26.01.2013 နေ့ဖတ်ရန်သတင်းများ

by Myanmar Journal on Saturday, January 26, 2013 at 6:15am ·

အရေးပေါ်နဲ့ မီးဖွားလူနာ အခမဲ့ကုပေးမယ်
မိခင်သေနှုန်းကျဖို့ ဆေးရုံတက် များများမွေးဖို့ အခမဲ့နည်းပါးဖြစ်အောင် လုပ်မယ်လို့ ညွှန်ချုပ်ဆို
အစိုးရဆေးရုံတွေမှာ မွေးလူနာတွေ များနိုင်သလောက် များများ မွေးစေချင်တယ်၊ ဒါမှသာ မိခင်သေနှုန်း ကျသွားမယ်လို့ ကျန်မာရေးဝန်ကြီးဌာန အဆင့်မြင့် အရာရှိကြီးတဦးက ဘီဘီစီကို ပြောပါတယ်။
မီးဖွားလူနာတွေကိုသာမကဘဲ အရေးပေါ် လူနာတွေကိုလည်း လူနာရှင်တွေ ဆေး၊ ပတ်တီးတွေ တတ်နိုင်သမျှ မဝယ်ရအောင် ကူညီ စောင့်ရှောက်မှုတွေ ပေးဖို့ အစိုးရ အနေနဲ့ ကြိုးပမ်းဆောင်ရွက်နေ တယ်လို့ သိရပါတယ်။

ဆေးဝါးလုံလောက်မှု မရှိခဲ့လို့ အရေးပေါ် ရောက်လာရင် ဆေးဝယ်ခိုင်းရတာတွေ ရှိခဲ့တယ်၊ အခုတော့ လူနာတွေ သက်သာခွင့် ရအောင် စီစဉ်ပါမယ်လို့ ကျန်းမာရေး ဦးစီးဌာန ညွှန်ကြားရေးမှူးချုပ် ဒေါက်တာ မင်းသန်းညွန့်က ဘီဘီစီကို ပြောပါတယ်။
ကျန်းမာရေး ဝန်ကြီးဌာန လက်အောက်မှာ ဆေးရုံပေါင်း ၉၄၀ ကျော် ရှိပြီး၊ ဆေးရုံမှာ ရှိတဲ့ ကုတင် အရေအတွက် အလိုက် အသုံးစရိတ် ကွဲပြားမှုတော့ ရှိမယ်လို့လည်း သိရပါတယ်။
မြန်မာနိုင်ငံမှာ ကျန်းမာရေးနဲ့ ပညာရေးဘက် အစိုးရ ဘတ်ဂျတ် ခွဲဝေ သုံးစွဲမှုက နှစ်ပေါင်းများစွာ အနိမ့်ဆုံး ရောက်ခဲ့လို့ နိုင်ငံတွင်း ပညာရေးနဲ့ ကျန်းမာရေး အဆင့်အတန်းဟာ အိမ်နီးချင်း နိုင်ငံတွေအောက် နိမ့်ကျခဲ့ရပါတယ်။
ဒါပေမဲ့ ၂၀၁၁ မတ်လကုန်က တက်လာခဲ့တဲ့ အစိုးရသစ် လက်ထက်မှာတော့ ကျန်းမာရေးနဲ့ ပညာရေးဘက် ဘတ်ဂျတ် ရရှိမှုတွေ အနည်းငယ် တိုးတက်မှု ရှိလာခဲ့ပါတယ်။

လိင်တူမြတ်နိုးသူများ ပါလီမန်ရှေ့ နမ်းပြီး ဆန္ဒပြ
ရုရှနိုင်ငံရဲ့ ပါလီမန်ရှေ့မှာ လိင်တူမြတ်နိုးသူတွေက သူတို့ရှေ့ရေး စိုးထိတ်လို့ နမ်းပြီး ဆန္ဒပြခဲ့ကြပါတယ်။
လိင်တူချစ်သူများ အခွင့်အရေးကို ပိတ်ပင်တားဆီးတဲ့ အချက်တွေ ပါနေတယ်လို့ ဝေဖန်သူတွေက ထောက်ပြထားကြတဲ့ အငြင်းပွားဖွယ် ဥပဒေမူကြမ်းတခုကို လိင်တူမြတ်နိုးသူတွေက ကန့်ကွက်ကြပါတယ်။
ဆန့်ကျင် ကန့်ကွက်တဲ့အနေနဲ့ လိင်တူမြတ်နိုးသူများအရေး လှုပ်ရှားသူ အယောက် ၂၀ လောက်က ရုရှနိုင်ငံ၊ မြို့တော် မော်စကိုက ပါလီမန်ရှေ့မှာ နမ်းရှုံ့ခဲ့ကြလို့ အာဏာပိုင်တွေက ဖမ်းဆီး ထိန်းသိမ်းလိုက်ပါတယ်။
ဥပဒေမူကြမ်းထဲမှာ ကလေးသူငယ်တွေကို လိင်တူ ချစ်သူတွေနဲ့ဆိုင်တဲ့ သတင်းအလက်တွေ မပေးဖို့နဲ့ လိင်တူချစ်သူများ အခွင့်အရေးကို မြှင့်တင်တဲ့ ပွဲသဘင်တွေ မလုပ်ဖို့လည်း ပါဝင်ပါတယ်။
လိင်တူချစ်သူတွေက လူမြင်ကွင်း လက်တွဲ လမ်းလျှောက်ရုံနဲ့ အဖမ်းခံထိမှာကို စိုးရိမ်နေကြပါတယ်။
ရုရှရဲ့ အာဏာရပါတီကတော့ လိင်တူမြတ်နိုးသူတွေကို ဖိနှိပ်ဖို့ထက် ကလေးငယ်တွေကို အကာအကွယ်ပေးဖို့ အခုလို ဥပဒေ ပြဌာန်းဖို့ လုပ်ဆောင်တာလို့ ပြောပါတယ်။

ကချင်ငြိမ်းချမ်းရေး တတိယအုပ်စုလိုပြီ
လွှတ်တော်က ကချင်ငြိမ်းချမ်းရေးအတွက် တတိယအုပ်စုလိုတယ်လို့ ဆုံးဖြတ်သလို လွှတ်တော်ပြင်ပမှာလည်း နိုင်သလောက် ဆောင်ရွက်နေကြပါတယ်။
ကချင်ပြည်ငြိမ်းချမ်းရေးရဖို့အတွက် ဆွေးနွေးပွဲတွေ ပြန်စဖို့ လူအများ လေးစား ယုံကြည်လောက်တဲ့ တတိယအုပ်စုက ကြားဝင် ညှိနှိုင်းပေးဖို့ အမျိုးသားလွှတ်တော်မှာ စည်းလုံး ညီညွတ်ရေးနဲ့ ဒီမိုကရေစီပါတီ ကချင်ပြည်နယ်က လွှတ်တော်အမတ် ဦးခက်ထိန်နန်က အဆိုပြု ဆွေးနွေးခဲ့တာမှာ ဒီကနေ့တော့ လွှတ်တော်က ဒီလို တတိယအုပ်စုက ကြားဝင် ဆောင်ရွက်ဖို့ အတည်ပြု ဆုံးဖြတ်လိုက်ပါတယ်။
အတည်ပြု ဆုံးဖြတ်ချက် မချမီမှာတော့ လွှတ်တော်တွင်းမှာ ကချင်အရေးနဲ့ ပတ်သက်လို့ ပြင်းပြင်းထန်ထန် ဆွေးနွေးခဲ့တာတွေလည်း ရှိခဲ့ပါတယ်။
ကြံ့ခိုင်ရေးပါတီရဲ့ မကွေးတိုင်း မဲဆန္ဒနယ် အမှတ် ၁ က လွှတ်တော်အမတ် ဦးလှဆွေကတော့ ကချင်လွတ်လပ်ရေးတပ် ကေအိုင်အေကို အပြုတ်တိုက်ရမယ်လို့ လွှတ်တော်မှာ သူ တင်ပြ ဆွေးနွေးခဲ့ကြောင်း ဘီဘီစီကို ပြောပါတယ်။
တတိယအုပ်စုဆိုတာ ဘယ်သူဘယ်ဝါ၊ ဘယ်အုပ်စုဆိုတာကိုတော့ လွှတ်တော်တွင်း ဆွေးနွေးမှုတွေမှာ တိတိကျကျ ရှင်းလင်း ပြောဆိုခဲ့တာတော့ မရှိပါဘူး။
ဒီကနေ့မှာတော့ ကချင်လွတ်လပ်ရေးအဖွဲ့ ကေအိုင်အို ဌာနချုပ် တည်ရှိရာ လိုင်ဇာမြို့ပြင်ဘက်မှာ လက်နက်ကြီးသံတွေ ကျရောက် ပေါက်ကွဲခဲ့သလို မြို့ခံတွေက ထိတ်လန့်ပြီး နယ်စပ်က ဒုက္ခသည်စခန်းတွေဆီ ထွက်ပြေး တိမ်းရှောင်ကြတဲ့အတွက် လိုင်ဇာမြို့ဟာ တိတ်ဆိတ် နေတယ်လို့ မြို့ခံတယောက်က ဘီဘီစီကို ပြောပါတယ်။

တိုက်ပွဲတွေကြောင့် လိုင်ဇာမြို့မှာ လူသူ ကင်းမဲ့
သောက်သုံးရေနဲ့ အိမ်သာ မလုံလောက်မှုတွေ ကြောင့် ဒုက္ခသည်စခန်းတွေမှာ ကလေးငယ် အတော်များများ ဝမ်းရောဂါဖြစ်
ကချင်ပြည်နယ်မှာ အစိုးရနဲ့ KIO/ KIA ကချင်လွတ်လပ်ရေး တပ်မတော်အကြား အပစ်အခတ် ရပ်စဲရေး ကြိုးပမ်းမှုတွေ ရှေ့မတိုး နောက်မဆုတ်သာ ဖြစ်နေချိန်မှာ လိုင်ဇာမြို့နား မှာ တိုက်ပွဲတွေ ဆက်လက် ဖြစ်ပွားနေပါတယ်။
လိုင်ဇာမြို့နားမှာ သောကြာနေ့တနေ့လုံး သေနတ်ကြီးနဲ့ ပစ်ခတ်သံတွေ ကြားနေရပြီး ရှေ့တန်းမှာ တိုက်ပွဲတွေ ဆက်ဖြစ်နေတယ်လို့ လိုင်ဇာမြို့ခံ ကိုလရစ်က ဘီဘီစီ ကို ပြောပါတယ်။
ပြီးခဲ့တဲ့ ရက်ပိုင်းက လိုင်ဇာမြို့ပေါ် ဗုံးနှစ်လုံး ကျခဲ့တာကြောင့် မြို့ခံအတော်များများ တရုတ် မြန်မာနယ်စပ်က နေရာလွတ်တွေဆီ ထွက်ပြေး တိမ်းရှောင်သွားခဲ့ကြသလို တချို့လည်း ဒုက္ခသည်စခန်းတွေဆီ ထွက်ပြေး ခိုလှုံခဲ့ကြတယ်လို့ ဆိုပါတယ်။
လိုင်ဇာမြို့မှာ လာရောက် စီးပွားရေး လုပ်နေတဲ့ တရုတ်လူမျိုးတွေလည်း နေရပ် တရုတ်ပြည်ကို ပြန်ကုန်ကြတဲ့အတွက် ဆိုင်တွေ၊ ဈေးတွေ ပိတ်ကုန်ပြီး မြို့တမြို့လုံး တိတ်ဆိတ် ငြိမ်သက်နေတယ်လို့ ပြောပါတယ်။
အခု လတ်တလော ထပ်ဖြစ်တဲ့ တိုက်ပွဲတွေကြောင့် ဒုက္ခသည် စခန်းတွေမှာ လာရောက်ခိုလှုံသူတွေ အဆမတန် များလာပြီး သောက်သုံးရေ ပြတ်လပ်မှု၊ အိမ်သာ မလုံလောက်မှုတွေကြောင့် ကလေးငယ် အတော်များများ ဝမ်းရောဂါတွေ ဖြစ်ပွားနေတယ်လို့ ကျန်းမာရေး ဝန်ထမ်းတွေက ပြောပါတယ်။
သောကြာနေ့က ကျင်းပတဲ့ အမျိုးသား လွှတ်တော် အစည်းအဝေးမှာတော့ ကချင်ဒေသအရေးနဲ့ ပတ်သက်လို့ နှစ်ဘက် ယုံကြည်လေးစားတဲ့ တတိယ အင်အားစု အဖွဲ့တဖွဲ့က ကြားဝင် ဆောင်ရွက်ပေးဖို့ ကချင်ပြည်နယ် မဲဆန္ဒနယ် အမှတ် ၁ ကိုယ်စားလှယ် ဦး ခတ်ထိန်နန်က အဆိုပြု တင်သွင်းခဲ့ရာမှာ လွှတ်တော်အမတ်တွေက မဲခွဲ ဆုံးဖြတ် အတည်ပြုခဲ့ကြပါတယ်။

မာလီတပ်တွေ ဟွမ်ဘိုရီကို ပြန်ထိန်းချုပ်
မာလီ အစိုးရကို ကူညီတိုက်ပေးနေတဲ့ ပြင်သစ် တပ်သားတွေ
မာလီနိုင်ငံ မြောက်ပိုင်းက အစ္စလာမ်မစ်တွေ သိမ်းယူထားခဲ့တဲ့ ဟွမ်ဘိုရီ မြို့ကို မာလီအစိုးရ နဲ့ ပြင်သစ်တပ်တွေက ပြန်လည် ထိန်းချုပ်လိုက်ပြီ ဖြစ်ပါတယ်။
အဲဒီ ဟွမ်ဘိုရီမြို့ဟာ အစ္စလာမ်မစ်သူပုန်တွေ အဓိကတပ်စွဲထားတဲ့ ဂေါင်း ဒေသနဲ့ ကီလိုမီတာ ၁၆၀ လောက်ပဲဝေးပါတယ်။
ပြီးခဲ့တဲ့ မကြာသေးခင် အချိန်ပိုင်းကပဲ ပြင်သစ် စစ်လေယာဉ်တွေဟာ သူပုန်တွေတပ်စွဲထားတဲ့ နေရာအတော်များများနဲ့အတူ သူပုန်တွေရဲ့ လောင်စာ နဲ့ လက်နက်ခဲယမ်း သိုလှောင်ထားတဲ့ နေရာတွေကို လေကြောင်းကနေ ဗုံးကြဲတိုက်ခိုက်ခဲ့ပါတယ်။
သူပုန်တွေဘက်ကလည်း မာလီအရှေ့ပိုင်း နီဂျဲ နိုင်ငံကို ဆက်သွယ်ထားတဲ့ တံတားကို ဗုံးခွဲဖျက်ဆီးခဲ့ပါတယ်။
ချာဒီယမ် စစ်သား နှစ်ထောင်ကျော်နဲ့ နီဂျဲ စစ်သား ငါးရာကျော်ဟာ အဲဒီ နီဂျဲ နိုင်ငံကနေ ဝင်ရောက်လာဖို့ ပြင်ဆင်ထားတာလည်း ဖြစ်ပါတယ်။

အီဂျစ်တော်လှန်ရေး နှစ်ပတ်လည်မှာ အဓိကရုန်းတွေ ဖြစ်
အီဂျစ်မှာ ဆန္ဒပြသူတွေနဲ့ ရဲ အဓိကရုန်းဖြစ်
အီဂျစ် နိုင်ငံမှာ သမ္မတဟော့စနီ မူဘာရက်ကို ရာထူးကနေ ပြုတ်ကျစေခဲ့တဲ့ လူထုဆန္ဒပြမှုတွေ ဖြစ်ပွားခဲ့တဲ့ ဒုတိယ နှစ်ပတ်လည်နေ့မှာ အစိုးရဆန့်ကျင်သူတွေနဲ့ လုံခြုံရေးအဖွဲ့ဝင်တွေကြား အဓိကရုန်းတွေ ဖြစ်ပွားခဲ့လို့ ဆူးအက်မြို့မှာ လူ ၅ ဦးသေဆုံးခဲ့ပါတယ်။
ကိုင်ရိုမြို့က သမ္မတ အိမ်တော်အပြင်ဘက် နဲ့ တာဟီရာရင်ပြင်မှာ သမ္မတမော်ဆီကို ဆန့်ကျင်သူတွေနဲ့ ရဲတွေ ခိုက်ရန်ဖြစ်ပွားခဲ့သလို အလက်ဇန်းဒရီးယား မြို့မှာလည်း အလားတူ ဖြစ်ခဲ့ပါတယ်။
တော်လှန်ရေးပြီးတာ ၂ နှစ်ရှိသွားပေမယ့် ကျနော်တို့တောင်းခဲ့တဲ့ ပေါင်မုန့် ၊ လွတ်လပ်ခွင့် နဲ့ လူမှုရေးမျှတမှုတွေ အခုထိ ဘာမှ ဖြစ်မလာသေးပါဘူး ဒါကြောင့် ကျနော်တို့ ဆန္ဒပြပြနေ့ကြတာလို့ မနေ့က တာဟီရာရင်ပြင်မှာ ဆန္ဒပြနေသူတဦးက ဘီဘီစီကို ပြောခဲ့ပါတယ်။
အစ္စမိုင်လီယားမြို့ က မူဆလင် ဘရားသားဟုအဖွဲ့ရဲ့ နိုင်ငံရေးပါတီ ဖြစ်တဲ့ Freedom and Justice ပါတီဌာနချုပ်ကို လူငယ်ဆန္ဒပြသူတွေ အတင်းချိုးဖျက်ဝင်ရောက်ခဲ့ကြပြီး နောက်ပိုင်းမှာ မီးတင်ရှို့ ခဲ့ကြပါတယ်။
The Muslim Brotherhood အဖွဲ့ကတော့ နှစ်ပတ်လည်နေ့မှာ လမ်းမပေါ်ထွက် ချီတက်တာမျိုးမလုပ်ဘဲ နှစ်ပတ်လည်အထိမ်းအမှတ် လူမှုရေးလုပ်ငန်းတွေ လုပ်ဖို့ စီစဉ်ထားခဲ့တာပါ။
အီဂျစ်နိုင်ငံတဝှမ်း မှာ လူတိုင်းလူတိုင်း အိမ်ပြင်ထွက် ပြီး ၊ မပြီးဆုံးသေးတဲ့ တော်လှန်ရေး အပြီးသတ်ဖို့ လိုတယ်ဆိုတာ ပြသကြဖို့ ထင်ရှားတဲ့ အတိုက်အခံခေါင်းဆောင်တဦးဖြစ်တဲ့ မိုဟာမက် အဲ ဘာရာဒေး ထုတ်ပြန်တဲ့ ကြေညာချက်ထဲမှာ ဖေါ်ပြထားပါတယ်။
လက်ရှ သမ္မတ မစ္စတာမော်ဆီဟာ အာဏာရှင်ဆန်တယ် တော်လှန်ရေးကို သစ္စာဖေါက်တယ်လို ဝေဖန်သူတွေက စွပ်စွဲခဲ့ပါတယ်။
ဆိုးရွားတဲ့ စီးပွားရေး အကျပ်အတည်းနဲ့ပတ်သက်လို့လည်း သူ့အစိုးရကို အပြစ်ဖို့ကြပါတယ်။
မစ္စတာမော်ဆီကတော့ ဒါကို ငြင်းခဲ့ပါတယ်။
တနိုင်ငံလုံးမှာ လူပေါင်း ၃၃၀ ကျော် ဒဏ်ရာခဲ့တဲ့ အဓိကရုန်းတွေကို အဆုံးသတ်ပြီး အေးအေးဆေးဆေးနေကြဖို့ သမ္မတက ပန်ကြားလိုက်ပါတယ်။

အိုဘားမား အာရှမူဝါဒ ဂျွန်ကယ်ရီ ဝေဖန်

အထက်လွှတ်တော်အမတ် John Kerry
အမေရိကန် ပြည်ထောင်စုရဲ့ နိုင်ငံခြားရေး ၀န်ကြီးအသစ် အဖြစ်အမည်စာရင်း တင်သွင်းထားတဲ့ အထက်လွှတ်တော်အမတ် John Kerry ကို လွှတ်တော်မှာ ကြားနာရာမှာ သမ္မတ ဘရက်ခ် အိုဘားမား အစိုးရရဲ့ အဓိကနိုင်ငံခြားရေးရာ မူဝါဒတခုဖြစ်တဲ့ အာရှတိုက်ကို ပိုမို အာရုံစိုက်လာတဲ့ အစီအစဉ်အပေါ် ဝေဖန်ခဲ့တဲ့အတွက် အများက အာရုံစိုက်ခံခဲ့ကြရပါတယ်။ လက်ရှိ နိုင်ငံခြားရေး ၀န်ကြီး ဟီလာရီ ကလင်တန် ဒီနှစ်ထဲ တာဝန်က အနားယူပြီးချိန်မှာ အထက်လွှတ်တော်အမတ် Kerry ကို အစားထိုး ခန့်အပ်ခံရဖို့ သေချာသလောက် ရှိနေတာပါ။

နိုင်ငံခြားရေးဝန်ကြီအဖြစ် ခန့်အပ်ဖို့ အမည်စာရင်း တင်သွင်းထားတဲ့အပေါ် ကြားနာပွဲမှာတော့ အာရှတိုက်မှာ အမေရိကန်က စစ်ရေးချဲ့ထွင်မှုတွေ လုပ်သင့်တယ်လို့ သူ့အနေနဲ့ မယူဆကြောင်းနဲ့ ဒီလိုလုပ်လာမယ်ဆိုရင် တရုတ်နိုင်ငံနဲ့ မလိုအပ်ပဲ ထိပ်တိုက်ရင်ဆိုင် တိုးစေမယ့် အခြေအနေတွေ ပေါ်ပေါက်ကောင်း ပေါ်ပေါက်လာနိုင်တယ်လို့ ပြောဆိုခဲ့တာ ဖြစ်ပါတယ်။ သမ္မတ အိုဘားမားကတော့ အာရှတိုက်မှာ ချိန်ခွင်လျှာညှိတဲ့ မူဝါဒအဖြစ် ၂၀၁၁ ခုနှစ် နှောင်းပိုင်းမှာ ကြေညာခဲ့တဲ့နောက် သြစတြေးလျ၊ ဖိလစ်ပိုင်၊ စင်္ကာပူတို့အပြင် အာရှ-ပစိဖိတ် ဒေသတွင်းက တခြား နိုင်ငံတွေမှာ အမေရိကန်ရဲ့ တပ်ဖွဲ့တွေ၊ ပစ္စည်းအသုံးအဆောင်တွေ၊ ပူးပေါင်းဆောင်ရွက်မှုတွေလည်း တိုးလာခဲ့တာပါ။

အစိုးရ တာဝန်ရှိသူတွေကတော့ အမေရိကန် အနေနဲ့ အာရှဒေသနဲ့ အဆက်အဆံတွေ တိုးမြှင့်လာတာဟာ တရုတ်နိုင်ငံရဲ့ သြဇာကြီးထွားလာနေတာကို ထိန်းချုပ်ဖို့ မဟုတ်ဘူးလို့ ပြောဆိုထားတာ ဖြစ်ပေမဲ့လည်း တရုတ်နိုင်ငံကတော့ ဒီမူဝါဒနဲ့ ပတ်သက်လို့ ဘ၀င်မကျတဲ့ သဘောထားတွေ ပြောဆိုနေတာလည်း ဖြစ်ပါတယ်။

ကချင်ကို အပြုတ်တိုက်ဖို့ တိုက်တွန်း
"ကေအိုင်အေကို ရွှေလက်နဲ့ ခေါ်လို့မလာရင် ကျည်ဆံသာ ပေးဖို့ ကောင်းတယ်" - ဦးလှဆွေ (ပြည်ခိုင်ဖြိုးပါတီ အမျိုးသားလွှတ်တော်အမတ်)
အစိုးရနဲ့ ကေအိုင်အေ ကေအိုင်အိုကြား တတိယအုပ်စု တခုက ကြားဝင် ညှိပေးဖို့ တင်ပြတဲ့ စည်းလုံး ညီညွတ်ရေးနဲ့ ဒီမိုကရေစီ ပါတီ အမျိုးသား လွှတ်တော် ကိုယ်စားလှယ် ဦးခက်ထိန်နန် အဆိုကို လွှတ်တော်မှာ မဲခွဲခဲ့ရာမှာ အများစု ထောက်ခံမှုနဲ့ အတည်ပြုခဲ့ပေမယ့် ကချင်ကို အပြုတ် တိုက်ဖို့အတွက် ပြင်းပြင်း ထန်ထန် ပြောဆိုဆွေးနွေး ခဲ့တာတွေလည်း ရှိပါတယ်။
ပြည်ခိုင်ဖြိုး ပါတီရဲ့ မကွေးတိုင်း မဲဆန္ဒနယ် အမှတ် (၁) အမျိုးသား လွှတ်တော် ကိုယ်စားလှယ် ဦးလှဆွေက ကေအိုင်အေကို ရွှေလက်နဲ့ ခေါ်လို့မလာရင် ကျည်ဆံသာ ပေးဖို့ ကောင်းတယ်လို့ လွှတ်တော်ထဲမှာ ပြောဆိုခဲ့ပါတယ်။
ကမ္ဘာ့နိုင်ငံအတော် များများဟာ သူတို့နိုင်ငံတွေမှာ ရှိကြတဲ့ သူပုန် အုပ်စုတွေနဲ့ ညှိနှိုင်းမှုတွေမလုပ်တဲ့ အမြစ်ပြတ် ရှင်းလေ့ရှိတဲ့ သာဓကတွေ အတိုင်း မြန်မာအစိုးရက လုပ်ဆောင်သင့်ကြောင်း၊ အစိုးရရဲ့ အပစ်ရပ်ဖို့ ကြေငြာခဲ့အပြီးမှာပဲ ကေအိုင်အေရဲ့ တိုက်ခိုက်မှုတွေ ရှိနေတာကို ကြည့်ရင် ငြိမ်းချမ်းရေးကို အမှန်တကယ် လိုလားတာ မဟုတ်တဲ့အတွက် အမြစ်ပြတ် တိုက်ခိုက်ဖို့ဟာ တခုတည်းသော ဖြေရှင်းနည်း ဖြစ်တယ်လို့ ဦးလှဆွေက ပြောပါတယ်။
ဒါဟာ သူ့ရဲ့ ကိုယ်ပိုင် သဘောထားသာ ဖြစ်ပြီး ပြည်ခိုင်ဖြိုးပါတီရဲ့ သဘောထား မဟုတ်ဘူးလို့ ဦးလှဆွေက ဘီဘီစီကို ပြောဆိုသွားပါတယ်။

အီဂျစ်ဆန္ဒပြမှု ၅ ယောက်ထက်မနည်း သေဆုံး

 အီဂျစ်နိုင်ငံ ကိုင်ရိုမြို့က Tahrir ရင်ပြင်က ဆန္ဒပြပွဲမြင်ကွင်း။ (ဇန်နဝါရီ ၂၅၊ ၂၀၁၃)
အီဂျစ်နိုင်ငံကို နှစ်ပေါင်းများစွာ အုပ်ချုပ်ခဲ့တဲ့ သမ္မတဟောင်း ဟော်စနီမူဘာရက်ကို ဖြုတ်ချခဲ့တဲ့ ၂ နှစ်ပြည့်အခမ်းအနား လူထုစုဝေးမှုအတွင်း၊ ဆန္ဒပြသူတွေ နဲ့ အဓိကရုဏ်းနှိမ်နှင်းရေးရဲတွေကြား အီဂျစ်နိုင်ငံတ၀ှမ်း သောကြာနေ့က ပဋိပက္ခတွေဖြစ်ခဲ့ပါတယ်။ ကိုင်ရိုမြို့မှာတော့ ဆန္ဒပြသူ ထောင်ပေါင်းများစွာဟာ တာရီယာရင်ပြင်ကို ချီတက်ခဲ့ကြပြီး၊ အစိုးရ အဆောက်အအုံတွေ ရှိတဲ့နေရာကို ကာထားတဲ့ နံရံတွေနားကို ကပ်လာတဲ့ ဆန္ဒပြသူတွေကို ရဲတွေက မျက်ရည်ယိုဗုံးတွေနဲ့ ပစ်ခတ်ခဲ့ပါတယ်။ ဆန္ဒပြသူတွေက ရဲတွေကို ခဲနဲ့ ပစ်ပေါက်ခဲ့တယ်လို့ ဆိုပါတယ်။

ဒါ့အပြင် အလက်ဇန္ဒရီယားမြို့၊ စူးအက်ဇ် နဲ့ အစ္စမေးလီးယားမြို့တွေမှာလည်း ဆန္ဒပြသူတွေနဲ့ ရဲတွေကြားမှာ အဲဒီလိုမျိုး ထိပ်တိုက်တွေ့တာတွေဖြစ်တယ်လို့ ဆိုပါတယ်။သောကြာနေ့က လူထု စုဝေးမှုတွေအတွင်း လူ ၁၀၀ ကျော် ဒဏ်ရာရခဲ့တယ်လို့ အီဂျစ်နိုင်ငံရဲ့ဆေးရုံတွေက တာဝန်ကျဝန်ထမ်းတွေက ပြောပါတယ်။

ဘာသာရေး နဲ့ ကင်းရှင်းတဲ့ အတိုက်အခံအင်အားစုတွေကတော့ သမ္မတမော်စီ နဲ့ မွတ်စလင်ညီအစ်ကိုတော်များအဖွဲ့ကို ဆန္ဒပြဖို့ တိုက်တွန်းလိုက်ပါတယ်။ အတိုက်အခံခေါင်းဆောင် မိုဟာမက် အယ်လ် ဘာရာဒေးကတော့ အတိုက်အခံတွေအနေနဲ့  တော်လှန်ရေးရဲ့ ရည်မှန်းချက်တွေကို အောင်မြင်အောင်လုပ်ကြဖို့ သူ့ရဲ့ တွစ်တာအကောင့်ကနေ ၊ ပြောလိုက်ပါတယ်။

ဝတပ်ကို တရုတ်လက်နက်ရောင်း

ဝပြည် သွေးစည်း ညီညွတ်ရေး တပ်မတော် (UWSA)မှ တပ်သားများကို တရုတ်နယ်စပ်တွင် တွေ့ရစဉ်။
တရုတ်မြန်မာ နယ်စပ်မှာအခြေစိုက်တဲ့  လက်နက်ကိုင်အဖွဲ့တခုကိုတရုတ်နိုင်ငံက ခေတ်မှီ လက်နက်တွေကို ရောင်းချနေတယ်လို့ လုံခြုံရေးဆိုင်ရာလေ့လာသုံးသပ်သူတွေက ပြောလိုက်ပါတယ်။ မြန်မာနိုင်ငံထဲက အင်အားအကြီးဆုံးလက်နက်ကိုင်အဖွဲ့ဖြစ်တဲ့ ဝပြည်သွေးစည်းညီညွတ်ရေး တပ်မတော်ကို တရုတ်ကလက်နက်တွေ တိတ်တဆိတ် ရောင်းချနေတာဖြစ်တယ်လို့ ကာကွယ်ရေးနဲ့လုံခြုံရေးဆိုင်ရာလေ့လာရေးအဖွဲ့ဖြစ်တဲ့ Jane Defense အဖွဲ့ကပြောလိုက်တာဖြစ်ပါတယ်။ အပြည့်အစုံကို သတင်းထောက် Daniel Schearfဘန်ကောက်က ပေးပို့တဲ့သတင်းအပေါ်မူတည်ပြီး မစုမြတ်မွန်က တင်ပြပါမယ်။

တရုတ်မြန်မာနယ်စပ် ကချင်ပြည်နယ်မှာ ကချင်လက်နက်ကိုင် KIA တပ်ဖွဲ့တွေနဲ့အစိုးရတပ်တွေကြားတိုက်ပွဲတွေကို ထိန်းထိန်းသိမ်းသိမ်းလုပ်ကြဖို့တရုတ်အစိုးရ ပြောနေချိန်မှာပဲ တရုတ်အစိုးရဟာ နယ်စပ်ကနောက်ထပ် လက်နက်ကိုင်အဖွဲ့ဖြစ်တဲ့ The United Wa State Army (UWSA) ဝတပ်ဖွဲ့ကို လက်နက်တွေ တိတ်တဆိတ်ရောင်းချနေတယ်လို့ လုံခြုံရေးဆိုင်ရာ လေ့လာသူတွေက ပြောလိုက်ပါတယ်။

ဝပြည်သွေးစည်းညီညွတ်ရေးတပ်မတော်ရဲ့ စစ်တပ်အင်အားကို ဖြည့်တင်းနိုင်ဖို့ခေတ်မှီလက်နက်တွေကို တရုတ်က ပြီးခဲ့တဲ့ နှစ်က ရောင်းချခဲ့တယ်လို့လုံခြုံရေးဆိုင်ရာ လေ့လာရေး Jane အဖွဲ့ရဲ့ ဒီဇင်လာဘာလက ထုတ်ပြန်တဲ့ထောက်လှမ်းရေးဆိုင်ရာ သုံးသပ်ချက်အစီရင်ခံစာထဲမှာ ဖေါ်ပြထားပါတယ်။

ရောင်းချခဲ့တဲ့အထဲမှာ မြေပြင်ကနေ ဝေဟင်ပစ် Missile ဒုံးလက်နက်တွေ ပါဝင်သလို သံချပ်ကာကား ၁၂ စင်း အနည်းဆုံး ပါဝင်တယ်လို့ဆိုပါတယ်၊ Jane ထောက်လှမ်းရေးအစီရင်ခံစာ အဆိုအရတော့ Tank Destroyer တင့်ကားဖျက်လက်နက်တွေလို့သုံးနှုန်းထားပါတယ်၊ ဒီအစီရင်ခံစာကိုရေးသားတဲ့ ထိုင်းအခြေစိုက်လုံခြုံရေးဆိုင်ရာ လေ့လာသုံးသပ်သူ Anthony Davis က တရုတ်အစိုးရဟာဝတပ်ဖွဲ့ကို လက်နက်တွေရောင်းနေပေမဲ့ မြန်မာအစိုးရနဲ့ ဆက်ဆံရေးကိုအတိမ်းအစောင်းမရှိအောင် ကြိုးစားနေတယ်လို့ ဆိုပါတယ်၊

"တရုတ်ဟာ နယ်စပ်တလျှောက်မှာရှိတဲ့ တိုင်းရင်းသားလက်နက်ကိုင်တပ်ဖွဲ့တွေကို လှစ်လျှူရှုထားမထားနိုင်သလို ဗဟိုအစိုးရကိုလဲ လစ်လျှူမရှုထားနိုင်ပါဘူး၊ ဒါဆိုရင် တရုတ်က လက်နက်ကိရိယာတွေကိုတိုက်ရိုက်ပေးနေသလားလို့ ဆိုရင်လဲ အဲလို မဟုတ်ပြန်ပါဘူး၊ လက်နက်တွေဟာအစိုးရအဖွဲ့ထဲက အဆင့်မြင့်တာဝန်ရှိသူတွေဆီက လာတယ်ဆိုတာကတော့ ရှင်းပါတယ်၊အဲဒီလိုပြောလို့ တိုက်ရိုက်ငွေကြေးထောက်ပံ့နေတယ်လို့လဲ မဆိုနိုင်ပါဘူး၊သူတို့အတွက်က ငြင်းသာ ဖယ်သာ အခြေအနေကိုထိန်းထားဖို့ လိုပါတယ်"

Jane အဖွဲ့ရဲ့ ထောက်လှမ်းရေးသုံးသပ်ချက် အစီရင်ခံစာနဲ့ ပါတ်သက်လို့တရုတ်နိုင်ငံခြားရေးဌာနက တစုံတရာ တုံ့ပြန်ဖို့ ငြင်းဆိုခဲ့ပါတယ်၊သမ္မတပြောခွင့်ရသူ ပြန်ကြားရေးဒုတိယဝန်ကြီး ဦးရဲထွဋ်ကလဲ ဒီအစီရင်ခံစာနဲ့ပါတ်သက်လို့ တုံ့ပြန်ဖို့ ငြင်းဆန်ခဲ့ပါတယ်၊

"ဒီကိစ္စနဲ့ ပါတ်သက်လို့ ကျွန်တော်တို့မှာ ဘာသတင်းအချက်အလက်မှ မရပါဘူး၊ကျွန်တော်တို့ရဲ့  ပြည်တွင်းရေးမှာ ဝင်ရောက်စွက်ဖက်မှာ မဟုတ်ဘူးလို့တရုတ်အစိုးရက အမြဲအာမခံချက် ပေးပါတယ်၊ သူတို့ရဲ့ အာမခံချက်ကိုကျွန်တော်တို့ကလဲ လက်ခံပါတယ်။"

မြန်မာအစိုးရကို တော်လှန်တိုက်ခိုက်နေကြတဲ့ တိုင်းရင်းသားလက်နက်ကိုင်အဖွဲ့တွေထဲမှာ ဝ တပ်ဖွဲ့ဟာ အင်အားအများဆုံးဖြစ်ပြီးစစ်သားအင်အား ၃ သောင်းလောက် ရှိမယ်လို့ ခန့်မှန်းရပါတယ်၊ တရုတ်အစိုးရကဝင်ရောက်မစွက်ဖက်ရေးမူကို မူအားဖြင့် ကျင့်သုံးနေတယ်ဆိုပေမဲ့ ဝတပ်ဖွဲ့ကိုလက်နက်တွေ အကြီးအကျယ် ထောက်ပံ့နေခဲ့တာ ကြာပြီလို့ စစ်ရေးသုံးသပ်သူတွေကဆိုပါတယ်။

UWSA ဝအဖွဲ့ဟာ 1989 ခုနှစ်က ဗမာပြည်ကွန်မြူနစ်ပါတီကနေ ခွဲထွက်ခဲ့တဲ့လူနည်းစု တိုင်းရင်းသားလက်နက်ကိုင်အဖွဲ့တွေထဲက တခုဖြစ်ပါတယ်၊တရုတ်အစိုးရက ကွန်မြူနစ်တွေကို တိုက်ရိုက်ထောက်ခံလာခဲ့သလိုခွဲထွက်ဖွဲ့စည်းတဲ့ သူပုန်အဖွဲ့တွေနဲ့လဲ ဆက်ဆံရေး မပျက်ခဲ့ပါဘူး၊အဲဒီအထဲမှာ တရုတ်အစိုးရဟာ တရုတ်ဘာသာစကားပြောတဲ့ ဝ အဖွဲ့နဲ့ပိုပြီးရင်းနှီးတယ်လို့ Yale တက္ကသိုလ်မှာ ပါရဂူဘွဲ့ဆည်းပူးနေတဲ့ JoshGordon ကမြင်ပါတယ်၊ ဝ တွေဟာ တရုတ်တွေရဲ့ ကိုယ်ပွားဖြစ်တယ်လို့ သူကဆိုပါတယ်။

"သူတို့ဟာ တရုတ်ယွမ်ငွေကို သုံးတယ်၊ တရုတ်လက်ကိုင်ဖုန်းတွေကို သုံးတယ်၊မြို့ထဲက နေရာတော်တော်များများမှာ တရုတ်ဆီက လျှပ်စစ် စွမ်းအင်ကိုသုံးတယ်၊ တရုတ်ရဲ့ အင်တာနက်ကို သုံးစွဲ ဆက်သွယ်နေကြပါတယ်။"

အရင် စစ်အစိုးရလက်ထက်တုန်းက UWSA ဝအဖွဲ့နဲ့ 1990 ပြည့်လွန်နှစ်တွေမှာအပစ်အခတ်ရပ်ဆဲရေး သဘောတူခဲ့ပြီး ရှမ်းပြည်အရှေ့မြောက်ပိုင်းမှာအထူးဒေသတွေပေးပြီး ကိုယ်ပိုင် အုပ်ချုပ်ခွင့်ပေးထားခဲ့ပါတယ်။ ဝဒေသဟာအာရှမှာ Methamphetamine စိတ်ကြွဆေးတွေ အများဆုံးထွက်ရှိရာ ဒေသဖြစ်လာသလိုဝအဖွဲ့ဟာ ဒေသတွင်းမှာ အကြီးကျယ်ဆုံး မူးယစ်ဆေးရောင်းချတဲ့ အဖွဲ့အဖြစ်လက်ခံကြထားကြပါတယ်၊ ဝခေါင်းဆောင် ဝေလျှောက်ခန်ရဲ့ ဓါတ်ပုံတွေကိုအလိုအရှိဆုံး မူးယစ်ရာဇာအဖြစ် အမေရိကန် မူးယစ်ဆေးတိုက်ဖျက်ရေးအဖွဲ့ DEA က၂၀၁၁ ခုနှစ်က ထိုင်းပျော်ပွဲစားရုံတွေမှာ ချိတ်ဆွဲ ကြေညာခဲ့ပါတယ်။

တရုတ်အစိုးရက ဝတပ်ဖွဲ့ကို လက်နက်တွေရောင်းနေပေမဲ့ တရုတ်မြန်မာနယ်စပ်ဒေသကို တည်ငြိမ်မှု ပျက်ပြားအောင် လုပ်တာ မဟုတ်ပါဘူးလို့Davis ကပြောပါတယ်၊ သူ့ရဲ့ သုံးသပ်ချက်ကတော့ မြန်မာအစိုးရအနေနဲ့ကချင်ပြည်နယ်မှာ တိုက်ခိုက်သလိုမျိုး ဝ ဒေသကို တိုက်ခိုက်ဖို့စိတ်တောင်မကူးနဲ့ဆိုတာမျိုး အချက်ပေးချင်တာသာ ဖြစ်တယ်လို့ ဆိုပါတယ်၊

"မြန်မာနိုင်ငံ မြောက်ပိုင်းမှာ တရုတ်တွေက လှုံ့ဆော်သွေးထိုးပေးနေတာ မဟုတ်ပါဘူး၊ ဝကို ပြန်လည်အားဖြည့်ပေးခြင်းအားဖြင့်သူတို့အနေနဲ့ စစ်ရေးအတားအဆီးကို အားပေးနေတာပါ၊ တရုတ်နိုင်ငံအကျိုးအတွက်လွန်ခဲ့တဲ့ အနှစ် ၂၀ ထဲကရှိခဲ့တဲ့ တည်ငြိမ် အေးချမ်းမှုကို သူတို့ကပြန်လည်အားဖြည့်ပေးနေတာဖြစ်ပါတယ်။"

ကချင်ပြည်နယ်မှာ ဖြစ်ပွားနေတဲ့ တိုက်ပွဲတွေနဲ့ နယ်စပ်လုံခြုံရေး ကိစ္စတွေကို ဆွေးနွေးဖို့ တရုတ်က အဆင့်မြင့်စစ်အရာရှိကြီးတယောက်ကို ဒီလထဲမှာပဲ တရုတ်က စေလွှတ်ခဲ့ပါတယ်၊မြန်မာနိုင်ငံမှာ စစ်အစိုးရလက်ထက် အနောက်နိုင်ငံတွေရဲ့ပိတ်ဆို့ဒဏ်ခတ်မှုတွေ ခံထားရချိန်ကာလကဆိုရင် တရုတ်ဟာ မြန်မာနိုင်ငံအပေါ်မှာအတော်ကို သြဇာညောင်းခဲ့ပါတယ်။  ဒါပေမဲ့ သမ္မတဦးသိန်းစိန်လက်ထက်ပြုပြင်ပြောင်းလဲမှုတွေလုပ်လာတဲ့နောက်ပိုင်း ပိတ်ဆို့ဒဏ်ခတ်မှုတွေကိုလဲအနောက်နိုင်ငံတွေက ဆိုင်းငံ့လိုက်ပြီးတဲ့နောက် မြန်မာအပေါ် တရုတ်ရဲ့ သြဇာလွှမ်းမိုးမှုဟာ လျှော့ပါးလာခဲ့ပါတယ်၊ ဒါကြောင့် တရုတ်က ဝ တပ်ဖွဲ့ကိုလက်နက်တွေရောက်ပြီး တုံ့ပြန်လိုက်တာလို့ လုံခြုံရေးဆိုင်ရာလေ့လာသုံးသပ်သူ Anthony Davis က သုံးသပ်ပါတယ်