08.01.2013 နေ့ဖတ်ရန်သတင်းများ

by Myanmar Journal on Monday, January 7, 2013 at 4:20pm 

ဂျော့ ဆိုးရော့ ခွန်ထွန်းဦးနဲ့တွေ့

ငြိမ်းချမ်းရေး ကိစ္စတွေ တောင်းဆိုနေချိန်မှာ ဆိုးရော့စ် ရောက်လာ

Open society Institute ပရဟိတ -ဖောင်ဒေးရှင်း တည်ထောင်သူ အမေရိကန် ဘီလျံနာ လုပ်ငန်းရှင်ကြီး ဂျော ဆိုးရော့ဟာ မြန်မာနိုင်ငံကို ဒုတိယအကြိမ် ရောက်နေပြီး နိုင်ငံရေး လှုပ်ရှားသူတွေနဲ့ တွေ့နေပါတယ်။

ဂျော့ ဆိုးရော့က မြန်မာနိုင်ငံ မှာ ရုံးခန်းဖွင့်ပြီး ပရဟိတလုပ်ငန်းတွေ လုပ်မယ်လို့ ဆန္ဒ ရှိကြောင်း ပြောထားပေမယ့် ယခု တခေါက် လာတဲ့ အကြောင်းကိုတော့ ရှင်းလင်းလင်း မသိရပါဘူး။

ဇန်နဝါရီ ၅ ရက် နေ့ က ရန်ကုန် ငြိမ်းချမ်းရေး စင်တာ တာဝန် ရှိသူ တွေနဲ့ ဂျော့ ဆိုးရော့ တွေ့ဆုံခဲ့ပြီး ၇ ရက်နေ့ကလည်း ရှမ်း တိုင်းရင်းသားများ ဒီမို ကရေစီ အဖွဲ့ ချုပ် နဲ့ ချက်ထရီယံ ဟိုတယ်မှာ နေ့လယ်ပိုင်း က တွေ့ခဲ့ ပါတယ်။

သူနဲ့ တွေ့ခဲ့တဲ့ ရှမ်းတိုင်းရင်းသားများ ဒီမို ကရေစီ အဖွဲ့ချုပ် ဥက္ကဋ္ဌ ခွန်ထွန်းဦးကတော့ ရှမ်းပြည်နယ်မှာ ငြိမ်းချမ်းရေး ဖြစ်စဉ်တွေ တပြေးညီ မဖြစ်ကြောင်းနဲ့ ဖေဖော်ဝါရီလ မတ်လမှာ လုပ်မယ့် ရှမ်းပြည် ဖိုရမ် ကျင်းပဖို့ ရန်ပုံငွေ လိုအပ်ကြောင်း ပြောကြား ခဲ့တယ်လို့ ဆိုပါတယ်။

၈ ရက် မှာတော့ ၈၈ မျိုးဆက်ကျောင်းသားခေါင်း ဆောင် တွေနဲ့ တွေ့ ဖို့ရှိ ပါတယ်။

အမေရိကန် ဘီလျံနာ သူ ဌေး ကြီး ဟာ ၂ဝ၁၁ ခုနှစ် ဒီဇင်ဘာလ ကလဲ မြန်မာနိုင်ငံ ကို လာရောက်ခဲ့ ပြီး အဲဒိ ခရီးစဉ်မှာ သမ္မတ ဦးသိန်းစိန်၊ ဒေါ် အောင်ဆန်းစုကြည်အပါဝင် အစိုးရ အဖွဲ့ဝင် အချို့နဲ့ လည်း တွေ့ဆုံခဲ့ ပါတယ်။

အခု ရန်ကုန် ခရီးစဉ်မှာ ရန်ကုန် ငြိမ်းချမ်းရေးစင်တာက တာဝန် ရှိ သူ တွေ၊ ၈၈ မျိုးဆက်ကျောင်းသားခေါင်း ဆောင် တွေအပြင် ဒေါ် အောင်ဆန်းစုကြည်နဲ့ တွေ့ဖို့ရှိတယ်လို့လည်း သတင်းတွေ ထွက်နေပါတယ်။

အီရန် ရေနံဓာတ်ငွေ့ အခွန် ထက်ဝက်နီးပါးကျ

နိုင်ငံတကာ ပိတ်ဆို့မှုကြောင့် ရေနံ အရောင်းကျ

အီရန် နိုင်ငံရဲ့ ရေနံနဲ့ ဓာတ်ငွေ့ ကရတဲ့ အခွန်ပမာဏဟာ လွန်ခဲ့တဲ့ ၉ လ အတွင်း ၄၅ ရာခိုင်နှုန်းထိ ကျဆင်းခဲ့တယ်လို့ ဝါရင့် အီရန် လွှတ်တော် အမတ်တဦးက ပြောကြား လိုက်ပါတယ်။

Gholam Reza Kateb ဦးဆောင်တဲ့ လွှတ်တော် ဘက်ဂျက် ကော်မတီက ဒီလို ဝန်ခံ ပြောကြား လိုက်ခြင်းဟာ အီရန် အဏုမြူ စီမံကိန်းကို နိုင်ငံတကာ ဒဏ်ခတ် ပိတ်ဆို့မှုတွေရဲ့ ထိခိုက်မှု ပမာဏကို ရှားရှားပါးပါး ဝန်ခံ လိုက်တာပဲ ဖြစ်ပါတယ်။

အီရန်က အဏုမြူ လက်နက်ထုတ်ဖို့ လုံးပန်း နေတယ်လို့ အမေရိကန်နဲ့ မဟာမိတ်တွေက ယူမှတ် ထားကြပါတယ်။

ပြီးခဲ့တဲ့ လပိုင်းမှာပဲ အီရန် ငွေတန်ဖိုး သိသိသာသာ ကျဆင်းလာတာ တွေ့ရပြီး စီးပွားရေး ယိမ်းယိုင်လာတာကို မကိုင်တွယ် နိုင်တဲ့အတွက် အီရန် အစိုးရကို ပြင်းပြင်းထန်ထန် ဝေဖန်လာကြပါတယ်။

အီရန် ရေနံ ဝန်ကြီး ဌာနကို အကြွေးတင်နေလို့ အစိုးရက ဓာတ်ဆီ မပေးတဲ့ အတွက် မနေ့က အီရန် လေကြောင်းလိုင်း ခရီးစဉ်တွေ အများစုကို ဖျက်သိမ်း ထားပါတယ်။

အီရန် ပုဂ္ဂလိက လေကြောင်းတွေက ဒေါ်လာ သန်း ၁၅ဝ လောက် အစိုးရကို ပေးစရာ ရှိတယ်လို့ သိရပါတယ်။

နိုင်ငံတကာ အရေးယူ ပိတ်ဆို့မှုကြောင့် အီရန်မှာ လောင်စာဆီ ဈေးတွေ ထိုးတက်သွားပြီး လေကြောင်းလိုင်းတွေကတော့ ဆီဖိုး မတတ်နိုင်တော့ဘူးလို့ ဆိုပါတယ်။

အိန္ဒိယက အုပ်စုဖွဲ. မုဒိမ်းမှု စတင်ကြားနာ

တရားရုံး အပြင်ဘက် မှာတော့ လုံခြုံရေးကို အထူး ချထားပါတယ်

အိန္ဒိယနိုင်ငံမှာ ဒီဇင်ဘာ လလယ်က အသက် ၂၃ နှစ် အရွယ် မိန်ကလေး တစ်ဦးကို အုပ်စုဖွဲ့ မုဒိမ်း ကျင့်ခဲ့မှုနဲ့ ပတ်သက်ပြီး ကျူးလွန်သူ အဖြစ် သံသယ ရှိသူ ၅ ဦးကို ဒေလီ တရားရုံး က တနင်္လာနေ့မှာ စွဲချက်တင် ကြားနာခဲ့ ပါတယ်။

ဒေလီ တောင်ပိုင်းက ဆာကစ် တရားရုံးမှာ ဒီလူ ၅ ဦးကို ရုံးထုတ်ခဲ့ ရာမှာ၊ ကြားနာမှုကို လူအများ လာရောက် ကြည့်ရှုခွင့် ပေးဖို့ စီစဉ် ခဲ့ပေမယ့် နောက်ပိုင်း မှာတော့ အဓိကရုဏ်း တွေ ဖြစ်လာမှာ စိုးတဲ့ အတွက် တရားရုံးကို တခါးပိတ်ပဲ ကြားနာခဲ့ ကြပါတယ်။

တရားရုံး ပတ်ပတ်လည်မှာတော့ လက်နက် အစုံအလင်နဲ့ ရဲတွေကို အပြည့် ချထားပါတယ်။

အခု တရားစွဲခံရတဲ့ လူ ငါးဦးဟာ အသက် ၁၉ နှစ် ကနေ ၃၅ နှစ် အတွင်း ရှိကြပြီး သူတို့ကို ပြန်ပေးဆွဲမှု၊ အဓမ္မ ပြုကျင့်မှုနဲ့ သတ်ဖြတ်မှု တွေနဲ့ စွဲချက် တင်ထား တာ ဖြစ်ပါတယ်။

သူတို့ဟာ အပြစ်ရှိတယ်လို့ ဆုံးဖြတ် ခံရရင် သေဒဏ် အထိ ကျခံနိုင်ဖွယ် ရှိပါတယ်။ လူထုရဲ့ ဒေါသ တကြီး တုံ့ပြန်မှုတွေ ကြောင့် အစောပိုင်း တုန်းကတော့ သူတို့ ကိုယ်စား ခုခံ ချေပဖို့ ရှေ့နေ အဖြစ် ဘယ်သူမှ စိတ်မဝင်စားကြ ပေမယ့် မျှတတဲ့ တရာစီရင်ရေး ဖြစ်ဖို့ ဆိုပြီး တရားရုံးက ပြောတာ ကြောင့် အခုတော့ ရှေ့နေ ရနေပြီလို့ သိရပါတယ်။

ဒါပေမယ့် ဒီလို ခုခံပေးတဲ့ ရှေ့နေကိုလည်း တခြား ရှေ့နေတွေက ကန့်ကွက် ရှုတ်ချခဲ့ကြပါတယ်။

တနင်္လာနေ့ ကြားနာမှု ပြီးဆုံးသွားပြီး နောက်ထပ် ကြားနာမှု ကိုတော့ ဇန်နဝါရီ ၁၀ ရက်မှာ လုပ်မှာပါ။ အိန္ဒိယနိုင်ငံမှာ သာမက ကမ္ဘာ တဝန်းက လူအများ စိတ်ဝင်စား နေကြတဲ့ ဒီအမှုကို အမြန်ဆုံး ဆုံးဖြတ် စီရင်နိုင်ဖို့လည်း အာဏာပိုင်တွေက လုပ်ဆောင်ဖို့ ရှိနေပါတယ်။

ဒီအမှု မစစ်ခင် ပြီးခဲ့တဲ့ စနေနေ့ ကလည်း ဒေလီမှာပဲ ၂၁ နှစ်အရွယ် အမျိုးသမီး တစ်ဦး မတရား ပြုကျင့် သတ်ဖြတ် ခံခဲ့ရတဲ့ အတွက် လူတွေရဲ့ မကျေနပ်သံ ပိုညံ လာတာကြောင့် အာဏာပိုင်တွေ အနေနဲ့လည်း ဒီလို အမှုမျိုးကို အထူး သတိထား ကိုင်တွယ် နေရပါတယ်။

ဒီဇင်ဘာ လလယ်က အုပ်စုဖွဲ့ အဓမ္မပြုကျင့် ခံရတဲ့ မိန်းကလေး ဟာ စင်ကာပူမှာ ၂ ပတ်တာ ဆေးကုသ ခံယူနေစဉ် သေဆုံးခဲ့ပါတယ်။ သူ့ရဲ့ ဖခင်က ပြောရာ မှာတော့ သူ့သမီး ပျောက်နေတဲ့ အချိန်မှာ ရဲကို တိုင်ကြား ခဲ့ပေမယ့် ရဲက ပေါ့ပေါ့ တန်တန်ပဲ သဘောထား ခဲ့ကြောင်း၊ နောက်ပြီး သူ့သမီးကို အုပ်စုဖွဲ့ ပြုကျင့်တာ ခံရနိုင်ကြောင်း ပြောခဲ့တယ်လို့ ဖခင်က ပြောပါတယ်။

ဒါကြောင့် အဲဒီ အချိန်က တာဝန်ကျ ရဲ ငါးဦးကိုလည်း တချို့ကို တာဝန်က ရပ်စဲခဲ့ပြီး တချို့ကိုတော့ နေရာ ရွှေ့ပြောင်းခဲ့ ပါတယ်။

ဒီအမှုဟာ အိန္ဒိယ နိုင်ငံကို လှုပ်ခါ ခဲ့ပြီး အထူးသဖြင့် လူ့အသိုင်း အဝိုင်း အတွင်း အမျိုး သမီးတွေ အပေါ် မတရား ဆက်ဆံမှုတွေ နဲ့ ပတ်သက်ပြီး၊ ငြင်းခုံ ဆွေးနွေး မှုတွေ ပြုလုပ် လာခဲ့ကြ ပါတယ်။

ဒါကြောင့် အဓမ္မ ပြုကျင့်မှုနဲ့ ပတ်သက်တဲ့ ဥပဒေကို ပြင်ဆင်ဖို့နဲ့ ရဲတွေနဲ့ ပတ်သက် ပြီး ပြုပြင် ပြောင်းလဲမှုတွေ လုပ်ဖို့ တက်ကြွ လှုပ်ရှားသူတွေ ကလည်း ဆော်သြ နေကြ ပါတယ်။

အိန္ဒိယကာကွယ်ရေးဝန်ကြီး မြန်မာနိုင်ငံသွားမယ်

အိန္ဒိယကာကွယ်ရေးဝန်ကြီး

အိန္ဒိယကာကွယ်ရေးဝန်ကြီး အေ ကေ အန်တိုနီဟာ ဇန်နဝါရီလ တတိယပတ်မှာ မြန်မာနဲ့ သြစတြေးလျနိုင်ငံတွေကို သွားရောက်မယ်လို့ သိရပါတယ်။

အဲဒီနိုင်ငံတွေနဲ့ စစ်ရေးဆက်ဆံမှုတွေ တိုးချဲ့ဖို့ ဖြစ်တယ်လို့ ဆိုပါတယ်။

မြန်မာနိုင်ငံမှာ သမ္မတ ဦးသိန်းစိန် အစိုးရတက်လာပြီးနောက်ပိုင်း အိန္ဒိယနဲ့ မြန်မာ နှစ်နိုင်ငံ ခေါင်းဆောင်တွေကြား အပြန်အလှန် လည်ပတ်တာတွေ နဲ့ စစ်ဘက်ခေါင်းဆောင်တွေ ကူးလူး သွားလာ ခဲ့ကြတာကို တွေ့ခဲ့ကြရပါတယ်။

အမေရိကန်ပြည်ထောင်စုဟာ သူ့အကျိုးစီးပွားအတွက် ဆော်ဒီအာရေဗီးယားနဲ့ ဆက်ဆံသလို၊ ယူကေဟာလည်း ကူဝိတ်နဲ့ သူ့အမျိုးသား အကျိုးစီးပွားအတွက် ဆက်ဆံမှုတွေ ရှိနေကြတာပါ။ ဒီလိုဘဲ အိန္ဒိယဟာ မြန်မာနိုင်ငံအပေါ် သူရဲ့ အမျိုးသားအကျိုးစီးပွားရေးအရ အချိန်ကြာလ ကြာမြင့်စွာကတည်းက စိတ်ဝင်စားမှုရှိခဲ့တဲ့ အလျောက် ဆက်သွယ်ဆက်ဆံမှုတွေ လုပ်နေတာဖြစ်တယ်လို့ အခုခရီးစဉ်နဲ့ပတ်သက်လို့ အိန္ဒိယနိုင်ငံထုတ် ဟင်ဒီသတင်းစာရဲ့ သတင်းထောက် ဆွန်ဒီဗစ်ရှစ်က ပြောပါတယ်။

အခုမြန်မာအစိုးရလက်ထက် အိန္ဒိယနဲ့ ပူးပေါင်းဆောင်ရွက်မှုတွေ ပိုလုပ်လာရာမှာ နှစ်နိုင်ငံကြား လုပ်နေတဲ့ ကုလားတန်မြစ်စီမံကိန်း၊ သုံးနိုင်ငံ အဝေးပြေး ကားလမ်းမကြီး နဲ့ အိန္ဒိယ ပစိဖိတ်ကော်ရစ်ဒါလို့ခေါ်တဲ့ ရေလမ်းကြောင်းစတဲ့ စီမံကိန်းတွေလို ကုန်သွယ်ရေး လမ်းမကြီးတွေ အတွက် လုံခြုံရေးဟာ နှစ်နိုင်ငံစလို့အတွက် အရေးကြီးတဲ့ အလျောက် မြန်မာနိုင်ငံနဲ့ စစ်ရေးဆက်ဆံမှုတွေလည်း ပိုပြီးရှိလာခဲ့တယ်လို့ ဆွန်ဒီ ဗစ်ရှစ်က ပြောပါတယ်။

အိန္ဒိယ အိုင်လန်ဒါ ထောက်လှမ်းရေးလေယာဉ်တွေအပါအဝင် စစ်လက်နက်ပစ္စည်းထောက်ပံမှုတွေ ရှိတခဲ့တ်ာလို့ ဆိုပါတယ်။

အိန္ဒိယကာကွယ်ရေးဝန်ကြီးယာ မြန်မာနိုင်ငံကို ဇန်နဝါရီလ ၂၂ ၊၂၃ ရက်တွေမှာ သွားရောက်မယ်လို့ ပီတီအိုင် အိန္ဒိယသတင်းဌာနက ဖေါ်ပြခဲ့ပါတယ်။

အင်ဒိုနီးရှား နိုင်ငံခြားရေးဝန်ကြီး ရခိုင်ကိုသွားရောက်

မစ္စတာ နာတာလီဂါဝါနဲ့အတူ နယ်စပ်ရေးရာ ဝန်ကြီး ဒုတိယ ဗိုလ်ချုပ်ကြီး သိန်းဌေးလည်း လိုက်ပါ

အင်ဒိုနီးရှား နိုင်ငံခြားရေး ဝန်ကြီး မာတီ နာတာလီဂါဝါ ဟာ တနင်္လာနေ့ နေ့လည်ပိုင်းက စစ်တွေမြို့ကို ရောက်ရှိ လာပြီး၊ ရဟတ်ယာဉ် တွေနဲ့ ဒုက္ခသည် စခန်းတွေ ကို သွားရောက် ကြည့်ရှုခဲ့ပါတယ်။

မစ္စတာ နာတာလီဂါဝါ နဲ့ အတူ ရခိုင်ပြည်နယ် ဝန်ကြီးချုပ် ဦးလှမောင်တင်၊ နယ်စပ်ရေးရာ ဝန်ကြီး ဒုတိယ ဗိုလ်ချုပ်ကြီး သိန်းဌေးနဲ့ အစိုးရ အရာရှိတွေ လိုက်ပါ သွားခဲ့ပြီး ညနေပိုင်းမှာ စစ်တွေမြို့ကို ပြန်ရောက်ရှိ လာပါတယ်။

သူဟာ ရခိုင်ဒေသက ဒုက္ခသည်တွေကို အကူအညီ ပေးဖို့ အတွက် လာရောက် လေ့လာတာ ဖြစ်ပြီး၊ နေပြည်တော်မှာ အစိုးရပိုင်းနဲ့ တွေ့တဲ့ အခါ လိုအပ်ချက် တွေကို ဆွေးနွေး ဆောင်ရွက်မယ်လို့ ပြောပါတယ်။

မနက်ဖြန် အင်္ဂါနေ့ မနက်ပိုင်း ကျရင်တော့ သဲချောင်းကျေးရွာ ဒုက္ခသည်တွေကို သွားရောက် တွေ့ဆုံမယ်လို့ သိရပါတယ်။

တရုတ်နိုင်ငံ သတင်းစာ အယ်ဒီတာတွေ သပိတ်မှောက်

အယ်ဒီတာတွေကို ထောက်ခံသူ ရာပေါင်း များစွာဟာ သတင်းစာတိုက် အပြင်ဘက်မှာ စုရုံးခဲ့

တရုတ်နိုင်ငံ တောင်ပိုင်း ဂွမ်ဂျိုး မြို့က သတင်းသမားတွေ သပိတ်ဆင်နွှဲ နေတာကို ထောက်ခံ အားပေးတဲ့ အနေနဲ့ တောင်ပိုင်းက လူအများ အပြားဟာ စုရုံးခဲ့ ကြပြီး နိုင်ငံရေးနဲ့ သတင်းစာ လွတ်လပ်ခွင့် အတွက် တောင်းဆို ဆန္ဒပြခဲ့ ကြပါတယ်။

နိုင်ငံ တောင်ပိုင်းထုတ် အထင်ကရ သတင်းစာ တစောင် ဖြစ်တဲ့ တောင်ပိုင်းအပတ်စဉ် သတင်းစာက အယ်ဒီတာ အဖွဲ့ဝင် အတော် များများဟာ အာဏာပိုင် တွေက ဆင်ဆာ ဖြတ်တောက် တာကို ကန့်ကွက်တဲ့ အနေနဲ့ သပိတ် ဆင်နွှဲနေကြတာ ဖြစ်ပါတယ်။

အစိုးရ အနေနဲ့ အခြေခံ ဥပဒေက အာမခံထားတဲ့ လွတ်လပ်ခွင့် တွေကို လေစားဖို့ ဆိုတဲ့ ထိထိ မိမိရှိလှတဲ့ အယ်ဒီတာ့ အာဘော် တပုဒ်ကို ပြည်နယ် စည်းရုံးရေး မှူး ကနေ ပြင်ဆင် ရေးသား ခဲ့တယ်လို့ အယ်ဒီတာ အဖွဲ့က စွပ်စွဲ ခဲ့ကြတာ ဖြစ်ပါတယ်။

တရုတ် ကွန်မြူနစ် အာဏာပိုင် တွေကို အခုလို ပွင့်ပွင့် လင်းလင်း စိန်ခေါ်မှု လုပ်တာဟာ တရုတ် နိုင်ငံမှာ ဖြစ်ခဲလှပါတယ်။

အယ်ဒီတာတွေရဲ့ လုပ်ရပ်ကို ထောက်ခံသူ ရာပေါင်း များစွာဟာ သတင်းစာတိုက် အပြင်ဘက်မှာ စုရုံး ခဲ့ကြပြီး၊ အများစု ကတော့ လွတ်လပ်စွာ ထုတ်ဖေါ်ခွင့် တောင်းဆို တဲ့ ပိုစတာတွေ စာတန်း တွေကို ကိုင်ဆောင်ထား ကြပါတယ်။

ကန် ကာကြယ်ရေး ဝန်ကြီးသစ် အမည်တင်သွင်း

John Brennan နဲ့ Chuck Hagel

အိုဘားမား ဒုတိယ သက်တမ်း အတွက် အမေရိကန် ကာကွယ်ရေး ဝန်ကြီး အဖြစ် ရီပတ်ဘလစ်ကန် အထက်လွှတ်တော် အမတ်ဟောင်း Chuck Hagel ကို အမည် စာရင်း တင်သွင်းလိုက်ပြီ ဖြစ်ပါတယ်။

Hagel ဟာ အမေရိကန် လူငယ်တွေကို ဖုန်ထဲ ရွှံ့ထဲမှာ တိုက်ခိုက်ဖို့ လွှတ်ရတာဟာ တကယ် လိုအပ်မှ လုပ်ရတဲ့ ကိစ္စ ဆိုတာ သိတဲ့ လူမျိုးပါ၊ အောက်ခြေမှာ စစ်တိုက်ပြီး သေနေကြတဲ့ ရဲဘော်တွေ အတွက် ကြည့်မယ့် လူမျိုး ဖြစ်တယ် လို့ မစ္စတာ အိုဘားမားက ပြောပါတယ်။

ချက် ဟေဂယ်ဟာ သူရဲကောင်း ထူးချွန် တံဆိပ်ရ ဗီယက်နမ် စစ်ပြန်ဟောင်းတို့ လက္ခဏာနဲ့ ခွန်အား သတ္တိ ရှိသူ ဖြစ်ပြီး ဝန်ကြီးလောင်း တွေထဲမှာ စစ်ပွဲ ဒဏ်ရာရခဲ့တဲ့သူ နည်းတယ်လို့ မစ္စတာ အိုဘားမားက ဆိုပါတယ်။

မစ္စတာ ဟေဂယ်ကို ဝန်ကြီး ရာထူးအတွက် တစ်ပေးသူ များပေမယ့်လဲ အီရန် အပေါ် သဘောထား ပျော့ပျောင်းပြီး အစ္စရေး ဆန့်ကျင်သူ အဖြစ် ရီပတ်ဘလစ်ကန် ဘက်က တချို့က ဝေဖန် ကြပါတယ်။

ဒီလျာထားမှု အတည်ပြုချက်ရဖို့ သမ္မတနဲ့ ကွန်ဂရက်ကြား လွန်ဆွဲ ရလိမ့်မယ်လို့ သတင်းထောက်တွေက သုံးသပ် နေကြပါတယ်။

စီအိုင်အေ အကြီးအကဲ သစ် အဖြစ် အကြမ်းဖက်မှု နှိမ်နင်းရေး အကြံပေး ပုဂ္ဂိုလ် John Brennan ကို ရွေးချယ် ထားတယ်လို့ သမ္မတ အိုဘားမားက ပြောကြား ပါတယ်။