04.10.2012 နေ့ဖတ်ရန်သတင်းများ

by Myanmar Journal on Thursday, October 4, 2012 at 2:08am ·

မြန်မာပြည်မှာ စလိုက်တဲ့ ရင်းနှီးမြှုပ်နှံမှုဆိုင်ရာ ဘဏ်လုပ်ငန်း

သတင်းမီဒီယာ ပိုင်းမှာ လည်း ရင်းနှီးမြှုပ်နှံမယ် လို့ ဆိုဥဇဘက်ကစ္စတန်မှာ မွေးဖွားပြီး ကိုလံဘီယာနဲ့ အောက်စဖို့ တက္ကသိုလ်တွေမှာ ပညာသင်ယူခဲ့တဲ့ လုပ်ငန်းရှင် Alisher Ali က မြန်မာနိုင်ငံမှာ investment banking လို့ခေါ်တဲ့ ရင်းနှီးမြှုပ်နှံမှု ဆိုင်ရာ ဘဏ်လုပ်ငန်း ကို ပထမဆုံး စတင်ထူထောင် လိုက်ပါတယ်။

မွန်ဂိုလီးယားနိုင်ငံမှာ အလားတူ လုပ်ငန်းမျိုးနဲ့ အောင်မြင်ခဲ့တဲ့ Alisher Ali က Mandalay Capital လို့ အမည်ပေးထား တဲ့ အဲဒီဘဏ်လုပ်ငန်းဟာ ပြည်ပကနေ မြန်မာ နိုင်ငံ မှာ လာပြီး ရင်းနှီး မြှုပ်နှံလိုသူ တွေ နဲ့ ပြည်တွင်းက လုပ်ငန်းရှင်တွေကြား ပေါင်းကူးပေးမယ့် အစီအစဉ်ဖြစ်တယ်လို့ဆိုပါတယ်။ ဒါ့အပြင် သူတို့ လုပ်ငန်းဟာ ပညာရေး၊ ကျန်းမာရေး၊ သတင်းမီဒီယာ စတဲ့ လူသားစွမ်းအင် ဖွံ့ဖြိုးရေး အပိုင်းတွေမှာ လုပ်ကိုင်မှာ ဖြစ်တယ်လို့ ပြောပါတယ်။ လန်ဒန်မြို့ကို သူရောက်နေခိုက် ဘီဘီစီ စတူဒီယိုမှာ သူ့ကိုဖိတ်ခေါ်ပြီး ဘာကြောင့် မြန်မာပြည်မှာ ရင်းနှီးမြှုပ်နှံဖို့ ဆုံးဖြတ်သလဲ ဆိုတာ မေးကြည့်တော့ ခုလို စပြောပါတယ်။

ဖြေ။ မြန်မာနဲ့ မွန်ဂိုလီးယားနိုင်ငံတို့မှာ တူညီချက်တွေ အများကြီး ရှိပါတယ်။ မွန်ဂိုလီးယားမှာ ငွေကြေးဆိုင်ရာကျွမ်းကျင်တဲ့ လုပ်ငန်းရှင်အဖြစ် အောင်မြင်ပြီးတဲ့နောက်မှာ ဒီနှစ်အတွင်း လမ်းပွင့်လာတဲ့ မြန်မာနိုင်ငံကို ကျွန်တော့် အနေနဲ့တကယ့် အခွင့် အလမ်းကောင်းအဖြစ်နဲ့ မြင်ပါတယ်။ အလားတူပြောင်းလဲမှု တွေ ဖြစ်ခဲ့တဲ့နိုင်ငံတွေ က ကျွမ်းကျင်မှုနဲ့ အတွေ့အကြုံတွေကို ယူလာပြီး ဒီနိုင်ငံရဲ့ အပြောင်းအလဲထဲမှာ ကျွန်တော်လည်း ပါဝင်ချင်လို့ပါ။

Alisher Ali ။ ခင်ဗျားက ဒီနိုင်ငံကို အခွင့်အလမ်းကောင်း အနေနဲ့မြင်တယ်လို့ ပြောနေပေမယ့် တကယ်တမ်း ရင်းနှီးမြှုပ်နှံမှု ဥပဒေ လည်း ထွက်မလာသေး သလို အခြေခံအဆောက်အဦပိုင်း မှာလည်း ဘာမှမရှိသေး တဲ့ အခြေအနေမှာ တကယ်ရော စီးပွားရေး လုပ်လို့ ရမှာလား။

ဖြေ။ ကျွန်တော်ကတော့ အများကြီး ယုံကြည်မှုရှိပါတယ်။ ဘာကြောင့်လဲ ဆိုတော့ ကျွန်တော့်အနေနဲ့ ခုလို ပွင့်လာစ ဈေးကွက်သစ် တွေမှာ နှစ်ပေါင်း ၂၀ လောက် အလုပ်လုပ်ခဲ့တဲ့ အတွေ့အကြုံ ရှိပါတယ်။ လွန်ခဲ့တဲ့ နှစ် ၂၀ တုန်းက အရှေ့ဥရောပနိုင်ငံ တွေဟာအခုတော့ ဥရောပသမဂ္ဂအဖွဲ့ဝင်တွေဖြစ်နေပါပြီ။ သူတို့နောက်မှာရုရှ၊ ပြီးတော့အာရှအလယ်ပိုင်းဒေသတွေဟာလွန် ခဲ့တဲ့ ၁၀ နှစ်အတွင်း ပြောင်းလဲခဲ့ပါတယ်။ မွန်ဂိုလီးယား ကတော့ လွန်ခဲ့တဲ့ ငါးနှစ်မှာ ပြောင်းခဲ့ပါတယ်။ ဒါတွေကိုကြည့်ရင် ဒီအပြောင်းအလဲတွေမှာ ဆင်တူတာတွေကိုတွေ့နိုင်ပါတယ်။ လွန်ခဲ့တဲ့သုံးပတ်က ပဲ ကျွန်တော်တို့ရဲ့ပင်မကုမ္ပဏီ Silk Road Management ကနေ မြန်မာနိုင်ငံ အတွက် သီးသန့်ရည်ရွယ်ထားတဲ့ ငွေပင်ငွေရင်း ဒေါ်လာ ၂၅ သန်းကို ရင်းနှီး မြှုပ်နှံ သူတွေဆီ ကနေ ရယူပြီး မတည်နိုင် ခဲ့ပါတယ်။ Myanmar Human Capital Fund မြန်မာလူသား ရင်းမြစ်ရံပုံငွေ လို့ ခေါ်ပါတယ်။ ဒီငွေတွေကို ရေနံနဲ့သဘာဝဓါတ်ငွေ့လို သယံဇာတပိုင်းမှာ ရင်းနှီးမြှုပ်နှံမှာ မဟုတ်ဘဲ၊ သတင်းမီဒီယာ၊ ပညာရေး၊ ကျန်းမာရေး၊ တယ်လီဖုန်းနဲ့အင်တာနက် ဆက်သွယ်ရေးစတဲ့ Knowledge Industry လို့ ခေါ်တဲ့ အသိပညာဆိုင်ရာ လုပ်ငန်းတွေမှာ ရင်းနှီး မြှုပ်နှံမှာ ဖြစ်ပါတယ်။

ဘီဘီစီ ။ ဒါဆိုရင် အဲဒီလိုလုပ်ငန်းတွေမှာ အကျိုးအမြတ်ရအောင်ကော ဘယ်လိုရင်းနှီးမြှုပ်နှံမှာလဲ။

Alisher Ali ။ တကယ်လို့ မြန်မာနိုင်ငံမှာရှိတဲ့ လုပ်ငန်းရှင်တဦးက ဆေးခန်းထောင်ချင်တယ် ဆိုပါတော့၊ ကျွန်တော်တို့ လုပ်ငန်း အနေနဲ့ အဲဒီ ဆေးခန်းမှာပူးပေါင်းပြီး ရင်းနှီးမြှုပ်နှံဖို့ စိတ်ဝင်စားပါတယ်။ ဒါမှမဟုတ် ပုဂ္ဂလိကကျောင်း တည်ထောင်ချင် တဲ့သူရှိတယ်ဆိုရင်လည်း တက္ကသိုလ်ဆောက်တာဘဲ ဖြစ်ဖြစ် ကောလိပ်ဆောက်တာဘဲ ဖြစ်ဖြစ် ကျွန်တော်တို့ ပါဝင်ရင်းနှီး မြှုပ်နှံချင်ပါတယ်။ တခြားအပိုင်း တွေမှာလည်း အလားတူ ပါဝင်ချင် ပါတယ်။

ဘီဘီစီ ။ ဒါဆိုရင် မွန်ဂိုလီးယားမှာ အလားတူ အောင်မြင်ခဲ့တဲ့ ဥပမာတွေကိုရော ပြောပြနိုင်မလား။

Alisher Ali ။ မွန်ဂိုလီးယားမှာတော့ အကြီးဆုံး ရင်းနှီးမြှုပ်နှံမှုဘဏ်ကို ဟိုးအစကနေစပြီး ကျွန်တော်တို့တည်ထောင်ခဲ့ပါတယ်။ အခု လေးနှစ်ကြာ သွားပါပြီ။ အဲဒီဘဏ်ရဲ့ ရင်းနှီးမြှုပ်နှံမှုဟာ မွန်ဂိုလီးယားမှာရှိတဲ့ လုပ်ငန်း အတော်များများအတွက် အောင်မြင်ရေးမှာ အဓိကကျပါတယ်။ ဒါကြောင့်လည်း ကျွန်တော်တို့မှာ မြန်မာနိုင်ငံအတွက် မှန်ကန်တဲ့ စီမံခန့်ခွဲမှု အတွေ့အကြုံနဲ့ ကျွမ်းကျင်မှုတွေ ရှိတယ် လို့ ယုံကြည်တာပါ။

ဘင်္ဂလားဒေ့ရှ် အကြမ်းဖက်မှု တရားရုံးချုပ်က အစိုးရကို ရှင်းလင်းချက်တောင်း

နေရာ အနှံ့အပြားမှာ လုံခြုံရေးတွေကို တိုးချဲ့ ထားပါတယ်

ဘင်္ဂလား မြန်မာ နယ်စပ် ရာမူးနဲ့ ကော့ဆက် ဘဇား မြို့တွေမှာ ဗုဒ္ဓဘာသာ ဘုန်ကြီးကျောင်းတွေ တိုက်ခိုက် ခံခဲ့ရတာနဲ့ပတ်သက်လို့ တိုက်ခိုက်မှုတွေကို ဒေသ အာဏာပိုင်တွေက ဘာကြောင့် အကာအကွယ် မပေးနိုင်ခဲ့ တာလဲ ဆိုတာကို အစိုးရ အနေနဲ့ ရှင်းလင်းချက် ပေးဖို့ တရားရုံးချုပ် ကနေ တောင်းဆိုထား ပါတယ်။

တိုက်ခိုက်မှုမှာ ပါဝင်သူလို့ ယူဆရသူ ၁၆၉ ဦး ကိုတော့ ဖမ်းဆီး ထားတယ်လို့ သိရပြီး၊ ရာမူးမြို့နယ် ရဲချုပ်ကိုတော့ ရာထူးကနေ ရပ်ဆိုင်းထားလိုက် ပြီ ဖြစ်ပါတယ်။

အခု တိုက်ခိုက်မှုတွေကို ကြိုတင် စီမံ ပြုလုပ်တာ ဆိုတဲ့ အချက်အလက်တွေကို တွေ့ရကြောင်း အစိုးရဘက်က ပြောပါတယ်။

အခြေအနေ တွေကတော့ အေးအေး ဆေးဆေး ဖြစ်နေပြီ ဖြစ်ပြီး၊ တချို့ နေရာတွေမှာ ဆိုရင် ပုဒ်မ ၁၄၄ ကို ရုပ်သိမ်း လိုက်ပြီ ဖြစ်ပါတယ်။

ဒါပေမယ့်လည်း ဗုဒ္ဓဘာသာ ရွာတွေနဲ့ ဘုန်းကြီးကျောင်းတွေ မှာတော့ အာဏာပိုင်တွေက လုံခြုံရေးကို တင်းတင်းကျပ်ကျပ် ချထားပါတယ်။

ကော့ဆက် ဘဇား မြို့က ဘုန်းကြီးကျောင်း တခုမှာ ဆိုရင်လည်း လုံခြုံရေးတွေ အများအပြား ချထားတာကို တွေ့ရပါတယ်။

အခုလို လုံခြုံရေးတွေ တိုးချထား ပေမယ့်လည်း ဗုဒ္ဓဘာသာဝင်တွေဟာ ထပ်မံ အတိုက်ခိုက် ခံရမှာကို စိုးရိမ် နေကြပါတယ်။

ဆီးရီးယားနိုင်ငံ ကားဗုံးကွဲမှု လူအများအပြားသေဆုံး

တချို့ အဆောက် အဦးတွေလည်း အကုန်လုံး နီးပါး ပြိုကျ ပျက်ဆီး ကုန်ပါတယ်

ဆီးရီးယားနိုင်ငံ အလက်ပိုမြို့က အစိုးရ တပ်ဖွဲ့တွေ ထိန်းချုပ်ထားတဲ့ နယ်မြေ အတွင်း ကြီးမားတဲ့ ဗုံးပေါက်ကွဲမှုတွေ ဆက်တိုက် ဆိုသလို ဖြစ်ပွားခဲ့တဲ့ အတွက် လူပေါင်း အနည်းဆုံး ၃၀ လောက် သေဆုံး သွားပြီး ဒါဇင်နဲ့ချီ ဒဏ်ရာ ရရှိသွားကြ ပါတယ်။

မြို့လယ် ရင်ပြင်ထဲ ဗုံးနှစ်လုံး ပေါက်ကွဲခဲ့ ရာမှာ ကြီးမားတဲ့ ချိုင့်ခွက်ကြီး တခု ဖြစ်ကျန်ရစ် ခဲ့ကာ အဆောက်အဦး တွေရဲ့ ရှေ့မျက်နှာစာတွေလည်း ရစရာ မရှိအောင် ပျက်စီးကုန် ပါတယ်။

တခြား အဆောက် အဦးတွေလည်း အကုန်လုံး နီးပါး ပြိုကျ ပျက်စီး ကုန်ပြီး၊ လူသေ အလာင်းတွေ ကိုတော့ စောင်နဲ့လုပ်ထားတဲ့ ထမ်းစင်မှာ တင်ပြီး သယ်ထုတ် သွား တာကို တွေ့ရပါတယ်။

ထိခိုက် သေဆုံးသူ အများစုဟာ အရပ်သားတွေ ဖြစ်ကြပါတယ်။

အလက်ပိုမြို့ဟာ ပြီးခဲ့တဲ့ သီတင်းပတ်တွေက စလို့ အစိုးရနဲ့ သူပုန်တွေ အကြား အဓိက စစ်မြေပြင် ဖြစ်လာခဲ့ကာ၊ သူပုန်ဘက်နဲ့ အစိုးရဘက် ဆိုပြီး မြို့ဟာ နှစ်ခြမ်း ဖြစ်နေပါတယ်။

သူပုန်တွေဘက်ကတော့ အလက်ပိုမြို့ စစ်ပွဲကြီး စတင်နေပြီ ဖြစ်ကြောင်း ကြေညာထား တယ်လို့ ဘီဘီစီ သတင်းထောက် တဦးက ပြောပါတယ်။

တရုတ်ကုမ္ပဏီ အိုဘားမားကို တရားစွဲ

အမေရိကန် ရေတပ်စခန်းအနီးက စွမ်းအင်ထုတ် လေရဟတ်တွေ

အမေရိကန် ရေတပ်စခန်းအနီးမှာ လေရဟတ်တွေ ဝယ်ယူမယ့် တရုတ်ကုမ္ပဏီတခုရဲ့ အစီအစဉ်ကို တားမြစ်ခဲ့တဲ့ အတွက်သမ္မတ အိုဘားမားကို အဲဒီကုမ္ပဏီက တရားစွဲဆိုလိုက်ပါတယ်၊

ဒီအငြင်းပွားမှုက တရုတ်ကုမ္ပဏီရဲ့ လုပ်ငန်းဟာ အမေရိကန် အမျိုးသားလုံခြုံရေးကို ထိခိုက်စေတာ ဟုတ်မဟုတ် ဆိုတဲ့အပေါ် အခြေခံပါတယ်။

Ralls ကော်ပိုရေးရှင်းလို့ခေါ်တဲ့ တရုတ်ကုမ္ပဏီက အိုရီဂွန်ပြည်နယ်မှာရှိတဲ့ ရေတပ်စခန်း အနီးမှာ လေရဟတ်လေးခုကို ခုနှစ်စောစောပိုင်းက ဝယ်ယူခဲ့တာကို သမ္မတအိုဘားမားက ပြီးခဲ့တဲ့အပတ်မှာ တားမြစ်လွှာ တခု လက်မှတ်ရေးထိုး ထုတ်ပြန်ခဲ့ပါတယ်။

ဒါဟာ ၂၂ နှစ်ကာလ အတွင်း နိုင်ငံခြားကုမ္ပဏီတခုကို အမေရိကန်ပြည်ထောင်စု မှာပထမဆုံးအကြိမ် တားမြစ်ခဲ့တာဖြစ်ပါတယ်။

သမ္မတအိုးဘားမားဟာ သူ့လုပ်ပိုင်ခွင့်ကို ကျော်လွန်ပြီး ဆောင်ရွက်တာ ဖြစ်လို့ ဒီတားမြစ်ချက်ဟာ တရားမဝင်ဘူးဆိုပြီး တနင်္လာနေ့တုန်းက တရား စွဲဆိုချက်မှာ တရုတ်ကုမ္ပဏီဖက်က ပြောထား ပါတယ်။ ကုမ္ပဏီကိုပိုင်တဲ့ တရုတ်နိုင်ငံသားနှစ်ဦးက အိုဘားမားဟာ သူတို့ကုမ္ပဏီကို တန်းတူ အခွင့်အရေးမပေးဘူးလို့ ပြောနေပါတယ်။

ပြီးတော့ ဒီဝယ်ယူမှုဟာ အမေရိကန်လုံခြုံရေးကို ထိခိုက်တယ်ဆိုတာကို သက်သေမပြနိုင်ဘူးလို့လဲ သူတို့ကပြော ပါတယ်။

အမေရိကန်စစ်တပ်ကတော့ အိုရီဂွန်အခြေစိုက်စခန်းဟာ မောင်းသူမဲ့လေယာဉ်တွေ အပါအဝင် အီလက်ထရောနစ် နည်းပညာသုံး စစ်လက်နက်တွေကို စမ်းသပ်တဲ့နေရာဖြစ်တယ်လို့ဆိုပါတယ်။

တနာရီကိုမိုင် ၃၀၀ အမြန်နှုန်းနဲ့ ပေ ၂၀၀ လောက်အမြင့်အထိ လေယာဉ်ပျံသန်းမှုတွေလည်းရှိပါတယ်။

တရုတ်ကုမ္ပဏီပိုင်ရှင်နှစ်ဦးဟာ တရုတ်နိုင်ငံမှာအကြီးဆုံး စက်ပစ္စည်းလုပ်ငန်းဖြစ်တဲ့ Sany ကော်ပိုရေးရှင်းရဲ့ အမှုဆောင်ဒါရိုက်တာတွေလည်း ဖြစ်ကြပါတယ်။

တရုတ်အစိုးရပိုင် ရှင်ဝှာသတင်းဌာနကတော့ သမ္မတအိုဘားမားဟာ မကြာခင်ကျင်းပမယ့် ရွေးကောက်ပွဲမှာ သာမန်အလုပ်သမားတွေဆီက မဲရအောင်တရုတ်ကုမ္ပဏီကို နှိမ်လိုက်တာဆိုပြီးဖော်ပြပါတယ်။

Ralls ကော်ပိုရေးရှင်းရဲ့ပြောခွင့်ရသူကလည်း သမ္မတအိုဘားမားဟာ အမေရိကန်မှာ လေရဟတ်နဲ့လျှပ်စစ်ထုတ်တဲ့လုပ်ငန်းတွေကို ကာကွယ်ပေးဖို့ဆောင်ရွက်တာသာ ပိုဖြစ်နိုင်တယ်လို့ ပြောခဲ့ပါတယ်။

သမ္မတအိမ်ဖြူတော်ကတော့ Ralls ကော်ပိုရေးရှင်းရဲ့လုပ်ငန်းဟာ အမေရိကန်နိုင်ငံရဲ့လုံခြုံရေးကို ထိခိုက်စေနိုင်တယ်ဆိုတာကို ယုံကြည်ရလောက်တဲ့ အထောက်အထားတွေ တွေ့ရတယ်ဆိုပြီး ပြီးခဲ့တဲ့သီတင်းပတ်ကသတင်း ထုတ်ပြန်ခဲ့ပါတယ်။

နိုင်ဂျီးရီးယားက မူဘီမှာ ကာဖျူးထုတ်

နိုင်ဂျီးရီးယား နိုင်ငံ အရှေ့မြောက်ပိုင်းက မူဘီ မြို့မှာတော့ ကျောင်းသားတွေ နေတဲ့ အိမ်ဆောင် တွေကို သေနတ်သမားတွေက တိုက်ခိုက်ခဲ့လို့ လူ၂၆ ဦးထက်မနည်း သေဆုံး ခဲ့ရပြီး နောက်မှာ ကာဖျူး အမိန့် ထုတ်လိုက်ပြီ ဖြစ်ပါတယ်။

အဲဒီ သေနတ်သမား တွေဟာ တခန်းဝင် တခန်းထွက် နဲ့ လူတွေကို သေနတ်နဲ့ ပစ်၊ ဓားနဲ့ ထိုးပြီး သတ်ဖြတ် ခဲ့ကြတယ်လို့ ဒေသခံ တွေက ပြောပါတယ်။

ဒေသခံတဦးက ပြောကြားရာမှာ စစ်ဝတ်စုံ ဝတ်ထားသူတွေက တအိမ်ပြီး တအိမ် ပြောင်းပြီး အထဲက လူတွေကို ခေါ်ထုတ်ပြီး၊ အဲဒီလို ထွက်လာကြတဲ့ သူတွေကို နာမည်တွေမေးတဲ့ အကြောင်းနဲ့ အဲဒီအပေါ်မှာ မူတည်ပြီး တချို့ကို ပြန်လွှတ်၊ တချို့ကိုတော့ သတ်ပစ်ခဲ့ကြတဲ့ အကြောင်းကို ပြောပါတယ်။

ရဲဘက်ကလည်း ဒီ သေနတ်သမား တွေက လူတချို့ရဲ့ နာမည်ကို ခေါ်ထုတ်ပြီး ထွက်လာသူတွေကို သတ်ပစ် ခဲ့ကြတာလို့လည်း ပြောပါတယ်။ အဲဒီ အတွက် အစ္စလာမ်မစ် စစ်သွေးကြွ ဘိုကို ဟာရမ်အဖွဲ့ကိုပဲ သံသယရှိနေကြတယ်လို့ အဲဒီက ဘီဘီစီ သတင်းထောက်က ပြောပါတယ်။

ဒါပေမယ့် ကျောင်းသားတွေ အကြားမှာ ရှိနေတဲ့ နိုင်ငံရေး အားပြိုင်မှုတွေ ကိုလည်း ပစ်ပယ်ထားလို့ မရတဲ့ အကြောင်း ဆိုပါတယ်။

သမ္မတ ဦးသိန်းစိန်ရဲ့ ပြောကြားချက်ကို KIA တုန့်ပြန်

KIA ဘက်က အပစ်ရပ်ဖို့ မညွှန်ကြားလို့ တိုက်ပွဲတွေ ဆက်ဖြစ်နေတာလို့ သမ္မတ ဦးသိန်းစိန်ပြော

ကချင်ဒေသမှာ တိုက်ပွဲတွေ ဆက်ဖြစ်နေ တာဟာ အစိုးရ အပစ်ရပ်ဖို့ အမိန့်ပေး ထားပေမယ့် KIA ကချင် လွတ်လပ်ရေး အဖွဲ့ဘက်က အပစ်ရပ်ဖို့ ညွှန်ကြားတာမျိုး မရှိလို့ ဖြစ်နေရတာ ဆိုတဲ့ သမ္မတ ဦးသိန်းစိန်ရဲ့ ပြောကြားချက်ဟာ လက်ရှိ ပြည်တွင်းရေး ပြဿနာကနေ ရှောင်လွှဲလိုတဲ့ သဘော ဖြစ်တယ်လို့ KIO ပြောခွင့်ရ ပုဂ္ဂိုလ် ဦးလနန်း က ဘီဘီစီကို ပြောပါတယ်။

ကိုယ့်ကိုကိုယ် ခုခံ ကာကွယ်ရုံမှအပ အပစ်ရပ်ဖို့ အစိုးရတပ်တွေကို အမိန့်ပေးထားပေမယ့် KIA တပ်တွေက အစိုးရတပ်တွေ ရိက္ခာပို့ရာ လမ်းကြောင်းတွေမှာ မိုင်းခွဲ တိုက်ခိုက်မှုတွေ ရှိနေတယ်လို့ သမ္မတ ဦးသိန်းစိန်က သူ့ရဲ့ အမေရိကန် ခရီးစဉ်အတွင်းမှာ ပြောခဲ့ပါတယ်။

KIO ပြောခွင့်ရ ပုဂ္ဂိုလ် ဦးလနန်းကတော့ လက်ရှိမှာ အစိုးရတပ်တွေနဲ့ KIA အကြား တိုက်ပွဲတွေ နေ့စဉ်လိုလို ဖြစ်နေရာမှာ သွားရင်း လာရင်းနဲ့ ပစ်ခတ်တာမျိုး ရှိသလို အစိုးရဘက်က လက်နက်ကြီးတွေနဲ့ ပစ်ခတ်တာမျိုး၊ KIA တပ်စခန်းငယ်တွေကို ဝင်ရောက် ရှင်းလင်း ပစ်ခတ်တာမျိုးတွေကြောင့် တိုက်ပွဲတွေ ဖြစ်ရတာလို့ ပြောပါတယ်။

အပစ်ရပ်ဖို့ သမ္မတ ဦးသိန်းစိန် ပြောပြီးနောက်ပိုင်း အစိုးရတပ်တွေဘက်က စခန်းသိမ်း တိုက်ပွဲတွေ အတော်များများ လုပ်ခဲ့ကြောင်း၊ အစိုးရဘက်က အသာစီးရနေတဲ့ အခြေအနေမျိုးမှာ KIA ဘက်က အပစ်ရပ်မိန့် ပေးဖို့ မဖြစ်နိုင်ကြောင်း ဦးလနန်းက ပြောပါတယ်။

နှစ်ဘက်အကြား ပြဿနာဟာ တွေ့ဆုံ ဆွေးနွေးပြီးမှ ပြေလည် နိုင်မယ့် ကိစ္စ ဖြစ်တာမို့ တွေ့ဆုံ ဆွေးနွေးမှုကတော့ လုပ်ကို လုပ်ရမှာ ဖြစ်ကြောင်း၊ အစိုးရဘက်က ငြိမ်းချမ်းရေးကို ဖေါ်ဆောင်နေပါတယ်လို့ ပြောနေပေမယ့် စစ်မှန်တဲ့ လမ်းကြောင်းပေါ် မရောက်သေးဘူးလို့ ဆိုနိုင်ကြောင်း သူက ပြောပါတယ်။

ဒါပေမယ့် အစိုးရ ငြိမ်းချမ်းရေး ဖေါ်ဆောင်ရေး ကော်မီတီဝင် ဦးအောင်မင်းတို့နဲ့ နှုတ်အားဖြင့် သဘောတူခဲ့တဲ့ Justice and Negotiation Centre ရုံးခန်းကို နှစ်ဘက် နယ်မြေ ကြားမှာ ရှိတဲ့ ပရမ်ငွန် ရွာမှာ ဖွင့်လှစ် လိုက်နိုင်တဲ့ ကိစ္စက နှစ်ဘက်အကြား ပြန်လည် တွေ့ဆုံ ဆွေးနွေးဖို့ လမ်းစ ဖြစ်တယ်လို့ KIO ပြောခွင့်ရ ပုဂ္ဂိုလ် ဦးလနန်းက ဘီဘီစီကို ပြောပါတယ်။

သမ္မတ ဦးသိန်းစိန် အစိုးရဟာ လက်နက်ကိုင်တပ်ဖွဲ့ ၁၁ဖွဲ့အနက် လက်နက်ကိုင် အဖွဲ့ ၁၀ဖွဲ့နဲ့ လောလောဆယ် ငြိမ်းချမ်းရေး ဆွေးနွေး ပြောဆိုနိုင်ခဲ့ပြီး ဖြစ်ပါတယ်။

 ရာဇဝတ်မှုကျူးလွန်သူ တွေကိုမလွှတ်နိုင်ဘူးလို့ ဦးသိန်းစိန် ပြော

မြန်မာနိုင်ငံမှာ အကျဉ်းသားတွေကို အစိုးရကနေ စိစစ်ပြီး လွှတ်ပေးနေကြောင်း၊ ဒါပေမယ့် ရာဇဝတ်မှု ကျူးလွန်သူတွေ၊ အကြမ်းဖက်သမားတွေ၊ ဖောက်ခွဲ ဖျက်ဆီးသူတွေကိုတော့ လွှတ်ဖို့ မဖြစ်နိုင်ကြောင်း သမ္မတ ဦးသိန်းစိန်က ပြောပါတယ်။

 မြန်မာနိုင်ငံမှာ ကျန်နေသေးတဲ့ နိုင်ငံရေးအကျဉ်းသားတွေကို လွှတ်ပေးဖို့ ရှိမရှိကို ဘီဘီစီက မေးရာမှာ သမ္မတက အဲဒီလို ဖြေကြားခဲ့တာ ဖြစ်ပါတယ်။

မြန်မာနိုင်ငံမှာ နိုင်ငံရေးအကျဉ်းသား ၂၀၀ ကျော် ရှိနေသေးတယ်လို့ NLD ဘက်က ပြောသလို လူ့အခွင့်အရေးအဖွဲ့တွေကလည်း ရာဂဏန်းရှိသေးတယ်လို့ ပြောကြပါတယ်။

သမ္မတ ဦးသိန်းစိန် အမေရိကန်နိုင်ငံ နယူးယောက်မြို့မှာ ရှိနေစဉ်က ဘီဘီစီ ကမ္ဘာ့သတင်းဌာန Hardtalk အစီအစဉ်က သတင်းထောက် Stephen Sackur က တွေ့ဆုံ မေးမြန်းခဲ့ တာကို အောက်တိုဘာလ ၂ ရက်နေ့က ဘီဘီစီ World News ရုပ်မြင်သံကြားမှာ ပြသခဲ့တာမို့ အဲဒီထဲက တချို့ကို ကောက်နှုတ် တင်ပြထားတာကို နားဆင်နိုင်ကြပါတယ်။

၂၀၁၄ ခုနှစ်အတွက် DV ကံစမ်းမဲ လျှောက်နိုင်ပြီ

 D.V Lottery စတင်လျှောက်ထားနိုင်ပြီ

အမေရိကန်ပြည်ထောင်စုကို လာရောက်နေထိုင်လိုသူတွေအတွက် DV Lottery လို့ခေါ်တဲ့ ဒီဗွီ ကံစမ်းမဲ ထိုးနိုင်တဲ့အချိန် တခေါက်ရောက်လာပြန်ပါပြီ။ DV Lottery Diversity Visa အစီအစဉ် ကို အောက်တို ဘာလ ၂ ရက်နေ့မှာ စတင်ပြီးတော့ နိုဝင်ဘာလ သုံးရက်နေ့မှာ လျှောက်လွှာ ပိတ် မှာ ဖြစ်ပါတယ်။ ဒီသတင်းနဲ့ပတ်သက်လို့ ဗွီအိုအေ ပါရှန်းဌာနကနေပြီးတော့ Mana Rabiee ရဲ့ သတင်းလွှာကို ပေါင်း စပ်ပြီး မအေးသန္တာကျော်က တင်ပြပေးထားပါတယ်။

၂၀၁၄ ခုနှစ် Diversity Visa အစီအစဉ်အတွက် အင်တာနက်ပေါ်ကနေ လျှောက်လွှာ လျှောက်ရမယ့် စာမျက်နှာကို အောက်တိုဘာလ နှစ်ရက်နေ့၊ အင်္ဂါနေ့ မွန်းတည့်ချိန်မှာပဲ စပြီးတော့ ဖွင့်လှစ်လိုက်ပြီဖြစ် ပါတယ်။ လျှောက်လွှာတွေကတော့ ပြောခဲ့တဲ့အတိုင်း နိုဝင်ဘာလ သုံးရက်၊ စနေနေ့ မွန်းတည့် ၁၂ နာရီ အချိန်မှာ ပိတ်မှာပါ။ မနှစ်ကဆိုရင် လူပေါင်း ၈ သန်းလောက် ဒီဗွီ ကံစမ်းမဲကို လျှောက်ခဲ့ကြပါတယ်။ ဒီနှစ်မှာလည်း လျှောက်ထားသူအရေအတွက် အဲဒီလောက်အထိ များလိမ့်မယ်လို့ ခန့်မှန်းထားကြပါတယ်။

အဲဒီလိုမျိုး လျှောက်ထားသူ ၈ သန်းနီးပါးလောက်ထဲကနေ လူပေါင်း ၅ သောင်းခွဲလောက်ကိုပဲ မဲနှိုက် ရွေးချယ်ခဲ့တာ ဖြစ်ပါတယ်။ ဒီဗွီကံစမ်းမဲ လျှောက်ထားဖို့က အရင်က စာရွက် နဲ့ ဖောင်ဖြည့် လျှောက်လွှာ တင်ရပေမဲ့လည်း ၂၀၁၂ ခုနှစ်အတွင်း ကံစမ်းမဲတွေလျှောက်ရမယ့် မနှစ်က စပြီတော့ အွန်လိုင်း အင်တာနက်ကနေပြီးတော့ပဲ လျှောက်လွှာတင်လို့ ရပါတော့ တယ်။ လျှောက်လွှာကို Online ကတင်ရသလို မဲပေါက်တဲ့စာရင်းထုတ်ပြန်တဲ့ မေလမှာတော့ Website ကနေပဲ ပေါက်မဲစာရင်းကို ကြည့်ရှုရမှာ ဖြစ်ပါတယ်။

အမေရိကန် ဗီဇာရုံးရဲ့ ပြောရေးဆိုခွင့်ရှိသူ Karen King က

"လျှောက်လွှာ လျှောက်ထားတဲ့သူက ဒီလျှောက်လွှာနဲ့ပတ်သက်လို့ ပြင်ဆင်တာမှန်သမျှ ကိုယ်တိုင် လုပ်လို့ ရတဲ့စံနစ်မျိုးဖြစ်အောင်ကျမတို့ စီစဉ်ထားတာပါ။ ဘယ်အေးဂျင့်ဆီကိုမှ သွားပြီး ပိုက်ဆံ ပေး စရာ မလိုသလို  လျှောက်ဖို့လည်း ပိုက်ဆံတပြားမှ ကုန်စရာ မလိုပါဘူး။ ကိုယ်အရွေးခံရတယ်၊ မရဘူး ဆိုတာကို Website မှာ ကိုယ်တိုင်စစ်ကြည့်လို့ရတယ်။ ဒီတော့ လျှောက်လွှာတင်တဲ့သူက အမြဲတမ်း ကိုယ့်အတွက်ကိုယ် လိုက်ကြည့်နေရတာမျိုးတော့ ဖြစ်ပါတယ်။"

ဒါကတော့ အမေရိကန်ဗီဇာရုံးက ပြောရေးဆိုခွင့်ရှိသူ Karen King ပြောသွားတာဖြစ်ပါတယ်။

ဒီလိုမျိုး ကံစမ်းမဲထိုးကြည့်တဲ့အထဲမှာ အီရန်နွယ်ဖွား သတင်းထောက် ရုစ်ဘတ်၊ မာဆာရီလည်း ပါဝင်ခဲ့တာပါ။ သူက ၁၉၉၉ ခုနှစ်မှာ Green Card လို့လည်း ပြောလို့ရတဲ့ DV ကံစမ်းမဲပေါက်ပြီးတော့ အမေရိကန်ပြည်ထောင်စုကို ပြောင်းရွှေ့အခြေချခဲ့တာ ဖြစ်ပါတယ်။

"အဲဒီတုန်းက ကျနော် စစ်ထဲမှာလေ။ အဲမှာမှာ ကျနော့်ညီမဆီက သူ့ကို ချက်ခြင်း ဖုန်းဆက်ပါဆိုပြီး အမှာစကားရလိုက်တယ်။ အဲဒီတော့ သူ့ဆီပြေးပြီး ဖုန်းဆက်လိုက်တာ ကျနော် ဂရင်းကဒ် ပေါက်တယ် လို့ သိရတယ်။ ဝမ်းသာသွားတာဗျာ- အဲဒါနဲ့ ကျနော် တပ်ထဲကထွက် အိမ်ပြန်လာတယ်။ အိမ်မှာလည်း အမေရိကားကိုသွားဖို့ စာရွက်စာတမ်းအပြည့်အစုံ ရောက်နေပြီလေ။ ကျနော် ခုနစ်ရက်လောက်ကို ပွဲခံပစ်လိုက်တယ်ဗျာ။"

သူ့လောက်ကံမကောင်းခဲ့တဲ့ နိုင်ကီရမီကတော့ DV ကံစမ်းမဲ ထိုးခဲ့တာ သုံးကြိမ်ရှိသွားပါပြီ။ သူက လက်ရှိ ကနေဒါနိုင်ငံမှာ နေထိုင်နေပြီး ဒီနှစ်မှာလည်း DV ကံစမ်းမဲထိုးအုံးမယ်လို့ ဆိုပါတယ်။

"ကျနော် ကံကောင်းမယ်ထင်တယ်။ ပြီးခဲ့တဲ့လပိုင်းတွေကတည်းက ကံကောင်းနေတယ်လေ။ ဒီတခေါက်က ကျနော် မဲပေါက်မှာဗျ။ ကျနော်က ဘွဲ့လည်းရပြီးသား၊ အိမ်ထောင်လည်းရှိတယ်။ အလုပ်လည်းရှိတယ်။ ဒီတော့ ကံကောင်းပြီဆိုရင်လေးခုတပြိုင်တည်းလာတာမဟုတ်လား။ သုံးခုနဲ့ပဲ ရပ်နေမှာ မဟုတ်ပါဘူး။"

DV ကံစမ်းမဲအတွက်ဆိုရင်တော့ အမေရိကန်ပြည်ထောင်စုမှာ အခြေချနေထိုင်သူဦးရေ နည်းတဲ့ နိုင်ငံ သားတွေအတွက်က ပိုပြီးတော့ အခွင့်အရေးရှိတာပါ။ ဒါ့ကြောင့်မို့လို့ အမေရိကန်ပြည်ထောင်စုမှာ လူဦးရေများပြီးသား ဘရာဇီးလ်လို၊ ဘင်္ဂလားဒေ့ရ်ှလို နိုင်ငံတွေက နိုင်ငံသားတွေ DV ကံစမ်းမဲ လျှောက်ခွင့် မရှိတော့ပါဘူး။ ဒါပေမဲ့ လျှောက်လို့ ရသေးတဲ့နိုင်ငံတွေကလည်း အများကြီး ကျန်နေသေးတယ်ဆိုတော့ အဲဒီနိုင်ငံတွေက DV ကံစမ်းမဲ စိတ်ဝင်စားတဲ့ နိုင်ငံသားတွေအတွက် ဘဝသစ်က စိတ်ကူးယဉ်စရာ ဖြစ်နေပါသေးတယ်။

အီရန်နွယ်ဖွား ကနေဒါက မာဆာရီက -

"ကျနော် တော်တော်ကြာကြာကို တွေဝေနေခဲ့ပါတယ်။ ငါးနှစ်တောင် ကြာသွားခဲ့တာ။ ငါးနှစ်ပြည့်မှပဲ အားလုံးကိုချ၊ သေချာထိုင်စဉ်းစားပြီး နောက်ထပ် ငါးနှစ်၊ ဆယ်နှစ်မှာ ဘယ် အနေအထား ရောက်နေ ပြီလဲဆိုတာ စဉ်းစားကြည့်မိတယ်။ အဲဒီနောက် ၁၂ နှစ် ကြာတဲ့အချိန်မှာတော့ ကျနော် ဂရင်း ကဒ်ပေါက်ခဲ့တာကို သိပ်ကျေနပ်မိရပါတယ်။ ကျနော့ဘဝ လုံးဝကို ပြောင်းလဲသွားတာပါပဲ။"

ဒီဗွီကံစမ်းအုံးမယ့် အီရန်နွယ်ဖွား ရုစ်ဘတ် မာဆာရီ ပြောသွားတာပါ။ မြန်မာနိုင်ငံကတော့ မနှစ်က ဒီ ဗွီကံစမ်းမဲပေါက်သူ ၄၀၃ ဦးရှိတယ်လို့ ဆိုပါတယ်။ မြန်မာနိုင်ငံက ကံစမ်းမဲထိုးဖို့ စိတ်ဝင်စားကြတယ် ဆိုရင်တော့ website လိပ်စာက“www.dvlottery.state.gov

” မှာ လျှောက်ထားနိုင်ပါတယ်။ Website လိပ်စာ စာလုံးပေါင်းကတော့ www.dvlottery.state.gov

  ဖြစ်ပါတယ်။

လျှောက်လွှာ ပိတ်ရက်ကတော့ နိုဝင်ဘာလသုံးရက်၊ အမေရိကန် မြို့တော် ဝါရှင်တန်စံတောင်ချိန် မွန်းတည့်မှာ ပိတ်မယ်ဆိုပေမဲ့လည်း ပိတ်ရက်နီးလာတာနဲ့အမျှ လျှောက်ထားတဲ့သူတွေလည်း အလုအယက်လျှောက်ကြလို့ Online မှာ အရမ်း အချိန်ကြာတာမျိုး၊ အင်တာနက် connection သိပ်လေးပြီး လျှောက်လွှာ မဝင်တာမျိုးတွေလည်း ဖြစ်ကြပါတယ်။ ဒါကြောင့် တတ်နိုင်သမျှ စောစောလျှောက်ကြဖို့ လိုအပ်ပါတယ်။ လျှောက်လွှာတွေအတွက် အသေးစိတ် အချက်အလက်တွေကိုလည်း အဲဒီ DV Website မှာပဲ ကြည့်ရှုလို့ရပါတယ်။ DV လျှောက်ထားရာမှာ ဘယ်သူတွေ ကံထူးလဲဆိုတာကိုတော့ အဲဒီ Website မှာပဲ ၂၀၁၃ ခုနှစ်၊ မေလ ၁ ရက်နေ့မှာ ထုတ်ပြန်သွားမှာ ဖြစ်ပါတယ်ရှင်။

DV ကံစမ်းမဲလျှောက်နိုင်သည့် website link : www.dvlottery.state.gov

ပြည်ပရင်းနှီးမြှုပ်နှံမှုအတွက် အခြေခံအဆောက်အအုံ

မြန်မာနိုင်ငံမှာ ပြည်ပရင်းနှီးမြှုပ်နှံမှုတွေကို လက်ခံဖို့အတွက် အခြေခံအဆောက်အအုံနဲ့ စွမ်းရည် ဖြည့် တင်းမှုတွေ လိုအပ်နေသေးတယ်ဆိုပေမဲ့ အလုပ်အကိုင်သစ် ဖန်တီးရေးနဲ့ လူထုကို တိုက်ရိုက် အကျိုး ရှိစေမယ့် လုပ်ငန်းတွေကို ဆောင်ရွက်နေတဲ့ အခြေအနေတွေ ရှိနေပါတယ် လို့ မြန်မာနိုင်ငံ ရင်းနှီးမြှုပ်နှံ မှု ကော်မရှင်ဥက္ကဋ္ဌက ပြောလိုက်ပါတယ်။ ဝါရှင်တန်ဒီစီက ဗွီအိုအေရုံးကို ဗုဒ္ဓဟူးနေ့တုန်းက ရောက်လာ ခဲ့တဲ့ ကော်မရှင်ဥက္ကဋ္ဌ ဦးစိုးသိန်းက ဗွီအိုအေ မြန်မာပိုင်းနဲ့ သီးသန့် မေးမြန်းခန်းမှာ အခုလို ပြောခဲ့တာ ဖြစ်ပါတယ်။ မြန်မာနိုင်ငံမှာ ရင်းနှီးမြှုပ်နှံမှုနဲ့ အကူအညီတွေ လက်ခံဖို့အတွက် အဓိကရင်ဆိုင်နေရတဲ့အခက်အခဲတွေကို ကိုသားညွန့်ဦးက ဦးစိုးသိန်းကို မေးတဲ့အခါမှာ အခုလို စပြီးတော့ ဖြေပါတယ်။

ဖြေ။    ။ Infrastructure development လည်း လိုတာပဲဗျ။ Institution တွေက လိုတာပဲ။ အဲဒါကြောင့်institution တွေမှာ ပေါ်လစီတွေက လိုက်ပြင်ပေးရတယ်။ ဆိုကြပါစို့- For example, Trade Globalization ပေါ့။ Banking ကို အသုံးပြုအောင်ပေါ့။ Banking ကို use လုပ်အောင် သွက်သွက်လက်လက်နဲ့ သုံးနိုင်အောင် လုပ်ဖို့လည်းလိုတယ်။ တဘက်ကလည်း ကျနော်တို့အပါအဝင် ကျနော်တို့ ဝန်ထမ်းတွေ ဒါတွေကလည်း mind set တွေကို လုပ်ငန်းတွေ လုပ်ရာမှာ သွက်သွက်လက်လက် ပြောင်းပေးဖို့ လိုတယ်။ ကျနော်တို့ အရင်တုန်းက အာဏာပိုင် အဖွဲ့အစည်းလို့ ပြောတယ်။ ကျနော်တို့ တာဝန်ရှိတဲ့လူ။ အဲဒါ mind set ကို ပြောင်းတာ။ တခါ ဝန်ထမ်းတွေကျ လုပ်ပိုင်ခွင့်ရှိသူ။ အခုတော့လည်း အကျိူးဆောင်သူ၊ ကူညီသူပေါ့။ ဒီလိုတော့ ပြောင်းတာပဲဗျာ။ capacity building တွေလည်း အများကြီးလုပ်တာပဲ။

မေး။   ။ စီးပွားရေး ပြုပြင်ပြောင်းလဲမှုမှာ လက်ရှိ မြန်မာနိုင်ငံထဲမှာလုပ်နိုင်စွမ်းရည်ပေါ့နော်။ လုပ်နိုင်စွမ်းရည်ကရော အခုချိန်မှာ ဘယ်လောက်အထိ ရှိတယ်လို့ ဝန်ကြီး ယူဆပါသလဲ ခင်ဗျ။

ဖြေ။    ။ လုပ်နိုင်စွမ်းရည်နည်းတယ်လို့လည်း တချို့က ပြောကြတယ်။ ဒါပေမဲ့ ကျနော်တို့က ကျနော်တို့ လုပ်နိုင်တဲ့ စွမ်းရည်အပေါ်မှာပဲ ချိန်ဆပြီးတော့ ဖိတ်ခေါ်ထားတဲ့ လုပ်ငန်းတွေ ရှိတဲ့အတွက်ကြောင့် နည်းတော့ နည်းနေတယ်။ လုံးဝနည်းတယ်လို့လည်း ကျနော် မဆိုလိုဘူး။ မြန်မာလူမျိုးတွေက telent တော့ ရှိတယ်။ အရည်အချင်းရှိတယ်။ ဒါလေးတွေကို ကျနော်တို့က တခု တခု ပေါင်းစပ်ပေးလိုက်ရုံပဲ။ ဥပမာအားဖြင့် ကျနော်တို့ တောင်းဆိုနေတာက- ကျနော်တို့ ဦးစားပေးနေတာက စိုက်ပျိုးရေးနဲ့ ဆက်စပ်တဲ့ agro-based industry တွေ၊ နောက် cycling change agriculture နဲ့ ပတ်သက်လို့။ Agriculture products တွေကို value added လုပ်မယ်၊ ဒီ - agriculture of products Enterprise တွေပေါ့။ ပြီးရင် SME development၊ ထို့အတူပဲ job creation ပေါ့ဗျာ။ အလုပ်အကိုင် အခွင့်အလမ်းတွေ ရအောင်၊ service of sector  ဆိုရင်လည်း tourism sector တို့၊ အခြား services sector တို့၊ ဒါတွေ လုပ်တဲ့အတွက်ကြောင့် capacity က သိပ်တော့ အများကြီး မလိုသေးဘူးမဟုတ်ဘူး။ လိုတယ်။ လိုတာတော့ မှန်တယ်။ ဒါပေမဲ့ fitting နည်းနည်းဖြစ်တယ်။ ပြီးရင် infrastructure မှာလည်း လက်ရှိက အဲဒီလောက် လျှပ်စစ်မီးလည်း ကျနော်တို့ ပေးနိုင်တယ်။ သိပ်မျှော်မှန်းပြီး စက်ရုံအကြီးကြီးတွေ သံမဏိစက်ရုံကြီးတွေ လုပ်မယ်ဆိုရင်လည်း လတ်တလောမှာ မီးမပေးနိုင်ဘူး၊ ကျွမ်းကျင်တဲ့လူလည်း မရှိသေးဘူး။

ဒါပေမဲ့ financial sector မှာကျတော့ လူလိုတာ သိသာလာတယ်။ Financial sector တွေကို ဖွံ့ဖြိုးအောင်လုပ်တဲ့အခါမှာ capital market တို့၊ ဘဏ်လုပ်ငန်းတွေပေါ့ဗျာ။ ဖွံ့ဖြိုးတိုးတက်ဖို့ ကျွမ်းကျင်တဲ့သူတော့ လိုတာ အမှန်ပဲ။

မေး။   ။ အဲဒီတော့ နိုင်ငံတကာ အကူအညီနဲ့ ပတ်သက်လို့ရော နိုင်ငံတကာကရော ကမ်းလှမ်းတာတွေ တော်တော်များများ ကြားရပါတယ်။ တော်တော်များများဝင်နေကြပြီလား။

ဖြေ။    ။ မှန်ပါတယ်။ နိုင်ငံတကာ အကူအညီတွေ ကမ်းလှမ်းပါတယ်။ လုပ်လည်း စလုပ်နေပါပြီ။ ကျနော်တို့ကလည်း နိုင်ငံတကာ အကူအညီတွေ ကမ်းလှမ်းတဲ့အခါမှာ grant တွေရှိတယ်၊ aid တွေ ရှိတယ်၊ loan တွေ ရှိတယ်။ ဒါတွေအပေါ်မှာ စံနစ်တကျ စဉ်းစားပြီးတော့- ဒါတွေ အားလုံး ကလည်း ပေးချင်တိုင်းပေးပြီး ယူချင်တိုင်းယူလို့ မရဘူး၊ သူများနိုင်ငံလိုလည်း ဖြစ်အုံးမယ်။ နောက် တခါ အစိုးရထဲက ကျနော်တို့လို တာဝန်ရှိသူတွေကလည်း ဒီဟာတွေ အပေါ်မှာ ပျက်စီးသွားနိုင်တယ်လေ။

မေး။   ။ အခုလို နိုင်ငံတကာ အကူအညီတွေ ယူတဲ့အခါမှာ တခြားနိုင်ငံတွေမှာလည်း သူတို့မှာ လည်း ငွေကြေးပြဿနာပေါ့နော်။ ငွေကြေး အကျပ်အတည်းတွေ ကြုံတဲ့ ထိုင်းတို့၊ မလေးရှားတို့မှာ ဖြစ်တဲ့အခါမှာ IMFတို့၊ World Bank တို့က အကူအညီတွေ ယူခဲ့ရပါတယ်။ ယူတဲ့အခါမှာ သူတို့ပေးတဲ့ package တွေမှာ တချို့ လူထုက မကြိုက်တာတွေ ရှိတယ်။ ဆိုလိုတာက အခြေခံလူတန်းစား၊ အခြေခံလူထုအတွက် အကျိုးမရှိတဲ့ဟာမျိုး၊ မြင်တာမျိုးတွေလည်းရှိတယ်။ ဆိုလိုတာက အားလုံးကို နိုင်ငံတော် ချုပ်ကိုင်မှုတွေကို ဖြေလျှော့ပေးလိုက်ပြီးတော့ ပုဂ္ဂလိကပိုင် လုပ်တာတို့၊ ဒါမျိုးတွေလည်း ဝင်လာနိုင်ပါတယ်။ အဲဒီတော့ ဒီအပေါ်မှာရောဝန်ကြီးတို့အနေနဲ့ စဉ်းစားမှုရှိလား၊ ဘယ်လို စဉ်းစားထားလဲ။ 

ဖြေ။    ။ ဒါတွေ ကျနော်တို့ အလေးထားပါတယ်။ အရမ်းဝင်လာတိုင်းလည်း ကျနော်တို့ အရမ်းမလုပ်ဘူး။ အခုနက ကျနော်ပြောပြီးပြီပေါ့။ ကျနော်တို့က စီမံခန့်ခွဲမှု Driver seat ကို ယူမယ်ဆိုတာက ကျနော်တို့က reform strategy for economic development နဲ့ inline ဖြစ်အောင် check လုပ်တာ။ လုပ်တာတော့ လွတ်လွတ်လပ်လပ် လုပ်နိုင်တယ်၊ တိုးတက်အောင်လုပ်နိုင်တယ်၊ စံနစ်တကျဖြစ်အောင်လုပ်နိုင်တယ်၊ transparent ဖြစ်ရမယ်။ grass root people တွေကို ထိရောက်တဲ့မြင်သာတဲ့အကျိုးရှိဖို့ ဖြစ်ဖို့- အဲဒီပေတံနဲ့တော့ ကျနော်တို့ တိုင်းတယ်။ အဲဒီပေတံမဟုတ်ရင်တော့ ခင်ဗျား ခဏနေအုံး။ ကျနော်တို့ စဉ်းစားမယ်။

ဒါကတော့ မြန်မာနိုင်ငံ ရင်းနှီးမြှုပ်နှံမှု ကော်မရှင်ဥက္ကဋ္ဌ ဦးစိုးသိန်း ဖြစ်ပါတယ်ရှင်။ ကိုသားညွန့်ဦးက ဗွီအိုအေ စတူဒီယိုထဲမှာ မေးမြန်းခဲ့တာ ဖြစ်ပါတယ်။

ပြည်ပဈေးကွက် အတွက် မြန်မာ ကုန်စည် အရည်အသွေး မြှင့်ဖို့လို

မြန်မာနိုင်ငံအပေါ် အနောက်နိုင်ငံတွေရဲ့ အရေးယူဒဏ်ခတ်မှုတွေ လျှော့ပေါ့ ပေးလာတာနဲ့အမျှ မြန် မာနိုင်ငံက ကုန်ထုတ်လုပ်ငန်း တွေမှာ တိုးတက်မှုတွေ ရလာတော့မယ်လို့ စီးပွားရေး အသိုင်းအ၀ိုင်းက မျှော်လင့်နေကြပါတယ်။ ဒါပေမဲ့ တချိန်တည်းမှာပဲ ကျယ်ပြန့်လာမယ့် နိုင်ငံ တကာ ဈေးကွက်မှာ ထိုးဖောက်နိုင်ဖို့ အတွက် လုပ်စရာတွေလည်း တပုံကြီး ရှိနေတယ်လို့ ပြောနေကြ တာပါ။ အခုလို ပြောင်းလဲနေတဲ့အခြေအနေမှာ မြန်မာနိုင်ငံက စီးပွားရေးသမားတွေရဲ့ မျှော်လင့်ချက် နဲ့ ရင်ဆိုင်ရနိုင်တဲ့ စိန်ခေါ်မှုတွေကိုတော့ ကိုအောင်လွင်ဦးက တင်ပြပေးထားပါတယ်။

ကုလသမဂ္ဂ အထွေထွေညီလာခံ တက်ရောက်ရင်း သမ္မတဦးသိန်းစိန်နဲ့ တွေ့ဆုံစဉ်မှာ မြန်မာနိုင်ငံက ပို့ကုန်တွေ တင်သွင်းခွင့် တားမြစ်ထားတာကို ဖယ်ရှားပေးမယ့်အကြောင်း အမေရိကန် နိုင်ငံခြားရေး ၀န်ကြီး ဟီလာရီ ကလင်တန် ကြေညာလိုက်တဲ့နောက် ကုန်ထုတ်လုပ်ငန်းတွေ အားကောင်းလာလေ မလား မျှော်လင့်ချက်တွေလည်း ကြီးထွား လာကြတာ ဖြစ်ပါတယ်။ အမေရိကန် အစိုးရက ဥပဒေ အဖြစ် ပြဋ္ဌာန်းတားမြစ် ထားတာတွေကို တရားဝင် ဖယ်ရှားပြီ ဆိုတာနဲ့ ပို့ကုန်တွေ တင်သွင်းသွားဖို့ ရည်ရွယ်ထားတယ်လို့လည်း မြန်မာနိုင်ငံ ငါးလုပ်ငန်းရှင်များ အသင်း ဒုဥက္ကဋ္ဌ ဦးနှင်းဦး ကပြောပါတယ်။

“ကျနော်တို့က အမေရိကန်ကို တိုက်ရိုက်အားဖြင့်တော့ ပစ္စည်းသွားတာ သိပ်မရှိခဲ့ဘူး။ indirect နည်းနဲ့ တုန်းကတော့ ကျနော်တို့က တော်တော် နစ်နာခဲ့ပါတယ်။ ဥပမာ ဆိုပါတော့- အမေရိကန် sanction ကြောင့် အမေရိကန်နဲ့ပတ်သက်တဲ့ နိုင်ငံတွေကို ကျနော်တို့ သွားလို့မရဘူး။ တချို့ကဆို အမေရိကန်နဲ့ ကျနော်တို့ ပြဿနာရှိထားတဲ့အတွက် တခြား ရင်းနှီးချင်တဲ့သူတွေက ကျနော်တို့ဆီကို လာရောက်ပြီးတော့ ရင်းနှီးမြှုပ်နှံရာမှာလည်း နှောင့်နှေးခဲ့တာတွေ ရှိတယ်။ အခုလို ပွင့်သွားတော့ အနာဂတ်အတွက် အင်မတန်ကောင်းပါတယ်။ နောက်ပြီးတော့ အမေရိကန်က ကျနော်တို့အပေါ် စဉ်းစားမယ့် အချက်တွေကလည်း free duty,ဖရီးကိုတာဆိုတာလည်းပါတယ်။ အဲဒါက သူများနိုင်ငံ ထက် ကျနော်တို့ကို ပိုပြီး အခွင့်အရေးပေးမယ့် အလားအလာတွေ၊ ဂျူတီအားဖြင့်ဆိုရင်လည်း သူများနိုင်ငံထက် ပိုပြီးသက်သာခွင့်ရမယ့် အခြေအနေလည်း တွေ့ရပါတယ်။” 

မြန်မာနိုင်ငံမှာ ပြုပြင်ပြောင်းလဲရေးတွေ လုပ်မယ်လို့ ကတိပြုပြီး တက်လာတဲ့ သမ္မတဦးသိန်းစိန် လက်ထက် နိုင်ငံရေး၊ စီးပွားရေး လွတ်လပ်ခွင့်တွေ ပေးလာတာ ဖြစ်ပါတယ်။ ဒါပေမဲ့လည်း ဆက်သွယ်ရေး၊ လမ်းပန်း စတာတွေလို အခြေခံ လိုအပ်ချက်တွေ၊ ဘဏ္ဍာရေးနဲ့ ငွေကြေးလွှဲပြောင်းမှု လုပ်ငန်းတွေ ခိုင်ခိုင်မာမာ မရှိဘဲ ဖြစ်နေတဲ့အတွက် ပြည်ပနဲ့ ဆက်သွယ် လုပ်ကိုင်လိုသူတွေ၊ နိုင်ငံခြား က ရင်းနှီးမြှုပ်နှံလုပ်ကိုင်လိုသူတွေအတွက် စိမ်ခေါ်မှုတွေနဲ့ ကြုံနေကြရတာပါ။