ဘာသာစကား စစ်မြေပြင်မှာ နောက်ဆုတ်ပေးခဲ့ရသည့် နယ်မြေတချို့ (မောင်သာချို)

 “ လူမျိုးတစ်မျိုး၏ ဥပဓိရုပ်(Identity) သို့မဟုတ် ထင်ရှားသည့် အမှတ်အသားများကို ဖော်ပြပြောဆိုရာ၌ ထိုသူတို့ မည်သို့စား၊ မည်သို့ဝတ်၊ မည်သို့နေထိုင်၊ မည်သို့သွားလာ၊ မည်သို့ ယုံကြည်ကိုးကွယ်၊ မည်သို့ ကခုန်တီးမှုတ်၊ မည်သို့ ရေးသားဖတ်ရှု စသည်ဖြင့် ထိုအခြေခံများပေါ်၌ မူတည်ကာ ယင်းလူမျိုး၏ ဥပဓိရုပ်(Identity)ကို ဖမ်းယူရပါသည်။ ယခု ကျွန်တော်တို့၏ ၀တ်မှု၊ စားမှု၊ နေမှု၊ ထိုင်မှု၊ ကခုန်တီးမှုတ်မှုများကအစ ဥပဓိရုပ်များ ပျောက်ဆုံးသွားခဲ့ပြီဆိုတာ အမြော်အမြင်ကြီးသူတို့ ရိပ်စားမိခဲ့ပြီး ဖြစ်ပါသည်။ ”

(တစ်)

 ကျွန်တော့်မိတ်ဆွေ စာရေးဆရာတစ်ယောက် စာပေစင်မြင့်ထက်၌ ဟောပြော၍နေစဉ် သူ့ဟောပြောချက်ထဲ၌ ဂျပန်လူမျိုးတို့ သူတို့ ဂျပန်ဘာသာစကားနှင့် စာပေအပေါ်၌ အလေးအနက် ထားပုံ တစ်ကွက်ကို သူ့အတွေ့အကြုံကို အခြေခံလျက်က ထည့်သွင်းပြောကြားသွား သည်ကို ကြားလိုက်ရပါသည်။
သူတို့စာရေးဆရာတစ်သိုက်  ဂျပန်ဘူတာရုံတစ်ခုသို့ရောက်ခိုက် ဘူတာရုံ ပတ်ဝန်းကျင်တစ်ဝိုက် သို့ စေ့ငုကြည့်လိုက်ရာ စာမှန်သမျှ ဂျပန်ဘာသာစကားချည်း သက်သက်ဖြင့်သာ ရေးသားထားသည် ကို တွေ့ရသည်ဟုဆိုပါသည်။ ဘုရားစူး မိုးကြိုးပစ် ရှားရှားပါးပါး Exit ဆိုသည့် လမ်းညွှန်ဆိုင်းဘုတ် ကလေးတစ်ခုကိုသာလျှင် အင်္ဂလိပ်ဘာသာစကားဖြင့် ရေးသားထားခဲ့ပြီး ဂျပန်နိုင်ငံ အနှံ့အပြား၌လည်း သည်အတိုင်းပဲဖြစ်ကာ အင်္ဂလိပ်ဘာသာစကားနှင့် တွေ့ရဖို့က ခဲတောင့် ခဲယဉ်းကိစ္စဟု ဆိုပါသည်။
 သည်လိုပြောလိုက်သည့်အတွက် ဂျပန်တို့ အင်္ဂလိပ်ဘာသာစကားကို လုံးဝကျောခိုင်း ထားကြသည်ဟု ဆိုလိုခြင်း မဟုတ်ပါ။ အင်္ဂလိပ်ဘာသာကို သင်ကြပါသည်။ အင်္ဂလိပ်စာအုပ်များစွာကိုလည်း ဘာသာပြန်ဆိုကြပါသည်။ သို့သော် အမျိုးသား ဘာသာစကားနှင့် စာပေကို ကပြက်ကချော် မလုပ်ဟု ဆိုလိုခြင်းသာ ဖြစ်ပါသည်။
        တရုတ်နိုင်ငံ သတင်းများကို ဖတ်တော့  တရုတ်နိုင်ငံ၌ နိုင်ငံတကာ ဘာသာပြန်အသင်းဟူ၍ ရှိကြောင်းသိရပါသည်။ ဥက္ကဋ္ဌက ဟွမ်ဟူရီဖြစ်ပါသည်။
         သူက တရုတ်တို့၏ နေ့စဉ်သုံးစကားထဲ၌ အိုကေ(Okay)၊ ဘိုင့်ဘိုင်(Bye-Bye)၊ ဆောရီး (Sorry)၊ ရယ်ဒီ(Ready)၊ နိုက်စ်(Nice) ၊ မော်ဒန်(Modern)၊ နိုး(No)၊ ရက်စ်(Yes)စသည့် စကားများကို ညှပ်မပြောသင့်ကြောင်း တိုက်တွန်းထားသည်ဟု ဆိုပါသည်။ ကြာလျှင် တရုတ်နေ့စဉ်သုံးစကားတွေ မှေးမှိန်ပျောက်ပျက်သွားမည်ကို စိုး၍ဟု ဆိုပါသည်။ စဉ်းစားသင့်သောအချက်ဟု ထင်ပါသည်။

(နှစ်)

      မြန်မာတို့၏ နေ့စဉ်လူမှုဘ၀ကိုကြည့်တော့ ရန်ကုန်လို၊ မန္တလေးလို မြို့ကြီးပြကြီးများကို အသာထား အတန်အသင့် အတောင်အလက် စုံလာသည့် မြို့ကလေးများ၌ပင်လျှင် ဆိုင်းဘုတ် အများစုက အင်္ဂလိပ်ဘာသာနှင့် ဖြစ်ပါသည်။ မန္တလေးလို မြို့ကြီးများတွင်ကား တရုတ် ဘာသာ နှင့်ကပင် ပိုများနေပါလိမ့်မည်။
…နိုး(No)တို့လို၊ ရက်စ်(Yes)တို့လို၊ အိုကေ(Okay)တို့လို၊ မောနင်း(Morning)တို့လို၊ ဂွတ်နိုက်(Good Night)တို့လို၊ ဆောရီး(Sorry)တို့လို၊ ဆီးယူ(See You)တို့လို၊ ရယ်ဒီ(Ready)တို့လို၊ ရှူးဝါး(Sure)တို့လို အသံဗလံတွေကဖြင့် မကြားချင်အဆုံးပဲ ဖြစ်ပါသည်။
     တိုက်ဆိုင်၍ မြန်မာစာနယ်ဇင်း လောကအကြောင်းကလေး ပြောပါရစေ။ မဂ္ဂဇင်းတော်တော် များများက အင်္ဂလိပ် နာမည်တွေ ဖြစ် ပါသည်။ Beauty, Faces, Icon, Instyle, Beauty Max, Family, Joke, Wave, International Look, Heart, Health for All, Living Color, Idea စသည် စသည်။ ထို့အတူ ဂျာနယ်အများစုကလည်း အင်္ဂလိပ်နာမည်။ The Voice, Weekly Eleven, 7Day News, True News, Popular, The First, News Watch, Job, The Nation, Good Health, The Myanmar Independent, Messenger စသည် စသည်။
  တချို့ တချို့သော မဂ္ဂဇင်းများဆိုလျှင် မာတိကာကိုပင် Content တဲ့။ အယ်ဒီတာ့စကားကိုပင် Editorial တဲ့။ ဆောင်းပါးကဏ္ဍကို Article Section၊ ကဗျာကဏ္ဍကို Poetry Section၊ ၀တ္ထုတို ကဏ္ဍကို Short Story Section စသည် စသည်ဖြင့် လုပ်နေကြ သည်မှာ ကောင်း သလား ၊ မကောင်း သလား ကျွန်တော်မပြောတတ်တော့သည်။
   ထို့ပြင် လူနာမည်တွေမှာလည်း မြန်မာနာမည် စစ်စစ်ဆိုလျှင် တောကျသည်လို့များ ခံယူနေကြ လေရော့သလားမသိ။  ရောဘတ် တင်သိန်း ၊ မိုက်ကယ်လှမြင့်၊ လူစီစိုးနိုင်၊ မေရီသိန်းထိုက်၊ ဂရေဟမ် ဇော်ဦး၊ အဲလက်စ်မိုးဇော် စသည်ဖြင့် စသည်ဖြင့်။

(သုံး)

    တစ်ရက် ဗိုလ်ချုပ်အောင်ဆန်းအကြောင်း စာအုပ်ကလေးများ တောင်ဖတ်၊ မြောက်ဖတ် လျှောက်ဖတ်မိတော့ ဗိုလ်ချုပ်အောင်ဆန်းနှင့် .. ဒေါ်ခင်ကြည် တို့ ၏ မင်္ဂလာဆွမ်းကျွေးဖိတ်စာကလေးကို စိတ်ဝင်စားစရာ သွားတွေ့ရပါသည်။
    မင်္ဂလာ ထမင်းစားပွဲ ဖိတ်ကြားစာတဲ့။ ဗမာ့ကာကွယ်ရေးတပ်မတော် ဗိုလ်ချုပ်ကြီး ဗိုလ်တေဇနှင့် ဇနီးဒေါ်ခင်ကြည်တို့က မင်္ဂလာထမင်း တည်ခင်းကျွေးမွေး လိုပါ၍တဲ့။ ၁၃၀၄ ခု ၀ါခေါင်လပြည့်ကျော် ၁၂ ရက်၊ တနင်္လာနေ့ ညနေ ဗမာ ၅ နာရီအချိန် ရန်ကုန်မြို့ Nippon Military Club(ပင်တိုပင်ရှင်)ဟိုတယ်သို့ ဆက်ဆက် ကြွရောက်စေလိုပါကြောင်းတဲ့။
   ကျွန်တော်သည် ဖိတ်စာကလေးကို ကြည့်ရင်းက တော်တော်ကြာကြာ ငိုင်နေမိပါသည်။ ထိုဖိတ်စာ၏ အသက်ဝိညာဉ်က ၁၃၀၄ ခု .. ၀ါခေါင် လပြည့်ကျော်၁၂ရက်ဆိုတာပဲ ဖြစ်ပါသည်။ မြန်မာခေါင်းဆောင်က မြန်မာနေ့ရက်လနှစ်တွေအပေါ် ဂရုတစိုက် ရှိလိုက် တာဟူသော အတွေးဖြင့် ကျွန်တော်ကြည်နူးနေမိခြင်းလည်း ဖြစ်ပါသည်။
     သည်ကနေ့ ကျွန်တော်အပါအ၀င် ရန်ကုန်၊ မန္တလေး စသည်ဖြင့် မြို့ကြီးနေ အများပြည်သူ လူထုတို့ မြန်မာရက်လနှစ်များအပေါ်၌ သူစိမ်းပြင်ပြင်ဖြစ်သွားခဲ့ကြသည်မှာ ကြာလှပါပြီ။
 တပို့တွဲလပြည့်ကျော် ၁၂ ရက်တို့၊ တန်ဆောင်မုန်းလဆန်း ၂ ရက်တို့ စသော အသံများကို ပုဂံ ညောင်ဦး၊ ကျောက်ပန်းတောင်း၊ ပခုက္ကူ၊ မုံရွာတစ်ဝိုက်က ဗမာကြီးများထံကသာ ကြားရတတ် ပါတော့သည်။ လူများရာစုကြီးကမူ ဇန်န၀ါရီတွေ၊ ဖေဖော်ဝါရီတွေ၊ Sunday တွေ၊ Monday တွေနှင့် ဖြစ်၏။

(လေး)

 ယခု ၂၀၁၂ ခုနှစ်အတွင်း၌ ဒေါ်အောင်ဆန်းစုကြည် ဥရောပငါးနိုင်ငံသို့  ဇွန်လအတွင်း၊ အမေရိကန်ပြည်ထောင်စုသို့  စက်တင်ဘာလအတွင်း၌ သွားရောက်ခဲ့ရာ အမေရိကန်ပြည်ထောင်စု ခရီးစဉ်အတွင်း အမေရိကန်ရောက် မြန်မာနိုင်ငံဖွားတစ်ဦးက မေးခွန်းများ မေးမြန်းခဲ့ရာ ထိုသူက ဗမာလို ဘယ်လိုပြောရမလဲဆိုတော့ဟူသည့်စကားကို  မကြာခဏ ညှပ်၍ ညှပ်၍ ပြောရာ ဒေါ်အောင်ဆန်းစုကြည် ပြန်ဖြေသည့်စကားထဲက တစ်ခွန်းကို လူထုက အသည်းခိုက်သွားခဲ့ပါသည်။
  “မြန်မာစာတို့ မြန်မာစကားတို့ဆိုတာ မေ့သွားရမယ့် အရာမဟုတ်ဘူး” ဆိုသည့် စကားပဲ ဖြစ်ပါသည်။
 လူမျိုးတစ်မျိုး၏ ဥပဓိရုပ်(Identity) သို့မဟုတ် ထင်ရှားသည့် အမှတ်အသားများကို ဖော်ပြ ပြောဆိုရာ၌ ထိုသူတို့ မည်သို့စား၊ မည်သို့ဝတ်၊ မည်သို့နေထိုင်၊ မည်သို့သွားလာ၊ မည်သို့ ယုံကြည် ကိုးကွယ်၊ မည်သို့ ကခုန်တီးမှုတ်၊ မည်သို့ ရေးသားဖတ်ရှု စသည်ဖြင့် ထိုအခြေခံ များပေါ်၌ မူတည်ကာ ယင်းလူမျိုး၏ ဥပဓိရုပ်(Identity)ကို ဖမ်းယူရပါသည်။
  ယခု ကျွန်တော်တို့၏ ၀တ်မှု၊ စားမှု၊ နေမှု၊ ထိုင်မှု၊ ကခုန်တီးမှုတ်မှုများကအစ ဥပဓိရုပ်များ ပျောက်ဆုံးသွားခဲ့ပြီဆိုတာ အမြော်အမြင် ကြီး သူတို့ ရိပ်စားမိခဲ့ပြီး ဖြစ်ပါသည်။ ၁၃၀၄ ခု ၀ါခေါင် လပြည့်ကျော် ၁၂ ရက်တုန်းက မင်္ဂလာဆွမ်းကျွေးခဲ့သည့် ဗိုလ်ချုပ်အောင်ဆန်းနှင့် .. ဒေါ်ခင်ကြည် တို့၏ သမီး ဒေါ်အောင်ဆန်းစုကြည်ကတော့ “မြန်မာစာတို့ မြန်မာစကားတို့ဆိုတာ မေ့သွားရမယ့်အရာ မဟုတ်ဘူး” တဲ့။
    ဒါဆို ကျွန်တော်တို့က ဘယ်လိုများ ရှေ့ဆက်လျှောက်ကြမှာပါလိမ့်။ မထူးပါဘူးကွာဟု ဆိုကာ မေ့လက်စနဲ့ပဲ ဆက်မေ့ထားကြ ရင် ကောင်းမလား။ ဒါမှမဟုတ် ကိုယ့်ဥပဓိရုပ်နဲ့ ကိုယ့်အမျိုးသား ဘာသာစကားကို စောင့်ရှောက်ထိန်းသိမ်းကြမလား။ တစ်ဦးတစ်ယောက် တစ်စုတစ်ဖွဲ့တည်းက စဉ်းစားရမည့် မေးခွန်းမဟုတ်။ တစ်မျိုးသားလုံးက စဉ်းစားရမည့်မေးခွန်းပဲ ဖြစ်ပါလေသည်။    ။

မောင်သာချို

7Day  Vol.11, No.37

http://newworldnanda.ning.com/profiles/blogs/3451740:BlogPost:122299?xg_source=activity မှ ကူးယူဖေါ်ပြပါသည်။