01.02.2013 နေ့ဖတ်ရန်သတင်းများ

by Myanmar Journal on Thursday, January 31, 2013 at 4:28pm ·

မြန်မာ့ပြုပြင်ပြောင်းလဲရေး HRW စိုးရိမ်

Human Rights Watch Logo
မြန်မာနိုင်ငံရဲ့ ရှေ့ဆက်သွားနေ တဲ့ ပြုပြင်ပြောင်းလဲရေးတွေ အပေါ်မှာ စိုးရိမ်ပူပန်မှုတွေ ရှိနေတယ်လို့ HRW လူ့အခွင့်အရေး စောင့်ကြည့်လေ့ လာရေး အဖွဲ့ကြီးက ပြောလိုက် ပါတယ်။ မြန်မာနိုင်ငံရဲ့ လက်ရှိ ပြုပြင်ပြောင်းလဲမှုတွေဟာ နိုင်ငံတကာရဲ့ ပိတ်ဆို့ဒဏ်ခတ်မှုတွေ ရုပ်သိမ်းသွားစေရုံလောက်ပဲ လုပ်တဲ့ ပြုပြင်ပြောင်းလဲမှုတွေအဖြစ် မြင်တယ်လို့
HRW ရဲ့  အာရှဆိုင်ရာ တာဝန်ရှိသူက VOA မြန်မာပိုင်းကို ပြောဆိုခဲ့တာဖြစ်ပါတယ်၊ ၂၀၁၂ ခုနှစ်ဆိုင်ရာ HRW ရဲ့ လူ့အခွင့်အရေးအစီရင်ခံစာမှာ မြန်မာနိုင်ငံအခြေအနေနဲ့ ပါတ်သက်လို့ HRW ကို ကိုကျော်သိင်္ခက ဆက်သွယ်မေးမြန်းထားတယ်ဆိုတော့ အကြောင်းစုံကို သိအောင် ပြောပြပေးပါ။
မြန်မာနိုင်ငံရဲ့ လူ့အခွင့်အရေးတိုးတက်မှုအခြေအနေဟာ နိမ့်ကျနေဆဲပဲလို့ ၂၀၁၂ ခုနှစ်အတွက် HRW လူ့အခွင့်အရေးစောင့်ကြည့်လေ့လာရေးအဖွဲ့ ကြီးက ထုတ်ပြန်တဲ့ အစီရင်ခံစာမှာ ဖော်ပြထားပါတယ်။ မြန်မာပြည်အရှေ့ဘက်ခြမ်းက တိုင်းရင်းသား လက်နက်ကိုင်အုပ်စုတွေ နဲ့ အပစ်အခတ်ရပ်စဲရေး သဘောတူညီမှုရရှိခဲ့ပြီးနောက်၊ အဲဒီဒေသတွေက မြန်မာအစိုးရတပ်တွေ နဲ့ တိုင်းရင်းသား လက်နက်ကိုင် အုပ်စုတွေအကြား တိုက်ခိုက်မှုတွေ လျော့ပါးသွားခဲ့ပေမယ့် မြန်မာ နိုင်ငံမြောက်ပိုင်း ကချင်ပြည်နယ်မှာတော့ မြန်မာ အစိုးရတပ်တွေနဲ့ KIA တပ်တွေအကြား တိုက်ပွဲတွေက ဆက်ပြီ်း ပြင်းထန်နေဆဲပဲလို့ အစီရင်ခံစာ မှာ ဖော်ပြထားပါတယ်။ ကချင်ပြည်နယ်အတွင်း တိုက်ပွဲတွေကြောင့် ထွက်ပြေးတိမ်းရှောင်နေကြရတဲ့ ဒုက္ခသည်တွေကို ကူညီဖို့ နိုင်ငံတကာ ကြက်ခြေနီအဖွဲ့အစည်းတွေ နဲ့ ကုလသမဂ္ဂဆိုင်ရာ အဖွဲ့ အစည်းတွေ၊ ဒုက္ခသည်တွေဆီ သွားရောက်ကူညီခွင့်ကိုလည်း မြန်မာအစိုးရဘက်က ခွင့်မပြုခဲ့ဘူးလို့လည်း HRW လူ့အခွင့်အရေး စောင့်ကြည့်လေ့လာရေးအဖွဲ့ရဲ့ အာရှရေးရာတာဝန်ရှိသူ John Fifton က ပြော ပါတယ်။

“ရခိုင်ပြည်နယ်မှာ ဖြစ်ပွားခဲ့တဲ့ ပဋိပက္ခတွေ အပေါ် တုံပြန်ဖြေရှင်းတာ၊  ကချင်အပါအ၀င် တိုင်းရင်းသားဒေသတွေမှာ ငြိမ်းချမ်းရေး နဲ့ ညှိနှိုင်းဆောင်ရွက်မှုတွေ တိုးမြှင့်ဖို့၊ အဲဒီဒေသတွေမှာရှိတဲ့ ဒေသခံတွေဆီကို ကြက်ခြေနီအဖွဲ့တွေ နဲ့ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး ဖွင့်ခွင့်ပြုဖို့ အကူအညီပေးမယ် ဆိုတဲ့ကိစ္စတွေက လက်တွေ့ဖြစ်မလာသေးပါဘူး။ လွန်ခဲ့တဲ့ ၂ လလောက်တုန်းက သမ္မတ အိုဘားမား မြန်မာပြည်ကို သွားတုန်းက မြန်မာအစိုးရအနေနဲ့ ပြုပြင်ပြောင်းလဲမှုတွေဆက်ပြီးလုပ်သွားမယ်လို့ ပြောခဲ့ပါတယ်။ ဒါပေမဲ့ သူတို့လုပ်တဲ့ပြုပြင်ပြောင်းလဲမှုက  မြန်မာနိုင်ငံအပေါ် နိုင်ငံတကာရဲ့ ပိတ်ဆို့ဒဏ်ခတ်မှုတွေ ရုပ်သိမ်းသွားစေရုံလောက်ပဲလုပ်တဲ့ ပြုပြင်ပြောင်းလဲမှုတွေဖြစ်ပါတယ်။ သူတို့တကယ်လုပ်ရမယ့်ဟာကို အပြီးတိုင်လုပ်ချင်တဲ့ ဆန္ဒ၊ မြန်မာအစိုးရမှာ ရှိပုံမရပါဘူး။ ရှေ့ဆက်သွားနေတယ်ဆိုတဲ့ မြန်မာအစိုးရရဲ့ ပြုပြင်ပြောင်းလဲရေး လုပ်ငန်းစဉ်နဲ့ ပက်သက်ပြီးတော့ ကျနော်တို့ စိုးရိမ်မိပါတယ်”

HRW လူ့အခွင့်အရေး စောင့်ကြည့်လေ့လာရေးအဖွဲ့ရဲ့ အာရှဆိုင်ရာတာဝန်ရှိသူ မစ္စတာ John Fifton ပြောသွားတာပါ။ မြန်မာအစိုးရ နဲ့ ကချင်တပ်ဖွဲ့တွေအကြား တိုက်ခိုက်မှုတွေကြောင့် ၂၀၁၂ ခုနှစ်အတွင်းမှာပဲ ဘေးလွတ်ရာကို ထွက်ပြေးတိမ်းရှောင်နေကြရတဲ့ ဒုက္ခသည်အရေအတွက်ဟာ ခန့်မှန်းခြေ ၉ သောင်းလောက်ရှိတယ်လို့ HRW လူ့အခွင့်အရေး စောင့်ကြည့်လေ့လာရေးအဖွဲ့ရဲ့ အစီအရင်ခံစာက ဆိုပါတယ်။ ဒါ့ပြင် မြန်မာနိုင်ငံထဲမှာ ပဋိပက္ခတွေကြောင့် ထွက်ပြေးတိမ်းရှောင်နေကြရတဲ့ ဒုက္ခသည် အရေအတွက်ဟာ ၅ သိန်းခွဲကျော်ရှိတယ်လို့ HRW ရဲ့ အစီရင်ခံစာမှာဖော်ပြထားပါတယ်။ ဒါ့အပြင်  ၂၀၁၂ ခုနှစ်ထဲ မြန်မာနိုင်ငံမှာ မီဒီယာ လွတ်လပ်ခွင့်တွေ ရှိလာပေမယ့်လို့၊ မီဒီယာတွေအပေါ် တင်းကြပ်တဲ့ ဥပဒေတွေရှိနေတုန်းပဲလို့ HRW အစီရင်ခံစာမှာ ဖော်ပြထားပါတယ်။ ဒီအကြောင်း နဲ့ ပက်သက်ပြီးတော့လည်း မစ္စတာ John Fifton က …….

“ပြဿနာတွေက ရှိနေတုန်းပါ။ လွတ်လပ်စွာ ထုတ်ဖော်ပြောဆိုတာကို ရာဇ၀တ်မှု နဲ့ ပုဒ်မတပ်ပြီး တရားစွဲနိုင်တဲ့ ဥပဒေတွေလည်း ရှိနေတုန်းပါ။ တရားမ၀င် အသင်းအဖွဲ့ ဖွဲ့စည်းခြင်းဆိုင်ရာ ဥပဒေ နဲ့ အီလက်ထရောနစ် ဥပဒေတွေဆိုတာလည်းရှိတုန်းပါ။ ပြီးတော့ အရေးပေါ် အက်ဥပဒေတွေ၊ အဲဒါတွေအားလုံးကို ပြုပြင်ပြောင်းလဲဖို့လိုပါတယ်။ ပြုပြင်ပြောင်းလဲရေးတွေလုပ် နေတယ်လို့ အစိုးရက ပြောနေပေမယ့်၊ လွတ်လွတ်လပ်လပ် ဆန္ဒထုတ်ဖော်သူတွေကို မကြာခဏဆိုသလို ဖမ်းဆီးမှုတွေလုပ်နေတုန်းပါ။ ဒါတွေက တကယ့်ပြဿနာတွေပါ”

မြန်မာနိုင်ငံထဲက ပဋိပက္ခအခြေအနေတွေ၊ မီဒီယာလွတ်လပ်ခွင့်တွေ နဲ့ ပက်သက်ပြီး အားနည်းချက်တွေကို HRW ရဲ့ အစီရင်ခံစာမှာ ထောက်ပြထားပေမယ့်၊ ပြီးခဲ့တဲ့ နှစ်အတွင်း သမ္မတ ဦးသိန်းစိန်အနေနဲ့ ပြည်ပရောက် အတိုက်အခံ အင်အားစုတွေကို ပြည်တွင်းထဲကို ပြန်လာခွင့်ပြုခဲ့တာတွေ၊ နိုင်ငံရေးကျဉ်းသား ၄၀၀ နီးပါးကို သမ္မတရဲ့ လွတ်ငြိမ်းချမ်းသာခွင့် နဲ့ ပြန်ပြီးလွှတ်ပေးခဲ့တာတွေ ကိုလည်း မြန်မာနိုင်ငံရဲ့ ပြုပြင်ပြောင်းလဲမှုတွေထဲက တိုးတက်မှုအဖြစ်နဲ့လည်း ဖော်ပြထားပါတယ်။ ဒါပေမဲ့ နိုင်ငံရေး အကျဉ်းသားတွေ ထောင်ထဲမှာ ရာနဲ့ချီပြီး ကျန်ရှိနေသေးတဲ့အကြောင်းလည်း HRW ရဲ့ အစီရင်ခံစာမှာ ရေးသားထားပါတယ်။

သတင်းဓါတ်ပုံမှားယွင်းမှု နားလည်မှုလွဲနိုင်
ဇန်နဝါရီလ ၂၈ ရက်နေ့မှာ ထုတ်ဝေတဲ့ အစိုးရပိုင် သတင်းစာ ၃ စောင်လုံးမှာ ကေအိုင်အေ ရဲ့ မိုင်းခွဲမှု သတင်းဓာတ်ပုံကို မှားယွင်းဖော်ပြခဲ့လို့ ဒီကနေ့ ထုတ် အစိုးရ သတင်းစာတွေကနေ တရားဝင် တောင်းပန်လာခဲ့ပါတယ်။ အခုလို တောင်းပန်တာဟာ ကောင်းမွန်ပေမဲ့ အခုလို မှားယွင်းမှုမျိုးဟာ အစိုးရနဲ့ပြည်သူကြား၊ တပ်မတော်နဲ့ ကေအိုင်အေတို့ အကြား အကြီးအကျယ် နားလည်မှု လွဲစရာတွေ ဖြစ်လာနိုင်တယ်ဆိုပြီးတော့ ပြည်တွင်းမီဒီယာလောက အသိုင်းအ၀ိုင်း က သုံးသပ်သူတွေလည်း ရှိနေကြပါတယ်။ ဒီသတင်း အပြည့်အစုံကိုတော့ ဆက်သွယ် စုံစမ်းထားတဲ့ ဗွီအိုအေမြန်မာပိုင်းရဲ့ ရန်ကုန်သတင်းထောက် ကိုအောင်ရဲမောင်မောင်က ပြောပြပေးမှာဖြစ်ပါတယ်။

မြစ်ကြီးနား ပူတာအို ကားလမ်းပေါ်မှာ ကေအိုင်အေအဖွဲ့ ကမိုင်းခွဲ တိုက်ခိုက်လို့ အပြစ်မဲ့ အရပ်သားတစ်ဦး သေဆုံး တယ်ဆိုတဲ့ခေါင်းစဉ်နဲ့ အစိုးရပိုင်သတင်းစာတွေမှာ ဖော်ပြခဲ့ပါတယ်။အဲဒီ့လိုဖော်ပြလိုက်တဲ့ သတင်းဓာတ်ပုံမှာ သုံးထားတဲ့ သတင်းရဲ့ ဓာတ်ပုံ ကမိုင်းခွဲခံရလို့ ပျက်ဆီးနေတဲ့ ဆိုင်ကယ်တစ်စီးပုံစံ ကိုဖော်ပြထားပါတယ်။ဒါပေမဲ့ အဲဒီဓာတ်ပုံဟာ ကေအိုင်အေက မိုင်းခွဲလို ပျက်စီးသွားတဲ့ဆိုင်ကယ်ရဲ့ဓာတ်ပုံ မဟုတ်ဘဲ ပြီးခဲ့တဲ့ နှစ်ထဲမှာ ပျက်ကျခဲ့တဲ့အဲပုဂံလေယာဉ် ပျက်ကျစဉ်တုန်းက လေယာဉ်နဲ့ဆိုင်ကယ် တိုက်မိပြီးပျက်ကျခဲ့တဲ့ဓာတ်ပုံ ဖြစ်နေလို့ ဒီကနေ့ သတင်းစာမှာ တာဝန်ရှိသူတွေကတောင်းပန်ချက် ဆိုပြီး ဖော်ပြလာပါတယ်။ အခုလို ပြန်ကြားရေးဝန်ကြီးဌာနက တာဝန်ယူနေတဲ့အစိုးရပိုင် သတင်းစာတွေမှာ မှားယွင်းလို့ ပြန်လည်တောင်းပန်လာတဲ့ကိစ္စနဲ့ ပတ်သက်ပြီးပြန်ကြားရေးဝန်ကြီးဌာန ဒုတိယ၀န်ကြီးဖြစ်တဲ့ ဦးရဲထွဋ်က ဗွီအိုအေကို အခုလို့ ပြောပါတယ်။

“ ကျနော်တို့ကတော့ဗျာ အများပြည်သူ ဝန်ဆောင်မှု မီဒီယာဘက်ကိုသွားနေတဲ့ အတွက်ကြောင့်မို့လို့ ကျနော်တို့ဆီက စာနယ်ဇင်းကျင့်ဝတ်တွေကိုပိုပြီးတော့ လိုက်နာဖို့ လိုတယ်ဆိုတဲ့ အယူအဆကို လက်ခံပြီး ကျင့်သုံးနေတာပါ။ ဟိုတချိန်တုန်းကတော့ အစိုးရသတင်းစာတွေက မှားရင်လည်း ပျက်ကွက်ခဲ့တာတွေအများကြီး ရှိခဲ့ပါတယ်။ သမ္မတကြီးရဲ့ မူဝါဒအရ အများပြည်သူဝန်ဆောင်မှုနဲ့သွားပြီဆိုရင်တော့ ပိုပြီးတော့ ပြည်သူ့ဆန္ဒကို လေးစားရမှာဖြစ်တဲ့အတွက်ကြောင့်မို့လို့ ကျနော်တို့ မှားရင် မှားတဲ့အကြောင်း ပြင်ဆင်ပေးရမှာပါ။ အခုနောက်ဆုံး ဖြစ်တဲ့ဟာဆိုရင် ကျနော်တို့ အမှားပြင်ဆင်ချက်ဆိုပြီး ထည့်တာမဟုတ်ပါဘူး။ ဒီသတင်းစာများအတွက် တာဝန်ရှိတဲ့ သတင်းနဲ့ စာနယ်ဇင်းလုပ်ငန်း ကနေ ပြည်သူကို တောင်းပန်တဲ့အနေနဲ့ ကျနော်တို့ပြန်ပြီးထည့်တာဖြစ်ပါတယ်။”

ဒီကနေ့ထုတ် အစိုးရပိုင်သတင်းစာတွေရဲ့ စာမျက်နှာထက်မှာ အခုလိုအဲဒီ့သတင်းဓာတ်ပုံ မှားယွင်းတဲ့အတွက် နောင်အခါမှာ တိုက်ပွဲဓာတ်ပုံ၊မတော်တဆ ထိခိုက်မှု ဓာတ်ပုံတွေကို သုံးတဲ့အခါ မှာ စာတည်းတွေအနေနဲ့ သေချာစွာစိစစ်ဖို့နဲ့ မသေချာရင် လုံးဝမထည့်ဖို့ ဦးဆောင်ညွှန်ကြားရေးမှူးတွေကညွှန်ကြားထားတယ် ဆိုပြီးတော့ ဖော်ပြလာပါတယ်။

နိုင်ငံပိုင် သတင်းစာတွေလို အများသိကြတဲ့ အစိုးရ ပြန်ကြားရေးဌာနကတာဝန်ယူနေတဲ့ သတင်းစာတွေဟာ အခုလို တိုက်ပွဲ ဖြစ်နေစဉ်ကာလအတွင်းမှာတဖက်အဖွဲ့အစည်းကို ထိခိုက်သလို ဖြစ်တာကြောင့် အစိုးရ နဲ့ ပြည်သူ၊တပ်မတော် နဲ့ကေအိုင်အေကြား နားလည်မှု လွဲချော်တာမျိုးတွေဖြစ်သွားနိုင်တယ်လို့လည်းThe voice ဂျာနယ် အယ်ဒီတာချုပ်လည်းဖြစ်၊ မြန်မာနိုင်ငံစာနယ်ဇင်းကောင်စီ(ယာယီ)ရဲ့အတွင်းရေးမှူးလည်းဖြစ်တဲ့  ဦးကျော်မင်းဆွေက ဗွီအိုအေကို အခုလိုပြောပါတယ်။

“အဲ့တာ သတင်းစာမို့လို့ တာဝန်ရှိပါတယ်။ အကယ်လို့ ရိုးရိုးသားသား မှားတယ်ဆိုရင် ပြဿနာမရှိဘူး။ သို့သော် တဖက်က ဒါဟာ တပ်မတော်အပေါ်မှာပြည်သူလူထုက အထင်လွဲစရာ၊ နောက်တခါ အစိုးရအပေါ်မှာ ပြည်သူလူထုက အထင်လွဲစရာ၊ ပြန်ကြားရေးဝန်ကြီးဌာနနဲ့ တပ်မတော်အကြားမှာ အထင်လွဲစရာ၊နားလည်မှုလွဲစရာ၊ ကချင်ကေအိုင်အေနဲ့ ပြန်ကြားရေးဝန်ကြီးဌာနကြားမှာ။ ကေအိုင်အေနဲ့ အစိုးရကြားမှာ၊ ကေအိုင်အေနဲ့တပ်မတော်ကြားမှာ ပိုပြီးတော့ နားလည်မှုလွဲစရာ၊ ပိုပြီးတော့ နားလည်မှုလွဲသွားစရာ မရှိနိုင်ဘူးလား၊ သေးတဲ့ကိစ္စမဟုတ်ဘူး။ ပေါ့သေးသေးမဟုတ်ဘူး။ စာလုံးပေါင်း သတ်ပုံမှားတာမဟုတ်ဘူး။ သတင်းနေရာမှာ သတင်းတစ်မျက်နှာမှာ ဓာတ်ပုံနေရာမှားတာမဟုတ်ဘူး။ ဓာတ်ပုံကြီး လုံးလုံး လွဲနေတာ။”

ပြန်ကြားရေးဝန်ကြီးဌာန က တာဝန်ယူဆောင်ရွက်နေတဲ့ သတင်းစာတွေကို ပုဂ္ဂလိကအခြေပြု မီဒီယာဖြစ်ဖို့ ပြန်ကြားရေးဝန်ကြီးဌာနအနေနဲ့ ကြိုးစားဆောင်ရွက်နေတာတွေရှိပြီးတော့ အဲဒီ့လို သတင်းစာတွေကို ပုဂ္ဂလိကအခြေပြု မီဒီယာဖြစ်ဖို့ ဒီနှစ်ကုန်ပိုင်းမှာဖြစ်အောင်ဆောင်ရွက်သွားမှာဖြစ်တယ်လို့လည်း ဦးရဲထွဋ်က ပြောပါတယ်။

“နှစ်ကုန်ပိုင်းလောက်မှာ ပြောင်းလဲနိုင်ဖို့ ကျနော်တို့ ရည်မှန်းချက် ထားပြီး ဆောင်ရွက်နေပါတယ်။ နောင်ပေါ်လာမယ့် အများပြည်သူဝန်ဆောင်မှု သတင်းစာတွေရဲ့ အယ်ဒီတာလွတ်လပ်ခွင့်နဲ့ ဘဏ္ဍာရေးလွတ်လပ်ခွင့်ကိုအာမခံနိုင်မယ့် ဥပဒေတစ်ရပ် အခုကျင်းပဆဲ လွှတ်တော်မှာ တင်သွင်းနိုင်အောင် ကျနော်တို့ ကြိုးစားနေပါတယ်။"

လက်ရှိအချိန် မှာတော့ ပြန်ကြားရေးဝန်ကြီးဌာနက ထုတ်ဝေတဲ့အစိုးရပိုင်သတင်းစာဟာ သုံးစောင်ရှိပြီးတော့ လာမယ့် ဧပြီလကစပြီးတော့ပြည်တွင်းလုပ်ငန်းရှင်တွေထဲကနေပြီး သတင်းစာထုတ်ဝေလိုတဲ့ သူတွေကို နေ့စဉ်ထုတ် သတင်းစာတွေ ချထားပေးတော့မှာလည်း ဖြစ်ပါတယ်။

ကချင်စစ်ပွဲအတွင်း ကေအိုင်အေ တိုက်ခိုက်မှုနဲ့ ပတ်သက်တဲ့ ဓာတ်ပုံကို အစိုးရ သတင်းစာတွေက မှားယွင်းအသုံးပြုခဲ့ပါတယ်။
အဲဒီ ဖြစ်ရပ်နဲ့ ပတ်သက်ပြီး အစိုးရဘက်က တောင်းပန်ပါတယ်။
ဇန်နဝါရီလ ၂၈ ရက်နေ့က အင်္ဂလိပ် မြန်မာ နှစ်ဘာသာနဲ့ ထုတ်ဝေတဲ့ မြန်မာ့အလင်း သတင်းစာ နဲ့ ကြေးမုံ စတဲ့ နိုင်ငံပိုင် သတင်းစာ သုံးစောင်စလုံးမှာ ကချင်ပြည်နယ် ကေအိုင်အေ မိုင်းခွဲ တိုက်ခိုက်မှုဖြစ်စဉ် သတင်း ပါရှိပါတယ်။
အဲဒီ သတင်းနဲ့အတူ ပူးတွဲဖော်ပြထားတဲ့ ဓာတ်ပုံကို ကေအိုင်အေရဲ့ အကြမ်းဖက် တိုက်ခိုက်မှုကြောင့် အပြစ်မဲ့ ဆိုင်ကယ်စီး ပြည်သူ တဦးသေဆုံးခဲ့ရတယ် ဆိုတဲ့ စာသားနဲ့ တကွ သတင်းစာတွေက ဖော်ပြထားပါတယ်။
ဒါပေမယ့် အဲဒိ ဓာတ်ပုံဟာ ၂ဝ၁၂ ဒီဇင်ဘာ ၂၅ ရက် ခရစ္စမတ်နေ့က Air Bagan လေယာဉ် ပျက်ကျမှုကြောင့် မီးလောင် ပျက်စီးတဲ့ ဆိုင်ကယ် ဓာတ်ပုံ ဖြစ်နေလို့ ပြည်သူ သန်းပေါင်းများစွာကို သတင်းမှား ပေးတာ ဖြစ်ကြောင်း မြန်မာတိုင်းမ်စ် ဂျာနယ်က ဖော်ပြပါတယ်။
ဓာတ်ပုံ မှားယွင်း သုံးစွဲခဲ့ကြောင်း ပြန်ကြားရေး ဒုဝန်ကြီး ဦးရဲထွဋ်ရဲ့ လူမှုဝက်ဆိုက် Facebook မှာ ဝန်ခံထားပြီး ဓာတ်ပုံ မှားယွင်း ဖော်ပြခဲ့လို့ တောင်းပန်ပေမယ့် သတင်းကတော့ မှန်ကန်ကြောင်း ဒုဝန်ကြီးက ရေးပါတယ်။
ဒါပေမယ့် အလွန်အရေးကြီးတဲ့ ကေအိုင်အေ တိုက်ခိုက်မှုနဲ့ ပတ်သက်ပြီး မှားယွင်းခဲ့တာ ဖြစ်တဲ့အတွက် အစိုးရ သတင်းစာတွေအ ပေါ် ပြည်သူတွေ အယုံအကြည် နည်းလာမှာကို စိုးရိမ်တယ်လို့ ဦးရဲထွဋ်က ရေးသား ပါတယ်။

ဒေဝါလီခံလို့ လေကြောင်းခရီးသွား ဒုက္ခတွေ့
လေကြောင်းလိုင်းက ရုတ်ချည်း ဒေဝါလီခံလိုက်တဲ့အတွက် ခရီးသွားတွေ လေဆိပ်မှာ သောင်တင်ကုန်ပါတယ်။
အင်ဒိုနီးရှားနိုင်ငံရဲ့ ဈေးသက်သာတဲ့ လေကြောင်း လိုင်းကြီးတခုက ဒေဝါလီခံပါတယ်လို့ ရုတ်ချည်း ကြေညာလိုက်တဲ့အတွက် ခရီးသွား ထောင်ပေါင်းများစွာဟာ လေဆိပ်တွေမှာ သောင်တင်နေကြပါတယ်။
ဘာတားဗီးယား လေကြောင်းလိုင်းဟာ တရက်ကို ခရီးစဉ် ၁၇၀ လောက်အထိ ပြေးဆွဲနေတာဖြစ်ပြီး အကြွေးက အမေရိကန်ဒေါ်လာ လေးသန်းခုနစ်သိန်း တင်ရှိနေတာလည်း ဖြစ်ပါတယ်။
မွတ်ဆလင်တွေ အထွတ်အမြတ်ထားရာ မကာကို ပို့ဆောင်ပေးတဲ့ ဝန်ဆောင်မှုအတွက် လေယာဉ်သစ် နှစ်စင်းကို ဝယ်ခဲ့ပြီးနောက်မှာ အခုလို ဒေဝါလီ ခံရတဲ့အထိ ဒုက္ခရောက်သွားတာလည်း ဖြစ်ပါတယ်

အစ္စရေး လူ့အခွင့်အရေးချိုးဖောက်မှု ကုလ ပြော
အစ္စရေးရဲ့ အိမ်ရာဆောက်လုပ်မှုတွေဟာ ပါလက်စတိုင်း အခွင့်အရေးကို ဖိနှိပ်ထားတယ်လို့ ကုလ ပြောဆို
ကုလသမဂ္ဂက ထုတ်ပြန်တဲ့ အစီရင်ခံစာသစ်မှာ သိမ်းပိုက်ထားတဲ့ နယ်မြေတွေထဲ အစ္စရေးရဲ့ အိမ်ရာဆောက်လုပ်မှုတွေဟာ ပါလက်စတိုင်းတွေရဲ့ အခွင့်အရေးတွေကို ထိပါးနေတယ်လို့ ဖော်ပြထားပါတယ်။
ဒါကြောင့် သိမ်းပိုက်နယ်မြေထဲ အိမ်ရာဆောက်လုပ်မှုတွေကို အစ္စရေးအနေနဲ့ ချက်ချင်းရပ်ပြီး၊ ပြန်ဆုတ်ပေးဖို့ အစီရင်ခံစာက တိုက်တွန်းထားပါတယ်။
အစ္စရေးကတော့ ဒီအစီရင်ခံစာနဲ့ ကုလသမဂ္ဂ လူ့အခွင့်အရေးကောင်စီဟာ ဘက်လိုက်တယ်လို့ စွပ်စွဲပါတယ်။
ကုလသမဂ္ဂရဲ့ လူ့အခွင့်ရေးဆိုင်ရာ ကျွမ်းကျင်သူ သုံးဦးက လေ့လာ ရေးသားခဲ့တဲ့ အစီရင်ခံစာမှာ အိမ်ရာ ဆောက်လုပ်မှုတွေကြောင့် ပါလက်စတိုင်းတွေကို အဲဒီနေရာကနေ စနစ်တကျ နှင်ထုတ်သလို ဖြစ်နေပြီး၊ နေ့စဉ်ဆိုသလို ဖိနှိပ်မှုတွေ၊ စော်ကားမှုတွေ ဖြစ်နေတယ်လို့ ထုတ်ဖော် ပြောဆို ထားပါတယ်။

တိုင်းရင်းသား နယ်မြေတွေမှာ ထိုးစစ်ရပ်ဖို့လို
ကေအင်န်ယူ စစ်ဦးစီးချုပ် ဗိုလ်ချုပ် စောဂျော်နီက နိုင်ငံရေး ကို နိုင်ငံရေးနည်းနဲ့ ဆွေးနွေးဖို့ ပြောပါတယ်။
၆၄ နှစ် မြောက် ကရင့်တော်လှန်ရေးနေ့ အခမ်းအနားကို ကရင်ပြည်နယ်၊ လှိုင်းဘွဲ့မြို့နယ်ထဲက ကရင်အမျိုးသား အစည်းအရုံး ကေအင်န်ယူ တပ်မဟာ ၇ ရဲ့ ကလေထစခန်းမှာ ကျင်းပခဲ့တာမှာ ကေအင်န်ယူ ဥက္ကဌ ဗိုလ်ချုပ်ကြီး စောမူတူးစေးဖိုးနဲ့ ကေအင်န်ယူ စစ်ဦးစီးချုပ် ဗိုလ်ချုပ် ဂျော်နီတို့ တက်ရောက်ပြီး မျက်မှောက် နိုင်ငံရေး အခြေအနေတွေနဲ့စပ်လို့ ပြောကြားခဲ့ပါတယ်။
အစိုးရနဲ့ သုံးကြိမ် တွေ့ပြီးပြီ၊ အပစ်ရပ်ရေး ပီပြင်အောင် နှစ်ဘက် လက်နက်ကိုင်တွေ လိုက်နာရမယ့် စည်းကမ်းတွေ ရေးဆွဲနေတယ်လို့ ဗိုလ်ချုပ်ကြီး စောမူတူးစေဖိုးက ဘီဘီစီကို ပြောပါတယ်။ ဒါပေမဲ့ အောက်ခြေမှာတော့ နှစ်ဘက်တပ်တွေကြား နားလည်မှုလွဲလို့ ထိတွေ့မှုတွေ ရှိတုန်းပဲလို့ သူက ပြောပါတယ်။
ကေအင်န်ယူ စစ်ဦးစီးချုပ် ဗိုလ်ချုပ် စောဂျော်နီကတော့ ပြည်တွင်းစစ်တွေ ရှိနေရင် တိုင်းပြည် မတိုးတက်ဘူး၊ တိုင်းရင်းသားတွေနဲ့အတူ ပြုပြင် ပြောင်းလဲရေးတွေ လုပ်လို့ မရနိုင်ဘူး၊ ဒါကြောင့် တိုင်းရင်းသား နယ်မြေတွေမှာ ထိုးစစ်တွေ အားလုံးရပ်ပြီး နိုင်ငံရေးကို နိုင်ငံရေးနည်းနဲ့သာ ဖြေရှင်းရမယ်လို့ သုံးသပ်ပါတယ်။
ကရင်ခေါင်းဆောင်တွေက အခုလို မျက်မှောက် နိုင်ငံရေး၊ ငြိမ်းချမ်းရေးနဲ့စပ်ပြီး သုံးသပ် ပြောဆိုမှုတွေ ရှိနေပေမယ့် ကရင်လူထုတချို့ကတော့ လက်ရှိ အပြောင်းအလဲနဲ့ ငြိမ်းချမ်းရေး ဆောင်ရွက်ချက်တွေအပေါ် သံသယ ရှိနေကြပါတယ်။
အပစ်ရပ်တယ်ဆိုတာ ဗမာတွေက လိမ်တာပဲ၊ တကယ်ရပ်တယ်ဆို ကချင်ပြည်မှာ ဘာကြောင့် ဆက်တိုက်နေသလဲလို့ ကရင်လူငယ်တဦးက မေးခွန်း ထုတ်ပါတယ်။ ဒါကြောင့် တိုင်းရင်းသားတွေကို ကျောသား ရင်သား မခွဲခြားဘဲ ငြိမ်းချမ်းရေးနဲ့ တန်းတူညီမျှရေးကို အစိုးရအနေနဲ့ သေသေချာချာ ဆောင်ရွက်သင့်တယ်လို့ သူတို့က ထောက်ပြပါတယ်။
လက်ရှိ အစိုးရနဲ့ ကရင်ခေါင်းဆောင်တွေကြား ငြိမ်းချမ်းရေးအတွက် ပြောဆို ဆွေးနွေးနေကြတာတွေကို ဝမ်းသာ ဂုဏ်ယူတယ်၊ ဒါပေမဲ့ အစစ်အမှန် ဖြစ်ဖို့တော့ လိုတယ်။ လူ့အခွင့်အရေး အပြည့်ရပြီး လူနေမှု အဆင့်အတန်းတွေ မြင့်မားရေးအတွက်ပါ အာမခံနိုင်တဲ့ ငြိမ်းချမ်းရေး ဖြစ်ဖို့ လိုမယ်လို့လည်း အခြား ကရင်တဦးကလည်း ဘီဘီစီကို ပြောပါတယ်။
၁၉၄၉ ဇန်နဝါရီ ၃၁ မှာ ကေအင်န်ဒီအို ဌာနချုပ်ကို အစိုးရတပ်က ဝင်ရောက် တိုက်ခိုက် သိမ်းယူလိုက်တဲ့ နေ့ကို ကရင့်တော်လှန်ရေးနေ့အဖြစ် သတ်မှတ်ပြီး နှစ်စဉ် ကျင်းပနေတာလည်း ဖြစ်ပါတယ်။

လယ်သမားတွေ အကြွေးကျေအောင် ထမင်းလျှော့စားဖို့ ဝန်ကြီး ဦးမြင့်လှိုင် တိုက်တွန်း
 
ဆင်းရဲမွဲတေမှု တိုက်ဖျက်ရေးနဲ့ ဖွံ့ဖြိုးရေးအတွက် လယ်ယာစိုက်ပျိုးရေးနဲ့ ဆည်မြောင်း ၀န်ကြီးဌာန ၀န်ကြီးရဲ့ ဧရာဝတီတိုင်း ခရီးစဉ်အတွင်းမှာ လယ်သမားတွေကို ခြိုးခြံချွေတာဖို့ တိုက်တွန်းတဲ့ မှတ်ချက်အပေါ် ဒေသခံတွေက မကျေမနပ် ဖြစ်နေကြပါတယ်။ ခြိုးခြံချွေတာရေး အတွက် ထမင်းလျှော့စားပါလို့ ဝန်ကြီးက ပြောခဲ့တာကြောင့် အခုလို မကျေမနပ် ဖြစ်နေတာပါ။  ဒီအကြောင်း အပြည့်အစုံကိုတော့ ဆက်သွယ် စုံစမ်းထားတဲ့ ထိုင်းအခြေစိုက် ဗွီအိုအေ သတင်းထောက် မအေးအေးမာက သတင်းပေးပို့ထားပါတယ်။

မြန်မာနိုင်ငံက အခြေခံ တောင်သူလယ်သမားတွေ၊ ဝင်ငွေနည်း လူနေမှုဘဝ တိုးတက်မြင့်မားစေ ဖို့ တိကျတဲ့ ရည်မှန်းချက်တွေထားပြီး အကောင်အထည်ဖော် ဆောင်ရွက်လျှက်ရှိတယ်ဆိုပြီး လယ်ယာနဲ့ စိုက်ပျိုးရေး၊ ဆည်မြောင်းဝန်ကြီး ဦးမြင့်လှိုင်နဲ့အဖွဲ့က ပြောခဲ့ပါတယ်။

ဦးမြင့်လှိုင်နဲ့အဖွဲ့ဟာ လယ်သမားတွေရဲ့ အခြေအနေကို ကွင်းဆင်းလေ့လာခဲ့ရာမှာတော့ ဧရာဝတီတိုင်း၊ မအူပင်ခရိုင်၊ ဓနုဖြူမြို့နယ်က လယ်ယာကဏ္ဍ ဖွံ့ဖြိုးမှုဆိုင်ရာ လုပ်ငန်းတွေနဲ့ လယ်ယာကဏ္ဍတွေမှာ အကူအညီပေးမယ့် လုပ်ငန်းတွေကို သွားရောက်ဆွေးနွေးခဲ့ပါတယ်။ ဒီဆွေးနွေးချိန်မှာ အကြွေးတင်ပြီး အဆင်မပြေဖြစ်နေတဲ့ လယ်သမားတွေကို လယ်ယာ စိုက်ပျိုးရေးနဲ့ ဆည်မြောင်းဝန်ကြီးဌာန ပြည်ထောင်စုဝန်ကြီး ဦးမြင့်လှိုင်က အခုလို ပြောသွားပါတယ်။

“ကြွေးတင်တာကို ဆပ်လို့ရအောင် ထမင်းတစ်နပ် လျှော့စားပေါ့။ တလပြည့်လို့ရှိရင် ငါ ဘယ်လောက် ဆပ်နိုင်မလဲ၊ ခြောက်လဆိုရင် ဘယ်လောက်ဆပ်နိုင်မလဲ၊ ငါနဲ့ ငါ့မိသားစုတွေ လည်း တစ်နပ်လျှော့စားမယ်၊ ဒီလိုစိတ်ဓာတ်မျိုး- ဥပုသ်စောင့်တဲ့သဘောမျိုးပေါ့ဗျာ။ ကုသိုလ် လည်းရ၊ ဝမ်းလည်းဝပေါ့။၊ ငါတို့ ဥပုသ်စောင့်နေတယ်- ဒီလိုစိတ်ဓာတ်နဲ့လုပ်လိုက်ရင် အကြွေးကျေသွားမှာပေါ့။ ရလာပါလိမ့်မယ်ကွာ၊ ရလာပါလိမ့်မယ်ကွာနဲ့ နေရင် မရရင် ကြွေး မကျေဘူး၊ အကြွေးမကျေရင် သံသရာထဲက လွတ်မှာမဟုတ်ဘူး။ နောင်ဘဝကျရင် ကျွန်ပြန်ဖြစ်လိမ့်မယ်။”

လယ်ယာစိုက်ပျိုးရေး၊ ဆည်မြောင်းဝန်ကြီးဌာန ပြည်ထောင်စုဝန်ကြီး ဦးမြင့်လှိုင်အနေနဲ့ အကြွေးတင်နေတဲ့ လယ်သမားတွေကို ထမင်းတနပ်ပဲ လျှော့စားပါဆိုတဲ့ ဖြေရှင်းနည်းထက် လယ်သမားတွေရဲ့ လက်ရှိ ဖြစ်နေရတဲ့ အခက်အခဲတွေကို နားလည်စာနာပြီး ဖြေရှင်းပေးဖို့ တာဝန်ရှိတယ်လို့ လယ်သမားအရေးဆောင်ရွက်နေသူ ဦးဌေးက ပြောပါတယ်။

“လယ်သမားအများစုဟာ ဒီနှစ်ကာလမှာ အတိဒုက္ခရောက်နေကြရပါတယ်။ လယ်ယာမြေ အများစုဟာ ခရိုနီတွေ အပါအဝင် တပ်မတော်၊ တပ်ရင်းတပ်ဖွဲ့တို့၊ ဌာနဆိုင်ရာတို့၊ ကုမ္ပဏီတို့ သိမ်းပိုက်မှုကြောင့် လယ်မြေလက်လွှတ် ဆုံးရှုံးရတာတွေလည်း တော်တော်များပါတယ်။ တဘက်ကလည်း မြို့မြေတွေ၊ ရွာမြေတွေ တိုးချဲ့တယ်ဆိုရင်လည်း လက်လွှတ် ဆုံးရှုံးရတာတွေ လည်း များပါတယ်။ သီးနှံဈေးနှုန်းတွေက ကျဆင်းပါတယ်။ လယ်သမားတွေ အဓိက အားထားရ တဲ့ ထွက်ကုန်ဖြစ်တဲ့ စပါးဈေးနှုန်းတွေက အတော်ကျဆင်းနေပါတယ်။ ဝယ်ယူရတဲ့ ဓာတ်မြေသြဇာတို့၊ ပိုးသတ်ဆေးတို့အပါအဝင် ဒီဇယ်ဆီတို့၊ ကျွဲနွားစရိတ်တွေ ဈေးတွေက အကုန်လုံး တက်နေပါတယ်။ အတော် အတိဒုက္ခ ရောက်ပါတယ်။

နိုင်ငံတော်ကနေ ချေးမယ်ဆိုတာကလည်း လယ်သမားတွေမှာ အပြည့်အဝ မရကြပါဘူး။ အပြည့်အဝမရတဲ့ အခါမှာ အပြင်ကနေ ယူတဲ့အခါမှာ အတိုးက အနည်းဆုံး လစဉ် ၅ % အနည်းဆုံးပေးရပါတယ်။ အတိုးတွေက ရှိနေပါတယ်။ အဲဒီကျတော့ ဒီလို အနေအထားမျိုးမှာ လယ်သမားတွေကို ထမင်းတနပ်လျှော့စားဖို့ ပြောတာကတော့ ဒါကတော့ လက်လွတ်စပယ်နိုင်လွန်းတယ်လို့ ကျနော်တို့ ထင်ပါတယ်။”

မြန်မာနိုင်ငံမှာ အရပ်သားအစိုးရသစ်လက်ထက် ဆင်းရဲမွဲတေမှု ပပျောက်အောင် ဆောင်ရွက်နေတယ် ဆိုတာမျိုးတွေကိုလည်း ဆောင်ရွက်နေပါတယ်။ ဒါပေမဲ့လည်း ထိရောက်တဲ့ ဆောင်ရွက်တာမျိုးတွေ အားနည်းနေသေးတဲ့ အတွက်လည်း မြန်မာနိုင်ငံ၊ အဓိက လူတန်းစား နှစ်ရပ်ဖြစ်တဲ့ လယ်သမားနဲ့ အလုပ်သမားတွေ ရဲ့ ဘဝတွေဟာ သိသာထင်ရှားတဲ့ အပြောင်းအလဲတွေ မမြင်ရသေးဘူးလို့ အလုပ်သမား အရေး ဆောင်ရွက်နေသူတွေက ဆိုပါတယ်။

ဆင်းရဲမွဲတေမှု ပပျောက်ဖို့အတွက် လယ်သမားတွေရဲ့ဘဝတွေကို မြှင့်တင်ပေးဖို့ လိုအပ်တယ်လို့ လယ်သမားအရေးဆောင်ရွက်နေသူ ဦးဌေးက ဆက်ပြောပြပါတယ်။

“ဆင်းရဲမွဲတေမှု ပပျောက်အောင်၊ အလုပ်သမား၊ လယ်သမားတွေအတွက် အကျိုးရှိအောင် ဘယ်လို ပိုမို လုပ်ပေးနိုင်မလဲ၊ အဲဒီရှုဒေါင့်ကနေ စဉ်းစားကြရမှာ ဖြစ်ပါတယ်။ အဲလိုမဟုတ်ဘဲနဲ့ လယ်သမားတွေအနေနဲ့ ထမင်းတနပ် လျှော့စားဖို့ဆိုရင် ဒီစကားမျိုးကတော့ မသင့်ပါဘူး။”

ဝန်ကြီးဦးမြင့်လှိုင်ကတော့ အစိုးရသစ်အနေနဲ့ အခြေခံ တောင်သူလယ်သမားတွေရဲ့ ဝင်ငွေနဲ့ လူနေမှုဘဝ တိုးတက်မြင့်မားလာစေဖို့ တိကျတဲ့ ရည်မှန်းချက်တွေ ချမှတ်ထားပြီး အကောင်အထည်ဖော် ဆောင်ရွက်နေတဲ့အကြောင်း၊ လယ်သမားတွေရဲ့ နိုးကြားထကြွစွာ ပူးပေါင်းဆောင်ရွက်မှုကို လိုအပ်တဲ့အကြောင်း၊ စက်မှုလယ်ယာ လုပ်ငန်းစဉ် စနစ်ကို ပြောင်းလဲ တဲ့နေရာမှာ အားလုံးပါဝင်ဖို့ လိုအပ်ကြောင်းတွေကိုလည်း လယ်သမားတွေနဲ့ တွေ့တဲ့ အချိန်မှာ ပြောဆိုသွားခဲ့ပါတယ်ရှင်။

အီရန် Nuclear စက်ရုံ အဆင့်မြှင့်ဖို့ လုပ်

အီရန် Nuclear စခန်းကို မြင်ရစဉ်။
အီရန်နိုင်ငံရဲ Nuclear သန့်စင်တဲ့စက်ရုံက  လက်ရှိယူရေနီယံ သန့် စင်တဲ့စက်တွေကို  ပိုမိုအင်အားကောင်းပြီး မြန်ဆန်တဲ့စက်တွေနဲ့  လဲလှယ်တပ်ဆင်ဖို့ စီစဉ်နေပါတယ်။ အီရန်နိုင်ငံ အလယ်ပိုင်းက Nantanz Nuclear သန့် စင်စက်ရုံမှာ ပိုပြီးခေတ်မှီတဲ့  သန့်စင်စက်တွေ တပ်ဆင်လိုတဲ့ အကြောင်း နိုင်ငံတကာ Nuclear စွမ်းအင်အေဂျင်စီ IAEA ကို တာဝန်ရှိသူတွေက အကြောင်းကြားထားပြီလို့ အမည်မဖေါ်လိုတဲ့ သံတမန်တဦးက  ပြောပါတယ်။

Nantanz Nuclear သန့်စင်စက်ရုံ မြေအောက်ခန်းထဲမှာ Nuclear လောင်စာအတွက် လိုအပ်တဲ့ ယူရေနီယံကို သန့် စင်တဲ့ စက်တွေ အရေအတွက် ထောင်နဲ့ ချီတပ်ဆင်ထားပါတယ်။ ယူရေနီယံကို သာမန်သန့် စင်ရင် Nuclear စွမ်းအင် ထုတ်စက်ရုံ လောင်စာအဖြစ်သုံးနိုင်ပြီး အဆင့်မြင့်သန့် စင်ထားတဲ့ ယူရေနီယံကိုတော့ Nuclear လက်နက် ထုတ်လုပ်တဲ့နေရာမှာသုံးနိုင်ပါတယ်။

အီရန်နိုင်ငံရဲ့ Nuclear အစီအစဉ်ဟာ ငြိမ်းချမ်းတဲ့လုပ်ငန်းစဉ်တွေမှာ သုံးဖို့ အီရန်က ပြောပေမဲ့ နိုင်ငံတကာ ကတော့ Nuclear အစီအစဉ်အပေါ် သံသယရှိပါတယ်။ အီရန်နိုင်ငံဟာ အမေရိကန် ရုရှ၊တရုတ်၊ ဗြိတိန်၊ပြင်သစ်နဲ့ ဂျာမဏီတို့ ပါဝင်တဲ့  P5+1 အဖွဲ့ နဲ့  ပြီးခဲ့တဲ့ ဇွန်လအတွင်းမှာ နောက်ဆုံးဆွေးနွေးခဲ့ကြပါတယ်။ တောင်းဆိုချက်တွေကို တဘက်နဲ့ တဘက် မလျှော့နိုင်ခဲ့လို့ ဆွေးနွေးပွဲပျက်ခဲ့ပါတယ်။

မြန်မာနိုင်ငံ လွတ်လပ်စွာ ဆန္ဒပြခွင့် ဥပဒေ ရှေ့နောက်မညီ
ေ
ဒသခံပြည်သူများ ဆန္ဒပြနေမှုမြင်ကွင်း
မြန်မာနိုင်ငံမှာ လွတ်လပ်စွာ စီတန်းလှည့်လည်ခွင့်ဥပဒေကို  ၂၀၀၈ ဖွဲစည်းပုံ အခြေခံဥပဒေကနေ ပြဌာန်းအတည်ပြုပေးထားပါတယ်။ ဒါပေမဲ့ အခုအချိန်မှာတော့ ခွင့်ပြုမိန့်မရဘဲ စီတန်းလှည့်လည်လို့ဆိုပြီးတော့ ဖမ်းဆီးမှု၊ တရားစွဲဆိုမှုတွေလည်း တိုးပွားလာနေတာကြောင့် အစိုးရသစ်က ပြဌာန်းထားတဲ့ ဖွဲ့စည်းပုံ အခြေခံဥပဒေတွေဟာ တခုနဲ့တခု ဆန့်ကျင်ရာ ကျနေတယ်လို့ မြန်မာနိုင်ငံရှေ့နေများကွန်ယက်က ပြောလိုက်ပါတယ်။ အပြည့်အစုံကိုတော့ ထိုင်းအခြေစိုက် ဗွီအိုအေသတင်းထောက် မအေးအေးမာက မေးမြန်းတင်ပြထားပါတယ်။

မြန်မာနိုင်ငံမှာ လွတ်လပ်စွာ စီတန်းလမ်းလျောက်မူ ဥပဒေကို ပြဌာန်းပြီးတဲ့နောက်မှာတော့ ခွင့်ပြုမိ်န့်မရဘဲ စီတန်းလှည့်လည်မူတွေ လုပ်လာတာကြောင့်ဆိုပြီး ပုဒ်မ ၁၈ နဲ့ တရားစွဲဆိုမူတွေ များလာကြောင်း ဒီဥပဒေပြဌာန်းမူဟာ တစ်ခုနဲ့တစ်ခု ဆန့််ကျင်နေတဲ့ အကြောင်း မြန်မာနိုင်ငံရှေ့နေများကွန်ယက်က ရှေနေ ကိုသိန်းသန်းဦးကပြောပါတယ်။

“ပွင့်ပွင့်လင်းလင်းပြောရင်တော့ လွတ်လပ်စွာ စီတန်းလှည့်လည်ခွင့်ဆိုတာက ဖွဲ့စည်းပုံအခြေခံဥပဒေပါ ၃၅၄မှာ နိုင်ငံသားအခွင့်အရေးတွေ ပေးထားတာရှိတယ်လေ။ လွတ်လပ်စွာ စီတန်းလှည့်လည်ခွင့်တို့၊ စုဝေးခွင့်တို့ ရှိတယ်လေ။ အဲ့တာတွေပေးကြောင်း နိုင်ငံတကာသိအောင် ဖွဲ့စည်းပုံအခြေခံဥပဒေမှာ ဖော်ပြထားတယ်။ နောက်တခါ ဒီဘက်က ခုနက၂၀၁၁ ပြည်ထောင်စုလွှတ်တော် ဥပဒေအမှတ် ၁၅ပေါ့နော်။ ငြိမ်းချမ်းစွာ စုဝေးခွင့်နဲ့ ငြိမ်းချမ်းစွာ စီတန်းလှည့်လည်ဆန္ဒပြမှု ဥပဒေနဲ့ ပြန်ကန့်သတ်ထားတာခင်ဗျ။ အဲ့တာကို ကျနော်တို့ ရှေ့နေများကွန်ယက်က အဲ့ဒီ့ကိစ္စကို တင်နေတာတွေရှိပါတယ်။ ဒီနေ့ဆိုလည်း ကိုမင်းကိုနိုင်တို့နဲ့ ကျနော်တို့ အဲ့ဒီ့ကိစ္စကို ဆွေးနွေးတယ်။ ဒီကိစ္စကို ဘယ်လိုတင်ကြမလဲပေါ့နော်။ ဘာဖြစ်လို့တုန်းဆိုတော့ ပုဒ်မ ၁၈က တော်တော်ကို ဒုက္ခပေးနေပြီ။ ရုတ်တရက်ကြည့်လို့ရှိရင်တော့ စည်းကမ်းတကျ လုပ်ပိုင်ခွင့်ရအောင် ပြဌာန်းထားတယ်လို့ ထင်သယောင်ရှိပေမဲ့ ဖွဲ့စည်းပုံအခြေခံဥပဒေပါ ပြဌာန်းချက်တွေကို ဆန့်ကျင်နေရာကျတယ်။”

ခွင့်ပြုမိန့်မရဘဲ စီတန်းလှည့်လည်မူ ပုဒ်မ ၁၈၊ ဆူပူအောင်လှုံ့ဆော်မူ ပုဒ်မ ၅၀၅ (ခ) တို့နဲ့ ဒီမိုကရေစီနဲ့ငြိမ်းချမ်းရေး အမျိုးသမီးကွန်ယက်က မနော်အုန်းလှ အပါအဝင် အမျိုးသမီး ၅ဦးဟာ ရန်ကုန်တိုင်းမြို့နယ် ၁၀မြို့နယ်က အာဏာပိုင်တွေရဲ့ တရားစွဲဆိုမှုကို ခံခဲ့ရတာကြောင့် ရုံးတင်စစ်ဆေးခံနေရပါတယ်။ မနော်အုန်းလှပြောပြတာက -

“အားလုံးပေါင်းရင်တော့ ကျမတို့ အမျိုးသမီးကွန်ယက်က ပုဒ်မ ၁၈နဲ့ ၅၀၅ (ခ) နဲ့ ဒီမိုကရေစီနဲ့ ငြိမ်းချမ်းရေးအမျိုးသမီးကွန်ယက် ၅ယောက်ပါတယ်။ ၅ယောက်မှာ ၂၃မှု၊ ကျမတို့ အမျိုးသမီးကွန်ယက်ကလေ၊ အုပ်ချုပ်တဲ့ အုပ်ချုပ်သူတွေရဲ့ အပေါ်မှာ ကျမတို့က စာမတင်လို့ပေါ့နော်။ စာမတင်တဲ့အတွက် အကြောင်းမကြားလို့ အရေးယူတယ်ဆိုတဲ့ ပုံစံပေါ့။ ကျမတို့ကတော့ ဒီနည်းဥပဒေအရလည်း ကျမတို့က တင်စရာမလိုဘူး။ သူက ကန့်သတ်ချက်ရှိတယ်။ လူဘယ်နှစ်ယောက်၊ ဘယ်နေရာ၊ ဘယ်အချိန်၊ ဒါတွေပါတယ်အခါကျတော့ ကန့်သတ်ဖို့နော်။ ကျမတို့ က ကိုယ့်သဘောနဲ့ကိုယ်လာတယ်။ တစ်ယောက်စီ လာကြတယ်။ ကိုယ်ဆန္ဒနဲ့ကိုယ် ဒီရောက်မှ လုပ်ကြတဲ့အခါကျတော့ တင်လို့လည်း မရဘူး။ ကျမတို့ ဖြေရှင်းချက်ပေါ့လေ။ ကျမတို့လည်း ရဲစခန်းမှာ အဲ့သလို ဖြေရှင်းခဲ့ပါတယ်။ ကျမတို့က အစိုးရက ကျမတို့ရဲ့ ဒီမိုကရေစီကို ပိတ်ပင်တယ်လို့ မြင်ပါတယ်။”

မနော်အုန်းလှတို့ဟာ တဦးတည်းဆန္ဒသဘောအရ စီတန်းလမ်းလျောက်မူတွေကို ပြုလုပ်ခဲ့တာဖြစ်လို့ ခွင့်ပြုမိန့်တောင်းစရာမလိုဘူးလိုဆိုပါတယ် ဥပဒေကြောင်းအရပြောမယ်ဆိုရင်တော့ ပြဌာန်းထားတဲ့ ဥပဒေကိုက ပြဿနာဖြစ်နေတယ်လို့ ရှေ့နေကိုသိန်းသန်းဦးက ဆိုပါတယ်။

“ပြဌာန်းထားတဲ့ ဥပဒေကိုက ပြဿနာဖြစ်တယ်။ ဥပမာ အမေရိကန်မှာဆိုလို့ရှိရင် အမေရိကန်ပြည်ထောင်စု ပထမပြင်ဆင်ချက်မှာ နိုင်ငံသားတွေရဲ့ အခြေခံအခွင့်အရေးနဲ့ ပတ်သက်လို့ ဥပဒေပြဌာန်းထားပြီးတော့ မကန့်သတ်ရဘူးလို့ ဗြောင်ပြောထားတယ်။ တိတိကျကျ ပြောထားတယ်။ အခုက ကျနော်တို့က ဖွဲ့စည်းပုံအခြေခံဥပဒေ ပါ ပုဒ်မ ၃၅၄မှာ လက်နက်မပါဘဲ ငြိမ်းချမ်းစွာ စုဝေးခွင့်၊ စီတန်းလှည့်လည်ခွင့်တို့၊ လွတ်လပ်စွာ ဟောပြောခွင့်၊ ထုတ်ဖော်ခွင့်တို့ ဒါတွေပေးထားတယ်ဗျာ။ ဒီ၂၀၁၁ “ ငြိမ်း စု စီ” ဥပဒေပေါ်လာတဲ့ အခါကျတော့ ပုဒ်မ (၄) အရ လျော့လိုက်ပြီးတော့ ပုဒ်မ ၅ အရ မြို့နယ်ရဲတပ်ဖွဲ့မှူးက ငြင်းပယ်ခွင့်ပေးထားတယ်ဗျာ။ ဒါ တကယ်တမ်းကျတော့ ဖွဲ့စည်းပုံအခြေခံဥပဒေ ၃၈၁အရ ပြဌာန်းထားတာ နိုင်ငံသားများရဲ့ အခွင့်အရေးကို နံပတ်တစ်က ကျူးကျော်စစ်ဖြစ်နေတဲ့အချိန်၊ နံပတ်နှစ်က ပြည်တွင်းစစ် အရှိန်မြှင့်နေတဲ့အချိန်၊ တတိယအချက်က အရေးပေါ်အခြေအနေ ကြေညာထားတဲ့အချိန်က လွဲပြီးတော့ မရုပ်သိမ်းရဘူးဆိုတော့ ဖွဲ့စည်းပုံအခြေခံဥပဒေက ခုနက ၂၀၁၁ ဥပဒေနဲ့ ငြိနေတယ်ဗျ။ ဖွဲ့စည်းပုံ အခြေခံဥပဒေက ပင်မဥပဒေဖြစ်တဲ့အတွက် အဲ့ဒီ့အခွင့်အရေးကို နိုင်ငံသားတွေက ကျင့်သုံးခွင့်ရှိပါတယ်။ ကျနော်တို့ ယူဆတာက။ အဲ့တော့ ဥပဒေ အာနိသင်အရ ပြောရင် ဖွဲ့စည်းပုံအခြေခံဥပဒေ ၁၉၈ (က) အရ ဖွဲ့စည်းပုံ အခြေခံဥပဒေနဲ့ ကိုက်ညီမှုမရှိတဲ့အတွက် ပျက်တယ်လို့ ကျနော်တို့  ယူဆရမှာပါ။ ဒါဥပဒေပြဿနာပါ။"

လွတ်လပ်စွာ စီတန်းလှည့်လည်မူဥပဒေ ထွက်လာပြီးတဲ့နောက်ပိုင်းမှာတော့ မြန်မာနိုင်ငံမှာ တကိုယ်တော်ဆန္ဒပြမူတွေနဲ့ ခွင့်ပြုမိန့်မတောင်းဘဲ မိမိတဦးချင်းသဘောနဲ့ ဆန္ဒပြတယ်ဆိုပြီး အစုအဝေးနဲ့ ဆန္ဒပြမူတွေလည်း ဖြစ်လာခဲ့ပါတယ်။ အာဏာပိုင်တွေကတော့ ဒီဆန္ဒပြမူတွေကို ဦးဆောင်သူလို့ ယူဆရသူတွေကို လိုက်လံဖမ်းဆီးပြီး ပုဒ်မ ၁၈နဲ့ အရေးယူတာာတွေကို လုပ်ခဲ့တာကြောင့် အခုဆိုရင် ပုဒ်မ၁၈နဲ့ တရားစွဲဆိုခံရမူတွေ အများအပြားဖြစ်လာတယ်လို့ ရှေ့နေများကွန်ယက်ကပြောဆိုပါတယ်။

လက်ပံတောင်းတောင် သပိတ်စခန်း ဖြိုခွင်းရာမှာ ဖေါ့စဖရပ်ပါတဲ့ လက်နက်သုံး
ရဟန်းသံဃာတွေနဲ့ ကျေးရွာသူကျေးရွာသား အတော်များများ မီးလောင် ဒဏ်ရာရခဲ့တဲ့ စစ်ကိုင်း�€