02.10.2012 နေ့ဖတ်ရန်သတင်းများ

by Myanmar Journal on Monday, October 1, 2012 at 5:16pm ·

ကမ္ဘာမှာ သက်ကြီး ရွယ်အိုတွေ များလာနေ

ကျန်းမာရေး စောင့်ရှောက်မှု နဲ့ အစာအဟာရ တွေကြောင့် အသက်ပို ရှည်လာကြ

ကမ္ဘာ့ လူ့ဦးရေ သန်း ၇ ထောင် ထဲမှာ အသက်ကြီးတဲ့ လူဦးရေက အလျင်အမြန် ကြီးထွား လာနေတယ် လို့ ကုလ သမဂ္ဂက အောက်တိုဘာ ၁ ရက်၊ ကမ္ဘာ့ သက်ကြီး ရွယ်အိုများနေ့ အတွက် ထုတ်ပြန်တဲ့ အစီရင်ခံစာ မှာ ဖော်ပြ ထားပါတယ်။

အဲဒီလို အသက်ကြီး လူဦးရေ များလာ သလို သူတို့ကို ကာကွယ် စောင့်ရှောက် ပေးနိုင်မယ့် အစီအမံ တွေလည်း အများအပြား လိုအပ် နေသေးတဲ့ အကြောင်း သတိပေး ထုတ်ပြန်လိုက် ပါတယ်။

ကမ္ဘာ တဝန်းမှာ အသက် ၆၀ ကျော်တဲ့ လူဦးရေဟာ နောက် ၁၀ နှစ်လောက် အတွင်းမှာ သန်း ၁၀၀၀ လောက်ကို ရောက်လာ မှာဖြစ်ပြီး ကမ္ဘာပေါ်မှာ လူ ၇ ယောက် မှာ ၁ ယောက်က အသက် ၆၀ ကျော် လူကြီး တွေ လို့ ပြောနိုင် ပါတယ်။

တကယ်တော့ ဒီလို အသက်ကြီး လူဦးရေ များပြား နေရ တာက တဘက်က ကြည့်ရင်တော့ အောင်မြင် မှုရဲ့ ရလဒ်လို့ ဆိုနိုင် ပါတယ်။

လူတွေဟာ အရင်ကထက် ကျန်းမာရေး စောင့်ရှောက် မှုတွေ ပိုကောင်းကောင်း ရလာသလို ပိုမို ကောင်းမွန်တဲ့ အဟာရတွေ အရင်ထက် ရလာ ကြပါတာ ကြောင့် လူတွေဟာ အသက်ပိုရှည်လာတယ်လို့ ပြောနိုင်ပါတယ်။

ပညာရေး မြင့်မား လာတာ ကြောင့်လည်း ကလေး မွေးဖွားမှုနှုန်း ကျဆင်း လာစေတယ်လို့ ဆိုပါတယ်။ အထူး သဖြင့် မိသားစု အများအပြားမှာ သားဆက်ခြား တာတွေ ပိုလုပ်လာ နိုင်ကြ ပါတယ်။

ဒါပေမယ့် ကမ္ဘာ့ အသက် ၆၀ ကျော် လူဦးရေရဲ့ သုံးပုံ နှစ်ပုံဟာ ဆင်းရဲတဲ့ နိုင်ငံ တွေမှာ နေထိုင် ကြတာ ဖြစ်ပြီး ဒီသက်ကြီး ရွယ်အို တွေကို ကူညီ စောင့်ရှောက်ဖို့ အရေးမှာ စီမံခန့်ခွဲမှု တွေက လွဲမှား နေတယ်လို့ ကုလသမဂ္ဂ အစီရင်ခံစာ မှာ ဖော်ပြ ပါတယ်။

ဒီ အစီရင် ခံစာကို ကုလသမဂ္ဂ နဲ့အတူ နိုင်ငံတကာ သက်ကြီး ရွယ်အို ကူညီ စောင့်ရှောက်ရေး NGO အဖွဲ့ တစ်ခုဖြစ်တဲ့ HelpAge International က ကူညီ ပံ့ပိုးပြီး ရေးသား ထားတာ ဖြစ်ပါတယ်။

HelpAge အဖွဲ့ ပြောတာ ကတော့ နိုင်ငံ အများအပြား မှာ အထူးသဖြင့် ပင်စင် အစီအစဉ်တွေ ရှိဖို့ လိုနေ တယ်လို့ ပြောပါတယ်။ ပင်စင် ဥပဒေ ရေးဆွဲ အတည်ပြုယုံ နဲ့ မလုံလောက်ပဲ ဒီပင်စင် ရံပုံငွေကို စံနစ် တကျ အကောင် အထည်ဖော် ဆောင်ရွက်ဖို့ လိုတယ်လို့ ပြောပါတယ်။

ဘိုလီဗီးယား နိုင်ငံမှာတော့ အသက် ၆၀ ကျော် လူကြီးတွေ အတွက် တလကို အနည်းဆုံး ဒေါ်လာ ၃၀ နဲ့ ညီမျှတဲ့ ပင်စင်ငွေ ရကြ ပါတယ်။

ဒါ့အပြင် သက်ကြီးရွယ်အိုတွေ အတွက် သက်ကြီးရွယ်အိုတွေအတွက် အရေးပေါ်အကူအညီနဲ့ လူသားချင်း စာနာမှုဆိုင်ရာ အကူအညီတွေ ပေးတဲ့ အထူး အစီအစဉ်လည်း ရှိပါတယ်။

မြန်မာနိုင်ငံ မှာတော့ ကုလသမဂ္ဂက စာရင်းအရ ၂၀၀၇ ခုနှစ်တုန်းက လူ ၁၀၀ မှာ ၈ ယောက်ကျော်ဟာ အသက် ၆၀ ကျော်တွေ ဖြစ်ပြီး ၂၀၁၀မှာတော့ ၉ ယောက်ကျော် အထိ တိုးလာတယ် လို့ ဆိုပါတယ်။

၂၀၅၀ မှာ ဆိုရင် ၅ ယောက်မှာ ၁ ယောက်နှုန်းက အသက် ၆၀ ကျော်တွေ ဖြစ်လာ နိုင်ပြီး မြန်မာ အစိုးရ အနေနဲ့ လည်း သက်ကြီး ရွယ်အို တွေကို ကူညီ နိုင်ဖို့ ကုလသမဂ္ဂနဲ့ အခြား NGO တွေနဲ့ လက် တွဲ ဆောင်ရွက် သွားမယ်လို့ ကယ်ဆယ်ရေးနဲ့ ပြန်လည်နေရာ ချထားရေး ဝန်ကြီး ဒေါက်တာ မြတ်မြတ်အုန်းခင် က ကမ္ဘာ့ သက်ကြီး ရွယ်အိုများနေ့ အထိမ်းအမှတ် အခန်းအနားမှာ ပြောကြား ခဲ့ပါတယ်။

တောင်အာဖရိက မိုင်းလုပ်သားသေဆုံးမှု စုံစမ်းရေးကော်မရှင်ဖွဲ့

သြဂုတ်လက ဆန္ဒပြနေကြတဲ့ ပလက်တီနမ်သတ္တုတွင်း လုပ်သားတွေ

တောင်အာဖရိကနိုင်ငံမှာ သြဂုတ်လက မာရီကာနာ ပလက်တီနမ်သတ္တုတွင်း ဆန္ဒပြမှုအတွင်း လူ ၄၀ ကျော်သေဆုံးခဲ့မှုနဲ့ပတ်သက်လို့ စတင်စုံစမ်းဖို့ စုံစမ်းစစ်ဆေးရေး ကော်မရှင်တရပ်ကို အစိုးရက ဖွဲ့စည်းလိုက်ပါတယ်။

သေဆုံးသူအများစုဟာ မိုင်းလုပ်သားတွေ ဖြစ်ပြီး ရဲတွေရဲ့ ပစ်ခတ်မှုကြောင့် သေဆုံးရတာ ဖြစ်ပါတယ်။

ဒီဖြစ်ရပ်ဟာ တောင်အာဖရိကမှာ အသားအရောင် ခွဲခြားမှု ချုပ်ငြိမ်းခဲ့ပြီးနောက်ပိုင်း လူသေဆုံးမှုအများဆုံး အင်အားသုံးမှု ဖြစ်ပါတယ်။

သေဆုံးသူ မိသားစုတွေဟာ ဝေးလံ တဲ့ဒေသတွေမှာ နေကြတာမို့ လာရောက် သက်သေထွက်ဆိုဖို့ ခက်ခဲတဲ့အတွက် စုံစမ်းစစ်ဆေးမှုကို သီတင်း ၂ ပတ် ရွေ့ဆိုင်ဖို့ မိုင်းလုပ်သား မိသားစုတွေကိုယ်စား ရှေ့နေတွေက မေတ္တာရပ်ခံခဲ့ကြပါတယ်။

ဒါပေမယ့် စုံစမ်းရေးကော်မရှင်က စုံစမ်းမှုကို မြန်မြန်ဆန်ဆန်နဲ့ ပြီးပြည့်စုံအောင် လုပ်ဖို့ လိုတယ်လို ပြောဆိုပြီး ရက်ရွေ့ဖို့ ငြင်းခဲ့ပါတယ်။

စုံစမ်းရေးကော်မရှင်ဟာ ရဲ၊ သတ္တုတွင်း စီမံခန့်ခွဲမှု အလုပ်သမားသမဂ္ဂတွေနဲ့ အစိုးရပိုင်း စတာတွေရဲ့ ပါဝင်ပတ်သက်မှုတွေကို စုံစမ်းမှာ ဖြစ်ပါတယ်။

သမ္မတ ဦးသိန်းစိန် ပြန်အလာကို စောင့်ကြိုကြ

နှစ်ပေါင်း ၅၀ နီးပါး အတွင်း မြန်မာ နိုင်ငံ သမ္မတ တစ်ယောက်ရဲ့ ပထမဆုံး အမေရိကန် ခရီးစဉ် ကနေ ပြန်လာတဲ့ သမ္မတ ဦးသိန်းစိန်ကို ရန်ကုန် လေဆိပ်မှာ လူ အများ အပြား စောင့်ကြို ခဲ့ကြ ပါတယ်။

တနင်္လာနေ့ မနက်က လေဆိပ်မှာ ကြိုဆိုခဲ့ကြသူ ရာဂဏန်းလောက် ရှိပြီး စနစ်တကျ အစီအစဉ်နဲ့ ကြိုဆို ခဲ့ကြပေမဲ့ အရင်ကလို အတင်း အကျပ် ပုံစံမျိုးနဲ့ လာရပုံ တော့ မဟုတ်ဘူးလို့ အဲဒီမှာ ကိုယ်တိုင် သတင်း သွားယူခဲ့တဲ့ သတင်းထောက် တစ်ယောက်က ဘီဘီစီကို ပြောပါတယ်။

သမ္မတရဲ့ အမေရိကန် ခရီးစဉ် အောင်မြင်တာကို အသိ အမှတ်ပြုတဲ့ အနေနဲ့ ရော ကုလ သမဂ္ဂမှာ မိန့်ခွန်း ပြောခဲ့တာကို သဘောကျတဲ့ အတွက်ရော လူတွေ လာကြိုကြတာ ဖြစ်တယ်လို့ သူစကားပြောခွင့်ရသူ ပြည်သူတွေရဲ့ အပြော အရ သိရတယ်လို့ အဲဒီ သတင်းထောက်က ဆက်ပြောပါတယ်။

သမ္မတရဲ့ နံဘေးမှာ ရဲတွေက လုံခြုံရေး ယူထား ပေမဲ့ လူတွေက သမ္မတကို အနီးကပ် တွေ့နိုင်တဲ့ အပြင် တချို့ ဆို လက်ဆွဲ နှုတ်ဆက်ခွင့် တောင် ရကြ ကြောင်းနဲ့ သတင်း သွားယူတဲ့ သတင်းထောက်တွေ အတင်း တိုးဝှေ့ သတင်း ယူတာမျိုးကို တားတာက လွဲရင် အရင်ကလို မဟုတ်ဘဲ သတင်း ရယူခွင့် နဲ့ ဓါတ်ပုံ ရိုက်ခွင့် ပေးခဲ့တယ် လို့လည်း သူက ပြောပါတယ်။

ဘင်္ဂလားဒေ့ရှ် အကြမ်းဖက်မှု ထိန်းသိမ်းနိုင်ဖို့ လုံခြုံရေးတိုးချ

ဘင်္ဂလာဒေ့ရှ် အစိုးရက တည်ငြိမ်မူတွေ ရရှိအောင် လုံခြုံရေး တပ်ဖွဲ့ဝင်တွေကို အကြမ်းဖက်မူတွေ ဖြစ်ပေါ်ခဲ့တဲ့ နေရာတွေမှာ အကြီးအကျယ်ချပြီး ထိန်းသိမ်းမူတွေ ပြုလုပ် နေပါတယ်။

ဒါပေမယ့် ဗုဒ္ဓဘာသာဝင် အများစုကတော့ စိုးရိမ်မူတွေ ဆက်လက် ရှိနေကြဆဲ ဖြစ်ပါတယ်။

အခုအချိန်ထိတော့ လူပေါင်း ၁၆၆ ဦးကို အာဏာပိုင်တွေက ဖမ်းဆီးခဲ့ပြီ စစ်တကောင်း ပိုတီယာဒေသ မှာလည်း ဘုန်းကြီးကျောင်းတွေ တိုက်ခိုက်ခဲ့တဲ့ အတွက် လူပေါင်း ၆၀၀ ကို တရားစွဲဆိုထားပါတယ်။

ကောစ်ဘဇား၊ စစ်တကောင်း၊ ရာမူးနဲ့ အိုကီးယား စတဲ့ နေရာ လေးခုမှာလည်း အခုအခါ ပုဒ်မ ၁၄၄ ကို ထုတ်ပြန်ထားပါတယ်။

ဘင်္ဂလားဒေ့ရှ် ပြည်ထဲရေးဝန်ကြီးက စုံစမ်းစစ်ဆေးမှုတွေ စတင်နေပြီး၊ ဒီဖြစ်ရပ်မှာ ဒေသခံနဲ့ နိုင်ငံရပ်ခြားက စစ်သွေးကြွအဖွဲ့တွေနဲ့ အစွန်းရောက်အဖွဲ့တွေ ပါဝင်ပတ်သက်ကောင်း ပတ်သက်နိုင်တယ်လို့ ပြောကြားခဲ့ပါတယ်။

ရဲတွေ အပါအဝင် ဘီဂျီပီခေါ်တဲ့ နယ်ခြား စောင့်တပ်ဖွဲ့တွေကို ဗုဒ္ဓဘာသာ ရွာတွေ ဖြစ်တဲ့ ခြံချောင်း၊ ဝါးခွပ်ချောင်း၊ မြစ်နားရွာ၊ ကယုချောင်း (တက်ကနက်)တို့မှာ ချထားပါတယ်။

အခြေအနေကတော့ စိတ်ချရတဲ့ အနေအထားမှာ မရှိသေးသလို ဈေးသွားလို့ မရ၊ ကလေးတွေ ကျောင်းသွားလို့ မရ ဖြစ်နေသေးတယ်လို့ ဝါးခွပ်ချောင်းရွားသားတဦးက ပြောပါတယ်။

အဓိက စတင် ပြဿနာ ဖြစ်ပွားခဲ့တဲ့ ရာမူး မြန်မာလို ပန်းဝါမြို့မှာ အခြေအနေတွေ အေးဆေး ရှိပေမယ့် ရာမူး အနီးက ဟာစာရီကော့၊ ကူဘဇာတို့မှာတော့ နည်းနည်းဆူဆူပူပူ ဖြစ်နေပြီး၊ ဗုဒ္ဓဘာသာဝင်တွေက စိုးရိမ်နေကြဆဲလို့ မာရမာကြီး ဒေသခံ တစ်ဦး က ပြောပါတယ်။

ဒီကနေ့မှာ ဆန် ပဲစတဲ့ ရိက္ခာတွေ တချို့ကို ကူညီပေးသလို နေရာ တော်တော်များတော့ စစ်တပ်၊ နယ်ခြားစောင့်တပ် ဘီဂျီပီ၊ ရဲနဲ့ ရက်လို့ ခေါ်တဲ့ အထူး မူခင်း နှိမ်နှင်းရေး တပ်ဖွဲ့တွေကို ချထားတယ်လို့ ဆိုပါတယ်။

ကုရ်အမ်ကျမ်းစာကို မီးရှို့တဲ့ပုံ ဖေ့ဘွတ်မှာ ဗုဒ္ဓဘာသာလူငယ်က တင်ထားတယ်ဆိုတဲ့စွပ်စွဲချက်တွေနဲ့အခုလို တိုက်ခိုက်မှုတွေ စနေနေ့ကဖြစ်ပွားခဲ့တာဖြစ်ပါတယ်။

လူဦးရေ သန်း၁၅၀ ရှိတဲ့ ဘင်္ဂလားဒေ့ရ်ှမှာဗုဒ္ဓဘာသာဝင်ပေါင်း လူအားလုံးရဲ့ ၁ ရာခိုင်နှုန်းဘဲရှိပါတယ်။

အခုဖြစ်ပွားနေတာနဲ့ပတ်သက်လို့ မြန်မာနယ်စပ်ဘက်မှာ နစက ကပုံမှန်လုံခြုံရေးယူထားပြီး အခြေအနေ ဘာမှထူးခြားမှုမရှိဘူးလို့ ရခိုင်ပြည်နယ်အစိုးရသတင်းတာဝန်ခံက ဘီဘီစီကိုပြောပါတယ်။

စနေနေ့ ညနေက စပြီး ရာမူးမှာ ဖြစ်ခဲ့တဲ့ အကြမ်းဖက်မူ ဟာ နောက်ထပ် နေရာ လေးခုထိ ပြန့်နှံ့သွားပြီး အခုချိန်ထိ တော့ ဘုန်းတော်ကြီးကျောင်း ၂၀ ခန့်နဲ့ အိမ်ပေါင်း ၅၀ ဖျက်ဆီး ခံခဲ့ရပြီ ဖြစ်ပါတယ်။

Obama နဲ့ Mitt Romney တို့ ပထမ အကျော့ စကားစစ်ထိုးပွဲ အတွက် ပြင်ဆင်

အမေရိကန်သမ္မတ ဘရာ့ခ် အိုဘားမား နဲ့ ရီပတ်ဘလီကန်ပါတီရဲ့သမ္မတလောင်း မစ်တ် ရွမ်မ်နီတို့ဟာ ဗုဒ္ဓဟူးနေ့လုပ်မယ့် ပထမဆုံးအကြိမ် စကားစစ်ထိုးပွဲအတွက် ပြင်ဆင်နေကြတာနဲ့အမျှ ဒီကနေ့မှာတော့ အများမြင်ကွင်းရှေ့မှာ သိပ်တွေ့ရဖို့မရှိပါဘူး။

မစ္စတာအိုဘားမားဟာ သူ့ရဲ့ မဲဆွယ်စည်းရုံးရေး အကြံပေးပုဂ္ဂိုလ်တွေနဲ့ နီဗားဒါးပြည်နယ်မှာ တွေ့ဆုံဆွေးနွေးကြဖို့ရှိပါတယ်။ တနင်္ဂနွေနေ့တုန်းကတော့ လက်စ်ဗေးဂပ်စ်မြို့အပြင်ဘက်မှာ လူတသောင်းကျော်တက်တဲ့ မဲဆွယ်စည်းရုံးပွဲတခုမှာ သမ္မတ အိုဘားမားမိန့်ခွန်းပြောခဲ့ပါတယ်။ စကားစစ်ထိုးပွဲမှာ ထူးချွန်သူတဦးအဖြစ် မစ္စတာရွမ်မ်နီကို သူက ပုံဖော်ပြောဆိုပြီး မစ္စတာ ရွမ်မ် နီနဲ့နှိုင်းယှဉ်ရင် သူ့အနေနဲ့ အဆင်ပြေရုံပါပဲလို့ မစ္စတာအိုဘားမားက ပြောပါတယ်။

ဗုဒ္ဓဟူးနေ့ စကားစစ်ထိုးပွဲဟာ ဘယ်သူက ဘယ်သူ့ကို မသက်မသာဖြစ်သွားအောင် လုပ်နိုင်မလည်းဆိုတာထက် ပိုစေချင်ပါတယ်လို့ မစ္စတာအိုဘားမားက ပြောပါတယ်။မစ္စတာရွမ်မ်နီကတော့ သူ့ရဲ့ မိခင်ပြည်နယ်ဖြစ်တဲ့ မက်ဆာချူးဆက်မှာ ဒီကနေ့ သူ့ရဲ့ အကြံပေးတွေနဲ့ တွေ့ဆုံ ဆွေးနွေးပြီးတဲ့ နောက် စကားစစ်ထိုးပွဲကျင်းပမယ့် ကော်လိုရာဒိုပြည်နယ် ဒန်ဗာမြို့ဆီ ခရီးဆက်ပါလိမ့်မယ်။

သမ္မတဦးသိန်းစိန်ကို မြန်မာလူထု လိူက်လှဲစွာ ကြိုဆို

အမေရိကန်နိုင်ငံ နယူးယောက်မြို့မှာ ကျင်းပတဲ့ ၆၇ ကြိမ်မြောက် ကုလသမဂ္ဂ အထွေထွေညီလာခံကို တက်ရောက်ပြီး ဒီကနေ့မနက်မှာ ရန်ကုန်မြို့ကို ပြန်ရောက်လာတဲ့ သမ္မတ ဦးသိန်းစိန်ကို မြန်မာပြည်သူတွေနဲ့အတူ နိုင်ငံရေးပါတီတွေ၊ အနုပညာရှင်တွေ၊ စီးပွားရေးလုပ်ငန်းရှင်တွေ သွားရောက် ကြိုဆိုခဲ့ကြတာပါ။ ဒါဟာ သမ္မတရဲ့ ခရီးစဉ်အတွင်း အောင်မြင်မှုရခဲ့တာတွေကြောင့် လူထုက ကြိုဆိုတာဖြစ်နိုင်တယ်လို့ နိုင်ငံရေးပါတီတွေက သုံးသပ်ပြောဆိုသလို အရင် အာဏာရှင်လက်ထက်မှာ တွေ့ကြုံခဲ့တဲ့အခြေအနေတွေနဲ့ မတူပဲ ထူးခြားတဲ့ အတွေ့အကြုံဖြစ်တာကြောင့် သမ္မတအနေနဲ့ အံ့အားသင့်ပြီး ၀မ်းသာမှုဖြစ်ခဲ့ရတယ်လို့ သမ္မတရုံး ညွန်ကြားရေးမှူး ဦးဇော်ဌေးက ပြောပါတယ်။ အပြည့်အစုံကိုတော့ ဘန်ကောက်ရုံးကနေ ဆက်သွယ် စုံစမ်းထားတဲ့ ကိုဇော်ဝင်းလှိုင်က တင်ပြပေးပါမယ်။

သမ္မတဦးသိန်းစိန်ရဲ့ အမေရိကန်ခရီးစဉ် ဟာ ပြည်တွင်း၊ ပြည်ပမှာ ရှိတဲ့ မြန်မာ့အရေး လေ့လာစောင့်ကြည့်သူတွေ အကြား အောင်မြင်မှုရရှိခဲ့တဲ့ ခရီးစဉ်တခုဖြစ်တယ် လို့ ယေဘုယျအားဖြင့် သုံးသပ် ပြောဆိုနေကြတာပါ။ ဒီခရီးစဉ်အတွင်း  အမေရိကန်နိုင်ငံနဲ့ စီးပွားရေးအရ ဆက်ဆံရေးတွေ တိုးတက်ကောင်းမွန်စေမယ့် သဘောတူညီမှုတွေအပြင် အမေရိကန်တို့ဖက်ကလည်း မြန်မာနိုင်ငံအပေါ် ပိတ်ဆို့ အရေးယူမှုတွေ လျော့ချပေးမယ်ဆိုတဲ့ ကတိက၀တ်တွေကို ရရှိခဲ့တာပါ။

ဒါ့အပြင် ကုလသမဂ္ဂနဲ့ တခြား နိုင်ငံတွေအကြားမှာလည်း အရင် စစ်အစိုးရလက်ထက်တုန်းကလိုမဟုတ်ပဲ မြန်မာနိုင်ငံရဲ့ ဂုဏ်သိက္ခာ မြင့်တက်အောင် စွမ်းဆောင်နိုင်ခဲ့တဲ့အတွက် ဒီကနေ့မနက် ရန်ကုန်လေဆိပ်ကို သူပြန်ရောက်တဲ့အချိန်မှာ မြန်မာလူထုက ၀မ်းပန်းတသာနဲ့ ကြိုဆိုကြတာဖြစ်တာကြောင့် သမ္မတအနေနဲ့ အံ့အားသင့်၊ ၀မ်းသာဖြစ်မိတယ်လို့ သမ္မတရုံး ညွန်ကြားရေးမှူး ဦးဇော်ဌေးက ပြောပါတယ်။

“ဒီလိုကြိုဆိုတဲ့အတွက်  သမ္မတကြီးက မထင်မှတ်ပဲနဲ့ အံ့သြသွားပါတယ်။ ဝမ်းလည်း ဝမ်းသာသွားပါတယ်။ လာကြိုတဲ့သူတွေကို ကျေးဇူးတင် ဝမ်းမြောက်ကြောင်း သူ တဖွဖွ ပြောနေပါတယ်။ နံပတ်၂ကတော့ ဒါသည် ကျနော်တို့ရဲ့ ပုဂ္ဂလိကအမြင်ရဆိုရင် လူထုအကျိုးစီးပွားအတွက် ပြုပြင်ပြောင်းလဲရေး ဆက်လက်ဆောင်ရွက်မယ့် ဒီရှေ့ပေါ့နော် ခရီးအတွက် သူ့အတွက် ဒါ ကြီးမားတဲ့ ထောက်ခံအားပေးမှုပေါ့နော်။ ရသွားတာ။ ဒါနဲ့ပတ်သက်ပြီး သူ့အတွက် ပိုပြီးတော့ ပြုပြင်ပြောင်းလဲရေး ဆောင်ရွက်ဖို့ ဆုံးဖြတ်ချက်တွေ ပိုမို ခိုင်မာသွားစေမယ့် ဆိုတဲ့ အဓိပ္ပါယ်လေးပေါ့ ကျနော်တို့ကတော့ ခံစားမိပါတယ်။

အထူးသဖြင့် မြန်မာပြည်သူတရပ်လုံးပေါ့နော်။ ဥပမာ ဒေါ်အောင်ဆန်းစုကြည်တို့ ဒီဖက်က လွှတ်တော်တို့အပါအဝင်ပေါ့နော်။ အားလုံးသော နိုင်ငံသားတွေ ကြိုးစားအားထုတ်မှုနဲ့ နိုင်ငံတကာ က ထိုက်ထိုက်တန်တန် နဲ့ အဲ့ဒီ့အကျိုးရလာဒ်တွေ နိုင်ငံတကာ အလည်မှာ မြန်မာနိုင်ငံရဲ့ အနေအထားကို ထိုက်သင့်တဲ့ နေရာတခုကို ရောက်အောင် လုပ်ဆောင်ခဲ့တဲ့ဟာကို ပြည်သူလူထုက အသိအမှတ်ပြု ကြိုဆိုတဲ့ သဘောလေး သွားတွေ့တာပေါ့နော်။”

သမ္မတကို ဒီမနက် သွားကြိုကြတဲ့အထဲ သမ္မတရဲ့ပါတီဖြစ်တဲ့ ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီက ၀န်ကြီးတွေ၊ ပါတီဝင်တွေအပြင်၊ တခြား အတိုက်အခံ ပါတီတွေ၊ အနုပညာရှင်အသိုင်းဝိုင်းက အထင်ကရပုဂ္ဂိုလ်တွေ၊ စီးပွားရေးလုပ်ငန်းရှင်တွေလည်း ပါဝင်ပါတယ်။

သမ္မတရဲ့ခရီးစဉ်အတွင်း ရရှိခဲ့တဲ့ အောင်မြင်မှုတွေကို အသိအမှတ်ပြုတဲ့အနေနဲ့ ကြိုဆိုတာဖြစ်တယ်လို့ NDF အမျိုးသားဒီမိုကရေစီအင်အားစုပါတီဥက္ကဌ ဦးခင်မောင်ဆွေက ပြောပါတယ်။

“ခရီးစဉ်ကတော့ ထူးခြားတယ်ဆိုတဲ့ အပိုင်းကတော့ဗျာ။ နှစ်ငါးဆယ်အကျော်မှာ ပြည်သူလူထုက တင်မြှောက်တဲ့ သမ္မတက ကုလသမဂ္ဂကို တက်တယ်ပေါ့ဗျာ။ တက်တဲ့အခါမှာလည်း နိုင်ငံနဲ့ လူမျိုး အကျိုးစီးပွားကို ဆောင်ရွက်ဖို့ တကယ်အာသီသရှိပြီးတော့ တကယ်ပဲ ပြုပြင်ပြောင်းလဲရေးကို အားသွန်ခွန်စိုက် ကြိုးပမ်းဖို့ တာစူပြီး လုပ်ဆောင်နေတဲ့ ပုဂ္ဂိုလ်၊ နောက်ပြီးတော့ အဲ့ဒီ့အချိန်အခါမှာ အမေရိကန်နိုင်ငံလို နေရာမျိုး ကုလသမဂ္ဂလို နေရာမျိုးရှိတဲ့နေရာမှာ သွားပြီးတော့ မြန်မာနိုင်ငံရဲ့ နိုင်ငံတကာ ပြရုပ်ကို ဖော်ပြနိုင်အောင် လုပ်မယ့်ဟာတွေကို နောက်ကြိုးဆွဲခြင်း မရှိပဲနဲ့ပေါ့ဗျာ။

နောက်ကျောလုံလုံနဲ့ သူပြုပြင်ပြောင်းလဲမယ့်ဟာတွေကို ပွင့်ပွင့်လင်းလင်း သွားပြောပြီးတော့ နိုင်ငံတကာ ဇာတ်ခုံပေါ်ကို မြန်မာနိုင်ငံကို သိက္ခာရှိရှိ တက်နိုင်အောင် ကြိုးပမ်းခဲ့တာကို ကျနော်တို့အားရမိတယ်လေ။ အဲ့နောက်ပြီးတော့ စီးပွားရေး ပိတ်ဆို့မှုကို လည်း ပြန်ဖွင့်ပေးဖို့ အတိုင်းအတာအထိ ပြောဆိုခဲ့တယ်ဆိုတဲ့ဟာကိုလည်း အမှတ်ပေးတဲ့ အနေနဲ့ ပြည်သူတွေက ကြိုတယ်ထင်ပါတယ်။ နောက်ပြီးတော့ နိုင်ငံသားပြည်သူတွေက သူတို့တင်မြှောက်ထားတဲ့ နိုင်ငံတော်သမ္မတအပေါ်မှာ ဟိုးတုန်းက အရင့်အရင်သမ္မတတွေ လုပ်ထုံးလုပ်ဟန်နဲ့မတူပဲ ကွဲပြားစွာ စွမ်းဆောင်ရည်နဲ့လုပ်နိုင်တဲ့သမ္မတကို အမှတ်ပေးတဲ့အနေနဲ့ ကြိုကြတာ ဖြစ်ပါလိမ့်မယ်ဗျာ။”

အမျိုးသားဒီမိုကရေစီအင်အားစုအနေနဲ့ ပါတီအဖွဲ့ချုပ်ရုံး ဒီကြိုဆိုရေးအစီအစဉ်မှာ ၀င်ရောက်ပါဝင်ခြင်း မရှိပေမယ့် သမ္မတရဲ့ အောင်မြင်တဲ့ ခရီးစဉ်အပေါ် ထောက်ခံ ထားပြီးဖြစ်တဲ့အတွက် တခြား သက်ဆိုင်ရာ မြို့နယ်ရုံးခွဲတွေအနေနဲ့ လွတ်လပ်စွာ သွားရောက် ကြိုဆိုခွင့်ပြုထားတာ ဖြစ်တယ်လို့ ဦးခင်မောင်ဆွေက ပြောပါတယ်။

ဒီကနေ့ ရန်ကုန်လေဆိပ်မှာ သမ္မတ ဦးသိန်းစိန်ကိုသွားရောက်ကြိုဆိုကြသူအရေအတွက်ဟာ တစ်ထောင်ဝန်းကျင်လောက်ရှိမယ်လို့ မျက်မြင် သက်သေတွေက ပြောပါတယ်။

ဂျပန်ဝန်ကြီးအဖွဲ့ အပြောင်းအလဲတွေ ပြုလုပ်

ဂျပန်နိုင်ငံမှာ မကြာခင် ကျင်းပမယ့် ရွေးကောက်ပွဲမတိုင်ခင် အစိုးရအဖွဲ့ဝင် ဝန်ကြီးတွေကို အပြောင်းအလဲ လုပ်လိုက်ပါတယ်။ ဒါဟာ ဆိုရင် ပြီးခဲ့တဲ့နှစ်အတွင်း မစ္စတာနို့ဒ ဝန်ကြီးချုပ်တာဝန် စပြီး ယူချိန်ကတည်းကဆိုရင် တတိယအကြိမ်မြောက် အပြောင်းအလဲ ဖြစ်ပါတယ်။အခုလို အပြောင်းအလဲ လုပ်ခြင်းအားဖြင့် ပြည်တွင်းရေးရော၊ သံတမန်ရေးရာ ကိစ္စတွေမှာပါ အစိုးရအဖွဲ့နဲ့ အာဏာရပါတီတို့ အတူ ရင်ဆိုင် ဖြေရှင်းရာမှာ အထောက်အကူဖြစ်စေလိမ့်မယ်လို့ ဝန်ကြီးချုပ် ယိုရှီဟီကို နို့ဒ က တနင်္လာနေ့မှာ ကြေညာခဲ့ပါတယ်။

ဝန်ကြီးချုပ်က အရောင်းခွန်ကို နှစ်ဆ တိုးမြှင့်ဖို့ တောင်းဆိုခဲ့တာကြောင့် သူ့အစိုးရအဖွဲ့အပေါ် လူထုထောက်ခံမှု ကျဆင်းသွားခဲ့ရတာပါ။ ဒါတင်မက ဂျပန်နိုင်ငံဟာ အရှေ့တရုတ်ပင်လယ်ပြင်အတွင်းက ကျွန်းတွေ ပိုင်ဆိုင်မှုကို တရုတ်နိုင်ငံနဲ့ သံတမန်ရေး အငြင်းပွားနေတာလည်း ရှိပါတယ်။

ဝန်ကြီးသစ်တွေခန့်အပ်ပြီး ဝန်ကြီးအဖွဲ့ အတွင်း အပြောင်းအလဲလုပ်ရာမှာ ဘဏ္ဍာရေးဝန်ကြီး၊ အမျိုးသားရေး မူဝါဒဆိုင်ရာ ဝန်ကြီးနဲ့ ပညာရေး ဝန်ကြီးတွေလည်း ပါဝင်ပါတယ်။ နိုင်ငံခြားရေးဝန်ကြီးနဲ့ ကာကွယ်ရေးဝန်ကြီးတွေကတော့ မူလရာထူးတွေမှာပဲ တာဝန်ထမ်းဆောင်နေဆဲ ဖြစ်ပါတယ်။ဂျပန်နိုင်ငံဟာ အခု တနှစ်အတွင်းမှာ အထွေထွေရွေးကောက်ပွဲ ကျင်းပရမှာ ဖြစ်ပေမဲ့ ဝန်ကြီးချုပ် နို့ဒကတော့ မကြာခင်မှာ ရွေးကောက်ပွဲ ကျင်းပတော့မယ် ဆိုတာလောက်သာ ပြောဆိုထားတာ ဖြစ်ပါတယ်။

မထသ တွင် ရန်ကုန်တိုင်း လွှတ်တော်အမတ်များ ပါဝင်ဖွဲ့စည်းမည်

ကျော်ဖုန်းကျော် | တနင်္လာနေ့၊ အောက်တိုဘာလ ၀၁ ရက် ၂၀၁၂ ခုနှစ် ၂၀ နာရီ ၀၆ မိနစ်

ရန်ကုန် (မဇ္ဈိမ) ။         ။ မော်တော်ယာဉ် လိုင်းပေါင်းစုံ ထိန်းသိမ်းကြီးကြပ်ရေး ကော်မတီ (မထသ)၊ မြို့တော် စည်ပင်သာယာရေး ကော်မတီ နှင့် ရာဖြတ် ကော်မတီတို့တွင် ရန်ကုန်တိုင်း လွှတ်တော်အမတ်များ ပါဝင်ဆောင်ရွက် ခွင့်ရရန် စက်တင်ဘာ ၂၈ ရက်က ကျင်းပသည့် တိုင်းလွှတ်တော် အစည်းအဝေးတွင် အတိုက်အခံအမတ် ဒေါက်တာဒေါ်ညိုညိုသင်း က အရေးဆိုခဲ့ရာ မထသ တွင် လွှတ်တော်အမတ်များ ထည့်သွင်းဖွဲ့စည်းရန် သက်ဆိုင်ရာဝန်ကြီးက သဘောတူလိုက်သည်။

ဒီမိုကရက်တစ်ပါတီ(မြန်မာ)မှ ဒေါက်တာဒေါ်ညိုညိုသင်း က မထသ၊ မြို့တော်စည်ပင်နှင့် ရာဖြတ်ကော်မတီ အသီးသီး၏ ပွင့်လင်းမြင်သာမှု၊ စစ်ဆေးခံနိုင်စွမ်းတို့ကို ရန်ကုန်တိုင်း အစိုးရအဖွဲ့ဝင်များ တက်ရောက်သည့် တိုင်းလွှတ်တော်အစည်းအဝေးတွင် ဦးစွာ မေးခွန်းထုတ် ဝေဖန်ပြီးမှ ယင်းကဲ့သို့ အရေးဆိုခဲ့ခြင်း ဖြစ်သည်။

ဗဟန်းမြို့နယ် အမှတ် ၂ မဲဆန္ဒနယ်မှ လွှတ်တော်ကိုယ်စားလှယ် ဒေါက်တာ ဒေါ်ညိုညိုသင်း ကို ရန်ကုန်တိုင်း လွှတ်တော်အဆောက်အဦရှေ့တွင် တွေ့ရစဉ်။ (ဓာတ်ပုံ - ကျော်ဖုန်းကျော်၊ မဇ္ဈိမ)

“ဒီခေတ်မှာ ပြည်သူ့ဆန္ဒဟာ အစိုးရအတွက်အမိန့် ဖြစ်လာတာကြောင့်ပြည်သူ့ရေးရာ စီမံခန့်ခွဲမှု ကော်မတီတွေမှာ ပြည်သူ့ကိုယ်စားလှယ်တွေ ဝင်ရောက် ထိန်းကျောင်းခြင်း အားဖြင့် အပြောင်းအလဲများကိုပြည်သူတွေ တကယ် ခံစားနိုင်ဖို့” အရေးဆိုခြင်း ဖြစ်ကြောင်း တိုင်းလွှတ်တော်တွင် အဆိုရှင်က ပြောကြားခဲ့သည်။

မထသ သည် ရန်ကုန်မြို့တွင်း/ပြင် ပြေးဆွဲနေသော အများပြည်သူသုံး ခရီးသည်တင် ယာဉ်များကို စီမံကွပ်ကဲသည့် ကော်မတီဖြစ်ပြီး၊မြို့တော် စည်ပင်သာယာရေး ကော်မတီ (မြို့တော်စည်ပင်)သည် ရန်ကုန်မြို့နေ ပြည်သူများ၏ ရေ၊ လမ်း၊ တံတား၊ မိလ္လာ၊ အမှိုက်၊ အဆောက်အဦဆိုင်ရာ ကိစ္စများကို စီမံခန့်ခွဲကာ၊ အိမ်ခြံမြေတန်ဖိုး စိစစ်ကြီးကြပ်ရေး ကော်မတီ (ရာဖြတ်ကော်မတီ)သည် အခွန်စည်းကြပ်နိုင်ရေးအတွက် ရန်ကုန်ရှိ အိုးအိမ်တိုက်တာများ၏ တန်ဖိုးကို သတ်မှတ်ပေးရသည့် အဖွဲ့အစည်းဖြစ်သည်။

ဒေါ်ညိုညိုသင်း၏ မေးခွန်းထုတ်မှုနှင့် အရေးဆိုမှုများကို တိုင်းအစိုးရ အဖွဲ့ဝင် ဝန်ကြီးများ ဖြစ်ကြသည့် လမ်းပန်း ဆက်သွယ်ရေးဝန်ကြီး ဦးအောင်ခင်၊ စည်ပင်သာယာရေး ဝန်ကြီး မြို့တော်ဝန် ဦးလှမြင့်နှင့် ဘဏ္ဍာ/အခွန်ဝန်ကြီး ဒေါ်စန်းစန်းနွယ်တို့က သက်ဆိုင်ရာ ကဏ္ဍအလိုက် အသီးသီး ပြန်လည်ဖြေကြားခဲ့ကြသည်။

မထသ ဥက္ကဋ္ဌ၏ လာဘ်စားမှုများအကြောင်း အဓိကထား ရေးသားထားသည့် မထသ ဝန်ထမ်း တဦး၏ တိုင်စာကိုဒေါ်ညိုညိုသင်း က လွှတ်တော်တွင် ဖတ်ကြားပြသခဲ့သည်။

ဝန်ကြီး ဦးအောင်ခင်က ၎င်း ဥက္ကဋ္ဌအဖြစ် ဦးစီးဆောင်ရွက်လျက်သည့် ‘လမ်းပန်း ဆက်သွယ်ရေး လုံခြုံချောမွေ့စေမှုကော်မတီ’ လက်အောက်ရှိ မထသ ကို ပြည်သူ့ ကိုယ်စားလှယ်များဖြင့် ပြင်ဆင်ဖွဲ့စည်းသွားမည်ဟု လွှတ်တော်တွင်ဖြေကြားခဲ့သည်။ ထိုကဲ့သို့ ပြည်သူ့ကိုယ်စားလှယ် အမတ်များ မထသ တွင် ပါဝင်ဆောင် ရွက်ရေး အတွက် ‘ပုဂ္ဂလိ က ယာဉ်များ စနစ်တကျ သွားလာနိုင်ရေးဥပဒေ’ ကိုလည်း အမြန်ဆုံး ပြဋ္ဌာန်းနိုင်ရန် တိုင်းအစိုးရက ဆောင်ရွက် သွားမည်ဟု ဆိုသည်။

မထသ သည် လက်ရှိတွင် ယာဉ်လိုင်း ၃၃၇ လိုင်း၊ ယာဉ်စီးရေ ၅ဝဝ ကို ကွပ်ကဲလျက်ရှိပြီး နေ့စဉ် ခရီးသွားပြည်သူ ၂.၇ သန်း၏ ခရီးသွားလာရေးအတွက် စီမံ ဆောင်ရွက်ပေးနေသည့် အဖွဲ့အစည်း ဖြစ်သည်။

ထို့ပြင် ဒေါ်ညိုညိုသင်း က ၎င်းထံ ပြည်သူများက အများဆုံးတိုင်ကြားသည့် အဖွဲ့အစည်းမှာ မြို့တော်စည်ပင်ဖြစ်ကြောင်း “ရုပ်အဆိုးဆုံး ကိစ္စကတော့ အိမ်ခြံမြေတခုကို ဂရန်အမည်ပေါက် နှစ်ခု ရှိနေတဲ့ ဖြစ်ရပ်တွေပဲ” ဟု လွှတ်တော်အမတ်များရှေ့မှောက်တွင် မြို့တော်စည်ပင်ကို ဝေဖန်ခဲ့သည်။

မြို့တော်ဝန် ဦးလှမြင့်ကမူ မြို့တော်စည်ပင်သည် သမ္မဦးသိန်းစိန်၏ လမ်းညွှန်ချက်များ၊ ၂ဝဝ၈ ခုနှစ် ဖွဲ့စည်းပုံ အခြေခံ ဥပဒေပါ ပြဋ္ဌာန်းချက်များနှင့် လျော်ညီမှုရှိစေရန် လက်ရှိတည်ဆဲ စည်ပင်သာယာရေး ဥပဒေများကိုပြန်လည် ပြင်ဆင်ရေးဆွဲနိုင်ရန် ဆောင်ရွက်လျက်ရှိကာ ယင်းဥပဒေများအတည်ပြုပြီးပါက ဥပဒေသစ်များနှင့်အညီ လုပ်ငန်းများကို ဆောင်ရွက်သွားမည် ဖြစ်ကြောင်းသာ ပြန်လည်ဖြေကြားခဲ့သည်။

တိုင်း ဘဏ္ဍာရေးနှင့် အခွန်ဝန်ကြီး ဒေါ်စန်းစန်းနွယ် က ရာဖြတ်ကော်မတီသည် ပြည်ထောင်စု အစိုးရ၏ သဘောတူ ခွင့်ပြုချက်ဖြင့် ဘဏ္ဍာအခွန် ဝန်ကြီးဌာနက ဖွဲ့စည်းခဲ့ရာ ကော်မတီတွင် လွှတ်တော်အမတ်များ ပါဝင်နိုင်ရေးအတွက်ပြည်ထောင်စုအစိုးရ၏ သဘောတူညီချက် ရယူရမည်ဖြစ်၍ တင်ပြပေးမည်ဟု ဆိုသည်။

ရာဖြတ်ကော်မတီသည် အိမ်ခြံမြေ ဈေးနှုန်းများ ခေါက်ချိုးမျှ မြင့်တက်စေခဲ့သည့် အဓိက အကြောင်းအရင်းဟုဝေဖန်မှုများရှိခဲ့သော ၂ဝဝ၇ ခုနှစ်၊ သြဂုတ်လက သတ်မှတ် ပြဋ္ဌာန်းခဲ့သည့် ရန်ကုန်ရှိ အိမ်ခြံမြေများကို ဝယ်ယူရာ တွင် ဝင်ငွေရလမ်းကို မဖော်ပြနိုင်လျှင် အခွန် ၁၅ ရာခိုင်နှုန်းသာ ပေးဆောင်ရသည့် အခွန်သက်သာခွင့် စည်းမျဉ်းကြောင့် ပေါ်ပေါက်လာခဲ့သော ကော်မတီ ဖြစ်သည်။

မြိတ် ကျောက်မီးသွေးသုံး လျှပ်စစ်စက်ရုံ ဒေသခံများ ထပ်မံကန့်ကွက်

ကွန်းချမ်း | တနင်္လာနေ့၊ အောက်တိုဘာလ ၀၁ ရက် ၂၀၁၂ ခုနှစ် ၁၉ နာရီ ၃၇ မိနစ်

စံခလပူရီ (မဇ္ဈိမ) ။       ။ တနင်္သာရီတိုင်း၏ တတိယမြောက် ကျောက်မီးသွေး လောင်စာသုံး လျှပ်စစ် ဓါတ်အားပေး စက်ရုံ တည်ဆောက်မှု စီမံကိန်းကို ဖျက်သိမ်းပေးရန် ဒေသခံ တထောင့်ငါးရာကျော် စုပေါင်းလက်မှတ်ဖြင့် တနင်္လာနေ့တွင် နိုင်ငံတော် သမ္မတထံသို့ ဒုတိယအကြိမ် အသနားခံစာ တင်ပြထားကြောင်း ဦးဆောင်စီစဉ်ပေးသည့် မြိတ်ခရိုင် ၈၈ ကျောင်းသားများက ပြောသည်။

မြိတ်မြို့နယ် အရှေ့ဘက် ၁၇ မိုင်အကွာ လော့လော့ကျေးရွာ အနီးရှိ ၅ဝ မဂ္ဂါဝပ် ထုတ်လွှတ်မည့် ယင်းစက်ရုံကို ရပ်တန့်ပေးရန် သြဂုတ်လ ၂၈ ရက်နေ့တွင်လည်း ဒေသခံ ၁၅ဝ ခန့်က သမ္မတထံ ပထမအကြိမ် တင်ပြခဲ့သော်လည်း အကြောင်းထူးခြားခြင်း မရှိသည့်အတွက် ဒုတိယအကြိမ် ထပ်မံ တင်ပြခြင်း ဖြစ်သည်။

ဤတကြိမ်တွင် စက်ရုံတည်ဆောက်မည့် နေရာ အနီးတဝိုက်ရှိ ကျေးရွာများဖြစ်သည့် ကျောက်ဖျာ၊ လော့လော့၊ သမုတ်နှင့် ကျွဲကူး ကျေးရွာများမှာ ဒေသခံ ၁,၆၇၇ ဦး၏ စုပေါင်းလက်မှတ်များ ပါဝင်သည်။ 

“ညက တင်လိုက်ပြီ။ သူတို့ (ဒေသခံ) အနေနဲ့ ရုံးကနားတွေ စာတွေ ဘာတွေ မစီတတ်ဘူးလေ။ ဘယ်ရုံးတွေကို တင်ရမှာကိုလည်း သူတို့က သိပ်ပြီး နားမလည်တဲ့အခါကျတော့ ကျနော်တို့က စီစဉ်ပေးရတာပါ” ဟု မြိတ်ခရိုင် ၈၈ ကျောင်းသားအဖွဲ့ ပြန်ကြားရေး တာဝန်ခံ ကိုတင်ကိုကိုဦး က ပြောသည်။

“မီတာခ သက်သာတဲ့ လျှပ်စစ်မီးကို ကျနော်တို့ လိုချင်တာပေါ့။ ဒါပေမယ့် ကျနော်တို့ သိသလောက်ကျောက်မီးသွေးက ဆိုးကျိုးတွေ များတော့ ကျနော်တို့ ကန့်ကွက်ဖို့ လက်မှတ်ထိုးလိုက်တာ” ဟု ကျောက်ဖျာကျေးရွာမှ ကိုဟန်ဝင်းထွန်း က ပြောသည်။

အသနားခံစာတွင် တနင်္သာရီတိုင်း၊ မြိတ်ခရိုင်အတွင်း လျှပ်စစ်ဓါတ်အား အမှန်တကယ် လိုအပ်နေသော်လည်းကျောက်မီးသွေး ဘေးထွက်ဆိုးကျိုးများကြောင့် စီမံကိန်းကို လုံးဝ ကန့်ကွက်ကြောင်းနှင့် စနစ်တကျ စီမံနိုင်မှု မရှိပါက ယင်းစီမံကိန်းများကြောင့်ပင် ဆင်းရဲနွမ်းပါးမှု ပိုလာနိုင်ကြောင်း ထောက်ပြထားသည်။

၎င်းပြင် ကျောက်မီးသွေး လောင်စာသုံး လျှပ်စစ်ဓါတ်အားပေးစက်ရုံ၏ ဘေးထွက် ဆိုးကျိုးများကို နိုင်ငံတကာမှ ထုတ်ပြန်သည့် အစီရင်ခံစာနှင့် ပြည်တွင်းပညာရှင်များ၏ ပြောဆိုချက်များကို ကိုးကား ထောက်ပြထားပြီး သဘာဝ ဓါတ်ငွေ့ဖြင့် အစားထိုး လည်ပတ်ရန်လည်း အကြံပြုထားသည်။

“ကျောက်မီးသွေး စက်ရုံရဲ့ ဆိုကျိုးတွေကို နောက်ဆုံး ၂ဝ၁ဝ၊ ၂ဝ၁၁၊ ၂ဝ၁၂ ခုနှစ်တွေမှာ ထုတ်တဲ့ နိုင်ငံတကာ အစီရင်ခံစာတွေမှာ လိုက်ရှာတယ်။ နောက်တော့ ကျနော်တို့ နိုင်ငံက ပညာရှင်တွေကို လူကိုယ်တိုင် တွေ့လို့ရတဲ့နေရာဆို တွေ့ပြီး သူတို့ဆီက အကြံဉာဏ်တွေ တောင်းပြီး အခုလို ကျနော်တို့ တင်ပြတာ” ဟု ကိုတင်ကိုကိုဦး က ပြောသည်။

“ကျောက်မီးသွေးသုံး လျှပ်စစ်ဓါတ်အားပေး စက်ရုံအစား မြန်မာနိုင်ငံ၏ ဆန်စပါးထက် ပေါများစွာ ထွက်ရှိလျက်ရှိ သည့် သဘာဝဓါတ်ငွေ့အား အသုံးပြုစေလိုပါသည်” ဟု အသနားခံစာတွင် ပါရှိသည်။

စက်ရုံသည် လော့လော့ကျေးရွာ အခြေခံပညာ မူလတန်းကျောင်းနှင့် ခြံစည်းရိုးတခုသာ ခြားပြီး သမုတ်ရွာ အထက်တန်းကျောင်းနှင့် မြစ်တခုသာ ခြားခြင်း၊ လူနေရပ်ကွက်အတွင်း ရှိခြင်း၊ စက်ရုံမှ ထွက်မည့် စွန့်ပစ် ပစ္စည်းများသည် မြစ်ချောင်း တလျှောက်ရှိ ကျေးရွာများနှင့် ဒေသခံများ၏ ငါးပိ၊ ငါးခြောက် လုပ်ငန်းနှင့် ရေလုပ်ငန်း များကို ထိခိုက်စေနိုင်ခြင်း စသည်တို့ကြောင့် သြဂုတ်လ နှောင်းပိုင်းတွင်လည်း မြိတ် ၈၈ ကျောင်းသားများက ကန့်ကွက်ကြောင်း ကြောညာချက် ထုတ်ပြန်ခဲ့ဖူးသည်။

စက်ရုံ တည်ဆောက်မည့် မြေမှာလည်း ယခင်အစိုးရ လက်ထက်က လယ်ပိုင်ရှင် ၁၇ ဦးထံမှ သိမ်းယူထားသည့်မြေများ ဖြစ်ပြီး ယနေ့တိုင် မြေပြေစာခွန် ပေးသွင်းထားကြောင်းနှင့် ၎င်းတို့၏ မြေများကို ပြန်လည်ရရှိလိုကြောင်း တနင်္ဂနွေနေ့တွင်ပင် မြေရှင်များက သမ္မတထံ စာရွက်စာတမ်းနှင့်တကွ တိုင်ကြားထားသည်။ 

စက်ရုံတည်ဆောက်ရန်အတွက် တနင်္သာရီတိုင်း အစိုးရ လျှပ်စစ်နှင့် စက်မှုလက်မှု ဝန်ကြီးဌာနနှင့် သန်းဖြိုးသူ ကုမ္ပဏီ လိမိတက်တို့က ဇူလိုင်လတွင် သဘောတူ လက်မှတ် ရေးထိုးခဲ့ကြပြီး ၁၈ လအတွင်း အပြီးဆောက်လုပ် သွားမည်ဟု ဆိုသည်။

တနင်္သာရီတိုင်းတွင် မဂ္ဂါဝပ် ၄,ဝဝဝ ထုတ် ထားဝယ်၊ ၈ မဂ္ဂါဝပ်ထုတ် ကော့သောင်းနှင့် ၅ဝ မဂ္ဂါဝပ်ထုတ် မြိတ်ကျောက်မီးသွေး လောင်စာသုံး လျှပ်စစ်ဓါတ်အားပေး စက်ရုံ ၃ ခု ရှိသည့်အနက် ဒေသခံများ၏ ကန့်ကွက်မှုကြောင့် ထားဝယ် ရေနက် ဆိပ်ကမ်း၏ အစိတ်အပိုင်း တခု ဖြစ်သည့် ထားဝယ် ကျောက်မီးသွေးသုံး စက်ရုံကို ဇန်နဝါရီ လဆန်းပိုင်းတွင် အစိုးရက ရပ်ဆိုင်းပေးမည်ဟု ကြေညာခဲ့ပြီး ကျန်စက်ရုံ နှစ်ခုမှာလည်း ကန့်ကွက်မှုများနှင့် ကြုံနေရဆဲ ဖြစ်သည်။

ပအိုးဝ် လူငယ်များ အစည်းအရုံးမှ ၂ဝ၁၁ ခုနှစ်တွင် ထုတ်ပြန်သည့် ‘အဆိပ်သင့် တိမ်များ’ အစီရင်ခံစာအရမြန်မာနိုင်ငံတွင် ကျောက်မီးသွေး လောင်စာသုံး လျှပ်စစ်ဓါတ်အားပေး စက်ရုံ ခုနှစ်ရုံ ရှိသည့်အနက် မဂ္ဂါဝပ် ၁၂ဝ ထုတ် တီကျစ်နှင့် မဂ္ဂါဝပ် ၃၆၉ ထုတ် မိုင်းခုတ် ကျောက်မီးသွေး လျှပ်စစ်ဓါတ်အားပေး စက်ရုံများမှာ လည်ပတ် လျက်ရှိပြီး ကျန် ငါးရုံမှာ လျာထားအဆင့်တွင် ရှိကြောင်း သိရသည်။

ရှေ့နေလိုင်စင်အတွက် အကြိုဝင်ငွေခွန်များ မတူကွဲပြားစွာ ကောက်ခံနေဟုဆို

မေသဇင် | တနင်္လာနေ့၊ အောက်တိုဘာလ ၀၁ ရက် ၂၀၁၂ ခုနှစ် ၁၉ နာရီ ၁၆ မိနစ်

ရန်ကုန် (မဇ္ဈိမ) ။        ။ ရန်ကုန်တိုင်းရှိ မြို့နယ် အသီးသီးမှ အထက်တန်းရှေ့နေများ ယခုနှစ်မှစ၍ လိုင်စင် သက်တမ်းတိုးရာတွင် တနှစ်စာ အကြိုဝင်ငွေခွန် ဆောင်ရာ ကျပ်တသောင်းခွဲမှ ငါးသောင်းနှစ်ထောင်ထိ အမျိုးမျိုး ကွဲပြားစွာ ကောက်ခံလျက် ရှိကြောင်း ရှေ့နေများက ပြောသည်။

၂ဝ၁၃ အတွက်ရှေ့နေများ လိုင်စင်သက်တမ်း တိုးရာတွင် တနှစ်စာ ဝင်ငွေခွန်၏ အကြိုခွန်အဖြစ် ယခုနှစ် စက်တင်ဘာလမှစ၍ ပေးဆောင်ရသည်။ ထိုသို့ ပေးဆောင်ရာတွင် မြို့နယ်အလိုက် ငွေပမာဏ တူညီခြင်း မရှိဟုရှေ့နေများက ပြောဆိုကြခြင်း ဖြစ်သည်။

မြောက်ဥက္ကလာအခွန်ရုံးတွင် သက်တမ်းတိုး လိုင်စင်ခွန် ဆောင်ခဲ့ရသော ရှေ့နေတဦးမှာ ကျပ် ၅၂,ဝဝဝ ပေးရပြီးရှေ့နေတဦးဖြစ်သည့် သူ၏ သမီးက မင်္ဂလာဒုံမြို့နယ်တွင် အခွန်ဆောင်ရာ ၃ဝ,ဝဝဝ ကျပ်သာ ပေးရသည်ဟု မဇ္ဈိမကို ပြောသည်။

“ဘာကြောင့် ဆောင်ရတဲ့ငွေ ကွာတာလဲ ရှင်းလင်းချက် မပေးဘူး။ အခွန်ရုံးမှာ ပေးတဲ့ ချလံမှာ ကိုယ့်နာမည်နဲ့ တခါတည်း စာရိုက်ထားတာ” ဟု ၎င်းက ပြောသည်။

တရားရုံးချုပ် ရှေ့နေတဦးက ဒလမြို့နယ်ရှိ ၎င်း၏ တပည့်များ အခွန်ဆောင်ရာတွင် ငွေကျပ် တသောင်းခွဲသာပေးဆောင်ရကြောင်း တချို့အခွန်ရုံးများတွင်မူ ငါးသောင်း ပေးဆောင်ရကြောင်း ကြားသိရသည်ဟု မဇ္ဈိမကိုပြောသည်။

အခွန်ရုံးက အခွန်ငွေမှာ တာဝန်ရှိသူများ၏ ပါးစပ်ဖျားတွင် ရှိနေကြောင်း ပြောသည်။ အခွန်ဆောင်မှ လိုင်စင်လဲခွင့်ပေးမည်ဟုလည်း ပြောနေကြကြောင်းလည်း အဆိုပါရှေ့နေက ပြောသည်။

အိမ်ခြံမြေ အကျိုးဆောင် ကုမ္ပဏီတခုတွင် အကြံပေးအဖြစ် ဆောင်ရွက်နေသော အထက်တန်းရှေ့နေတဦးကလည်း “လုပ်ငန်းရှိရင်တော့ အခွန်ကတော့ ရှိသင့်ပါတယ်။ ကျနော်က ငါးသောင်း ဆောင်ရတယ်။ ဒါပေမယ့် မြို့နယ် အလိုက် မတူဘူးလို့ ကြားတယ်” ဟု ဆိုသည်။