01.10.2012 နေ့ဖတ်ရန်သတင်းများ

by Myanmar Journal on Sunday, September 30, 2012 at 11:48pm ·

သမ္မတ ချာဗက်စ်

သမ္မတ ဟူဂို ချာဗက်စ် နဲ့ အတိုက်အခံ ကိုယ်စားလှယ် မစ္စတာ ကတ်ပရီလေ ဗင်နီဇွဲလား နိုင်ငံမှာ သမ္မတ ရွေးကောက်ပွဲ မတိုင်ခင် တပတ် အလို အတိုက်အခံ ကိုယ်စားလှယ် Henrique Capriles ကို ထောက်ခံတဲ့ လူတွေနဲ့ Caracas မြို့တော်က လမ်းတွေပေါ်မှာ ပြည့်နှက် နေပါတယ်။

ထောင်သောင်းချီတဲ့ သူ့ထောက်ခံသူတွေကို မိန့်ခွန်းပြောကြားရာမှာ သမ္မတ ဟူဂိုချာဗက်စ်ရဲ့ မဖြည့်ဆည်းနိုင်ခဲ့တဲ့ ဂတိတွေ အပေါ် မစ္စတာ ကတ်ပရီလေက ပြစ်တင် ပြောကြားခဲ့ပါတယ်။

ပြီးခဲ့တဲ့ စနေနေ့တုန်းက မဲဆွယ်ပွဲ လုပ်နေတုန်း အတိုက်အခံ အရေး တက်ကြွ လှုပ်ရှားသူ သုံးယောက် အသတ်ခံလိုက်ရတာနဲ့ ပတ်သက်လို့ အမှန်တရား ဖော်ထုတ်ပေးဖို့ ကိုလည်း သူက တောင်းဆို လိုက်ပြီး လာမယ့် ရွေးကောက်ပွဲမှာ သူသာ သမ္မတ အဖြစ် အရွေးခံမယ် ဆိုရင် အခုလို အကြမ်းဖက်မှု တွေကို ဖြေရှင်းပစ်မယ်လို့ ပြောပါတယ်။

သမ္မတ ရှာဗက်ဇ် ကတော့ လာမယ့် ခြောက်နှစ် သမ္မတ သက်တမ်း အတွက် သူသာ အနိုင်ရမယ် ဆိုရင် ဗင်နီဇွဲလားမှာ နက်ရှိုင်းတဲ့ ဆိုရှယ်လစ် စနစ်ကို ကျင့်သုံးသွားမယ်လို့ ဂတိပေး ပြောကြားလိုက်ပါတယ်။

အာဖဂန်မှာ သေဆုံးသူ အမေရိကန်စစ်သား ၂၀၀၀ ရှိပြီ

ဒီနှစ်ထဲ အာဖဂန် စစ်သားတွေရဲ့ တန်ပြန် တိုက်ခိုက်မှုကြောင့် သေဆုံးသူ နိုင်ငံတကာ တပ်ဖွဲ့ဝင် ၅၀ ကျော်သွားပြီ

အာဖဂန် ပဋိပက္ခတွေ အတွင်း အမေရိကန် စစ်သားတွေ သေဆုံးရမှုဟာ အခုဆိုရင် အယောက် ၂၀၀၀ ရှိသွားပြီ ဆိုတာကို အမေရိကန် အရာရှိ တဦးက အတည်ပြု ပြောကြား လိုက် ပါတယ်။

အခုနောက်ဆုံး ဖြစ်ပျက်ခဲ့တဲ့ အာဖဂန်လုံခြုံရေး တပ်ဖွဲ့ဝင် တဦးရဲ့ တန်ပြန် တိုက်ခိုက်မှု တခုကြောင့် သေဆုံးသွားတဲ့ အမေရိကန် စစ်သားတဦး ဟာ အယောက် ၂၀၀၀ မြောက် သေဆုံးသူ ဖြစ်ပါတယ်။

ဝါးဒက်ခ် ပြည်နယ်မှာ ဖြစ်ပွားခဲ့တဲ့ ဒီတိုက်ခိုက်မှုကြောင့် အမေရိကန် စစ်သားတဦးနဲ့ အရပ်သားတဦး သေဆုံးသွားခဲ့ တာပါ။

ဒီနှစ်ထဲ အာဖဂန် စစ်သားတွေရဲ့ တန်ပြန် တိုက်ခိုက်မှုကြောင့် သေဆုံးသွားတဲ့ နိုင်ငံတကာ တပ်ဖွဲ့ဝင် အရေအတွက်ဟာ အခုအချိန် အထိဆိုရင် အယောက် ၅၀ ကျော်သွားပြီ ဖြစ်ပါ တယ်။

အခုလို ကိုယ့်အတွင်း လူတွေရဲ့ တန်ပြန် တိုက်ခိုက်မှုတွေ များလာတာကြောင့် ဒီလ အစောပိုင်း ကတော့ နေတိုး ဦးဆောင်တဲ့ တပ်ဖွဲ့တွေဟာ အာဖဂန် တပ်ဖွဲ့တွေနဲ့ ပူးတွဲ ကင်းလှည့် တာတွေကို ကန့်သတ်မှုတွေ ပြုလုပ်ခဲ့ ပါတယ်။

လက်ပံတောင်းတောင် သဘာဝ ပျက်စီးမှု ကြေးနီစီမံကိန်းကြောင့် မဟုတ်လို့ ဆို

ကြေးနီစီမံကိန်းကြောင့် လယ်ယာမြေ အသိမ်းခံရသူ ဆန္ဒပြခဲ့ကြ

မုံရွာ တဘက်ကမ်း လက်ပံတောင်းတောင် တဝိုက်မှာ လတ်တလော ဖြစ်ပေါ်နေတဲ့ သဘာဝ ပတ်ဝန်းကျင် ပျက်စီးမှုတွေဟာ အဲဒီဒေသမှာ လုပ်နေတဲ့ မြန်မာ ဝမ်ပေါင်နဲ့ ဦးပိုင် လိမိတက်တို့ရဲ့ ကြေးနီ စီမံကိန်းကြောင့် မဟုတ်ဘူးဆိုပြီး ကုမ္ပဏီ တာဝန်ရှိသူတွေက စနေနေ့မနက်က ရန်ကုန်မြို့ Grand မီးရထား ဟိုတယ်မှာ သတင်းစာ ရှင်းလင်းပွဲ ပြုလုပ်ပြီး ငြင်းဆိုသွားပါတယ်။

အဲဒီ ဒေသမှာ စိုက်ပျိုးမြေ မြေဆီလွှာတွေ၊ သောက်သုံးရေတွေ ထိခိုက် ပျက်စီးမှု တချို့ ရှိခဲ့တာဟာ အရင်က လုပ်ခဲ့တဲ့ ဒေသဆိုင်ရာ လုပ်ငန်းတွေရဲ့ နောက်ဆက်တွဲ အကျိုးဆက်လည်း ပါမှာ ဖြစ်ပြီး ကုမ္ပဏီရဲ့ ကြေးနီ စီမံကိန်းရဲ့ လုပ်ဆောင်ချက် သက်သက်ကြောင့်ချည်း မဟုတ်ကြောင်း ရှင်းလင်း ပြောခဲ့တယ်လို့ မြန်မာ ဝမ်ပေါင်နဲ့ ဦးပိုင် လိမစ်တက်တို့ကို ကြီးကြပ်နေတဲ့ မြန်မာယံစီ ကုမ္ပဏီဘက်က ပညာရှင် တဦးက ပြောပါတယ်။

အဲဒီဒေသမှာ ကြေးစင်တောင်နဲ့ စပယ်တောင်တွေ ပျောက်သွားသလို လက်ပံတောင်း တောင်ကြီး ပျောက်သွားမှာကို လူတွေ စိုးရိမ်နေကြတာနဲ့ ပတ်သက်ပြီးတော့လည်း အဲဒီပညာရှင်က ဘီဘီစီကို ရှင်းပြရာမှာ သတ္တုရိုင်းတွေ တူးတဲ့အတွက် တောင်ပျောက်သွားမှာ ဖြစ်ပေမယ့် စီမံကိန်း ပြီးသွားရင် တောင်တွေ ပြန်ဖြည့်ပြီးသစ်ပင်တွေ စိုက်ပေးသွားမှာ ဖြစ်တယ်လို့ ပြောပါတယ်။

ကြေးနီ စီမံကိန်းကြောင့် ဒေသခံတွေအတွက် အလုပ် အခွင့်အလမ်းတွေ ဖန်တီးပေး နိုင်ခဲ့တယ်လို့လည်း သူက ပြောပါတယ်။

ကန့်ကွက် ဆန္ဒပြမှုတွေ ရှိနေပေမယ့် ကြေးနီ စီမံကိန်းကို ရပ်ဆိုင်းမှာ မဟုတ်ဘူးလို့ သိရပါတယ်။

တောင်သူလယ်သမားတွေနဲ့ ၈၈မျိုးဆက် ကျောင်းသားတွေ ပူးပေါင်းပြီး လက်ပန်းတောင်း တောင်နဲ့ ချင်းတွင်းအလှ သဘာဝ ကာကွယ် ထိန်းသိမ်း နှီးနှော ဖလှယ်ပွဲ တနင်္ဂနွေနေ့မှာ မကျင်းပခင် တရက်အလိုမှာပဲ အခုလို သတင်းစာ ရှင်းလင်းပွဲ လုပ်ခဲ့တာ ဖြစ်ပါတယ်။

စစ်အစိုးရရဲ့ လူ့အခွင့်အရေး မှတ်တမ်းနဲ့ လက်ရှိ အစိုးရ မဆိုင်

ဥပဒေနဲ့ အညီဆောင်ရွက်တာကို လူ့အခွင့်အရေး ချိုးဖောက်တယ်လို့ မပြောသင့်ပါဘူး

သမ္မတ ဦးသိန်းစိန်အမေရိကန် ပြည်ထောင်စုကို ရောက်ရှိစဉ်မှာ ဘီဘီစီ ဌာနမှူး ဒေါ်တင်ထားဆွေနဲ့ သီးခြား တွေ့ဆုံ မေးမြန်းခွင့်ရခဲ့ပါတယ်။

အမေရိကန်ရဲ့ ပိတ်ဆို့ အရေးယူမှုတွေ လုံးဝရုပ်သိမ်းဖို့ ကိစ္စမှာ နှစ်နိုင်ငံ အကြား နားလည်မှု ယူထားတာမျိုး မရှိဘူးလို့ အဲဒီ တွေ့ဆုံ မေးမြန်းခန်းမှာ ဦးသိန်းစိန်က ပြောကြားသွားပါတယ်။

မြန်မာပြည်တွင်းမှာ လက်နက်ကိုင် အဖွဲ့ ၁၁ဖွဲ့ ရှိရာမှာ ၁၀ဖွဲ့နဲ့ ငြိမ်းချမ်းရေး ဖေါ်ဆောင်နိုင်တဲ့ အနေအထားမျိုး ရှိနေပြီး KIA အဖွဲ့နဲ့တော့ ငြိမ်းချမ်းရေး ရရေး ဆက်လက် ကြိုးပမ်းနေဆဲ ဖြစ်ကြောင်း၊ အစိုးရဘက်က အပစ်အခတ်တွေ ရပ်ဆိုင်းဖို့ ညွှန်ကြားထားပြီး ဖြစ်ပေမယ့် KIA ဘက်က ဒီလို ညွှန်ကြားတာမျိုး မရှိတဲ့ အတွက် တိုက်ပွဲတွေ ဆက်ဖြစ်နေတာ ဖြစ်ကြောင်း သမ္မတ ဦးသိန်းစိန်က ပြောပါတယ်။

အရင် စစ်တပ်အစိုးရရဲ့ လူ့အခွင့် အရေး ချိုးဖောက်မှုတွေကို အရင်အစိုးရ ဝန်ကြီးချုပ် ဖြစ်ခဲ့တဲ့ သမ္မတက တာဝန်ယူနိုင်မလား ဆိုတဲ့ မေးခွန်းကိုတော့ သမ္မတ ဦးသိန်းစိန်က လက်ရှိ အစိုးရဟာ ဒီမိုကရေစီ ရရေးကိုသာ အာရုံစိုက် ဆောင်ရွက်နေတာ ဖြစ်ပြီး အရင် စစ်တပ်အစိုးရရဲ့ လူ့အခွင့်အရေး မှတ်တမ်းနဲ့ လက်ရှိ အစိုးရ မသက်ဆိုင်ဘူးလို့ ပြန်လည် ဖြေကြားခဲ့ပါတယ်။

နိုင်ငံ ပြုပြင်ပြောင်းလဲရေးကို အစိုးရ အဖွဲ့တွင်းမှာ ရှိတဲ့ စစ်တပ်က လူတွေက ဆန့်ကျင် နေတယ် ဆိုတာဟာ မဟုတ်ကြောင်း ဦးသိန်းစိန်က ငြင်းဆိုလိုက်ပြီး ပြုပြင်ပြောင်းလဲရေးအတွက် တပ်မတော်ကပဲ လမ်းပြ မြေပုံ ၇ချက် ချပေးခဲ့တာ ဖြစ်ကြောင်း၊ ပြုပြင်ပြောင်းလဲရေးကို ဆန့်ကျင်သူတွေ အစိုးရ အဖွဲ့တွင်းမှာလည်း မရှိကြောင်း လုပ်ကိုင်မှု နှေးကွေးတဲ့ သဘောသာ ဖြစ်ကြောင်း ပြောသွားပါတယ်။

ကော့စ်ဘဇားမှာ ဘုန်းကြီးကျောင်း ထပ်အဖျက် ခံရ

စစ်တကောင်း ခရိုင် အတွင်း ဘုန်းကြီးကျောင်း လေးကျောင်း ထပ်အဖျက် ခံရ

ကော့စ်ဘဇားမှာ ဖြစ်နေတဲ့ နောက်ဆုံး အခြေအနေ ကတော့ ဆိုးရွားမှုတွေ ဆက်ဖြစ် နေတယ်လို့ သိရပါတယ်။

အခု ပြဿနာက ဘင်္ဂလာမှာ ကျယ်ပြန့် သထက် ကျယ်ပြန့်လာနေပြီး စစ်တကောင်း ပေါ်တီယာ အရပ်မှာ ဘုန်းကြီးကျောင်း (၅) ကျောင်း ဆက်လက် ဖြိုဖျက် ခံရပါတယ်။

နောက် ကော့စ်ဘဇားခရိုင်က နတ်မြစ်နားမှာ တည်ရှိတဲ့ ဒိုင်းနက် ဈေးနားရွာ မီးရှို့ခံရပြီး အိမ်ခြေ (၇) ဆောင် မီးရှို့ခံရကာ ဘုန်းကြီးကျောင်းကို မီးရှို့ရန် လာစဉ်မှာ ဟန့်တား မရတာကြောင့် ဘင်္ဂလား နယ်ခြား စောင့်တပ်ဖွဲ့နဲ့ ရဲက သေနတ် (၁၅) ချက်ခန့် ပစ်တယ်လို့ ပြောပါတယ်။

ထိခိုက် ဒဏ်ရာ ရသူတွေ ရှိတယ်လို့ ဒိုင်းနက် အမျိုးသား ဦးကျော်လှစိန်က ဆိုပြီး ဗုဒ္ဓဘာသာဝင်တွေက အထူး စိုးရိမ်နေကြပါတယ်။

အစိုးရက လက်ရှိအခြေအနေမှာ တော့ စုံစမ်းရေး ကော်မရှင် တခု ဖွဲ့လိုက်ပြီး လူ၂၆ယောက်ကို ဖမ်းထားတယ်လို့ သိရပါတယ်။

အစောပိုင်းတုန်းက သတင်းတွေ အရ မြန်မာ နယ်စပ် ရာမူးမှာ ဒေသခံ မူဆလင် ဘင်္ဂလီ လူမျိုးတွေက ဗုဒ္ဓဘာသာ ဘုန်းတော်ကြီးကျောင်းတွေ လူနေအိမ်တွေကို မီးရှို့နေတဲ့ အတွက် ပုဒ်မ ၁၄၄ ကာဗျူး ထုတ်ခဲ့ပါတယ်။

ပြည်ထဲရေး ၀န်ကြီး မစ္စတာ အလောင်ဂျီ သွားရောက် ကြည့်ရှု့ခဲ့ပြီး သိမ်တွေ အပါအ၀င် ဘုန်းကြီးကျောင်း (၆) ကျောင်းမီး ရှို့ခံရကာ လုံးဝ ပြာကျသွားသလို အိမ် ၂၀ လောက် မီးရှို့ခံရပြီး ရာချီ ဖျက်ဆီး ခံရပါတယ်။

မီးရှို့ ဆန္ဒပြသူတွေ စွပ်စွဲတာကတော့ ဗုဒ္ဓဘာသာဝင် လူငယ် တစ်ဦးက ကိုရမ်ကျမ်းကို ခြေထောက်နဲ့ နင်းပြီး ဓါတ်ပုံရိုက်ကာ Facebook တင်တဲ့ အတွက် ဖြစ်တယ်လို့ ပြောပါတယ်။

ဒါပေမယ့် ရဲကတော့ အတည်ပြုနိုင်ဖို့ စစ်ဆေးနေတုန်း ဖြစ်ပြီး အဲဒီကောင်လေးရဲ့ မိဖတွေကို တော့ ရဲက ထိန်းသိမ်းထားတယ်လို့ ပြောပါတယ်။

ရာမူးမှာ လုံခြုံရေးကတော့ အပြည့်ချထားပြီး နောက်ထပ် ပြဿနာ ဆက်ဖြစ်မှာကိုတော့ ဒေသခံတွေက စိုးရိမ်နေပါတယ်။

ကော့စ်ဘဇားမြို့သိမ်တော်ကြီးမှာလည်း ရဲတွေ အစောင့်အရှောက် ထူထပ်စွာ ချထားပါတယ်။

တိဘက်ဒေသ လွတ်မြောက်ရေး မီးရှို့ဆန္ဒပြသူသေဆုံး

တရုတ်အစိုးရရဲ့ အုပ်စိုးမှုကို ဆန့်ကျင်တဲ့ အနေနဲ့ နိုင်ငံ အနောက်ဘက် Qinghai ဒေသမှာ တိဘက် အမျိုးသားတဦး ကိုယ့်ကိုယ်ကို မီးရှို့အဆုံးစီရင် သွားတဲ့အတွက် လုံခြုံရေး တင်းကျပ်ထားတယ်လို့ တိဘက်လှုပ်ရှားသူ အသိုင်းအ၀ိုင်းက ပြောပါတယ်။ Yushu တိဘက် ကိုယ်ပိုင်အုပ်ချုပ်ခွင့်ရ ခရိုင်မှာရှိတဲ့ Zadoi မြို့နယ်မှာ စနေနေ့က အဆုံးစီရင်မှု ဖြစ်ပွားခဲ့တာလို့လည်း ဗွီအိုအေကို ပြောပြခဲ့ကြတာပါ။ အသက် ၂၇ နှစ် အရွယ်ရှိ Yungdung ဆိုသူဟာ တိဘက်ရိုးရာ ၀တ်စုံကို ၀တ်ဆင်ပြီး တရုတ်ဈေးဆိုင်တွေရှေ့ ဖြတ်လျှောက်ပြီး မီးရှို့သတ်သေခဲ့တာလို့ Yushu ဒေသခံတွေနဲ့ အိန္ဒိယနိုင်ငံ မြောက်ပိုင်း ဒရမ်ဆလာအရပ်က တိဘက်အရေး လှုပ်ရှားသူ အသိုင်းအ၀ိုင်းက ပြောပါတယ်။ မသေမီမှာ တိဘက်ဒေသ လွတ်မြောက်ရေးနဲ့ တရုတ်အစိုးရဟာ တိဘက် ဘာသာရေးကို ဖျက်ဆီးနေတယ် ဆိုတဲ့ ကြွေးကြော်သံတွေ အော်ဟစ်ခဲ့တယ်လို့လည်း ပြောပါတယ်။

အခုသေဆုံးမှုနဲ့ပါဆိုရင် ၂၀၀၉ ခုနှစ် ကတည်းက တရုတ်နိုင်ငံ တိဘက်ဒေသမှာ ကိုယ့်ကိုယ်ကို သတ်သေကြတဲ့ လူပေါင်း ၅၂ ယောက်အထိ ရှိသွားပါပြီ။ ဒီအထဲမှာ ၄၂ ယောက် ကတော့ သေဆုံးတဲ့အထိ ဖြစ်ခဲ့ရတယ်လို့လည်း အဝေးရောက် တိဘက်အစိုးရက ပြောပါတယ်။

ဘင်္ဂလာဒေ့ရ်ှ Cox's Bazaar မှာ ဘုန်းကြီးကျောင်းအချို့ တိုက်ခိုက်ခံရ

ဘင်္ဂလားဒေ့ရ်ှနိုင်ငံ အရှေ့တောင်ပိုင်းက Cox’s Bazaar မှာ အခု တနင်္ဂနွေနေ့ အစောပိုင်း ဒေါသဖြစ်နေကြတဲ့ ရာနဲ့ချီတဲ့ မူစလင် လူအုပ်က ဗုဒ္ဓဘာသာ ဘုန်းတော်ကြီးကျောင်း အနည်းဆုံး ငါးကျောင်းနဲ့ အိမ်အချို့ကို မီးတင်ရှို့ခဲ့ကြပါတယ်။ Facebook လူမှုကွန်ယက်မှာ အစ္စလာမ်ဘာသာ ဆန့်ကျင်ရေး ဓာတ်ပုံတပုံကို ဗုဒ္ဓဘာသာဝင်တဦးက ဖော်ပြခဲ့တာမို့ မူစလင်တွေဘက်က ဒေါသဖြစ်ခဲ့ကြတာပါ။

မြန်မာနိုင်ငံနဲ့ နယ်ချင်းစပ် အဲဒီ Cox’s Bazaar မှာရှိတဲ့ ဒေသခံ ဗုဒ္ဓဘာသာဝင် တဦးဟာ မူစလင်တွေ အထွဋ်အမြတ် ထားတဲ့ ကိုရမ်ကျမ်းစာကို မထေမဲ့မြင်လုပ်တဲ့ ဓာတ်ပုံ ဖော်ပြခဲ့တယ်လို့ အကြမ်းဖက်မှုမှာ ပါဝင်နေတဲ့ ဒေါသထွက်နေတဲ့ မူစလင်တဦးက ပြောပါတယ်။

စနေနေ့ ညနေပိုင်းကတည်းက ဒီအတွက် မူစလင်တွေ အဲဒီမှာ ဆန္ဒပြခဲ့ကြတာပါ။ အခု တနင်္ဂနွေနေ့မှာပဲ အခြေအနေတွေကို တည်ငြိမ်အောင် ထိန်းထားနိုင်ပြီလို့ ရဲတပ်ဖွဲ့ကတော့ ပြောပါတယ်။ အဖမ်းအဆီးနဲ့ အထိအခိုက် သတင်းတွေတော့ မရသေးပါဘူး။

အီဂျစ်ရှိ အမေရိကန် အမျိုးသမီး ခရစ်ယာန်ဘာသာရေး မစ်ရှင်အဖွဲ့တွေကို သတိပေး

မူစလင်တွေအများစုရှိတဲ့ အီဂျစ်နိုင်ငံမှာ အမေရိကန် အမျိုးသမီး ခရစ်ယာန်ဘာသာရေး မစ်ရှင်အဖွဲ့တွေ အနေနဲ့ အကြမ်းဖက် တိုက်ခိုက်ခံရနိုင်တဲ့ အန္တရာယ်ကို သတိထားကြဖို့ ကိုင်ရိုမြို့မှာရှိတဲ့ အမေရိကန် သံရုံးက သတိပေးချက် ထုတ်ပြန်ပါတယ်။

အကြမ်းဖက်သမားတွေဟာ အမေရိကန် အမျိုးသမီးမစ်ရှင်အဖွဲ့ တွေကို ပစ်မှတ်ထားနေတယ် ဆိုတဲ့ ယုံကြည်ရတဲ့ အထောက်အထားတွေ ရှိထားတယ်လို့ သံရုံး ၀က်ဘ်ဆိုက် ကြေညာချက်မှာ ဖော်ပြ ပါတယ်။ အီဂျစ်မှာရှိတဲ့ အမေရိကန် နိုင်ငံသားတွေ အနေနဲ့ သူတို့ လုံခြုံရေးအတွက် အထူး သတိထား နေကြဖို့ လိုအပ်သလို၊ ကြိုတင် ပြင်ဆင်မှုတွေ လုပ်ထားကြဖို့လည်း သံရုံးက တိုက်တွန်းပါတယ်။

အမေရိကန် သံတမန်တွေ အနေနဲ့ အရေးပေါ် အခြေအနေ ကြုံလာရင် ဆက်သွယ် အကူအညီယူနိုင်ဖို့ STEP လို ခရီးသွား လုံခြုံရေး အစီအစဉ်အတွက် အွန်လိုင်းပေါ်မှာ ၀င်ရောက် စာရင်းသွင်းထားကြဖို့ လည်း အမေရိကန်နိုင်ငံသားတွေကို တိုက်တွန်းနေပါတယ်။

မူစလင် အများစုရှိတဲ့ အီဂျစ်လူဦးရေ ၈၃ သန်းရဲ့ ၁၀ ရာခိုင်နှုန်းဟာ ခရစ်ယာန်ဘာသာဝင်တွေ ဖြစ်ပြီး၊ ခွဲခြား ဆက်ဆံခံရတယ် ဆိုပြီး တိုင်တန်းမှုတွေ ရှိခဲ့ပါတယ်။ အီဂျစ်နိုင်ငံတွင်း ခရစ်ယာန် ဘာသာဝင်တွေ ဟာ ဘာသာရေးအရ ဖိနှိပ် အကြမ်းဖက် ခံရတာမျိုးတွေ ရှိတယ် ဆိုပြီးတော့လည်း လူ့အခွင့်အရေး အဖွဲ့တွေက ပြောကြပါတယ်။

သမ္မတဦးသိန်းစိန်နဲ့ ဗွီအိုအေ သီးသန့်တွေ့ဆုံ မေးမြန်းခန်း

 သတင်းမီဒီယာတွေဟာ ကိုယ့်တိုင်းပြည်ရဲ့ သိသင့်တဲ့ ကိစ္စတွေကို ကြော်ငြာပေးရာ ရောက်တဲ့ အတွက် ကျေးဇူးတင်တယ်လို့ သမ္မတဦးသိန်းစိန်က ပြောလိုက်ပါတယ်။ ကုလသမဂ္ဂ အထွေထွေ ညီလာခံမှာ မိန့်ခွန်းပြောဖို့ အမေရိကန် ပြည်ထောင်စုကို လာခဲ့တဲ့ သမ္မတဦးသိန်းစိန်ရဲ့ ခရီးစဉ်အပြီး ဗွီအိုအေ မြန်မာပိုင်းက သီးသန့် တွေ့ဆုံ မေးမြန်းခဲ့စဉ်မှာ ခုလို ပြောခဲ့တာ ဖြစ်ပါတယ်။ သမ္မတရဲ့ ခရီးစဉ်အတွင်း ဒေါ်အောင်ဆန်းစုကြည်နဲ့ နယူးယောက် မြို့မှာ တွေ့ဆုံခဲ့တဲ့ကိစ္စ၊ လွှတ်တော်နဲ့ ချိန်ခွင်လျှာညှိ အုပ်ချုပ်တဲ့နေရာမှာ တွေ့ရတဲ့ အခက်အခဲ၊ စီးပွားရေး အကျိုးအမြတ်တွေကို အခွင့်ထူးခံတွေပဲ မခံစားရအောင် ဘယ်လို ကာကွယ်မလဲ ဆိုတဲ့ အမေးတွေကို သမ္မတဦးသိန်းစိန်က ဖြေကြားခဲ့ပါတယ်။ ဗွီအိုအေ ဌာနမှူး ဦးသန်းလွင်ထွန်းနဲ့ သမ္မတဦးသိန်းစိန်တို့ သီးသန့် တွေ့ဆုံမေးမြန်းထားတာ ဖြစ်ပါတယ်။

သမ္မတကြီးရဲ့ ကုလသမဂ္ဂ အထွေထွေညီလာခံ မိန့်ခွန်းက မြန်မာနိုင်ငံရဲ့ ပြုပြင် ပြောင်းလဲမှုတွေကို တကမ္ဘာလုံးက၊ နိုင်ငံပေါင်းစုံက၊ နိုင်ငံ ခေါင်းဆောင်တွေက နေပြီးတော့ အသိအမှတ် ပြုမှုတွေ ရသွားစေတဲ့ အားလုံး လှိုက်လှိုက်လှဲလှဲ ချီးကျူးရတဲ့ မှတ်ကျောက်တင်နိုင်တဲ့ မိန့်ခွန်းပါ။ ဒီနေရာမှာ သတိထားမိတာက အခုလို ပြောဆိုသွားတဲ့ နိုင်ငံရေး ပြုပြင် ပြောင်းလဲမှုတွေမှာဆိုရင် အဂတိလိုက်စားမှုနဲ့၊ သမ္မတကြီးလည်း အရင် ပြောဖူးပါတယ်။ ဥပဒေ စိုးမိုးရေးကိစ္စတွေပါ။ တဆက်တည်းမှာပဲ လွှတ်တော်ထဲမှာဆိုရင် ဒေါ်အောင်ဆန်းစုကြည်က နေပြီးတော့ တရားဥပဒေ စိုးမိုးရေး ကော်မရှင် ဆိုတာကို ခေါင်းဆောင်မှု တာဝန်ယူထား နေပါပြီ။ အဲဒီတော့ ဒေါ်အောင်ဆန်းစုကြည် ဦးဆောင်တဲ့ တရားဥပဒေ စိုးမိုးရေး ကော်မရှင်ကို သမ္မတကြီးတို့ အစိုးရအဖွဲ့ အနေနဲ့ ဘယ်လိုများ ကူညီပံ့ပိုးမှုတွေ၊ ပူးပေါင်း လုပ်ဆောင်မှုတွေ လုပ်သွားမလဲ ဆိုတာ သိပါရစေ။ -

“ဒီကိစ္စနဲ့ ပတ်သက်လို့ လွှတ်တော်ကလည်း ဒါ သူတို့ လုပ်သင့်လုပ်ထိုက်တဲ့ ကိစ္စ ဖြစ်ပါတယ်။ နောက်တခါ ဒေါ်အောင်ဆန်းစုကြည် ကလည်း rule of law ဆိုပြီးတော့ အမြဲတမ်း ပြောလေ့ပြောထ ရှိတယ်။ ပြောလေ့ပြောထ ရှိတဲ့အတွက်ကြောင့် တရားဥပဒေ စိုးမိုးရေး၊ အဂတိလိုက်စားမှုတွေနဲ့ ပတ်သက်ပြီးတော့ ဒီဟာက ကျနော်တို့ရဲ့ ရည်မှန်းချက်လည်း ဖြစ်ပါတယ်။ အဲဒီတော့ ကျနော်တို့ အစိုးရဘက်ကလည်း လုပ်တယ်။ လွှတ်တော်ကလည်း ဒီလို ၀ိုင်းပြီးတော့ လုပ်ပေးတော့ ဒါက ဘာပဲဖြစ်ဖြစ် ကောင်းတဲ့ အလားအလာ တခု ဖြစ်တယ်ပေါ့။”

ဒီကော်မရှင်အနေနဲ့ သမ္မတကြီးရော၊ နောက်ပြီးတော့ ဒေါ်အောင်ဆန်းစုကြည်ပါ ပြည်ပခရီး ထွက်နေတဲ့အချိန်မှာ ရန်ကုန်တိုင်းတွင်းမှာ ရှိတဲ့ တချို့ ရဲစခန်းလေးတွေကို သွားပြီးတော့ ကြည့်တယ်။ တရားသူကြီးအဖွဲ့တွေနဲ့ ဆွေးနွေးတယ် ဆိုတာလည်း ကျနော်တို့ ကြားပါတယ်။ အဲဒီနေရာမှာ တချက်ပေါ့နော်၊ ဒါကတော့ လက်တွေ့ ဖြစ်တဲ့ ကိစ္စလေးတွေပေါ့။ မိသားစု တစုကို ဖမ်းထားပြီးတော့ အာမခံမပေးတဲ့ ကိစ္စမျိုးတွေကို တွေ့ရတယ် ဆိုတာမျိုး ကြားပါတယ်။ ဒါမျိုးတွေနဲ့ ကြုံလာရင် အစိုးရအဖွဲ့အနေနဲ့ ဘယ်လိုများ တုံ့ပြန် ဆောင်ရွက်သွားဖို့ အစီအစဉ် ရှိလဲခင်ဗျ။ -

“ဒီကိစ္စက ကျနော် ထင်တယ်၊ ဥပဒေ အတိုင်းပဲ ကျနော်တို့ လုပ်ကြရမယ့်ကိစ္စ ဖြစ်ပါတယ်။ ဥပဒေနဲ့ မညီညွတ်တာကို လုပ်တဲ့အတွက်ကြောင့် ဒီအဖွဲ့ကနေ သွားပြီးတော့ ရဲစခန်းတွေကို ကြည့်တယ်၊ မှန်တယ် ပြုတယ် ဆိုရင် ဒါကို ဥပဒေအတိုင်း ဖြစ်အောင် ကျနော်တို့က အစိုးရပိုင်းက ဆောင်ရွက်ဖို့ ရှိပါတယ်။”

ဒေါ်အောင်ဆန်းစုကြည်နဲ့ ပတ်သက်လို့ပေါ့နော်၊ သမ္မတကြီး အနေနဲ့ ဒီပြည်ပခရီးကို မထွက်ခင်မှာလည်း မကြာသေးခင်က ဒေါ်အောင်ဆန်းစုကြည်နဲ့ တွေ့ဆုံခဲ့တာ ရှိပါတယ်။ အလားတူပဲ ပြည်ပကို ရောက်တဲ့အခါမှာလည်း အထူးတလည် ဒေါ်အောင်ဆန်းစုကြည်က သမ္မတကြီးကို လာပြီးတော့ နှုတ်ဆက် ဂါရ၀ပြုတာ တွေ့ရပါတယ်။ အဲဒီတော့ ဘယ်လို အကြောင်းတွေနဲ့ ထူးထူးခြားခြားလေးများ ပြည်ပမှာရောက်တုန်း ဆွေးနွေးဖြစ်တယ်ဆိုတာ သိပါရစေခင်ဗျ။ -

“သူတို့ကတော့ ကျနော့်ကို အကြီးအကဲ တယောက်အနေနဲ့ သူလည်း ဒီမှာရောက်နေတယ်၊ ကျနော်ကလည်း ဒီ UN ရဲ့ အထွေထွေညီလာခံမှာ မိန့်ခွန်းပြောဖို့ လာတယ်ဆိုတော့ သူကတော့ လာပြီးတော့ တွေ့ဆုံ နှုတ်ဆက်တဲ့သဘောပါ။ ဘာမှတော့ ထွေထွေထူးထူး တိုင်ပင်တာ ပြောတာတွေ မရှိပါဘူး။ နှုတ်ဆက်တဲ့သဘောပါပဲ။”

စောစောတုန်းက ကျနော် ပြောတဲ့အထဲမှာ လွှတ်တော်ရဲ့ ကော်မရှင်တွေပေါ့နော်၊ လွှတ်တော်ရဲ့ ကော်မရှင်တွေ ကိစ္စမှာ ထူးခြားတဲ့၊ မြန်မာနိုင်ငံရဲ့ သက်တမ်း နုနယ်သေးတဲ့ ဥပဒေပြု လွှတ်တော် အခြေအနေနဲ့ သမ္မတကြီးတို့ရဲ့ ပြုပြင် ပြောင်းလဲမှုတွေကို တစိုက်မက်မက် လုပ်နေတဲ့ အစိုးရအဖွဲ့ကြားထဲမှာ အများ အမြင်ပေါ့နော်၊ အပြင်ဘက်ကအမြင်မှာ နည်းနည်း တင်းမာမှုတွေ ရှိနေတယ် ဆိုတဲ့ သဘောပေါ့နော်။ လွှတ်တော်ကော်မရှင်တွေကို ပြည်ထောင်စုအဆင့် ထားရှိရေးကိစ္စနဲ့ ပတ်သက်ပြီးတော့ ငြင်းကြခုန်ကြတဲ့ ပုံစံလေးတွေ ဖြစ်တယ်။ နောက် အခြေခံဥပဒေဆိုင်ရာ ခုံရုံးအဖွဲ့ကို နုတ်ထွက်ခိုင်းလိုက်ရတဲ့ အခြေအနေမျိုးတွေ ဖြစ်ခဲ့တော့ တချို့ဆိုရင် ဒါကို ဖွဲ့စည်းပုံ အခြေခံဥပဒေ crisis ပေါ့နော်၊ ပြဿနာကြီးတရပ် လို့တောင် ပြောချင်တဲ့သူတွေ ရှိနေကြတယ်ခင်ဗျ။ အဲဒီတော့ ဒါနဲ့ ပတ်သက်လို့ သမ္မတကြီးရဲ့ အမြင်ကို ရှင်းပြပေးပါလား။ -

“ဖွဲ့စည်းပုံ အခြေခံဥပဒေမှာ ပြဿနာတရပ် ရှိလာလို့ရှိရင်၊ နောက်တခါ ဒီ ဖွဲ့စည်းပုံ အခြေခံဥပဒေက တာဝန်ပေးထားတဲ့ ဖွဲ့စည်းပုံ အခြေခံဥပဒေဆိုင်ရာ ခုံရုံးကနေ ဒီပြဿနာကို ဖြေရှင်းပေးဖို့ တာဝန် ရှိပါတယ်။ အဲဒီတော့ ဒီ အခြေခံဥပဒေ ခုံရုံးကနေပြီးတော့ ဖြေရှင်းပေးတဲ့ ကိစ္စတခုကို လွှတ်တော်ကနေ မှန်တယ် မှားတယ်၊ ဒါကတော့ သူတို့ပဲ ဆုံးဖြတ်ပြီးတော့ လိုက်နာ လုပ်ဆောင်ရမယ့် ကိစ္စတွေ ဖြစ်ပါတယ်။ အဲဒီတော့ မှားတယ်ဆိုရင်လည်း ဒါ သူတို့ရဲ့ အများစုနဲ့ မှားတဲ့အကြောင်း၊ မှန်တယ်ဆိုလို့ရှိရင်လည်း ဒါ သူတို့ရဲ့ အပိုင်းပါပဲ။ ဒီကိစ္စကြောင့် ကျနော်တို့နဲ့တော့၊ အစိုးရပိုင်းနဲ့တော့ ပြဿနာ မရှိဘူး။ သို့သော်လည်း ပထမ ဒီကိစ္စနဲ့ ပတ်သက်ပြီးတော့  ခုနကလို ဒီလူတွေ ထွက်သွားရအောင် ဖြစ်မယ့်အစားပေါ့လေ။ တခြား ထွက်ပေါက် တခု ရှိပါသေးတယ်။ ဒီထွက်ပေါက်ကတော့ ခုနကလို လွှတ်တော်မှာ ဖွဲ့စည်းပုံ အခြေခံဥပဒေမှာ အခန်း (၂၀) မှာ ပြဌာန်းထားတယ်။ amendment ပေါ့။ ပြင်ဆင်လို့ ရတယ်။ အဲဒီတော့ ဖွဲ့စည်းပုံ အခြေခံဥပဒေထဲမှာ တိတိကျကျနဲ့ မပါဘူးဆိုရင် တိတိကျကျ ပါအောင် ထပ်ပြီးတော့ ထည့်လို့ရတယ်။ ကျနော်ကတော့ ဒီဟာလေး လမ်းကြောင်းလေးတော့ ပေးလိုက်ပါတယ်။ သို့သော်လည်းပဲ ဒီအဖွဲ့အစည်းနှစ်ခုဟာ သီးခြား ဆောင်ရွက်ပေးထားတဲ့ အဖွဲ့အစည်း နှစ်ခုဖြစ်တဲ့အတွက်ကြောင့် ကြိုက်တဲ့ နိုင်ငံရေး လမ်းကြောင်းကို သူတို့ ရွေးချယ်သွားခြင်းပဲ ဖြစ်ပါတယ်။”

သမ္မတကြီးရဲ့ ကုလသမဂ္ဂ မိန့်ခွန်းမှာပဲ ကျနော် သတိထားမိတဲ့အချက်က အရင်အစိုးရဟာ စစ်တပ်နဲ့ အုပ်ချုပ်တဲ့၊ အမိန့်အာဏာနဲ့ အုပ်ချုပ်တဲ့ အစိုးရ၊ အခုဆိုရင် အရပ်သား အစိုးရ အနေနဲ့ ဥပဒေပြု အဖွဲ့တွေ၊ အတိုက်အခံတွေနဲ့ ချိန်ခွင်လျှာ ညှိပြီးတော့ အုပ်ချုပ်ရတဲ့ အစိုးရပုံစံမျိုး ဖြစ်လာပြီဆိုတော့၊ ဒီလို အထူးသဖြင့် လွှတ်တော်နဲ့ ချိန်ခွင်လျှာ ညှိပြီး အုပ်ချုပ်ရတဲ့ အနေအထားမျိုးမှာ ဘယ်လို အခက်အခဲမျိုးတွေ ရှိနေလဲ။ -

“အမှန်ကတော့ လွှတ်တော်ကလည်း ဥပဒေပြုရေးအပိုင်းမှာ သီးခြား လုပ်ဆောင်ခွင့် သူ့မှာရှိတယ်။ သူ့ရဲ့ အဓိက တာဝန်ကတော့ ဥပဒေပြုရေး အပိုင်းပေါ့လေ။ ကျနော်တို့ အစိုးရပိုင်းဆိုတာက အုပ်ချုပ်ရေး အပိုင်းပေါ့။ အဲဒီတော့ ဒီ ဖွဲ့စည်းပုံ အခြေခံဥပဒေ အရ မဏ္ဍိုင်ကြီး သုံးခုပေါ့။ ဥပဒေပြုရေးအပိုင်း၊ အုပ်ချုပ်ရေး အပိုင်းနဲ့ တရားစီရင်ရေး အပိုင်း ဆိုပြီးတော့ ဒီလို ခွဲခြားပြီးတော့ သတ်မှတ်ပေးထားပါတယ်။ အမှန်ကတော့ ကိုယ့်အလုပ် ကိုယ်လုပ်ကြတဲ့အပိုင်းပါပဲ။ သို့သော်လည်း တခုနဲ့တခုက ထိန်းကျောင်းပေးဖို့ ဆိုတဲ့ဟာကလည်း ဖွဲ့စည်းပုံ အခြေခံဥပဒေထဲမှာ ပါပါတယ်။ အမှားအယွင်း မရှိရအောင်၊ အစိုးရအဖွဲ့ကလည်း ခုနကလို တချို့ကိစ္စတွေ လွှတ်တော်ကို ထောက်ပြစရာရှိတာ ထောက်ပြရမှာဖြစ်သလို၊ လွှတ်တော်အပိုင်းကလည်း အစိုးရအဖွဲ့ကို ထောက်ပြရမှာ ဖြစ်ပါတယ်။ ဒါကို ဖွဲ့စည်းပုံ အခြေခံဥပဒေအရ အကောင်အထည်ဖော် ဆောင်ရွက်ခြင်းပဲ ဖြစ်တယ်လို့ ကျနော်တို့ ခံယူထားပါတယ်။”

သမ္မတကြီးရဲ့ အခု ကုလသမဂ္ဂ ညီလာခံနဲ့ တိုက်ဆိုင်ပြီးတော့ လာတဲ့ အမေရိကန် ခရီးစဉ်က အောင်မြင်မှုတွေ တော်တော်ကြားရပါတယ်။ အထူးသဖြင့် သမ္မတကြီး ဒီမှာရှိနေတုန်းမှာပဲ မြန်မာနိုင်ငံရဲ့ ပို့ကုန်တွေကို ပိတ်ဆို့ထားတဲ့ ကိစ္စ နဲ့ပတ်သက်ပြီးတော့ ပယ်ဖျက်ပေးမယ် ဆိုတဲ့ ကြေညာချက်လည်း ထွက်ပါတယ်။ ဒီလို ပို့ကုန်တွေ ပိတ်ဆို့ထားမှု ပယ်ဖျက်လိုက်ပြီဆိုရင် မြန်မာနိုင်ငံမှာရှိတဲ့၊ တချို့က စိုးရိမ်နေတယ်ပေါနေ့ာ်၊ cronies လို့ခေါ်တဲ့ အခွင့်ထူးခံ လူနည်းစုပဲ အသာစီး ရယူပြီးတော့ စီးပွားလမ်းဖြစ်သွားမယ့် ပုံစံမျိုး မဖြစ်အောင်ဆိုရင် သမ္မတကြီးရဲ့ အမြင်က ဘယ်လိုများ ကူညီဆောင်ရွက်ဖို့ ရှိမလဲ။ -

“ဒီဟာကတော့ ကျနော်တို့ investment law နဲ့သွားပြီးတော့ ဆိုင်ပါတယ်။ အဲဒီတော့ investment law မှာလည်း ကိုယ့်နိုင်ငံသား၊ နောက်တခါ နိုင်ငံခြားသား စသည်ဖြင့်ပေါ့လေ။ နိုင်ငံငခြားကနေ လာပြီးတော့ ရင်းနှီးမြှုပ်နှံတယ် ဆိုရင် ကျနော်တို့က မူဝါဒ ပေးထားပါတယ်။ တစ်အချက်ကတော့ ကိုယ့်နိုင်ငံသားတွေရဲ့ အကျိုးစီးပွားကို မထိခိုက်စေရဘူး။ နှစ်အချက်ကတော့ ကိုယ့်နိုင်ငံရဲ့ ဂုဏ်သိက္ခာကို မထိခိုက်စေရဘူး။ ဥပမာ - အနောက်နိုင်ငံတွေကနေ လာပြီးတော့ လက်ဝါးကြီး အုပ်သွားတာ၊ တရုတ်ကပဲ လာပြီးတော့ စီးပွားရေး လုပ်ငန်းတွေမှာ လက်ဝါးကြီး အုပ်သွားတာ ဆိုရင် နိုင်ငံလည်း သိက္ခာကျတယ်လေ။ အဲဒီတော့ ကိုယ့်နိုင်ငံရဲ့ ဂုဏ်သိက္ခာလည်း မထိခိုက်စေရဘူး။ နောက်တခုကတော့ အချုပ်အချာ အာဏာပေါ့။ အဲဒီတော့ အချုပ်အချာအာဏာ ဆိုတော့ နိုင်ငံရေးသမားနဲ့ စီးပွားရေးသမားဟာ သိပ်ပြီးတော့ အချိတ်အဆက် လုပ်ပြီးတော့မှ လှုပ်ရှားရတဲ့သဘော ရှိပါတယ်။ ဥပမာ - နိုင်ငံရေးသမားကလည်း မဲရွေးဖို့ဆိုရင် စီးပွားရေးသမားဆီက လိုတဲ့ငွေကို အလှူခံရတာတွေ၊ လက်ခံရတာတွေ၊ ဒါတွေ ရှိတာပေါ့။ ဒါမှမဟုတ်ရင် နိုင်ငံရေးသမား အာဏာရတဲ့အခါမှာလည်း စီးပွားရေးသမားကို ပြန်ပြီးတော့ နေရာပေးရတာတွေလည်း ရှိတာပေါ့။ သို့သော်လည်း ဒီဟာတွေက သိပ်ပြီးတော့ ထဲထဲဝင်ဝင်နဲ့ သိပ်ပြီးတော့ များလာလို့ရှိရင် စီးပွားရေးသမားက အချုပ်အချာ အာဏာမှာလာပြီးတော့ ချုပ်ကိုင်တဲ့ သဘောမျိုးတွေ သက်ရောက်နိုင်တယ်။ ဒါကြောင့်မိုလို့ အချုပ်အချာအာဏာကိုတော့ မထိခိုက်စေ ရဘူး။ နောက်တခုကတော့ သဘာဝပတ်ဝန်းကျင်ကို ကျနော်တို့ မပျက်ယွင်း စေရဘူး။ ဘာဖြစ်လို့လဲဆိုတော့ ရှိသမျှ အကုန်ထုတ်ယူပြီးတော့ အကုန်လုပ်သွားလို့တော့ မဖြစ်ဘူး။ ဘာဖြစ်လို့လဲ ဆိုတော့ ကျနော်တို့ သားစဉ်မြေးဆက် ချန်ထားခဲ့ရဦးမှာ။ ဒါကြောင့်မိုလို့ ရင်းနှီးမြှုပ်နှံမှု အပိုင်းနဲ့ ပတ်သက်ပြီးတော့ လာပြီးတော့ ဒီလို ရင်းနှီးမြှုပ်နှံခြင်းအားဖြင့် ကိုယ့်တိုင်းရင်းသားရဲ့ အကျိုးစီးပွားကို ထိခိုက်စရာ အကြောင်းမရှိပါဘူး။ ကျနော်တို့ ဒါကို အကာအကွယ် ပေးထားပါတယ်။ နောက်တခုကလည်း investment law နဲ့လည်း အကာအကွယ် ပေးထားတယ်။”

အခု ဒီခရီးစဉ်အတွင်းမှာဆိုရင် သမ္မတကြီးဟာ ပြည်ပမှာရှိနေတဲ့ ပြည်ပ မီဒီယာတွေနဲ့ရော၊ မြန်မာလို အသံလွှင့်နေတဲ့ မြန်မာမီဒီယာ တွေနဲ့ရော တော်တော်လေးကို အချိန်ပေးပြီးတော့ တွေ့ဆုံခဲ့တာတွေ ရှိပါတယ်။ အဲဒီတော့ ဒီလို မီဒီယာတွေရဲ့ အခန်းကဏ္ဍနဲ့ ပတ်သက်ပြီးတော့၊ ပြည်တွင်းမှာရှိတဲ့ မီဒီယာတွေကိုလည်း လွတ်လပ်ခွင့်တွေ ပေးနေတယ်ဆိုတာ ကျနော်တို့ ကြားရပါတယ်။ သမ္မတကြီး အနေနဲ့ ရှေ့ဆက်ပြီးတော့ ဘာတွေ ဖြစ်စေချင်လဲ၊ ဘာတွေမြင်ချင်လဲ ဆိုတာ သိပါရစေ။ -“အမှန်ကတော့ ဒီ မီဒီယာတွေကတော့ အများသောအားဖြင့်တော့ ကိုယ့်တိုင်းပြည်ရဲ့ သိသင့်သိထိုက်တဲ့ ကိစ္စတွေကို ကြော်ငြာပေးတဲ့ သဘောပါ။ ကြောငြာပေးတဲ့ သဘော ဖြစ်တဲ့အတွက်ကြောင့် တိုင်းပြည်အနေနဲ့ ကျနော်တို့အနေနဲ့တော့ ကျေးဇူးတင်ရတာပေါ့။ မီဒီယာကို ကျေးဇူးတင်ရမယ့်သဘော ကျနော်တို့ ရှိပါတယ်။ ဒီလို တွေ့ဆုံ ပြောကြားပြီးမှပဲ ခင်ဗျားတို့ ခုနကလို ထုတ်ပြန်လိုက်တဲ့ဟာ၊ လွှင့်လိုက်တဲ့ ဟာတွေက အများပြည်သူ သိရှိမယ်၊ နားလည်မယ်၊ သဘောပေါက်သွားမယ် ဆိုတာ ဘာပဲဖြစ်ဖြစ် ကျနော်တို့ကတော့ ကျေးဇူးတင်ပါတယ်။”

ဒီနိုင်ငံမှာဆိုရင် အထူးသဖြင့် အမေရိကန်မှာပေါ့နော်၊ နိုင်ငံခြားရေးဌာန ဆိုရင် နိုင်ငံခြားရေးဌာနအလျောက် နေ့စဉ် သတင်းထုတ်ပြန်ချက် ရှိပါတယ်။ နောက်ပြီးတော့ အိမ်ဖြူတော် ဆိုရင်လည်း အိမ်ဖြူတော်ရဲ့ နေ့စဉ်သတင်း ထုတ်ပြန်တာ ရှိပါတယ်။ အလားတူပဲ သမ္မတကြီး ကိုယ်တိုင်လည်း လိုအပ်ရင် လိုအပ်သလို သတင်းစာ ရှင်းလင်းပွဲတွေ လုပ်လေ့ရှိပါတယ်။ နောက်ပိုင်းမှာရော သမ္မတကြီး အနေနဲ့ အချိန်ပေးနိုင်ရင် ဒါမျိုးတွေ လုပ်ပေးဖို့ ရှိနိုင်မလား။ -

“အမှန်တော့ ကျနော်တို့က ဒီမိုကရေစီ အလေ့အကျင့်လေး တဖြည်းဖြည်းနဲ့ ရင့်ကျက်လာရင် ဒါတွေက ကျနော်တို့ လုပ်သွားရမယ်။ အခုကတော့ ဒီမိုကရေစီ အတွေ့အကြုံတွေ၊ အလေ့အကျင့်တွေကလည်း တနှစ်ခွဲကာလအတွင်း ဆိုတော့ အတော်လေး ကျနော်တို့က နုနယ်ပါသေးတယ်။ နောင်ကျရင်တော့ ဒီမိုကရေစီ ကျင့်စဉ်နဲ့အညီ ဒါတွေ လုပ်သွားရမှာပါ။”

သမ္မတကြီးအနေနဲ့ အမေရိကန် ပြည်ထောင်စုကို သီးသန့် နိုင်ငံတော် အလည်အပတ် ခရီးစဉ် ထပ်လာဖို့ရော ရှိပါသေးသလား။ -

“လောလောဆယ်တော့ မရှိပါဘူး။”

ကျေးဇူးတင်ပါတယ်ခင်ဗျ။