Friday, May 15, 2015

ကျွန်တော်နဲ့ ပညာရေးခရီးရှည်


ရေးသူ-ပါမောက္ခဒေါက်တာအောင်ထွန်းသက်
ပြီးခဲ့တဲ့စနေနေ့က ကျွန်တော် ရန်ကုန်တက္ကသိုလ်ဘွဲ့နှင်းသဘင်ခန်းမမှာ ဘွဲ့ယူခဲ့ပါတယ်။ ယူခဲ့တဲ့ဘွဲ့က Doctor of Letters (Honoris Causa) ဖြစ်ပါတယ်။ လက်တင်ဘာသာစကားအရ D.Litt လို့ခေါ်ပါတယ်။ မြန်မာလိုကတော့ စာပေပါရဂူဘွဲ့ လို့ခေါ်ပါတယ်။ ဒီဂုဏ်ထူးဆောင်ပါရဂူဘွဲ့ကို ရန်ကုန်စီးပွားရေးတက္ကသိုလ်က ချီးမြှင့်တာဖြစ်ပါတယ်။ ကျွန်တော်နဲ့အတူ ကျန် ပုဂ္ဂိုလ် ၁၃ ဦးလည်း ဒီဘွဲ့ကိုယူကြမှာဖြစ်ပါတယ်။

အမှန်တော့ ကျွန်တော်ဟာ လွန်ခဲ့တဲ့နှစ်ပေါင်း (၅၀) ၁၉၆၅ ခုနှစ်မှာ ပထမဘွဲ့ကိုရခဲ့ပါတယ်။ ဘွဲ့က ၀ါဏိဇ္ဇ၀ိဇ္ဇာ ဘွဲ့ဖြစ်ပါတယ်။ ဘွဲ့နှင်းသဘင်ခန်းမမှာ ဘွဲ့တက်ယူတဲ့အခါ မိဘနှစ်ပါးလည်း ပါခဲ့တယ်။ သားအကြီးဆုံးဖြစ်တဲ့ ကျွန်တော်ဘွဲ့ရတာ ကို အခုမိဘနှစ်ပါးဂုဏ်ယူတာ အခုအချိန်ထိမှတ်မိနေပါသေးတယ်။ ဒီတုန်းကဘွဲ့ရဖို့လေးနှစ်တက်ရပါတယ်။ တက္ကသိုလ်ဝင်တန်း ကို ၁၉၆၀ ပြည့်နှစ်မှာအောင်မြင်ပြီး ၁၉၆၁ ခုနှစ်မှာ ရန်ကုန်တက္ကသိုလ်ရောက်ခဲ့ပါတယ်။ ဒီတုန်းက ပထမနှစ်နှစ်ကိုဘီအိုစီ ကောလိပ်ခေါ်တဲ့ဥပစာဝိဇ္ဇာသင်တန်းကျောင်းမှာတက်ခဲ့ပါတယ်။ ၀ိဇ္ဇာဘာသာတွဲယူတဲ့ ကျောင်းသား ကျောင်းသူတွေကို သထုံလမ်းမှာရှိတဲ့ ဘီအိုစီကောလိပ်မှာကျောင်းတက်ခိုင်ပြီး ဥပစာသိပ္ပံတက်သူတွေကိုတော့ လိပ်ခုံးလို့ခေါ်တဲ့ ပြည်လမ်းနံဘေးကအဆောက်အအုံအသစ် တွေမှာတက်စေပါတယ်။ အခုတော့ ဒီလိပ်ခုံးကြီးကမရှိတော့ပါဘူး။
ကျွန်တော်တို့ ဥပစာအတန်းတွေတက်နေတုန်းက ဥပစာသိပ္ပံသင်တန်းကျောင်းအသစ်ကြီးကို အမေရိကန်နိုင်ငံရဲ့ အကူ အညီနဲ့ဆောက်လုပ်ထားလို့ အလွန်ခမ်းနားလှပါတယ်။ လိပ်ခုံးအပြင်အခုလှိုင်ကောလိပ်ဝင်းမှာရှိတဲ့အဆောင်တွေ၊ အခုအမ်ဘီအေ သင်တန်းလုပ်နေတဲ့ ပတ္တမြားဆောင်တွေဟာ ပုံတူဆောက်လုပ်ထားတာဖြစ်ပါတယ်။ ရိုးရိုးအုတ်နဲ့ဆောက်တာမဟုတ်ဘဲ စဥ့်အုတ်တွေဖြစ်တာမို့ ကြည့်လို့လည်းကောင်း၊ တာရှည်လည်းခံပါတယ်။ အခုလိုသထုံလမ်းဘီအိုစီကောလိပ်တက်ရပေမဲ့ လိပ်ခုံးဘက်မှာလည်း တချို့အတန်းတွေတက်ရတယ်။ ဒါကြောင့် ဥပစာသိပ္ပံကကျောင်းသားတွေနဲ့ အဆက်အသွယ်မပြတ် ခဲ့ဘူး။ ကျွန်တော်နေခဲ့တဲ့ ကျောင်းကတက္ကသိုလ်ဝင်တန်းအောင်ပြီးရင် ၈၀ ရာခိုင်နှုန်းက သိပ္ပံလမ်းကိုရွေးကြတယ်။ ဥပစာသိပ္ပံနှစ်နှစ် တက်ပြီးရင်ဆရာဝန်လိုင်းတို့၊ အင်ဂျင်နီယာလိုင်းတို့ကိုရွေးချယ်ကြတာ။ အနည်းစုလောက်ပဲဥပစာဝိဇ္ဇာလိုင်းရွေးကြတာ။ ဥပစာဝိဇ္ဇာရွေးတဲ့အခါမှာလည်း စီးပွားရေးပညာကိုအထူးပြုခဲ့ကြတယ်။ ဥပစာဝိဇ္ဇာနှစ်နှစ်တက်တုန်း ကျွန်တော်တို့ကဘာသာတွဲကို ရွေးခွင့်ရတယ်။ ကျွန်တော်ကဘောဂဗေဒ၊ သင်္ချာနဲ့ဒဿနိကဗေဒဘာသာတွဲကိုယူရတယ်။ ကျွန်တော်တို့နှစ်မှာထီးတန်းနဲ့ရန်ကင်း ကို မတက်ခဲ့ရဘူး။ အရင်တုန်းက ဥပစာဝိဇ္ဇာနဲ့သိပ္ပံတန်းတွေကိုကြည့်မြင်တိုင်ကောလိပ်နဲ့ ရန်ကင်းကောလိပ်မှာ ဖွင့်ခဲ့တာ။ ထီးတန်း မှာ ၀ိဇ္ဇာဘာသာဖြစ်ပြီး ရန်ကင်းကတော့ သိပ္ပံဘာသာဖြစ်တယ်။
ဥပစာဝိဇ္ဇာနှစ်နှစ်တက်ပြီးမှ တတိယနှစ်ရောက်တဲ့အခါ အထူးပြုဘာသာရပ်ကိုရွေးရပြန်တယ်။ ကျွန်တော်က ၀ါဏိဇ္ဇဗေဒ ဘာသာတွဲကိုယူတဲ့အခါ ဒီတုန်းက B.Com ဘွဲ့က ခေတ်စားတာမို့ယူလိုက်တာ။ ပြီးတော့ ဦးလေးအငယ်တစ်ယောက်က B.Com ယူခဲ့တာ။ တတိယနှစ်မှာ တက္ကသိုလ်ရိပ်သာလမ်းရဲ့ လက်ယာဘက်ကျတဲ့ အဲဒီတုန်းက လူမှုရေးသိပ္ပံလို့ခေါ်တဲ့နေရာမှာ တက်ခဲ့ရတာ။ နောက်ဆုံးနှစ်ရောက်တော့ တက္ကသိုလ်ပညာရေးပြုပြင်ပြောင်းလဲမှုတွေလုပ်ပြီး စီးပွားရေးတက္ကသိုလ်ဖွင့်လှစ်လိုက် တော့ ၀ါဏိဇ္ဇ၀ိဇ္ဇာဘွဲ့ကို ဒီကျောင်းမှာပဲယူခဲ့ရတာ။ ဘွဲ့ကိုအမှတ်ကောင်းကောင်းနဲ့အောင်မြင်ခဲ့တာမို့ စီးပွားရေးတက္ကသိုလ်မှာပဲ နည်းပြဆရာအဖြစ် တာဝန်ယူခဲ့တာ။ ဒီတုန်းက ၁၉၆၆ ခုနှစ်ပေါ့။ နည်းပြဆရာဖြစ်ပြီး နှစ်နှစ်ကျော်မှာမဟာဝါဏိဇ္ဇ၀ိဇ္ဇာအရည်အချင်းစစ်စာမေးပွဲကို ဖြေခဲ့ရပြီး အောင်မြင်ခဲ့ပါတယ်။
စီးပွားရေးတက္ကသိုလ်မှာ အလုပ်လုပ်ရင်းကိုယ့်ရဲ့ဆရာသမားတွေကို အားကျနေမိတယ်။ ကျွန်တော်တို့ဌာနရှဲ့ဌာန မှူးက ဆရာကြီးစောဝီလျံပေါ။ သူကမြန်မာပြည်မှာပထမဦးဆုံးတက္ကသိုလ်က အမ်ဘီအေကိုရခဲ့သူဖြစ်ပြီးတော့ ဆရာ ဦးခင်မောင်ကြည်၊ သူလည်း Harvard ကပဲ အမ်ဘီအေရခဲ့သူ။ နောက်တော့ Cornell တက္ကသိုလ်ကပါရဂူဘွဲ့ရခဲ့တာ။ ၀ါဏိဇ္ဇဗေဒ ဌာနက ဆရာ၊ ဆရာမတွေအားလုံးလိုလို အမေရိကန်ပြည်ထောင်စုက အမ်ဘီအေဘွဲ့တွေယူလာခဲ့ကြတယ်။ ဘောဂဗေဒဌာနမှာ ဆရာကြီးဦးအေးလှိုင်၊ ဒေါက်တာမောင်ရှိန်၊ စာရင်းအင်းဌာနမှာ ဆရာကြီးဒေါက်တာခင်မောင်ညွန့်၊ သင်္ချာဌာနမှာ ဆရာဒေါက်တာ ချစ်ဆွေ၊ ရန်ကုန်တက္ကသိုလ်မှာရှိတဲ့ ဆရာဒေါက်တာတင်အောင်၊ ဒေါက်တာလှသွင်၊ ဒေါက်တာလှဘူး၊ ဒေါက်တာကျော်သက်၊ သူတို့လိုသိပ်ဖြစ်ချင်တာ။ စိတ်ထဲမှာ နိုင်ငံခြားပညာတော်သင်သွားပြီး ဒေါက်တာဘွဲ့ကိုပဲလိုချင်နေမိခဲ့တယ်။
ဒါနဲ့ ၁၉၇၀ ပြည့်နှစ်မှာ နိုင်ငံခြားပညာတော်သင်စာမေးပွဲကို ၀င်ဖြေခဲ့တယ်။ ရေးဖြေအောင်ပေမဲ့ နှုတ်ဖြေမှာ အမျိုးတော် တဲ့အမှုနဲ့မရခဲ့ဘူး။ နောက်တစ်နှစ်ထပ်ကြိုးစားခဲ့တယ်။ ဒါနဲ့ ၁၉၇၁ ခုနှစ်မှာ နိုင်ငံခြားပညာတော်သင်အဖြစ် အရွေးခံခဲ့ရပြီး အင်္ဂလန် နိုင်ငံကိုသွားခဲ့တာ။ ဘွဲ့လွန်သင်တန်းတက်ဖို့ လျှောက်လွှာတင်တဲ့အခါ စောစောကလုပ်ခဲ့တဲ့ပညာရေးပြုပြင်ပြောင်းလဲမှုကြောင့် ဒုက္ခရောက်တော့တာပဲ။ ကျွန်တော်ရထားတဲ့ဘွဲ့က ၀ါဏိဇ္ဇ၀ိဇ္ဇာယူတဲ့ကျောင်းက စီးပွားရေးတက္ကသိုလ် မြန်မာလိုခေါ်တော့ဟုတ်နေ တာပဲ။ ဒါပေမဲ့ အင်္ဂလိပ်လိုကတော့ Institute of Economics ဖြစ်နေတာမို့ အင်္ဂလန်ကျောင်းတွေက အသိအမှတ်မပြုဘူး။ Institute ဆိုတာက University မဟုတ်ဘူးလေ။ ကျွန်တော်အမျိုးမျိုးရှင်းပြပေမဲ့ မရခဲ့ဘူး။ ဒါနဲ့မဟာ သိပ္ပံဘွဲ့မတက်မီ ပထမနှစ် မှာ ဘွဲ့လွန်ဒီပလိုမာသင်တန်းကို တက်ခွင့်ပြုခဲ့တယ်။ အခေါ်အဝေါ်က Postgraduate Diploma in Management Studies (ဘွဲ့ လွန်စီမံခန့်ခွဲမှုဒီပလိုမာ)။ တက်ရတဲ့ကျောင်းကလည်း အင်္ဂလန်နိုင်ငံကတီထွင်ခဲ့တဲ့ Polytechnic အခုတော့ အင်္ဂလန်နိုင်ငံမှာ Polytechnic တွေကိုရုပ်သိမ်းလိုက်ပြီး University အဖြစ်ပြောင်းလဲခဲ့တယ်။ ဒီဘွဲ့လွန်ဒီပလိုမာသင်တန်းက တစ်နှစ်တက်ရတာ။ ကျွန်တော့်အဖို့က မခက်ခဲလှဘူး။ စာမေးပွဲစစ်တော့ ဘာသာစုံဂုဏ်ထူးနဲ့အောင်မြင်ခဲ့တယ်။ ဘွဲ့လွန်ဒီပလိုမာရပြီး မဟာသိပ္ပံဘွဲ့ ယူဖို့ အင်္ဂလန်နိုင်ငံအလယ်ပိုင်းမှာရှိတဲ့ Warwide တက္ကသိုလ်ကိုတက်ခဲ့တယ်။ ယူတဲ့ဘာသာခက်တယ်။ သင်္ချာသိပ်များတာ။ Operations Research (အသုံးချသုတေသန) ဘာသာအထူးပြုခဲ့တာ။ ဒီဘာသာကို ဒုတိယကမ္ဘာစစ်အတွင်း မဟာမိတ်တပ်တွေက အသုံးပြုခဲ့တယ်။ ရေငုပ်သဘောင်္ချေမှုန်းရေးအစီအစဉ်တွေမှာ သင်္ချာပုံစံငယ်တွေတည်ဆောက်ပြီး ဂျာမန်သင်္ဘောတွေကိုအောင်နိုင် ခဲ့တာ။ ဂျာမန်နိုင်ငံကို ဗုံးကြဲတဲ့အခါမှာလည်း ဒီဘာသာကိုအသုံးချပြီးတွက်ချက်ခဲ့တယ်။ စစ်အတွင်းကတီထွင်ခဲ့တဲ့ဘာသာကို စစ်အပြီးမှာ စီးပွာေးရးလုပ်ငန်းတွေကုန်ထုတ်လုပ်ရေးလုပ်ငန်းတွေမှာ အသုံးချခဲ့ရင်း စီမံခန့်ခွဲမှုပညာတစ်ရပ်အဖြစ်ရပ်တည်လာခဲ့ တယ်။ သင်္ချာတွေများတာမို့ အတော်ကြိုးစားရတယ်။
ကျွန်တော်က ပုံမှန်အားဖြင့်အတွက်အချက်ကို ၀ါသနာမပါလှဘူး။ ဒါပေမဲ့ အသုံးချသုတေသနမှာအတွေးအခေါ် အယူအဆ တွေမှာတော့ ကျွန်တော့်စိတ်နဲ့ကိုက်တယ်။ တစ်နှစ်ပြီးတဲ့အချိန် ကျွန်တော်လိုချင်လှတဲ့မဟာသိပ္ပံဘွဲ့ကို အသုံးချသုတေသန ဘာသာအထူးပြုနဲ့ ရခဲ့တယ်။ ဒီတုန်းက ကျွန်တော်နေတဲ့တက္ကသိုလ်မှာ အမ်ဘီအေဘွဲ့မပေးဘဲ မဟာသိပ္ပံဘွဲ့သာပေးတာ။ ဒါပေမဲ့ တစ်ကမ္ဘာလုံးမှာရှိတဲ့ အမ်ဘီအေသင်တန်းတက်သူတိုင်းဖြေရတဲ့ GMAT ကိုဟောပြောခဲ့ရတာ။ တစ်ခါက ကျွန်တော်ဆောင်းပါး တစ်ပုဒ်မှာရေးခဲ့သလို မြန်မာပြည်မှာတက်နေတဲ့ အမ်ဘီအေကျောင်းသားတွေ GMAT အစစ်ကို မဖြေခဲ့ဘဲမြန်မာမှုပြုထားတဲ့ GMAT ကိုသာဖြေကြတာ။ ဒါကြောင့်လည်း အခုလိုဖြေဆိုတဲ့ GMAT ရမှတ်တွေကိုအခြေခံပြီး နိုင်ငံခြားကပေးတဲ့ အမ်ဘီအေသင်တန်း တွေနဲ့နှိုင်းယှဉ်လို့မရဘဲဖြစ်နေတာ။ ပြဿနာကိုသိပေမဲ့ အဖြေကိုရှာချင်စိတ်မရှိတာမို့ မြန်မာမှုပြုထားတဲ့ GMAT နဲ့ပဲခရီးဆက် နေတာ။ ကျွန်တော့်သဘောကတော့ရဲရဲဝံ့ဝံ့ပဲ။ GMAT ဖြေခိုင်းပြီး ရမှတ်အပေါ်မူတည်ပြီးမိမိတို့ပေးတဲ့ဘွဲ့ရဲ့ အဆင့်အတန်းကို တခြားသင်တန်းတွေနဲ့ တန်းညှိနိုင်မှာ။ အခုတော့လည်း အဆင်ပြေသလိုလုပ်ချင်တဲ့စိတ်ကရှေ့တန်းတင်နေကြတာမို့ခက်နေတာ။
မဟာသိပ္ပံဘွဲ့ကို ၁၉၇၃ ခုနှစ်ကရပြီး ကျွန်တော်ပါရဂူဘွဲ့ယူဖို့ မန်ချက်စတာတက္ကသိုလ်မှာ တက်ရောက်ခဲ့တယ်။ ဒီတုန်းက မန်ချက်စတာတက္ကသိုလ်ကို သုံးပိုင်းခွဲထားတာ၊ တစ်ခုကပင်မတက္ကသိုလ်ဖြစ်ပြီး ဒုတိယက ကျွန်တော်တက်ရောက်ခဲ့တဲ့ သိပ္ပံနှင့်နည်းပညာတက္ကသိုလ်၊ တတိယတစ်ခုကတော့ စီးပွားရေးတက္ကသိုလ်တို့ဖြစ်တယ်။ ကျွန်တော်က ပါရဂူဘွဲ့အတွက် စီမံခန့်ခွဲမှု သိပ္ပံဘာသာကို အထူးပြုတာမို့ သိပ္ပံနည်းပညာတက္ကသိုလ်မှာတက်ခဲ့တာ၊ ပါရဂူဘွဲ့နဲ့ပတ်သက်ပြီး အင်္ဂလန်က ကျင့်သုံးတဲ့စနစ်နဲ့ အမေရိကန်ကကျင့်သုံးတဲ့ ပုံစံကမတူဘူး။ အမေရိကန်တက္ကသိုလ်တွေမှာ ပါရဂူဘွဲ့ယူရင် ယေဘုယျအားဖြင့် ပထမတစ်နှစ်ခွဲမှာ ဘာသာရပ်ဆိုင်ရာသင်တန်းတွေတက်ရတယ်။ ဒီသင်တန်းတွေပြီးမှ စာမေးပွဲဖြေရတယ်။ အခုလိုဖြေပြီးမှ ကျန်တဲ့တစ်နှစ်ခွဲလောက် မှာ သုတေသနလုပ်ငန်းတွေလုပ်ပြီး ကျမ်းကြီးသင်ရတယ်။ အလွယ်ပြောရရင် သုတေသနကတစ်ဖက်၊ အတန်းတက်ရတာကတစ် ဖက်ဖြစ်တယ်။ အင်္ဂလန်မှာတော့ ပါရဂူဘွဲ့စပြီးယူကတည်းက အတန်းတွေမတက်ရဘဲ သုတေသနအလုပ်ကို လုပ်ရတယ်။ သုတေ သနလုပ်ပြီးချိန်မှာ ကျမ်းကြီးပြုစုပြီး ပါရဂူဘွဲ့ရဖို့ မိမိပြုစုထားတဲ့ကျမ်းကြီးကို စာစစ်တဲ့ပါမောက္ခတွေ ရှေ့မှာအစစ်ခံပြီးမှရတာ။
ကျွန်တော်က ၁၉၇၃ ခုနှစ်ကနေ ၁၉၇၆ ခုနှစ်အထိ သုံးနှစ်တိုင်တိုင်စီမံခန့်ခွဲမှုသိပ္ပံဘာသာရပ်နဲ့ပတ်သက်ပြီး သုတေသနလုပ်ခဲ့ရတာ။ သုတေသနတွေဆောင်ရွက်ပြီးရလာတဲ့တွေ့ရှိချက်တွေကိုကြီးကြပ်တဲ့ပါမောက္ခကိုတင်ပြပြီး တင်ပြမှုအပေါ် အခြေခံပြီး ပါမောက္ခလုပ်သူကျေနပ်တဲ့အဆင့်ရောက်တဲ့အခါ သုတေသနတွေ့ရှိချက်တွေအပေါ်အခြေခံတဲ့ ပါရဂူကျမ်းကြီးကို ပြုစုခွင့်ပြုတာ။ ကျွန်တော်သုံးနှစ်တာသုတေသနလုပ်ငန်းများပြီးချိန်မှာပါမောက္ခလုပ်သူကကျမ်းကြီးပြုစုဖို့ခွင့်ပေးခဲ့တယ်။ ကျွန်တော် ကလည်း ပညာလောဘကြီးတာမို့စုစည်းထားတဲ့သုတေသနတွေ့ရှိချက်တွေကို ကျမ်းကြီးပြုစုရင်း နောက်ဆုံးစာမျက်နှာ ၆၀၀ ကျော်သွားခဲ့တာ။ တစ်နည်းပြောရင်လက်လွန်သွားတာ။ ကိုယ်ကသေချာချင်တော့ အခုလိုပဲအားထည့်ခဲ့ရတာ။ ကျမ်းကြီးပြုစုပြီး တော့ နှုတ်ဖြေစာမေးပွဲအတွက်ပြင်ဆင်ရပြန်တော့ ဒီနေရာမှာလည်း အင်္ဂလန်နဲ့အမေရိကန်မတူပြန်ဘူး။ နှုတ်ဖြေစာမေးပွဲအတွက် အမေရိကန်နိုင်ငံမှာပါမောက္ခခြောက်ယောက်လောက်ဖွဲ့စည်းထားတဲ့အဖွဲ့နဲ့ နှုတ်ဖြေကိုကျင်းပတာ။ အင်္ဂလန်မှာတော့ပါရဂူဘွဲ့ နှုတ်ဖြေစာမေးပွဲမှာပြင်ပစာစစ်သူနဲ့ကြီးကြပ်သူနှစ်မျိုးသာပါဝင်တယ်။ကျွန်တေ်ာ့ဘာသာရပ်နဲ့ပတ်သက်ပြီးကမ္ဘာကျော်ပါမောက္ခတစ်ဦးက Leeds တက္ကသိုလ်မှာရှိတာမို့ ကျမ်းကြီးကိုသူ့ထံကျွန်တော်ကိုယ်တိုင်ပို့ခဲ့ရတယ်။ သူက ကျွန်တော့်သုတေသနကျမ်းကြီး ကိုကြည့်ပြီး အချိန်တစ်လပေးဖို့တောင်းဆိုခဲ့တယ်။
တစ်လပြည့်လို့ နှုတ်ဖြေစာမေးပွဲလုပ်ခဲ့တဲ့အခါ ကျွန်တော်ရဲ့ကြီးကြပ်သူက ငါအခုစာစစ်တာဝန်ယူထားတာ။ မင်းရဲ့ ကြီးကြပ်သူမဟုတ်ဘူးလို့ပြောတယ်။ ပြင်ပစာစစ်သူကတော့ မင်းကျမ်းကြီးနဲ့ ပတ်သက်လို့ ငါ့မှာမေးစရာမရှိဘူး။ မြန်မာပြည်ပြန်ရင် ဘာလုပ်မယ်လို့ စဉ်းစားသလဲဆိုပြီး နှုတ်ဖြေစာမေးပွဲမဟုတ်တော့ဘဲ စကားဝိုင်းလိုဖြစ်ခဲ့တယ်။ ကျွန်တော်အခုလိုနှုတ်ဖြေစာမေးပွဲ စစ်တာကို သတင်းစာထဲမှာကြော်ငြာထည့်တယ်။ အဓိပ္ပာယ်ကစိတ်ဝင်စားတဲ့သူတိုင်း ဒီစာမေးပွဲမှာလေ့လာသူအဖြစ်တက်ခွင့်ရှိ တယ်။ များသောအားဖြင့် ပါရဂူသုတေသနလုပ်နေကြတဲ့သူတွေက အတွေ့အကြုံရအောင် လာတက်ကြတာဖြစ်ပါတယ်။
ပါရဂူဘွဲ့နှင့် ပတ်သက်ပြီး မြန်မာပြည်မှာအဓိပ္ပာယ်အယူအဆ နားလည်မှုတွေလွဲနေတာတွေ့ရပါတယ်။ ပါရဂူဘွဲ့ရသူတွေကို ယေဘုယျအားဖြင့်ဒေါက်တာလို့ခေါ်ဝေါ်ကြပါတယ်။ ဒီဒေါက်တာဘွဲ့ရဖို့ သုတေသနကျမ်းကြီးတစ်စောင်ပြု စုပြီးမှ ရတာဖြစ်တယ်။ ဖြတ်လမ်းနည်းမရှိဘူး။ ကျမ်းကြီးမရေးဘဲ ဒေါက်တာဘွဲ့ကိုသုံးစွဲနေကြတဲ့သူတွေဟာ မရိုးသားကြဘူး။ အခုဆိုရင် ဟိုကဒေါက်တာ၊ ဒီလူကဒေါက်တာ အသေအချာစိစစ်ကြည့်ရင် အတုအယောင်တွေဘ၀အတွေ့အကြုံပေါ်အခြေခံပြီး ဒေါက်တာဘွဲ့ရတယ်ဆိုတာမဖြစ်နိုင်ဘူး။
ဒေါက်တာဆိုလိ်ု့အထင်ကြီးပြီး မရိုးသားတဲ့နည်းနဲ့ရယူခဲ့သူတွေကို ထုတ်ဖော်ခဲ့ပြီး အရှက်ခွဲကြတာဖတ်လိုက်ရ တယ်။ ကျွန်တော်တို့ မြန်မာနိုင်ငံမှာ အခုလိုလုပ်တာမတွေ့ရသေးဘူး။ ဒီလိုလုပ်တဲ့အတွက် အုတ်အရောရော၊ ကျောက်အရောရော ဖြစ်နေတယ်။ ဒါကြောင့်လည်း အပင်ပန်းခံပြီးရထားတဲ့ပါရဂူဘွဲ့ကို သူများနည်းတူရထားသလို အထင်ခံရမှာစိတ်ပူတာပါပဲ။ ကျွန်တော်ပါရဂူဘွဲ့ကို ၁၉၇၇ မှာ ရရှိခဲ့ပြီး မြန်မာပြည်ကိုပြန်လာခဲ့ပါတယ်။ ပါရဂူဘွဲ့ရတာဟာ ပညာရေးလမ်းခရီးအဆုံးမဟုတ်ဘဲ အစသာဖြစ်ပါတယ်။ ဒါကြောင့် ကျွန်တော်သုတေသနလုပ်ငန်းတွေမျိုးစုံလုပ်ခဲ့တယ်။ စာတမ်းတွေပြုစုပြီး သုတေသနညီလာခံတွေ မှာ ဖတ်ကြားခဲ့တယ်။ သုတေသနကို အမြဲမပြတ်ဆောင်ရွက်ခဲ့တယ်။ အခုဆို ၁၀ နှစ်နီးပါးဆောင်ရွက်ခဲ့ပြီး ၁၉၈၆ ခုနှစ်မှာတော့ဘွဲ့ လွန်ပါရဂူဘွဲ့ယူဖို့ ဟိုတုန်းက အနောက်ဂျာမနီလို့ခေါ်တဲ့ နိုင်ငံကိုသွားရောက်ခဲ့တယ်။ ပါရဂူဘွဲ့လွန်ကို လူတွေကသိပ်မသိကြဘူး။ ပါရဂူဘွဲ့ကို ပညာရေးလမ်းရဲ့ အထွတ်အထိပ်လို့ထင်နေကြတာ။ အမှန်တော့ ပါရဂူဘွဲ့ပြီးရင် ပါရဂူဘွဲ့လွန်ဆိုတာရှိသေးတယ်။ ကျွန်တော်က ဒီပါရဂူဘွဲ့လွန်ကို ရယူဖို့အတွက် အခက်အခဲအမျိုးမျိုးကြုံခဲ့ရတယ်။ ရင်ဆိုင်ခဲ့ရတယ်။ ဒါပေမဲ့ ကျွန်တော်က ခေါင်းမာတယ်။ အလျှော့မပေးဘူး။ ရအောင်ဆက်လုပ်တယ်။ ဒါနဲ့ ကျွန်တော်သွားခွင့်ရခဲ့တယ်။ ဂျာမနီနိုင်ငံ Marburg တက္ကသိုလ် သုတေသနလုပ်ငန်းကို သုံးနှစ်နီးပါးလုပ်ခဲ့ပါတယ်။
ဥရောပနိုင်ငံတွေမှာ အင်္ဂလန်နဲ့ အမေရိကန်နိုင်ငံပညာရေးစနစ်နဲ့ မတူညီတာတစ်ခုရှိတယ်။ ဒါကပါရဂူဘွဲ့နှစ်ဆင့် ရှိတယ်။ ပထမအဆင့်ကရိုးရိုးပါရဂူဘွဲ့ဖြစ်ပြီး ဒုတိယအဆင့်က Dr. Habil လို့ခေါ်တဲ့တက္ကသိုလ်တွေမှာ ဆရာအဖြစ်ဆောင်ရွက်မယ့် သူတွေထပ်ယူတဲ့ဘွဲ့၊ ကျွန်တော်က ဒီဘွဲ့ကိုယူဖို့စဉ်းစားခဲ့သေးတယ်။ ဒါပေမဲ့ ဒီဘွဲ့ဟာ ဂျာမနီနိုင်ငံမှာ အလုပ်လုပ်မှသင့်တော်မှာမို့ လက်လျှော့လိုက်ရတယ်။ ကျွန်တော်လုပ်တဲ့သုတေသနတွေ့ရှိချက်တွေစုစည်းပြီး နာမည်ကြီး Heidelberg တက္ကသိုလ်ကနေ စာအုပ်တစ်အုပ်ရေးသားပြုစုခဲ့တယ်။ အခုနောက်ဆုံးရတဲ့ ဂုဏ်ထူးဆောင်ပါရဂူဘွဲ့ကတော့ ကျွန်တော့်ဘ၀တစ်လျှောက်လုံး ဆောင်ရွက်ချက်တွေကို အသိအမှတ်ပြုပေးတဲ့ပါရဂူဘွဲ့ဖြစ်ပါတယ်။ အတိုကောက် D.Litt ဘွဲ့ဖြစ်တယ်။ ကျွန်တော်အားကျတဲ့ ဆရာကြီးတွေအနက် သမိုင်းပညာရှင်ကြီးဒေါက်တာသန်းထွန်းဟာ လန်ဒန်တက္ကသိုလ်က D.Litt ဘွဲ့ကိုရခဲ့တာ။
ကျွန်တော့်ရဲ့ပညာရေးခရီးရှည်ကြီးကမဆုံးသေးပါဘူး။ အသက်ရှိနေသရွေ့လေ့လာမှတ်သားပြီးကြိုးစားနေမှာသာဖြစ်ပါ တယ်။

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့ စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အခြားကဏ္ဍများကို လေ့လာရန်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...