နော်လွီဇာဘင်ဆင် ကွယ်လွန် ( ၃ ) နှစ်ကျော်သွားပြီနော်။

Aung Tun shared Tin Tun Aung's photo.

( Thursday, 04 February 2010 )
နော်လွီဇာဘင်ဆင်....
၅ ပေ၊ ၆ လက်မ.....
၃၆၊ ၂၂၊ ၃၈ .....

မည်သူမဆို...ရှယ်နိုင်ပါတယ် ။
သမိုင်းမှတ်တမ်းအဖြစ်တင်ပြခြင်းသာဖြစ်ပါတယ်။

မြန်မာ့ ဒီမိုကရေစီ အရေးနှင့် တိုင်းရင်းသားများ အရေးကို တက်ကြွစွာ ဆောင်ရွက်ခဲ့သည့် ကရင်တိုင်းရင်းသူ နော်လွီဇာ ဘင်ဆင်သည် ဦးနှောက် ကင်ဆာ ရောဂါဖြင့် အမေရိကန် နိုင်ငံ၊ ကယ်လီဖိုးနီးယား ပြည်နယ်တွင် အင်္ဂါနေ့က ကွယ်လွန်သွားသည်။ ကွယ်လွန်ချိန်တွင် အသက် ၆၉ နှစ် ရှိပြီ ဖြစ်သည်။
ရန်ကုန်ဇာတိ နော်လွီဇာ ဘင်ဆင်သည် ၁၉၅၆ ခုနှစ်မှ စတင်၍ မယ်ဗမာဘွဲ့ နှစ်ကြိမ် ရခဲ့ပြီး ရုပ်ရှင် လောကသို့ ၀င်ရောက်ခဲ့သည်။
ရန်ကုန် တက္ကသိုလ်မှ ဘွဲ့ရရှိခဲ့ပြီးနောက် အမေရိကန် ပြည်ထောင်စု ဘော်စတွန် တက္ကသိုလ်တွင် ပညာ ဆက်လက် ဆည်းပူးခဲ့သည်။

ဖခင်သည် ရန်ကုန်မြို့၊ မရမ်းကုန်း မြို့နယ် ရှစ်မိုင် သမိုင်းလမ်းဆုံတွင် နေထိုင်ခဲ့သည့် ပေါ်တူဂီ ဂျူးလူမျိုး မစ္စတာ ဘင်ဆင် ဖြစ်ပြီး၊ မိခင်မှာ ပဲခူးတိုင်း သာယာဝတီခရိုင်မှ ကရင် အမျိုးသမီးတဦး ဖြစ်သည်။ နော်လွီဇာ ဘင်ဆင်တွင် ညီမ ၂ ဦး ရှိကြောင်း၊ ရန်ကုန်တွင် ၎င်းနေထိုင်သည့် ခြံကြီးသည် စောဘင်ဆင်ခြံဟု ပြည်တွင်းစစ် ကာလတွင် နာမည်ကြီး ခဲ့ကြောင်း၊ ဂွတ္တလစ်တွင်လည်း ခြံမြေ အများအပြား ပိုင်ဆိုင်ကြောင်း သိရသည်။

“ဟိုတုန်းကတော့ အရမ်း ချောတဲ့သူပေါ့။ ဗိုလ်ချုပ်ကြီး နေ၀င်းကတောင် ငပလီ ကမ်းခြေကို ဖိတ်ခဲ့တာလေ” ဟု ၎င်းနှင့် သိကျွမ်းသည့် ရန်ကုန်မြို့မှ သင်းအုပ်ဆရာ ဦးမောင်မောင်လှက ပြောသည်။

နော်လွီဇာဘင်ဆင်သည် ကရင် အမျိုးသား အစည်းအရုံး (KNU)၏ အမှတ် ၅ တပ်မဟာမှူး ဗိုလ်လင်းထင် နှင့် လက်ထပ်ခဲ့သည်။ ၁၉၆၁ ခုနှစ်က ထိုင်းနိုင်ငံ မဲဆောက်မြို့ကို ၀င်ရောက်တိုက်ခိုက်ခဲ့သူ ခင်ပွန်းသည် ဗိုလ်လင်းထင်သည် ပြည်တွင်းငြိမ်းချမ်းရေး ဆွေးနွေးပွဲ အပြီး ၁၉၆၄ ခုနှစ်တွင် လက်နက်ချခဲ့ပြီး ပြန်လည် လက်နက်ကိုင် တောခိုရန် ကြိုးစားမှုဖြင့် သတ်ဖြတ်ခံခဲ့ရသည်။

နော်လွီဇာဘင်ဆင်သည် မကွယ်လွန်မီက ၀ါရှင်တန်အခြေစိုက် မြန်မာ့အရေး လှုပ်ရှားနေသည့် US Campaign for Burma ၏ အဖွဲ့ဝင်တဦး အဖြစ် ဆောင်ရွက်ခဲ့ကြောင်း၊ ကရင်လူမျိုးများ အရေးကိုလည်း တက်ကြွစွာ ဆောင်ရွက်သူဖြစ်ကြောင်း၊ အမေရိကန်တွင် အခြေချသည့် ကရင်လူမျိုးများကို ကူညီသူ ဂုဏ်ယူဖွယ် အမျိုးသမီးကြီးတဦး ဖြစ်ကြောင်း KNUအထွေထွေအတွင်းရေးမှူး နော်စီဖိုးရာစိန် က ပြောသည်။

နော်လွီဇာဘင်ဆင်တွင် သားသမီးသုံးဦး ကျန်ရစ်ခဲ့ကြောင်း သိရသည်။