Ethics လူ့ကျင့်ဝတ်

ခရီး သည်

Philosophy ရဲ့ အောက်က၊ ဘာသာရပ်ခွဲတွေထဲက Ethics လူ့ကျင့်ဝတ် (ကိုယ်ကျင့်သိက္ခာ) နဲ့ပါတ်သက်ပြီး အက်ဆေးလေးတစ်ပုဒ်ဖတ်ရတယ်။ ဆီလျှော်သလို မြန်မာမူပြုလိုက်တယ်။

လူ့ကျင့်ဝတ်တို့၊ ကိုယ်ကျင့်သိက္ခာတရားတို့ဆိုတာတွေက မြန်မာလူမျိုးတွေအတွက်တော့
နေ့စဉ်ဘ၀တွေမှာ စဉ်းစားဆုံးဖြတ်ပြုမူရာမှာ ပါဝင်နေတဲ့ ရင်းနှီးပြီးသားကိစ္စတွေဖြစ်တယ်။
ရင်းနှီးပြီးသားဆိုလို့တော့ အားလုံးကိုယ်ကျင့်တရားတွေ ပြည့်စုံကောင်းမွန်တယ်လို့ ဆိုတာမဟုတ်ဘူး။

ကိုယ်ကျင့်တရားဆိုတာ နားလည်လွယ်အောင်ပြောရရင် အမှားအမှန်ဆုံးဖြတ်ရာမှာ လိုက်နာစောင့်ထိန်းရမယ့် နည်းဥပဒေသတွေပဲဖြစ်တယ်။ လူ့အဖွဲ့စည်းတစ်ခုထဲမှာနေပြီဆိုရင်၊ ကိုယ့်အပြုမူအပြောဆို၊ ဆုံးဖြတ်ချက်နဲ့ စဥ်းစားဆင်ခြင်ပုံတွေဟာ လူ့ကျင့်ဝတ်နဲ့ ညီရဲ့ လားဆိုတာနဲ့ ပါတ်သက်ပြီး ပြန်သုံးသပ်ကြရတယ်။

လူ့ကျင့်ဝတ်ဆိုတာ အမှားအမှန်ခွဲခြားဖို့ လိုက်နာစောင့်ထိန်းရမယ့် နည်းဥပဒေသလို့ ဆိုခဲ့ပြီးဖြစ်တယ်။ ဒါဆို အမှားအမှန်ဘယ်လိုခွဲခြားမလည်းဆိုတာ မေးခွန်းတစ်ခုဖြစ်လာတယ်။ လူ့အဖွဲ့စည်းတစ်ခုခြင်းစီမှာ လိုက်နာကျင့်သုံးတဲ့ လူ့ကျင့်ဝတ်တွေရှိပြီးသားဖြစ်တယ်။ မြန်မာ့လူ့အဖွဲ့စည်းမှာတော့ သုံးဆယ့်ရှစ်ဖျာမင်္ဂလာတရားနဲ့ လောကနီတိကို ဗဟိုပြုထားတာတွေ့ရမယ်။ ဇတ်တော်ကြီးတွေကိုလည်း ပမာပြုပြီး ကျင့်ဝတ်တွေကိုပြဋ္ဌာန်းတာမျိုး တွေလည်း အများကြီးရှိတယ်။

အပေါ်မှာပြောခဲ့တဲ့ အက်ဆေးမှာတော့ လူ့ကျင့်ဝတ်ဆိုင်ရာ အယူအဆနှစ်ခုကိုဆွေးနွေးထားတယ်။
အယူအဆနှစ်ခုကိုမဆွေးနွေးခင်မှာ ဆက်ဆေးဆရာက Dilemma တစ်ခုပေးတယ်။ သေဖို့အချိန်နီးနေတဲ့ မိန်းမကြီးတစ်ယောက်ရှိတယ်။ သူမရဲ့ ဘဏ်စာရင်းမှာ ဒေါ်လာတစ်သောင်း ရှိတယ်။ မိသားစုလည်းမရှိရှာဘူး။ အဲ့ဒီငွေတွေအကုန်သုံးပြီး သူမအသုဘကိုအကြီးအကျယ်လုပ်ပေး ဖို့ မိတ်ဆွေတစ်ယောက်ကို အကူညီတောင်းရှာတယ်။ ပန်းတွေအများကြီးဝယ်ဖို့၊ အခေါင်းကိုလည်း ဈေးအကြီးဆုံးဝယ်ဖို့မှာတယ်။

ဒါပေမယ့် သူမမိတ်ဆွေက ဒါပိုက်ဆံတွေအလကားဖြုန်းတီးတာလို့မြင်တယ်။ ဒါကြောင့်ပဲ အမျိုးသမီးကြီးသေသွားတော့ သူမမိတ်ဆွေဟာ၊ အသုဘအတွက် ငွေအနည်းငယ်သာအကုန်ခံ ပြီးလုပ်ခဲ့တယ်။ ကျန်တဲ့ပိုက်ဆံတွေအကုန်လုံးကို မိဘမဲ့ကလေးတွေရဲ့ ပညာရေးအတွက်အကုန် လှူပြစ်လိုက်တယ်။ ဒါပေမယ့် အမျိုးသမီးကြီးမသေခင်ကတော့ သူမဖြစ်ချင်တဲ့အတိုင်းလုပ်ပေးပါ့ မယ်လို့လိမ်ခဲ့တယ်။

ဒီအခြေနေမှာ အက်ဆေးဆရာက အမျိုးသမီးကြီးမိတ်ဆွေရဲ့ လိမ်ညာမူဟာ ကိုယ်ကျင့်တရားနဲ့ ညီမညီမေးထွန်းထုတ်တယ်။ ပြီးတော့ ဆယ့်ရှစ်ရာစုအတွင်း အထင်ရှားဆုံးဂျာမာန်တွေးခေါ်ပညာရှင် အင်မျူရယ်လ်ကန့် (Immanuel Kant) ရဲ့ လူတစ်ဦးခြင်းစီရဲ့ အခွင့်ရေးဆိုင်ရာ (Individual Right) ကိုယ်ကျင့်တရားယူဆချက်နဲ့ ဒီလိမ်ညာမူကို ချဉ်းကပ်ပြတယ်။

ကန့်ရဲ့ အယူအဆအရ လူသားဖြစ်ရခြင်းရဲ့ အခြေခံအကျဆုံးနဲ့ အဓိကအခွင့်အရေးဟာ ဆင်ချင်တွေးတောနိုင်စွမ်းနဲ့၊ ဆုံးဖြတ်နိုင်စွမ်းပဲဖြစ်တယ်။ တိရိစ္ဆာန်နဲ့ လူအဖြစ်ကွာခြားစေတာဟာ လူတစ်ဦးတစ်ယောက်ခြင်းစီအလိုက်မှာရှိတဲ့ ရွေးချယ်နိုင်စွမ်းနဲ့ ကိုယ့်ကိုယ်ကိုပြန်သုံးသပ်နိုင်စွမ်းပဲ ဖြစ်တယ် လို့လည်းယူဆတယ်။ ဒီအစွမ်းတွေဟာ လူ့ဂုဏ်ရည်ဖြစ်ပြီး အဟိတ်တိရိစ္ဆာန်တွေနဲ့ ကွာခြားစေတဲ့ အဓိကအကြောင်းရင်းဖြစ်တယ်။ ဒါကြောင့် လူ့ကျင့်ဝတ်နဲ့ညီဖို့ဆိုရင် အခြေခံအားဖြင့် လူတစ်ယောက်ဟာ အခြားသူတစ်ယောက်ရဲ့ တွေးခေါ်နိုင်စွမ်းနဲ့ ဆုံးဖြတ်နိုစွမ်းကို လေးစားရမှာဖြစ်တယ်။ ဒီလိုတန်ဖိုးထားတဲ့ ကျင့်ဝတ်ပုံစံကို လူတစ်ဦးခြင်းစီရဲ့ အခွင့်ရေး (Individual Right) ကိုယ်ကျင့်တရား လို့ဖွင့်ဆိုလို့ရတယ်။

ဒါကြောင့် ကန့်ရဲ့ အမြင်အရတော့ အမျိုးသမီးကြီးကို သူမမိတ်ဆွေရဲ့ လိမ်လည်မူဟာ ကိုယ်ကျင့် သိက္ခာနဲ့ မညီဘူး။ လိမ်တယ်ဆိုတာကိုက ကန့်ရဲ့ အယူအဆအရ ကိုယ်ကျင့်သိက္ခာနဲ့ မညီတဲ့ ကိစ္စဖြစ်တယ်။ လူတစ်ယောက်ခြင်းစီဟာ အမှန်ကိုသိခွင့်ရှိတယ်။ လူတွေကိုလိမ်တဲ့အခါမှာ လူတွေရဲ့ အမှန်တွေးခေါ်နိုင်စွမ်းကို ထိခိုက်စေလို့ဖြစ်တယ်။ အမှန်ကိုမတွေးနိုင်တဲ့အခါ လူတစ်ယောက်ဟာ မှန်ကန်စွာတွေးခေါ်နိုင်စွမ်းနဲ့ မှန်ကန်စွာ ရွေးချယ်နိုင်စွမ်းတွေ ပျောက်ကွယ်သွားမှာဖြစ်တယ်။ ဒါကြောင့်အထက်ကကိစ္စမှာ အမျိုးသမီးကြီးရဲ့ မိတ်ဆွေဟာ သူမရဲ့ ပိုက်ဆံနဲ့ ပါတ်သက်တဲ့ ရွေးချယ်ဆုံးဖြတ်ချက်ကို လေးစားမူမရှိတဲ့အတွက် ဒီလိမ်လည်မူဟာမှားတယ်။

ဒီပြဿနာကိုပဲ အက်ဆေးဆရာက Individual Right နဲ့ အပြိုင်ထင်ရှားတဲ့အယူအဆ Common Good အများအကျိုးမျော် လူကျင့်ဝတ်ဆိုင်ရာ အယူအဆနဲ့ ချဉ်းကပ်ပြတယ်။ Commom Good အများအကျိုးမျော် ကိုယ့်ကျင့်တရားဟာ လွန်ခဲ့တဲ့နှစ်ပေါင်းနှစ်ထောင်ကျော်ကတည်းက ဂရိတွေးခေါ်ပညာရှင်တွေဖြစ်တဲ့ ပလေတိုကစလို့ ခေတ်သစ် တရားရေးဆိုင်ရာ တွေးခေါ်ပညာရှင် John Rawls (1921-2002) တို့ရဲ့ ယူဆချက်တွေဖြစ်တယ်။ လူအများစုရဲ့ ကောင်းကျိုးဖြစ်မြောက်ရေးကို ဦးစားပေးရွေးချယ်ဆုံးဖြတ်ရတဲ့ ယူဆချက်ဖြစ်လို့ Common Good အများအကျိုးမျော် ကိုယ်ကျင့်တရားလို့ ခေါ်တာဖြစ်တယ်။

Common Good အရဆိုရင်တော့ ဆုံးဖြတ်ချက်တစ်ခု၊ အပြုမူတစ်ခုဟာ လူအများအတွက် အကျိုးရှိမယ်ဆိုရင် လူနည်းစုနှစ်နာမူကိုလက်ခံလို့ရတယ်။ ဒါကြောင့် Common Good ကိုလိုက်နာဖို့ဆိုရင် လူအများအတွက်အကျိုးရှိပြီး၊ တတ်နိုင်သမျှလူအနည်းစုကို ထိခိုက်မူမရှိအောင် ပြုမူဆောင်ရွက်ရမှာဖြစ်တယ် (The action that helps the most people but hurts the fewest people)။

Common Good အရ ပြဿနာကိုကြည့်ရင်၊ အမျိုးသမီးကြီးရဲ့ မိတ်ဆွေအနေနဲ့ လုပ်လို့ရနိုင်တာ
ကတော့ အသုဘကို ကြီးကျယ်ခန်းနားစွာမလုပ်ဘဲ၊ ပိုက်ဆံတွေကို မိဘမဲ့ကလေးတွေရဲ့ ပညာရေးမှာ လှူဒါန်းဖို့ပြောလိုက်လို့ရတယ်။ ဒါပေမယ့်ဒီလိုပြောလိုက်ရင် မိန်းမကြီးအနေနဲ့ လက်ခံချင်မှလက်ခံမယ်၊ သူမရဲ့ ဆန္ဒကိုတစ်ကယ် လုပ်ပေးမယ့် တစ်ခြားမိတ်ဆွေတစ်ယောက်ကို အကူညီတောင်းသွားနိုင်တယ်။ သူမရဲ့ မိတ်ဆွေကိုလည်း စိတ်ဆိုးသွားနိုင်တယ်။ ဒါကြောင့် Common Good ကနေကြည့်ရင် အမှန်ကိုပြောတာဟာ ကောင်းတာထက် ဆိုးတာဖြစ်ဖို့များတယ်။ မိန်းမကြီးအနေနဲ့လည်း စိတ်ဆိုးသွားနိုင်တယ်၊ သူ့မရဲ့ မိတ်ဆွေလည်း စိတ်မကောင်းဖြစ်သွားမယ်၊ ကလေးတွေလည်း ဘာပိုက်ဆံမရမှာမဟုတ်တော့ဘူး။

အမျိုးသမီးကြီးရဲ့ မိတ်ဆွေလိမ်လည်မူကြောင့် ထိခိုက်မူနည်းပြီး၊ လူအများစုကတော့ အကျိုးရှိသွားတယ်။ အမျိုးသမီးကြီးအတွက်တော့ ဆန္ဒတွေမပြည့်ဝသွားဘူးဆိုပေမယ့်၊ ကလေးတွေတော့ အထောက်ပံ့တွေအများကြီးရသွားတယ်။ အရှည်လိုက်တွေးရင် ပညာရေးကောင်းသွားမယ့်ကလေးတွေဟာ လူ့အဖွဲ့အစည်းအတွက် ပိုကောင်းလာနိုင်စေမယ်။ စသည်ဖြင့်ပေါ့။ ဒါကြောင့် အမျိုးသမီးကြီးရဲ့ မိတ်ဆွေရဲ့ လိမ်လည်မူဟာ အများအကျိုးကို ဖြစ်စေဖို့ရည်ရွယ်လို့ လူ့ကျင့်ဝတ်အရ အပြစ်ဆိုဖွယ်မရှိဘူး။

လက်ရှိမြန်မာ့လူမူအဖွဲ့စည်းမှာ Indivual Right ကိုယ်ကျင့်သိက္ခရှုထောင့်ကကော၊ Common Good ရှုထောင့်ကပါကြည့်ရမယ့်ပြဿနာတွေအများကြီးရှိနေတယ်။ ဘယ်ဟာမှန်တာမှားတာထက် ကိုယ်ကျင့်တရားရှုထောင်ကနေကြည့်ပြီးလည်း ပြဿနာကိုချဉ်းကပ်မြင်တတ်စေဖို့ ဝေမျှလိုက်ရတယ်။

AMM
(GREENHILL)