14.10.2012 နေ့ဖတ်ရန်သတင်းများ

by Myanmar Journal on Saturday, October 13, 2012 at 4:54pm ·

ကေအန်ယူ ညီညွတ်ရေး ကရင်လူထုအဖွဲ့တွေ မေတ္တာရပ်ခံမယ်

မေတ္တာရပ်ခံဖို့ အတွက် ဒေါက်တာ စင်သီယာ အမှူးပြုတဲ့ ၁၃ ဦး ကိုယ်စားလှယ် အဖွဲ့ကို ရွေးချယ်

ကရင်အမျိုးသား အစည်းအရုံး ကေအန်ယူ ခေါင်းဆောင်တွေ အကြား သဘောထား အမြင် ကွဲလွဲ နေတာ ပြေလည်ပြီ ဆိုပေမယ့်၊ အခု အချိန် အထိ ခေါင်းဆောင် ပိုင်းတွေ မျက်နှာချင်း ဆိုင် တွေ့ဆုံတာ မရှိသေး တာကြောင့်၊ ကေစီဘီအိုလို့ ခေါ်တဲ့ ကရင်လူထု အခြေပြု စုပေါင်း အဖွဲ့တွေ ကနေ ကေအန်ယူ လူကြီးတွေဆီ သွားပြီး မေတ္တာရပ်ခံဖို့ အတွက် ဒေါက်တာ စင်သီယာ အမှူးပြုတဲ့ ၁၃ ဦး ကိုယ်စားလှယ် အဖွဲ့ကို ရွေးချယ်လိုက် ပါတယ်။

ကေအန်ယူ ခေါင်းဆောင်ပိုင်း ကြားမှာ အခြေအနေ တည်ငြိမ်မှု မရှိသေးဘူးလို့ ၁၃ ဦး ကိုယ်စားလှယ် အဖွဲ့ မှာပါတဲ့ OKRSO ပြည်ပရောက် ကရင် ဒုက္ခသည်များ ဆိုင်ရာ လူမှု စောင့်ရှောက်ရေး အဖွဲ့ ဒုတိယ ဥက္ကဌ မန်းမျိုးမြင့်က ပြောပါတယ်။

ပြည်တွင်း ပြည်ပမှာ ရှိတဲ့ ကရင် အမျိုးသားတွေ ကလည်း ဒီကိစ္စအပေါ် အများကြီး စိုးရိမ် ပူပန် နေကြတယ်လို့ မန်းမျိုးမြင့်က ပြောပါတယ်။ ဒီအတွက် ကေအန်ယူ ခေါင်းဆောင် လူကြီးတွေ အနေနဲ့ အမြန်ဆုံး တွေ့ဆုံ ဆွေးနွေး ညှိနှိုင်းဖို့ တိုက်တွန်း ကြောင်းလည်း သူက ပြောပါတယ်။

အခုလို ကေအန်ယူ ခေါင်းဆောင်ပိုင်းမှာ သဘောထား အမြင်တွေ ကွဲတဲ့အတွက် နော်ဝေနိုင်ငံ ဘက်က၊ ကရင်ပြည်နယ် ဖွံဖြိုးရေး အတွက် ပေးမယ့် အကူအညီ တွေကို ယာယီ ရပ်ဆိုင်း လိုက်တယ် ဆိုတဲ့ သတင်းတွေလည်း ထွက်ပေါ် နေပါတယ်။

ကေအန်ယူက ထုတ်ပြန်တဲ့ ကြေညာချက် တစောင်မှာတော့၊ ကေအန်ယူ ဗဟိုကော်မီတီ အစည်းအဝေး ဖြစ်မြောက်ရေး အတွက် နှစ်ဘက် ကိုယ်စားလှယ် တွေ ကြားမှာ စီစဉ် ဆောင်ရွက် နေတယ်လို့ ဖေါ်ပြထားပြီး၊ အစည်းအဝေး ကနေ ရလာတဲ့ ဆုံးဖြတ်ချက်ကို ဆက်လက် အသိပေး ထုတ်ပြန် သွားမယ်လို့ ဆိုပါတယ်။

အီဂျစ် ရှေ့နေချုပ် တာဝန် ပြန်ထမ်းဆောင်

ကိုင်ရိုမြို့မှာ နှစ်ဘက် ဆွေးနွေးမှုတွေ ပြုလုပ်ခဲ့ ပြီးနောက် ရှေ့နေချုပ်ကို တာဝန် ပြန်ထမ်းဆောင်ဖို့ ခွင့်ပြု

အီဂျစ်နိုင်ငံ ရှေ့နေချုပ် အက်ဘ် အဲလ် မာဂျစ် မိုဟာမက်ကို သူ့ရာထူး တာဝန် ပြန်ထမ်း ဆောင်ဖို့ သမ္မတ မိုဟာမက် မော်ဆီရဲ့ က သဘောတူလိုက်ပြီ ဖြစ်ပါတယ်။

ကိုင်ရိုမြို့မှာ နှစ်ဘက် ဆွေးနွေးမှုတွေ ပြုလုပ်ခဲ့ ပြီးနောက် အခုလို ရှေ့နေချုပ်ကို တာဝန် ပြန်ထမ်းဆောင်ဖို့ ခွင့်ပြု လိုက်တာ ဖြစ်တယ်လို့ သမ္မတ မော်ဆီ ပြောခွင့်ရသူက ပြောပါတယ်။

ကြာသပတေးနေ့ ကတော့ ရှေ့နေချုပ် မာဂျစ် မိုဟာမက်ကို ရာထူးက ထုတ်ပယ် တယ်ဆိုပြီး သမ္မတ မော်စီက အမိန့် ထုတ်ပြန်ခဲ့တာ ဖြစ်ပါတယ်။

အရင် သမ္မတ ဟော့စနီ မူဘာရက်ကို သစ္စာခံတဲ့ ထိပ်တန်း အရာရှိ ၄၀ ကိုလည်း ရာထူး ကနေ ထုတ်ပယ်ခဲ့တာ ဖြစ်ပါတယ်။

အခုလို ထုတ်ပယ်မှုတွေကြောင့် ကိုင်ရိုမြို့ တာဟီရာ ရင်ပြင်မှာ သောကြာနေ့က အကြမ်းဖက် ဆန္ဒပြမှုတွေ ဖြစ်ပွားခဲ့ပြီး၊ လူပေါင်း ၁၁၀ ကျော် ဒဏ်ရာ ရရှိသွားပါတယ်။

ဒီဆန္ဒပြပွဲဟာ သမ္မတ မော်စီ ရာထူး ရယူ ပြီးနောက် သူ့ကိုဆန့်ကျင်တဲ့ အကြီးမားဆုံး ဆန္ဒပြပွဲ ဖြစ်ပါတယ်။

ကေအိုင်အိုနဲ့ ထပ်တွေ့ဖို့ အစိုးရ ငြိမ်းချမ်းရေး ဖေါ်ဆောင်ရေးအဖွဲ့ စာပို့

ငြိမ်းချမ်းရေးဆွေးနွေးဖို့ တွေ့နေပေမယ့် တိုက်ပွဲတွေ ရှိနေဆဲ

ကချင်ပြည်နယ်တွင်းမှာ ငြိမ်းချမ်းရေး ရနိုင်ဖို့ အတွက် မြန်မာအစိုးရဘက်က သမ္မတရုံး ဝန်ကြီး ဦးအောင်မင်း ဦးဆောင်တဲ့ ငြိမ်းချမ်းရေး ဖော်ဆောင်ရေး အဖွဲ့ဘက်ကနေပြီးတော့ ကချင်လွတ်လပ်ရေးအဖွဲ့ KIO ဘက်ကို ထပ်မံတွေ့ဆုံနိုင်ဖို့ စာရေး အကြောင်းကြားထားတယ်လို့ သိရပါတယ်။

ဒီစာကို အောက်တိုဘာလ ၁၀ရက်နေ့က ပို့ခဲ့တာဖြစ်ပြီး ဆွေးနွေးပွဲကို မူဆာ် သို့မဟုတ် ရွှေလီမှာ လုပ်ဖို့ ကမ်းလှမ်းထားတာဖြစ်တယ်လို့ ဆွေးနွေးပွဲဖြစ်မြောက်ရေး ကြားကနေ ဆောက်ရွက်ပေးနေတဲ့ အဖွဲ့တစ်ခုဖြစ်တဲ့ PCG ငြိမ်းချမ်းရေး ဆွေးနွေးရေး အကျိုးဆောင်အဖွဲ့ က ဦးလမိုင် ဂွန်ဂျာက ပြောပါတယ်။

ကေအိုင်အိုဘက်ကလည်း စာကို လက်ခံရရှိကြောင်းနဲ့ စာပါ အကြောင်းအရာတွေနဲ့ပတ်သက်လို့ ကေအိုင်အို ဗဟိုကိုတင်ပြ အစည်းအဝေးထိုင်ပြီး အကြောင်းပြန်မယ်ဆိုတဲ့ အကြောင်း အောက်တိုဘာလ ၁၁ ရက်နေ့က စာပြန်ခဲ့တယ်လို့ ဆိုပါတယ်။

ကေအိုင်အိုနဲ့ အစိုးရကြားတွေ့ဆုံခဲ့တာ ၉ ကြိမ်ရှိခဲ့ပြီး နောက်ဆုံအကြိမ်က ပြီးခဲ့တဲ့ ဂျွန်လ ၂၀ရက်နေ့က ဖြစ်ပါတယ်။

ဒီကြားထဲမှာတော့ နှစ်ဘက်ကြား တိုက်ခိုက်မှုတွေ နေ့စဉ်လိုလိုရှိနေခဲ့ပါတယ်။

အခုတကြိမ်တွေ့ဆုံရာမှာ အစိုးရစစ်တပ်ဘက်က တပ်ပိုင်းဆိုင်ရာ ဆုံးဖြတ်ချက်ချနိုင်တဲ့ အာဏာရှိသူ ပါလာနိုင်မယ်လို့ ယူဆတာကြောင့် ထူးခြားမှုရှိနိုင်တယ်လို့ ဦးလမိုင် ဂွန်ဂျာကပြောပါတယ်။

မာလီကို ပြည်ပတပ်တွေ စေလွှတ်ဖို့ လုံခြုံရေးကောင်စီ ဆုံးဖြတ်

မာလီ အရေးနဲ့ ပတ်သက်လို့ ကုလသမဂ္ဂ လုံခြုံရေး ကောင်စီက ဆုံးဖြတ်ချက်တရပ် ချမှတ်လိုက်တဲ့ အတွက် ပြည်ပတပ်တွေ မာလီကို စေလွှတ်ကူညီပေးဖို့ နီးစပ်လာပါပြီ။

မာလီမှာ ပြီးခဲ့တဲ့ မတ်လတုန်းက အာဏာသိမ်းမှု ဖြစ်ခဲ့ပြီးတဲ့နောက်ပိုင်း နိုင်ငံမြောက်ဖက်မှာ အစ္စလာမ် ဝါဒီ သူပုန်တွေ သောင်းကျန်းနေတာကို နှိမ်နင်းရအောင် အနောက် အာဖရိက နိုင်ငံတွေကနေ ၄၅ ရက်အတွင်း တပ်သား သုံးထောင် စေလွှတ်ဖို့ ပြင်သစ်က ဉီးဆောင် လှုပ်ရှားခဲ့တဲ့ ဒီ ကုလသမဂ္ဂ ဆုံးဖြတ်ချက်ထဲမှာ တိုက်တွန်း ထားပါတယ်။

အစ္စလာမ် ဝါဒီတွေ ဝန်းရံနေတဲ့ မြောက်အာဖရိက ဒေသတွင်း လုံခြုံ တည်ငြိမ်ရေးကို စိုးရိမ်လို့ အခုလို စီစဉ်ရတာပါလို့ ပြင်သစ် သမ္မတ မစ္စတာ အိုလွန်းက ပြောပါတယ်။

ဒါ့အပြင် အဲဒီ ကုလသမဂ္ဂ ဆုံးဖြတ်ချက်ထဲမှာ မာလီ အစိုးရနဲ့ သူပုန်တွေကြား အများ ယုံကြည် လက်ခံနိုင်လောက်တဲ့ ညှိနှိုင်း ဆွေးနွေးမှုတွေ စကြဖို့ကိုလည်း တိုက်တွန်းထားပါတယ်။

ဆီးရီးယားနဲ့တူရကီ အရေး ကုလကိုယ်စားလှယ် ကြားဝင်မယ်

တူရကီ ဘက်က အမြင်တွေကို နားထောင်ဖို့ ရှိပြီး တူရကီ နိုင်ငံခြားရေး ဝန်ကြီးနဲ့ တွေ့ဆုံ မှာ ဖြစ်ပါတယ်

ကုလသမဂ္ဂ နဲ့ အာရပ် အဖွဲ့ချုပ် တို့ရဲ့ ဆီးရီးယား ဆိုင်ရာ အထူးသံတမန် လက်ခ်ဒါ ဘရာဟီမီ ဟာ တူရကီ နဲ့ ဆီးရီးယား နှစ်နိုင်ငံ အငြင်းပွား နေကြတဲ့ အခုလို ကာလမှာ ပဲ တူရကီ မြို့တော်မှာ တူရကီ အစိုးရပိုင်းနဲ့ တွေ့ဆုံတော့မှာ ဖြစ်ပါတယ်။

မစ္စတာ ဘရာဟီမီ ဟာ ဖြစ်နေတဲ့ ၂ နိုင်ငံ ဆိုင်ရာ အကျပ်အတည်း အရေး နဲ့ ပတ်သက်ပြီး တူရကီ ဘက်က အမြင်တွေကို နားထောင်ဖို့ ရှိပြီး သူ ဟာ တူရကီ နိုင်ငံခြားရေး ဝန်ကြီး အာမက် ဒါဗူတို ဂလူ နဲ့ တွေ့ဆုံ စကားပြောမှာပါ။

ဆီးရီးယားဘက်က နယ်စပ် ကျော်ပြီး အမြောက်တွေ နဲ့ ပစ်ခတ် ခဲ့လို့ တူရကီ အရပ်သား ၅ ဦး အရင် သီတင်းပတ် တုန်းက သေဆုံးသွား ခဲ့ပါတယ်။

အခု သီတင်းပတ် အစောပိုင်းတုန်း ကတော့ ဆီးရီးယားကို ဦးတည် ပျံသန်းနေတဲ့ ခရီးသည်တင် လေယာဉ်ကို တူရကီက သူတို့ လေပိုင်နက်မှာ ကြားဖြတ်ပြီး အတင်း ဆင်းခိုင်းခဲ့ ပါတယ်။

သူတို့ အဆိုအရ ဒီခရီးသည် လေယာဉ် ပေါ်မှာ ဆီးရီးယား အစိုးရ စစ်တပ် အတွက် ရုရှားလုပ် စစ်ဘက် ဆိုင်ရာ ပစ္စည်းတွေ ရှာဖွေတွေ့ ခဲ့တယ်လို့ ဆိုပါတယ်။

ဆီးရီးယား ကတော့ ယုတ္တိ မရှိ တာတွေ လာမပြောနဲ့ သက်သေ အထောက် အထား ပြပါလို့ ဆိုနေပါတယ်။ ဆီးရီးယား ဘက်က အတိုက်အခံ လှုပ်ရှား တက်ကြွသူတွေ ကလည်း စစ်ပွဲတွေ ပြည့်နေတဲ့ အလက်ပို မြို့ က အစိုးရ လေတပ် စခန်း တခု ကို သူတို့ သိမ်းထားနိုင်ပြီ လို့ သောကြာနေ့က ကြေညာပါတယ်။

အခုလို ကာလမှာ ကုလသမဂ္ဂ ကိုယ်စားလည်ဟာ တူရကီကို ရောက်ရှိလာပြီး စနေနေ့မှာပဲ တူရကီ နိုင်ငံခြားရေး ဝန်ကြီးနဲ့ တွေ့ဆုံမှာပါ။

ဆီးရီးယား သမ္မတ ဘာရှားအယ် အာဆတ် ကလည်း တူရကီဟာ ဆောဒီအာရေဗျ နဲ့ ကာတာ နိုင်ငံတွေ လိုပဲ ဆီးရီးယား သူပုန်တွေကို လက်နက် ထောက်ပံ့ နေတယ် လို့ စွပ်စွဲ ထားပါတယ်။ တူရကီ နဲ့ အဲဒီ နိုင်ငံတွေ ဘက်ကတော့ ဒီလို စွပ်စွဲချက်တွေ အပေါ် ပယ်ချ ထားပါတယ်။

မစ္စတာ ဘရာဟီမီဟာ ဆော်ဒီ အစိုးရ အရာရှိတွေ နဲ့လည်း တွေ့ဆုံထားပြီး ဖြစ်သလို၊ နောက် သီတင်းပတ် ထဲမှာ ဒမတ်စကပ် ကို သွားမယ် ဆိုတဲ့ သတင်းတွေ လည်း ထွက်ပေါ် နေပါတယ်။

ကြံ့ခိုင်ရေးပါတီရဲ့ ပထမဆုံးညီလာခံ အကြိုဆွေးနွေး

ဒီလဆန်းက နေပြည်တော်မှာ ကျင်းပခဲ့တဲ့ ကြံ့ခိုင်ရေးပါတီ ပြည်ထောင်စု နယ်မြေရဲ့ ညီလာခံ

မြန်မာနိုင်ငံက လက်ရှိ အာဏာရပါတီဖြစ်တဲ့ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီရဲ့ ပထမဆုံး ပါတီ ညီလာခံကို နေပြည်တော်မှာ တနင်္ဂနွေနေ့ကစလို့ သုံးရက်ကြာ ကျင်းပမှာ ဖြစ်ပြီး စနေနေ့မှာတော့ ကိုယ်စားလှယ်တွေဟာ အကြိုညှိနှိုင်း ဆွေးနွေးကြတယ်လို့ သိရပါတယ်။

အကြိုဆွေးနွေးပွဲတွေမှာတော့ ပြည်နယ်နဲ့ တိုင်းတွေက တင်သွင်းလာတဲ့ စာတမ်းတွေထဲက ရွေးချယ်ခဲ့ကြပြီး အဲဒီ ရွေးထားတဲ့ စာတမ်းတွေကိုပဲ ညီလာခံအတွင်းမှာ ဆွေးနွေးမှာ ဖြစ်တယ်လို့ ကြံ့ခိုင်ရေးပါတီရဲ့ သာပေါင်းမြို့နယ် ပြည်သူ့ လွှတ်တော် ကိုယ်စားလှယ် ဦးဝင်းသန်းက ပြောပါတယ်။

ဧရာဝတီ၊ စစ်ကိုင်း၊ မွန်နဲ့ ပြည်ထောင်စုနယ်မြေ တို့ ပေါင်းပြီး ဆွေးနွေးကြရာမှာတော့ လူ့အခွင့်အရေးနဲ့ဆိုင်တဲ့ စာတမ်းကို ရွေးချယ်ဖြစ်ခဲ့ကြောင်း သူက ပြောပါတယ်။

အခု ညီလာခံမှာ ပါတီ ဥက္ကဌအသစ် ရွေးချယ်နိုင်တယ်ဆိုတဲ့ သတင်းတွေ ထွက်နေပေမယ့် အခုချိန်ထိ အတည်ပြုနိုင်ခြင်းတော့ မရှိသေးပါဘူး။

လက်ရှိ ဥက္ကဌက သမ္မတ ဦးသိန်းစိန် ဖြစ်ပြီး သူဟာ သမ္မတတာဝန် ထမ်းဆောင်နေတဲ့အတွက် ပါတီ ဥက္ကဌတာဝန်ကို ရပ်ဆိုင်းထားရပါတယ်။ ဒါကြောင့် ပါတီ ဒုတိယ ဥက္ကဌဖြစ်တဲ့ ပြည်သူ့လွှတ်တော် ဥက္ကဌ သူရ ဦးရွှေမန်းက ပါတီ ဥက္ကဌ လုပ်ငန်းတွေကို လုပ်နေရကြောင်း ဦးဌေးဦးက မကြာခင်က ဘီဘီစီကို ပြောပါတယ်။

ပါတီ ဖွဲ့စည်းပုံအရ ဗဟိုကော်မတီဝင် ၁၅၀ နဲ့ အရံ ဗဟို ကော်မတီဝင် ၅၀ စုစုပေါင်း ၂၀၀ နဲ့ ဖွဲ့စည်းရမှာ ဖြစ်ပေမယ့် အခုချိန်ထိ အပြည့်အဝ ဖွဲ့စည်းထားတာ မရှိသေးတဲ့အတွက် ဒီညီလာခံမှာ အပြည့်ဖွဲ့စည်းဖို့ အစီအစဉ်ရှိကြောင်းလည်း ဦးဌေးဦးက ပြောပါတယ်။

ကြံ့ခိုင်ရေး ပါတီဟာ ၂၀၁၀ ရွေးကောက်ပွဲတုန်းက အနိုင်ရခဲ့ပေမယ့် ၂၀၁၂ ဧပြီလ ၁ ရက် ကြားဖြတ် ရွေးကောက်ပွဲမှာတော့ အမျိုးသား ဒီမိုကရေစီအဖွဲ့ချုပ် NLD ပါတီက အပြတ်အသတ် အနိုင်ရခဲ့ပါတယ်။

မြန်မာရဲ့ နိုင်ငံတကာကြွေးမြီများ လျှော်ရေး ကမ္ဘာ့ဘဏ် ကူညီမည်

ကမ္ဘာ့ဘဏ် ဥက္ကဋ္ဌက မြန်မာနိုင်ငံက ကြွေးမြီတွေ လျှော်ပစ်ရေးအတွက် ကူညီနေတဲ့အကြောင်း ဒီကနေ့ ပြောဆိုလိုက်ပါတယ်။ ကမ္ဘာ့ဘဏ် အနေနဲ့ လက်ရှိ မြန်မာအစိုးရရဲ့ ပြုပြင်ပြောင်းလဲရေး ဒီ့ထက်မက ပိုပြီး ခရီးရောက်အောင် ထောက်ခံ အားပေးနေပါကြောင်း ဂျပန်နိုင်ငံ တိုကျိုမြို့ကို ရောက်ရှိနေတဲ့ ကမ္ဘာ့ဘဏ် ဥက္ကဋ္ဌ Jim Yong Kim က ဒီကနေ့ သတင်းစာ ရှင်းလင်းပွဲမှာ ပြောဆိုလိုက်တာပါ။

၂၀၁၃ ခုနှစ်ဆန်း ပိုင်းလောက်မှာ မြန်မာနိုင်ငံက ကြွေးမြီတွေ လျှော်ပစ်ရေးအတွက် အကောင်အထည် ဖော်နိုင်ဖို့ စတင် နိုင်လိမ့်မယ်လို့ ခန့်မှန်းထားတဲ့အကြောင်း လည်း ပြောပါတယ်။ ပြုပြင် ပြောင်းလဲရေး အကောင်အထည် ဖော်နေတာကို ချီးကျူးလိုက်ပေမဲ့လို့ လုပ်စရာတွေ အများကြီး ရှိနေဆဲပါပဲလို့လည်း ဆိုပါတယ်။

မြန်မာဘဏ္ဍာရေးဝန်ကြီး ဦးဝင်းရှိန်ကလည်း နိုင်ငံပိုင် စီးပွားရေးစနစ်ကနေ လွတ်လပ်တဲ့ ဈေးကွက် စီးပွားရေးစနစ်ကို ဘက်ပေါင်းစုံကနေ အသွင်ကူးပြောင်းနေတာ မကြုံစဖူး အကောင်အထည်ဖော် ကြိုးစားနေတဲ့အကြောင်း ပြောဆိုသွားတယ်လို့ ဆိုပါတယ်။ မြန်မာနိုင်ငံက ကမ္ဘာ့ဘဏ်အပေါ် ဒေါ်လာ သန်း ၄၀၀ နဲ့ အာရှဖွံ့ဖြိုးရေးဘဏ် (ADB) အပေါ် ဒေါ်လာ သန်း ၅၀၀ အကြွေးတင်နေတာ ဖြစ်ပါတယ်။ဂျပန်နိုင်ငံကတော့ ဒေါ်လာ သန်းပေါင်း ၃,၈၀၀ ကို ဧပြီလတုန်းက လျှော်ပစ်ခဲ့ပါသေးတယ်။

ဖျက်ဆီးခံ ဘုန်းကြီးကျောင်းများ ပြန်ဆောက်ရေး ဘင်္ဂလားဒေ့ရ်ှအစိုးရ ကူညီမည်

ဘင်္ဂလားဒေ့ရှ့်နိုင်ငံ အစိုးရအနေနဲ့ ဘင်္ဂလားဒေ့ရှ် နိုင်ငံတွင်းက ဗုဒ္ဓ ဘာသာဝင်တွေအတွက် ဒေသခံ အာဏာပိုင်တွေ ဘက်က လုံခြုံရေးအပြည့် ယူပေးထားပြီး ပျက်စီးဆုံးရှုံးခဲ့ရတဲ့ ဗုဒ္ဓဘာသာ ဘုန်းတော်ကြီးကျောင်းတွေကို ပြန်ပြီး အသစ်ဆောက်လုပ်ပေးဖို့ ပြင်ဆင်နေပါတယ်။ ဒီအကြောင်းအပြည့်အစုံကို ဆက်သွယ်စုံစမ်းထားတဲ့ မဆုမွန်က တင်ပြထားပါတယ်။

ဘင်္ဂလားဒေ့ရ်ှနိုင်ငံ ကော့ဇက်ဘဇားနဲ့ ရာမူးမြို့တွေမှာ ထောင်ချီတဲ့ မူစလင်လူမျိုးတချို့ရဲ့ အကြမ်းဖက် ဖျက်ဆီးမှုကြောင့် မီးလောင်ပျက်စီးသွားရတဲ့ ဗုဒ္ဓ ဘာသာဘုန်းတော်ကြီးကျောင်းတွေနဲ့ ဗုဒ္ဓ ဘာသာဝင်တွေရဲ့ အိုးအိမ်တွေကို အသစ် ပြန် တည်ဆောက်ပေးဖို့ ပြင်ဆင်နေပါတယ်။ဘင်္ဂလားဒေ့ရ်ှဝန်ကြီးချုပ် ရှိတ်ဟာဆီနာ ကိုယ်တိုင် ကော့ဇက်ဘဇားနဲ့ ရာမူးမြို့တွေက အကြမ်းဖက် ဖျက်ဆီးခံလိုက်ရတဲ့ ဗုဒ္ဓ ဘာသာဘုန်းတော်ကြီးကျောင်းတွေကို လာရောက်ကြည့်ရှု့ခဲ့ပြီးနောက်မှာ အစိုးရဘက်က လိုအပ်တဲ့အကူအညီ အထောက်အပံ့တွေ ပေးမှာ ဖြစ်တယ်လို့ ကတိပေးခဲ့တဲ့ အကြောင်း ရခိုင်အမျိုးသမီးများ အစည်းအရုံး ဥက္ကဋ္ဌ ဒေါ်စောမြရာဇာလင်း က ပြောပါတယ်။

“အခုကတော့ အစိုးရကတော့ လုပ်ပေးမယ် ဆိုပြီး ကတိက၀တ်တွေ ပေးထားတာ ရှိတယ်။ ကျောင်းတွေကို ပြန်လည် ဆောက်ပေးမယ်ပေါ့။ ဒီကျောင်းတွေဟာ ဆိုရင် ကျမတို့ ရခိုင်တွေ ဗမာတွေဆိုရင် ဗုဒ္ဓဘာသာ မရမကြီးလို့ခေါ်တာပေါ့။ ဒီလူမျိုးတွေက ထိန်းသိမ်းစောင့်ရှောက် ထားပေမဲ့လို့ ဒီဘုန်းတော်ကြီး ကျောင်းတွေဟာဆိုရင် ရခိုင်တွေရဲ့ ဘိုးဘွားပိုင် ဘုန်းတော်ကြီးကျောင်းတွေ ဖြစ်တယ်။ ကျမ တယောက်တည်း အနေနဲ့ ပြောရမယ်ဆိုရင် ဗုဒ္ဓဘာသာ အဆောက်အဦးတွေကို မီးရှို့တယ်၊ ဖျက်ဆီးတယ်ဆိုရင် အဲဒီနေရာတွေကို ဒီအတိုင်းပဲ ထားချင်တာပေါ့။ ဘုန်းတော်ကြီးကျောင်းတွေ ဆောက်ပေးမယ်၊ ဘာညာစသည်အားဖြင့် ဆိုရင်လည်း တခြား မြေယာ တခုခုမှာပဲ ကောင်းကောင်းမွန်မွန် ဆောက်ပေးစေချင်တယ်။ ပန်းဝါမြေမှာ ဆိုရင် ဒီလို ဖျက်ဆီးခံခဲ့ရတယ် ဆိုတာ သမိုင်းတခု ရှိနေရင်တော့ ကောင်းတယ်လို့ အဲဒီလိုပဲ မြင်တာပေါ့။ ဒါပေမဲ့ မပြောရသေးဘူး။ ရခိုင်တွေရဲ့ ဆုံးဖြတ်ချက် အပေါ်မှာပဲ မူတည်မှာပေါ့။”

အကြမ်းဖက်မှုတွေ ဖြစ်ပွားပြီးနောက်ပိုင်း လောလောဆယ် အနေအထားမှာတော့ ဗုဒ္ဓဘာသာဝင် ဘုန်းတော်ကြီးတွေနဲ့ ဗုဒ္ဓ ဘာသာဝင် လူမျိုးတွေအတွက် ဒေသခံ အာဏာပိုင်တွေ ဘက်က လုံခြုံရေးအပြည့် ယူထားပေးတယ်လို့ သိရပါတယ်။

“ဗုဒ္ဓဘာသာ ရခိုင်တွေ နေတဲ့နေရာတွေဆိုရင် ရဲ အစောင့်အရှောက်တွေ ချထားပေးတယ်။ ဘုန်းတော်ကြီးကျောင်းတွေ မှာဆိုရင် ရဲနဲ့ RABT လို့ ခေါ်တဲ့ Rapid Action Battalion Force က လူတွေကို ချပေးထားတာ ရှိတယ်။ အစိုးရကတော့ တတ်နိုင်သလောက် နိုင်အောင်တော့ ဒီပြဿနာကို ရှင်းထားတယ်။ ဘင်္ဂလားဒေ့ရ်ှမှာ။”

ဘင်္ဂလားဒေ့ရှ့်နိုင်ငံတွင်းက မြန်မာအခေါ် ပန်းဝါလို့ ခေါ်တဲ့ ရာမူး အရပ်ထဲက ဗုဒ္ဓ ဘာသာဝင် ဘုန်းတော်ကြီးကျောင်းတွေဟာ တန်ဖိုးမဖြတ်နိုင်တဲ့ ရှေးဟောင်း အမွေအနှစ်တွေကို အစဉ်အဆက် ထိန်းသိမ်းခဲ့ရာကနေ အခုလို မီးရှို့ဖျက်ဆီးခံလိုက်ရတဲ့ အတွက် ဒေသခံ ဗုဒ္ဓ ဘာသာဝင်တွေ အနေနဲ့  ပြန်ပြီး အသစ်တည်ဆောက်ရေးထက် ဆုံးရှုံးမှုတွေ အတွက် စိတ်ထိခိုက်နေကြတယ်လို့ သိရပါတယ်။

ဘင်္ဂလားဒေ့ရ်ှနိုင်ငံမှာ အဲဒီအရပ်က ဒေသခံတွေဟာ ဘာသာမတူကြပေမဲ့ နှစ်ပေါင်းများစွာ ပဋိပက္ခတွေမဖြစ်ဘဲ နေထိုင်လာကြပြီးမှ၊ အခုလို အကြမ်းဖက်မှုတွေ ဖြစ်လာတာကြောင့် ဒေသခံ အစ္စလာမ် ဘာသာဝင်တွေဘက်က စိတ်မကောင်း ဖြစ်ကြတယ်လို့လည်း ဒေါ်စောမြရာဇာလင်း က ပြောပါတယ်။

“ဒီ ဘုန်းကြီးကျောင်းတွေ ပြိုပျက်သွားတဲ့အပေါ်မှာ ဒေသခံ ဘင်္ဂါလီတွေကလည်း အရမ်း စိတ်မကောင်း ဖြစ်ကြတဲ့လူတွေ ရှိတယ်လို့လည်း ကြားရတယ်။ ဒီလို ဘုန်းတော်ကြီးကျောင်းတွေ မီးရှို့ဖျက်ဆီးခြင်း ခံရတာဟာ ဆိုလို့ရှိရင် ပါကစ္စတန် လက်ထက်ကတောင် မဖြစ်ခဲ့ဘူးပေါ့နော်။ အဲဒီအချိန်က ဘင်္ဂလားဒေ့ရှ် နိုင်ငံကို အုပ်ချုပ်ခဲ့တာ ရာဇာဂါ လို့ခေါ်တယ်။ အဲဒီလို လွတ်လပ်ရေးကို ဆန့်ကျင်တဲ့ အုပ်စုတွေ ရှိခဲ့တဲ့အချိန်ကတောင်မှ ဒီလို ဘုန်းကြီးကျောင်းတွေကို ဘာမှ မဖျက်ဆီးခဲ့ဘူး။ အခုချိန်မှာမှ ဘုန်းကြီးကျောင်းတွေ ဖျက်ဆီးခံရတယ် ဆိုပြီးတော့ moderate ဖြစ်တဲ့ ဘင်္ဂါလီ မူစလင်တွေလည်း အရမ်း စိတ်မကောင်း ဖြစ်သံတွေ ကြားရတယ်။ သတင်းတွေမှာ လည်း နေ့တိုင်းတက်တယ်။ channel တိုင်းမှာ တက်တယ်။ ဘာသာမတူဘဲနဲ့ မကောင်းတာ မဟုတ်ဘူးပေါ့။ ဘာသာမတူပေမဲ့လို့ ဒီ ဗုဒ္ဓဘာသာ အပေါ်မှာ သံယောဇဉ် ရှိပြီးတော့ အမြင်ကျယ်တဲ့ ဘင်္ဂလားဒေ့ရှ် နိုင်ငံသားတွေ အတွက်လည်း လေးစားစရာပါပဲ။”

အကြမ်းဖက်ခံ ခဲ့ရတဲ့ ဒေသခံ ဗုဒ္ဓဘာသာဝင်တွေနဲ့ တွေ့ဆုံခဲ့တဲ့အချိန်မှာ ဘင်္ဂလားဒေ့ရှ် ဝန်ကြီးချုပ် ကိုယ်တိုင် ဒီလိုအကြမ်းဖက်မှုတွေကို လုပ်ခဲ့တဲ့သူတွေကို ထိထိရောက်ရောက် အရေးယူပြီး နောင်ကို ဒီလိုမျိုး မဖြစ်အောင် ကိုင်တွယ် ဖြေရှင်းသွားမယ့် အကြောင်း ပြောသွားခဲ့ပါတယ်။ဝန်ကြီးချုပ် ကိုယ်တိုင် အလှူငွေတွေနဲ့ စားနပ်ရိက္ခာ ဆန်၊ ဆီ၊ လိုအပ်တဲ့ လူသုံးကုန်ပစ္စည်းတွေနဲ့ အိမ်ဆောက်ပစ္စည်းတွေ လှူဒါန်းပြီး ဗုဒ္ဓဘာသာ မဟုတ်တဲ့ တခြားအလှူရှင်တွေ ကလည်း အကြမ်းဖက်ခံခဲ့ရတဲ့ သူတွေအတွက် လှူဒါန်းမှုတွေ ရှိပါတယ်။ အစိုးရ တာဝန်ရှိသူတွေနဲ့ ဒေသခံ အာဏာပိုင်တွေဘက်က လိုအပ်တာတွေကို ထောက်ပံ့ ကူညီပေးနေတယ်လို့ သိရပါတယ်။

စစ်တွေ အုပ်စုချင်း တင်းမာမှု ပစ်ခတ်လူစုခွဲ

ရခိုင်ပြည်နယ် စစ်တွေမြို့မှာ ရခိုင်အမျိုးသားတွေနဲ့ ဘင်္ဂလီ အစ္စလာမ် ဘာသာဝင်တွေကြား အောက်တိုဘာလ ၁၂ရက်နေ့ည ၇နာရီအချိန်လောက်ကစပြီးတော့ တင်းမာမှုတွေဖြစ်ခဲ့ပါတယ်။ တဖြေးဖြေးနဲ့ လူအုပ်ဟာ ထောင်နဲ့ချီလာတာကြောင့် ရဲတပ်ဖွဲ့ဝင်တွေက မျက်ရည်ယိုဗုံးနဲ့ ပစ်ခတ်တာ သေနတ်တွေ မိုးပေါ်ထောင်ဖောက်တာတွေ အထိဖြစ်ပွားခဲ့ရပါတယ်။ ဒီအကြောင်းအပြည့်အစုံကို ဆက်သွယ် စုံစမ်းထားတဲ့ ထိုင်းအခြေစိုက် ဗွီအိုအေသတင်းထောက် မအေးအေးမာက သတင်းပေးပို့ထားပါတယ်။

အောက်တိုဘာလ ၁၂ရက်နေ့ မနက်ပိုင်းကတော့ ဒေသခံရခိုင်လူမျိုးတွေ၊ဟိန္ဒူတွေက OIC ရုံးကို လက်မခံနိုင်ကြောင်းနဲ့ ဘင်္ဂလားဒေရှ့်မှာဗုဒ္ဓဘာသာဝင်တွေကို အကြမ်းဖက်နေတာတွေရပ်ဖို့တောင်းဆိုခဲ့ကြပြီး ဘင်္ဂလားဒေရှ့်ကောင်စစ်ဝန်ရုံးကို စာပေးပို့ခဲ့ပါတယ်။

ဒီ့နောက်မှာတော့ စစ်တွေမြို့က ဘင်္ဂလီဒုက္ခသည်စခန်း ၂ခုကနေ စတင်ပြီးမငြိမ်မသက်ဖြစ်ရာကနေ စစ်တွေမြို့က ဘင်္ဂလီ အစ္စလာမ်ဘာသာဝင်တွေ အများဆုံး နေထိုင်တဲ့ အောင်မင်္ဂလာရပ်ကွက်မှာ လူစုလူဝေးနဲ့စတင်ခဲ့တာပါ။  ဒီ့နောက် ပစ်ခတ်မှုတွေဖြစ်ခဲ့ရကြောင်း စစ်တွေ မြို့ခံတဦးကပြောပြပါတယ်။

“သက်ကယ်ပြင်နဲ့ သဲချောင်း ဒုက္ခသည်စခန်းမှာ စပြီးတော့ လှုပ်လှုပ်ရွရွ ဖြစ်တယ်ပေါ့။ လှုပ်ရှားမှုပုံစံမျိုး လူတွေ စုရုံးပြီး အဲ့ဒီ့လိုလုပ်လာတယ်။ ပြီးမှ အဲ့ဒီ့ကနေပြီးတော့ ၇နာရီကျော်လောက်မှာ မူဆလင်တွေက လမ်းပေါ်ထွက်လာတယ်။ မူဆလင်တွေ လမ်းပေါ်ထွက်ပြီး စုရုံးတဲ့အခါ ရဲက ထိန်းလို့ မနိုင်ဘူး။ အဲ့ဒီ့အဖြစ်အပျက်ကို အနီးအနားမှာ ရှိတဲ့ ရခိုင်တွေက မြင်တော့ သက်ဆိုင်ရာ ကိုယ့်မိတ်ဆွေတွေဆီ လှမ်းအကြောင်းကြားတယ်။ အကြောင်းကြားရင်းနဲ့ တခါတည်း ရခိုင်တွေ ဝိုင်းအုံလာကြတယ်။

ဝိုင်းအုံလာတော့ ရဲက ဒီဘက်မှာ ထိန်းလို့မနိုင်ရတဲ့အထဲ ဟိုဘက်က ရခိုင်တွေ အစုလိုက်အပြုံလိုက် ရောက်လာတော့ အဲ့မှာ ထိန်းလို့သိမ်းလို့မရဖြစ်နေ တယ်။ ဖြစ်နေတဲ့ ကာလမှာ ပြဿနာ ပိုကြီးလာမှာ စိုးတဲ့အတွက်ကြောင့် ဆိုပြီးသူတို့ မျက်ရည်ယိုဗုံး ၄ လုံးပစ်တယ်။ တစ်လုံးက လူနေအိမ်ထဲကို ရောက်သွားတယ်။ အဲ့ဒီ့မှာ အိမ်ထဲမှာ ပေါက်ကွဲတယ်။

အဲ့ဒီ့ရခိုင်အိမ်မှာက ကလေးကမွေးတာ တစ်လလောက်ပဲရှိသေးတယ်။ ကလေးမွေးနေတာ။ ယောက်ကျားနံမည်က စနေထွန်း။ မိန်းမနံမည်က မမဉ္ဇူတဲ့။ အသက် ၂၅နှစ် အရွယ်ရှိတယ်။ နှစ်ယောက်လုံး သတိမေ့သွားတယ် တဲ့။ ကလေးရော အမေပါတဲ့။ အဲ့ဒီ့အပေါ်မှာ အဲ့ဒီ့အိမ်က လူတွေက မကျေနပ်ဘူးပေါ့လေ။ ဘယ်လိုလုပ်ပြီးတော့ ဒီမျက်ရည်ယိုဗုံးဆိုတာ လမ်းပေါ်မှာပဲ ပေါက်ကွဲရမှာလေ။ လူအိမ်ပေါ်အထိ ရောက်ပြီး ပေါက်ကွဲတယ်ဆိုတာ မကောင်းဘူးဆိုပြီး ပြောတယ်။ အဲ့လိုဖြစ်နေတဲ့အထဲမှာ အဲ့မှာ ထိန်းလို့မရလို့ သေနတ်ကို မိုးပေါ်ထောင်ပစ်တယ်။ ၇ချက် ၈ချက်လောက် ပစ်သံကြားရတယ်။ ပစ်သံကြားပြီးတော့ နောက်၁၀နာရီလောက်မှာတော့ လူစုကွဲသွားတယ်။”

ပစ်ခတ်မူတွေရှိနေပေမဲ့ အသေအပျောက်နဲ့ ဒဏ်ရာရရှိမှုတွေ တော့ မကြားရသေးဘူးဆိုပြီး မြို့ခံတွေကဆိုပါတယ်။ ဒီပစ်ခတ်မှုတွေနဲပတ်သက်လို့ စစ်တွေမြို့က အာဏာပိုင်တွေကိုတော့ ဆက်သွယ်လို့မရခဲ့ပါဘူး။

ပြီးခဲ့တဲ့ရက်ပိုင်းကစလို့  စစ်တွေမြို့မှာ သံဃာတော်တွေက မြန်မာနိုင်ငံမှာ OIC ရုံးဖွင့်တာကို လက်မခံနိုင်ကြောင်း ဗုဒ္ဓဘာသာဝင်တွေကို အကြမ်းဖက်တာတွေ ရပ်ဖို့အတွက် ဆန္ဒပြမူတွေ လုပ်ခဲ့ပါတယ်။ အောက်တိုဘာလ ၁၂ရက်နေ့မှာလည်း စစ်တွေမြို့မှာ ဆန္ဒပြမူတွေ ဆက်ဖြစ်ခဲ့ပြီး တဲ့နောက် စစ်တွေမြို့မှာရှိတဲ့ ဘင်္ဂလားဒေရှ့်ကောင်စစ်ဝန်ရုံး ကို သွားရောက်ခဲ့ပုံ ကိုလည်း ဆက်ပြောပြပါတယ်။

“ အလွှာပေါင်းစုံပေါ့။ ဆန္ဒပြတယ်။ ဆန္ဒပြတဲ့အခါမှာတော့ ဆန္ဒပြတဲ့သူက တစ်ထောင်လောက် မဖြစ်ပါဘူး။ ဒါပေမဲ့ နောက်က လူထုက လိုက်လာပြီးတော့ လေး၊ ငါးထောင်လောက်တောင် ဖြစ်သွားတယ်။ OIC လက်မခံဘူး။ နောက်တခါ ဘင်္ဂလားဒေ့ရ်ှမှာ ဗုဒ္ဓဘာသာတွေကို သတ်ဖြတ်ခံရတာတို့၊ မီးရှို့ခံရတာတို့ အဲ့တာတွေကို ထိန်းသိမ်းပေးဖို့ ကိစ္စနဲ့ ပတ်သက်ပြီး သူတို့က ဒီဘင်္ဂလားဒေ့ရှ် ကောင်စစ်ဝန်ရုံးကို သွားပြီးတော့ စာပေးတယ်။ ဆန္ဒပြရင်းနဲ့ စာပေးတော့ သူတို့က ငြင်းတယ်လေ။ လက်မခံဘူး။ လက်မခံတော့ အဲ့တာကို ပြန်ယူလာတယ်။ ယူလာတော့ နည်းနည်းလည်း စကားပြောခဲ့တယ် ထင်ပါတယ်။ သံတမန်ကျင့်ဝတ်နဲ့မညီဘူး။ ဘာဖြစ်တယ် ညာဖြစ်တယ်ပြောပြီးတော့ ထွက်လာတယ်။”

ရခိုင်ပြည်နယ်မှာဘာသာရေး လူမျိုးရေး ပဋိပက္ခတွေဖြစ်ပွားခဲ့တာ လနဲ့ ချီကြာခဲ့ပြီဖြစ် သလို ပြသာနာတွေက ပြေလည်မှုမရသေးပဲ တင်းမာမူတွေ ရှိနေခဲ့တာပါ။ စစ်တွေမြို့ မှာတော့ အင်ပါလာလို့ ခေါ်တဲ့ အောင်မင်္ဂလာ ရပ်ကွက်မှာ အစ္စလာမ်ဘာသာဝင်တွေ၊ ဘင်္ဂလီတွေ  ကလေး လူကြီး အင်အား ၅၀၀၀ ခန့် နေထိုင်နေဆဲဖြစ် တာကြောင့် ရခိုင်အမျိုးသားတွေ အနေနဲ့ပြသနာတွေ ဆက်ဖြစ်နေနိုင်တယ်လို့ ပြောဆိုနေခဲ့တာဖြစ်ပါတယ်။ အောက်တိုဘာလ ၁၂ရက် ည၁၀နာရီကျော် အချိန်လောက်မှာ ပြသနာတွေပြေလည်သွားပြီလို့ဆိုပေမဲ့ ရခိုင်လူမျိုးတွေကို အဖမ်းအဆီးတွေ ရှိနေတယ်လို့ ရခိုင်လူမျိုးတွေဘက်ကပြောပါတယ်။

OIC ရုံးဖွင့်မည်ကို မြို့ကြီးများ၌ ကန့်ကွက် ဆန္ဒပြရန် စီစဉ်နေ

ဟင်္သာနီ (မွန်မြေ) | သောကြာနေ့၊ အောက်တိုဘာလ ၁၂ ရက် ၂၀၁၂ ခုနှစ် ၂၀ နာရီ ၀၇ မိနစ်

စံခလပူရီ (မဇ္ဈိမ) ။        ။ မြန်မာနိုင်ငံတွင် ကမ္ဘာ့အစ္စလာမ်အဖွဲ့ကြီး OIC ၏ လူသားချင်း စာနာမှုဆိုင်ရာ လေ့လာစောင့်ကြည့်ရေးရုံးများ လာရောက်ဖွင့်လှစ်မည်ကို ကန့်ကွက်သည့် အနေဖြင့် လူထုလူတန်းစား အလွှာအသီးသီးနှင့် သံဃာတော်များက မြို့ကြီးများတွင် ဆန္ဒပြပွဲများ ပြုလုပ်သွားရန် စီစဉ်နေကြောင်း သိရှိရသည်။

နယ်စပ်ရေးရာ ပြည်ထောင်စုဝန်ကြီးနှင့် လက်မှတ်ရေးထိုးခဲ့သည့် နားလည်မှုစာချွန်လွှာ အရ ရန်ကုန်နှင့် စစ်တွေမြို့ များတွင် OIC ၏ လေ့လာစောင့်ကြည့်ရေးရုံးများ လာရောက် ဖွင့်လှစ်မည်ကို အောက်တိုဘာလ ၁၅ ရက်နေ့တွင် မြို့ကြီးများ၌ တပြိုင်တည်း ကန့်ကွက်ပွဲများ ပြုလုပ်ရန် စီစဉ်ထားကြောင်း ဆန္ဒပြပွဲ ဖြစ်မြောက်ရေး ကော်မတီဝင် တဦးက ပြောသည်။

“အဓိက ကတော့ မြန်မာနိုင်ငံမှာ OIC ရုံးစိုက်ပြီး Islamisation (အစ္စလာမ် လွှမ်းမိုးမှု) လုပ်မယ့် ကိစ္စကို ကျနော်တို့ ဘယ်လိုမှ လက်ခံလို့ မရဘူးဆိုတဲ့ သဘောထား တရပ်ကို တနိုင်ငံလုံး သာမက တကမ္ဘာလုံး သိအောင် ကျနော်တို့နိုင်ငံက ကျနော်တို့ သဘောထားကို ပြချင်တာပါ” ဟု ဗကသများ အဖွဲ့ချုပ် ဖြစ်မြောက်ရေး ကော်မတီဝင် တဦးလည်း ဖြစ်သည့် ကိုရဲမင်းဦး က မဇ္ဈိမကို ပြောသည်။

ဆန္ဒပြပွဲများနှင့် အခမ်းအနားများကို ရန်ကုန်၊ မန္တလေး၊ ပခုက္ကူ၊ မြင်းခြံ၊ မိတ္ထီလာ မြို့များအပြင် ပုသိမ်၊ စစ်တွေ၊ ပဲခူး၊ စစ်ကိုင်း၊ မော်လမြိုင်၊ ရေစကြိုနှင့် ပြည်မြို့တို့တွင် တနင်္လာနေ့ မွန်းလွဲ ၁ နာရီမှ တပြိုင်တည်း ကျင်းပရန် စီစဉ်ထားကြောင်း သိရသည်။

ထိုသို့ လူစုလူဝေးဖြင့် တချိန်တည်း ဆန္ဒပြသည်ဟု ဆိုသော်လည်း ရဲစခန်းများအား အကြောင်း ကြားရုံသာ ပြုလုပ်ခဲ့ ပြီး ခွင့်ပြုချက် ရရှိရန် ခွင့်တောင်းစာ တင်ခဲ့ခြင်း မရှိ၍ အာဏာပိုင်များက အရေးယူလာလျှင်လည်း တနိုင်ငံလုံး အတိုင်းအတာဖြင့် ရင်ဆိုင် သွားမည်ဟု ကိုရဲမင်းဦး က ပြောဆိုသည်။

သို့သော်လည်း ဆန္ဒပြနေစဉ်အတွင်း သက်ဆိုင်ရာ ရဲစခန်းများက လုံခြုံရေး ယူပေးကြပါရန်လည်း မန္တလေးမြို့ မစိုးရိမ် ကျောင်းတိုက် နာယက ဆရာတော် အရှင် ဝီရသူ က ပန်ကြားထားသည်။

“သူတို့ ပထမ ဘုန်းဘုန်းတို့ဆီကို အကြောင်းကြားလာတာက တနင်္ဂနွေနေ့မှာ လုပ်ဖို့။ အဲဒီနေ့က သံဃာတွေ မအားဘူး။ အဲဒါကြောင့် တနင်္လာနေ့ကို ရွှေ့လိုက်တယ်။ သူ့နေရာနဲ့သူ လုပ်ကြမှာပါ။ အချိန်ကတော့ တချိန်တည်းပဲ” ဟု အရှင် ဝီရသူက မဇ္ဈိမကို မိန့်ကြားသည်။

ဆန္ဒပြရန် စုရပ်အဖြစ် ရန်ကုန်မြို့အတွက် ရွှေတိဂုံဘုရား အရှေ့ ဘက်မုခ် ကြေးသွန်း ဘုရားကြီး အနီးတွင် သတ်မှတ် ထားပြီး အခြားမြို့နယ်များတွင်လည်း အထင်ကရ နေရာ များတွင် စုရပ်အဖြစ် သတ်မှတ်ထားကြောင်း သိရှိရသည်။

ဇွန်လအတွင်းက ရခိုင်ပြည်နယ်တွင် ဖြစ်ပျက်ခဲ့သည့် အကြမ်းဖက် တိုက်ခိုက်မှုများကြောင့် ဒုက္ခရောက်လျက်ရှိသော ရိုဟင်ဂျာများအား ထောက်ပံ့ကူညီရန်၊ ပြန်လည် နေရာချထားရေးနှင့် ထူထောင်ရေးလုပ်ငန်းများ လုပ်ဆောင်ရန် အတွက် OIC အဖွဲ့ဝင် နိုင်ငံအချို့မှ ဒေါ်လာ ၂၅ သန်း ကောက်ခံရရှိထားပြီး နောက်ထပ်လည်း သန်း ၅၀ ကျော် ရရှိရန် ရှိနေသည်။

အဆိုပါ အကူအညီများကို OIC က မူဆလင်များ အတွက်သာ ရည်ရွယ်ပြီး အခြား ဘာသာများအား အကူအညီပေးမည် မဟုတ်ဘဲ မြန်မာအစိုးရကလည်း နိုင်ငံတကာ၏ ဖိအားများအား စိုးရိမ်၍ OIC အဖွဲ့အား လက်ခံထားခြင်းဖြစ်သည်ဟု ဆန္ဒပြပွဲ ဖြစ်မြောက်ရေး ကော်မီတီက ယူဆသည်။

မကြာခင်က ပြုလုပ်ခဲ့ကြသည့် ရန်ကုန်မြို့ရှိ ဘင်္ဂလားဒေ့ရ်ှသံရုံးရှေ့ ဆန္ဒပြပွဲများနှင့် စစ်တွေမြို့ အမျိုးသမီးများ ချီတက်ဆန္ဒပြပွဲများတွင်လည်း OIC ရုံး ဖွင့်လှစ်မည့်အရေးကို ကန့်ကွက်သည့် သဘောထားများ ပါရှိခဲ့သည်။

သံရုံးရှေ့ဆန္ဒပြသူများအနက် မရမာကြီးအဖွဲ့ကိုသာ မြို့နယ်မှူး ခေါ်တွေ့

မေသဇင် | သောကြာနေ့၊ အောက်တိုဘာလ ၁၂ ရက် ၂၀၁၂ ခုနှစ် ၁၇ နာရီ ၄၂ မိနစ်

ရန်ကုန် (မဇ္ဈိမ) ။          ။ အောက်တိုဘာလ ၈ ရက်နေ့က ပြုလုပ်ခဲ့သော ဘင်္ဂလားဒေရှ့် သံရုံးရှေ့ ဆန္ဒပြပွဲတွင် ပါဝင်ခဲ့သူများအနက် မရမာကြီး လူမျိုးများအဖွဲ့ကိုသာ ကမာရွတ် မြို့နယ် အထွေထွေအုပ်ချုပ်ရေးမှူး ဦးရဲထွန်းအောင် က ခေါ်ယူတွေ့ဆုံကာ ခံဝန်လက်မှတ် ရေးထိုးခိုင်းခဲ့ကြောင်း သိရသည်။

“ဆန္ဒပြတဲ့သူတွေ အများကြီးထဲက ကျနော်တို့ကိုပဲ ခေါ်တာလားလို့ မေးတော့ မြို့နယ်မှူးက ညီလေးတို့ပုံစံက ညှိနှိုင်း လို့ ရမယ်ထင်လို့ ခေါ်တာပါ။ သဘောထား အရမ်းတင်းမာတဲ့ အဖွဲ့တွေကိုတော့ မညှိပါဘူး။ ညီလေးတို့က ဘင်္ဂလားဒေရှ့် သံရုံးရှေ့တင် လှည့်ပြန်သွားတော့ ရည်ရွယ်ချက် ကောင်းလောက်ပါတယ်ဆိုပြီး ခေါ်တွေ့တာပါလို့ပြောတယ်” ဟု ခေါ်ယူတွေ့ဆုံခြင်း ခံရသော မရမာကြီးအဖွဲ့ ပြောခွင့်ရတဦးက ပြောသည်။

ကမာရွတ်စခန်းမှူး ရဲအုပ် အောင်မော် ကလည်း “ကျနော်တို့က သူတို့ကို နည်းဥပဒေတွေနဲ့ ပတ်သက်ပြီး ခေါ်ရှင်းပြတာပါ။ တခြားသူတွေကို ဘာလို့ ခေါ်မစစ်တာလဲ ဆိုတော့ သံရုံးရှေ့မှာ သူတို့ကို တွေ့လို့ပါ” ဟု ဆိုသည်။

ဘင်္ဂလားဒေ့ရ်ှနိုင်ငံတွင် ဗုဒ္ဓသာသနိက အဆောက်အအုံများ မီးရှို့ဖျက်ဆီးခံရခြင်းနှင့် ပတ်သက်၍ ရန်ကုန်မြို့ရှိ ဘင်္ဂလားဒေ့ရ်ှနိုင်ငံ သံရုံးရှေ့တွင် ၂၀၁၂ ခုနှစ်၊ အောက်တိုဘာလ ၈ ရက်နေ့ နေ့လည် ၁ နာရီက ဆန္ဒပြပွဲတခု ပြုလုပ်နေစဉ်။ (ဓာတ်ပုံ - ဘိုဘို၊ မဇ္ဈိမ)

အောက်တိုဘာလ ၉ ရက်နေ့တွင် ဘုရင့်နောင် စခန်းမှူးနှင့် ကမာရွတ်မြို့နယ်စခန်းမှူးတို့က မြို့နယ်မှူးနှင့် တွေ့ရန် ဆင့်ခေါ်၍ ကမာရွတ် စခန်းသို့ မရမာကြီးအဖွဲ့ ဥက္ကဋ္ဌ ဦးလှထွန်း နှင့် သွားရောက်တွေ့ဆုံခဲ့ခြင်း ဖြစ်သည်။ ဆန္ဒဖော် ထုတ်ရာတွင် တာဝန်ယူ ခေါ်ဆောင်ခဲ့သော လူ ၅ဝ အတွက် နောင်တွင် ခွင့်ပြုချက်ရမှ ဆန္ဒဖော်ထုတ်မှု ပြုလုပ် ပါမည်ဆိုသော ကတိခံဝန်ချက်ကို ဦးလှထွန်း က လက်မှတ်ထိုးခဲ့ရသည်ဟု သိရှိရသည်။

ဘင်္ဂလားဒေ့ရှ် နိုင်ငံအတွင်းရှိ ဗုဒ္ဓသာသနိက အဆောက်အအုံများကို မီးရှိူ့ဖျက်ဆီးခဲ့သော ဖြစ်ရပ်အတွက် ရန်ကုန် မြို့ရှိ ဘင်္ဂလားဒေ့ရှ် သံရုံးရှေ့တွင် မရမာကြီး လူမျိုးများ အဖွဲ့၊ ရခိုင်အမျိုးသား ကွန်ယက်၊ ရခိုင့်ဂုဏ်ရောင် အဖွဲ့၊လေးဝတီ ငြိမ်းချမ်းရေး လူငယ်များအဖွဲ့ စသည့် အဖွဲ့ပေါင်း ခုနှစ်ဖွဲ့ခန့်က ဦးဆောင်၍ အောက်တိုဘာလ ၈ ရက်နေ့က ဆန္ဒပြခဲ့ကြခြင်း ဖြစ်သည်။ 

မရမာကြီး လူမျိုးများအဖွဲ့ လုပ်ဆောင်ခဲ့သော လုပ်ရပ်(ဆန္ဒပြပွဲ)တွင် ရည်ရွယ်ချက် ကောင်းမွန်သော်လည်း သက်ဆိုင်ရာ ခွင့်ပြုချက် မရပါက ဥပဒေနှင့် ငြိစွန်းမည် ဖြစ်သောကြောင့် ထိုကဲ့သို့ ထပ်မံ မပြုလုပ်သင့်ကြောင်း မြို့နယ်မှူးက ပြောခဲ့သည်ဟု ဥက္ကဋ္ဌ ဦးလှထွန်း က ဆိုသည်။

မရမာကြီးများအဖွဲ့မှာ သံရုံးရှေ့တွင် ဆန္ဒပြပြီးနောက် ပြန်သွားခဲ့သော်လည်း ကျန် လူပုဂ္ဂိုလ်များနှင့် သံဃာတော်များ မှာ အမေရိကန်သံရုံးသို့ သွားရောက်ကာ လစ်ဗျားနိုင်ငံ သံရုံးတွင် အကြမ်းဖက်များကြောင့် သေဆုံးသွားသော အမေရိကန်သံရုံး ဝန်ထမ်းများ အတွက် ဝမ်းနည်းခြင်း အထိမ်းအမှတ် ပန်းစည်းကို သွားရောက်ပေးပို့ခဲ့ကြသည်။

မရမာကြီး လူမျိုးများသည် ရခိုင်မျိုးနွယ်စုဝင် တိုင်းရင်းသားများဖြစ်ပြီး ဘင်္ဂလားဒေရှ့် နိုင်ငံတွင်လည်း အများအပြားနေထိုင်ကြရာ စက်တင်ဘာလ  ၂၉-၃ဝ ရက်နေ့များက ဖြစ်ပွားခဲ့သော ကော့ဘဇားခရိုင်ရှိ ဗုဒ္ဓသာသနိက အဆောက် အအုံများအား မူဆလင် လူအုပ်များက အကြမ်းဖက် တိုက်ခိုက်မှုတွင် ဗုဒ္ဓဘာသာဝင် မရမာကြီး (ဘရူဝါ) လူမျိုးများ ကိုလည်း စိုးရိမ်ထိတ်လန့်စေခဲ့ရသည်။

ထို့ကြောင့် ပထမဆုံး အကြိမ်အဖြစ် ရန်ကုန်ရှိ ဘင်္ဂလားဒေ့ရ်ှသံရုံးရှေ့တွင် ဆန္ဒထုတ်ဖော်ခဲ့ကြခြင်း ဖြစ်သည်။