လောင်းကစားအကြွေးကို သားသမီးများဖြင့် ဆပ်ခဲ့သည့် ဖခင်

Mails From Freinds

 

လောင်းကစားပွဲတွင် အကြွေးတင်ခဲ့ သဖြင့်လော်ရီကုန်ကားမောင်းသူတစ်ဦးသည် သူ၏ ကလေး ၃ ဦး ကို အကြွေး အစားအလျော်ပေးခဲ့သည်။

အသက် ၂၇ နှစ်အရွယ်ကလေးများ၏ မိခင်ဖြစ်သူLiew Kim Yow က ကလေးများအား အလျော် အစားပြုလုပ်သူအသက် ၂၅ နှစ်အရွယ်အမျိုး သားနှင့်တရားဝင်လက်ထပ်ခြင်းမပြုသေးသောကြောင့် ၄င်းကိုရည်းစားဟုသာညွှန်းဆိုခဲ့သည်။ သူမတို့သည် စင်ကာပူတွင် အလုပ်လုပ်နေစဉ် ရည်းစားဖြစ်သူ၏ မိခင်အား အသက် ၅ နှစ်၊ ၃ နှစ် နှင့် ၁ နှစ်အရွယ်က လေးများကို စောင့်ရှောက်ပေးရန် လွန်ခဲ့သည့် စက်တင်ဘာလက အကြံပြုခဲ့ သည်။ ၄င်းတို့ ၂ ဦး သည် ဟူလူဆီလန်ဂေါ(Hulu Selangor)၊
ဆီရန်ဒါ(Serendah)တွင် ၇ နှစ်မျှ အတူနေထိုင်ခဲ့ကြ သည်။

ရည်းစားဖြစ်သူသည် လော်ရီကုန်ကားမောင်းထွက်ချိန်တွင် လီအွေသည် အလုပ် ထွက်မလုပ်ဘဲ ကလေးများကို အိမ်တွင်ကြည့်ရှူစောင့်ရှောက်ခဲ့သည်။ အလုပ်ကိစ္စဖြင့် စင်ကာပူသွားခဲ့ကြပြီး ကလေးများကိုတွေ့လိုသည်ဟု ပြောသည့်အချိန် တိုင်းတွင် ရည်းစားဖြစ်သူမှအကြောင်းအမျိုးမျိုးပြကာ ကလေးများနှင့်တွေ့ဆုံရန် ဆင်ခြေပေးတတ် လွန်းသောကြောင့် သူမက သံသယ၀င်ခဲ့သည်။

‘လူတစ်ယောက်က ကျွန်မတို့သားကို ရင်းဂစ် ၅၀၀၀၀၊ သမီးအကြီးမကို ရင်းဂစ် ၂၀၀၀၀ နဲ့မွေးစား ချင်တယ်လို့ အရင်က သူပြောတယ်။ ကျွန်မက ဘယ်လောက်ပဲ ဆင်းရဲပါစေ ကိုယ့်သားသမီးတွေ ကိုတော့ မရောင်းနိုင်ဘူးလို့ ပြန်ပြောခဲ့တယ်’ဟု အမ်စီအေလူထုစောဒကနှင့် ၀န်ဆောင်မှုများဌာန (MCA Public Complaints & Services Department)တွင် ယမန်နေ့က သူမပြောခဲ့သည်။

၂၀၁၂၊ ဒီဇင်ဘာလ ၂၃ ရက်တွင် သူမက ဆီရန်ဒါရဲစခန်းတွင် အမှုဖွင့်တိုင်ကြားခဲ့သည်။လွန်ခဲ့သည့်မေလကတည်းက သူမကိုပျောက်ဆုံးနေသည်ဟု ရည်းစားဖြစ်သူက အောက်တိုဘာလတွင် တိုင်ကြားခဲ့သည့်အဖြစ် သိရှိချိန်တွင် သူမသည် တုန် လှုပ်သွားခဲ့သည်။ ရည်းစားဖြစ်သူက တစ်ကိုယ်တည်း အနေဖြင့် သားသမီးများကိုစောင့်ရှောက်ကျွေးမွေးရန် မတတ်နိုင်၍ ရွေးချယ် စရာမရှိသည့်အဆုံးတွင် သား သမီးများကို တစ်ပါးသူအားမွေးစားခွင့်ပေးလိုက်သည်ဟု တိုင်ချက်ဖွင့်စဉ်တွင် တင်ပြထားသည်။

ရည်းစားဖြစ်သူသည် ခြေရာဖျောက်ထားကာ သူ့အား ဆက်သွယ်ရန် ကြိုးပမ်းမှုမှာအချည်းနှီးဖြစ်ခဲ့သည်ဟူလူဆီလန်ဂေါအရာရှိချုပ်နိုရယ်အဇ်မီရယာအာဖင်ဒီ(Norel Azmi Yahya Afenday)က လီအွေ ၏တိုင်ချက်ကို အတည်ပြုပေးခဲ့သည်။

ကလေးများအား မွေးစားသူမှ ၄င်းအားချက်ချင်းဆက်သွယ်ရန် ဌာနမှူးဒါသွတ်ဆယ်ရီမိုက်ကယ်ချုံ(Datuk Seri Micheal Chong)က တိုက်တွန်းသတိပေးထား သည်။
‘တရားရုံးကနေ မွေးစားဖို့အမိန့် ချမှတ်ပေးတာမျိုးမရှိတဲ့အတွက် တရားမ၀င်ပါဘူး။ တစ်ကယ်လို့မွေးစားတဲ့မိဘတွေက ကလေး တွေကို ပြန်အပ်ဖို့ ငြင်းဆန်မယ်ဆိုရန် တရားရုံး အထိ ဆင့်ခေါ်ခံရပါလိမ့်မယ်’ဟု ဌာနမှူးက ပြော သည်။ အကယ်၍ကလေးများကိုရောင်းချကြောင်း ပြစ်မှုထင်ရှားလျှင် ဖခင်ဖြစ်သူကို လူကုန်ကူးမှုဖြင့် အရေးယူသွားဖြစ်ကြောင်း ဌာနမှူးက ထည့်သွင်းပြောခဲ့သည်။