16.01.2013 နေ့ဖတ်ရန်သတင်းများ

by Myanmar Journal on Tuesday, January 15, 2013 at 4:46pm ·

အဂတိလိုက်စားမှုနဲ့ ပါကစ္စတန်ဝန်ကြီးချုပ်ကို ဖမ်းမိန့်ထုတ်

ပါကစ္စတန်နိုင်ငံ၊ အစ္စလမ်မာဘတ် မြို့ မှာ ဒီကနေ့မနက်က အစိုးရဖြုတ်ချရေး တောင်းဆို ဆန္ဒပြကြ တဲ့အချိန်မှာပဲ နိုင်ငံတော်တရားရုံးက အဂတိလိုက်စားမှု တခုနဲ့ ၀န်ကြီးချုပ် Raja Pervez Ashraf ကို ဖမ်းဆီးမိန့် ထုတ်လိုက်ပါတယ်။


ရေနဲ့စွမ်းအင်ဝန်ကြီးအဖြစ် တာဝန်ယူစဉ်ကာလက အဂတိလိုက်စားမှုတွေ ကျူးလွန်မှုတွေ ရှိတယ် ဆိုတဲ့စွဲချက်နဲ့ အခု ၀န်ကြီးချုပ် Ashraf ကို ဖမ်းဆီးခဲ့ တာဖြစ်ပါတယ်။ Asraf အပြင် နောက် ၁၅ ဦး ကိုလည်း ဖမ်းဆီးခဲ့ရာမှာ ပုဂ္ဂလိက ဓာတ်အားထုတ် စက်ရုံတွေနဲ့ ဆက်နွယ်မှုရှိခဲ့တယ်လို့ အစိုးရ အရာရှိတွေကို ကိုးကားပြီး ပါကစ္စတန်ရုပ်သံလွှင့် သတင်းမီဒီယာမှာ ပါရှိပါတယ်။

Asraf ဟာ ဓာတ်အားထုတ်စက်ရုံတွေ တည်ဆောက်ရာမှာ လာဘ်စားမှုတွေရှိတယ်လို့  စွပ်စွဲခံရ ပါတယ်။ Asraf ကတော့ ဒီစွပ်စွဲချက်အပေါ် ငြင်းဆိုပါတယ်။ အခုလို ၀န်ကြီးချုပ်ကို ဖမ်းဆီးမိန့် ထုတ်ပြန်လိုက်တဲ့အတွက် အစိုးရနဲ့တရားရုံးအကြား တင်းမာမှုတွေ ပိုအရှိန်မြင့်တက်လာလိမ့်မယ်လို့ အကဲခတ်တွေက သုံးသပ်ပါတယ်။

ထင်ရှားတဲ့ ဘာသာရေးခေါင်းဆောင် ထာဟာ အူလ် ခါဒရီ (Tahir-ul Qadri) က အစိုးရဆန့်ကျင်ရေး၊ အဂတိလိုက်စားမှု ဆန့်ကျင်ရေး ဆန္ဒပြတာတွေကို ပါလီမန် လွှတ်တော်တ၀ိုက်မှာ ဆက်လုပ်ကြဖို့ သူ့အပေါ် ထောက်ခံသူတွေကို တိုက်တွန်းပါတယ်။

ဆန္ဒပြသူတွေဟာ ခါဒရီ ပုံပါတဲ့အလံတွေကို ကိုင်ဆောင်ပြီး ချီတက်နေချိန်မှာ စစ်သုံး ရဟတ် ယာဉ်တွေက ပျံသန်းစောင့်ကြည့်နေပါတယ်။ မနက်စောစောပိုင်းကတော့ ဆန္ဒပြသူတွေကို လုံခြုံရေးတပ်ဖွဲ့တွေက မျက်ရည်ယိုဗုံး သုံးပြီးလူစုခွဲတာ၊ ခြောက်လှန့်ပစ်ခတ်တာတွေလုပ်ခဲ့ပါတယ်။

မာလီသူပုန်တွေကို ပြင်သစ် လေကြောင်းကဆက်တိုက်
 ▬ပြင်သစ် စစ်ကူတွေ တဖြည်းဖြည်း ရောက်လာ နေပြီး၊ မကြာခင် ရက်ပိုင်းမှာ အနောက် အာဖရိက တပ်ဖွဲ့တွေ ရောက်ရှိမယ်

အနောက် အာဖရိက နိုင်ငံ တနိုင်ငံ ဖြစ်တဲ့ မာလီ နိုင်ငံမှာ ပြင်သစ် တပ်ဖွဲ့ဝင် စစ်ကူတွေ တဖြည်းဖြည်း ရောက်လာ နေချိန်မှာပဲ ပြင်သစ် လေယာဉ်တွေ ပြီးခဲ့တဲ့ တညလုံး စစ်ဆင် လှုပ်ရှားမှုတွေ လုပ်ခဲ့ကြပါတယ်။

သီတင်းပတ်တွေ အတွင်းမှာပဲ ဒေသခံ အနောက် အာဖရိက တပ်ဖွဲ့ဝင်တွေ လက်ထဲ စစ်ဆင် တိုက်ခိုက် မှုတွေ ပြန်လွှဲ ပေးနိုင်ဖို့ မျှော်လင့် ထားတယ်လို့ ပြင်သစ် ပြောခွင့်ရ ပုဂ္ဂိုလ်က ပြောသွားပါတယ်။ပြင်သစ် အစိုးရရဲ့ ပထမ ဦးစားပေး အမိန့် ညွှန်ကြားချက်က တောင်ဘက် ပိုင်းက သူပုန်တွေနဲ့ အစ္စလာမစ် တပ်ဖွဲ့တွေရဲ့ ထိုးစစ်ဆင် တိုက်ခိုက် နေမှုတွေကို တားဆီးဖို့ ဖြစ်ပါတယ်။

လောလောဆယ် အခြေ အနေ အရ ဒီလုပ်ငန်း တာဝန်ကို မာလီ နိုင်ငံရဲ့ အရှေ့ ဘက်ပိုင်းမှာ အကောင် အထည်ဖေါ် ဆောင်ရွက် နိုင်ခဲ့တဲ့ ပုံမျိုး တွေ့ရ ပေမယ့် နိုင်ငံ အနောက် ဘက်ပိုင်း မှာတော့ အစ္စလာမစ် သူပုန်တွေက ဂျာဘာလီ မြို့ငယ်လေးကို သိမ်းပိုက်ထား လိုက်ပါတယ်။

ဒါကြောင့်မို့ ပြင်သစ် လေတပ်က အဲဒီ နေရာကို အဓိက ထားပြီး တနင်္လာ ညက တညလုံး စစ်ဆင် တိုက်ခိုက် မှုတွေ လုပ်နေ ခဲ့တာ ဖြစ်ပါတယ်။

အစ္စလာမစ် သူပုန်တွေဟာ နိုင်ငံအနောက် ပိုင်းက ဂျာဘာလီ မြို့ငယ်လေး ကို သိမ်းပိုက် ထား လိုက်ပါတယ်

အာဖရိက ဒေသမှာရှိတဲ့ ပြင်သစ် စစ်စခန်း တွေနဲ့ ပြင်သစ် နိုင်ငံက တပ်ဖွဲ့ဝင်တွေ မာလီ နိုင်ငံဆီ စစ်လက်နက် ပစ္စည်း ကိရိယာတွေနဲ့ ရောက်ရှိ လာကြပြီ ဖြစ်ပေမယ့် တပ်ဖွဲ့ဝင်တွေ အားလုံး တစုတဝေးတည်း စုရုံး တပ်ချတာမျိုး မလုပ်ရ သေးပါဘူး။

အနောက် အာဖရိက ဒေသ နိုင်ငံ တွေက တပ်ဖွဲ့ဝင် ၃ထောင် လောက် ဟာလည်း လာမယ့် သီတင်းပတ် အတွင်းမှာ စစ်မြေပြင်ကို ရောက်လာဖို့ ရှိနေပါတယ်။ဒါပေမယ့် ပြင်သစ် အစိုးရရဲ့ ကျယ်ပြန့်တဲ့ ရည်မှန်းချက်က ဘယ်လို ရှိသလဲ ဆိုတာ ကိုတော့ အတပ် မပြောနိုင် သေးပါဘူး။

ပြင်သစ် တပ်ဖွဲ့ဝင် တွေကို မာလီ နိုင်ငံဆီ စေလွှတ် ခဲ့တာဟာ သူပုန်တွေနဲ့ အစ္စလာမစ် တပ်ဖွဲ့တွေကို တားဆီးဖို့ သက်သက် ပဲလား၊ ဒါမှမဟုတ် ဘာမာကို မြို့မှာ ရှိတဲ့ မာလီ အစိုးရ အနေနဲ့ နိုင်ငံ မြောက်ပိုင်း အထိ ထိန်းချုပ်မှု တိုးချဲ့ နိုင်ဖို့လား ဆိုတာ တွေးစရာ ရှိနေပါတယ်။

ဒါပေမယ့် ဒီလို အခြေ အနေတွေ ဖြစ်လာအောင် တွန်းပို့ စေခဲ့တဲ့ တကယ့် နိုင်ငံရေး ပြဿနာတွေကို ဘေးဖယ် ထားပြီး ဒီလို လုပ်ဖို့ ဆိုတာ ကတော့ စစ်ရေး အရ ပြောရမယ် ဆိုရင် အတော်လေး ကြီးမားတဲ့ တာဝန် တရပ်လို့ ဆိုရမှာပါ။

ပြင်သစ် အစိုးရ အနေနဲ့ စစ်ဆင် လှုပ်ရှားမှုတွေကို ဒေသခံ အာဖရိက တပ်ဖွဲ့ဝင်တွေ လက်ထဲ မြန်နိုင် သမျှ အမြန်ဆုံး လွှဲအပ်ပေး လိုတယ်လို့ ပြောနေ ပေမယ့် တကယ် တမ်းမှာ အနောက် အာဖရိက နိုင်ငံ တပ်ဖွဲ့ဝင်တွေအ နေနဲ့ ဘယ်လောက် ထိထိ ရောက်ရောက် စွမ်းဆောင် နိုင်စွမ်း ရှိသလဲ ဆိုတာ မေးခွန်း ထုတ်စရာ ရှိပါတယ်။

ဘာမာကိုမြို့ မာလီ အစိုးရ အနေနဲ့ နိုင်ငံ မြောက်ပိုင်း အထိ ထိန်းချုပ် နိုင်ပါ့မလား

ဒါ့အပြင် မာလီ အစိုးရ စစ်တပ်ဟာ အတော်လေး အထိနာ နေတဲ့ အတွက် တပ်ကို ပြန်ဖွဲ့စည်းပြီး လက်နက် တပ်ဆင်ဖို့ လိုအပ်နေ ပါတယ်။
ဒါတွေ လုပ်ပေးဖို့ ဥရောပ သမဂ္ဂ နိုင်ငံတွေက လိုလို လားလား ရှိနေပါတယ်။ ဒါပေမယ့် ဒီကိစ္စ ဟာလည်း အချိန်ယူ ဆောင်ရွက် ရမယ့် ကိစ္စ ဖြစ်ပါတယ်။တခါ အာဖရိက တပ်ဖွဲ့ဝင်တွေ အနေနဲ့ အနာဂတ်မှာ ပြင်သစ် တပ်ဖွဲ့ရဲ့ လေကြောင်း အင်အားနဲ့ စစ်ရေးန ည်းဗျူဟာ အထောက် အကူတွေကို လိုကောင်းလိုမှာ ဖြစ်ပါတယ်။
လောလောဆယ် မှာတော့ ပြင်သစ် တပ်ဖွဲ့ဝင် အတော် များများ အနေနဲ့ မာလီ နိုင်ငံမှာ ခြေကုပ် တပ်စွဲထားရမှာ သေချာနေပါတယ်။

ကချင်ပြည်နယ်မှာ တိုက်ပွဲနဲ့ ဗုံးခွဲမှုတွေ ဆက်ဖြစ်ပွား
၁၇ နှစ်ကြာ အပစ်အခတ် ရပ်စဲထားမှု ပျက်ပြား သွားခဲ့ပြီး နောက်ပိုင်း တိုက်ပွဲတွေ ပြင်းထန်လာခဲ့
ကချင် လွတ်မြောက်ရေး အဖွဲ့ ကေအိုင်အို ဌာနချုပ် ရှိရာ လိုင်ဇာ ဘက်ကို အစိုးရ စစ်တပ် ကနေ လက်နက်ကြီး တွေနဲ့ အချက်ပေါင်း များစွာ ပစ်ခတ်ခဲ့ သလို၊ မြစ်ကြီးနား-မန္တလေး ရထားလမ်း မှာလည်း မိုင်းခွဲ တိုက်ခိုက် မှု ဖြစ်ပွားခဲ့ ပါတယ်။
ဘွန်ရဲယ်တောင် ကြောတဝိုက်ကို အစိုးရစစ်တပ် ကနေ အင်္ဂါနေ့ မနက်ပိုင်းနဲ့ နေ့လယ်ပိုင်း တွေမှာ လေယာဉ်နဲ့ လာရောက် တိုက်ခိုက် ခဲ့တယ်လို့ ဒေသခံ တဦး ဘီဘီစီ ကို ပြောပါတယ်။
နေ့လယ်ပိုင်း လေယာဉ်နဲ့ တိုက်ခိုက် နေချိန်မှာ ဒေါ့ဖုန်းယန် ဘက်က နေလည်း လက်ကြီးတွေနဲ့ လှမ်းပစ်ခဲ့လို့ တရုတ် နိုင်ငံဘက်ခြမ်း ကို လက်နက်ကြီးကျည် တလုံး ကျရောက်ခဲ့ တယ်လို့ ဆိုပါတယ်။
တနင်္လာနေ့ ည ၈ နာရီကျော် လောက်ကလည်း စစ်ကိုင်းတိုင်း အင်းတော်နဲ့ နဘား ဘူတာကြား ဆော်လမွန် ချောင်းပေါ်က တံတား ညီနောင်လို့ ခေါ်တဲ့ နေရာမှာ မိုင်းကွဲလို့ ရထား အသွား အလာတွေ တနေကုန် ရပ်သွားခဲ့ရပါတယ်။
အခု ရက်ပိုင်း အတွင်း အင်းတော်တဝိုက်မှာ မိုင်းကွဲတာ ၂ ခါ ရှိသွားပြီ ဖြစ်လို့ ဒေသခံတွေ အနေနဲ့ ထိတ်လန့် နေကြ တယ်လို့ အင်းတော် ဒေသခံ ဦးစောလှိုင်က ပြောပါတယ်။
ကချင်ပြည်နယ် ဖားကန့် ဒေသ မှာလည်း မိုင်းကွဲမှုနဲ့ တိုက်ပွဲ သံတွေကြောင့် စာသင် ကျောင်းတွေ ပိတ်ထားရ သလို လမ်းတချို့ကိုလည်း ပိတ်ထားရ တာကြောင့် ကုန်ဈေးနှုန်း တွေလည်း တက်လာ နေတယ်လို့ သိရ ပါတယ်။

ပါကစ္စတန် ဝန်ကြီးချုပ်ကို ဖမ်းဆီးမိန့်ထုတ်
ဝန်ကြီးချုပ်ကို ဖမ်းဆီးဖို့ အမိန့် ထွက်လာချိန် မှာတော့၊ အဂတိ လိုက်စားမှု တိုက်ဖျက်ရေး ဆန္ဒပြသူတွေ အောင်ပွဲခံ
ပါကစ္စတန် ဝန်ကြီးချုပ် ရာဂျာ ပါဗက်ဇ် အက်ရ်ှရက်ဖ် ကို အဂတိ လိုက်စားမှု စွဲချက် တွေနဲ့ ဖမ်းဆီးဖို့ ပါကစ္စတန် တရားရုံးချုပ် ကနေ အမိန့် ထုတ်ပြန် လိုက် ပါတယ်။
မစ္စတာ အက်ရ်ှရက်ဖ် အနေနဲ့ ရေနဲ့စွမ်းအင် ဝန်ကြီး အဖြစ် တာဝန်ယူ ခဲ့စဉ် အချိန်က သူဟာ တခြား အရာရှိ ၁၅ ဦးနဲ့ အတူ ပုဂ္ဂလိက စွမ်းအင် ကုမ္ပဏီတွေ ကနေ လာဘ်စား ခဲ့တယ် ဆိုပြီး စွပ်စွဲ ခံနေရတာ ဖြစ်ပါတယ်။
ပါကစ္စတန် မြို့တော် အစ္စလာမ်မာဘတ် မှာ လူပေါင်း ထောင်သောင်း ချီပြီး၊ အဂတိ လိုက်စားမှု တိုက်ဖျက်ရေး ဆန္ဒပြမှုတွေ အကြီး အကျယ် ဆက်လက် ဖြစ်ပွား နေချိန် မှာပဲ အခုလို ဖမ်းဆီးမိန့် ထုတ်ပြန် လိုက်တာပါ။
ဆန္ဒပြသူတွေက လက်ရှိ အစိုးရ နှုတ်ထွက်ပေးရေး အထိ တောင်းဆိုနေကြတာ ဖြစ်ပါတယ်။
ဝန်ကြီးချုပ်ကို ဖမ်းဆီးဖို့ အမိန့် ထွက်လာချိန် မှာတော့၊ ဆူနီ ဘာသာရေး ဆရာ တဟီရာ အူးလ် ကာဒါရီ ဦးဆောင်တဲ့ ဆန္ဒပြသူ လူအုပ်ကြီးဟာ ပျော်ရွှင်စွာ ဝိုင်းအော်ခဲ့ ကြပါတယ်။

 ခရိုနီ ပေးတဲ့ ရန်ပုံငွေ ကိစ္စ NLD တုံ့ပြန်
ဒီဇင်ဘာ လကုန်က NLD ပညာရေး ရန်ပုံ ငွေ ဈေးရောင်း ပွဲ ပြုလုပ်ခဲ့
ဗြိတိန် နိုင်ငံမှာ အင်္ဂါနေ့က ထုတ်ဝေတဲ့ The Times သတင်းစာကြီးမှာ အန်အယ်လ်ဒီ ပါတီအနေနဲ့ ပြည်သူ့ အကျိုးပြု လုပ်ငန်းတွေ ဆောင်ရွက် နိုင်ဖို့ ရန်ပုံငွေတွေ ရှာဖွေရာမှာ စစ်အစိုးရနဲ့ ပေါင်းပြီး မတရား ချမ်းသာ လာကြသူတွေ ဆီက ရန်ပုံငွေ ရယူမှု တွေ အပေါ် ဝေဖန် ရေးသားထား ပါတယ်။
လူမှု ကွန်ယက်တွေမှာလည်း ဝေဖန် ပြောဆို နေတာတွေ အတော် များများ ရှိနေပါတယ်။
အန်အယ်လ်ဒီ ဘက်ကတော့ အခမဲ့ ပညာ ဒါနတွေ ပေးနိုင်ဖို့ ပညာရေး ကွန်ယက်က ရန်ပုံငွေ ရှာရာမှာ မြန်မာ နိုင်ငံ စီးပွားရေး လုပ်ငန်းရှင်တွေက ပံ့ပိုး ပေးခဲ့တယ်လို့ အန်အယ်လ်ဒီ ပြောခွင့်ရပုဂ္ဂိုလ် ပြည်သူ့ လွှတ်တော် အမတ် ဦးအုန်းကြိုင်က ပြောပါတယ်။
အန်အယ်လ်ဒီ ဥက္ကဌ ဒေါ်အောင်ဆန်း စုကြည်က ခရိုနီ ဆိုသူတွေဟာ အရင် နဝတ၊ နအဖ အစိုးရ ခေတ်က ချမ်းသာလာကြတာ ဖြစ်ပြီး သူတို့ ချမ်းသာ လာမှုမှာ မတရားမှု ပါမပါ စိစစ် ဖို့ လိုတယ်၊ ပြစ်မှု မထင်ရှား သရွေ့ အပြစ် မရှိဘူး၊ ပြစ်မှု ရှိခဲ့ သူကိုလည်း ပြုပြင် နိုင်ခွင့် ပေးရမယ်လို့ ပြောကြောင်း သူက ဆိုပါတယ်။
ခရိုနီတွေက သူတို့ ငွေတွေကို တခြား နေရာ တွေမှာ အလဟဿ သုံးမယ့် အစား NLD နဲ့ ပံ့ပိုးသင့်တဲ့ နေရာ အတွက် သုံးတာ ကောင်းတယ်လို့ ဒေါ်အောင်ဆန်း စုကြည်က ပြောတာ ကိုလည်း ဦးအုန်းကြိုင်က ပြန်ပြော ပါတယ်။
အခု ရန်ပုံငွေ ကိစ္စမှာ ပြည်သူတွေ ဘက်က ပြောဆို ဝေဖန်မှုတွေ ရှိလာနိုင် တာကို အန်အယ်လ်ဒီ အနေနဲ့ ကြိုတင် တွက်ဆ ထားပြီး ဖြစ်ကြောင်းနဲ့ စေတနာ ကောင်းနဲ့ လုပ်တဲ့ လုပ်ရပ် အတွက် ရလာဒ်ကောင်း ထွက်နိုင်ဖို့ မျှော်လင့် ကြောင်းလည်း ဦးအုန်းကြိုင်က ပြောပါတယ်။

စစ်တပ် လက်နက်ကြီးကြောင့် လိုင်ဇာမှာ အရပ်သားတွေသေဆုံး

လိုင်ဇာမြို့အနီး ကေအိုင်အေ ထိန်းချုပ်နယ်မြေအတွင်း ကချင်စစ်ပြေးဒုက္ခသည်များကို တွေ့ရစဉ်။ (ဇန်နဝါရီလ ၄၊ ၂၀၁၃)
ဒီကနေ့ မနက်အစောပိုင်းက ကချင်လွတ်လပ်ရေး တပ်မတော် KIA ဌာနချုပ် လိုင်ဇာမြို့က လူနေရပ်ကွက်အတွင်းမှာ အစိုးရစစ်တပ်က ပစ်ခတ်တဲ့ အမြောက်ကျည်၂လုံး ကျရောက်ပေါက်ကွဲခဲ့တာကြောင့် အရပ်သား ၃ယောက် ပွဲချင်းပြီး သေဆုံးပြီး ၅ယောက် ထိခိုက်ဒဏ်ရာရခဲ့ပါတယ်။ ဒါဟာ တနှစ်ခွဲကျော် ကြာမြင့်လာတဲ့နှစ်ဖက် တိုက်ခိုက်မှုကြောင့် လိုင်ဇာမြို့မှာ ပထမဆုံးအကြိမ် အရပ်သားတွေ သေဆုံးတာလည်း ဖြစ်ပါတယ်။ ဒီရက်ပိုင်းအတွင်းမှာတော့ ကချင်ပြည်နယ်မှာ တိုက်ပွဲတွေဟာ ပိုမိုပြင်းထန်လာနေသလို မြစ်ကြီးနား- မန္တလေး ရထားတွေကို ရက်ခြားဆိုသလို ဗုံးခွဲခံရတာတွေလည်း ရှိနေပါတယ်။ ကချင်ပြည်နယ်က နောက်ဆုံး အခြေအနေတွေကိုတော့ ဗီအိုအေ မြန်မာပိုင်းအစီအစဉ် သတင်းထောက် ကိုမိုးဇော်က ရန်ကုန်ရုံးကနေ သတင်းပေးပို့ထားပါတယ်။

မကြာခင်ရက်တွေက ပြည်သူ့လွှတ်တော်က ကချင်ပြည်နယ်မှာ စစ်ရေးတင်းမာမှုတွေ အရှိန်လျှော့ချဖို့ တိုက်တွန်းခဲ့ပေမဲ့ အစိုးရစစ်တပ်နဲ့ (KIA) အကြားဖြစ်ပွားတဲ့ တိုက်ပွဲတွေကတော့ ပိုမို ပြင်းထန်လာနေ ဆဲဖြစ်ပါတယ်။ ဒီကနေ့ မနက်ကတော့ အစိုးရစစ်တပ်က လိုင်ဇာမြို့ကို အမြောက်နဲ့ ပစ်ခတ်တိုက်ခိုက်ခဲ့တာကြောင့် အရပ်သားအချို့ သေဆုံးခဲ့တယ်လို့ ကချင်လွတ်လပ်ရေးအဖွဲ့ KIO ရဲ့ ပြောရေးဆိုခွင့်ရှိသူ ဦးလနန်က ပြောပါတယ်။

“ ဒီနေ့ မနက် ၈နာရီပတ်ဝန်းကျင်မှာ ဒီလိုင်ဇာမြို့ရဲ့ လူနေစိတ်တဲ့ ရပ်ကွက်ဖက်မှာ သွားကျတယ်။ အဲဒီမှာ ၂လုံး ကျတယ်။ ရှေ့ဆင့်နောက်ဆင့်ပေါ့ဗျာ။ ပထမအလုံးကျတဲ့အချိန်မှာ ၃ယောက်သေတယ်။ ၅ယောက်လောက် ဒဏ်ရာရတယ်။ ဒုတိယအလုံးကတော့ သိပ်ပြီးတော့ ထိခိုက်ဒဏ်ရာရမှုမရှိဘူးဗျ။ ”

အစိုးရစစ်တပ်ဖက်က လိုင်ဇာမြို့ကို အခုလို လက်နက်ကြီးတွေနဲ့ပစ်ခတ်တိုက်ခိုက်တာကတော့ ပြီးခဲ့နှစ် နိုဝင်လာလကုန်ပိုင်းလောက်ကတည်းက စတင်ခဲ့တာဖြစ်ပါတယ်။ လွန်ခဲ့တဲ့ရက်တွေကတော့ KIA တပ်စခန်း တည်ရှိရာနေရာတွေမှာ လက်နက်ကြီးကျည်တွေ ကျရောက်ခဲ့တာ ဖြစ်ပါတယ်။အခုလို လူနေရပ်ကွက်အတွင်းမှာ လက်နက်ကြီးကျည်တွေကျရောက်လို့ အရပ်သားတွေ ထိခိုက်သေဆုံးတာ ကြောင့် လိုင်ဇာရောက် စစ်ပြေးဒုက္ခသည်တွေဟာ တရုတ်ပြည်ဖက်ကို တိမ်းရှောင်ဖို့ ပြင်ဆင်နေတယ်လို့ ဒုက္ခသည်တဦးက ပြောပါတယ်။

“ဟိုဖက်ကမ်းကို တရုတ်ဘက်ကမ်း။ သူတို့ ပြောင်းမယ်ဆိုတာက ကိုယ့်အစီအစဉ်နဲ့ကိုယ် ပြောင်းတာလေ။ ညှိပြီးသားတွေ ဘာတွေ မဟုတ်ဘူး။ ဟိုဖက်ကမ်းကူးတဲ့စာအုပ်အနီနဲ့ပဲ။ တချို့လည်း ယာယီ အခန်းငှားပြီးမှာ ကိုယ့်အိတ်ထဲကနေ ကိုယ်ထုတ်ပြီးတော့ နေကြတယ်။ တချို့လည်း အိမ်ပြန်တဲ့လူပြန်တယ်။ လူတွေအားလုံးလည်း ထိတ်ထိတ်လန့်လန့်နဲ့တော့ နေနေတာပဲ။ ”

လိုင်ဇာမြို့ နဲ့ အနီးပတ်ဝန်းကျင်ဒေသအတွင်းမှာတော့ အနည်းဆုံး စစ်ပြေးဒုက္ခသည် ၆သောင်းလောက် ခိုလှုံနေထိုင်နေတာဖြစ်ပါတယ်။ ပြီးခဲ့တဲ့ဒီဇင်ဘာလကစတင်ပြီး တိုက်ပွဲတွေ ပိုပြင်းထန်လာတာကြောင့် ဒုကသည်အရေအတွက်ဟာလည်း ပိုမိုတိုးများလာနေပါတယ်။ကချင်ပြည်နယ် မန်စီဒေသဖက်မှာလည်း တိုက်ပွဲတွေ ပြင်းထန်နေတယ်လို့ KIOရဲ့ ပြောရေးဆိုခွင့်ရှိသူ ဦးလနန်က အခုလို ဆက်ပြောပါတယ်။

“ တပ်မဟာ၃ ဂျန်မိုင်စခန်းမှာပေါ့နော်။ ဒီနေ့ဆို ၄ရက်ရှိနေပြီ။ မနေ့ကလည်း ခြေလျင်တပ်နဲ့ အလုံးအရင်းနဲ့ သူတို့ ၆ကြိမ်လောက် လာပြီး တက်လိုက်ဆင်းလိုက်နဲ့ အဲဒါ မနေ့က ၆ကြိမ်လောက်ဖြစ်တယ်။ အဲဒီမှာ သူတို့ ထိခိုက်မှုများလာတဲ့အခါမှာ လေကြောင်းကနေပြီးတော့ မနေ့က နေ့လည် ၁၂နာရီ ပတ်ဝန်းကျင်မှာ ဂျက်၂စင်းလာပစ်တယ်။ တောမီးလောင်အောင် မီးလောင်ဗုံးတွေ ချတယ်။ ဂျန်မိုင်ပို့စ်ဆိုရင် မိုင်အားဖြင့် ၂၀- ၃၀လောက်ရှိတယ်။ ပေါက်ကွဲသံတွေ ဒီကတောင်ကြားရတယ်။ ညနေ၄နာရီမှာလည်း စစ်ရဟတ်ယာဉ်၂စင်း လာပြီး ဒုံးကျည်နဲ့ ပစ်ခတ်တာမျိုးတွေ ရှိတယ်။”

အစိုးရစစ်တပ်ဖက်က KIA တပ်မဟာ ၃၊ မန်စီဒေသအတွင်း စစ်လေယာဉ်တွေအသုံးပြုပြီး တိုက်ခိုက်တာ ကိုတော့ သီးခြားအတည်ပြုချက် မရသေးပါဘူး။

ဒီနေ့ထုတ် အစိုးရပိုင်သတင်းစာတွေမှာတော့ ဒီလ ၁၃ရက်နေ့မနက်က အမှတ်၃၄ မြစ်ကြီးနား မန္တလေး အစုန်ရထားကို နန်းစီးအောင်နဲ့မော်လူးဘူတာအကြားမှာ KIAထောင်ထားတဲ့ မိုင်းပေါက်ကွဲခဲ့တာကြောင့် ရထားခေါင်းတွဲ တိမ်းမှောက်ခဲ့သလို လူစီးတွဲတချို့ တိမ်းစောင်းခဲ့ကြောင်း ဖော်ပြပါတယ်။ ပြီးခဲ့တဲ့ ၉ရက်နေ့ကလည်း မြစ်ကြီးနား နဘား အဆန်လော်ကယ်ရထား မိုင်းဗုံးထိပြီး ကုန်တွဲ ၅တွဲ လမ်းချော်ပြီး တွဲစောင့်တဦးသေဆုံးခဲ့ပါတယ်။

KIO ဖက်ကတော့ ဒီနှစ်နှစ်ဆန်းက စတင်ပြီး မီးရထားတွေကိုတိုက်ခိုက်တာမျိုးနဲ့ လမ်းတံတားတွေ ဖောက်ခွဲတာမျိုးမလုပ်ဖို့ ညွှန်ကြားထားတယ်လို့ ပြောပါတယ်။ ၂၀၁၃ခုနှစ် နှစ်သစ်ကူးပြီး ၂ပတ်တာကာလအတွင်းမှာတော့ ကချင်ပြည်နယ်အတွင်းမှာ အနည်းဆုံး တိုက်ပွဲပေါင်း ၁၀၀ကျော်ဖြစ် ခဲ့တယ်လို့လည်း KIO ရဲ့ ပြောရေးဆိုခွင့်ရှိသူ ဦးလနန်က ပြောပါတယ်။

ကချင်ပြည်နယ်အတွင်း တိုက်ပွဲတွေ ပြင်းထန်လာနေတာကြောင့် စစ်ရေး အရှိန်လျှော့ချဖို့အတွက်  ပြည်သူ့လွှတ်တော်က ဒီလ ၁၀ရက်နေ့က ကြေညာချက် ထုတ်ပြန်ပြီးတိုက်တွန်းထားပါတယ်။ KIOဖက်ကတော့ စစ်ရေး တင်းမာမှုတွေဖြစ်နေ ချိန်မှာ တွေ့ဆုံဆွေးနွေးရေးနဲ့ပတ်သက်ပြီး တစုံတရာ ထုတ်ဖော်ပြောဆိုဖို့ မရှိကြောင်း ပြောပါတယ်။

ပြီးခဲ့တဲ့နှစ် ဒီဇင်ဘာလနဲ့ ဒီနှစ်နှစ်ဆန်းပိုင်းအတွင်းတိုက်ပွဲတွေ ပြင်းထန်ခဲ့တာကြောင့် အခုအခါမှာ ဒုကသည်ပေါင်း ၁သိန်းခွဲကျော်လောက်အထိ ရောက်လာနေပြီလို့ ဒုကသည် အရေးဆောင်ရွက်သူတွေက ခန့်မှန်းထားပါတယ်။

မြစ်ကြီးနား-မန္တလေး ရထားလမ်း ပေါက်ကွဲမှုဖြစ်

ကချင်ပြည်နယ် မြစ်ကြီးနားမြို့ မီးရထားဘူတာရုံ တခုက ဈေးသည်တချို့ (ဇန်န၀ါရီလ ၆ ရက်၊ ၂၀၁၃)။
စစ်ကိုင်းတိုင်းဒေသကြီး နဘား ဘူတာအနီးက တံတား ၂ စင်း မိုင်းခွဲ တိုက်ခိုက်ခံခဲ့ ရတာကြောင့် မြစ်ကြီးနား- မန္တလေး ရထားခရီးစဉ်တွေဟာ မနေ့ည ၈ နာရီကနေ ဒီကနေ့ မွန်းလွဲပိုင်းအထိ ရပ်ဆိုင်းထားရပါတယ်။ ဖောက်ခွဲ ဖျက်ဆီးခံရတဲ့ တံတားတွေဟာ မြစ်ကြီးနား - မန္တလေးနဲ့ နဘား - ကသာ ရထားလမ်းနှစ်ခု ဆုံမှတ်နေရာမှာ တည်ရှိတာဖြစ်ပြီး ကသာလမ်းပိုင်းက တံတားက ပိုမိုပျက်ဆီးသွားတာကြောင့် ကသာရထား အသွားအလာတွေ နောက်ရက် အနည်းငယ်အထိ ပြေးဆွဲနိုင်ဖွယ် မရှိသေးပါဘူး။ ကချင်လက်နက်ကိုင် တပ်ဖွဲ့တွေနဲ့ မြန်မာစစ်တပ် တို့ကြား တကြော့ပြန် ကြီးထွားလာနေချိန်မှာ ပေါ်ပေါက်လာနေတဲ့ တိုက်ခိုက်မှုတွေနဲ့ ပတ်သက်လို့ အပြည့်အစုံကိုတော့ ဗွီအိုအေ မြန်မာပိုင်းအစီအစဉ် သတင်းထောက် ကိုမိုးဇော်က ရန်ကုန်မြို့ကနေ သတင်းပေးပို့ထားပါတယ်။

အစိုးရစစ်တပ်နဲ့ ကချင်လွတ်လပ်ရေးတပ်မတော် (KIA) အကြား တိုက်ပွဲတွေ ပြင်းထန်နေတဲ့ တချိန်တည်းမှာ မြစ်ကြီးနား - မန္တလေး မီးရထားလမ်းဟာ ဒီရက်ပိုင်းတွေအတွင်းမှာ ဆက်တိုက်ဆိုသလို မိုင်းခွဲ တိုက်ခံတာတွေ ခံနေရတာဖြစ်ပါတယ်။မနေ့ညဦးပိုင်းကတော့ စစ်ကိုင်းတိုင်းဒေသကြီး အင်းတော်နဲ့ နဘားဘူတာအကြားက နဘားဘူတာအနီး ကသာလမ်းခွဲက တံတားတစင်း မိုင်းခွဲတိုက်ခိုက်တာ ခံခဲ့ရပါတယ်။

ဒီလို မိုင်းခွဲတိုက်ခိုက်တဲ့ အခြေအနေကိုတော့ အင်းတော်ဒေသခံတယောက်က အခုလို ပြောပါတယ်။

“နဘားဘူတာ ၀င်ခါနီး ကသာလမ်းခွဲ လမ်းကြောတကြော ရှိတယ်။ မြစ်ကြီးနား - မန္တလေး တံတားက လမ်းကြောတကြော၊ အဲဒီ တံတား ၂ ခု ဆုံမှတ်ထားပြီးတော့ ဗုံးပေါက်ကွဲပါတယ်။ ကျနော်တို့ ဒီကနေပြီးတော့ ကြားရတယ်။ မြေတွေကို တုန်သွားတာပဲ။ ညကဆိုရင် ခန့်မှန်းချေကတော့ ၈ နာရီကျော်ကျော်လောက်နေမှာဗျ။ ကျနော်တို့ မြို့ကလူတွေကတော့ ထိတ်လန့်သွားတာပေါ့ဗျာ။ ဒီလိုမျိုးကလည်း နှစ်ပေါင်း ၃၀ ကျော်အတွင်းမှာ မရှိဘူးလေ။ ပထမဆုံးအကြိမ်ဖြစ်တဲ့ ကိစ္စပေါ့။”

မိုင်းပေါက်ကွဲခဲ့တာကြောင့် မြစ်ကြီးနား - မန္တလေး ရထားလမ်းပိုင်းဘက်ကတော့ ဇလီဖားတုံးတွေ မီးလောင်ပျက်ဆီးပြီး သံဘောင်တွေ ကွေးကောက်သွားခဲ့သလို ကသာရထားလမ်းပိုင်းဘက်က တံတားအောက် ခြေတိုင်တွေ ပျက်ဆီးခဲ့တယ်လို့ ဒေသခံက ပြောပါတယ်။

တံတားလမ်းပိုင်းတွေ ပျက်ဆီးခဲ့တဲ့နောက် မြစ်ကြီးနား - မန္တလေး အစုန်၊ အဆန်ရထားတွေ အားလုံးဟာ ဒီကနေ့ မွန်းလွဲပိုင်းအထိ ရပ်တန့်သွားခဲ့ပါတယ်။ သက်ဆိုင်ရာက ပျက်ဆီးသွားတဲ့ တံတားတွေကို ချက်ချင်း ပြင်ဆင်ခဲ့ကြပြီး ဒီနေ့ မွန်းလွဲပိုင်းမှာတော့ မြစ်ကြီးနား - မန္တလေး ရထားတွေ ပြန်လည် ပြေးဆွဲနိုင်မယ်လို့ အင်းတော်ဘူတာက တာဝန်ရှိသူတယောက် က ပြောပါတယ်။ “ခုချိန် ၂ နာရီ ပွင့်မယ်လို့တော့ ပြောတယ်။ ၂ နာရီတော့ ထိုးသွားပြီ မပွင့်သေးဘူး။ နောက် နာရီဝက်အတွင်းလောက်တော့ ပွင့်မှာပါ။ အဲ နဘား - ကသာကတော့ သူက အုတ်တိုင်တခုလုံးနီးပါး ပျက်ဆီးသွားတာပေါ့။ သူကလည်း ဒါပြီးရင် ဆက်လုပ်မှာပါပဲ။ တရက်ပါပဲ။ နောက်ရက်လောက်ဆို သွားနိုင်ပါပြီ။ ယာယီပြုပြင်ပြီးတော့ သွားကြမှာပါပဲ။”

ညနေ ၃ နာရီလောက်မှာတော့ မြစ်ကြီးနား - မန္တလေး ရထားလမ်း ပြန်ပွင့်သွားပြီဖြစ်တယ်လို့ အင်းတော်ဒေသခံတဦးက ပြောပါတယ်။

တံတားမိုင်းခွဲတာနဲ့ ပတ်သက်ပြီး ဒေသခံတွေက KIA ရဲ့လက်ချက်အဖြစ် ပြောဆိုနေသလို ပြီးခဲ့တဲ့ ၁၃ ရက်နေ့ မနက်က အင်းတော်မြို့နယ် နန့်စီးအောင်နဲ့ မော်လူးဘူတာအကြား မြစ်ကြီးနား - မန္တလေး အထူးအိပ်စင်းရထား မိုင်းခွဲတိုက်ခိုက်မှုကိုလည်း KIA ရဲ့လက်ချက်ဖြစ်တယ်လို့ အစိုးရပိုင်သတင်းစာတွေမှာ ဖော်ပြထားပါတယ်။

KIA အဖွဲ့ရဲ့ ပြောရေးဆိုခွင့်ရှိသူ ဦးလနန် ကတော့ ဒီနှစ်နှစ်ဆန်းက စတင်ပြီး မီးရထားတွေနဲ့ လမ်းတံတားတွေကို ဗုံးခွဲတိုက်ခိုက်တာမျိုး မလုပ်ဖို့ ညွှန်ကြားထားတယ်လို့ တုံ့ပြန်ပါတယ်။လောလောဆယ်မှာတော့ ဗန်းမော်ခရိုင် မန်စီမြို့နယ်နဲ့ ဖားကန့်ဒေသဘက်တွေမှာ တိုက်ပွဲတွေ ဆက်လက် ဖြစ်ပွားနေပြီး KIA ဌာနချုပ် လိုင်ဇာမြို့ကို အစိုးရစစ်တပ်ဘက်က လက်နက်ကြီးတွေနဲ့ ပစ်ခတ် တိုက်ခိုက်နေတယ်လို့ လိုင်ဇာက ဒေသခံတယောက်က ပြောပါတယ်။ မနေ့တုန်းက လိုင်ဇာမြို့ကို လက်နက်ကြီးနဲ့ ပစ်ခတ်ခဲ့တာကြောင့် အရပ်သား ၃ ယောက် သေဆုံးတဲ့ အထိ ဖြစ်ခဲ့ရတယ်လို့ KIO ရဲ့ ပြောဆိုချက်ကိုတော့ မြန်မာ အစိုးရရဲ့ ပြောရေးဆိုခွင့် ရှိသူ ပြန်ကြားရေးဝန်ကြီးဌာန ဒုဝန်ကြီး ဦးရဲထွဋ်ကတော့ မမှန်ဘူးလို့ Facebook အင်တာနက် လူမှုကွန်ယက်ပေါ်ကနေတဆင့် တုံ့ပြန်ပြောဆိုထားပါတယ်။

မြန်မာစစ်တပ်နဲ့ KIA အကြား တနှစ်ခွဲကျော် ကြာမြင့်လာတဲ့ တိုက်ပွဲတွေကြောင့် ဒေသခံပြည်သူ ၁ သိန်းခွဲကျော်ဟာ တရုတ်-မြန်မာနယ်စပ်နဲ့ ကချင်ပြည်နယ်အတွင်းက မြို့ကြီးတွေဆီကို ထွက်ပြေးတိမ်းရှောင် နေကြရပါတယ်။ တရုတ်နဲ့ အမေရိကန်လို နိုင်ငံကြီးတွေ အပါအ၀င် ပြည်သူ့လွှတ်တော်က စစ်ရေးတင်းမာမှုအရှိန် လျှော့ချဖို့အတွက် နှစ်ဘက်တပ်တွေကို တိုက်တွန်းခဲ့ပေမဲ့ ဒီကနေ့ထိတော့ တိုက်ပွဲတွေဟာ ပြင်းထန်နေပြီး တွေ့ဆုံဆွေးနွေးမယ့် အခြေအနေဟာလည်း မရေမရာရှိနေပါတယ်။

တရုတ်နိုင်ငံမှာ အလုပ်ကြမ်းစခန်းတွေ မပိတ်သေး

 တရုတ်နိုင်ငံ အလုပ်သမားစခန်းမှာ မူးယစ်ဆေးစွဲသူရဲ့ အရေပြားအပူချိန်ကို တိုင်းဖို့ လျှပ်စစ်စီးအားသုံး တိုင်းတာစက်ဖြင့် စစ်ဆေးနေပုံ။
တရုတ်နိုင်ငံမှာရှိတဲ့ စိတ်ဓာတ်ပြန်လည်ပြုပြင်ရေးလုပ်ပေးစခန်းတွေကို အဆုံးသတ် ပိတ်သိမ်းတော့ မယ်ဆိုတဲ့ ကိစ္စနဲ့ ပတ်သက်ပြီး အစိုးရထံကနေ ညွှန်ကြားချက်တစုံတရာမလာတဲ့အတွက် အဲဒီစခန်းတွေကို ဆက်လက်လည်ပတ်နေဆဲပဲလို့  ပြည်နယ်အစိုးရအရာရှိ တွေက ပြောပါတယ်။

အစိုးရပိုင်ဖြစ်တဲ့ Global Times သတင်းမှာ အနည်းဆုံးပြည်နယ် ၆ ခုက အာဏာပိုင်တွေ ရဲ့ ပြောဆိုချက်တွေကို ကိုးကားပြီးပြောဆို ထားပါတယ်။

အရင်တပတ်အတွင်း ပေါလစ်ဗျူရိုအဖွဲ့ဝင် မင်ဂျန်ဇူးပြောတဲ့ အချက်ကို ကိုးကားဖော်ပြခဲ့ရာမှာ ဆယ်စုနှစ်နဲ့ ချီကြာမြင့်ပြီဖြစ်တဲ့ အဲဒီစခန်းတွေကို ဒီနှစ်ကုန်ပိုင်းမှာ ရပ်ဆိုင်းတော့မယ်လို့ အစိုးရသတင်းမီဒီယာမှာ ပါရှိခဲ့ပေမဲ့ နောက်ပိုင်းမှာ အဲဒီသတင်းတွေကို ပြန်ရုပ်သိမ်းခဲ့ပါတယ်။ အဲဒီ ပြန်လည်ပြုပြင်ရေးလုပ်အားပေးစခန်းတွေဟာ နိုင်ငံတကာ စံနှုန်းနဲ့ မကိုက်ညီဘူးလို့ လူ့အခွင့်အရေး လှုပ်ရှားသူတွေက ကာလကြာရှည် ဝေဖန်ပြောဆိုခဲ့တာပါ။ တရုတ်အစိုးရကလည်း အဲဒီစံနစ်ကို ပြောင်းလဲဖို့ နှစ်ပေါင်းများစွာ စဉ်းစား ဆွေးနွေးခဲ့ပါတယ်။

ပြည့်တန်ဆာ၊မူးယစ်ဆေးသုံးစွဲသူနဲ့ အသေးစားရာဇ၀တ်မှုကျူးလွန်သူတွေအပေါ် အာဏာပိုင်တွေ ကနေပြီး တရားရုံးမတင်ဘဲ ၄ နှစ်အထိ အဲဒီစခမ်းတွေမှာ ထိမ်းချုပ်လေ့ရှိပါတယ်။ အတိုက်အခံတွေ ဘက်ကတော့ အဲဒီစခန်းတွေဟာ အစိုးရအပေါ် ဝေဖန်သူတွေ၊ နိုင်ငံစွန့်ခွာထွက်ပြေးသူတွေကို အဲဒီစခန်းတွေမှာ ဖမ်းဆီးချုပ်နှောင်ပြီး ညှင်းပန်း နှိပ်စက်တယ်လို့ ပြောဆိုပါတယ်။

ဥပဒေပညာရှင်တွေကတော့ အစိုးရက အဲဒီစခန်းတွေကို ပြန်လည် ပညာပေးလုပ်အားပေးတဲ့စံနစ် ကနေ ပညာပေးပြုပြင်တဲ့စံနစ်ကို ပြောင်းလဲ ကျင့်သုံးနိုင်ခြေရှိတယ်လို့ သုံးသပ်ကြပါတယ်။

Global Times သတင်းစာမှာ ပြည်နယ် ၄ ခုမှာ အဲဒီစံနစ်ကို စံပြအဖြစ် ပြောင်းလဲ ကျင့်သုံးနေပြီ လို့ ဖော်ပြထားပြီး အဲဒီအစီအစဉ်ဟာ တရားခံတွေ တရားရုံး ရင်ဆိုင်ရာမှာ ပိုမိုချောမွေ့စေတယ်လို့ ပါရှိပါတယ်။