06.01.2013 နေ့ဖတ်ရန်သတင်းများ

by Myanmar Journal on Saturday, January 5, 2013 at 4:39pm ·

ကော်လိုရာဒို ပစ်ခတ်မှု လူ ၄ ယောက်သေ

ကော်လိုရာဒို ပစ်ခတ်မှု

အမေရိကန် ပြည်ထောင်စုမှာ ပြီးခဲ့တဲ့နှစ်က ရုပ်ရှင်ရုံတရုံမှာ လူအစုလိုက် အပြုံလိုက် ပစ်သတ်ခံခဲ့ရတဲ့ ကော်လိုရာဒို ပြည်နယ် Aurora မြို့မှာ ရဲတွေနဲ့ သေနတ်သမားတဦး ထိပ်တိုက် ရင်ဆိုင် တိုးခဲ့ရပြီး တဲ့နောက် သေနတ်သမား အပါအ၀င် လူ ၄ ဦး သေဆုံး သွားပါတယ်။

စနေနေ့ ပစ်ခတ်မှု အတွင်း အိမ်တလုံးထဲမှာ အကာအကွယ်ယူထားတဲ့ သေနတ်သမားကို ရဲတွေက ၀င်ရောက် ရှင်းလင်းချိန်မှာ သေဆုံးခဲ့တာလို့လည်း ရဲတပ်ဖွဲ့က ပြောပါတယ်။ ဒါပေမဲ့လည်း သေနတ်သမား ကိုယ့်ကိုယ်ကို အဆုံးစီရင်ရာက သေဆုံးခဲ့တာ ဟုတ်မဟုတ် ဆိုတာကတော့ ရှင်းရှင်းလင်းလင်း မသိရပါဘူး။

အိမ်ထဲမှာတော့ နောက်ထပ် သေဆုံးနေသူ လူ ၃ ယောက်ကို တွေ့ရပြီး၊ ကျန်တယောက်ကတော့ ထိခိုက်မှုမရှိဘဲ ထွက်ပြေးလွတ်မြောက်ခဲ့တာပါ။ အခုနောက်ဆုံး ပစ်ခတ်မှု ဖြစ်ပွားတဲ့ Aurora မြို့ဟာဆိုရင် ပြီးခဲ့တဲ့နှစ် ဇူလိုင်လထဲ the Dark Knight Rises ဆိုတဲ့ လင်းနို့လူသား ရုပ်ရှင်ပြသခဲ့တဲ့ ရုံတရုံမှာ သေနတ်သမား တယောက် ၀င်ပစ်ခဲ့လို့ လူ ၁၂ ယောက်အထိ သေဆုံးပြီး ၅၈ ယောက်အထိ ဒဏ်ရာရခဲ့ဖူးတဲ့ မြို့လည်း ဖြစ်ပါတယ်။

ရုပ်ရှင်ရုံ ပစ်ခတ်မှုမှာ တုန်းကတော့ သေနတ်သမား James Holmes ဟာ ရုံထဲကို မျက်ရည်ယိုဗုံး ပစ်သွင်းပြီးမှ ပရိတ်သတ်တွေကို ပစ်ခတ်ခဲ့တာလို့ ရဲက ပြောပါတယ်။ သူ့ကိုတော့ လူသတ်မှု၊ လူသတ်ဖို့ ကြံစည်မှု၊ ဖောက်ခွဲရေးပစ္စည်း လက်ဝယ်ပိုင်ဆိုင်မှု စတဲ့ အမှုတွေ အပါအ၀င် အမှုပေါင်း ၁၄၂ မှုနဲ့ တရားစွဲဆိုထားပြီး၊ အမှုအတွက် ကြိုတင်ကြားနာမှုတွေကိုတော့ တနင်္လာနေ့မှာ စတင်ဖို့ စီစဉ်ထားတာလည်း ဖြစ်ပါတယ်။

အိန္ဒိယကျောင်းသူ သေဆုံးမှုအတွက် ဆန္ဒပြပွဲတွေ ထပ်မံဖြစ်ပွား

အုပ်စုလိုက် အဓမ္မပြုကျင့်မှုကြောင့် အိန္ဒိယကျောင်းသူ သေဆုံးခဲ့မှုအတွက် အမြန်ဆုံး အရေးယူပေးဖို့ တောင်းဆို ဆန္ဒပြနေကြသူများ။ (ဇန်န၀ါရီလ ၃ ရက်၊ ၂၀၁၂)

အိန္ဒိယနိုင်ငံမှာ အုပ်စုဖွဲ့ အဓမ္မကျင့်ခံလိုက်ရတဲ့ အမျိုးသမီးနဲ့အတူ အဖော်ပါလာတဲ့ အမျိုးသားက သူကိုယ်တိုင် ကြုံတွေ့ ခံစားခဲ့ရတဲ့ အခြေအနေတွေကို ပြန်ပြောပြခဲ့ပြီးတဲ့နောက် ဒီအပေါ် လူထုရဲ့ စိတ်ဝင်စားမှု နည်းနေတာနဲ့ ရဲတပ်ဖွဲ့ရဲ့ ကိုင်တွယ်ပုံ ညံ့ဖျင်းမှုတွေအပေါ် မကျေနပ်တာကြောင့် နယူးဒေလီမြို့မှာ စနေနေ့က ကန့်ကွက် ဆန္ဒပြပွဲတွေ ထပ်မံ ဖြစ်ပွားခဲ့ပါတယ်။ အဲဒီ အမျိုးသားရဲ့ ထွက်ဆိုချက်အပေါ် ရဲတပ်ဖွဲ့က လက်မခံပါဘူး။

သူတို့ကို ညှဉ်းပန်းနှိပ်စက်ပြီး လမ်းဘေးမှာ အ၀တ်အစားမပါဘဲ သွေးသံရဲရဲနဲ့ ပစ်ချထားခဲ့ပေမဲ့ ၂၅ မိနစ်ကျော်ကြာမှာ သူတို့ကို ကူညီဖို့ ရဲတွေ ရောက်လာတယ်လို့ အဓမ္မကျင့်ခံလိုက်ရတဲ့ အမျိုးသမီးရဲ့ မိတ်ဆွေက ပြင်သစ် သတင်းဌာနနဲ့ အိန္ဒိယအခြေစိုက် Zee တီဗွီ သတင်းဌာန တို့ကို သောကြာနေ့က ပြန်ပြောင်း ပြောပြခဲ့တာပါ။

ရဲတွေ ရောက်လာတဲ့အချိန်မှာလည်း ဒီအမှုကို ဖြေရှင်းဖို့ ဘယ်ရဲစခန်းရဲ့ အပိုင်း ဖြစ်တယ် ဆိုတဲ့အပေါ် အချင်းချင်း ငြင်းခုန်နေကြပြီး သူတို့ကို အနီးဆုံး ဆေးရုံကို ပို့မပေးဘူးလို့ ဥပဒေလမ်းကြောင်း အခြေအနေအရ အမည်နဲ့ ရုပ်ပုံ ဖော်ပြလို့မရနိုင်တဲ့ အဲဒီ အမျိုးသားက ပြောပါတယ်။

ရဲတပ်ဖွဲ့အနေနဲ့ အချိန်မီ အကူအညီပေးနိုင်ခဲ့တဲ့အကြောင်းနဲ့ သူတို့ထံ အကူအညီတောင်းတဲ့ ဖုန်းခေါ်ပြီး မိနစ် ၃၀ အတွင်း သူတို့နှစ်ဦးကို ဆေးရုံပို့ပေးလိုက်နိုင်တဲ့အကြောင်း ဒေလီရဲတပ်ဖွဲ့ရဲ့ ပူးတွဲ ရဲမင်းကြီး Vivel Gogia က စနေနေ့မှာ သတင်းထောက်တွေနဲ့ တွေ့ပြီး ရဲတပ်ဖွဲ့ရဲ့ ကိုင်တွယ်ပုံနဲ့ ပတ်သက်ပြီး ပြန်လည် ဖြေရှင်းခဲ့ပါတယ်။

မြန်မာစစ်သုံ့ပန်း ၃၀ KIA လွှဲပြောင်းမည်

မြန်မာနိုင်ငံမြောက်ပိုင်း ကချင်ပြည်နယ်တွင်းက စစ်မြေပြင်တွင် ကချင်စစ်သားများကို တွေ့ရစဉ်။ (ဖေဖော်ဝါရီလ ၁၅ ရက်၊ ၂၀၁၂)။

ကချင်ပြည်နယ်အတွင်းက KIA ကချင်လွတ်မြောက်ရေး တပ်တွေနဲ့ မြန်မာတပ်တွေအကြား ပြီးခဲ့တဲ့ တိုက်ပွဲတွေအတွင်း ကေအိုင်အေ ဘက်က ဖမ်းဆီးထားတဲ့ မြန်မာဘက်က တပ်နဲ့ ရဲ စုစုပေါင်း စစ်သုံ့ပန်း ၃၀ ကို ပြန်လွှတ်ပေးဖို့ မြန်မာအစိုးရနဲ့ ညှိနှိုင်း ဆောင်ရွက်နေတယ်လို့ သိရပါတယ်။ ၈၈ မျိုးဆက်ကျောင်းသား အဖွဲ့ကနေ တဆင့် ပြန်လွှတ်ပေးဖို့ စီစဉ်နေတာပါ။ စုံစမ်းမေးမြန်းထားတဲ့ ကိုသားညွန့်ဦးက တင်ပြထားပါတယ်။  

၈၈ မျိုးဆက် ကျောင်းသားအဖွဲ့က ကိုယ်စားလှယ်အချို့ ကချင်ဒေသ လိုင်ဇာကို သွားရောက်ပြီး၊ ကေအိုင်အေ ခေါင်းဆောင်တွေနဲ့ တွေ့ဆုံဆွေးနွေးပြီးတဲ့နောက် ဒီ အစီအစဉ် ဖြစ်လာတယ်လို့ ပြောရမှာပါ။ ကချင်ဘက်က ဖမ်းထားတဲ့ စစ်သုံ့ပန်း ၃၀ ပြန်လည် လွှဲပြောင်းဖို့ကိစ္စကို ၈၈ မျိုးဆက်ကျောင်းသားအဖွဲ့ကနေ အစိုးရ အာဏာပိုင်တွေဘက်ကို အကြောင်းကြား ညှိနှိုင်း ဆောင်ရွက်နေတယ်လို့ သိရပါတယ်။ ပြည်တွင်း ငြိမ်းချမ်းရေးရဖို့ သူတို့ ကြိုးပမ်း ဆောင်ရွက်ချက်တွေထဲက ဒါဟာ အစိတ်အပိုင်းတရပ် ဖြစ်ပြီး၊ ရှေ့ဆက် နှစ်ဘက် အပစ်အခတ်တွေ အရှိန်လျော့ကျသွားမယ်လို့တော့ မျှော်လင့်ထားတယ်လို့ ၈၈ မျိုးဆက်ကျောင်းသားအဖွဲ့ ခေါင်းဆောင် ကိုကိုကြီးက ဗွီအိုအေကို ပြောပါတယ်။

“ကေအိုင်အေ ဘက်မှာ ရောက်ရှိနေတဲ့ ထိန်းသိမ်းထားတဲ့ မြန်မာ တပ်မတော်သားတွေကို ပြန်ပြီး လွှဲပြောင်းပေးဖို့ ဆိုပြီးတော့ ကမ်းလှမ်းလာတဲ့ အပေါ်မှာ ကျနော်တို့က ဒီအပေါ်မှာ အပြုသဘောဆောင်တဲ့ ကမ်းလှမ်းချက်တွေ ဆက်ပြီး ထွက်ပေါ်လာဖို့အတွက်ပေါ့လေ၊ ဒါကို ကျနော်တို့ သက်ဆိုင်ရာ တာဝန်ရှိသူတွေနဲ့ ဆက်ပြီး ညှိနှိုင်း ဆောင်ရွက်နေပါတယ်။”

အဲဒါက ညှိနှိုင်းလို့ရတဲ့ သဘောမျိုးလား၊ ဒါမှမဟုတ် တဘက်က ကမ်းလှမ်းတာလား။ - 

“ကျနော်တို့က အရင်ကတည်းက ကေအိုင်အေ လက်ထဲမှာ ထိန်းချုပ်ထားတဲ့ မြန်မာ တပ်မတော်သားတွေ ရှိနေတယ် ဆိုတာကို ကျနော်တို့ ပထမ တခေါက်မှာကတည်းက သိခဲ့ရပါတယ်။ အခုကတော့ ကျနော်တို့ဆီကတဆင့် ပေါ့လေ၊ ဒီလိုမျိုး ပြန်ပြီး လွှဲပြောင်းပေးဖို့ ကမ်းလှမ်းလာတဲ့ အပေါ်မှာ ဒီဘက်က တပ်မတော်ဘက်ကလည်း စနစ်တကျ ဒါကို လွှဲပြောင်းလက်ခံနိုင်ဖို့အတွက် အဲဒီမှာရှိတဲ့သူတွေရဲ့ အမည်စာရင်း၊ တပ်ရင်းတပ်မတွေရဲ့ နံမည်ပေါ့လေ၊ အကုန်လုံး အဲဒါကို ကျနော်တို့ အချက်အလက် စုဆောင်းပြီးတော့ ဒီဘက် တာဝန်ရှိသူတွေကို ဆက်ပြီး ညှိနှိုင်းသွားမှာပါ။”

အဲဒါက ဖမ်းဆီးထားတဲ့ သူက အကုန်ပဲလား။ - 

“အခုဟာက ကျနော်တို့က အယောက် ၃၀ လို့ သိရတော့ အသေးစိတ်ကိုတော့ ကျနော်တို့ ကိုမြအေး တို့ ပြန်လာလာတဲ့ အခါကျတော့မှ ကျနော် ကိုမြအေး တို့နဲ့ ဆွေးနွေး ညှိနှိုင်းပြီးတော့ အခုနောက်ဆုံး သိခဲ့ရတဲ့ အချက်အလက်တွေနဲ့ ကျနော်တို့ ဒီမှာ တာဝန်ရှိသူတွေနဲ့ ဆက်ပြီးတော့ ညှိနှိုင်းသွားမှာပါ။”

အခုဟာက ကေအိုင်အေ နဲ့ မြန်မာအစိုးရကြားမှာ ရှိနေတဲ့ တင်းမာမှုကို ဘာပဲဖြစ်ဖြစ် ၈၈ က ၀င်လုပ်ပေးတော့ သုံ့ပန်းတွေ ပြန်လွတ်လာတယ်။ နောက် ရှေ့ဆက်ပြီးတော့ရော ဘယ်လောက်ထိ ကြားဝင် ဆောက်ရွက်သွားနိုင်မယ့် အလားအလာ ရှိလဲ။ - 

“ငြိမ်းချမ်းရေး ဖြစ်စဉ် ဆိုတာက အင်မတန် သိမ်မွေ့ပါတယ်။ နောက်တခုကလည်း ဒီ တိုင်းရင်းသား တန်းတူညီမျှရေး၊ ပြည်တွင်းစစ် ဆိုတဲ့ ကိစ္စကြီးကလည်း ကျနော်တို့  အသက်ထက် ကြီးတယ်၊ ဒီဖြစ်လာတဲ့ ကာလကြီးက။ အဲဒီတော့ အခု ကျနော်တို့ ခေတ်၊ ကျနော်တို့ အချိန်မှာ တတ်နိုင်သလောက် ကိုယ်စွမ်းဉာဏ်စွမ်း ရှိသလောက် ၀င်ပြီး ဆောင်ရွက်တဲ့နေရာမှာ အတတ်နိုင်ဆုံး သတင်းအချက်အလက် ပြည့်ပြည့်စုံစုံ သိဖို့ အရေးကြီးပါတယ်။ အဲဒီတော့ ကျနော်တို့က ကေအိုင်အေ ဘက်က အမြင်သဘောထားတွေ၊ လူထုရဲ့ ခံစားချက်တွေ၊ နောက် မြေပြင် အခြေအနေပေါ့လေ၊ နောက်တခါ ဒေသခံပြည်သူတွေရဲ့ သူတို့ရဲ့ ဆန္ဒ၊ သဘောထားတွေ၊ နောက် တပ်မတော်ဘက်က အမြင် သဘာထားတွေ၊ အဲဒါတွေ အားလုံးကို ပြည့်ပြည့်စုံစုံ လေ့လာနိုင်မှ ကျနော်တို့ ငြိမ်းချမ်းရေး ဖြစ်စဉ်က ပိုပြီး ချောမွေ့မယ်လို့ နားလည်တယ်။ ကျနော်ကတော့ အပြစ်မဲ့ အရပ်သားတွေ ဒုက္ခရောက်တာကို ရှောင်နိုင်ဖို့ကတော့ အနိမ့်ဆုံးအဆင့်ကတော့ ကျနော်တို့ ဒီအချိန်မှာ စစ်တွေ လျှော့ရမယ်။ နိုင်ငံရေး ဆွေးနွေးပွဲတွေ ပြန်ပြီး စတင်နိုင်ဖို့ အတွက်ကို ကျနော်တို့ နှစ်ဘက်စလုံးကို တိုက်တွန်းသွားမှာပါ။ ယာယီ စစ်တွေ လျှော့ချတဲ့အဆင့်ကနေပြီးတော့ အပစ်အခတ် ရပ်စဲတဲ့အဆင့်၊ နိုင်ငံရေး ဆွေးနွေးတဲ့အဆင့်၊ နောက်ဆုံး ကျနော်တို့ ဆွေးနွေးတဲ့ ရလဒ်တွေကို အားလုံး ပါဝင်ပြီး ညှိနှိုင်း ဖြေရှင်းနိုင်တဲ့၊ အများပါဝင်တဲ့ နိုင်ငံရေး ဆွေးနွေးပွဲကြီး ညီလာခံကြီး အဆင့်အထိ အဆင့်ဆင့် ဆောင်ရွက်သွားရမှာ ဖြစ်တဲ့အတွက်ကြောင့် ကျနော်တို့က ပဋိပက္ခမှာ ပါဝင်နေတဲ့ သူတွေအားလုံးက ကိုယ့်ရဲ့ စိတ်ခံစားမှုတွေကို ထိန်းချုပ်ပြီးတော့ လက်တွေ့ကျကျနဲ့ အပြစ်မဲ့ပြည်သူတွေ ထိခိုက်ဒဏ်ရာရမှု အနည်းဆုံး ဖြစ်အောင် ၀ိုင်းဝန်းကြိုးစားကြဖို့ ကျနော် အဓိက တိုက်တွန်း ချင်တာပါ။” ကချင်ဘက်က စစ်သုံ့ပန်း ၃၀ ပြန်လွှတ်ပေးဖို့ ကမ်းလှမ်းထားတာကို အစိုးရဘက်က လက်ခံ ရရှိထားတယ်လို့ အစိုးရနဲ့ နီးစပ်တဲ့ အသိုင်းအ၀ိုင်းက ပြောပါတယ်။ ၈၈ မျိုးဆက်ကျောင်းသား အဖွဲ့ကနေ ၀န်ကြီးဦးအောင်မင်း ဦးဆောင်တဲ့ ငြိမ်းချမ်းရေး ဗဟိုဌာနကို ဆက်သွယ် အကြောင်းကြားလာတာကြောင့်၊ အာဏာပိုင်တွေဘက်က လက်ခံဖို့ ညှိနှိုင်း ပြင်ဆင်နေတယ်လို့ သိရပါတယ်။ ဒါပေမဲ့ အရင်တုန်းကလည်း ကေအိုင်အေဘက် ၀န်ကြီးဦးအောင်မင်းကို စစ်သုံ့ပန်း ၂၀ ကျော် လွှတ်ပေးဖို့ ကမ်းလှမ်းခဲ့ဖူးပြီး၊ နောက်ပိုင်းမှာ လက်တွေ့ ဖြစ်မလာခဲ့ဘူးလို့လည်း သိရပါတယ်။ ကချင်ပြည်နယ် ဘက်မှာတော့ မနေ့ကတည်းက တိုက်ပွဲအခြေအနေတွေ အတန်ငယ် လျော့ပါးလာတယ်လို့ သိရပါတယ်။

KNU နဲ့ သမ္မတ ဦးသိန်းစိန် တွေ့ဆုံ

မြန်မာသမ္မတ ဦးသိန်းစိန် နဲ့ ကရင်အမျိုးသား အစည်းအရုံး (KNU) ခေါင်းဆောင်များ တွေ့ဆုံခဲ့ကြစဉ်။ (ဇန်န၀ါရီလ ၁ ရက်၊ ၂၀၁၃)။

နိုင်ငံတော်သမ္မတ ဦးသိန်းစိန်နဲ့ ကရင်အမျိုးသားအစည်းအရုံး ကေအန်ယူ ဥက္ကဋ္ဌ ဗိုလ်ချုပ်ကြီးစောမူတူးဆေးဖိုးတို့ နေပြည်တော်မှာ ဒီကနေ့ တွေ့ဆုံခဲ့ကြပါတယ်။ အခုလို တွေ့ဆုံတဲ့အခါမှာ ကေအန်ယူ နဲ့ ပြည်ထောင်စု အစိုးရကြား ငြိမ်းချမ်းရေး ခိုင်မာဖို့ ဆွေးနွေးမှုတွေ ရှိခဲ့သလို ပြည်တွင်းမှာ တိုင်ပွဲတွေဖြစ်နေတဲ့ ကေအိုင်အေနဲ့ ငြိမ်းချမ်းရေး ပြုလုပ်တဲ့အခါ ကေအန်ယူက ကူညီကြဖို့ နိုင်ငံတော်သမ္မတ က ပန်ကြား ခဲ့ကြောင်း ကေအန်ယူ ဗဟိုအလုပ်မှုဆောင်အဖွဲ့ဝင် တစ်ဦးက ပြောပါတယ်။ ဒီအကြောင်း အပြည့်အစုံကိုတော့ ဆက်သွယ် မေးမြန်းထားတဲ့ ဗွီအိုအေ သတင်းထောက် ကိုအောင်ရဲမောင်မောင်က တင်ပြထားပါတယ်။

နေပြည်တော်မှာ နိုင်ငံတော်သမ္မတရဲ့ ဖိတ်ကြားချက်နဲ့ ရောက်ရှိနေတဲ့ ကေအန်ယူ ခေါင်းဆောင် ပိုင်းတွေဟာ ဒီကနေ့မှာ နိုင်ငံတော် သမ္မတနဲ့ တွေ့ဆုံဆွေးနွေးမှုတွေ ပြုလုပ်ခဲ့ကြတာပါ။ ခုလို တွေ့ဆုံဆွေးနွေးမှုတွေ ပြုလုပ်တဲ့အခါမှာ ကေအန်ယူနဲ့ ထာဝရငြိမ်းချမ်းရေး ရဖို့နဲ့ ရရှိထားတဲ့ ငြိမ်းချမ်းရေးကိုလည်း အစဉ်တည်မြဲဖို့ ဆွေးနွေးမှုတွေ ပြုလုပ်ခဲ့ကြတယ်လို့ ကေအန်ယူ ဗဟိုအလုပ်မှုဆောင် ဖဒိုမန်းငြိမ်းမောင်က ပြောပါတယ်။

“ဒီနေ့ ကျနော်တို့ သမ္မတကြီးနဲ့ တွေ့ဆုံဆွေးနွေးရတာ အင်မတန်မှ ကောင်းပါတယ်ခင်ဗျ။ ကျနော်တို့ နှစ်ဦးနှစ်ဘက် ပွင့်ပွင့်လင်းလင်း ဆွေးနွေးကြတဲ့အခါကျတော့ ကျနော်တို့ ရှေ့သွားမယ့် ငြိမ်းချမ်းရေး ခရီးစဉ်တွေ၊ အပစ်အခတ် ရပ်စဲရေး ခိုင်မြဲအောင် ကျနော်တို့ လုပ်မယ်၊ ငြိမ်းချမ်းရေး ခရီးစဉ်တွေကို ကျနော်တို့ အခက်အခဲ၊ ဘယ်လို စိန်ခေါ်မှု၊ စမ်းသပ်မှုတွေ ဖြစ်ဖြစ် နှစ်ဦးနှစ်ဘက် ပူးပေါင်းပြီးတော့ ဆောင်ရွက်သွားမယ် ဆိုပြီးတော့ အဲဒီလို အမြင်ချင်း တူကြပါတယ်ခင်ဗျ။”

ကေအန်ယူ နဲ့ ငြိမ်းချမ်းရေး အစဉ် တည်မြဲဖို့ ဆွေးနွေးချိန်မှာပဲ ပြည်တွင်းမှာ ငြိမ်းချမ်းရေး မရဘဲ အပစ်အခတ်တွေ ရှိနေတဲ့ ကချင် ကေအိုင်အေ နဲ့ ငြိမ်းချမ်းရေး ညှိနှိုင်းရာမှာလည်း ကေအန်ယူ အနေနဲ့ ကူညီဖို့ နိုင်ငံတော် သမ္မတက ပန်ကြားခဲ့တယ်လို့လည်း ဖဒိုမန်းငြိမ်းမောင်က ပြောပါတယ်။

“အစိုးရဘက်ကလည်း ကျနော်တို့ကို အကူအညီ တောင်းပါတယ်။ ကချင်နဲ့ ပဋိပက္ခဖြစ်စဉ် ဖြစ်တဲ့အပေါ်မှာ ကေအန်ယူ ကရင်အမျိုးသား အစည်းအရုံး အနေနဲ့ ကျနော်တို့ ၀ိုင်းဝန်ပြီးတော ဒါကိုတော့ ကျနော်တို့ရဲ့ လုပ်အားတွေကို အကူအညီ တောင်းခံပါတယ်၊ နိုင်ငံတော် သမ္မတကြီးက။ ဒီအပေါ်မှာ ကျနော်တို့ကလည်း ဘ၀တူ ညီနောင် တိုင်းရင်းသားတွေရဲ့ အခက်အခဲတွေ၊ ဒုက္ခသုက္ခတွေကို ကျနော်တို့ တထောင့်တနေရာကနေ ၀ိုင်းဝန်းဖြေရှင်းဖို့ ဆိုပြီးတော့ ကျနော်တို့ ကေအန်ယူ ဥက္ကဋ္ဌ ကလည်း သဘောထား ပေးပါတယ်ခင်ဗျ။”

၁ နှစ်ကျော်ကြာ အပစ်ရပ်စဲထားပြီးဖြစ်တဲ့ ကေအန်ယူ နဲ့ ဒီကနေ့ တွေ့ဆုံပွဲဟာ အတော်ပဲ ခရီးရောက်ခဲ့တယ်လို့ မြန်မာနိုင်ငံ ငြိမ်းချမ်းရေး ဖော်ဆောင်မှုစင်တာက အကြံပေး ဦးလှမောင်ရွှေက ပြောပါတယ်။

“ကေအန်ယူ (၁၅) ကြိမ်မြောက် ကွန်ဂရက်ကနေပြီးတော့ ကျနော်တို့ ရွေးချယ်ပစ်လိုက်တဲ့ ဥက္ကဋ္ဌကြီး မူတူးဆေးဖိုးနဲ့ အဖွဲ့ဝင် ၆ ဦး ပါတဲ့ အဖွဲ့ကနေပြီးတော့မှ ဒီကနေ့ ၄ နာရီမှာ နိုင်ငံတော်သမ္မတ အဆောက်အဦးမှာ တွေ့ပါတယ်။ အဲဒီတော့ ညနေ ၄ နာရီကနေ ၅ နာရီခွဲအထိ တနာရီခွဲကြာ တွေ့ပါတယ်။ အဲဒီတော့ စစချင်း၊ တွေ့ဆုံပွဲ အခမ်းအနားမှာ ကေအန်ယူ ဥက္ကဋ္ဌ ကနေပြီးတော့ နှစ်သစ်ကူးမှာ ငြိမ်းချမ်းရေး လုပ်ငန်းတွေ သမ္မတကြီးအနေနဲ့ ပိုမို ဆောင်ရွက်ချင်တဲ့ အပေါ်မှာ၊ ကရင်ရိုးရာ သင်တိုင်း အပြာရောင်ပေါ့နော်၊ ငြိမ်းချမ်းရေး အထိန်းအမှတ် အပြာရောင်ကို သူကိုယ်တိုင် သမ္မတကြီးကို ၀တ်ဆင်ပေးပါတယ်။ အဲဒါပြီးတော့မှ သူတို့ ဆွေးနွေးပွဲတွေ စပါတယ်။”

ပြည်ထောင်စုအဆင့် ငြိမ်းချမ်းရေး ဖော်ဆောင်မှု ကိစ္စတွေ နိုင်ငံရေး စကားပြောတာတွေကိုပါ လုပ်ဆောင်ဖို့ အလွန်ပဲ နီးစပ်နေပြီလို့လည်း ဖဒိုမန်းငြိမ်းမောင်က ပြောပါတယ်။နယ်မြေဒေသ တည်ငြိမ်နေပြီဖြစ်တဲ့ ကရင်ပြည်နယ်အတွင်းမှာ ဒေသတွင်း ဖွံဖြိုးရေးတွေကို မကြာမီ လုပ်ဆောင်ဖို့ရှိတယ် လို့လည်း ကေအန်ယူ ခေါင်းဆောင်ပိုင်းတွေက ပြောပါတယ်။ဒီကနေ့ တွေ့ဆုံပွဲဟာ အချိန် ၁ နာရီ ကျော် ကြာမြင့်ခဲ့ပြီး နိုင်ငံတော်သမ္မတနဲ့ ရင်းရင်နှီးနှီး ပွင့်ပွင့်လင်းလင်း စကားတွေ ပြောနိုင်ခဲ့လို့ အလွန် ၀မ်းသာမိတဲ့အကြောင်း ဖဒို မန်းငြိမ်းမောင် က ပြောပါတယ်။

ဒီကနေ့ နိုင်ငံတော်သမ္မတနဲ့ ကေအန်ယူ ခေါင်းဆောင် ဗိုလ်ချုပ်ကြီး စောမူတူးဆေးဖိုး တွေ့ဆုံပွဲ မှာ ကေအန်ယူဘက်က ထိပ်တန်း ခေါင်းဆောင်ပိုင်းတွေနဲ့ ပြည်ထောင်စု အစိုးရဘက်က သမ္မတရုံးဝန်ကြီး ဦးအောင်မင်း၊ ဦးစိုသိန်း၊ ဦးခင်ရီ တို့ အပါအ၀င် မြန်မာငြိမ်းချမ်းရေးဖော်ဆောင်မှု စင်တာက တာဝန်ရှိသူတွေလည်း တက်ရောက်ခဲ့တာကို တွေ့ရပါတယ်။

ရခိုင်မှာ ငါးဖမ်းလေလံပယ်ဖျက်

 ငါးဖမ်းလေလံ စနစ်ကြောင့် ဒေသခံတွေ ထိခိုက်

ရခိုင်ပြည်နယ် အတွင်း ပင်လယ်၊ မြစ်ချောင်း အင်းအိုင်တွေကို ငါးဖမ်းကွက် သတ်မှတ်ပြီး လေလံပစ်တာ ကို ၂၀၁၃-၁၄ ဘဏ္ဍာရေး နှစ်ကစပြီး မလုပ်တော့ဘူးလို့ ပြည်နယ် လွှတ်တော်က ဆုံး ဖြတ်လိုက်ပြီ လို့ သိရပါတယ်။

၁၉၈၈ တပ်မတော် အစိုးရ အာဏာရချိန် ကစပြီး ရခိုင်ပြည်နယ် အတွင်း ပင်လယ် မြစ်ချောင်း အင်းအိုင်တွေကို ငါးဖမ်းကွက် လုပ်ကွက်တွေ အပိုင်းလိုက် သတ်မှတ်ကာ စီးပွားရေး လုပ်ငန်းရှင်တွေကို နှစ်အလိုက် လေလံပစ် ဌားရမ်း လုပ်ကိုင်ခွင့် ပြုတဲ့ စနစ်ကို လာမယ့် ဘဏ္ဍာရေးနှစ် ကစပြီး ကင်းလွတ်ခွင့်ပြုဖို့ ရခိုင်ပြည်နယ် လွှတ်တော်က ဆုံးဖြတ်လိုက်ပြီ ဖြစ်ပါတယ်။

ရေပြင် ငါးဖမ်းကွက်တွေကို လေလံ ပေးတဲ့ စနစ်ကြောင့် ဒေသခံ ရခိုင် ငါးဖမ်းသမားတွေ အကြီးအကျယ် ဆင်းရဲဒုက္ခ ရောက်ခဲ့ ပါတယ်။

လေလံ စနစ်ကြောင့် ငါးဖမ်းသမားတွေ အနေနဲ့ လွတ်လပ်စွာ ငါးဖမ်းခွင့် မရတော့ဘဲ လေလံရသွားတဲ့ စီးပွားရေး သမားတွေဆီမှာ ငါးဖမ်းလှေ တစီးကို ပိုက်ဆံ ဘယ်လောက်၊ ငါးဖမ်းပိုက် တလက်ကို ဘယ်လောက် စသည်ဖြင့် ပိုက်ဆံတွေ ပေးသွင်းပြီး ငါးဖမ်းခဲ့ကြရပါတယ်။ ဒေသခံ ရခိုင်ပြည်သူတွေ မြစ်ချောင်းထဲ ဆင်းပြီး တနပ်စာ ငါးရှာစားလို့ မရတဲ့ အထိ ဖြစ်နေကြရပါတယ်။

ခုလို လေလံပေးတဲ့ စနစ်ကို ဖျက်သိမ်းလိုက်တဲ့ အတွက် ကြိုဆိုတယ်လို့ ဒေသတွင်း လူမှုရေး လှုပ်ရှားသူ ဦးကောင်းစံလှက ပြောပါတယ်။

ဒီလို လွှတ်တော်က ရေလုပ်ငန်း လေလံ စနစ်ကို ဖျက်သိမ်းလိုက်တဲ့ အတွက် ငါးလုပ်ငန်းရှင်တွေ ရေလုပ်ငန်း ဦးစီးဌာနကိုသာ အခွန်ဆောင် ကြရတော့မှာ ဖြစ်ပြီး ရခိုင် ပြည်သူတွေ ဧပြီလက စပြီး မြစ်ချောင်း အင်းအိုင်တွေမှာ ယခင်လို လွတ်လပ်စွာ ငါးဖမ်းခွင့် ရကြတော့မှာ ဖြစ်ပါတယ်။

အိန္ဒိယက မုဒိမ်းကျင့်သူတွေကို ရုံးထုတ်တော့မယ်

အမျိုးသမီးတွေ အကာအကွယ် ပိုရရေး အတွက် တရားရုံး ရှေ့မှာ ဆန္ဒပြနေ ကြပါတယ်

အိန္ဒိယ နိုင်ငံမှာ မကြာသေးခင်က ဆေးကျောင်းသူ တဦးကို ဘတ်စကား ပေါ်မှာ အုပ်စုလိုက် မုဒိမ်း ကျင့်ခဲ့ပြီး သတ်ဖြတ် ခဲ့မှုနဲ့ စွပ်စွဲ ခံထား ရသူ ငါးဦးကို ဒေလီမြို့ တရားရုံး တခု ကနေ တနင်္လာနေ့မှာ ရုံးထုတ် မယ်လို့ အမိန့် ထုတ်ပြန် လိုက်ပါတယ်။

သေဆုံးသွားခဲ့သူ ဆေးကျောင်းသူရဲ့ သူငယ်ချင်း ဖြစ်သူ အမျိုးသား တဦးနဲ့ မေးမြန်း ထားချက်ကို ထုတ်လွှင့် ခဲ့တဲ့ သတင်းဌာနကို ရဲကနေ စုံစမ်း စစ်ဆေးမှုတွေ ပြုလုပ် နေပါတယ်။

သူငယ်ချင်း ဖြစ်သူ အမျိုးသား ဟာလည်း အဲဒီ မတရား ပြုကျင့်တဲ့ အချိန်တုန်းက ဘတ်စကား ပေါ်မှာ ရိုက်ပုတ် ခံခဲ့ရတာ ဖြစ်ပြီး၊ သူက ဒီဖြစ်ရပ်နဲ့ ပတ်သက်ပြီး ဘယ်လောက်ထိ ခံစားခဲ့ရတယ် ဆိုတာကို ပြောကြား ခဲ့တာ ဖြစ်ပါတယ်။

ဘတ်စကားပေါ်မှာ ပါလာတဲ့ ဒီလူတွေဟာ သံတုတ်တွေနဲ့ ရိုက်နှက်ကာ၊ မိန်းကလေး ကိုတော့ ကားရှေ့ တရွတ်တိုက် ဆွဲခေါ်သွားပြီး၊ မတရား ပြုကျင့်ခဲ့တာ ဖြစ်တယ် လို့ သူက ရှင်းပြပါတယ်။

ဒီလူ တွေကို ပြန်ချဖို့ ကြိုးစား ပေမယ့် နောက်ဆုံး မှာတော့ သူလည်း သတိမေ့ သွားခဲ့တယ်လို့ ပြောပါတယ်။ အနီး အနားက ဖြတ်သွား သူတွေ ဟာလည်း အကူ အညီ မပေးခဲ့ ဘူးလို့ ဆိုပါတယ်။ နောက်ပြီး ရဲကလည်း သူတို့ကို ဆေးရုံ ပို့ဖို့ နောက်ကျ ခဲ့တယ်လို့ ပြောပါတယ်။

ဒါပေမယ်လို့ ဒေလီရဲ ကတော့ သတင်းရ တယ်ဆိုရင်ပဲ ၁၀ မိနစ် အတွင်း ရဲကား နှစ်စီးဟာ အခင်း ဖြစ်တဲ့ နေရာကို ရောက်ရှိခဲ့ပြီး၊ ထိခိုက် ဒဏ်ရာ ရသူတွေကို ဆေးရုံပို့ခဲ့တာ ဖြစ်တယ်လို့ ပြောပါတယ်။

အခုလို မိန်းကလေးရဲ့ သူငယ်ချင်းက သတင်းဌာနကို ဖွင့်ချ လိုက်တာကြောင့်၊ အဓမ္မ ပြုကျင့် ခံရသူ မိန်းကလေးဟာ ဘယ်သူ ဘယ်ဝါ ဖြစ်တယ် ဆိုတာကို ဖေါ်ထုတ် လိုက်သလို ဖြစ်သွား နိုင်ပြီး၊ အဲဒီလို ဖြစ်ခဲ့ ရင်တော့ ဒါဟာ ဥပေဒ ချိုးဖေါက်ရာ ရောက်တယ်လို့ ရဲက ပြောပါတယ်။

အငြင်းပွားဖွယ်တွေနဲ့ ဗင်နီဇွဲလားသမ္မတ ကျမ်းကျိန်ပွဲ

သမ္မတရှာဗက်ဇ် ကြာသပတေးနေ့ ကျမ်းသစ္စာကျိန်ဆိုပွဲ မတက်ရင် ဘာဖြစ်မလဲ ဆိုတာဟာ စိတ်ဝင်စားစရာပါ။

ဗင်နီဇွဲလားနိုင်ငံမှာ သမ္မတ ဟူဂို ရှာဗက်ဇ်ဟာ ကင်ဆာရောဂါနဲ့ အပြင်းအထန် ခံစားနေရတဲ့အတွက် လာမယ့် ကြာသပတေးနေ့မှာ ကျင်းပမယ့် သူရဲ့ လေးကြိမ်မြောက်အဖြစ် နောက်တကြိမ် ခြောက်နှစ် သမ္မတသက်တမ်းအတွက် ကျမ်းသစ္စာ ကျိန်ဆိုပွဲကို မတက်ရောက်နိုင်ဘဲ ရှိနေတာမို့ အတိုက်အခံတွေကတော့ ရွေးကောက်ပွဲ ပြန်ကျင်းပပေးဖို့ တောင်းဆိုနေပါတယ်။

သမ္မတရှာဗက်ဇ်ရဲ့ လက်ထောက်ဖြစ်တဲ့ ဗင်နီဇွဲလားရဲ့ ဒုတိယသမ္မတ နီကိုလက်စ် မက်ဒူရိုကတော့ တရားလွှတ်တော်ချုပ်က ကြားဝင် ဆောင်ရွက်လိုက်ရင် သမ္မတ ပြန်ကျန်းမာလာတဲ့အခါ ကျမ်းသစ္စာ ပြန်ကျိန်နိုင်ပါတယ်လို့ ပြောပြီး ရွေးကောက်ပွဲ ပြန်ကျင်းပရမယ်လို့ တောင်းဆိုတဲ့ အတိုက်အခံတွေရဲ့ လိုလားချက်ကို ပယ်ချလိုက်ပါတယ်။

လက်တလောမှာတော့ သမ္မတ ရှာဗက်ဇ်ဟာ သူ့ကင်ဆာရောဂါကို ကျူးဘားနိုင်ငံမှာ ကုသနေပြီး၊ နောက်ဆုံး အကြိမ်အဖြစ် ခွဲစိတ်ကုသခံယူမှုကနေ နာလံထူဖို့ ကြိုးစားနေရပါတယ်။ သမ္မတဟာ ခွဲစိတ်ကုသပြီးနောက်ပိုင်း လူထုမြင်ကွင်းကနေ ပျောက်နေတာ အခုဆို သီတင်းသုံးပတ်တောင် ရှိနေခဲ့ပြီ ဖြစ်ပါတယ်။

အကဲခတ်တွေကတော့ သမ္မတ ရှာဗက်ဇ် ကြာသပတေးနေ့မှာ ကိုယ်တိုင်ကိုယ်ကျ ကျမ်းသစ္စာ မကျိန်ဆိုခဲ့ရင်ဆိုတဲ့ အမြင်အမျိုးမျိုး ရှိနေကြပါတယ်။ အတိုက်အခံတချို့က သမ္မတတာဝန် ထမ်းဆောင်မယ့်သူက ကျူးဘား ရောက်နေတော့ တိုင်းပြည်အုပ်ချုပ်မှု တာဝန်တွေကို လွှတ်တော်ဥက္ကဌဆီ ယာယီလွှဲထားပြီး တလအတွင်း ရွေးကောက်ပွဲခေါ်ယူဖို့ ပြောဆိုကြပါတယ်။

ဒုတိယသမ္မတ မက်ဒူရိုကတော့ သမ္မတကျမ်းသစ္စာကျိန်ဆိုပွဲ တရားဝင် အခမ်းအနားကို တရားလွှတ်တော်မှာ နောက်ပိုင်းကျင်းပလို့ ရတယ်၊ သမ္မတဟာ အခြေခံဥပဒေအရဆိုရင် နာမကျန်းဖြစ်နေပေမယ့် သမ္မတသာ ဖြစ်တယ်လို့ပဲ ခိုင်ခိုင်မာမာ ပြောဆိုနေပါတယ်။  

စစ်ကျန် လေယာဉ်တွေ ရှာတော့မယ်

စပစ်ဖိုင်းယား လေယာဉ်တွေနဲ့ ဒေးဗစ် ကန်ဒဲလ်

ဒုတိယ ကမ္ဘာစစ်ကြီး ပြီးစက ဗြိတိသျှ တပ်တွေ မြှုပ်သွားခဲ့တယ် လို့ ယူဆ နေကြတဲ့ စပစ်ဖိုင်းယား လေယာဉ်တွေကို တူးဖော်ဖို့ ဗြိတိသျှ ကျွမ်းကျင် ပညာရှင် အဖွဲ့တဖွဲ့ မြန်မာပြည်ကို သွားနေပြီ ဖြစ်ပါတယ်။

ရှာဖွေရေး အဖွဲ့မှာ သိပ္ပံ ပညာရှင်တွေ၊ ရှေးဟောင်း သုတေသီတွေနဲ့ အသက် ၉ဝ ကျော် ဗြိတိသျှ စစ်ပြန်ကြီး တယောက် ပါဝင်ပြီး မင်္ဂလာဒုံ လေဆိပ်မှာ တူးဖော်မှုတွေ စတော့မယ်လို့ ခန့်မှန်းရပါတယ်။

စစ်ပြန်ကြီး မစ္စတာ စတန်လီ ကုမ်းဟာ မြန်မာပြည် စစ်မြေပြင်မှာ ပါဝင်ခဲ့ပြီး ဒီလေယာဉ်တွေ မြေမြှုပ်တာကို တွေ့ခဲ့ရသူလို့ ဆိုပါတယ်။

တောထဲမှာ လေယာဉ်ပျံနဲ့ အပိုင်းအစတွေ ၁၂၄ စီးလောက် မြှုပ်ထားနိုင်တယ်လို့လဲ မျှော်လင့်ကြပါတယ်။

လေယာဉ်ဝါသနာရှင် ဗြိတိသျှ လယ်သမားကြီး ဒေးဗစ် ကန်ဒဲလ်က ဦးဆောင် ကြိုးပမ်းခဲ့တာ ဖြစ်ပြီး သူက လေယာဉ်တွေ ရှိနိုင်မယ့် နေရာကို ၁၇ နှစ် တိုင်တိုင် လိုက်လံ ခြေရာခံခဲ့ ပါတယ်။

ဒုတိယ ကမ္ဘာစစ် အပြီး ၁၉၄၅ ခုနှစ်မှာ ဒီလေယာဉ်တွေ သုံးဖို့ မလိုတော့ဘူး ဆိုပြီး မဟာမိတ် စစ်ဦးစီးချုပ် လော့ဒ် မောင့်ဘက်တန် အမိန့်နဲ့ မြေမြှုပ်ပစ်ခဲ့တာ ဖြစ်ပါတယ်။

လေယာဉ်တွေကို သေတ္တာကြီးတွေနဲ့ ထည့်မြှုပ်နှံ ထားခဲ့တယ်လို့ သူက ယုံကြည်ပါတယ်။

လေယာဉ်တွေ တူးဖော်ရေး ကနေ ဗြိတိန် မြန်မာ ချစ်ကြည်ရေး ခိုင်မြဲစေလို ကြောင်း ဒေးဗစ် ကန်ဒဲလ်က ပြောကြားပါတယ်။