11.01.2013 နေ့ဖတ်ရန်သတင်းများ

by Myanmar Journal on Thursday, January 10, 2013 at 6:39pm ·

အော်စကာ ဆန်ကာတင် စာရင်း ကြေညာ
လင်ကွန်းဇာတ်ကားမှ ဒင်နီယယ် ဒေးလူးဝစ်
၈၅ ကြိမ်မြောက် အော်စကာ ဆု ဆန်ကာတင် စာရင်းတွေ ကို မှာ ကြေညာလိုက်ပါပြီ။
အမေရိကန် ပြည်တွင်းစစ်ခေတ်က လုပ်ကြံ ခံရတဲ့ သမ္မတဟောင်း အေဘရာဟမ် လင်ကွန်း အကြောင်း ရိုက်ကူးတဲ့ စတီဗင် စပီးလ်ဘတ်ရဲ့ အတ္ထုပ္ပတ္တိ သမိုင်းကား က အကောင်းဆုံး ဒါရိုက်တာဆု အပါအဝင် ၁၂ ဆု ဆန်ကာတင် စာရင်း ဝင်သွားပါတယ်။

နာမည်ကျော် သရုပ်ဆောင် ဒင်နီယယ် ဒေးလူးဝစ်က ဒီကားမှာ ကျေးကျွန်စနစ် တိုက်ဖျက်ခဲ့တဲ့ အမေရိကန် သမ္မတ အဖြစ် သရုပ်ဆောင် မှု အတွက် အကောင်းဆုံး အမျိုးသား သရုပ်ဆောင်ဆု လျာထားခံရပါတယ်။
လင်ကွန်းကားက အကောင်းဆုံး ရုပ်ရှင်ကားဆုလဲ တစ်ပေးခံရပါတယ်။
ဆန်ခါတင်ဆု ၁၁ ဆုနဲ့ လင်ကွန်းနောက်က လိုက်နေတာက သင်္ဘောပျက်ပြီး အသက်ကယ်လှေပေါ်မှာ ကျားနဲ့ မျောပါလာတဲ့ လူငယ်တယောက် အကြောင်း နာမည်ကျော် ဝတ္ထု ဇာတ်လမ်းကို ဒါရိုက်တာ အန်းလီ ရိုက်ကူးတဲ့ ပိုင်ရဲ့ဘဝ ဇာတ်ကား ဖြစ်ပါတယ်။
ဖေဖော်ဝါရီလ ၂၄ ရက်နေ့ လော့ဆန်းဂျလိစ်မြို့မှာ အခမ်းအနားနဲ့ အော်စကာဆု ကြေညာမှာ ဖြစ်ပါတယ်။

တရုတ်နိုင်ငံတွင်း ကချင်နွယ်များ ကချင်အရေး ဆန္ဒပြ

ကေအိုင်အိုထိန်းချုပ်နယ်မြေ လိုင်ဇာမြို့ က စစ်ပြေးဒုက္ခသည်များ (ဇန်နဝါရီလ ၄၊ ၂၀၁၃)
ကချင်ပြည် လိုင်ဇာမြို့နဲ့ကပ်လျက် မှာရှိတဲ့ တရုတ်ပြည်ဘက် နားပန်မြို့နားမှာ တရုပ်ပြည်နယ် အသီးသီးကလာတဲ့ ကချင်အမျိုးသား ၈၀၀ကျော်လောက် တရုတ်မြန်မာနယ်စပ်မှာ စုဝေးပြီးတော့ ကား အစီး ၁၀၀ကျော်နဲ့ ရောက်လာပြီး မြန်မာအစိုးရဘက်က ထိုးစစ်ဆင်မှုတွေ ရပ်ဆိုင်းရေး တောင်းဆိုခဲ့ကြပါတယ်။ လိုင်ဇာမြို့ကိုဝင်ဖို့ကြိုးစားတာမှာ တရုတ်ရဲတွေက သူတို့ကို ပိတ်ဆို့တားဆီးတာတွေရှိတယ်လို့ ကချင်အရေးဆောင်ရွက်သူတွေက ပြောပါတယ်။ ကချင်ပြည်နယ်ဘက်က နောက်ဆုံးအခြေအနေကိုတော့ ဆက်သွယ်စုံစမ်းထားတဲ့ ထိုင်းအခြေစိုက် ဗွီအိုအေသတင်းထောက် မအေးအေးမာက သတင်းပေးပို့ထားပါတယ်။

တရုတ်မြန်မာနယ်စပ်မြို့ဖြစ်တဲ့ လိုင်ဇာမြို့အနီးမှာ တိုက်ပွဲတွေပြင်းထန်နေတဲ့ အတွက် ကချင်ပြည်တွင်းစစ်ကို ရပ်ဆိုင်းရေးတောင်းဆိုတဲ့အနေနဲ့ တရုတ်ပြည်နယ် အသီးသီးမှာ ရောက်နေကြတဲ့ ရာနဲ့ချီတဲ့ ကချင်အမျိုးသားတွေဟာ လိုင်ဇာမြို့ကို ဝင်ဖို့အတွက် တရုတ်ပြည် နားပန်မြို့ကို ရောက်ရှိနေတယ်လို့ ကချင်ဒုက္ခသည်ကော်မတီ တာဝန်ရှိသူ ဦးဒွဲပီဆက ပြောပါတယ်။

“သူတို့ လိုင်ဇာကို ဝင်လာတာဟာ ကိုယ့်အမျိုးသားတွေ ဒီလိုဒုက္ခခံစားနေတဲ့အတွက်ကြောင့် လာတွေ့ဖို့ သူတို့က အလုံးအရင်းနဲ့လာတယ်။ နောက် ဒီမှာလည်း ကိုယ့်လူမျိုးတွေ အပြတ်အသတ် စစ်တိုက်ခံရတဲ့အတွက်ကြောင့်မို့လို့ စာနာတဲ့အတွက် ဒီမှာ လာတဲ့သဘောရှိတယ်။ ဟိုဖက်က သူတို့ဘာပြောမှန်းတော့ မသိဘူး။ အော်နေကြတယ်။ ဒီဘက်ကလည်း အော်နေကြတယ်။ ဒီဘက်က လူမျိုးသုန်း တိုက်ပွဲကို ဆန့်ကျင်တဲ့ သဘောမျိုးပေါ့၊ နောက် ပြန်ပြောတော့ လူမျိုးရေး စစ်ဆင်ရေးကို ကူညီပါ၊ ရပ်ဆိုင်းပါ၊ ရပ်ဆိုင်းပါ ဒါတွေလည်း အော်ပါတယ်။ ”

တရုတ်ပြည် ရွှေလီမြို့အပါအဝင် တရုတ်ပြည်နယ်အသီးသီးကို ရောက်ရှိနေပြီး အလုပ်လုပ်ကိုင်နေတဲ့ ကချင်အမျိုးသားတွေဟာ ကချင်စစ်ပွဲကို ဆန့်ကျင်တဲ့အနေနဲ့ ဒုက္ခသည်တွေကို အားပေးဖို့ လာခဲ့ကြတယ်လို့ ဆိုပါတယ်။  ဒါပေမဲ့ တရုတ်ရဲတွေကလည်း တားဆီးနေကြတယ်လို့ ဆိုပါတယ်။တရုတ်ပြည်ဘက်က ကားအစီးရေ တစ်ရာကျော်နဲ့ လာကြသူတွေထဲမှာ တရုတ်နိုင်ငံမှာ ဝန်ထမ်းတွေဖြစ်နေတဲ့ ကချင်လူမျိုးတွေ ပါဝင်တယ်လို့ ကျောင်းသား တပ်မတော် မြောက်ပိုင်းဒေသ ပြန်ကြားရေးတာဝန်ခံ ဗိုလ်မူးမင်းဌေး ကလည်းပြောပါတယ်။

“ဘယ်လောက်လည်းတော့မသိဘူး။ ကားအစီးတစ်ရာကျော်ဆိုတာတော့သိတယ်။ အဲ့ဒီ့မှာ ထူးခြားတာက တရုတ်ပြည်က ဝန်ထမ်းတွေ ကချင်အမျိုးသားတွေ အကုန်လုံး အဲ့ဒီ့မှာ ပါလာတယ်။”

တရုတ်ပြည်ဘက်က ကချင်တွေ ဆန္ဒထုတ်ဖော်နေကြသလို လိုင်ဇာမြို့ခံတွေဘက်ကလည်း လိုင်ဇာဘက်ကနေ ဆန္ဒထုတ်ဖော်နေကြပါတယ်။ ကချင်ပြည်နယ်တွင်းမှာ တိုက်ပွဲတွေကတော့ ပြင်းထန်နေဆဲဖြစ်ပြီး ဇန်နဝါရီလ ၁၀ရက်နေ့ မနက်ပိုင်းက လက်နက်ကြီးတွေနဲ့ ပစ်ခတ်မှုတွေရှိနေဆဲဖြစ်သလို ကျောင်းသားတပ်မတော်နဲ့ ကေအိုင်အို ထိုင်ထားတဲ့ လဂျားယန်ဒေသ တချို့ကို မနေ့ညနေပိုင်းတုန်းက စွန့်လွှတ်ခဲ့ရတယ်လို့ဆိုပါတယ်။

“ ဒီဘက် လိုင်ဇာဘက်ကို လက်နက်ကြီးနဲ့ လှမ်းပစ်တာတွေရှိတယ်။ တပ်ရင်း ၂၄ ထိုင်ထားတဲ့ ကုန်းပေါ့လေ၊ ဖုန်းပြန်ကုန်းကို ထိုးနေတာ၊ ထိုးနေတာကတော့ သူတို့ဘက်ကလည်း ထိုင်ထားတယ်၊ ကိုယ့်ဘက်ကလည်း ထိုင်ထားတယ်။ နှစ်ဖက်ရှိနေတာပေါ့။ ဒီနေ့ စစ်တပ်က ကျောင်းသားတပ်နေခဲ့တဲ့ ကုန်းတွေနဲ့ ကျနော်တို့ နေခဲ့တဲ့ နေရာတွေအကုန်လုံးကို မနေ့က ညနေပိုင်းမှာ အတင်းတက်ထိုးလာတော့ အဲ့ဒီ့နေရာတွေပဲ အကုန်ဆုတ်ပေးလိုက်တယ်။ ဖယ်ပေးလိုက်တော့ လဂျားယန်ကို သူတို့ တပိုင်းထိုင်ထားတယ်ပေါ့ဗျာ၊ လဂျားယန်ကို သူတို့တဝက် ထိုင်ထားတယ်။ ကိုယ်က တဝက်ထိုင်ထားတယ်ပေါ့ဗျာ။ လဂျားယန်ရွာတွေကို သူတို့က တဝက်၊ ကိုယ်က တဝက်ထိုင်ထားတယ်ပေါ့။ ခါတိုင်း ကျနော်တို့ ကျောင်းသားတပ် ထိုင်ထားတာနဲ့ ကေအိုင်အေထိုင်ထားတာတဲ့ ကုန်းချောရှိတယ်။ အဲ့ဒီ့ကုန်းချောကို ဖယ်ပေးလိုက်တော့တယ်။ အဲ့တာက ၇၇၁ရဲ့ အောက်ကို ရောက်သွားတော့ အဲ့ဒီ့မှာ ကျနော်တို့ ဆက်ထိုင်နေရင် အဲ့မှာ အန္တရာယ်ရှိတယ်လေ။ သူတို့က အဲ့ဒီ့နေရာ အောက်ကျောတွေကို ဆက်ထိုးတယ်။ ဆက်ထိုးတော့ ကျနော်တို့ အသာလေးပဲ ဆုတ်ပေးလိုက်တယ်။”

မြန်မာ စစ်အစိုးရလက်ထက်မှာ ကေအိုင်အိုနဲအပစ်အခတ် ရပ်စဲခဲ့တာ ၁၇နှစ်ကြာပြီဖြစ်ပါတယ်။  ပြီးခဲ့တဲ့ ၂၀၁၁ခုနှစ် ဇွန်လကစပြီး တိုက်ပွဲတွေပြန်ဖြစ်ခဲ့ တာကြောင့်   ဒုက္ခသည် သောင်းနဲ့ ချီရှိပြီး တရုတ်မြန်မာနယ်စပ်က ဒုက္ခသည်စခန်းတွေမှာ တိမ်းရှောင် နေရပါတယ်။

မကြာသေးခင်တုန်းကတော့ အစိုးရဘက်က လေယာဉ်နဲ့ ဗုံးကျဲ တိုက်ခိုက်မူတွေ ရှိနေတယ်လို့ ကေအိုင်အေ နဲ့ ဒုက္ခသည်တွေဘက်ကဆိုပါတယ်။ အခုရက်ပိုင်း မှာတော့ လေယာဉ်တွေနဲ့ ပျံသန်းမူတွေရှိနဆဲဖြစ်ပြီး လက်နက်ကြီးနဲ့ပစ်ခတ်မူတွေ ပိုများလာနေတယ်လို့ ကျောင်းသားတပ်မတော်(ABSDF)က ပြောပါတယ်။

တရုတ်နဲ့ အငြင်းပွါးနေတဲ့ ဖိလစ်ပိုင်-ဂျပန်လုံခြုံရေးပူးပေါင်းမည်

ဖိလစ်ပိုင်နိုင်ငံခြားရေးဝန်ကြီး Albert del Rosarioနဲ့ ဂျပန်နိုင်ငံခြားရေးဝန်ကြီး Fumio Kishida ဖိလစ်ပိုင်နိုင်ငံ မနီလာမြို့တော်တွင် တွေ့ဆုံစဉ်။ ( ဇန်နဝါရီလ ၁၀၊ ၂၀၁၃။)
ဖိလစ်ပိုင် နိုင်ငံခြားရေးဝန်ကြီးက တရုတ်ဟာ ရေပြင်ပိုင်နက် ပိုင်ဆိုင်မှု အငြင်းပွားမှုတွေမှာ အသာစီးရဖို့ အားထုတ်နေတာဟာ အာရှရဲ့ တည်ငြိမ်ရေးကိုလည်း ခြိမ်းခြောက် နေတယ်လို့ သတိပေးရင်း ဂျပန်နဲ့ လုံခြုံရေးတင်းတင်းကြပ်ကြပ် ပူးပေါင်း လုပ်ဆောင်ဖို့ ကတိပေးလိုက်ပါတယ်။ နိုင်ငံခြားရေး ၀န်ကြီး Albert del Rosario က ဂျပန် နိုင်ငံခြားရေး ၀န်ကြီးနဲ့ မနီလာမှာ တွေ့ဆုံဆွေးနွေးအပြီးမှာ အခုလို မှတ်ချက်ချ ပြောဆိုလိုက်တာ ဖြစ်ပါတယ်။

ဖိလစ်ပိုင်ဟာ တရုတ်နဲ့ ရေပြင်ပိုင်နက် အငြင်းပွားနေတဲ့ နိုင်ငံ တခုလည်း ဖြစ်ပါတယ်။ တရုတ်ဟာ တောင်တရုတ် ပင်လယ်ပြင် အတွင်းက အငြင်းပွားနေတဲ့ ပိုင်နက်အတွင်း အုပ်ချုပ်ဖို့ ဒေသဆိုင်ရာ အာဏာပိုင် အဖွဲတဖွဲ့ ဖွဲ့စည်းပေးခဲ့ပြီး ခွင့်ပြုချက် မရှိဘဲ ၀င်ရောက်လာတဲ့ နိုင်ငံခြား သဘောင်္တွေကို တက်ရောက် ရှာဖွေခွင့်နဲ့ ဖမ်းဆီးခွင့်ပြုထားတာ အပါအ၀င် အပါအ၀င် ခြိမ်းခြောက်မှုတွေ လုပ်နေတဲ့ အပေါ်မှာ သူက စိုးရိမ်တယ်လို့လည်း ပြောဆိုလိုက်ပါတယ်။

ရေကြောင်းဆိုင်ရာ ကင်းလှည့် စွမ်းဆောင်ရည် ပိုမြင့်လာစေရေး အတွက် ဆက်သွယ်ရေး စနစ်နဲ့ အတူ ကင်းလှည့်သဘောင်္ အသစ် ၁၀ စင်းကိုလည်း ဂျပန်ကနေ မကြာခင်မှာ ရရှိဖို့ ခန့်မှန်းထားတယ် ဆိုပြီးလည်း သူက ပြောပါတယ်။ ဂျပန် နိုင်ငံခြားရေး ၀န်ကြီးကတော့ ဖိလစ်ပိုင် နဲ့ ပိုမို နက်ရှိုင်းစွာ ပူးပေါင်းဆောင်ရွက်မှုတွေကနေ အာရှ ပစိဖိတ် ဒေသတွင်း ငြိမ်းချမ်းရေးနဲ့ တည်ငြိမ်းရေးကို ဖော်ဆောင်နိုင်ဖို့ အထောက်အကူ ဖြစ်စေမယ်ဆိုပြီး ပြောပါတယ်။ ဗီယက်နမ်၊ ဘရူနိုင်း၊ မလေးရှားနဲ့ တိုင်ဝမ်တို့ဟာ တရုတ်နဲ့ ရေပြင်ပိုင်နက်ဆိုင်ရာ အငြင်းပွားနေကြတာလည်း ဖြစ်ပါတယ်။

မြန်မာ့ စီးပွားရေး ပြုပြင် ပြောင်းလဲမှုဆိုင်ရာကော်မတီနှစ်ရပ် ဖွဲ့စည်း

သမ္မတဦးသိန်းစိန် ဘဏ္ဍာရေးကော်မရှင် အစည်းအဝေး တက်ရောက်နေစဉ်။ (နေပြည်တော်၊ မြန်မာ) သတင်းမှတ်တမ်း- သမ္မတရုံး
အသေးစားနဲ့အလတ်စားစီးပွားရေးလုပ်ငန်းဖွံဖြိုးတိုးတက်ရေး၊ စွမ်းအင်မူဝါဒရေးဆွဲရေးအတွက် အမျိုးသားကော်မတီနှစ်ရပ်ကို သမ္မတဦးသိန်းစိန်အမိန့်နဲ့ ဖွဲ့စည်းလိုက်သလို၊ အမျိုးသား ယဉ်ကျေးမှုဗဟိုကော်မတီ ကိုလည်း ပြင်ဆင်ဖွဲ့စည်းခဲ့ပါတယ်။ အသစ်ဖွဲ့ လိုက်တဲ့ ကော်မတီနှစ်ရပ် ဟာ သမတဦးသိန်းစိန်အစိုးရရဲ့ စီးပွားရေးပြုပြင်ပြောင်းလဲမှု ဆိုင်ရာ ခြေလှမ်းတရပ်ဖြစ်တယ်လို့ သမ္မတ ပြောခွင့်ရသူက ဆိုပါတယ်။ ဒါပေမဲ့လည်း ဒီကော်မတီနှစ်ရပ်စလုံးမှာ ပညာရှင် အနည်းအကျဉ်းပဲ ပါပြီး၊ အများစုဟာ အစိုးရဝန်ကြီးတွေနဲ့ ဌာနဆိုင်ရာ တာဝန်ရှိသူတွေဖြစ်ကြပါတယ်။ ဒီအကြောင်း စုံစမ်းမေးမြန်းထားတဲ့ ကိုသားညွန့်ဦး ဆက်ပြီး တင်ပြပေးမှာပါ။

နိုင်ငံတော် စွမ်းအင်မူဝါဒတွေကို ရေးဆွဲ အကောင်အထည်ဖော်မယ့် အမျိုးသားစွမ်းအင် စီမံခန့်ခွဲမှုကော်မတီနဲ့ စွမ်းအင်ဆိုင်ရာ ဖွံဖြိုးတိုးတက်ရေးကော်မတီ၊ အသေးစားနဲ့အလတ်စား စီးပွားရေးလုပ်ငန်းတွေ ဖွံဖြိုးတိုးတက်ရေးအတွက် ဗဟိုကော်မတီနဲ့ လုပ်ငန်းကော်မတီဆိုပြီး သမ္မတ ဦးသိန်းစိန်အမိန့်နဲ့ ဖွဲ့စည်းလိုက်တာဖြစ်ပါတယ်။ အသေးစားနဲ့ အလတ်စား စီးပွားရေး လုပ်ငန်းများ ဖွံဖြိုးရေးအတွက် ဗဟိုကော်မတီကို သမ္မတဦးသိန်းစိန်ကိုယ်တိုင် ဥက္ကဌအဖြစ် ဦးဆောင်ပြီး၊ စွမ်းအင် စီမံခန့်ခွဲမှုကော်မတီမှာတော့ ဒုသမ္မတ (၂) က ဦးဆောင်ရမှာဖြစ်ပါတယ်။ ဒီ ကော်မတီတွေ ဖွဲ့စည်းတာဟာ သမ္မတဦးသိန်းစိန်အစိုးရရဲ့ စီးပွားရေးပြုပြင်ပြောင်းလဲမှုဆိုင်ရာ အစိတ်အပိုင်းတရပ်ဖြစ်တယ်လို့ သမ္မတပြောခွင့်ရသူ ဒု ပြန်ကြားရေးဝန်ကြီး ဦးရဲထွဋ်က ဗွီအိုအေကို ပြောပါတယ်။

“ဒီကော်မတီတွေကတော့ အရှေ့ပိုင်းမှာ သမ္မတကြီးတို့နဲ့ ပြည်နယ်တိုင်း ဝန်ကြီးချုပ်နဲ့ ဝန်ကြီးတွေရော ညှိနှိုင်းပြီးဆွဲခဲ့တဲ့ ဖွံ့ဖြိုးရေး မဟာဗျူဟာ စီမံချက်တွေရှိတယ်လေ။ ပြီးခဲ့တဲ့ လအတွင်းတုန်းက လုပ်ခဲ့တာပေါ့၊ အဲ့ဒီ့ဟာတွေက ဆက်လုပ်ရမယ့်လုပ်ငန်းတွေကို ကျနော်တို့ ပေါင်းစပ် ညှိနှိုင်းပေးဖို့ အတွက် ဖွဲ့တဲ့အဖွဲ့အစည်းတွေပါခင်ဗျ။ သမ္မတကြီးရဲ့ မိန့်ခွန်းထဲမှာလည်း ခင်များတို့ သတိထားမိမှာပါ။ ကျနော်တို့  ကက်ဘိနက်ကော်မတီတွေလည်း ထပ်ပြီးတော့ ဖွဲ့ပြီးတော့မှ ပေါင်းစပ်ညှိနှိုင်းပြီးတော့ လုပ်သွားဖို့ ရှိတယ်ဆိုပြီးတော့လေ။ အဲ့တာတွေကြောင့်မို့ ဖွဲ့တာဖြစ်ပါတယ်ခင်ဗျ။”

ဒါပေမဲ့လည်း ဒီကော်မတီနှစ်ရပ်စလုံးမှာ အများစု အားလုံးနီးပါးဟာ ပြည်ထောင်စုဝန်ကြီးတွေနဲ့ အစိုးရဌာနတွေက တာဝန်ရှိသူတွေဖြစ်ကြပါတယ်။ ကျွမ်းကျင်သူ ပညာရှင်က တဦးတလေပဲ  ပါဝင်ပါတယ်။ ဒါကို ကြည့်မယ်ဆိုရင်တော့ လက်ရှိပြုပြင်ပြောင်းလဲရေးအဆင့်မှာ ပညာရှင်တွေကို နေရာပေးလာပေမယ့်၊ မူဝါဒ ချမှတ်ရတဲ့ အဆင့်မှာတော့ သိပ်မတွေ့ရသေးဘူးလို့ စီးပွားရေးနဲ့ လူမှုရေး ဖွံဖြိုးတိုးတက်မှုဌာန အကြီးတန်း သုတေသီ ဒေါက်တာတင်မောင်သန်းက ပြောပါတယ်။

“ပညာရှင်တွေပြောတာကိုတော့ အစိုးရက အလေးအနက်ထားပြီး နားထောင်လာတယ်လို့ထင်တယ်။ ဒါပေမဲ့ ပညာရှင်တွေဟာ ဆုံးဖြတ်ချက်ချနိုင်တဲ့၊ ဆုံးဖြတ်ပေးနိုင်တဲ့ နေရာတွေကိုတော့ ရောက်တာ နည်းသေးတယ်လို့ ပြောရမှာပေါ့။ ဒါပေမဲ့ တချို့ဝန်ကြီးဌာနတွေမှာတော့ မကြာသေးခင်က ခန့်ထားခဲ့တဲ့ ဝန်ကြီးအပြောင်းအလဲတွေမှာဆိုရင် တချို့နေရာတွေမှာ ပညာရှင်တွေကို ထည့်ပြီး သုံးလာတာကို တွေ့ရတယ်။

မေး- ဒီကော်မရှင်တွေဖွဲ့လိုက်ပြီဆိုတော့ စီးပွားရေးပြုပြင်ပြောင်းလဲမှုဟာ ဘယ်လောက်အထိ သွားနိုင်မယ်လို့ မျှော်လင့်ရပါသလဲ။ ဆိုလိုတာက ဒီကော်မရှင်ထဲမှာ အစိုးရအဖွဲ့က သူတွေဘဲ ပြန်ပါနေတာပါ။ ပြန်ပါနေတော့ တကယ်တမ်းပြုပြင်ပြောင်းလဲမှုတွေ ပိုလုပ်နိုင်ဖို့ ရည်ရွယ်ချက်နဲ့ ဒီကော်မတီကိုဖွဲ့တယ်။ တကယ်တမ်း ဒီကော်မတီအနေနဲ့ ပိုပြီးတော့ လုပ်နိုင်မယ်လို့ ယူဆရပါသလား။

ကြည့်ရတာတော့ ဝန်ကြီးဌာနတွေကြားထဲမှာ ပူးပေါင်းဆောင်ရွက်ရေးပေါ့ ဒါကို ပိုပြီးတော့ မြှင့်တင်လုပ်ကိုင်ချင်တဲ့အတွက်ကြောင့်မို့လို့ ဒီလိုကော်မတီတွေဖွဲ့တယ်လို့ ယူဆပါတယ်။ အခုကြည့်လိုက်မယ်ဆိ်ုလို့ရှိရင် တချို့ဝန်ကြီးဌာနတွေက နောက်ကျနေတာတွေ၊ ရှိတယ်လေ။ နောက်ကျနေတဲ့အခါကျတော့ သီးခြားဝန်ကြီးဌာန တစ်ခုချင်းအလိုက် ဆုံးဖြတ်နေတာမျိုးတွေ တွေ့နေရတယ်လေ။ ဥပမာဆိုလို့ရှိရင် လူတွေနဲ့အများဆုံး ထိတွေ့နေရတဲ့ ကျန်းမာရေးဝန်ကြီးဌာနတို့၊ ပညာရေးဝန်ကြီးဌာနတို့က ပြုပြင်ပြောင်းလဲရေးမှာ ပါမလာဘူးလို့ ဒါတော်တော်များများက လူထုကလည်း တော်တော်ပြောကြတယ်။ အစိုးရဌာနအချင်းချင်းထဲမှာလည်း အဲ့ဒီ့လို ပြောကြတာတွေကို ကျနော်တို့ ကြားရတယ်လေ။”

အသစ် ဖွဲ့စည်းလိုက်တဲ့ ဒီကော်မတီနှစ်ရပ်အပြင်၊ အမျိုးသားယဉ်ကျေးမှု ဗဟိုကော်မတီကို လည်း ပြန်လည်ပြင်ဆင်ဖွဲ့စည်းကြောင်း သမ္မတရုံးက ထုတ်ပြန်ခဲ့ပါတယ်။ တနေ့ကလည်း လာဒ်ပေး လာဒ်ယူမှု အရေးယူဆောင်ရွက်ရေးကော်မတီကို သမ္မတအမိန့်နဲ့ ဖွဲ့စည်းခဲ့ပါတယ်။ သမ္မတဦးသိန်းစိန် အစိုးရအနေနဲ့ စီးပွားရေး နိုင်ငံရေးပြုပြင်ပြောင်းလဲမှုတွေကို ဆောင်ရွက်နေတာ တနှစ်ကျော် လာပြီဖြစ်ပါတယ်။ ပြီးခဲ့တဲ့လတုန်းကတော့  သမ္မတဦးသိန်းစိန်နဲ့ ပြည်နယ်နဲ့တိုင်းတွေက အစိုးရတာဝန်ရှိသူတွေ ပါဝင်တဲ့ ဆွေးနွေးပွဲတရပ်လုပ်ခဲ့သလို၊ အစိုးရဌာနတွေအားလုံးက အကြီးတန်း တာဝန်ရှိသူတွေ ပါဝင်တဲ့ အလုပ်ရုံဆွေးနွေးပွဲတခု ပြုလုပ်ခဲ့ပါတယ်။ အဲဒီမှာ ပြုပြင်ပြောင်းလဲရေး ဆိုင်ရာ အထူးသဖြင့် ပြည်သူ့ဝန်ဆောင်မှု လုပ်ငန်းတွေ ပြုပြင်ပြောင်းလဲရေး ဆိုင်ရာ ကိစ္စရပ်တွေကို အဓိက အာရုံထားဆွေးနွေးခဲ့ကြတယ်လို့ သိရပါတယ်။

မာလီ အလယ်ပိုင်းမြို့ကို သူပုန်သိမ်း
မာလီ မြောက်ပိုင်းကို မနှစ် ထဲက သူပုန် သိမ်း
မဟာဗျူဟာကျတဲ့ မာလီ အလယ်ပိုင်းက ကွန်နာမြို့ကို သိမ်းမိပြီလို့ မာလီက အစ္စလာမ် သူပုန် အုပ်စု တွေက ပြောကြား ပါတယ်။
မာလီ တောင်ပိုင်းက အစိုးရနဲ့ တိုက်ပွဲမှာ သိသာတဲ့ အရှိန်မြှင့်မှု တခု ဖြစ်ပါတယ်။
မာလီ မြောက်ပိုင်းကို မနှစ် ဧပြီလထဲက သူပုန်တွေက သိမ်းထားပြီး ကွန်နာဟာ တောင်ပိုင်းနဲ့ မြောက်ပိုင်း ကို ကူးတဲ့ လမ်းပေါ်က အရေးပါတဲ့ မြို့တမြို့ ဖြစ်ပါတယ်။
သူပုန်တွေရဲ့ နောက်ဆုံး လှုပ်ရှားမှု နဲ့ ပတ်သက်ပြီး လုံခြုံရေး ကောင်စီ မှာ ဆွေးနွေးဖို့ တိုင်ပင် နေကြပါပြီ။
ကုလသမဂ္ဂ အစီအစဉ် အရ အာဖရိက တပ်သား ၃ ထောင် လွှတ်ပြီး အယ်လ်ကေဒါ နွယ်တဲ့ စစ်သွေးကြွတွေ၊ ရာဇဝတ် ဂိုဏ်းတွေရဲ့ နယ်မြေ ဖြစ်နေတဲ့ မာလီ မြောက်ပိုင်းကို ပြန်သိမ်းဖို့ ပြင်ထားတာ ဖြစ်ပါတယ်။

အစိုးရ ကချင်ထိုးစစ်ရပ်ဖို့ UNFC ဖိအားပေး
အပစ်ဆက်ရင် ဆက်ဆွေးနွေးမှာ မဟုတ်
အစိုးရဘက်က ထိုးစစ် မရပ်ဘဲ ကေအိုင်အေကို ဆက်တိုက်မယ်ဆိုရင် ကချင်တပ် အပါအ၀င် လက်နက်ကိုင် တိုင်းရင်းသား၁၁ ဖွဲ့နဲ့ ဖွဲ့ထားတဲ့ ညီညွတ်သော တိုင်းရင်းသား လူမျိုးများ ဖက်ဒရယ် ကောင်စီ UNFC က ငြိမ်းချမ်းရေး လုပ်ထားတဲ့ အဖွဲ့တွေကပါ ဆက်လုပ်မယ့် ငြိမ်းချမ်းရေး ဆွေးနွေးပွဲတွေကို ရပ်ထားမယ့်ထိ လုပ်သွားဖို့ရှိတယ် ဆိုပြီး UNFC က ပြောပါတယ်။
ဒီဆုံးဖြတ်ချက်ကို ထိုင်းနိုင်ငံမြောက်ပိုင်း ချင်းမိုင်မြို့မှာ ၄ ရက်ကြာ ကျင်းပခဲ့တဲ့ UNFC ရဲ့ ၂၀၁၂ ခုနှစ် နှစ်ပတ်လည် ကောင်စီ အစည်းအဝေးမှာ သဘောတူ ချမှတ်ခဲ့တာဖြစ်ပါတယ်။

UNFC ရဲ့ နှစ်ပတ်လည် အစည်းအဝေးက ရရှိတဲ့ ရှေ့လုပ်ငန်းစဉ် အရ UNFC အဖွဲ့ဝင်တခုချင်းတွေဟာ အစိုးရနဲ့ ဆက်လက် ဆွေးနွေးသွားဖို့ သဘောတူထားသလို တဖက်မှာလည်း UNFC အဖွဲ့ဝင် တဖွဲ့ချင်းအနေနဲ့ကော UNFC တခုလုံး အနေနဲ့ပါ အစိုးရရဲ့ ကေအိုင်အေအပေါ် ထိုးစစ်ဆင်နေတဲ့ လုပ်ရပ်ကို ရပ်တန့်ပေးဖို့ အတူတကွ ဆက်လက်တောင်းဆိုဖို့ သဘောတူ ဆုံးဖြတ် ခဲ့ကြတယ်လို့ အစည်းအဝေး အပြီးမှာ လုပ်တဲ့ UNFC ရဲ့ သတင်းစာ ရှင်းလင်းပွဲမှာ ပြောပါတယ်။
ဒီလအတွင်း UNFC နဲ့ အစိုးရငြိမ်းချမ်းရေး ဖော်ဆောင်ရေးကိုယ်စားလှယ် အစိုးရ ဝန်ကြီးဌာနက ဝန်ကြီး ဦးအောင်မင်းနဲ့ ထိုင်းနိုင်ငံ ချင်းမိုင်မှာ နိုင်ငံရေးဆွေးနွေးပွဲ အကြို ညှိနှိုင်းရာမှာ နိုင်ငံရေးဆွေးနွေးပွဲ လုပ်ဖို့ မဆွေးနွေးဘဲ ကချင်အပေါ် ထိုးစစ်ဆင်နေမှုနဲ့ ပတ်သက်ပြီး အစားထိုး ဆွေးနွေးသွားမယ်။ ကချင်ပြည်နယ် တွင်း တိုက်ပွဲတွေ ရပ်တန့်ဖို့ ဦးအောင်မင်းကို တောင်းဆိုသွားမှာဖြစ်ပြီး တကယ်လို့ UNFC တောင်းဆိုချက်ကို အစိုးရဘက်က လျစ်လျူရှူပြီး ကချင်အပေါ်ကို ဆက်ပြီး တိုက်ခိုက် နေသေးရင် UNFC အဖွဲ့ဝင်တွေ အနေနဲ့ အစိုးရနဲ့ ဆွေးနွေးဖို့ ပြန်လည် သုံးသပ်ရမယ်လို့ UNFC အတွင်းရေးမှူး နိုင်ဟံသာ ပြောပါတယ်။

အစိုးရအနေနဲ့ UNFC အဖွဲ့ဝင်တချို့တွေနဲ့ ငြိမ်းချမ်းရေး အပစ်ခတ်ရပ်စဲရေး လုပ်ထားပေမယ့် တဘက်မှာ ကေအိုင်အေကို ဖိတိုက်နေတာကို UNFC အနေနဲ့ မကျေမနပ် ဖြစ်မိတယ်လို့ ဆိုပါတယ်။ ဒါဟာ အစိုးရဘက်က ရိုးသားမှုမရှိတာကို ပြပြီး တိုင်းရင်းသားတွေ တောင်းဆိုတဲ့ အခွင့်အရေးကို မပေးချင်လို့ နိုင်ငံရေးနည်းနဲ့ ဖြေရှင်းဖို့ ရှောင်နေသလို ဖြစ်နေတာကို မြင်ရတယ်။ ဒါပေမယ့် ဒီလုပ်ရပ်ကြောင့် အစိုးရနဲ့ ဆွေးနွေးဖို့ ရပ်ဆိုင်းတဲ့ ထိ ဖြစ်လာမရင် နိုင်ငံရေးဆွေးနွေးပွဲ လုပ်နိုင်ဖို့ ပိုအလှမ်းဝေး သွားမှာ စိုးလို့ အခုချိန်ထိ UNFC အနေနဲ့ တတ်နိုင်သလောက် အစိုးရနဲ့ နိုင်ငံရေး တွေ့ဆုံနိုင်ဖို့ ကြိုးစားစီစဉ် သွားမှာဖြစ်ပြီး ကချင်ရေးကိုလည်း ထည့်သွင်းဆွေးနွေး သွားမယ်လို့ နိုင်ဟံသာက ဆိုပါတယ်။
ကချင် စစ်ပွဲတွေ ရပ်စဲဖို့ ၊ တိုင်းရင်းသားတွေ လိုလားတောင့်တတဲ့ နိုင်ငံရေးတွေ့ဆုံ ဆွေးနွေးပွဲ ဖြစ်မြောက်လာဖို့ ပြည်တွင်းပြည်ပ အဖွဲ့အစည်းအပါအ၀င် နိုင်ငံတကာ အသိုင်းအဝိုင်းကပါ ဖိအားပေးတိုက်တွန်းစေချင်တယ်။ အစိုးရကို ဖိအားပေးနိုင်စွမ်း ရှိတဲ့ အမေရိကန်၊ အီးယူ နိုင်ငံတွေ နဲ့ ဂျပန်နိုင်ငံလို နိုင်ငံမျိုးတွေက ကြားဝင်ညှိနှိုင်း ဖိအားပေးစေချင်တယ်လို့ ဆိုပါတယ်။
ပြီးခဲ့တဲ့ ရက်ပိုင်းက နိုဘယ်ငြိမ်းချမ်းရေး ဆုရှင်၊ NLD ဥက္ကဋ္ဌ ဒေါ်အောင်ဆန်း စုကြည် က ကချင်အရေးမှာ သူဝင်မပြောတာ အစိုးရက တောင်းဆိုမှုမရှိလို့ ဆိုတာကတော့ သူက အစိုးရနဲ့ စစ်တပ်ကို သိမ်းသွင်း စည်းရုံးတဲ့ လမ်းကြောင်းပေါ် ရောက်နေပြီး တဘက်မှာလဲ တိုင်းရင်းသား တွေရဲ့ ဒုက္ခတွေကို နားမလည်နိုင်လို့ ဖြစ်နိုင်တယ်လို့ နိုင်ဟံသာက အဲဒီသတင်းစာရှင်းလင်းပွဲမှာ သုံးသပ်ပြောဆိုပါတယ်။

UNFC အနေနဲ့ နိုင်ငံရေး ဆွေးနွေးမှုလုပ်မယ်ဆိုရင် လွတ်လပ် တန်းတူတဲ့ ၊ နိုင်ငံတကာက စောင့်ကြည့်တဲ့အနေအထားအောက်မှာ ပြုလုပ်ချင်တယ်။ ဒါမှ စစ်မှန်တဲ့ တွေ့ဆုံဆွေးနွေးမှု ဖြစ်မယ်လို့ ပြောပါတယ်။                    

ပါကစ္စတန်မှာ အသေခံ ဗုံးခွဲမှုကြောင့် အများအပြားသေ
ပါကစ္စတန် ဗုံးကွဲမှုမြင်ကွင်း
ပါကစ္စတန်နိုင်ငံ ကွာတာမြို့က ဘိလစ်ခုံမှာ နှစ်ဆင့် ပေါက်ကွဲမှုအတွင်း ဒုတိယအကြိမ် ပေါက်ကွဲမှုကြောင့် အများအပြား သေကြေ ဒဏ်ရာရတာ ဖြစ်ပါတယ်။ ပထမဗုံးတလုံး ပေါက်ကွဲပြီး ရဲနဲ့ မီဒီယာသမားတွေ ချက်ခြင်း ရောက်လာစဉ် နောက်တလုံး ပေါက်ကွဲတာဖြစ်ပါတယ်။
အကြီးတန်းရဲအရာရှိ Hamid Shakil အပြောကတော့ ပထမပေါက်ကွဲမှုနဲ့ ဒုတိယ ပေါက်ကွဲမှုဟာ ၁၀မိနစ်ဘဲကွာခြားတယ်လို့ဆိုပါတယ်။ ပထမအကြိမ် အသေခံဗုံးခွဲသူက ခြေလျင်လာတာဖြစ်နိုင်ပြီး ဒုတိယ အကြိမ်ကတော့ ကားဗုံး ထောင်ထားတာလို့ ယူဆရကြောင်း ရဲကပြောပါတယ်။
အခုသေဆုံးသူတွေထဲမှာ မီဒယာသမား နှစ်ယောက် ပုဂ္ဂလိက ကယ်ဆယ်ရေး အဖွဲ့က လုပ်သား ၄ယောက်နဲ့ ရဲ၅ယောက်ပါဝင်ပါတယ်။
အခုဖြစ်တဲ့နေရာဟာ လူနည်းစု ရှအာ မွတ်စလင်တွေ နေတဲ့နေရာ ဖြစ်တယ်လို့ ပါကစ္စတန် ပြည်ထဲရေးဝန်ကြီး အက်ဘာဒူရနီက ပြောပါတယ်။ သေဆုံး ဒဏ်ရာရသူ အများစု ဟာ ရှအာ မွတ်စလင်တွေဖြစ်ပြီး သေဆုံးသူ နောက်ထပ် တိုးလာနိုင်တယ်လို့ ရဲအရာရှိကပြောပါတယ်။
လက်ရ်ှကာ အိ ဂျန်ဗီလို့ခေါ်တဲ့ ပိတ်ပင်ခံထားရတဲ့ ဆူနီမွတ်ဆလင် အဖွဲ့က သူတို့လက်ချက်လို့ကြေညာသွားပါတယ်။
ဆူနီဘာသာရေး ဆရာတယောက် ဗုဒ္ဓဟူးနေ့က သေနတ်ပစ်ခံရပြီး လက်ရ်ှကာအဖွဲ့ပုန်းအောင်းတယ်လို့ မသင်္ကာတဲ့နေရာက လက်နက်ပုန်းတွေ ဖမ်းမိတာကို လက်စားချေတိုက်ခိုက်တာဖြစ်နိုင်တယ်လို့ အစိုးရအရာရှိကြီးတယောက်က ဘီဘီစီကိုပြောသွားပါတယ်။
ကွတ်တာ ဈေးထဲက နောက်ထပ် ပေါက်ကွဲမှုမှာ လူ ၁၁ ယောက် သေဆုံးပါတယ်။
Swat ဒေသ ဘာသာရေး ပွဲတော်တခု မှာလဲ ပေါက်ကွဲမှုကြောင့် လူ ၂ဝ ကျော် သေဆုံး ခဲ့ပါတယ်။