေချိန်မှာပင် ရပ်တန့်သွားခဲ့ရသည်။

(၁၉၆၂)ခုနှစ် မတ်လ(၂)ရက်နေ့နောက်ပိုင်းတွင် မယ်ရွေးပွဲများရပ်တန့်သွားတော့သည်။ ကာယဗလမောင်နှင့် လှယဉ်ကျေးမယ် ရွေးပွဲအမည်ဖြင့် အလှမယ်ရွေးပွဲများ ပြန်လည် ကျင်းပ လာခဲ့ကြသော်လည်း လှယဉ်ကျေးမယ်ဘွဲ့ရသူများမှာ ယခင် မယ်ဗမာများလောက် ထင်ရှား ကျော်ကြားခြင်း မရှိခဲ့ကြပါ။ယခင်မယ်ကြီးများမှာ ရုပ်ရှင်လောကတွင်းသို့ ဝင်ရောက်ခဲ့ကြပြီး အောင်မြင်ခဲ့ကြသည်။ မုဒုံမယ်တင်တင်မူ၊ ဖျာပုံမယ်တင်တင်အေး၊ ရှန်ဟိုင်းမယ် မေမြင့်ရီ၊ မယ်ဗမာ နော်လွီဇာဘင်ဆင်၊ ပြည်ထောင်စုမယ် ခင်သန်းနု စသူတို့ ဖြစ်ကြသည်။ယင်းခေတ်ကို နှစ်ပေါင်း(၅ဝ)တိတိကျော်လွန်ပြီးနောက် (၂ဝ၁၂)ခုနှစ်ထဲတွင် ပြည်ပထွက်၍ အမျိုးသမီးများ ပြိုင်ဆိုင်မှုရှိလာခဲ့သည်။

နန်းခင်ဇေယျာ

Miss International ပြိုင်ပွဲတွင် မြန်မာ ပြည်ထောင်စု နွယ်ဖွား ရှမ်းနှင့် ပအို့ တိုင်းရင်းသားစပ် နန်းခင်ဇေယျာကြောင့် စာနယ်ဇင်း၊ အထူးသဖြင့် ဂျာနယ်များအတွက် ထိပ်တန်းသတင်း တစ်ပုဒ်ဖြစ်ခဲ့ရသည်။မြန်မာနိုင်ငံတွင် တရားဝင် မယ်ရွေးပွဲများ မရှိသော်လည်း စီးပွားရေးလုပ်ငန်းကြီးများက လှယဉ်ကျေးမယ်များ ရွေးချယ်လေ့ရှိကြသည်။ နန်းခင်ဇေယျာမှာလည်း (၂ဝ၁၁)ခုနှစ် မတ်လထဲတွင် မြန်မာ နိုင်ငံ ခရီးသွားအဖွဲ့မှ ခရီးသွားမယ် ရွေးချယ်ပွဲမှတစ်ဆင့် Miss International အထိ တက်လှမ်း ခဲ့ခြင်း ဖြစ်သည်။ခရီးသွားမယ်ရွေးချယ်ပွဲတွင် တက္ကသိုလ်မှ ဥပဒေဘွဲ့ရရှိပြီး ခရီးသွားလမ်းညွှန်တစ်ဦးအဖြစ်အသက်မွေးဝမ်းကျောင်းပြုနေသူ နန်းခင်ဇေယျာ ဝင်ပြိုင်သည်။ ပထမရသည်။ ထို့ကြောင့် နိုင်ငံတကာ အလှမယ်ရွေးပွဲ (၂ဝ၁၂)တွင်ဝင်ပြိုင်နေခြင်းဖြစ်သည်။

ကာယဗလမယ်

နန်းခင်ဇေယျာ မတိုင်ခင် နိုင်ငံတကာ ကာယကြံ့ခိုင်ရေးတွင် ဝင်ရောက်ယှဉ်ပြိုင်သည့် အမျိုးသမီးနှစ်ဦးရှိခဲ့သည်။အေးအေးစိုးနှင့် ဝတ်ရည်ဖြိုးတို့ ဖြစ်ကြသည်။တရုတ်ပြည်သူ့သမ္မတနိုင်ငံ Guang Zhou မြို့တွင် ကျင်းပသည့် (၄၆)ကြိမ်မြောက် အာရှကာယဗလ နှင့် ကာယကြံ့ခိုင်မှု ပြိုင်ပွဲတွင် ဝင်ရောက် ယှဉ်ပြိုင်ခဲ့ကြခြင်းဖြစ်သည်။အရပ်အမြင့် (၁၆ဝ)စင်တီမီတာ၊ ကာယဗလဟန်ပြမယ်(Model Physique) ပြိုင်ပွဲတွင် အေးအေးစိုးက တတိယရရှိခဲ့သည်။ဝတ်ရည်ဖြိုးက ပဉ္စမဂုဏ်ထူးဆောင်အဆင့်ရခဲ့သည်။ ယင်းပြိုင်ပွဲတွင် နိုင်ငံပေါင်း (၂၂)နိုင်ငံမှ ကာယဗလ ကြံ့ခိုင်သန်စွမ်းသူပေါင်း(၂၅ဝ)ကျော်ပါဝင်ယှဉ်ပြိုင်ခဲ့ရာ မြန်မာအမျိုးသမီးနှစ်ဦးဖြစ်သည့် အေးအေးစိုးနှင့် ဝတ်ရည်ဖြိုးတို့က အဆင့်မြင့် နေရာများတွင် ရပ်တည်နိုင်ခဲ့ကြခြင်း ဖြစ်သည်။သို့သော် ကာယဗလဟန်ပြမယ်နှစ်ဦး အာရှကာယဗလနှင့် ကာယကြံ့ခိုင်မှု ပြိုင်ပွဲတွင် ဝင်ရောက်ယှဉ်ပြိုင်ခဲ့စဉ် ယခုလောက် Hot News မဖြစ်ခဲ့ချေ။ယခုမူ နန်းခင်ဇေယျာ၏ လှပကျော့ရှင်းသော ရုပ်လွှာက ပြည်တွင်း ဂျာနယ်အချို့၏ မျက်နှာဖုံးများထက်၌ပင် ကျယ်ကျယ်ပြန့်ပြန့် နေရာရလာခဲ့သည်။

ဟို့ယခင် နှစ်ပေါင်း(၅ဝ)အတွင်းက Two Pieces Bikini Suit မဆိုထားနှင့်၊ ကျွမ်းဘား၊ ပြေးခုန်ပစ်မယ်များ၏ ဓာတ်ပုံများကို မမြင်မတွေ့ခဲ့ရာမှ မြန်မာ အမျိုးသမီးလေး၏ နိုင်ငံတကာ ပြိုင်ပွဲဝတ်စုံပုံကို မြင်တွေ့ လိုက်ကြရသောအခါ ဝမ်းသာအားရ စိတ်ဝင်စားနေကြခြင်း ဖြစ်ဟန်ရှိသည်ဟု ကောက်ချက် ဆွဲမိပါသည်။