ကိုအေကေတီ က MRTV4 နဲ့ ပြသနာတက်နေ....

L-Zaw Sai shared Myawady News's photo.

တေးရေး ကေအေတီ က MRTV-4 နဲ့ Channal.7 ရုပ်သံလိုင်း ကို မူပိုင်ခွင့် အရ လာရောက် ဖြေရှင်း ညှိနှိုင်းဖို့ တောင်းဆိုထားပြီ။
ဒီကနေ့ ဂီတလောကမှာ တေးရေး ကေအေတီ လို့ နာမည် ကျော်ကြား လူသိများနေတဲ့ ကိုအေကေတီ က MRTV4 နဲ့ Channal.7 ရုပ်သံလိုင်း များရဲ့ ကုမ္ပဏီ ဖြစ်တဲ့ Forever ကုမ္ပဏီ အုပ်စုကို သူ ရေးထား တဲ့ တေးသီချင်း များ ကို ကြိုတင် ညှိနှိုင်း ခွင့်ပြုချက် ရယူမှု မရှိဘဲ သီဆို ထုတ်လွှင့် သွားတဲ့ အတွက်တေးရေး မူပိုင်ခွင့် နဲ့ လာရောက် ညှိနှိုင်း ဖြေရှင်း ပေး ဖို့ တောင်းဆို ထား တယ် လို့ ပြောပါတယ်။
အဲဒီလို ခွင့်ပြုချက် ရယူမှု မရှိဘဲ သီဆိုထုတ်လွှင့်မှု ကို အဆိုပါ ကုမ္ပဏီများက ဦးစီးကျင်းပ တဲ့ ဒီဇင်ဘာလ ၃၁ ရက်နေ့က Count Down .2013 နှစ်သစ်ကူး ပွဲတော်နေ့မှာ Channal.7 ရုပ်သံလိုင်းက အိမ်မက်ဆုံရာ တေးသီချင်းဆို ပြိုင်ပွဲ မှာ ဆုရခဲ့တဲ့ တေးသံရှင် “ရဲသွေးနောင်” က ကိုအေကေတီ ရေးစပ်ထားတဲ့ “ကြိုနေစေချင်တယ်” သီချင်း ကို သီဆို ဖျော်ဖြေ ထုတ်လွှင့် ခဲ့ခြင်း ဖြစ်ပြီး၊ အဲဒီသီချင်းကို ကိုအေကေတီ အနေနဲ့ မူလ တေးသံရှင် “ဂျီလတ်” သီဆိုရန် ရေးစပ် ပေးခဲ့တာ ဖြစ်ကြောင်း၊ အလားတူ အိမ်မက်ဆုံရာ တေးသီချင်း ဆို ပြိုင်ပွဲမှာ ဆုရရှိခဲ့တဲ့ တေးသံရှင် “နန်းထက်ထက်သူ” ကလည်း ယခင်က သူ ကိုယ်တိုင် ရေးစပ်ပေး ခဲ့တဲ့ “နောက်ဆုံးရထား” သီချင်းကို မူရင်း တေးသံရှင် နာမည်ကြီး အဆိုတော် “ကိုလေးဖြူ” ရဲ့ ခွင့်ပြုချက် မရရှိဘဲ သီဆို ထုတ်လွှင့် သွားမှု အပေါ် မူပိုင်ခွင့် ချိုးဖောက်မှု ကြောင့် လာရောက်တွေ့ဆုံ ညှိနှိုင်း ဖြေရှင်း ဖို့ တောင်းဆို ခဲ့တာ ဖြစ်တယ် လို့ ဆိုပါတယ်။


"ဒီလိုလုပ်တာဟာ ကျွန်တော့ အနေနဲ့ တေးဆိုတဲ့ အဆိုရှင် တွေကို နစ်နာအောင် လုပ်တာ မဟုတ်ပါဘူး။ ဦးစီး ဦးဆောင် လုပ်တဲ့ အဖွဲ့အစည်းတွေ ကို လုပ်တာပါ။ ဒါက မလုပ်သင့်ဘူး။ မူပိုင်ခွင့် ကိုချိုးဖောက်တာ။ ခွင့်ပြုချက်တော့ ရယူသင့်တယ်။ ဒီသီချင်း စာသား တွေကို မူလ သီဆိုထားတဲ့ တေးသံရှင်တွေ အများကြီး နစ်နာတယ်။ (ဥပမာ) “ကိုလေးဖြူ” ကတော့ ပြဿနာ မရှိဘူး ထင်တယ်။ သူက နာမည်ကြီး အဆိုတော် တစ်ဦး ဖြစ်နေပြီ။ တေးသံရှင် “ဂျီလတ်” ကတော့ နာမည် မရသေးတော့ ဒီသီချင်း ကို သူတို့က ရုပ်သံလိုင်း ကနေ တေးသံရှင် “ရဲသွေးနောင်” သီဆို ဖျော်ဖြေတဲ့ ရုပ်နဲ့ လွှင့် တာ ဆိုတော့ အများက ဒီသီချင်း “ရဲသွေးနောင်” ရဲ့ သီချင်းလို့ ထင်ကြမယ်လေ။ တကယ်တော့ ဒီသီချင်းက မူလ တေးသံရှင် “ဂျီလတ်” ရဲ့သီချင်းပါ။ ဒါကို သူတို့ သိဖို့ သင့်တယ်လေ။ ပြောမယ် ဆိုရင် MRTV-4 က တာဝန်ရှိတဲ့သူတွေ အနေနဲ့ ဒီပွဲတွေ စီစဉ်ပြီ ဆိုကထဲက ဒါတွေ သူတို့ နားလည် ပြီးသားတွေပါ။ ကြိုတင် ညှိနှိုင်း သင့်တယ်၊ ခွင့်ပြုချက် ရယူသင့်တယ်။ နောက် ကျွန်တော့ အနေနဲ့လည်း ပြောမယ် ဆိုရင် မူလ အဆိုရှင်တွေက ဒီအဆိုတော် တွေကိုပဲ ပေးပြီး ဆိုခိုင်းတဲ့ သဘော သက်ရောက် နေတယ်။ ကျွန်တော် သိက္ခာလည်း ကျတယ်ပေါ့။ ဒါမျိုးတွေ ကျွန်တော် မရှိခဲ့ဘူးလေ။ ဘာပဲ ပြောပြော ဒီကိစ္စဟာ အဓိက မူရင်းတေးသံရှင်တွေ နစ်နာမှာ စိုးလို့ ကျွန်တော် လုပ်ရတာပါ။ သူတို့မှာ အစစ အရာရာ အကုန် အကျတွေ အများကြီး ရှိခဲ့ကြတယ်လေ။ ပြောမယ် ဆိုရင် အများကြီး။ နောက်ပြီး ဆိုတဲ့လူ ကတော့ ဆိုမှာပေါ့နော်။ ပြောစရာ တော့ မရှိပါဘူး။ ဒါကြောင့်မို့လည်း ကျွန်တော်တို့ “မယ်လိုရီဝေါလ်” အဆိုပြိုင်ပွဲ တွေမှာ သီချင်းဆိုပြိုင်တဲ့ ကလေးတွေကို မေးတယ်လေ။ မူရင်း တေးသံရှင် နဲ့ မူရင်း တေးရေးဆရာ။ ဒါတွေက ကျွန်တော်တို့ အလကား လုပ်နေတာမှ မဟုတ်တာ။ မူလ တေးသံရှင်နဲ့ မူရင်း တေးရေးဆရာ တွေကို အသိအမှတ်ပြုနေတာ။ တစ်ခါတည်း စင်ပေါ်ကနေ ဂါရဝ ပြုရင်း ခွင့်တောင်းတဲ့သဘောပါ။ ဒီကိစ္စ မှာလည်း တရားစွဲတယ် ဆိုတာတော့ မဟုတ်ပါဘူး။ လာရောက် ဖြေရှင်း ညှိနှိုင်းရေး အတွက် ကျွန်တော် တာဝန် ရှိတဲ့သူတွေကို အကြောင်းကြား ထားတာ ဖြစ်တယ်။" လို့ တေးရေး ကိုအေကေတီ က ပြောပြလို့ သိရပါတယ်။

news yatanarpon