22.01.2013 နေ့ဖတ်ရန်သတင်းများ

by Myanmar Journal on Monday, January 21, 2013 at 6:07pm ·

ကချင်ဒေသအရေး အစိုးရနဲ့ ညှိဖို့ UNFCရဲ့ သဘောထား
တိုင်းရင်းသားအရေးကို UNFCနဲ့သာ တပေါင်းတည်း ဆွေးနွေးဖို့ အစိုးရက သဘောတူထား
ကချင် ပြည်နယ်တွင်းမှာ တိုက်ပွဲတွေ ဆက်ဖြစ် နေတာကြောင့် အစိုးရနဲ့ သီးခြား တွေ့ဆုံ ဆွေးနွေး မှုတွေ မလုပ်တော့ပဲ တိုင်းရင်းသား မဟာမိတ် UNFC ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ အနေနဲ့ပဲ ဆွေးနွေးမယ် ဆိုရင် ပိုသင့်လျော်မယ်ဆိုပြီး KIO ကချင်လွတ်လပ်ရေး အဖွဲ့က ထုတ်ပြန်ခဲ့တဲ့ ကြေညာချက်ဟာ UNFC ရဲ့ သဘောထားနဲ့ အတူတူပဲလို့ UNFC ရဲ့ အတွင်းရေးမှူး ( ၂ ) ဦးခွန်ဥက္ကာက ဘီဘီစီကို ပြောပါတယ်။
နိုင်ငံရေး ဆွေးနွေးမှု မှန်သမျှကို UNFC နဲ့သာ တပေါင်းတစည်းတည်း တွေ့ဆုံ ဆွေးနွေးဖို့ အစိုးရဘက်ကလည်း သဘောတူထားပြီး ဖြစ်တယ်လို့ ဆိုပါတယ်။
ဒီလို တွေ့ဆုံဆွေးနွေးရာမှာ ပြည်ပ ကြားနေနိုင်ငံတခုခုမှာ ဆွေးနွေးဖို့ကို အစိုးရ ငြိမ်းချမ်းရေး ဖေါ်ဆောင်ရေး အဖွဲ့ ပြည်ထောင်စု ဝန်ကြီး ဦးအောင်မင်းက သဘောတူခဲ့ပြီး ဖြစ်တယ်လို့ ဦးခွန်ဥက္ကာက ပြောပါတယ်။
ဒါ့အပြင် ၂၀၀၈ ဖွဲ့စည်းပုံမူ အောက်မှာ ဆွေးနွေးမှာ မဟုတ်ဘူး ဆိုတာ ပြောထားပြီး ဖြစ်တယ်လို့လည်း ဆိုပါတယ်။
လွှတ်တော် ပြင်ပမှာ ဆွေးနွေးမှာ ဖြစ်ပေမယ့် လွှတ်တော်တွင်းကို ပစ်ပယ်တာမျိုး မဟုတ်ပဲ အပြန်အလှန် ညှိနှိုင်းတာမျိုး ရှိလာမှာ ဖြစ်တယ်လို့ ပြောပါတယ်။
တွေ့ဆုံညှိနှိုင်းမှု အကြိုလုပ်ငန်းတွေကို ဖေဖေါ်ဝါရီလ လောက်မှာ အစောဆုံးထား ဆောင်ရွက်သွားနိုင်မယ်လို့ မျှော်လင့်ကြောင်း ဦးခွန်ဥက္ကာက ပြောပါတယ်။

ကချင်ဒေသ ငြိမ်းချမ်းရေး လမ်းလျှောက်ဆန္ဒ ဖေါ်ထုတ်
လိုင်ဇာမြို့အထိ ခြေလျင်လျှောက်ဖို့ ဆူးလေဘုရားကနေ စထွက်ခွာခဲ့ကြ
ကချင်ဒေသမှာ ဖြစ်ပွားနေတဲ့ စစ်ပွဲတွေ ရပ်ဆိုင်းဖို့ ရည်ရွယ်ပြီး ရန်ကုန်မြို့ကနေ စစ်ပွဲတွေ ဖြစ်ပွားနေရာ ကချင်ပြည်နယ် လိုင်ဇာမြို့အထိ လမ်းလျှောက် ဆန္ဒ ထုတ်ဖေါ်မှုကို ဇန်နဝါရီလ ၂၁ရက် မနက်က စတင်လိုက်ပါတယ်။
ဒီငြိမ်းချမ်းရေး လမ်းလျှောက်မှုကို ရန်ကုန်မြို့က ငြိမ်းချမ်းရေး လိုလားသူ အမာခံ လူငယ် ၂၀ကျော်နဲ့ သံဃာ ၄ပါး ဦးဆောင်ပြီး ဆူးလေဘုရားကနေ စတင်ခဲ့ကြတာ ဖြစ်ပါတယ်။
အာဏာပိုင်တွေဘက်က စောင့်ကြည့်တာမျိုး၊ မေးမြန်းတာမျိုး ရှိပေမယ့် တားဆီးနှောင့်ယှက်တာမျိုးတော့ မရှိဘူးလို့ သိရပါတယ်။
သွားရမယ့် ခရီးက ဝေးကွာလှပေမယ့် လမ်းမှာ ရင်ဆိုင် ကြုံတွေ့ရမယ့် ဒုက္ခက စစ်ဘေးဒဏ် ခံရတဲ့ ဒုက္ခသည်တွေရဲ့ ဒုက္ခထက် အများကြီး ပိုနည်းပါတယ်လို့ ငြိမ်းချမ်းရေး လမ်းလျှောက်တဲ့ အဖွဲ့က ကိုစည်သူက ဘီဘီစီကို ပြောပါတယ်။
လမ်းတလျှောက်မှာ ပြည်သူတွေ ဘယ်လောက် ပူးပေါင်း ပါဝင်လာမလဲ၊ တိုက်ခိုက်မှုတွေ လုပ်နေတဲ့ နှစ်ဘက် သက်ဆိုင်သူတွေက ပြည်သူတွေရဲ့ အသံကို ဘယ်လောက် လိုက်လျော ဆောင်ရွက်မလဲဆိုတာကို စောင့်ကြည့်ရမှာ ဖြစ်တယ်လို့ သူက ပြောပါတယ်။

အိုဘားမား အမေရိကန် သမ္မတ ဒုတိယသက်တမ်း ကျမ်းကျိန်
သမ္မတ ဒုတိယသက်တမ်းအတွက် အိုဘားမား ကျမ်းသစ္စာ ကျိန်ဆို
အမေရိကန် သမ္မတ အိုဘားမားဟာ သမ္မတ ဒုတိယ သက်တမ်းအတွက် ဝါရှင်တန်မြို့မှာ ကျမ်းသစ္စာ ကျိန်ဆိုခဲ့ပါတယ်။
အမေရိကန် ပြည်ထောင်စုရဲ့ ၄၄ ဦးမြောက် သမ္မတအဖြစ် မစ္စတာအိုဘားမား ကျမ်းသစ္စာ ကျိန်ဆိုရာမှာ လာရောက် ကြည့်ရှုနေတဲ့ သိန်းနဲ့ ချီတဲ့ အမေရိကန် ပြည်သူတွေက ချီးကျူး သြဘာပေး ခဲ့ကြပါတယ်။
ကျမ်းသစ္စာ ကျိန်ဆိုအပြီး သမ္မတ အိုဘားမားက မိန့်ခွန်းပြောကြားရာမှာ ၁၀ နှစ်ကြာ စစ်ပွဲတွေလည်း ပြီးစပြုနေပြီ၊ စီးပွားရေးလည်း ပြန်နလံထူစပြုနေပြီ ဖြစ်ကြောင်း၊ အမေရိကန် ပြည်ထောင်စု အတွက် အလားအလာတွေဟာ အကန့်အသတ်မရှိကြောင်း ပြောသွားပါတယ်။
မိမိတို့မှာ ကမ္ဘာတဝှမ်းက လိုအပ်ချက်တွေကို ဖြည့်ဆည်း ပေးနိုင်မယ့် အရည်အချင်းတွေ အားလုံးကို ပိုင်ဆိုင်ထားကြောင်းနဲ့ အခုလို အခွင့်အခါ ကောင်းကို မိမိတို့ အတူတကွ အမိအရ ဆုပ်ကိုင်ကြဖို့ သမ္မတ အိုဘားမားက အမေရိကန် ပြည်သူတွေကို တိုက်တွန်း ပြောကြားသွားခဲ့ပါတယ်။
နောက်ပြီး သူရဲ့ သမ္မတ ဒုတိယ သက်တမ်းမှာ ရာသီဥတု ပြောင်းလဲမှု ဆိုင်ရာကိစ္စ၊ လူဝင်မှု ကြီးကြပ်ရေးကို ပြုပြင် ပြောင်းလဲမယ့်ကိစ္စ၊ လက်နက် ထိန်းချုပ်ရေး၊ အမျိုးသမီး အခွင့်အရေး၊ လိင်တူ ဆက်ဆံသူများရဲ့ အခွင့်အရေး စတာတွေကို လုပ်ဆောင်သွားမယ်လို့ သမ္မတ အိုဘားမားက ပြောသွားပါတယ်။

သမ္မတအိုဘားမား ကျမ်းသစ္စာကျိန်ဆိုပွဲ လူထု ၈ သိန်းတက်ရောက်

သမ္မတနဲ့ သမ္မတကတော်တို့ လွှတ်တော်ရှေ့ ကျန်းသစ္စာကျိန်ဆိုပွဲမှ အိမ်ဖြူတော်သို့ အပြန်လမ်းမှာ လူထုကို လမ်းလျှောက်နှုတ်ဆက်စဉ်။ (၀၁၊၂၁၊၁၃။)
အမေရိကန်သမ္မတ အိုဘားမားရဲ့ ဒုတိယအကြိမ် သမ္မတသက်တမ်းအတွက် ကျမ်းသစ္စာ ကျိန်ဆိုပွဲ အခမ်းအနားကို မြို့တော်ဝါရှင်တန်ဒီစီက မနေ့က တနေ့လုံး ခြိမ့်ခြိမ့်သဲ ကျင်းပ ခဲ့ကြပါတယ်။ အိမ်ဖြူတော်သတင်းထောက် Kent Klein ရဲ့ သတင်းပေးပို့ချက်ကို အခြေခံပြီးတော့ ၀ါရှင်တန်ဒီစီမှာ ကျင်းပသွားတဲ့ သမ္မတ ကျမ်းသစ္စာကျိန်ဆိုပွဲ အခမ်းအနား အကြောင်း ကိုသားညွန့်ဦးက တင်ပြပေးထားပါတယ်။

သမ္မတ ကျမ်းသစ္စာကျိန်ဆိုပွဲ အခမ်းအနားနေ့မှာ ရာသီဥတု ချမ်းအေးပေမယ့် တနေ့လုံး နေ သာတယ် လို့ ပြောရပါမယ်။ အမေရိကန်လွှတ်တော်အဆောက်အအုံ အနောက်ဘက် အမျိုးသားရင်ပြင်က သမ္မတအိုဘားမားရဲ့ ဒုတိယအကြိမ် ကျမ်းသစ္စာ ဆိုပွဲကို အမေရိကန်ပြည်သူ ရှစ်သိန်းဝန်းကျင် တက်ရောက်တယ်လို့ ခန့်မှန်းကြပါတယ်။ အများပြည်သူရှေ့ ကျမ်းသစ္စာဆိုပွဲ အခမ်းအနားကို တရားသူကြီးချုပ် John Roberts က ကမကထ လုပ်ပေးပါတယ်။

သမ္မတ အိုဘား သမ္မတအဖြစ် ကျမ်းသစ္စာဆိုမှုကို တရားသူကြီးချုပ် John Roberts က တိုင်ပေးခဲ့ တာပါ။ ဒါဟာ အများပြည်သူရှေ့မှာ သမ္မတအဖြစ် ကျမ်းသစ္စာဆိုတာပါ။ တနေ့က ဇန်န၀ါရီ ၂၀ ရက် နေ့ကတော့ တရားဝင်ကျမ်းသစ္စာဆိုပွဲကို အိမ်ဖြူတော် မှာပဲ ပြုလုပ်ပါတယ်။ အမေရိကန်ဖွဲ့စည်းပုံအရ ရွေးချယ်ခံရတဲ့ သမ္မတသစ်အနေနဲ့ ဇန်န၀ါရီလ ၂၀ ရက်နေ့မှာ ကျမ်းသစ္စာဆိုရမှာဖြစ်ပေမယ့် အဲဒီ နေ့က တနင်္ဂနွေနေ့ ကျပါတယ်။ ဒါကြောင့် ဖွဲ့စည်းပုံအတိုင်း တရားဝင် အိမ်ဖြူတော်မှာပဲ အကျဉ်းချုပ် လုပ်ပြီး မနေ့က ဇန်န၀ါရီ ၂၁ ရက်နေ့ တနင်္လာနေ့မှာတော့ အစဉ်အလာအတိုင်း အများပြည်သူရှေ့ ကျမ်းသစ္စာဆိုပွဲ ပြုလုပ်တာပါ။

အများပြည်သူရှေ့ ကျမ်းသစ္စာဆိုပွဲမှာတော့ သမ္မတအိုဘားမားက သမ္မာကျမ်း စာအုပ် နှစ် အုပ် သုံးပါတယ်။ တစ်အုပ်ကတော့ ၁၉၆၁ ခုနှစ်တုန်းက သမ္မတလင်ကွန်း သမ္မတအဖြစ် ကျမ်းသစ္စာဆိုခဲ့တဲ့ သမ္မာကျမ်းစာအုပ်ဖြစ်ပြီး နောက်တစ်အုပ်ကတော့ လုပ်ကြံခံခဲ့ရ တဲ့ နိုင်ငံသားအခွင့်အရေး လှုပ်ရှားမှု ခေါင်းဆောင် ဒေါက်တာ မာတင်လူသာကင်းရဲ့ သမ္မာကျမ်း စာအုပ်ဖြစ်ပါတယ်။ အခု တနင်္လာနေ့ဟာ တိုက်တိုက်ဆိုင်ဆိုင်ပဲ မာတင် လူသာ ကင်း အထိမ်းအမှတ် ရုံးပိတ်ရက်လည်းဖြစ်ပါတယ်။

ကျမ်းသစ္စာကျိန်ဆိုပြီး တက်ရောက်လာတဲ့ လူထုကို ပြောတဲ့ ၁၉ မိနစ်ကြာ သမ္မတ အိုဘားမား မိန့်ခွန်းမှာတော့ အမေရိကန်ပြည်ထောင်စုရဲ့ ကြုံနေရတဲ့ ပြဿနာရပ်တွေကို အတူတကွဖြေရှင်းရာမှာ နိုင်ငံရေးအရ မတူကွဲပြားမှုတွေကို ဘေးဖယ်ထားဖို့ တိုက်တွန်း သွားပါတယ်။

အလယ်အလတ်လူတန်းစားတွေ တိုးပွားလာဖို့နဲ့ ၀င်ငွေမညီမျှမှုတွေကို လျှော့ချဖို့ကိစ္စ အပါအ၀င် အခု ၂၀၁၂ ခုနှစ် ရွေးကောက်ပွဲအတွင်းမှာ စည်းရုံးဟောပြောခဲ့တာတွေထဲက အဓိကအချက်အချို့ကို ပြန်ထောက်ပြ ပြောဆိုသွားပါတယ်။

“လူအနည်းအကျဉ်းလေးပဲ ကောင်းကောင်းမွန်မွန်နေနိုင်ပြီး၊ ကျန်အများစုကြီးက အခက် အခဲ ရှိ နေတယ်ဆိုရင် ကျနော်တို့ တိုင်းပြည် ဘယ်လိုမှ အောင်မြင်မှာ မဟုတ်ဘူးဆိုတာ ကျနော်တို့ လူထု သိပါတယ်။ အမေရိကန်တွေရဲ့ အလားအလာကောင်းဟာ အလယ် အလတ် လူတန်းစား ကျယ်ကျယ် ပြန့်ပြန့် တိုးများလာတဲ့အပေါ် မူတည်မယ်ဆိုတာ ကျနော်တို့ ယုံကြည်ထားပါတယ်။”

ဒါ့အပြင် လူမှုကူညီထောက်ပံ့ရေးအစီအစဉ်တွေ၊ ပညာရေး၊ နည်းပညာ၊ အစားထိုးစွမ်းအင် အသုံးပြုမှု စတာတွေကို ဆောင်ရွက်သွားမယ်လို့ သမတ အိုဘားမားက ပြောပါတယ်။ ကမ္ဘာရာသီဥတု ဖောက်ပြန်ပြောင်းလဲမှုအပေါ်မှာ အမေရိကန်ပြည်ထောင်စုအနေနဲ့ ကိုင်တွယ်တုန့်ပြန်သွားဖို့ လိုမယ်လို့ သူက ပြောပါတယ်။ ကမ္ဘာ့အရေးနဲ့ပတ်သက်လို့လည်း ပြောသွားပါသေးတယ်။

“အာရှကနေ အာဖရိကတလွှား၊ အမေရိကန်တိုက်နိုင်ငံတွေကနေ အရှေ့အလယ်ပိုင်းအထိ ဒီမိုကရေစီ အရေးကိစ္စတွေကို ထောက်ခံသွားပါမယ်။ လွတ်လပ်မှုအတွက် တောင့်တနေတဲ့ အဲဒီဒေသက ကမ္ဘာ့ ပြည်သူတွေအတွက် ကိုယ်စားဆောင်ရွက်ဖို့ဟာ ကျနော်တို့ရဲ့ စိတ်ဝင်တစား လိုလားမှု ကျနော်တို့ရဲ့ အသိတရားဖြစ်ပါတယ်။”

သမ္မတအိုဘားမားဟာ ဒီနောက် လွှတ်တော်ထဲမှာလုပ်တဲ့ နေ့လည်စာ ဧည်ခံပွဲကို တက်ရောက်ပါတယ်။ အဲဒီမှာ အမေရိကန်ပြည်ထောင်စုက အထင်အရ နိုင်ငံရေး သမားတွေ၊ လွှတ်တော် အမတ်တွေ အစိုးရတာဝန်ရှိသူတွေ တက်ရောက်ကြပါတယ်။ မွန်းလွဲပိုင်းမှာတော့ လွှတ်တော် ကနေ သမ္မတအိမ်ဖြူတော်အထိ ကားတန်းနဲ့ ထွက်ခွာ ပါတယ်။ ၀ါရှင်တန်ဒီစီရဲ့ Pennsylvania လမ်းတလျှောက် ကြိုဆိုနှုတ်ဆက်ကြတဲ့ ပရိသတ်တွေကို ပြန်လည်နှုတ်ဆက်ရာမှာ သမ္မတနဲ့ သမ္မတကတော်နှစ်ဦးဟာ လက်တွဲပြီး ကားအပြင်အထွက် လမ်းဘေးဝဲယာက ပရိသတ်တွေကို နှုတ်ဆက်ပါတယ်။

ဒီနောက်တော့ သမ္မတအိမ်ဖြူတော်ရှေ့မှာ ယာယီဆောက်လုပ်ထားတဲ့ မှန်အဆောက်အအုံ ထဲကနေ အစဉ်အလာအတိုင်း ဗိုလ်ရှုခံပွဲလုပ်ပါတယ်။ ပြည်နယ်အလိုက် အတီးအမှုတ် အကအခုန်အဖွဲ့တွေက ချီတက်ပြီး ဂုဏ်ပြုတာကို မှန်အဆောက်အအုံထဲကနေ နှုတ်ဆက် ကြည့်ရှုပါတယ်။ ဒီကနေ့ ၀ါရှင်တန် ဒီစီ မြို့တော်မှာ တနေ့လုံးကျင်းပြုလုပ်နေတဲ့ သမ္မတ ကျမ်းသစ္စာဆိုပွဲ အခမ်းအနားတွေ ဗိုလ်ရှုခံပွဲတွေကို တိုးဝှေ့စောင့်ကြည့်နေတဲ့ လူအုပ်ထဲမှာ ၀ါရှင်တန်ဒီစီက မဆွေလည်း အပါအ၀င်ပါ။

"ဂိတ်အထပ်ထပ်နဲ့ပေါ့နော်။ ကွန်ဂရက်စ်နားထိ ရောက်အောင်လို့ လက်မှတ်တွေ ကြိုယူ ထားရတယ်။ not ticket gate လည်းရှိတယ်။ ဂိတ်ပေါင်းကတော့ အများကြီး ဖွင့်ထားတယ်။ သူတို့ သမ္မတတွေလည်း တက်လာပြီဆိုလို့ ရှိရင် များသောအားဖြင့်ကတော့ ထုံးစံအတိုင်း ဘယ်သူတွေကတော့ ဘယ်လိုလုပ်ပေးနိုင်တယ်-ဘာတယ်ပေါ့နော်။ ဒီသမ္မတကလည်း ဒီလိုပဲ စကားချီတွေ စစ်ထိုးပြီး တခြားသမ္မတလောင်းနဲ့ အပြိုင်အဆိုင် စကားစစ်ထိုးပြီး ဘာလုပ်ပေးမယ်၊ ဘာလုပ်ပေးမယ်ဆိုပြီးတော့ သူတို့ လုပ်ပေးနိုင်တာကို ပြောကြတယ်။ ဒီသမ္မတကို ဆက်လက်ပြီး ယုံကြည်ကြတယ်ဆိုတော့- ဗမာပြည်မှာလည်း အလားတူ ဖြစ်လာဖို့ မျှော်လင့်ပါတယ်လို့- အဝေးရောက် ဗမာတစ်ယောက်အနေနဲ့-"

နှိုင်းယှဉ်ချက်အရ ပြောရရင်တော့ အခုတခေါက် ဒုတိယသက်တမ်း ကျမ်းသစ္စာဆိုပွဲဟာ ပြီးခဲ့တဲ့ ပထမအကြိမ် ကျမ်းသစ္စာဆိုပွဲ ၂၀၀၉ ခုနှစ်လောက် လူအုပ်မများပါဘူး။ အဲဒီတုန်းကဆို လူထု နှစ်သန်းနီးပါး တက်ရောက်တယ်လို့ ခန့်မှန်းပါတယ်။ သမ္မတ အိုဘားမားနဲ့ ဒုတိယသမ္မတ ဘိုင်ဒန် တို့မိသားစုဟာ မနေ့က ပွဲတွေ မစခင်မှာတော့ အိမ်ဖြူတော်အနီးက ဘုရားကျောင်းကို တက်ရောက်ပြီး အရင်ဆုံး ဘုရားဝတ်ပြုပါတယ်။ ကျမ်းသစ္စာကျိန်ဆိုပွဲ မတိုင်ခင်မှာတော့ အိမ်ဖြူတော်မှာ  အောက် လွှတ်တော် ဥက္ကဋ္ဌ John Boehner နဲ့ အထက်လွှတ်တော် လူနည်းစုခေါင်းဆောင် Mitch McConnell အပါအ၀င် ရီပတ်ပလင်ကန်ပါတီရဲ့ ထ်ိပ်တန်းလွှတ်တော်အမတ်တွေနဲ့ ကော်ဖီသုံးဆောင် စကားပြောခဲ့ပါတယ်။

အခု ညပိုင်း ဗိုလ်ရှုခံပွဲပြီးရင်တော့ Inauguration Ball လို့ခေါ်တဲ့ ကျမ်းသစ္စာကျိန်ဆိုပွဲ အထိမ်းအမှတ် ဧည်ခံကပွဲကို ကျင်းပမှာဖြစ်ပါတယ်။

လူကုန်ကူးမှုမှာ အာဏာပိုင်တွေပတ်သက်ဟု ထိုင်းလူ့အခွင့်အရေးအဖွဲ့ ဝေဖန်

ထိုင်းတောင်ပိုင်း ဖူးခက်မြို့တွင် ထိုင်းအာဏာပိုင်တွေရဲ့ ထိန်းသိမ်းခြင်းခံရတဲ့ ရိုဟင်ဂျာလှေစီးပြေးဒုက္ခသည်များ (ဇန်နဝါရီ ၁၊ ၂၀၁၃)
လူမှောင်ခိုကူးမှုကိစ္စတွေမှာ အာဏာပိုင်တွေကိုယ်တိုင် ဆက်နွယ်မှုရှိနေတယ်လို့ ထိုင်း လူ့အခွင့်အရေး လှုပ်ရှားသူတွေ စွပ်စွဲနေပါတယ်။ မကြာသေးခင်တုန်းက ထိုင်းနိုင်ငံတောင် ပိုင်းမှာရှိတဲ့ ရာဘာစိုက်ခင်းထဲက ကုန်လှောင်ရုံတခုကို ၀င်ရောက် စီးနင်း ရှာဖွေချိန်မှာ ရိုဟင်ဂျာ မူဆလင် ၇၀၀ လောက်ကို တွေ့ရှိခဲ့ပြီးတဲ့နောက်ပိုင်း အခုလို စွပ်စွဲချက် ထွက်ပေါ်လာတာလည်း ဖြစ်ပါတယ်။ ထိုင်းအာဏာပိုင်တွေဘက် ကတော့ ဒီကိစ္စမှာ ပါဝင်ပတ်သက်သူတွေကို ထိထိရောက်ရောက် အရေးယူသွားမယ် လို့ ပြောဆိုခဲ့ ပါတယ်။ အသေးစိတ်ကိုတော့ Reuters သတင်းကို အခြေခံပြီး မနန္ဒာချမ်း က တင်ပြပေးထားပါတယ်။

ထိုင်းနိုင်ငံတောင်ပိုင်း ဆုံခလာ (Songkla) ခရိုင်မှာရှိတဲ့ ရာဘာစိုက်ခင်းထဲက ကုန်လှောင်ရုံ ကို ထိုင်းရဲတပ်ဖွဲ့က ၀င်ရောက် စီးနင်းမှုအတွင်း - ရိုဟင်ဂျာမူဆလင် ၇၀၀ ကျော်ကို တွေ့ရှိ ခဲ့ပြီးနောက်ပိုင်း - ဒီလို လူမှောင်ခိုကူးမှုကိစ္စတွေမှာ အာဏာပိုင် တချို့ ပါဝင်ပတ်သက်နေ တယ်လို့ ထိုင်းလူ့အခွင့်အရေးရှေ့နေတဦးက စွပ်စွဲလိုက်ပါတယ်။

မြန်မာနိုင်ငံက လာကြသူတွေလို့ဆိုတဲ့ ဒီရိုဟင်ဂျာမူဆလင်တွေကို မလေးရှားနဲ့ ထိုင်းနိုင်ငံတွေဆီ လူကုန်ကူးမှုမှာ ထိုင်းစစ်တပ် အဆင့်မြင့်အရာရှိကြီးတွေကိုယ်တိုင် ပါဝင်ပတ်သက်နေတာကို ရဲထောက်လှမ်းရေးအဖွဲ့က တွေ့ရှိခဲ့တဲ့အကြောင်း ထိုင်းသတင်းတွေမှာ တနင်္ဂနွေနေ့က ဖော်ပြခဲ့ကြပါတယ်။

ဒီလူမှောင်ခိုမှုကူးကိစ္စတွေဟာ နှစ်တော်တော်ကြာကြာကတည်းက ဖြစ်နေခဲ့တာပါ။၂၀၁၂ ခုနှစ်က ဘင်္ဂလားဒေ့ရ်ှနဲ့ မြန်မာနိုင်ငံကနေ ထွက်ပြေးလာကြသူတွေလို့ ဆိုတဲ့ ရိုဟင်ဂျာမူဆလင် တော်တော်များများ အပါအ၀င် လှေစီးပြေးဒုက္ခသည်ဦးရေဟာ အစောပိုင်းတနှစ်က ၇ ထောင်လောက် ရှိခဲ့ရာကနေ သိသိသာသာ တိုးလာပြီး ကုလသမဂ္ဂကတော့ ၁ သောင်း ၃ ထောင်လောက်အထိ ရှိမယ်လို့ ခန့်မှန်းထားပါတယ်။လူနည်းစုတွေ၊ နိုင်ငံမဲ့တွေနဲ့ ရွှေ့ပြောင်းအခြေချနေထိုင်သူတွေနဲ့ပတ်သက်ပြီး လုပ်ဆောင်နေတဲ့ ထိုင်းလူ့အခွင့်အရေးကော်မတီရဲ့ အကြီးအကဲ ဆူရာပွေါန်း ခွန်ကန်တခ့် (Surapong Konghcantuk) ကတော့ - မြန်မာ၊ ထိုင်းနဲ့ မလေးရှားနိုင်ငံတွေမှာ ဖြစ်နေတဲ့ ရာဇ၀တ်ဂိုဏ်းတွေမှာ အာဏာပိုင်တွေကိုယ်တိုင် ပူးပေါင်းပါဝင်ပတ်သက်နေတယ်လို့ စွပ်စွဲခဲ့ပါတယ်။

“အဲ့ဒီမှာ လူအရောင်းအ၀ယ် နဲ့ လူမှောင်ခိုကူးမှုတွေ ဖြစ်နေပါတယ်။ ထိုင်း၊ မြန်မာ နဲ့ ဘင်္ဂလားဒေ့ရ်ှနိုင်ငံတွေမှာရှိနေတဲ့ နိုင်ငံတကာ ရာဇ၀တ်ဂိုဏ်းကြီးတွေမှာ အာဏာပိုင်တွေ ပါဝင်ပတ်သက်နေတာ တွေ့ရပါတယ်။”

ဒါ့အပြင် အာဏာပိုင်တွေအနေနဲ့ လူမှောင်ခိုကူးမှုတွေကို ဖုံးကွယ်ထားပြီး - ဒီလို ရာဇ၀တ်ပြစ်မှုတွေမှာ ပါဝင်ပတ်သက်နေသူတွေကိုလည်း ကာကွယ်ပေးထားသလို - ဘယ်တုန်းကမှလည်း အရေးမယူခဲ့ဘူးလို့ သူက ပြောဆိုခဲ့ပါတယ်။

“တနေရာတည်းမှာ ရိုဟင်ဂျာမူဆလင်တွေ ထောင်နဲ့ သောင်းနဲ့ချီပြီး ရှိနေတာကို အာဏာပိုင်တွေက သတိမထားမိကြဘူးဆိုတာ လုံးဝ မဖြစ်နိုင်ပါဘူး။ ရိုဟင်ဂျာ ၂ သောင်းလောက်တော့ ရှိမယ်လို့ ကျနော် ထင်တယ်။ ဒီလိုမျိုး လူမှောင်ခိုဂိုဏ်းကြီးတွေကို အာဏာပိုင်တွေက အကာအကွယ်ပေးထားတာပါ။ ပြီးတော့လည်း အရင်တုန်းက ကျနော်တို့အနေနဲ့ ဒီလူမှောင်ခိုဂိုဏ်းတွေနဲ့ပတ်သက်ပြီး အရေးယူတာ၊ ကိုင်တွယ်လုပ်ဆောင်တာတွေ ဘာမှ မရှိခဲ့ကြဘူးလေ”

ထိုင်းစစ်တပ်အကြီးအကဲ ပရာယွတ် ချန်-အိုချာ (Prayuth Chan-ocha) ကတော့ - ရိုဟင်ဂျာ မူဆလင်တွေကို ထိုင်းနိုင်ငံနဲ့ တခြား တတိယနိုင်ငံတွေဆီ ၀င်ရောက်နိုင်အောင် ကူညီပေး နေတယ်လို့ သံသယရှိခံရတဲ့ စစ်တပ် အဆင့်မြင့်အရာရှိကြီးတွေကို စစ်ဆေး မေးမြန်းဖို့ တောင်းဆိုခဲ့ပါတယ်။

“ကျနော်တို့ အခု စုံစမ်းစစ်ဆေးနေပါတယ်။ ပြစ်မှုကျူးလွန်သူကိုတွေ့ရင် - အဲ့ဒီလူဟာ အာဏာပိုင် ဖြစ်နေပါစေဦးတော့ - တရားဥပဒေ အတိုင်း ကျနော်တို့ ကိုင်တွယ်ဆောင် ရွက်သွားမှာပါ။ ပတ်သက်တဲ့သူ တယောက်ချင်းကို ဖမ်းဆီးပြီးတော့ ဥပဒေအတိုင်း အရေးယူသွား ပါမယ်။”

လောလောဆယ် မြန်မာနိုင်ငံထဲမှာ ရိုဟင်ဂျာမူဆလင် ၈ သိန်းနီးပါးလောက် နေထိုင်နေပြီး - ဒီလူတွေကို ဘင်္ဂလားဒေ့ရ်ှနိုင်ငံကနေ တရားမ၀င် ၀င်လာသူတွေအဖြစ် မြန်မာအစိုးရက လက်ခံထားတာပါ။ မနှစ်က ရခိုင်ပြည်နယ်မှာ လူမျိုးရေးအကြမ်းဖက် အဓိကရုဏ်းတွေ ဖြစ် ပွားခဲ့ပြီးနောက်ပိုင်း - ရာပေါင်းများစွာသော ရိုဟင်ဂျာမူဆလင်တွေ ထွက်ပြေးခဲ့ကြပါတယ်။ အရင်တုန်းကတော့ ဒီရိုဟင်ဂျာတချို့ကို ခိုလှုံခွင့်ပေးမယ်လို့ မလေးရှားအစိုးရက ပြောဆိုခဲ့ ပါတယ်။

ထိုင်းအာဏာပိုင်တွေကနေ လူမှောင်ခိုကူးမှု တိုက်ဖျက်ရေး လုပ်ငန်းတွေကို ထိထိ ရောက်ရောက် လုပ်ဆောင်လာချိန်မှာ - ဒီလထဲ ရိုဟင်ဂျာမူဆလင် ၆၀၀ ကျော်ကို ဖမ်းဆီးမိခဲ့ပြီး - လောလောဆယ်မှာ လှေစီးပြေးဒုက္ခသည်တွေအပါအ၀င် ၁ ထောင်ကျော်လောက် ကို ထိုင်းအစိုးရက ထိန်းသိမ်းထားတယ်လို့ ထိုင်းနိုင်ငံခြားရေး ၀န်ကြီးဌာန ပြောခွင့်ရပုဂ္ဂိုလ် - စီဟာဆတ် ဖွန်ကတ်ကရောက် (Sihasak Phuangketkeow) က ပြောဆိုခဲ့ပါတယ်။

ထိုင်းအစိုးရကတော့ - ထိုင်းအာဏာပိုင်တွေရဲ့ စီးနင်းမှုတွေအတွင်း ဖမ်းဆီးခံခဲ့ရတဲ့ ရွှေ့ပြောင်းအခြေချနေထိုင်သူတွေကို အကူအညီ ပေးနေတဲ့ နိုင်ငံတကာ လူသားချင်းစာနာမှု အေဂျင်စီတွေနဲ့ ပူးပေါင်းဆောင်ရွက်သွားမယ်လို့ ပြောဆိုခဲ့ပါတယ်။ ဒါပေမဲ့ - တရားမ၀င် ၀င်ရောက်မှုနဲ့ ဖမ်းဆီးခံခဲ့ရတဲ့ ရိုဟင်ဂျာမူဆလင်တွေကိုတော့ ပြည်နှင်ဒဏ်ပေးမယ်လို့ ပြောဆိုခဲ့ပါတယ်ရှင်။