27.01.2013 နေ့ဖတ်ရန်သတင်းများ

by Myanmar Journal on Saturday, January 26, 2013 at 5:45pm ·

မီးလို့စ် ဇေမန်း ချက် သမ္မတ ဖြစ်လာ
သမ္မတအဖြစ် အရွေးခံရတဲ့ မီးလို့စ် ဇေမန်း
ချက်သမ္မတ နိုင်ငံမှာ ပထမဆုံး အကြိမ် အဖြစ် တိုက်ရိုက် ရွေးကောက် တင်မြှောက်တဲ့ သမ္မတ ရွေးကောက်ပွဲ မှာတော့ အရင် ဆိုရှယ်လစ် ဝန်ကြီးချုပ်ဟောင်း မီးလို့စ်ဇေမန်းက အနိုင်ရရှိ သွားပါတယ်။
သူဟာ မဲစုစုပေါင်းရဲ့ ၅၅ ရာခိုင်နှုန်းကို ရရှိ ခဲ့ပြီး မဲ ၄၄ ရာခိုင်နှုန်းသာ ရတဲ့ ပြိုင်ဘက် အထက်တန်းလွှာ က နိုင်ငံခြားရေး ဝန်ကြီး ခါရဲလ် ရှဝါ့ဇန်ဘတ်ခ် ကို အနိုင်ရရှိ ခဲ့တာ ဖြစ်ပါတယ်။

မစ္စတာ ဇေမန်းက သူဟာ ပြည်သူအားလုံးရဲ့ အသံကို နားထောင်တဲ့ သမ္မတအဖြစ် တာဝန် ထမ်းဆောင်သွားမယ်လို့ ဆိုထား ပါတယ်။
ဒီသမ္မတ ရွေးကောက်ပွဲမှာ ပြိုင်ဘက် သမ္မတလောင်း နှစ်ဦးစလုံးက ဥရောပ သမဂ္ဂထဲမှာ ပိုပြီး ထဲထဲဝင်ဝင် ပူးပေါင်း ဆောင်ရွက်မှုတွေ လုပ်သွားမယ်လို့ ဆိုခဲ့ကြပါတယ်။
အခုရွေးကောက်ပွဲမှာ ရာသီဥတု အခြေအနေတွေ ဆိုးဝါး နေပေမယ့် မဲပေးသူ အရေအတွက်အားဖြင့် များပြားခဲ့ ပါတယ်။
ပရာ့ဂ် မြို့တော်က ဘီဘီစီ သတင်းထောက် ကတော့ ရွေးကောက်ပွဲမှာ အနိုင်ရ ခဲ့တဲ့ မစ္စတာ ဇေမန်းဟာ နွမ်းပါးတဲ့ လူတွေနဲ့ အသက်အရွယ် ကြီးရင့်သူတွေရဲ့ မဲတွေကို ရခဲ့တာ ဖြစ်ပြီး မစ္စတာ ရှဝါ့ဇန်ဘတ်ခ် ကတော့ ကြွယ်ဝတဲ့ မြို့နေ လူတန်းစား တွေရဲ့ မဲကို ရခဲ့တာ ဖြစ်တယ်လို့ ဆိုပါတယ်။

အီဂျစ်မှာ ဘောလုံးပွဲ အဓိကရုဏ်းနဲ့ လူ ၂၁ ဦးကို သေဒဏ်ချမှတ်
ပို့တ်ဆာအစ်မြို့က ဆန္ဒပြနေသူများ
အီဂျစ် နိုင်ငံက ပို့တ် ဆာအစ် မြို့မှာတော့ ပြီးခဲ့တဲ့ နှစ်က ဖြစ်ခဲ့တဲ့ ဘောလုံးပွဲ အကြမ်းဖက်မှုမှာ ပါဝင်ခဲ့တဲ့ လူ ၂၁ ဦးကို တရားရုံးက သေဒဏ် ချမှတ် ခဲ့တာကို မကျေနပ်လို့ အဓိကရုဏ်းတွေ ဖြစ်ပွားနေ ပါတယ်။
ပြီးခဲ့တဲ့ နှစ်တုန်းက ဖြစ်ခဲ့တဲ့ အကြမ်းဖက်မှု တွေကြောင့် ရဲ အရာရှိ ၂ ဦး နဲ့ ဘောလုံး သမား ၂ ဦး အပါအဝင် လူပေါင်း ၃၀ထက်မနည်း သေဆုံး ခဲ့ရသလို လူပေါင်း ၃၀၀ ကျော် လောက် ဒဏ်ရာ ရခဲ့တယ်လို့ ဒေသတွင်း ဆေးရုံတွေနဲ့ ပတ်သက်တဲ့ အသိုင်းအဝိုင်းက ပြောပါတယ်။
အဲဒီ ဆူပူ အုံကြွ နေသူတွေဟာ ရဲစခန်း ထဲကို စီးနင်း ဝင်ရောက် ခဲ့ကြတယ်လို့လည်း အီဂျစ် နိုင်ငံပိုင် ရုပ်မြင်မှာ ကြေညာသွားပါတယ်။ အခုတော့ အဲဒီမြို့မှာ စစ်တပ်ကို ချထားပြီ ဖြစ်ပါတယ်။
ပြီးခဲ့တဲ့ နှစ်က ပို့တ် ဆာအစ် ကလပ် နဲ့ ကိုင်ရိုမြို့က အသင်းတသင်း တို့ရဲ့ ဘောလုံး ပွဲမှာ ဖြစ်ခဲ့တဲ့ အဓိကရုဏ်းကြောင့် လူပေါင်း ၇၄ ဦး သေဆုံး ခဲ့ရပါတယ်။ အဲဒီ တုန်းက ရဲတပ်ဖွဲ့က အဓိကရုဏ်းကို ဟန့်တားဖို့ အားမထုတ်ခဲ့ဘူး ဆိုပြီး ရဲတပ်ဖွဲ့ကို ဝေဖန်သံတွေ ထွက်ခဲ့ပါတယ်။
တခါ ဆူးအက်စ် မြို့မှာ သောကြာနေ့က အီဂျစ် နိုင်ငံ အတွင်းမှာ လူထု အုံကြွ မှုကြောင့် သမ္မတ မူဘာရက် ပြုတ်ကျခဲ့တာ ၂ နှစ်ပြည့်တဲ့ နှစ်ပတ်လည် အခမ်းအနားမှာ သေဆုံးခဲ့ရတဲ့ သူတွေရဲ့ အသုဘမှာလည်း လူထောင်ပေါင်းများစွာ တက်ရောက် ဆန္ဒပြခဲ့ကြပါတယ်။
အဲဒီကနေတဆင့် လုံခြုံရေး အဆောက်အအုံကို မီးတင်ရှို့လိုက်ကြတယ် လို့လည်း သတင်း တွေရရှိပါတယ်။
ပြီးခဲ့တဲ့ သောကြာနေ့က ဖြစ်ခဲ့တဲ့ အဓိကရုဏ်းတွေ အတွင်းမှာ လူ ၁၀ ဦးထက်မနည်း သေဆုံး ခဲ့ရပါတယ်။ ကိုင်ရို မြို့တော်မှာလည်း အီဂျစ် ပြည်ထဲရေး ဝန်ကြီး ရုံး အနီးမှာ ဆန္ဒပြသူတွေနဲ့ ရဲတပ်ဖွဲ့ဝင်တွေ အကြား တိုက်ခိုက်မှုတွေ ဖြစ်ခဲ့ကြပါတယ်။
အီဂျစ်သမ္မတ မော်ဆီ ဦးဆောင်တဲ့ အမျိုးသား ကာကွယ်ရေး ကောင်စီက အခုဖြစ်နေတဲ့ တိုက်ခိုက်မှု တွေကို ပြစ်တင် ပြောကြား လိုက်ပြီး နိုင်ငံရေး အမြင် မတူညီမှုတွေအတွက် တမျိုးသားလုံး ကျယ်ကျယ်ပြန့်ပြန့် ပါဝင် ဆွေးနွေးကြဖို့ကို တိုက်တွန်း လိုက်ပါတယ်။

တောင်ဥက္ကလာနဲ့ မက်စ်မြန်မာ
နေပြည်တော်က အာဆီယံ အားကစား ပြိုင်ပွဲတွေ အတွက် ကတော့ ၆၀ ရာခိုင်နှုန်း ဆောက်လုပ် ပြီးစီး
တောင်ဥက္ကလာပ မြို့နယ်မှာ ရှိတဲ့ ရပ်ကွက်ပိုင် လွတ်နေတဲ့ မြေ ကွက်လပ်ကြီးမှာ ရပ်ကွက်ကို အသိ မပေးဘဲ စည်ပင်သာယာ ဌာနက Max Myanmar ကုမ္ပဏီ အတွက် ဓာတ်ဆီဆိုင် ဆောက်ဖို့ ဂရမ် ချပေး လိုက်တာ အပြင် ကုမ္ပဏီက အဆောက် အဦး ဆောက်လာတဲ့ အတွက် ရန်ကုန်တိုင်း အမျိုးသား လွှတ်တော် ကိုယ်စားလှယ် ဦးဖုန်းမြင့်အောင် ဦးဆောင်ပြီး ရပ်ကွက် လူထုနဲ့ ဆန္ဒပြဖို့ ပြင်ဆင်ခဲ့ ပါတယ်။
ဘောလုံးကွင်း ဆောက်ဖို့ သတ်မှတ် ထားတဲ့ အဲဒီ နေရာမှာ အဆောက် အဦး ဆောက်နေ တာကို တွေ့လို့ လွှတ်တော်မှာ မေးမြန်းခဲ့ ရာမှာ အခုလို Max Myanmar အတွက် ဖြစ်တယ်လို့ သိရတဲ့ အတွက် ကန့်ကွက် ဆန္ဒပြဖို့ ရဲစခန်းကို တရားဝင် အမိန့် တောင်းခံ ခဲ့တာ ဖြစ်ကြောင်း ဦးဖုန်းမြင့်အောင်က ဘီဘီစီကို ပြောပါတယ်။
ဒါပေမယ့် Max Myanmar ကုမ္ပဏီ ပိုင်ရှင် ဦးဇော်ဇော် ကိုယ်တိုင် တောင်ဥက္ကလာ ပြည်သူတွေနဲ့ စနေနေ့ မနက်က တွေ့ဆုံပြီး ဒေသခံ တွေရဲ့ လိုအပ်ချက် တွေကို ဖြည့်ဆည်း ပေးမယ်လို့ ပြောခဲ့ တာကြောင့် ဆန္ဒပြဖို့ စီအစဉ်ကို ဖျက်သိမ်းခဲ့ ပါတယ်။
ကုမ္ပဏီ ကနေ ဘောလုံးကွင်း အတွက် လိုအပ် တာတွေကို ဆောက်လုပ် ပေးမှာ ဖြစ်တဲ့ အတွက် လူထုက ကျေနပ်ပြီး၊ ကုမ္ပဏီက ဓာတ်ဆီဆိုင် ဆောက်မယ့် ကိစ္စကို ပြန် သဘောတူ ပေးလိုက်တာ ဖြစ်ပါတယ်။
ဒါပေမယ့်လည်း စည်ပင် သာယာ ကနေ အများပိုင် နေရာ တွေကို စီးပွားရေး သမားတွေရဲ့ အကျိုး တခုတည်း ကြည့်ပြီး ဂရမ် ချပေးတာကို မကျေနပ် တာ ဖြစ်ကြောင်း ဦးဖုန်းမြင့်အောင်က ပြောပါတယ်။

ကချင်တပ်စခန်းတချို့ကို အစိုးရတပ် သိမ်း
ခါယာဘွန် တောင်ကုန်းအနီးက ကေအိုင်အေ တပ်သားများ
ကချင်လွတ်လပ်ရေးအဖွဲ့ (ကေအိုင်အို) ဌာနချုပ် လိုင်ဇာနဲ့ သိပ်မဝေးတဲ့ ခါယာဘွန် တောင်ကုန်းက ကချင် တပ်စခန်းတွေကို မြန်မာအစိုးရ စစ်တပ်က သိမ်းယူနိုင်ခဲ့တယ်လို့ ကေအိုင်အေဘက်က အတည်ပြု ပြောခဲ့ ပါတယ်။
ခါယာဘွန် နဲ့ အနီးက စခန်းတွေကို အစိုးရဘက်က သုံးလေး ရက်ကြာ အပြင်းအထန် ထိုးစစ်ဆင် တိုက်ခိုက် တာလို့ ကေအိုင်အေ အရာရှိကြီးတစ်ဦးက ဘီဘီစီကို ပြောပါတယ်။
ခါယာဘွန်တောင်ကုန်းဟာ အဲဒီအနီးဝန်းကျင်မှာ အမြင့်ဆုံးမို့ အစိုးရတပ်ဘက်က အပေါ်စီး အနေအထား ဖြစ်နေတာကြောင့် နောက်ထပ် တိုက်ခိုက်မှုတွေ ဖြစ်လာမလား စိုးရိမ်စရာ ရှိတယ်လို့ ကေအိုင်အေ ဘက်က ပြောပါတယ်။
နိုင်ငံတော် သမ္မတရဲ့ ပြောခွင့်ရ ပုဂ္ဂိုလ် ဦးရဲထွဋ်ကတော့ တိုက်ပွဲတွေ ပြင်းပြင်းထန်ထန် ဖြစ်တာကို အတည်ပြု ပြောပေမယ့် စခန်းသိမ်းတဲ့ တိုက်ပွဲတွေ လုပ်တယ်ဆိုတာကိုတော့ မကြားမိဘူးလို့ ပြောပါတယ်။
နောက်ပြီး အစိုးရဘက်က တိုင်းရင်းသား မဟာမိတ် UNFC အဖွဲ့က တဆင့် ကေအိုင်အိုနဲ့ ဆွေးနွေးမှုတွေ လုပ်နိုင်အောင် ဆက်သွယ် ဆောင်ရွက်နေ တာတွေလည်း ရှိတယ်လို့ သူက ပြောပါတယ်။
စနေနေ့ထုတ် သတင်းစာတွေထဲမှာလည်း ကချင်တိုက်ပွဲတွေနဲ့ ပတ်သက်ပြီး အစိုးရဘက်က ပြန်လည် တုံ့ပြန်တိုက်ခိုက် တာသာရှိတယ်၊ စစ်ရေးအရ ကာကွယ် ဆောင်ရွက်တာပဲ ရှိတယ်၊ ငြိမ်းချမ်းရေးအတွက် တံခါးဖွင့် ထားတယ်လို့ နိုင်ငံခြားရေးဝန်ကြီးဌာနက ထုတ်ပြန်ခဲ့ပါတယ်။

မာလီက ဂါအိုမြို့ကို ပြင်သစ်တပ်တွေ သိမ်းပိုက်
မာလီက ပြင်သစ် တပ်ဖွဲ့ဝင်များ
မာလီနိုင်ငံ မြောက်ပိုင်းက လူသူ အထူထပ်ဆုံး မြို့ဖြစ်ပြီး အစ္စလာမ်မစ် သူပုန် တွေရဲ့ ခြေကုတ် စခန်း ဖြစ်တဲ့ ဂါအို မြို့ကို သိမ်းပိုက် လိုက်ပြီလို့ ပြင်သစ် တပ်ဖွဲ့ တွေက ပြောပါတယ်။
မြို့ကို မသိမ်းပိုက် ခင်မှာ အထူး တပ်ဖွဲ့တွေက လေတပ်ရဲ့ အကူအညီနဲ့ ဂါအို လေဆိပ်နဲ့ အဓိက ကျတဲ့ နီဂျဲ မြစ်ကူး တံတား တွေကို သိမ်းပိုက်နိုင်ခဲ့ ကြတယ်လို့ ဆိုပါတယ်။
အဲဒီ သတင်းသာ မှန်ကန် လို့ကတော့ ဒါဟာ မာလီ နိုင်ငံမြောက်ပိုင်းက အဲလ်ကာယီးဒါး နဲ့ အဆက်အသွယ် ရှိတဲ့ သူပုန်တွေကို ထိုးစစ်ဆင် တိုက်ခိုက်ခဲ့တဲ့ သတင်း ၂ ပတ်အတွင်း စစ်ရေး အရ အကြီးမားဆုံး အောင်မြင်မှုပဲ ဖြစ်ပါတယ်။
မာလီ စစ်တပ်ဘက်ကလည်း အဲဒီ မြို့ကို ထိန်းချုပ် နိုင်ရေး အတွက် နီဂျဲနဲ့ ချဒ် တပ်ဖွဲ့တွေက မာလီတပ်ဖွဲ့တွေနဲ့ ပူးပေါင်း ဆောင်ရွက် သွားမှာ ဖြစ်တယ်လို့ ဆိုပါတယ်။
မြို့သိမ်းစစ်သား တွေနဲ့ အတူ မာလီမြို့တော် ဘန်မာကိုကနေ ပြန်လာတဲ့ ဂါအို မြို့တော်ဝန် ဆက်ဒူ ဒီလာအို ကတော့ အခုလို မြို့ကို ပြန်လာရတဲ့ အတွက် အလွန် ဝမ်းသာ မိတဲ့ အကြောင်းနဲ့ ဘုရားသခင် ကိုရော ပြင်သစ် တပ်ဖွဲ့တွေ ကိုပါ ကျေးဇူးတင်ကြောင်း၊ မာလီ သမ္မတက အကူအညီ တောင်းခဲ့တာကို တုန့်ပြန် ကူညီပေးခဲ့တဲ့ ပြင်သစ် သမ္မတကိုလည်း ကျေးဇူးတင်တဲ့ အကြောင်း တွေကို ပြောကြား သွားခဲ့ပါတယ်။
အဲဒီ ဂါအို မြို့ဟာ ပြီးခဲ့တဲ့ နှစ် အတွင်းက စပြီး မာလီနိုင်ငံ မြောက်ပိုင်း က သူပုန်တွေ ထိမ်းချုပ်ထားတဲ့ မြို့ကြီး ၃ မြို့ထဲက တမြို့ဖြစ်ပါတယ်။

တူရကီနယ်စပ်မှာ ဒုံးခွင်းဒုံးပစ်စင် သုံးရန်အသင့်ဖြစ်
-
 တူရကီတောင်ပိုင်း Adana မြို့ကို ရောက်နေပြီဖြစ်တဲ့ Patriot ဒုံးကျည်ပစ်စင်။ (ဇန်န၀ါရီလ ၂၆ ရက်၊ ၂၀၁၃)။
ဆီးရီးယားက တိုက်ခိုက်လာနိုင်တဲ့ ရန်က ကာကွယ်ဖို့ တူရကီကိုရောက်ရှိနေတဲ့ ဒုံးခွင်းဒုံး ပစ်စင် ၆ ခုထဲက ပထမဆုံး ပစ်စင်ဟာ သုံးလို့ရနေပြီလို့ နေတိုးတပ်ဖွဲ့က ပြောလိုက်ပါတယ်။ တူရကီတောင်ပိုင်း Adana မြို့ကို ရောက်နေပြီဖြစ်တဲ့ Patriot ဒုံးကျည် ပစ်စင်ဟာ အသုံးပြုဖို့ အဆင်သင့်ပဲလို့ ညွှန့်ပေါင်းတပ်ဖွဲ့က ပြောပါတယ်။

ပထဆုံးရောက်လာတဲ့ ဒုံးကျည်ပစ်စင်ဟာ နယ်သာလန်နိုင်ငံက ဖြစ်ပါတယ်။ နယ်သာလန်၊ အမေရိကန်နဲ့ ဂျာမနီတို့က အမေရိကန်လုပ် Patriot ဒုံးကျည် ပစ်စင် ၂ ခုစီ တူရကီကို ပို့ပေးထားပါတယ်။ ကျန်တဲ့ပစ်စင်တွေဟာလည်း လာမယ့်ရက်ပိုင်းတွေအတွင်းမှာ အပြည့်အဝ သုံးနိုင်ဖို့ အသင့်ဖြစ်ပါလိမ့်မယ်လို့ မြောက်အန္တလန္တိတ် စစ်စာချုပ်အဖွဲ့ နေတိုး က ပြောပါတယ်။

ခုလိုနေတိုးတပ်ဖွဲ့က Patriot ဒုံးကျည် ပစ်စင်တွေ ပြင်ဆင်နေတာဟာ ရန်စမှုဖြစ်တယ်လို့ Bashar al-Assad အစိုးရက ဖော်ပြပြောဆိုခဲ့ပါတယ်။ ဆီးရီးယားက တူရကီနယ်စပ်နားမှာ Scud ဒုံးကျည်တွေနဲ့ ပစ်ခတ်ခဲ့ပြီးနောက် ဒုံးခွင်းဒုံး ပစ်စင်တွေကို ဖြန့်ချထားဖို့ နေတိုးအဖွဲ့ နိုင်ငံခြားရေးဝန်ကြီးတွေက ဒီဇင်ဘာလက ဆုံးဖြတ်ခဲ့ကြတာဖြစ်ပါတယ်။

Australia အမျိုးသမီးတင်းနစ် Azarenka ဗိုလ်စွဲ

Australian Open Tennis ပြိုင်ပွဲရဲ့ အမျိုးသမီးတဦးချင်း ချန်ပီယံဆု ဆွတ်ခူးသွားသူ ဘယ်လာရုစ်နိုင်ငံက Victoria Azarenka။ (ဇန်န၀ါရီလ ၂၆ ရက်၊ ၂၀၁၃)။
သြစတြေးလျနိုင်ငံ မှာ ကျင်းပနေတဲ့ Australian Open Tennis ပြိုင်ပွဲရဲ့ အမျိုးသမီးတဦးချင်း ချန်ပီယံဆုကို ဘယ်လာရုစ်နိုင်ငံက၊ ကမ္ဘာ့နံပါတ် (၁) ဗစ်တိုးရီးယား အာဇာရန်းကား (Victoria Azarenka) က အနိုင်ရပြီး ၂ နှစ်ဆက်တိုက် ဗိုလ်စွဲသွားပါတယ်။ မဲလ်ဘုန်းမြို့မှာ မနေ့က ကစားတဲ့ ဖိုင်နယ်မှာ အာဇာရန်းကားက တရုတ်နိုင်ငံက ကမ္ဘာ့အဆင့် (၆) လီးနား (Li Na) ကို ၄-၆၊ ၆-၄၊ ၆-၃ နဲ့ အနိုင်ရသွားတာပါ။မနေ့က ဖိုင်နယ်ပွဲကစားနေစဉ်အတွင်း လီးနားဟာ ၂ ခါတောင် ခြေထောက်ခေါက်ပြီး လဲခဲ့သလို၊ နောက်ဆုံး set မှာ ဒုတိယ တခေါက်လဲတဲ့အခါမှာလည်း သူခေါင်းနဲ့ ကစားကွင်းကြမ်းပြင် နဲ့ ခပ်ပြင်းပြင်းဆောင့်ခဲ့မိပါတယ်။ အဲဒီလိုမျိုး ဒဏ်ရာကြောင့် ပွဲကို ၂ ခါတောင် ရပ်ပစ်ခဲ့ရသလို၊ မနေ့စနေနေ့တုန်းက သြစတြေးလျနိုင်ငံမှာ သြစတြေးလျအမျိုးသား နေ့ အခမ်းအနား ကျင်းပပြီး မီးရှုးမီးပန်းတွေ ပစ်ဖောက်ခဲ့တာကြောင့် ပွဲကို ၁၀ မိနစ်လောက် ရပ်နားပစ်ခဲ့ရပါတယ်။

အခုပွဲဟာ အာဇာရန်းကာအတွက်တော့ ဒုတိယမြောက် ဂရန်းစလမ်းဖလားဖြစ်ပြီး၊ ပြီးခဲ့တဲ့နှစ်ကလည်း သူဟာ ဒီ Australian Open ကို အနိုင်ရထားတာပါ။ အာဇာရန်းကာဟာ လီးနားနဲ့ နောက်ဆုံး ၆ ပွဲ ကစားတာမှာ သူက ၅ ပွဲ နိုင်ခဲ့ပါတယ်။ အာဇာရန်းကာဟာ ဒီပွဲနိုင်လိုက်တဲ့အတွက် ကမ္ဘာ့နံပါတ် (၁) အဖြစ် ဆက်ပြီးတော့ ရှိသွားမှာဖြစ်ပါတယ်။

ဒီကနေ့မှာတော့ အမျိုးသား တဦးချင်းဖိုင်နယ်ကို ဆာဗီးယားနိုင်ငံက ကမ္ဘာ့နံပါတ် (၁) ဂျိုးကိုဗစ်ခ်ျ နဲ့ ဗြိတိန်နိုင်ငံက ကမ္ဘာ့နံပါတ် (၃) အန်ဒီမာရီတို့ ကစားကြမှာဖြစ်ပါတယ်။

ကေအိုင်အေ ဗျူဟာမြောက်စခန်း သိမ်းပိုက်ရေး စစ်တပ်ထိုးစစ် ပြင်းထန်

ကချင်လွတ်မြောက်ရေးတပ် ကေအိုင်အေ ကချင်တပ်သားတစ်ဦးကို ရှေ့ တန်းစစ်မျက်နှာတွင်တွေ့ရစဉ်။
ကေအိုင်အေ ကချင်လက်နက်ကိုင်တပ်ဖွဲ့တွေကို အစိုးရ စစ်တပ်က ဒီကနေ့ လက်နက်ကြီးတွေနဲ့ ပစ်ခတ်ပြီး ထိုးစစ်ဆင် တိုက်ခိုက်နေတယ်လို့ KIO နဲ့အတူ ရှိနေတဲ့ ABSDF ကျောင်းသားတပ်မတော် က ပြောပါတယ်။ အစိုးရစစ်တပ်ဟာ ဒီဒေသမှာ ဗျူဟာအရ အရေးပါတဲ့ ခါယာဘွမ်တောင်ကုန်းကို သိမ်းပိုက်နိုင်ဖို့အတွက် လက်နက်ကြီးတွေနဲ့ ရက်ဆက် ထိုးစစ်ဆင် တိုက်ခိုက်နေတာ ဖြစ်နိုင်တယ်လို့ ဆိုပါတယ်။ ကချင်ပြည်နယ်အတွင်းက နောက်ဆုံးအခြေအနေတွေကို ဆက်သွယ်စုံစမ်းထားတဲ့ ကိုဇော်ဝင်းလှိုင်က တင်ပြထားပါတယ်။ မြန်မာစစ်တပ်အနေနဲ့ KIO ကို ထိုးစစ်ဆင် တိုက်ခိုက်နေတာတွေ ရပ်တန့်ထားဖို့ ညွှန်ကြားချက် ထုတ်ပြန်ထားတယ်လို့ အခုလအစောပိုင်းတုန်းက သမ္မတ ဦးသိန်းစိန်က ပြောဆိုအပြီးမှာ ကချင်ပြည်နယ်အတွင်း တိုက်ပွဲတွေဟာ ရက်ဆက်ဆိုသလို ဖြစ်နေတာပါ။ စနေနေ့မှာ လည်း မြန်မာစစ်တပ်ဘက်က တနေကုန် လက်နက်ကြီးတွေနဲ့ ထိုးစစ်ဆင် တိုက်ခိုက်နေတယ်လို့ ABSDF မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ်တပ်ဦးက ဗိုလ်မှူး မင်းဋ္ဌေးက ဗွီအိုအေကို ပြောပါတယ်။ “ဒီနေ့ အသားကုန်ချတယ်။ လက်နက်ကြီးတွေနဲ့ တအားပစ်တာ၊ မိုးရွာသလိုကို ပစ်တာ။ လက်နက်ကြီးတွေနဲ့ အများကြီးပဲ ပစ်တယ်။ အောက်ရောက်မှ ကွဲတာလည်း သုံးတယ်။ လေပေါ်မှာ ကွဲတဲ့ဟာလည်း ရှိတယ်။ အောက်မှာကျတော့ ဘန်ကာ အဖြိုတွေလေ။ အဲဒီ overhead ဖြိုတဲ့ဟာတွေ သုံးတယ်။ အဲဒီကောင်တွေက အောက်အနက်ကို ၄ ပေ၊ ၅ ပေလောက် ၀င်သွားတာ မြေကြီးထဲကို။ ဟော… အခုတောင် ပစ်နေတယ်။ ချနေကြတယ်။” မြန်မာစစ်တပ်က အဲဒီလို လက်နက်ကြီးတွေနဲ့ ရက်ဆက် ထိုးစစ်ဆင် တိုက်ခိုက်နေတဲ့ အတွက် ကေအိုင်အို ဌာနချုပ် လဂျားယန်နဲ့ မလှမ်းမကမ်းမှာရှိတဲ့ ခါယာဘွမ် တောင်ကုန်းကို သိမ်းပိုက်လိုက်ပြီဆိုတဲ့ သတင်းတွေ ထွက်နေတဲ့အကြောင်းလည်း ကချင်သတင်းဌာနက အယ်ဒီတာ ဦးနော်ဒင်းက ပြောပါတယ်။ “ဒီနေ့က သူတို့ ကေအိုင်အေရဲ့ တောင်ကုန်းတကုန်းကို အစိုးရတပ်တွေ သိမ်းလိုက်တယ်ဆိုတဲ့ သတင်းပေါ့နော် ဒီနေ့မနက်ပိုင်းမှာ။ အဲဒါကတော့ အခု လဂျားယန်နဲ့ ကပ်လျက်လောက် ရှိတဲ့ ကေအိုင်အေအတွက် အရေးပါတဲ့ ခါယာဘွမ် ပေါ့၊ အဲဒီဟာကို သူတို့ သိမ်းလိုက်ပြီဆိုတဲ့သတင်း အဲဒါ ကျနော်တို့ သိရတာပေါ့။ မြစ်ကြီးနား-ဗန်းမော် လမ်းပေါ်က ဒီတောင်ကုန်းပေါ့။ ကေအိုင်အေ အမာခံစခန်းပဲ။ ကျနော်တို့ကြားတာ သူတို့က ကလက်စတာဗုံးတွေ သူတို့ သုံးတယ်ဆိုတဲ့ဟာ ကြားရတာပေါ့။” ခါယာဘွမ်တောင်ကုန်းဟာ ဒီဒေသမှာ မဟာဗျူဟာမြောက်တဲ့ တောင်ကုန်းတခု ဖြစ်တယ်လို့လည်း ABSDF ကျောင်းသားတပ်မတော်က ဗိုလ်မှူး မင်းဌေးက ပြောပါတယ်။ “တောင်ကုန်းကတော့ သူက ပွိုင့် - ၁၀၁၂ ရှိတယ်လေ။ သူက မြင့်တာကိုး။ မြင့်တော့ ဒီဘက်မှာ စိုးမိုးကုန်းပေါ့။ ဒီဒေသကို စိုးမိုးကုန်း။ ဆိုတော့ သူက အဲဒီကနေပြီးတော့မှ စိုးမိုးကုန်းကို သူတို့ရသွားပြီဆိုရင်တော့ ကျန်တဲ့ကုန်းတွေက အောက်ရောက်သွားပြီကိုး။ ဆိုတော့ ဒေသတ၀ိုက်မှာတော့ သူ အမြင့်ဆုံး ဖြစ်နေတော့ သူတို့ အဲဒီကုန်းကို မရမချင်း ထိုးစစ်ဆင်တယ်။ အင်အားတွေကလည်း တောင် ပတ် ပတ်လည်မှာ ပတ်ပြီးတော့မှ ထိုးစစ်ဆင်နေတာတော့ ကျနော်တို့ သိရတယ်။ လက်နက်ကြီးတွေနဲ့ တအားပစ်ပြီးတော့ လက်နက်ကြီး ကျည်ကုန်သွားတယ်တဲ့။ ကုန်သွားတော့ ဟိုတလောက သူတို့သိမ်းထားတဲ့ ပွိုင့် - ၇၇၁ ကို ရဟတ်ယာဉ်နဲ့ နှစ်ခါ လာပြန်ချတယ်။ ဟိုက်စကီးနဲ့။ လက်နက်ကြီးကျည်တွေ ချပြီးတော့မှ တခါ ပြန်ပစ်တယ်။ ပစ်တော့ ဒီဘက်ကလည်း ပစ်တယ်လေ။ ဟိုဘက်ပစ်၊ ဒီဘက်ပစ်။ ပစ်ပြီးတဲ့အခါကျတော့ ဆီပြန်ကုန်သွားတဲ့ပုံ ရှိတော့ သူတို့ ပြန်ပြီး ရပ်သွားတယ်။ တောင်ကုန်းကိုတော့ အများကြီးတော့ ပစ်လိုက်တယ်။ ထောင်ချီ ပစ်လိုက်တယ်လို့ ပြောတယ်။” မြန်မာစစ်တပ်က အေအိုင်အို ကို လေကြောင်းကနေပါ တိုက်ခိုက်နေတယ်ဆိုတဲ့ သတင်းတွေ ထွက်လာတာကြောင့် နိုင်ငံတကာမှာ ဝေဖန် ပြောဆိုမှုတွေ ထွက်လာပြီးနောက်ပိုင်း လေကြောင်းက တိုက်ခိုက်မှုတွေ မလုပ်တော့ပေမဲ့လည်း ရဟတ်ယာဉ်တွေတော့ အသုံးပြုနေဆဲ ဖြစ်တယ်လို့ ဗိုလ်မှူးမင်းဌေးက ပြောပါတယ်။ “အခုက လေယာဉ်တွေဘာတွေ မလာတော့ဘူး။ အခု နိုင်ငံတကာလူတွေကလည်း သိသွားတဲ့အခါ ကျတော့ သူက လေယာဉ်တွေက မလာတော့ဘဲနဲ့ သူတို့ တိုက်ပွဲပုံစံက ပြောင်းသွားတယ်။ ရဟတ်ယာဉ်က ပစ္စည်းသယ်တာတွေ၊ ပို့တာတွေတော့ လုပ်နေတယ်။ လေကြောင်းတွေက တိုက်တာတော့ မလုပ်တော့ဘူး။ ရှိသမျှ လက်နက်ကြီးတွေ အကုန်လုံး၊ တနိုင်ငံလုံးမှာရှိတဲ့ လက်နက်ကြီးတွေ အကုန်လုံး ယူလာသလား မသိပါဘူးဗျာ။ အကုန်လုံး ပတ်ပတ်လည်ကနေ ပြီးတော့မှ လက်နက်ကြီးတွေချည်းပဲ ပစ်တာ။ အများကြီး။ တစက္ကန့်ကို အချက်ပေါင်း မြောက်များစွာနဲ့ ပစ်တယ်ဆိုတော့ အလက် ဘယ်လောက်ရှိမလဲ ကျနော်တို့ မသိတော့ဘူး။ ခန့်မှန်းရလည်း ခက်တယ်။ အဲဒီလိုမျိုး ကုန်းတကုန်းကို ဖွတ်ဖွတ်ညက်ညက်ကြေအောင် ပစ် ပစ်လိုက်တာလေ။ ရဟတ်ယာဉ်တွေတော့ သွားတာ လာတာ၊ လူချတာ၊ အဲဒါတွေတော့ လုပ်နေကြတယ်။” ABSDF ကျောင်းသားတပ်မတော်က ဗိုလ်မှူး မင်းဌေးက ပြောပြခဲ့တာပါ။ အခုနောက်ဆုံးဖြစ်ပွားခဲ့တဲ့ အခြေအနေတွေ သိရှိနိုင်အောင် ဗွီအိုအေက ကေအိုင်အိုနဲ့ မြန်မာအစိုးရ ဘက်က တာဝန်ရှိသူတွေကို ဆက်သွယ်ခဲ့ပေမဲ့ ဆက်သွယ်လို့ မရခဲ့ပါဘူး။ တိုက်ပွဲအတွင်း နှစ်ဘက် ထိခိုက် ဒဏ်ရာရမှုတွေ ရှိတယ်ဆိုပေမဲ့လည်း စာရင်းအတိအကျတော့ မသိရသေးပါဘူး။ ဒါပေမဲ့ ကျောင်းသားတပ်မတော်က ရဲဘော်တဦးကတော့ လက်နက်ကြီးတွေ ထိမှန်ပြီး ဇန်န၀ါရီလ ၄ ရက်နေ့မှာ ကျဆုံးသွားခဲ့ပါတယ်။ တိုက်ပွဲတွေအဆုံးသတ်ပြီး နှစ်ဘက် တွေ့ဆုံ ဆွေးနွေးမှုတွေ လုပ်ဆောင်ဖို့ နိုင်ငံတကာ အသိုင်းအ၀ိုင်း၊ လွှတ်တော်နဲ့ နိုင်ငံရေးအင်အားစုတွေကပါ တိုက်တွန်း ပြောဆိုနေကြပေမဲ့ တိုက်ပွဲအရှိန်တွေကတော့ ခုချိန်ထိ လျော့မသွားသေးပါဘူး။