30.01.2013 နေ့ဖတ်ရန်သတင်းများ

by Myanmar Journal on Tuesday, January 29, 2013 at 5:33pm ·

 

အမိန့် အမှတ် ၂/၈၈ ကို ပယ်ဖျက်
မြန်မာ နိုင်ငံမှာ နိုင်ငံရေး တက်ကြွ လှုပ်ရှား သူတွေကို အရေးယူ ရာမှာ အသုံး ပြုခဲ့တဲ့ အရင် စစ်အစိုးရ လက်ထက်က အမိန့် အမှတ် ၂ / ၈၈ ကို အခု အစိုးရက ပယ်ဖျက်လိုက် သလို၊ အီလက်ထရောနစ် ဥပဒေကိုလည်း ပြင်ဆင် ရေးဆွဲဖို့ သဘောတူ လိုက်ပါတယ်။

သမ္မတ ဦးသိန်းစိန်က လက်မှတ် ရေးထိုး ပယ်ဖျက် လိုက်တဲ့ ဒီအမိန့်ဟာ ဖွဲ့စည်းပုံ အခြေခံ ဥပဒေနဲ့ မကိုက်ညီတဲ့အတွက် ပယ်ဖျက်တာလို့ သမ္မတက အကြောင်းပြ ပေမယ့် တကယ်တော့ ငြိမ်းချမ်းစွာ စုဝေးခွင့်၊ စီတန်း လှည့်လည်ခွင့် စတာတွေနဲ့ ပတ်သက်တဲ့ ဥပဒေ ထွက်လာပြီ ဖြစ်တဲ့အတွက်၊ မလိုအပ်တော့လို့ ပယ်ဖျက်တဲ့ သဘော ဖြစ်ပါတယ်။
အခြေခံ ဥပဒေနဲ့ မညီတာကို ဘာကြောင့် အခု ချိန်ကျမှ ပယ်ဖျက်ရ သလဲ ဆိုတာတော့ မရှင်းလှ ပါဘူး။ နိုင်ငံရေး လှုပ်ရှားသူတွေ ကို အရေးယူ ရာမှာ အသုံးချလေ့ ရှိတဲ့ အီလက်ထရောနစ် ဥပဒေ ကိုလည်း ပြန်လည် ပြင်ဆင် ရေးဆွဲဖို့ ဆက်သွယ်ရေး ဒုဝန်ကြီးက လွှတ်တော်မှာ အင်္ဂါနေ့က သဘောတူ လိုက်ပါတယ်။
သင်္ကန်းကျွန်း ပြည်သူ့ လွှတ်တော် အမတ် ဦးသိန်းညွန့် ကတော့ ငြိမ်းချမ်းစွာ စုဝေးခွင့်၊ စီတန်း လှည့်လည်ခွင့် ရှိလာ တာဟာ လူ့အခွင့် အရေး ကို အထောက် အကူ ပြုတဲ့ အကြောင်း ပြောပါတယ်။
အီလက်ထရောနစ် ဥပဒေ အခန်း ၁၂ ပြဌာန်း ချက်တွေ အရ နိုင်ငံတော် လုံခြုံရေးကို ထိခိုက်တယ်လို့ ယူဆရင် ထောင်ဒဏ် ၇ နှစ် ကနေ ၁၅ နှစ် အထိ အပြစ်ပေး နိုင်ပါတယ်။ နာမည်ကျော် ဟာသ ပညာရှင် ကိုဇာဂနာ၊ ဘလော့ဂါ ကိုနေဖုန်းလတ်တို့ အပါ အဝင် နိုင်ငံရေး တက်ကြွ လှုပ်ရှားသူ အများ အပြားကို အဲဒီ ဥပဒေနဲ့ အရေးယူခဲ့ဖူး ပါတယ်။
အခုလို လူ့အခွင့် အရေး ကာကွယ်တဲ့ ဘက်ဆီကို ဦးတည်တဲ့ ဥပဒေ ဆိုင်ရာ ပြုပြင် ပြောင်းလဲ မှုတွေ ရှိလာ ပေမယ့် နိုင်ငံတော် လုံခြုံရေးကို အကြောင်းပြပြီး အရေးယူ နိုင်တဲ့ နိုင်ငံတော်အား နှောင့်ယှက် ဖျက်ဆီး လိုသူများ၏ ဘေးအန္တရာယ်က ကာကွယ်တဲ့ ဥပဒေ လိုမျိုး၊ အရေးပေါ် စီမံမှု ဥပဒေ ပုဒ်မ ၅ ည လိုမျိုး လက်ရှိ အာဏာတည် နေတဲ့ ဥပဒေ၂၀ လောက်ရှိ သေးတယ်လို့ လူ့အခွင့် အရေး လှုပ်ရှားသူ တဦး ဖြစ်တဲ့ ရှေ့နေ ကိုဖိုးဖြူက ပြောပါတယ်။
အဲဒီ ဥပဒေ တွေကို လိုအပ် သလို ပြင်ဆင် ဖျက်သိမ်း တာတွေ မလုပ်နိုင် သရွေ့တော့ မြန်မာ နိုင်ငံမှာ လူ့အခွင့် အရေးကို အပြည့် အဝ အာမခံ နိုင်ဖို့ ခက်နေဦးမှာ ဖြစ်ပါတယ်။

အီဂျစ်မတည်ငြိမ်မှု ဗိုလ်ချုပ်ကြီး သတိပေး
အီဂျစ်သမ္မတ မော်စီနဲ့ ကာကွယ်ရေး ဝန်ကြီး (ဝဲ)
အီဂျစ် နိုင်ငံက နိုင်ငံရေး ပြဿနာတွေ ဟာ နိုင်ငံပျက်စီး ပြိုလဲတဲ့ အထိ ဖြစ်သွား နိုင်တယ်လို့ အီဂျစ် စစ်တပ် အကြီး အကဲ က သတိပေးလိုက် ပါတယ်။
ကာကွယ်ရေး ဝန်ကြီးလည်း ဖြစ်တဲ့ စစ်တပ် အကြီးအကဲ ဗိုလ်ချုပ်ကြီး Abdal Fattah al-Sissi ရဲ့ ရှည်လျားလှတဲ့ ကြေညာချက်ကို အီဂျစ် စစ်တပ်ရဲ့ တရားဝင် Facebook စာမျက်နှာမှာ ဖော်ပြ ခဲ့တာပါ။
ဒါဟာ အတိုက်အခံ တပ်ဖွဲ့တွေကို တဘက်လှည့်နဲ့ ခြိမ်းခြောက်မှု ဖြစ်နိုင်ပြီး တိုင်းပြည်မှာ အေးဆေး တည်ငြိမ်မှု ရှိကြဖို့ ပန်ကြား တာ၊ စစ်တပ်ရဲ့ အခန်း ကဏ္ဍကို အီဂျစ် ပြည်သူတွေ သိအောင် ကြိုးစားတာ ဖြစ်ပုံရတယ်လို့ ဘီဘီစီ သတင်းထောက် Yolande Knell က ပြောပါတယ်။
ဗိုလ်ချုပ်ကြီး al-Sissi က အမျိုးမျိုးသော နိုင်ငံရေး အင်အားစုတွေက တိုင်းပြည်ရဲ့ ရေးရာ ကိစ္စတွေကို စီမံ ခန့်ခွဲနိုင်ဖို့ ဆက်လက် ကြိုးပမ်း နေတဲ့ အတွက် ဒါကြောင့် တိုင်းပြည် ပြိုလဲ သွားနိုင်တယ်လို့ သတိ ပေးလိုက် တာပါ။
စူးအက် တူးမြောင်း တစ်လျှောက် စစ်တပ်ကို နေရာ ချထားမှုဟာလည်း အီဂျစ် နိုင်ငံ အတွက် ပြည်ပ ဘဏ္ဍာ ငွေတွေ အဓိက ဝင်နေတဲ့ ရင်းမြစ် နေရာ အချက် အချာ ရေကြောင်းလမ်း ကို ကာကွယ်ဖို့ သက်သက်သာ ဖြစ်တယ်လို့ သူက ပြောပါတယ်။
အီဂျစ် နိုင်ငံ အတွင်း မတည် မငြိမ်မှုတွေ ခြောက်ရက်မြောက် နေ့ထဲ ဝင်လာချိန်မှာ ပဋိပက္ခတွေ ကြောင့် သေဆုံးခဲ့ကြ ရသူ ၅၀ ကျော် ရှိသွားခဲ့ပါပြီ။ မကြားသေးခင် ရက်တွေ အတွင်း အဆိုးရွားဆုံး အကြမ်း ဖက်မှုတွေ ဖြစ်ပွားခဲ့ရာ စူးအက် တူးမြောင်း တလျှောက် မြို့တွေမှာ ထုတ်ပြန် ထားတဲ့ ညမထွက်ရ အမိန့်ကို ဂရုမစိုက်ဘဲ ပြီးခဲ့တဲ့ ညက ထောင်နဲ့ ချီတဲ့ လူတွေ က ည မှောင်တာနဲ့ ကန့်ကွက် ဆန္ဒပြ မှုတွေ ဆက်လက် ပြုလုပ် ခဲ့ကြ ပါတယ်။
သူတို့က မနှစ်တုန်းက ဖြစ်ခဲ့တဲ့ လူသေဆုံးမှု ရှိခဲ့တဲ့ ဘောလုံးပွဲ အဓိ ကရုဏ်းမှာ ပါဝင် ပတ်သက် ခဲ့ကြတဲ့ ဘောလုံး ဝါသနာအိုး ၂၁ ယောက်ကို ပို့ဆက်မြို့ တရားရုံးက သေဒဏ် ချမှတ် ခဲ့မှုအပေါ် မကျေ မနပ် ဆန္ဒပြကြတာ ဖြစ်ပါတယ်။
တခြား နေရာတွေမှာလည်း သမ္မတ မိုဟာမက် မော်စီရဲ့ အာဏာပိုင် အဖွဲ့ကို ဆန့်ကျင်တဲ့ ချီတက် ဆန္ဒ ပြမှုတွေ ရှိခဲ့ပါတယ်။
အင်အားကြီးမားတဲ့ အစ္စလာမ် လှုပ်ရှားမှု အဖွဲ့ ဖြစ်တဲ့ မွတ်ဆလင် ညီနောင်များ အဖွဲ့ဝင် ဖြစ်သူ မစ္စတာ မော်စီဟာ မနှစ်က အီဂျစ် နိုင်ငံမှာ သမ္မတ ရွေးကောက်ပွဲမှာ ပထမဆုံး အကြိမ် လွတ်လွတ် လပ်လပ် ရွေးကောက် ခံ သမ္မတ ဖြစ်လာခဲ့ပါတယ်။
အီဂျစ် လူမျိုးတွေ အားလုံး ပါဝင်တဲ့ အစိုးရ တစ်ရပ် ဖွဲ့စည်းမယ်လို့ ကတိတွေ ပေးခဲ့ပေမဲ့ အာဏာရှင် ဆန်ဆန် လွတ်လပ်စွာ ထုတ်ဖော် ပြောဆိုခွင့်နဲ့ ဘာသာရေး လွတ်လပ်ခွင့်တို့ ကို အလုံ အလောက် အကာအကွယ် မပေးတဲ့ ဖွဲ့စည်းပုံ အခြေခံ ဥပဒေ သစ်ကို တွန်းအား ပေးတယ်လို့ အတိုက်အခံတွေက စွပ်စွဲပါတယ်။
လက်ရှိ ဖြစ်နေတဲ့ အခြေ အနေတွေကို တည်ငြိမ်အောင် ထိန်းသိမ်းနိုင်စေဖို့ ကြိုပမ်းတဲ့ တနင်္ဂနွေ နေ့ညနေက ဆွေးနွေးပွဲကို အတိုက်အခံ ခေါင်းဆောင်တွေ တက်ရောက်ဖို့ သူ ဖိတ်ခဲ့ပေမဲ့ သမ္မတနဲ့ မဟာမိတ် ဖြစ်ပြီးသား အစ္စလာမ် ဝါဒီ တွေသာ တက်ရောက်ခဲ့ကြ ပါတယ်။

ငြိမ်းချမ်းရေးအတွက် KIOနဲ့ လက်တွဲလုပ်မယ်လို့ ကာကွယ်ရေး ဝန်ကြီးဌာနပြော
တပ်မတော် စစ်ကြောင်းတွေကို KIA က လာရောက် နှောင့်ယှက်နေတယ်လို့ ကာကွယ်ရေး ဝန်ကြီးဌာနကပြော
မြန်မာနိုင်ငံတဝှမ်းလုံး ငြိမ်းချမ်းရေး ရရေးအတွက် မြန်မာ့တပ်မတော်အနေနဲ့ KIO/KIA နဲ့ အတူ လက်တွဲ ဆောင်ရွက်သွား မယ်လို့ မြန်မာအစိုးရ ကာကွယ်ရေး ဝန်ကြီးဌာနက ဇန္နဝါရီလ ၂၈ရက်နေ့စွဲနဲ့ သတင်း ထုတ်ပြန်လိုက်ပါတယ်။
ကချင်ဒေသမှာ အစိုးရရဲ့ စစ်ဆင် တိုက်ခိုက်မှုတွေဟာ လမ်းပန်း ဆက်သွယ်မှု လုံခြုံ ချောမွေ့စေရေးနဲ့ ပြည်သူလူထုရဲ့ အသက်အိုးအိမ် စည်းစိမ်အား နှောင့်ယှက် ဖျက်ဆီးနေတဲ့ KIA လက်နက်ကိုင် အဖွဲ့ကို တပ်မတော်ရဲ့ မူလတာဝန်အတိုင်း ဆောင်ရွက်ရခြင်းနဲ့ လဂျားယန် တပ်စခန်းရှိ တပ်မတော်သားတွေ ကြုံတွေ့နေရတဲ့ ရိက္ခာ ပြတ်လတ်မှု၊ KIA လက်နက်ကိုင်တွေ ဝိုင်းရံထားမှုတွေကနေ ကယ်တင်ခဲ့ရတဲ့ အကန့်အသတ်နဲ့ ဆောင်ရွက်ခဲ့တဲ့ စစ်ဆင်ရေး တရပ်သာ ဖြစ်တယ်လို့ အဲဒီ သတင်း ထုတ်ပြန်ချက် ထဲမှာ ဖေါ်ပြထားပါတယ်။
KIO ကချင် လွတ်လပ်ရေး အဖွဲ့ ဗဟို ကော်မီတီဝင် အရာရှိ ဗိုလ်မှူးကြီး တဦးကတော့ ဒီသတင်း ထုတ်ပြန်ချက်ပါ အချက်တွေဟာ KIA ကို သောင်းကျန်းသူတွေအဖြစ် တဖက်လှည့်နဲ့ စွပ်စွဲထားတာသာ ဖြစ်ကြောင်းနဲ့ မြန်မာ စစ်တပ်က ထိုးစစ်ဆင်နေသမျှ ကာလပတ်လုံး နှစ်ဘက် တွေ့ဆုံဆွေးနွေးဖို့ မဖြစ်နိုင်ကြောင်း ဘီဘီစီကို ပြောပါတယ်။
KIO နဲ့ အစိုးရ အကြား ငြိမ်းချမ်းရေး ကြားဝင် စေ့စပ်ပေးဖို့ စီစဉ်နေတဲ့ UNFC ညီညွတ်သော တိုင်းရင်းသားများ ဖက်ဒရယ် ကောင်စီ အဖွဲ့ဝင် KNPP က ဦးအောင်ဆန်းမြင့်ကတော့ ခုလက်ရှိမှာ စစ်တပ်ရဲ့ အပြောနဲ့ အလုပ် မညီတာ တွေ့နေရကြောင်း၊ ပြည်တွင်း ငြိမ်းချမ်းရေး ရရေးဟာ အပစ်အခတ်ရပ်စဲရေး ခိုင်မာမှု မခိုင်မာမှုပေါ်မှာ မူတည်နေပြီး စစ်တပ်က လိုလိုလားလား ပါဝင် ဆောင်ရွက်ဖို့ လိုကြောင်း၊ အခုလို ကာကွယ်ရေး ဝန်ကြီးဌာနက ငြိမ်းချမ်းရေးမှာ ထဲထဲဝင်ဝင် ပါဝင်လာမယ် ဆိုရင်တော့ ကောင်းမွန်တဲ့ ဦးတည်ချက်ကို သွားတယ် လို့ ယူဆနိုင်မှာ ဖြစ်ကြောင်း ဘီဘီစီကို ပြောပါတယ်။
UNFC အဖွဲ့အနေနဲ့ မကြာခင်ရက်ပိုင်းမှာ အစည်းအဝေး ခေါ်ယူပြီး ကချင်အရေး ဆွေးနွေးဖို့ ရှိတယ်လို့လည်း ပြောပါတယ်။

လက်ပံတောင်းသပိတ် ဖြိုခွဲခံရမှု ၂ လပြည့် ဆန္ဒပြ

လက်ပံတောင်းဒေသခံတွေ ဆန္ဒပြ
လက်ပံတောင်းတောင် ကြေးနီစီမံကိန်းကို ရပ်ဆိုင်းဖို့အတွက် ဆန္ဒပြခဲ့တဲ့ သံဃာတော်တွေကို အကြမ်းဖက် နှိမ်နင်းခဲ့တာဟာ အခုဆိုရင် (၂) လပြည့်ခဲ့ပါပြီ။ အကြမ်းဖက်သူတွေကို အရေးယူပေးဖို့အတွက် ၀ိုင်းဝန်းတောင်းဆိုနေပေမဲ့ (၂) လပြည့်ချိန်အထိ ထိထိရောက်ရောက် အရေးယူတာ မရှိသေးသလို၊ လက်ပံတောင်းတောင် ကြေးနီစီမံကိန်းကို ရပ်ပစ်ဖို့ ဒီကနေ့မှာပဲ ဆန္ဒပြသူတွေ၊ ဒေသခံတွေ  ထောင်ဂဏန်းချီ ပူးပေါင်းဆန္ဒပြခဲ့ကြတာပါ။ အပြည့်အစုံကိုတော့ ထိုင်းအခြေစိုက် ဗွီအိုအေသတင်းထောက် မအေးအေးမာ က တင်ပြထားပါတယ်။

လက်ပံတောင်းတောင် ကြေးနီစီမံကိန်း ရပ်တန့်ရေး အပါအ၀င် ပြီးခဲ့တဲ့ (၂) လက  သပိတ်စခန်း အကြမ်းဖက် ဖြိုခွဲခံရမူကို အရေးယူ ဆောင်ရွက်ပေးခြင်း မရှိတာကြောင့် ဆန္ဒပြရခြင်းဖြစ်ကြောင်း ဦးဆောင်သံဃာတပါးဖြစ်တဲ့ စမ်းမြ၀တီ ကျောင်းတိုက်က ဆရာတော် ဦးစန္ဒာသီရိ ကပြောပါတယ်။

“လက်ပံတောင်းတောင် အကြမ်းဖက် ဖြိုခွဲတဲ့နေ့၊ သပိတ်ဖြိုခွဲတဲ့နေ့၊ သံဃာတွေ ဒဏ်ရာရတဲ့နေ့ (၂) လပြည့်ပါ။ လူအင်အားကတော့ ၂ ထောင်ကျော်ကျော် ရှိမယ် ထင်ပါတယ်။ ကြွေးကြော်သံ တိုင်နေတာကတော့ လက်ပံတောင်းတောင် ကြေးနီစီမံကိန်း လုံးဝ ဖျက်သိမ်းရေးလေ။ နောက်ပြီး သပိတ်စခန်း နှိမ်နင်းမှုမှာ ပတ်သက်သူတွေ၊ ပါဝင်သူတွေကို အမြန်ဆုံး ထိရောက်စွာ အရေးယူပေးဖို့ အရေးဆိုပြီးတော့ ကြွေးကြော်သံတွေနဲ့ပါ။ နောက်ပြီး လက်ပံတောင်းတောင်အရေးကြောင့် ဖမ်းဆီးထားသူများကို ခြွင်းချက်မရှိ အမြန်ဆုံး လွှတ်ပေးရေးပေါ့။ လူထုဆန္ဒ ကို ဖော်ဆောင်ပေးရေး၊ နောက်ပြီးတော့ ပြည်သူ့အစိုးရ ပြည်သူ့ဘက်က ရပ်တည်ပေးရေး ဆိုပြီးတော့ ကြွေးကြော်ချီတက်လာကြတာပါ။ ဒေသခံတွေ အားနည်းတာကြောင့် ရဟန်းသံဃာတွေက လိုက်ပါ စောင့်ကြည့်ပေးရုံပါပဲ ဦးဇင်းတို့ကတော့။ ငြိမ်းချမ်းရေး အကြမ်းမဖက်ရေးတွေနဲ့ ဦးဇင်းတို့ ရဟန်းတွေက လိုက်ပါစောင့်ကြပ်နေပါတယ်။”

မကြာခင်မှာပဲ လက်ပံတောင်း ကြေးနီစီမံကိန်းနဲ့ပတ်သက်လို့ စုံစမ်းစစ်ဆေးရေးကော်မရှင်က အစီရင်ခံစာ ထွက်လာဖို့ ရှိပေမဲ့ ဒေသခံတွေကတော့ ကော်မရှင်က ဘာပဲဆုံးဖြတ်ဆုံးဖြတ် လက်ပံတောင်းတောင် ကြေးနီစီမံကိန်း ရပ်တန့်ရေးကိုသာ လုပ်ဆောင်သွားမယ်လို့ ဆန္ဒပြသူ အမျိုးသမီးတဦးက ဆိုပါတယ်။

“စုံစမ်းရေးအဖွဲ့အနေနဲ့ ကျမတို့ ပြည်သူတွေဘက်ကနေပြီးတော့ ရပ်တည်မပေးဘူးလို့ ကျမတို့ ယုံကြည်ပါတယ်။ အဲ့ဒီလိုပဲ အကောင်းဆုံး အဖြေထွက်မလာဘူး ဆိုရင်လည်း ကျမတို့အနေနဲ့ လုံးဝရပ်တန့်တဲ့အထိ တောင်းဆို ဆန္ဒပြသွားမှာပါ။”

ဆန္ဒပြရာမှာ မြန်မာဝိဇ္ဇာသိပ္ပံကျောင်းသားများ ကွန်ယက်အပါအ၀င် တခြားအဖွဲ့အစည်း အသီးသီးက ကျောင်းသား လူငယ်တွေလည်း ပါဝင်ကြပါတယ်။ ကျောင်းသားတွေကလည်း သူတို့သဘောထားကို အခုလို ပြောပါတယ်။

“နိုင်ငံရေး တက်ကြွလှုပ်ရှားသူတွေ၊ ကွန်ယက်အသီးသီးတွေ အဖမ်းခံရပြီး ဒီသပိတ်စခန်းကို အကြမ်းဖက်တဲ့ လူတွေကိုကျတော့ အခုထက်ထိ စုံစမ်းစစ်ဆေးမှုတွေ မလုပ်သေးတဲ့အတွက်ကြောင့် ဆန္ဒဖော်ထုတ်ရတာလည်း ဖြစ်ပါတယ်။”

စမ်းမြ၀တီ ကျောင်းတိုက်က ဆရာတော် ဦးစန္ဒာသီရိကတော့ အာဏာပိုင်တွေ စောင့်ကြည့်နေတဲ့ကြားကပဲ ဆန္ဒပြမှုတွေ ဆက်လုပ်ခဲ့တဲ့အကြောင်းနဲ့ လုံခြုံရေးတွေ အများအပြားကတော့ လိုက်လံစောင့်ကြည့်မှုတွေ မပြတ်လုပ်နေတယ်လို့ ဆိုပါတယ်။

“အခုအချိန်မှာတော့ ဦးဇင်းတို့ ကြွေးကြော်သံတွေလည်း ကြွေးကြော်ပြီးတော့ တနာရီတိတိမှာ တုံရွာထိပ် သပိတ်စခန်းကနေပြီး လမ်းလျှောက်ချီတက် ဆန္ဒပြလာတဲ့အချိန်မှာ SB လို့ခေါ်တဲ့ ရဲသတင်းတပ်ဖွဲ့တွေ၊ အဲ့ဒီအရပ်ဝတ် ရဲတွေ အများအပြား စောင့်ကြည့်နေပါတယ်။”

နောက်ဆုံးသတင်းတွေအရ တုံရွာသပိတ်စခန်းက လက်ပံတာင်းတောင်ခြေ ၀မ်ဘောင်ကုမ္ပဏီ ရှိတဲ့နေရာကို ဆန္ဒပြသူတွေ ရောက်လာချိန်မှာတော့ ပုသိမ်မုံရွာ ကားလမ်းမကြီးကို အာဏာပိုင်တွေက ပိတ်ဆို့ပြီး ဟန့်တားမူတွေ လုပ်နေတယ်လို့လည်း ဆိုပါတယ်။

လက်ပံတောင်းတောင်ကြေးနီစီမံကိန်းကို မြန်မာဝမ်ဘောင် ကုမ္ပဏီနဲ့ မြန်မာ့စီးပွာရေး ဦးပိုင်ကုမ္ပဏီ လီမီတက်တို့ ပူးပေါင်းလုပ်ဆောင်ခဲ့တာဖြစ်ပြီး၊ ဒေသခံတွေရဲ့ လယ်မြေဧကပေါင်း (၇၈၀၀) ကျော် သိမ်းယူခဲ့သလို ရွာ (၄) ရွာကိုလည်း နေရာပြောင်းရွေ့ခိုင်းခဲ့ပါတယ်။

ကုမ္ပဏီဘက်ကတော့ ဒေသခံတွေကို နစ်နာကြေးပေးပြီးသား ဖြစ်တာကြောင့် စီမံကိန်းကို ရပ်မှာမဟုတ်ဘူးလို့ ဆိုပါတယ်။ ဒေသခံတွေကတော့ စီမံကိန်းကာလအတွင်းမှာ ကုမ္ပဏီက ကားတွေဟာ လယ်ယာတွေကို ဖြတ်သန်းမောင်းနှင်တဲ့အတွက် သီးနှံပျက်ဆီးခ (၃) နှစ်စာ လျော်ကြေးကိုသာ ပေးခြင်းဖြစ်ကြောင်း၊ စာချုပ်တွေထဲမှာ အဲဒီလိုပဲ ရေးသားထားကြောင်း၊ လယ်သမားတွေကို အနည်းငယ်သာရှိတဲ့ နစ်နာကြေးပေးပြီး သိမ်းတာမျိုးကို လက်မခံနိုင်ကြောင်း၊ ဒီအတွက် လက်ပံတောင်းတောင် ကြေးနီစီမံကိန်း ရပ်တန့်ရေးကိုသာ လိုလားတဲ့ အကြောင်း ပြောဆိုခဲ့ကြပါတယ်။

မကြာသေးခင်တုန်းကတော့ တရုတ်ကုမ္ပဏီဖြစ်တဲ့ မြန်မာဝမ်ဘောင်ကုမ္ပဏီ တာဝန်ရှိသူတယောက်က စီမံကိန်း ရပ်တန့်ရမယ်ဆိုရင် ဥပဒေကြောင်းအရ ရင်ဆိုင်ဖြေရှင်းမှာ ဖြစ်တယ်လို့ တုံ့ပြန်ထားပါတယ်ရှင်။

နိုင်ငံရေးပြဿနာရဲ့ အန္တရာယ် အီဂျစ်စစ်တပ် သတိပေး

အီဂျစ်နိုင်ငံမှာ ဆန္ဒပြမှု ဆက်လက်ဖြစ်ပွား
အီဂျစ်နိုင်ငံအတွင်းမှာ ဖြစ်ပွားနေတဲ့ ပဋိပက္ခ အဓိကရုဏ်းတွေကြောင့် နိုင်ငံပြုကွဲသွား နိုင်တယ်လို့ အီဂျစ်စစ်တပ် အကြီးအကဲ က သတိပေးလိုက်ပါတယ်။

အီဂျစ်ကာကွယ်ရေးဝန်ကြီး အဘ္ဘဒယ်လ် ဖါတာ အယ်လ်ဆစ်ဆီ (Abdel-Fattah el-Sissi) က စစ်တက္ကသိုလ် ဗိုလ်လောင်းတွေကို အင်္ဂါနေ့က မိန့်ခွန်းပြောကြားရာမှာ အဲဒီလို ထည့်သွင်းပြောဆို သွား တာပါ။

အစိုးရဆန့်ကျင်ရေး အဓိကရုဏ်းတွေဖြစ်ခဲ့တာကို နှိမ်နင်းနိုင်ဖို့အတွက် အီဂျစ်အစိုးရက နိုင်ငံအတွင်း မြို့ကြီးတချို့မှာ အရေးပေါ်အခြေအနေနဲ့ ညမထွက်ရအမိန့် ထုတ်ပြန်ထား တာကို ဆန့်ကျင်ပြီး ရာနဲ့ချီတဲ့ အစိုးရ အတိုက်အခံ ဆန္ဒပြသူတွေဟာ ညဘက် လမ်းမတွေပေါ်ထွက် စုရုံးခဲ့ကြ ပြီး နောက်တနေ့မှာ အခုလို ပြောဆိုချက်ထွက်ပေါ်လာ တာပါ။

ပို့ဆဒ်၊ အစ္စလမ်မီးယား နဲ့ ဆူးအက်ဇ် မြို့တွေမှာ ပထမဆုံးအကြိမ်အဖြစ် ညမထွက်ရအမိန့်ကို တနင်္လာနေ့ ညမှာ စတင် ထုတ်ပြန်ခဲ့ပါတယ်။ အရေးပေါ်အခြေအနေ ကြေညာချက်ကိုတော့ သမ္မတ မိုဟာမက် မော်ဆီ (Mohamed Morsi ) က တနင်္ဂနွေနေ့မှာ ထုတ်ပြန်ခဲ့တာပါ။

အနည်းဆုံး တလ ကြာမြင့်မယ့် အရေးပေါ်အခြေအနေ ထုတ်ပြန်လိုက်တာနဲ့ ပတ်သက်ပြီး မြို့ကြီးတော်တော်များများက ပြည်သူတွေဟာ တနင်္လာနေ့တနေ့လုံး မကျေမနပ်ဖြစ် ပြီး ဒေါသထွက်နေကြပါတယ်။

ကိုင်ရိုမြို့တော်မှာ ဆန္ဒပြသူတွေက လုံခြုံရေးရဲတွေကို ကျောက်ခဲတွေနဲ့ ပစ်ပေါက်ခဲ့ကြ သလို ရဲတွေကလည်း မျက်ရည်ယိုဗုံးတွေနဲ့ ပြန်လှန်ပစ်ခတ်ခဲ့ကြပါတယ်။ ပို့ဆာ့ဒ် မြို့မှာလည်း အဓိကရုဏ်းတွေ ဖြစ်ခဲ့တယ်လို့ မျက်မြင်တွေ့သူတွေက ပြောကြပါတယ်။

Paris Club မြီရှင်အဖွဲ့ မြန်မာကြွေးမြီ တဝက်လျှော်ပေးမည်

Paris Club Logo
Paris Club မြီရှင်နိုင်ငံများက မြန်မာနိုင်ငံရဲ့ နိုင်ငံရေး၊ စီးပွားရေး ပြုပြင်ပြောင်းလဲမှုတွေကို အသိအမှတ်ပြုတဲ့အနေနဲ့ မြန်မာနိုင်ငံက တင်ရှိနေတဲ့ အကြွေးစုစုပေါင်းရဲ့ ၅၀% လျှော်ပစ်လိုက်ပါပြီ။ ဂျပန်နိုင်ငံက ဒေါ်လာသန်းပေါင်း သုံးထောင်ကျော်နဲ့ နော်ဝေနိုင်ငံက ဒေါ်လာ ၅၃၄သန်းကို ဦးဆောင်ပြီး အကြွေးတွေကို လျှော်ပစ်ပေးလိုက်တာပါ။ ကျန်မြီရှင်နိုင်ငံတွေကလည်း လာမယ့် ၆လ အတွင်း မြန်မာနိုင်ငံရဲ့ ပြုပြင်ပြောင်းလဲမှု အခြေအနေတွေကို အနီးကပ်စောင့်ကြည့်ပြီး တိုးတက်မှုရှိရင် ရှိသလို အကြွေးတွေလျှော်ပစ်ဖို့အလားအလာရှိကြောင်း၊ ကမ္ဘာ့ဘဏ်နဲ့ အာရှဖွံ့ဖြိုးရေး ဘဏ်က ပေးမယ့် ချေးငွေအသစ်တွေအပေါ်မှာလည်း IMF နိုင်ငံတကာငွေကြေးရန်ပုံငွေအဖွဲ့ရဲ့ အနီးကပ်ကွပ်ကဲမယ့်အစီအစဉ်တွေနဲ့သာ အကောင်အထည်ဖေါ်ရမှာဖြစ်လို့ ပွင့်လင်းမြင်သာမှု ပိုရှိလာမှာဖြစ်တယ်လို့ မြန်မာနိုင်ငံ စီမံကိန်းနဲ့ ဘဏ္ဍာရေးဝန်ကြီး ဦးဝင်းရှိန် ဦးဆောင်တဲ့မြန်မာ ကိုယ်စားလှယ်အဖွဲ့ဝင် ဒေါက်တာဇော်ဦးက ပြောပါတယ်။ အသေးစိတ်ကို ရန်ကုန်ရုံး ကနေ ဒေါ်ခင်စိုးဝင်းက သတင်းပေးပို့ထားပါတယ်။

စီမံကိန်းနဲ့ ဘဏ္ဍာရေးဝန်ကြီး ဦးဝင်းရှိန် ဦးဆောင်တဲ့မြန်မာကိုယ်စားလှယ်အဖွဲ့နဲ့ Paris Club ခေါ် မြီရှင်နိုင်ငံများ အဖွဲ့တို့ဟာ ဇန်နဝါရီလ ၂၅ရက်နေ့တုန်းက ၁၈နာရီကြာ အကြိတ်အနယ် ဆွေးနွေး အပြီးမှာ မကြုံစဖူး မြန်မာနိုင်ငံရဲ့ ကြွေးမြီ ဒေါ်လာ သန်းပေါင်း ခြောက်ထောင်ကျော် လျှော်ပစ်တဲ့အထိ ညှိနှိုင်းနိုင်ခဲ့တယ်လို့ ဒေါက်တာဇော်ဦးက ဗွီအိုအေကို ပြောပြပါတယ်။

“ Paris Club က ၅၀% နဲ့ အထက် လျှော်မယ်လို့ ပြောလိုက်တော့ သူက ချက်ခြင်းကို ၅၀% ကျနော်တို့ကို လျှော်ပေးလိုက်တယ်။ ဂျပန်က အပိုအဆောင်းအနေနဲ့ ကျနော်တို့ ၁၅% လောက် ထပ်ပြီးတော့ လျှော်တယ်။ နော်ဝေကတော့ နောက်ထပ် ၅၀%၊ ၁၀၀% အပြည့် လျှော်ပေး လိုက်တာပေါ့နော်။ ကျနော်တို့ နောက်ထပ် ၁၀နိုင်ငံ ကျန်သေးတယ်။ အဲ့တော့ အဲ့ဒီ့ ၁၀နိုင်ငံကလည်း အလားအလာကောင်းတယ်လို့ ပြောလို့ရတယ်။ အကြွေးတော်တော်များများ ဟာ နောင်နှစ်အတွင်းမှာ တော်တော်များများကို ထပ်ပြီးတော့ လျှော်ပစ်လိုက်နိုင်မယ်လို့ ထင်ပါတယ်။ ဒါကတော့ ကျနော်တို့ အခု နောင် ၆လ၊ ၈လအတွင်းမှာ လုပ်မယ့် ပြုပြင်ပြောင်းလဲရေး အစီအစဉ်တွေ ဘယ်လိုရလာဒ်ကောင်းတွေ ရမလဲဆိုတဲ့ အနေအထား၊ သူတို့ရဲ့ တိုးတက်မှု အနေအထားတွေပေါ်မှာ လည်း မူတည်ပါတယ်။ ဒါပေမဲ့လည်း အခုလက်ရှိ သဘောတူညီချက်အရကိုက အင်မတန်မှ အလားအလာကောင်းတွေရှိနေတယ်လို့ ပြောလို့ရပါတယ်။”

ကမ္ဘာ့ဘဏ်နဲ့ ADB လို့ခေါ်တဲ့ အာရှဖွံ့ဖြိုးရေးဘဏ်ကလည်း မြန်မာနိုင်ငံက တင်ရှိနေတဲ့ ကြွေးတွေကို ဂျပန်ကနေကြားကနေ ပြန်ဆပ်ပေးတဲ့ အတွက်ကြောင့်မို့လို့ ကြွေးအသစ်ပေးမယ် လို့ ကြေညာ လိုက်ပါတယ်။ အဲ့ဒီ့တော့ ADB က ပေးမယ့် ဒေါ်လာ ၅၁၂ သန်းရယ်၊ ကမ္ဘာ့ဘဏ်က ပေး မယ့် ဒေါ်လာ သန်းပေါင်း ၄၄၀ အဲ့ဒီ့ငွေတွေကရော Paris Club ကြွေးမြီလျှော်ပစ်တာနဲ့ရော ဆက်စပ်နေပါသလားရှင့်။

“ ဆက်စပ်ပါတယ်။ အကြွေးအားလုံးကို ကိုင်ထားတာက Paris Club ပါ။ ဘာအကြွေးပဲဖြစ်ဖြစ်၊ အစိုးရနဲ့ပဲ အကြွေးတင်တာဖြစ်ဖြစ်၊ ပုဂ္ဂလိက နိုင်ငံတကာ နိုင်ငံခြားဘဏ်တွေနဲ့ အကြွေးတင်တာပဲဖြစ်ဖြစ်၊ အခုနကပြောတဲ့ အပြည်ပြည်ဆိုင်ရာ အဖွဲ့အစည်းတွေဖြစ်တဲ့ ADB တို့ World Bank တို့နဲ့ အကြွေးတင်တာပဲဖြစ်ဖြစ်၊ ရှိသမျ အကြွေးအားလုံးဟာ တိုင်းပြည် တစ်ခုဟာ ပြန်မဆပ်နိုင်ဘဲနဲ့ အကြွေးထူလာပြီဆိုရင် ဒီကိစ္စကို ဝိုင်းဖြေရှင်းပေးရတာက Paris Club ပါ။ ကျနော်တို့က Paris Club နဲ့ အရင်ဆုံး ညှိပြီး သဘောတူညီချက်ရပြီဆိုတော့မှ ကျန်တဲ့ မြီရှင်နိုင်ငံတွေ၊ အဖွဲ့အစည်းတွေနဲ့ ဘဏ်တွေကနေပြီးတော့ ကျနော်တို့ကို ဘယ်လိုကြွေးကို လျှော်ပစ်လို့ရမလဲဆိုတာကို စဉ်းစားတာပါ။ အခုနက ကျနော်ပြောလိုက်တဲ့ သန်းပေါင်း ခြောက်ထောင်နီးပါး လျှော်ပစ်လိုက်နိုင်တယ်ဆိုတာက ဒီမြီရှင်နိုင်ငံ နှစ်ခုရယ် နောက်ပြီးတော့ ၁၂ခုကနေပြီးတော့ ပေါင်းပြီးတော့ ကျနော်တို့ကို ပထမအရစ်အနေနဲ့ ၅၀% စပြီးတော့ လျှော်ပေးလိုက်တာပါ။ သို့သော်လည်းပဲ အပြည်ပြည်ဆိုင်ရာအဖွဲ့အစည်းတွေဖြစ်တဲ့ ကမ္ဘာ့ဘဏ်တို့ ADB တို့ကတော့ သူတို့ရဲ့ အဖွဲ့ဝင်တွေအပေါ်မှာ ကတိကဝတ် ရှိမှုကြောင့်မို့လို့ ဘယ်အကြွေးမဆို သူတို့က လျှော်ပစ်လို့မရဘူး။ အကြွေးမှန်သမျ သူတို့က ရကို ရရမယ်ဆိုတော့ ကျနော်တို့ကလည်း အဲ့တာကို ပြန်ဆပ်သင့်ပါတယ်။ ဒါကိုလည်း ကျနော်တို့ ဂျပန်အစိုးရကနေ တဆင့် ကျနော်တို့ကို ကူညီတဲ့အနေနဲ့ ဆပ်ပေးလိုက်တဲ့အတွက်ကြောင့် ကျနော်တို့က အကြွေးအသစ်နဲ့ သူတို့ကို စပြီးတော့ ပူးပေါင်းဆောင်ရွက်လို့ရသွားပြီ ဆိုတဲ့ အခြေအနေ လမ်းကြောင်းတစ်ခုပွင့်သွားတာပါ။”

ချေးငွေတွေကို အသုံးချတဲ့နေရာမှာလည်း IMF ခေါ် နိုင်ငံတကာငွေကြေးရန်ပုံငွေအဖွဲ့ရဲ့ အနီး ကပ်စောင့်ကြည့်တဲ့ စနစ်ကို သဘောတူ လက်မှတ်ရေးထိုးခဲ့တာနဲ့ ပတ်သက် လို့လည်း ဒေါက်တာဇော်ဦးက အခုလိုရှင်းပြပါတယ်။

“IMF က ကျနော်တို့ကို စောင့်ကြည့်မယ့် အစီအစဉ်တွေ၊ နောက်ပြီးတော့ ခုနပြောတဲ့ World Bank တို့၊ ADB တို့ကလည်း သူတို့ စီမံကိန်းတွေ လုပ်မယ်ဆိုရင် အရမ်း၊ အရမ်း လုပ်လို့မရပါဘူး။ အခုခေတ်မှာ ပြည်သူဗဟိုပြု အဖွဲ့အစည်းတွေ၊ Civil Society ကလည်း အင်မတန် အားကောင်းလာပြီဖြစ်တဲ့အတွက်ကြောင့်မို့လို့ သူတို့ရဲ့ ပါဝင်မှုနဲ့ သူတို့ရဲ့ အကြံပြုချက်တွေကလည်း အင်မတန်မှ အရေးကြီးပါလိမ့်မယ်။ အဲ့တော့ ကျနော်တို့ဖွံ့ဖြိုးရေးစီမံကိန်းတော်တော်များများဟာ ခုနပြောတဲ့ မူဘောင်တွေထဲမှာ လုပ်သွားမှာဖြစ်တဲ့အတွက်ကြောင့်မို့လို့ ပွင့်လင်းမြင်သာမှု၊ ယခင်ကထက်စာရင် ပိုပြီးတော့ အများကြီး အားကောင်းလာလိမ့်မယ်လို့ ထင်ပါတယ်။”

မြန်မာနိုင်ငံအနေနဲ့ နိုင်ငံတကာက ရရှိတဲ့ ချေးငွေတွေကို ဖွံ့ဖြိုးရေးစီမံကိန်းတွေ၊ ဆင်းရဲမွဲတေမှုလျော့ပါးရေး အစီအစဉ်တွေအတွက်၊ အသုံးချပြီးတော့ စီးပွားရေးနဲ့ လူမှုရေးပြုပြင်ပြောင်းလဲမှု အတွက် အားသွန်ခွန်စိုက် အကောင်အထည်ဖော်သွားမယ့် အကြောင်း မြန်မာနိုင်ငံ  စီမံကိန်းနဲ့ ဘဏ္ဍာရေးဝန်ကြီးဌာန ဦးဆောင်တဲ့ ကိုယ်စားလှယ်အဖွဲ့နဲ့ Paris Club ခေါ် မြီရှင်နိုင်ငံများအဖွဲ့တို့ ပူးတွဲထုတ်ပြန်တဲ့ကြေညာချက်မှာ ဖော်ပြထားပါတယ်။