ခ၀ါသည်များ သတိထား (၁)

Thanda Win

စိတ်ပညာမှာတော့ ဦးဏှောက်အဆေးခံရခြင်းကို အတွေးအခေါ်ပြုပြင်ခံရခြင်းလို့ ခေါ်ပါတယ်။ လူမှုဆက်ဆံရေးမှာ လွှမ်းမိုးခံရတာပေါ့။ ဒါမျိုးက နေ့တိုင်း၊ အချိန်တိုင်း၊ နေရာတိုင်းမှာဖြစ်နေကျပါ။ လူတစ်စုက အခြားသူတစ်စုအပေါ် စိတ်နေစိတ်ထား၊ ယုံကြည်မှုနဲ့ အပြုအမူတွေ ပြောင်းလဲသွားအောင် နည်းမျိုးစုံသုံးနိုင်ပါတယ်။

ဦးဏှောက်ဆေးခြင်းမှာ ၃ ဆင့်ရှိပါတယ်။
-------------------------------------------
(၁) ဒါ လုပ်လိုက် လို့ တိုတိုတုတ်တုတ်အမိန့်ပေးတဲ့နည်းပါ။ အပြုအမူကိုသာရည်ရွယ်ပြီး အတွေးအမြင်ပြောင်းဖို့မပါပါဘူး။

(၂) ဒါလုပ်လိုက်ပါ။ ဘာကြောင့်လည်းဆိုတော့ ခင်ဗျားစိတ်ထဲမှာ ပျော်သွားမယ်၊ အောင်မြင်တယ်လို့ ထင်သွားမယ်၊ ကျန်းမာလာတယ်လို့ ခံစားရမယ် စသဖြင့် စိတ်နေသဘောထားပြောင်းသွားအောင်ရည်ရွယ်ပါတယ်။

(၃) ဒါလေးလုပ်လိုက်ပါ။ ဘာကြောင့်လည်းဆိုတော့ ခင်ဗျားမှန်တယ်လို့ သိနေလို့ပဲ။ ဒါကတော့ ယုံကြည်မှုကိုပါ ပြောင်းပစ်လိုက်တာပါ။

ဦးဏှောက်ဆေးခြင်းဆိုတာ ပြင်းပြင်းထန်ထန်လွှမ်းမိုးရန်ကြိုးစားခြင်းဖြစ်ပြိး လူတစ်ယောက်ရဲ့ခွင့်ပြုချက်မပါပဲ အတွေးအမြင်တွေပြောင်းပစ်တာမျိုးပါ။

ဒီနည်းလမ်းကို ပြုလုပ်ဖို့အတွက် အချက် ၄ ချက် လိုအပ်ပါတယ်။
----------------------------------------------------------------------
(၁) ပတ်ဝန်းကျင်ကို ထိန်းချုပ်ခြင်း

ချစ်ခင်ရတဲ့ မိသားစု၊ သူငယ်ချင်း၊ ကြီးပြင်းနေထိုင်ခဲ့တဲ့ ပတ်ဝန်းကျင်အသိုင်းအ၀ိုင်းကနေ လုံးဝသီးခြားခွဲထုတ်ပစ်လိုက်တာပါ။ လုံးဝအဆက်အသွယ်ဖြတ်တောက်ပစ်ပြီး အထီးကျန်ခံစားရစေတာ၊ ပတ်ဝန်းကျင်အသစ်ထဲကို ကပြောင်းကပြန်ပစ်ထည့်လိုက်တာမျိုးပါ။
ဥပမာ -- ထောင်ချတာ။ Camp သွင်းတာ။ စစ်သုံ့ပန်းစခန်းတွေမှာ ထားတာ။

(၂) ကိုယ်ပိုင်အမှတ်အသားများကို ဖျက်ဆီးခြင်း

ပြင်ပကမ္ဘာမှာ ပိုင်ဆိုင်ခဲ့တဲ့ ကိုယ့်ရဲ့ ကိုယ်ပိုင်သင်္ကေတတွေကို အတင်းအကြပ်ဖျက်ခံရပါတယ်။ ငါ ဘာလဲ ဆိုတာပျောက်သွားတဲ့အထိ တစ်ဦးချင်းအပေါ်မှာ အုပ်စုလိုက်ကြီးက ငါတို့မှန်တယ်၊ မင်းမှားတယ်ဆိုတာမျိုး ရိုက်သွင်းတတ်ပါတယ်။ မင်း ယောက်ျားမဟုတ်တော့ဘူး။ ဘုန်းကြီးမဟုတ်တော့ဘူး စသဖြင့် မောပန်း၊ မူးဝေပြီး နေ့မှန်းညမှန်းမသိတော့တဲ့အထိ ပြင်းထန်တတ်ပါတယ်။ နောက်တစ်ဆင့်ကတော့ ကိုယ့်ကိုယ်ကို အပြစ်ရှိတယ်လို့ ထင်လာအောင်၊ သူတို့ပြောတာအမှန်ပဲလို့ လက်ခံလာအောင် ဖိအားပေးတတ်ပါတယ်။ နောက်ဆုံးမှာတော့ ငါ ဘယ်သူလဲ၊ ဘာလုပ်ဖို့လဲ ဆိုတဲ့ မေးခွန်းမျိုးပြန်မေးလာတဲ့အထိပါပဲ။ စိတ်ပညာအရတော့ ရူးကြောင်ကြောင်ဖြစ်သွားတာပေါ့လေ။

(၃) သင်္ကေတအသစ်များကို သွပ်သွင်းခြင်း

ဒီအချိန်မှာ ကူညီပါရစေလို့ ၀င်လာပါတယ်။ ကြင်ကြင်နာနာဆက်ဆံပါတယ်။ ကယ်တင်ရှင်ပုံဖမ်းပါတော့တယ်။ ၀န်ခံလိုက်ပါ။ မင်းဟာမင်းမဟုတ်ဘူး။ ငါတို့ ပြောတဲ့ လူအသစ်လို့ ဆိုလာပါတယ်။ ပတ်ဝန်းကျင်အသစ်ထဲမှာ အုပ်စုလိုက်ကြီးက မင်းဘာလဲ ဆိုတဲ့ အမှတ်သညာအသစ်တွေကို သွပ်သွင်းပါတယ်။ ဘယ်လိုအကြောင်းပြချက်မှ ပေးခွင့်မပြုပဲ၊ ဆုံးဖြတ်ခွင့်မရှိပဲ၊ ရွေးချယ်ခွင့်လည်း မရှိပဲနဲ့ပေါ့လေ။

(၄) သီးသန့်ခွဲထုတ်ထားခြင်း

ထောင်ထဲမှာတောင်မှ တိုက်ပိတ်ထားတာမျိုးပါ။ အကြောက်တရားက ၀န်းကျင်တစ်ခုလုံးကို စိုးမိုးထားပြီး လှောင်ချိုင့်မိနေစေပါတယ်။ ကြောက်နေတော့ နာခံလွယ်တာပေါ့။

ဒီလို ဒုက္ခပေးနိုင်တဲ့၊ အန္တရာယ်ရှိနိုင်တဲ့ ခေါင်းဆောင်တွေ၊ အုပ်စုတွေရဲ့ လက္ခဏာတွေကတော့
------------------------------------------------------------------------
(၁) အကြွင်းမဲ့အာဏာရှင်များဟာ သင့်လျော်တဲ့တာဝန်ယူမှုကင်းမဲ့ပြီး အကန့်အသတ်မဲ့ ထိန်းချုပ်လိုကြပါတယ်။

(၂) မေးခွန်းတွေ၊ စုံစမ်းစစ်ဆေုးတာတွေကို လုံးဝ လုပ်ခွင့်မပြုပါဘူး။

(၃) အကြောက်တရားဟာ ပြင်ပကမ္ဘာက လာနိုးနိုး၊ ချောက်ထဲပဲ ကျနိုးနိုး၊ အတွင်းသူလျှိုက သတင်းပေးနိုးနိုးနဲ့ ကျီးလန့်စာစားဖြစ်နေအောင် ဖိအားပေးထားတတ်ပါတယ်။

(၄) နောက်လိုက်တွေဟာ သူတို့အနေနဲ့ လိုသေးတယ်၊ ဒီထက်ကောင်းအောင်လုပ်နိုင်သေးတယ်လို့ အမြဲခံစားရစေပါတယ်။ ကျေနပ်နှစ်သိမ့်တယ်ဆိုတာ မရှိပါဘူး။

(၅) ဘယ်လိုအကြောင်းပြချက်နဲ့မှ နှုတ်ထွက်လို့မရပါဘူး။ ယခင်နှုတ်ထွက်သွားသူတွေဟာ လူမိုက်တွေ၊ လူဆိုးတွေ၊ ပုန်ကန်သူတွေသာ ဖြစ်တယ်လို့ သိမှတ်စေပါတယ်။

ဆက်ရန်။ ။

သန္တာဝင်း
(၀၉.၁၀.၁၃ )

ကိုးကား။
၁။ http://drphil.com/articles/article/578
၂။ http://science.howstuffworks.com/life/inside-the-mind/human-brain/brainwashing.htm
၃။ http://www.cracked.com/article_16656_6-brainwashing-techniques-theyre-using-you-right-now.html

—