05.01.2013 နေ့ဖတ်ရန်သတင်းများ

by Myanmar Journal on Saturday, January 5, 2013 at 6:51am ·

တရုတ်ဘက်က ဝင်ဗုံးကြဲတာ မသိယောင်ဆောင်လား

တရုတ် ပိုင်နက်ကနေ ကချင်နယ်မြေကို ဝင်တိုက်

တရုတ် အစိုးရဟာ သူ့ဘက်ခြမ်းကို ဗုံးကျလို့ မြန်မာ အစိုးရကို တိုင်ကြား ပေမယ့် သူ့ပိုင်နက် ထဲကနေ မြန်မာ စစ်တပ် လေယာဉ်တွေ ဝင်ပြီး ဗုံးကြဲနေတာကို မသိကျိုးကျွံ ပြုနေတယ်လို့ ဦးအောင်ကျော်ဇောက ပြောကြား ပါတယ်။ တရုတ်ဟာ အကျိုးစီးပွား အခြေခံပြီး ဆက်ဆံသူမို့ မြန်မာ အစိုးရနဲ့ ကေအိုင်အေကြား စစ်ပွဲမှာ မြန်မာ အစိုးရဘက်က ရပ်တည်မှာ ဖြစ်တယ် လို့လဲ သူက ဆိုပါတယ်။

နှစ်ဆန်းပြီး နောက်ပိုင်း တရုတ်ဘက်က အမြဲတမ်း ချထားတဲ့ တပ်တွေ ရုပ်ပြီးတာနဲ့ မြန်မာ အစိုးရက လေကြောင်း စစ်ဆင်ရေး စခဲ့တာ လို့လဲ သိရပါတယ်။

မြန်မာ အစိုးရ စစ်တပ် ကနေ ကေအိုင်အေ သူပုန်တွေ အပေါ် လေကြောင်း တိုက်ခိုက်မှုတွေ ပြုလုပ် ခဲ့စဉ် အတွင်း အိမ်နီးချင်း တရုတ် နိုင်ငံ ဘက်ခြမ်းကို ဗုံးသုံးလုံး ကျရောက် ခဲ့တဲ့ အတွက် တရုတ် နိုင်ငံ ကနေ မြန်မာ နိုင်ငံကို သံတမန်ရေး အရ ဆက်သွယ် တိုင်ကြားမှု ပြုလုပ်ခဲ့ ပါတယ်။

Spitfire လေယာဉ်ရှာ အဖွဲ့ ရန်ကုန်သွား

ပျံသန်း နိုင်တဲ့ အခြေအနေ ရှိမယ် မျှော်လင့်

ရန်ကုန် လေယာဉ်ကွင်းမှာ မြှုပ်နှံထားခဲ့တယ်လို့ ယူဆရတဲ့ ဗြိတိသျှ တိုက်လေယာဉ်တွေကို ရှာဖို့ အပျော်တမ်း ရှေးဟောင်း သုတေသီ ဗြိတိသျှ လယ်သမား တဦးရဲ့ ရှာဖွေရေး အဖွဲ့ ရန်ကုန်ကို စနေနေ့မှာ ထွက်ခွာတော့မှာ ဖြစ်ပါတယ်။

ဘယ်လာရုစ် ဗီဒီယိုဂိမ်း ကုမ္ပဏီ တခုက ထောက်ပံ့တဲ့ ဒေါ်လာတသန်း အရင်းတည်ပြီး ဒုတိယ ကမ္ဘာစစ်အပြီးက အမေရိကန် အင်ဂျင်နီယာတွေ မြှုပ်ထားခဲ့တဲ့ စပစ်ဖိုင်းယား တိုက်လေယာဉ်တွေ ဒါဇင်နဲ့ချီပြီး တူးဖော်မယ်လို့ သိရပါတယ်။

စပစ်ဖိုင်းယား လေယာဉ် ဝါသနာရှင်တွေ လောကမှာတော့ ဒီလို အစုအပြုံလိုက် တူးဖော်မှုဟာ အီဂျစ်က တူတန်ခမန် ဘုရင်ရဲ့ သင်္ချိုင်းဂူ ရှာတာနဲ့ တူတယ်လို့ ဦးဆောင်သူ ဒေးဗစ် ကန်ဒဲလ်က လန်ဒန် လေဆိပ်မှာ သောကြာနေ့က လုပ်တဲ့ သတင်းစာ ရှင်းလင်းပွဲမှာ ပြောကြား ခဲ့ပါတယ်။

၃၆ စင်း ရှိမယ်လို့ ထင်တာထက်ကို ၂ ဆ တိုးပြီး တွေ့နိုင်တယ် လို့လဲ သူက ပြောပါတယ်။

အဲဒီ တိုက်လေယာဉ်တွေဟာ လုံးဝ အသုံးမပြုရ သေးတဲ့ အသစ် စက်စက် လေယာဉ်တွေ ဖြစ်ပြီး ပို့တဲ့ ကုန်သေတ္တာကြီးတွေ ထဲမှာပဲ အဲဒီအတိုင်း လေယာဉ် ပြေးလမ်း အဆုံး တွင်းကြီးတွေ ထဲမှာ မြှုပ်နှံထားတာ ဖြစ်တဲ့ အတွက် ပျက်စီး ယိုယွင်းမှု ရှိမှာ မဟုတ်ဘူးလို့ မျှော်လင့်ရ ပါတယ်။

သံတိုသံစ အနည်းအကျဉ်းလောက် ရပြီး ပြန်လာရတာမျိုးလဲ ဖြစ်နိုင်တယ်လို့ ပညာရှင်တချို့က မှန်းဆ ကြပေမယ့် ကောင်းကင် မြေပုံ၊ ရေဒါ စနစ်နဲ့ ရှာဖွေမှု စတာတွေအပြင် ဒေသခံ လူကြီးတွေနဲ့ အမေရိကန် ဗြိတိသျှ စစ်ပြန်ကြီးတွေရဲ့ ပြောကြားချက် တွေအရ ဒီနေရာမှာ လေယာဉ်တွေ ရှိရမယ်လို့ မစ္စတာ ကန်ဒဲလ်က ယုံကြည် နေပါတယ်။

လေယာဉ်တွေ ရှိနိုင်တယ် လို့တွက်ဆ ကြတဲ့ နေရာ တချို့ ထဲက သူတို့ ထုတ်ဖော် ပြောတဲ့ တနေရာ က တော့ မင်္ဂလာဒုံ တဝိုက်မှာ ရှိတဲ့ အရင် ဗြိတိသျှ လေတပ် စခန်းဟောင်း နေရာ ဘက်မှာ ဖြစ်ကြောင်း ရှာဖွေရေး အဖွဲ့မှာ ပါဝင်တဲ့ ဘူမိရူပဗေဒ ပညာရှင် ဒေါက်တာ ရော်ဂျာ ကလပ် က ပြောပါတယ်။

၁၉၄၀ ပြည့်လွန် ကာလတွေ အတွင်း ဗြိတိန်နိုင်ငံ ကာကွယ်ရေး စနစ် အောင်မြင်မှု ရခဲ့တာဟာ ဒီ Spitfire တိုက်လေယာဉ်တွေကြောင့် ဖြစ်ပြီး Spitfire တိုက်လေယာဉ် ကို အမှတ် တရ လက်ဝယ်ထား စုဆောင်း လိုသူတွေ အတော် များများ ရှိနေပါတယ်။

အိန္ဒိယ အဓမ္မမှု ကျန်ရစ်သူ ပြန်ပြောပြ

အိန္ဒိယက အမျိုးသမီးတွေရဲ့ ဘ၀ လုံခြုံရေး ဆန္ဒပြမှုတွေ

အိန္ဒိယနိုင်ငံ ဒေလီမြို့က ဘတ်စကားတစီး ပေါ်မှာ ပြီးခဲ့တဲ့ လက အုပ်စုနဲ့ အဓမ္မ ပြုကျင့် ခံခဲ့ရပြီး ရိုက်နှက် ခံရလို့ သေဆုံးခဲ့ရတဲ့ ဆေးကျောင်းသူလေးနဲ့ အတူပါလာတဲ့ အမျိုးသားမိတ်ဆွေက သူတို့ရဲ့ ထိတ်လန့် တုန်လှုပ်စရာ အတွေ့အကြုံကို ပထမဆုံး အကြိမ် ပြန်ပြောပြခဲ့ပါတယ်။

ဇီး အိန္ဒိယရုပ်မြင်သံကြား လိုင်းက မေးမြန်းခန်းမှာ အဲဒီအမျိုးသားက သူတို့ကို ဘယ်လို တိုက်ခိုက်ခဲ့တယ်ဆိုတာကို ပြောခဲ့တာဖြစ်ပြီး သူ့ရဲ့ နာမည်ကိုတော့ ဖေါ်ပြခဲ့ခြင်း မရှိပါဘူး။

ပထမဆုံး သူနဲ့ သူရဲ့ ဆေးကျောင်းသူ မိတ်ဆွေကို ဘတ်စကားပေါ် ညာပြီး ခေါ်တင်ခဲ့တယ်လို့ ပြောပြပါတယ်။ တကယ့် ခရီးသည်တင် ကား ထင်ပြီး ဘတ်စကားခ တောင် ပေးခဲ့တယ်လို့ ဆိုပါတယ်။

ကားတံခါးတွေ သော့ချလိုက်ပြီး သူ့မိတ်ဆွေ အမျိုးသမီးကို ကားပေါ်ပါတဲ့ အမျိုးသားတွေက စကြနောက်ကြ တာကြောင့် သူနဲ့ ရန်ဖြစ်ကြတယ်လို့ ပြောပါတယ်။

ဒီနောက် တယောက်က သံဒုတ်နဲ့ သူ့ကိုရိုက်လိုက်ပါတယ်။ သူသတိမလစ်ခင် သူ့မိတ်ဆွေ အမျိုးသမီးကို အဲဒီလူတွေက ဆွဲခေါ်သွားတယ်လို့ ပြောပါတယ်။

ဒေလီမြို့ကို တနာရီလောက် ကားပတ်မောင်းနေချိန်မှာ ကားပေါ်ပါ အမျိုးသားတွေက အမျိုးသမီးလေးကို ရက်ရက်စက်စက် ရိုက်နှက် အဓမ္မပြုကျင့်ကြပြီး သူတို့ နှစ်ယောက်စလုံးကို အဝတ်ဗလာနဲ့ ကားပေါ်က ပစ်ချခဲ့ပါတယ်။

ဒီလိုပစ်ချပြီး ကားဒရိုင်ဘာက ကားနဲ့ ကြိတ်သတ်ဖို့ ကြိုးစားခဲ့တယ်လို့ ဆိုပါတယ်။ သူ့မိတ်ဆွေ အမျိုးသမီးကို ကားမကြိတ်မိခင် လက်မတင်လေး သူဆွဲပြီး ရှောင်လိုက်နိုင် တယ်လို့ ပြောပါတယ်။

အမျိုးသမီးလေး သွေးထွက်လွန်နေလို့ လမ်းသွားလမ်းလာတွေကို အကူအညီ တောင်းပေမယ့် နာရီဝက်လောက် ကယ်သူမရှိ ဖြစ်နေခဲ့ပြီးမှ ရဲကား ၃ စီး ရောက်လာခဲ့တယ်။

ဒါပေမယ့် ရဲတွေ ရောက်လာလာချင်း အဝတ်အစားတွေ ဘာတွေ မပေး၊ ဘာမှ မလုပ်ဘဲ ဘယ်ရဲဌာနအပိုင် ဖြစ်တယ်ဆိုတာ အချင်းချင်း စကားများ ငြင်းခုံနေ ကြသေးတယ်လို့ ပြောပါတယ်။

နောက်ပြီး နီးနီးနားနားမှာရှိတဲ့ ဆေးရုံကို ခေါ်သွားမယ့်အစား အဝေးကြီးက ဆေးရုံကို ခေါ်သွားတယ်။ ဆေးရုံရောက်ပြန်တော့လည်း အကြာကြီး စောင့်နေရတယ်၊ သူတို့အတွက် အဝတ်အစားကိုတောင် မနည်းတောင်းပန် ယူရတယ်လို့ ဆိုပါတယ်။

သူတို့ကို တိုက်ခိုက်ခဲ့သူတွေကို တိရိစ္ဆာန်တွေလို့ သူက ခေါ်ဝေါ်ခဲ့ပြီး သူ့မိတ်ဆွေ အမျိုးသမီး သေမယ်လို့ သူလုံးဝ မျှော်လင့် မထားခဲ့ဘူးလို့ ပြောပါတယ်။

အမျိုးသား ၅ ဦးကို မုဒိမ်းမှု၊ လူသတ်မှုတွေနဲ့ စွဲဆို ထားလိုက်ပြီ ဖြစ်ပါတယ်။

သူက လူတွေရဲ့ ကူညီလိုတဲ့ လူမှုရေး စိတ်ဓာတ်နည်းပါးမှု ၊ ရဲ နဲ့ အစိုးရ အာဏာပိုင်တွေကို ဝေဖန်ခဲ့ပါတယ်။ ဖယောင်းတိုင်မီး ထွန်းညှိ ဆုတောင်းရုံနဲ့ လူတွေရဲ့ စိတ်ဓာတ် မပြောင်းလဲနိုင်ဘူး။ သူတို့ရဲ့ အတွေ့အကြုံကို လူတွေ သင်္ခန်းစာယူဖို့ လိုတယ် ။ ဒါမှ နောင်မှာ အသက်တွေကို ကယ်နိုင်မယ်လို့ ပြောခဲ့ပါတယ်။

ဒါပေမယ့် ဒီဖြစ်ရပ်နဲ့ပတ်သက်လို့ လောလောဆယ် လမ်းမတွေမှာ ကန့်ကွက် ဆန္ဒပြနေသူတွေကတော့ ယဉ်ကျေးမှုအခြေခံနဲ့ အမျိုးသမီးတွေ အပေါ်မှာ ထားတဲ့ သဘောထားတွေကို အောက်ခြေက စပြီးပြောင်းလဲဖို့ လိုတယ်လို့ ပြောနေကြ ပါတယ်။

ဆန်ဒီလေဘေး အမေရိကန် ကွန်ဂရက် ကူညီ

မကြုံစဖူး ပျက်စီး နစ်နာခဲ့ရ

မနှစ် အောက်တိုဘာလက အမေရိကန် အရှေ့ဘက် ကမ်းရိုးတန်း ဒေသတွေကို ဝင်ရောက် မွှေနှောက် သွားတဲ့ ဆန်ဒီ မုန်တိုင်း လေဘေး ဒုက္ခသည် တွေ ကူညီရေး အတွက် အမေရိကန် ကွန်ဂရက် က ဒေါ်လာ သန်းပေါင်း တသောင်း ခွင့်ပြုလိုက်ပြီ ဖြစ်ပါတယ်။

ဘဏ္ဍာရေး ဘက်ဂျက် အငြင်းပွားမှု ကြောင့် ကွန်ဂရက်က ဒီသီတင်းပတ် အစောပိုင်းမှာ ကူညီရေး ရန်ပုံငွေ ခွင့်မပြုနိုင် ဖြစ်နေခဲ့လို့ လေဘေးကို အဆိုးရွားဆုံး ကြုံတွေ့ ခဲ့ရတဲ့ ပြည်နယ်သား တွေက ဒေါသ ထွက်ခဲ့ကြပါတယ်။

မုန်တိုင်းနဲ့ တည့်တည့် တိုးခဲ့တဲ့ နယူးယောက်နဲ့ နယူးဂျာဆီ ပြည်နယ် တွေက နိုင်ငံရေး သမား တွေ ရဲ့ ဖိအားပေး တိုက်တွန်းမှုကို ကွန်ဂရက် ဥက္ကဋ္ဌ ရီပတ်ဘလစ်ကန် ပါတီ အမတ် ဂျွန်ဘိုနာက လက်ခံ လိုက်ပြီ ဖြစ်ပါတယ်။

အရေးပေါ် အကူအညီ အဖြစ် နောက်ထပ် ဒေါ်လာ သန်း ၅ သောင်း ထည့်ဝင်ဖို့ ဒီလကုန်မှာ မဲခွဲ ဆုံးဖြတ် ရမှာ ဖြစ်ပါတယ်။

ရခိုင်မှာ ငါးဖမ်းလေလံပယ်ဖျက်

ငါးဖမ်းလေလံ စနစ်ကြောင့် ဒေသခံတွေ ထိခိုက်

ရခိုင်ပြည်နယ် အတွင်း ပင်လယ်၊ မြစ်ချောင်း အင်းအိုင်တွေကို ငါးဖမ်းကွက် သတ်မှတ်ပြီး လေလံပစ်တာ ကို ၂၀၁၃-၁၄ ဘဏ္ဍာရေး နှစ်ကစပြီး မလုပ်တော့ဘူးလို့ ပြည်နယ် လွှတ်တော်က ဆုံး ဖြတ်လိုက်ပြီ လို့ သိရပါတယ်။

၁၉၈၈ တပ်မတော် အစိုးရ အာဏာရချိန် ကစပြီး ရခိုင်ပြည်နယ် အတွင်း ပင်လယ် မြစ်ချောင်း အင်းအိုင်တွေကို ငါးဖမ်းကွက် လုပ်ကွက်တွေ အပိုင်းလိုက် သတ်မှတ်ကာ စီးပွားရေး လုပ်ငန်းရှင်တွေကို နှစ်အလိုက် လေလံပစ် ဌားရမ်း လုပ်ကိုင်ခွင့် ပြုတဲ့ စနစ်ကို လာမယ့် ဘဏ္ဍာရေးနှစ် ကစပြီး ကင်းလွတ်ခွင့်ပြုဖို့ ရခိုင်ပြည်နယ် လွှတ်တော်က ဆုံးဖြတ်လိုက်ပြီ ဖြစ်ပါတယ်။

ရေပြင် ငါးဖမ်းကွက်တွေကို လေလံ ပေးတဲ့ စနစ်ကြောင့် ဒေသခံ ရခိုင် ငါးဖမ်းသမားတွေ အကြီးအကျယ် ဆင်းရဲဒုက္ခ ရောက်ခဲ့ ပါတယ်။

လေလံ စနစ်ကြောင့် ငါးဖမ်းသမားတွေ အနေနဲ့ လွတ်လပ်စွာ ငါးဖမ်းခွင့် မရတော့ဘဲ လေလံရသွားတဲ့ စီးပွားရေး သမားတွေဆီမှာ ငါးဖမ်းလှေ တစီးကို ပိုက်ဆံ ဘယ်လောက်၊ ငါးဖမ်းပိုက် တလက်ကို ဘယ်လောက် စသည်ဖြင့် ပိုက်ဆံတွေ ပေးသွင်းပြီး ငါးဖမ်းခဲ့ကြရပါတယ်။ ဒေသခံ ရခိုင်ပြည်သူတွေ မြစ်ချောင်းထဲ ဆင်းပြီး တနပ်စာ ငါးရှာစားလို့ မရတဲ့ အထိ ဖြစ်နေကြရပါတယ်။

ခုလို လေလံပေးတဲ့ စနစ်ကို ဖျက်သိမ်းလိုက်တဲ့ အတွက် ကြိုဆိုတယ်လို့ ဒေသတွင်း လူမှုရေး လှုပ်ရှားသူ ဦးကောင်းစံလှက ပြောပါတယ်။

ဒီလို လွှတ်တော်က ရေလုပ်ငန်း လေလံ စနစ်ကို ဖျက်သိမ်းလိုက်တဲ့ အတွက် ငါးလုပ်ငန်းရှင်တွေ ရေလုပ်ငန်း ဦးစီးဌာနကိုသာ အခွန်ဆောင် ကြရတော့မှာ ဖြစ်ပြီး ရခိုင် ပြည်သူတွေ ဧပြီလက စပြီး မြစ်ချောင်း အင်းအိုင်တွေမှာ ယခင်လို လွတ်လပ်စွာ ငါးဖမ်းခွင့် ရကြတော့မှာ ဖြစ်ပါတယ်။

တိုင်းရင်းသားတွေ အတွက် လွတ်လပ်ရေး အရသာ

NED ဆုကို ဦးခွန်ထွန်းဦးရယူစဉ်

၂၀၁၃ ခုနှစ် ဇန္နဝါရီလ ၄ ရက်နေ့ဟာ ၆၅ နှစ်မြောက် လွတ်လပ်ရေးနေ့ ဖြစ်ပါတယ်။

လွတ်လပ်ရေး နေ့ ၆၅ နှစ် ပြည့်မြောက်တဲ့ နေ့မှာ ကချင်ပြည်နယ်မှာတော့ အလွန်ပြင်းထန်တဲ့ ပြည်တွင်းစစ်ကြီး ဖြစ်ပွားနေပါတယ်။

ပြည်တွင်းစစ်ကို တိုက်လေယာဉ်တွေ ၊ ရဟတ်ယာဉ်တွေ အသုံးပြုပြီး တိုက်ပွဲဆင်နွှဲနေတာ ဖြစ်ပါတယ်။

ဒီတော့ လွတ်လပ်ရေးသက်တမ်း ၆၅ နှစ်ဟာ တိုင်းရင်းသားတွေ အတွက် ဘယ်လို နိုင်ငံရေး အဓိပ္ပါယ် ထွက်ပါသလဲ။ သာမန် အရပ်သား တိုင်းရင်းသားတွေ အတွက် လွတ်လပ်ရေးရတာနဲ့ မရတာ ဘာတွေကွာခဲ့ပါသလဲ။

ဝါရင့် တိုင်းရင်းသား ခေါင်းဆောင်တဦးဖြစ်တဲ့ ရှမ်းတိုင်းရင်းသားများ ဒီမိုကရေစီ အဖွဲ့ချုပ်ဥက္ကဌ ဦးခွန်ထွန်းဦးကတော့ တိုင်းရင်းသားတွေ အတွက် လွတ်လပ်ရေးဟာ ကိုလိုနီ လက်ပြောင်းလက်လွဲ လုပ်သွားတာသာ ဖြစ်တယ်လို့ ဆိုပါတယ်။

ဗြိတိသျှ ကိုလိုနီ လက်အောက်ကနေ အတူတကွ လွတ်လပ်ရေး ရယူခဲ့ကြပေမဲ့ လွတ်လပ်ရေးကို မြေပြန့်နေ မြန်မာလူမျိုးတွေသာ ရပြီး တိုင်းရင်းသားတွေ မရခဲ့ဘူးလို့ ဆိုပါတယ်။

ဗြိတိသျှ ကိုလိုနီ လက်အောက်ကလွတ်ပြီး မြန်မာ အစိုးရရဲ့ ကိုလိုနီဖြစ်သွားခဲ့တယ်လို့ တချို့ တိုင်းရင်းသား ခေါင်းဆောင်တွေက ယူဆကြောင်း သူက ပြောပြပါတယ်။

တိုင်းရင်းသား တချို့နဲ့ အပစ်အခတ်ရပ်စဲ သွားချိန်မှာ ကချင်ပြည်နယ်မှာ စစ်ပွဲတွေ ဖြစ်ပွားနေတာဟာ အစိုးရရဲ့ တိုင်းရင်းသားတွေအပေါ် ဆက်ဆံပုံ မညီမျှတဲ့ အတွက်ကြောင့်လို့ ဆိုပါတယ်။

SSA-RCSS ရှမ်းပြည်တပ်မတော် မြောက်ပိုင်းနဲ့လည်း စစ်ပွဲတွေ ဆက်လက် ဆင်နွှဲနေပြီး၊ အစိုးရဟာ တဖွဲ့ပြီး တဖွဲ့ ဆက်လက် ချေမှုန်းသွားမယ်လို့ သူယူဆသုံးသပ်ကြောင်းလည်း ပြောပါတယ်။

တိုင်းရင်းသား အားလုံး လိုလားတာဟာ တန်းတူညီမျှရေးနဲ့ ကိုယ်ပိုင် ပြဌာန်းခွင့် ဖြစ်ပြီး ဒီလိုလားချက်ကို အစိုးရကလည်း သိမြင်နားလည်ပါလျက်နဲ့ ဘာ့ကြောင့် စစ်ပွဲ ဆင်နွှဲနေတယ်ဆိုတာ သူနားမလည် နိုင်ဘူးလို့လည်း ပြစ်တင် ဝေဖန်သွားပါတယ်။

ကေအိုင်အေ ကချင်လွတ်လပ်ရေး တပ်မတော်ဟာ ၂၀၀၈ အခြေခံဥပဒေ၊ ၂၀၁၀ ရွေးကောက်ပွဲတို့ကို ထောက်ခံခဲ့ပေမဲ့ ၊ ၂၀၁၀ ရွေးကောက်ပွဲမှာ ကချင်ပါတီ ထူထောင်ခွင့် မပြုခဲ့ပါဘူး။

တရုတ်ပိုင်နက်အတွင်း လက်နက်ကြီးကျမှု မြန်မာကို သတိပေး

ကချင်လွတ်မြောက်ရေးတပ် ကေအိုင်အေ ကချင်တပ်သားတစ်ဦးကို ရှေ့ တန်းစစ်မျက်နှာတွင်တွေ့ရစဉ်။

ကချင်ပြည်နယ်တွင်း ဖြစ်ပွားနေတဲ့ အစိုးရတပ်နဲ့ တိုင်းရင်းသား လက်နက်ကိုင်တပ်ကြား ဖြစ်ပွားနေတဲ့ ပဋိပက္ခတွေကို ငြိမ်းငြိမ်းချမ်းချမ်းဖြေရှင်းဖို့ တရုတ်အစိုးရက မြန်မာအစိုးရကို တိုက်တွန်းလိုက်ပါတယ်။ အခုလက်ရှိဖြစ်ပွားနေတဲ့ မြန်မာဘက်က တိုက်ပွဲတွေကြောင့် တရုတ်မြေပေါ်ကို လက်နက်ကျည်တွေကျနေတယ်လို့လည်း တရုတ်ဘက်က ပြောပါတယ်။ ဒီအကြောင်းအသေးစိတ်ကို ဆက်သွယ်စုံစမ်းထားတဲ့ မဆုမွန်က တင်ပြပေးပါမယ်။

မြန်မာနိုင်ငံမြောက်ပိုင်း ကချင်ပြည်နယ်တွင်းမှာ မြန်မာအစိုးရတပ်တွေနဲ့ တိုင်းရင်းသားလက်နက်ကိုင်တပ်ဖွဲ့ ကချင်လွတ်မြောက်ရေး တပ် ကေအိုင်အေတို့ကြား အခုလက်ရှိဖြစ်နေတဲ့ စစ်ရေးတင်းမာနေတဲ့ ပြဿနာတွေကို ငြိမ်းငြိမ်းချမ်းချမ်းဖြေရှင်းကြဖို့ တရုတ်အစိုးရက တိုက်တွန်းလိုက်ပါတယ်။ တချိန်တည်းမှာပဲ နှစ်ဘက်ပစ်ခတ်မှုတွေဖြစ်ပွားနေတဲ့ တိုက်ပွဲတွေကြောင့် တရုတ်-မြန်မာနယ်စပ် တရုတ်မြေပိုင်နက်ထဲကို လက်နက်ကြီးကျည် သုံးလုံးကျလာတဲ့အတွက် တရုတ်ဘက်က မြန်မာအစိုးရဘက်ကို နောက်ထပ် ဒါမျိုးဖြစ်ရပ်တွေမဖြစ်လာစေဖို့ သံတမန်ရေးသတိပေးပြောဆိုမှုတွေလည်းရှိနေပါတယ်။

ကချင်ပြည်နယ်တွင်းမှာ ကချင်လွတ်မြောက်ရေးတပ် ကေအိုင်အေရဲ့ စစ်အခြေစိုက်စခန်းတွေရှိတဲ့နေရာကို မြန်မာစစ်တပ်ဘက်က လေကြောင်းကနေ တိုက်လေယာဉ်တွေ၊ စစ်သုံးရဟတ်ယာဉ်တွေသုံးပြီးတော့ အပြင်းအထန် ထိုးစစ်ဆင်တိုက်ခိုက်မှုတွေရှိနေတယ်လို့ ကချင်ဒေသခံ အရပ်သားတွေဘက်က ပြောဆိုမှုတွေရှိပါတယ်။

KIA တပ်တွေကို လေကြောင်းကနေ တိုက်ခိုက်မှုတွေ လုပ်တယ်ဆိုတာကို လည်း မြန်မာအစိုးရ ပြောခွင့်ရသူဘက်က ဝန်ခံပါတယ်။ မြန်မာတပ်ဘက်က လေကြောင်းက တိုက်တဲ့နေရာမှာ နယ်စပ်ဖြစ်နေတာကြောင့် မြန်မာစစ်တပ်လေယာဉ်တွေဟာ တရုတ်ဘက်က လေပိုင်နက်ကိုပါ ဝင်ရောက်တာမျိုး ရှိတယ်လို့ KIA ဘက်က အစောပိုင်းက ပြောပါတယ်။ ဒီလိုပစ်ခတ်မှုတွေကြောင့်  တရုတ်မြေ ပိုင်နက်ထဲ လက်နက်ကြီးကျည်ကျတဲ့ကိစ္စကိုတော့ တရုတ်နိုင်ငံခြားရေးဝန်ကြီးဌာနပြောခွင့်ရအမျိုးသမီး Hua Chunying က တရုတ်ဘာသာစကားနဲ့အခုလိုပြောဆိုပါတယ်။

“တရုတ်ဘက်က မြန်မာအစိုးရတာဝန်ရှိသူတွေဘက်ကို ဒီလက်နက်ကြီးကျည်ကျတဲ့ကိစ္စနဲ့ပတ်သက်ပြီး အမြန်ဆုံး ကိုင်တွယ် ဖြေရှင်းပေးဖို့ နဲ့ နောက်ထပ် ဒီလိုထိခိုက်မှုမျိုးမဖြစ်စေဖို့ သတိပေးပြောဆိုပါတယ်”

ဒီတရုတ်နယ်စပ်ဘက်ကို ပြီးခဲ့တဲ့ တနင်္ဂနွေနေ့ ညနေခင်းပိုင်းက လက်နက်ကြီးကျည်ကျခဲ့တာဖြစ်ပြီး တစုံတရာထိခိုက်မှုတော့မရှိဘူးလို့ ပုံမှန်ပြုလုပ်နေကျသတင်းစာရှင်းလင်းပွဲမှာ သတင်းထောက်တွေကို တရုတ်နိုင်ငံခြားရေးဌာနပြောခွင့်ရ မစ္စစ် Hua Chunying က ပြောဆိုလိုက်တာပါ။

အခုလို မြန်မာနိုင်ငံမြောက်ပိုင်း တရုတ်-မြန်မာနယ်စပ်မှာ ပဋိပက္ခတွေဖြစ်ပြီး စစ်ရေး တင်းမာမှုတွေဖြစ်ပွားနေတဲ့ မြန်မာစစ်တပ်နဲ့ တိုင်းရင်းသားလက်နက်ကိုင် ကချင်တပ်တွေကြား မစ္စစ်Hua ဘက်က ဒါဟာ မြန်မာနိုင်ငံရဲ့ ပြည်တွင်းရေးပြဿနာသပ်သပ်သာဖြစ်တယ်လို့ တရုတ်နိုင်ငံခြားရေးပြောခွင့်ရကပြောပါတယ်။ ဒါပေမဲ့ နိုင်ငံရေးပြုပြင်ပြောင်းလဲရေးလုပ်ငန်းတွေ လုပ်ဆောင်နေတဲ့ မြန်မာအစိုးရအနေနဲ့ ဒီပြဿနာကို ငြိမ်းချမ်းရေးစေ့စပ်ဆွေးနွေးပွဲတွေ နဲ့ ပြေလည်အောင်ဖြေရှင်းသွားနိုင်မယ်လို့ တရုတ်ဘက်က မျော်လင့်တဲ့အကြောင်း ပြောခဲ့ပါတယ်။

ဒီလိုမျိုး ကချင်ပြည်နယ်တွင်း အစိုးရတပ်နဲ့ ကေအိုင်အေတို့ကြား တိုက်ပွဲတွေ ဖြစ်ပွားနေပေမဲ့ ကချင်လက်နက်ကိုင်တပ်ဖွဲ့တွေနဲ့ မြန်မာအစိုးရကြား ငြိမ်းချမ်းရေး စကားဝိုင်းတွေဖြစ်ပေါ် လာအောင် မြန်မာအစိုးရငြိမ်းချမ်းရေးဖော်ဆောင်ရေးကော်မတီ အနေနဲ့ ဆက်ပြီးတော့ ဆောင်ရွက် သွားမှာဖြစ်တယ်လို့လည်း မြန်မာအစိုးရငြိမ်းချမ်းရေး ကိုယ်စားလှယ်တစ်ဦးဖြစ်တဲ့ ဦးလှမောင်ရွှေကပြောပါတယ်။

“ကေအိုင်အိုအဖွဲ့နဲ့ စက်တင်ဘာလ ၃၀ရက်နေ့က နောက်ဆုံးဆွေးနွေး ခဲ့တယ်၊ ဆွေးနွေးပြီးနောက်ပိုင်း မှာတော့ ကေအိုင်အို အဖွဲ့အစည်းက Political Dialogue လုပ်ဖို့ပြောတယ်။ တဖက်က ဦးအောင်မင်းက သဘောတူခဲ့တယ်။ မူအားဖြင့် နှစ်ဘက် သဘောတူခဲ့တယ်။ အခုအချိန်အထိတော့ တရားဝင်ကမ်းလှမ်းချက်ကို တုန့်ပြန်တာတော့ မရှိသေးဘူးခင်ဗျ။ ဒါပေမဲ့ လက်ရှိ စစ်ပွဲတွေ ရှိတာတော့ရှိတယ်။ ဒါပေမဲ့ စစ်ပွဲတွေဖြစ်နေတဲ့ အထဲကပဲ တွေ့ဆုံဆွေးနွေးပွဲတွေ ဖြစ်နိုင်ဖို့တော့ မျှော်လင့်နေတယ်။ ဘာကြောင့်လည်းပြောရင်တော့ ဒီတွေ့ဆုံဆွေးနွေးပွဲတွေကမှသာလျင် ငြိမ်းချမ်းရေးရဲ့အဖြေကို တကယ်ညှိနှိုင်းနိုင်မယ်လို့ထင်တယ်။ “

အခုလိုဖြစ်ပွားနေတဲ့ ကချင်ပြည်နယ်တွင်းက တိုက်ပွဲတွေနဲ့ပတ်သက်ပြီး ဒေသခံပြည်သူ သောင်းနဲ့ချီ အိုးမဲ့အိမ်မဲ့ဖြစ်ပြီး စစ်ပြေးဒုက္ခသည်တွေအဖြစ် စစ်ဖြစ်ပွားတဲ့နေရာတွေကနေ ထွက်ပြေးတိမ်းရှောင်နေရတာတွေ၊ အစိုးရတပ်ဘက်က လေကြောင်းတိုက်ခိုက်မှုတွေကြောင့် ဗုံးခိုကျင်းတွေထဲမှာ ခိုအောင်းနေရတာတွေနဲ့ပတ်သက်ပြီး ကုလသမဂ္ဂအပါအဝင် နိုင်ငံတကာက စိုးရိမ်ပူပင်ကြောင်း သတင်းထုတ်ပြန်မှုတွေရှိပါတယ်။

တချိန်တည်းမှာပဲ မြန်မာအစိုးရဘက်က ကချင်ပြည်နယ်တွင်း ဖြစ်ပွားနေတဲ့ တိုက်ပွဲတွေနဲ့ တ်သက်ပြီး ဇန်နဝါရီလ ၄ရက်နေ့နေ့စွဲနဲ့ ထုတ်ပြန်ကြေညာချက်တစ်စောင် ထုတ်ပြန်ခဲ့ပါတယ်။ အခုလို တိုက်ပွဲတွေဖြစ်ပွားနေရတာတွေဟာ နယ်မြေအေးချမ်းအောင် လုပ်ဆောင်ရ တာဖြစ်ပြီး ကေအိုင်အေ၊ ကေအိုင်အိုအဖွဲ့တွေနဲ့လည်း ငြိမ်းချမ်းရေးဆွေးနွေးမှုတွေ ဆက်လုပ်သွားမှာဖြစ်တဲ့အကြောင်းကိုလည်း သတင်းထုတ်ပြန်ချက်ထဲမှာ ဖော်ပြပါရှိပါတယ်။

Auschwitz အကျဉ်းထောင် လာရောက်သူများပြား

Auschwitz-Birkenau Nazi Death Camp near Oswiecim, southern Poland.

ဒုတိယကမ္ဘာစစ်အတွင်း သေမင်းတမန် အကျဉ်းထောင်အဖြစ် ကျော်ကြားတဲ့ ပိုလန်နိုင်ငံက Auschwitz-Birkenau ကို ၂၀၁၂ ခုနှစ်အတွင်း ကမ္ဘာလှည့်ခရီးသည်လာရောက်မှုဟာ အမြင့်ဆုံးအဆင့် ကို ရောက်ရှိခဲ့ကြောင်း အကျဉ်းထောင်အရာရှိတွေက ပြောလိုက်ပါတယ်။ ပိုလန်တောင်ပိုင်း မှာ ရှိတဲ့ လူမျိုးတုန်း သတ်ဖြတ်ခဲ့တဲ့ Auschwitz-Birkenau အကျဉ်းထောင် ကို မနှစ်တုန်း က လူပေါင်း တသန်းခွဲ လောက် အလည် လာရောက်ခဲ့ကြောင်း သောကြာနေ့က ပြတိုက်ရဲ့ အင်တာနက် ဝဘ်ဆိုတ်မှာ ဖော်ပြထားပါတယ်။ ဧည့်သည်တွေဟာ ပိုလန်၊ ဂရိတ် ဗြိတိန်၊ အမေရိကန်၊ အီတလီ၊ ပြင်သစ်၊ အစ္စရေး၊ စပိန်၊ ချက်ပြည်သူ့သမ္မတနိုင်ငံနဲ့ တောင်ကိုရီးယား စတဲ့ ကမ္ဘာအနှံ့က လာရောက်ခဲ့ကြတာ ဖြစ်ကြပါတယ်။

Auschwitz-Birkenau အကျဉ်းထောင်ဟာ ဥရောပတခုလုံးအတွက် ပြန်လည် အောက်မေ့ဖွယ်ရာ အဓိက နေရာတခု ဖြစ်လာ နေကြောင်းနဲ့ လူမှုအသိုက်အမြုံကြီးတခုလုံး အခုချိန်ထိ ရင်ဆိုင် ခံစားနေရဆဲဖြစ်တဲ့ စိန်ခေါ်မှုတွေကို  မီးမောင်း ထိုးပြနေတယ်လို့ ညွှန်ကြားရေးမှူး (Piotr Cywinski) က ပြောပါတယ်။

Auschwitz-Birkenau အကျဉ်းထောင်အတွင်းမှာ ဂျူးလူမျိုး အများစုပါဝင်တဲ့ လူပေါင်း ၁ သန်းကျော်ဟာ ၁၉၄၅ ခု၊ ဇန်နဝါရီလ အတွင်း ဆိုဗီယက် တပ်ဖွဲ့ဝင်တွေက လာရောက် ကယ်တင်ချိန်မတိုင်ခင်အထိ  နာဇီဂျာမနီစစ်သားတွေရဲ့ သတ်ဖြတ်မှုကို ခံခဲ့ကြရတာဖြစ်ပါတယ်။ အဲဒီ အကျဉ်းထောင် ပြတိုက် အတွင်းမှာ စာအုပ်တွေ၊ ရှူးဖိနပ်တွေ၊ ဆံပင်ရှင်းတဲ့ ဘရပ်ရ်ှတွေလိုမျိုး စခန်းထဲမှာ နေထိုင်သွား ကြပြီး ဓာတ်ငွေ့ပေးအသတ်ခံခဲ့ရသူတွေ ပိုင်ဆိုင် သုံးစွဲခဲ့ကြတဲ့ ပစ္စည်းတွေကို ပြသထားပါတယ်။

မြန်မာဘတ်စကက် ဘောသမားတွေ အမေရိကန် လာမည်

မြန်မာနိုင်ငံဆိုင်ရာ အမေရိကန်သံအမတ်ကြီးနဲ့ အမေရိကန် သွားမည့် မြန်မာဘက်စကတ်ဘောအသင်း လေ့ကျင့် ကစားနေစဉ်။

မြန်မာနိုင်ငံမှာ ပထမဆုံး အားကစားသံတမန် အစီအစဉ်အရ မြန်မာနိုင်ငံက လူငယ် ၁၂ ဦးဟာ ဘတ်စကက်ဘောအားကစား အပြန်အလှန်ဖလှယ်ရေးအစီအစဉ်အရ အမေရိကန်ပြည်ထောင်စုဆီ သီတင်းနှစ်ပတ်ကြာ လာရောက်မယ်လို့ အမေရိကန် နိုင်ငံခြားရေးဌာန၊ ပညာရေးနဲ့ ကျန်းမာရေးဆိုင်ရာဌာနက ဇန်န၀ါရီလ ၄ ရက်နေ့စွဲနဲ့ ကြေညာလိုက်ပါတယ်။လူငယ် အမျိုးသားခြောက်ဦးနဲ့ အမျိုးသမီးခြောက်ဦးပါဝင်တဲ့ အဲဒီအဖွဲ့ဟာ နည်းပြနှစ်ယောက်နဲ့အတူ ဇန်န၀ါရီလ ၇ ရက်နေ့ကနေ ၂၀ ရက်နေ့အထိ အမေရိကန်ပြည်ထောင်စုမှာ လှည့်လည် သွားလာကြမှာဖြစ်ပါတယ်။

မြန်မာလူငယ်တွေဟာ အစီအစဉ်အတွင်း အမေရိကန်ကစားဖော်တွေနဲ့အတူ ဘတ်စကက်ဘောအားကစား နည်းပညာတွေကို လေ့လာကြမှာဖြစ်သလို အာဟာရဆိုင်ရာ၊ ပဋိပက္ခဖြေရှင်းခြင်းနဲ့ မသန်မစွမ်းအားကစားဆိုင်ရာ ပညာပေးဆွေးနွေးပွဲတွေ တက်ရောက်ကြ မှာဖြစ်ပါတယ်။ အမေရိကန်ပြည်ထောင်စုက အမျိုးသားဘတ်စကက်ဘောအသင်း (NBA) ရဲ့ အကူအညီနဲ့ ဖော်ဆောင်တဲ့ အခုအစီအစဉ်ဟာ အမေရိကန်နိုင်ငံခြားရေးဌာနနဲ့ မြန်မာနိုင်ငံအကြား ပထမဆုံး အားကစားအလည်အပတ်အစီအစဉ် ဖြစ်ပါတယ်။

အမေရိကန် Charlotte Bobcats အသင်းရဲ့ အထွေထွေမန်နေဂျာ Rich Cho၊ အမျိုးသမီးဘတ်စကက်ဘောအသင်း (WNBA) က ကစားသမားဟောင်း Allison Feaster၊ Los Angeles Lakers အသင်းက လက်ရှိ လက်ထောက်နည်းပြ Darvin Ham နဲ့ NBA ကစားသမားဟောင်း Marty Conlon တို့ဟာ အားကစားသံတမန်တွေအဖြစ် ၂၀၁၂ ခုနှစ် သြဂုတ်လအတွင်းက မြန်မာနိုင်ငံဆီ လာရောက်ခဲ့ကြပြီးတဲ့နောက်ပိုင်း အခုအစီအစဉ်ဖြစ်လာတာပါ။အဲဒီထဲမှာ Charlotte Bobcats အသင်းရဲ့ အထွေထွေမန်နေဂျာ Rich Cho ဟာ မြန်မာနိုင်ငံမှာ မွေးဖွားသူဖြစ်ပါတယ်။

အသက် ၁၅ နှစ်ကနေ ၁၇ နှစ်အရွယ် မြန်မာလူငယ်တွေဟာ မြောက်ကာရိုလိုင်းနားပြည်နယ်မှာ Charlotte Bobcats အသင်း ကစားတဲ့ပွဲကို ကြည့်ရှုကြမှာဖြစ်ပြီး မန်နေဂျာ Cho၊ Bobcats ကစားသမားတွေနဲ့အတူ နည်းပညာတွေကို လေ့လာသုံးသပ်ကြမှာ ဖြစ်ပါတယ်။ ဒါ့အပြင် ၀ါရှင်တန်ဒီစီမြို့တော်မှာ Washington Wizards အသင်းရဲ့ ကစားပွဲကို ကြည့်ကြပြီး အသင်းက ကစားသမားတွေနဲ့ တွေ့ဆုံကြမှာဖြစ်ပါတယ်။

ကမ္ဘောဒီယား အတိုက်အခံ ခေါင်းဆောင် ရွေးကောက်ပွဲ မဝင်ရ

ကမ္ဘောဒီးယား အတိုက်အခံခေါင်းဆောင် Sam Rainsy

ပြည်ပရောက် ကမ္ဘောဒီးယား အတိုက်အခံခေါင်းဆောင် ဆမ်မ် ရိန်ဆီ (Sam Rainsy) ဟာ ကျင်းပဖို့ရှိတဲ့ ရွေးကောက်ပွဲတွေမှာ ၀င်ပြိုင်ခွင့်လည်းမရှိ ဒါမှမဟုတ် မဲပေးခွင့်လည်းမရှိဘူးဆိုတာကို ကမ္ဘောဒီးယား အမျိုးသားရွေးကောက်ပွဲကော်မတီ (NEC) က တရားဝင် အတည်ပြုလိုက်ပြီဖြစ်ပါတယ်။အတိုက်အခံပါတီသစ်ဖြစ်တဲ့ ကမ္ဘောဒီးယား အမျိုးသားကယ်တင်ရေးပါတီကို လွှတ်တော်ရွေးကောက်ပွဲတွေမှာ ၀င်ရောက် ယှဉ်ပြိုင်ခွင့်ပြုမယ်လို့ NEC အတွင်းရေးမှူးချုပ် တက်ပ် နီတား (Tep Nitha) က သောကြာနေ့မှာ သတင်းထောက်တွေကို ပြောခဲ့ ပါတယ်။

ဒါပေမဲ့လည်း ရိန်ဆီရဲ့နာမည်ကို အမျိုးသား မဲဆန္ဒရှင်မှတ်ပုံတင်စာရင်းကနေ ပယ်ဖျက်ထားပြီးဖြစ်တာကြောင့် သူဟာ အကျူံးမ၀င်တော့ဘူးလို့ NEC အတွင်းရေးမှူးချုပ်က ပြောပါတယ်။ ရိန်ဆီဟာ ကမ္ဘောဒီးယားနိုင်ငံဆီသာ ပြန်သွားမယ် ဆိုရင် ထောင်ဒဏ် ၁၂ နှစ် ချမှတ်ခံရမယ့်အရေးရှိပါတယ်။ ဥပဒေအရဆိုရင် ပြစ်မှုတခုခု ကျူးလွန်ထားတဲ့သူဟာ ရွေးကောက်ပွဲမှာ ပါဝင်ခွင့်မရပါဘူး။ သူ့အပေါ် စွဲတင်ထားတဲ့ စွဲချက်တွေဟာ နိုင်ငံရေး ပယောဂပါတယ်လို့ ရိန်ဆီနဲ့ သူ့ကို ထောက်ခံသူတွေက ပြောကြပါတယ်။

သောကြာနေ့က အဲဒီကြေညာချက်ဟာ အတိုက်အခံတွေအတွက်တော့ အခက်အခဲတခုပါပဲ။ ဆမ်မ် ရိန်ဆီ တိုင်းပြည်ဆီ ပြန်လာ ပြီး အာဏာရပါတီကို ယှဉ်ပြိုင်ဖို့အတွက် အတိုက်အခံညွန့်ပေါင်းအဖွဲ့ကို ဦးဆောင်ဖို့ နိုင်ငံရေးလှုပ်ရှားသူတွေက မျှော်လင့်ထား ကြတာပါ။