🎸 ပိုက်ဆံရသောအလုပ်ကိုစွန့်လွှတ် ရဲမှသာ အောင်မြင်နိုင်မယ် လို့ ဆိုတဲ့ ဂစ်တာနိုင်ဇော် 🎸
|
8:34 PM |
No မှတ်ချက် |
မြန်မာနိုင်ငံ ရဲ့ ဂီတ သမိုင်းမှာ ဂစ်တာ သူရဲကောင်း အဖြစ် မှတ်တိုင် စိုက်ထူနိုင်ခဲ့တဲ့ ဂီတသမား တစ်ယောက် ကတော့ ဂစ်တာ နိုင်ဇော်ပဲ ဖြစ်ပါတယ်။ သူဟာ ငယ်စဉ် ကတည်းက ဂီတ ပညာကို ရှုးသွပ် ပြီးတော့ သူ ဝါသနာပါတဲ့ လုပ်ငန်း တစ်ခုကို လုပ်ကိုင်နိုင်ဖို့ အတွက် ကန်ထရိုက်တိုက် ဆောက်လုပ်ရေး တစ်ခုမှာ အစောင့် အလုပ် တစ်ခုကို လုပ်ကိုင်ခဲ့ရပါတယ်။
အဲဒီ ဆောက်လက်စ တိုက်ထဲ မှာပဲ ဂစ်တာ အမြဲတမ်း လေ့ကျင့်ရင်း ကနေ ကျွမ်းကျင် လာတဲ့ အဆင့် ထိ ဖြစ်လာခဲ့သူ ဖြစ်ပါတယ်။ အခုချိန်မှာတော့ ပရိသတ်တွေ ချစ်တဲ့ အနုပညာရှင် ဂစ်တာ နိုင်ဇော်ရယ်လို့ မှတ်တိုင် စိုက်ထူနိုင်ခဲ့သူ တစ်ဦးလည်း ဖြစ်ပါတယ်။
အစ်ကို မင်္ဂလာပါ ခင်ဗျ ကျွန်တော်တို့ Meet the Successful အစီစဉ်မှာပေါ့နော် ကိုနိုင်ဇော် ရဲ့ ဘဝ ဖြတ် သန်း ခဲ့ပုံကို သိချင်ပါတယ်။ ပထဦးဆုံး အစ်ကို က အနုပညာ ကို မျိုးရိုး ရှိလို့ အစ်ကို က ရောက်ခဲ့တာလား။ ဒါမှမဟုတ် ဝါသနာ အရ ရောက်ခဲ့တာလား။
အစ်ကို့ မှာ ဂီတ မျိုးရိုးတော့ မရှိပါဘူး။ အဖေ က ဦးခင်စိုးလို့ ခေါ်ပါတယ်။ သူက ဗဟိုဆေးရုံ မှာ လက်ထောက် ညွှန်ကြားရေးမှူး ပါ။ အမေ က ဒေါ်မြစန်းလို့ ခေါ်ပါတယ်။ အရပ်သူ ပါပဲ နှစ်ယောက်လုံးက ဂီတ မျိုးရိုး မရှိပါဘူး။
အဖေ ကိုယ်တိုင် ကလည်း ဂစ်တာ သမားဖြစ်အောင် ဆိုပြီးတော့ ကျောင်းတွေ ထားပေးတာ တစ်ခုမှ မရှိ ပါဘူး။ အဲတော့ အစ်ကို ဂီတမျိုးရိုး မရှိဘူး ဘာကြောင့် ဂစ်တာ ဝါသနာပါလဲလို့ မေးရင်တော့ အစ်ကို ငယ် ငယ် ကတည်းက အဖေ က ရေဒီယို အစ အဆုံး ဖွင့်တယ်။
မနက် မိုးလင်း ၉နာရီ ကနေ ည ၉နာရီထိ အိမ်မှာ ဖွင့်ထားတယ်။ သီးချင်းတွေ အကုန်လုံး ကို ငယ်ငယ် ကတည်း က ရခဲ့တယ်ပေါ့နော်။ အဲလိုနှစ်နဲ့ ချီပြီးတော့ အဖေ ဖွင့်ခဲ့တဲ့ အကျိုးကျေးဇူးကြောင့်ပဲ အစ်ကို ဂစ်တာ သမားအဖြစ် သွေးထဲ သားထဲမှာ အသံတွေ အကုန်လုံး စိမ့်ဝင်နေလို့ ဂစ်တာသမား ဖြစ်တာလို့ ထင်ပါတယ်။
အစ်ကို က လက်ရှိမှာ ပရိသတ်တွေလည်း သိပါတယ်။ ဂစ်တာ သူရဲကောင်း တစ်ယောက်ပေါ့။ ဂီတ ထဲမှာမှ အစ်ကို က ဘယ်လိုဖြစ်လို့ ဂစ်တာ ကို တစ်စိုက် မတ်မတ် ရွေးချယ် ဖြစ်သွားတာလဲ။
ဂစ်တာ ကို ရွေးချယ်ဖြစ်တယ် ဆိုတာ အစ်ကို ပထမဆုံး အနုပညာ မှာ စပြီး Music နဲ့ ပတ်သက်လို့ စလုပ် တုန်း က ဂစ်တာ မဟုတ်ဘူး။ အဓိက ပထမဆုံးက အစ်ကို တို့ အ.ထ.က(၄) ပုဇွန်တောင် ဆိုတဲ့ ကျောင်း ရှိတယ်။ အခု ဗိုလ်မြတ်ထွန်းလမ်း ဆိုတဲ့ ကျောင်းမှာ သူငယ်တန်း ကနေ စပြီးတော့ ၁၀ တန်းထိ တက်ခဲ့ တယ်။
အဲဒီမှာ ပုဇွန်တောင် မှာ အ.ထ.က(၄) ပုဇွန်တောင် ဘင်ခရာ တပ်ဖွဲ့ဆိုတာ ရှိတယ်။ အဲဒီ မှာ အစ်ကိုက စပြီး ဝင်တုန်း က သင်တန်းသားပေါ့။ ဘေးဇောင်း မှုတ်တဲ့ Flute လေးတွေ နဲ့ သွားကြတယ်။ နှစ်နှစ်လောက် ၇ တန်း ၈ တန်း စပြီး သင်ရင်းနဲ့ အင်တာနေရှင်နယ် လုပ်တယ်။ အဲမှာ သင်ပေးတယ်။ ရေတပ် က ဆရာ သက်တင်အောင် တို့ပေါ့နော်။ ပြီးတော့ အစ်ကို တို့ လေမှုတ် တူရိယာကိုလည်း သင်ရတယ်။
အစ်ကို ထင်တယ်။ အစ်ကို ဆယ်တန်းလောက် ရောက်တဲ့ အချိန် မှာ ရာထူး တိုးပေးလိုက်တယ်။ ကလယ်ရီနက် လို့ခေါ်တဲ့ အနက်ရောင်လေး နဲ့ လေမှုတ် တူရိယာလေး ကို အစ်ကို မှုတ်ရတယ်။ အဲလို instrument ငယ်ငယ် ကတည်း ကတော့ တူရိယာတွေ တီးတတ်တယ်။
အဲဒီလို မျိုးလေးတွေ အစ်ကို ငယ်ငယ် က သင်ခဲ့တယ်။ သင်ခဲ့ရင်းနဲ့ မှ ဂစ်တာ သူငယ်ချင်း က ဂီတာ သင် တန်း သွားတက်ရင်း နဲ့ သူ့ အိမ်မှာ ဂစ်တာ ဆရာ က လာသင်ပေးတယ်။ သင်ပေးရင်း နဲ့ သူ တတ်ထားသမျှ အစ်ကိုကို ကြွားရင်းနဲ့ အစ်ကို က သူ့ဆီ က ပြန်သင် ရင်းနဲ့ မှ ဂစ်တာ ဘက်ကို ရောက်သွား တာ။
ရောက်ရင်း နဲ့ ဂစ်တာ သမား ဖြစ်တော့ တော်တော် များများ ကတော့ အစ်ကို ကို ဂစ်တာသမား ဖြစ်အောင် ဂစ်တာ ဘက်ကို ရွေးချယ် တာလို့ ထင်တာ အမှန်တော့ လေမှုတ် တူရိယာ ကို စပြီး ဝါသနာပါတာ။
ဒါပေမယ့် အဲဒီ အချိန်က လမ်းသရဲ တူရိယာ ဆိုပြီးတော့ တော်တော် များများ က ဂစ်တာကို မကြိုက်ကြ ဘူးပေါ့။ အဲဒီတော့ အခုန က ညီလေးမေးတဲ့ မေးခွန်း ပါပဲ။ ဂစ်တာ ကို တီးရင်းနဲ့ မှ ထပ်ပြီးတော့ ခွဲခြမ်း စိတ်ဖြာ သွားတာ က ဂစ်တာ ရစ်သမ်လည်း တီးနေတာပဲ။ တီးနေရင်းနဲ့ မှ အစ်ကို့ အဖေ က ရစ်သမ် တီးတာ မကြိုက်ဘူး။
ရှေး အဖိုးကြီးတွေ ကတော့ အိမ်မှာ ရစ်သမ် တီးရင်း ဆိုကြရင် သူက လက်မခံဘူး။ လက်မခံဘူး ဆို တစ်ခါ တလေ ကျရင် အဖေ က မတားဘူး သူကိုယ်တိုင် လည်း မယ်ဒလင်လေး တီးတယ်။ ပင်စင် ယူပြီးတဲ့ အချိန်မှာ မယ်ဒလင်လေး အိမ်မှာ လေ့ကျင့်ရင်း တီးတယ်။
တီးရင်း နဲ့ အဖေ က ဘာပြောလဲဆိုတော့ မင်းတို့ ဂစ်တာ ငါနားထောင်တာ ဘာမှ မကွဲပြားဘူးတဲ့။ တစ်ဗြန်းဗြန်း နဲ့ ကြိုးတွေပဲ တီးနေတာ ပဲတဲ့ နားထောင်လို့ ဘာမှ ပြတ်ပြတ် သားသား မယ်လိုဒီ မပါဘူးပေ့ါ။
အဲဒါနဲ့ ကျွန်တော်က တစ်ရက်လည်း ကျရော ရုပ်ရှင်ရုံကြီးအောက်မှာ လိစ်ဂစ်တာတီးနည်း ဆိုတဲ့ စာအုပ်လေး ဆရာ ပီမိုနင်း ရဲ့ စာအုပ်လေး ကျွန်တော် ၀ယ်လာတယ်။
အဲဒါ ကြောင့် လိစ် တီးနည်း ကို ကျွန်တော့်ဟာ ကျွန်တော် စာအုပ် နဲ့ ကြည့်ပြီး တီးရော ရစ်သမ် တီးပေးတဲ့ သူငယ်ချင်း ကလည်း သူက ရစ်သမ်ပဲ တတ်တော့ ကျွန်တော့် ကို ရစ်သမ်ပဲ သင်ပေးတယ်။ အဲဒါ နဲ့ လိစ်တီး နည်း နုတ်လေး ပါတယ်။ ဘင်ခရာ သင်တန်းမှာလည်း ကျွန်တော် က နုတ် ကျွမ်းခဲ့တာကိုး အဲနှစ်ခုပေါင်းပြီး ကျွန်တော် တီးကြည့်တဲ့ အခါ ကျတော့ မယ်လိုဒီပေါ်လာတယ်ပေါ့။
ပေါ်လာတော့ အဲဒီ ဂစ်တာ သီချင်းလေးတွေ ရောင်းတဲ့ စာအုပ်လေးတွေ ကျွန်တော် ယူယူကြည့်ပြီး တီးရင်း တီးရင်း မယ်လိုဒီ အသံထွက်လာတယ်။ ထွက်လာတော့ တစ်ရက် ကျတော့ အဖေ က အိပ်ရာ ထလာတယ်။ ကျွန်တော် တို့ ဂစ်တာ တီးတာကို မင်း အခု တီးတာတော့ ငါကြိုက်တယ်တဲ့။ အသံ ပီတယ်ပေါ့။ သူပြောတာ လိစ်ကို ပြောတာပေါ့နော်။
ငါ့အဖေ က လိစ် အသံကိုတော့ ကြိုက်တယ်။ လိစ် အသံသည် လူကြီးတွေ နားနဲ့ ယှဉ်ကြည့်ရင် အသံပီတယ်။ ရမ်သမ် ကျတော့လည်း လုံးထွေးနေတာပေါ့။ အဲတာ နဲ့ ကျွန်တော် က လိစ်သမားဖြစ်အောင် ဖြေးဖြေးချင်း ဆက်လေ့လာရင်း နဲ့ ဆရာတွေ နဲ့ သင်ပေါ့နော်။ အခုကျတော့ တစ်နိုင်ငံလုံး မှာ သိတဲ့ အချိန်မှာ ဂစ်တာသမား ဆိုတာ အရင်ခေတ် က စကားလုံးနဲ့ ပြောမယ် ဆိုရင် လိစ်သမားပါ။
ကျောင်းမှာ ကတည်းက အစ ပျိုးခဲ့တဲ့ ဂီတ ပညာဟာ သူ့ ဘဝကို ဂစ်တာနိုင်ဇော်ရယ် လို့ ဖြစ်လာစေ မယ့် ခြေ လှမ်း တစ်ရပ် ဖြစ်ခဲ့ပါတယ်။ လိစ် ဂီတာ တီးခတ် တာကို စတင် သိကျွမ်း ရင်းနှီးလာပြီး တဲ့ နောက် ပိုင်းမှာ သူဟာ ဂစ်တာ ကိုပဲ တစ်စိုက် မတ်မတ်လေ့ကျင့်ဖို့အ တွက် စိတ်အား ထက်သန်ခဲ့ပါတယ်။
တစ်ခါ တစ်ခါ ကျွန်တော့်သားသမီးတွေ ကို အမြဲတမ်းပြောတယ်။ ဂစ်တာ သမား မလုပ် နဲ့ အဆိုတော် မလုပ် နဲ့။ ဘေးက အဆိုတော်တွေ က ကျွန်တော့်ကို စိတ်ဆိုးတယ်။ ကိုနိုင်ဇော် က ဘာဖြစ်လို့ ကိုယ့် သားသမီးကို မလုပ်ခိုင်း ရတာလဲပေါ့နော်။ ကျွန်မ / ကျွန်တော်တို့တွေဟာ ဘာဖြစ်လို့လဲပေါ့။
အဆိုတော် မလုပ် နဲ့ ဂစ်တာ သမား မလုပ်နဲ့။ မဟုတ်ဘူး အဆိုတော် ဂစ်တာသမား လုပ်တယ် ဆိုတာ ထီထိုး သလိုပဲ။ ပေါက်ရင်တော့ အကြောင်း မဟုတ်ဘူး မပေါက်ရင် အများကြီး ဒုက္ခရောက်တာ။ အစ်ကိုက ပြောပြ တယ်။ ညီလေးမေး သလိုပဲ ဒုက္ခတွေ အခက်ခဲတွေ ဆိုတာ အစ်ကိုတို့ ဘဝမှာ များလွန်;အားကြီး လို့ အခု စာရေး ဆရာလုပ်တော့ လူတွေ က ဖတ်လို့ ကောင်းနေတာပေါ့နော်။ ရေးပါအုံး ရေးပါအုံးဆို ရေးလို့ မကုန် ဘူး။
ဘာကြောင့်လည်း ဆိုတော ဒုက္ခ ဆိုတာ အစ်ကိုတို့ ဘဝ မှာ ရိုးသွားပြီ။ ရိုးသွား လွန်းအားကြီးလို့ တစ်ခါ တစ် ခါ ကျတော့ ဂစ်တာ ကို ဂစ် တာသမား အသစ် ဘဝ မှာ ဂစ်တာ တီးနေရင်း နဲ့ ကိုယ့်ကို ဒုက္ခပေးတဲ့သူတွေ များလွန်း အားကြီးတော့ အဲဒီ ဂစ်တာကိုတောင် စိတ်နာတဲ့ ဘဝရောက်တယ်။
တော်ပြီကွာ ဂစ်တာကို တစ်သက်လုံး မကိုင်တော့ဘူး။ ဂစ်တာသမား ဆိုတာ ဒီလောက် ဒုက္ခရောက်တဲ့ အလုပ် တစ်ခု။ ငါဘာလို့ လုပ်မိလဲ မသိနော်။ အဲဒီတော့ ဂစ်တာ ကို မမြင်ချင်တော့ဘူး ဆိုတဲ့ ဘဝ ထိအောင် ရောက်ဘူးတယ်။ ဂစ်တာ ကို မတီးဘူး။ ငါ ဂစ်တာကို လုံးဝ မကိုင်တော့ဘူး။ ငါ့ကို ဒီလောက် ဒုက္ခဖြစ်တဲ့ တူရီယာ ကို ငါ မတီးတော့ဘူး ဆိုတော့ အဲလိုမျိုး ခါးသီးတဲ့ စိတ်တွေ ဖြစ်ဖူးတယ်။
ဒါပေမယ့် အခုနက ပြောသလို ဘာကိစ္စ မျိုးက ဖြစ်သလဲ ဆိုတော့ ဥပမာ တစ်ခု အစ်ကိုပြောပြမယ်။ အစ်ကို တို့ လက်သင် ဘဝပေါ့။ အစ်ကို့ ကို ယုံကြည်လို့ စီးရီး တစ်ခု လာအပ်တယ်။ လာအပ်တော့ သူငယ်ချင်း က အပ်တယ်။ သူငယ်ချင်း ကလည်း အစ်ကို ဖြစ်စေချင်တယ်ပေါ့နော်။ မင်းကို ငါ စီးရီးတစ်ခု အပ်မယ် ဆို အစ်ကို ကလည်း အိမ်မှာ အသားကုန် ကျင့်တာပေါ့။
နုတ်တွေ လုပ် ကျန်တဲ့ ဘေ့ သမားရယ်၊ ကီးဘုတ် သမားရယ် ကိုလည်း ပရော်ဖက်ရှင်နယ်တွေပေါ့ အဲခေတ် က တီးနိုင်တဲ့ သူတွေ ငှားပြီး စတူဒီယို တစ်ခုမှာ သွားတီးကြ တယ်။ တီးလည်း တီးရော အဲဒီမှာ အဓိက ပုဂ္ဂိုလ် တစ်ယောက် က အစ်ကို့ကို တစ်အား ဒုက္ခပေးတယ်။
အစ်ကို က သူတို့ တီးဖို့ ပိုက်ဆံလည်းပေးရသေးတယ်။ အနစ်နာ ခံပြီးတော့လည်း အ ကုန်လုံး အောက်ခြေ သိမ်း ကစ နုတ် စာရွက်လေးက ပြေးသွားချိတ် ပေါ့။ ကိုယ်က ကိုယ့်ထက်တော်တဲ့ လူကြီးတွေနဲ့ တွဲချင်လို့သာ လုပ်ရတာ။ သူက အစ်ကို့ ကို တစ်ချိန်လုံး ဒုက္ခပေး အရက် ဝယ်ခိုင်း ဒုက္ခပေး နောက်ဆုံး ကျတော့ မင်း ဒီတီးလုံးတွေ တီးလို့ မရဘူး မင်းလက် နဲ့ မဖြစ်ဘူး။
အစ်ကို က နောက်ဆုံး သတ်မှတ်တဲ့ အချိန် မပြည့်မချင်း တီးတယ်။ ဂျုတီပြည့်ခါနီး မှ တီးတော့ အစ်ကိုက လက်တွေတုန် ဆရာကြီးတွေ က တွဲ မခေါ်ဘဲ နဲ့ ဒုက္ခပေးတော့ အယောင်ယောင် အမှားမှားတွေ ဖြစ် ပြီးတော့ အဲ ဂျုတီ မှာ အရှက်တကွဲ အကျိုးနည်း နဲ့ အစ်ကို တီးတာတွေ အကုန်လုံး အလွဲလွဲ အချော်ချော် ဖြစ် သွားတယ်။
အဆိုတော်လည်း စိတ်ဆိုး တာပေါ့။ အစ်ကို က မနိုင် ဘဲနဲ့ အလုပ်တစ်ခု ကို လက်ခံတယ်ပေါ့နော်။
ပြောချင် တာက သူတို့ ကို ချစ်လွန်းလို့ ကိုယ်က ပိုက်ဆံပေးပြီးလည်း ခေါ်တီးရသေးတယ်။ အစ်ကို ကို ပျော်အောင် မလုပ်ဘဲနဲ့ အစ်ကို ကို ဝိုင်းနှိမ်တော့ နောက်ဆုံး ကျတော့ အစ်ကို တီးတဲ့ အလုပ်တွေ မအောင်မြင်တဲ့ အချိန် မှာ စတူဒီယို က ဂျုတီပြည့်ပြီ ပြန်တော့ဆို အစ်ကိုတို့ အားလုံး က ပြန် ရတယ်။
နောက်ထပ် တီးမယ့် ပိုက်ဆံလည်း မရှိတော့ဘူး။ အဲဒီလို ဒုက္ခရောက်တာလေ။ နောက်တော့ သူတို့က အစ်ကို ထပ်ပြီးတော့ မညှာတာ ပဲနဲ့ အပြစ်တွေပဲ တင်တာပေါ့လေ။ အစ်ကိုနောက်ဆုံး အပြန်ကြတော့ လမ်းမှာ ငိုတောင် ငိုတယ်။ အစ်ကို့ သူငယ်ချင်းနဲ့ ငိုတယ်ပေါ့နော်။
တော်ပြီကွာ ငါ အဲဒီ အလုပ် မလုပ်တော့ဘူး ဆိုပြီးတော့ အစ်ကို လုံးဝ ဂစ်တာ ကို မတီးတော့ဘူး ဆိုပြီး တစ်ပတ်လောက် ဂစ်တာ မတီးပဲ စိတ်ထဲမှာ မေ့ပစ်လိုက်တယ်ပေါ့။ ငါ့ဘဝမှာ ဂစ်တာလည်း မရှိတော့ ဘူးပေါ့ ငါ့က ဂစ်တာ ကို ချစ်သလောက် ဂစ်တာ သမားတွေက ငါ့ကို ပြန်ဒုက္ခပေးတယ်။
ပြီးတော့ ငါ့ကို အခု သွားတဲ့ ခရီးမှာ ကူညီမယ့် သူက တစ်ယောက် မှ မရှိဘူး။ ရှိသမျှလူအားလုံးက ဒုက္ခပေး မယ့် သူကြီးပဲ အဲဒီခေတ်က ဖြစ်နေတဲ့ ပြဿ နာပေါ့နော်။ အဲတာ နဲ့ အစ်ကို မတီးတော့ဘူး ဆိုပြီး ဆုံးဖြတ် လိုက်တယ်။
နှစ်ရက် သုံးရက်လောက်နေတော့ မနေနိုင်ဘူး။ မိုးလင်း တာနဲ့ ဂစ်တာ ကိုပဲ သတိရတယ်။ ဂစ်တာ ကို ငါ မတီးတော့ဘူးကွာ ဆိုပြီးနေပေမယ့် ဂစ်တာ က အပြစ် မရှိဘူးလေ။ လုပ်တဲ့ သူတွေ ကသာ အပြစ်ရှိတာ။ ဒါပေမယ့် အခုနကပြောသလိုပေါ့ အစ်ကို ဂစ်တာသမားဖြစ်ဖို့ ဒါလေးတွေက သေးသေးလေးပဲ ရှိသေး တယ်။
အစ်ကို ဒုက္ခရောက် ခဲ့တဲ့ ခရီးတွေက အများကြီး။ ပြီးတော့ လူတိုင်း ကို ကူညီတယ်။ ချစ်လို့ ကိုယ်က အခု စာနယ်ဇင်းပွဲတွေ မှာ မိတ်ဆက် စကားပြောတယ် ဆိုတာက အရင်တုန်း က အစ်ကို တို့ ဘဝတွေမှာ အသစ်တွေ ကို ခါးခါး သီးသီး ဒုက္ခပေးတဲ့ ဒဏ် ခံခဲ့ရလို့ နောက်တက်မယ့် အဆိုတော်တွေ မျိုးဆက်သစ်တွေ အဲဒီလို မဖြစ်အောင် ပေါင်းကူး တံတား အနေနဲ့ အစ်ကို က အမြဲတမ်း အမှတ်တရ စကားလေး စိတ်ဓာတ် ပိုင်းဆိုင်ရာမှာပေါ့နော်။
အားပေးတဲ့ စကားတွေ ပြောတာပါ။ အစ်ကိုတို့ခေတ် က တော်တော့် ကို ခွဲခြား ဆက်ဆံခြင်း ကိုလည်း ခံရ တယ်။ ဒါကြောင့် မို့လို့ ဂစ်တာ သမား တစ်ယောက် ဘဝမှာ အစ်ကို အခက်ခဲတွေ အများကြီး ကြုံခဲ့ ရမှာပဲ ဆိုတဲ့ စကားပြောရင် အစ်ကို့ဘဝ မှာ အများကြီး ရှိတဲ့ ထဲက တစ်ခုပဲ ရွေးပြီးပြောတာပါ။
အစ်ကို့ အနေနဲ့ အခုနက လို အဖြစ်ပျက်တွေ ခါးသီးတာတွေ ကြုံခဲ့ရတဲ့ အခါ မှာ ဒီ လမ်းကြောင်းကို လည်း ဆက်လျောက် ချင်တဲ့ အခါ ကျတော့ နောက် တစ်ခေါက်ပြန်လျှောက်မယ် ဆိ်ုတဲ့ အချိန်မှာ ကျနေတဲ့ စိတ်ဓာတ်တွေ ကို အစ်ကို ဘယ်လိုမျိုး ကိုယ့်ကိုယ် ကို အားတင်းပြီးတော့ ရှေ့ဆက်ခဲ့သလဲ။
အစ်ကို က မွေး ကတည်းက စိတ် တစ်ခုပဲ ရှိတယ်။ အစ်ကို က လေ့လာ ချင်တဲ့ စိတ် တစ်ခုပဲ ရှိတယ်။ နာမည်ကြီးချင် တာလဲ မဟုတ်ဘူး။ အစ်ကိုပြောတဲ့ သဘော က အစ်ကို အခု ဂစ်တာ ကို တီးရသည်ဖြစ်စေ မတီး ရသည်ဖြစ်စေ ဂစ်တာ နဲ့ ပတ်သက်တဲ့ စာအုပ်တွေ ကို အစ်ကို လေ့လာတယ်။
0 comments:
Post a Comment