09.01.2013 နေ့ဖတ်ရန်သတင်းများ

by Myanmar Journal on Tuesday, January 8, 2013 at 5:06pm 

သမ္မတ ကာဇိုင်း ဝါရှင်တန် လာ

အာဖဂန်က အမေရိကန် တပ်တွေ အရေး ဆွေးနွေးမယ်

အာဖဂန် နစ္စတန်မှာ အမေရိကန်ရဲ့ အနာဂတ် အခန်းကဏ္ဍနဲ့ ပတ်သက်ပြီး ဆွေးနွေးဖို့ အာဖဂန် သမ္မတ ဟာမစ် ကာဇိုင်း ဝါရှင်တန် ကို ၄ ရက် ခရီး ရောက်ရှိ လာပြီ ဖြစ်ပါတယ်။

၂ဝ၁၄ ခုနှစ် အကုန်မှာ နိုင်ငံခြား တပ်တွေ အာဖဂန် မြေက ထွက်သွားပြီ ဆိုရင် အမေရိကန် တပ်တွေ ဘယ်လို ဘယ်ပုံနဲ့ ဘယ်လောက် အရေအတွက် ထားရှိမလဲ ဆိုတာ ဆွေးနွေးဖို့ ဒီ သီတင်းပတ် ကုန်မှာ မစ္စတာ ကာဇိုင်း သမ္မတ အိုဘားမားကို တွေ့ဖို့ ရှိပါတယ်။

လောလောဆယ် တခြား နေတိုး တပ်သား ၄ သောင်း နဲ့အတူ အမေရိကန် စစ်သား ၆ သောင်း လောက် အာဖဂန်နစ္စတန်မှာ ကျန်နေပါသေးတယ်။

တာလီဘန်ကို နှိမ်နင်းဖို့ သမ္မတ ကာဇိုင်း အနေနဲ့ အမေရိကန် အထောက်အပံ့ ရဖို့ လိုသေးတယ် ကာဘူးက ဘီဘီစီ သတင်းထောက် က ပြောပါတယ်။

ကျမ်းကျိန်ပွဲ မတက်နိုင်တဲ့ ချာဗက်ဇ်

ဒု သမ္မတ မဒူးရိုး အခြေခံ ဥပဒေ ကိုးကားခုခံ

ကြာသပတေးနေ့ ကျင်းပမယ့် သမ္မတ သက်တမ်းသစ် အတွက် ကျမ်းသစ္စာ ကျိန်ဆိုပွဲကို သမ္မတ ဟူးဂိုး ချာဗက်ဇ် တက်ရောက်နိုင်မှာ မဟုတ်ကြောင်း ဗင်နီဇွဲလား အာဏာပိုင် တွေက အတည်ပြု လိုက်ပါပြီ။

သမ္မတ ချာဗက်ဇ် အရင်လက နောက်ပိတ်ဆုံး ကင်ဆာ ရောဂါ ခွဲစိတ်မှုကပြန်နလံထ နေပြီ ဖြစ်ပေမယ့် ဆရာဝန်နဲ့ နောက်ထပ် ပြဖို့ လိုသေးလို့ ကျူးဘားမှာ နေရအုံးမယ်လို့ ဗင်နီဇွဲလား ဒုတိယ သမ္မတ နိကိုလပ်စ် မဒူးရိုးက လွှတ်တော်ကို စာပို့ အကြောင်းကြား ခဲ့ပါတယ်။

ကျမ်းကျိန်ပွဲကို ရက်ရွှေ့ဖို့ မစ္စတာ ချာဗက်ဇ်က တောင်းဆိုထားကြောင်းလဲ စာမှာ ပါရှိပါတယ်။

ဒီတောင်းဆိုမှု နဲ့ ပတ်သက်ပြီး လွှတ်တော်မှာ ဆွေးနွေးနေကြပြီး ခွင့်ပြုလိမ့်မယ်လို့ ယူဆရပါတယ်။

မစ္စတာ ချာဗက်ဇ် ပျက်ကွက်ကြောင်း ကြေညာပြီး လွှတ်တော် ဥက္ကဋ္ဌက ကြားဖြတ် သမ္မတ လုပ်ဖို့ အတိုက်အခံတွေ ဘက်က တောင်းဆိုကြ ပါတယ်။

တရုတ်သတင်းလောကနဲ့ ကွန်မြူနစ်ပါတီ ထိန်းချုပ်မှု

တရုတ်နိုင်ငံတောင်ပိုင်း ဂွမ်ကျိုးမြို့မှာ အစိုးရရဲ့ ဆင်ဆာဖြတ်တောက်မှုတွေကို ကန့်ကွက်နေတဲ့ သတင်းစာတိုက်တခုက သတင်းသမားတွေနဲ့ အတူ ဆန္ဒပြသူတွေထွက်လာပြီး ပူးပေါင်းလို့ ဒုတိယနေ့အဖြစ် ဆက် ဆန္ဒပြခဲ့ပါတယ်။

ဆန္ဒပြနေတဲ့ ဆောက်သန် ဝိကလီး တောင်ပိုင်းအပတ်စဉ်သတင်းစာ ရုံးခန်းတွေရှိရာကို ဆန္ဒပြသူတွေ ရောက်လာပြီး သူတို့နဲ့ တသဘောထဲရှိကြောင်း ထုတ်ပြခဲ့ကြပါတယ်။

မနေ့က ဆန္ဒပြပွဲတွေ စဖြစ်ခဲ့ပြီးတဲ့ နောက် ဒီကနေ့မှာတော့ တရုတ် သတင်းစာ တော်တော်များများမှာ မီဒီယာဟာ အစိုးရ ထိန်းချုပ်မှုအောက်မှာ ရှိသင့်တယ်ဆိုတဲ့ ကွန်မြူနစ်ပါတီက ထုတ်ပြန်ပေးပို့တဲ့ ခေါင်းကြီးဆောင်းပါးကို ထည့်သွင်းဖော်ပြခဲ့ပါတယ်။ တချို့ သတင်းစာတွေက တော့ ပါတီက ပေးတဲ့ ခေါင်းကြီးကို တမင် မဖော်ပြပဲ ဆန့်ကျင်ခဲ့ကြပါတယ်။

တောင်ပိုင်း အပတ်စဉ်သတင်းစာက ရေးတဲ့ လွတ်လပ်မှုတွေ ပိုလိုတယ်ဆိုတဲ့ အကြောင်း ဆောင်းပါးကို ပါတီ အာဏာပိုင်တွေက ဆင်ဆာဖြတ်ပြီး ပြုပြင်ပြောင်းလဲ ရေးတွေနဲ့ ပတ်သက်လို့ ရေးသား ထားတဲ့ သတင်းစကား တွေနေရာမှာ ကွန်မြူနစ် ပါတီကို ဂုဏ်ပြု ချီးမွမ်းတဲ့ စာသားတွေနဲ့ အစားထိုးခဲ့တဲ့ အတွက် အဲဒီ သတင်းစာ တိုက်က သတင်းစာ ဆရာတွေ က သတင်းစာ ထုတ်ဝေတဲ့ ဂွမ်ဒုံး ပြည်နယ်ရဲ့ ပါတီ ဝါဒဖြန့်ရေး အကြီးအကဲ ထော်ကျင့် ကိုပါ နုတ်ထွက် ပေးဖို့ အတွက် စာ ၂ စောင် ရေးလို့ တောင်းဆို ခဲ့ပြီး တနင်္လာနေ့က စတင်ဆန္ဒပြခဲ့ကြတာဖြစ်ပါတယ်။

ဒါပေမယ့် တရုတ် နိုင်ငံပိုင် Global Times သတင်းစာ အယ်ဒီတာအာဘော်မှာတော့ အခုပြောနေကြတဲ့ နှစ်သစ်ကူး သတင်းစကားကို ပြောင်းလဲခဲ့တဲ့ ကိစ္စမှာ ပြည်နယ်ရဲ့ အာဏာပိုင် တွေပါဝင် ပတ်သက်မှု မရှိတဲ့ အကြောင်း၊ ဒါတွေက အမေရိကန်မှာ ရောက်နေတဲ့ မျက်မမြင် ရှေ့နေ ချန်းဂွမ်ချန်း တို့လို ပြည်ပရောက် နေတဲ့ တရုတ် အစိုးရကို ဆန့်ကျင်တဲ့ အဖွဲ့တွေက မီဒီယာတွေကို အစိုးရနဲ့ ထိတ်တိုက် တွေ့အောင် မြှောက်ပေးနေကြတာ ဖြစ်တယ်လို့ ရေးသားဖေါ်ပြခဲ့ပါတယ်။

နောက်ပြီး အဲဒီ အပြင်က ဆန့်ကျင်ရေး သမားတွေ တောင့်တ နေကြသလို လုံးဝ လွတ်လပ်တဲ့ မီဒီယာ ဆိုတာ ဖြစ်လာဖို့ အတွက်က တရုတ် ပြည်ရဲ့ လက်ရှိ အနေအထား အရ မဖြစ်နိုင်ဘူး လို့လည်းရေးသား ဖော်ပြ ခဲ့ပါတယ်။အခု အင်္ဂါနေ့မှာတော့ ဒီ Global Times ရဲ့ အာဘော်ကို တခြား သတင်းဝက်ဆိုက် တွေက ပြန်ပြီး ဖော်ပြခဲ့ကြပြီး အဲဒီ လို ပြန်လည် ဖော်ပြ ကြတာဟာ အစိုးရဆီက လာတဲ့ ညွှန်ကြား မှုကြောင့် ဖြစ်တယ်လို့လည်း သတင်းတွေ ထွက်လာ ခဲ့ပါတယ်။

အခု အင်တာနက် ပေါ်မှာ ပြန့်နေတဲ့ စာသားတွေ ထဲမှာ အစိုးရရဲ့ မီဒီယာ နဲ့ ပတ်သက်လို့ မယိမ်းယိုင် တဲ့ မူဝါဒတွေ၊ ပြည်ပက သွေးထိုးနေတဲ့ အဖွဲ့တွေ ကို အပြစ်တင်ထား တာတွေသာ မကဘဲ အခု ဆန္ဒပြနေတဲ့ Southern Weekly သတင်းစာက သတင်းသမားတွေကို မထောက်ခံကြဖို့ တွေရေးသား ထားပါတယ်။အဓိက သတင်းဝက်ဆိုက် ကြီးတွေဖြစ်ကြတဲ့ ရှင်နာ၊ ဆိုဟူနဲ့ တဲန်းဆဲန့် တို့မှာ အဲဒီအစိုးရ အာဘော်တွေကို ဖေါ်ပြခဲ့ကြပေမယ့် တခြား နာမည်ရ သတင်းစာ တချို့ဖြစ်တဲ့ Xiao Xiang Morning Post, Shanghai Morning Post, China Youth Daily နဲ့ Oriental Daily သတင်းစာ ကြီးတွေမှာတော့ ဒီ Global Times ရဲ့ အာဘော်ကို ဖော်ပြခြင်း မရှိပါဘူး။

တကယ်တော့ တရုတ်ပြည်မှာ မီဒီယာ လောကကို အစိုးရရဲ့ ဝါဒဖြန့်ချီရေး ဌာနတွေကနေ ထိန်းချုပ် ထားတာ ဖြစ်ပါတယ်။

အခု ဖြစ်နေတဲ့ ပြဿနာ တွေဟာဖြင့် ပြီးခဲ့တဲ့ နိုဝင်ဘာလက တက်လာခဲ့တဲ့ တရုတ် ခေါင်းဆောင်သစ် တွေအတွက် စမ်းသပ်မှု တခုပဲ ဆိုပြီး အားလုံးကလည်း စိတ်ဝင်တစား စောင့်ကြည့်နေကြပါတယ်။                      

ကချင်မှာ လေကြောင်းတိုက်ခိုက်မှုတွေ ဆက်လုပ်

KIA ကချင်တပ်သားများ

ကချင်ပြည်နယ်တွင်းမှာ အစိုးရတပ်တွေနဲ့ ကချင် လွတ်လပ်ရေး တပ်မတော် KIA တို့ တိုက်ပွဲတွေ ဆက်ဖြစ်နေသလို အစိုးရတပ်ဘက်က လေကြောင်းက တိုက်ခိုက်မှု တွေလည်း ဆက်လုပ် နေတယ်လို့ သိရပါတယ်။

ကေအိုင်အို ဌာနချုပ် လိုင်ဇာအနီးက ‘လဂျားယန်’ ဒေသ တောင်ကြော တဝိုက်ကို အင်္ဂါနေ့က တိုက်လေယာဉ် ၂ စီးနဲ့ ၂ ကြိမ် လာရောက် တိုက်ခိုက်ခဲ့တယ်လို့ ဒေသခံတွေက ပြောပါတယ်။

တိုက်လေယာဉ်နဲ့ မနက်ပိုင်းက တကြိမ် နေ့လည် ၃ နာရီလောက်မှာ တကြိမ် တိုက်ခိုက်ခဲ့ပြီး တနင်္လာနေ့ကလည်း တိုက်ခိုက်ခဲ့ကြောင်း သိရပါတယ်။

အစိုးရစစ်တပ်ဖက်ကနေ မြေပြင် ထိုးစစ်အနေနဲ့လဲ ဆက်လက် လုပ်ဆောင်နေရာမှာ ဒီဇင်ဘာ (၃ဝ)ရက်နေ့က ရရှိ သိမ်းပိုက် နိုင်ခဲ့တယ်လို့ ကြေညာထားတဲ့ လဂျားယန် အနီးက ပွိုင့် (၇၇၁ ) တောင်ကုန်းအနီးက နောက်ထပ် တောင်ကုန်းတခုကို ဆက်လက် သိမ်းနိုင်ဖို့ တိုက်ခိုက် နေတယ် လို့လည်း သိရပါတယ်။

လိုင်ဇာအနီးမှာ လက်နက်ကြီး ကျည်တွေ ကျရောက်ခဲ့တယ်လို့လည်း ဒေသခံတွေက ပြောပါတယ်။

အခု ဖြစ်နေတဲ့ တိုက်ပွဲတွေဟာ KIA ရုံးချုပ်နဲ့ သိပ်မဝေးတဲ့နေရာမှာ ဖြစ်နေတာကြောင့် အပြန်အလှန် တိုက်ခိုက်မှုတွေဟာ ပိုမို ပြင်းထန်လာနိုင်စရာ ရှိတယ်လို့ တရုတ်မြန်မာ နယ်စပ်က ဘီဘီစီ သတင်းထောက်က သုံးသပ် ပါတယ်။

အထည်ချုပ်စက်ရုံ အလုပ်သမားတွေ အခွင့်အရေးတောင်း

အထည်ချုပ် စက်ရုံတခုက အလုပ်သမတွေ၊

လှိုင်သာယာ စက်မှုဇုံ အတွင်းမှာရှိတဲ့ နယူးဝေးအထည်ချုပ်၊ ထိပ်တန်းမြန်မာ အထည်ချုပ်၊ တော်ဝင်မြန်မာ အထည်ချုပ်စက်ရုံ အပါအ၀င် စက်ရုံ(၄)ရုံက အလုပ်သမားတွေ လှိုင်သာယာမြို့နယ် အလုပ်သမားရုံးမှာ အလုပ်သမား ရပိုင်ခွင့် အတွက် တောင်းဆို ညှိနှိုင်းနေ ကြပါတယ်။

အလုပ်သမားတွေဘက်က ညှိနိုင်းဆွေးနွေးမဲ့ ကိုယ်စားလှယ်တွေ လာရောက် ပြီးဆွေးနွေးနေတာ ဖြစ်ပါတယ်။

စက်မှုဇုံ (၃) မှာရှိတဲ့ နယူးဝေး အထည်ချုပ်စက်ရုံက အလုပ်သမားတွေ ကတော့ အလုပ်ပြန်စလုပ်တာ မကြာသေးပေမဲ့ အိုဗာတိုင် အရမ်းခိုင်းတာ၊ အချိန်ပိုကြေးကို စာရင်းနဲ့ မပေးတာတွေကို ပြင်ဆင်ပေးဖို့နဲ့၊ အခြခံလစာတိုးပေးဖို့ အပါ အ၀င် အချက်(၁၂)ချက်ကို တောင်းဆိုထားတယ်လို့ အလုပ်သမတဦးက ဘီဘီစီကို ပြောပါတယ်။

အလုပ်သမားတွေက အခြေခံလစာကို လက်ရှိ ၁၄၀၀၀ ကနေ ငါးသောင်းအထိ တိုးပေးဖို့ တောင်းဆိုနေသလိုပဲ၊ အချိန်ပို လုပ်ရရင် တစ်နာရီကို ဘယ်လောက် ဆိုတာ တိတိကျကျ သတ်မှတ်ပြီး ပေးစေချင်တာ ဖြစ်ပါတယ်။

တောင်းဆိုချက်(၁၂)ကို ညှိနိုင်းတဲ့အခါ (၁၀)ချက် လိုက်လျောပေးတယ်လို့ နယူးဝေး အထည်ချုပ်စက်ရုံ မန်နေဂျာ ဦးအေညွန့်က ဘီဘီစီကို ပြောပါတယ်။ အခြေခံလုပ်ခ တိုးပေးဖို့ ကိစ္စကိုတော့ အလုပ်ရှင်နဲ့ အလုပ်သမား ကိုယ်စားလှယ်တွေ ပါဝင်တဲ့ အဖွဲ့တဖွဲ့ ဖွဲ့ပြီး ဆက် ညှိသွားကြမယ်လို့ သူက ပြောပါတယ်။ အလုပ်ရှင်ကတော့ ကိုရီယားလူမျိုး ဖြစ်တယ်လို့ သိရပါတယ်။

နောက်ကျန်နေသေတဲ့ တော်ဝင်မြန်မာ၊ ထိပ်တန်းမြန်မာ၊ ထည်ပေါင်မြန်မာ စတဲ့အထည်ချုပ်လုပ်ငန်း အလုပ်သမားတွေရဲ့ တောင်းဆိုတဲ့အခွင့်အရေးတွေကို အလုပ်သမား ရုံးက လာမဲ့ ဇန်န္နဝါရီ (၁၅) ရက်နေ့မှာ ဆက်ပြီး ညှိနှိုင်းပေးမယ်လို့ သိရပါတယ်။

အလုပ်သမားတွေကတော့ သူတို့ဟာ ဆန္ဒပြနေတာမဟုတ်ဘဲ ရသင့်တဲ့ အခွင့်အရေး တောင်းဆိုတာသာ ဖြစ်တယ်လို့ ဘီဘီစီကိုပြောပါတယ်။

သြစတြေလျ တောမီး အကြီးအကျယ်ပြန့်နှံ့

မီး ကူးမှုက သိတ်ကို မြန်ဆန်

သြစတြေလျနိုင်ငံ အရှေ့တောင်ပိုင်း နယူးဆောက်ဝေးလ်ပြည်နယ်မှာတော့ မကြုံစဖူး ကြီးမား ကျယ်ပြန့်တဲ့ တောမီးတွေကို မီးသတ်သမားတွေ အပြင်းအထန် ကြိုးစား ငြိမ်းသတ်နေရပါတယ်၊ နေရာပေါင်း ၁၃၀ ကျော်မှာ မီးလောင်နေပြီး အဲဒီအထဲကက အနဲဆုံး နေရာလေးဆယ်မှာ မီးကို ထိန်းမရနိုင် ဖြစ်နေပါတယ်။

မီး အန္တရာယ်ကိုလည်း နေရာတော်တော်များများမှာ အမြင့်ဆုံး အဆိုးဆုံး အခြေအနေ အဖြစ်သတ်မှတ်ထားပါတယ်။

မီးသတ်သမားတွေကတော့ ရာသီဥတု အခြေအနေက ဆိုးလွန်းတော့ မီးသတ်ဖို့ မဖြစ်နိုင်လောက်အောင်ပါပဲ၊ လေက သိတ်ပြင်းပြီး မီးအနားကို ကပ်လို့ တောင်မရပါဘူး၊ သိတ်အန္တရာယ်ကြီးပါတယ်လို့ ပြောပါတယ်။

တောင်ပိုင်းပိုကျတဲ့ ဝိတိုရီယပြည်နယ်မှာလည်း အရေးပေါ်မီးသတ်အဖွဲ့တွေကို အသင့်ပြင်ထားပါတယ်၊ မီးတွေ စလောင်ခဲ့တဲ့ တပ်စမေးနီးယားပြည်နယ်မှာလည်း နေရာ တချို့မှာ ဆက်လောင်ကျွမ်းနေဆဲဖြစ်ပါတယ်။

သြစတြေလျအလယ်ပိုင်းက ကမ္ဘာလှည့်ခရီးသည်တွေ အလာများတဲ့ အဲလစ်စပရင်းနားမှာလည်း အပန်းဖြေစခန်းတခု မီးလောင်နေပါတယ်။

အပူချိန်က ၄၀ ဒီဂရီ ဆယ်လ်စီးရပ်စ်ကျော်နေပြီး လေပြင်းတွေလည်း တိုက်၊ စိုက်ခင်းတွေက်လည်း ခြောက်သွေ့နေလို့ တောမီးတွေက ပိုဆိုးဆိုးဝါးဝါး ပြန့်နှံ့နေတာလို့ သိရပါတယ်။

အင်ဒိုနီးရှား နိုင်ငံခြားရေးဝန်ကြီး ရခိုင်ကိုသွားရောက်

မစ္စတာ နာတာလီဂါဝါနဲ့အတူ နယ်စပ်ရေးရာ ဝန်ကြီး ဒုတိယ ဗိုလ်ချုပ်ကြီး သိန်းဌေးလည်း လိုက်ပါ

အင်ဒိုနီးရှား နိုင်ငံခြားရေး ဝန်ကြီး မာတီ နာတာလီဂါဝါ ဟာ တနင်္လာနေ့ နေ့လည်ပိုင်းက စစ်တွေမြို့ကို ရောက်ရှိ လာပြီး၊ ရဟတ်ယာဉ် တွေနဲ့ ဒုက္ခသည် စခန်းတွေ ကို သွားရောက် ကြည့်ရှုခဲ့ပါတယ်။

မစ္စတာ နာတာလီဂါဝါ နဲ့ အတူ ရခိုင်ပြည်နယ် ဝန်ကြီးချုပ် ဦးလှမောင်တင်၊ နယ်စပ်ရေးရာ ဝန်ကြီး ဒုတိယ ဗိုလ်ချုပ်ကြီး သိန်းဌေးနဲ့ အစိုးရ အရာရှိတွေ လိုက်ပါ သွားခဲ့ပြီး ညနေပိုင်းမှာ စစ်တွေမြို့ကို ပြန်ရောက်ရှိ လာပါတယ်။

သူဟာ ရခိုင်ဒေသက ဒုက္ခသည်တွေကို အကူအညီ ပေးဖို့ အတွက် လာရောက် လေ့လာတာ ဖြစ်ပြီး၊ နေပြည်တော်မှာ အစိုးရပိုင်းနဲ့ တွေ့တဲ့ အခါ လိုအပ်ချက် တွေကို ဆွေးနွေး ဆောင်ရွက်မယ်လို့ ပြောပါတယ်။

မနက်ဖြန် အင်္ဂါနေ့ မနက်ပိုင်း ကျရင်တော့ သဲချောင်းကျေးရွာ ဒုက္ခသည်တွေကို သွားရောက် တွေ့ဆုံမယ်လို့ သိရပါတယ်။

ဂျပန်အစိုးရ တရုတ်သံအမတ်ကို ဆင့်ခေါ်

ဂျပန်အစိုးရအတွင်းဝန်ချုပ် Yoshihide Suga

နှစ်နိုင်ငံအကြား ပိုင်ဆိုင်မှုအငြင်းပွားနေတဲ့ ကျွန်းစုတွေနားမှာ တရုတ်အစိုးရသင်္ဘောတွေ ရှိနေတဲ့အပေါ် ကန့်ကွက်ကြောင်း ပြောဆိုဖို့ ဂျပန်နိုင်ငံဆိုင်ရာ တရုတ်သံအမတ်ကို ဂျပန်အစိုးရက ဆင့်ခေါ်ခဲ့ပါတယ်။ ဒီ နယ်မြေပိုင်ဆိုင်မှုဆိုင်ရာ အငြင်းပွားနေတဲ့ ကိစ္စကြောင့် အာရှအင်အားကြီးနှစ်နိုင်ငံအကြား ဆက်ဆံရေးဟာ ဆက်လက်ပြီးတော့ အဆင်မပြေဖြစ်နေဆဲပါ။

နှစ်နိုင်ငံ အကြီးတန်းသံတမန်တွေ တွေ့ဆုံ ဆွေးနွေးကြချိန်အတွင်း ဂျပန်နိုင်ငံခြားရေးဝန်ကြီးဌာနက တရုတ်နိုင်ငံအပေါ် အပြင်းအထန် ကန့်ကွက်ခဲ့ပါတယ်။ ဂျပန်နိုင်ငံရဲ့ အုပ်ချုပ်မှုအောက်မှာရှိနေတဲ့ ကျွန်းစုတွေဆီ တရုတ်အစိုးရက သင်္ဘောတွေ စေလွှတ်နေတာ ရပ်ဆိုင်းဖို့ကိုလည်း တောင်းဆိုခဲ့ပါတယ်။

တရုတ် ရေကြောင်းထောက်လှမ်းရေး သင်္ဘောသုံးစင်းဟာ ကျွန်းစုတွေပတ်ပတ်လည်က ဒေသဆီ တနင်္လာနေ့က ၀င်ရောက်ခဲ့ပြီး ၁၃ နာရီကြာ နေသွားခဲ့တယ်လို့ ဂျပန်ကပြောပါတယ်။ ဒီလုပ်ရပ်ဟာ အလွန်အမင်းကို ပုံမှန်မဟုတ်တဲ့ကိစ္စဖြစ်ပြီး မသင့်လျော်တဲ့ လုပ်ရပ်ဖြစ်တယ်လို့ ဂျပန်အစိုးရ အတွင်းဝန်ချုပ် Yoshihide Suga က ပြောပါတယ်။

တရုတ်အစိုးရဟာ မကြာသေးခင်လတွေအတွင်း အငြင်းပွားရေပိုင်နက်ထဲ သင်္ဘောတွေ အကြိမ်ကြိမ် စေလွှတ်ခဲ့ပြီးတော့ ဒါဟာ သူတို့ဆန္ဒရှိတဲ့အတိုင်း လာနိုင်တယ်၊ သွားနိုင်တယ်ဆိုတာကို ပြဖို့ ကြိုးစားတဲ့လုပ်ရပ်အဖြစ် လေ့လာသူတချို့က သုံးသပ်ပါ တယ်။

ပြီးခဲ့တဲ့နှစ် စက်တင်ဘာလမှာ ဂျပန်ပုဂ္ဂလိက ပိုင်ရှင်တဦးလက်ထဲကနေ ကျွန်းတွေကို ဂျပန်အစိုးရက ၀ယ်ယူခဲ့တာကြောင့် တရုတ်အစိုးရက ဒေါသထွက်ခဲ့ပါတယ်။

တရုတ် ဆင်ဆာဖြတ်တောက်မှုပေါ် ဆန္ဒပြမှုပျံ့နှံ့

ဂွမ်ဇောင်းမြို့က Southern Weekly သတင်းတိုက်ရှေ့မှာ ဆန္ဒပြနေကြသူတွေ ချထားတဲ့ စာတန်းတွေနဲ့ ပန်းပွင့်တွေရှေ့မှာ လုံခြုံရေးရဲမျုား။

တရုတ်နိုင်ငံမှာ အစိုးရရဲ့ ဆင်ဆာတည်းဖြတ်မှုတခုကြောင့် ဒေသဆိုင်ရာ အငြင်းပွားမှုတခုကနေ တနိုင်ငံ လုံးအနှံ့ အင်တာနက် အွန်လိုင်းပေါ်မှာ ဆန္ဒပြ ကန့်ကွက်တာတွေ ဖြစ်နေတာနဲ့ အမျှ နိုင်ငံတောင်ပိုင်းမှာ လွတ်လပ်ပြောဆိုခွင့်ဆိုင်ရာ ဆန္ဒပြသူတွေနဲ့ ကွန်မြူနစ်ပါတီကို ထောက်ခံသူတွေအကြား အင်္ဂါနေ့က ရုန်းရင်းဆန်ခတ် ဖြစ်ခဲ့ကြပါတယ်။

သတင်းပိုင်းဆိုင်ရာ မူဝါဒအပေါ် အစိုးရက ၀င်ပြီးစွက်ဖက်တယ်လို့ဆိုတဲ့အပေါ် သတင်းမီဒီယာသမားတွေ ဆန္ဒပြ ကန့်ကွက်နေ ကြတဲ့ ဂွမ်ဇောင်းမြို့က Southern Weekly သတင်းစာတိုက်အပြင်ဘက်မှာ ရာပေါင်းများစွာသော ဆန္ဒပြသူတွေ အင်္ဂါနေ့က စုဝေးခဲ့ကြတာပါ။

သတင်းမီဒီယာဆိုင်ရာ ပြုပြင်ပြောင်းလဲရေးလုပ်ဖို့ တောင်းဆိုတဲ့ စာတမ်းတွေကိုကိုင်ဆောင်ပြီး ဆန္ဒပြနေကြသူတွေကို တရုတ် အလံတွေဝှေ့ယမ်းပြီး ဥက္ကဋ္ဌ မော်စီတုန်းရဲ့ပိုစတာတွေကို ကိုင်ဆောင်ထားတဲ့ ကွန်မြူနစ်ပါတီကို ထောက်ခံသူတွေက ထိပ်တိုက် ရင်ဆိုင်ခဲ့ပြီးတဲ့နောက် အသေးစား ရုန်းရင်းဆန်ခတ်ဖြစ်တာတွေ ရှိခဲ့ပါတယ်။

အခြေခံဥပဒေအရ အခွင့်အရေးတွေပိုပေးဖို့ တိုက်တွန်းထားတဲ့ နှစ်သစ်ကူး အယ်ဒီတာ့အာဘော်တပုဒ်ကို ပြီးခဲ့တဲ့သီတင်းပတ်မှာ ပိတ်ပင်ခဲ့ပြီးတဲ့နော်က ပြည်နယ် ၀ါဒဖြန့်ချိရေးအကြီးအကဲ နှုတ်ထွက်ပေးဖို့ ဆန္ဒပြသူတွေက တောင်းဆိုကြပါတယ်။ အဲဒီ အယ်ဒီတာ့အာဘော်ဆောင်းပါးနေရာမှာ ကွန်မြူနစ်ပါတီရဲ့ အောင်မြင်မှုတွေကို ချီးမြှောက်ရေးသားထားတဲ့ ဆောင်းပါးတပုဒ်နဲ့ အစားထိုး ဖော်ပြခဲ့ပါတယ်။

သန်းကြွယ်သူဌေးကြီး Soros မြန်မာပြည်ရောက်

ဟန်ဂေရီနွယ်ဖွား ကုဋေကြွယ်သူဌေးကြီး George Soros

မြန်မာနိုင်ငံကိုရောက်နေတဲ့ အမေရိကန် ကုဋေကြွယ်သူဌေးကြီးတစ်ဦးဖြစ်တဲ့ ဂျော့ရှ် ဆိုးရောစ် (George Soros) ဟာ ပြည်တွင်းရောက်ရှိစဉ်မှာ နယ်ပယ်စုံက ပုဂ္ဂိုလ်တွေကို တွေ့ဆုံ ခဲ့ပြီး မြန်မာနိုင်ငံမှာ လက်ရှိဖြစ်ပေါ်နေတဲ့ နိုင်ငံရေး၊ စီးပွားရေး၊ လူမှုရေးနဲ့ မီဒီယာကိစ္စတွေကို ပါ တွေ့ဆုံ မေးမြန်းမှုတွေ ပြုလုပ်ခဲ့တယ်လို့ ဂျော့ရှ် ဆိုးရောစ်ရဲ့ မြန်မာနိုင်ငံခရီးစဉ်မှာ သူနဲ့တွေ့ခွင့်ရခဲ့တဲ့ သူတွေက ပြောပါတယ်။

ဒီကနေ့မှာလည်း ၈၈ မျိုးဆက်ကျောင်းသားများအဖွဲ့က ဦးဆောင်လှုပ်ရှားသူ တချို့နဲ့ တွေ့ဆုံ ခဲ့ပြီး မြန်မာနိုင်ငံအတွင်းက သယံဇာတ တူးဖော်ရေးတွေမှာလည်း ပွင့်လင်းမြင်သာမှု ရှိဖို့ ကိစ္စတွေ အပါအ၀င် ပြည်တွင်းငြိမ်းချမ်းရေးကို အရပ်ဖက်အဖွဲ့အစည်းတွေက ပါဝင်ဆောင်ရွက်သွားရေး ကိစ္စ တွေကိုပါ ဆွေးနွေးသွားခဲ့တယ်လို့ ၈၈ မျိုးဆက်ကျောင်းသားများအဖွဲ့က ထိပ်ပိုင်း ဦးဆောင် အဖွဲ့ဝင် တစ်ဦီး က ပြောပါတယ်။ ဒီသတင်းအပြည့်အစုံကိုတော့ ဆက်သွယ်မေးမြန်းထားတဲ့ ဗွီအိုအေ သတင်းထောက် ကိုအောင်ရဲမောင်မောင် က တင်ပြထားပါတယ်။

အမေရိကန် ရင်းနှီးမြှုပ်နှံရှင် ကုဋေကြွယ်သူဌေးကြီးတစ်ဦးဖြစ်တဲ့ ဂျော့ရှ် ဆိုးရော့စ်ဟာ မြန်မာနိုင်ငံ ကို ဇန္န၀ါရီလ ၅ ၇က်နေ့က ရောက်ရှိလာခဲ့တာဖြစ်ပြီး သူရဲ့ ခရီးစဉ်အတွင်းမှာ မြန်မာ့နယ်ပယ် အသီး သီးမှာ လှုပ်ရှားနေကြတဲ့ အရပ်ဘက် လူအဖွဲ့အစည်းက သူတွေနဲ့ တွေ့ ဆုံပြီး မြန်မာနိုင်ငံ  နိုင်ငံရေး၊ စီးပွားရေး၊ လူမှုရေးနဲ့ မီဒီယာ ကိစ္စတွေမှာ ဆွေးနွေးမှုတွေ ပြုလုပ်ခဲ့တာပါ။

အခုလို တွေ့ဆုံဆွးနွေးမှုတွေ ပြုလုပ်တဲ့အထဲမှာ ၈၈ မျိုးဆက်ကျောင်းသားများ အဖွဲ့ ခေါင်းဆောင်တွေနဲ့လည်း တွေ့ဆုံခဲ့ပါတယ်။ ကိုမြအေး၊ ကိုပြုံးချို၊ ကိုဌေးကြွယ်၊ ကိုမင်းဇေယျတို့ဟာ  ဂျော့ရှ် ဆိုးရော့စ် နဲ့ ဒီကနေ့ မွန်းလွဲပိုင်းမှာ တွေ့ဆုံခဲ့ရာမှာ မြန်မာနိုင်ငံရဲ့ သယံဇာတ ထုတ်ဖော်ရေးကိစ္စတွေမှာ ပွင့်လင်း မြင်သာမှုရှိရှိ ဘယ်လို လုပ်ဆောင်ကြမလဲ ဆိုတာတွေကို ဆွေးနွေးဖြစ်တယ်လို့ ကိုမင်းဇေယျ က ဗွီအိုအေကို ပြောပါတယ်။

“ကျနော်တို့ သယံဇာတနဲ့ပတ်သက်တဲ့ ကုန်ထုတ်လုပ်ငန်းတွေပေါ့နော် ဥပမာဆိုပါစို့ - သယံဇာနဲ့ ပတ်သက်တဲ့ ကြေးနီတို့၊ သတ္ထုတို့၊ နောက်ပြီးတော့ ရေနံနဲ့ သဘာဝဓာတ်ငွေ့တို့ကို ထုတ်လုပ်တဲ့ နေရာမှာ EIA တို့ SIA တို့ပေါ့နော် သဘာဝပတ်ဝန်းကျင်နဲ့ပတ်သက်တဲ့ကိစ္စတွေ၊ ပတ်ဝန်းကျင် သန့်ရှင်းရေးနဲ့ပတ်သက်တဲ့ကိစ္စတွေ၊ လူမှုသန့်ရှင်းရေးနဲ့ပတ်သက်တဲ့ ကိစ္စတွေမှာ ပြန်လည် စစ်ဆေးမှု အပိုင်းတွေမှာ ပွင့်လင်းမြင်သာမှုနဲ့ စည်းကမ်းတကျဖြစ်မှုပေါ့လေ ကုမ္ပဏီတွေရဲ့ လုပ်ဆောင်ချက်တွေ ရယ်၊ နောက် အစိုးရရဲ့ လုပ်ဆောင်ချက်တွေ အပေါ်မှာ ပြန်လည် ဆန်းစစ်တဲ့ ကိစ္စတွေကို ကျနော်တို့ ပြောဆိုဖြစ်ပါတယ်။”

၈၈ မျိုးဆက်ကျောင်းသားတွေနဲ့ ဂျော့ရှ် ဆိုးရော့စ် တွေ့ဆုံစဉ်မှာ ပြည်တွင်းငြိမ်းချမ်းရေးကိစ္စမှာ အရပ်ဖက် လူအဖွဲ့အစည်းတွေက ပါဝင်ဆောင်ရွက်ရေးကိစ္စတွေကိုလည်း ဆွေးနွေးဖြစ်တယ်လို့ ကိုမင်းဇေယျ က ဆက်ပြောပါတယ်။

“သူကလည်း ၈၈ ကိုလည်း ပြည်တွင်းငြိမ်းချမ်းရေးကိစ္စတွေမှာ ဘယ်လိုပုံစံနဲ့ ပူးပေါင်းဆောင်ရွက်နိုင် မလဲ မေးတဲ့အခါမှာ ကျနော်တို့ဘက်ကလည်း ကျနော်တို့သွားခဲ့တဲ့ ငြိမ်းချမ်းရေးခရီးစဉ်တွေ၊ ကျနော် တို့ လုပ်ဆောင်နေတဲ့ ထိတွေ့မှု အပိုင်းတွေပေါ့နော် - တိုင်းရင်းသားလက်နက်ကိုင် အဖွဲ့အစည်းတွေ နဲ့ရော၊ နိုင်ငံတော်အစိုးရနဲ့ရော ကျနော်တို့ ဘယ်လိုဘယ်လိုတွေ ထိတွေ့ပြောဆိုဆွေးနွေးမှုတွေ ရှိခဲ့ တယ်ဆိုတဲ့ ကိစ္စတွေကို ရှင်းပြတယ်။ ရှင်းပြပြီးတော့ အဓိကက MPC မြန်မာငြိမ်းချမ်းရေးကောင်စီရဲ့ အခန်းကဏ္ဍနဲ့ 88 အခန်းကဏ္ဍအကြောင်း အပြန်အလှန် ဆွေးနွေးကြတဲ့ သဘောပါပဲ။”

ဒါ့အပြင် မစ္စတာ ဂျော့ရှ် ဆိုးရောစ်ဟာ မြန်မာ့ငြိမ်းချမ်းရေးဖော်ဆောင်မှုစင်တာက ထိပ်ပိုင်း တာဝန်ရှိ သူတွေနဲ့ ဒီကနေ့ တွေ့ဆုံစဉ်မှာ  ပြည်တွင်းငြိမ်းချမ်းရေးနဲ့ တွေ့ဆုံဆွေးနွေးရေးကိစ္စတွေမှာ Open Society အနေနဲ့ နည်းပညာပိုင်းက ပံ့ပိုးပေးဖို့ ဂျော့ရှ် ဆိုးရော့စ်ကို တောင်းဆိုခဲ့တာ ရှိတယ် လို့ မြန်မာ့ ငြိမ်းချမ်းရေးဖော်ဆောင်မှုစင်တာက တွေ့ဆုံဆွေးနွေးရေး တာဝန်ရှိသူ ကိုအောင်နိုင်ဦးက ဗွီအိုအေကို ပြောပါတယ်။

“သူ့အနေနဲ့လည်း ဘာတွေ ကူညီရမလဲဆိုတဲ့ ကိစ္စမျိုးတွေတော့ မေးတာရှိပါတယ်။ ကျနော်တို့ အနေနဲ့ ကလည်း Technical Advice ပေါ့နော် နည်းပညာဆိုင်ရာ တွေ့ဆုံဆွေးနွေးမှုကိစ္စမျိုး ကျနော်တို့ အကြံပေးတာမျိုး ဖြစ်တဲ့အခါကျတော့ အဲ့လိုနည်းပညာမျိုးတွေ တွေ့ဆုံဆွေးနွေးရေး ကိစ္စတွေမှာ လိုအပ်လို့ရှိရင် ပေးဖို့ကိစ္စမျိုးကိုတော့ သူ့အနေနဲ့ ကတိပေးပါတယ်။ ကျနော်တို့ ဘက်ကလည်း အဲ့လို မျိုးတွေ လိုအပ်မယ်ဆိုရင် တောင်းဆိုဖို့ သူ့ဘက်က ပြောတာရှိပါတယ်။”

ဂျော့ရှ် ဆိုးရော့စ်ဟာ ပြည်တွင်း မီဒီယာသမားအချို့နဲ့ တွေ့ရှိခဲ့ပြီး မကြာခင်မှာ ပေါ်ပေါ်က်လာ မယ့် မြန်မာနိုင်ငံက သတင်းစာတွေရဲ့ အခြေအနေတွေကိုလည်း မေမြန်းခဲ့တယ်လို့ ဂျော့ရှ် ဆိုးရောစ်နဲ့ တွေ့ဆုံခဲ့တဲ့ မီဒီယာသင်တန်းဆရာတစ်ဦးဖြစ်တဲ့ ကိုရဲနိုင်မိုး က ဗွီအိုအေကို အခုလို ပြောပါတယ်။

“အဓိက-ကတော့ မစ္စတာဆိုးရော့စ်က လွန်ခဲ့တဲ့ ဆယ်စုနှစ်တစ်စုကျော်လောက်ကတည်းက မြန်မာ မီဒီယာဖွံ့ဖြိုးမှုနဲ့ပတ်သက်ရင် တော်တော်လေး တက်ကြွခဲ့တဲ့လူ ဖြစ်တယ်။ ဒေသတွင်းမှာလည်း မီဒီယာဖွံ့ဖြိုးရေးကို ကူညီခဲ့တဲ့လူဖြစ်တော့ မြန်မာနိုင်ငံရဲ့ လက်ရှိအခြေအနေကို သိချင်ပါတယ်။ ကျနော်တို့က လက်ရှိအနေအထားမှာ  နေ့စဉ်သတင်းစာတွေ ထုတ်ဖို့ ပြင်ဆင်နေတဲ့ အကြောင်း၊ ရေးဆွဲနေတဲ့ မီဒီယာဥပဒေရဲ့ အခြေအနေတွေ၊ ပြောရရင်တော့ လက်ရှိဖြစ်ပေါ်နေတဲ့ အခြေအနေတွေကို အထွေထွေသဘောမျိုး ဝိုင်းပြီးတော့ ဆွေးနွေးတဲ့သဘောပါ။”

မစ္စတာ ဆိုးရော့စ်ဟာ ရှမ်းတိုင်းရင်းသားခေါင်းဆောင် ဦးခွန်ထွန်းဦးနဲ့လည်း တွေ့ဆုံပြီး တိုင်းရင်းသားအရေး ဆွေးနွေးခဲ့တယ်လို့ သိရပါတယ်။ အသက် ၈၃ နှစ် ရှိပြီဖြစ်တဲ့ ဂျော့ရှ် ဆိုးရော့စ်ဟာ လွန်ခဲ့တဲ့ ၁ နှစ်ကျော်ကလည်း မြန်မာနိုင်ငံကို လာရောက်ခဲ့ပြီး ထိုစဉ် သမ္မတ ဦးသိန်းစိန်အပြင် ဒေါ်အောင်ဆန်း စုကြည်နဲ့ပါ တွေ့ဆုံခဲ့တာ ဖြစ်ပါတယ်။

ဟန်ဂေရီနွယ်ဖွား ကုဋေကြွယ်သူဌေးကြီး မစ္စတာဆိုးရော့စ်ဟာ ကမ္ဘာတဝှမ်း ဖိနှိပ်ခံ လူ့အဖွဲ့အစည်း တွေ တိုးတက်မြင့်မားရေးအတွက် ကူညီဆောင်ရွက်ပေးနေသူ ဖြစ်ပါတယ်။ နယူးယောက်အခြေစိုက် သူ့ရဲ့ Open Society အဖွဲ့အစည်းဟာ ၁၉၉၄ ခုနှစ်ကစလို့ မြန်မာနိုင်ငံ ဒီမိုကရေစီ တိုးတက်ရေး အတွက်လည်း ပညာရေး အထောက်အကူအပါအဝင် အစီအစဉ်တွေကို ဆောင်ရွက်ပေးခဲ့တာ ဖြစ်ပါတယ်။

မြန်မာထိုးစစ်ကြောင့် တွေ့ဆုံဆွေးနွေးဖို့ KIA ငြင်းဆို

ကချင် KIA တပ်ဖွဲ့နဲ့ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ABSDF တပ်ဖွဲ့ဝင်တွေ ဘွမ်လိတောင်ကုန်းကို ပြန်သိမ်းဖို့ ကြိုးစားနေစဉ်။ (၀၁-၀၄- ၂၀၁၃)။ ဓာတ်ပုံ ABSDF

ကချင်ပြည်နယ် လိုင်ဇာဘက်မှာ မြန်မာအစိုးရတပ်တွေနဲ့ KIA ကချင်လွတ်မြောက်ရေး တပ်တွေ အကြား တိုက်ပွဲတွေ ဒီကနေ့ ဆက်လက်ဖြစ်ပွားခဲ့ ပါတယ်။ လိုင်ဇာဒေသတ၀ိုက်က KIA ထိန်း ချုပ်ရာ တောင်ကုန်းတွေကို အစိုးရတပ်တွေဘက်က တိုက်လေယာဉ်တွေနဲ့ ဝေဟင်ကနေ ပစ်ခတ်ခဲ့ သလို၊ မြေပြင်ကနေလဲ ထိုးစစ်ဆင်ခဲ့တာကြောင့် နှစ်ဘက်ထိပ်တိုက် ရင်ဆိုင် တိုက်ပွဲတွေ ဖြစ်ခဲ့ ပါတယ်။ အခုလို တိုက်ပွဲတွေ ပြင်းထန်နေတဲ့အတွက် ဒီလအတွင်း နှစ်ဘက် ထပ်မံဆွေးနွေး လိုကြောင်း မြန်မာအစိုးရဘက်က ကမ်းလှမ်းချက်ကို KIA ဘက်က မတုံ့ပြန်ခဲ့ဘူးလို့ KIO ပြောခွင့်ရ သူက ဗွီအိုအေကို ပြောပါတယ်။ အသေးစိတ်ကိုတော့ ဆက်သွယ်မေးမြန်းထားတဲ့ မနန္ဒာချမ်း က တင်ပြပေးထားပါတယ်။

ဒီမနက်အစောပိုင်းကတည်းကစလို့ အစိုးရတပ်တွေဘက်ကနေ တိုက်လေယာဉ်တွေ အသုံးပြုပြီး ဝေဟင် ကနေ KIA ထိန်းချုပ်ထားတဲ့ လိုင်ဇာဒေသ တ၀ိုက်က စိုးမိုးကုန်းတွေ ကို တောက်လျှောက် ပစ်ခတ်ခဲ့တာဖြစ်တယ်လို့ KIA ဘက်ကရော KIA နဲ့ တွဲပြီး ခုခံစစ် ဆင်နွှဲနေတဲ့ ABSDF မြောက်ပိုင်း မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး က ဗွီအိုအေကို ပြောပြပါတယ်။ ညနေစောင်းအထိ လေကြောင်းကနေ တိုက်ခိုက် မှုတွေ ရှိခဲ့ပြီး၊ တပြိုင်တည်းမှာပဲ - မြေပြင်ကနေလည်း ထိုးစစ်ဆင်ခဲ့တာကြောင့် KIA တပ်တွေနဲ့ နှစ်ဘက် ထိပ်တိုက် ရင်ဆိုင်မှုတွေ ဖြစ်ခဲ့တဲ့ အကြောင်း လိုင်ဇာဒေသမှာရှိတဲ့ ABSDF မြောက်ပိုင်း ဌာနချုပ်ရဲ့ နိုင်ငံရေးနဲ့စည်းရုံးရေးဌာန တာဝန်ခံ ကိုကျော်ကျော် က အခုလို ပြောပြပါတယ်။

“မနက် ၄ နာရီကတည်းကနေပြီးတော့ လက်နက်ကြီးနဲ့အရင် စ ထုတာဗျ။ လက်နက်ကြီးနဲ့က အထူးသဖြင့် KIA ရဲ့ အဓိကကျတဲ့ လိုင်ဇာဒေသ အနီးမှာရှိတဲ့ ဖုံးပြန်ပွန်တောင်လို့ခေါ်တဲ့နေရာကို စပြီး ပစ်တယ်။ ပစ်ပြီးတော့ အဲ့ဒီမှာ ခြေလျင်တပ်တွေက တက်ပြီးတော့ ထိုးတယ်။ ဖုံးပြန်ပွန်တောင် မှာ နှစ်ဘက်တပ်တွေ ထိပ်တိုက် ပစ်ကြခတ်ကြတယ်ပေါ့။ အထူးသဖြင့် တောင်ကုန်းကို သိမ်းပိုက်ဖို့ ကြိုးစားတဲ့ မြန်မာ့တပ်မတော်ကို ဒီဘက်က KIA က ပြန်ပြီး ခုခံတဲ့ အနီးကပ် တိုက်ပွဲပေါ့နော်။ ဒီနောက်ဆုံး ညနေ ၃ နာရီခွဲအထိကို ပစ်သွားတယ်။ အခြေအနေက အဲ့လိုပေါ့။ တနေကုန်လုံးပါပဲ ပစ်တာကတော့။”

အခုလို နှစ်ဘက် ထိပ်တိုက် ရင်ဆိုင်ဖြစ်ခဲ့တဲ့ တိုက်ပွဲတွေအတွင်း - ထိခိုက်သေဆုံးဒဏ်ရာရမှု အခြေအနေတွေနဲ့ပတ်သက်လို့တော့ လောလောဆယ် မသိရသေးဘူးလို့ ကိုကျော်ကျော် က ပြောခဲ့ပါတယ်။ ဒါ့အပြင် ဒီကနေ့မှာဘဲ လိုင်ဇာဒေသတွင်းမှာရှိတဲ့ လဂျားယန်ရွာကို လက်နက်ကြီးကျည် ၂ ခု ကျခဲ့တဲ့အတွက် ဒေသခံတွေရဲ့ နေအိမ်နဲ့ ဈေးဆိုင်တခု ပျက်စီး သွားခဲ့ပြီး ဒေသခံတွေဟာလည်း ထွက်ပြေးတိမ်းရှောင်ခဲ့ ကြရပါတယ်။ လောလောဆယ်မှာ ဒီရက်ပိုင်းအတွင်း လိုင်ဇာဒေသမှာရှိတဲ့ ဒုက္ခသည်စခန်းတွေကို အလုံးအရင်းနဲ့ ၀င်ရောက်တဲ့ စစ်ပြေးဒုက္ခသည် တွေ မရှိပေမဲ့ - အစိုးရတပ်တွေဘက်က တိုက်လေယာဉ်တွေ မကြာခဏ ပျံသန်းနေတာကြောင့် - ဝေဟင်ကနေသာ ပစ်ခတ်လာမယ်ဆိုရင် ဒုက္ခသည်စခန်းဟာလည်း လုံခြုံစိတ်ချရမှုမရှိဘူးလို့ ကိုကျော်ကျော် က ဆက်ပြောပြပါတယ်။

“ဗုံးကြဲတဲ့ အခုနောက်ဆုံးအခြေအနေက လဂျားယန်မှာရှိတဲ့ အိမ်တလုံး မီးလောင်တယ်ဗျ။ အိမ်တလုံးကတော့ ဆိုင်ဖွင့်ထားတာပေါ့နော်။ အဲ့ဒီဆိုင် မှာ တည့်တည့်ပဲ ရော့ကက်ကျပြီးတော့ အဲ့ဒီမှာ မီးလောင်သွားတယ်။ ဘယ်သူမှ မနေရဲတော့ဘူး အကုန်လုံး ကြောက်လန့်ပြီးတော့ အကုန် ထွက်ပြေးကုန်ကြပြီ။ ထွက်ပြေးရင်တော့ အဓိကကတော့ ဒုက္ခသည်စခန်းကိုပဲ သွားကြတာ။ ဒုက္ခသည်စခန်းကလည်း လုံခြုံမှု မရှိပါဘူးဗျာ။ အားလုံးလည်း ဟိုမှာ ကဒုတ်ကျင်းကိုယ်ဆီနဲ့ ကျီးလန့်စာစားနဲ့ တထိတ်တလန့်နဲ့ နေနေကြရတဲ့ အနေအထားဖြစ်နေတာ။”

ဒီလို အစိုးရဘက်က KIA အပေါ် အပြင်းအထန် ထိုးစစ်ဆင်နေတာကြောင့် - ဒီဇန်န၀ါရီလထဲမှာ KIO နဲ့ ထပ်မံ ဆွေးနွေးလိုကြောင်း မကြာသေးခင်က ငြိမ်းချမ်းရေးဝန်ကြီး ဦးအောင်မင်းရဲ့ ကမ်းလှမ်းချက်ကို KIO ဘက်က မတုံ့ပြန်ခဲ့ဘူးလို့ KIO ပြောခွင့်ရသူ ဦးလာနန် က ဗွီအိုအေ ကို အခုလို ပြောပြပါတယ်။

“ဒီဇင်ဘာ ၁၃ ရက်နေ့မှာ ဦးအောင်မင်းဘက်က စာတစောင်ပို့ထားတယ်။ ဇန်န၀ါရီလ အတော အတွင်းမှာ တွေ့ဖို့အတွက် ကမ်းလှမ်းတဲ့စာပါ။ ဒါပေမဲ့ စာနဲ့အတူ ထိုးစစ်တွေက ရောက်လာတယ် ခင်ဗျ။ မြန်မာအစိုးရကနေပြီးတော့မှ စစ်အင်အား အလုံးအရင်းနဲ့ ခြိမ်းခြောက်ထားပြီးတော့ မှပဲ တွေ့ကြရ အောင်ဆိုတဲ့အချက်အပေါ်မှာတော့ ဒါက စဉ်းစားစရာ လိုတယ်ခင်ဗျ။”

မြန်မာအစိုးရတပ်တွေဘက်က KIO ဌာနချုပ်ရှိရာ လိုင်ဇာဒေသကို အခုလို ထိုးစစ်တွေ ဆင်နွှဲ ကတည်းက ABSDF ကနေ ဖမ်းဆီးမိခဲ့တဲ့ စစ်သုံ့ပန်း ၇ ယောက်ရှိပြီး၊ ၂ ယောက်ကတော့ တိုက်ပွဲအတွင်း ရခဲ့တဲ့ ပြင်းထန်တဲ့ဒဏ်ရာတွေကြောင့် သေဆုံးသွားတယ်လို့ ABSDF မြောက်ပိုင်း အဖွဲ့က ကိုကျော်ကျော် က ပြောပါတယ်။ ဒါ့အပြင် ရှမ်းပြည်နယ် မြောက်ပိုင်းမှာလည်း KIA နဲ့ မြန်မာအစိုးရတပ်တွေအကြား ကြိုကြားကြိုကြား တိုက်ပွဲ တွေ ဖြစ်ပွားနေပြီး၊ အခုရက်ပိုင်းအတွင်း အစိုးရတပ်တွေဘက်က စစ်ကြောင်းတွေ အလုံအရင်းနဲ့ ၀င်ရောက်လာတာကြောင့် အဲ့ဒီမှာရှိတဲ့ ရာနဲ့ချီတဲ့ ဒေသခံတွေဟာ ကွတ်ခိုင်မြို့ဘက်ကို ထွက်ပြေးတာတွေ ရှိနေတယ်လို့ KIO ပြောခွင့်ရသူ ဦးလနန် က ဗွီအိုအေကို ပြောဆိုခဲ့ပါတယ်။

KIO နဲ့ မြန်မာအစိုးရအကြား ၁၇ နှစ်ကြာ တည်ဆောက်ခဲ့တဲ့ အပစ်အခတ်ရပ်စဲရေးဟာ ၂၀၁၁ ခုနှစ် ဇွန်လကုန်မှာ ပျက်သွားခဲ့တာပါ။ ဒီစစ်ပွဲတွေ စတင်ကတည်းက ကချင်ပြည်နယ်တွင်းမှာ လူ့အခွင့် အရေး ချိုးဖောက်မှုတွေ ဖြစ်ပေါ်နေပြီး၊ စစ်ပြေးဒုက္ခသည်ဦးရေဟာလည်း ၁ သိန်းကျော်သွားပြီ လို့ ဒုက္ခသည်အရေး ဆောင်ရွက်သူတွေက ပြောဆိုထားကြပါတယ်ရှင်။