17.10.2012 နေ့ဖတ်ရန်သတင်းများ

by Myanmar Journal on Wednesday, October 17, 2012 at 12:15am ·

OIC ရုံးကိစ္စ ပြန်ရှင်းပါ

 OIC ခေါ် အစ္စလာမ်နိုင်ငံများ ပူးပေါင်းဆောင်ရွက်ရေးအဖွဲ့ရဲ့ ဆက်သွယ်ရေးရုံး မြန်မာပြည်ထဲမှာ ဖွင့်ခွင့်မပြုဘူးလို့ မြန်မာအစိုးရက ဆုံးဖြတ်ခဲ့ရာမှာ တရားဝင် အကြောင်းကြားစာ မရသေးတဲ့အပြင် အခုလို ဆုံးဖြတ်ချက်အပေါ် ဖြေရှင်းချက်ပေးဖို့ တောင်းခံစာတစ်စောင်ကိုလည်း မြန်မာအစိုးရထံ ပို့ထားတယ်လို့ OIC အဖွဲ့က ဆိုပါတယ်။

အဖွဲ့ဝင်ပေါင်း ၅၇ နိုင်ငံတဲ့ ဒီ OIC အစ္စလာမ်နိုင်ငံများအဖွဲ့ရဲ့ သတင်းပြန်ကြားရေးဌာနက မစ္စ် မဟာ ရက်ခီးက ရခိုင်ပြည်က ဒုက္ခသည်တွေကို ကူညီရေး အတွက် ရုံးဖွင့်ဖို့ကို ပြီးခဲ့တဲ့လကပဲ မြန်မာ အစိုးရနယ်စပ်ဝန်ကြီးနဲ့ နားလည်မှု စာချွန်လွှာ လက်မှတ်ထိုးခဲ့တာကြောင့် အခုလို ဖျက်သိမ်း လိုက်တာကိုလည်း ရှင်းပြဖို့ မြန်မာအစိုးရမှာ တာဝန်ရှိတယ်လို့ ဆိုလိုက်တာပါ။

မစ္စ် မဟာကပဲ နယ်စပ်ဝန်ကြီး ဦးသိန်းဌေးနဲ့ OIC အဖွဲ့ရဲ့ ကုလသမဂ္ဂဆိုင်ရာ အမြဲတမ်း လေ့လာရေး ကိုယ်စားလှယ် အဖွဲ့ သံအမတ်ကြီးတို့ကြား စက်တင်ဘာလက နားလည်မှုစာချွန်လွှာ လက်မှတ် ထိုးရာမှာ ရန်ကုန်နဲ့ စစ်တွေ မြို့ကြီးတွေမှာ ဆက်သွယ်ရေးရုံးဖွင့်ဖို့ကိုလည်း ထည့်သွင်းခဲ့တယ်လို့ ဆိုပါတယ်။ မြန်မာနိုင်ငံထဲက ရန်ကုန်၊ မန္တလေးနဲ့ စစ်တွေ မြို့ကြီးတွေ အပါအဝင် မြို့ကြီးတချို့မှာ OIC ရုံးဖွင့်ရေးကိုဆန့်ကျင်တဲ့ သံဃာတော်နဲ့အမျိုးသမီးဆန္ဒပြပွဲတွေ ဖြစ်လာနေချိန်မှာ မြန်မာအစိုးရက OIC ရုံး မဖွင့်ဖို့ကို မနေ့က ကြေညာပေးခဲ့တာ ဖြစ်ပါတယ်။

မြန်မာနိုင်ငံထဲ ဂျွန်လမှာ စဖြစ်ခဲ့တဲ့ ရခိုင်မြောက်ပိုင်းက ရခိုင် ဗုဒ္ဓဘာသာဝင်တွေနဲ့ ရိုဟင်ဂျာ မွတ်ဆလင်တွေကြား ပဋိပက္ခတွေအတွင်း သေဆုံးခဲ့ရသူ ၇၀ ကျော် ရှိခဲ့ပြီး ဒုက္ခသည်ပေါင်း ၈၀,၀၀၀ ပတ်ဝန်းကျင်ရှိလာခဲ့ချိန်မှာ OIC အဖွဲ့က ဒီပဋိပက္ခ ထပ်မဖြစ်အောင် စောင့်ကြည့်ရင်းနဲ့ ဒုက္ခသည်တွေ ကူညီရေးအတွက် မြန်မာနိုင်ငံကို သွားလည်ခဲ့ပြီး နားလည်မှုစာချွန်လွှာကို လက်မှတ်ရေးထိုးခဲ့တာ ဖြစ်ပါတယ်ခင်ဗျာ။

ကမ္ဘာကျော် ပန်းချီကားတွေ အခိုးခံရ

ရော့တာဒန်မြို့ ပြတိုက်တစ်ခုထဲက ပီကာဆို၊ မတ်တီ့စ်၊ မိုနေးတို့ အပါအ၀င် ပန်းချီ ကျော်တွေရဲ့ လက်ရာ ပန်းချီကား ၇ ချပ် အခိုးခံရတယ်လို့ ဒတ်ခ်ျ ရဲတွေက ပြောကြား လိုက်ပါတယ်။ အင်္ဂါနေ့ လင်းအားကြီးမှာ သူခိုးတွေက ကွန်စသာ ပြတိုက်က အချက် ပေး ခေါင်းလောင်းကို ချိုးဖျက်ပြီး ရဲတွေမရောက်ခင် ပန်းချီကားတွေကို ထုတ်ယူသွား ကြတာပါ။

ပန်းချီကား ခိုးယူမှုဟာ မကြာသေးမီ နှစ်တွေအတွင်း   နယ်သာလန်နိုင်ငံရဲ့ အကြီးဆုံး ခိုးမှု ဖြစ်ပါတယ်။ အာဏာပိုင်တွေဟာ ပြတိုက်မှာရှိတဲ့ ဗွီဒီယို တိပ်ခွေတွေကို ဆန်းစစ် နေကြပြီး ဒီ စနစ်တကျ ခိုးယူမှုနဲ့ ပတ်သက်လို့ မျက်မြင် သက်သေတွေရှိခဲ့ရင် အကြောင်းကြားကြဖို့ မေတ္တာရပ်ခံထားပါတယ်။

ပန်းချီ ကျွမ်းကျင်သူတွေကတော့ ဒီပန်းချီကားတွေကို လေလံတင်မယ်ဆိုရင် ဒေါ်လာ ကုဋေနဲ့ချီ တန်ဖိုးရှိတယ်လို့ ဆိုပါတယ်။ ဒါပေမယ့် သူခိုးတွေက ပန်းချီကားတွေကို လေလံဈေးကွက်မှာ တင်ရောင်းဖို့ မဖြစ်နိုင်ပါဘူး။ ဘာကြောင့်လဲဆိုတော့ ဒီ ပန်းချီကားတွေက လူသိများ ကျော်ကြားပြီး ခိုးယူခံရတယ်ဆိုတာလည်း သတ်မှတ်ထားလို့ပါ။ သူခိုးတွေ အနေနဲ့ ဒီပန်းချီကားတွေကို ငွေနဲ့ ရွေးယူဖို့ ကမ်းလှမ်းနိုင်တယ်ဆိုပြီးလည်း တချို့က ပြောပါတယ်ရှင်။

သမ္မတလောင်းနှစ်ဦးရဲ့ ဒုတိယ စကားစစ်ထိုးပွဲစ

သူတို့နှစ်ဦးအကြား မဲရလဒ် သိပ်ကွာမှာ မဟုတ်ဘူးလို့ ခန့်မှန်းနေကြကြောင်း လူထုစစ်တမ်းတွေအရ သိရ

အမေရိကန်သမ္မတ အိုဘားမားနဲ့ ပြိုင်ဘက် ရီပတ်ဘလီကန် သမ္မတလောင်း မစ်တ် ရော်မနီတို့ ရဲ့ ဒုတိယအကြိမ် အခြေအတင် စကားစစ်ထိုးပွဲကို ရုပ်မြင်သံကြားကနေ မကြာခင်နာရီပိုင်းအတွင်း တိုက်ရိုက်ထုတ်လွှင့် ပြသတော့မှာ ဖြစ်ပါတယ်။

လွန်ခဲ့တဲ့ သီတင်းနှစ်ပတ်လောက်က လုပ်ခဲ့တဲ့ ပထမအကြိမ် စကားစစ်ထိုးပွဲမှာ အခြေမလှ ဖြစ်ခဲ့ရတာကို ဒီပွဲမှာ ပြန်အဖတ်ဆယ်နိုင်ဖို့ သမ္မတ အိုဘားမားက မျှော်လင့်ထားပါတယ်။

အဲဒီတုန်းက မစ္စတာ ရော်မနီ ဟာ သူ့ ပြိုင်ဘက် သမ္မတ အိုဘားမားထက် အတော်လေး သာခဲ့တယ်လို့ အများက ရှုမြင်ခဲ့ကြပါတယ်။

နယူးယောက်မြို့ Hofstra တက္ကသိုလ်မှာ ပရိသတ် ၈၀ ရှေ့ မှောက် ကျင်းပမယ့် အဲဒီ စကားစစ်ထိုးပွဲမှာ ပြည်တွင်းရေးနဲ့ နိုင်ငံခြားရေးရာ ပေါ်လစီတွေနဲ့ ပတ်သက်တဲ့ မေးခွန်းတွေကို သူတို့ နှစ်ဦး ပြန်လည် ဖြေကြားရဖို့ ရှိပါတယ်။

နိုဝင်ဘာလမှာ ကျင်းပမယ့် သမ္မတရွေးကောက်ပွဲမှာ မဲရလဒ် သိပ်ကွာမှာ မဟုတ်ဘူးလို့ ခန့်မှန်းနေကြကြောင်း လူထု စစ်တမ်းတွေအရ သိရပါတယ်။

နေပြည်တော်မှာ လယ်သိမ်းခံ လယ်သမားတွေကို ရဲကဖမ်း

နေပြည်တော်ခရိုင်မှာ လယ်သမားတွေရဲ့ လယ်မြေတွေ အသိမ်းခံနေရ

နေပြည်တော်ခရိုင် ဒက္ခိဏ သီရိနဲ့ လယ်ဝေး မြို့နယ် အစပ်မှာ စည်ပင်သာယာဌာနက သိမ်းယူထားတဲ့ လယ်မြေတွေမှာ ဒေသခံ မူလပိုင်ရှင် လယ်သမားတွေက သူတို့သာ ပိုင်ရှင်ဖြစ်ကြောင်း ဆိုင်းဘုတ်တွေ စိုက်ထူခဲ့လို့ ဦးဆောင်သူ လယ်သမား နှစ်ဦးကို ရဲက အင်္ဂါနေ့ည အထိ ဖမ်းဆီး စစ်ဆေးနေတယ်လို့ သိရပါတယ်။

စည်ပင်သာယာဌာနက သူတို့ သိမ်းထားတဲ့ လယ်မြေတွေမှာ စည်ပင်ပိုင်မြေ မကျူးကျော်ရ၊ နိုင်ငံတော်ပိုင်မြေ မကျူးကျော်ရ ဆိုတဲ့ ဆိုင်းဘုတ်တွေ ထူထားတာကြောင့် ဒေသခံ လယ်သမားတွေက ဘိုးဘွားပိုင်မြေ ပိုင်ဆိုင်မှု အထောက်အထားများရှိသည်၊ မကျူးကျော်ရ၊ ကျူးကျော်လာသူ ပြည်သူ့ ရန်သူ ဆိုတဲ့ ဆိုင်းဘုတ်တွေကို တန်ပြန် စိုက်ထူခဲ့ကြတာ ဖြစ်တယ်လို့ လယ်သမားတဦးက ဘီဘီစီကို ပြောပြပါတယ်။

အဲဒီလယ်မြေတွေကို ၂၀၁၀ခုနှစ်လောက်က သိမ်းထားတာဖြစ်ကြောင်းနဲ့ အသိမ်းခံရတဲ့ လယ်မြေ စုစုပေါင်း ဧက ၇၅၀ကျော်လောက် ရှိကြောင်း ပြောပါတယ်။

ဆိုင်းဘုတ်တွေ မစိုက်ထူဖို့ စည်ပင်သာယာနဲ့ ရဲက လာရောက်တားဆီးခဲ့ကြပြီး ညနေ ၆နာရီလောက်မှာတော့ ဒီကိစ္စကို ဦးဆောင်လုပ်ခဲ့သူ လယ်သမား ကိုလှမြင့်နဲ့ ကိုကျော်စိုးတို့ နှစ်ဦးကို ပေါက်တော ရဲစခန်းကို ဖမ်းဆီး ခေါ်ဆောင်သွားကြောင်းနဲ့ ည ၁၀နာရီလောက်အထိ စစ်ဆေးနေဆဲ ဖြစ်ကြောင်း သူက ဘီဘီစီကို ပြောပါတယ်။

လယ်မြေတွေ အသိမ်းခံရတဲ့ ကိစ္စအကြောင်း အထက်အဆင့်ဆင့်ကို အသနားခံစာတင် တိုင်ကြားထားပေမယ့် အကြောင်းမထူးတဲ့အတွက် အခုလို လုပ်ခဲ့ကြတာလို့လည်း ပြောပါတယ်။

ပြည်ခိုင်ဖြိုးပါတီ ဥက္ကဌအဖြစ် သမ္မတဦးသိန်းစိန်ကို ပြန်ရွေး

ပါတီ ဒုတိယ ဥက္ကဌ သူရ ဦးရွှေမန်း အပါအဝင် နောက်ထပ် ဒုဥက္ကဌ အသစ်နှစ်ဦးကိုလည်း ခန့်အပ်ခဲ့

နေပြည်တော်မှာ ကျင်းပနေတဲ့ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ ပထမ အကြိမ် ညီလာခံ ကနေ နိုင်ငံတော် သမ္မတဦးသိန်းစိန် ကို ပါတီ ဥက္ကဋ္ဌ အဖြစ် ပြန်လည် ရွေးချယ်ခဲ့ ပါတယ်။

ပါတီ ဒုတိယ ဥက္ကဌတွေ အဖြစ် သူရ ဦးရွှေမန်း အပါအဝင် နောက်ထပ် ဒုဥက္ကဌ အသစ် နှစ်ဦး အဖြစ် သူရ ဦးအေးမြင့်နဲ့ ဦးဌေးဦးတို့ ကို ရွေးချယ် ခန့်အပ်ခဲ့ ပါတယ်။

ဗဟို ကော်မတီဝင် ၂၂၅ ဦးနဲ့ အရံ ဗဟိုကော်မတီဝင် ၇၅ ဦးကိုလည်း ရွေးချယ်ခဲ့ တယ်လို့ သိရပါတယ်။

ဒါ့အပြင် ပါတီအောင်မြင်ရေးအတွက် အကြံဉာဏ်များ ပေးနိုင်ဖို့ ပါတီ အတိုင်ပင်ခံ အဖွဲ့သစ် တခုကို ဖွဲ့စည်း လိုက်ပြီး အဲဒီ အဖွဲ့မှာ ဦးအောင်သောင်း၊ ဦးစိုးသာ နဲ့ ဦးတင်ထွဋ်တို့ ပါဝင်ကြ ပါတယ်။

သမ္မတ ဦးသိန်းစိန် ကတော့ အခုလက်ရှိ အစိုးရ လုပ်ငန်း တာဝန်တွေ ထမ်းဆောင် နေရ တာကြောင့် ပါတီ လုပ်ငန်းတွေ အတွက် သူရ ဦးရွှေမန်း ကပဲ ဥက္ကဋ္ဌ တာဝန် တွေကို ပူးတွဲယူ သွားမယ် လို့ ညီလာခံက ထုတ်ပြန်တဲ့ ကြေညာချက် ထဲမှာ ဖေါ်ပြထား ပါတယ်။

ကော့သောင်းမြို့ ကျောက်မီးသွေး ဓါတ်အားပေး စက်ရုံ ဖျက်သိမ်းရေး ဆန္ဒပြ

စက်ရုံကထွက်တဲ့ မီးခိုတွေကြောင့် လူတွေဟာ မျက်စိတွေစပ်၊ ခေါင်းတွေ မူးဝေပြီး အသက်ရှု ကျပ် တာတွေ ခံစားနေရ

တနင်္သာရီတိုင်း ကော့သောင်းမြို့က ကျောက်မီး သွေးသုံး လျှပ်စစ် ဓါတ်အားပေး စက်ရုံ ဖျက်သိမ်းပေးဖို့ ဒီမိုကရက်တစ် ပါတီနဲ့ မွန် ဒေသလုံးဆိုင်ရာ ဒီမိုကရေစီ ပါတီ အပြင် ဒေသခံ အင်အား တရာကျော်ဟာ အင်္ဂါနေ့ မနက်(၉) နာရီမှာ ချီတက် ဆန္ဒပြခဲ့ကြ ပါတယ်။

ဒီကျောက်မီးသွေး စက်ရုံက ထွက်တဲ့ မီးခိုတွေကြောင့် ပတ်ဝန်းကျင်က လူတွေဟာ မျက်စိတွေစပ်၊ ခေါင်းတွေ မူးဝေပြီး အသက်ရှုကျပ် တာတွေ ခံစား နေရကာ၊ ပတ်ဝန်းကျင်ကို လည်း ထိခိုက်မှုတွေ ရှိကြောင်း ဒီမိုကရက် တစ်ပါတီ လုံခြုံရေး တာဝန်ခံ ကိုဇော်ထက်အောင်က ပြောပါတယ်။

ကော့သောင်းမြို့ ရွှေပြည်သာ ရပ်ကွက်နဲ့ အေးရိပ်ငြိမ်း ရပ်ကွက်ကြား မှာရှိတဲ့ ဒီစက်ရုံကို ၂၀၁၀ ခုနှစ် က စတင် တည်ဆောက် ခဲ့တာ ဖြစ်ပြီး ပြီးခဲ့တဲ့ လ(၅) ရက်နေ့ ကမှ စတင် လည်ပါတ် ခဲ့တာ ဖြစ်ပါတယ်။

စက်ရုံ စတည်ဆောက် ကတည်းက ဒေသခံတွေဟာ ကန့်ကွက်မှုတွေ လုပ်ခဲ့တာ ဖြစ်တယ် လို့လည်း သိရပါတယ်။

စစ်ရာဇဝတ်မှုနဲ့ တရားစွဲခံရတဲ့ Radovan Karadzic ခုခံလျှောက်လဲ

ဘောစနီးယား ဆာ့ဘ် ခေါင်းဆောင်ဟောင်း ဖြစ်သူ Radovan Karadzic ရဲ့ အမှုကို နယ်သာလန် နိုင်ငံ သည်ဟိတ်မြို့က နိုင်ငံတကာ တရားရုံးမှာ အင်္ဂါနေ့က စတင် ကြားနာခဲ့ ရာမှာ မစ္စတာ ကရာဒစ်ခ်ျ က သူ့ကို စွဲဆိုထားတဲ့ စွဲချက်တွေကို ခုခံ လျှောက်လဲခဲ့ ပါတယ်။

မိနစ် ၉၀ ကြာ ကိုယ်တိုင် ထွက်ဆိုချက်ထဲမှာ မစ္စတာ ကရာဒစ်ခ်ျက ဘော့စနီးယား စစ်ပွဲ ဘယ်လို စတင် ခဲ့တယ်၊ ဘယ်လို ဆက်ဖြစ် လာတယ် ဆိုတာနဲ့ ပတ်သက်တဲ့ သူ့ အမြင်ကို ပြောသွားခဲ့ ပါတယ်။

သူဟာ ပျော့ပြောင်းသူတစ်ယောက်၊ သီးခံ စိတ်ရှိသူ တစ်ယောက် ဖြစ်တဲ့ အပြင် သူအာဏာ လက်ဝယ် ရှိစဉ် အချိန်က စစ်ပွဲကို ရှောင်နိုင်အောင် အတတ် နိုင်ဆုံး လုပ်ခဲ့တဲ့ ငြိမ်းချမ်းရေး မြတ်နိုးသူ တစ်ယောက်ပါလို့ သူ့ကိုယ်သူ ပြောသွားခဲ့ ပါတယ်။

Radovan Karadzic ဟာ နာဇီ ခေတ် နောက်ပိုင်း ဥရောပမှာ ရက်စက်ကြမ်းကြုတ်ဆုံးသော ပြစ်မှုတချို့ အပါအဝင် စစ်ရာဇဝတ်မှု၊ လူသားတွေ အပေါ် လူမဆန်တဲ့ ရက်စက်မှုတို့ ကျူးလွန်ခဲ့တယ် ဆိုပြီး စွဲချက်တင် ခံထားရ တာပါ။

ဆာ့ဘ် လူမျိုးတွေက သူတို့သမိုင်းကို သူတို့ သိသူတွေပါလို့ မစ္စတာ Karadzic က တရားရုံးမှာ ပြောသွားတယ်လို့ တရားခွင်မှာ ကိုယ်တိုင် သတင်း သွားယူခဲ့သူ ဘီဘီစီ သတင်းထောက် Alan Little က ပြောပါတယ်။

ယူဂိုဆလားဗီးယား ပြည်ထောင်စု မပြိုကွဲခင်ရော ပြိုကွဲပြီးနောက်ပိုင်းမှာပါ ဆာဘ်လူမျိုးတွေဟာ လူမျိုးတုန်း သတ်ဖြတ်မှု ခံရမယ် ဆိုတဲ့ ခြိမ်းခြောက်မှု ခံခဲ့ ရတယ်၊ ရက်စက် ကြမ်းကြုတ်မှုတွေကို ဆာ့ဘ် လူမျိုးတွေ ကျူးလွန်တယ် ဆိုတဲ့ ပြောဆိုမှုတွေဟာလည်း မဟုတ် မမှန် လုပ်ကြံပြောကြတာ ဖြစ်တယ်လို့ မစ္စတာ Karadzic က ဆိုပါတယ်။

နာမည်ဆိုးနဲ့ လူသိများတဲ့ အလုပ်ကြမ်း စခန်းတွေမှာ မွတ်ဆလင်တွေကို ဖမ်းထားတယ် ဆိုတာတွေကလည်း နိုင်ငံခြား သတင်း မီဒီယာတွေမှာ ပြောနေ ကြတာသာ ဖြစ်တယ်လို့ တရားရုံးမှာ သူ ပြောလိုက်တဲ့ အချိန် မှာတော့ အလုပ်ကြမ်း စခန်းမှာ အသက် မသေဘဲ ကျန်ခဲ့သူ တစ်ယောက်က တရားရုံးရဲ့ လူအများလာနိုင်တဲ့ ခန်းမထဲမှာ ငိုကြွေးခဲ့ ပါတယ်။

၁၉၉၄ ခုနှစ်က ဆာရီရေးဗိုး Sarajevo မြို့က ဈေးနေရာမှာ လူပေါင်း ၆၉ ယောက် ကို အစုလိုက် အပြုံလိုက် သတ်ခဲ့တယ် ဆိုတာဟာလည်း မဟုတ်မှန်ဘူးလို့ မစ္စတာ Karadzic က ပြောပါတယ်။

ဈေးဆိုင် ပြူတင်းပေါက်တွေ မှာ ပြသထားတဲ့ လူရုပ် တွေကို အလောင်းတွေ ပုံစံနဲ့ ထရပ်ကားကြီးတွေပေါ် ပစ်တင်ခဲ့တာလို့ သူက ပြောပါတယ်။

ဒါ့အပြင် ၁၉၉၅ ခုနှစ်က မွတ်ဆလင် အမျိုးသား လူကြီး လူငယ် ၈ ထောင်ကို Sreberenica မှာ သတ်ပစ်ခဲ့တယ် ဆိုတာနဲ့ ပတ်သက်လို့လည်း ဒီလုပ်ရပ်မျိုး ဖြစ်ခဲ့တဲ့ လက္ခဏာ မရှိခဲ့ဘူး၊ တစ်ယောက်မှ အသတ်မခံခဲ့ရဘူးလို့ သူက ပြောပါတယ်။

အရပ်သားတွေကို အကာအကွယ်ပေးပါလို့ သူကိုယ်တိုင် အမိန့်ပေးခဲ့တာ ဖြစ်တယ်လို့ မစ္စတာ ကရာဒစ်ခ်ျက ပြောသွားပါတယ်။

သူ့နဲ့ အနီးကပ် ဆုံး လက်ထောက်တွေ အတော်များများက ဒီတရားရုံးမှာပဲ အဲဒီအမှုတွေနဲ့ ပတ်သက်လို့ အပြစ်တွေ အသီးသီး ကျခဲ့ပြီးဖြစ်ပြီး နှစ်ရှည် ထောင်ဒဏ်တွေ ကျခံ နေကြရပါတယ်။

ဒါပေမဲ့ မစ္စတာ ကရာဒစ်ခ်ျ အနေနဲ့ သူ့ဘက်ကနေ ခုခံ ထွက်ဆိုဖို့ သက်သေ ရာနဲ့ ချီပြီး ခေါ်နိုင်တဲ့အတွက် ဒီအမှု ကြားနာ စစ်ဆေးဖို့က လနဲ့သာ မက နှစ်နဲ့တောင် ချီပြီး ကြာသွားနိုင်တယ်လို့ တရားခွင်ကို သွားရောက်သတင်းယူခဲ့တဲ့ ဘီဘီစီ သတင်းထောက် Alan Little က ပြောပါတယ်။

အမေရိကန် အဖွဲ့ မြန်မာနိုင်ငံက ပါတီတွေနဲ့ တွေ့ဆုံ

အင်္ဂါနေ့နဲ့ ဗုဒ္ဓဟူးနေ့ မှာတော့ မေရိကန်အဖွဲ့ဟာ နေပြည်တော်မှာ အစိုးရ အရာရှိ တွေနဲ့ တွေ့ဆုံ ဆွေးနွေးမယ်

အမေရိကန် လက်ထောက် နိုင်ငံခြားရေး ဝန်ကြီး မိုက်ကယ် ပေါ့စနာ နဲ့ အတူ အမေရိကန် နိုင်ငံရေးနဲ့ စစ်ဘက် ဆိုင်ရာ အရာရှိတွေ စုစုပေါင်း ၂၀ လောက် ပါတဲ့ ကိုယ်စားလှယ် အဖွဲ့ ဟာ တနင်္လာနေ့က နိုင်ငံရေး ပါတီ ၄ ခု အပါ အဝင် တိုင်းရင်းသား ပါတီ ၆ ခုက ကိုယ်စား လှယ်တွေနဲ့ သီးခြားစီ တွေ့ဆုံ ခဲ့ကြပါတယ်။

ဒီမိုကရစ်တစ် ပါတီနဲ့ တွေ့ဆုံခဲ့ရာ မှာတော့ လက်ရှိ နိုင်ငံရေး အခြေအနေ၊ လာမယ့် ၂၀၁၅ ရွေးကောက်ပွဲ အလား အလာ၊ ကချင်ဒေသ ငြိမ်းချမ်းရေး ကိစ္စနဲ့ ရိုဟင်ဂျာ အပေါ် သဘော ထား စတဲ့ ကိစ္စရပ်တွေကို အမေရိကန် ကိုယ်စားလှယ် အဖွဲ့က မေးမြန်းကြောင်း ဒီမိုကရစ်တစ် ပါတီမှ ဦးသုဝေက ပြောပါတယ်။နောက်ပြီး လက်ရှိ လွှတ်တော်မှာ စစ်တပ်က ၂၅ ရာခိုင်နှုန်း ယူထား တဲ့ ကိစ္စနဲ့ ပတ်သက် လို့လည်း မြန်မာ့ နိုင်ငံရေးမှာ စစ်တပ်က ဆက်လက် ပါဝင်နေဦးမယ့် အခြေအနေတွေ ရှိနေ သေးတယ်လို့ ဦးသုဝေတို့ ဘက်က ဆွေးနွေးခဲ့ကြောင်း ကိုလည်း သူက ပြောပါတယ်။

နောက်ဆုံး အနေနဲ့ အမေရိကန် ကိုယ်စားလှယ် အဖွဲ့ဘက်က မှတ်ချက်ပြု ဆွေးနွေး ရာမှာတော့ မြန်မာ နိုင်ငံမှာ ပြောင်းလဲမှုတွေ အများကြီး တွေ့ရ ပေမယ့် လုပ်စရာတွေ အများကြီး ကျန်သေးတယ် လို့ ဆိုကြောင်း ဦးသုဝေက ပြောပါတယ်။

အင်္ဂါနေ့ နဲ့ ဗုဒ္ဓဟူးနေ့ မှာတော့ မေရိကန် ကိုယ်စား လှယ်အဖွဲ့ဟာ နေပြည်တော်ကို သွားရောက်ပြီး အစိုးရ အရာရှိ တွေနဲ့ တွေ့ဆုံ ဆွေးနွေးကြမှာ ဖြစ်ပါတယ်။

အဲဒီလို ဆွေးနွေး ရာမှာ လူ့ အခွင့်အရေး ကိစ္စ၊ နယ်ခြား ပြဿနာ၊ တရား ဥပဒေ စိုးမိုးရေး ၊ အလုပ်သမား အခွင့်အရေးနဲ့ နိုင်ငံရေး အကျဉ်းသား ကိစ္စတွေကို ဆွေးနွေး သွားကြမယ်လို့ သိရပါတယ်။

လစ်ဗျား အမေရိကန်သံရုံး လုံခြုံရေး ပျက်ကွက်ခဲ့

လစ်ဗျားနိုင်ငံရှိ အမေရိကန်ကောင်စစ်ဝန်ချုပ်ရုံးကို ပြီးခဲ့တဲ့လက တိုက်ခိုက်ခံရမှုအတွက် သူ့မှာ တာဝန် ရှိတယ်လို့ အမေရိကန် နိုင်ငံခြားရေးဝန်ကြီး Hillary Clinton က ပြောဆို လိုက်ပါတယ်။ နိုင်ငံခြားရေး ၀န်ကြီး တယောက်အနေနဲ့ ကမ္ဘာတ၀န်းက အမေရိကန် နိုင်ငံခြားရေး ၀န်ထမ်းတွေရဲ့လုံခြုံရေးအတွက် တာဝန်ယူရတာဖြစ်လို့ ၀န်ကြီး ကလင်တန် က ပြောဆိုလိုက်တာပါ။

ပီရူးနိုင်ငံကိုရောက်ရှိနေတဲ့ ၀န်ကြီးကလင်တန်က ရုပ်မြင်သံကြားတွေ့ဆုံမေးမြန်းခန်းမှာ တနင်္လာနေ့ ကပြောဆိုတာပါ။ အမေရိကန်သံရုံးတွေနဲ့ ကောင်စစ်ဝန်ရုံးတွေရဲ့ လုံခြုံရေးဝန်ထမ်းတွေ အခြေအနေနဲ့ ပတ်သက်တဲ့ ဆုံးဖြတ်ချက် အသေးစိတ်တွေကို သမ္မတအိုဘားမားနဲ့ ဒုသမ္မတ ဂျိုးဘိုင်ဒင်တို့ အနေနဲ့ မသိနိုင်ဘူးလို့ ဆိုပါတယ်။

လစ်ဗျားနိုင်ငံဆိုင်ရာ အမေရိကန်သံအမတ်ကြီးနဲ့ အမေရိကန်သံတမန် ၃ ဦးသေဆုံးခဲ့ရတဲ့ စက်တင်ဘာ လ ၁၁ ရက်နေ့ က တိုက်ခိုက်ခံရတဲ့အဖြစ်မျိုးဟာ အဲဒီလိုမျိုးအချိန်မှာ အမြဲတစေ သဲသဲ ကွဲကွဲ မသိနိုင်ဘူးလို့ ၀န်ကြီးကလင်တန်က ရှင်းလင်းပြောဆိုလိုက်ပါတယ်။

သမ္မတရွေးကောက်ပွဲနီးကပ်လာတာနဲ့အမျှ Republican သမ္မတလောင်း Mitt Romney  Benghazi ရှိ အမေရိကန်ကောင်စစ်ဝန်ချုပ်ရုံးကို လုံလောက်တဲ့ လုံခြုံရေးအင်အားဖြည့်ဆည်းမပေးခဲ့ဘူးလို့ သမ္မတ အိုဘားမားကို ဝေဖန်နေတာကြောင့် အခုလိုဖြေရှင်းပေးနေတာဖြစ်ပါတယ်။ ဒီကိစ္စကို နိုင်ငံရေးအရ အသုံးချပြီး အပြန်အလှန် အပြစ်ဖို့တန်း မကစားစေလိုဘူးလို့လည်း ၀န်ကြီး ကလင်က ထောက်ပြ လိုက်ပါတယ်။

အမေရိကန်-မြန်မာ လူ့အခွင့်အရေး ပထမအကြိမ် ဆွေးနွေး

မြန်မာနိုင်ငံမှာ ပထမဆုံးအကြိမ် အမေရိကန်နဲ့မြန်မာ လူ့အခွင့်အရေးကိစ္စ အချေအတင် ဆွေးနွေး မှုတွေ လုပ်ဖို့အတွက် ဒီမိုကရေစီ လူ့အခွင့်အရေး နဲ့ အလုပ်သမားရေးရာ အမေရိကန် လက်ထောက် နိုင်ငံခြားရေးဝန်ကြီး မိုက်ကယ် ပေါ်စနာ (Michael Posner) ဦးဆောင်တဲ့ အမေရိကန် ကိုယ်စားလှယ်အဖွဲ့ဟာ မြန်မာနိုင်ငံဆီ ဒီသီတင်းပတ်ထဲမှာပဲ ရောက်ရှိနေ ပါတယ်။ မြန်မာနိုင်ငံနဲ့ လူ့အခွင့်အရေး ဆွေးနွေးမှုတွေမှာ အမေရိကန် စစ်ဘက်ဆိုင်ရာ ထိပ်တန်း အရာရှိတွေလည်း ပထမဆုံးအကြိမ် ပါဝင်လာတဲ့ ဒီခရီးစဉ်ဟာ နှစ်နိုင်ငံ ဆက်ဆံရေးအတွက် ဘယ် လောက်များ အရေးပါ ပါသလဲ။ ဒီခရီးစဉ်အတွင်း ဘယ်သူတွေနဲ့ တွေ့ပြီး ဘာတွေ အဓိက ဆွေးနွေးကြမှာပါလဲ။ မခင်ဖြူထွေးက အပြည့်အစုံ တင်ပြပေးထားပါတယ်။

မြန်မာနဲ့ အမေရိကန်အစိုးရအကြား မြန်မာနိုင်ငံထဲမှာ ပထမဆုံးအကြိမ်း လူ့အခွင့်အရေး ကိစ္စတွေကို အချေအတင် ဆွေးနွေးကြဖို့အတွက် ဒီမိုကရေစီ၊ လူ့အခွင့်အရေးနဲ့ အလုပ်သမားရေးရာ အမေရိကန် လက်ထောက် နိုင်ငံခြားရေးဝန်ကြီး မိုက်ကယ် ပေါ်စနာက ဦးဆောင်ပြီး သမ္မတအိမ်ဖြူတော်နဲ့ ဒု သမ္မတ ရုံးတွေက အကြီးတန်း အရာရှိတွေ၊ အမျိုးသား လုံခြုံရေးဌာန၊ အမိမြေလုံခြုံရေးဌာနက တာဝန်ရှိသူတွေ၊ အမေရိကန် အကူအညီပေးရေးအဖွဲ့ USAID စတဲ့ အဖွဲ့အစည်းက ပုဂ္ဂိုလ်တွေ အပြင် အမေရိကန် ကာကွယ်ရေးဌာနက ထိပ်တန်း အရာရှိ တချို့လည်း အခု ခရီးစဉ်မှာ လိုက်ပါ လာခဲ့တာ ဖြစ်ပါတယ်။ အခု ရောက်ရှိလာတဲ့ ကိုယ်စားလှယ်အဖွဲ့အနေနဲ့ မြန်မာနိုင်ငံ အစိုးရဘက်က တာဝန်ရှိသူတွေနဲ့ ဆက်တိုက် တွေ့ဆုံမှုတွေ လုပ်သွားမှာဖြစ်သလို တရားဥပဒေ စိုးမိုးမှု ကစလို စီးပွားရေး ဖွံ့ဖြိုးတိုးတက်မှုဆိုင်ရာ ကိစ္စတွေ၊ သတင်းနဲ့ ဘာသာရေး လွတ်လပ်ခွင့်၊ နိုင်ငံရေး အကျဉ်းသား စတဲ့ လူ့အခွင့်အရေးနဲ့ သက်ဆိုင်တဲ့ အကြောင်းအရာတွေ အများအပြား ကို ဆွေးနွေးကြလိမ့်မယ်လို့ ရန်ကုန် အမေရိကန် သံရုံး ပြောခွင့်ရသူ မိုက်ကယ်ကွင်းလန်း (Michael Quinlan) က ပြောပါတယ်။

“ဒီသီတင်းပတ်အတွင်း မြန်မာနိုင်ငံမှာ အမေရိကန် ကိုယ်စားလှယ်အဖွဲ့ ရောက်နေပါတယ်။ ဒါ ဟာ နှစ်နိုင်ငံကြား ပထမဆုံးအကြိမ် လူ့အခွင့်အရေးဆွေးနွေးပွဲ အချေအတင် ကျင်းပဖို့ ဖြစ်ပါ တယ်။ မြန်မာနိုင်ငံနဲ့က ပထမဆုံးအကြိမ် ကျင်းပတာဖြစ်တဲ့ ဒီ ဆွေးနွေးပွဲကိုယ်စားလှယ်အဖွဲ့ကို ဦးဆောင်သူကတော့ ဒီမိုကရေစီ၊ လူ့အခွင့်အရေးနဲ့ အလုပ်သမားရေးရာ လက်ထောက်နိုင်ငံခြားရေး ဝန်ကြီး မိုက်ကယ်လ် ပေါ်စနာပါ။ အဲဒီအဖွဲ့မှာ အိမ်ဖြူတော် အမျိုးသားလုံခြုံရေး အစိုးရ အရာရှိတွေ၊ ဒုတိယသမ္မတရုံးကအပြင် အမျိုးသားလုံခြုံရေးဌာန (USAID) နဲ့ ကာကွယ်ရေးဌာနက ထိပ်တန်းအရာရှိတွေ ပါဝင်ပါတယ်။”

မြန်မာနဲ့ အမေရိကန်နိုင်ငံကြား လူ့အခွင့်ဆိုင်ရာ ကိစ္စတွေကို မြန်မာနိုင်ငံထဲမှာ ပထမဆုံး အကြိမ် အချေအတင် ဆွေးနွေးကြမယ့် ဒီခရီးစဉ် တွင်းမှာ အမေရိကန် စစ်ဘက်က ထိပ်တန်း အရာရှိ တချို့လည်း ပါဝင်ပါတယ်။ အရှေ့အာရှရေးရာ အမေရိကန် ဒုလက်ထောက် ကာကွယ်ရေး ၀န်ကြီး Vikram Singh နဲ့ အမေရိကန်စစ်တပ်ရဲ့ ပစိဖိတ်ဒေသဆိုင်ရာ အကြီးအကဲ ဒုတိယ ဗိုလ်ချုပ်ကြီး Francis Wiercinski တို့ ဒီခရီးစဉ်အတွင်း ပါဝင်မှာ ဖြစ်ပေမဲ့လို့ ဒါဟာ အမေရိကန်နဲ့ မြန်မာ စစ်ဘက် ဆက်ဆံရေး ကိစ္စတွေကို ဆွေးနွေးကြဖို့တော့ မဟုတ်ဘူးလို့ မိုက်ကယ် ကွင်းလန်းက ပြောပါတယ်။

“ဒီ နှစ်နိုင်ငံကြား အချေအတင် ဆွေးနွေးမှုမှာ လူ့အခွင့်အရေးနဲ့ပတ်သက်တဲ့ ကိစ္စရပ်အတော် များများကို ထည့်သွင်းဆွေးနွေးသွားမှာ ဖြစ်ပါတယ်။ ဒါကြောင့် ဒီဌာနပေါင်းစုံပါဝင်တဲ့ ကိုယ်စားလှယ် အဖွဲ့အနေနဲ့ ကိစ္စရပ် အတော်များများကို ဆွေးနွေးမှာပါ။ စစ်ဘက်ဆိုင်ရာ ကိုယ်စားလှယ် အဖွဲ့သက်သက်တော့ မဟုတ်ပါဘူး။”

ခုလို မြန်မာနိုင်ငံမှာ ပထမဆုံးအကြိမ် အမေရိကန် နဲ့ မြန်မာ လူ့အခွင့်အရေး အချေအတင် ဆွေးနွေး မှုတွေ လုပ်တာဟာ အမေရိကန်နဲ့ မြန်မာအကြား ဆက်ဆံရေး ရှေ့တိုး ဆောင်ရွက်မှုတွေကို ပြသနေ တာဖြစ်သလို နှစ်နိုင်ငံ ဆက်ဆံရေး အတွက် အရေးပါတဲ့ ခရီးစဉ်တရပ် ဖြစ်တယ်လို့လည်း မိုက်ကယ် ကွင်းလန်းက ပြောပါတယ်။

“ဒီဆွေးနွေးပွဲဟာ မြန်မာအစိုးရနဲ့ ဆက်လက်ဆွေးနွေးမှုတွေလုပ်နေတယ်ဆိုတာကို သက်သေပြပါ တယ်။ လူ့အခွင့်အရေးကို ထောက်ခံအားပေးတာမှာ အမေရိကန်ပြည်ထောင်စုက ကျင့်သုံးတဲ့ လမ်းစဉ်ကိုလည်း ထင်ဟပ်ပေါ်လွင်စေပါတယ်။ အစိုးရဌာနပေါင်းစုံ ပါဝင်တဲ့ ချဉ်းကပ်နည်းပါ။ သက်ဆိုင်ရာ ဌာနအသီးသီးပါဝင်တဲ့ ဒီ အချေအတင်ဆွေးနွေးမှုမျိုးကို ကျနော်တို့ ကမ္ဘာတဝှန်း တခြားနိုင်ငံတွေမှာလည်း လုပ်ပါတယ်။ မြန်မာနိုင်ငံမှာတော့ ဒါ ပထမဆုံးအကြိမ် ကျင်းပတဲ့ နှစ်နိုင်ငံ အကြား လူ့အခွင့်အရေး ဆွေးနွေးမှု ဖြစ်ပါတယ်။

အမေရိကန် ပြည်ထောင်စုအနေနဲ့ မြန်မာနိုင်ငံက ပြုပြင်ပြောင်းလဲရေးကို ထောက်ခံအားပေးနေတယ်ဆိုတာကိုလည်း သက်သေပြရာရောက်တဲ့အတွက်  အခုလို ပထမဆုံးအကြိမ် ကျင်းပနိုင်တာကို ကြိုဆိုပါတယ်။”

အမေရိကန်နဲ့ မြန်မာအစိုးရထိပ်တန်း တာဝန်ရှိသူတွေအကြား ပထမဆုံးအကြိမ် ပြုလုပ်တဲ့ အခု လူ့အခွင့်အရေး ဆွေးနွေးပွဲဟာ မြန်မာနိုင်ငံ ပြုပြင်ပြောင်းလဲရေးတွေကို ဆက်လက် ထောက်ခံ အားပေးသွားဖို့ ရည်ရွယ်တယ်လို့လည်း မိုက်ကယ် ကွင်းလန်းက ပြောပါတယ်။

တချိန်တည်းမှာပဲ အာရှ ၅ နိုင်ငံ ခရီးထွက်နေတဲ့ အမေရိကန် ဒုတိယ နိုင်ငံခြားရေးဝန်ကြီး William Burns ဟာလည်း ဒီသီတင်းပတ် အတွင်းမှာပဲ မြန်မာနိုင်ငံကို ရောက်ရှိမှာ ဖြစ်ပါတယ်။ အောက်တို ဘာလ ၁၈ ရက်နေ့မှာ မစ္စတာ ဘန်းစ်ရဲ့ ခရီးစဉ်အတွင်းမှာတော့ မြန်မာ သမ္မတ ဦးသိန်းစိန် အပါအ၀င် မြန်မာအစိုးရ ထိပ်တန်း တာဝန်ရှိသူတွေနဲ့တွေ့ဆုံဖို့ ရှိသလို မြန်မာ့ဒီမို ကရေစီ ခေါင်းဆောင် ဒေါ်အောင်ဆန်းစုကြည်နဲ့လည်း တွေ့ဆုံမှာဖြစ်တဲ့အကြောင်း အမေရိကန် နိုင်ငံခြားရေးဌာနက ပြီးခဲ့တဲ့ သီတင်းပတ်က ကြေညာချက် ထုတ်ပြန် ထားပါတယ်။

မြန်မာနိုင်ငံတွင်း မကြာသေးခင်ကစလို့ ဒီမိုကရေစီ ပြုပြင် ပြောင်းလဲမှုတွေ အသိအမှတ်ပြုတဲ့ အနေနဲ့ ရော၊ ဒီ ပြောင်းလဲမှုတွေ ရှေ့ဆက်တိုး ဆောင်ရွက်ဖို့ အားပေးတဲ့အနေနဲ့ပါ အမေရိကန် က မြန်မာအပေါ် ထားရှိတဲ့ ဒဏ်ခတ် ပိတ်ဆို့ အရေးယူမှုတွေကို လျှော့ပေါ့ပေးခဲ့သလို ခုလို အဆင့်မြင့် အရာရှိတွေရဲ့ ခရီးစဉ်တွေလည်း ဆက်တိုက်ဆိုသလို ရှိလာခဲ့တာပါ။ ဒါပေမဲ့လည်း တိုင်းရင်းသား ဒေသတချို့မှာ တိုက်ပွဲတွေ ဆက်လက် ဖြစ်ပွားနေတဲ့ အခြေအနေတွေကို ရပ်ဆိုင်းဖို့နဲ့ တိုင်းရင်းသားလူနည်းစုတွေရဲ့ အခွင့်အရေးတွေကို လေးစားဖို့၊ နောက် အကျဉ်းထောင်တွေထဲမှာ ကျန်နေသေးတဲ့ နိုင်ငံရေးအကျဉ်းသားတွေကို လွှတ်ပေးဖို့ စတဲ့ ကိစ္စတွေပါ ဆောင် ရွက်ပြီး ပြုပြင် ပြောင်းလဲရေး လုပ်ငန်းတွေ ခိုင်မာအောင် လုပ်ဖို့ကိုလည်း အမေရိကန် အစိုးရက မြန်မာကို တိုက်တွန်းပြောဆိုနေတာ ဖြစ်ပါတယ်ရှင်။

အမေရိကန် လက်ထောက် ဝန်ကြီး ၈၈ ခေါင်းဆောင်တွေနဲ့တွေ့

မြန်မာ လူ့အခွင့်အရေးကိစ္စတွေအပါအ၀င် ပြုပြင်ပြောင်းလဲရေးအတွက် အဟန့်အတားဖြစ်နေ တဲ့ ပြဿနာတွေ ဖြေရှင်းနိုင်ဖို့ ကျယ်ကျယ် ပြန့်ပြန့် ဆွေးနွေးကြဖို့အတွက် မြန်မာနိုင်ငံကို ရောက်နေ တဲ့ အမေရိကန်အစိုးရ ဒီမိုကရေစီ၊ လူ့အခွင့်အရေးနဲ့ အလုပ်သမားရေးရာ လက်ထောက် နိုင်ငံခြားရေး ၀န်ကြီး မိုက်ကယ် ပေါ့စ်နာ (Michael Posner) နဲ့ အမေရိကန် ကိုယ်စားလှယ်အဖွဲ့ဝင် တချို့ဟာ မနေ့က ၈၈ မျိုးဆက် ကျောင်းသားများအဖွဲ့နဲ့ တွေ့ဆုံခဲ့ကြပါတယ်။ အဲဒီလို တွေ့ဆုံရာမှာ ဘာတွေ ဆွေးနွေးခဲ့ကြလဲဆိုတာကို မမိုးဖြူက တင်ပြပေးထားပါတယ်။

မြန်မာနဲ့အမေရိကန် ဆက်ဆံရေးလမ်းပွင့်လာတဲ့အချိန်ကစလို့  ပထမဆုံးအကြိမ်အဖြစ်နဲ့ မြန်မာနိုင်ငံ ထဲမှာ လူ့အခွင့်အရေးကိစ္စတွေကို ထိထိ ရောက်ရောက် ဆွေးနွေးဖို့အတွက် အမေရိကန်အစိုးရ ဒီမိုကရေစီ၊ လူ့အခွင့်အရေးနဲ့ အလုပ်သမားရေးရာ အမေရိကန် လက်ထောက် နိုင်ငံခြားရေးဝန်ကြီး မိုက်ကယ် ပေါ်စနာက ဦးဆောင်ပြီး သမ္မတအိမ်ဖြူတော်နဲ့ ဒု သမ္မတရုံးကေ အကြီးတန်း အရာရှိတွေ၊ အမျိုးသား လုံခြုံရေးဌာန၊ အမိမြေ လုံခြုံရေးဌာနက တာဝန်ရှိသူတွေ၊ အမေရိကန် အကူအညီပေးရေး အဖွဲ့ USAID စတဲ့ အဖွဲ့အစည်းတွေက ပုဂ္ဂိုလ်တွေ အပြင် အမေရိကန် ကာကွယ်ရေးဌာနက ထိပ်တန်း အရာရှိတွေပါတဲ့ အမေရိကန်အစိုးရ ကိုယ်စားလှယ်အဖွဲ့ မြန်မာနိုင်ငံကို ရောက်နေပါ တယ်။

ဒ်ီအဖွဲ့ဟာ မြန်မာအစိုးရ တာဝန်ရှိသူတွေနဲ့ ဆက်တိုက် တွေ့ဆုံသွားမှာဖြစ်သလို တရားဥပဒေ စိုးမိုးမှု က စလို့ စီးပွားရေး ဖွံ့ဖြိုးတိုးတက်မှု ဆိုင်ရာကိစ္စတွေ၊ သတင်းနဲ့ ဘာသာရေးလွတ်လပ်ခွင့်၊ နိုင်ငံရေး အကျဉ်းသား စတဲ့ လူ့အခွင့်အရေးနဲ့ သက်ဆိုင်တဲ့ အကြောင်းအရာတွေ အများအပြားကို ဆွေးနွေးကြမှာ ဖြစ်ပါတယ်။

အောက်တိုဘာ လ ၁၅ ရက်နေ့ ညနေပိုင်းမှာတော့ လက်ထောက် နိုင်ငံခြားရေးဝန်ကြီး မိုက်ကယ် ပေါ်စနာနဲ့ အဖွဲ့ဝင်တချို့ဟာ ကိုမင်းကိုနိုင်၊ ကိုဌေးကြွယ်၊ ကိုဂျင်မီ၊ ကိုပြုံးချိုတို့ပါဝင်တဲ့ ၈၈ မျိုးဆက် ကျောင်းသားများအဖွဲ့နဲ့ တွေ့ဆုံခဲ့ပါတယ်။ နှစ်နာရီလောက် ကြာအောင် ပွင့်ပွင့် လင်းလင်း ဆွေးနွေးကြတဲ့အထဲမှာ အဓိက ဘာတွေပါဝင်လဲဆိုတာ ကိုပြုံးချိုက အခုလိုပြောပြပါတယ်။

“အဓိကအကြောင်းအရာတွေကတော့ သူတို့အဖွဲ့ နောက်တနေ့မှာ နေပြည်တော်ကို ရောက်ပြီးတော့ အစိုးရအဆင့်မြင့် အရာရှိတွေနဲ့ တွေ့ဆုံတဲ့ အခါမှာ ဘယ်လို အချက်အလက်တွေကို အဓိကဆွေးနွေးသင့်တယ်ဆိုတာ အကြံဉာဏ်ပေးဖို့နဲ့ လက်ရှိ မြန်မာနိုင်ငံမှာ ဖြစ်ပေါ်နေတဲ့ နိုင်ငံရေး အခြေအနေတွေကို ဒေါင့်စုံကနေ သူတို့ လေ့လာနေတယ်၊ အဲဒီအချက်အလက်တွေနဲ့ ပတ်သက်ပြီး သိရှိအောင် ကျနော်တို့နဲ့ ဆွေးနွေးခဲ့ပါတယ်။ ကျနော်တို့ကတော့ ကျန်နေသေးတဲ့ နိုင်ငံရေး အကျဉ်းသားတွေ အားလုံးကို ခြွင်းချက်မရှိ အမြန်ဆုံး ပြန်လွှတ်နိုင်ရေး၊ ပြည်ပရောက်နေ တဲ့ မြန်မာနိုင်ငံသားတွေ ဂုဏ်သိက္ခာရှိရှိနဲ့ ပြန်လာနိုင်ရေး၊ နောက်ပြီးတော့ အရေးတကြီး လိုအပ်နေတဲ့ ငြိမ်းချမ်းရေးဆိုင်ရာ ဖြေရှင်းမှု နည်းလမ်းတွေကို နှစ်ဘက် ညှိနှိုင်းပြီးတော့ ကောင်းမွန်တဲ့ နည်းလမ်းတွေ ရှာဖွေနိုင်ရေးအတွက်ကို ဆွေးနွေးခဲ့ကြပါတယ်။”

လက်ရှိ နိုင်ငံရေးအခြေအနေတွေထဲက မေးခွန်းထုတ်စရာရှိနေတဲ့ အချက်တွေနဲ့ ဖြေရှင်းဖို့ ကြိုးစားနေပုံတွေကိုလည်း သူက ဆက်ရှင်းပြပါတယ်။

“မြန်မာနိုင်ငံမှာ ငြိမ်းချမ်းရေးက မေးခွန်းထုတ်စရာတွေ အများကြီး ရှိနေသေးတယ်။ လောလော ဆယ်မှာ ပဋိပက္ခဖြစ်နေတဲ့ ဒေသတွေရှိတဲ့ အတွက် မြန်မာနိုင်ငံ ဖွံ့ဖြိုးတိုးတက် မှုနဲ့ ပြုပြင်ပြောင်းလဲရေးတွေကို စဉ်ဆက်မပြတ်လုပ်နိုင်ဖို့အတွက် ငြိမ်းချမ်းရေးဆိုင်ရာကိစ္စတွေကို အမြန်ဆုံး အရေးတကြီး ဖြေရှင်းသင့်တယ်ဆိုတာ သူတို့အနေနဲ့လည်း လက်ခံတယ်၊ လက်ရှိ အခက်အခဲတွေ ကို ကျော်လွှားနိုင်ဖို့နဲ့ ဖြေရှင်းနိုင်မယ့် နည်းလမ်းတွေကို ဘယ်လိုနည်းလမ်းနဲ့ ချဉ်းကပ်သင့်သလဲ၊ ဘယ်လိုမျိုး အကူအညီပေးနိုင်မလဲ၊ အခက်အခဲတွေ အဟန့်အတားတွေ၊ ငြိမ်းချမ်းရေးမရနိုင်တဲ့ အတားအဆီးတွေက ဘာတွေလဲဆိုတာတွေကို သူတို့အနေနဲ့ ဒီမှာ လေ့လာဆန်းစစ်နေတဲ့အတွက် ကျနော်တို့ရဲ့ အမြင်တွေကိုလည်း ရအောင် သူတို့ ကြိုးပမ်းခဲ့ကြပါတယ်။”

မြန်မာနိုင်ငံ တိုးတက်ဖွံ့ဖြိုးရေးမှာ အဟန့်အတားဖြစ်နေတဲ့ ပြဿနာတွေကို ဖြေရှင်းတဲ့နေရာမှာ လူထုအခြေပြု လူ့အဖွဲ့အစည်းတွေနဲ့အတူ ၈၈ မျိုးဆက် ကျောင်းသားအဖွဲ့တွေက အမေရိကန်အပါအ၀င် နိုင်ငံတကာနဲ့ လက်တွဲဆောင်ရွက်နိုင်တဲ့အကြောင်းကို ကိုပြုံးချိုက တဆက်တည်း ပြောပြပါတယ်။

“ကျနော်တို့အနေနဲ့လည်း ငြိမ်းချမ်းရေးကိစ္စကိုသာမက ကျန်တဲ့ကိစ္စတွေအားလုံးကို ဖြေရှင်းနိုင်ဖို့ တတ်နိုင်တဲ့အကူအညီတွေ ပေးဖို့ကို ကျနော်တို့ ကြိုးပမ်းဆောင်ရွက်နေတယ်၊ ထိတွေ့ ဆက်ဆံ သင့်တဲ့ ပြုပြင်ရေးသမားတွေနဲ့လည်း ထိတွေ့ဆက်ဆံနေသလို တဘက်က တိုင်းရင်းသား အဖွဲ့ အစည်းတွေက နေပြီးတော့ အရေးပါတဲ့ ခေါင်းဆောင်ပိုင်းတွေနဲ့လည်း ဒီကိစ္စတွေဖြေရှင်းနိုင်ဖို့ နည်းလမ်းတွေကို ကျနော်တို့ ရှာဖွေနေတယ်။ လိုအပ်ရင် လိုအပ်သလို ကူညီမှုတွေကို ကျနော်တို့ လုပ်ပေးနိုင်တယ်။ အဲဒီတော့ ကျနော်တို့အပြင်ကို အခု အမေရိကန်နိုင်ငံလို အစိုးရအဖွဲ့က နေပြီးတော့ ဒီကိစ္စကို စိတ်ဝင်တစား ဆောင်ရွက်နေတဲ့အတွက် သူတို့နဲ့ ကျနော်တို့ အပြန်အလှန်နားလည်မှုနဲ့ အချက်အလက်တွေ မျှဝေနိုင် အောင်အတွက်၊ ဒီကိစ္စကို တွန်းအားရှိရှိနဲ့ ဆောင်ရွက်နိုင်ဖို့အတွက် တိုက်တွန်းခဲ့တာတော့ ရှိပါတယ်။

ကျနော်တို့ ဆွေးနွေးခဲ့တဲ့ အချက်အလက်တွေကတော့ အင်မတန် ကျယ်ပြန့်ပါတယ်။ လယ်သမားရေးရာကိစ္စရော၊ အလုပ်သမားရေးရာ ကိစ္စရော၊ လူ့အခွင့်အရေးချိုးဖောက်မှုဆိုင်ရာ ကိစ္စတွေရော၊ လောလောဆယ် နိုင်ငံမှာဖြစ်ပေါ်နေတဲ့ နိုင်ငံရေးအခြေအနေတွေ၊ လာမယ့် ၂၀၁၅ မှာ ရွေးကောက်ပွဲ အခြေအနေတွေ ဘယ်လို ဖြတ်သန်းကြမလဲ၊ ကျနော်တို့ ၈၈ မျိုးဆက် ကျောင်းသားတွေရဲ့ အခန်းကဏ္ဍက ဘယ်လို ဖြစ်လာနိုင်သလဲဆိုတဲ့ အချက်တွေကိုပါ ကျနော်တို့ ကျယ်ကျယ်ပြန့်ပြန့် ဆွေးနွေးခဲ့ပါတယ်။”

၂၀၁၅ ခုနှစ်၊ မြန်မာ့ နိုင်ငံရေးအနာဂတ်နဲ့ပတ်သက်လို့ ၈၈ မျိုးဆက် ကျောင်းသားတွေရဲ့ အမြင်နဲ့ ပြင်ဆင်မှု ဘယ်လိုရှိသလဲ ဆိုတဲ့အမေးကိုတော့ သူက အခုလိုဖြေပါတယ်။

“ကျနော်တို့က ဖြစ်လာနိုင်တဲ့နည်းလမ်းတွေကို စဉ်းစားထားရမှာ ရှိပါတယ်။ သို့သော်လည်းပဲ လောလောဆယ်မှာ အရေးတကြီး အာရုံစိုက်ရမယ့် နယ်ပယ်ကိုပဲ အလေးထားနေတဲ့အကြောင်း ဆွေးနွေးခဲ့ပါတယ်။”

အမေရိကန်ပြည်ထောင်စုက မြန်မာ့ ဒီမိုကရေစီ ပြုပြင်ပြောင်းလဲမှုတွေ အသိအမှတ်ပြုတဲ့ အနေနဲ့ သာမက ဒီ အပြောင်းအလဲတွေ အရှိန်အဟုန်နဲ့ ရှေ့ဆက်နိုင်ဖို့ အားပေးတဲ့အနေနဲ့ပါ တဘက်က မြန်မာ အပေါ်ထားရှိတဲ့ ဒဏ်ခတ်ပိတ်ဆို့ အရေးယူမှုတွေကို လျှော့ပေါ့ ပေးခဲ့သလို တဘက်မှာလည်း လူ့အခွင့်အရေးအပါအ၀င် အပြောင်းအလဲလုပ်ရမယ့် ကိစ္စတွေကို သက်ဆိုင်ရာ အစိုးရထိပ်တန်း အရာရှိတွေရဲ့ ခရီးစဉ်တွေနဲ့ ဆက်တိုက်ဆိုသလို ဆွေးနွေးအားပေးမှုတွေ လုပ်နေတာပါ။  အာရှငါးနိုင်ငံ ခရီးထွက်နေတဲ့ အမေရိကန် ဒုတိယ နိုင်ငံခြားရေး ၀န်ကြီး William Burns ကလည်း ဒီသတင်းပတ်ထဲမှာပဲ မြန်မာနိုင်ငံကို လာပြီး အောက်တိုဘာလ ၁၈ ရက်နေ့ ကျရင် နေပြည်တော်မှာ မြန်မာ သမ္မတ ဦးသိန်းစိန် ဦးဆောင်တဲ့ အစိုးရအဖွဲ့နဲ့ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်တို့ကိုလည်း တွေ့ဆုံမှာဖြစ်ပါတယ်။