Thursday, March 19, 2015

"ဇွန်သဉ္ဖာနှင့် စကော်လာ" (စိမ်းခက်စိုး)

 
ပြီးခဲ့တဲ့ တပတ်က ဇွန်သဉ္ဖာ စကော်လာရတာနဲ့ပတ်သတ်ပြီး အပုတ်ချပြောဆိုတာတွေ၊ ကာတွန်းတွေ ဖတ်ရတယ်။ အလုပ်မအားလို့ ဖုန်းလေးဖွင့် လိုက်ဖတ်ပြီးပဲ စိတ်မကောင်းဖြစ်ရတယ်။ 
စိတ်မကောင်းဖြစ်တာက ဒီလိုပါ။ ဇွန်သဉ္ဖာဆိုတဲ့ ဖော်ချွတ်မော်ဒယ်တစ်ယောက်ဟာ ရုပ်ထွက်၊ အသံထွက် ဂုဏ်သိက္ခာအခြေမလှတဲ့ အစိုးရအဖွဲ့က စီစဉ်တဲ့ပညာသင်ဆုသမ္မတစကော်လာရတယ်ဆိုတော့ အားလုံးက အစိုးရကိုကလော်ချင်တာနဲ့ သူမနဲ့နှိုင်း၊ သူမကို ကြားခံထားပြီး အစိုးရကို ဆဲကြ၊ ကလိကြ၊ လှောင်ကြတာပါ။


အခြေအနေကလည်း ကျောင်းသားအရေးအတွက် စိတ်မကောင်း၊ ဒေါသဖြစ်နေတဲ့
အချိန်ဆိုတော့ အစိုးရကို မုန်းတဲ့ စိတ်ဟာ အလွတ်တမ်း၊ အားမနပဆဲဆိုလို့ရတဲ့
သူမ ကနေတဆင့် အစိုးရကို ၀ိုင်းလှောင်ခဲ့ကြတော့ ကြားကနေ မိန်းမတစ်ယောက်
ရဲ့၊ အမျိုးသမီးတစ်ယောက်ရဲ့ ဂုဏ်သိက္ခာကို ထိခိုက်စော်ကားမိသလိုဖြစ်သွားစေတာ
ကို သတိထားမိလာပါတယ်။(ပြောသူတွေတော့ ဘယ်လိုနေတယ် မသိပါ။ ကျနော်က
တော့ လိုက်ဖတ်ရင်းကို ရှက်မိပါတယ်။)

မှန်ပါတယ်။ ဇွန်သဉ္ဖာဟာ အဖော်အချွတ်(တချို့အသုံး ဆက်ဆီမော်ဒယ်ပေါ့)မော်ဒယ်
တစ်ယောက်ပါ။ နောက် ပညာလိုလားတဲ့ မိန်းကလေးတစ်ယောက်ပါ။ ခေတ်ကြီးက
မကောင်းလို့သော်လည်းကောင်း၊ ၀ါသနာပါလို့သော်လည်းကောင်း၊ အသက်မွေးဝမ်း
ကြောင်းမှုအရသော်လည်းကောင်း သူ့အသက်မွေးဝမ်းကြောင်းမှုကို ထိုသို့ ရွေးချယ်ခဲ့
တာဖြစ်ကောင်းဖြစ်နိုင်ပါတယ်။
 
ဘယ်လိုပဲဖြစ်ဖြစ် မိန်းမတစ်ယောက်၊ အမျိုးသမီးတစ်ယောက်ဟာ သူဝါသနာပါရာ၊
သူယုံကြည်ရာ၊ သူ့အသက်ရှင်သန်ရေးအတွက် သူကြိုက်တဲ့ စားဝတ်နေရေးအလုပ်၊
အတတ်ပညာသင်ကြားခွင့်ကို သူ့မှာ ရွေးချယ်ပိုင်ခွင့်ရှိတယ်လို့ ကျနော်တော့ယုံကြည်
ပါတယ်။ အဲ့ဒီလို လုပ်ဖို့ကိုလည်း အားလည်းပေးပါတယ်။

သူဟာ ဖော်ချွတ်မော်ဒယ်အဖြစ် ရွေးချယ်ခဲ့မှုဟာ ဘယ်သူ့ဘ၀ကိုမှ ထိခိုက်ပျက်ဆီးမ
သွားဘူး။ ဘယ်သူ့ဂုဏ်သိက္ခာကိုမှ မထိခိုက်သွားဘူးဆိုရင်တော့ ကျနော်တို့ သူမရဲ့
အလုပ်အကိုင်းကို အလွတ်ကြီး စော်ကားခွင့်မရှိသလို၊ သူမရဲ့ ပညာသင်ကြားခွင့်ကို
လည်း အသိအမှတ်ပြုပေးရမှာပါ။ အားလည်း အားပေးရမှာပါ။

၂၀၀၄-၅ ၀န်းကျင်လောက်က ထင်ပါတယ်။ စင်္ကာပူကနေ အမေရိကမှာ ပညာတော်သင်
သွားတဲ့ အမျိုးသမီးလေးတစ်ဦးဟာ ပလေးဘွိုင်းမဂ္ဂဇင်းလင့်တွေနဲ့ ချိတ်မိပြီး တပြိုင်နက်
တည်းအကြာကြီးလိင်အဆက်ဆံခံနိုင်ဆုံးပြိုင်ပွဲဝင်ပြိုင်တာမှာ ယောင်္ကျား၁၀၀ကျော်နဲ့ တောက်
လျောက်လိင်ဆက်ဆံပြီး ဗိုလ်ဆွဲခဲ့ပါတယ်။ နောက်ဆက်တွဲအကျိုးဆက်ကတော့ သူမနေ
တဲ့အိမ်ကို စင်္ကာပူကလူတွေက တိုင်းပြည်သိက္ခာကျအောင်လုပ်လို့ဆိုပြီး ၀ိုင်းခဲနဲ့ထု၊ ၀ိုင်းရှုံ့
ချလို့ တစ်မိသားစုလုံးခြေရာဖျောက်ထွက်ပြေးခဲ့ရပါတယ်။ (ဒါတောင် စင်္ကာပူတိုင်းမ်းသတင်း
စာက နှစ်စဉ်ထင်ရှားသူများမွေးနေ့တွေမှာ သူမရဲ့ မွေးနေ့ကိုလည်း ထည့်သွင့်ဖော်ပြပေးတာ
ဖတ်လိုက်ရပါသေးတယ်။)

ပြောချင်တာက ဇွန်သဉ္ဖာဟာ တကယ်ပညာချွန်တဲ့ အမျိုးသမီးလေးဆိုရင် ဘယ်စကော်
လာကိုလျှောက်လျှောက်ရမှာပါ။ ရခွင့်လည်းရှိပါတယ်။ သူ့အသက်မွေးမှု၊ သူ့ရွေးချယ်
ထားတဲ့ အလုပ်ကို ကျောင်းကလက်မခံဘူးဆိုရင် ကျောင်းအုပ်ချုပ်သူ၊ ပညာတော်သင်
ဆုရွေးချယ်ရေးကော်မတီက ဆုံးဖြတ်ပါလိမ့်မယ်။ နောက်တစ်ခုစဉ်းစားရမှာက သမ္မတ
ပညာတော်သင်ဆုကိုလက်ခံတဲ့ ကျောင်းတွေ၊ အစိုးရတွေရဲ့ စိတ်ဓာတ်နဲ့ နောက်ကွယ်
ကရည်ရွယ်ချက်ကရော ဇွန်သဉ္ဖာရဲ့ တင်ပါးလောက် ရှင်းလင်းပြောင်တင်းရဲ့လားလို့
ကျနော်တို့ မေးလိုက မေးလို့ရပါသေးတယ်။

ကျနော့်မှာ ကိုးတန်းတုန်းက မိုး(နာမည်အရင်းမဟုတ်ပါ)ဆိုတဲ့ သူငယ်ချင်းမ တစ်
ယောက်ရှိခဲ့ဘူးပါတယ်။ ဆယ်တန်းရောက်တော့ မိုး ကျောင်းကထွက်သွားပြီး ဆံပင်ညှပ်
ဆိုင်တစ်ဆိုင်မှာ အလုပ်ဝင်သွားပါတယ်။ တခြားမိန်းကလေးသူငယ်ချင်းတွေနဲ့၊ မိဘ
တွေက မိုးနဲ့ ပေါင်းတာကို တားမြစ်လာပါတယ်။ ညီအမ နှစ်ယောက်သာရှိတဲ့ မိသားစုဘ
ဝမှာ စားဝတ်နေရေးဆိုတဲ့ မုန်တိုင်းကို အမကြီးဖြစ်တဲ့ မိုးက ရင်ဆိုင်ရတာပါ။ ဒါနဲ့ မိုးဟာ
သူငယ်ချင်းတော်တော်များများနဲ့ အဆက်အသွယ်ပြတ်သွားခဲ့ပါတယ်။

ဘာကြောင့်လဲဆိုတော့ အဲ့ဒီတုန်းက ဆံပင်ညှပ်ဆိုင်မှာလုပ်တဲ့ မိန်းကလေးဆိုတာ
လူတွေ အထင်သေးစရာ အသက်မွေးမှုအတန်းအစားတစ်ခုလိုဖြစ်ခဲ့တဲ့ ခေတ်လည်း
ဖြစ်နေတာကြောင့်ရယ်။ သူလုပ်တဲ့ဆိုင်ကလည်း စပွန်ဆာမကင်းတဲ့ ဆိုင်ရှင်အမျိုးသ
မီးကြီးပိုင်တဲ့ဆိုင်မို့ မိုးလည်း အဲ့ဒီစာရင်းထဲဝင်သွားတယ် ထင်ပါတယ်။

ဒါပေမယ့် မိုးနဲ့ အဆက်အသွယ်မပျက်ရှိခဲ့တာကတော့ ကျနော်နဲ့ နောက်သူငယ်ချင်း
ယောင်္ကျားလေးတစ်ယောက်ပါ။ ကျနော်တို့ကလည်း မိုးကိုခင်တာရော၊ သူဆို့ဆံပင်
ညှပ်ဆိုင်က မိန်းကလေးတွေနဲ့ ယောင်္ကျားလေးသဘာဝ ပရောပရီလုပ်ရတာကြောင့်
ရောကြောင့် အခင်အမင်မပျက်ခဲ့ပါ။

နောက်ပိုင်း ကျနော်နဲ့ သူငယ်ချင်းက စင်္ကာပူနဲ့ မလေးကို နှစ်နှစ်လောက်အလုပ်ထွက်
လုပ်၊ ပြန်လာတော့လည်း ကိုယ့်ရပ်တည်မှုနဲ့ကိုယ် လုံးပန်းရင်း မိုးကိုလည်း မေ့မေ့ပျောက်
ပျောက်ပါ။ တစ်နေ့ရပ်ကွက်ထဲက သူငယ်ချင်းတစ်ယောက် အမှုဖြစ်ပြီး အင်းစိန်ဘက်
မှာ တရားရင်ဆိုင်ရတဲ့အခါမှာ သူ့ဘက်က ရှေ့နေလိုက်ပေးတဲ့သူဟာ မိုးဖြစ်နေပါတယ်။

အဲ့ဒီတော့မှ မိုးဟာ ဆံပင်ညှပ်ဆိုင်မှာ ၀င်လုပ်ရင်းဆယ်တန်းဖြေ၊ ပြီးတော့ သူဝါသနာ
ပါတဲ့ ရှေ့နေအလုပ်လုပ်ဖြစ်ခဲ့တာဆိုတာ သူငယ်ချင်းတွေရော၊ ရပ်ကွက်ထဲက လူတွေ
ပါ သိလိုက်ရတာပါ။ မိုးကတော့ အေးဆေးပါ။ ခုချိန်ထိလည်း ရှေ့နေအလုပ်နဲ့ အသက်
မွေးနေတုန်းပါ။ (အဲ့ဒီလို ဘ၀ကို ဖြတ်သန်းရုန်းကန်နေတဲ့ မိန်းခလေးတွေ၊ အမျိုးသမီး
တွေ အများကြီးပါ။)

ဇွန်သဉ္ဖာအကြောင်းပြန်သွားရအောင်။ အဲ့တော့ ပညာသင်ဆုရတဲ့ ဇွန်သဉ္ဖာကို ၀ိုင်းနှိမ်
မယ့်အစား ဇွန်သဉ္ဖာကို တခြားပညာသင်ဆုပြောင်းလျှောက်ဖို့ ၀ိုင်းတောင်းဆိုသွား၊ ပ
ညာပေးသွားတာမျိုး မလုပ်သင့်ဘူးလား။ ဒီလိုမှ ပြောလို့မရရင်လည်း သူ့ရွေးချယ်မှုနဲ့သူ
လူ့လွတ်လပ်ခွင့်အရ သူမ ရွေးချယ်မှုကို ကျနော်တို့အသိအမှတ်မပြုနိုင်ဘူးလားလို့ ကျ
နော်စဉ်းတော့ စားမိပါတယ်။ အနည်းဆုံး လှစ်လျှူရှုထားလိုက်မယ်။

ဖော်ချွတ်မိန်းမတစ်ယောက်ဟာ မိန်းမကောင်းတစ်ယောက်မဟုတ်ဘူးဆိုရင်၊ ကျနော်
တို့လက်ခံထားတဲ့ မိန်းမကောင်းတစ်ယောက်ကို ဘာစံနဲ့တိုင်းသလဲလို့ ပြန်မေးရမှာ
ဖြစ်သလို၊ အဲ့ဒီစံနဲ့ ညီညွတ်သော မိန်းမကောင်းတစ်ယောက်ယောက်များ ခုခေတ်ကြီးမှာ
ရှိခဲ့လျှင်လည်း ဆွဲထုတ်ပြခဲ့ကြပါလို့ ထပ်မေးရမှာဖြစ်ပါတယ်။ ဒီလို မိန်းမတွေ ကောင်း
တယ်၊ မကောင်းဘူးပြောနေတာကိုက ကျနော်တို့ရဲ့ လူသားဆန်မှု၊ လူ့ဂုဏ်သိက္ခာပြည့်
ဝမှုကို အလေးထားရမှုတွေကို ကျနော်တို့ကိုယ်တိုင် ချိုးဖောက်မိနေပြီဆိုတာလည်း မမေ့ဖို့
လိုမယ်ထင်ပါတယ်။

အမျိုးသမီးတွေရဲ့ လွတ်လပ်စွာရှင်သန်ခွင့်၊ အမျိုးသမီးအခွင့်အရေးဆိုတာ အယုတ်အ
လတ်အမြတ်မရွေးသော မိန်းမတိုင်းမှာ ခံယူခွင့်၊ ရယူခွင့်ရှိရမှာဖြစ်ပါတယ်။ အမျိုးသ
မီးများနေ့မှာ အနည်းဆုံးစတေးတပ်လေးတစ်ခုလောက်ရှယ်ခဲ့တဲ့သူဟာ အစိုးရကို
မုန်းတီးစိတ်နဲ့ မိန်းကလေးတစ်ယောက်ရဲ့ လွတ်လပ်စွာပညာသင်ကြားခွင့်ကို မျက်
ကွယ်ပြုသလိုဖြစ်နေရင်တော့ ခင်ဗျားသိထားတဲ့ အမျိုးသမီးအခွင့်အရေးဆိုတာကို ပြန်
မေးခွန်းထုတ်ဖို့ လိုလာပါလိမ့်မယ်။

ကျနော်တို့ အစိုးရလုပ်ရပ်တွေကို လက်မခံနိုင်ဘူး။ တရားမမျှတဘူးထင်ရင် သူတို့ကို
တိုက်ရိုက် ရင်ဆိုင်လိုက်စေချင်ပါတယ်။ ပညာရေးဥပဒေကို စည်းကမ်းကျနစွာတောင်းဆို
ခဲ့တဲ့ ကျောင်းသားတွေလို၊ လစာနဲ့ အလုပ်သမားအခွင့်အရေးအတွက် ရဲရဲရင့်ရင့်တောင်း
ဆိုခဲ့ကြတဲ့ အလုပ်သမားတွေလို၊ အသက်ပါပေးပြီး တောင်းဆိုသွား လယ်သူမကြီးလို
ရင်ဆိုင်ကြစေချင်ပါတယ်။ အမျိုးသမီးတစ်ယောက်ရဲ့ အရှက်၊ သိက္ခာ၊ လွတ်လပ်ခွင့်
ကို နင်းပြီးတော့ (မတော်တဆနင်းမိတာလည်းဖြစ်ကောင်းဖြစ်မယ်ပေါ့) တိုက်ပွဲမ၀င်
ကြစေချင်ပါ။

တကယ်တော့ ကျနော်တို့ လုပ်ရမှာက ဇွန်သဉ္ဖာတင်မကဘူး၊ အဲ့ဒီ့ သမ္မတ စကော်လား
ရှစ်ရတဲ့ သူတွေအားလုံးက ကျောင်းသားတွေကို အကြမ်းဖက်နှိမ်နင်းတဲ့အတွက် စကော်
လာကို လက်မခံပဲ တညီတညွတ်တည်းပြန်အပ်အောင် ၀ိုင်းဝိုင်းစည်းရုံးသင့်တာမဟုတ်
လားလို့ အကြံပြုရင်း.......
 
ချစ်ခင်လေးစားစွာဖြင့်...

စိမ်းခက်စိုး

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့ စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အက်ဒမင်

အခြားကဏ္ဍများကို လေ့လာရန်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...