အမှတ်တရမုန်တိုင်း

by မင်းလူ၏ ၀တ္တုတိုများ on Sunday, January 13, 2013 at 10:43pm ·

    အချိန်နှင့်အမျှ သူ့ကိုသာ သတိရနေတော့သည်ဟု မပြောလိုပါ။ ဒါမျိုးက ဖြစ်လည်းမဖြစ်နိုင်ပါ။ ဘ၀လမ်းတစ်လျှောက်လုံးကို သတိရခြင်း၊ လွမ်းမောတမ်းတခြင်းတို့ဖြင့်သာ ကုန်ဆုံးသွားစေဖို့ဆိုသည်မှာ ဘယ်လိုမှ သဘာဝမကျသောကိစ္စဟု ကျွန်တော်ထင်သည်။
လက်တွေ့ဘ၀တွင် လုပ်စရာတွေ အများကြီး ရှိသည်။ နေ့စဉ်နှင့်အမျှ သီးခြားမျိုးကွဲပြဿနာတွေနှင့် ကြုံတွေ့ရသည်။ ဒါတွေကို ဖြေရှင်းနေခြင်းကပင် အချိန်များစွာကို သိမ်းပိုက်ထားသည်။ သို့နှင့် သူ့ကို တိုက်ဆိုင်မှုရှိမှသာ သတိရဖြစ်တော့သည်။

                *  *  *

    ကျောင်းဆင်းကာစမို့ အသွားအလာရှုပ်ယှက်ခတ်နေသည်။ သူတို့၏ တိုယိုပက်ကားကလေးသည် လူရှင်းအောင် စောင့်နေရသဖြင့် မထွက်နိုင်သေး။ ကျွန်တော်တို့လို စက်ဘီးနှင့်ကျောင်းတက်သူတွေကတော့ ဘဲလ်သံ "ကလင် ကလင်"ပေးရင်း ကျွမ်းကျင်စွာ ကွေ့ပတ်ရှောင်တိမ်းသွားကြသည်။
    ကားအနီးသို့ရောက်သောအခါ ကားနောက်ပိုင်းမှာထိုင်နေသောသူ့ကို တွေ့ရသည်။ လွန်ခဲ့သော သုံး လေးရက်ကမှ ကျောင်းကိုလာသော ကျောင်းသူအသစ်ကလေးဖြစ်ပါသည်။
    သူတို့ကားဆီက တစ်စုံတစ်ခုကို ကျွန်တော်မြင်သည်။ နို့ဆီခွက်စုတ်တစ်လုံးကို ကြိုးနှင့်ချည်၍ ကားနောက်ဘက်မှ ဆွဲထားခြင်းဖြစ်သည်။ တစ်ယောက်ယောက်နောက်ထားတာပဲ။ ကားထွက်လျှင် နို့ဆီခွက်က ကလုံကလင်မြည်ပြီး ပါသွားမည်။ ၀ိုင်းရယ်ကြမည်။ ဒါမျိုးက ကျွန်တော်လည်း လုပ်နေကျ၊ ဒီတစ်ခါတော့ နို့ဆီခွက်တန်းလန်းနှင့်သာ ကားထွက်သွားရင် ကောင်မလေးတော့ ရှက်သွားမှာပဲဟု တွေးမိသည်။ သူ့ကို သတိပေးဖို့လည်း စိတ်ကူးလိုက်သည်။
    "ဟေ့ ဟေ့၊ နင်တို့ကားနောက်မှာ ဘယ်ကောင် နို့ဆီခွက် လာချည်ထားမှန်းမသိဘူး"
    သူက ကောင်းကောင်းနားမရှင်းဟန်ဖြင့် ကြောင်တောင်တောင်ကြည့်နေသည်။ ဒရိုင်ဘာကြီးက ဘာလဲဆိုပြီး ဆင်းလာသဖြင့် နို့ဆီခွက်ကို လက်ညှိုးထိုးပြလိုက်သည်။ "တော်တော်နောက်တဲ့ ကလေးတွေ" ဆိုပြီး ဒရိုင်ဘာကြီးက နို့ဆီခွက်ကိုဖြုတ်သည်။ ကျွန်တော်လည်း စက်ဘီးကိုနင်းပြီးထွက်လာသည်။ သူ့ကိုတစ်ချက် ကြည့်ခဲ့သေးသည်။ သူက ကျွန်တော့်ကို ဖျတ်ခနဲကြည့်သည်။ သူ့မျက်လုံးတွေက လက်လက်ကလေးတွေပဲ ဆိုတာလောက်သာ သတိပြုမိ၏။

                *  *  *

    စင်္ကြထောင့်က ရေအိုးစင်မှာ တရုန်းရုန်းဖြစ်နေကြသည်။ မုန့်စားဆင်းချိန်ဖြစ်၍ စားချင်တာစားပြီး ရေငတ်သဖြင့် တရုန်းရုန်းဖြစ်နေကြသည်။ မုန့်စားဆင်းချိန်ဖြစ်၍ စားချင်တာစားပြီး ရေငတ်သဖြင့် ပြေးလာကြသူများဖြစ်၏။ ကျွန်တော်ရေသောက်နေတုန်း သူ လာရပ်တာကိုမြင်သည်။ သူသည် ချဉ်ငန်စပ် ခေါက်ဆွဲသုပ်စားလာတာဖြစ်မည်။ တော်တော်လေးစပ်နေဟန်တူ၏။ မျက်ရည်ကလေးတောင် လည်နေသည်။ ပါးစပ်ကလေး ဟစိဟစိနှင့် တရှူးရှူးဖြစ်နေသည်။ နှုတ်ခမ်းပတ်လည်မှာလည်း ချွေးစက်တွေ စို့ထွက်နေ၏။
    ကျွန်တော် ရေသောက်ပြီးသွားသည်။ ရေခွက်ကို လက်ဆင့်ကမ်းရတော့မည်။ တကယ်တော့ သူက နောက်မှ ရောက်လာခြင်းဖြစ်၏။ တခြားကောင်မလေးနှစ်ယောက်က မကျေမနပ်ဖြစ်ပြီး ပွစိပွစိ လုပ်သည်။ သူက ရေခွက်ကို လှမ်းယူရင်း ရယ်ပြသည်။ သူ့သွားတစ်ချောင်းမှာ ငရုတ်သီးဖတ်ကလေး ကပ်နေတာမြင်လိုက်ရ၏။

                *  *  *

    သူနှင့်အတူ ကောင်မလေးတစ်ယောက်ကိုပါ တွေ့ရသည်။ သူ့ထက် နှစ်နှစ် သုံးနှစ်လောက်ငယ်မည်။ ရုပ်ချင်းဆင်သဖြင့် သူ့ညီမဖြစ်မှန်း သိလိုက်၏။ သူက ပြောင်းဖူးတစ်ဖူးကို ကိုက်စားရင်း လျှောက်လာသည်။ ကျွန်တော့်ကိုမြင်တော့ပြုံးပြပြီး
    "စားမလား"
    ပြောင်းဖူးကို လှမ်းပေးသည်။ ကျွန်တော်က ခေါင်းခါပြလိုက်သည်။ သူ့ညီမလေးက-
    "အမယ် ကောင်လေးက ရှက်နေရသေးတယ်"
    ချာတိတ်မက ကျွန်တော့်ကို ကောင်လေးဟု ခေါ်လိုက်သဖြင့် ရယ်ချင်သွားသည်။ သူက သူ့ညီမလေးကို တံတောင်နှင့်တွက်၍ နင်ကလည်း ဆိုသော ဟန်လုပ်ပြသည်။ ချာတိတ်မကတော့ ဂရုမစိုက်။
    "နင် ဘယ်နှတန်းရောက်ပြီလဲ"ဟု မေးသည်။
    အာဂကောင်မလေးပဲ။ သူက လူကြီးကို ပြန်မေးနေရသေးသည်။ သို့ရာတွင် ကျွန်တော်က စိတ်မဆိုးဘဲ
    "ခြောက်တန်းပါခင်ဗျာ။ အစ်မကကော"ဟု ပြန်နောက်လိုက်၏။ ချာတိတ်မက
    "ငါက လေးတန်း၊ ငါ့နာမည်မှတ်ထား ခင်မေတင့်တဲ့။ မမက ခင်မေမြင့်။ ကဲ နင်နဲ့ငါတို့နဲ့ သူငယ်ချင်းဖြစ်ပြီနော်"
    "ဟုတ်ကဲ့ပါခင်ဗျာ"
    "ဒါဆို သွားတော့မယ်။ မမနဲ့စကားပြောလိုက်ဦး"ဆိုပြီး လှစ်ခနဲ ထွက်ပြေးသွားသည်။ ခပ်လှမ်းလှမ်း ရောက်မှ တစ်ချက်လှည့်ကြည့်ပြီး လျှာထုတ်ပြသွား၏။
    "တော်တော်သွက်တယ်နော်"
    ကျွန်တော်က ပြောလိုက်၏။
    "ဟုတ်တယ်၊ စွာလည်း သိပ်စွာတယ်"
    ခင်မေမြင့်က ပြန်ပြောသည်။
    "နင် ခြောက်တန်းဘီက မဟုတ်လား"
    "ဟုတ်တယ်၊ နင်က အေတန်းကနော်"
    "အင်း"
    ချက်ချင်း ခင်မင်ရင်းနှီးသွားကြသည်။ သူက ပြောင်းဖူးကို ရှဥ့်ကလေးတစ်ကောင်လိုပင် အလျင်အမြန် စားပစ်လိုက်သည်။ အကျီ င်္ကြားထဲ လက်နှိုက်ပြီး ပြန်ထုတ်လိုက်သောအခါ မရမ်းပြားတစ်ထုပ် ပါလာသည်။
    "စားမလား"
    "ဟင့်အင်း"
    "ဘာဖြစ်လို့လဲ၊ ငါ့အင်္ကျီကြားထဲ ထည့်ထားတာမို့ လို့လား"ပြောပြီး သူ ရယ်သည်။ ထိုအခိုက်မှာပင် ကျောင်းတက်ခေါင်းလောင်းထိုးသည်။
    "ငါသွားမယ်"
    ကျွန်တော်ပြောပြီးလှည့်အထွက် သူက "ဟေ့ ဟေ့"ဟု ခေါ်သည်။ လှည့်ကြည့်တော့
    "နင့်နာမည်လည်း ငါမသိရသေးပါလား"
    "ဟုတ်သားပဲ၊ ငါ့နာမည် အစိုးတဲ့"
    သူငယ်ချင်းတွေက ခေါ်ကြသလိုပဲ ပြောပြလိုက်သည်။ သူက ခစ်ခနဲ ရယ်၏။

                *  *  *

    သူတို့အဖေကအလုပ်က သည်မြို့ကိုပြောင်းလာရခြင်းဖြစ်၏။ သူတို့က နောက်မှရောက်လာသူများ ဖြစ်သော်လည်း ရှိပြီးသားသူငယ်ချင်းတွေထက် ပိုပြီးခင်မင်မိသည်။
    ယောက်ျားလေးသူငယ်ချင်းတွေလည်း ရှိသည့်တိုင် သူ့ကိုမှ ပို၍ခင်မိတာ ထူးဆန်းသည်။ သူ့ညီမ ခင်မေတင့်က ကျွန်တော့်ကိုတွေ့စက နင်တစ်လုံး ငါတစ်လုံးပြောသော်လည်း ခင်မေမြင့်က ကိုယ့်ထက် အသက်ကြီးတဲ့လူကို ရိုသေရမယ်ဆိုသဖြင့် ကိုအစိုးဟု ပြောင်းခေါ်လာ၏။
    ခင်မေမြင့် ကျွန်တော့်ကိုခင်မင်ပုံက ပိုပြီးထူးခြားသည်။ ကျွန်တော်ကမှ တခြားသူငယ်ချင်းတွေနှင့် ရောနှောဆက်ဆံတာရှိသေးသည်။ သူကတော့ ကျွန်တော်မှ ကျွန်တော်တစ်ယောက်တည်း။ ကျွန်တော့်ကိုလည်း သူ့လိုပဲဖြစ်စေချင်သည်။
    တစ်ရက်တွင် ကျွန်တော်သူ့အတွက် ရှောက်သီးကွင်းကြီးတွေ ၀ယ်လာသည်။ သူ့ကိုပေးတော့ သူက မယူ။ မျက်နှာလည်း မှုန်ကုပ်ကုပ်။
    "ဘာဖြစ်နေတာလဲဟ၊ ယူပါ"
    ကျွန်တော်က အတင်းပေးသောအခါ သူက လက်နှင့်ပုတ်ချလိုက်သည်။ ရှောက်သီးကွင်းတွေ မြေကြီးပေါ် ကျကုန်သည်။ ကျွန်တော် စိတ်ဆိုးသွားသည်။
    "အမယ်၊ ငါက စေတနာနဲ့ပေးတာကို ပုတ်ချတယ် ဟုတ်"
    ကျွန်တော် သူနှင့်စကားမပြောဘဲ နေလိုက်သည်။ သူ ကျွန်တော့်ကို ဘာကြောင့် စိတ်ဆိုးရသလဲဆိုတာကို ခင်မေတင့်က လာပြောပြသည်။
    "ကိုအစိုးက မာရီနဲ့အကြာကြီးသွားစကားပြောနေလို့တဲ့"
    "ဟာ စကားပြောတာ ဘာဖြစ်လဲ။ ရုပ်ရှင်ဇာတ်ကားအကြောင်းပြောတာပဲ ကြာမှာပေါ့"
    "မမက မကြိုက်ဘူး။ နောက်ကို သူများတွေနဲ့အကြာကြီး စကားမပြောတော့ဘူးဆိုရင် ပြန်ခေါ်မယ်တဲ့"
    "ဒါ ငါ့သဘောပါ"
    သို့ရာတွင် သူနှင့်ကျွန်တော် ပြန်ခေါ်ဖြစ်သွားသည်။ သူက "နင်က မာရီနဲ့ စကားပြောတဲ့အခါကျရင် ပါးစပ်ကို ဖြဲနေတာပဲ။ ကြည့်လို့ကိုမရဘူး"
    "ဟ၊ သူက ရယ်စရာရုပ်ရှင်အကြောင်းပြောတာ ရယ်မှာပေါ့"
    "နောက်ကို သူနဲ့မခေါ်နဲ့တော့ဟာ"
    "အမယ်၊ ဟိုလူနဲ့မခေါ်ရဘူး။ ဒီလူနဲ့မခေါ်ရဘူး။ ပြောရအောင် နင်က ငါ့အမေမို့လို့လား"
    "ဟင်း ငါသာ နင့်အမေဆိုရင် နင့်ကို ကြိုးနဲ့တုပ်ပြီး အသေရိုက်တယ် သိလား"
    "ဒါဆိုရင် နင့်အမေ မဖြစ်နိုင်ဘူး၊ မိထွေးပဲ ဖြစ်မှာပဲ"

                *  *  *

    ကျွန်တော်တို့နှစ်ယောက်ကြားမှာ အဓိကပြဿနာက ကျွန်တော် တခြားလူတွေနှင့် ပေါင်းတာကို သူ မကြိုက်ခြင်းပင်ဖြစ်သည်။ သူ ကျွန်တော့်ကိုခင်မင်ပုံက သည်းထန်လွန်းလှသည်။ တစ်ခါတစ်ခါ သူ့ခင်မင်မှုကို ကြောက်တောင် ကြောက်လာသည်။
    ကျွန်တော်တို့နှစ်ယောက် ပြဿနာဖြစ်ပြီး မခေါ်မပြောဘဲရှိကြလျှင် ကြားက စေ့စပ်ပေးသူမှာ ခင်မေတင့်ဖြစ်၏။ သည်လိုနှင့်ပဲ ရန်ဖြစ်ကြ၊ ပြန်တည့်လိုက်ကြ၊ စိတ်ကောက်ကြ၊ ပျော်ရွှင်ကြရင်း နှစ်တွေ ကုန်လွန်လာခဲ့သည်။
    ဆယ်တန်းရောက်ကြသောအခါ အရင်လို တစ်ပူးတွဲတွဲမနေဖြစ်ကြတော့။ ကိုယ့်ကိုယ်ကိုယ် ကလေးမဟုတ်တော့ကြောင်း သိလာချိန်မှစ၍ ခပ်ခွာခွာဖြစ်လာကြသည်။ ခင်မင်မှုကတော့ လျော့မသွား။ အထူးသဖြင့် သူ။ ကျွန်တော်ကသာ ယောက်ျားလေးအပေါင်းအသင်းတွေနှင့် တရုန်းရုန်းနေနိုင်သော်လည်း ခင်မေမြင့်ကတော့ ဘယ်သူနှင့်မှ သိပ်မပေါင်း၊ တစ်ယောက်တည်းနေတာက များသည်။
    သံယောဇဉ်ဆိုသည်မှာ မမြင်ရသောကြိုးတစ်ချောင်းပင်ဖြစ်သည်ဟု ဆိုကြသည်။ ကျွန်တော်ကတော့ သံယောဇဉ်ကို လေနှင့်တူသည်ဟု ထင်၏။ အနီးအနားမှာ အမြဲရှိနေသည်မဟုတ်လား။
    ဆယ်တန်းစာမေးပွဲဖြေပြီးနောက် ကျောင်းပိတ်ရက်များတွင် ကျွန်တော် ရောဂါတစ်ခုဖြစ်လာသည်။ အလိုလိုနေရင်း လွမ်းသလိုလို၊ ၀မ်းနည်းသလိုလို၊ ဒေါသဖြစ်သလိုလို စိတ်မတည်ငြိမ် လှုပ်ရှားနေခြင်းပင်။ ထိုရောဂါကို သက်သာဖို့နည်းလမ်းကို တွေးကြည့်သည်။
    ရုပ်ရှင်ရုံမှာ မာရီနှင့်တစ်ခါဆုံသည်။ သူကတော့ ထုံးစံအတိုင်း ကျွန်တော့်ကိုမြင်လျှင် ၀မ်းသာအားရ နှုတ်ဆက်ပြီး စကားတွေအများကြီးပြောသည်။ သူ အတော်လှလာတယ်ဟု ထင်မိသည်။ သူ့ကို ကျွန်တော် စိတ်ဝင်စားသွား၏။
    သို့ဖြင့် မာရီကိုပေးဖို့ စာတစ်စောင်ရေးဖြစ်သည်။ မာရီက အင်္ဂလိပ်စာကျူရှင်တက်နေသည်။ ကျူရှင်သို့ သွားရာလမ်းရှိ ရေတွင်းပျက်ကြီးပေါ်မှာ ထိုင်စောင့်နေသည်။ စာကို သီချင်းစာအုပ်ကြားထဲ ညှပ်ထားသည်။ သွားနေကျအချိန်ကျော်သည်ထိ မာရီရောက်မလာသေး။ လာမယ့်လာတော့ ခင်မေမြင့်တို့၏ တိုယိုပက် ကားကလေးဖြစ်နေ၏။ ကားရှေ့ခန်းမှာ သူပါလာသည်။ ကျွန်တော့်ကိုမြင်တော့ သူက ဘာလုပ်နေလဲဟု လှမ်းမေးသည်။ အော်ပြောခြင်းမဟုတ်သော်လည်း ပါးစပ်လှုပ်ပုံကိုကြည့်၍ သိခြင်းဖြစ်၏။
    ကျွန်တော်က ယောင်ယောင်ကန်းကန်းဖြစ်ပြီး လက်ထဲက သီချင်းစာအုပ်ကို မြှောက်ပြလိုက်မိသည်။ သူ အဓိပ္ပာယ်တစ်မျိုးကောက်လိုက်သည်။ ဒရိုင်ဘာကြီးကို ကားရပ်ခိုင်းလိုက်ဟန်တူသည်။ ကားက ကျွိခနဲ ရပ်သောအခါ သူ ဆင်းလာသည်။
    "ဘာလဲ၊ ဘာလဲ၊ ဘာပြောမလို့လဲ"ဟု သူ မေးသည်။
    သူ့မျက်လုံးများက သီချင်းစာအုပ်ကို မျှော်လင့်ခြင်းကြီးစွာ ကြည့်နေသည်ဟု ထင်ရ၏။ ထိုအခိုက်အတန့်မှာပင် ကျွန်တော့်ကိုယ်ကျွန်တော် နားလည်လိုက်သည်။ ကျွန်တော် မာရီ့ကိုချစ်နေတာမဟုတ်။ ကျွန်တော်တကယ်ချစ်နေတာက...
    သို့ရာတွင် သီချင်းစာအုပ်ကြားမှာညှပ်ထားသောစာထဲမှာ မာရီ့နာမည်တပ်ပြီး ရေးထားသည်။ ဘာမှ မတတ်နိုင်ပါ။
    "ဘာမှမဟုတ်ပါဘူး"ဟု ကျွန်တော်ပြောလိုက်သည်။
    သူ့မျက်နှာကွက်ခနဲ ပြောင်းလဲသွားပုံမှာ အံ့သြစရာ။ သည်လိုမျက်နှာမျိုး ကျွန်တော်မြင်ဖူးသည်။ ကျွန်တော်တို့အတန်းထဲမှာ စာအတော်ဆုံးဖြစ်သော မကြည်ဝင်းသည် သူ ပထမရမည်ဟု ယုံကြည်ထားပြီးမှ ဒုတိယဖြစ်သွားသောအခါ ဖြစ်ပျက်သွားသည့်မျက်နှာထားမျိုးနှင့် တစ်ထေရာတည်း။

                *  *  *

    မာရီ့ကို ကျွန်တော် စာမပေးဖြစ်ခဲ့။ ခင်မေမြင့်ကိုလည်း လုံးဝဖွင့်မပြောဖြစ်ခဲ့။ စာထဲက မာရီ့နေရာမှာ သူ့နာမည်ကို အစားထိုးပြီး ရေးပေးရလျှင် မတရားဘူးဟု ထင်သောကြောင့်ဖြစ်၏။ ထို့နောက်ပိုင်းမှာတော့ ကျွန်တော်တို့နှစ်ယောက်သည် ပို၍ ကင်းကွာသွားသည်။
    တစ်နေ့ကျတော့ ခင်မေတင့်နှင့် လမ်းမှာဆုံသည်။ သူက
    "မမကို သွားခါနီး လာနှုတ်ဆက်ဖို့ကောင်းပါတယ်"ဟု ပြောသည်။
    "ဘာ ဘယ်သွားမှာမို့လို့လဲ"
    "ဖေဖေ ရန်ကုန်ကို အလုပ်ပြောင်းရမယ်လေ"
    "ကျွန်တော် သူတို့အိမ်သွားသည်။ သူသည် အံ့သြစရာကောင်းလောက်အောင် တည်ငြိမ် အေးဆေးနေကြောင်း တွေ့ရသည်။ ကျွန်တော့်ကို ပြောဆိုဆက်ဆံပုံမှာ သာမန်မိတ်ဆွေအဆင့်မျိုးသာရှိ၏။ သူ့ကိုပြောမည်ဟု ပြင်ဆင်သွားခဲ့သောစကားများကို မပြောဖြစ်တော့။
    သူမရှိတော့သည့်နောက်ပိုင်း နှစ်အနည်းငယ်အထိ ကျွန်တော် ခံစားခဲ့ရသည်။ သူက ကျွန်တော့်ဆီ စာမရေးခဲ့။ ကျွန်တော်ကလည်း သူ့လိပ်စာမသိ။ သိသည့်တိုင် ဘာရေးရမလဲ။ သူက ဆယ်တန်းကို နှစ်ချင်းပေါက် အောင်သည်။ ကျွန်တော်က သုံးနှစ်ဖြေပြီးမှ အောင်သည်။ ကျွန်တော်က တက္ကသိုလ်တက်နိုင်သူမဟုတ်။ စာပေး စာယူသင်တန်းသာ တက်ဖြစ်သည်။
    သည်လိုနှင့်ပဲ သူနှင့်ကျွန်တော် ဝေးကွာသွားခဲ့သည်။ သူက ပညာရေးတက္ကသိုလ်မှာ တက်သည်ဟု သတင်းကြားရသည်။ ခုလောက်ဆို ကျောင်းဆရာမကြီးဖြစ်နေမှာပဲ။ ကျွန်တော်သည် ရန်ကုန်မှာ အလုပ် လာလုပ်ရင်းက သူ့ကို တကူးတကရှာဖွေခြင်းမရှိသော်လည်း ကျောင်းစိမ်းလုံချည်ဝတ်ထားသော ဆရာမများကို မြင်တိုင်း ဂရုတစိုက်ကြည့်မိတာတော့ အမှန်ပင်။ ခုထိ ကျွန်တော် ဘာကြောင့် အိမ်ထောင်မပြုသလဲ ဆိုတာကိုလည်း ကိုယ့်ကိုယ်ကို မမေးမိအောင်နေသည်။
    တစ်ရက်မှာတော့ သူ့ကိုတွေ့ရသည်။ အထက်တန်းကျောင်းတစ်ကျောင်းရှေ့မှာဖြစ်၏။ ကျောင်းရှေ့မှာ ဖြတ်အလျှောက် ကျောင်းဆင်းချိန်နှင့်ကြုံသည်။ အကျင့်ပါနေသဖြင့် ဆရာမများကို မြင်လျှင် စိုက်ကြည့်မိတတ်သည်။ ဆရာမတစ်ယောက်ကိုမြင်သောအခါ ဒိတ်ခနဲ ရင်ခုန်သွား၏။
    ငယ်ငယ်ကရုပ်နှင့် သိပ်မတူတော့။ ပိုပြီးရင့်ကျက်လာသည်။ အသားလည်း ပိုဖြူလာသည်ဟု ထင်၏။ ဘာပဲဖြစ်ဖြစ် သူပါပဲဆိုတာ အလိုလိုသိနေ၏။ သူသည် ကျွန်တော်နှင့်မျက်နှာချင်းဆိုင် လျှောက်လာနေသည်။ ကျွန်တော့်ကိုမမြင်သေး။ ဖြတ်ကျော်သွားခါနီးတွင် ကျွန်တော် ရုတ်တရက် ရပ်လိုက်သည်။ သူသည်လည်း ကျွန်တော့်ထူးခြားမှုကြောင့် တုံ့ခနဲဖြစ်သွား၏။
    တစ်ယောက်ကိုတစ်ယောက် ကြည့်မိကြသည်။ သူသည် ပါးစပ်ကလေးဟပြီး "ဟင်"ဟု တိုးတိုးလေး ရေရွတ်သည်။ ကျွန်တော်က
    "ဟုတ်ပါတယ် အစိုးပါ"
    သူက ရယ်လိုက်သည်။ ထိုအခါကျမှ ကျွန်တော် တုန်လှုပ်သွား၏။ သူက
    "ဘာလဲ မမ မှတ်လို့လား။ ကျွန်မ ခင်မေတင့်ပါ"ဟု ပြောသည်။
    ကျွန်တော် မျက်နှာပျက်သွားသည်ကို ကိုယ့်ဘာသာမြင်လိုက်ရသည်ဟု ထင်လိုက်သည်။ ထိုအချိန်တွင် ကလေးငယ်တစ်ယောက်သည် သူ့ကိုပြေးဖက်ပြီး "အန်တီလေး"ဟု  ခေါ်လိုက်၏။ "ဒါ မမရဲ့သမီးလေ"ဟု ခင်မေတင့်ပြောလိုက်သောစကားမတိုင်မီကပင် ကျွန်တော်သိပါပြီ။
    ကျွန်တော်သူ့ ကို အချိန်တိုင်းလွမ်းမနေအားပါ။ လောကကြီးမှာ အချစ်ထက် ပို၍အရေးကြီးသော၊
အချစ်လောက် အရေးမကြီးသော၊ အချစ်နှင့်တန်းတူ အရေးကြီးသော ကိစ္စတွေ အများကြီးရှိသေးသည်။ မည်သို့ပင်ဖြစ်စေ လေဆိုသည်မှာ မမြင်ရသည့်တိုင် အနီးအနားမှာ အမြဲရှိနေတာသေချာသည်။ လူတို့သည် လေကိုမေ့လျော့နေတတ်ကြသော်လည်း တစ်ခါတစ်ခါတော့ သူရှိနေကြောင်းကို မုန်တိုင်းဆင်၍ သတိပေးတတ်ကြောင်း ၀န်ခံရပေမည်။

-----------------
မင်းလူ
ရုပ်ရှင်အောင်လံ၊
ဧပြီ၊ ၁၉၈၉