16.10.2012 နေ့ဖတ်ရန်သတင်းများ

by Myanmar Journal on Monday, October 15, 2012 at 11:18pm ·

အိုအိုင်စီက နိုင်ငံတကာ အသိုင်းအဝိုင်း အကူအညီယူမယ်

အောက်တိုဘာ ၁၅ က မြန်မာနိုင်ငံက မြို့ကြီး ၂၀ ကျော်မှာ သံဃာတော်တွေက အိုအိုင်စီကို ဆန့်ကျင်

အောက်တိုဘာ ၁၅ က ရန်ကုန် အပါအဝင် မြန်မာနိုင်ငံက မြို့ကြီး ၂၀ ကျော်မှာ အစ္စလာမ်နိုင်ငံများ ပူးပေါင်းဆောင်ရွက် ရေးအဖွဲ့ အိုအိုင်စီရုံး မြန်မာနိုင်ငံမှာ လာဖွင့်မှာကို လက်မခံတဲ့ ဆန္ဒပြပွဲတွေကို သံဃာတော်တွေ ဦးဆောင်လို့ ကျင်းပခဲ့ပြီး သမ္မတရုံးကလည်း ပြည်သူ့ဆန္ဒနဲ့ မကိုက်ညီလို့ အိုအိုင်စီ ရုံးတွေ မဖွင့်ပါဘူးလို့ အောက်တိုဘာ ၁၅ ကပဲ ကြေညာခဲ့ပါတယ်။

အိုအိုင်စီနဲ့ အစိုးရတို့ ပူးပေါင်းဆောင်ရွက်မှု စာချွန် လက်မှတ်ထိုးခဲ့ တာက ပြီးခဲ့တဲ့ စက်တင်ဘာလ ၁၁ ရက်ကထဲကပါ။ ဒါကို လူထုသိအောင် ကြေညာခဲ့တာမျိုး မဟုတ်ပါဘူး။ ဒါပေမဲ့ သံဃာတော်တွေနဲ့ လူထုက သတင်းတွေကနေ သိလာတော့ မြန်မာနိုင်ငံတဝှန်းမှာ အိုအိုင်စီဆန့်ကျင်တဲ့ ဆန္ဒပြမှုတွေ တဖြည်းဖြည်း လုပ်ဆောင်လာပြီး အောက်တိုဘာ ၁၅ မှာတော့ တပြည်လုံးအနှံ့ အိုအိုင်စီဆန့်ကျင်ရေး ဆန္ဒပြပွဲကို ကျင်းပ လာကာမှ သမ္မတရုံးက ကြေညာချက်ထုတ်လာတာပါ။

အိုအိုင်စီရဲ့ မွတ်ဆလင်လူနည်းစုရေးရာ ညွှန်ကြားရေးမှူး ဒဲလားစ် ဒါဝုစ်ကတော့ မြန်မာအစိုးရအနေနဲ့ သူတို့ကို တရားဝင် အကြောင်းကြား အသိပေးတာမျိုး မရှိသေးဘူး၊ အစိုးရနဲ့ သဘောတူညီချက်အရ ဒီလူသားချင်း စာနာတဲ့ အနေနဲ့ ထောက်ပံ့ရေးရုံး ဖွင့်ဖို့၊ မွတ်ဆလင်တွေကို ကူဖို့ပါ။ ရခိုင်ပြည်နယ်မှာ အကြီးအကျယ် ပဋိပက္ခတွေ ဖြစ်ပွားအပြီးမှာ သူတို့ အကူအညီ လိုနေပါတယ်လို့ ဘီဘီစီကို ပြောပါတယ်။

သမ္မတရုံးရဲ့ ကြေညာချက်မှာတော့ နိုင်ငံတော်ရဲ့ ဂုဏ်သိက္ခာနဲ့ အမျိုးသား အကျိုးစီးပွား မထိခိုက်အောင် အစိုးရဟာ ဆောင်ရွက်နေပါတယ်လို့ ပြောပေမယ့်လို့ သံဃာတော်တွေနဲ့ လူထုတွေ လမ်းပေါ်ထွက် ဆန္ဒထုတ်ဖော်မယ့် သတင်းတွေ ထွက်ပေါ်ပြီးနောက်မှာမှ အဆောတလျင် အိုအိုင်စီရုံး ဖွင့်ခွင့်မပြုပါဘူးလို့ သတင်းထုတ်ပြန်လာတာ ဖြစ်ပါတယ်။

အိုအိုင်စီ ကတော့ တကယ်လို့များ အစိုးရဘက်က ဖွင့်ခွင့်မပြုဘူးလို့ တရားဝင်ပြောလာခဲ့ရင် နိုင်ငံတကာ အသိုင်းအဝိုင်းကနေ ဆက်လက်လှုပ်ရှားဆောင်ရွက်မယ်လို့ ပြောပါတယ်။ အခုကိစ္စက လိုအပ်လို့ ဆောင်ရွက်ရမယ့် ကိစ္စပါ၊ အရေးတကြီး ဆောင်ရွက်ဖို့လည်း လိုပါတယ်၊ အခြေခံ လူသားချင်း စာနာထောက်ပံ့တဲ့ ကိစ္စလည်း ဖြစ်ပါတယ်။ အိုအိုင်စီအနေနဲ့ကတော့ ကုလသမဂ္ဂ၊ လူ့အခွင့်အရေး ကော်မရှင်၊ ဒုက္ခသည်များဆိုင်ရာရုံး စသဖြင့် လုပ်နိုင်တဲ့ အတိုင်းအတာအထိ ဆက်လက် ဆောင်ရွက်သွားမှာ ဖြစ်ပါတယ်လို့ ဒဲလားစ် ဒါဝုစ်က ဘီဘီစီကို ပြောပါတယ်။

အောက်တိုဘာ ၁၅ ရက်က သံဃာတော်တွေ ဦးဆောင်လို့ မြို့ခံလူထုတွေလည်း ပါဝင်ပြီး ရန်ကုန်၊ မန္တလေး၊ ပခုက္ကူ၊ ကျောက်ပန်းတောင်း၊ တောင်ငူ၊ မော်လမြိုင်အပြင် ရခိုင်ပြည်နယ်တွင်းက စစ်တွေ၊ မြောက်ဦး၊ မင်းပြား၊ ရသေ့တောင်၊ ပုဏ္ဍားကျွန်းတို့ အပါအဝင် မြို့ကြီးပေါင်း ၂၀ ကျော်မှာ အိုအိုင်စီ ဆန့်ကျင်ဆန္ဒပြပွဲတွေ ကျင်းပခဲ့ကြပါတယ်။

ဟိုတယ်နဲ့ ခရီးသွားလာမှုကို ထိုင်းလုပ်ငန်းရှင်တွေ မျက်စိကျ

ထိုင်းမြန်မာ ကုန်သွယ်ရေးမှာ အရေးကြီးတဲ့ မဲဆောက် မြ၀တီဂိတ်

အောက်တိုဘာလ ၁၅ ရက်နေ့တုန်းက ထိုင်းနိုင်ငံ ဘန်ကောက်မြို့မှာ ဘန်ကောက်ဘဏ်က ကြီးမှူးတဲ့ မြန်မာနိုင်ငံ ဆိုင်ရာ ရင်းနှီးမြုပ်နှံမှု ဆွေးနွေးပွဲကို စိတ်ပါဝင်စားသူ ရဝဝ ကျော် တက်ရောက်ခဲ့ပါတယ်။

ဒီဆွေးနွေးပွဲနဲ့ ပတ်သက်လို့ ဘန်ကောက်ဘဏ် ရဲ့ ဒုတိယ ဥက္ကဌ မစ္စတာ သန်နစ် ဆရီချုပ်ကို ထိုင်းရင်းနှီးမြှုပ်နှံမှုတွေက မြန်မာပြည်အတွက် ဘယ်လို အကျိုးကျေးဇူးတွေ ရှိနိုင်ပါလဲလို့ မေးကြည့်တော့ သူက ရင်းနှီး မြှုပ်နှံမှုဆိုင်ရာနဲ့ ပတ်သက်ပြီး ဘန်ကောက်ဘဏ်မှာ ငွေအပ်နှံသူတွေကို တခြားနိုင်ငံတွေကနေ မြန်မာနိုင်ငံမှာ ရင်နှီးမြှပ်နှံမှုတွေ အများကြီး မဝင်လာခင်မှာ ကိုယ်က လက်ဦးမှုယူပြီး ရင်းနှီးမြှုပ်နှံကြပါလို့ ဒီဆွေးနွေးပွဲမှာ တိုက်တွန်းထားတယ်လို့ ဆိုပါတယ်။

ဒီပွဲကို တက်ရောက်လာကြတဲ့ လူပေါင်း ၇၀၀ ကျော်လောက်မှာ တချို့ဆိုရင် မြန်မာနိုင်ငံထဲကို ၀င်ပြီး ရင်းနှီးမြှပ်နှံမှုတွေကို စတင်လုပ်ဆောင်နေပါပြီ ၊ တော်တော်များများ ကလည်း အလားတူ လုပ်ဆောင်ဖို့ စိတ်ဝင်စားကြ ပေမယ့် တချို့ကလည်း မြန်မာအစိုးရရဲ့ ရင်းနှီးမြှုပ်နှံမှု ဥပဒေ အတည်ပြုတာကို စောင့်နေကြပါတယ်လို့ သူက ပြောပါတယ်။

ထိုင်းလုပ်ငန်းရှင်တွေက ဘယ်လိုမျိုး ရင်းနှီးမြှုပ်နှံမှုတွေ ဘက်ကို စိတ်ဝင်စားမှု ပြနေလဲ ဆိုတဲ့ မေးခွန်းကိုတော့ သူက ဖြေကြားရာမှာ ဘန်ကောက်ဘဏ်က ထိုင်းရင်းနှီးမြှုပ်နှံသူတွေကတော့ ကမ္ဘာလှည့် ခရီးသွားလာရေး လုပ်ငန်းတွေ၊ ကျန်းမာရေး ဝန်ဆောင်မှု ဆိုင်ရာတွေ နဲ့ ကုန်ထုတ်လုပ်မှု လုပ်ငန်းတွေမှာ ရင်းနှီးမြှုပ်နှံဖို့ စိတ်ဝင်စားကြပါတယ်လို့ မစ္စတာ ဆရီချုပ်က ရှင်းပြပါတယ်။

ဒါ့အပြင် ဘန်ကောက်ဘဏ်ကနေ ရန်ကုန်မြို့မှာ ကိုယ်စားလှယ်ရုံး ဖွင့်ခွင့် လိုင်စင်ရတာ ၁၇ နှစ် ရှိသွားပြီ ဖြစ်တာကြောင့် သူတို့ အနေနဲ့ မြန်မာဘဏ်တွေနဲ့ ဆက်ဆံရေးကိုလည်း ကောင်းမွန်သထက် ကောင်းမွန်အောင် လုပ်ဆောင် နေတဲ့ အပြင် မြန်မာဘဏ်တွေ ဖက်ကလည်း ထိုင်းလုပ်ငန်းရှင် တွေကို ကူညီနိုင်တဲ့ လိုအပ်တဲ့ အကူအညီတွေ ပေးနေပါတယ်လို့ သူက ဆိုပါတယ်။

မြန်မာအစိုးရရဲ့ ရင်းနှီးမြှုပ်နှံမှုဆိုင်ရာ ဥပဒေကို စောင့်နေရမှု အပြင် တခြား စိန်ခေါ်မှုတွေကတော့ မြန်မာနိုင်ငံမှာ အခြေခံ အဆောက်အအုံနဲ့ ပတ်သက်ပြီး လိုအပ်ချက် ရှိနေတာ၊ လျှပ်စစ်မီး မလုံလောက်တာ၊ ဘဏ်တွေရဲ့ ဝန်ဆောင်မှုတွေ တိုးတက်ဖို့ လိုအပ်တာ၊ ကျွမ်းကျင်လုပ်သား ရှားပါးတာက ကျနော်တို့ အတွက် အဓိက စိန်ခေါ်မှုတွေ ဖြစ်ပါတယ်၊ ဒါပေမယ့်လည်း ရင်းနှီးမြှပ်နှံမှုတွေ တဖြည်းဖြည်း များလာတာနဲ့ အမျှ ဒီလိုအပ်ချက်တွေ ကလည်း တဖြည်းဖြည်း ပြည်စုံလာမယ်လို့ မျှော်လင့်ကြောင်း သူက ဆိုသွားခဲ့ ပါတယ်။

မြန်မာနိုင်ငံအနေနဲ့ ကရော ပြည်ပ ရင်းနှီးမြှုပ်နှံမှုတွေ အတွက် ဘယ်လောက် အထိ အဆင်သင့်ဖြစ်နေပြီလို့ ထင်ပါသလဲလို့ မေးတဲ့ အခါ သူက မြန်မာနိုင်ငံမှာ ဥပဒေပြဌန်းချက်တွေ၊ လိုက်နာရမယ့် စည်းကမ်းချက်တွေက တော်တော်များပြီး နိုင်ငံခြားသားတွေအနေနဲ့ အားလုံးကို သေချာ သဘောပေါက် နားလည်နိုင်ဖို့ အင်မတန် ခဲယဉ်းတာကြောင့် ဒါတွေကို ရှင်းရှင်းလင်းလင်းဖြစ်အောင် လုပ်ဆောင်နိုင်ဖို့က အရမ်းကို အရေးကြီးပါတယ်လို့ မစ္စတာ ဆရီချုပ်က ပြောသွားခဲ့ပါတယ်။

အခွန်တိုးကောက် အသုံးလျှော့မယ့် ပေါ်တူဂီ

ပေါ်တူဂီ နိုင်ငံမှာ နှစ်ပေါင်းများစွာ အတွင်း အတင်းကျပ်ဆုံး ဘတ်ဂျက်အစီအစဉ်တွေကို အစိုးရက လူထုကို ချပြခဲ့ပါတယ်။

အဲဒီ အထဲမှာ အခွန် အကြီးအကျယ် တိုးကောက်မှု အပါအဝင် ဘတ်ဂျက် လိုငွေပြမှုကို ဖြေရှင်းနိုင်ဖို့ အသုံးစရိတ် ဖြတ်တောက်မယ့် အစီအစဉ်တွေကိုလည်း ဖော်ပြထား ပါတယ်။

နိုင်ငံတကာရဲ့ ဘဏ္ဍာရေး ကယ်ဆယ် ကူညီမှု ဒေါ်လာ ဘီလီယံ တရာ ရနိုင်ဖို့ လိုက်နာ လုပ်ဆောင်ရမယ့် စည်းမျဉ်းနဲ့ အညီဖြစ်အောင် အခုလို အစီအစဉ်တွေ ချမှတ်ရတာပါလို့ ဘဏ္ဍာရေး ဝန်ကြီး Vitor Gaspar က ပြောပါတယ်။

အတိုက်အခံ ဆိုရှယ်လစ် ပါတီကတော့ ဒီအစီအစဉ်က ဘဏ္ဍာရေး အနုမြူ ဗုံးဘဲလို့ ဆိုပါတယ်။

ပေါ်တူတီ ပါလီမန် အပြင်ဖက်က ရာထောင်ချီတဲ့ ဆန္ဒပြသူတွေကတော့ အစိုးရ နှုတ်ထွက်ပေးဖို့ တောင်းဆိုနေပါတယ်။

လစ်ဗျား ထောင်ဖောက်

လစ်ဗျား နိုင်ငံ ထရစ်ပိုလီမြို့မှာ Al-Jadaida ထောင် ဖောက်မှု ဖြစ်ပွားခဲ့လို့ အကျဉ်းသား ၁၂ဝ လောက် ထွက်ပြေး လွတ်မြောက်သွားတယ်လို့ သတင်းရရှိပါတယ်။

အဲဒီ အထဲက တဝက်လောက်ကို ပြန်ဖမ်းမိထားပြီး အခုတော့ လုံခြုံရေး အစီအမံတွေကို တင်းတင်းကျပ်ကျပ် ချထားတယ်လို့ အမျိုးသား လုံခြုံရေး အကြီးအကဲ Khaled al-Sharif က ပြောပါတယ်။

မနှစ်တုန်းက ဗိုလ်မှူးကြီး ကဒါဖီ ဆန့်ကျင်ရေး အုံကြွမှုမှာ ပါဝင် တိုက်ခိုက် ပေးခဲ့တဲ့ သူပုန်ဟောင်းတွေ လက်အောက်မှာ ရှိတဲ့ Al-Jadaida ထောင် အပါအဝင် နိုင်ငံ တလွှားက အကျဉ်းထောင် တော်တော်များများကို အာဏာပိုင်တွေက ပြန်လည် ထိန်းချုပ်ထား လိုက်ပါတယ်။

ကြံ့ခိုင်ရေးပါတီ ခေါင်းဆောင် ဘယ်သူ ဖြစ်လာမလဲ

ကြံ့ခိုင်ရေးပါတီညီလာခံကို တက်ရောက်လာတဲ့ သမ္မတ ဦးသိန်းစိန်

ပြည်ထောင်စု ကြံ့ခိုင်ရေးနဲ့ဖွံ့ဖြိုးပါတီ ပထမအကြိမ်ညီလာခံ ဒုတိယနေ့မှာ တိုင်းဒေသကြီး ကိုယ်စားလှယ် အစုအဖွဲ့၅ခုက စာတမ်းတင်ဆွေးနွေးခဲ့ကြပါတယ်။ လူအများကတော့ မနက်ဖန် ပါတီဥက္ကဌတာဝန်ကို ဘယ်သူအရွေးခံရမလဲလို့ စောင့်မျှော်နေကြပါတယ်။

ပြည်တွင်းထုတ် သတင်းစာတွေမှာတော့ သမ္မတဦးသိန်းစိန်ကို သမ္မတရော ပါတီဥက္ကဌအဖြစ်ပါရေးသားထားသလို နိုင်ငံတော်ဖွဲ့စည်းပုံအရလည်း သမ္မတ ဒုတိယသမ္မတစတဲ့နေရာ အရွေးခံရသူတွေဟာ ပါတီတာဝန်ကို ထမ်းဆောင်လို့မရပေမဲ့ ရာထူးကနှုတ်ထွက်စရာမလိုဘူးလို့ သမ္မတ ဝက်ဆိုဒ်မှာရေးထားပါတယ်။

ဒီတော့ ဘယ်သူခေါင်းဆောင်ဖြစ်မယ့် အလားအလာရှိသလဲ ပါတီဝင်ထုရဲ့သဘောထားဘယ်လို့ရှိသလဲလို့ ညီလာခံတက်ရောက်နေတဲ့ ပြည်ထောင်စုနယ်မြေ ပါတီကော်မီတီ နာယက ဦးလှမြင့်ဦးကို မေးကြည့်တဲ့အခါ လောလောဆယ် ပါတီဝင်ထုရဲ့ သဘောထားကို တော့အမျိုးမျိုးရှိလို့ အသေအချာမပြောနိုင်ကြောင်း သမ္မတ အနေနဲ့လည်း အခြေခံဥပဒေအရ ပါတီတာဝန်တွေတက်ကြွစွာ ပါဝင်လို့မရဘူးလို့သာပါတဲ့အတွက် ဥက္ကဌရာထူးက ထွက်ဖို့မလိုကြောင်း ပါတီဟာလည်း တိုင်းပြည်အတွက်လုပ်တာဖြစ်လို့ သူ့အနေနဲ့ သမ္မတဆက်ပြီး ပါတီခေါင်းဆောင်လုပ်ရင် အထူးပြောစရာ မရှိဘူးလို့ ဘီဘီစီကိုပြောပါတယ်။

အခုအခါ ပါတီမှာခေါင်းဆောင်တာဝန် ကိစ္စနဲ့ပတ်သက်လို့ ပါတီ ဖွဲ့စည်းပုံကိုလည်း ပြင်ဆင်ဖို့ စီစဉ်နေကြောင်းသူက ဆက် ပါတယ်။

အများဝေဖန်နေသလို ကြံ့ခိုင်ရေး ပါတီအတွင်း ခေါင်းဆောင်ပိုင်း အားပြိုင်မှုမရှိတဲ့အကြောင်းနဲ့ ပါတီရဲ့ဆောင်ရွက်ချက်တွေမှာ အားနည်းတာရှိရင်လည်း သုံးသပ်ပြင်ဆင်သွားမယ်လို့ ဦးလှမြင့်ဦးက ဘီဘီစီကို ပြောသွားပါတယ်။

စီးပြားရေး နိုဘယ္လ် ဆု အေမရိကန် နှစ်ယောက္ဆြတ္ခူး

၂၀၁၂ ခုနှစ် အတွက် စီးပွားရေး နိုဘယ်ဆု ဆွတ်ခူး ခဲ့ကြသူ ပါမောက္ခ နှစ်ယောက်

၂၀၁၂ ခုနှစ် အတွက် စီးပွားရေး ဆိုင်ရာ နိုဘယ်လ် ဆုကို အမေရိကန် နိုင်ငံသား နှစ်ယောက် ဖြစ်တဲ့ အယ်လ်ဗင် ရော့သ်နဲ့ လွိုက် ရှိပ်လေ (Alvin Roth and Lloyd Shapley ) တို့ကို အပ်နှင်းလိုက် ပါတယ်။

ဆွီဒင် နိုင်ငံ အခြေစိုက် နိုဘယ်လ်ဆု ရွေးချယ်ရေး အကယ်ဒမီက သူတို့ နှစ်ယောက်ရဲ့ စီးပွားရေး ဆိုင်ရာ သီအိုရီနဲ့ ပတ်သက်ပြီး ဆုချီးမြှင့် ခဲ့တာ ဖြစ်ပါတယ်။

သူတို့ရဲ့ သီအိုရီက စီးပွားရေး ကဏ္ဍ အတွင်း တွဲဘက်ညီတဲ့ အပိုင်း တွေမှာ ဆက်စပ် လုပ်ဆောင်ရေးနဲ့ အဲဒီ တွဲဘက် တွေစနစ် တကျ လက်တွဲ လုပ်ဆောင် နိုင်မယ့် ဈေးကွက် ပုံစံ ဖော်ထုတ်ရေးကို စဉ်းစား တီထွင်ခဲ့ကြ တာဖြစ်ပါတယ်။

Stable allocations and the practice of market design သီအိုရီကို အသက် ၈၉ နှစ် အရွယ် ပါမောက္ခ ရှိပ်လေနဲ့ ပါမောက္ခ ရော့သ် တို့က လက်တွေ့ စမ်းသပ် လုပ်ဆောင် ခဲ့ကြတာ ဖြစ်ပါတယ်။

စောဒေးဗစ်ထောရဲ့ ရုပ်ကလပ် မဲဆောက် ပြန်ရောက်

ငြိမ်းချမ်းရေး ဆွေးနွေး စဉ် စောဒေးဗစ်ထော ကွယ်လွန်တာ သူတို့ရဲ့ ဆုံးရှုံးမှုလို့ ကရင် တိုင်းရင်းသား တွေ ယူဆ

ဖဒို စောဒေးဗစ်ထောရဲ့ ကြွင်းကျန် ရုပ်ကလပ် ပါတဲ့ မှန်ခေါင်းကို ကရင်ပြည် နယ် ဘားအံမြို့ ပြည်သူ့ ဆေးရုံကြီးက လူနာတင်ကားဟာ မဲဆောက်မြို့က KRC ကရင် ဒုက္ခသည် ရေးရာ ကော်မီတီရုံး ကို တနင်္လာနေ့ မွန်းလွဲ သုံး နာရီလောက်က ရောက်ခဲ့ ပါတယ်။

ဖဒို စောဒေးဗစ်ထောရဲ့ ရုပ်ကလပ်ကို ရန်ကုန်တိုင်း ဒေသကြီး ကရင်ရေးရာ ဝန်ကြီး ဦးစောထွန်းအောင်မြင့်၊ ဦးနှောက်နဲ့ အာရုံကြော အထူးကု ဆရာဝန်ကြီး ဒေါက်တာဆိုင်မွန်သာ၊ ဖလုံ စဝေါ် ပါတီ ဘားအံ မဲဆန္ဒနယ် ပြည်သူ့ လွှတ်တော် ကိုယ်စားလှယ် ဒေါ်နန်းစေးအွားတို့ ဦးဆောင်ပြီး ရန်ကုန် ကနေ မဲဆောက် အရောက် လာပို့ ရာမှာ ဂုဏ်သရေရှိ ကရင် လူမျိုး အတော် များများ လိုက်ပါ လာကြ ပါတယ်။

ဖဒို စောဒေးဗစ်ထောကို ဆေးကုသမှု အပိုင်းက စပြီး တာဝန်ယူ ဆောင်ရွက် ပေးခဲ့တဲ့ မြန်မာ အစိုးရဟာ ကွယ်လွန် သွားတော့လည်း မိသားစု ဆန္ဒ အတိုင်း ဆောင်ရွက် ပေးပါတယ် လို့ ရန်ကုန်တိုင်း ဒေသကြီး ကရင် ရေးရာ ဝန်ကြီး ဦးစောထွန်းအောင်မြင့်က ဘီဘီစီကို ပြောပါတယ်။

ကေအန်ယူနဲ့ အစိုးရ အကြား ငြိမ်းချမ်းရေး ဆွေးနွေး နေတဲ့ ကာလမှာ ငြိမ်းချမ်းရေး အတွက် အားထား ရမယ့် ပုဂ္ဂိုလ်တစ်ဦး ကွယ်လွန်သွား ပေမဲ့ အောင်မြင့်တဲ့ အထိ ဆက်လက် ဆောင်ရွက် သွားမယ်လို့ ကေအန်အယ်လ်အေ စစ်ဦးစီးချုပ် ဗိုလ်ချုပ်ကြီး စောမူတူး စေးဖိုးက ပြောပါတယ်။

ဖလုံ စဝေါ်ပါတီက ဘားအံ ပြည်သူ့ လွှတ်တော် ကိုယ်စားလှယ် နန်းစေးအွား ကလည်း ငြိမ်းချမ်းရေး အတွက် ဆောင်ရွက် နေစဉ်မှာ တန်ဖိုးရှိတဲ့ သူတစ်ဦး ကွယ်လွန် သွားရ တာဟာ ကရင် လူမျိုးတွေ အတွက် ဆုံးရှုံးမှု တရပ်လို့ ပြော ပါတယ်။

ဖဒို စောဒေးဗစ်ထောရဲ့ ရုပ်ကလပ်ကို အောက်တိုဘာလ ၁၇ ရက်နေ့မှာ သဂြိဟ်မှာ ဖြစ်ပါတယ်။

သဂြိုဟ်မယ့် နေရာ ဖြစ်တဲ့ ကေအင်အယ်လ်အေ တပ်မဟာ ၇ ရဲ့ သေဘေထ စခန်းဆီကို KRC က ဆက်ပြီး သယ်ဆောင် သွားခဲ့ကြ ပါတယ်။

နိုင်ငံတကာ ငွေချေးနိုင်ဖို့ မြန်မာကို အမေရိကန် ကူညီမည်

မြန်မာနိုင်ငံအနေနဲ့ နိုင်ငံရေးနဲ့ စီးပွားရေး ပြုပြင်ပြောင်းလဲမှုတွေ ဆက်ပြီး ရှိနေမယ်ဆိုရင် ကမ္ဘာ့ဘဏ်အပါအ၀င် နိုင်ငံတကာ ငွေကြေးအဖွဲ့အစည်းတွေနဲ့ မြန်မာနိုင်ငံ ဆက်ဆံရေး ပုံမှန်အတိုင်း ဖြစ်လာစေဖို့ ထောက်ခံ ကူညီသွားမယ်လို့ အမေရိကန်ပြည်ထောင်စု က ပြောလိုက်ပါတယ်။ ကမ္ဘာ့ဘဏ် နိုင်ငံတကာ ငွေကြေးရန်ပုံငွေအဖွဲ့ (IMF)၊ အာရှဖွံ့ဖြိုးရေးဘဏ် (ADB) တို့နဲ့ မြန်မာနိုင်ငံအကြား ဆက်စပ်မှု လုပ်လာချိန်မှာပဲ အမေရိကန်ပြည်ထောင်စု အနေနဲ့ကလည်း မြန်မာနိုင်ငံကို ဒီအဖွဲ့အစည်းတွေ ပုံမှန် ငွေချေးငှားမှုတွေ ဖြစ်လာစေဖို့ အကူအညီ ပေးသွားမယ်လို့ ပြောသွားတာပါ။

“အခု လက်ရှိ သွားနေတဲ့ ပြုပြင် ပြောင်းလဲရေးတွေဟာ အားရကျေနပ်စရာပါ၊ ဒါပေမဲ့ အခုလို ကမ္ဘာ့ဘဏ်တို့ အာရှဖွံ့ဖြိုးရေး ဘဏ်တို့ ပါဝင်လာခြင်းအားဖြင့် ဒီ ပြုပြင်ပြောင်းလဲမှုတွေ ခိုင်မာစေဖို့ အထောက်အကူ ဖြစ်စေပြီး၊ မြန်မာပြည်သူတွေကို ကူညီသွားနိုင်မှာပါ။” အမေရိကန်ပြည်ထောင်စု ဘဏ္ဍာရေးဝန်ကြီးဌာန ဒု လက်ထောက် ၀န်ကြီး Lael Brainard က ပြောသွားတာ ဖြစ်ပါတယ်။ အမေရိကန်သမ္မတ အိုဘားမား ကိုယ်တိုင်ကလည်း အခုလို နိုင်ငံတကာ ငွေကြေးအဖွဲ့တွေ မြန်မာနိုင်ငံကို အကူအညီပေးနိုင်မယ့် အခြေအနေဖြစ်အောင် အရေးကြီးတဲ့ ဥပဒေတရပ်ကိုလည်း လက်မှတ်ထိုး အတည်ပြုပေးခဲ့ပြီးပြီလို့ ဒု လက်ထောက် ဘဏ္ဍာရေးဝန်ကြီး Brianard က ပြောပါတယ်။

တချိန်တည်းမှာ မြန်မာအနေနဲ့ နိုင်ငံတကာမှာ တင်ရှိနေတဲ့ ကြွေးမြီ လျှော်ပေးရေး ကိစ္စရပ်တွေကိုလည်း ဆွေးနွေးနေကြပြီး၊ ဒီကိစ္စအတွက် အမေရိကန်ပြည်ထောင်စု ဘက်က အကူအညီ ပေးသွားမယ်လို့ ပြောပါတယ်။

တိုကျိုမှာ လုပ်နေတဲ့ ကမ္ဘာ့ဘဏ်နဲ့ အာရှဖွံ့ဖြိုးရေးဘဏ် အစည်းအဝေး အတွင်းမှာပဲ မြန်မာနိုင်ငံနဲ့ ပတ်သက်တဲ့ ငွေကြေးထောက်ပံ့မှု အကူအညီ ကိစ္စရပ်တွေကိုလည်း ဆွေးနွေးခဲ့ကြပါတယ်။ သူတို့အနေနဲ့ ကတော့ လက်ရှိ ပြုပြင်ပြောင်းလဲမှုတွေ အပေါ် အားရမိတယ်လို့ ကမ္ဘာ့ဘဏ်ဥက္ကဋ္ဌ Jim Yong Kim က တိုကျို သတင်းစာရှင်းလင်းပွဲမှာ မြန်မာနဲ့ပတ်သက်လို့ ထည့်သွင်းပြောသွားပါတယ်။

“လက်ရှိသွားနေတဲ့ ပြုပြင်ပြောင်းလဲရေးတွေ အပေါ်မှာ အတော်လေး အထင်ကြီး လေးစားရပါတယ်။ ဒါပေမဲ့ ဆက်ပြီး လုပ်စရာ ကိုင်စရာတွေ ကျန်ပါသေးတယ်။ လက်ရှိအစိုးရကို ကျနော်တို့ လိုလိုလားလား ထောက်ခံပါတယ်။ အထူးသဖြင့် နောက်ထပ် ပြုပြင်ပြောင်းလဲမှုတွေ လုပ်သွားဖို့ ထောက်ခံ ကူညီသွားမှာ ဖြစ်ပါတယ်။”

ကမ္ဘာ့ဘဏ်အနေနဲ့ မြန်မာနိုင်ငံ အတွက် ပြန်လည် တည်ဆောက်ရေး အမေရိကန်ဒေါ်လာ ၃၉၇ သန်း ချေးငွေ ပေးသွားမယ်လို့ ပြီးခဲ့တဲ့လက သဘောတူထားပြီးပါပြီ။ ဒါ့အပြင် မြန်မာနိုင်ငံထဲမှာ ကမ္ဘာ့ဘဏ်ရုံးခွဲ ဖွင့်သွားဖို့လည်း စီစဉ်နေပါတယ်။ ကမ္ဘာ့ဘဏ်အနေနဲ့ ၁၉၈၇ ခုနှစ် ကတည်းက မြန်မာနိုင်ငံကို ချေးငွေထောက်ပံ့မှု ရပ်တန့်ခဲ့ပြီးမှ အခု ပထမဆုံး အကြိမ် ချေးငွေတွေ ပြန်လည်ပေးတော့မှာ ဖြစ်ပါတယ်။

မကြာသေးခင်ကပဲ ဂျပန်နိုင်ငံကလည်း မြန်မာက ရှိနေတဲ့ ကြွေးမြီအချို့ လျှော်ပေး သလို၊ နိုင်ငံတကာမှာ တင်ရှိနေတဲ့ ကြွေးမြီတွေ ပြန်ဆပ်နိုင်ဖို့ အတွက်လည်း ယာယီ ငွေ ထုတ်ချေးသွားဖို့လည်း စီစဉ်နေတယ်လို့ ကြေညာထားပါတယ်။

ရုံးဖွင့်ခွင့် သဘောတူလက်မှတ် ရေးထိုးထားပြီး ဖြစ်ကြောင်း OIC တုန့်ပြန်

အစ္စလာမ်နိုင်ငံများ ပူးပေါင်းဆောင်ရွက်ရေးအဖွဲ့ OIC  ဆက်ဆံရေးရုံးကို မြန်မာနိုင်ငံထဲမှာ ဖွင့်ခွင့်ပြုမှာ မဟုတ်ဘူးလို့ အစိုးရက သတင်းထုတ်ပြန်လိုက်ပါတယ်။ မြန်မာနိုင်ငံထဲမှာ OIC ဆက်ဆံရေးရုံး ဖွင့်ခွင့်မပြုဖို့ ဆန္ဒပြပွဲတွေ နေရာ အတော်များများမှာ ဖြစ်ပွားနေချိန်မှာပဲ အခုလို သတင်းထုတ်ပြန်လိုက်တာပါ။ OIC အဖွဲ့ကတော့ အခုလို ရုံးခန်းဖွင့်ဖို့ ပယ်ဖျက်လိုက်တဲ့အကြောင်း သူတို့ဆီကို တရားဝင်အကြောင်းကြားလာမျိုး မရှိသေးဘူးလို့ ဆိုပါတယ်။ ဒီအကြောင်း အပြည့်အစုံကိုတော့ ဦးဝင်းမင်းက တင်ပြထားပါတယ်။

နိုင်ငံပေါင်း ၅၇နိုင်ငံပါဝင်တဲ့ အစ္စလာမ်နိုင်ငံများ ပူးပေါင်းဆောင်ရွက်ရေးအဖွဲ့ရဲ့ ဆက်ဆံရေးရုံး ကို မြန်မာနိုင်ငံမှာ ဖွင့်ခွင့်မပြုဘူးလို့ ည ၈နာရီ မြန်မာရေဒီယိုနဲ့ ရုပ်မြင်သံကြားတွေ က ကြေညာလိုက်ပါတယ်။ OIC ဆက်ဆံရေးရုံးဖွင့်ခွင့်မပြုဖို့ ရခိုင်ပြည်နယ် စစ်တွေမြို့နဲ့ မန္တလေးမြို့ကြီးတွေအပါအဝင် အခြားမြို့အနည်းငယ်မှာ ဆန္ဒပြပွဲတွေ ဒီရက်ပိုင်းအတွင်းကစ ဖြစ်လာခဲ့ပြီး အချိန်မှာ မြန်မာအစိုးရဘက်က ပြည်သူလူထုရဲ့ ဆန္ဒနဲ့ မကိုက်ညီလို့ အခုလို ဆုံးဖြတ်ရတာလို့ဆိုပါတယ်။

အခုလို OIC ရုံးဖွင့်ဖို့ကို မြန်မာအစိုးရရဲ့ နယ်စပ်ရေးရာဝန်ကြီး ဦးသိန်းဌေးနဲ့ OIC အဖွဲ့ရဲ့ ကိုယ်စားလှယ်တွေကြား ပြီးခဲ့တဲ့ စက်တင်ဘာကပဲ ရခိုင်ပြည်နယ်က ဒုက္ခသည်တွေ ကူညီရေး နားလည်မှု စာချွန်လွှာတခု လက်မှတ်ရေးထိုးပြီး သဘောတူခဲ့ကြတယ်လို့ OIC  ပြန်ကြားရေးဌာနက Ms. Maha အခုလို ပြောပါတယ်။

“သဘောတူညီမှုဟာ မြန်မာအစိုးရဘက်က နယ်စပ်ရေးရာဝန်ကြီး နဲ့ OIC ကိုယ်စားလှယ်တို့ကြား ပြီးခဲ့တဲ့လ စက်တင်ဘာလက လက်မှတ်ရေးထိုးခဲ့တာဖြစ်ပါတယ်။ ရုံးခွဲနှစ်ခု ဖွင့်ခွင့်ပြုဖို့ ရန်ကုန်နဲ့ ရခိုင်၊ စစ်တွေမှာပါ။”

အခုလိုလက်မှတ်ရေးထိုးခဲ့တဲ့ ဒီနားလည်မှု စာချွန်လွှာထဲမှာ ရခိုင်ပြည်နယ်မှာ ရိုဟင်ဂျာ မူဆလင်နဲ့ ဗုဒ္ဓဘာသာဝင်ရခိုင်တွေကြား ဖြစ်ခဲ့တဲ့ ပဋိပက္ခနဲ့ လူသားချင်းဆိုင်ရာ ကူညီမှုတွေကို ညှိနှိုင်းဖြေရှင်းစောင့်ကြည့်ပေးဖို့ အခုလိုရုံးခွဲဖွင့်ဖို့ ထည့်သွင်းခဲ့တာဖြစ်တယ်လို့ ဆိုပါတယ်။ ဒါပေမယ့် အခုလို ရုံးခွဲဖွင့်ဖို့ မပြုတော့တဲ့ ဆုံးဖြတ်ချက်ကို တရားဝင်အကြောင်းကြားစာ အနေနဲ့ မရရှိသေးဘူးလို့ OIC ပြန်ကြားရေးဌာနက Ms. Mahar က ဆက်ပြောပါတယ်။

“ကျမတို့အနေနဲ့ မြန်မာအစိုးရထံက အဲ့ဒီ့ကိစ္စနဲ့ပတ်သက်လို့ တရားဝင်အကြောင်းကြားတာမျိူး  လက်ခံရရှိခြင်း မရှိသေးပါဘူး။ ဒါပေမယ့်လို့ ကျမတို့ဆီမှာ ရှိတဲ့အချက် ကတော့ OIC နဲ့ မြန်မာအစိုးရကြား လက်မှတ်ရေးထိုးထားတဲ့ သဘောတူညီမှုပါ။ OIC ရုံးခွဲတွေ ဖွင့်ခွင့်ပြု မယ်ဆိုတဲ့ သဘောတူညီမှု ဖြစ်တာမို့ အခုလို ဖွင့်ခွင့်မပြုနိုင်ဘူးလို့ ပြောလာတာကို ကျမတို့ နားမလည်နိုင်ပါဘူး။ သဘောတူညီမှု လက်မှတ်ရေးထိုးထားပြီးသားပါ။”

တချိန်တည်းမှာ RNDP ခေါ် ရခိုင်တိုင်းရင်းသားများ တိုးတက်ရေး ပါတီခေါင်းဆောင်နဲ့ လွှတ်တော်အမတ် ဒေါက်တာအေးမောင်ကတော့ OIC အနေနဲ့ ဘာသာရေးအဖွဲ့ဖြစ်တဲ့အတွက် တိုက်ရိုက်ရုံးဖွင့်ခွင့်ပေးတာထက် စာရင် မြန်မာအစိုးရကတဆင့် စိစစ်ပြီး အကူအညီတွေကို ရောက်သင့်တဲ့နေရာကို ပို့သင့်တယ်လို့ဆိုပါတယ်။

“ကာလတခုအထိ လာပြီးကာမှ ကိုယ်တိုင်ပါဝင်လုပ်ဆောင်မယ်ဆိုတဲ့ အပိုင်းကြည့်တဲ့အခါမှာ ကျနော်တို့ ပွင့်ပွင့်လင်းလင်းပြောရင် လူတွေက ဘယ်သူတွေ ဘာညာဆိုတာ ကျနော်တို့က သေချာသိနိုင်တဲ့ သဘောမဟုတ်တဲ့အခါကျတော့ အင်မတန်ကြောက်စရာကောင်းတယ်ဗျ။ ဘာတွေကို ယူသွားမလဲ။ ဘာတွေကို ဖော်ထုတ်မလဲ။  မဟုတ်တဲ့ဟာကို ဘယ်လိုဝါဒဖြန့်မလဲ ဆိုတာလည်းရှိတယ်။ အဲ့တာကြောင့် အစိုးရအဖွဲ့ကတဆင့် ကူပေးတာ လက်ခံတယ်။”

တကယ်တော့ မြန်မာနိုင်ငံမှာ ပြီးခဲ့တဲ့ ဇွန်လကစပြီး ရခိုင်နဲ့မူဆလင်တွေကြား ပဋိပက္ခတွေ ဖြစ်လာခဲ့အပြီးမှာ လူပေါင်းအနည်းဆုံး ၇၀ကျော်သေဆုံးခဲ့ရပြီး အခုလို ရခိုင်ပြည်နယ်အတွင်းမှာလည်း မူဆလင်နဲ့ ဗုဒ္ဓဘာသာ ဒုက္ခသည်ပေါင်း ရှစ်သောင်းပတ်ဝန်းကျင် ဖြစ်လာခဲ့ရတာပါ။

စကော့ဒ်တလန် လွတ်လပ်ရေး ဆန္ဒခံယူပွဲလုပ်မည်

စကော့ဒ်တလန်ကို သီးခြားလွတ်လပ်တဲ့ နိုင်ငံတနိုင်ငံအဖြစ် ရပ်တည်နိုင်ဖို့အတွက် ဆန္ဒခံယူပွဲတရပ် ကျင်းပဖို့ ဗြိတိန်နဲ့ စကော့ဒ်တလန်တို့ကြား လက်မှတ်ရေးထိုးလိုက်ပြီဖြစ်ပါတယ်။ ဗြိတိန်ဝန်ကြီးချုပ် ဒေးဗစ်ကမ်မရွမ်း David Cameron နဲ့ စကော့ဒ်တလန်ဆိုင်ရာဝန်ကြီး အဲလစ်ဆဲလ်မွန် Alex Salmond တို့ တနင်္လာနေ့က Edinburgh မြို့မှာ လက်မှတ်ရေးထိုးခဲ့တာဖြစ်ပါတယ်။

ဒီသဘောတူညီချက်အရ စကော့ဒ်တလန်ဟာ သီးခြားလွတ်လပ်တဲ့ နိုင်ငံတနိုင်ငံအဖြစ်နဲ့ ရပ်တည်မလား။ The United Kingdom ဆိုတဲ့ နယ်နမိတ်ထဲမှာ ဆက်ရပ်တည်မလားဆိုတာကို ၂၀၁၄ခုနှစ်နောက်ပိုင်းမှာ မဲပေးဆုံးဖြတ်ဖို့၊ အသေးစိတ်အချက်တွေကို ဆွေးနွေးထားတယ်လို့ ဆိုပါတယ်။ စေ့စပ်ညှိနှိုင်းမှုတွေအပြီး စကော့ဒ်တလန်မြို့တော်မှာ မစ္စတာဆဲလမွန်နဲ့ မစ္စတာကင်မရွမ်တို့ တွေ့ဆုံခဲ့ကြတာဖြစ်ပါတယ်။

ဗြိတိန်ဝန်ကြီးချုပ်က ခွဲထွက်ရေးအတွက် သဘောမတူပေမယ့် စကော့ဒ်တလန်ပြည်သူတွေ သူတို့ရဲ့ အနာဂတ်အတွက် သူတို့ကိုယ်တိုင် မဲပေးဆုံးဖြတ်ဖို့ကိုတော့ သဘောတူပါတယ်။ ဒီလအစောပိုင်း စစ်တမ်းတွေအရ စကော့ဒ်တလန်ပြည်သူစုစုပေါင်းရဲ့ ၂၈% က လွတ်လပ်ရေးအတွက် ထောက်ခံကြပါတယ်။ ၁၇၀၇ခုနှစ်တုန်းက ပြဌာန်းခဲ့တဲ့ အက်ဥပဒေအရ အင်္ဂလန်နဲ့ စကော့ဒ်တလန် ပေါင်းစည်းရေးကို  ဆောင်ရွက်ခဲ့တာဖြစ်ပါတယ်။

OICရုံးဖွင့်ခွင့် ပြည်တွင်း ငြိမ်းချမ်းမှု မထိခိုက်သင့်

မူဆလင်အဖွဲ့တွေဘက်က သဘောထားကို သိရအောင်လို့ အစ္စလာမ်သာသနာရေးရာကောင်စီ ဌာနချုပ်က ဦးဝဏ္ဏရွှေကို ဗွီအိုအေမြန်မာပိုင်းက မခင်ဖြူထွေးက ဆက်သွယ်မေးမြန်းခဲ့ပါတယ်။

မေး။   ။ မြန်မာနိုင်ငံမှာ OIC ရုံးဖွင့်မယ့်ကိစ္စကို ကန့်ကွက်ဆန္ဒပြမှုတွေကလည်းရှိနေတယ်။ အခုဆိုရင် အစိုးရကလည်း တရားဝင် ထုတ်ပြောလိုက်ပြီပေါ့နော်။ ရုံးခန်းဖွင့်ဖို့ကိစ္စကို ဖွင့်ခွင့်မပြုဘူးဆိုတာ ပြောလိုက်ပါတယ်။ အဲ့ဒီ့တော့ ဦးဝဏ္ဏရွှေတို့လို မြန်မာနိုင်ငံထဲမှာ ရှိတဲ့ မူဆလင် အသင်းအဖွဲ့တွေအနေနဲ့ အခု OIC  ရုံးခန်းလာဖွင့်ဖို့ စီစဉ်တဲ့အပေါ်မှာဦးဝဏ္ဏရွှေတို့ရဲ့ နားလည်မှုက ဘယ်လိုရှိပါသလဲ။

ဖြေ။   ။ OIC နဲ့ပတ်သက်လို့ ပြောရရင် နံပတ်တစ်က OIC နဲ့ ကျနော်တို့အဖွဲ့ချုပ်တွေနဲ့က အဆက်အသွယ်မရှိဘူးနော်။ OIC ဆိုတာ သိတဲ့အတိုင်းပဲ သူက အစ္စလာမ်နိုင်ငံ ၅၇နိုင်ငံနဲ့ဖွဲ့ထားတဲ့ အဖွဲ့ဖြစ်တယ်။ အစိုးရတွေနဲ့ဖွဲ့ထားတဲ့ အဖွဲ့ဖြစ်တဲ့အတွက် အန်ကယ်လ်တို့အဖွဲ့တွေနဲ့တော့ အဆက်အသွယ်တော့ မရှိဘူး။ ဒီနိုင်ငံက နိုင်ငံတော်အစိုးရတွေနဲ့ ဆက်သွယ်ဆောင်ရွက်တဲ့ ကိစ္စဖြစ်ပါတယ်။ နိုင်ငံတော်အစိုးရနဲ့ ဆက်သွယ်ဆောင်ရွက်တဲ့ ကိစ္စကလည်း အန်ကယ်လ်တို့ အနေနဲ့က အသေးစိတ် မသိရပါဘူး။

ယေဘူယျ ကြားရတာကတော့ လူမှုအထောက်အကူပြုလုပ်ငန်းတွေ လုပ်မယ်ဆိုပြီးတော့ အန်ကယ်လ်တို့ကတော့ လူမှုအထောက်အကူပြုလုပ်ငန်းတွေ လုပ်မယ်ဆိုရင် လူမျိုးမရွေး၊ ဘာသာမရွေး လူမှုရေးလုပ်မယ်ဆိုရင် ဘယ်အဖွဲ့အစည်းမဆို အန်ကယ်လ်တို့က ကြိုဆိုပါတယ်။ ဒါကတော့ အန်ကယ်လ်တို့ရဲ့ သဘောထားပေါ့လေ။

မေး။   ။ အခုအခြေအနေမှာ ဦးဝဏရွှေတို့အနေနဲ့ရော OIC ရုံးဖွင့်ဖို့၊ မဖွင့်ဖို့ ကိစ္စတွေနဲ့ ပတ်သက်ပြီးတော့ ဘယ်လိုဖြစ်စေချင်ပါလဲရှင့်။

ဖြေ။   ။ ကျနော်တို့ဖြစ်စေချင်တာကတော့ OIC ရုံးလာဖွင့်တာနဲ့ပတ်သက်လို့ OIC မှမဟုတ်ဘူး နိုင်ငံတကာအဖွဲ့အစည်းတွေက ကျနော်တို့ နိုင်ငံထဲမှာရှိတဲ့ ဒုက္ခရောက်နေတဲ့ပြည်သူတွေကို လူမျိုးမရွေး၊ ပြည်သူမရွေး အကူအညီပေးမယ်ဆိုရင် ကျနော်တို့က ကြိုဆိုပါတယ်။ ဒါပေမယ့် တခုရှိတာပေါ့နော်။ ဘာလဲဆိုတော့ ကျနော်တို့ နိုင်ငံတွင်းမှာ ရှိနေကြတဲ့ ဘာသာတခုနဲ့တခု လူမျိုးတခုနဲ့တခု အေးချမ်းစွာနေနေတဲ့အခြေအနေ ပျက်ယွင်းမယ်ဆိုရင်တော့ ကျနော်တို့က ဒါမျိုးတော့ မလိုလားပါဘူး။

မေး။   ။ ဟုတ်ကဲ့။ ဗုဒ္ဓဘာသာတွေပေါ့နော်။ အဓိက OIC ရုံးလာဖွင့်မယ့်ကိစ္စကို အကြီးအကျယ် ဆန့်ကျင်တာတွေလည်း ရှိနေပါတယ်။ ဆိုတော့ ဒါဟာ အစ္စလာမ်တွေကို ဆန့်ကျင်တယ်လို့ရော ယူဆပါသလား။ ဘယ်လိုမျိုး ထင်ပါသလဲရှင့်။

ဖြေ။  ။ အဲ့ဒီ့ဟာပဲ။ ပြောရတာ ဒီလိုလေ။ ဒီလူတယောက် လူတစုလုပ်တာနဲ့ ကျနော်တို့က လူမျိုး ဘာသာတခုကို ကောက်ချက်ချ ပြောဖို့တော့ ခက်တယ်။ ဘာဖြစ်လို့လည်းဆိုတော့ မနေ့ကပဲ ကျနော်တို့ ရန်ကုန်တိုင်း ဂိုဏ်းပေါင်းစုံ ဥက္ကဌဆရာတော် နဲ့ ကျနော်တို့ တွေ့ဆုံပြီးပြီ။ ဆရာတော်တွေနဲ့ ဒီအကြောင်းလည်း ပြေပြလည်လည်ရှိတယ်။ အခုကိစ္စတွေတင်မဟုတ်ဘူး အရင်ကိစ္စတွေမှာလည်း ကျနော်တို့ အစ္စလာမ်ဘာသာရေးခေါင်းဆောင်တွေအနေနဲ့က ဒီမှာ ဗုဒ္ဓဘာသာအကြီးအကဲ ဆရာတော်တွေနဲ့ အမြဲထိတွေ့မှုရှိပါတယ်။ ကျနော်တို့ကြားမှာ နားလည်မှုရှိပါတယ်။ ဒါပေမဲ့ အားလုံးက နားလည်မှုကတော့ မသက်ရောက်ဘူးပေါ့နော်။ ကျနော်တို့ တနိုင်ငံလုံးမှာ ကျနော်တို့ ဘာသာရေးအကြီးအကဲတွေ တဘက်နဲ့တဘက် နားလည်မှုရှိသလိုတော့ လူတိုင်းတော့ မရှိဘူးပေါ့နော်။ အဲ့သလိုရှိအောင်လည်း ကျနော်တို့က ကြိုးစားသွားရမှာပေါ့နော်။

မေး။   ။ ဟုတ်ကဲ့။ ဦးဝဏ္ဏရွှေ အခုလိုဖြေကြားပေးတာ ကျေးဇူးတင်ပါတယ်။