Sunday, January 27, 2013

28.01.2013 နေ့ဖတ်ရန်သတင်းများ

by Myanmar Journal on Sunday, January 27, 2013 at 3:51pm ·
Microsoft နဲ့ Googleတို့ မြန်မာပြည် လာမယ်
မြန်မာ့ဈေးကွက်ကို ဝင်တော့မယ့် Microsoft နဲ့ Google
မြန်မာ့ ဈေးကွက်ကို ဝင်ရောက် နိုင်ဖို့ Microsoft နဲ့ Google ကုမ္ပဏီ တွေက စိတ်ဝင်စား နေကြပါတယ်။
စီးပွားဖက် ကုမ္ပဏီတွေနဲ့ ဝင်ရောက် လုပ်ကိုင်ဖို့လည်း ပြင်ဆင်နေကြပါတယ်။

အဲဒီ့ အကြောင်းကို MIT နည်းပညာ ကုမ္ပဏီရဲ့ အမှုဆောင် အရာရှိချုပ် ဦးထွန်းသူရသက် ကို ဆက်သွယ် မေးကြည့်တော့ Microsoft က သူမလာခင်မှာ MPT လို့ခေါ်တဲ့ Market Development Partner ကို ရှာနေကြောင်းနဲ့ MIT၊ Ace၊ NCC စတဲ့ မြန်မာ့ နည်းပညာ ကုမ္ပဏီ တွေကို တေ့ထားတဲ့ အကြောင်း ပြောပါတယ်။
Microsoft အနေနဲ့ ဖွံ့ဖြိုးဆဲ ဈေးကွက် တွေကို အကူအညီ ပေးဖို့ဖြစ်ကြောင်း၊ ကျန်းမာရေးနဲ့ ပညာရေး ပိုင်းတွေမှာ နည်းပညာပိုင်း အကူအညီတွေ ပေးသွားမှာ ဖြစ်တယ်လို့ ဆိုပါတယ်။
တခါ NGO တွေ၊ အစိုးရပိုင်းနဲ့ စီးပွားရေး လုပ်ငန်းတွေကိုလည်း Software တွေကို ရောင်းချပေးသွား မှာ ဖြစ်သလို၊ ဈေးကွက်နဲ့ သင့်တော်တဲ့ ဈေးနှုန်း သတ်မှတ် ညှိုနှိုင်း ပေးတာမျိုးကိုလည်း လုပ်မှာ ဖြစ်တယ်လို့ ပြောပါတယ်။
Solution တွေကို ပိုင်ပိုင် နိုင်နိုင် ပေးနိုင်ဖို့ အတွက် Partner တွေကို လေ့ကျင့် ပေးသွားမှာ ဖြစ်ပြီး၊ Windows နဲ့ Office တွေအပြင် Microsoft Exchange လိုမျိုး အစိုးရ ရုံးတွေ၊ ဌာနတွေ မှာ အသုံးချ နိုင်တဲ့ နည်းပညာ တွေကို ဘယ်လို နေရာတွေမှာ အသုံးချလို့ ရတယ် ဆိုတာကို သိအောင် လုပ်ပေးသွားမှာ ဖြစ်တယ်လို့ ဆိုပါတယ်။
ဆက်လက်ပြီး မြန်မာ ပြည်မှာ ကွန်ပျူတာ ဝယ်ယူရင် Software ပါတယ်လို့ အသိမှား နေတာမျိုး ရှိကြောင်း၊ အခု Microsoft လာတာဟာ အဲဒီလို Software သုံးနေသူ တွေကို ဖမ်းဖို့ အတွက် မဟုတ်ဘဲ အသိပညာ ပေးဖို့ ဖြစ်ကြောင်း၊ တချို့ နေရာ တွေမှာ လှူဒါန်း တာမျိုးတွေ လုပ်ပေး နိုင်ကြောင်းလည်း ပြောပါတယ်။
ဆက်လက်ပြီး ဈေးကွက် အသစ်ကို ဝင်လာတဲ့ အခါမှာ လူတွေ သုံးနိုင်တဲ့ ဈေးနှုန်းကို လေ့လာ သတ်မှတ်ပေးဖို့ အတွက် အဓိက ဖြစ်နိုင်ကြောင်း ဖြေကြား ခဲ့ပါတယ်။
Google ကုမ္ပဏီ ကတော့ Partner အနေနဲ့ လုပ်တာမျိုးတော့ မတွေ့ ရသေးဘဲ၊ လေ့လာတဲ့ အပိုင်းသာ ရှိသေးတဲ့ အကြောင်းကို ပြောကြား သွားပါတယ်။

ပို့ဆက်မှာ အရေးပေါ် ကြေညာ
ဆန္ဒပြပွဲတွေ ရက်နဲ့ချီ ဖြစ်ပွားခဲ့
ရုန်းရင်းဆန်ခတ် ဆန္ဒပြပွဲတွေ ရက်နဲ့ချီပြီး ဖြစ်ပွားနေတဲ့ အီဂျစ် နိုင်ငံက ပို့ဆက် ဆိပ်ကမ်းမြို့နဲ့ ဆူးအက်၊ အစ္စမေလီယာ မြို့တွေမှာ တလကြာ အရေးပေါ် အခြေအနေနဲ့ ကာဖျူး ထုတ်လိုက်ပြီလို့ အီဂျစ် သမ္မတ မိုဟာမက် မော်စီက ကြေညာ လိုက်ပါပြီ။
ဒီအဓိကရုဏ်းကို တန်ပြန် တော်လှန်ရေး လုပ်ရပ် အဖြစ် သမ္မတ မော်စီက သတ်မှတ် ပြောကြား လိုက်ပြီး အီဂျစ် နိုင်ငံ လုံခြုံရေးကို ထိခိုက် နှောင့်ယှက် လာတာမှန်သမျှကို တုံ့ပြန် ဆောင်ရွက် သွားမယ်လို့ သတိပေး ပြောကြား လိုက်ပါတယ်။
သမ္မတ မော်စီရဲ့ ဒီလို အရေးယူ ဆောင်ရွက်မှုကို အဓိက အတိုက်အခံ ညွန့်ပေါင်း အဖွဲ့က ကြိုဆို ခဲ့ပါတယ်။
ပြီးခဲ့တဲ့ စနေနေ့က သေဆုံးခဲ့သူတွေရဲ့ အသုဘ ပို့ဆက် မြို့မှာ ချဆောင်ရာမှာ လူ ၁၇ ယောက် အနည်းဆုံး သေဆုံး ခဲ့ရပါတယ်။
မနှစ်က ဘောလုံးပွဲ အဓိကရုဏ်း လူသေမှုတွေ အတွက် လူ ၂၁ ယောက် ကို သေဒဏ်ချပြီး နောက်ပိုင်း ဒီလို မတည်ငြိမ်မှုတွေ စတင် ဖြစ်ပွားခဲ့တာပါ။

ဘရာဇီး ညကပွဲရုံ မီး လူ ၂၄၅ ဦး သေဆုံး
မီး အကြီးအကျယ် လောင်ခဲ့တာကြောင့် မီးသတ် သမားတွေဟာ အဆောက် အဦး ပြိုကျ လာမှာကို ကြောက်လန့်
ဘရားဇီး နိုင်ငံ တောင်ပိုင်း ဆန်တာ မာရီယာ မြို့က ညကပွဲရုံ တခုမှာ မီးလောင်မှု ဖြစ်ပွား ခဲ့တဲ့ အတွက် လူအနည်းဆုံး ၂၄၅ ဦး သေဆုံး သွားတယ် လို့ ဘရာဇီး ရဲတပ်ဖွဲ့က ပြောပါ တယ်။
သေဆုံးသူ အများစုဟာ ကျောင်းသူ ကျောင်းသားတွေ ဖြစ်ပြီး၊ တခြား လူပေါင်း အတော်များများ ကိုလည်း ဆေးရုံတင် လိုက်တယ်လို့ ဆိုပါတယ်။
ဒေသ စံတော်ချိန် တနင်္ဂနွေ မနက် ၂ နာရီ လောက်မှာ လူအုပ်စု တစု ကနေ ကပွဲရုံ ထဲမှာ မီးရှုး မီးပန်းတွေ ဖေါက်ခဲ့ရာ၊ မျက်နှာကြက်မှာ တပ်ထားတဲ့ ပဲ့တင်သံ ထိန်းတဲ့ အကာ ပြားတွေကို သွားထိ ရာကနေ မီးစလောင် တာ ဖြစ်တယ်လို့ ဒေသတွင်း မီဒီယာက ပြောပါတယ်။
ဒီ ညကပွဲရုံမှာ ထွက်ပေါက် တခုပဲ ရှိတာ ဖြစ်လို့ လူတွေဟာ ထိန်း မနိုင် သိမ်း မရအောင် ကြောက်လန့် တကြား ထွက်ပြေး ခဲ့ကြတာ ဖြစ်တယ်လို့ သတင်းတွေက ဆိုပါတယ်။
မီးတွေဟာ အကြီး အကျယ် လောင်ကျွမ်း နေတာကြောင့်လည်း မီးသတ်သမားတွေ ဟာ အဆောက်အဦး ပြိုကျ လာမှာကို ကြောက်လန့်နေ ခဲ့ကြပါတယ်။
မြို့ ရင်ခွဲရုံနဲ့တင် မနိုင်တာကြောင့် အားကစား ရုံတွေကို သေဆုံးသူတွေ အတွက် ယာယီ ရင်ခွဲရုံ အဖြစ် အသုံးပြု နေကြရပါတယ်။

ငြိမ်းချမ်းရေးမှာ NGO တွေပါဖို့ ဖိတ်ခေါ်
ကချင်ဒေသ ပဋိပက္ခ ပြေလည်ရေးအတွက် အချိန်နည်းနည်းစောင့်ဖို့ ဝန်ကြီး ဦးအောင်မင်းပြော
မြန်မာနိုင်ငံမှာ ပြည်တွင်း ငြိမ်းချမ်းရေး ရအောင် ဆောင်ရွက်ရာမှာ NGO အရပ်ဖက် လူ့အဖွဲ့အစည်းတွေအနေနဲ့ အတူ ပါဝင် ဆောင်ရွက်ကြဖို့ သမ္မတရုံး ဝန်ကြီးတွေက တိုက်တွန်း ပြောကြားလိုက်ပါတယ်။
ရွေးကောက်ပွဲ မတိုင်ခင် မြန်မာနိုင်ငံ တနိုင်ငံလုံးမှာ ပြည်တွင်း ငြိမ်းချမ်းရေး ရအောင် ဆောင်ရွက်ဖို့ ရည်ရွယ်ထားကြောင်းကိုလည်း သမ္မတရုံး ဝန်ကြီး ဦးစိုးသိန်း၊ ဦးအောင်မင်းနဲ့ လူဝင်မှု ကြီးကြပ်ရေး ပြည်ထောင်စု ဝန်ကြီး ဦးခင်ရီတို့က အရပ်ဖက် အဖွဲ့အစည်းတွေနဲ့ Myanmar Peace Centre မှာ တနင်္ဂနွေနေ့က တွေ့ဆုံ ရှင်းလင်း ပြောပြခဲ့ပါတယ်။
အစိုးရရဲ့ ငြိမ်းချမ်းရေး ဖေါ်ဆောင်မှုမှာ ပြည်နယ်အဆင့် ဆွေးနွေးပွဲတွေ လုပ်တဲ့ ပထမအဆင့် ပြီးတဲ့ နောက်ပိုင်း ဒုတိယအဆင့် အဖြစ် နိုင်ငံရေး ဆွေးနွေးတဲ့ အဆင့် ရောက်နေပြီမို့ ဒုက္ခသည်တွေ ပြန်လာရေးနဲ့ ပြန်လည် နေရာချထားရေး ကိစ္စတွေမှာ NGO တွေ ပါဝင်ကူညီကြဖို့ ဝန်ကြီးတွေက တိုက်တွန်းခဲ့ကြပါတယ်။
NGO တွေဖက်ကလည်း ငြိမ်းချမ်းရေး လုပ်ငန်းစဉ်မှာ သူတို့ ဘယ်လို ပါဝင် ဆောင်ရွက်နိုင်မလဲ၊ သူတို့ရဲ့ လှုပ်ရှားမှုတွေမှာ အာဏာပိုင်တွေရဲ့ ဟန့်တားမှုတွေနဲ့ ကြုံနေရတာကို အစိုးရက ဘာလုပ်ပေးနိုင်မလဲ၊ ကချင်ဒေသ ပဋိပက္ခမှာ အစိုးရရဲ့ ပြောကြားချက်တွေနဲ့ လက်တွေ့ ဆောင်ရွက်မှုတွေအကြား ကွာဟမှုတွေ ရှိနေတဲ့ ကိစ္စ စတာတွေနဲ့ ပတ်သက်လို့ ပြန်လည် မေးမြန်းခဲ့ပါတယ်။
ကချင်ဒေသ ပဋိပက္ခမှာ တွေ့ဆုံ ဆွေးနွေးပွဲ ဖြစ်မြောက်အောင် အစိုးရဖက်က နည်းအမျိုးမျိုးနဲ့ ကြိုးစားနေကြောင်းနဲ့ ဒေါ်အောင်ဆန်း စုကြည်ကိုလည်း ပါဝင် ကူညီနိုင်အောင် ကမ်းလှမ်းထားကြောင်း ငြိမ်းချမ်းရေး ကိစ္စတွေမှာ အဓိက တာဝန်ယူ ဆောင်ရွက်နေတဲ့ သမ္မတရုံး ဝန်ကြီး ဦးအောင်မင်းက ပြောပါတယ်။
ကချင်ဒေသအရေးနဲ့ ပတ်သက်လို့ နောက်ထပ် အချိန်နည်းနည်း စောင့်ဖို့ကိုလည်း ဦးအောင်မင်းက ပြောသွားပါတယ်။

ရန်ကုန်မှာ အပြည်ပြည်ဆိုင်ရာ မာရသွန်ပြိုင်ပွဲ ကျင်းပ
ကင်ညာနိုင်ငံက Gitau Karuki က ပထမ နေရာ ကနေ ပန်းဝင်ခဲ့
မြန်မာ နိုင်ငံမှာ နှစ်ပေါင်း ၂၀ နီးပါး အတွင်း ပထမဆုံး အကြိမ်အဖြစ် တနင်္ဂနွေ နေ့က ပြန်လည် ကျင်းပ ခဲ့တဲ့ အပြည်ပြည် ဆိုင်ရာ မာရသွန် အပြေး ပြိုင်ပွဲ မှာ မြန်မာ အမျိုးသမီး၊ အမျိုးသား အပြေး သမား တွေဟာ ဆုတွေ အသီးသီး ဆွတ်ခူး သွားပါတယ်။
ရိုးမ ရန်ကုန် အပြည်ပြည် ဆိုင်ရာ မာရသွန် ပြိုင်ပွဲ လို့ခေါ်တဲ့ ဒီပြိုင်ပွဲကို ၄၂ ကီလို မီတာ၊ ၁၀ ကီ လိုမီတာနဲ့ ၃ကီ လိုမီတာ ဆိုပြီး ၃ မျိုး ခွဲ ပြုလုပ် ခဲ့တာ ဖြစ်ပြီး မနက် ၅ နာရီ ခွဲ မှာ ရန်ကုန် ပြည်သူ့ ရင်ပြင် ရှေ့ကနေ အားလုံး တာထွက် ခဲ့ကြတာ ဖြစ်ပါတယ်။
၄၂ ကီလို မီတာ ပြိုင်ပွဲ နဲ့ ၁၀ ကီ လိုမီ တာ ပွဲတွေမှာ တော့ ကင်ညာ နိုင်ငံသား တွေက ပထမဆုတွေ ဆွတ်ခူး သွားပြီး၊ မြန်မာ အမျိုးသား ကိုသောင်းအေး ကတော့ ၄၂ ကီလို မီတာမှာ တတိယဆု ရရှိပါတယ်။
အမျိုး သမီး ၄၂ ကီလိုမီတာ ပွဲမှာတော့ မီမီအေးက စံချိန် ၂ နာရီ ၄၆ မိနစ် ဝ၇ စက္ကန့် နဲ့ ပထမ၊ ပပက ဒုတိယနဲ့ နီလာစန်းက တတိယ အသီးသီး ရရှိသွား ကြပါ တယ်။
ပြိုင်ပွဲ လမ်းတလျှောက်မှာ ရှိတဲ့ အိမ်တွေ ကလည်း အပြေး သမားတွေကို ရေနဲ့ အစား အသောက်တွေ ထွက်ပေး ကြပြီး အားပေးခဲ့ ကြပါတယ်။
နိုင်ငံပေါင်း ၂၀ ကျော်က နိုင်ငံ ခြား သား ၅၀ဝ ကျော်လည်း ပါဝင် ယှဉ် ပြိုင်ခဲ့ကြ တယ်လို့ သိရပါတယ်။

မြန်မာ နိုင်ငံမှာ အခုလို မာရသွန် ပြိုင် ပွဲ လုပ်နိုင် တာကြောင့် လာမယ့် ဒီဇင်ဘာလ ကျင်းပမယ့် အရှေ့တောင် အာရှ အားကစားပွဲ အတွက် မြန်မာ အပြေး သမားတွေ အတွေ့ အကြုံတွေ ရခဲ့ သလို၊ မြန်မာ နိုင်ငံရဲ့ ခရီးသွား လုပ်ငန်း အတွက်လည်း အကျိုးအမြတ် တစ်ခုလို့ပြော ဆိုနိုင် ပါတယ်။                    

ကမ္ဘာ့ဘဏ်နဲ့ ADB မြန်မာကို ကြွေးသစ်ပေးမည်
  • ပုံနှိပ်ရန်
  • အီးမေးလ်
  • ဖြန့်ဝေရန်

အမေရိကန်ပြည်ထောင်စု၊ ၀ါရှင်တန်မှာရှိတဲ့ ကမ္ဘာ့ဘဏ် အဆောက်အဦး။ (ဇန်န၀ါရီလ ၁၈ ရက်၊ ၂၀၀၈)။
မီဒီယာ
အသံ
  • Burma Int'l Loan
    • နားဆင်ရန်
    • Playlist
TEXT SIZE
စုမြတ်မွန်
27.01.2013
ကမ္ဘာ့ဘဏ်နဲ့ ADB အာရှဖွံ့ဖြိုးမှုဘဏ်တွေ အပေါ် မြန်မာနိုင်ငံက တင်နေတဲ့ အကြွေးတွေကို ဂျပန်ရဲ့ အကူအညီနဲ့ ပြန်လည် ဆပ်နိုင်ခဲ့ပြီးနောက်မှာ မြန်မာကို အကြွေးသစ်ပေးဖို့ ကမ္ဘာ့ဘဏ်နဲ့ အာရှဖွံ့ဖြိုးမှုဘဏ်တို့က ကြေညာခဲ့ကြပါတယ်။ နှစ်ပေါင်း ၃၀ အတွင်း မြန်မာနိုင်ငံကို ပထမဆုံးချေးငွေအဖြစ် ADB ကဒေါ်လာ ၅၁၂ သန်းပေးမှာဖြစ်သလို၊ ကမ္ဘာ့ဘဏ်က ဒေါ်လာသန်း ၄၄၀ ချေးမယ်လို့ အသိပေးကြေညာလိုက်ပါတယ်။ ဒါပေမဲ့ အဲဒီငွေတွေအားလုံးကို မြန်မာနိုင်ငံ ဖွံ့ဖြိုးတိုးတက်ရေးအတွက် သုံးနိုင်မှာပါလား၊ မစုမြတ်မွန်က တင်ပြပါမယ်ရှင်။

မြန်မာ့စီးပွားရေးကို ပြိုင်ဆိုင်နိုင်တဲ့ စီးပွားရေးအခြေအနေရောက်အောင် ကူညီဖို့အတွက်လို့ဆိုပြီး ADBအာရှဖွံ့ဖြိုးမှုဘဏ်က ဒေါ်လာ ၅၁၂ သန်းချေးမယ်လို့ ကြေညာလိုက်သလို၊ ဆင်းရဲမွဲတေမှု ကျဆင်းရေးနဲ့ သာယာဝပြောလာမှုကို အားလုံးမျှဝေခံစားနိုင်ရေး မြန်မာအစိုးရရဲ့ ကြိုးပမ်းမှုတွေကို တွန်းအားပေးတဲ့အနေနဲ့ မြန်မာနိုင်ငံကို ဒေါ်လာ သန်း ၄၄၀ အကြွေးပေးဖို့ ကမ္ဘာ့ဘဏ် အုပ်ချုပ်မှုအဖွဲ့က အတည်ပြုလိုက်ပြီလို့ ကမ္ဘာ့ဘဏ်က ကြေညာခဲ့တာဖြစ်ပါတယ်။ ကမ္ဘာ့ဘဏ်နဲ့ ADB တို့အပေါ် မြန်မာနိုင်ငံတင်နေတဲ့ အကြွေးတွေကို ပြန်မဆပ်ခဲ့တဲ့အတွက် နှစ်ပေါင်း ၃၀ လောက် မြန်မာနိုင်ငံအပေါ် ထောက်ပံ့ ကူညီမှုတွေကို ရပ်ဆိုင်းထားရာကနေ ခုလို ဖွံ့ဖြိုးတိုးတက်ရေးဆိုင်ရာ ချေးငွေတွေ ပြန်ပေးမယ်လို့ ကြေညာခဲ့ကြတာဖြစ်ပါတယ်။

ADB ကို မြန်မာနိင်ငံက တင်နေတဲ့ အကြွေး သန်း ၅၀၀ လောက်နဲ့ ကမ္ဘာ့ဘဏ်အပေါ်တင်နေတဲ့ အကြွေး သန်း ၄၀၀ နီးပါးကို နိုင်ငံတကာ ပူးပေါင်းဆောင်ရွက်ရေးဆိုင်ရာ ဂျပန်ဘဏ် JBIC ကနေ အခုဇန်နဝါရီလထဲမှာပဲ ကြားကနေ ယာယီ ဝင်ဆပ်ပေးခဲ့ပြီးနောက်မှာ ခုလို မြန်မာနိုင်ငံ ကို ပြန်လည် ချေးငွေထုတ်ပေးတော့မယ်လို့ ကြေညာခဲ့ကြတာ ဖြစ်ပါတယ်။ ဒါဟာ မြန်မာနိုင်ငံ အတွက် သမိုင်းဝင် အရေးပါတဲ့ အချိန်ဖြစ်တယ်လို့ ADB ဒုဥက္ကဋ္ဌ Stephen Groff က ကြေညာချက်ထဲမှာ ပြောထားပါတယ်။ အလှူရှင်တွေ ပြန်လည်ပေးလာတဲ့ အကူအညီတွေကို အကျိုးအရှိဆုံး သုံးစွဲတဲ့ အခြေအနေဖြစ်ဖို့အတွက် တည်ငြိမ်ပြီး ရေရှည်ခံတဲ့ ကိစ္စတွေအပေါ်မှာ ADB က အာရုံစိုက်လုပ်မယ်လို့ ဖော်ပြထားပါတယ်။

လူမှုရေးနဲ့ စီးပွားရေးဆိုင်ရာ ဖွံ့ဖြိုးတိုးတက်မှုတွေတွက် မြန်မာနိုင်ငံထဲမှာ ADB ရဲ့ ကူညီထောက်ပံ့ရေး လုပ်ငန်းတွေကို ပြန်စမယ်ဆိုတာကိုလည်း ဒီကနေ့ တနင်္လာနေ့ နေ့စွဲနဲ့ ထုတ်ပြန်တဲ့ ကြေညာချက်ထဲမှာ အသိပေးထားပါတယ်။ ကမ္ဘာ့ဘဏ်ကလည်း ဘဏ္ဍာရေးနဲ့ နည်းပညာအကူအညီတွေကို အပြည့်အဝ ပြန်ပေးတော့မယ်ဆိုတာကို တနင်္ဂနွေနေ့က ထုတ်ပြန်ကြေညာပါတယ်။ အခုလို စီးပွားရေးဆိုင်ရာ အပြောင်းအလဲတွေ ဖြစ်လာအောင် မြန်မာနိုင်ငံ ဟာ အချိန်တော်တော်ကြာ ဖြတ်သန်းလာခဲ့ရတာ ဖြစ်တယ်လို့ ကမ္ဘာ့ဘဏ်ရဲ့ မြန်မာနိုင်ငံဆိုင်ရာ ညွှန်ကြားရေးမှုး Annette Dixon က ပြောပါတယ်။ မြန်မာနိုင်ငံမှာ နောက်ထပ် လုပ်စရာတွေ အများကြီးရှိနေသေးတယ် ဆိုတာကိုလည်း ကမ္ဘာ့ဘဏ်ရဲ့ ထုတ်ပြန်ချက်ထဲမှာ သူကပြောထားပါတယ်။

မြန်မာနိုင်ငံမှာ လာရောက် ရင်းနှီးမြှုပ်နှံချင်သူတွေကို စွဲဆောင်နိုင်ဖို့၊ တိုးတက်မှုတွေ ရှိလာအောင်လို့နဲ့ အလုပ်အကိုင်တွေ ဖန်တီးနိုင်ဖို့အတွက် ကမ္ဘာ့ဘဏ်အနေနဲ့ အာရှဖွံ့ဖြိုးမှုဘဏ်၊ ဂျပန်အစိုးရအပြင် တခြားမိတ်ဖက် အဖွဲ့အစည်းတွေနဲ့ လက်တွဲဆောင်ရွက်နေတယ် လို့လည်း ကမ္ဘာ့ဘဏ်က ဆိုပါတယ်။ မြန်မာနိုင်ငံမှာ သမ္မတဦးသိန်းစိန်လက်ထက် ပြုပြင်ပြောင်းလဲမှုတွေ လုပ်လာတဲ့နောက်ပိုင်း မြန်မာအစိုးရနဲ့ ပြန်လည် ပူးပေါင်းဆောင်ရွက် လာတဲ့ အဖွဲ့အစည်းတွေထဲမှာ ကမ္ဘာ့ဘဏ်နဲ့ ADB အာရှဖွံ့ဖြိုးမှုဘဏ်တို့လည်း ပါဝင်ပါတယ်။ ဘဏ် ၂ ခုလုံးက ရုံးခွဲတွေကို မြန်မာနိုင်ငံမှာ ပြီးခဲ့တဲ့ နှစ်က ဖွင့်လှစ်ခဲ့ကြပါတယ်။

အခု ADB က ဒေါ်လာ ၅၁၂ သန်းနဲ့ ကမ္ဘာ့ဘဏ်က ဒေါ်လာ သန်း ၄၄၀ ပြန်လည် ချေးတယ်ဆိုပေမဲ့ ဒီဘဏ်တွေဆီက ခုလို အကြွေးပြန်ရနိုင်ဖို့ ကြားကနေ အကြွေးဆပ်ပေးထားတဲ့ နိုင်ငံတကာ ပူးပေါင်းဆောင်ရွက်ရေးဆိုင်ရာ ဂျပန်ဘဏ် JBIC ကို မြန်မာက ပြန်ပြီး အကြွေးတွေ ဆပ်ရဦးမှာဖြစ်ပါတယ်။ အကြွေးသစ် စုစုပေါင်း ၉၅၂ သန်းထဲက အကြွေးနဲ့ အတိုးသန်း ၉၀၀ လောက်ကို မြန်မာက ပြန်ဆပ်ရမယ့် အခြေအနေဖြစ်ပါတယ်။

4

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့ စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အက်ဒမင်

အခြားကဏ္ဍများကို လေ့လာရန်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...