ကမ္ဘာ့စီးပွားရေး အင်အားကြီးနိုင်ငံဖြစ်စေခဲ့တဲ့ ကိုရီးယားနိုင်ငံ၏ ပညာရေး

Aung Myo Thu December 25, 2013 at 7:46pm

 

ဖွင့်ပေးလိုက်တဲ့ သော့တစ်ချောင်း- ကိုရီးယားပညာရေးခရီး အတိတ်နှင့် အနာဂတ်

ယနေ့ကမ္ဘာတစ်လွှား ဘယ်နေရာသွားသွား  မမြင်ချင်အဆုံးမြင်နေရမှာကတော့ ကိုရီးယားကုမ္ပဏီတို့၏ကြော်ငြာများ၊ လူနေအိမ်ခန်းထဲသို့ ၀င်ကြည့်လိုက်ပြန်လျှင် လည်း SAMSUNG Aircon, TV, Refrigerator  တို့ကို တွေ့မြင်ရမည်ဖြစ်ပြီး၊ လူတွေအာရုံခံစားကာ အပန်းဖြေကြည့်ရှုနေသည်မှာတော့ ကိုရီးယားကားပင် ဖြစ်လေသည်။ ယခင်က နာမည်ပင်ကြားခဲ့ဖူးခြင်းမရှိသော SAMSUNG mobile phone များက ကမ္ဘာကျော်နေသည်။ ယခင် အိမ်တွင်ရှိနေသော SONY လျှပ်စစ်ပစ္စည်းများ နေရာမှာ SAMSUNG ပစ္စည်းတို့က နေရာဝင်ယူ ကုန်ကြလေသည်။


မကြာသေးသော ဆယ်စုနှစ်တစ်ခုနှစ်ခုအတွင်းမှာ ကမ္ဘာ့စီးပွားရေး မျက်နှာစာတိုင်း လိုလိုတွင် အောင်ပွဲဆင်လာသော ကိုရီးယားလူမျိုးတို့၏ အောင်မြင်မှုသော့ချက်ကို လူသားတိုင်း သိချင်လှသလို၊ မိမိတို့ဘ၀တိုးတက်ဖို့၊ ထို့ထက်ပိုပြီးပြောရမယ်ဆိုရင် နိုင်ငံတော်တိုးတက်ဖို့အတွက် ပြန်လည်အသုံးချလိုကြလေသည်။ ကိုယ့်နိုင်ငံနှင့် မတိမ်းမယိမ်း လွတ်လပ်ရေးရသော နိုင်ငံလေးတစ်ခု၊ လွတ်လပ်ပြီးလျှင်ပြီးချင်း မိမိနိုင်ငံကဲ့သို့ပင် ပြည်တွင်းစစ်မီးတောက်လောင်ခဲ့တဲ့နိုင်ငံ၊ ယင်းတို့စားစရာပင် မရှိသဖြင့် ၁၉၆၀ တ၀ိုက်မှာ ကိုယ့်နိုင်ငံက သူတို့စားဖို့အတွက် ဆန်တွေပင် တင်ပို့ လှူဒါန်းခဲ့ရတဲ့ နိုင်ငံလေးတစ်ခုဟာ ခုဆိုရင်ကမ္ဘာ့စီးပွားရေး အင်အားကြီးနိုင်ငံတစ်နိုင်ငံ အဖြစ်သို့ ရောက်ရှိလာခဲ့ပေပြီ။

 ဒီလို သမိုင်းအစဉ်အလာတူညီခဲ့တဲ့နိုင်ငံတစ်ခု အောင်မြင်မှုပန်းတိုင်သို့ မည်ကဲ့သို့လျှောက်လှမ်းခဲ့သနည်းဆိုသည်ကို လတ်တလော တံခါးဖွင့်စီးပွားရေးစနစ်နှင့် ဒီမိုကရေစီစနစ်ကို စတင်ကျင့်သုံးလိုက်ပြီဖြစ်သော မြန်မာနိုင်ငံအနေနှင့် အလေးထားသင်ယူရမည်ဖြစ်လေသည်။ ကိုရီးယားနိုင်ငံကို ကမ္ဘာ့ထိပ်တန်းနိုင်ငံတစ်နိုင်ငံအဖြစ် တွန်းပို့ပေးလိုက်သည်မှာ လယ်ယာစိုက်ပျိုးရေးဏ္ဍမဟုတ်၊ တွင်းထွက်ပစ္စည်းများမဟုတ်၊ တိုင်းပြည်၏ ကမ္ဘာ့အဆင့်မီ စက်မှုထုတ်ကုန်ပစ္စည်းများသာ ဖြစ်လေသည်။ ထိုသို့သော ကမ္ဘာ့အဆင့်မီ စက်မှုထုတ်ကုန်ပစ္စည်းများ ထုတ်လုပ်နိုင်သည်မှာ အဘယ်ကြောင့်နည်းဆိုသော်.. ပညာဖြစ်သည် ဟူသော အဖြေတစ်ခုသာ ရှိလေသည်။

    စက်မှုလုပ်ငန်းများဖွံ့ဖြိုး တိုးတက်ရေးကို လုပ်ဆောင်သော အချိန်နှင့် တပြိုင်နက်တည်း ပညာရေး မြှင့်တင်ရေးကိုလည်း ကြိုးစားလုပ်ဆောင်ခဲ့ကြလေသည်။ ပညာရေးပြုပြင်ပြောင်းလဲမှုများတွင် အစိုးရက ဦးဆောင်ခဲ့သော်လည်း ပြင်ပ ပုဂ္ဂလိက ပညာရေးကိုလည်း အားပေးခဲ့လေသည်။ အနှစ်လေးငါးဆယ်ခန့် စဉ်ဆက်မပြတ် ကြိုးစားလုပ်ဆောင်ခဲ့သော ပညာရေးက ယခုအခါ နိုင်ငံတော်အတွက် တိုးတက်အောင်မြင်မှု အသီးအပွင့်များကို ရယူပေးနိုင်ပြီဖြစ်လေသည်။

အပြိုင်အဆိုင် ပညာရေး

ကိုရီးယားနိုင်ငံတွင် မူလတန်းပညာရေးမှစတင်ပြီး ပြိုင်ဆိုင်မှုလွန်စွာပြင်းထန်လှသည်။ မိမိတို့ သားသမီးများ နာမည်ကြီး ကျောင်းများသို့ ၀င်ရောက်ခွင့်ရရှိရေးအတွက် မိဘများအပြိုင်အဆိုင် ကြိုးစားကြလေသည်။ ထိုသို့ မိဘများ၏ ပြိုင်ဆိုင်လိုစိတ်များကြောင့် သားသမီးများသည် ငယ်စဉ်ကပင် အပြိုင်အဆိုင်စိတ်တို့ ၀င်ရောက်ခဲ့ရလေသည်။ ကိုရီးယားနိုင်ငံတွင် မူလတန်း၊ အလယ်တန်းအရွယ်ကပင် စာကြည့်တိုက်သို့သွားသော အလေ့ရှိသည်။ တချို့သော ကလေးငယ်များသည် နံနက်စောစောပင်ထကာ ကျောင်းမတက်မီအချိန်တွင် စာကြည့်တိုက်သို့ သွားရောက်ကာ စာဖတ်ကြလေသည်။
ကျောင်းကဆင်းသည်နှင့် အင်္ဂလိပ်စာ၊ အသုံးချသင်္ချာ၊ ရူပဗေဒ စသည်တို့ကဲ့သို့သော သင်တန်းများသို့ သွားရောက်ကြလေသည်။ ကိုရီးယားမှ ကလေးငယ်တစ်ယောက်၏ နေ့စဉ်အချိန် ဇယားသည် ကြောက်မက်ဖွယ်ဖြစ်သည်။ နိုင်ငံကို ဖွံ့ဖြိုးတိုးတက်မှု အရှိန်ရအောင် တွန်းတင်သော ကာလတွင် မပြောသာသော်လည်း ယခုလိုအရှိန်တစ်ခုရလာသော အနေအထားတွင် ကလေးများကို ပေါ့ပေါ့ပါးပါးနှင့် တီထွင်မှု အသားပေးသော ပညာရေးစနစ်မျိုးကို ကြိုးစားပုံဖော်သင့်ပေသည်။

ကာယနှင့်ဥာဏမျှဖို့

ကလေးများ၏ ကိုယ်ခန္ဒာကြံ့ခိုင်ရေးအတွက် ကာယလေ့ကျင့်ခန်းအချိန်များတွင် အမှန်တကယ်ပင် နားလည်တတ်ကျွမ်းသောဆရာများ၏ လေ့ကျင့်သင်ကြားပေးမှုဖြင့် တက်တက်ကြွကြွ လုပ်ဆောင်ကြလေသည်။ သက်ဆိုင်ရာကျောင်းအလိုက် အားကစားအသင်းများ (ဥပမာ-ဘေ့စ်ဘောအသင်း၊ ဘောလုံးအသင်း) ရှိကြပြီး နည်းစနစ်တကျ လေ့ကျင့်ပေးလေ့ရှိလေသည်။ ထိုသို့ ငယ်စဉ်ကပင် အားကစားလေ့ကျင့်ခန်းများ လုပ်ပေးသောကြောင့်လည်း ယခုမျိုးဆက်သစ်လူငယ်များသည် လူကြီးများထက် ပိုမိုသန်မာထွားကြိုင်းကြလေသည်။ ထိုကဲ့သို့ အရွယ်နှင့်မလိုက်အောင် ကိုယ်ခန္ဓာကျန်းမာကြံ့ခိုင်လာကြသလို တစ်ဘက်တွင်လည်း နိုင်ငံ၏လိင်ကိစ္စပွင့်လင်းမှုများကြောင့် ကျောင်းသားကျောင်းသူများသည် ငယ်ရွယ်စဉ်ကပင် အလှအပအလွန်အမင်းမက်မောခြင်း၊ အရွယ်မရောက်ခင် လိင်ကိစ္စကျူးလွန်ကြခြင်းများ ပေါ်ပေါက်လာလေသည်။ Ministry of Gender Equality and Family မှ ထုတ်ပြန်ထားသော တရားဝင်စစ်တမ်းများအရ အထက်တန်းကျောင်းသူကျောင်းသား ၈.၆ ရာခိုင်နှုန်းခန့်ဟာ လိင်ဆက်ဆံမှုပြုပြီးကြပြီလို့ဆိုပါတယ်။ ထို့ပြင်ကျောင်းများတွင် အုပ်စုဖွဲ့အနိုင်ကျင့်ခြင်းများကလည်း သေသေချာချာ ကိုင်တွယ်သင့်သော ပြသနာရပ်များဖြစ်လေသည်။

အင်္ဂလိပ်စာ

တချို့သော ခေတ်အမြင်ရှိပြီး တတ်စွမ်းနိုင်သော မိဘတို့ကတော့ ၎င်းတို့၏သားသမီးများကို ကျောင်းပိတ်ရက်များတွင် စိတ်ဝင်စားပျော်ရွှင်အောင် သင်ကြားပြသပေးသော သင်္ချာသင်တန်းများ၊ ရိုဘော့ကလေးများ ကိုယ်တိုင်ပါဝင် တည်ဆောက်ရသော သင်တန်းလေးများသို့ ပို့ဆောင်ကြလေသည်။ ကိုရီးယားကလေးများ၏ အားသာချက်တစ်ခုမှာ ယခင်လူကြီးများတွင် မမြင်မတွေ့ရသော အင်္ဂလိပ်စာအရည်အသွေး ရှိခြင်းပင်ဖြစ်သည်။
ယခင်က အမေရိကတွင်နှစ်များစွာ ပညာသင်ကြားပြီး ပြန်လာသော လူကြီးများထက် ယခုမူလတန်းမှ ကလေးများ၏ အင်္ဂလိပ်စကားပြောနိုင်စွမ်းသည် ပို၍မြင့်မား လေသည်။ ဂျပန်ကို အစစယှဉ်ပြိုင်တတ်သော ကိုရီးယားတို့သည် မိမိစာမှမိမိစာ ဖြစ်နေသော ဂျပန်များထက် အင်္ဂလိပ်စာအရည်အသွေးတွင် နှာတဖျားသာတော့မည် ဖြစ်လေသည်။ ကိုရီးယားကလေးငယ်များ၏ နွေရာသီကျောင်းပိတ်ရက်တွင် လုပ်ဆောင်ရသည့် အဓိကအရေးအကြီးဆုံးအလုပ်တစ်ခုမှာ Native Speaker များ ကိုယ်တိုင်သင်ကြားပြသပေးသော အင်္ဂလိပ်စကားပြောသင်တန်း တက်ရောက်ရေးပင်ဖြစ်သည်။
အထက်တန်းအောင်မြင်ပြီးပါက တက္ကသိုလ်ကျောင်းကောင်းများ ၀င်ရောက်ခွင့်ရရေးအတွက် တက္ကသိုလ်ဝင်တန်းစာမေးပွဲ ဖြေဆိုရန် အသည်းအသန်ကြိုးစားကြရပြန်သည်။ ထိုသို့လျင် အဆင့်ဆင့်ကျားကုတ်ကျားခဲ ကြိုးစားကြရသော ကိုရီးယားတို့အတွက် ‘ပါလိ ပါလိ’ မြန်မြန်လုပ်ဟူသော စကားကို လက်ကိုင်ထားကာ ဘ၀ကိုဖြတ်သန်းကြလေသည်။

ကမ္ဘာ့မပျော်ရွှင်ဆုံးကလေးငယ်များ

တခြားနိုင်ငံသူနိုင်ငံသားများ အထူးသဖြင့် ဆင်းရဲသော အရှေ့တောင်အာရှလို၊ အာဖရိကလိုနိုင်ငံငယ်များမှ ကလေးများအတွက်တော့ အစစရှေ့တန်းရောက်နေပြီး၊ ခေတ်ပေါ်ပစ္စည်းအစုံအလင်ကိုင်စွဲထားသော ကိုရီးယားကလေးငယ်များကို အားကျကြမည်မှာမလွဲပင်။ သို့သော်လည်း စစ်တမ်းများအရတော့ ကိုရီးယားကလေးငယ်များ၏ဘ၀ဟာ သနားစရာကောင်းလှပေသည်။ အဖွဲ့ဝင် ၃၄ နိုင်ငံပါဝင်သော OECD (Organization for Economic Co-operation and Development) အဖွဲ့ဝင်နိုင်ငံများတွင် ကိုရီးယားကလေးငယ်များ၏ ရုပ်ဝတ္ထုပစ္စည်း ပြည့်စုံမှုအပေါ်ကျေနပ်မှုမှာ နံပါတ် ၄ နေရာတွင် ရှိသော်လည်း စိတ်ပိုင်းဆိုင်ရာကျေနပ်ပျော်ရွှင်မှုတွင်မူ အောက်ဆုံးအဆင့်တွင်သာ ရပ်တည်နေကြောင်း ကိုရီးယားနိုင်ငံ Yonsei တက္ကသိုလ်မှပြုလုပ်သော သုတေသနမှတ်တမ်းများက ဖော်ပြနေပေသည်။
၂၀၁၀ တွင်ပြုလုပ်ထားသော သုတေသနစစ်တမ်းတစ်ခုအရ ကိုရီးယားတွင် အသက် ၁၀ နှစ်မှ ၁၉ နှစ်အတွင်း လူငယ်တစ်ဦးနေ့စဉ် မိမိကိုယ်ကို အဆုံးစီရင်ကြကြောင်းပြသထားပါတယ်။ ဒီစာရင်းမှာ ကိုယ့်ကိုယ်ကို သေကြောင်းကြံရာမှာ မအောင်မြင်တဲ့သူတွေကိုတောင် ထည့်တွက်မထားဘူးလို့ ဆိုပါတယ်။ ဒီလိုသေကြောင်းကြံစည်ကြရတာဟာ မိဘများ၏ သားသမီးများအပေါ် မျှော်လင့်ချက်မြင့်မားပြီး  ထိန်းချုပ်မှု၊ ကျောင်းတွင်အနိုင်ကျင့်ခံရမှုစသည့် လူမှုရေးပြသနာများကြောင့်ဖြစ်သည်ဟုဆိုပါသည်။

ဆက်လက်ဖော်ပြပါမည်။

(ကိုရိးယား-ယိမ်းနွဲ့နေသော ရောင်စုံကြာစာအုပ်မှ)