ကျွန်တော်နှင့် MPT

Win Zaw

နှစ်ဆယ်ရာစုတုန်းက မြန်မာနိုင်ငံမှာ အံ့ဩစရာအဖြစ်အပျက်တစ်ခု
ဖြစ်ပျက်ခဲ့တယ်။အဲဒီအဖြစ်အပျက်က တခြားမဟုတ်၊ မြန်မာပြည်ရဲ့နတ်သားလေး
MPT ကဖုန်းတစ်လုံးကို ဆယ့်ငါးသိန်း၊သိန်းနှစ်ဆယ်နဲ့ရောင်းချခဲခြင်းဖြစ်တယ်။
အများပြည်သူတွေလည်းဖုန်းကဒ်ရဖို့အရေး လျောက်လွှာတွေ သဲကြီးမဲကြီး
တင်ခဲ့ကြတယ်။အံ့ဩစရာကောင်းပေစွ။
လူတို့စောင့်ထိန်းအပ်သော သီလငါးပါးတွင် "သူတစ်
ပါးပစ္စည်းခိုးယူခြင်းမှ ရှောင်ကြဉ်ပါ၏ "ဆိုသော သိက္ခာပုဒ်
ပါတယ်။သူတစ်ပါးပစ္စည်းခိုးယူရာမှာ တိုက်ရိုက်ခိုးယူနိုင်သလို သွယ်ဝိုက်ပြီးတော့လည်း ခိုးယူနိုင်တယ်။ဥပမာ - ငါးစိမ်းသည်တစ်ယောက် ငါးရောင်းရာမှာ အလေးတုံးကို အလေး
ချိန်လျှော့ထားရင် ဝယ်သူနစ်နာတယ်။အမှန်တကယ်က ငါးစိမ်းသည်ဟာ
လျှော့ထားတဲ့အလေးချိန်နဲ့ ညီမျှတဲ့တန်ဖိုးငွေကို ဝယ်သူဆီကနေ သွယ်ဝိုက်ပြီး ခိုးယူ လိုက်ခြင်းသာဖြစ်တယ်။
စာရေးဆရာ ဆန်းလွင်ရဲ့ ကိုယ်တွေ့အဖြစ်အပျက်လေးတစ်ခုရှိ
တယ်။တစ်နေ့ ဆရာဆန်းလွင် ဓမ္မရုံသို့ တရားနာဖို့ သွား
တယ်။ဓမ္မာရုံရောက်တော့ ဆရာတော်ကြီးတစ်ပါးရဲ့တရား
တော်တွေကို ရိုသေစွာနာယူနေတာပေါ့။တရားပွဲလည်းပြီးရော
ပြန်ဖို့ဖိနပ်ရှာကြည့်တော့ မတွေ့တော့ဘူး။ဖိနပ်ပျောက်ပြီဆိုတော့
ခြေဗလာနဲ့အိမ်ပြန်ခဲ့ရတာပေါ့။အိမ်ရောက်ရောက်ချင်း သမီး
ဖြစ်သူကို ဖိနပ်ပျောက်တဲ့အကြောင်းပြောပြတော့ သမီးဖြစ်သူက
ဟားတိုက်ရယ်ပြီး ဖခင်ကိုပြန်ပြောလိုက်တဲ့ စကားလေးတစ်ခွန်း
ကံ ကံ၏အကျိုးကိုယုံကြည်သော ဗုဒ္ဓဘာသာဝင်တိုင်း မှတ်သား
ဖို့ကောင်းတယ်။ " ဟား......ဟား.......ဖေဖေ မိပြီ...ဖေဖေက
ဖိနပ်သူခိုး... ပြီးခဲ့တဲ့ဘဝတွေတုန်းက သူများဖိနပ်တွေ ခိုးခဲ့ဖူးလို့
ဖေဖေခုလိုပြန်ခိုးခံရတာ.....ဖေဖေ ဖိနပ်သူခိုး.....ဟား....ဟား....."
ဆရာဆန်းလွင်ကတော့ ကံကံရဲ့အကျိုးကို ယုံယုံကြည်ကြည်
ပြောနေတဲ့ ဗုဒ္ဓဘာသာစစ်စစ်သမီးတော်လေးရဲ့စကားကို ပီတိပြုံးလေးနဲ့နားထောင်နေတာပေါ့။MPT နဲ့မြန်မာပြည်
သူတွေရဲ့အဖြစ်က စာရေးဆရာဆန်လွင်တို့သားအဖလို ဖြစ်နေပြီထင်တယ်။
၂၆.၁၂.၂၀၁၃ ရက်နေ့က MPT ဖုန်းကဒ်တစ်ကဒ်ကို လူငယ်လေးတစ်ယောက်ရဲ့ကောင်းမှုနဲ့ ရခဲ့တယ်။ဖုန်းကဒ်
ရရချင်း ကဒ်ကိုဖုန်းထဲထည့်ပြီး မေမေ့ဆီဆက်သွယ်ကြည့်မိတယ်။
ဖုန်းလိုင်းက ကောင်းပါပေ့။မေမေ့အသံလေးက ဆည်းလည်းသံလေးလို နားဝင်ချိုလှပါပေ့။ဖုန်လိုင်းကောင်းချက်
က မေမေ ကျွန်တော့်နားမှာ ကပ်ပြောနေတယ်လို့တောင်ထင်ရ
တယ်။ကျေးဇူးပါ MPT ရယ်။MPT ရဲ့ကျေးဇူးကြောင့် ရပ်ဝေး
တစ်နေရာရောက်နေတဲ့ကျွန်တော် မေမေနဲ့မေတ္တာစကားလေးတွေ အပြန်အလှန်ပြောဆိုခွင့်ရ
ခဲ့တယ်။ကျေးဇူးကြီးလှပါတယ် MPT......။MPT သာမရှိရင် အသံနဲ့
ဆက်သွယ်ရရှိလာမယ့် မိသားစုနွေးထွေးမှုလေးကို မရနိုင်ပါ။
MPT သာမရှိရင် ရပ်ဝေးတစ်နေရာမှာကျောင်းတက်နေရတဲ့ကလေးတွေ
ရေးစာနဲ့ အမြန်ချောပို့ကိုသာ အားကိုးနေရမှာပါ။MPT သာမရှိရင်
၂၀၁၄ မှကျွန်တော်တို့ ဖုန်းကိုင်နိုင်မှာပါ။
+++++++++++++++++++++++++
" ကလင်....ကလင်......ကလင်..... " (မေမေ့ဆီသို့ဖုန်းခေါ်သံ)
" ဟယ်လို......ဘယ်သူပါလဲ......"
တစ်ဖက်ဖုန်းမှ မေမေ့အသံကို ကြားရတယ်။
" မေမေ....သား ဝင်းဇော်ပါ....မေမေနဲ့ဖေဖေ နေကောင်း
ကြလား....တစ်အိမ်သားလုံးနေကောင်းကြတယ်နော်???"
" အေး...ကောင်းကြပါတယ်ကွယ်....သားကောနေကောင်း
လား..."
" ဟုတ်ကဲ့... ကောင်းပါတယ်မေမေ..."
" ဒါနဲ့...သားဖုန်းနံပါတ်က အသစ်ပါလား သားရဲ့..."
" ဟုတ်တယ်မေမေ....MPT ကထုတ်ပေးတာ...
သားကဒီနေ့မှရတာ...ရရချင်းမေမေ့ဆီအရင်ဆက်လိုက်တာ..."
" ဟဲ့ သား.....မင်းအစ်ကိုရဲ့သူငယ်ချင်း မောင်အီးတီက မင်းကို
ဘယ်လိုထုတ်ပေးတာတုန်း...."
မေမေကတော့ တောသူပီပီ မာယာ၊သာဌေယျကင်းကင်းနဲ့ ပြောချလိုက်ပြန်ပြီ။
" ကိုအီးတီကိုပြောတာမဟုတ်ဘူးမေမေရဲ့....သားနဲ့မေမေ့ကိုအ
အကြားဓာတ် (voice call) တွေပေးတော်မူတဲ့ MPT နတ်သားလေးကို
ပြောတာ....MPT နတ်သားလေးက လာမယ့် ၂၀၁၄ မှာ သားတို့ကို
အမြင်ဓာတ် (vedio call) တွေပေးဦးမှာတဲ့ မေမေရဲ့....ဝမ်းသာစရာဘဲနော်မေမေ....အဲဒီအချိန်ကျရင် သားနဲ့
မေမေ ဘယ်လောက်ဝေဝေး တစ်ယောက်မျက်နှာတစ်ယောက်ကြည့်ပြီး စကားပြောလို့ရပြီ မေမေရဲ့.....နတ်သားလေးက သားတို့ကို သမထ အားမထုတ်နဲ့တော့တဲ့ မေမေ.....သမထအားထုတ်လို့ရလာမဲ့ အကြားအမြင်ဓာတ်တွေ ငါပေးမယ်တဲ့.....မင်းတို့က ဝိပသာနာကိုကျင့်ပြီး မြတ်ဗုဒ္ဓညွှန်ပြပေးတဲ့လမ်းကိုလျှောက်ကြလို့ပြောတယ်မေမေရဲ့.....အော်ဒါနဲ့မေမေရေ ၂၀၁၄ မှာ
MPT ထက်သဘောကောင်းတဲ့ နတ်သားလေးနှစ်ပါး ထပ်ရောက်လာဦးမှာ
တဲ့ ...."
"ဟဲ့......သား....မင်းဘာတွေပြောနေတာလဲ.....သားရူးနေပြီ
လား........................………………………………………………………………
………………………………………………………………………………………………
………………………………………………………………………………………………"
" ……………………………………………………………………………………………
………………………………………………"
" ………………………………………………………………………………………………
………………………………………………………………………………"
MPT ရဲ့ကောင်းကံ၊မကောင်းကံက MPT နဲ့သာဆိုင်တယ်။
ကျွန်တော်တို့ပြည်သူတွေနဲ့မဆိုင်။ကျွန်တော်တို့ကိုယ်တိုင်က ကျွန်တော်တို့ရဲ့ကောင်းကံကို ဖန်တီးပိုင်ခွင့်ရှိနေတယ်။
ဖန်တီးနိုင်တယ်။MPT နဲ့ရင်ဆိုင်တဲ့အခါ ကျွန်တော်တို့ရဲ့ ကောင်းကံဖန်တီးနိုင်ဖို့ တစ်ခုတည်းသောသော့ချက်က MPT ရဲ့
ကောင်းတဲ့အချက်တွေမြင်တတ်ဖို့ဘဲ။
စာဖတ်သူအပေါင်း ကျန်းမာ ချမ်းသာ ဘေးရန်ကင်းကွာ
ကြပါစေ။

ဦးတိုးအောင်