တပ်မတော်ရဲ့အခန်းကဏ္ဍကို ပြောင်းလဲမယ်လို့ မျှော်လင့်ပါတယ်...... ဂျင်မီကာတာနှင့်မေးမြန်းခန်း

ကိုသောင်း ပုလဲမြေ

Thursday, October 3, 2013
သတင်းမော်ကွန်း

ကမ္ဘာ့ရပ်မိရပ်ဖများအဖွဲ့မှ ဂျင်မီကာတာနှင့် မာတီအာတီဆာရီတို့အား ၎င်းတို့၏ မြန်မာနိုင်ငံခရီးစဉ်အပြီး စက်တင်ဘာလ ၂၆ ရက်နေ့ တွင် မြန်မာတိုင်း(မ်) အကြီးတန်းသတင်းထောက် အိအိတိုးလွင်
က သီးသန့်တွေ့ဆုံ မေးမြန်းခွင့်ရရှိခဲ့သည်။
* နိုဘယ်ဆုရှင်တစ်ယောက်အနေနဲ့မြန်မာ နိုင်ငံရဲ့ လက်ရှိ ငြိမ်းချမ်းရေးဖော်ဆောင်မှုအခြေအနေကို သုံးသပ်ပေးပါလား။

ဂျင်မီကာတာ - ငြိမ်းချမ်းရေးလုပ်ငန်းစဉ်တွေ နဲ့ပတ်သက်ပြီး ပြောရမယ်ဆိုရင်တော့ စိတ်ကျေနပ်
စရာကောင်းတဲ့ အနေအထားပါပဲ။ ဦးအောင်မင်းနဲ့ ဆွေးနွေးကြည့်တဲ့ အခါမှာတော့ သူလုပ်ဆောင်နေတာတွေနဲ့ သူ့ရဲ့ အနာ ဂတ်အစီအစဉ်တွေဟာ အင်မတန်မှ အားရ ကျေနပ်မိစရာ ကောင်းပါ
တယ်။ သူ့အနေနဲ့ တစ်နိုင်ငံလုံးအတိုင်းအတာဆောင်တဲ့ အပစ် ရပ်စဲရေး လက်မှတ်ရေးထိုးပွဲကိုကျင်းပနိုင်ဖို့ ကြိုးစားနေတယ်ဆိုတာကို သိခွင့်ရခဲ့တယ်။

ကျွန်တော်တို့ကိုရှင်းပြတဲ့အတိုင်း ပြန်ပြောရ မယ်ဆိုရင် ဒီတစ်နိုင်ငံလုံးဆိုင်တဲ့ အပစ်ရပ်စဲရေးလက်မှတ်ရေးထိုးပွဲဆိုတာ ဦးအောင်မင်းနဲ့ တိုင်းရင်းသားလက်နက်ကိုင် တစ်ခုချင်းစီရဲ့ ကြားထဲမှာ
ရရှိထားတဲ့ သဘောတူညီချက် ကတိ က၀တ်တွေကို အစိုးရအဖွဲ့၊ လွှတ်တော်နဲ့ တပ်မတော်အပါအ၀င် ကုလသမဂ္ဂနဲ့ နိုင်ငံတကာရှေ့မှောက်မှာ အတည်ပြုချင်လို့ဆိုတာကို သိရတယ်။

နောက်တစ်ချက်ကတော့ အချင်းချင်း ယုံကြည်မှုတည်ဆောက်တဲ့ သဘောပေါ့။ နောက်တစ်ဆင့်ကတော့ တိုင်းရင်းသားတွေ လိုလားတောင်းဆိုနေတဲ့ နိုင်ငံရေးဆွေးနွေးပွဲ တွေကျင်းပဖို့။ ဒီအဆင့်
ကတော့ အချိန်လည်း ယူရမှာဖြစ်သလို အခက်အခဲတွေလည်း ပိုများ လာမှာပါ။ ပြည်နယ်တစ်ခုချင်းစီနဲ့တိုင်းရင်းသားအုပ်စုတွေက တောင်းဆိုလာမယ့် ကိုယ်ပိုင်အုပ်ချုပ်ခွင့်၊ သဘာဝသယံဇာတခွဲဝေမှု၊ ကူးသန်းရောင်းဝယ်မှု စတဲ့ ကိစ္စရပ်တွေဟာ ဖြေရှင်းဖို့ ခက်ခဲတဲ့စိန်ခေါ်မှုတွေ ဖြစ်လာမှာပါ။
ဒီအတွက်လည်း သူ့အနေနဲ့ သေချာပြင်ဆင်ထားတယ်လို့တော့ သိရပါတယ်။

* အခု သိထားတဲ့အတိုင်း နိုင်ငံတော်သမ္မတက တစ်နိုင်ငံလုံးအတိုင်း အတာဆောင်တဲ့အပစ်ရပ်စဲရေးလက်မှတ်ရေးထိုးပွဲကို အောက်တိုဘာလထဲမှာ ကျင်းပနိုင်ဖို့ ကြိုးပမ်းနေတယ်လို့ သိရပါတယ်။ ဒါပေမဲ့ တိုင်းရင်းသား လက်နက်ကိုင်တပ်ဖွဲ့တွေကို မေးကြည့်တဲ့အခါ လက်ရှိ ရရှိထားတဲ့ ငြိမ်းချမ်းရေး သဘောတူညီချက်တွေကို ဒီထက်ခိုင်မာအောင်
တည်ဆောက်ပြီး နိုင်ငံရေးဆွေးနွေးပွဲ ကိုလုပ်ပေးဖို့ လိုလားတာ ကို တွေ့ရတယ်။ သူတို့ဘက်က ငြိမ်းချမ်းရေး လက်မှတ်ထိုးပြီး သားဖြစ်တဲ့အတွက် ထပ်ထိုးဖို့ လိုမလိုကို စဉ်းစားနေတဲ့ အနေအထားဖြစ်နေတယ်။ ဒီကိစ္စအပေါ်မှာ ဘယ်လိုမြင်လဲ။

ဂျင်မီကာတာ - လက်မှတ်ရေးထိုးပွဲလုပ်မယ်၊ ဘယ်တော့လုပ်မယ်ဆိုတဲ့ အချိန်အတိကျကိုတော့သမ္မတကြီးက ကျွန်တော်တို့ကို မပြောခဲ့ပါဘူး။ ကျွန်တော့်အနေနဲ့ဆိုရင်တော့ ဒီကိစ္စ အပေါ်မှာ
မှတ်ချက်ပေးဖို့ခက်တယ်။ ဦးအောင်မင်းရဲ့ ပြောကြားချက်အရ ခိုင်မာတဲ့ အပစ်ရပ်စဲဖို့အတွက် ဒါဟာအကောင်းဆုံးချဉ်းကပ်မှု တစ်ခုဖြစ်တယ် ဆိုတာပါပဲ။ တိုင်းရင်းသားလက်နက်ကိုင်အဖွဲ့တချို့က
ဦးအောင်မင်းနဲ့ ချုပ်ဆိုထားတဲ့ သဘောတူစာချုပ်တွေ အပေါ် သံသယရှိနေတုန်းပဲ။

ဘာကြောင့်လဲဆိုတော့ အတိတ်ကာလတုန်းကလည်း ဒီလိုသဘောတူ စာချုပ်တွေ ချုပ်ဆိုခဲ့ပေမယ့် ရရှိထားတဲ့ သဘော တူညီချက်တွေကို အပြည့်အ၀ အကောင် အထည် မဖော်နိုင်ခဲ့ကြဘူး။
ဒီတော့ ဒီပွဲဟာ နှစ်ဖက်ကြားမှာ ယုံကြည်မှုတည်ဆောက်နိုင်မယ်လို့ ဦးအောင်မင်း ယူဆတယ်။နောက်တစ်ချက်က ငြိမ်းချမ်းရေး ဖော်ဆောင်တဲ့အခါမှာ ဦးအောင်မင်းက တပ်မတော်ကာကွယ်ရေးဦးစီးချုပ်၊ ကချင်ပြည်နယ် အပါအ၀င် အခြားပြည်နယ်က လက်နက်ကိုင် တိုင်းရင်းသားတပ်ဖွဲ့
ထိပ်တန်းခေါင်းဆောင်တွေနဲ့ ဆွေးနွေးဆောင်ရွက်တယ်လို့ ပြောပါတယ်။

ကျွန်တော်ယူဆတာကတော့ ငြိမ်းချမ်းရေးဆိုတာကို သဘောမတူတဲ့အုပ်စုက အနည်းအကျဉ်းလောက်ပဲ ရှိမှာပါ။ ဦးအောင်မင်းအနေနဲ့က အဓိကအုပ်စုတွေနဲ့ ငြိမ်းချမ်းရေး တည်ဆောက်နိုင်ပြီးစစ်တိုက်နေမယ့်အစား ငြိမ်းချမ်းမှုက ရရှိလာမယ့် အကျိုးအမြတ်တွေကိုအားလုံး နားလည် လက်ခံ
လာအောင် လုပ်ဆောင်နိုင်မှာပါ။ မာတီအာတီဆာရီ လက်ရှိအခြေအနေအရ ငြိမ်းချမ်းရေးအတွက်ကြိုတင်ပြင်ဆင်တဲ့ အဆင့်တစ်ခုကို ရောက်နေပါတယ်။ အဓိကကတော့ နိုင်ငံရေးဆွေးနွေးပွဲတွေကျင်းပနိုင်ဖြစ်ဖို့ပဲ။

ကျွန်တော်ကတော့ ဒီနှစ်မကုန်ခင်မှာ ငြိမ်းချမ်းရေး သဘောတူညီချက်ကို အားလုံး လက်မှတ်ရေးထိုးနိုင်ဖို့ မျှော်လင့်ပါတယ်။ ဒီကမှတစ်ဆင့် နှစ်ပေါင်းများစွာ အမြစ်တွယ်နေတဲ့ ပြသနာတွေကို
ဖြေရှင်းနိုင်တဲ့ လမ်းကြောင်းတစ်ခုပေါ် တက်လှမ်းနိုင်မှာပါ။ အပစ်မရပ်ဘဲ၊ ငြိမ်းချမ်းရေး သဘော တူညီချက်မထိုးဘဲနဲ့တော့ ပြဿနာတွေ ဖြေရှင်း ဖို့ဆိုတာ အင်မတန် ခက်ခဲမှာပါ။ ကျွန်တော်
ယူဆတာကတော့ အားလုံးဟာ ဒီလမ်းကြောင်းပေါ် တက်ညီလက်ညီ တက်ပြီးတော့ နိုင်ငံရေးစကားဝိုင်းတွေဆီသွားဖို့ လိုပါတယ်။ ဒီလမ်းကြောင်းပေါ်ကို အားလုံးရောက်ရှိအောင် တွန်းအားပေး
ဖို့လည်း လိုပါတယ်။ အရေးကြီးဆုံးကတော့ ငြိမ်းချမ်းတဲ့ လူမှုအဖွဲ့ အစည်းတစ်ရပ်ကိုတည်ဆောက်ဖို့အတွက် အတိတ်က အာဃာတ အမုန်းတရားတွေကို ရှောင်ရှားရမယ်ဆိုတာပဲ။

* တိုက်ပွဲ ပြန်လည်ဖြစ်ကြတဲ့ အဓိကအချက်က တပ်မတော်ကြောင့်လို့ ဝေဖန်မှုတွေရှိတယ်။ ဘယ်လို သုံးသပ်မိပါလဲ။ ခိုင်မာတဲ့ အပစ်ရပ်စဲရေးရဖို့ ဘာတွေလုပ်ဆောင်ဖို့လိုမလဲ။

မာတီအာတီဆာရီ - အခုလောလောဆယ်အခြေအနေကို သုံးသပ်ရမယ်ဆိုရင် ငြိမ်းချမ်းရေးဖြစ်စဉ်ဆိုတာကို အကောင်အထည်ဖော် ဆောင်နေတဲ့အဆင့်ပါပဲ။ မတူညီတဲ့အုပ်စုတွေနဲ့ စေ့စပ်ညှိနှိုင်းမှုတွေ ပြုလုပ်ဆဲ အဆင့်ပေါ့။ ဒါဟာ ငြိမ်းချမ်းရေးဖြစ်စဉ်ရဲ့ ကနဦးအဆင့်ပဲ ရှိသေးတာပါ။
ဒီကနေမှ ယုံကြည်မှုတွေ တည်ဆောက်ပြီး ဆက်ဆောင်ရွက်ရမှာ။ ငြိမ်းချမ်းရေးဆိုတာ တစ်ခဏနဲ့မရနိုင်ပါဘူး။

တစ်ကမ္ဘာလုံးမှာဖြစ်နေတဲ့ တိုင်းရင်းသား ပဋိပက္ခ အခြေအနေတွေကိုလည်း နားလည်ဖို့လိုပါတယ်။ကျွန်တော့် အတွေ့အကြုံအရ ပြောရယ်ဆိုရင် အမှန်တကယ် အပစ်မရပ်ဘဲ ငြိမ်းချမ်းရေးတည်ဆောက်လို့ မရနိုင်ဘူး။ ဒါကြောင့် တစ်ဖက်နဲ့တစ်ဖက် အမုန်းပွားမှု၊ နားလည်မှုလွဲမှားနိုင်တာ
တွေကို ရှောင်ရှားပြီး ငြိမ်းချမ်းရေးစကားတွေ ပြောနိုင်ဖို့ တိုက်တွန်းချင်တယ်။

* မြန်မာနိုင်ငံမှာ ဖက်ဒရယ် တပ်မတော်တစ်ရပ် ထူထောင်နိုင်မယ့် အလားအလာရှိတယ်လို့ မြင်လား။

မာတီအာတီဆာရီ - ယေဘူယျအား ဖြင့်ဆိုရင်တော့ ဒီမိုကရေစီစနစ်ကို ဖော်ဆောင်နေတဲ့ နိုင်ငံ
တိုင်းမှာ စစ်တပ်ရဲ့ အခန်းကဏ္ဍဟာလည်း အပြောင်းအလဲတွေရှိစမြဲပါပဲ။ ဒီမိုကရေစီ လူ့အဖွဲ့အစည်းမှာ တပ်မတော်ကလည်း အပြောင်းအလဲတွေလုပ်ဖို့ ကြိုပြင်ဆင်ပြီးသားလို့ ကျွန်တော် မျှော်လင့်ပါ
တယ်။ ဒါပေမဲ့ အချိန်တော့ယူရမယ်။ ဘယ်လိုပြောင်းလဲမယ်ဆိုတာကတော့ စောင့်ကြည့်ရမှာပေါ့။
ဒီခရီး စဉ်အတွင်းမှာလည်း မတူညီတဲ့ အဖွဲ့အစည်းပေါင်းစုံနဲ့ ကျွန်တော်တို့ ဆွေး နွေးခွင့်ရခဲ့တယ်။

အံ့ဩဖို့ အားကောင်းတာက အားလုံး အရှေ့ကိုချီတက်ဖို့ စိတ်အားထက်သန်နေတာပဲ။ ဒီမိုကရေစီ
စနစ်ထူတောင်တဲ့နိုင်ငံတွေမှာ တွေ့ရ လေ့ရှိတဲ့ မတူညီတဲ့ အဖွဲ့အစည်းတွေမှာ မတူညီတဲ့ အမြင်
တွေရှိနေတာကိုလည်း သိခွင့်ရခဲ့တယ်။ ဒီလို မတူညီတဲ့ အမြင်တွေရှိပေမယ့် အားလုံးတစ်သားတည်းဖြစ်အောင် စုစည်းနိုင်တာကိုလည်း တွေ့ရတယ်။ သူတို့ဟာ စည်းစည်းလုံးလုံးညီညီညွတ်ညွတ်နဲ့ တိုင်းပြည်ရဲ့ လက်ရှိ ချီတက်နေတဲ့ အပြု သဘောဆောင်တဲ့ ဆောင်ရွက်ချက်
တွေကို နှောင့်ယှက်ဖျက်ဆီးမယ့် ဘယ်အဖွဲ့အစည်းကိုမှ ခွင့်ပြုမှာမဟုတ်ပါဘူး။ ဒီအနေအထားဟာနောက်ပြန် လှည့်ဖို့အတွက် မလွယ်ကူပါဘူး။

* တိုင်းရင်းသားတွေကငြိမ်းချမ်းရေး နိုဘယ်ဆုရှင်ဖြစ်တဲ့ ဒေါ်အောင်ဆန်း စုကြည်ကိုတိုင်းရင်းသား စည်းလုံးညီညွတ်မှုကို ခိုင်မြဲအောင် ဆောင်ရွက်ပေးနိုင်မယ်လို့ မျှော်လင့်
ထားတော့ သူတို့မျှော်လင့်သလို လုပ်ပေးနိုင်မယ်လို့ ထင်ပါသလား။

ဂျင်မီကာတာ - ဒါကတော့ ကျွန်တော်လည်း မသိနိုင်သလို ဘယ်သူမှလည်း အတိအကျမပြောနိုင်ပါဘူး။ ကျွန်တော့်အမြင်တော့ အခုစီစဉ်နေတဲ့ တစ်နိုင်ငံလုံးအတိုင်းအတာဆောင်တဲ့ အပစ်ရပ်စဲ
ရေး လက်မှတ်ရေးထိုးတဲ့အချိန်မှာ ပါလီမန်မှာရှိတဲ့ အနိုင်ရ ပါတီက အမတ်တွေနဲ့အတူအတိုက်အခံပါတီဖြစ်တဲ့ အမျိုးသားဒီမိုကရေစီ အဖွဲ့ချုပ်က အမတ်တွေကလည်း ထောက်ခံ
အတည်ပြုပေးဖို့ လိုတယ်။ သူ့အနေနဲ့လည်း ဒီလိုလုပ်ဆောင်ဖို့ စိတ်အားထက်သန်မယ်လို့ကျွန်တော် ယူဆပါတယ်။

* သမ္မတနဲ့လည်း တွေ့ဆုံခွင့်ရတယ်ဆိုတော့ အနာဂတ် ပူးပေါင်း ဆောင်ရွက်ဖို့သဘောတူညီချက်၊ ကတိ က၀တ် ရခဲ့တာမျိုးရှိလား။

ဂျင်မီကာတာ - အနာဂတ်အစီအစဉ် နဲ့ ပတ်သက်ပြီး ကျွန်တော်တို့ကြားမှာ တရားဝင် သဘောတူညီချက်ရဖို့ မလိုအပ်သေးပါဘူး။ ဒါပေမဲ့ အခုလာတာ အဖွဲ့ဝင် သုံးယောက်ပဲ ဆိုပေမယ့်ကျွန်တော်တို့အဖွဲ့အစည်းကို သမ္မတကြီးက ကြိုဆိုလက်ခံခဲ့သလို အသိအမှတ်လည်း ပြုခဲ့ပါတယ်။
အခု မြန်မာ နိုင်ငံရဲ့ အသွင်ကူးပြောင်းရေးကာလမှာ The Elders က ဘယ်အခန်းကဏ္ဍကိုမဆိုကူညီဖို့ စိတ်အားထက်သန်တယ်ဆိုတာကိုလည်း သူကောင်းကောင်း နားလည် လက်ခံခဲ့ပါတယ်။ငြိမ်းချမ်းရေး၊ တရားမျှတမှုနဲ့ လူ့အခွင့်အရေး ကိစ္စတွေမှာ ကူညီဖို့ ကမ်းလှမ်းမယ်ဆိုရင် ကျွန်တော်တို့ဘက်ကလည်း ၀မ်းမြောက်ဝမ်းသာ ကူညီမှာ ဖြစ်ပါတယ်။
လန်ဒန်မြို့အခြေစိုက် ကမ္ဘာ့ရပ်မိရပ်ဖများအဖွဲ့ (The Elders) မှ အဖွဲ့ခေါင်းဆောင် အမေရိကန်သမ္မတဟောင်းနှင့် ငြိမ်းချမ်းရေးနိုဘယ်ဆုရှင် ဂျင်မီကာတာ၊ အဖွဲ့ဝင်များဖြစ်သည့် ဖင်လန်နိုင်ငံ
သမ္မတဟောင်း မာတီအာတီဆာရီနှင့် နော်ဝေနိုင်ငံဝန်ကြီးချုပ်ဟောင်း ဂရိုဟာလမ်ဘရန့်တ်လမ်း တို့သည် စက်တင်ဘာလ ၂၄ ရက်နေ့မှ ၂၆ ရက်နေ့အထိ မြန်မာနိုင်ငံသို့လာရောက်ခဲ့ကြသည်။ ၎င်းတို့သည် သမ္မတ ဦးသိန်းစိန်အပါအ၀င် အစိုးရအဖွဲ့ အဆင့်မြင့်အရာရှိကြီးများ၊ နိုင်ငံရေးနှင့် ဘာသာရေးခေါင်းဆောင်များ၊ အမျိုးသမီးအဖွဲ့အစည်းများ၊ အရပ်ဘက် အဖွဲ့အစည်းများနှင့် တွေ့ဆုံခဲ့ကြသည်။ ၎င်းတို့လာရောက်သည့်ရည်ရွယ်ချက်မှာမြန်မာ နိုင်ငံ၏ နိုင်ငံရေးအရ အသွင်ကူးပြောင်းမှုအား ပံ့ပိုးကူညီရန်၊ အစိုးရနှင့် လက်နက်ကိုင်တိုင်းရင်းသားအဖွဲ့အစည်းများကြား ငြိမ်းချမ်ရေးဖြစ်စဉ်ကို တွန်းအားပေးရန်နှင့် မိမိလူမှုအသိုင်း အ၀ိုင်းအတွင်း အချင်းချင်းပြေ လည်အောင် ကြိုးစားညှိနှိုင်း အဖြေရှာရေးအတွက် ကူညီရန်တို့ဖြစ်သည်။

myanmar.mmtimes